Bhima and Bhagadatta's Elephant

Verse 1 (7.26.1)

तेष्वेवं सन्निवृत्तेषु प्रत्युद्यातेषु भागशः । कथं युयुधिरे पार्था मामकाश्च तरस्विनः ॥

teṣvevaṃ sannivṛtteṣu pratyudyāteṣu bhāgaśaḥ | kathaṃ yuyudhire pārthā māmakāśca tarasvinaḥ

When those forces had thus turned back and gone out to meet one another in separate divisions, how did the Pandavas and my own mighty warriors fight?

Verse 2 (7.26.2)

किमर्जुनश्चाप्यकरोत्संशप्तकबलं प्रति । संशप्तका वा पार्थस्य किमकुर्वत सञ्जय ॥

kimarjunaścāpyakarotsaṃśaptakabalaṃ prati | saṃśaptakā vā pārthasya kimakurvata sañjaya

And what did Arjuna do against the host of the Samshaptakas, Sanjaya, and what did the Samshaptakas do to Partha?

Verse 3 (7.26.3)

तथा तेषु निवृत्तेषु प्रत्युद्यातेषु भागशः । स्वयमभ्यद्रवद्भीमं नागानीकेन ते सुतः ॥

tathā teṣu nivṛtteṣu pratyudyāteṣu bhāgaśaḥ | svayamabhyadravadbhīmaṃ nāgānīkena te sutaḥ

When those forces had thus turned back and gone out to meet one another in separate divisions, your son himself charged at Bhima with a division of elephants.

Verse 4 (7.26.4)

स नाग इव नागेन गोवृषेणेव गोवृषः । समाहूतः स्वयं राज्ञा नागानीकमुपाद्रवत् ॥

sa nāga iva nāgena govṛṣeṇeva govṛṣaḥ | samāhūtaḥ svayaṃ rājñā nāgānīkamupādravat

Challenged by the king himself, as an elephant is challenged by an elephant or a bull by a bull, Bhima rushed at the division of elephants.

Verse 5 (7.26.5)

स युद्धकुशलः पार्थो बाहुवीर्येण चान्वितः । अभिनत्कुञ्जरानीकमचिरेणैव मारिष ॥

sa yuddhakuśalaḥ pārtho bāhuvīryeṇa cānvitaḥ | abhinatkuñjarānīkamacireṇaiva māriṣa

Skilled in war and endowed with the might of his arm, that son of Pritha broke the elephant division in no time, O sire.

Verse 6 (7.26.6)

ते गजा गिरिसङ्काशाः क्षरन्तः सर्वतो मदम् । भीमसेनस्य नाराचैर्विमुखा विमदीकृताः ॥

te gajā girisaṅkāśāḥ kṣarantaḥ sarvato madam | bhīmasenasya nārācairvimukhā vimadīkṛtāḥ

Those elephants, huge as mountains and streaming rut on every side, were turned back by Bhimasena's iron arrows and left without their rut.

Verse 7 (7.26.7)

विधमेदभ्रजालानि यथा वायुः समुद्धतः । व्यधमत्तान्यनीकानि तथैव पवनात्मजः ॥

vidhamedabhrajālāni yathā vāyuḥ samuddhataḥ | vyadhamattānyanīkāni tathaiva pavanātmajaḥ

As a raging wind scatters banks of cloud, so did the son of the Wind scatter those ranks.

Verse 8 (7.26.8)

स तेषु विसृजन्बाणान्भीमो नागेष्वशोभत । भुवनेष्विव सर्वेषु गभस्तीनुदितो रविः ॥

sa teṣu visṛjanbāṇānbhīmo nāgeṣvaśobhata | bhuvaneṣviva sarveṣu gabhastīnudito raviḥ

Showering arrows upon the elephants, Bhima shone like the risen sun spreading his rays over all the worlds.

Verse 9 (7.26.9)

ते भीमबाणाभिहताः संस्यूता विबभुर्गजाः । गभस्तिभिरिवार्कस्य व्योम्नि नानाबलाहकाः ॥

te bhīmabāṇābhihatāḥ saṃsyūtā vibabhurgajāḥ | gabhastibhirivārkasya vyomni nānābalāhakāḥ

Pierced through by Bhima's arrows, the elephants shone like many clouds in the sky stitched through with the sun's rays.

Verse 10 (7.26.10)

तथा गजानां कदनं कुर्वाणमनिलात्मजम् । क्रुद्धो दुर्योधनोऽभ्येत्य प्रत्यविध्यच्छितैः शरैः ॥

tathā gajānāṃ kadanaṃ kurvāṇamanilātmajam | kruddho duryodhano'bhyetya pratyavidhyacchitaiḥ śaraiḥ

As Bhima, the son of the Wind, went on slaughtering the elephants, the enraged Duryodhana came up and struck him back with sharp arrows.

