Arjuna Asks Drona's Blessing and Passes Him By

Verse 1 (7.91.1)

दुःशासनबलं हत्वा सव्यसाची महारथः । सिन्धुराजं परीप्सन्वै द्रोणानीकमुपाद्रवत् ॥

duḥśāsanabalaṃ hatvā savyasācī mahārathaḥ | sindhurājaṃ parīpsanvai droṇānīkamupādravat

Having broken Duhshasana's host, the great chariot-warrior Savyasachi, eager to reach the king of the Sindhus, rushed upon Drona's division.

Note on the text: Adhyaya note: the input agrees with the raw page, row for row (46 verses). The critical edition's 7.66 has 43 verses. Wikisource divides the CE's three-line verses 12, 13 and 14 into couplets (verses 12-15 here), and its verses 29-31 are star passages (7.66.27d*0478 and 28d*0479) plus one vulgate-only line. CE star passage 7.66.7b*0477 (2 lines), and CE main-text lines 7.66.28 and 29a (replaced here by the third line of verse 31), are not in Wikisource. Corrected दुःशसनबल → दुःशासनबल (misprint in Wikisource; the long ā of the name Duhshasana is dropped; CE 7.66.1 reads duḥśāsana).

Verse 2 (7.91.2)

स तु द्रोणं समासाद्य व्यूहस्य प्रमुखे स्थितम् । कृताञ्जलिरिदं वाक्यं कृष्णस्यानुमतेऽब्रवीत् ॥

sa tu droṇaṃ samāsādya vyūhasya pramukhe sthitam | kṛtāñjaliridaṃ vākyaṃ kṛṣṇasyānumate'bravīt

Coming up to Drona, who stood at the head of the array, he folded his hands and, with Krishna's assent, spoke these words.

Verse 3 (7.91.3)

शिवेन ध्याहि मां ब्रह्मन्स्वस्ति चैव वदस्व मे । भवत्प्रसादादिच्छामि प्रवेष्टं दुर्भिदां चमूम् ॥

śivena dhyāhi māṃ brahmansvasti caiva vadasva me | bhavatprasādādicchāmi praveṣṭaṃ durbhidāṃ camūm

"Brahmin, hold me in your thoughts with kindness, and pronounce a blessing for me. By your grace I wish to enter this hard-to-pierce host."

Note on the text: Speaker: the speech of Arjuna asking Drona's blessing runs through verses 3-6 (the page's 'सञ्जय उवाच' heading above it covers only the narration of verses 1-2); speaker corrected from Sanjaya.

Verse 4 (7.91.4)

भवान्पितृसमो मह्यं धर्मराजसमोऽपि च । धौम्यकृष्णसमश्चैव सत्यमेतद्ब्रवीमि ते ॥

bhavānpitṛsamo mahyaṃ dharmarājasamo'pi ca | dhaumyakṛṣṇasamaścaiva satyametadbravīmi te

"You are to me like a father, and like King Dharma, Yudhishthira, and equal to Dhaumya and to Krishna. I tell you this truly."

Verse 5 (7.91.5)

अश्वत्थामा यथा तात रक्षणीयस्त्वयाऽनघ । तथाऽहमपि ते रक्ष्यः सदैव द्विजसत्तम ॥

aśvatthāmā yathā tāta rakṣaṇīyastvayā'nagha | tathā'hamapi te rakṣyaḥ sadaiva dvijasattama

"Faultless one, dear teacher, as Ashvatthama is to be protected by you, so am I, always, O best of the twice-born."

Verse 6 (7.91.6)

तव प्रसादादिच्छेयं सिन्धुराजानमाहवे । निहन्तुं द्विपदां श्रेष्ठ प्रतिज्ञां रक्ष मे प्रभो ॥

tava prasādādiccheyaṃ sindhurājānamāhave | nihantuṃ dvipadāṃ śreṣṭha pratijñāṃ rakṣa me prabho

"By your favour I wish to slay the king of the Sindhus in battle. O best of men, O lord, keep my vow for me."

Verse 7 (7.91.7)

एवमुक्तस्तदाऽऽचार्यः प्रत्युवाच स्मयन्निव । मामजित्वा न बीभत्सो शक्यो जेतुं जयद्रथः ॥

evamuktastadā''cāryaḥ pratyuvāca smayanniva | māmajitvā na bībhatso śakyo jetuṃ jayadrathaḥ

Thus addressed, the teacher answered, smiling as it were: "Bibhatsu, without defeating me you cannot defeat Jayadratha."

