Drona Routs the Panchalas

Verse 1 (7.21.1)

ततो युधिष्ठिरो द्रोणं दृष्ट्वान्तिकमुपागतम् । महता शरवर्षेण प्रत्यगृह्णादभीतवत् ॥

tato yudhiṣṭhiro droṇaṃ dṛṣṭvāntikamupāgatam | mahatā śaravarṣeṇa pratyagṛhṇādabhītavat

Then Yudhishthira, seeing Drona come near, received him fearlessly with a great shower of arrows.

Verse 2 (7.21.2)

ततो हलहलाशब्द आसीद्यौधिष्ठिरे बले । जिघृक्षति महासिंहे गजानामिव यूथपम् ॥

tato halahalāśabda āsīdyaudhiṣṭhire bale | jighṛkṣati mahāsiṃhe gajānāmiva yūthapam

Then a great uproar arose in Yudhishthira's army, as the great lion sought to seize him, like a lion seizing the leader of a herd of elephants.

Verse 3 (7.21.3)

दृष्ट्वा द्रोणं ततः शूरः सत्यजित्सत्यविक्रमः । युधिष्ठिरमभिप्रेप्सुराचार्यं समुपाद्रवत् ॥

dṛṣṭvā droṇaṃ tataḥ śūraḥ satyajitsatyavikramaḥ | yudhiṣṭhiramabhiprepsurācāryaṃ samupādravat

Seeing Drona, the hero Satyajit, true in valour, eager to protect Yudhishthira, rushed at the teacher.

Verse 4 (7.21.4)

तत आचार्यपाञ्चाल्यौ युयुधाते महाबलौ । विक्षोभयन्तौ तत्सैन्यमिन्द्रवैरोचनाविव ॥

tata ācāryapāñcālyau yuyudhāte mahābalau | vikṣobhayantau tatsainyamindravairocanāviva

Then the teacher and the Panchala, both of great strength, fought, shaking that army like Indra and the son of Virochana.

Verse 5 (7.21.5)

ततो द्रोणं महेष्वासः सत्यजित्सत्यविक्रमः । अविध्यन्निशिताग्रेण परमास्त्रं विदर्शयन् ॥

tato droṇaṃ maheṣvāsaḥ satyajitsatyavikramaḥ | avidhyanniśitāgreṇa paramāstraṃ vidarśayan

Then the great archer Satyajit, true in valour, showing his supreme skill with weapons, pierced Drona with a sharp-pointed arrow.

Note on the text: Not in the critical edition's constituted text (found in the vulgate recension); lines 1–2 of the star passage 7.20.4d*0146 (ten lines, after 7.20.4), which makes verses 5–9. Line 1 reads महेष्वासः where the critical edition reads maheṣvāsaṃ, and line 2 निशिताग्रेण where it reads niśitāgraiś ca (kept as variants).

Verse 6 (7.21.6)

तथास्य सारथेः पञ्च शरान्सर्पविषोपमान् । अमुञ्चदन्तकप्रख्यान्संमुमोहास्य सारथिः ॥

tathāsya sāratheḥ pañca śarānsarpaviṣopamān | amuñcadantakaprakhyānsaṃmumohāsya sārathiḥ

He loosed five arrows, like the poison of serpents and like Death himself, at Drona's charioteer, and the charioteer fainted.

Note on the text: Not in the critical edition's constituted text (found in the vulgate recension); lines 3–4 of the star passage 7.20.4d*0146 (see verse 5).

Verse 7 (7.21.7)

अथास्य सहसाऽविध्यद्धयान्दशभिराशुगैः । दशभिर्दशभिः क्रुद्ध उभौ च पार्ष्णिसारथी ॥

athāsya sahasā'vidhyaddhayāndaśabhirāśugaiḥ | daśabhirdaśabhiḥ kruddha ubhau ca pārṣṇisārathī

Then suddenly he struck Drona's horses with ten swift arrows, and in anger he struck each of the two rear-charioteers with ten.

Note on the text: Not in the critical edition's constituted text (found in the vulgate recension); lines 5–6 of the star passage 7.20.4d*0146 (see verse 5).

Verse 8 (7.21.8)

मण्डलं तु समावृत्य विचरन्पृतनामुखे । ध्वजं चिच्छेद च क्रुद्धो द्रोणस्यामित्रकर्षणः ॥

maṇḍalaṃ tu samāvṛtya vicaranpṛtanāmukhe | dhvajaṃ ciccheda ca kruddho droṇasyāmitrakarṣaṇaḥ

Wheeling in a circle and ranging at the front of the army, the destroyer of his enemies cut down Drona's banner in his anger.

Note on the text: Not in the critical edition's constituted text (found in the vulgate recension); lines 7–8 of the star passage 7.20.4d*0146 (see verse 5). It reads विचरन् and चिच्छेद where the critical edition reads vyacarat and ciccheda (kept as variants).

Verse 9 (7.21.9)

द्रोणस्तु तत्समालोक्य चरितं तस्य संयुगे । मनसा चिन्तयामास प्राप्तकालमरिन्दमः ॥

droṇastu tatsamālokya caritaṃ tasya saṃyuge | manasā cintayāmāsa prāptakālamarindamaḥ

Drona, watching what he did in the battle, thought in his mind that the time had come, tamer of foes that he was.

Note on the text: Not in the critical edition's constituted text (found in the vulgate recension); lines 9–10 of the star passage 7.20.4d*0146 (see verse 5).

