Arjuna Slays Shrutayus, Ashrutayus and Ambashtha

Verse 1 (7.93.1)

हते सुदक्षिणे राजन्वीरे चैव श्रुतायुधे । जवेनाभ्यद्रवन्पार्थं कुपिताः सैनिकास्तव ॥

hate sudakṣiṇe rājanvīre caiva śrutāyudhe | javenābhyadravanpārthaṃ kupitāḥ sainikāstava

When Sudakshina and the heroic Shrutayudha had been slain, O king, your enraged soldiers rushed swiftly upon Partha.

Verse 2 (7.93.2)

अभीषाहाः शूरसेनाः शिबयोऽथ वसातयः । अभ्यवर्षंस्ततो राजञ्शरवर्षैर्धनञ्जयम् ॥

abhīṣāhāḥ śūrasenāḥ śibayo'tha vasātayaḥ | abhyavarṣaṃstato rājañśaravarṣairdhanañjayam

Then the Abhishahas, the Shurasenas, the Shibis and the Vasatis, O king, rained showers of arrows upon Dhananjaya.

Verse 3 (7.93.3)

तेषां षष्टिशतानन्यान्प्रामथ्नात्पाण्डवः शरैः । ते स्म भीताः पलायन्ते व्याघ्रात्क्षुद्रमृगा इव ॥

teṣāṃ ṣaṣṭiśatānanyānprāmathnātpāṇḍavaḥ śaraiḥ | te sma bhītāḥ palāyante vyāghrātkṣudramṛgā iva

Of these, the Pandava crushed another six thousand with his arrows. Terrified, they fled, like small deer from a tiger.

Verse 4 (7.93.4)

ते निवृत्ताः पुनः पार्थं सर्वतः पर्यवारयन् । रणे सपत्नान्निघ्नन्तं जिगीषन्तं परान्युधि ॥

te nivṛttāḥ punaḥ pārthaṃ sarvataḥ paryavārayan | raṇe sapatnānnighnantaṃ jigīṣantaṃ parānyudhi

Turning back, they again surrounded Partha on every side, as he struck down his foes in battle, eager to conquer his enemies in the fight.

Verse 5 (7.93.5)

तेषामापततां तूर्णं गाण्डीवप्रेषितैः शरैः । शिरांसि पातयामास बाहूंश्चापि धनञ्जयः ॥

teṣāmāpatatāṃ tūrṇaṃ gāṇḍīvapreṣitaiḥ śaraiḥ | śirāṃsi pātayāmāsa bāhūṃścāpi dhanañjayaḥ

As they swiftly rushed upon him, Dhananjaya felled their heads, and their arms as well, with arrows loosed from the Gandiva.

Verse 6 (7.93.6)

शिरोभिः पातितैस्तत्र भूमिरासीन्निरन्तरा । अभ्रच्छायेव चैवासीद्ध्वाङ्क्षगृध्रबलैर्युधि ॥

śirobhiḥ pātitaistatra bhūmirāsīnnirantarā | abhracchāyeva caivāsīddhvāṅkṣagṛdhrabalairyudhi

The ground there was strewn with the fallen heads, leaving no gap, and the battlefield was shaded as by a cloud, by the flocks of crows and vultures.

Verse 7 (7.93.7)

तेषु तूत्साद्यमानेषु क्रोधामर्षसमन्वितौ । श्रुतायुश्चाश्रुतायुश्च धनञ्जयमयुध्यताम् ॥

teṣu tūtsādyamāneṣu krodhāmarṣasamanvitau | śrutāyuścāśrutāyuśca dhanañjayamayudhyatām

While they were being cut down, Shrutayus and Ashrutayus, filled with anger and indignation, fought against Dhananjaya.

Note on the text: Corrected स्रुतायुश्चाश्रुतायुश्च → श्रुतायुश्चाश्रुतायुश्च (misprint in Wikisource; स्रु for श्रु; CE has श्रुतायुश्चाच्युतायुश्च, and the vulgate name अश्रुतायु is kept).

Verse 8 (7.93.8)

बलिनौ स्पर्धिनौ वीरौ कुलजौ बाहुशालिनौ । तावेनं शरवर्षाणि सव्यदक्षिणमस्यताम् ॥

balinau spardhinau vīrau kulajau bāhuśālinau | tāvenaṃ śaravarṣāṇi savyadakṣiṇamasyatām

The two heroes were strong, rivals of one another, of good family and mighty-armed; from left and right they hurled showers of arrows at him.

Verse 9 (7.93.9)

त्वरायुक्तौ महाराज प्रार्थयानौ महद्यशः । अर्जुनस्य वधप्रेप्सू पुत्रार्थे तव धन्विनौ ॥

tvarāyuktau mahārāja prārthayānau mahadyaśaḥ | arjunasya vadhaprepsū putrārthe tava dhanvinau

Hasty, O great king, and seeking great fame, those two archers, eager to kill Arjuna, fought for the sake of your son.

Note on the text: Corrected महराज → महाराज (misprint in Wikisource; dropped long ा; CE mahārāja).

Verse 10 (7.93.10)

तावर्जुनं सहस्रेण पत्रिणां नतपर्वणाम् । पूरयामासतुः क्रुद्धौ तटाकं जलदौ यथा ॥

tāvarjunaṃ sahasreṇa patriṇāṃ nataparvaṇām | pūrayāmāsatuḥ kruddhau taṭākaṃ jaladau yathā

Furious, the two filled Arjuna with a thousand feathered, smooth-jointed arrows, as two rain-clouds fill a pond.

