Arjuna Slays Shrutayudha and Sudakshina

Verse 1 (7.92.1)

सन्निरुद्धस्तु तैः पार्थो महाबलपराक्रमः । द्रुतं समनुयातश्च द्रोणेन रथिनां वरः ॥

sanniruddhastu taiḥ pārtho mahābalaparākramaḥ | drutaṃ samanuyātaśca droṇena rathināṃ varaḥ

Hemmed in by them, Partha of great strength and valour, best of charioteers, was swiftly pursued by Drona.

Note on the text: Adhyaya note: the input agrees with the raw page, row for row (77 verses). The critical edition's 7.67 has 71 verses. The extra Wikisource verses are star passages (verses 12, 51, 53, 69 and 76 wholly; parts of 54, 56, 57, 73 and 74) and Wikisource's different division of the CE's three-line verses (52, 70, 71). CE main-text verse 7.67.12 (arjunaḥ śaravarṣaṃ tad brahmāstreṇaiva …) and star passages 7.67.35d*0481 and 7.67.70f*0491 are not in Wikisource.

Verse 2 (7.92.2)

किरन्निषुगणांस्तीक्ष्णान्स रश्मीनिव भास्करः । तापयामास तत्सैन्यं देहं व्याधिगणो यथा ॥

kiranniṣugaṇāṃstīkṣṇānsa raśmīniva bhāskaraḥ | tāpayāmāsa tatsainyaṃ dehaṃ vyādhigaṇo yathā

Scattering volleys of sharp arrows as the sun scatters its rays, he scorched that army, as a host of diseases scorches the body.

Verse 3 (7.92.3)

अश्वो विद्धो रथश्छिन्नः सारोहः पातितो गजः । छत्राणि चापविद्धानि रथाश्चक्रैर्विना कृताः ॥

aśvo viddho rathaśchinnaḥ sārohaḥ pātito gajaḥ | chatrāṇi cāpaviddhāni rathāścakrairvinā kṛtāḥ

Horses were pierced, chariots shattered, elephants brought down with their riders, parasols flung aside, chariots stripped of their wheels.

Verse 4 (7.92.4)

विद्रुतानि च सैन्यानि शरार्तानि समन्ततः । इत्यासीत्तुमुलं युद्धं न प्राज्ञायत किञ्चन ॥

vidrutāni ca sainyāni śarārtāni samantataḥ | ityāsīttumulaṃ yuddhaṃ na prājñāyata kiñcana

The armies fled on every side, tormented by arrows; so tumultuous was the fighting that nothing could be made out.

Verse 5 (7.92.5)

तेषां संयच्छतां सङ्ख्ये परस्परमजिह्मगैः । अर्जुनो ध्वजिनीं राजन्नभीक्ष्णं समकम्पयत् ॥

teṣāṃ saṃyacchatāṃ saṅkhye parasparamajihmagaiḥ | arjuno dhvajinīṃ rājannabhīkṣṇaṃ samakampayat

While they strove in battle to check one another with straight-flying arrows, O king, Arjuna kept shaking the army again and again.

Verse 6 (7.92.6)

सत्यां चिकीर्षमाणस्तु प्रतिज्ञां सत्यसङ्गरः । अभ्यद्रवद्रथश्रेष्ठं शोणाश्वं श्वेतवाहनः ॥

satyāṃ cikīrṣamāṇastu pratijñāṃ satyasaṅgaraḥ | abhyadravadrathaśreṣṭhaṃ śoṇāśvaṃ śvetavāhanaḥ

Intent on making his vow true, the white-horsed one, true to his word, ran at the best of charioteers, whose horses were red.

Verse 7 (7.92.7)

तं द्रोणः पञ्चविंशत्या मर्मभिद्भिरजिह्मगैः । अन्तेवासिनमाचार्यो महेष्वासं समार्पयत् ॥

taṃ droṇaḥ pañcaviṃśatyā marmabhidbhirajihmagaiḥ | antevāsinamācāryo maheṣvāsaṃ samārpayat

Drona, the teacher, struck his own pupil, the great archer, with twenty-five straight-flying arrows that tear the vitals.

Verse 8 (7.92.8)

तं तूर्णमिव बीभत्सुः सर्वशस्त्रभृतां वरः । अभ्यधावदिषूनस्यन्निषुवेगविघातकान् ॥

taṃ tūrṇamiva bībhatsuḥ sarvaśastrabhṛtāṃ varaḥ | abhyadhāvadiṣūnasyanniṣuvegavighātakān

Bibhatsu, best of all who bear weapons, rushed swiftly at him, shooting arrows that broke the speed of arrows.

Verse 9 (7.92.9)

तस्याशु क्षिपतो भल्लान्भल्लैः सन्नतपर्वभिः । प्रत्यविध्यदमेयात्मा ब्रह्मास्त्रं समुदीरयन् ॥

tasyāśu kṣipato bhallānbhallaiḥ sannataparvabhiḥ | pratyavidhyadameyātmā brahmāstraṃ samudīrayan

As Drona swiftly shot broad-headed arrows with well-bent joints, Arjuna of immeasurable soul answered them in kind, calling up the Brahma weapon.

Verse 10 (7.92.10)

तदद्भुतमपश्याम द्रोणस्याचार्यकं युधि । यतमानो युवा नैनं प्रत्यविध्यद्यदर्जुनः ॥

tadadbhutamapaśyāma droṇasyācāryakaṃ yudhi | yatamāno yuvā nainaṃ pratyavidhyadyadarjunaḥ

We saw this wonder, Drona's mastery as a teacher in battle: though the young Arjuna strove, he could not pierce him back.