Verse 10 (7.21.10)

ततः सत्यजितं तीक्ष्णैर्दशभिर्मर्मभेदिभिः । अविध्यच्छीघ्रमाचार्यश्छित्त्वाऽस्य सशरं धनुः ॥

tataḥ satyajitaṃ tīkṣṇairdaśabhirmarmabhedibhiḥ | avidhyacchīghramācāryaśchittvā'sya saśaraṃ dhanuḥ

Then the teacher quickly pierced Satyajit with ten sharp arrows that cut into vital parts, and cut his bow, with the arrow fitted to it.

Note on the text: Corrected मर्मभेदभिः → मर्मभेदिभिः (misprint in Wikisource; broken vowel sign; the critical edition reads marmabhedibhiḥ). The critical edition's star line 7.20.5d*0147_01 is not on the page and was not added.

Verse 11 (7.21.11)

स शीघ्रतरमादाय धनुरन्यत्प्रतापवान् । द्रोणमभ्यहनद्राजंस्त्रिंशता कङ्कपत्रिभिः ॥

sa śīghrataramādāya dhanuranyatpratāpavān | droṇamabhyahanadrājaṃstriṃśatā kaṅkapatribhiḥ

The mighty Satyajit swiftly took up another bow and struck Drona, O king, with thirty heron-feathered arrows.

Note on the text: Corrected द्रोणमब्यहनद् → द्रोणमभ्यहनद् (misprint in Wikisource; ब्य for भ्य; the verb is abhyahanat). The page reads द्रोणमभ्यहनद्राजंस्त्रिंशता where the critical edition reads droṇaṃ so 'bhijaghānāśu viṃśadbhiḥ (kept as a variant: "thirty" for "twenty").

Verse 12 (7.21.12)

दृष्ट्वा सत्यजिता द्रोणं ग्रस्यमानमिवाहवे । वृकः शरशतैस्तीक्ष्णैः पाञ्चाल्यो द्रोणमार्दयत् ॥

dṛṣṭvā satyajitā droṇaṃ grasyamānamivāhave | vṛkaḥ śaraśataistīkṣṇaiḥ pāñcālyo droṇamārdayat

Seeing Drona being swallowed up, as it were, by Satyajit in the battle, Vrika the Panchala afflicted Drona with hundreds of sharp arrows.

Verse 13 (7.21.13)

सञ्छाद्यमानं समरे द्रोणं दृष्ट्वा महारथम् । चुक्रुशुः पाण्डवा राजन्वस्त्राणि दुधुवुश्च ह ॥

sañchādyamānaṃ samare droṇaṃ dṛṣṭvā mahāratham | cukruśuḥ pāṇḍavā rājanvastrāṇi dudhuvuśca ha

Seeing the great chariot-warrior Drona covered over in the battle, the Pandavas shouted, O king, and waved their garments.

Verse 14 (7.21.14)

वृकस्तु परमक्रुद्धो द्रोणं षष्ट्या स्तनान्तरे । विव्याध बलवान्राजंस्तदद्भुतमिवाभवत् ॥

vṛkastu paramakruddho droṇaṃ ṣaṣṭyā stanāntare | vivyādha balavānrājaṃstadadbhutamivābhavat

Vrika, extremely angry, struck Drona in the chest with sixty arrows, O king, and it seemed a marvel.

Verse 15 (7.21.15)

द्रोणस्तु शरवर्षेण च्छाद्यमानो महारथः । वेगं चक्रे महावेगः क्रोधादुद्वृत्य चक्षुषी ॥

droṇastu śaravarṣeṇa cchādyamāno mahārathaḥ | vegaṃ cakre mahāvegaḥ krodhādudvṛtya cakṣuṣī

Drona, the great chariot-warrior, being covered by the shower of arrows, put forth great speed, rolling up his eyes in anger.

Verse 16 (7.21.16)

ततः सत्यजितश्चापं छित्त्वा द्रोणो वृकस्य च । षड्भिः ससूतं सहयं शरैर्द्रोणोऽवधीद्वृकम् ॥

tataḥ satyajitaścāpaṃ chittvā droṇo vṛkasya ca | ṣaḍbhiḥ sasūtaṃ sahayaṃ śarairdroṇo'vadhīdvṛkam

Then Drona cut the bows of Satyajit and of Vrika, and with six arrows killed Vrika along with his charioteer and horses.

Verse 17 (7.21.17)

अथान्यद्धनुरादाय सत्यजिद्वेगवत्तरम् । साश्वं ससूतं विशिखैर्द्रोणं विव्याध सध्वजम् ॥

athānyaddhanurādāya satyajidvegavattaram | sāśvaṃ sasūtaṃ viśikhairdroṇaṃ vivyādha sadhvajam

Then Satyajit, taking another bow, swifter than the first, pierced Drona with arrows, together with his horses, charioteer and banner.

Verse 18 (7.21.18)

स तन्न ममृषे द्रोणः पाञ्चाल्येनार्दितो मृधे । ततस्तस्य विनाशाय सत्वरं व्यसृजच्छरान् ॥

sa tanna mamṛṣe droṇaḥ pāñcālyenārdito mṛdhe | tatastasya vināśāya satvaraṃ vyasṛjaccharān

Drona could not endure it, harassed as he was by the Panchala in the battle; so, for Satyajit's destruction, he swiftly loosed his arrows.

