Jayadratha's Fear and Drona's Assurance

Verse 1 (7.74.1)

श्रुत्वा तु तं महाशब्दं पाण्डूनां पुत्रगृद्धिनाम् । चारैः प्रवेदितस्त्रस्तः समुत्थाय जयद्रथः ॥

śrutvā tu taṃ mahāśabdaṃ pāṇḍūnāṃ putragṛddhinām | cāraiḥ praveditastrastaḥ samutthāya jayadrathaḥ

Hearing that great uproar of the Pandavas, whose hearts were set on their son, and informed of it by spies, Jayadratha rose in alarm,

Note on the text: Line 2 reads प्रवेदितस्त्रस्तः where the critical edition has "pravedite tatra" (variant).

Verse 2 (7.74.2)

शोकसम्मूढहृदयो दुःखेनाभ्याहतो भृशम् । मज्जमान इवागाधे विपुले शोकसागरे । जगाम समितिं राज्ञां सैन्धवो विमृशन्बहु ॥

śokasammūḍhahṛdayo duḥkhenābhyāhato bhṛśam | majjamāna ivāgādhe vipule śokasāgare | jagāma samitiṃ rājñāṃ saindhavo vimṛśanbahu

his heart bewildered with grief and sorely struck by sorrow, like one sinking in a deep and boundless sea of grief, and the Saindhava went, pondering much, to the assembly of the kings.

Note on the text: Lines 1–2 are CE 7.52.2a and 2c; line 3 is 7.52.3a.

Verse 3 (7.74.3)

स तेषां नरदेवानां सकाशे पर्यदेवयत् । अभिमन्युपितुर्भीतः सव्रीडो वाक्यमब्रवीत् ॥

sa teṣāṃ naradevānāṃ sakāśe paryadevayat | abhimanyupiturbhītaḥ savrīḍo vākyamabravīt

There, before those lords of men, he lamented. Afraid of Abhimanyu's father and ashamed, he said:

Note on the text: Line 1 is CE 7.52.3c; line 2 is 7.52.4a.

Verse 4 (7.74.4)

योऽसौ पाण्डोः किल क्षेत्रे जातः शक्रेण कामिना । स निनीषति दुर्बुद्धिर्मां किलैकं यमक्षयम् ॥

yo'sau pāṇḍoḥ kila kṣetre jātaḥ śakreṇa kāminā | sa ninīṣati durbuddhirmāṃ kilaikaṃ yamakṣayam

"That fellow who, they say, was born in Pandu's field of the lustful Indra — that ill-minded one wishes to lead me, me alone, to Yama's abode.

Note on the text: Line 1 is CE 7.52.4c; line 2 is 7.52.5a. Given to Jayadratha: the input carried over Sanjaya, but from this line on the words are Jayadratha's own (the page prints no new heading).

Verse 5 (7.74.5)

स्वस्ति वोऽस्तु गमिष्यामि स्वगृहं जीवितेप्सया ॥

svasti vo'stu gamiṣyāmi svagṛhaṃ jīvitepsayā

May you fare well; I shall go to my own home, desiring to keep my life.

Note on the text: A single line on the page (printed as 5a). It corresponds to CE 7.52.5c ("tat svasti vo 'stu yāsyāmi svagṛhaṃ jīvitepsayā"); Wikisource's wording is kept.

Verse 6 (7.74.6)

अथवास्थ प्रतिबलास्त्रातुं मां क्षत्रियर्षभाः । पार्थेन प्रार्थितं वीरास्ते सन्दत्त ममाभयम् ॥

athavāstha pratibalāstrātuṃ māṃ kṣatriyarṣabhāḥ | pārthena prārthitaṃ vīrāste sandatta mamābhayam

Or else, bulls among the kshatriyas, if you are strong enough to match him and protect me, then, O heroes, grant me safety from the son of Pritha, who has set his heart on me.

Note on the text: Corrected अथवास्त्रप्रतिबलास्त्रात → अथवास्थ प्रतिबलास्त्रातुं (misprint in Wikisource; स्त्र for स्थ, and the infinitive त्रातुं cut short, the critical edition reads "atha vā stha pratibalās trātuṃ"). Line 2 ends ते सन्दत्त ममाभयम् where the critical edition has "te dadantu mamābhayam" (variant).

