Arjuna Returns to Camp and Laments Abhimanyu

Verse 1 (7.72.1)

अथ संशप्तकैः सार्धं युध्यमाने धनञ्जये । अभिमन्यौ हते चापि बाले बलवतां वरे ॥

atha saṃśaptakaiḥ sārdhaṃ yudhyamāne dhanañjaye | abhimanyau hate cāpi bāle balavatāṃ vare

While Dhananjaya was fighting the Samshaptakas, and Abhimanyu, the young one, best of the mighty, had been slain,

Note on the text: Adhyaya note: checked against the raw Wikisource page (a table, one row per verse, printed 5-72-1 to 5-72-93 — the page's "5-" is a typo for 7 — ending with a colophon naming this the 72nd adhyaya of the Pratijna Parva); page and input agree on all 93 verses. The page prints the speaker headings धृतराष्ट्र (verse 1), सञ्जय (4, 14, 23, 52, 71, 80, 89) and वासुदेव (13); the unheaded speeches were given to their speakers: Arjuna 10–12, 17–22, 25–51, 53–70 and 81–88; Krishna (Vasudeva) 72–79. The adhyaya corresponds to the critical edition 7.50 (Wikisource 72 = CE 7.50); the preceding Wikisource adhyayas 57–71 are vulgate-only. Verses 1–2: not in the critical edition's constituted text (found in the vulgate recension); the critical edition records them in its apparatus as the star passage 7.50.000*0343_01–04 (printed before 7.50.1; lines 01–02 are this verse).

Verse 2 (7.72.2)

महर्षिसत्तमे याते व्यासे स तु युधिष्ठिरः । पाण्डवाः किमथाऽकार्षुः शोकोपहतचेतसः ॥

maharṣisattame yāte vyāse sa tu yudhiṣṭhiraḥ | pāṇḍavāḥ kimathā'kārṣuḥ śokopahatacetasaḥ

and Vyasa, the best of the great sages, had departed, what did Yudhishthira and the Pandavas do, their minds struck down by grief?

Note on the text: Not in the critical edition's constituted text (found in the vulgate recension); it is lines 03–04 of the star passage 7.50.000*0343 (printed before 7.50.1).

Verse 3 (7.72.3)

कथं संशप्तकेभ्यो वा निवृत्तो वानरध्वजः । केन वा कथितस्तस्य प्रशान्तः सुतपावकः । एतन्मे शंस तत्त्वेन सर्वमेवेह सञ्जय ॥

kathaṃ saṃśaptakebhyo vā nivṛtto vānaradhvajaḥ | kena vā kathitastasya praśāntaḥ sutapāvakaḥ | etanme śaṃsa tattvena sarvameveha sañjaya

How did the monkey-bannered Arjuna turn back from the Samshaptakas? And who told him that his son, a very fire in his splendour, had been quenched? Tell me all this truly, Sanjaya.

Note on the text: Not in the critical edition's constituted text (found in the vulgate recension); it is lines 05–07 of the star passage 7.50.000*0343 (printed before 7.50.1). The critical edition prints a heading "saṃjaya uvāca" just before line 07; the page heads Dhritarashtra's speech through this verse, and that is followed.

Verse 4 (7.72.4)

शृणु राजन्यथा तेभ्यो निवृत्तः कृष्णसारथिः । ततः सर्वाणि सैन्यानि दहन्कृष्णगतिर्यथा ॥

śṛṇu rājanyathā tebhyo nivṛttaḥ kṛṣṇasārathiḥ | tataḥ sarvāṇi sainyāni dahankṛṣṇagatiryathā

Listen, O king, to how he whose charioteer is Krishna turned back from them, burning all the armies like fire.

Note on the text: Not in the critical edition's constituted text (found in the vulgate recension); it is lines 08–09 of the star passage 7.50.000*0343 (printed before 7.50.1).

Verse 5 (7.72.5)

सम्प्रयातेऽस्तमादित्ये संध्याकाल उपस्थिते । आयातस्यात्मशिबिरं निमित्तैरघशंसिभिः ॥

samprayāte'stamāditye saṃdhyākāla upasthite | āyātasyātmaśibiraṃ nimittairaghaśaṃsibhiḥ

As the sun sank and the hour of twilight came, he arrived at his own camp, attended by omens that foretold evil.

Note on the text: Not in the critical edition's constituted text (found in the vulgate recension); it is lines 10–11 of the star passage 7.50.000*0343 (printed before 7.50.1). Corrected अयातस्य → आयातस्य (misprint in Wikisource; dropped long vowel — the critical edition reads āyātasya, "who had arrived", and the sense requires it).

Verse 6 (7.72.6)

यच्चासीन्मानसं तस्य यच्च कृष्णेन भाषितम् । यथा च कथितस्तस्य निहतः सुतपावकः । विस्तरेणैव मे सर्वं ब्रुवतः शृणु मारिष ॥

yaccāsīnmānasaṃ tasya yacca kṛṣṇena bhāṣitam | yathā ca kathitastasya nihataḥ sutapāvakaḥ | vistareṇaiva me sarvaṃ bruvataḥ śṛṇu māriṣa

Hear from me, O venerable king, as I tell you in full what was in his mind, what Krishna said, and how he was told that his son, the fire-like one, had been slain.

Note on the text: Not in the critical edition's constituted text (found in the vulgate recension); it is lines 12–14 of the star passage 7.50.000*0343 (printed before 7.50.1). Removed the stray wiki quote mark (apostrophe) after मारिष.

Verse 7 (7.72.7)

तस्मिन्नहनि निर्वृत्ते घोरे प्राणभृतां क्षये । आदित्येऽस्तङ्गते श्रीमान्सन्ध्याकाल उपस्थिते ॥

tasminnahani nirvṛtte ghore prāṇabhṛtāṃ kṣaye | āditye'staṅgate śrīmānsandhyākāla upasthite

When that dreadful day, which destroyed living beings, had come to its end, and the radiant sun had set and evening had arrived,

Verse 8 (7.72.8)

व्यपयातेषु वासाय सर्वेषु भरतर्षभ । हत्वा संशप्तकव्रातान्दिव्यैरस्त्रैः कपिध्वजः ॥

vyapayāteṣu vāsāya sarveṣu bharatarṣabha | hatvā saṃśaptakavrātāndivyairastraiḥ kapidhvajaḥ

and all had withdrawn to their quarters, O best of the Bharatas, the ape-bannered Arjuna, having slain the hosts of the Samshaptakas with divine weapons,

Note on the text: सर्वेषु kept as a recension variant (critical edition: sainyeṣu).

Verse 9 (7.72.9)

प्रायात्स्वशिबिरं जिष्णुर्जैत्रमास्थाय तं रथम् । गच्छन्नेव च गोविन्दं साश्रुकण्ठोऽभ्यभाषत ॥

prāyātsvaśibiraṃ jiṣṇurjaitramāsthāya taṃ ratham | gacchanneva ca govindaṃ sāśrukaṇṭho'bhyabhāṣata

Jishnu mounted that victorious chariot and set out for his own camp; and as he went, his throat thick with tears, he spoke to Govinda.

Note on the text: साश्रुकण्ठः kept as a recension variant (critical edition: sannakaṇṭhaḥ).

