The Duels Around Drona

Verse 1 (7.25.1)

महद्भैरवमासीन्नः सन्निवृत्तेषु पाण्डुषु । दृष्ट्वा द्रोणं छाद्यमानं तैर्भास्करमिवाम्बुदैः ॥

mahadbhairavamāsīnnaḥ sannivṛtteṣu pāṇḍuṣu | dṛṣṭvā droṇaṃ chādyamānaṃ tairbhāskaramivāmbudaiḥ

A great terror came over us when the Pandavas turned back, as we saw Drona being covered by them as the sun is covered by clouds.

Verse 2 (7.25.2)

तैश्चोद्भूतं रजस्तीव्रमवचक्रे चमूं तव । ततो हतममंस्याम द्रोणं दृष्टिपथे हते ॥

taiścodbhūtaṃ rajastīvramavacakre camūṃ tava | tato hatamamaṃsyāma droṇaṃ dṛṣṭipathe hate

The thick dust they raised hung over your army like a screen; then, with Drona lost to sight, we thought him slain.

Verse 3 (7.25.3)

तांस्तु शूरान्महेष्वासान्क्रूरं कर्म चिकीर्षतः । दृष्ट्वा दुर्योधनस्तूर्णं स्वसैन्यं समचूचुदत् ॥

tāṃstu śūrānmaheṣvāsānkrūraṃ karma cikīrṣataḥ | dṛṣṭvā duryodhanastūrṇaṃ svasainyaṃ samacūcudat

Seeing those brave great archers intent on a cruel deed, Duryodhana quickly urged on his own army.

Verse 4 (7.25.4)

यथाशक्ति यथोत्साहं यथासत्वं नराधिपाः । वारयध्वं यथायोगं पाण्डवानामनीकिनीम् ॥

yathāśakti yathotsāhaṃ yathāsatvaṃ narādhipāḥ | vārayadhvaṃ yathāyogaṃ pāṇḍavānāmanīkinīm

"As far as your strength, spirit and courage allow, O lords of men, each as befits him, hold back the Pandava army."

Note on the text: No speaker heading is printed; the verse is Duryodhana's order to the kings (the previous verse says he urged on his army).

Verse 5 (7.25.5)

ततो दुर्मर्षणो भीममभ्यगच्छत्सुतस्तव । आराद्दृष्ट्वा किरन्बाणैरिच्छन्द्रोणस्य जीवितम् ॥

tato durmarṣaṇo bhīmamabhyagacchatsutastava | ārāddṛṣṭvā kiranbāṇairicchandroṇasya jīvitam

Then your son Durmarshana, seeing Bhima from afar, went toward him scattering arrows, wishing to save Drona's life.

Note on the text: Corrected इच्छन्दोणस्य → इच्छन्द्रोणस्य (misprint in Wikisource; र dropped; the critical edition reads icchan droṇasya).

Verse 6 (7.25.6)

तं बाणैरवतस्तार क्रुद्धो मृत्युरिवाहवे । तं च भीमोऽतुदद्बाणैस्तदाऽऽसीत्तुमुलं महत् ॥

taṃ bāṇairavatastāra kruddho mṛtyurivāhave | taṃ ca bhīmo'tudadbāṇaistadā''sīttumulaṃ mahat

Angry as Death in battle, he overwhelmed Bhima with arrows, and Bhima tormented him in return with his; then there was a great tumult.

Note on the text: Corrected बाणेरवतस्तार → बाणैरवतस्तार (misprint in Wikisource; ए for ऐ; the critical edition reads bāṇair avatastāra).

Verse 7 (7.25.7)

त ईश्वरसमादिष्टाः प्राज्ञाः शूराः प्रहारिणः । राज्यं मृत्युभयं त्यक्त्वा प्रत्यतिष्ठन्परान्युधि ॥

ta īśvarasamādiṣṭāḥ prājñāḥ śūrāḥ prahāriṇaḥ | rājyaṃ mṛtyubhayaṃ tyaktvā pratyatiṣṭhanparānyudhi

Those wise and brave strikers, directed by their lord, putting aside thought of the kingdom and fear of death, stood their ground against their foes in battle.

Verse 8 (7.25.8)

कृतवर्मा शिनेः पौत्रं द्रोणं प्रेप्सुं विशाम्पते । पर्यवारयदायान्तं शूरं समरशोभिनम् ॥

kṛtavarmā śineḥ pautraṃ droṇaṃ prepsuṃ viśāmpate | paryavārayadāyāntaṃ śūraṃ samaraśobhinam

Kritavarma checked Shini's grandson Satyaki as he came on, eager to reach Drona, O lord of men, that brave hero who graced the battlefield.