Verse 11 (7.92.11)

क्षरन्निव महामेघो वारिधाराः सहस्रशः । द्रोणमेघः पार्थशैलं ववर्ष शरवृष्टिभिः ॥

kṣaranniva mahāmegho vāridhārāḥ sahasraśaḥ | droṇameghaḥ pārthaśailaṃ vavarṣa śaravṛṣṭibhiḥ

Like a great cloud pouring thousands of streams of water, the Drona-cloud rained showers of arrows on the Partha-mountain.

Verse 12 (7.92.12)

अर्जुनः शरवर्षं तच्छरवर्षेण वीर्यवान् । अवारयदसम्भ्रान्तो न त्वाचार्यमपीडयत् ॥

arjunaḥ śaravarṣaṃ taccharavarṣeṇa vīryavān | avārayadasambhrānto na tvācāryamapīḍayat

The mighty Arjuna, unflustered, held off that rain of arrows with a rain of arrows of his own, yet did not hurt the teacher.

Note on the text: Not in the critical edition's main text; it appears there as star passage 7.67.12d*0480_01-02 (after 7.67.12), where the first half-line is lost ('****') and Wikisource supplies it.

Verse 13 (7.92.13)

द्रोणस्तु पञ्चविंशत्या श्वेतवाहनमार्दयत् । वासुदेवं च सप्तत्या बाह्वोरुरसि चाशुगैः ॥

droṇastu pañcaviṃśatyā śvetavāhanamārdayat | vāsudevaṃ ca saptatyā bāhvorurasi cāśugaiḥ

Drona struck the white-horsed Arjuna with twenty-five arrows, and Vasudeva with seventy, in the arms and the chest, with swift shafts.

Verse 14 (7.92.14)

पार्थस्तु प्रहसन्धीमानाचार्यं स शरौघिणम् । विसृजन्तं शितान्बाणानवारयत तं युधि ॥

pārthastu prahasandhīmānācāryaṃ sa śaraughiṇam | visṛjantaṃ śitānbāṇānavārayata taṃ yudhi

But the wise Partha, smiling, held off in battle the teacher as he loosed torrents of sharp arrows.

Verse 15 (7.92.15)

अथ तौ वध्यमानौ तु द्रोणेन रथसत्तमौ । अवर्जयेतां दुर्धर्षं युगान्ताग्निमिवोत्थितम् ॥

atha tau vadhyamānau tu droṇena rathasattamau | avarjayetāṃ durdharṣaṃ yugāntāgnimivotthitam

Then those two best of charioteers, struck by Drona, kept clear of him, so hard to withstand, like a fire of the world's end risen up.

Verse 16 (7.92.16)

वर्जयन्निशितान्बाणान्द्रोणचापविनिःसृतान् । किरीटमाली कौन्तेयो भोजानीकमथाविशत् ॥

varjayanniśitānbāṇāndroṇacāpaviniḥsṛtān | kirīṭamālī kaunteyo bhojānīkamathāviśat

Avoiding the sharp arrows that flew from Drona's bow, Arjuna the crowned, the son of Kunti, entered the Bhoja host.

Note on the text: Corrected विनिः सृतान् → विनिःसृतान् (misprint in Wikisource; a stray space inside the word; CE 7.67.16 reads viniḥsṛtān).

Verse 17 (7.92.17)

सोऽन्तरा कृतवर्माणं काम्भोजं च सुदक्षिणम् । अभ्ययाद्वर्जयन्द्रोणं मैनाकमिव पर्वतम् ॥

so'ntarā kṛtavarmāṇaṃ kāmbhojaṃ ca sudakṣiṇam | abhyayādvarjayandroṇaṃ mainākamiva parvatam

Avoiding Drona as one avoids Mount Mainaka, he went between Kritavarman and Sudakshina the Kamboja.

Verse 18 (7.92.18)

ततो भोजो नरव्याघ्रो दुर्धर्षं कुरुसत्तमम् । अविध्यत्तूर्णमव्यग्रो दशभिः कङ्कपत्रिभिः ॥

tato bhojo naravyāghro durdharṣaṃ kurusattamam | avidhyattūrṇamavyagro daśabhiḥ kaṅkapatribhiḥ

Then the Bhoja, a tiger among men, swiftly and steadily struck that hard-to-assail best of the Kurus with ten heron-feathered arrows.

Verse 19 (7.92.19)

तमर्जुनः शतेनाजौ राजन्विव्याध पत्रिणाम् । पुनश्चान्यैस्त्रिभिर्बाणैर्मोहयन्निव सात्वतम् ॥

tamarjunaḥ śatenājau rājanvivyādha patriṇām | punaścānyaistribhirbāṇairmohayanniva sātvatam

O king, Arjuna struck him in the fight with a hundred feathered arrows, and again with three more, as though bewildering the Satvata.

Verse 20 (7.92.20)

भोजस्तु प्रहसन्पार्थं वासुदेवं च माधवम् । एकैकं पञ्चविंशत्या सायकानां समार्पयत् ॥

bhojastu prahasanpārthaṃ vāsudevaṃ ca mādhavam | ekaikaṃ pañcaviṃśatyā sāyakānāṃ samārpayat

The Bhoja, laughing, struck Partha and Vasudeva the Madhava with twenty-five arrows each.