Verse 11 (7.26.11)

ततः क्षणेन क्षितिपं क्षतजप्रतिमेक्षणः । क्षयं निनीषुर्निशितैर्भीमो विव्याध पत्रिभिः ॥

tataḥ kṣaṇena kṣitipaṃ kṣatajapratimekṣaṇaḥ | kṣayaṃ ninīṣurniśitairbhīmo vivyādha patribhiḥ

Then in an instant Bhima, his eyes red as blood and bent on destroying the king, pierced him with keen arrows.

Verse 12 (7.26.12)

स शराचितसर्वाङ्गः क्रुद्धो विव्याध पाण्डवम् । नाराचैरर्करश्म्याभैर्भीमसेनं स्मयन्निव ॥

sa śarācitasarvāṅgaḥ kruddho vivyādha pāṇḍavam | nārācairarkaraśmyābhairbhīmasenaṃ smayanniva

His whole body covered with arrows, Duryodhana in his anger pierced the Pandava Bhimasena with iron arrows bright as the sun's rays, as if smiling as he did so.

Verse 13 (7.26.13)

तस्य नागं मणिमयं रत्नचित्रध्वजे स्थितम् । भल्लाभ्यां कार्मुकं चैव क्षिप्रं चिच्छेद पाण्डवः ॥

tasya nāgaṃ maṇimayaṃ ratnacitradhvaje sthitam | bhallābhyāṃ kārmukaṃ caiva kṣipraṃ ciccheda pāṇḍavaḥ

The Pandava swiftly cut down with two broad-headed arrows the jewelled elephant emblem that stood on his gem-adorned banner, and his bow as well.

Verse 14 (7.26.14)

दुर्योधनं पीड्यमानं दृष्ट्वा भीमेन मारिष । चुक्षोभयिषुरभ्यागादङ्गो मातङ्गमास्थितः ॥

duryodhanaṃ pīḍyamānaṃ dṛṣṭvā bhīmena māriṣa | cukṣobhayiṣurabhyāgādaṅgo mātaṅgamāsthitaḥ

Seeing Duryodhana hard pressed by Bhima, O sire, the king of the Angas, mounted on an elephant, came forward, wishing to unsettle Bhima.

Verse 15 (7.26.15)

तमापतन्तं नागेन्द्रमम्बुदप्रतिमस्वनम् । कुम्भान्तरे भीमसेनो नाराचैरार्दयद्भृशम् ॥

tamāpatantaṃ nāgendramambudapratimasvanam | kumbhāntare bhīmaseno nārācairārdayadbhṛśam

As that lord of elephants came on, roaring like a cloud, Bhimasena struck it hard between its temples with iron arrows.

Verse 16 (7.26.16)

तस्य कायं विनिर्भिद्य न्यमज्जद्धरणीतले । ततः पपात द्विरदो वज्राहत इवाचलः ॥

tasya kāyaṃ vinirbhidya nyamajjaddharaṇītale | tataḥ papāta dvirado vajrāhata ivācalaḥ

The arrow pierced through its body and sank into the ground, and the elephant fell like a mountain struck by a thunderbolt.

Verse 17 (7.26.17)

तस्यावर्जितनागस्य म्लेच्छस्याधः पतिष्यतः । शिरश्चिच्छेद भल्लेन क्षिप्रकारी वृकोदरः ॥

tasyāvarjitanāgasya mlecchasyādhaḥ patiṣyataḥ | śiraściccheda bhallena kṣiprakārī vṛkodaraḥ

As the mleccha, whose elephant had bowed over and was about to fall, was dropping down, swift-handed Vrikodara cut off his head with a broad-headed arrow.

Note on the text: Corrected तस्वावर्जितनागस्य → तस्यावर्जितनागस्य (misprint in Wikisource; the critical edition reads tasyāvarjitanāgasya). अधः पतिष्यतः kept as a recension variant (critical edition: avapatiṣyataḥ).

Verse 18 (7.26.18)

तस्मिन्निपतिते वीरे सम्प्राद्रवत सा चमूः । सम्भ्रान्ताश्वद्विपरथा पदातीनवमृद्नती ॥

tasminnipatite vīre samprādravata sā camūḥ | sambhrāntāśvadviparathā padātīnavamṛdnatī

When that hero had fallen, his army fled, its elephants, horses and chariots in confusion, trampling its own foot soldiers.

Note on the text: Corrected पदातीनवमृद्गती → पदातीनवमृद्नती (misprint in Wikisource; the verb is मृद्न-, as in the critical edition's avamṛdnatī — the page prints ग for न in this stem here and in the following adhyayas).

Verse 19 (7.26.19)

तेष्वनीकेषु भग्नेषु विद्रवत्सु समन्ततः । प्राग्ज्योतिषस्ततो भीमं कुञ्जरेण समाद्रवत् ॥

teṣvanīkeṣu bhagneṣu vidravatsu samantataḥ | prāgjyotiṣastato bhīmaṃ kuñjareṇa samādravat

As those divisions broke and fled in all directions, Pragjyotisha then charged at Bhima on his elephant.

