Shalya's Fable of the Swan and the Crow

Verse 1 (8.35.1)

मारिषाधिरथेः श्रुत्वा वाचो युद्धाभिनन्दिनः । शल्योऽब्रवीत्पुनः कर्णं निदर्शनमुदाहरन् ॥

māriṣādhiratheḥ śrutvā vāco yuddhābhinandinaḥ | śalyo'bravītpunaḥ karṇaṃ nidarśanamudāharan

O venerable one, hearing these words of Adhiratha's son, so eager for battle, Shalya spoke again to Karna, offering him an illustration.

Note on the text: The page's title line शल्येन कर्णंप्रति हंसकाकीयाख्यानकथनम् is a heading, not a verse, and is not included. The heading सञ्जय उवाच stands before this verse.

Verse 2 (8.35.2)

जातोऽहं यज्वनां वंशे सङ्ग्रामेष्वनिवर्तिनाम् । राज्ञां मूर्धाभिषिक्तानां स्वयं धर्मपरायणः ॥

jāto'haṃ yajvanāṃ vaṃśe saṅgrāmeṣvanivartinām | rājñāṃ mūrdhābhiṣiktānāṃ svayaṃ dharmaparāyaṇaḥ

I was born in a line of sacrificers who never turn back from battle, in the family of anointed kings, and I myself am devoted to dharma.

Note on the text: Shalya's speech to Karna begins here (the page prints no heading for it). Not in the critical edition's constituted text (found in the vulgate recension); the lines are the star passage 8.28.1d*0321_01–02.

Verse 3 (8.35.3)

यथैव मत्तो मद्येन त्वं तथा लक्ष्यसे वृष । तथाऽद्य त्वां प्रमाद्यन्तं चिकित्सेयं सुहृत्तया ॥

yathaiva matto madyena tvaṃ tathā lakṣyase vṛṣa | tathā'dya tvāṃ pramādyantaṃ cikitseyaṃ suhṛttayā

As a man is drunk with liquor, so you appear to me, O bull among men; and now, as you act heedlessly, I would treat you, out of friendship.

Note on the text: CE 8.28.2 (similarity 0.786). Wikisource's तथा लक्ष्यसे वृष (line 1) and चिकित्सेयं (line 2) are recension variants of the CE's tathā na ca vā tathā and cikitsāmi; Wikisource's reading kept.

Verse 4 (8.35.4)

इमां काकोपमां कर्ण प्रोच्यमानां निबोध मे । श्रुत्वा यथेष्टं कुर्यास्त्वं निहीन कुलपांसन ॥

imāṃ kākopamāṃ karṇa procyamānāṃ nibodha me | śrutvā yatheṣṭaṃ kuryāstvaṃ nihīna kulapāṃsana

Listen to me, Karna, as I tell you this story of the crow; and when you have heard it, do as you please, O base one, disgrace of your family.

Verse 5 (8.35.5)

नाहमात्मनि किञ्चिद्वै किल्बिषं कर्ण संस्मरे । येन मां त्वं महाबाहो हन्तुमिच्छस्यनागसम् ॥

nāhamātmani kiñcidvai kilbiṣaṃ karṇa saṃsmare | yena māṃ tvaṃ mahābāho hantumicchasyanāgasam

Karna, I remember no wrong in myself for which you, mighty-armed, should wish to kill me, who am without fault.

Note on the text: Corrected हन्तुमिच्चस्यनागसम् → हन्तुमिच्छस्यनागसम् (misprint in Wikisource; च for छ; the CE reads icchasy anāgasam). CE 8.28.4 (similarity 0.914).

Verse 6 (8.35.6)

अवश्यं तु मया वाच्यं बुद्ध्वा तव हिताहितम् । विशेषतो रथस्थेन राज्ञश्चैव हितैषिणा ॥

avaśyaṃ tu mayā vācyaṃ buddhvā tava hitāhitam | viśeṣato rathasthena rājñaścaiva hitaiṣiṇā

But I must speak, knowing what is good and bad for you, all the more because I stand in this chariot and wish the king well.

Note on the text: CE 8.28.5 (similarity 0.897); line 1 reads बुद्ध्वा तव हिताहितम् where the CE has budhyatāṃ yadi te hitam, a recension variant; Wikisource's reading kept.