Verse 9 (7.25.9)

तं शैनेयः शरव्रातैः क्रुद्धः क्रुद्धमवारयत् । कृतवर्मा च शैनेयं मत्तो मत्तमिव द्विपम् ॥

taṃ śaineyaḥ śaravrātaiḥ kruddhaḥ kruddhamavārayat | kṛtavarmā ca śaineyaṃ matto mattamiva dvipam

Shaineya, in anger, stopped him with volleys of arrows; and Kritavarma, in anger, stopped Shaineya, as one rutting elephant stops another.

Verse 10 (7.25.10)

सैन्धवः क्षत्रवर्माणमायान्तं निशितैः शरैः । उग्रधन्वा महेष्वासं यत्तो द्रोणादवारयत् ॥

saindhavaḥ kṣatravarmāṇamāyāntaṃ niśitaiḥ śaraiḥ | ugradhanvā maheṣvāsaṃ yatto droṇādavārayat

Then Saindhava, fierce-bowed and intent, held back from Drona the great archer Kshatravarman as he came on, with sharp arrows.

Note on the text: Corrected यत्ततो → यत्तो (misprint in Wikisource; त doubled; the critical edition reads yatto).

Verse 11 (7.25.11)

क्षत्रवर्मा सिन्धुपतेश्छित्त्वा केतनकार्मुके । नाराचैर्दशभिः क्रुद्धः सर्वमर्मस्वताडयत् ॥

kṣatravarmā sindhupateśchittvā ketanakārmuke | nārācairdaśabhiḥ kruddhaḥ sarvamarmasvatāḍayat

Kshatravarma, having cut the banner and bow of the lord of Sindhu, angrily struck him on all his vital parts with ten nārāca arrows.

Note on the text: Corrected केततनकार्मुके → केतनकार्मुके (misprint in Wikisource; त doubled; the critical edition reads ketanakārmuke).

Verse 12 (7.25.12)

अथान्यद्धनुरादाय सैन्धवः कृतहस्तवत् । विव्याध क्षत्रवर्माणं रणे सर्वायसैः शरैः ॥

athānyaddhanurādāya saindhavaḥ kṛtahastavat | vivyādha kṣatravarmāṇaṃ raṇe sarvāyasaiḥ śaraiḥ

Then, taking another bow, Saindhava, with the skill of a practised hand, pierced Kshatravarman in the battle with arrows made wholly of iron.

Verse 13 (7.25.13)

युयुत्सुं पाण्डवार्थाय यतमानं महारथम् । सुबाहुर्भारतं शूरं यत्तो द्रोणादवारयत् ॥

yuyutsuṃ pāṇḍavārthāya yatamānaṃ mahāratham | subāhurbhārataṃ śūraṃ yatto droṇādavārayat

Subahu, intent on it, held back from Drona the brave Bharata, the great chariot-warrior Yuyutsu, who was striving for the Pandavas' cause.

Verse 14 (7.25.14)

सुबाहोः सधनुर्बाणावस्यतः परिघोपमौ । युयुत्सुः शितपीताभ्यां क्षुराभ्यामच्छिनद्भुजौ ॥

subāhoḥ sadhanurbāṇāvasyataḥ parighopamau | yuyutsuḥ śitapītābhyāṃ kṣurābhyāmacchinadbhujau

As Subahu shot, Yuyutsu with two whetted, yellow-sheened razor-edged arrows cut off his two arms, which were like iron bars, together with bow and arrow.

Verse 15 (7.25.15)

राजानं पाण्डवश्रेष्ठं धर्मात्मानं युधिष्ठिरम् । वेलेव सागरं क्षुब्धं मद्रराट् समवारयत् ॥

rājānaṃ pāṇḍavaśreṣṭhaṃ dharmātmānaṃ yudhiṣṭhiram | veleva sāgaraṃ kṣubdhaṃ madrarāṭ samavārayat

The king of Madra checked King Yudhishthira, best of the Pandavas, righteous in soul, as the shore checks the surging sea.

Verse 16 (7.25.16)

तं धर्मराजो बहुभिर्मर्मभिद्भिरवाकिरत् । मद्रेशस्तं चतुःषष्ट्या शरैर्विद्ध्वाऽनदद्भृशम् ॥

taṃ dharmarājo bahubhirmarmabhidbhiravākirat | madreśastaṃ catuḥṣaṣṭyā śarairviddhvā'nadadbhṛśam

The king of dharma covered him with many vital-piercing arrows, and the lord of Madra, piercing him with sixty-four, roared loudly.