Verse 19 (7.21.19)

हयान्ध्वजं धनुर्मुष्टिमुभौ च पार्ष्णिसारथी । अवाकिरत्ततो द्रोणः शरवर्षैः सहस्रशः ॥

hayāndhvajaṃ dhanurmuṣṭimubhau ca pārṣṇisārathī | avākirattato droṇaḥ śaravarṣaiḥ sahasraśaḥ

Then Drona covered Satyajit's horses, banner, bow, the grip of his bow and his two rear-charioteers with thousands of showers of arrows.

Verse 20 (7.21.20)

तथा सञ्छिद्यमानेषु कार्मुकेषु पुनःपुनः । पाञ्चाल्यः परमास्त्रज्ञः शोणाश्वं समयोधयत् ॥

tathā sañchidyamāneṣu kārmukeṣu punaḥpunaḥ | pāñcālyaḥ paramāstrajñaḥ śoṇāśvaṃ samayodhayat

As their bows were cut again and again, the Panchala, skilled in the finest weapons, went on fighting Drona of the red horses.

Note on the text: The critical edition's star lines 7.20.15d*0148_01–02 are not on the page and were not added.

Verse 21 (7.21.21)

स सत्यजितमालोक्य तथोदीर्णं महाहवे । अर्धचन्द्रेण चिच्छेद शिरस्तस्य महात्मनः ॥

sa satyajitamālokya tathodīrṇaṃ mahāhave | ardhacandreṇa ciccheda śirastasya mahātmanaḥ

Seeing Satyajit swollen with fury in that great battle, Drona cut off the great-souled man's head with a crescent-headed arrow.

Note on the text: The critical edition's star lines 7.20.16b*0149_01–02 are not on the page and were not added.

Verse 22 (7.21.22)

तस्मिन्हते महामात्रे पाञ्चालानां महारथे । अपायाज्जवनैरश्वैर्द्रोणात्त्रस्तो युधिष्ठिरः ॥

tasminhate mahāmātre pāñcālānāṃ mahārathe | apāyājjavanairaśvairdroṇāttrasto yudhiṣṭhiraḥ

When that great chariot-warrior of the Panchalas, their great officer, was slain, Yudhishthira, terrified of Drona, fled on swift horses.

Verse 23 (7.21.23)

पाञ्चालाः केकया मात्स्याश्चेदिकारूशकोसलाः । युधिष्ठिरमभीप्सन्तो दृष्ट्वा द्रोणमुपाद्रवन् ॥

pāñcālāḥ kekayā mātsyāścedikārūśakosalāḥ | yudhiṣṭhiramabhīpsanto dṛṣṭvā droṇamupādravan

The Panchalas, Kekayas, Matsyas, Chedis, Karushas and Kosalas, eager to protect Yudhishthira, rushed at Drona when they saw him.

Note on the text: करूश/कारूश are kept as printed (the critical edition spells the people कारूष, kārūṣa); verse 29 has the same spelling.

Verse 24 (7.21.24)

ततो युधिष्ठिरं प्रेप्सुराचार्यः शत्रुपूगहा । व्यधमत्तान्यनीकानि तूलराशिमिवानलः ॥

tato yudhiṣṭhiraṃ prepsurācāryaḥ śatrupūgahā | vyadhamattānyanīkāni tūlarāśimivānalaḥ

Then the teacher, slayer of hosts of foes, wishing to seize Yudhishthira, scattered those forces as fire scatters a heap of cotton.

Verse 25 (7.21.25)

निर्दहन्तमनीकानि तानि तानि पुनःपुनः । द्रोणं मत्स्यादवरजः शतानीकोऽभ्यवर्तत ॥

nirdahantamanīkāni tāni tāni punaḥpunaḥ | droṇaṃ matsyādavarajaḥ śatānīko'bhyavartata

As he burned those forces again and again, Shatanika, the younger brother of the Matsya king, advanced against Drona.

Verse 26 (7.21.26)

सूर्यरश्मिप्रतीकाशैः कर्मारपरिमार्जितैः । षड्भिः ससूतं सहयं द्रोणं विद्ध्वाऽनदद्भृशम् ॥

sūryaraśmipratīkāśaiḥ karmāraparimārjitaiḥ | ṣaḍbhiḥ sasūtaṃ sahayaṃ droṇaṃ viddhvā'nadadbhṛśam

With six arrows bright as sun-rays, polished by the smith, he struck Drona along with his horses and charioteer and roared loudly.

Verse 27 (7.21.27)

क्रूराय कर्मणे युक्तश्चिकीर्षुः कर्म दुष्करम् । अवाकिरच्छरशतैर्भारद्वाजं महारथम् ॥

krūrāya karmaṇe yuktaścikīrṣuḥ karma duṣkaram | avākiraccharaśatairbhāradvājaṃ mahāratham

Set on a cruel deed, wishing to do what was hard to do, he showered Drona, the great chariot-warrior, with hundreds of arrows.

Note on the text: Not in the critical edition's constituted text (found in the vulgate recension); the star passage 7.20.21d*0150_01–02 (two lines, after 7.20.21).

Verse 28 (7.21.28)

तस्य नानदतो द्रोणः शिरः कायात्सकुण्डलम् । क्षुरेणापाहरत्तूर्णं ततो मत्स्याः प्रदुद्रुवुः ॥

tasya nānadato droṇaḥ śiraḥ kāyātsakuṇḍalam | kṣureṇāpāharattūrṇaṃ tato matsyāḥ pradudruvuḥ

As he roared, Drona swiftly cut his head, with its earrings, from his body with a razor-headed arrow, and then the Matsyas fled.