Verse 7 (8.35.7)

समं च विषमं चैव रथिनश्च बलाबलम् । श्रमः खेदश्च सततं हयानां रथिना सह ॥

samaṃ ca viṣamaṃ caiva rathinaśca balābalam | śramaḥ khedaśca satataṃ hayānāṃ rathinā saha

Level ground and rough, the strength and weakness of the warrior, and the constant fatigue and distress of the horses together with the warrior —

Verse 8 (8.35.8)

आयुधस्य परिज्ञानं रुतं च मृगपक्षिणाम् । सारं चैवाप्यासरं च शल्यानां च प्रतिक्रिया ॥

āyudhasya parijñānaṃ rutaṃ ca mṛgapakṣiṇām | sāraṃ caivāpyāsaraṃ ca śalyānāṃ ca pratikriyā

knowledge of weapons, the cries of beasts and birds, firmness of strength and sudden onslaught, and the remedy for arrow wounds —

Note on the text: CE 8.28.7 (similarity 0.835); line 2 reads सारं चैवाप्यासरं च where the CE has bhāraś cāpy atibhāraś ca, a recension variant; Wikisource's reading kept.

Verse 9 (8.35.9)

अस्त्रयोगं च युद्धं च निमित्तानि तथैव च । सर्वमेतन्मया ज्ञेयं रथस्यास्य कुटुम्बिना । अतस्त्वां कथये कर्ण निदर्शनमिदं पुनः ॥

astrayogaṃ ca yuddhaṃ ca nimittāni tathaiva ca | sarvametanmayā jñeyaṃ rathasyāsya kuṭumbinā | atastvāṃ kathaye karṇa nidarśanamidaṃ punaḥ

the use of missiles, the conduct of battle, and likewise the omens — all of this I must know, as the one who keeps this chariot as his household. That is why I tell you, Karna, this illustration again.

Note on the text: Corrected युद्वं → युद्धं (misprint in Wikisource; व for ध; the CE reads yuddhaṃ). Three lines = CE 8.28.8 ace.

Verse 10 (8.35.10)

वैश्यः किल समुद्रान्ते प्रभूतधनधान्यवान् । यज्वा दानपतिः क्षान्तः स्वकर्मस्थोऽभवच्छुचिः ॥

vaiśyaḥ kila samudrānte prabhūtadhanadhānyavān | yajvā dānapatiḥ kṣāntaḥ svakarmastho'bhavacchuciḥ

There was, it is said, a Vaishya on the shore of the sea, rich in wealth and grain, a sacrificer and giver of gifts, patient, devoted to his own duty, and pure.

Verse 11 (8.35.11)

बहुपुत्रः प्रियापत्यः सर्वभूतानुकम्पकः । राज्ञो धर्मप्रधानस्य राष्ट्रे वसति निर्भयः ॥

bahuputraḥ priyāpatyaḥ sarvabhūtānukampakaḥ | rājño dharmapradhānasya rāṣṭre vasati nirbhayaḥ

He had many sons, loved his children, and was kind to all beings; he lived without fear in the kingdom of a king who held dharma above all.

Verse 12 (8.35.12)

पुत्राणां तस्य बालानां कुमाराणां यशस्विनाम् । काको बहूनामभवदुच्छिष्टकृतभोजनः ॥

putrāṇāṃ tasya bālānāṃ kumārāṇāṃ yaśasvinām | kāko bahūnāmabhavaducchiṣṭakṛtabhojanaḥ

A crow came to live on the leftover food of those many sons of his, young boys of good repute.

Verse 13 (8.35.13)

तस्मै सदा प्रयच्छन्ति वैश्यपुत्राः कुमारकाः । मांसोदनं दधि क्षीरं पायसं मधुसर्पिषी ॥

tasmai sadā prayacchanti vaiśyaputrāḥ kumārakāḥ | māṃsodanaṃ dadhi kṣīraṃ pāyasaṃ madhusarpiṣī

The Vaishya's boys always gave him meat and rice, curds, milk, rice pudding, honey and ghee.

Note on the text: Inserted the missing word space: तस्मैसदा → तस्मै सदा (Wikisource prints the two words run together). CE 8.28.12.

Verse 14 (8.35.14)

स चोच्छिष्टभृतः काको वैश्यपुत्रैः कुमारकैः । सदृशान्पक्षिणो दृप्तः श्रेयसश्चावमन्यते ॥

sa cocchiṣṭabhṛtaḥ kāko vaiśyaputraiḥ kumārakaiḥ | sadṛśānpakṣiṇo dṛptaḥ śreyasaścāvamanyate

Fed on the Vaishya sons' leavings, that crow, swollen with pride, looked down on birds who were his equals, and even on those better than himself.

Note on the text: Corrected श्रेयससश्चावमन्यते → श्रेयसश्चावमन्यते (misprint in Wikisource; doubled स; the CE reads śreyasaś cāvamanyate). CE 8.28.13.