Verse 11 (7.93.11)

श्रुतायुश्च ततः क्रुद्धस्तोमरेण धनञ्जयम् । आजघान रथश्रेष्ठः पीतेन निशितेन च ॥

śrutāyuśca tataḥ kruddhastomareṇa dhanañjayam | ājaghāna rathaśreṣṭhaḥ pītena niśitena ca

Then Shrutayus, the best of chariot-warriors, in anger struck Dhananjaya with a tomara that was yellow and keen.

Verse 12 (7.93.12)

सोऽतिविद्धो बलवता शत्रुणा शत्रुकर्शनः । जगाम परमं मोहं मोहयन्केशवं रणे ॥

so'tividdho balavatā śatruṇā śatrukarśanaḥ | jagāma paramaṃ mohaṃ mohayankeśavaṃ raṇe

Sorely pierced by that mighty foe, the tormentor of enemies fell into a deep swoon, bewildering Keshava in the battle.

Verse 13 (7.93.13)

एतस्मिन्नेव काले तु सोऽश्रुतायुर्महारथः । शूलेन भृशतीक्ष्णेन ताडयामास पाण्डवम् ॥

etasminneva kāle tu so'śrutāyurmahārathaḥ | śūlena bhṛśatīkṣṇena tāḍayāmāsa pāṇḍavam

At that very moment the great chariot-warrior Ashrutayus struck the Pandava with a spear of exceeding sharpness.

Verse 14 (7.93.14)

क्षते क्षारं स हि ददौ पाण्डवस्य महात्मनः । पार्थोऽपि भृशसंविद्धो ध्वजयष्टिं समाश्रितः ॥

kṣate kṣāraṃ sa hi dadau pāṇḍavasya mahātmanaḥ | pārtho'pi bhṛśasaṃviddho dhvajayaṣṭiṃ samāśritaḥ

It was as if he had poured caustic on the wound of the great-souled Pandava. Partha too, deeply pierced, clung to the flagstaff of his chariot.

Verse 15 (7.93.15)

ततः सर्वस्य सैन्यस्य तावकस्य विशाम्पते । सिंहनादो महानासीद्धतं मत्वा धनञ्जयम् ॥

tataḥ sarvasya sainyasya tāvakasya viśāmpate | siṃhanādo mahānāsīddhataṃ matvā dhanañjayam

Then, O lord of the people, a great lion's roar went up from all your army, who thought Dhananjaya slain.

Verse 16 (7.93.16)

कृष्णश्च भृशसन्तप्तो दृष्ट्वा पार्थं विचेतनम् । आश्वासयत्सुहृद्याभिर्वाग्भिस्तत्र धनञ्जयम् ॥

kṛṣṇaśca bhṛśasantapto dṛṣṭvā pārthaṃ vicetanam | āśvāsayatsuhṛdyābhirvāgbhistatra dhanañjayam

And Krishna, greatly distressed at seeing Partha senseless, consoled Dhananjaya there with kind and heartening words.

Verse 17 (7.93.17)

ततस्तौ रथिनां श्रेष्ठौ लब्धलक्षौ धनञ्जयम् । वासुदेवं च वार्ष्णेयं शरवर्षैः समन्ततः ॥

tatastau rathināṃ śreṣṭhau labdhalakṣau dhanañjayam | vāsudevaṃ ca vārṣṇeyaṃ śaravarṣaiḥ samantataḥ

Then those two best of charioteers, having found their mark, covered Dhananjaya and Vasudeva the Vrishni on every side with showers of arrows.

Verse 18 (7.93.18)

सचक्रकूबररथं साश्वध्वजपताकिनम् । अदृश्यं चक्रतुर्युद्धे तदद्भुतमिवाभवत् ॥

sacakrakūbararathaṃ sāśvadhvajapatākinam | adṛśyaṃ cakraturyuddhe tadadbhutamivābhavat

They made the chariot invisible in the battle, with its wheels and pole, its horses, its banner and its flags. It seemed a marvel.

Verse 19 (7.93.19)

प्रत्याश्वस्तस्तु बीभत्सुः शनकैरिव भारत । प्रेतराजपुरं प्राप्य पुनः प्रत्यागतो यथा ॥

pratyāśvastastu bībhatsuḥ śanakairiva bhārata | pretarājapuraṃ prāpya punaḥ pratyāgato yathā

But Bibhatsu, O Bharata, slowly recovered, like one who has reached the city of the king of the dead and come back again.

Verse 20 (7.93.20)

सञ्छन्नं शरजालेन रथं दृष्ट्वा सकेशवम् । शत्रू चाभिमुखौ दृष्ट्वा दीप्यमानाविवानलौ ॥

sañchannaṃ śarajālena rathaṃ dṛṣṭvā sakeśavam | śatrū cābhimukhau dṛṣṭvā dīpyamānāvivānalau

Seeing the chariot with Keshava hidden under a net of arrows, and the two foes standing before him like two blazing fires,

Verse 21 (7.93.21)

प्रादुश्चक्रे ततः पार्थः शाक्रमस्त्रं महारथः । तस्मादासन्सहस्राणि शराणां नतपर्वणाम् ॥

prāduścakre tataḥ pārthaḥ śākramastraṃ mahārathaḥ | tasmādāsansahasrāṇi śarāṇāṃ nataparvaṇām

the great chariot-warrior Partha then brought forth the weapon of Shakra. From it came thousands of smooth-jointed arrows.