Note on the text: Corrected क्षुरेणापाहरत्तुर्णं → क्षुरेणापाहरत्तूर्णं (misprint in Wikisource; short u for ū; the critical edition reads tūrṇaṃ).

Verse 29 (7.21.29)

मत्स्याञ्जित्वाऽजयच्चेदीन्करूशान्केकयानपि । पाञ्चालान्सृञ्जयान्पाण्डून्भारद्वाजः पुनःपुनः ॥

matsyāñjitvā'jayaccedīnkarūśānkekayānapi | pāñcālānsṛñjayānpāṇḍūnbhāradvājaḥ punaḥpunaḥ

Bharadvaja's son defeated the Matsyas, the Chedis, the Karushas and the Kekayas, and again and again the Panchalas, Srinjayas and Pandavas.

Verse 30 (7.21.30)

तं दहन्तमनीकानि क्रुद्धमग्निं यथा वनम् । दृष्ट्वा रुक्मरथं वीरं समकम्पन्त सृञ्जयाः ॥

taṃ dahantamanīkāni kruddhamagniṃ yathā vanam | dṛṣṭvā rukmarathaṃ vīraṃ samakampanta sṛñjayāḥ

Seeing that golden-chariot hero burning the forces like an angry fire in a forest, the Srinjayas trembled.

Verse 31 (7.21.31)

उभाभ्यां सन्दधानस्य धनुरस्याशुकारिणः । ज्याघोषो निघ्नतोऽमित्रान्दिक्षुसर्वासु शुश्रुवे ॥

ubhābhyāṃ sandadhānasya dhanurasyāśukāriṇaḥ | jyāghoṣo nighnato'mitrāndikṣusarvāsu śuśruve

As that swift archer drew his bow with both hands, the twang of his bowstring, as he struck down his enemies, was heard in all directions.

Note on the text: Line 1 reads उभाभ्यां सन्दधानस्य where the critical edition reads uttamaṃ hy ādadhānasya (kept as a variant).

Verse 32 (7.21.32)

नागानश्वान्पदातींश्च रथिनो गजसादिनः । रौद्रा हस्तवता मुक्ताः प्रमथ्नन्ति स्म सायकाः ॥

nāgānaśvānpadātīṃśca rathino gajasādinaḥ | raudrā hastavatā muktāḥ pramathnanti sma sāyakāḥ

Fierce arrows loosed by that skilled hand crushed elephants, horses, foot soldiers, chariot-warriors and elephant-riders.

Verse 33 (7.21.33)

नानद्यमानः पर्जन्यो मिश्रवातो हिमात्यये । अश्मवर्षमिवावर्षन्परेषां भयमादधत् ॥

nānadyamānaḥ parjanyo miśravāto himātyaye | aśmavarṣamivāvarṣanpareṣāṃ bhayamādadhat

Like a roaring cloud mixed with wind at the end of winter, raining a rain of hail, he spread fear among his enemies.

Verse 34 (7.21.34)

सर्वा दिशः समचरत्सैन्यं विक्षोभयन्निव । बली शूरो महेष्वासो मित्राणामभयङ्करः ॥

sarvā diśaḥ samacaratsainyaṃ vikṣobhayanniva | balī śūro maheṣvāso mitrāṇāmabhayaṅkaraḥ

He moved in all directions, as if shaking the army, strong, heroic, a great archer, a giver of fearlessness to his friends.

Verse 35 (7.21.35)

तस्य विद्युदिवाभ्रेषु चापं हेमपरिष्कृतम् । दिक्षु सर्वासु पश्यामो द्रोणस्यामिततेजसः ॥

tasya vidyudivābhreṣu cāpaṃ hemapariṣkṛtam | dikṣu sarvāsu paśyāmo droṇasyāmitatejasaḥ

In every direction we saw the golden-adorned bow of Drona of immeasurable splendour, like lightning among the clouds.

Verse 36 (7.21.36)

शोभमानां ध्वजे चास्य वेदीमद्राक्ष्म भारत । हिमवच्छिखराकारां चरतः संयुगे भृशम् ॥

śobhamānāṃ dhvaje cāsya vedīmadrākṣma bhārata | himavacchikharākārāṃ carataḥ saṃyuge bhṛśam

And on his banner, O Bharata, we saw the altar shining, shaped like a peak of the Himalaya, as he ranged fiercely in the battle.

Note on the text: Corrected वेदीमद्राक्ष्य → वेदीमद्राक्ष्म (misprint in Wikisource; ष्य for ष्म; the critical edition reads adrākṣma); हिमवच्छिखराकारं → हिमवच्छिखराकारां (misprint in Wikisource; dropped long ā so that the adjective agrees with वेदीम्; the critical edition reads -ākārāṃ). Not in the critical edition's constituted text (found in the vulgate recension); the star passage 7.20.29d*0151_01–02 (two lines, after 7.20.29).

Verse 37 (7.21.37)

द्रोणस्तु पाण्डवानीके चकार कदनं महत् । यथा दैत्यगणे विष्णुः सुरासुरनमस्कृतः ॥

droṇastu pāṇḍavānīke cakāra kadanaṃ mahat | yathā daityagaṇe viṣṇuḥ surāsuranamaskṛtaḥ

Drona worked great slaughter in the Pandava army, like Vishnu among the host of Daityas, honoured by gods and asuras.