Verse 20 (7.26.20)

येन नागेन मघवानजयद्दैत्यदानवान् । तदन्वयेन नागेन भीमसेनमुपाद्रवत् ॥

yena nāgena maghavānajayaddaityadānavān | tadanvayena nāgena bhīmasenamupādravat

He charged at Bhimasena with an elephant of the lineage of that elephant by which Indra had once conquered the Daityas and Danavas.

Note on the text: Line 1 is the critical edition's 7.25.20a; line 2 (तदन्वयेन नागेन भीमसेनमुपाद्रवत्) is its star passage 7.25.20b*0188_01, not in the constituted text.

Verse 21 (7.26.21)

स नागप्रवरो भीमं सहसा समुपाद्रवत् । श्रवणाभ्यामथो द्वाभ्यां संहतेन करेण च ॥

sa nāgapravaro bhīmaṃ sahasā samupādravat | śravaṇābhyāmatho dvābhyāṃ saṃhatena kareṇa ca

That best of elephants rushed suddenly at Bhima, with both its ears and its trunk drawn tight together,

Note on the text: Line 1 is the critical edition's 7.25.20c (the same words); line 2 is its 7.25.21a.

Verse 22 (7.26.22)

व्यावृत्तनयनः क्रुद्धः प्रमथन्निव पाण्डवम् । वृकोदररथं साश्वमविशेषमचूर्णयत् ॥

vyāvṛttanayanaḥ kruddhaḥ pramathanniva pāṇḍavam | vṛkodararathaṃ sāśvamaviśeṣamacūrṇayat

its eyes rolling, enraged, as if to crush the Pandava; and it ground Vrikodara's chariot with its horses to dust, leaving nothing distinguishable.

Note on the text: Corrected क्रुद्वः → क्रुद्धः (misprint in Wikisource; broken conjunct). Line 1 is the critical edition's 7.25.21cd (प्रमथन्निव for pradahann iva); line 2 is its star passage 7.25.21d*0189_01, not in the constituted text.

Verse 23 (7.26.23)

पद्भ्यां भीमोऽप्यथो धावंस्तस्य गात्रेष्वलीयत । जानन्नञ्जलिकावेधं नापाक्रामत पाण्डवः ॥

padbhyāṃ bhīmo'pyatho dhāvaṃstasya gātreṣvalīyata | jānannañjalikāvedhaṃ nāpākrāmata pāṇḍavaḥ

Bhima too, running on foot, hid himself among the limbs of the elephant; knowing the anjalika thrust, the Pandava did not draw back.

Note on the text: Not in the critical edition's constituted text (found in the vulgate recension); the critical edition records it in its apparatus as the star passage 7.25.21d*0189_02–03.

Verse 24 (7.26.24)

गात्राभ्यन्तरगो भूत्वा करेणाताडयन्मुहुः । लालयामास तं नागं वधाकाङ्क्षिणमव्ययम् ॥

gātrābhyantarago bhūtvā kareṇātāḍayanmuhuḥ | lālayāmāsa taṃ nāgaṃ vadhākāṅkṣiṇamavyayam

Getting in among its limbs, he struck it again and again with his hand, and so played with that elephant, which was eager to kill him and had lost none of its strength.

Note on the text: Not in the critical edition's constituted text (found in the vulgate recension); the critical edition records it in its apparatus as the star passage 7.25.21d*0189_04–05.

Verse 25 (7.26.25)

कुलालचक्रवन्नागस्तदा तूर्णमथाभ्रमत् । नागायुतबलः श्रीमान्कालयानो वृकोदरम् ॥

kulālacakravannāgastadā tūrṇamathābhramat | nāgāyutabalaḥ śrīmānkālayāno vṛkodaram

Then the glorious elephant, with the strength of ten thousand elephants, quickly whirled like a potter's wheel, chasing Vrikodara.

Note on the text: Not in the critical edition's constituted text (found in the vulgate recension); the critical edition records it in its apparatus as the star passage 7.25.21d*0189_06–07.

Verse 26 (7.26.26)

भीमोऽपि निष्क्रम्य ततः सुप्रतीकाग्रतोऽभवत् । भीमं करेणावनम्य जानुभ्यामभ्यताडयत् ॥

bhīmo'pi niṣkramya tataḥ supratīkāgrato'bhavat | bhīmaṃ kareṇāvanamya jānubhyāmabhyatāḍayat

Bhima too slipped out then and came to stand in front of Supratika; the elephant bent him down with its trunk and struck him with its knees.

Note on the text: Not in the critical edition's constituted text (found in the vulgate recension); the critical edition records it in its apparatus as the star passage 7.25.21d*0189_08–09. The page reads अभ्यताडयत् where the apparatus has abhyapātayat.

Verse 27 (7.26.27)

ग्रीवायां वेष्टयित्वैनं स गजो हन्तुमैहत । करवेष्टं भीमसेनो भ्रमं दत्त्वा व्यमोचयत् ॥

grīvāyāṃ veṣṭayitvainaṃ sa gajo hantumaihata | karaveṣṭaṃ bhīmaseno bhramaṃ dattvā vyamocayat

Winding its trunk around his neck, the elephant tried to kill him; Bhimasena gave a twist and freed himself from the coil of the trunk.