Verse 21 (7.92.21)

तस्यार्जुनो धनुश्छित्त्वा विव्याधैनं त्रिसप्तभिः । शरैरग्निशिखाकारैः क्रुद्धाशीविषसन्निभैः ॥

tasyārjuno dhanuśchittvā vivyādhainaṃ trisaptabhiḥ | śarairagniśikhākāraiḥ kruddhāśīviṣasannibhaiḥ

Arjuna cut his bow and pierced him with twenty-one arrows shaped like flames of fire, like angry venomous snakes.

Note on the text: Corrected वियाधैनं → विव्याधैनं (misprint in Wikisource; a व is dropped; CE 7.67.21 reads vivyādhainaṃ).

Verse 22 (7.92.22)

अथान्यद्धनुरादाय कृतवर्मा महारथः । पञ्चभिः सायकैस्तूर्णं विव्याधोरसि भारत ॥

athānyaddhanurādāya kṛtavarmā mahārathaḥ | pañcabhiḥ sāyakaistūrṇaṃ vivyādhorasi bhārata

Then, taking another bow, the great chariot-warrior Kritavarman swiftly pierced him in the chest with five arrows, O Bharata.

Verse 23 (7.92.23)

पुनश्च निशितैर्बाणैः पार्थं विव्याध पञ्चभिः । तं पार्थो नवभिर्बाणैराजघान स्तनान्तरे ॥

punaśca niśitairbāṇaiḥ pārthaṃ vivyādha pañcabhiḥ | taṃ pārtho navabhirbāṇairājaghāna stanāntare

And again he pierced Partha with five sharp arrows, and Partha struck him between the breasts with nine arrows.

Verse 24 (7.92.24)

दृष्ट्वा विषक्तं कौन्तेयं कृतवर्मरथं प्रति । चिन्तयामास वार्ष्णेयो न नः कालात्ययो भवेत् ॥

dṛṣṭvā viṣaktaṃ kaunteyaṃ kṛtavarmarathaṃ prati | cintayāmāsa vārṣṇeyo na naḥ kālātyayo bhavet

Seeing Kaunteya caught up with Kritavarman's chariot, Vrishni's son thought, "Let us not lose time."

Verse 25 (7.92.25)

ततः कृष्णोऽब्रवीत्पार्थं कृतवर्मणि मा दयाम् । कुरु सम्बन्धकं हित्वा प्रमथ्यैनं विशातय ॥

tataḥ kṛṣṇo'bravītpārthaṃ kṛtavarmaṇi mā dayām | kuru sambandhakaṃ hitvā pramathyainaṃ viśātaya

Then Krishna said to Partha, "Show no mercy to Kritavarman. Set aside the family tie, crush him and strike him down."

Verse 26 (7.92.26)

ततः स कृतवर्माणं मोहयित्वाऽर्जुनः शरैः । अभ्यगाज्जवनैरश्वैः काम्भोजानामनीकिनीम् ॥

tataḥ sa kṛtavarmāṇaṃ mohayitvā'rjunaḥ śaraiḥ | abhyagājjavanairaśvaiḥ kāmbhojānāmanīkinīm

Then Arjuna, having bewildered Kritavarman with arrows, went on with swift horses into the army of the Kambojas.

Note on the text: Corrected महोयित्वाऽर्जुनः → मोहयित्वाऽर्जुनः (misprint in Wikisource; letters transposed, not a word; CE 7.67.26 reads mohayitvārjunaḥ).

Verse 27 (7.92.27)

अमर्षितस्तु हार्दिक्यः प्रविष्टे श्वेतवाहने । विधुन्वन्सशरं चापं पाञ्चाल्याभ्यां समागतः ॥

amarṣitastu hārdikyaḥ praviṣṭe śvetavāhane | vidhunvansaśaraṃ cāpaṃ pāñcālyābhyāṃ samāgataḥ

Hardikya, enraged when the white-horsed one passed in, shook his bow and its arrow and came upon the two Panchalas.

Verse 28 (7.92.28)

चक्ररक्षौ तु पाञ्चाल्यावर्जुनस्य पदानुगौ । पर्यवारयदायान्तौ कृतवर्मा रथेषुभिः ॥

cakrarakṣau tu pāñcālyāvarjunasya padānugau | paryavārayadāyāntau kṛtavarmā ratheṣubhiḥ

As the two Panchala wheel-guards, who followed in Arjuna's tracks, came on, Kritavarman surrounded them with arrows shot from close by.

Verse 29 (7.92.29)

तावविध्यत्ततो भोजः कृतवर्मा शितैः शरैः । त्रिभिरेव युधामन्युं चतुर्भिश्चोत्तमौजसम् ॥

tāvavidhyattato bhojaḥ kṛtavarmā śitaiḥ śaraiḥ | tribhireva yudhāmanyuṃ caturbhiścottamaujasam

Then the Bhoja Kritavarman pierced them with sharp arrows, Yudhamanyu with three and Uttamaujas with four.

Verse 30 (7.92.30)

तावप्येनं विव्यधतुर्दशभिर्दशभिः शरैः । त्रिभिरेव युधामन्युरुत्तमौजास्त्रिभिस्तथा । सञ्चिच्छिदतुरप्यस्य ध्वजं कार्मुकमेव च ॥

tāvapyenaṃ vivyadhaturdaśabhirdaśabhiḥ śaraiḥ | tribhireva yudhāmanyuruttamaujāstribhistathā | sañcicchidaturapyasya dhvajaṃ kārmukameva ca

They too pierced him, each with ten arrows, Yudhamanyu with three, and Uttamaujas likewise with three, and they cut down his banner and his bow.