Verse 10 (7.72.10)

किं तु मे हृदयं त्रस्तं वाक्च सज्जति केशव । स्यन्दने नावतिष्ठामि गात्रैः सीदामि चाच्युत ॥

kiṃ tu me hṛdayaṃ trastaṃ vākca sajjati keśava | syandane nāvatiṣṭhāmi gātraiḥ sīdāmi cācyuta

Why is my heart seized with fear, Keshava, and why does my speech falter? I cannot stay upright in the chariot, Achyuta; my limbs are failing.

Note on the text: Speaker: the words are Arjuna's (no heading is printed; the input carried over सञ्जय). Corrected वाक्व → वाक्च (misprint in Wikisource; व for च — the critical edition reads vākyaṃ sajjati, "speech falters"). Line 2 (स्यन्दने नावतिष्ठामि …) is the page's own reading where the critical edition has "spandanti cāpy aniṣṭāni gātraṃ sīdati cācyuta" (kept as a recension variant).

Verse 11 (7.72.11)

अनिष्टं चैव मे श्लिष्टं हृदयान्नापसर्पति । भुवि ये दिक्षु चात्युग्रा उत्पातास्त्रासयन्ति माम् ॥

aniṣṭaṃ caiva me śliṣṭaṃ hṛdayānnāpasarpati | bhuvi ye dikṣu cātyugrā utpātāstrāsayanti mām

An evil foreboding clings to me and will not leave my heart; and the terrible portents on the earth and in the quarters of the sky frighten me.

Note on the text: Speaker: Arjuna (unheaded). Corrected भुविये → भुवि ये (misprint in Wikisource; two words run together — the critical edition reads bhuvi yad dikṣu).

Verse 12 (7.72.12)

बहुप्रकारा दृश्यन्ते सर्व एवाघशंसिनः । अपि स्वस्ति भवेद्राज्ञः सामात्यस्य गुरोर्मम ॥

bahuprakārā dṛśyante sarva evāghaśaṃsinaḥ | api svasti bhavedrājñaḥ sāmātyasya gurormama

Omens of every kind, all foretelling evil, are to be seen. May all be well with the king, my elder, and with his ministers!

Note on the text: Speaker: Arjuna (unheaded).

Verse 13 (7.72.13)

व्यक्तं शिवं सहभ्रातुर्धर्मराजस्य पाण्डव । मा शुचः किञ्चिदेवान्यत्तत्रानिष्टं भविष्यति ॥

vyaktaṃ śivaṃ sahabhrāturdharmarājasya pāṇḍava | mā śucaḥ kiñcidevānyattatrāniṣṭaṃ bhaviṣyati

Surely all is well with Dharmaraja and his brothers, O Pandava. Do not grieve; if there is any misfortune there, it must be something else.

Note on the text: Page heading वासुदेव उवाच. Separated शुचःकिञ्चिदेव → शुचः किञ्चिदेव (words run together in Wikisource). Line 1 reads सहभ्रातुर्धर्मराजस्य where the critical edition reads tava bhrātuḥ sāmātyasya (kept as a recension variant).

Verse 14 (7.72.14)

ततः सन्ध्यामुपास्यैव वीरौ वीरावसादने । कथयन्तौ रणे वृत्तं प्रयातौ रथमास्थितौ ॥

tataḥ sandhyāmupāsyaiva vīrau vīrāvasādane | kathayantau raṇe vṛttaṃ prayātau rathamāsthitau

Then, having performed the evening worship, the two heroes, in that hour when heroes' strength ebbs, drove on mounted on their chariot, talking of what had happened in the battle.

Verse 15 (7.72.15)

ततः स्वशिबिरं प्राप्तौ हतामित्रौ हतद्विषौ । वासुदेवोऽर्जुनश्चैव कृत्वा कर्म सुदुष्करम् ॥

tataḥ svaśibiraṃ prāptau hatāmitrau hatadviṣau | vāsudevo'rjunaścaiva kṛtvā karma suduṣkaram

Then Vasudeva and Arjuna, having done a most arduous deed, their enemies slain and their foes destroyed, reached their own camp.

Note on the text: Line 1 reads हतामित्रौ हतद्विषौ where the critical edition reads hatānandaṃ hatatviṣam (kept as a recension variant).

Verse 16 (7.72.16)

ध्वस्ताकारमिवालेख्यं संवीक्ष्य शिबिरं स्वकम् । बीभत्सुरब्रवीत्कृष्णमस्वस्थहृदयस्ततः ॥

dhvastākāramivālekhyaṃ saṃvīkṣya śibiraṃ svakam | bībhatsurabravītkṛṣṇamasvasthahṛdayastataḥ

Seeing his camp wasted in appearance, like a defaced picture, Bibhatsu, uneasy at heart, said to Krishna:

Note on the text: Line 1 differs from the critical edition (samālakṣya śibiraṃ paravīrahā); kept as a recension variant.

Verse 17 (7.72.17)

नदन्ति नाद्य तूर्याणि मङ्गल्यानि जनार्दन । मिश्रा दुन्दुभिनिर्धोषैः शङ्खाश्चाडम्बरैः सह ॥

nadanti nādya tūryāṇi maṅgalyāni janārdana | miśrā dundubhinirdhoṣaiḥ śaṅkhāścāḍambaraiḥ saha

Today the auspicious instruments do not sound, Janardana: neither the drums, with their thunderous roar, nor the conches, with the blare of the horns.

Note on the text: Speaker: Arjuna (unheaded). Not matched automatically: lines 1–2 are the critical edition's 7.50.11a and 11c (नदन्ति for nandanti kept as a variant). The critical edition has this passage as three-line 7.50.11 (a, c, e).

Verse 18 (7.72.18)

वीणा नैवाद्य वाद्यन्ते शम्यातालस्वनैः सह । मङ्गल्यानि च गीतानि न गायन्ति पठन्ति च ॥

vīṇā naivādya vādyante śamyātālasvanaiḥ saha | maṅgalyāni ca gītāni na gāyanti paṭhanti ca

No lutes are played today, with the beat of the clappers; the auspicious songs are not sung, nor are the sacred verses recited.

Note on the text: Line 1 is the critical edition's 7.50.11e (वीणा नैवाद्य for vīṇā vā nādya kept as a variant); line 2 is 7.50.12a. Wikisource divides the critical edition's verses 7.50.11–16 differently.

Verse 19 (7.72.19)

स्तुतियुक्तानि रम्याणि ममानीकेषु बन्दिनः । योधाश्चापि हि मां दृष्ट्वा निवर्तन्ते ह्यधोमुखाः ॥

stutiyuktāni ramyāṇi mamānīkeṣu bandinaḥ | yodhāścāpi hi māṃ dṛṣṭvā nivartante hyadhomukhāḥ

The bards in my ranks do not sing their delightful songs of praise; and the warriors, when they see me, turn away with downcast faces.

Note on the text: Lines 1–2 are the critical edition's 7.50.12c and 13a.