Verse 22 (7.93.22)

ते जघ्नुस्तौ महेष्वासौ ताभ्यां मुक्तांश्च सायकान् । विचेरुराकाशगताः पार्थचापविनिःसृताः ॥

te jaghnustau maheṣvāsau tābhyāṃ muktāṃśca sāyakān | vicerurākāśagatāḥ pārthacāpaviniḥsṛtāḥ

Flying from Partha's bow, those arrows ranged through the sky and struck the two great archers, and the shafts they had loosed.

Note on the text: Wikisource's second line differs from CE 7.68.22 (similarity 0.873: CE tābhyāṃ sṛṣṭāṃś ca … pārthabāṇavidāritāḥ); recension variant, Wikisource's reading kept.

Verse 23 (7.93.23)

प्रतिहत्य शरांस्तूर्णं शरवेगेन पाण्डवः । प्रतस्थे तत्रतत्रैव योधयन्वै महारथान् ॥

pratihatya śarāṃstūrṇaṃ śaravegena pāṇḍavaḥ | pratasthe tatratatraiva yodhayanvai mahārathān

Swiftly beating back their arrows with the force of his own, the Pandava moved on, fighting great chariot-warriors here and there.

Note on the text: Corrected सरांस्तूर्णं → शरांस्तूर्णं (misprint in Wikisource; सरान् is not the word wanted for arrows; CE śarāṃs).

Verse 24 (7.93.24)

तौ च फल्गुनबाणौघैर्विबाहुशिरसौ कृतौ । वसुधामन्वपद्येतां वातनुन्नाविव द्रुमौ ॥

tau ca phalgunabāṇaughairvibāhuśirasau kṛtau | vasudhāmanvapadyetāṃ vātanunnāviva drumau

And those two, their arms and heads cut off by Phalguna's floods of arrows, fell to the ground like two trees uprooted by the wind.

Verse 25 (7.93.25)

श्रुतायुषश्च निधनं वधश्चैवाश्रुतायुषः । लोकविस्मापनमभूत्समुद्रस्येव शोषणम् ॥

śrutāyuṣaśca nidhanaṃ vadhaścaivāśrutāyuṣaḥ | lokavismāpanamabhūtsamudrasyeva śoṣaṇam

The death of Shrutayus and the slaying of Ashrutayus astonished the world, like the drying up of the ocean.

Note on the text: Corrected वधश्चेवाश्रुतायुषः → वधश्चैवाश्रुतायुषः (misprint in Wikisource; चेव is not a word; CE caiva).

Verse 26 (7.93.26)

तयोः पदानुगान्हत्वा पुनः पञ्चशतं रथान् । प्रत्यगाद्भारतीं सेनां निघ्नन्पार्थो वरान्वरान् ॥

tayoḥ padānugānhatvā punaḥ pañcaśataṃ rathān | pratyagādbhāratīṃ senāṃ nighnanpārtho varānvarān

Having slain their followers on foot, and again five hundred chariots, Partha advanced upon the Bharata army, striking down the foremost warriors one after another.

Verse 27 (7.93.27)

श्रुतायुषं च निहतं प्रेक्ष्य चैवाश्रुतायुषम् । नियतायुश्च सङ्क्रुद्धो दीर्घायुश्चैव भारत ॥

śrutāyuṣaṃ ca nihataṃ prekṣya caivāśrutāyuṣam | niyatāyuśca saṅkruddho dīrghāyuścaiva bhārata

At the sight of Shrutayus and Ashrutayus lying slain, Niyatayus and Dirghayus were seized with fury, O Bharata,

Verse 28 (7.93.28)

पुत्रौ तयोर्नरश्रेष्ठौ कौन्तेयं प्रति जग्मतुः । किरन्तौ विविधान्बाणान्पितृव्यसनकर्शितौ ॥

putrau tayornaraśreṣṭhau kaunteyaṃ prati jagmatuḥ | kirantau vividhānbāṇānpitṛvyasanakarśitau

and those two sons of theirs, best of men, tormented by grief for their father, went against Kaunteya, pouring out arrows of many kinds.

Verse 29 (7.93.29)

तावर्जुनो मुहूर्तेन शरैः सन्नतपर्वभिः । प्रैषयत्परमक्रुद्धो यमस्य सदनं प्रति ॥

tāvarjuno muhūrtena śaraiḥ sannataparvabhiḥ | praiṣayatparamakruddho yamasya sadanaṃ prati

In a moment Arjuna, in a towering rage, sent the two to Yama's abode with arrows whose joints were smoothly bent.

Verse 30 (7.93.30)

लोडयन्तमनीकानि द्विपं पद्मसरो यथा । नाशक्नुवन्वारयितुं पार्थं क्षत्रियपुङ्गवाः ॥

loḍayantamanīkāni dvipaṃ padmasaro yathā | nāśaknuvanvārayituṃ pārthaṃ kṣatriyapuṅgavāḥ

Partha churned the ranks as an elephant churns a lotus pond, and the foremost of the kshatriyas could not hold him back.

Verse 31 (7.93.31)

अङ्गास्तु गजसङ्घैश्च पाण्डवं पर्यवारयन् । क्रुद्धाः सहस्रशो राजञ्शिक्षिता हस्तिसादिनः ॥

aṅgāstu gajasaṅghaiśca pāṇḍavaṃ paryavārayan | kruddhāḥ sahasraśo rājañśikṣitā hastisādinaḥ

The Angas, enraged, surrounded the Pandava with troops of elephants, thousands of them, O king, trained elephant-riders.