Verse 38 (7.21.38)

स शूरः सत्यवाक्प्राज्ञो बलवान्सत्यविक्रमः । महानुभावः कल्पान्ते रौद्रां भीरुविभीषणाम् ॥

sa śūraḥ satyavākprājño balavānsatyavikramaḥ | mahānubhāvaḥ kalpānte raudrāṃ bhīruvibhīṣaṇām

That hero, truthful and wise, strong and true in valour, of great majesty, set flowing there, as at the end of an age, a dreadful river that terrifies the timid,

Note on the text: Verses 38–45 form one sentence about the river Drona made flow (the critical edition's 7.20.31–37). Line 2 reads कल्पान्ते रौद्रां where the critical edition reads kālānte raudrīṃ (kept as a variant).

Verse 39 (7.21.39)

कवचोर्मिध्वजावर्तां मर्त्यकूलापहारिणीम् । गजवाजिमहाग्राहामसिमीनां दुरासदाम् ॥

kavacormidhvajāvartāṃ martyakūlāpahāriṇīm | gajavājimahāgrāhāmasimīnāṃ durāsadām

its waves armour and its whirlpools banners, sweeping away men who were its banks, its great crocodiles elephants and horses, its fish swords, hard to cross;

Verse 40 (7.21.40)

वीरास्थिशर्करां रौद्रां भेरीमुरजकच्छपाम् । चर्मवर्मप्लवां घोरां केशशैवलशाद्वलाम् ॥

vīrāsthiśarkarāṃ raudrāṃ bherīmurajakacchapām | carmavarmaplavāṃ ghorāṃ keśaśaivalaśādvalām

its gravel the bones of heroes, dreadful, its tortoises drums and tabors, its rafts shields and armour, terrible, its moss and grass hair;

Note on the text: Corrected वीरास्यिशर्करां → वीरास्थिशर्करां (misprint in Wikisource; य for थ; the critical edition reads vīrāsthiśarkarāṃ).

Verse 41 (7.21.41)

शरौघिणीं धनुःस्रोतां बाहुपन्नगसङ्कुलाम् । रणभूमिवहां तीव्रां कुरुसृञ्जयवाहिनीम् ॥

śaraughiṇīṃ dhanuḥsrotāṃ bāhupannagasaṅkulām | raṇabhūmivahāṃ tīvrāṃ kurusṛñjayavāhinīm

its flood arrows, its currents bows, swarming with snakes that were arms, its bed the battlefield, swift, bearing along the Kuru and Srinjaya armies;

Note on the text: Lines 1–2 are the first and second lines of the critical edition's 7.20.34. Wikisource divides the critical edition's eight lines 7.20.34–36 (3 + 2 + 3 lines) as couplets: verse 41 = lines 1–2 of 34; verse 42 = line 3 of 34 + line 1 of 35; verse 43 = line 2 of 35 + line 1 of 36; verse 44 = lines 2–3 of 36.

Verse 42 (7.21.42)

मनुष्यशीर्षपाषाणां शक्तिमीनां गदोडुपाम् । उष्णीषफेनवसनां विकीर्णान्त्रसरीसृपाम् ॥

manuṣyaśīrṣapāṣāṇāṃ śaktimīnāṃ gadoḍupām | uṣṇīṣaphenavasanāṃ vikīrṇāntrasarīsṛpām

its rocks the heads of men, its fish spears, its rafts maces, its foam and clothing turbans, its water-snakes scattered entrails;

Note on the text: Line 1 is the third line of the critical edition's 7.20.34 (manuṣyaśīrṣapāṣāṇāṃ …); line 2 is the first line of 7.20.35 (see verse 41).

Verse 43 (7.21.43)

वीरापहारिणीमुग्रां मांसशोणितकर्दमाम् । हस्तिग्राहां केतुवृक्षां क्षत्रियाणां निमज्जनीम् ॥

vīrāpahāriṇīmugrāṃ māṃsaśoṇitakardamām | hastigrāhāṃ ketuvṛkṣāṃ kṣatriyāṇāṃ nimajjanīm

carrying heroes away, fierce, its mud flesh and blood, its crocodile-like monsters elephants, its trees standards, a river that drowns kshatriyas;

Note on the text: Corrected मांसशोमितकर्दमाम् → मांसशोणितकर्दमाम् (misprint in Wikisource; म for ण; the critical edition reads māṃsaśoṇitakardamām). Line 1 is the second line of the critical edition's 7.20.35; line 2 is the first line of 7.20.36 (see verse 41).

Verse 44 (7.21.44)

क्रूरां शरीरसङ्घाटां सादिनक्रां दुरत्ययाम् । द्रोणः प्रावर्तयत्तत्र नदीमन्तकगामिनीम् ॥

krūrāṃ śarīrasaṅghāṭāṃ sādinakrāṃ duratyayām | droṇaḥ prāvartayattatra nadīmantakagāminīm

cruel, thick with heaps of bodies, its crocodiles horsemen, hard to cross: such a river Drona made flow there, a river leading to Death;

Note on the text: Line 1 is the second line of the critical edition's 7.20.36 and line 2 its third line (droṇaḥ prāvartayat tatra nadīm antakagāminīm) (see verse 41).