Verse 7 (7.74.7)

द्रोणदुर्योधनकृपाः कर्णमद्रेशबाह्लिकाः । दुःशासनादयः शक्तास्त्रातुमप्यन्तकार्दितम् ॥

droṇaduryodhanakṛpāḥ karṇamadreśabāhlikāḥ | duḥśāsanādayaḥ śaktāstrātumapyantakārditam

Drona, Duryodhana, Kripa, Karna, the lord of Madra, Bahlika, Duhshasana and the rest are able to protect even one stricken by Death.

Note on the text: Line 2 ends अन्तकार्दितम् where the critical edition has "antakādritam" (variant).

Verse 8 (7.74.8)

किमङ्ग पुनरेकेन फल्गुनेन जिघांसता । न त्रास्यन्ति भवन्तो मां समस्ताः पतयः क्षितेः ॥

kimaṅga punarekena phalgunena jighāṃsatā | na trāsyanti bhavanto māṃ samastāḥ patayaḥ kṣiteḥ

How much more, then, against a single Phalguna bent on killing me! Will you not protect me, all of you together, lords of the earth?

Note on the text: Line 2 reads न त्रास्यन्ति where the critical edition has "na trāyeyur" (variant).

Verse 9 (7.74.9)

प्रतिज्ञां पाण्डवेयानां श्रुत्वा मम महद्भयम् । सीदन्ति मम गात्राणि मुमूर्षोरिव पार्थिवाः ॥

pratijñāṃ pāṇḍaveyānāṃ śrutvā mama mahadbhayam | sīdanti mama gātrāṇi mumūrṣoriva pārthivāḥ

Hearing the vow of the sons of Pandu, a great fear has come over me; my limbs sink, O kings, as if I were about to die.

Note on the text: Line 1 reads प्रतिज्ञां where the critical edition has "praharṣaṃ" (variant).

Verse 10 (7.74.10)

वधो नूनं प्रतिज्ञातो मम गाण्डीवधन्वना । तथाहि हृष्टाः क्रोशन्ति शोककालेऽपि पाण्डवाः ॥

vadho nūnaṃ pratijñāto mama gāṇḍīvadhanvanā | tathāhi hṛṣṭāḥ krośanti śokakāle'pi pāṇḍavāḥ

Surely my death has been vowed by the wielder of the Gandiva — that is why the Pandavas shout for joy even in a time of grief.

Verse 11 (7.74.11)

तन्न देवा न गन्धर्वा नासुरोरगराक्षसाः । उत्सहन्तेऽन्यथा कर्तुं कुत एव नराधिपाः ॥

tanna devā na gandharvā nāsuroragarākṣasāḥ | utsahante'nyathā kartuṃ kuta eva narādhipāḥ

Neither gods nor gandharvas, neither asuras, serpents nor rakshasas can make it otherwise — how then could lords of men?

Verse 12 (7.74.12)

तस्मान्मामनुजानीत भद्रं वोऽस्तु नरर्षभाः । अदर्शनं गमिष्यामि न मां द्रक्ष्यन्ति पाण्डवाः ॥

tasmānmāmanujānīta bhadraṃ vo'stu nararṣabhāḥ | adarśanaṃ gamiṣyāmi na māṃ drakṣyanti pāṇḍavāḥ

So give me leave, bulls among men, and good fortune be yours. I shall go out of sight, and the Pandavas will not see me."

Verse 13 (7.74.13)

एवं विलपमानं तं भयाद्व्याकुलचेतसम् । आत्मकार्यगरीयस्त्वाद्राजा दुर्योधनोऽब्रवीत् ॥

evaṃ vilapamānaṃ taṃ bhayādvyākulacetasam | ātmakāryagarīyastvādrājā duryodhano'bravīt

As he lamented thus, his mind unsettled by fear, King Duryodhana — for his own cause weighed heavily with him — said to him:

Verse 14 (7.74.14)

न भेतव्यं नरव्याघ्र को हि त्वां पुरुषर्षभ । मध्ये क्षत्रियवीराणां तिष्ठन्तं प्रार्थयेद्युधि ॥

na bhetavyaṃ naravyāghra ko hi tvāṃ puruṣarṣabha | madhye kṣatriyavīrāṇāṃ tiṣṭhantaṃ prārthayedyudhi

"You need not be afraid, tiger among men. Who, O bull among men, could assail you as you stand in battle among the heroes of the kshatriyas?

Note on the text: Given to Duryodhana: the input carried over Sanjaya, but verses 14–21 are Duryodhana's speech (the page's next heading, "Sanjaya said", comes only at verse 22).