Note on the text: Wikisource's wording differs from CE 7.68.31 (similarity 0.875: CE gajavāreṇa … śikhitāḥ); recension variant, Wikisource's reading kept.

Verse 32 (7.93.32)

दुर्योधनसमादिष्टाः कुञ्जरैः पर्वतोपमैः । प्राच्याश्च दाक्षिणात्याश्च कलिङ्गप्रमुखा नृपाः ॥

duryodhanasamādiṣṭāḥ kuñjaraiḥ parvatopamaiḥ | prācyāśca dākṣiṇātyāśca kaliṅgapramukhā nṛpāḥ

Kings of the east and of the south, with the Kalingas at their head, commanded by Duryodhana, came with elephants like mountains.

Verse 33 (7.93.33)

तेषामापततां शीघ्रं गाण्डीवप्रेषितैः शरैः । निचकर्त शिरांस्युग्रो बाहूनपि सुभूषणान् ॥

teṣāmāpatatāṃ śīghraṃ gāṇḍīvapreṣitaiḥ śaraiḥ | nicakarta śirāṃsyugro bāhūnapi subhūṣaṇān

As they rushed upon him, the fierce Arjuna swiftly cut off their heads, and their finely adorned arms as well, with arrows loosed from the Gandiva.

Verse 34 (7.93.34)

तैः शिरोभिर्मही कीर्णा बाहुभिश्च सहाङ्गदैः । बभौ कनकपाषाणा भुजगैरिव संवृता ॥

taiḥ śirobhirmahī kīrṇā bāhubhiśca sahāṅgadaiḥ | babhau kanakapāṣāṇā bhujagairiva saṃvṛtā

The earth, strewn with those heads and with arms and their armlets, shone like a ground of golden stones covered with serpents.

Verse 35 (7.93.35)

बाहवो विशिखैश्छिन्नाः शिरांस्युन्मथितानि च । पतमानान्यदृश्यन्त द्रुमेभ्य इव पक्षिणः ॥

bāhavo viśikhaiśchinnāḥ śirāṃsyunmathitāni ca | patamānānyadṛśyanta drumebhya iva pakṣiṇaḥ

Arms cut off by arrows and heads struck from their bodies were seen falling, like birds from trees.

Verse 36 (7.93.36)

शरैः सहस्रशो विद्धा द्विपाः प्रसृतशोणिताः । अदृश्यन्ताद्रयः काले गैरिकाम्बुस्रवा इव ॥

śaraiḥ sahasraśo viddhā dvipāḥ prasṛtaśoṇitāḥ | adṛśyantādrayaḥ kāle gairikāmbusravā iva

Elephants pierced by thousands of arrows, streaming blood, looked like mountains that in their season pour down ochre-coloured water.

Verse 37 (7.93.37)

निहताः शेरते स्मान्ये बीभत्सोर्निशितैः शरैः । गजपृष्ठगता म्लेच्छा नानाविकृतदर्शनाः ॥

nihatāḥ śerate smānye bībhatsorniśitaiḥ śaraiḥ | gajapṛṣṭhagatā mlecchā nānāvikṛtadarśanāḥ

Others lay slain by Bibhatsu's sharp arrows: mlecchas seated on the backs of elephants, of many kinds of grotesque appearance,

Verse 38 (7.93.38)

नानावेषधरा राजन्नानाशस्त्रौघसंवृताः । रुधिरेणानुलिप्ताङ्गा भान्ति चित्रैः शरैर्हताः ॥

nānāveṣadharā rājannānāśastraughasaṃvṛtāḥ | rudhireṇānuliptāṅgā bhānti citraiḥ śarairhatāḥ

wearing many kinds of dress, O king, covered with heaps of many kinds of weapons, their limbs smeared with blood; they shone, slain by those wondrous arrows.

Verse 39 (7.93.39)

शोणितं निर्वमन्ति स्म द्विपाः पार्थशराहताः । सहस्रशश्छिन्नगात्राः सारोहाः सपदानुगाः ॥

śoṇitaṃ nirvamanti sma dvipāḥ pārthaśarāhatāḥ | sahasraśaśchinnagātrāḥ sārohāḥ sapadānugāḥ

Elephants struck by Partha's arrows vomited blood, thousands of them with limbs cut to pieces, together with their riders and their foot-followers.

Verse 40 (7.93.40)

चुक्रुशुश्च निपेतुश्च बभ्रमुश्चापरे दिशः । भृशं त्रस्ताश्च बहवः स्वानेव ममृदुर्गजाः ॥

cukruśuśca nipetuśca babhramuścāpare diśaḥ | bhṛśaṃ trastāśca bahavaḥ svāneva mamṛdurgajāḥ

Some trumpeted and fell, others wandered off in every direction, and many elephants, badly frightened, trampled their own men.

Note on the text: Not matched by the alignment. Lines 1 and 2 = CE 7.68.40a and 40c (line 2 differs: Wikisource बहवः स्वानेव for CE bahudhā svānena; recension variant, Wikisource's reading kept).