Verse 20 (7.72.20)

कर्माणि च यथापूर्वं कृत्वा नाभिवदन्ति माम् । अपि स्वस्ति भवेदद्य भ्रातृभ्यो मम माधव ॥

karmāṇi ca yathāpūrvaṃ kṛtvā nābhivadanti mām | api svasti bhavedadya bhrātṛbhyo mama mādhava

Having done their duties as before, they do not greet me. Madhava, may it be well today with my brothers!

Note on the text: Lines 1–2 are the critical edition's 7.50.13c and 14a.

Verse 21 (7.72.21)

न हि शुद्ध्यति मे भावो दृष्ट्वा स्वजनमाकुलम् । अपि पाञ्चालराजस्य विराटस्य च मानद ॥

na hi śuddhyati me bhāvo dṛṣṭvā svajanamākulam | api pāñcālarājasya virāṭasya ca mānada

My heart finds no calm when I see my own people in distress. May it be well, O giver of honour, with the king of the Panchalas and with Virata too,

Note on the text: Lines 1–2 are the critical edition's 7.50.14c and 15a.

Verse 22 (7.72.22)

सर्वेषां चैव योधानां सामग्र्यं स्यान्ममाच्युत । न च मामद्य सौभद्रः प्रहृष्टो भ्रातृभिः सह । रणादायान्तमुचितं प्रत्युद्याति हसन्निव ॥

sarveṣāṃ caiva yodhānāṃ sāmagryaṃ syānmamācyuta | na ca māmadya saubhadraḥ prahṛṣṭo bhrātṛbhiḥ saha | raṇādāyāntamucitaṃ pratyudyāti hasanniva

and may all the warriors be whole and unharmed, Achyuta. And yet Saubhadra does not come today to meet me, glad and smiling with his brothers, as he is wont to do when I come home from battle.

Note on the text: Three lines: line 1 is the critical edition's 7.50.15c; lines 2–3 are 7.50.16a and 16c (the page prints them as one three-line verse, 5-72-22a–c).

Verse 23 (7.72.23)

एवं सङ्कथयन्तौ तौ प्रविष्टौ शिबिरं स्वकम् । ददृशाते भृशास्वस्थान्पाण्डवान्नष्टचेतसः ॥

evaṃ saṅkathayantau tau praviṣṭau śibiraṃ svakam | dadṛśāte bhṛśāsvasthānpāṇḍavānnaṣṭacetasaḥ

As the two talked in this way, they entered their own camp and saw the Pandavas utterly dejected and bereft of their senses.

Verse 24 (7.72.24)

दृष्ट्वा भ्रातृंश्च पुत्रांश्च विमना वानरध्वजः । अपश्यंश्चैव सौभद्रमिदं वचनमब्रवीत् ॥

dṛṣṭvā bhrātṛṃśca putrāṃśca vimanā vānaradhvajaḥ | apaśyaṃścaiva saubhadramidaṃ vacanamabravīt

Seeing his brothers and his sons, and not seeing Saubhadra, the ape-bannered Arjuna, troubled in mind, spoke these words:

Verse 25 (7.72.25)

मुखवर्णोऽप्रसन्नो वः सर्वेषामेव लक्ष्यते । न चाभिमन्युं पश्यामि न च मां प्रतिनन्दथ ॥

mukhavarṇo'prasanno vaḥ sarveṣāmeva lakṣyate | na cābhimanyuṃ paśyāmi na ca māṃ pratinandatha

The colour of the faces of all of you looks dull. I do not see Abhimanyu, and you do not welcome me.

Note on the text: Speaker: Arjuna (unheaded; the input carried over सञ्जय) — his speech runs to verse 51.

Verse 26 (7.72.26)

मया श्रुतश्च द्रोणेन पद्मव्यूहो विनिर्मितः । न च वस्तस्य भेत्ताऽस्ति विना सौभद्रमर्भकम् ॥

mayā śrutaśca droṇena padmavyūho vinirmitaḥ | na ca vastasya bhettā'sti vinā saubhadramarbhakam

I have heard that Drona has formed the lotus array. And none of you can break it, except the boy Saubhadra.

Note on the text: पद्मव्यूहः kept as a recension variant (critical edition: cakravyūhaḥ).

Verse 27 (7.72.27)

न चोपदिष्टस्तस्यासीन्मयानीकाद्विनिर्गमः । कच्चिन्न बालो युष्माभिः परानीकं प्रवेशितः ॥

na copadiṣṭastasyāsīnmayānīkādvinirgamaḥ | kaccinna bālo yuṣmābhiḥ parānīkaṃ praveśitaḥ

And I had not taught him how to come out of that formation. I hope you did not send the boy into the enemy's host!

Verse 28 (7.72.28)

भित्त्वाऽनीकं महेष्वासः परेषां बहुभिर्युधि । कच्चिन्न निहतः सङ्ख्ये सौभद्रः परवीरहा ॥

bhittvā'nīkaṃ maheṣvāsaḥ pareṣāṃ bahubhiryudhi | kaccinna nihataḥ saṅkhye saubhadraḥ paravīrahā

I hope the great archer, who broke through the enemy's host, has not been slain in battle by their many warriors, Saubhadra, slayer of hostile heroes.

Verse 29 (7.72.29)

लोहिताक्षं महाबाहुं जातं सिंहमिवाद्रिषु । उपेन्द्रसदृशं ब्रूत कथमायोधने हतः ॥

lohitākṣaṃ mahābāhuṃ jātaṃ siṃhamivādriṣu | upendrasadṛśaṃ brūta kathamāyodhane hataḥ

Tell me how he was killed in battle, the red-eyed, mighty-armed boy, born like a lion among the mountains, equal to Upendra himself.

Verse 30 (7.72.30)

सुकुमारं महेष्वासं वासवस्यात्मजात्मजम् । सदा मम प्रियं ब्रूत कथमायोधने हतः ॥

sukumāraṃ maheṣvāsaṃ vāsavasyātmajātmajam | sadā mama priyaṃ brūta kathamāyodhane hataḥ

Tell me how he was killed in battle, the tender great archer, the grandson of Indra's son, ever dear to me.

Verse 31 (7.72.31)

सुभद्रायाः प्रियं पुत्रं द्रौपद्याः केशवस्य च । अम्बायाश्च प्रियं नित्यं कोऽवधीत्कालमोहितः ॥

subhadrāyāḥ priyaṃ putraṃ draupadyāḥ keśavasya ca | ambāyāśca priyaṃ nityaṃ ko'vadhītkālamohitaḥ

The beloved son of Subhadra, of Draupadi and of Keshava, and always dear to his grandmother as well—who, deluded by Time, has killed him?

Note on the text: Line 1 is the critical edition's 7.50.27a (प्रियं पुत्रं for priyaṃ nityaṃ kept as a variant); line 2 is 7.50.25c (कालमोहितः for kālacoditaḥ kept as a variant). Wikisource has rearranged the lines of the critical edition's 7.50.25 and 27 across verses 31 and 33. Corrected कोवधीत् → कोऽवधीत् (misprint in Wikisource; missing avagraha — the critical edition reads ko 'vadhīt).

Verse 32 (7.72.32)

सदृशो वृष्णिवीरस्य केशवस्य महात्मनः । विक्रमश्रुतमाहात्म्यैः कथमायोधने हतः ॥

sadṛśo vṛṣṇivīrasya keśavasya mahātmanaḥ | vikramaśrutamāhātmyaiḥ kathamāyodhane hataḥ

Equal to Keshava, the great-souled lion of the Vrishnis, in valour, learning and greatness—how was he killed in battle?