Note on the text: Corrected विविधतुर् → विव्यधतुर् (misprint in Wikisource; the verb is vyadh, perfect dual; CE 7.67.30 reads vivyadhatuḥ). Corrected युधामन्युरुत्तगौजा → युधामन्युरुत्तमौजा (misprint in Wikisource; the name Uttamaujas is misspelt; CE reads uttamaujasam in 7.67.29c). Lines 1 and 3 are CE 7.67.30a and 30c; the middle line is not in the critical edition (found in the vulgate recension).

Verse 31 (7.92.31)

अथान्यद्धनुरादाय हार्दिक्यः क्रोधमूर्च्छितः । कृत्वा विधनुषौ वीरौ शरवर्षैरवाकिरत् ॥

athānyaddhanurādāya hārdikyaḥ krodhamūrcchitaḥ | kṛtvā vidhanuṣau vīrau śaravarṣairavākirat

Taking another bow, Hardikya, crazed with anger, left the two heroes without bows and covered them with showers of arrows.

Verse 32 (7.92.32)

तावन्ये धनुषी सज्ये कृत्वा भोजं विजघ्नतुः । तेनान्तरेषु बीभत्सुर्विवेशामित्रवाहिनीम् ॥

tāvanye dhanuṣī sajye kṛtvā bhojaṃ vijaghnatuḥ | tenāntareṣu bībhatsurviveśāmitravāhinīm

The two, stringing other bows, struck the Bhoja; and in the meantime Bibhatsu entered the enemy's army.

Verse 33 (7.92.33)

न लेभाते तु तौ द्वारं वारितौ कृतवर्मणा । धार्तराष्ट्रेष्वनीकेषु यतमानौ नरर्षभौ ॥

na lebhāte tu tau dvāraṃ vāritau kṛtavarmaṇā | dhārtarāṣṭreṣvanīkeṣu yatamānau nararṣabhau

But those two bulls among men, held back by Kritavarman, could not find a way in as they strove against the Dhartarashtra ranks.

Verse 34 (7.92.34)

अनीकान्यर्दयन्युद्धे त्वरितः श्वेतवाहनः । नावधीत्कृतवर्माणं प्राप्तमप्यरिसूदनः ॥

anīkānyardayanyuddhe tvaritaḥ śvetavāhanaḥ | nāvadhītkṛtavarmāṇaṃ prāptamapyarisūdanaḥ

Swiftly crushing the ranks in battle, the white-horsed slayer of foes did not kill Kritavarman, though he had come within reach.

Verse 35 (7.92.35)

तं दृष्ट्वा तु तथाऽऽयान्तं शूरो राजा श्रुतायुधः । अभ्यद्रवत्सुसङ्क्रुद्धो विधुन्वानो महद्धनुः ॥

taṃ dṛṣṭvā tu tathā''yāntaṃ śūro rājā śrutāyudhaḥ | abhyadravatsusaṅkruddho vidhunvāno mahaddhanuḥ

Seeing him come on thus, the valiant king Shrutayudha, greatly enraged, rushed at him, shaking his great bow.

Note on the text: Added a missing space: तथाऽऽयान्तंशूरो → तथाऽऽयान्तं शूरो (two words run together on the page).

Verse 36 (7.92.36)

स पार्थं त्रिभिरानर्च्छत्सप्तत्या च जनार्दनम् । क्षुरप्रेण सुतीक्ष्णेन पार्थकेतुमताडयत् ॥

sa pārthaṃ tribhirānarcchatsaptatyā ca janārdanam | kṣurapreṇa sutīkṣṇena pārthaketumatāḍayat

He struck Partha with three arrows and Janardana with seventy, and with a sharp razor-headed arrow he hit Partha's banner.

Verse 37 (7.92.37)

ततोऽर्जुनो नवत्या तु शराणां नतपर्वणाम् । आजघान भृशं क्रुद्धस्तोत्रैरिव महाद्विपम् ॥

tato'rjuno navatyā tu śarāṇāṃ nataparvaṇām | ājaghāna bhṛśaṃ kruddhastotrairiva mahādvipam

Then Arjuna, greatly angered, struck him with ninety well-jointed arrows, as one strikes a great elephant with goads.

Verse 38 (7.92.38)

स तन्न ममृषे राजन्पाण्डवेयस्य विक्रमम् । अथैनं सप्तसप्तत्या नाराचानां समार्पयत् ॥

sa tanna mamṛṣe rājanpāṇḍaveyasya vikramam | athainaṃ saptasaptatyā nārācānāṃ samārpayat

O king, he could not bear the Pandava's prowess, and struck him with seventy-seven nārāca arrows.

Verse 39 (7.92.39)

तस्यार्जुनो धनुश्छित्त्वा शरावापं निकृत्य च । आजघानोरसि क्रुद्धः सप्तभिर्नतपर्वभिः ॥

tasyārjuno dhanuśchittvā śarāvāpaṃ nikṛtya ca | ājaghānorasi kruddhaḥ saptabhirnataparvabhiḥ

Arjuna cut his bow and cut away his quiver, and in his anger struck him on the chest with seven well-jointed arrows.

Verse 40 (7.92.40)

अथान्यद्धनुरादाय स राजा क्रोधमूर्च्छितः । वासविं नवभिर्बाणैर्बाह्वोरुरसि चार्पयत् ॥

athānyaddhanurādāya sa rājā krodhamūrcchitaḥ | vāsaviṃ navabhirbāṇairbāhvorurasi cārpayat

Then the king, taking another bow, crazed with anger, struck Indra's son in the arms and chest with nine arrows.