Verse 17 (7.25.17)

तस्य नानदतः केतुमुच्चकर्त च कार्मुकम् । क्षुराभ्यां पाण्डवो ज्येष्ठस्तत उच्चुक्रुशुर्जनाः ॥

tasya nānadataḥ ketumuccakarta ca kārmukam | kṣurābhyāṃ pāṇḍavo jyeṣṭhastata uccukruśurjanāḥ

As he roared, the eldest Pandava cut down his banner and his bow with two razor-edged arrows; then the people cried out.

Verse 18 (7.25.18)

तथैव राजा बाह्लीको राजानं द्रुपदं शरैः । आद्रवन्तं सहानीकः सहानीकं न्यवारयत् ॥

tathaiva rājā bāhlīko rājānaṃ drupadaṃ śaraiḥ | ādravantaṃ sahānīkaḥ sahānīkaṃ nyavārayat

In the same way King Bahlika, with his troops, held back King Drupada, who was charging with his troops.

Verse 19 (7.25.19)

तद्युद्धमभवद्धोरं वृद्धयोः सहसेनयोः । यथा महायूथपयोर्द्विपयोः सम्प्रभिन्नयोः ॥

tadyuddhamabhavaddhoraṃ vṛddhayoḥ sahasenayoḥ | yathā mahāyūthapayordvipayoḥ samprabhinnayoḥ

That battle of the two aged kings with their armies was terrible, like that of two great leaders of herds, elephants in rut.

Verse 20 (7.25.20)

विन्दानुविन्दावावन्त्यौ विराटं मत्स्यमार्च्छताम् । सहसैन्यौ सहानीकं यथेन्द्राग्नी पुरा बलिम् ॥

vindānuvindāvāvantyau virāṭaṃ matsyamārcchatām | sahasainyau sahānīkaṃ yathendrāgnī purā balim

The Avanti brothers Vinda and Anuvinda attacked Virata the Matsya, each with his troops, as Indra and Agni once attacked Bali.

Verse 21 (7.25.21)

तदुत्पिञ्जलकं युद्धमासीद्देवासुरोपमम् । मत्स्यानां केकयैः सार्धमभीताश्वरथद्विपम् ॥

tadutpiñjalakaṃ yuddhamāsīddevāsuropamam | matsyānāṃ kekayaiḥ sārdhamabhītāśvarathadvipam

That tumultuous battle of the Matsyas with the Kekayas, their horses, chariots and elephants unafraid, was like the war of the gods and asuras.

Verse 22 (7.25.22)

नाकुलिं तु शतानीकं भूतकर्मा सभापतिः । अस्यन्तमिषुजालानि यान्तं द्रोणादवारयत् ॥

nākuliṃ tu śatānīkaṃ bhūtakarmā sabhāpatiḥ | asyantamiṣujālāni yāntaṃ droṇādavārayat

Bhutakarman, president of the assembly, checked Nakula's son Shatanika from Drona as he went on, shooting nets of arrows.

Verse 23 (7.25.23)

ततो नकुलदायादस्त्रिभिर्भल्लैः सुसंशितैः । चक्रे विबाहुशिरसं भूतकर्माणमाहवे ॥

tato nakuladāyādastribhirbhallaiḥ susaṃśitaiḥ | cakre vibāhuśirasaṃ bhūtakarmāṇamāhave

Then Nakula's heir, with three well-whetted bhalla arrows, left Bhutakarman without arms and head in the battle.

Verse 24 (7.25.24)

सुतसोमं तु विक्रान्तमायान्तं तं शरौघिणम् । द्रोणायाभिमुखं वीरं साल्वो बाणैरवारयत् ॥

sutasomaṃ tu vikrāntamāyāntaṃ taṃ śaraughiṇam | droṇāyābhimukhaṃ vīraṃ sālvo bāṇairavārayat

Shalva checked with arrows the valiant Sutasoma, shooting floods of arrows, as that hero advanced toward Drona.

Note on the text: Line 2 reads साल्वो बाणैरवारयत् where the critical edition's 7.24.24c has viviṃśatir avārayat. The critical edition's next verse, 7.24.25 (Sutasoma and Vivimshati), is not on the page and was not added; the page has Shalva as Sutasoma's opponent (compare the star passage 7.24.25d*0176).

Verse 25 (7.25.25)

स तु भीमरथः साल्वमाशुगैरायसैः शितैः । षड्भिः साश्वनियन्तारमनयद्यमसादनम् ॥

sa tu bhīmarathaḥ sālvamāśugairāyasaiḥ śitaiḥ | ṣaḍbhiḥ sāśvaniyantāramanayadyamasādanam

But Bhimaratha with six sharp iron arrows sent Shalva, with his horses and charioteer, to the abode of Yama.