Verse 33 (7.72.33)

वार्ष्णेयीदयितं शूरं मया सततलालितम् । यदि पुत्रं न पश्यामि यास्यामि यमसादनम् ॥

vārṣṇeyīdayitaṃ śūraṃ mayā satatalālitam | yadi putraṃ na paśyāmi yāsyāmi yamasādanam

The hero beloved of the Vrishni lady, whom I always cherished—if I do not see my son, I shall go to the abode of Yama.

Note on the text: Line 1 is the critical edition's 7.50.25a (वार्ष्णेयी for vārṣṇeyī); line 2 is the refrain 7.50.27c, "yadi putraṃ na paśyāmi yāsyāmi yamasādanam" (see verse 31).

Verse 34 (7.72.34)

मृदुकुञ्चितकेशान्तं बालं बालमृगेक्षणम् । मत्तद्विरदविक्रान्तं सिंहपोतमिवोद्गतम् ॥

mṛdukuñcitakeśāntaṃ bālaṃ bālamṛgekṣaṇam | mattadviradavikrāntaṃ siṃhapotamivodgatam

With soft, curling locks at the ends, a boy with the eyes of a fawn, with the stride of a rutting elephant, risen like a lion's cub,

Verse 35 (7.72.35)

स्मिताभिभाषिणं दान्तं गुरुवाक्यकरं सदा । बाल्येऽप्यतुलकर्माणं प्रियवाक्यममत्सरम् ॥

smitābhibhāṣiṇaṃ dāntaṃ guruvākyakaraṃ sadā | bālye'pyatulakarmāṇaṃ priyavākyamamatsaram

smiling as he speaks, self-controlled, ever obedient to his elders' words, matchless in his deeds though a boy, pleasant in speech and free of envy,

Verse 36 (7.72.36)

महोत्साहं महाबाहुं दीर्घराजीवलोचनम् । भक्तानुकम्पिनं दान्तं न च नीचानुसारिणम् ॥

mahotsāhaṃ mahābāhuṃ dīrgharājīvalocanam | bhaktānukampinaṃ dāntaṃ na ca nīcānusāriṇam

full of great energy, mighty-armed, long-eyed like the lotus, kind to those devoted to him, self-controlled, and never following the base,

Verse 37 (7.72.37)

कृतज्ञं ज्ञानसम्पन्नं कृतास्त्रमनिवर्तिनम् । युद्धाभिनन्दिनं नित्यं द्विषतां भयवर्धनम् ॥

kṛtajñaṃ jñānasampannaṃ kṛtāstramanivartinam | yuddhābhinandinaṃ nityaṃ dviṣatāṃ bhayavardhanam

grateful, endowed with knowledge, skilled in weapons, never retreating, ever delighting in battle, increasing the fear of his foes,

Note on the text: Corrected कृतास्त्रभनिवर्तिनम् → कृतास्त्रमनिवर्तिनम् (misprint in Wikisource; भ for म — the critical edition reads kṛtāstram anivartinam).

Verse 38 (7.72.38)

स्वेषां प्रियहिते युक्तं पितॄणां जयगृद्धिनम् । न च पूर्वं प्रहर्तारं सङ्ग्रामे नष्टसम्भ्रमम् । यदि पुत्रं न पश्यामि यास्यामि यमसादनम् ॥

sveṣāṃ priyahite yuktaṃ pitṝṇāṃ jayagṛddhinam | na ca pūrvaṃ prahartāraṃ saṅgrāme naṣṭasambhramam | yadi putraṃ na paśyāmi yāsyāmi yamasādanam

intent on the welfare and pleasure of his own people, eager for his fathers' victory, not the first to strike, and unshaken in the turmoil of battle—if I do not see that son, I shall go to the abode of Yama.

Note on the text: Three lines: the critical edition's 7.50.32a, c, e (the third being the refrain "yadi putraṃ na paśyāmi …"). Corrected सम्प्रमे → सङ्ग्रामे (misprint in Wikisource; सम्प्रमे is not a word — the critical edition reads saṃgrāme).

Verse 39 (7.72.39)

रथेषु गण्यमानेषु गणितं तं महारथम् । मयाऽध्यर्धगुणं सङ्ख्ये तरुणं बाहुशालिनम् ॥

ratheṣu gaṇyamāneṣu gaṇitaṃ taṃ mahāratham | mayā'dhyardhaguṇaṃ saṅkhye taruṇaṃ bāhuśālinam

When the chariot-warriors were being reckoned, I reckoned that young, strong-armed great chariot-warrior as worth half as much again in battle.

Note on the text: Not in the critical edition's constituted text (found in the vulgate recension); it is lines 01–02 of the star passage 7.50.032f*0344 (printed after 7.50.32).

Verse 40 (7.72.40)

प्रद्युम्नस्य प्रियं नित्यं केशवस्य ममैव च । यदि पुत्रं न पश्यामि यास्यामि यमसादनम् ॥

pradyumnasya priyaṃ nityaṃ keśavasya mamaiva ca | yadi putraṃ na paśyāmi yāsyāmi yamasādanam

Ever dear to Pradyumna, to Keshava and to me myself—if I do not see my son, I shall go to the abode of Yama.

Note on the text: Not in the critical edition's constituted text (found in the vulgate recension); line 1 is line 03 of the star passage 7.50.032f*0344 (नित्यं where the critical edition reads śiṣyaṃ, kept as a variant) and line 2 is the refrain "yadi putraṃ na paśyāmi yāsyāmi yamasādanam" (7.50.32e, 27c).

Verse 41 (7.72.41)

सुनसं सुललाटान्तं स्वक्षिभ्रूदशनच्छदम् । अपश्यतस्तद्वदनं का शान्तिर्हृदयस्य मे ॥

sunasaṃ sulalāṭāntaṃ svakṣibhrūdaśanacchadam | apaśyatastadvadanaṃ kā śāntirhṛdayasya me

With his fair nose and fair brow, his fine eyes, brows, teeth and lips—not seeing that face, what peace can there be for my heart?

Note on the text: Line 1 differs from the critical edition (sulalāṭaṃ sukeśāntaṃ subhrvakṣidaśanacchadam); kept as a recension variant.

Verse 42 (7.72.42)

तन्त्रीस्वनसुखं रम्यं पुंस्कोकिलसमध्वनिम् । अशृण्वतः स्वनं तस्य का शान्तिर्हृदयस्य मे ॥

tantrīsvanasukhaṃ ramyaṃ puṃskokilasamadhvanim | aśṛṇvataḥ svanaṃ tasya kā śāntirhṛdayasya me

Not hearing his sweet voice, pleasing as the sound of a lute, like the call of the male cuckoo—what peace can there be for my heart?

Verse 43 (7.72.43)

रूपं चाप्रतिमं तस्य त्रिदशैश्चापि दुर्लभम् । अपश्यतो हि वीरस्य का शान्तिर्हृदयस्य मे ॥

rūpaṃ cāpratimaṃ tasya tridaśaiścāpi durlabham | apaśyato hi vīrasya kā śāntirhṛdayasya me

Not seeing that matchless form of his, hard to find even among the gods, that hero's—what peace can there be for my heart?