Verse 41 (7.93.41)

सोत्तरायुधिनश्चैव द्विपास्तीक्ष्णविषोपमाः । विदन्त्यसुरमायां ये सुघोरा घोरचक्षुषः ॥

sottarāyudhinaścaiva dvipāstīkṣṇaviṣopamāḥ | vidantyasuramāyāṃ ye sughorā ghoracakṣuṣaḥ

There were armed elephants too, with their housings, like virulent poison; and there were those who know the Asura illusion, most dreadful, with dreadful eyes:

Note on the text: Not matched by the alignment. Line 1 = CE 7.68.40e (sāntarāyudhikā mattā dvipās tīkṣṇaviṣopamāḥ; Wikisource's wording differs, recension variant kept); line 2 = CE 7.68.41a. Its relative clause runs on into the next verse.

Verse 42 (7.93.42)

यवनाः पारदाश्चैव शकाश्च सह बाह्लिकैः । काकवर्णा दुराचाराः स्त्रीलोलाः कलहप्रियाः ॥

yavanāḥ pāradāścaiva śakāśca saha bāhlikaiḥ | kākavarṇā durācārāḥ strīlolāḥ kalahapriyāḥ

Yavanas, Paradas, and Shakas along with Bahlikas, crow-coloured, ill-behaved, fond of women and fond of quarrels;

Note on the text: Line 1 = CE 7.68.41c (Wikisource सह बाह्लिकैः for CE sunikaiḥ saha; variant kept); line 2 = CE star passage 7.68.41d*0493_01.

Verse 43 (7.93.43)

द्राविडास्तत्र युध्यन्ते मत्तमातङ्गविक्रमाः । गोयोनिप्रभवा म्लेच्छाः कालकल्पाः प्रहारिणः ॥

drāviḍāstatra yudhyante mattamātaṅgavikramāḥ | goyoniprabhavā mlecchāḥ kālakalpāḥ prahāriṇaḥ

the Dravidas fought there too, with the valour of maddened elephants, and the mlecchas born from the womb of a cow, who struck like Death himself;

Note on the text: Line 1 = CE star passage 7.68.41d*0493_02 (Wikisource मत्तमातङ्गविक्रमाः for CE mattavāraṇavāraṇāḥ; variant kept); line 2 = CE 7.68.42a.

Verse 44 (7.93.44)

दार्वाभिसारा दरदाः पुण्ड्राश्चैव सहस्रशः । ते न शक्याः स्म सङ्ख्यातुं व्राताः शतसहस्रशः ॥

dārvābhisārā daradāḥ puṇḍrāścaiva sahasraśaḥ | te na śakyāḥ sma saṅkhyātuṃ vrātāḥ śatasahasraśaḥ

the Darvabhisaras, Daradas and Pundras, by the thousand. Those hosts, a hundred thousand upon a hundred thousand, could not be counted.

Note on the text: Corrected दार्वातिसारा → दार्वाभिसारा (misprint in Wikisource; the tribe is the Darvabhisaras; CE dārvābhisārā).

Verse 45 (7.93.45)

अभ्यवर्षन्त ते सर्वे पाण्डवं निशितैः शरैः । अवाकिरंश्च ते म्लेच्छा नानायुद्धविशारदाः ॥

abhyavarṣanta te sarve pāṇḍavaṃ niśitaiḥ śaraiḥ | avākiraṃśca te mlecchā nānāyuddhaviśāradāḥ

All of them rained sharp arrows upon the Pandava, and those mlecchas, skilled in many kinds of fighting, heaped them upon him.

Note on the text: Not in the critical edition's main text; both lines are CE star passage 7.68.43b*0494_01–02 (placed after 7.68.43b).

Verse 46 (7.93.46)

तेषामपि ससर्जाशु शरवृष्टिं धनञ्जयः । सृष्टिस्तथाविधा ह्यासीच्छलभानामिवायतिः ॥

teṣāmapi sasarjāśu śaravṛṣṭiṃ dhanañjayaḥ | sṛṣṭistathāvidhā hyāsīcchalabhānāmivāyatiḥ

Dhananjaya swiftly loosed a shower of arrows upon them too. That discharge was like the descent of a swarm of locusts.

Note on the text: Line 1 = CE star passage 7.68.43b*0494_03; line 2 = CE 7.68.43c (Wikisource सृष्टिस्तथाविधा for CE vṛṣṭis tathāvidhā; variant kept).

Verse 47 (7.93.47)

अभ्रच्छायामिव शरैः सैन्ये कृत्वा धनञ्जयः । मुण्डार्धमुण्डाञ्जटिलानशुचीञ्जटिलाननान् । म्लेच्छानशातयत्सर्वान्समेतानस्त्रतेजसा ॥

abhracchāyāmiva śaraiḥ sainye kṛtvā dhanañjayaḥ | muṇḍārdhamuṇḍāñjaṭilānaśucīñjaṭilānanān | mlecchānaśātayatsarvānsametānastratejasā

Having made a cloud's shadow over the army with his arrows, Dhananjaya, by the power of his weapon, struck down all those assembled mlecchas: the shaven, the half-shaven, the matted-haired, the unclean, those whose faces were thick with matted beards.

Verse 48 (7.93.48)

शरैश्च शतशो विद्धास्ते सङ्घा गिरिचारिणः । प्राद्रवन्त रणे भीता गिरिगह्वरवासिनः ॥

śaraiśca śataśo viddhāste saṅghā giricāriṇaḥ | prādravanta raṇe bhītā girigahvaravāsinaḥ

Pierced by hundreds of arrows, those bands that roamed the mountains, dwellers in mountain caves, fled from the battle in terror.