Verse 26 (7.25.26)

श्रुतकीर्तिं समायान्तं मयूरसदृशैर्हयैः । चित्रसेनो महाराज तव पौत्रं न्यवारयत् ॥

śrutakīrtiṃ samāyāntaṃ mayūrasadṛśairhayaiḥ | citraseno mahārāja tava pautraṃ nyavārayat

Chitrasena, great king, checked your grandson Shrutakirti as he came on with horses like peacocks.

Verse 27 (7.25.27)

तमार्जुनिः शरैश्चक्रे पितृव्यं जर्झरच्छविम् । शरैश्च द्रौपदीपुत्रं चित्रसेनः समावृणोत् ॥

tamārjuniḥ śaraiścakre pitṛvyaṃ jarjharacchavim | śaraiśca draupadīputraṃ citrasenaḥ samāvṛṇot

Arjuna's son riddled his uncle Chitrasena's body with arrows, and Chitrasena covered Draupadi's son with arrows.

Note on the text: Not in the critical edition's constituted text (found in the vulgate recension); the critical edition records it in its apparatus as the star passage 7.24.27d*0177_01–02.

Verse 28 (7.25.28)

किरन्तं शरजालानि प्रभिन्नमिव कुञ्जरम् । श्रुतकर्माणमायान्तं दौश्शासनिरवारयत् ॥

kirantaṃ śarajālāni prabhinnamiva kuñjaram | śrutakarmāṇamāyāntaṃ dauśśāsaniravārayat

Duhshasana's son checked Shrutakarman as he came on like a rutting elephant, scattering nets of arrows.

Note on the text: Not in the critical edition's constituted text (found in the vulgate recension); the critical edition records it in its apparatus as the star passage 7.24.27d*0177_03–04.

Verse 29 (7.25.29)

तौ पौत्रौ तव दुर्धर्षौ परस्परवधैषिणौ । पितॄणामर्थसिद्ध्यर्थं चक्रतुर्युद्धमुत्तमम् ॥

tau pautrau tava durdharṣau parasparavadhaiṣiṇau | pitṝṇāmarthasiddhyarthaṃ cakraturyuddhamuttamam

Those two grandsons of yours, invincible, each eager to kill the other, fought a superb battle to accomplish their fathers' purpose.

Verse 30 (7.25.30)

तिष्ठन्तमग्रे तं दृष्ट्वा प्रतिविन्ध्यं महाहवे । द्रौणिर्मानं पितुः कुर्वन्मार्गणैः समवारयत् ॥

tiṣṭhantamagre taṃ dṛṣṭvā prativindhyaṃ mahāhave | drauṇirmānaṃ pituḥ kurvanmārgaṇaiḥ samavārayat

Seeing Prativindhya standing before him in the great battle, Drona's son, honouring his father, checked him with arrows.

Verse 31 (7.25.31)

तं क्रुद्धं प्रतिविव्याध प्रतिविन्ध्यः शितैः शरैः । सिंहलाङ्गूललक्ष्माणं पितुरर्थे व्यवस्थितम् ॥

taṃ kruddhaṃ prativivyādha prativindhyaḥ śitaiḥ śaraiḥ | siṃhalāṅgūlalakṣmāṇaṃ piturarthe vyavasthitam

Prativindhya, in anger, pierced him with sharp arrows, him of the lion's-tail mark, standing there for his father's sake.

Verse 32 (7.25.32)

प्रवपन्निव बीजानि बीजकाले कृषीवलः । द्रौणायनिर्द्रौपदेयं शरवर्षैरवाकिरत् ॥

pravapanniva bījāni bījakāle kṛṣīvalaḥ | drauṇāyanirdraupadeyaṃ śaravarṣairavākirat

As a farmer sows seed in the sowing season, so Drona's son covered Draupadi's son with showers of arrows.

Verse 33 (7.25.33)

यस्तु शूरतमो राजन्नुभयोः सेनयोर्मतः । तं पटच्चरहन्तारं लक्ष्मणः समवारयत् ॥

yastu śūratamo rājannubhayoḥ senayormataḥ | taṃ paṭaccarahantāraṃ lakṣmaṇaḥ samavārayat

The one reckoned the bravest in both armies, the slayer of the Patachcharas: Lakshmana stopped him, O king.

Verse 34 (7.25.34)

स लक्ष्मणस्येष्वसनं छित्त्वा लक्ष्म च भारत । लक्ष्मणे शरजालानि विसृजन्बह्वशोभत ॥

sa lakṣmaṇasyeṣvasanaṃ chittvā lakṣma ca bhārata | lakṣmaṇe śarajālāni visṛjanbahvaśobhata

He cut Lakshmana's bow and his banner, O Bharata, and shone as he loosed nets of arrows at Lakshmana.