Verse 41 (7.92.41)

ततोऽर्जुनः स्मयन्नेव श्रुतायुधमरिन्दमः । शरैरनेकसाहस्रैः पीडयामास भारत ॥

tato'rjunaḥ smayanneva śrutāyudhamarindamaḥ | śarairanekasāhasraiḥ pīḍayāmāsa bhārata

Then Arjuna, tamer of foes, smiling, tormented Shrutayudha with many thousands of arrows, O Bharata.

Verse 42 (7.92.42)

अश्वांश्चास्यावधीत्तूर्णं सारथिं च महारथः । विव्याध चैनं सप्तत्या नाराचानां महाबलः ॥

aśvāṃścāsyāvadhīttūrṇaṃ sārathiṃ ca mahārathaḥ | vivyādha cainaṃ saptatyā nārācānāṃ mahābalaḥ

The mighty great chariot-warrior swiftly killed his horses and his charioteer, and pierced him with seventy nārāca arrows.

Verse 43 (7.92.43)

हताश्वं रथमुत्सृज्य स तु राजा श्रुतायुधः । अभ्यद्रुवद्रणे पार्थं गदामुद्यम्य वीर्यवान् ॥

hatāśvaṃ rathamutsṛjya sa tu rājā śrutāyudhaḥ | abhyadruvadraṇe pārthaṃ gadāmudyamya vīryavān

Leaving his chariot, whose horses were slain, King Shrutayudha, valiant, raised his mace and rushed upon Partha in battle.

Note on the text: Corrected अभ्यद्रुवद्रुणे → अभ्यद्रुवद्रणे (misprint in Wikisource; a stray ु is added to रणे; CE 7.67.43 reads abhyadravad raṇe).

Verse 44 (7.92.44)

वरुणस्यात्मजो वीरः स तु राजा श्रुतायुधः । पर्णाशाजननी यस्य शीततोया महानदी ॥

varuṇasyātmajo vīraḥ sa tu rājā śrutāyudhaḥ | parṇāśājananī yasya śītatoyā mahānadī

That hero, King Shrutayudha, was the son of Varuna; his mother was Parnasha, the great river of cool waters.

Note on the text: Corrected वरुणस्यत्मजो → वरुणस्यात्मजो (misprint in Wikisource; the ā of आत्मज is dropped; CE 7.67.44 reads varuṇasyātmajo).

Verse 45 (7.92.45)

तस्य माताऽब्रवीद्राजन्वरुणं पुत्रकारणात् । अवध्योऽयं भवेल्लोके शत्रूणां तनयो मम ॥

tasya mātā'bravīdrājanvaruṇaṃ putrakāraṇāt | avadhyo'yaṃ bhavelloke śatrūṇāṃ tanayo mama

His mother, O king, begged Varuna for her son's sake: "Let this son of mine be unslayable by his enemies in the world."

Verse 46 (7.92.46)

वरुणस्त्वब्रवीत्प्रीतो ददाम्यस्मै वरं हितम् । दिव्यमस्त्रं सुतस्तेऽयं येनावध्यो भविष्यति ॥

varuṇastvabravītprīto dadāmyasmai varaṃ hitam | divyamastraṃ sutaste'yaṃ yenāvadhyo bhaviṣyati

Pleased, Varuna said, "I give him a boon for his good: a divine weapon, by which this son of yours shall be unslayable."

Verse 47 (7.92.47)

नास्ति चाप्यमरत्वं वै मनुष्यस्य कथञ्चन । सर्वेणावश्यमर्तव्यं जातेन सरितां वरे ॥

nāsti cāpyamaratvaṃ vai manuṣyasya kathañcana | sarveṇāvaśyamartavyaṃ jātena saritāṃ vare

"For a man there is no immortality in any way. Everyone who is born must surely die, best of rivers."

Note on the text: Speaker: Varuna's words to Parnasha run through verses 47-48 with no printed heading; speaker corrected from Sanjaya.

Verse 48 (7.92.48)

दुर्धर्षस्त्वेष शत्रूणां रणेषु भविता सदा । अस्त्रस्यास्य प्रभावाद्वै व्येतु ते मानसो ज्वरः ॥

durdharṣastveṣa śatrūṇāṃ raṇeṣu bhavitā sadā | astrasyāsya prabhāvādvai vyetu te mānaso jvaraḥ

"But this one will always be hard for enemies to withstand in battles. By the power of this weapon, let the fever of your mind pass."

Note on the text: Continues Varuna's speech (see verse 47).

Verse 49 (7.92.49)

इत्युक्त्वा वरुणः प्रादाद्गदां मन्त्रपुरस्कृताम् । यामासाद्य दुराधर्षः सर्वलोके श्रुतायुधः ॥

ityuktvā varuṇaḥ prādādgadāṃ mantrapuraskṛtām | yāmāsādya durādharṣaḥ sarvaloke śrutāyudhaḥ

So saying, Varuna gave him a mace consecrated with mantras, and with it Shrutayudha became unassailable in all the world.

Verse 50 (7.92.50)

उवाच चैनं भगवान्पुनरेव जलेश्वरः । अयुध्यति न मोक्तव्या सा त्वय्येव पतेदिति ॥

uvāca cainaṃ bhagavānpunareva jaleśvaraḥ | ayudhyati na moktavyā sā tvayyeva patediti

And the Blessed Lord of the waters said to him once more, "It must not be hurled at one who is not fighting; it would fall on you yourself."