Note on the text: Line 1 reads रूपं चाप्रतिमं तस्य where the critical edition reads rūpaṃ cāpratirūpaṃ tat (kept as a recension variant).

Verse 44 (7.72.44)

अभिवादनदक्षं तं पितॄणां वचने रतम् । नाद्याहं यदि पश्यामि का शान्तिर्हृदयस्य मे ॥

abhivādanadakṣaṃ taṃ pitṝṇāṃ vacane ratam | nādyāhaṃ yadi paśyāmi kā śāntirhṛdayasya me

Skilled in saluting, devoted to his fathers' word—if I do not see him today, what peace can there be for my heart?

Verse 45 (7.72.45)

सुकुमारः सदा वीरो महार्हशयनोचितः । भूमावनाथवच्छेते नूनं नाथवतां वरः ॥

sukumāraḥ sadā vīro mahārhaśayanocitaḥ | bhūmāvanāthavacchete nūnaṃ nāthavatāṃ varaḥ

Surely that tender hero, always fit for costly beds, though best of those who have protectors, lies on the ground like one without a protector.

Verse 46 (7.72.46)

शयानं समुपासन्ति यं पुरा परमस्त्रियः । तमद्य विप्रविद्धाङ्गमुपासन्त्यशिवाः शिवाः ॥

śayānaṃ samupāsanti yaṃ purā paramastriyaḥ | tamadya vipraviddhāṅgamupāsantyaśivāḥ śivāḥ

He on whom the finest women once waited as he lay asleep—now, with his limbs flung about, ill-omened jackals gather around him.

Verse 47 (7.72.47)

यः पुरा बोध्यते सुप्तः सूतमागधबन्दिभिः । बोधयन्त्यद्य तं नूनं श्वापदा विकृतैः स्वनैः ॥

yaḥ purā bodhyate suptaḥ sūtamāgadhabandibhiḥ | bodhayantyadya taṃ nūnaṃ śvāpadā vikṛtaiḥ svanaiḥ

He who was once woken from sleep by charioteers, bards and panegyrists—surely wild beasts now wake him with their dreadful cries.

Verse 48 (7.72.48)

छत्रच्छायासमुचितं तस्य तद्वदनं शुभम् । नूनमद्य रजोध्वस्तं रणरेणुः करिष्यति ॥

chatracchāyāsamucitaṃ tasya tadvadanaṃ śubham | nūnamadya rajodhvastaṃ raṇareṇuḥ kariṣyati

That lovely face of his, accustomed to the shade of the royal umbrella—surely the dust of the battlefield will now cover it.

Verse 49 (7.72.49)

हा पुत्रकावितृप्तस्य सततं पुत्रदर्शने । भाग्यहीनस्य कालेन यथा मे नीयसे बलात् ॥

hā putrakāvitṛptasya satataṃ putradarśane | bhāgyahīnasya kālena yathā me nīyase balāt

Ah, my little son! Never sated with the sight of my son, ill-starred as I am—how Time is carrying you off from me by force!

Verse 50 (7.72.50)

सा च संयमनी नूनं सदा सुकृतिनां गतिः । स्वभाभिर्मोहिता रम्या त्वयाऽत्यर्थं विराजते ॥

sā ca saṃyamanī nūnaṃ sadā sukṛtināṃ gatiḥ | svabhābhirmohitā ramyā tvayā'tyarthaṃ virājate

And that city of Samyamani, ever the goal of the righteous, lovely and enchanted by its own radiance, must shine exceedingly now because of you.

Note on the text: स्वभाभिर्मोहिता kept as a recension variant (critical edition: svabhābhir bhāsitā).

Verse 51 (7.72.51)

नूनं वैवस्वतश्च त्वां वरुणश्च प्रियातिथिम् । शतक्रतुर्धनेशश्च प्राप्तमर्चन्त्यभीरुकम् ॥

nūnaṃ vaivasvataśca tvāṃ varuṇaśca priyātithim | śatakraturdhaneśaśca prāptamarcantyabhīrukam

Surely Vaivasvata and Varuna, Shatakratu and the Lord of Wealth are honouring you, their dear guest, the fearless one, now that you have arrived.

Verse 52 (7.72.52)

एवं विलप्य बहुधा भिन्नपोतो वणिग्यथा । दुःखेन महताऽविष्टो युधिष्ठिरमपृच्छत ॥

evaṃ vilapya bahudhā bhinnapoto vaṇigyathā | duḥkhena mahatā'viṣṭo yudhiṣṭhiramapṛcchata

Having lamented in this way at length, like a merchant whose ship is broken, and seized by great grief, he asked Yudhishthira:

Note on the text: Corrected वगिग्यथा → वणिग्यथा (misprint in Wikisource; ग for ण — the critical edition reads vaṇig yathā).

Verse 53 (7.72.53)

कथं त्वयि च भीमे च धृष्टद्युम्ने च जीवति । सात्यके शक्रविक्रान्ते सौभद्रो निहतः परैः ॥

kathaṃ tvayi ca bhīme ca dhṛṣṭadyumne ca jīvati | sātyake śakravikrānte saubhadro nihataḥ paraiḥ

How was Saubhadra slain by the enemy while you, and Bhima, and Dhrishtadyumna, and Satyaki, valiant as Shakra, were alive?

Note on the text: Speaker: Arjuna (the critical edition heads these lines "arjunaḥ"; the page prints no heading). Not in the critical edition's constituted text (found in the vulgate recension); it is the star passage 7.50.044d*0345_00–02 (printed after 7.50.44). Removed the stray wiki quote marks (opening backtick, closing apostrophe) that mark the passage off.

Verse 54 (7.72.54)

कच्चित्स कदनं कृत्वा परेषां कुरुनन्दन । स्वर्गतोऽभिमुखः सङ्ख्ये युध्यमानो नरर्षभैः ॥

kaccitsa kadanaṃ kṛtvā pareṣāṃ kurunandana | svargato'bhimukhaḥ saṅkhye yudhyamāno nararṣabhaiḥ

O joy of the Kurus, did he at least wreak slaughter among the enemy, and go to heaven facing them in battle, fighting the best of men?

Verse 55 (7.72.55)

स नूनं बहुभिर्यत्तैर्युध्यमानो नरर्षभैः । असहायः सहायार्थी मामनुध्यातवान्ध्रुवम् ॥

sa nūnaṃ bahubhiryattairyudhyamāno nararṣabhaiḥ | asahāyaḥ sahāyārthī māmanudhyātavāndhruvam

Surely, fighting many determined best of men, helpless and seeking help, he must have thought of me.

Verse 56 (7.72.56)

पीड्यमानः शरैर्बालस्तात साध्वभिधाव माम् । इति विप्रलपन्मन्ये नृशंसैर्भुवि पातितः ॥

pīḍyamānaḥ śarairbālastāta sādhvabhidhāva mām | iti vipralapanmanye nṛśaṃsairbhuvi pātitaḥ

'Father, run quickly to me, I am hard pressed by arrows!' So I think the boy cried out, struck down to the earth by the cruel.