Note on the text: In the CE, 7.66.7 is followed (after line a) by star passage 7.66.7b*0477_01-02 (Drona's reply, 'yathā tvaṃ bhāṣase pārtha …'), which is not in Wikisource.

Verse 8 (7.91.8)

एतावदुक्त्वा तं द्रोणः शरव्रातैरवाकिरत् । सरथाश्वध्वजं तीक्ष्णैः प्रहसन्वै ससारथिम् ॥

etāvaduktvā taṃ droṇaḥ śaravrātairavākirat | sarathāśvadhvajaṃ tīkṣṇaiḥ prahasanvai sasārathim

Having said only this, Drona, laughing, covered him with swarms of sharp arrows, together with his chariot, horses, banner and charioteer.

Verse 9 (7.91.9)

ततोऽर्जुनः शरव्रातान्द्रोणस्यावार्य सायकैः । द्रोणमभ्यर्दयद्बाणैर्घोररूपैर्महत्तरैः ॥

tato'rjunaḥ śaravrātāndroṇasyāvārya sāyakaiḥ | droṇamabhyardayadbāṇairghorarūpairmahattaraiḥ

Then Arjuna, warding off Drona's volleys with his own arrows, pressed Drona hard with fearsome arrows, far heavier still.

Note on the text: Corrected हत्तरैः → महत्तरैः (misprint in Wikisource; the initial म is dropped; CE 7.66.9 reads mahattaraiḥ).

Verse 10 (7.91.10)

विव्याध च रणे द्रोणमनुमान्य विशाम्पते । क्षत्रधर्मं समास्थाय नवभिः सायकैः पुनः ॥

vivyādha ca raṇe droṇamanumānya viśāmpate | kṣatradharmaṃ samāsthāya navabhiḥ sāyakaiḥ punaḥ

O lord of men, after first paying him homage, he took up a kshatriya's duty and struck Drona again in battle with nine arrows.

Verse 11 (7.91.11)

तस्येषूनिषुभिश्छित्त्वा द्रोणो विव्याध तावुभौ । विषाग्निज्वलितप्रख्यैरिषुभिः कृष्णपाण्डवौ ॥

tasyeṣūniṣubhiśchittvā droṇo vivyādha tāvubhau | viṣāgnijvalitaprakhyairiṣubhiḥ kṛṣṇapāṇḍavau

Cutting down his arrows with arrows, Drona pierced the two of them, Krishna and the Pandava, with shafts that blazed like poison and fire.

Verse 12 (7.91.12)

इयेष पाण्डवस्तस्य बाणैश्छेत्तुं शरासनम् । तस्य चिन्तयतस्त्वेव फल्गुनस्य महात्मनः ॥

iyeṣa pāṇḍavastasya bāṇaiśchettuṃ śarāsanam | tasya cintayatastveva phalgunasya mahātmanaḥ

The Pandava wished to cut Drona's bow with his arrows; and while the great-souled Phalguna was still intent on this,

Note on the text: Corrected इयेप → इयेष (misprint in Wikisource; ष mistyped as प; CE 7.66.12 reads iyeṣa). Lines 1-2 are CE 7.66.12a and 12c; CE 12 has three lines and its third (12e) opens the next verse.

Verse 13 (7.91.13)

द्रोणः शरैरसम्भ्रान्तो ज्यां चिच्छेदाशु वीर्यवान् । विव्याध च हयानस्य ध्वजं सारथिमेव च ॥

droṇaḥ śarairasambhrānto jyāṃ cicchedāśu vīryavān | vivyādha ca hayānasya dhvajaṃ sārathimeva ca

Drona, unflustered and mighty, swiftly cut his bowstring, and pierced his horses, his banner and his charioteer.

Note on the text: Line 1 is CE 7.66.12e; line 2 is CE 7.66.13a.

Verse 14 (7.91.14)

अर्जुनं च शरैर्वीरः स्मयमानोऽभ्यवाकिरत् । एतस्मिन्नन्तरे पार्थः सज्यं कृत्वा महद्धनुः ॥

arjunaṃ ca śarairvīraḥ smayamāno'bhyavākirat | etasminnantare pārthaḥ sajyaṃ kṛtvā mahaddhanuḥ

The hero, smiling, showered Arjuna with arrows as well. Meanwhile Partha, stringing a great bow,

Note on the text: Line 1 is CE 7.66.13c; line 2 is CE 7.66.14a.