Verse 49 (7.93.49)

गजाश्वसादिम्लेच्छानां पतितानां शितैः शरैः । बकाः कङ्का वृका भूमावपिबन्रुधिरं मुदा ॥

gajāśvasādimlecchānāṃ patitānāṃ śitaiḥ śaraiḥ | bakāḥ kaṅkā vṛkā bhūmāvapibanrudhiraṃ mudā

On the ground herons, kankas and wolves gladly drank the blood of the mlecchas, riders of elephants and horses, fallen under his keen arrows.

Verse 50 (7.93.50)

पत्त्यश्वरथनागैश्च प्रच्छन्नकृतसङ्क्रमाम् । शरवर्षप्लवां घोरां केशशैवलशाद्वलाम् । प्रावर्तयन्नदीमुग्रां शोणितौघतरङ्गिणीम् ॥

pattyaśvarathanāgaiśca pracchannakṛtasaṅkramām | śaravarṣaplavāṃ ghorāṃ keśaśaivalaśādvalām | prāvartayannadīmugrāṃ śoṇitaughataraṅgiṇīm

He set flowing a terrible, fierce river with waves of floods of blood, its bridge made of foot-soldiers, horses, chariots and elephants piled over it, its rafts the showers of arrows, its moss and grass the hair of the slain.

Verse 51 (7.93.51)

छिन्नाङ्गुलीक्षुद्रमत्स्यां युगान्ते कालसन्निभाम् । प्राकरोद्गजसम्बाधां नदीमुत्तरशोणिताम् ॥

chinnāṅgulīkṣudramatsyāṃ yugānte kālasannibhām | prākarodgajasambādhāṃ nadīmuttaraśoṇitām

He made a river whose small fish were severed fingers, as dread as Time at the end of the age, crowded with elephants, and mostly blood.

Note on the text: Lines 1 and 2 = CE 7.68.48a and 48c. Wikisource's wording differs (line 1: छिन्नाङ्गुलीक्षुद्रमत्स्यां … कालसन्निभाम् for CE śirastrāṇakṣudramatsyāṃ … kālasaṃbhṛtām; line 2: प्राकरोत् for akarod); recension variants, Wikisource's reading kept.

Verse 52 (7.93.52)

देहेभ्यो राजपुत्राणां नागाश्वरथसादिनाम् । यथा स्थलं च निम्नं च न स्याद्वर्षति वासवे । तथाऽऽसीत्पृथिवी सर्वा शोणितेन परिप्लुता ॥

dehebhyo rājaputrāṇāṃ nāgāśvarathasādinām | yathā sthalaṃ ca nimnaṃ ca na syādvarṣati vāsave | tathā''sītpṛthivī sarvā śoṇitena pariplutā

As when Vasava sends rain and neither high ground nor low can be told apart, so the whole earth was flooded with blood from the bodies of princes and of the riders of elephants, horses and chariots.

Note on the text: Line 1 = CE 7.68.48e; lines 2 and 3 = CE 7.68.49a and 49c.

Verse 53 (7.93.53)

षट्‌सहस्रान्हयान्वीरान्पुनर्दशशतान्वरान् । प्राहिणोन्मृत्युलोकाय क्षत्रियान्क्षत्रियर्षभः ॥

ṣaṭsahasrānhayānvīrānpunardaśaśatānvarān | prāhiṇonmṛtyulokāya kṣatriyānkṣatriyarṣabhaḥ

That bull among kshatriyas sent to the world of death six thousand heroic horsemen, and then ten hundred more of the best, all kshatriyas.

Verse 54 (7.93.54)

शरैः सहस्रशो विद्धा विधिवत्कल्पिता द्विपाः । शेरते भूमिमासाद्य शैला वज्रहता इव ॥

śaraiḥ sahasraśo viddhā vidhivatkalpitā dvipāḥ | śerate bhūmimāsādya śailā vajrahatā iva

Elephants pierced by thousands of arrows, duly caparisoned, lay on the ground like mountains struck by the thunderbolt.

Verse 55 (7.93.55)

स वाजिरथमातङ्गान्निघ्नन्व्यचरदर्जुनः । प्रभिन्न इव मातङ्गो मृद्नन्नलवनं यथा ॥

sa vājirathamātaṅgānnighnanvyacaradarjunaḥ | prabhinna iva mātaṅgo mṛdnannalavanaṃ yathā

Arjuna ranged about killing horses, chariots and elephants, like a rutting elephant trampling a bed of reeds.

Note on the text: Corrected मृद्गन्नलवनं → मृद्नन्नलवनं (misprint in Wikisource; मृद्गन् is not a participle; CE mṛdnan).

Verse 56 (7.93.56)

भूरिद्रुमलतागुल्मं शुष्केन्धनतृणोलपम् । निर्दहेदनलोऽरण्यं यथा वायुसमीरितः ॥

bhūridrumalatāgulmaṃ śuṣkendhanatṛṇolapam | nirdahedanalo'raṇyaṃ yathā vāyusamīritaḥ

As a fire fanned by the wind burns a forest of many trees, creepers and thickets, full of dry fuel and grass,

Note on the text: Corrected भुरिद्रुम → भूरिद्रुम (misprint in Wikisource; भुरि is not a word; CE bhūridruma).