Note on the text: Not in the critical edition's constituted text (found in the vulgate recension); the critical edition records it in its apparatus as the star passage 7.25.21d*0189_10–11.

Verse 28 (7.26.28)

पुनर्गात्राणि नागस्य प्रविवेश वृकोदरः । यावत्प्रतिगजायातं स्वबलं प्रत्यवैक्षत । भीमोऽपि नागगात्रेभ्यो विनिःसृत्यापयाज्जवात् ॥

punargātrāṇi nāgasya praviveśa vṛkodaraḥ | yāvatpratigajāyātaṃ svabalaṃ pratyavaikṣata | bhīmo'pi nāgagātrebhyo viniḥsṛtyāpayājjavāt

Vrikodara entered the elephant's limbs again, and stayed there until he saw his own forces come up to face the elephant; then Bhima slipped out from between its limbs and sprang away swiftly.

Note on the text: Three lines: the critical edition's star passage 7.25.21d*0189_12–14, not in the constituted text (the page reads यावत्प्रतिगजायातं स्वबलं प्रत्यवैक्षत for yāvat pratigajāyātaṃ svabalastham avaikṣata). Corrected भीमोपि → भीमोऽपि (misprint in Wikisource; the avagraha is missing).

Verse 29 (7.26.29)

ततः सर्वस्य सैन्यस्य नादः समभवन्महान् । अहो धिङ्निहतो भीमः कुञ्जरेणेति मारिष ॥

tataḥ sarvasya sainyasya nādaḥ samabhavanmahān | aho dhiṅnihato bhīmaḥ kuñjareṇeti māriṣa

Then a great cry went up from the whole army: "Alas! Bhima is slain by the elephant," O sire.

Note on the text: Corrected कुज्जरेणेति → कुञ्जरेणेति (misprint in Wikisource; broken conjunct) and धिङ्गिहतो → धिङ्निहतो (misprint in Wikisource; गि is a mistyped नि — 'shame! Bhima is slain'; the critical edition reads hā hā vinihato bhīmaḥ).

Verse 30 (7.26.30)

तेन नागेन सन्त्रस्ता पाण्डवानामनीकिनी । सहसाऽभ्यद्रवद्राजन्यत्र तस्यौ वृकोदरः ॥

tena nāgena santrastā pāṇḍavānāmanīkinī | sahasā'bhyadravadrājanyatra tasyau vṛkodaraḥ

Terrified by that elephant, the Pandava army suddenly rushed, O king, to the place where Vrikodara stood.

Note on the text: तेन नागेन kept as a recension variant (critical edition: tena nādena, 'by that cry').

Verse 31 (7.26.31)

ततो युधिष्ठिरो राजा हतं मत्वा वृकोदरम् । भगदत्तं सपाञ्चाल्यः सर्वतः समवारयत् ॥

tato yudhiṣṭhiro rājā hataṃ matvā vṛkodaram | bhagadattaṃ sapāñcālyaḥ sarvataḥ samavārayat

Then King Yudhishthira, thinking Vrikodara slain, surrounded Bhagadatta on every side together with the Panchalas.

Verse 32 (7.26.32)

तं रथै रथिनां श्रेष्ठाः परिवार्य परन्तपाः । अवाकिरञ्शरैस्तीक्ष्णैः शतशोऽथ सहस्रशः ॥

taṃ rathai rathināṃ śreṣṭhāḥ parivārya parantapāḥ | avākirañśaraistīkṣṇaiḥ śataśo'tha sahasraśaḥ

Surrounding him with their chariots, those best of charioteers, tormentors of their foes, showered him with sharp arrows by the hundreds and thousands.

Note on the text: Corrected तं रथं → तं रथै (misprint in Wikisource; रथं is a mistyped रथै, 'with chariots', the critical edition's rathai — the king is on an elephant, so 'that chariot' cannot be meant). परन्तपाः kept as a recension variant (critical edition: samantataḥ).

Verse 33 (7.26.33)

स विघातं पृषत्कानामङ्कुशेन समाहरन् । क्षणेन पाण्डुपाञ्जालान्व्यधमत्पर्वतेश्वरः ॥

sa vighātaṃ pṛṣatkānāmaṅkuśena samāharan | kṣaṇena pāṇḍupāñjālānvyadhamatparvateśvaraḥ

Warding off the volleys of arrows with his goad, the lord of the mountain kings in an instant scattered the Pandavas and Panchalas.

Verse 34 (7.26.34)

तदद्भुतमपश्याम भगदत्तस्य संयुगे । तथा वृद्धस्य चरितं कुञ्जरेण विशाम्पते ॥

tadadbhutamapaśyāma bhagadattasya saṃyuge | tathā vṛddhasya caritaṃ kuñjareṇa viśāmpate

We saw that marvel in the battle, O lord of the people: the feat of that aged king on his elephant.