Verse 15 (7.91.15)

विशेषयिष्यन्नाचार्यं सर्वास्त्रविदुषां वरः । मुमोच षट्शतान्बाणान्गृहीत्वैकमिव द्रुतम् ॥

viśeṣayiṣyannācāryaṃ sarvāstraviduṣāṃ varaḥ | mumoca ṣaṭśatānbāṇāngṛhītvaikamiva drutam

wishing to outdo the teacher, he who is the best among all who know weapons, let fly six hundred arrows so swiftly that they seemed one.

Note on the text: Lines 1-2 are CE 7.66.14c and 14e (CE 14 has three lines; its first, 14a, ends the previous verse). Removed a stray zero-width non-joiner inside षट्शतान् (no change of reading).

Verse 16 (7.91.16)

पुनः सप्तशतानन्यान्सहस्रं चानिवर्तिनः । चिक्षेपायुतशश्चान्यांस्तेऽघ्नन्द्रोणस्य तां चमूम् ॥

punaḥ saptaśatānanyānsahasraṃ cānivartinaḥ | cikṣepāyutaśaścānyāṃste'ghnandroṇasya tāṃ camūm

Again he loosed seven hundred others, then a thousand that never turned back, and then others by the ten thousand; they slaughtered Drona's army.

Verse 17 (7.91.17)

तैः सम्यगस्तैर्बलिना कृतिना चित्रयोधिना । मनुष्यवाजिमातङ्गा विद्धाः पेतुर्गतासवः ॥

taiḥ samyagastairbalinā kṛtinā citrayodhinā | manuṣyavājimātaṅgā viddhāḥ peturgatāsavaḥ

Shot with such mastery by that strong, accomplished and wondrous fighter, those arrows pierced men, horses and elephants, which fell lifeless.

Verse 18 (7.91.18)

विसूताश्वध्वजाः पेतुः सञ्छिन्नायुधजीविताः । रथिनो रथमुख्येभ्यः सहसा शरपीडिताः ॥

visūtāśvadhvajāḥ petuḥ sañchinnāyudhajīvitāḥ | rathino rathamukhyebhyaḥ sahasā śarapīḍitāḥ

Chariot-warriors, robbed of charioteers, horses and banners, their weapons and lives shattered, suddenly fell from their finest chariots, tormented by arrows.

Verse 19 (7.91.19)

चूर्णिताक्षिप्तदग्धानां वज्रानिलहुताशनैः । तुल्यरूपा गजाः पेतुर्गिर्यग्राम्बुदवेश्मनाम् ॥

cūrṇitākṣiptadagdhānāṃ vajrānilahutāśanaiḥ | tulyarūpā gajāḥ peturgiryagrāmbudaveśmanām

Elephants like mountain peaks, like clouds, like houses, fell as if crushed by thunderbolts, hurled by the wind, and burned by fire.

Verse 20 (7.91.20)

पेतुरश्वसहस्राणि प्रहतान्यर्जुनेषुभिः । हंसा हिमवतः पृष्ठे वारिविप्रहता इव ॥

peturaśvasahasrāṇi prahatānyarjuneṣubhiḥ | haṃsā himavataḥ pṛṣṭhe vāriviprahatā iva

Thousands of horses fell, struck down by Arjuna's arrows, like swans on the slope of the Himalaya beaten down by water.

Verse 21 (7.91.21)

रथाश्वद्विपपत्त्योघाः सलिलौघा इवाद्भुताः । युगान्तादित्यरश्म्याभैः पाण्डवास्त्रशरैर्हताः ॥

rathāśvadvipapattyoghāḥ salilaughā ivādbhutāḥ | yugāntādityaraśmyābhaiḥ pāṇḍavāstraśarairhatāḥ

Floods of chariots, horses, elephants and foot soldiers, wondrous as floods of water, were destroyed by the Pandava's arrows that shone like the sun's rays at the end of the age.

Verse 22 (7.91.22)

तं पाण्डवादित्यशरांशुजालं । कुरुप्रवीरान्युधि निष्टपन्तम् । स द्रोणमेघः शरवृष्टिवेगैः । प्राच्छादयन्मेघ इवार्करश्मीन् ॥

taṃ pāṇḍavādityaśarāṃśujālaṃ | kurupravīrānyudhi niṣṭapantam | sa droṇameghaḥ śaravṛṣṭivegaiḥ | prācchādayanmegha ivārkaraśmīn

Him, the Pandava sun with his net of arrow-rays scorching the foremost Kuru heroes in the battle, that Drona-cloud covered with the force of its showers of arrows, as a cloud covers the sun's rays.