Note on the text: Line 2 reads नृशंसैर्भुवि पातितः where the critical edition reads nṛśaṃsair bahubhir hataḥ (kept as a recension variant). The critical edition's star passage 7.50.047b*0346 is not on the page.

Verse 57 (7.72.57)

अथवा मत्प्रसूतः स स्वस्रीयो माधवस्य च । सुभद्रायां च सम्भूतो न चैवं वक्तुमर्हति ॥

athavā matprasūtaḥ sa svasrīyo mādhavasya ca | subhadrāyāṃ ca sambhūto na caivaṃ vaktumarhati

Or rather, he who was born of me, the nephew of Madhava, begotten on Subhadra, could not speak so.

Verse 58 (7.72.58)

वज्रसारमयं नूनं हृदयं सुदृढं मम । अपश्यतो दीर्घबाहुं रक्ताक्षं यन्न दीर्यते ॥

vajrasāramayaṃ nūnaṃ hṛdayaṃ sudṛḍhaṃ mama | apaśyato dīrghabāhuṃ raktākṣaṃ yanna dīryate

My heart must be made of diamond, and very firm, that it does not break when I do not see the long-armed, red-eyed one.

Verse 59 (7.72.59)

कथं बाले महेष्वासा नृशंसा मर्मभेदिनः । स्वस्रीये वासुदेवस्य मम पुत्रेऽक्षिपञ्शरान् ॥

kathaṃ bāle maheṣvāsā nṛśaṃsā marmabhedinaḥ | svasrīye vāsudevasya mama putre'kṣipañśarān

How did those cruel great archers, piercers of the vitals, loose their arrows at a boy, my son, the nephew of Vasudeva?

Verse 60 (7.72.60)

यो मां नित्यमदीनात्मा प्रत्युद्गम्याभिनन्दति । उपयान्तं रिपून्हत्वा सोऽद्य मां किं न पश्यति ॥

yo māṃ nityamadīnātmā pratyudgamyābhinandati | upayāntaṃ ripūnhatvā so'dya māṃ kiṃ na paśyati

He who always, with undaunted spirit, came forward to meet and greet me when I returned after slaying my enemies—why does he not see me today?

Verse 61 (7.72.61)

नूनं स पातितः शेते धरण्यां रुधिरोक्षितः । शोभयन्मेदिनीं गात्रैरादित्य इव पातितः ॥

nūnaṃ sa pātitaḥ śete dharaṇyāṃ rudhirokṣitaḥ | śobhayanmedinīṃ gātrairāditya iva pātitaḥ

Surely he lies fallen on the ground, drenched in blood, adorning the earth with his limbs like the sun fallen from the sky.

Verse 62 (7.72.62)

सुभद्रामनुशोचामि या पुत्रमपलायिनम् । रणे विनिहतं श्रुत्वा शोकार्ता वै विनङ्क्षति ॥

subhadrāmanuśocāmi yā putramapalāyinam | raṇe vinihataṃ śrutvā śokārtā vai vinaṅkṣati

I grieve for Subhadra, who, hearing that her son, who never fled, has been slain in battle, will perish, stricken with sorrow.

Note on the text: Line 1 is the critical edition's star passage 7.50.052d*0347_01 (सुभद्रामनुशोचामि for subhadrāṃ nanu śocāmi; not in the constituted text); line 2 is 7.50.53a.

Verse 63 (7.72.63)

सुभद्रा वक्ष्यते किं मामभिमन्युमपश्यती । द्रौपदीं चैव दुःखार्तां किं वा वक्ष्यामि तामहम् ॥

subhadrā vakṣyate kiṃ māmabhimanyumapaśyatī | draupadīṃ caiva duḥkhārtāṃ kiṃ vā vakṣyāmi tāmaham

What will Subhadra say to me when she does not see Abhimanyu? And Draupadi, afflicted with grief—what shall I say to her?

Note on the text: Lines 1–2 are the critical edition's 7.50.53c and 53e (53b*0348 is not on the page). Corrected मामबिमन्युम् → मामभिमन्युम् (misprint in Wikisource; बि for भि — the critical edition reads mām abhimanyum).

Verse 64 (7.72.64)

वज्रसारमयं नूनं हृदयं यन्न यास्यति । सहस्रधा वधूं दृष्ट्वा रुदतीं शोककर्शिताम् ॥

vajrasāramayaṃ nūnaṃ hṛdayaṃ yanna yāsyati | sahasradhā vadhūṃ dṛṣṭvā rudatīṃ śokakarśitām

My heart must be made of diamond, if it does not burst into a thousand pieces at the sight of my daughter-in-law weeping, wasted with sorrow.

Verse 65 (7.72.65)

हृष्टानां धार्तराष्ट्राणां सिंहनादो मया श्रुतः । युयुत्सुश्चापि कृष्णेन श्रुतो वीरानुपालभन् ॥

hṛṣṭānāṃ dhārtarāṣṭrāṇāṃ siṃhanādo mayā śrutaḥ | yuyutsuścāpi kṛṣṇena śruto vīrānupālabhan

I heard the lion-roars of the exultant sons of Dhritarashtra; and Krishna heard Yuyutsu, as he reproached the heroes.

Note on the text: Speaker: Arjuna reports what he heard, including Yuyutsu's rebuke (verses 66–68, spoken within his speech).

Verse 66 (7.72.66)

अशक्नुवन्तः पार्थस्य बालं हत्वा महाबलम् । किं न लज्जन्त्यधर्मज्ञाः पार्थिवा दृश्यतां बलम् ॥

aśaknuvantaḥ pārthasya bālaṃ hatvā mahābalam | kiṃ na lajjantyadharmajñāḥ pārthivā dṛśyatāṃ balam

'Unable to face Partha, you have slain his mighty boy. Are you not ashamed, you kings who know nothing of dharma? Let your strength be seen!'

Note on the text: Line 1 differs from the critical edition (aśaknuvanto bībhatsuṃ …); kept as a recension variant.

Verse 67 (7.72.67)

किं तयोर्विप्रियं कृत्वा केशवार्जुनयोर्मृधे । सिंहवन्नदथ प्रीताः शोककाल उपस्थिते ॥

kiṃ tayorvipriyaṃ kṛtvā keśavārjunayormṛdhe | siṃhavannadatha prītāḥ śokakāla upasthite

'What wrong did you do to those two, Keshava and Arjuna, in battle, that you roar like lions in joy when a time of mourning is at hand?'

Verse 68 (7.72.68)

आगमिष्यति वः क्षिप्रं फलं पापस्य कर्मणः । अधर्मो हि कृतस्तीव्रः कथं स्यादफलश्चिरम् ॥

āgamiṣyati vaḥ kṣipraṃ phalaṃ pāpasya karmaṇaḥ | adharmo hi kṛtastīvraḥ kathaṃ syādaphalaściram

'The fruit of your sinful deed will come to you soon. A cruel wrong has been done; how could it long remain without fruit?'

Verse 69 (7.72.69)

इति तान्परिभाषन्वै वैश्यापुत्रो महामतिः । अपायाच्छस्त्रमुत्सृज्य कोपदुःखसमन्वितः ॥

iti tānparibhāṣanvai vaiśyāputro mahāmatiḥ | apāyācchastramutsṛjya kopaduḥkhasamanvitaḥ

So rebuking them, the wise Yuyutsu, the Vaishya woman's son, threw down his weapon and left the field, full of anger and grief.