Verse 35 (7.26.35)

ततो राजा दशार्णानां प्राग्ज्योतिषमुपाद्रवत् । तिर्यग्यातेन नागेन समदेनाशुगामिना ॥

tato rājā daśārṇānāṃ prāgjyotiṣamupādravat | tiryagyātena nāgena samadenāśugāminā

Then the king of the Dasharnas charged at Pragjyotisha on a swift, rutting elephant that moved sideways.

Verse 36 (7.26.36)

तयोर्युद्धं समभवन्नागयोर्भीमरूपयोः । सपक्षयोः पर्वतयोर्यथा सद्रुमयोः पुरा ॥

tayoryuddhaṃ samabhavannāgayorbhīmarūpayoḥ | sapakṣayoḥ parvatayoryathā sadrumayoḥ purā

A battle took place between those two fearsome elephants, like the ancient battle of two winged mountains with their trees.

Verse 37 (7.26.37)

प्राग्ज्योतिषपतेर्नागः सन्निवृत्त्यापसृत्य च । पार्श्वे दशार्णाधिपतेर्भित्त्वा नागमपातयत् ॥

prāgjyotiṣapaternāgaḥ sannivṛttyāpasṛtya ca | pārśve daśārṇādhipaterbhittvā nāgamapātayat

Pragjyotisha's elephant turned back, drew away, and then, striking the Dasharna king's elephant in the flank, pierced it and brought it down.

Verse 38 (7.26.38)

तोमरैः सूर्यरश्म्याभैर्भगदत्तोऽथ सप्तभिः । जघान द्विरदस्थं तं शत्रुं प्रचलितासनम् ॥

tomaraiḥ sūryaraśmyābhairbhagadatto'tha saptabhiḥ | jaghāna dviradasthaṃ taṃ śatruṃ pracalitāsanam

Then Bhagadatta struck the enemy seated on the elephant, his seat shaken, with seven lances bright as the rays of the sun.

Verse 39 (7.26.39)

व्यवच्छिद्य तु राजानं भगदत्तं युधिष्ठिरः । रथानीकेन महता सर्वतः पर्यवारयत् ॥

vyavacchidya tu rājānaṃ bhagadattaṃ yudhiṣṭhiraḥ | rathānīkena mahatā sarvataḥ paryavārayat

Having wounded King Bhagadatta, Yudhishthira surrounded him on every side with a great host of chariots.

Note on the text: व्यवच्छिद्य kept as a recension variant (critical edition: upasṛtya; the page's footnote glosses it विद्ध्वा).

Verse 40 (7.26.40)

स कुञ्जरस्थो रथिभिः शुशुभे सर्वतो वृतः । पर्वते वनमध्यस्थो ज्वलन्निव हुताशनः ॥

sa kuñjarastho rathibhiḥ śuśubhe sarvato vṛtaḥ | parvate vanamadhyastho jvalanniva hutāśanaḥ

Seated on his elephant and ringed on all sides by chariot-warriors, he shone like a blazing fire in the midst of a forest on a mountain.

Verse 41 (7.26.41)

मण्डलं सर्वतः श्लिष्टं रथिनामुग्रधन्विनाम् । किरतां शरवर्षाणि स नागः पर्यवर्तत ॥

maṇḍalaṃ sarvataḥ śliṣṭaṃ rathināmugradhanvinām | kiratāṃ śaravarṣāṇi sa nāgaḥ paryavartata

Within the close circle of fierce archers in their chariots, who rained down arrows, that elephant wheeled round and round.

Verse 42 (7.26.42)

ततः प्राग्ज्योतिषो राजा परिगृह्य महागजम् । प्रेषयामास सहसा युयुधानरथं प्रति ॥

tataḥ prāgjyotiṣo rājā parigṛhya mahāgajam | preṣayāmāsa sahasā yuyudhānarathaṃ prati

Then King Pragjyotisha took firm hold of his great elephant and suddenly sent it against Yuyudhana's chariot.

Verse 43 (7.26.43)

आपतन्तं च सम्प्रेक्ष्य नागं सात्वतपुङ्गवः । अविध्यत्पञ्चभिर्बाणैः शितैराशीविषोपमैः ॥

āpatantaṃ ca samprekṣya nāgaṃ sātvatapuṅgavaḥ | avidhyatpañcabhirbāṇaiḥ śitairāśīviṣopamaiḥ

Seeing the elephant bearing down on him, the bull of the Satvatas pierced it with five sharp arrows like venomous serpents.

Note on the text: Not in the critical edition's constituted text (found in the vulgate recension); the critical edition records it in its apparatus as the star passage 7.25.35d*0193_01–02. Removed the backtick and the closing quote mark the page prints around the two lines.

Verse 44 (7.26.44)

शिनेः पौत्रस्य तु रथं परिगृह्य महाद्विपः । अभिचिक्षेप वेगेन युयुधानस्त्वपाक्रमत् ॥

śineḥ pautrasya tu rathaṃ parigṛhya mahādvipaḥ | abhicikṣepa vegena yuyudhānastvapākramat

The huge elephant seized the chariot of Shini's grandson and hurled it away with force, but Yuyudhana had already stepped aside.