Verse 23 (7.91.23)

अथात्यर्थं विसृष्टेन द्विषतामसुभोजिना । आजघ्ने वक्षसि द्रोणो नाराचेन धनञ्जयम् ॥

athātyarthaṃ visṛṣṭena dviṣatāmasubhojinā | ājaghne vakṣasi droṇo nārācena dhanañjayam

Then Drona struck Dhananjaya on the chest with a nārāca arrow hurled with great force, one that feeds on the lives of enemies.

Verse 24 (7.91.24)

स विह्वलितसर्वाङ्गः क्षितिकम्पे यथाऽचलः । धैर्यमालम्ब्य बीभत्सुर्द्रोणं विव्याध पत्रिभिः ॥

sa vihvalitasarvāṅgaḥ kṣitikampe yathā'calaḥ | dhairyamālambya bībhatsurdroṇaṃ vivyādha patribhiḥ

His whole body shaken, like a mountain in an earthquake, Bibhatsu steadied himself and pierced Drona with feathered arrows.

Verse 25 (7.91.25)

द्रोणस्तु पञ्चभिर्बाणैर्वासुदेवमताडयत् । अर्जुनं च त्रिसप्तत्या ध्वजं चास्य त्रिभिः शरैः ॥

droṇastu pañcabhirbāṇairvāsudevamatāḍayat | arjunaṃ ca trisaptatyā dhvajaṃ cāsya tribhiḥ śaraiḥ

Drona struck Vasudeva with five arrows, Arjuna with seventy-three, and Arjuna's banner with three.

Verse 26 (7.91.26)

विशेषयिष्यञ्शिष्यं च द्रोणो राजन्पराक्रमी । अदृश्यमर्जुनं चक्रे निमेषाच्छरवृष्टिभिः ॥

viśeṣayiṣyañśiṣyaṃ ca droṇo rājanparākramī | adṛśyamarjunaṃ cakre nimeṣāccharavṛṣṭibhiḥ

Wishing to surpass his pupil, O king, the mighty Drona in a moment made Arjuna vanish under his showers of arrows.

Verse 27 (7.91.27)

प्रसक्तान्पततोऽद्राक्ष्म भारद्वाजस्य सायकान् । मण्डलीकृतमेवास्य धनुश्चादृश्यताद्भुतम् ॥

prasaktānpatato'drākṣma bhāradvājasya sāyakān | maṇḍalīkṛtamevāsya dhanuścādṛśyatādbhutam

We saw the arrows of Bharadvaja's son falling thick and without a break, and his bow, drawn into a circle, looked wondrous.

Verse 28 (7.91.28)

तेऽभ्ययुः समरे राजन्वासुदेवधनञ्जयौ । द्रोणसृष्टाः सुबहवः कङ्कपत्रपरिच्छदाः ॥

te'bhyayuḥ samare rājanvāsudevadhanañjayau | droṇasṛṣṭāḥ subahavaḥ kaṅkapatraparicchadāḥ

O king, many arrows shot by Drona, fledged with heron feathers, flew in that battle at Vasudeva and Dhananjaya.

Verse 29 (7.91.29)

तत्राद्भुतमपश्याम शिलानामिव सर्पणम् । यद्द्रोणं तरसा पार्थो वृद्धं बालोऽपि नातरत् ॥

tatrādbhutamapaśyāma śilānāmiva sarpaṇam | yaddroṇaṃ tarasā pārtho vṛddhaṃ bālo'pi nātarat

There we saw a marvel, like rocks creeping along: that Partha, though a young man, could not overcome aged Drona by force.

Note on the text: Not in the critical edition's main text; its two lines appear there as star passage 7.66.27d*0478_01-02 (after 7.66.27).

Verse 30 (7.91.30)

चिन्तयामास वार्ष्णेयो दृष्ट्वा द्रोणस्य विक्रमम् । नातिवर्तिष्यते ह्येनं वेलामिव महार्णवः ॥

cintayāmāsa vārṣṇeyo dṛṣṭvā droṇasya vikramam | nātivartiṣyate hyenaṃ velāmiva mahārṇavaḥ

Seeing Drona's prowess, Vrishni's son thought: "Arjuna will not get past him, as the great ocean does not pass its shore."