Verse 70 (7.72.70)

किमर्थमेतन्नाख्यातं त्वया कृष्ण रणे मम । अधक्ष्यं तानहं क्रूरांस्तदा सर्वान्महारथान् ॥

kimarthametannākhyātaṃ tvayā kṛṣṇa raṇe mama | adhakṣyaṃ tānahaṃ krūrāṃstadā sarvānmahārathān

Why, Krishna, was this not told to me in the battle? I would then have burned all those cruel great chariot-warriors.

Note on the text: Speaker: Arjuna, to Krishna. (A Wikisource footnote cites a manuscript reading that heads this verse वासुदेव उवाच and has पार्थ for कृष्ण; the page text is kept.)

Verse 71 (7.72.71)

पुत्रशोकार्दितं पार्थं ध्यायन्तं साश्रुलोचनम् । निगृह्य वासुदेवस्तं पुत्राधिभिरभिप्लुतम् । मैवमित्यब्रवीत्कृष्णस्तीव्रशोकसमन्वितम् ॥

putraśokārditaṃ pārthaṃ dhyāyantaṃ sāśrulocanam | nigṛhya vāsudevastaṃ putrādhibhirabhiplutam | maivamityabravītkṛṣṇastīvraśokasamanvitam

Seeing Partha afflicted with grief for his son, brooding with tearful eyes, Vasudeva took hold of him, who was drowned in anguish for his son; and Krishna, himself seized by deep sorrow, said to him, 'Not so!'

Note on the text: Line 1 is the critical edition's star passage 7.50.060d*0350_01 (with the heading "saṃjaya uvāca", *0350_00; not in the constituted text); lines 2–3 are 7.50.61a and 61c.

Verse 72 (7.72.72)

सर्वेषामेष वै पन्थाः शूराणामनिवर्तिनाम् । क्षत्रियाणां विशेषेण येषां नः शस्त्रजीविका ॥

sarveṣāmeṣa vai panthāḥ śūrāṇāmanivartinām | kṣatriyāṇāṃ viśeṣeṇa yeṣāṃ naḥ śastrajīvikā

This is the path of all heroes who never turn back, and above all of the kshatriyas, whose livelihood is the sword.

Note on the text: Speaker: Krishna (Vasudeva) — unheaded on the page (the input carried over सञ्जय); his words run to verse 79.

Verse 73 (7.72.73)

एषा वै युध्यमानानां शूराणामनिवर्तिनाम् । विहिता सर्वशास्त्रज्ञैर्गतिर्मतिमतां वर ॥

eṣā vai yudhyamānānāṃ śūrāṇāmanivartinām | vihitā sarvaśāstrajñairgatirmatimatāṃ vara

This, best of the wise, is the goal laid down by those who know all the scriptures for heroes who fight and never turn back.

Verse 74 (7.72.74)

ध्रुवं हि युद्धे मरणं शूराणामनिवर्तिनाम् । गतः पुण्यकृतां लोकानभिमन्युर्न संशयः ॥

dhruvaṃ hi yuddhe maraṇaṃ śūrāṇāmanivartinām | gataḥ puṇyakṛtāṃ lokānabhimanyurna saṃśayaḥ

For heroes who never turn back, death in battle is certain. Abhimanyu has gone to the worlds of the righteous, without doubt.

Note on the text: Corrected शूरामामनिवर्तिनाम् → शूराणामनिवर्तिनाम् (misprint in Wikisource; मा for ण — the critical edition reads śūrāṇām anivartinām).

Verse 75 (7.72.75)

एतच्च सर्ववीराणां काङ्क्षितं भरतर्षभ । सङ्ग्रामेऽभिमुखा मृत्युं प्राप्नुयामेति मानद ॥

etacca sarvavīrāṇāṃ kāṅkṣitaṃ bharatarṣabha | saṅgrāme'bhimukhā mṛtyuṃ prāpnuyāmeti mānada

And this is what all heroes desire, best of the Bharatas, O giver of honour: 'May we meet death in battle, facing the foe.'

Verse 76 (7.72.76)

स च वीरान्रणे हत्वा राजपुत्रान्महाबलान् । वीरैराकाङ्क्षितं मृत्युं सम्प्राप्तोऽभिमुखं रणे ॥

sa ca vīrānraṇe hatvā rājaputrānmahābalān | vīrairākāṅkṣitaṃ mṛtyuṃ samprāpto'bhimukhaṃ raṇe

And he, having slain mighty princes in battle, has met in the fight, facing the enemy, the death that heroes long for.

Verse 77 (7.72.77)

मा शुचः पुरुषव्याघ्र पूर्वैरेष सनातनः । धर्मकृद्भिः कृतो धर्मः क्षत्रियाणां रणे क्षयः ॥

mā śucaḥ puruṣavyāghra pūrvaireṣa sanātanaḥ | dharmakṛdbhiḥ kṛto dharmaḥ kṣatriyāṇāṃ raṇe kṣayaḥ

Do not grieve, tiger among men. This is the ancient way: the dharma made by the righteous of old is that kshatriyas perish in battle.

Verse 78 (7.72.78)

इमे ते भ्रातरः सर्वे दीना भरतसत्तम । त्वयि शोकसमाविष्टे नृपाश्च सुहृदस्तव ॥

ime te bhrātaraḥ sarve dīnā bharatasattama | tvayi śokasamāviṣṭe nṛpāśca suhṛdastava

Here are all your brothers, dejected, best of the Bharatas, and the kings and your friends, now that you are overcome with grief.

Verse 79 (7.72.79)

एतांश्च वचसा साम्ना समाश्वासय मानद । विदितं वेदितव्यं ते न शोकं कर्तुमर्हसि ॥

etāṃśca vacasā sāmnā samāśvāsaya mānada | viditaṃ veditavyaṃ te na śokaṃ kartumarhasi

Comfort them with gentle words, O giver of honour. You know what is to be known; you ought not to grieve.

Note on the text: The critical edition's star passage 7.50.069d*0351 (six lines on Time) is not on the page.

Verse 80 (7.72.80)

एवमाश्वासितः पार्थः कृष्णेनाद्भुतकर्मणा । ततोऽब्रवीत्तदा भ्रातॄन्सर्वान्पार्थः सगद्गदम् ॥

evamāśvāsitaḥ pārthaḥ kṛṣṇenādbhutakarmaṇā | tato'bravīttadā bhrātṝnsarvānpārthaḥ sagadgadam

Thus consoled by Krishna of wondrous deeds, Partha then spoke to all his brothers, his voice choked with sobs.

Verse 81 (7.72.81)

स दीर्घबाहुः पृथ्वंसो दीर्घराजीवलोचनः । अभिमन्युर्यथा वृत्तः श्रोतुमिच्छाम्यहं तथा ॥

sa dīrghabāhuḥ pṛthvaṃso dīrgharājīvalocanaḥ | abhimanyuryathā vṛttaḥ śrotumicchāmyahaṃ tathā

I wish to hear how it was with Abhimanyu, the long-armed, broad-shouldered one, with eyes long as lotus petals.