Verse 45 (7.26.45)

बृहतः सैन्धवानश्वान्समुत्थाप्यथ सारथिः । तस्थौ सात्यकिमासाद्य सम्प्लुतस्तं रथं प्रति ॥

bṛhataḥ saindhavānaśvānsamutthāpyatha sārathiḥ | tasthau sātyakimāsādya samplutastaṃ rathaṃ prati

Steadying the big Sindhu horses, the charioteer leaped up, rejoined Satyaki, and stood by that chariot.

Verse 46 (7.26.46)

स तु लब्ध्वान्तरं नागस्त्वरितो रथमण्डलात् । निष्पतन्सततं सर्वान्परिचिक्षेप पार्थिवान् ॥

sa tu labdhvāntaraṃ nāgastvarito rathamaṇḍalāt | niṣpatansatataṃ sarvānparicikṣepa pārthivān

That elephant, finding an opening, quickly dashed out of the ring of chariots and kept circling round all the kings.

Verse 47 (7.26.47)

ते त्वाशुगतिना तेन त्रास्यमाना नरर्षभाः । तमेकं द्विरदं सङ्ख्ये मेनिरे शतशो द्विपान् ॥

te tvāśugatinā tena trāsyamānā nararṣabhāḥ | tamekaṃ dviradaṃ saṅkhye menire śataśo dvipān

Terrified by that swift-moving beast, those bulls among men took the one elephant in the battle for hundreds of elephants.

Verse 48 (7.26.48)

ते गजस्थेन काल्यन्ते भगदत्तेन पार्थिवाः । ऐरावतस्थेन यथा देवराजेन दानवाः ॥

te gajasthena kālyante bhagadattena pārthivāḥ | airāvatasthena yathā devarājena dānavāḥ

Those kings were driven before Bhagadatta on his elephant, as the Danavas were driven by Indra, king of the gods, seated on Airavata.

Verse 49 (7.26.49)

तेषां प्रद्रवतां भीमः पाञ्चालानामितस्ततः । गजवाजिकृतः शब्दः सुमहान्समजायत ॥

teṣāṃ pradravatāṃ bhīmaḥ pāñcālānāmitastataḥ | gajavājikṛtaḥ śabdaḥ sumahānsamajāyata

As those Panchalas fled this way and that, a terrible and very great noise of elephants and horses arose.

Verse 50 (7.26.50)

भगदत्तेन समरे काल्यमानेषु पाण्डुषु । प्राग्ज्योतिषमभिक्रुद्धः पुनर्भीमः समभ्ययात् ॥

bhagadattena samare kālyamāneṣu pāṇḍuṣu | prāgjyotiṣamabhikruddhaḥ punarbhīmaḥ samabhyayāt

While the Pandavas were being driven before Bhagadatta in the battle, Bhima, furious, again came against Pragjyotisha.

Verse 51 (7.26.51)

तस्याभिद्रवतो वाहान्हस्तमुक्तेन वारिणा । सिक्त्वा व्यत्रासयन्नागस्ते पार्थमहरंस्ततः ॥

tasyābhidravato vāhānhastamuktena vāriṇā | siktvā vyatrāsayannāgaste pārthamaharaṃstataḥ

As Bhima rushed at him, the elephant sprinkled his horses with water cast from its trunk and frightened them, and they bore Partha away from there.

Note on the text: Corrected पार्थसहरंस्ततः → पार्थमहरंस्ततः (misprint in Wikisource; स for म — the critical edition reads pārtham aharaṃs tataḥ).

Verse 52 (7.26.52)

ततस्तमभ्ययात्तूर्णं रुचिपर्वा कृतीसुतः । समघ्नञ्छरवर्षेण रथस्थोऽन्तकसन्निभः ॥

tatastamabhyayāttūrṇaṃ ruciparvā kṛtīsutaḥ | samaghnañcharavarṣeṇa rathastho'ntakasannibhaḥ

Then Ruciparvan, son of Kriti, quickly came at him, standing in his chariot like Death himself, striking him with a shower of arrows.

Note on the text: Corrected रथस्योऽन्तकसन्निभः → रथस्थोऽन्तकसन्निभः (misprint in Wikisource; the critical edition reads rathastho 'ntakasaṃnibhaḥ). समघ्नञ्छरवर्षेण kept as a recension variant (critical edition: samukṣañ śaravarṣeṇa).

Verse 53 (7.26.53)

ततः स रुचिपर्वाणं शरेणानतपर्वणा । सुपर्वा पर्वतपतिर्निन्ये वैवस्वतक्षयम् ॥

tataḥ sa ruciparvāṇaṃ śareṇānataparvaṇā | suparvā parvatapatirninye vaivasvatakṣayam

Then the well-jointed lord of the mountains sent Ruciparvan to the abode of Vaivasvata with a straight-jointed arrow.