Note on the text: Not in the critical edition's main text; its two lines appear there as star passage 7.66.27d*0478_03-04 (after 7.66.27). Corrected ह्योनं → ह्येनं (misprint in Wikisource; the vowel e is mistyped as o; CE *0478_04 reads hy enam).

Verse 31 (7.91.31)

ततः पार्थं समुद्विग्नं लक्ष्य चिन्तयतेऽच्युतः । द्रोणस्य चापि विक्रान्तं दृष्ट्वा मधुनिषूदनः । इत्यब्रवीद्वासुदेवो धनञ्जयमुदारधीः ॥

tataḥ pārthaṃ samudvignaṃ lakṣya cintayate'cyutaḥ | droṇasya cāpi vikrāntaṃ dṛṣṭvā madhuniṣūdanaḥ | ityabravīdvāsudevo dhanañjayamudāradhīḥ

Then Achyuta, seeing Partha troubled and seeing too the prowess of Drona, the Slayer of Madhu, pondered; and the noble-minded Vasudeva spoke thus to Dhananjaya.

Note on the text: Not in the critical edition's main text; lines 1-2 appear there as star passage 7.66.28d*0479_01-02 (after 7.66.28; line 2 reads madhunighātanaḥ for मधुनिषूदनः); line 3 is not in the critical edition (found in the vulgate recension).

Verse 32 (7.91.32)

पार्थपार्थ महाबाहो न नः कालात्ययो भवेत् । द्रोणमुत्सृज्य गच्छामो ब्राह्मणोऽसौ गतक्लमः ॥

pārthapārtha mahābāho na naḥ kālātyayo bhavet | droṇamutsṛjya gacchāmo brāhmaṇo'sau gataklamaḥ

"Partha, Partha, mighty-armed one, let us not lose time. Let us leave Drona and go on; that Brahmin is not wearied."

Note on the text: Speaker: Krishna's speech has no printed heading (the Sanjaya heading returns at verse 33); speaker corrected from Sanjaya. Line 1 is CE 7.66.29c; line 2 corresponds to CE 7.66.30a, which reads differently (kṛtyam etan mahattaram). CE 7.66.28 and 29a have no counterpart in Wikisource.

Verse 33 (7.91.33)

पार्थश्चाप्यब्रवीत्कृष्णं यथेष्टमिति केशवम् ॥

pārthaścāpyabravītkṛṣṇaṃ yatheṣṭamiti keśavam

And Partha answered Krishna, Keshava: "As you wish."

Note on the text: This line is CE 7.66.30c.

Verse 34 (7.91.34)

ततः प्रदक्षिणं कृत्वा द्रोणं प्रायान्महाभुजम् । परिवृत्तश्च बीभत्सुरगच्छद्विसृजञ्शरान् ॥

tataḥ pradakṣiṇaṃ kṛtvā droṇaṃ prāyānmahābhujam | parivṛttaśca bībhatsuragacchadvisṛjañśarān

Then, keeping the mighty-armed Drona on his right, Arjuna went on, turning aside and loosing arrows as he went.

Verse 35 (7.91.35)

ततोऽब्रवीत्स्वयं द्रोणः क्वेदं पाण्डव गम्यते । ननु नाम रणे शत्रुमजित्वा न निवर्तसे ॥

tato'bravītsvayaṃ droṇaḥ kvedaṃ pāṇḍava gamyate | nanu nāma raṇe śatrumajitvā na nivartase

Then Drona himself said, "Pandava, where are you going? Surely you do not turn back in battle without defeating your enemy."

Verse 36 (7.91.36)

गुरुर्भवान्न मे शत्रुः शिष्यः पुत्रसमोऽस्मि ते । न चास्ति स पुमाँल्लोके यस्त्वां युधि पराजयेत् ॥

gururbhavānna me śatruḥ śiṣyaḥ putrasamo'smi te | na cāsti sa pumām̐lloke yastvāṃ yudhi parājayet

"You are my teacher, not my enemy; I am your pupil, like a son to you. And there is no man in the world who could defeat you in battle."

Verse 37 (7.91.37)

एवं ब्रुवाणो बीभत्सुर्जयद्रथवधोत्सुकः । त्वरायुक्तो महाबाहुस्त्वत्सैन्यं समुपाद्रवत् ॥

evaṃ bruvāṇo bībhatsurjayadrathavadhotsukaḥ | tvarāyukto mahābāhustvatsainyaṃ samupādravat

So speaking, Bibhatsu, mighty-armed and eager for Jayadratha's death, rushed in haste upon your army.