Verse 51 (7.92.51)

हन्यादेषा प्रतीपं हि प्रयोक्तारमपि प्रभो । न चाकरोत्स तद्वाक्यं प्राप्ते काले श्रुतायुधः ॥

hanyādeṣā pratīpaṃ hi prayoktāramapi prabho | na cākarotsa tadvākyaṃ prāpte kāle śrutāyudhaḥ

"It would recoil and kill even the one who hurled it," my lord. But when his time came, Shrutayudha did not heed those words.

Note on the text: Not in the critical edition's main text; its two lines appear there as star passage 7.67.50d*0482_01-02 (after 7.67.50). Line 1 continues Varuna's warning, line 2 is narration, so the speaker stays Sanjaya.

Verse 52 (7.92.52)

स तया वीरघातिन्या जनार्दनमताडयत् । प्रतिजग्राह तां कृष्णः पीनेनांसेन वीर्यवान् । नाकम्पयत शौरिं सा विन्ध्यं गिरिमिवानिलः ॥

sa tayā vīraghātinyā janārdanamatāḍayat | pratijagrāha tāṃ kṛṣṇaḥ pīnenāṃsena vīryavān | nākampayata śauriṃ sā vindhyaṃ girimivānilaḥ

With that hero-slaying mace he struck Janardana. Krishna, the mighty, took it on his sturdy shoulder, and it did not shake Shauri, as the wind does not shake the Vindhya mountain.

Note on the text: Lines 1-3 are CE 7.67.51a, 51c and 52a.

Verse 53 (7.92.53)

ततोऽर्जुनः क्षुरप्राभ्यां भुजौ परिघसन्निभौ । चिच्छेद पाण्डवः शीघ्रं जलेश्वरसुतस्य वै ॥

tato'rjunaḥ kṣuraprābhyāṃ bhujau parighasannibhau | ciccheda pāṇḍavaḥ śīghraṃ jaleśvarasutasya vai

Then Arjuna swiftly cut off with two razor-headed arrows the arms, as thick as iron bars, of the son of the lord of the waters.

Note on the text: Not in the critical edition's main text; its two lines appear there as star passage 7.67.52b*0483_01-02 (inserted after 7.67.52a). Removed stray wiki backtick and a stray zero-width joiner inside पाण्डवः.

Verse 54 (7.92.54)

स ज्वलन्ती महोल्केव समासाद्य जनार्दनम् । प्रत्यागता महावेगा कृत्येव दुरधिष्ठिता ॥

sa jvalantī maholkeva samāsādya janārdanam | pratyāgatā mahāvegā kṛtyeva duradhiṣṭhitā

Blazing like a great meteor, the mace reached Janardana, and then came back with great speed, like a hard-to-control sorceress.

Note on the text: Line 1 is star passage 7.67.52b*0483_03 (the CE places it after 52a); line 2 corresponds to CE 7.67.52c (which reads pratyabhyayāt taṃ viproḍhā …). Removed a stray wiki apostrophe.

Verse 55 (7.92.55)

जघान चास्थितं वीरं श्रुतायुधममर्षणम् । स पपात हतो भूमौ विशिरा विभुजो बली । सम्भग्न इव वातेन बहुशाखो वनस्पतिः ॥

jaghāna cāsthitaṃ vīraṃ śrutāyudhamamarṣaṇam | sa papāta hato bhūmau viśirā vibhujo balī | sambhagna iva vātena bahuśākho vanaspatiḥ

And it struck the hero Shrutayudha, wrathful, standing there. He fell dead to the ground, his head and arms gone, that strong man, like a many-branched tree broken by the wind.

Note on the text: Line 1 is CE 7.67.53a; lines 2-3 are star passage 7.67.53b*0484_01-02. Removed a stray wiki backtick.

Verse 56 (7.92.56)

सा विस्फुरन्ती ज्वलिता वज्रवेगसमा गदा । हत्वा श्रुतायुधं वीरं धरणीमन्वपद्यत ॥

sā visphurantī jvalitā vajravegasamā gadā | hatvā śrutāyudhaṃ vīraṃ dharaṇīmanvapadyata

That mace, quivering and blazing, its speed like the thunderbolt's, having slain the hero Shrutayudha, fell to the ground.

Note on the text: Line 1 is star passage 7.67.53b*0484_03; line 2 is CE 7.67.53c. Removed a stray wiki apostrophe.

Verse 57 (7.92.57)

गदां निवर्तितां दृष्ट्वा निहतं च श्रुतायुधम् । हाहाकारो महांस्तत्र सैन्यानां समजायत । स्वेनास्त्रेण हतं दृष्ट्वा श्रुतायुधमरिन्दमम् ॥

gadāṃ nivartitāṃ dṛṣṭvā nihataṃ ca śrutāyudham | hāhākāro mahāṃstatra sainyānāṃ samajāyata | svenāstreṇa hataṃ dṛṣṭvā śrutāyudhamarindamam

Seeing the mace turned back and Shrutayudha slain, a great cry of lamentation rose from the armies there, as they saw Shrutayudha, tamer of foes, killed by his own weapon.

Note on the text: Line 1 is star passage 7.67.53d*0485_01 (after 7.67.53); lines 2-3 are CE 7.67.54a and 54c.

Verse 58 (7.92.58)

अयुध्यमानाय ततः केशवाय नराधिप । क्षिप्ता श्रुतायुधेनाथ तस्मात्तमवधीद्गदा ॥

ayudhyamānāya tataḥ keśavāya narādhipa | kṣiptā śrutāyudhenātha tasmāttamavadhīdgadā

O lord of men, because Shrutayudha hurled it at Keshava, who was not fighting, the mace killed him.