Verse 35 (7.25.35)

ततोऽभिमन्युः कर्माणि कुर्वन्तं चित्रयोधिनम् । आर्जुनिः कृतिनं शूरं लक्ष्मणं समयोधयत् ॥

tato'bhimanyuḥ karmāṇi kurvantaṃ citrayodhinam | ārjuniḥ kṛtinaṃ śūraṃ lakṣmaṇaṃ samayodhayat

Then Arjuna's son Abhimanyu fought Lakshmana, the skilled and wondrous fighter, as he performed his feats.

Note on the text: Not in the critical edition's constituted text (found in the vulgate recension); the critical edition records it in its apparatus as the star passage 7.24.33d*0180_01–02.

Verse 36 (7.25.36)

स सम्प्रहारस्तुमुलस्तयोरासीन्महात्मनोः । श्रोतॄणामीक्षितॄणां च भृशं प्रीतिविवर्धनः ॥

sa samprahārastumulastayorāsīnmahātmanoḥ | śrotṝṇāmīkṣitṝṇāṃ ca bhṛśaṃ prītivivardhanaḥ

That clash of the two great-souled ones was tumultuous, and greatly increased the delight of listeners and onlookers alike.

Note on the text: Not in the critical edition (found in the vulgate recension); it echoes the critical edition's 7.24.37ab, which the page gives in verse 40.

Verse 37 (7.25.37)

विकर्णस्तु महाप्राज्ञो याज्ञसेनिं शिखण्डिनम् । पर्यवारयदायान्तं युवानं समरे युवा ॥

vikarṇastu mahāprājño yājñaseniṃ śikhaṇḍinam | paryavārayadāyāntaṃ yuvānaṃ samare yuvā

Vikarna, of great wisdom, himself young, checked in battle the young Shikhandin, Yajnaseni, as he came on.

Verse 38 (7.25.38)

ततस्तमिषुजालेन याज्ञसेनिः समावृणोत् । विधूय तद्बाणजालं बभौ तव सुतो बली ॥

tatastamiṣujālena yājñaseniḥ samāvṛṇot | vidhūya tadbāṇajālaṃ babhau tava suto balī

Then Yajnaseni covered him with a net of arrows, but your mighty son shook off that net of arrows and shone.

Verse 39 (7.25.39)

अङ्गदोऽभिमुखं वीरमुत्तमौजसमाहवे । द्रोणायाभिमुखं यान्तं शरौघेण न्यवारयत् ॥

aṅgado'bhimukhaṃ vīramuttamaujasamāhave | droṇāyābhimukhaṃ yāntaṃ śaraugheṇa nyavārayat

Angada faced the hero Uttamaujas in battle, and held him back with a flood of arrows as he went toward Drona.

Verse 40 (7.25.40)

स सम्प्रहारस्तुमुलस्तयोः पुरुषसिंहयोः । सैनिकानां च सर्वेषां तयोश्च प्रीतिवर्धनः ॥

sa samprahārastumulastayoḥ puruṣasiṃhayoḥ | sainikānāṃ ca sarveṣāṃ tayośca prītivardhanaḥ

That clash of those two lions among men was tumultuous, and it delighted all the soldiers and the two of them.

Verse 41 (7.25.41)

दुर्मुखस्तु महेष्वासो वीरं पुरुजितं बली । द्रोणायाभिमुखं यान्तं वत्सदन्तैरवारयत् ॥

durmukhastu maheṣvāso vīraṃ purujitaṃ balī | droṇāyābhimukhaṃ yāntaṃ vatsadantairavārayat

Mighty Durmukha, the great archer, checked the hero Purujit with calf-tooth arrows as he advanced toward Drona.

Verse 42 (7.25.42)

स दुर्मुखं भ्रुवोर्मध्ये नाराचेनाभ्यताडयत् । तस्य तद्धि बभौ वक्त्रं सनालमिव पङ्कजम् ॥

sa durmukhaṃ bhruvormadhye nārācenābhyatāḍayat | tasya taddhi babhau vaktraṃ sanālamiva paṅkajam

Purujit struck Durmukha between the brows with a nārāca, and that face shone like a lotus with its stalk.

Verse 43 (7.25.43)

कर्णस्तु केकयान्भ्रातॄन्पञ्च लोहितकध्वजान् । द्रोणायाभिमुखं याताञ्शरवर्षैरवारयत् ॥

karṇastu kekayānbhrātṝnpañca lohitakadhvajān | droṇāyābhimukhaṃ yātāñśaravarṣairavārayat

Karna checked with showers of arrows the five Kekaya brothers with red banners as they advanced toward Drona.