Verse 54 (7.26.54)

तस्मिन्निपतिते वीरे सौभद्रो द्रौपदीसुताः । चेकितानो धृष्टकेतुर्युयुत्सुश्चार्दयन्द्विपम् ॥

tasminnipatite vīre saubhadro draupadīsutāḥ | cekitāno dhṛṣṭaketuryuyutsuścārdayandvipam

When that hero had fallen, Saubhadra, the sons of Draupadi, Cekitana, Dhrishtaketu and Yuyutsu attacked the elephant.

Note on the text: Corrected ययुत्सुश्च → युयुत्सुश्च (misprint in Wikisource; the name is Yuyutsu) and द्रौपदीसुतः → द्रौपदीसुताः (misprint in Wikisource; the plural is required — the critical edition reads draupadīsutāḥ).

Verse 55 (7.26.55)

त एनं शरधाराभिर्धाराभिरिव तोयदाः । सिषिचुर्भैरवान्नादान्विनदन्तो जिघांसवः ॥

ta enaṃ śaradhārābhirdhārābhiriva toyadāḥ | siṣicurbhairavānnādānvinadanto jighāṃsavaḥ

Roaring terrible roars, eager to kill, they drenched it with streams of arrows, as clouds do with streams of rain.

Verse 56 (7.26.56)

ततः पार्ष्ण्यङ्कुशाङ्गुष्ठैः कृतिना चोदितो द्विपः । प्रसारितकरः प्रायात्स्तब्धकर्णेक्षणो द्रुतम् ॥

tataḥ pārṣṇyaṅkuśāṅguṣṭhaiḥ kṛtinā codito dvipaḥ | prasāritakaraḥ prāyātstabdhakarṇekṣaṇo drutam

Then, urged on by his skilled driver with heels, goad and big toes, the elephant went swiftly forward with trunk stretched out and ears and eyes rigid.

Verse 57 (7.26.57)

सोऽधिष्ठाय पदा वाहान्युयुत्सोः सूतमारुजत् । युयुत्सुस्तु रथाद्राजन्नपाक्रामत्त्वरान्वितः ॥

so'dhiṣṭhāya padā vāhānyuyutsoḥ sūtamārujat | yuyutsustu rathādrājannapākrāmattvarānvitaḥ

Setting its foot on Yuyutsu's horses, it crushed his charioteer; and Yuyutsu, O king, quickly leapt away from the chariot.

Note on the text: Line 1 is the critical edition's 7.25.49ab; line 2 is its star passage 7.25.49b*0196_01, not in the constituted text.

Verse 58 (7.26.58)

ततः पाण्डवयोधास्ते नागराजं शरैर्द्रुतम् । सिषिचुर्भैरवान्नादान्विनदन्तो जिघांसवः ॥

tataḥ pāṇḍavayodhāste nāgarājaṃ śarairdrutam | siṣicurbhairavānnādānvinadanto jighāṃsavaḥ

Then the Pandava warriors quickly drenched the king of elephants with arrows, roaring terrible roars, eager to kill.

Note on the text: Line 1 is the critical edition's star passage 7.25.49b*0196_02 (not in the constituted text). Line 2 repeats the second line of verse 55 as the page prints it; the critical edition's star line has no second line at this point. Kept as printed.

Verse 59 (7.26.59)

पुत्रस्तु तव सम्भ्रान्तः सौभद्रस्याप्लुतो रथम् । स कुञ्जरस्थो विसृजन्निषूनरिषु पार्थिवः । बभौ रश्मीनिवादित्यो भुवनेषु समुत्सृजन् ॥

putrastu tava sambhrāntaḥ saubhadrasyāpluto ratham | sa kuñjarastho visṛjanniṣūnariṣu pārthivaḥ | babhau raśmīnivādityo bhuvaneṣu samutsṛjan

Your son Yuyutsu, bewildered, leapt onto Saubhadra's chariot; and that king, seated on his elephant and loosing arrows at his foes, shone like the sun sending out his rays over the worlds.

Note on the text: Line 1 is the critical edition's 7.25.49c; lines 2 and 3 are its 7.25.50a and 50c, joined into one verse here (the alignment listed 7.25.49 and 7.25.50 as unmatched).

Verse 60 (7.26.60)

तमार्जुनिर्द्वादशभिर्युयुत्सुर्दशभिः शरैः । त्रिभिस्त्रिभिर्द्रौपदेया धृष्टकेतुश्च विव्यधुः ॥

tamārjunirdvādaśabhiryuyutsurdaśabhiḥ śaraiḥ | tribhistribhirdraupadeyā dhṛṣṭaketuśca vivyadhuḥ

Saubhadra pierced him with twelve arrows and Yuyutsu with ten; the sons of Draupadi and Dhrishtaketu pierced him with three each.

Verse 61 (7.26.61)

चेकितानः चतुःषष्ट्या सोत्तरायुधिकं पुनः । प्रत्यविध्यत्ततः सर्वान्भगदत्तस्त्रिभिस्त्रिभिः ॥

cekitānaḥ catuḥṣaṣṭyā sottarāyudhikaṃ punaḥ | pratyavidhyattataḥ sarvānbhagadattastribhistribhiḥ

Cekitana struck him with sixty-four arrows and more besides; and Bhagadatta then struck back at all of them with three arrows each.