Verse 15 (7.74.15)

एतेषां नरदेवानां मत्तमातङ्गगामिनाम् । सङ्घातमुपयातानामपि विभ्येत्पुरन्दरः ॥

eteṣāṃ naradevānāṃ mattamātaṅgagāminām | saṅghātamupayātānāmapi vibhyetpurandaraḥ

Even Purandara would fear these lords of men, who move like rutting elephants, when they come together.

Note on the text: Removed the stray wiki quote marks (backtick and apostrophe). Not in the critical edition's main text; its two lines are star passage 7.52.14d*0377_01–02.

Verse 16 (7.74.16)

अहं वैकर्तनः कर्णश्चित्रसेनो विविंशतिः । भूरिश्रवाः शलः शल्यो वृषसेनो दुरासदः ॥

ahaṃ vaikartanaḥ karṇaścitraseno viviṃśatiḥ | bhūriśravāḥ śalaḥ śalyo vṛṣaseno durāsadaḥ

I myself, Karna the son of Vikartana, Chitrasena, Vivimshati, Bhurishravas, Shala, Shalya, the invincible Vrishasena,

Verse 17 (7.74.17)

पुरुमित्रो जयो भोजः काम्भोजश्च सुदक्षिणः । सत्यव्रतो महाबाहुर्विकर्णो दुर्मुखश्च ह ॥

purumitro jayo bhojaḥ kāmbhojaśca sudakṣiṇaḥ | satyavrato mahābāhurvikarṇo durmukhaśca ha

Purumitra, Jaya, Bhoja, Kamboja Sudakshina, Satyavrata, the mighty-armed Vikarna, and Durmukha,

Note on the text: Line 2 ends दुर्मुखश्च ह where the critical edition has "durmukhaḥ sahaḥ" (variant).

Verse 18 (7.74.18)

दुःशासनः सुबाहुश्च कालिङ्गश्चाप्युदायुधः । विन्दानुविन्दावावन्त्यौ द्रोणो द्रौणिश्च सौबलः ॥

duḥśāsanaḥ subāhuśca kāliṅgaścāpyudāyudhaḥ | vindānuvindāvāvantyau droṇo drauṇiśca saubalaḥ

Duhshasana, Subahu, the Kalinga, Udayudha, Vinda and Anuvinda of Avanti, Drona, Drona's son, and Saubala —

Note on the text: Minor variants only (कालिङ्गः for "kaliṅgaḥ", सौबलः for "sasaubalaḥ").

Verse 19 (7.74.19)

मायावी बलवाञ्छूरो राक्षसश्चाप्यलम्बुसः । एते चान्ये च बहवो नानाजनपदेश्वराः । ससैन्यास्त्वाभिगोप्स्यन्ति व्येतु ते मानसो ज्वरः ॥

māyāvī balavāñchūro rākṣasaścāpyalambusaḥ | ete cānye ca bahavo nānājanapadeśvarāḥ | sasainyāstvābhigopsyanti vyetu te mānaso jvaraḥ

the strong and heroic rakshasa Alambusa, master of illusion — these and many other lords of many lands will guard you with their armies. Let the fever of your mind pass.

Note on the text: Removed the stray wiki quote marks (backtick and apostrophe). Not in the critical edition's main text; line 1 is star passage 7.52.17d*0379_01; lines 2–3 correspond to star passage 7.52.17d*0378_01–02 (line 3 reads ससैन्यास्त्वाभिगोप्स्यन्ति where that star has "sasainyās tvābhiyāsyanti").

Verse 20 (7.74.20)

त्वं चापि रथिनां श्रेष्ठः स्वयं शूरोऽमितद्युते । स कथं पाण्डवेयेभ्यो भयं पश्यसि सैन्धव ॥

tvaṃ cāpi rathināṃ śreṣṭhaḥ svayaṃ śūro'mitadyute | sa kathaṃ pāṇḍaveyebhyo bhayaṃ paśyasi saindhava

You yourself are the best of chariot-warriors, a hero of boundless splendour. How then do you see danger from the sons of Pandu, Saindhava?

Note on the text: Corrected वैन्धव → सैन्धव (misprint in Wikisource; व for स, the critical edition reads saindhava).

Verse 21 (7.74.21)

अक्षौहिण्यो महावीर्य मदीयास्तव रक्षणे । यत्ता योत्स्यन्ति माभैस्त्वं सैन्धव व्येतु ते भयम् ॥

akṣauhiṇyo mahāvīrya madīyāstava rakṣaṇe | yattā yotsyanti mābhaistvaṃ saindhava vyetu te bhayam

My akshauhinis, O hero of great valour, stand ready for your protection and will fight with resolve. Do not fear, Saindhava — let your fear pass."