Verse 45 (7.21.45)

क्रव्यादगणसञ्जुष्टां श्वशृगालगणायुताम् । निषेवितां महारौद्रैः पिशिताशैः समन्ततः ॥

kravyādagaṇasañjuṣṭāṃ śvaśṛgālagaṇāyutām | niṣevitāṃ mahāraudraiḥ piśitāśaiḥ samantataḥ

crowded with troops of flesh-eaters, thick with packs of dogs and jackals, and frequented on every side by dreadful eaters of corpses.

Verse 46 (7.21.46)

तं दहन्तमनीकानि रथोदारं कृतान्तवत् । सर्वतोऽभ्यद्रवन्द्रोणं कुन्तीपुत्रपुरोगमाः ॥

taṃ dahantamanīkāni rathodāraṃ kṛtāntavat | sarvato'bhyadravandroṇaṃ kuntīputrapurogamāḥ

As he burned the forces like Death himself, a noble figure in his chariot, the Pandavas, led by Kunti's son, rushed at Drona from every side.

Verse 47 (7.21.47)

ते द्रोणं सहिताः शूराः सर्वतः प्रत्यवारयन् । गभस्तिभिरिवादित्यं तपन्तं भुवनं यथा ॥

te droṇaṃ sahitāḥ śūrāḥ sarvataḥ pratyavārayan | gabhastibhirivādityaṃ tapantaṃ bhuvanaṃ yathā

Those heroes together surrounded Drona on every side, as rays surround the sun when it scorches the world.

Note on the text: Not in the critical edition's constituted text (found in the vulgate recension); the star passage 7.20.38d*0152_01–02 (two lines, after 7.20.38).

Verse 48 (7.21.48)

तं तु शूरं महेष्वासं तावकाऽभ्युद्यतायुधाः । राजानो राजपुत्राश्च समन्तात्पर्यवारयन् ॥

taṃ tu śūraṃ maheṣvāsaṃ tāvakā'bhyudyatāyudhāḥ | rājāno rājaputrāśca samantātparyavārayan

And around that hero, the great archer, your kings and princes with weapons raised surrounded him on every side.

Verse 49 (7.21.49)

शिखण्डी तु ततो द्रोणं पञ्चभिर्नतपर्वभिः । क्षत्रवर्मा च विंशत्या वसुदानश्च पञ्चभिः ॥

śikhaṇḍī tu tato droṇaṃ pañcabhirnataparvabhiḥ | kṣatravarmā ca viṃśatyā vasudānaśca pañcabhiḥ

Shikhandi then struck Drona with five straight-jointed arrows, Kshatravarman with twenty, Vasudana with five,

Note on the text: Not in the critical edition's constituted text (found in the vulgate recension); lines 1–2 of the star passage 7.20.39d*0153 (six lines, after 7.20.39), which makes verses 49–51.

Verse 50 (7.21.50)

उत्तमौजास्त्रिभिर्बाणैः क्षत्रदेवश्च सप्तभिः । सात्यकिश्च शतेनाजौ युधामन्युस्तथाऽष्टभिः ॥

uttamaujāstribhirbāṇaiḥ kṣatradevaśca saptabhiḥ | sātyakiśca śatenājau yudhāmanyustathā'ṣṭabhiḥ

Uttamaujas with three arrows, Kshatradeva with seven, Satyaki with a hundred in that battle, and Yudhamanyu with eight.

Note on the text: Not in the critical edition's constituted text (found in the vulgate recension); lines 3–4 of the star passage 7.20.39d*0153 (see verse 49).

Verse 51 (7.21.51)

युधिष्ठिरो द्वादशभिर्द्रोणं विव्याध सायकैः । धृष्टद्युम्नश्च दशभिश्चेकितानस्त्रिभिः शरैः ॥

yudhiṣṭhiro dvādaśabhirdroṇaṃ vivyādha sāyakaiḥ | dhṛṣṭadyumnaśca daśabhiścekitānastribhiḥ śaraiḥ

Yudhishthira pierced Drona with twelve arrows, Dhrishtadyumna with ten, and Chekitana with three.

Note on the text: Not in the critical edition's constituted text (found in the vulgate recension); lines 5–6 of the star passage 7.20.39d*0153 (see verse 49).

Verse 52 (7.21.52)

ततो द्रोणः सत्यसन्धः प्रभिन्न इव कुञ्जरः । अभ्यतीत्य रथानीकं दृढसेनमपातयत् ॥

tato droṇaḥ satyasandhaḥ prabhinna iva kuñjaraḥ | abhyatītya rathānīkaṃ dṛḍhasenamapātayat

Then Drona, true to his resolve, like a rutting elephant, passed beyond the chariot-division and struck down Dridhasena.

Note on the text: Corrected स्थानीकं → रथानीकं (misprint in Wikisource; स्था for रथा, "sthānīka" is not a word; the critical edition reads rathānīkaṃ).

Verse 53 (7.21.53)

ततो राजानमासाद्य प्रहरन्तमभीतवत् । अविध्यन्नवभिः क्षेमं स हतःप्रापतद्रथात् ॥

tato rājānamāsādya praharantamabhītavat | avidhyannavabhiḥ kṣemaṃ sa hataḥprāpatadrathāt

Then, reaching King Kshema, who was attacking him fearlessly, he pierced him with nine arrows, and Kshema, slain, fell from his chariot.