Note on the text: Not in the critical edition's constituted text (found in the vulgate recension); the critical edition records it in its apparatus as the star passage 7.25.51d*0198_01–02. Removed the backtick and the closing quote mark the page prints around the two lines.

Verse 62 (7.26.62)

सोऽतियत्नार्पितैर्बाणैराचितो द्विरदो बभौ । संस्यूत इव सूर्यस्य रश्मिभिर्जलदो महान् ॥

so'tiyatnārpitairbāṇairācito dvirado babhau | saṃsyūta iva sūryasya raśmibhirjalado mahān

Covered with arrows shot with great effort, the elephant shone like a great cloud threaded through with the sun's rays.

Verse 63 (7.26.63)

नियन्तुः शिल्पयत्नाभ्यां प्रेरितोऽरिशरार्दितः । परिचिक्षेप तान्नागः स रिपून्सव्यदक्षिणम् ॥

niyantuḥ śilpayatnābhyāṃ prerito'riśarārditaḥ | paricikṣepa tānnāgaḥ sa ripūnsavyadakṣiṇam

Driven by its driver's skill and effort, and hurt by the enemies' arrows, the elephant circled round those foes to the left and to the right.

Verse 64 (7.26.64)

गोपाल इव दण्डेन यथा पशुगणान्वने । सङ्कालयति तां सेनां भगदत्तस्तथा मुहुः ॥

gopāla iva daṇḍena yathā paśugaṇānvane | saṅkālayati tāṃ senāṃ bhagadattastathā muhuḥ

As a herdsman with his staff drives herds of cattle in a forest, so Bhagadatta drove that army again and again.

Verse 65 (7.26.65)

क्षिप्रं श्येनाभिपन्नानां वायसानामिव स्वनः । बभूव पाण्डवेयानां भृशं विद्रवतां स्वनः ॥

kṣipraṃ śyenābhipannānāṃ vāyasānāmiva svanaḥ | babhūva pāṇḍaveyānāṃ bhṛśaṃ vidravatāṃ svanaḥ

Like the cry of crows swooped on by hawks, a great cry arose swiftly from the Pandava host as they fled.

Note on the text: Corrected श्येनाभिप्रन्नानां → श्येनाभिपन्नानां (misprint in Wikisource; an extra र — the critical edition reads śyenābhipannānām).

Verse 66 (7.26.66)

स नागराजः प्रवराङ्कुशाहतः । पुरा सपक्षोऽद्रिवरो यथा नृप । भयं तदा रिपुषु समादधद्भृशं । वणिग्जनानां क्षुभितो यथाऽर्णवः ॥

sa nāgarājaḥ pravarāṅkuśāhataḥ | purā sapakṣo'drivaro yathā nṛpa | bhayaṃ tadā ripuṣu samādadhadbhṛśaṃ | vaṇigjanānāṃ kṣubhito yathā'rṇavaḥ

Struck by the superb goad, that king of elephants, like a winged mountain of ancient days, O king, then put great fear into the enemy, as a storm-tossed ocean does into merchants.

Verse 67 (7.26.67)

ततो ध्वनिर्द्विरदरथाश्वपार्थिवै । र्भयाद्रवद्भिर्जनितोऽतिभैरवः । क्षितिं वियद् द्यां विदिशो दिशस्तथा । समावृणोत्पार्थिवसंयुगे ततः ॥

tato dhvanirdviradarathāśvapārthivai | rbhayādravadbhirjanito'tibhairavaḥ | kṣitiṃ viyad dyāṃ vidiśo diśastathā | samāvṛṇotpārthivasaṃyuge tataḥ

Then a most terrible din, raised by elephants, chariots, horses and kings fleeing in fear, filled the earth, the sky and heaven, the quarters and the intermediate quarters, in that battle of kings.

Verse 68 (7.26.68)

स तेन नागप्रवरेण पार्थिवो । भृशं जगाहे द्विषतामनीकिनीम् । पुरा सुगुप्तां विबुधैरिवाहवे । विरोचनो देववरूतिनीमिव ॥

sa tena nāgapravareṇa pārthivo | bhṛśaṃ jagāhe dviṣatāmanīkinīm | purā suguptāṃ vibudhairivāhave | virocano devavarūtinīmiva

With that best of elephants the king plunged deep into the enemy host, as Virochana of old plunged into the army of the gods, so well guarded in battle.

Verse 69 (7.26.69)

भृशं ववौ ज्वलनसखो वियद्रजः । समावृणोन्मुहुरपि चैव सैनिकान् । तमेकनागं गणशो यथा गजान् । समन्ततो द्रुतमथ मेनिरे जनाः ॥

bhṛśaṃ vavau jvalanasakho viyadrajaḥ | samāvṛṇonmuhurapi caiva sainikān | tamekanāgaṃ gaṇaśo yathā gajān | samantato drutamatha menire janāḥ

A violent wind, the friend of fire, blew, and the dust in the air covered the soldiers again and again; and the men, seeing that one elephant rushing about on every side, took it for herds of elephants.