Note on the text: Line 1 reads अक्षौहिण्यो महावीर्य where the critical edition has "akṣauhiṇyo daśaikā ca" (eleven akshauhinis); the number is not stated in Wikisource's reading.

Verse 22 (7.74.22)

एवमाश्वासितो राजन्पुत्रेण तव सैन्धवः । दुर्योधनेन सहितो द्रोणं रात्रावुपागमत् ॥

evamāśvāsito rājanputreṇa tava saindhavaḥ | duryodhanena sahito droṇaṃ rātrāvupāgamat

Thus reassured by your son, O king, the Saindhava went by night to Drona, together with Duryodhana.

Verse 23 (7.74.23)

उपसङ्गृह्य चरणौ द्रोणाय स विशाम्पतिः । उपोपविश्य प्रणतः पर्यपृच्छदिदं वचः ॥

upasaṅgṛhya caraṇau droṇāya sa viśāmpatiḥ | upopaviśya praṇataḥ paryapṛcchadidaṃ vacaḥ

Clasping Drona's feet, that lord of the people sat down near him, bowed, and asked this:

Note on the text: Line 1 reads उपसङ्गृह्य चरणौ द्रोणाय where the critical edition has "upasaṃgrahaṇaṃ kṛtvā droṇāya" (variant).

Verse 24 (7.74.24)

निमित्ते दूरपातित्वे लघुत्वे दृढवेधने । मम ब्रवीतु भगवान्विशेषं फल्गुनस्य च ॥

nimitte dūrapātitve laghutve dṛḍhavedhane | mama bravītu bhagavānviśeṣaṃ phalgunasya ca

"In hitting a mark, in shooting far, in lightness of hand and in firm piercing — let the Lord tell me what difference there is between me and Phalguna.

Note on the text: Given to Jayadratha: the question in verses 24–25 is his own speech (the input carried over Sanjaya).

Verse 25 (7.74.25)

विद्याविशेषमिच्छामि ज्ञातुमाचार्य तत्त्वतः । अर्जुनस्यात्मनश्चैव याथातथ्यं प्रचक्ष्व मे ॥

vidyāviśeṣamicchāmi jñātumācārya tattvataḥ | arjunasyātmanaścaiva yāthātathyaṃ pracakṣva me

I wish to know the real difference in skill, Teacher; tell me exactly how it stands between Arjuna and myself."

Note on the text: Line 1 reads विद्याविशेषमिच्छामि ज्ञातुमाचार्य तत्त्वतः where the critical edition has "vidyāviśeṣam icchāmi jñātum ācārya tattvataḥ / mamārjunasya ca vibho yathātattvaṃ pracakṣva me" (the second line is worded differently there); Wikisource's reading is kept.

Verse 26 (7.74.26)

सममाचार्यकं तात तव चैवार्जुनस्य च । योगाद्दुःखोषितत्वाच्च तस्मात्त्वत्तोऽधिकोऽर्जुनः ॥

samamācāryakaṃ tāta tava caivārjunasya ca | yogādduḥkhoṣitatvācca tasmāttvatto'dhiko'rjunaḥ

"The teaching you and Arjuna received from your teacher is the same, my son; but through his practice and the hardships he has lived through, Arjuna is greater than you.

Note on the text: Line 2 reads दुःखोषितत्वात् ("from having lived in hardship") where the critical edition has "duḥkhocitatvāt" (variant).

Verse 27 (7.74.27)

न तु ते युधि सन्त्रासः कार्यः पार्थात्कथञ्चन । अहं हि रक्षिता तात भयात्त्वां नात्र संशयः ॥

na tu te yudhi santrāsaḥ kāryaḥ pārthātkathañcana | ahaṃ hi rakṣitā tāta bhayāttvāṃ nātra saṃśayaḥ

Still, you must not in any way be afraid of Partha in battle. I shall be your protector against fear, my son — there is no doubt of it.

Verse 28 (7.74.28)

न हि मद्बाहुगुप्तस्य प्रभवन्त्यमरा अपि । व्यूहयिष्यामि तं व्यूहं यं पार्थो न तरिष्यति ॥

na hi madbāhuguptasya prabhavantyamarā api | vyūhayiṣyāmi taṃ vyūhaṃ yaṃ pārtho na tariṣyati

For even the immortals cannot prevail over one guarded by my arms. I shall draw up such an array as Partha will not cross.