Verse 38 (7.91.38)

तं चक्ररक्षौ पाञ्चाल्यौ युधामन्यूत्तमौजसौ । अन्वयातां महात्मानौ विशन्तं तावकं बलम् ॥

taṃ cakrarakṣau pāñcālyau yudhāmanyūttamaujasau | anvayātāṃ mahātmānau viśantaṃ tāvakaṃ balam

The two great-souled Panchalas who guarded his chariot wheels, Yudhamanyu and Uttamaujas, followed him as he entered your host.

Verse 39 (7.91.39)

ततो जयो महाराज कृतवर्मा च सात्वतः । काम्भोजश्च श्रुतायुश्च धनञ्जयमवारयन् ॥

tato jayo mahārāja kṛtavarmā ca sātvataḥ | kāmbhojaśca śrutāyuśca dhanañjayamavārayan

Then, O great king, Jaya and Kritavarman the Satvata, the Kamboja and Shrutayus stopped Dhananjaya.

Verse 40 (7.91.40)

तेषां दशसहस्राणि रथानामनुयायिनाम् । अभीषाहाः शूरसेनाः शिबयोऽथ वसातयः ॥

teṣāṃ daśasahasrāṇi rathānāmanuyāyinām | abhīṣāhāḥ śūrasenāḥ śibayo'tha vasātayaḥ

With them were ten thousand chariots of their followers: the Abhishahas, Shurasenas, Shibis and Vasatis,

Verse 41 (7.91.41)

मावेल्लका ललित्थाश्च केकया मद्रकास्तथा । नारायणाश्च गोपालाः काम्भोजानां च ये गणाः ॥

māvellakā lalitthāśca kekayā madrakāstathā | nārāyaṇāśca gopālāḥ kāmbhojānāṃ ca ye gaṇāḥ

the Mavellakas, Lalitthas, Kekayas and Madrakas, the Narayanas and Gopalas, and those bands of the Kambojas,

Verse 42 (7.91.42)

कर्णेन विजिताः पूर्वं सङ्ग्रामे शूरसम्मताः । भारद्वाजं पुरस्कृत्य हृष्टात्मानोऽर्जुनं प्रति ॥

karṇena vijitāḥ pūrvaṃ saṅgrāme śūrasammatāḥ | bhāradvājaṃ puraskṛtya hṛṣṭātmāno'rjunaṃ prati

warriors esteemed as heroes though Karna had once conquered them in battle, now glad at heart, with Bharadvaja's son placed at their head, advancing against Arjuna.

Verse 43 (7.91.43)

पुत्रशोकाभिसन्तप्तं क्रुद्धं मृत्युमिवान्तकम् । त्यजन्तं तुमुले प्राणान्सन्नद्धं चित्रयोधिनम् ॥

putraśokābhisantaptaṃ kruddhaṃ mṛtyumivāntakam | tyajantaṃ tumule prāṇānsannaddhaṃ citrayodhinam

Him, burning with grief for his son, furious like Death the ender, ready to give up his life in the tumult, armoured and fighting in wondrous ways,

Verse 44 (7.91.44)

गाहमानमनीकानि मातङ्गमिव यूथपम् । महेष्वासं पराक्रान्तं नरव्याघ्रमवारयन् ॥

gāhamānamanīkāni mātaṅgamiva yūthapam | maheṣvāsaṃ parākrāntaṃ naravyāghramavārayan

plunging through the ranks like a lordly elephant of the herd, that mighty archer, that valiant tiger among men, they stopped.

Verse 45 (7.91.45)

ततः प्रववृते युद्धं तुमुलं रोमहर्षणम् । अन्योन्यं वै प्रार्थयतां योधानामर्जुनस्य च ॥

tataḥ pravavṛte yuddhaṃ tumulaṃ romaharṣaṇam | anyonyaṃ vai prārthayatāṃ yodhānāmarjunasya ca

Then broke out a tumultuous battle that made the hair stand on end, between warriors who sought one another out, and Arjuna.

Verse 46 (7.91.46)

जयद्रथवधप्रेप्सुमायान्तं पुरुषर्षभम् । न्यवारयन्त सहिताः क्रिया व्याधिमिवोत्थितं ॥

jayadrathavadhaprepsumāyāntaṃ puruṣarṣabham | nyavārayanta sahitāḥ kriyā vyādhimivotthitaṃ

Together they checked that bull among men as he came, eager to kill Jayadratha, as treatment checks a disease that has flared up.