Verse 57 (7.93.57)

सेनारण्यं तव तथा कृष्णानिलसमीरितः । शरार्चिरदहत्क्रुद्धः पाण्डवोऽग्निर्धनञ्जयः ॥

senāraṇyaṃ tava tathā kṛṣṇānilasamīritaḥ | śarārciradahatkruddhaḥ pāṇḍavo'gnirdhanañjayaḥ

so did Dhananjaya the Pandava, a fire fanned by the wind that was Krishna, burn in his rage your army-forest with the flames of his arrows.

Verse 58 (7.93.58)

शून्यान्कुर्वन्रथोपस्थान्मानवैः संस्तरन्महीम् । प्रानृत्यदिव सम्बाधे चापहस्तो धनञ्जयः । वज्रकल्पैः शरैर्भूमिं कुर्वन्नुत्तरशोणिताम् ॥

śūnyānkurvanrathopasthānmānavaiḥ saṃstaranmahīm | prānṛtyadiva sambādhe cāpahasto dhanañjayaḥ | vajrakalpaiḥ śarairbhūmiṃ kurvannuttaraśoṇitām

He emptied the chariot-seats and carpeted the earth with men; bow in hand, Dhananjaya seemed to dance in the press of the fight, making the ground, with arrows like thunderbolts, run mostly with blood.

Note on the text: Lines 1 and 2 = CE 7.68.55a and 55c; line 3 = CE 7.68.56a. Not matched by the alignment.

Verse 59 (7.93.59)

ततः प्रावर्तत नदी शोणितौघतरङ्गिणी । नराश्वद्विपकायेभ्यः पर्वतेभ्य इवापगा ॥

tataḥ prāvartata nadī śoṇitaughataraṅgiṇī | narāśvadvipakāyebhyaḥ parvatebhya ivāpagā

Then a river began to flow, with waves of floods of blood, from the bodies of men, horses and elephants, like streams from mountains,

Note on the text: Removed stray wiki quote marks (backtick and apostrophe). Not in the critical edition's main text; lines 1–2 are CE star passage 7.68.56b*0496_01–02 (Wikisource शोणितौघतरङ्गिणी for CE śoṇitasya taraṅgiṇī; variant kept). The verse opens a passage that Wikisource marks off with a backtick (here) and an apostrophe (verse 62).

Verse 60 (7.93.60)

अस्थिशर्करसम्बाधा ध्वजवृक्षा रथह्रदा । सञ्छिन्नशीर्षपाषाणा हस्तिहस्तमहाग्रहा ॥

asthiśarkarasambādhā dhvajavṛkṣā rathahradā | sañchinnaśīrṣapāṣāṇā hastihastamahāgrahā

crowded with bones for gravel, with banners for trees, with chariots for pools, with severed heads for stones, with elephants' trunks for great crocodiles,

Note on the text: Corrected रथहदा → रथह्रदा (misprint in Wikisource; lost conjunct; CE rathahradā). Corrected सञ्छिन्नशीर्षपाणाणा → सञ्छिन्नशीर्षपाषाणा (misprint in Wikisource; पाणाणा is not a word; CE saṃchinnaśīrṣapāṣāṇā). Not in the critical edition's main text; lines 1–2 are CE star passage 7.68.56b*0496_03–04.

Verse 61 (7.93.61)

मांसमज्जास्थिपङ्काढ्या हताश्वमकराकुला । उष्णीषफेनसञ्छन्ना शरघोरझषाकुला ॥

māṃsamajjāsthipaṅkāḍhyā hatāśvamakarākulā | uṣṇīṣaphenasañchannā śaraghorajhaṣākulā

rich with the mud of flesh, marrow and bones, thronged with slain horses for sea-monsters, covered with turbans for foam, filled with arrows for terrible fish;

Note on the text: Corrected पङ्काढ्यां → पङ्काढ्या (misprint in Wikisource; stray anusvara on a feminine nominative; CE paṅkāḍhyā). Not in the critical edition's main text; lines 1–2 are CE star passage 7.68.56b*0496_05 and 56b*0496_07 (CE *0496_06 is not in Wikisource).

Verse 62 (7.93.62)

रुद्रस्याक्रीडसदृशीं भूमिं कुर्वन्विभीषणाम् । प्राविशद्भारतीं सेनां सङ्क्रुद्धो वै धनञ्जयः ॥

rudrasyākrīḍasadṛśīṃ bhūmiṃ kurvanvibhīṣaṇām | prāviśadbhāratīṃ senāṃ saṅkruddho vai dhanañjayaḥ

making the earth fearsome, like Rudra's playground, Dhananjaya, greatly enraged, entered the Bharata army.

Note on the text: Removed stray wiki quote marks (backtick and apostrophe). Line 1 = CE star passage 7.68.56b*0496_08 (vulgate-only otherwise); line 2 = CE 7.68.56c.

Verse 63 (7.93.63)

तं श्रुतायुस्तथाम्बष्ठो व्रजमानं न्यवारयत् ॥

taṃ śrutāyustathāmbaṣṭho vrajamānaṃ nyavārayat

As he went on, Shrutayus and Ambashtha checked him.

Note on the text: One line only, as printed by Wikisource (its number 63a); = CE 7.68.56e, the third line of CE 7.68.56.

Verse 64 (7.93.64)

तस्यार्जुनः शरैस्तीक्ष्णैः कङ्कपत्रपरिच्छदैः । न्यपातयद्धयाञ्शीघ्रं यतमानस्य मारिष । धनुश्चास्यापरैश्छित्त्वा शरैः पार्थो विचक्रमे ॥

tasyārjunaḥ śaraistīkṣṇaiḥ kaṅkapatraparicchadaiḥ | nyapātayaddhayāñśīghraṃ yatamānasya māriṣa | dhanuścāsyāparaiśchittvā śaraiḥ pārtho vicakrame

With sharp arrows fletched with kanka feathers, Arjuna swiftly felled his horses as he strove, O sire; and having cut his bow with other arrows, Partha went on to fight.