Verse 59 (7.92.59)

यथोक्तं वरुणेनाजौ तथा स निधनं गतः । व्यसुश्चाप्यपतद्भूमौ प्रेक्षतां सर्वधन्विनाम् ॥

yathoktaṃ varuṇenājau tathā sa nidhanaṃ gataḥ | vyasuścāpyapatadbhūmau prekṣatāṃ sarvadhanvinām

As Varuna had foretold in the battle, so he met his end, and fell lifeless to the ground in the sight of all the archers.

Verse 60 (7.92.60)

पतमानस्तु स बभौ पर्णाशायाः प्रियः सुतः । सम्भग्न इव वातेन बहुशाखो वनस्पतिः ॥

patamānastu sa babhau parṇāśāyāḥ priyaḥ sutaḥ | sambhagna iva vātena bahuśākho vanaspatiḥ

As he fell, Parnasha's beloved son shone like a many-branched tree broken by the wind.

Verse 61 (7.92.61)

ततः सर्वाणि सैन्यानि सेनामुख्याश्च सर्वशः । प्राद्रवन्त हतं दृष्ट्वा श्रुतायुधमरिन्दमम् ॥

tataḥ sarvāṇi sainyāni senāmukhyāśca sarvaśaḥ | prādravanta hataṃ dṛṣṭvā śrutāyudhamarindamam

Then all the armies and the leaders of the troops fled in every direction, seeing Shrutayudha, tamer of foes, slain.

Verse 62 (7.92.62)

ततः काम्भोजराजस्य पुत्रः शूरः सुदक्षिणः । अभ्ययाज्जवनैरश्वैः फल्गुनं शत्रुसूदनम् ॥

tataḥ kāmbhojarājasya putraḥ śūraḥ sudakṣiṇaḥ | abhyayājjavanairaśvaiḥ phalgunaṃ śatrusūdanam

Then Sudakshina, the valiant son of the king of the Kambojas, advanced on swift horses against Phalguna, the slayer of foes.

Verse 63 (7.92.63)

तस्य पार्थः शरान्सप्त प्रेषयामास भारत । ते तं शूरं विनिर्भिद्य प्राविशन्धरणीतलम् ॥

tasya pārthaḥ śarānsapta preṣayāmāsa bhārata | te taṃ śūraṃ vinirbhidya prāviśandharaṇītalam

Partha sent seven arrows at him, O Bharata; they pierced that hero through and entered the surface of the earth.

Verse 64 (7.92.64)

सोऽतिविद्धः शरैस्तीक्ष्णैर्गाण्डीवप्रेषितैर्मृधे । अर्जुनं प्रतिविव्याध दशभिः कङ्कपत्रिभिः ॥

so'tividdhaḥ śaraistīkṣṇairgāṇḍīvapreṣitairmṛdhe | arjunaṃ prativivyādha daśabhiḥ kaṅkapatribhiḥ

Sorely pierced in the fight by the sharp arrows sped from the Gandiva, he struck Arjuna back with ten heron-feathered arrows.

Verse 65 (7.92.65)

वासुदेवं त्रिभिर्विद्ध्वा पुनः पार्थं च पञ्चभिः । तस्य पार्थो धनुश्छित्त्वा केतुं चिच्छेद मारिष ॥

vāsudevaṃ tribhirviddhvā punaḥ pārthaṃ ca pañcabhiḥ | tasya pārtho dhanuśchittvā ketuṃ ciccheda māriṣa

He pierced Vasudeva with three arrows and Partha again with five; but Partha cut his bow and cut down his banner, O sire.

Verse 66 (7.92.66)

भल्लाभ्यां भृशतीक्ष्णाभ्यां तं च विव्याध पाण्डवः । स तु पार्थं त्रिभिर्विद्ध्वा सिंहनादमथानदत् ॥

bhallābhyāṃ bhṛśatīkṣṇābhyāṃ taṃ ca vivyādha pāṇḍavaḥ | sa tu pārthaṃ tribhirviddhvā siṃhanādamathānadat

The Pandava pierced him with two very sharp broad-headed arrows; and he, having pierced Partha with three, let out a lion's roar.

Verse 67 (7.92.67)

सर्वपारशवीं चैव शक्तिं शूरः सुदक्षिणः । सघण्टां प्राहिणोद्धोरां क्रुद्धो गाण्डीवधन्वने ॥

sarvapāraśavīṃ caiva śaktiṃ śūraḥ sudakṣiṇaḥ | saghaṇṭāṃ prāhiṇoddhorāṃ kruddho gāṇḍīvadhanvane

Then the heroic Sudakshina, in anger, hurled at the wielder of the Gandiva a fearsome spear, wholly of iron and hung with a bell.

Verse 68 (7.92.68)

सा ज्वलन्ती महोल्केव तमासाद्य महारथम् । सविस्फुलिङ्गा निर्भिद्य निपपात महीतले ॥

sā jvalantī maholkeva tamāsādya mahāratham | savisphuliṅgā nirbhidya nipapāta mahītale

Blazing like a great meteor, it reached that great chariot-warrior, pierced him in a shower of sparks, and fell to the ground.

Verse 69 (7.92.69)

शक्त्या त्वभिहतो गाढं मूर्च्छयाऽभिपरिप्लुतः । समाश्वास्य महातेजाः सृक्विणी परिलेलिहन् ॥

śaktyā tvabhihato gāḍhaṃ mūrcchayā'bhipariplutaḥ | samāśvāsya mahātejāḥ sṛkviṇī parilelihan

Arjuna, struck hard by the spear, was overcome by a swoon; then, recovering himself, the greatly radiant one licked the corners of his mouth.