Note on the text: Speaker: Arjuna — unheaded on the page (the input carried over सञ्जय); his speech runs to verse 88.

Verse 82 (7.72.82)

सनागस्यन्दनहयान्सङ्ग्रामे निहतान्मया । क्षिप्रं द्रक्ष्यन्ति ते नूनं मम पुत्रं निहत्य वै ॥

sanāgasyandanahayānsaṅgrāme nihatānmayā | kṣipraṃ drakṣyanti te nūnaṃ mama putraṃ nihatya vai

Those who have killed my son will soon see their elephants, chariots and horses brought down in battle by me.

Note on the text: Line 1 is the critical edition's 7.50.72a (सङ्ग्रामे निहतान्मया for drakṣyadhvaṃ nihatān mayā, kept as a variant); line 2 is its star passage 7.50.072d*0352_01 (ते नूनं for me nūnam, kept as a variant).

Verse 83 (7.72.83)

कथं च वः कृतास्त्राणां सर्वेषां शस्त्रपाणिनाम् । सौभद्रो निधनं गच्छेद्वज्रिणापि समागतः ॥

kathaṃ ca vaḥ kṛtāstrāṇāṃ sarveṣāṃ śastrapāṇinām | saubhadro nidhanaṃ gacchedvajriṇāpi samāgataḥ

How could Saubhadra meet his death, even if Indra himself had come against him, while all of you were there, trained in weapons and weapons in hand?

Verse 84 (7.72.84)

यद्येवमहमज्ञास्यमशक्तान्रक्षणे मम । सूनोः पाण्डवपाञ्चालानगोप्स्यं तं महारणे ॥

yadyevamahamajñāsyamaśaktānrakṣaṇe mama | sūnoḥ pāṇḍavapāñcālānagopsyaṃ taṃ mahāraṇe

If I had known that you, the Pandavas and Panchalas, were unable to protect my son, I would myself have guarded him in that great battle.

Note on the text: Line 1 is the critical edition's 7.50.74a; line 2 is its star passage 7.50.074d*0353_01 (not in the constituted text).

Verse 85 (7.72.85)

कथं च वो रथस्थानां शरवर्षाणि मुञ्चताम् । नीतोऽभिमन्युर्निधनं कदर्थीकृत्य वः परैः ॥

kathaṃ ca vo rathasthānāṃ śaravarṣāṇi muñcatām | nīto'bhimanyurnidhanaṃ kadarthīkṛtya vaḥ paraiḥ

How was Abhimanyu brought to his death and humiliated by the enemy while you, standing in your chariots, were showering arrows?

Note on the text: Corrected रथस्यानाम् → रथस्थानाम् (misprint in Wikisource; स्य for स्थ — the critical edition reads rathasthānām).

Verse 86 (7.72.86)

अहो वः पौरुषं नास्ति न च वोऽस्ति पराक्रमः । यत्राभिमन्युः समरे पश्यतां वो निपातितः ॥

aho vaḥ pauruṣaṃ nāsti na ca vo'sti parākramaḥ | yatrābhimanyuḥ samare paśyatāṃ vo nipātitaḥ

Ah, you have no manliness and no prowess, that Abhimanyu was struck down in battle before your very eyes.

Verse 87 (7.72.87)

आत्मानमेव गर्हेयं यदहं वै सुदुर्बलान् । युष्मानाज्ञाय निर्यातो भीरूनकृतनिश्चयान् ॥

ātmānameva garheyaṃ yadahaṃ vai sudurbalān | yuṣmānājñāya niryāto bhīrūnakṛtaniścayān

I can only blame myself, who set out relying on you, so weak, so timid, so lacking in resolve.

Note on the text: अकृतनिश्चयान् kept as a recension variant (critical edition: akṛtaniśramān).

Verse 88 (7.72.88)

आहोस्विद्भूषणार्थाय वर्मशस्त्रायुधानि वः । वाचस्तु वक्तुं संसत्सु मम पुत्रमरक्षताम् ॥

āhosvidbhūṣaṇārthāya varmaśastrāyudhāni vaḥ | vācastu vaktuṃ saṃsatsu mama putramarakṣatām

Or are your armour, weapons and arms only for show, and your words only for speaking in assemblies, you who failed to protect my son?

Verse 89 (7.72.89)

एवमुक्त्वा ततो वाक्यमतिष्ठद्वै वरासिमान् । न स्माशक्यत बीभत्सुः केनचित्प्रसमीक्षितुम् ॥

evamuktvā tato vākyamatiṣṭhadvai varāsimān | na smāśakyata bībhatsuḥ kenacitprasamīkṣitum

Having spoken thus, he stood with his fine sword in his hand, and none could look upon Bibhatsu.

Verse 90 (7.72.90)

तमन्तकमिव क्रुद्धं निःश्वसन्तं मुहुर्मुहुः । महेन्द्रमिव तिष्ठन्तं वज्रोद्यतमहाभुजम् । पुत्रशोकाभिसन्तप्तमश्रुपूर्णमुखं तदा ॥

tamantakamiva kruddhaṃ niḥśvasantaṃ muhurmuhuḥ | mahendramiva tiṣṭhantaṃ vajrodyatamahābhujam | putraśokābhisantaptamaśrupūrṇamukhaṃ tadā

Angry as Death himself, sighing again and again, standing like Mahendra with his mighty arm raised to hurl the thunderbolt, his face full of tears, burning with grief for his son,

Note on the text: Three lines: lines 1 and 3 are the critical edition's 7.50.80a and 80c; line 2 is its star passage 7.50.080b*0354_01 (not in the constituted text). The page marks line 2 off with a backtick and a closing quote mark (its sign for an interpolated line); both marks were removed.

Verse 91 (7.72.91)

न भाषितुं शक्नुवन्ति द्रष्टुं वा सुहृदोऽर्जुनम् । अन्यत्र वासुदेवाद्वा ज्येष्ठाद्वा पाण्डुनन्दनात् ॥

na bhāṣituṃ śaknuvanti draṣṭuṃ vā suhṛdo'rjunam | anyatra vāsudevādvā jyeṣṭhādvā pāṇḍunandanāt

his friends could neither speak to Arjuna nor look at him, except for Vasudeva, or his elder, the son of Pandu.

Verse 92 (7.72.92)

सर्वास्ववस्थासु हितावर्जुनस्य मनोनुगौ । बहुमानात्प्रियत्वाच्च तावेनं वक्तमर्हतः ॥

sarvāsvavasthāsu hitāvarjunasya manonugau | bahumānātpriyatvācca tāvenaṃ vaktamarhataḥ

Those two, who were always well-wishers of Arjuna and followed his mind in every state, were able to address him, out of respect and affection.

Verse 93 (7.72.93)

ततस्तं पुत्रशोकेन भृशं पीडितमानसम् । राजीवलोचनं क्रुद्धं राजा वचनमब्रवीत् ॥

tatastaṃ putraśokena bhṛśaṃ pīḍitamānasam | rājīvalocanaṃ kruddhaṃ rājā vacanamabravīt

Then the king spoke to him, whose mind was sorely tormented by grief for his son, the lotus-eyed, enraged Arjuna.