Verse 44 (7.25.44)

ते चैनं भृशसन्तप्ताः शरवर्षैरवाकिरन् । स च तांश्छादयामास शरजालैः पुनः पुनः ॥

te cainaṃ bhṛśasantaptāḥ śaravarṣairavākiran | sa ca tāṃśchādayāmāsa śarajālaiḥ punaḥ punaḥ

Sorely tormented, they covered him with showers of arrows, and he in turn covered them again and again with nets of arrows.

Verse 45 (7.25.45)

नैव कर्णो न ते पञ्च ददृशुर्बाणसंवृताः । साश्वसूतध्वजरथाः परस्परशराचिताः ॥

naiva karṇo na te pañca dadṛśurbāṇasaṃvṛtāḥ | sāśvasūtadhvajarathāḥ parasparaśarācitāḥ

Neither Karna nor the five could be seen, hidden by arrows, with their horses, charioteers, banners and chariots studded with one another's shafts.

Note on the text: Corrected ददृशर्बाणसंवृताः → ददृशुर्बाणसंवृताः (misprint in Wikisource; dropped ु; the critical edition reads dadṛśur bāṇasaṃvṛtāḥ).

Verse 46 (7.25.46)

पुत्रास्ते दुर्जयश्चैव जयश्च विजयश्च ह । नीलकाश्यजयत्सेनांस्त्रयस्त्रीन्प्रत्यवारयन् ॥

putrāste durjayaścaiva jayaśca vijayaśca ha | nīlakāśyajayatsenāṃstrayastrīnpratyavārayan

Your sons Durjaya, Jaya and Vijaya, the three, checked Nila, Kashya and Jayatsena, the three.

Verse 47 (7.25.47)

तद्युद्धमभवद्धोरमीक्षितृप्रीतिवर्धनम् । सिंहव्याघ्रतरक्षूणां यथर्क्षमहिषर्षभैः ॥

tadyuddhamabhavaddhoramīkṣitṛprītivardhanam | siṃhavyāghratarakṣūṇāṃ yatharkṣamahiṣarṣabhaiḥ

That battle was terrible and increased the joy of onlookers, like a fight of lions, tigers and leopards with bears, buffaloes and bulls.

Verse 48 (7.25.48)

क्षेमधूर्तिबृहन्तौ तु भ्रातरौ सात्वतं युधि । द्रोणायाभिमुखं यान्तं शरैस्तीक्ष्णैस्ततक्षतुः ॥

kṣemadhūrtibṛhantau tu bhrātarau sātvataṃ yudhi | droṇāyābhimukhaṃ yāntaṃ śaraistīkṣṇaistatakṣatuḥ

The brothers Kshemadhurti and Brihanta wounded Satvata (Satyaki) with sharp arrows as he went toward Drona.

Verse 49 (7.25.49)

तयोस्तस्य च तद्युद्धमत्यद्भुतमिवाभवत् । सिंहस्य द्विपमुख्याभ्यां प्रभिन्नाभ्यां यथा वने ॥

tayostasya ca tadyuddhamatyadbhutamivābhavat | siṃhasya dvipamukhyābhyāṃ prabhinnābhyāṃ yathā vane

Their battle with him was exceedingly wondrous, like that of a lion in a forest with two foremost rutting elephants.

Verse 50 (7.25.50)

राजानं तु तथाम्बष्ठमेकं युद्धाभिनन्दिनम् । चेदिराजः शरानस्यन्क्रुद्धो द्रोणादवारयत् ॥

rājānaṃ tu tathāmbaṣṭhamekaṃ yuddhābhinandinam | cedirājaḥ śarānasyankruddho droṇādavārayat

The Chedi king, angry and shooting arrows, held back from Drona the Ambashtha king, lone and delighting in battle.

Verse 51 (7.25.51)

ततोऽम्बष्ठोऽस्थिभेदिन्या निरभिद्यच्छलाकया । स त्यक्त्वा सशरं चापं रथाद्भूमिमुपागमत् ॥

tato'mbaṣṭho'sthibhedinyā nirabhidyacchalākayā | sa tyaktvā saśaraṃ cāpaṃ rathādbhūmimupāgamat

Then the Ambashtha pierced him with a bone-splitting dart; and he, letting fall bow and arrow, dropped from his chariot to the ground.

Note on the text: Reads निरभिद्यत् where the critical edition has niravidhyat (kept); the sense is the same, the Ambashtha pierces the Chedi king.