Verse 29 (7.74.29)

तस्माद्युध्यस्व माभैस्त्वं स्वधर्ममनुपालय । पितृपैतामहं मार्गमनुयाहि महारथ ॥

tasmādyudhyasva mābhaistvaṃ svadharmamanupālaya | pitṛpaitāmahaṃ mārgamanuyāhi mahāratha

So fight, do not fear; keep to your own duty. Follow, great chariot-warrior, the path of your father and grandfather.

Verse 30 (7.74.30)

अधीता विधिवद्वेदा अग्नयः सुहुतास्त्वया । इष्टं च बहुभिर्यज्ञैर्न ते मृत्युर्भयङ्करः ॥

adhītā vidhivadvedā agnayaḥ suhutāstvayā | iṣṭaṃ ca bahubhiryajñairna te mṛtyurbhayaṅkaraḥ

You have studied the Vedas as is proper, you have fed the fires with good offerings, and you have sacrificed with many sacrifices; death holds no terror for you.

Note on the text: Line 1 reads अधीता विधिवद्वेदा अग्नयः सुहुतास्त्वया ("the Vedas studied as is proper, the fires well fed by you") where the critical edition has "adhītya vidhivad vedān agnayaḥ suhutās tvayā"; a recension variant.

Verse 31 (7.74.31)

दुर्लभं मानुषैर्मन्दैर्महाभाग्यमवाप्य तु । भुजवीर्यार्जिताँल्लोकान्दिव्यान्प्राप्स्यस्यनुत्तमान् ॥

durlabhaṃ mānuṣairmandairmahābhāgyamavāpya tu | bhujavīryārjitām̐llokāndivyānprāpsyasyanuttamān

Having won a great good fortune that is hard for dull men to reach, you will gain supreme heavenly worlds, won by the might of your arms.

Verse 32 (7.74.32)

कुरवः पाण्डवाश्चैव वृष्णयोऽन्ये च मानवाः । अहं च सहपुत्रेण अध्रुवा इति चिन्त्यताम् ॥

kuravaḥ pāṇḍavāścaiva vṛṣṇayo'nye ca mānavāḥ | ahaṃ ca sahaputreṇa adhruvā iti cintyatām

The Kurus and the Pandavas, the Vrishnis and other men, and I with my son — think of all of us as not lasting.

Verse 33 (7.74.33)

पर्यायेण वयं सर्वे कालेन बलिना हताः । परलोकं गमिष्यामः स्वैःस्वैः कर्मभिरन्विताः ॥

paryāyeṇa vayaṃ sarve kālena balinā hatāḥ | paralokaṃ gamiṣyāmaḥ svaiḥsvaiḥ karmabhiranvitāḥ

In turn, all of us are struck down by mighty Time, and we shall go to the other world, each accompanied by his own deeds.

Verse 34 (7.74.34)

तपस्तप्त्वा तु याँल्लोकान्प्राप्नुवन्ति तपस्विनः । क्षत्रधर्माश्रिताः वीराः क्षत्रियाः प्राप्नुवन्ति तान् ॥

tapastaptvā tu yām̐llokānprāpnuvanti tapasvinaḥ | kṣatradharmāśritāḥ vīrāḥ kṣatriyāḥ prāpnuvanti tān

The worlds that ascetics reach by austerity are reached, by those same heroes, the kshatriyas who keep to the warrior's duty."

Verse 35 (7.74.35)

एवमाश्वासितो राजा भारद्वाजेन सैन्धवः । अपानुदद्भयं पार्थाद्युद्धाय च मनो दधे ॥

evamāśvāsito rājā bhāradvājena saindhavaḥ | apānudadbhayaṃ pārthādyuddhāya ca mano dadhe

Thus consoled by Bharadvaja's son, King Saindhava cast off his fear of Partha and set his mind on battle.

Note on the text: Given to Sanjaya: the input carried Drona's speech over, but this is narration.

Verse 36 (7.74.36)

ततः प्रहर्षः सैन्यानां तस्य चासीद्विशाम्पते । वादित्राणां ध्वनिश्चोग्रः सिंहनादरवैः सह ॥

tataḥ praharṣaḥ sainyānāṃ tasya cāsīdviśāmpate | vāditrāṇāṃ dhvaniścograḥ siṃhanādaravaiḥ saha

Then joy arose among his troops, O lord of the people, and a fierce sound of instruments, with the roars of lions.

Note on the text: Not in the critical edition's main text; its two lines are star passage 7.52.33d*0381_01–02. Given to Sanjaya (narration; the input carried Drona over).