Verse 54 (7.21.54)

स मध्यं प्राप्य सैन्यानां सर्वाः प्रविचरन्दिशः । त्राता ह्यभवदन्येषां न त्रातव्यः कथंचन ॥

sa madhyaṃ prāpya sainyānāṃ sarvāḥ pravicarandiśaḥ | trātā hyabhavadanyeṣāṃ na trātavyaḥ kathaṃcana

Entering the middle of the armies and ranging in all directions, he was the protector of others, and himself not to be protected by anyone.

Verse 55 (7.21.55)

शिखण्डिनं द्वादशभिर्विंशत्या चोत्तमौजसम् । वसुदानं च भल्लेन प्रैषयद्यमसादनम् ॥

śikhaṇḍinaṃ dvādaśabhirviṃśatyā cottamaujasam | vasudānaṃ ca bhallena praiṣayadyamasādanam

He pierced Shikhandi with twelve arrows and Uttamaujas with twenty, and sent Vasudana to Yama's abode with a broad arrow.

Verse 56 (7.21.56)

अशीत्या क्षत्रवर्माणं षड्विंशत्या सुदक्षिणम् । क्षत्रदेवं तु भल्लेन रथनीडादपातयत् ॥

aśītyā kṣatravarmāṇaṃ ṣaḍviṃśatyā sudakṣiṇam | kṣatradevaṃ tu bhallena rathanīḍādapātayat

He pierced Kshatravarman with eighty and Sudakshina with twenty-six, and with a broad arrow threw Kshatradeva from his chariot-seat.

Note on the text: Corrected रथनीडाडपातयत् → रथनीडादपातयत् (misprint in Wikisource; ड for द in the sandhi rathanīḍād apātayat).

Verse 57 (7.21.57)

युधामन्युं चतुःषष्ट्या त्रिंशता चैव सात्यकिम् । विद्ध्वा रुक्मरथस्तूर्णं युधिष्ठिरमुपाद्रवत् ॥

yudhāmanyuṃ catuḥṣaṣṭyā triṃśatā caiva sātyakim | viddhvā rukmarathastūrṇaṃ yudhiṣṭhiramupādravat

Having pierced Yudhamanyu with sixty-four arrows and Satyaki with thirty, the golden-chariot hero swiftly rushed at Yudhishthira.

Verse 58 (7.21.58)

ततो युधिष्ठिरः क्षिप्रं गुरुतो राजसत्तमः । अपायाञ्जवनैरश्वैः पाञ्चाल्यो द्रोणमभ्ययात् ॥

tato yudhiṣṭhiraḥ kṣipraṃ guruto rājasattamaḥ | apāyāñjavanairaśvaiḥ pāñcālyo droṇamabhyayāt

Then Yudhishthira, best of kings, quickly fled from his teacher on swift horses, and the Panchalya went against Drona.

Note on the text: Line 1 reads गुरुतो where the critical edition reads kitavo (kept as a variant: "from his teacher" for "the gambler"). Panchalya is a warrior's name (the page's own note: पाञ्चाल्यो नाम्ना).

Verse 59 (7.21.59)

तं द्रोणः सधनुष्कं तु साश्वयन्तारमक्षिणोत् । स हतः प्रापतद्भूमौ रथाज्ज्योतिरिवाम्बरात् । हत्वा तं विबभौ द्रोणः कुरुभिः परिवारितः ॥

taṃ droṇaḥ sadhanuṣkaṃ tu sāśvayantāramakṣiṇot | sa hataḥ prāpatadbhūmau rathājjyotirivāmbarāt | hatvā taṃ vibabhau droṇaḥ kurubhiḥ parivāritaḥ

Drona struck him down along with his bow, horses and charioteer, and he fell dead to the ground from his chariot like a star from the sky. Having slain him, Drona shone, surrounded by the Kurus.

Note on the text: Corrected साश्वयन्तारमाक्षिणोत् → साश्वयन्तारमक्षिणोत् (misprint in Wikisource; stray long ā; the critical edition reads sāśvayantāram akṣiṇot). Removed the stray wiki quote mark (`) at the start of line 3. Lines 1–2 are the critical edition's 7.20.47 (akṣiṇot where the page prints आक्षिणोत्); line 3 is its star line 7.20.47d*0154_01 (not in the constituted text), which the page prints within the verse.

Verse 60 (7.21.60)

वार्धक्षेमिस्तु वार्ष्णेयो द्रोणं विद्ध्वा शरोत्तमैः । नवभिश्च महीपालः पुनर्विव्याध पञ्चभिः ॥

vārdhakṣemistu vārṣṇeyo droṇaṃ viddhvā śarottamaiḥ | navabhiśca mahīpālaḥ punarvivyādha pañcabhiḥ

Vardhakshemi, the Vrishni, having struck Drona with fine arrows, struck him again with nine and then with five.

Note on the text: Not in the critical edition's constituted text (found in the vulgate recension); lines 1–2 of the star passage 7.20.52d*0155 (twelve lines, after 7.20.52), of which the page has lines 1–2, 7–8, 9–10 and 11–12 (verses 60–63).

Verse 61 (7.21.61)

स सात्यकिश्चतुष्षष्ट्या राजन्विव्याध सायकैः । सुचित्रो दशभिर्बाणैर्द्रोणं विद्ध्वाऽनदद्बली ॥

sa sātyakiścatuṣṣaṣṭyā rājanvivyādha sāyakaiḥ | sucitro daśabhirbāṇairdroṇaṃ viddhvā'nadadbalī

And Satyaki, O king, struck him with sixty-four arrows. Suchitra, striking Drona with ten arrows, roared mightily.