Verse 65 (7.93.65)

अम्बष्ठस्तु गदां गृह्य क्रोधपर्याकुलेक्षणः । आससाद रणे पार्थं केशवं च महारथम् ॥

ambaṣṭhastu gadāṃ gṛhya krodhaparyākulekṣaṇaḥ | āsasāda raṇe pārthaṃ keśavaṃ ca mahāratham

But Ambashtha, seizing a mace, his eyes agitated with rage, came upon Partha and the great chariot-warrior Keshava in the battle.

Verse 66 (7.93.66)

ततः सम्प्रहरन्वीरो गदामुद्यम्य भारत । रथमावार्य गदया केशवं समताडयत् ॥

tataḥ sampraharanvīro gadāmudyamya bhārata | rathamāvārya gadayā keśavaṃ samatāḍayat

Then, O Bharata, that hero, lifting his mace and charging, stopped the chariot and struck Keshava with it.

Verse 67 (7.93.67)

गदया ताडितं दृष्ट्वा केशवं परवीरहा । अर्जुनोऽथ भृशं क्रुद्धः सोऽम्बष्ठं प्रति भारत ॥

gadayā tāḍitaṃ dṛṣṭvā keśavaṃ paravīrahā | arjuno'tha bhṛśaṃ kruddhaḥ so'mbaṣṭhaṃ prati bhārata

On seeing Keshava struck by the mace, Arjuna, the slayer of hostile heroes, grew exceedingly angry with Ambashtha, O Bharata.

Verse 68 (7.93.68)

ततः शरैर्हेमपुङ्खैः सगदं रथिनां वरम् । छादयामास समरे मेघः सूर्यमिवोदितम् ॥

tataḥ śarairhemapuṅkhaiḥ sagadaṃ rathināṃ varam | chādayāmāsa samare meghaḥ sūryamivoditam

Then in the battle he covered that best of charioteers, mace and all, with gold-feathered arrows, as a cloud covers the risen sun.

Verse 69 (7.93.69)

अथापरैः शरैश्चापि गदां तस्य महात्मनः । अचूर्णयत्तदा पार्थस्तदद्भुतमिवाभवत् ॥

athāparaiḥ śaraiścāpi gadāṃ tasya mahātmanaḥ | acūrṇayattadā pārthastadadbhutamivābhavat

With further arrows Partha then ground that great-souled man's mace to powder. It was like a marvel.

Note on the text: Corrected पार्थस्तिदद्भुत → पार्थस्तदद्भुत (misprint in Wikisource; तिद् is not a word; CE tad adbhutam).

Verse 70 (7.93.70)

अथ तां पतितां दृष्ट्वा गृह्यान्यां च महागदाम् । अर्जुनं वासुदेवं च पुनः पुनरताडयत् ॥

atha tāṃ patitāṃ dṛṣṭvā gṛhyānyāṃ ca mahāgadām | arjunaṃ vāsudevaṃ ca punaḥ punaratāḍayat

Seeing it fallen, he took up another great mace and struck Arjuna and Vasudeva again and again.

Verse 71 (7.93.71)

तस्यार्जुनः क्षुरप्राभ्यां सगदावुद्यतौ भुजौ । चिच्छेदेन्द्रध्वजाकारौ शिरश्चान्येन पत्रिणा ॥

tasyārjunaḥ kṣuraprābhyāṃ sagadāvudyatau bhujau | cicchedendradhvajākārau śiraścānyena patriṇā

With two razor-headed arrows Arjuna cut off his upraised arms, mace and all, which looked like Indra's banner-poles, and with another arrow his head.

Verse 72 (7.93.72)

स पपात हतो राजन्वसुधामनुनादयन् । इन्द्रध्वज इवोत्सृष्टो यन्त्रनिर्मुक्तबन्धनः ॥

sa papāta hato rājanvasudhāmanunādayan | indradhvaja ivotsṛṣṭo yantranirmuktabandhanaḥ

He fell dead, O king, making the earth resound, like Indra's banner-pole cast down when its bonds are loosed from the hoisting-gear.

Verse 73 (7.93.73)

अम्बष्ठे तु तदा भग्ने तव सैन्यमभज्यत ॥

ambaṣṭhe tu tadā bhagne tava sainyamabhajyata

With Ambashtha thus broken, your army broke.

Note on the text: Not in the critical edition's main text; it is CE star passage 7.68.65d*0498_01. One line only, as printed by Wikisource (its number 73a).

Verse 74 (7.93.74)

रथानीकावगाढश्च वारणाश्वशतैर्वृतः । अदृश्यत तदा पार्थो घनैः सूर्य इवावृतः ॥

rathānīkāvagāḍhaśca vāraṇāśvaśatairvṛtaḥ | adṛśyata tadā pārtho ghanaiḥ sūrya ivāvṛtaḥ

Plunged into the ranks of chariots, and surrounded by hundreds of elephants and horses, Partha was seen then like the sun hidden by clouds.

Note on the text: Corrected पदा पार्थो → तदा पार्थो (misprint in Wikisource; पदा "on foot" does not suit the chariot-warrior Partha; CE tadā).