Note on the text: Not in the critical edition's main text; its two lines appear there as star passage 7.67.65d*0486_01-02 (after 7.67.65). Corrected शक्या → शक्त्या (misprint in Wikisource; a त् is dropped; CE *0486_01 reads śaktyā).

Verse 70 (7.92.70)

तं चतुर्दशभिः पार्थो नाराचैः कङ्कपत्रिभिः । साश्वध्वजधनुःसूतं विव्याधाचिन्त्यविक्रमः ॥

taṃ caturdaśabhiḥ pārtho nārācaiḥ kaṅkapatribhiḥ | sāśvadhvajadhanuḥsūtaṃ vivyādhācintyavikramaḥ

Then Partha of inconceivable prowess pierced him, with his horses, banner, bow and charioteer, with fourteen heron-feathered nārāca arrows.

Note on the text: Lines 1-2 are CE 7.67.66a and 66c; the third line of CE 66 (66e) opens the next verse.

Verse 71 (7.92.71)

रथं चान्यैः सुबहुभिश्चक्रे विशकलं शरैः । सुदक्षिणं तं काम्भोजं मोघसङ्कल्पविक्रमम् । बिभेद हृदि बाणेन पृथुधारेण पाण्डवः ॥

rathaṃ cānyaiḥ subahubhiścakre viśakalaṃ śaraiḥ | sudakṣiṇaṃ taṃ kāmbhojaṃ moghasaṅkalpavikramam | bibheda hṛdi bāṇena pṛthudhāreṇa pāṇḍavaḥ

He shattered his chariot to pieces with many more arrows; and the Pandava split in the heart, with a broad-headed arrow, Sudakshina the Kamboja, whose resolve and prowess had come to nothing.

Note on the text: Line 1 is CE 7.67.66e; lines 2-3 are CE 7.67.67a and 67c.

Verse 72 (7.92.72)

स भिन्नवर्मा स्रस्ताङ्गः प्रभ्रष्टमुकुटाङ्गदः । पपाताभिमुखः शूरो यन्त्रमुक्त इव ध्वजः ॥

sa bhinnavarmā srastāṅgaḥ prabhraṣṭamukuṭāṅgadaḥ | papātābhimukhaḥ śūro yantramukta iva dhvajaḥ

His armour split, his limbs slack, his crown and armlets thrown off, the hero fell face forward, like Indra's banner let loose from its fastening.

Verse 73 (7.92.73)

गिरेः शिखरजः श्रीमान्सुशाखः सुप्रतिष्ठितः । निर्भग्न इव वातेन कर्णिकारो हिमात्यये । विशीर्णः पतितो राजा प्रसार्य विपुलौ भुजौ ॥

gireḥ śikharajaḥ śrīmānsuśākhaḥ supratiṣṭhitaḥ | nirbhagna iva vātena karṇikāro himātyaye | viśīrṇaḥ patito rājā prasārya vipulau bhujau

Like a graceful, well-rooted, many-branched karnikara tree on a mountain peak, broken by the wind at the end of winter, the king fell shattered, his two long arms spread wide.

Note on the text: Lines 1-2 are CE 7.67.69a and 69c; line 3 is star passage 7.67.69d*0487_01 (which reads vikīrṇaḥ for विशीर्णः).

Verse 74 (7.92.74)

शेते स्म निहतो भूमौ काम्भोजास्तरणोचितः । महार्हाभरणोपेतः सानुमानिव पर्वतः ॥

śete sma nihato bhūmau kāmbhojāstaraṇocitaḥ | mahārhābharaṇopetaḥ sānumāniva parvataḥ

Slain, he lay on the ground, one fit for a Kamboja coverlet, adorned with costly ornaments, like a mountain with its ridges.

Note on the text: Line 1 is CE 7.67.70a; line 2 is star passage 7.67.70b*0489_01.

Verse 75 (7.92.75)

सुदर्शनीयस्ताम्राक्षः कर्णिना स सुदक्षिणः । पुत्रः काम्भोजराजस्य पार्थेन विनिपातितः ॥

sudarśanīyastāmrākṣaḥ karṇinā sa sudakṣiṇaḥ | putraḥ kāmbhojarājasya pārthena vinipātitaḥ

Handsome, with coppery eyes, Sudakshina, the son of the Kamboja king, was brought down by Partha with a barbed arrow.

Note on the text: Lines 1-2 are CE 7.67.70c and 70e.

Verse 76 (7.92.76)

धारयन्नग्निसङ्काशां शिरसा काञ्चनीं स्रजम् । अशोभत महाबाहुर्व्यसुर्भूमौ निपातितः ॥

dhārayannagnisaṅkāśāṃ śirasā kāñcanīṃ srajam | aśobhata mahābāhurvyasurbhūmau nipātitaḥ

Wearing on his head a golden garland blazing like fire, the mighty-armed one, lifeless and brought down to the ground, still shone.

Note on the text: Not in the critical edition's main text; line 1 appears there as star passage 7.67.69d*0488_01 and line 2 as star passage 7.67.70f*0490_01.

Verse 77 (7.92.77)

ततः सर्वाणि सैन्यानि व्यद्रवन्त सुतस्य ते । हतं श्रुतायुधं दृष्ट्वा काम्भोजं च सुदक्षिणम् ॥

tataḥ sarvāṇi sainyāni vyadravanta sutasya te | hataṃ śrutāyudhaṃ dṛṣṭvā kāmbhojaṃ ca sudakṣiṇam

Then all your son's armies fled, seeing Shrutayudha slain and Sudakshina the Kamboja.