Note on the text: Corrected विद्व्वाऽनदद्बली → विद्ध्वाऽनदद्बली (misprint in Wikisource; व्व for ध्व; the absolutive is विद्ध्वा). Not in the critical edition's constituted text (found in the vulgate recension); lines 7–8 of the star passage 7.20.52d*0155 (see verse 60); its lines 3–6 (Chitrasena, Senabindu, Suvarman, Dhrishtadyumna, Shikhandi, Chekitana) are not on the page and were not added. Line 1 reads स सात्यकिश्चतुष्षष्ट्या where the critical edition reads sātyakiś ca catuḥṣaṣṭyā (kept as a variant).

Verse 62 (7.21.62)

तं द्रोणः समरे राजञ्शरवर्षैरवाकिरत् । अपातयत्ततो द्रोणः सुचित्रं सहसारथिम् ॥

taṃ droṇaḥ samare rājañśaravarṣairavākirat | apātayattato droṇaḥ sucitraṃ sahasārathim

Drona covered him in the battle, O king, with showers of arrows, and then Drona brought down Suchitra along with his charioteer.

Note on the text: Corrected अपातयत्तयो → अपातयत्ततो (misprint in Wikisource; य for त; the critical edition reads tato). Not in the critical edition's constituted text (found in the vulgate recension); lines 9–10 of the star passage 7.20.52d*0155 (see verse 60).

Verse 63 (7.21.63)

साश्वं च समरे राजन्हतो वै प्रापतत्क्षितौ । पात्यमानो महाराज बभौ ज्योतिरिवाम्बरात् ॥

sāśvaṃ ca samare rājanhato vai prāpatatkṣitau | pātyamāno mahārāja babhau jyotirivāmbarāt

Slain together with his horses, O king, he fell to the ground in the battle; as he fell, O great king, he shone like a star from the sky.

Note on the text: Not in the critical edition's constituted text (found in the vulgate recension); lines 11–12 of the star passage 7.20.52d*0155 (see verse 60).

Verse 64 (7.21.64)

तस्मिन्हते राजपुत्रे पाञ्चालानां यशस्करे । हत द्रोणं हत द्रोणमित्यासीन्निःस्वनो महान् ॥

tasminhate rājaputre pāñcālānāṃ yaśaskare | hata droṇaṃ hata droṇamityāsīnniḥsvano mahān

When that prince, the glory of the Panchalas, was slain, a great cry arose: "Strike Drona! Strike Drona!"

Verse 65 (7.21.65)

तांस्तथा भृशसंरब्धान्पाञ्चालान्मत्स्यकेकयान् । सृञ्जयान्पाण्डवांश्चैव द्रोणो व्यक्षोभयद्बली ॥

tāṃstathā bhṛśasaṃrabdhānpāñcālānmatsyakekayān | sṛñjayānpāṇḍavāṃścaiva droṇo vyakṣobhayadbalī

The mighty Drona threw into confusion those Panchalas, Matsyas, Kekayas, Srinjayas and Pandavas, who were greatly enraged.

Verse 66 (7.21.66)

सात्यकिं चेकितानं च धृष्टद्युम्नशिखण्डिनौ । वार्धक्षेमिं चैत्रसेनिं सेनाबिन्दुं सुवर्चसम् ॥

sātyakiṃ cekitānaṃ ca dhṛṣṭadyumnaśikhaṇḍinau | vārdhakṣemiṃ caitraseniṃ senābinduṃ suvarcasam

Satyaki, Chekitana, Dhrishtadyumna and Shikhandi, Vardhakshemi, Chaitraseni, Senabindu and Suvarchas,

Note on the text: Removed a stray zero-width joiner inside शिखण्डिनौ. Line 2 reads चैत्रसेनिं where the critical edition reads citrasenaṃ (kept as a variant).

Verse 67 (7.21.67)

एतांश्चान्यांश्च सुबहून्नानाजनपदेश्वरान् । सर्वान्द्रोणोऽजयद्युद्धे कुरुभिः परिवारितः ॥

etāṃścānyāṃśca subahūnnānājanapadeśvarān | sarvāndroṇo'jayadyuddhe kurubhiḥ parivāritaḥ

these and many other lords of various realms, Drona, surrounded by the Kurus, defeated them all in the battle.

Verse 68 (7.21.68)

तावकाश्च महाराज जयं लब्ध्वा महाहवे । पाण्डवेयान्रणे जघ्नुर्द्रवमाणान्समन्ततः ॥

tāvakāśca mahārāja jayaṃ labdhvā mahāhave | pāṇḍaveyānraṇe jaghnurdravamāṇānsamantataḥ

And your warriors, O great king, having won the victory in that great battle, struck down the Pandava troops as they fled in all directions.

Verse 69 (7.21.69)

ते दानवा इवेन्द्रेण वध्यमाना महात्मना । पाञ्चालाः केकया मात्स्याः समकम्पन्त भारत ॥

te dānavā ivendreṇa vadhyamānā mahātmanā | pāñcālāḥ kekayā mātsyāḥ samakampanta bhārata

Struck by the great-souled Indra like danavas, the Panchalas, Kekayas and Matsyas trembled, O Bharata.