Verse 52 (7.25.52)

वार्धक्षेमिं तु वार्ष्णेयं कृपः शारद्वतः शरैः । अक्षुद्रः क्षुद्रकैर्बाणैः क्रुद्धरूपमवारयत् ॥

vārdhakṣemiṃ tu vārṣṇeyaṃ kṛpaḥ śāradvataḥ śaraiḥ | akṣudraḥ kṣudrakairbāṇaiḥ kruddharūpamavārayat

Kripa son of Sharadvat, himself no petty man, checked with small arrows the Vrishni Vardhakshemi, who looked wrathful.

Verse 53 (7.25.53)

युध्यन्तौ कृपवार्ष्णेयौ येऽपश्यंश्चित्रयोधिनौ । ते युद्धासक्तमनसो नान्यं बुबुधिरे क्रियाम् ॥

yudhyantau kṛpavārṣṇeyau ye'paśyaṃścitrayodhinau | te yuddhāsaktamanaso nānyaṃ bubudhire kriyām

Those who watched Kripa and the Vrishni fight, those wondrous fighters, had their minds so bound to the combat that they noticed no other action.

Verse 54 (7.25.54)

सौमदत्तिस्तु राजानं मणिमन्तमतन्द्रितम् । पर्यवारयदायान्तं यशो द्रोणस्य वर्धयन् ॥

saumadattistu rājānaṃ maṇimantamatandritam | paryavārayadāyāntaṃ yaśo droṇasya vardhayan

Saumadatti checked King Manimat, who came on unwearied, and so increased Drona's glory.

Note on the text: Corrected वर्घयन् → वर्धयन् (misprint in Wikisource; घ for ध; the critical edition reads vardhayan).

Verse 55 (7.25.55)

स सौमदत्तेस्त्वरितश्चित्रेष्वसनकेतने । पुनः पताकां सूतं चच्छत्रं चापातयद्रथात् ॥

sa saumadattestvaritaścitreṣvasanaketane | punaḥ patākāṃ sūtaṃ cacchatraṃ cāpātayadrathāt

Swiftly he struck down Saumadatti's splendid bow and banner, and again threw the pennon, the charioteer and the umbrella from the chariot.

Note on the text: Reads चित्रेष्वसनकेतने (kept) where the critical edition has chittveṣvasanaketane, "having cut his bow and banner".

Verse 56 (7.25.56)

अथाप्लुत्य रथात्तूर्णं यूपकेतुरमित्रहा । साश्वसूतध्वजरथं तं चकर्त वरासिना ॥

athāplutya rathāttūrṇaṃ yūpaketuramitrahā | sāśvasūtadhvajarathaṃ taṃ cakarta varāsinā

Then Yupaketu, destroyer of foes, leapt swiftly from his chariot and cut him down, with his horses, charioteer, banner and chariot, with a splendid sword.

Verse 57 (7.25.57)

रथं च स्वं समास्थाय धनुरादाय चापरम् । स्वयं यच्छन्हयान्राजन्व्यधमत्पाण्डवीं चमूम् ॥

rathaṃ ca svaṃ samāsthāya dhanurādāya cāparam | svayaṃ yacchanhayānrājanvyadhamatpāṇḍavīṃ camūm

Mounting his own chariot again and taking another bow, driving the horses himself, O king, he cut up the Pandava host.

Verse 58 (7.25.58)

पाण्ड्यमिन्द्रमिवायान्तमसुरान्प्रति दुर्जयम् । समर्थः सायकौघेन वृषसेनो न्यवारयत् ॥

pāṇḍyamindramivāyāntamasurānprati durjayam | samarthaḥ sāyakaughena vṛṣaseno nyavārayat

Vrishasena, able as he was, checked with a shower of arrows the Pandya, unassailable, advancing like Indra against the asuras.

Note on the text: Not in the critical edition's constituted text (found in the vulgate recension); the critical edition records it in its apparatus as the star passage 7.24.54d*0183_01–02 (line 2 reads वृषसेनो न्यवारयत् for dvīpaṃ sindhur ivāvṛṇot).

Verse 59 (7.25.59)

अथाजगाम हैडिम्बो महामायो महाबलः । पितॄणां हितमन्विच्छन्दहन्कौरववाहिनीम् ॥

athājagāma haiḍimbo mahāmāyo mahābalaḥ | pitṝṇāṃ hitamanvicchandahankauravavāhinīm

Then came Hidimba's son, of great illusion and great strength, seeking the good of his fathers and burning the Kaurava host.

Note on the text: Removed the wiki opening backtick and the stray quote mark (') printed after कौरववाहिनीम्. Not in the critical edition (found in the vulgate recension).

Verse 60 (7.25.60)

गदापरिघनिस्त्रिंशपट्टसायोघनोपलैः । कडङ्गरैर्भुशुण्डीभिः प्रासैस्तोमरसायकैः ॥

gadāparighanistriṃśapaṭṭasāyoghanopalaiḥ | kaḍaṅgarairbhuśuṇḍībhiḥ prāsaistomarasāyakaiḥ

With maces, spiked clubs, swords, paṭṭasas, iron-headed maces and stones, with kaḍaṅgaras, bhushundis, lances, tomaras and arrows,

Note on the text: Not in the critical edition's constituted text (found in the vulgate recension); the critical edition records it in its apparatus as the star passage 7.24.54d*0183_03–04 (reading पट्टसायोघनोपलैः for paṭṭiśāyodhanopalaiḥ, kept).

Verse 61 (7.25.61)

मुसलैर्मुद्गरैश्चक्रैर्भिण्डिपालपरश्वथैः । पांसुवाताग्निसलिलैर्भस्मलोष्ठतृणद्रुमैः ॥

musalairmudgaraiścakrairbhiṇḍipālaparaśvathaiḥ | pāṃsuvātāgnisalilairbhasmaloṣṭhatṛṇadrumaiḥ

with pestles, mallets, discs, bhindipālas and axes, with dust, wind, fire and water, ash, clods, grass and trees,

Note on the text: Corrected चक्रैर्न्भिण्डिपाल → चक्रैर्भिण्डिपाल (misprint in Wikisource; stray न्; the critical edition reads cakrair bhiṇḍipālaiḥ).

Verse 62 (7.25.62)

आतुदन्प्ररुजन्भञ्जन्निघ्नन्विद्रावयन्क्षिपन् । सेनां विभीषयन्नायाद्द्रोणप्रेप्सुर्घटोत्कचः ॥

ātudanprarujanbhañjannighnanvidrāvayankṣipan | senāṃ vibhīṣayannāyāddroṇaprepsurghaṭotkacaḥ

afflicting, crushing, breaking, striking, routing and hurling, terrifying the army, Ghatotkacha came, wishing to reach Drona.

Note on the text: Corrected दोणप्रेप्सु → द्रोणप्रेप्सु (misprint in Wikisource; र dropped; the critical edition reads droṇaprepsuḥ).

Verse 63 (7.25.63)

तं तु नानाप्रहरणैर्नानायुद्धविशेषणैः । राक्षसं राक्षसः क्रुद्धः समाजघ्ने ह्यलम्बुसः ॥

taṃ tu nānāpraharaṇairnānāyuddhaviśeṣaṇaiḥ | rākṣasaṃ rākṣasaḥ kruddhaḥ samājaghne hyalambusaḥ

Alambusa, a rakshasa, enraged, struck that rakshasa with weapons of every kind and with every special mode of fighting.

Verse 64 (7.25.64)

तयोस्तदभवद्युद्धं रक्षोग्रामणिमुख्ययोः । तादृग्यादृक्पुरावृत्तं शम्बरामरराजयोः ॥

tayostadabhavadyuddhaṃ rakṣogrāmaṇimukhyayoḥ | tādṛgyādṛkpurāvṛttaṃ śambarāmararājayoḥ

Their battle, between those two chiefs of rakshasa bands, was like that fought long ago between Shambara and the king of the gods.

Verse 65 (7.25.65)

एवं द्वन्द्वशतान्यासन्रथवारणवाजिनाम् । पदातीनां च भद्रं ते तव तेषां च सङ्कुले ॥

evaṃ dvandvaśatānyāsanrathavāraṇavājinām | padātīnāṃ ca bhadraṃ te tava teṣāṃ ca saṅkule

Thus hundreds of duels arose among chariots, elephants and horses and foot-soldiers, blessings on you, in the press of your men and theirs.

Verse 66 (7.25.66)

नैतादृशो दृष्टपूर्वः सङ्ग्रामो नैव च श्रुतः । द्रोणस्याभावभावे तु प्रसक्तानां परस्परम् ॥

naitādṛśo dṛṣṭapūrvaḥ saṅgrāmo naiva ca śrutaḥ | droṇasyābhāvabhāve tu prasaktānāṃ parasparam

Such a battle was never seen before nor heard of as that between men locked in combat with one another over whether Drona should live or die.

Verse 67 (7.25.67)

इदं घोरमिदं चित्रमिदं रौद्रमिति प्रभो । तत्र युद्धान्यदृश्यन्त प्रततानि बहूनि च ॥

idaṃ ghoramidaṃ citramidaṃ raudramiti prabho | tatra yuddhānyadṛśyanta pratatāni bahūni ca

"This is terrible, this is wondrous, this is dreadful": so, my lord, those battles seemed, spread widely and many in number.