Verse 15 (8.35.15)

अथ हंसाः समुद्रान्ते प्रजग्मुरतिपातिनः । गरुडस्य गतौ तुल्याश्चक्राङ्गा हृष्टचेतसः ॥

atha haṃsāḥ samudrānte prajagmuratipātinaḥ | garuḍasya gatau tulyāścakrāṅgā hṛṣṭacetasaḥ

Then swans, swift fliers, came to the seashore, as fast in flight as Garuda, glad at heart.

Note on the text: CE 8.28.14 (similarity 0.868); Wikisource's समुद्रान्ते प्रजग्मुः and the CE's samudrānte kadā cid abhipātinaḥ differ in a few words (recension variant); Wikisource's reading kept.

Verse 16 (8.35.16)

कुमारकास्तदा हंसान्दृष्ट्वा काकमथाब्रुवन् । भवानेव विशिष्टोऽसि पतत्रिभ्यो विहङ्गम ॥

kumārakāstadā haṃsāndṛṣṭvā kākamathābruvan | bhavāneva viśiṣṭo'si patatribhyo vihaṅgama

Then the boys, seeing the swans, said to the crow, "You alone are the best of all the birds, O traveller of the sky."

Note on the text: Corrected कुमरारकास्तदा → कुमारकास्तदा (misprint in Wikisource; stray extra syllable; the CE reads kumārakās tato). CE 8.28.15 (similarity 0.938).

Verse 17 (8.35.17)

एतेऽतिपातिनः पश्य विहङ्गान्वियदाश्रितान् । एहि त्वमपि शक्तो हि कस्मान्न पतितं त्वया ॥

ete'tipātinaḥ paśya vihaṅgānviyadāśritān | ehi tvamapi śakto hi kasmānna patitaṃ tvayā

"Look at those swift fliers travelling in the sky. Come, you too are able; why have you not flown?"

Note on the text: No match in the CE's constituted text; the lines are a variant of the star passage 8.28.15d*0322_01–02 (CE: ete nipātinaḥ paśya sahitān viyadāśritān / ebhis tvam abhiśaknoṣi kasmān na prāpitas tvayā); Wikisource's reading kept.

Verse 18 (8.35.18)

प्रतार्यमाणस्तैः सर्वैरल्पबुद्धिभिरण्डजः । तद्वचः सत्यमित्येव मौर्ख्याद्दर्पाच्च जज्ञिवान् ॥

pratāryamāṇastaiḥ sarvairalpabuddhibhiraṇḍajaḥ | tadvacaḥ satyamityeva maurkhyāddarpācca jajñivān

Deceived by all of them, the dull-witted egg-born bird took their words to be true, in his folly and pride.

Note on the text: Corrected भइरण्डजः → भिरण्डजः (misprint in Wikisource; the CE reads alpabuddhibhir aṇḍajaḥ). CE 8.28.16 (similarity 0.875).

Verse 19 (8.35.19)

तान्सोनुपत्य जिज्ञासुः क एषां श्रेष्ठभागिति । उच्छिष्टदर्पितः काको बहूनामेकपातिनाम् ॥

tānsonupatya jijñāsuḥ ka eṣāṃ śreṣṭhabhāgiti | ucchiṣṭadarpitaḥ kāko bahūnāmekapātinām

Flying after them, wanting to learn which of them was the best, the crow, puffed up by leftover food, went among the many swans, those long-distance fliers.

Note on the text: CE 8.28.17 (similarity 0.922); Wikisource's तान्सोनुपत्य is the CE's tān so 'bhipatya in a recension form; Wikisource's reading kept.

Verse 20 (8.35.20)

तेषां यं प्रवरं मेने हंसानां दूरपातिनाम् । स तमाह्वत दुर्बुद्धिः पताव इति पक्षिणम् । तच्छ्रुत्वा प्राहसन्हंसा ये तत्रासन्समागताः ॥

teṣāṃ yaṃ pravaraṃ mene haṃsānāṃ dūrapātinām | sa tamāhvata durbuddhiḥ patāva iti pakṣiṇam | tacchrutvā prāhasanhaṃsā ye tatrāsansamāgatāḥ

Whichever of those far-flying swans he took to be the foremost, that fool challenged, saying, "Let us two fly!" Hearing this, the swans who had gathered there laughed.

Note on the text: Lines 1–2 = CE 8.28.18 (similarity not computed by the alignment; CE: teṣāṃ yaṃ pravaraṃ mene … tam āhvayata durbuddhiḥ patāma iti pakṣiṇam; Wikisource's स तमाह्वत … पताव is a recension variant, kept). Line 3 = the first line of CE 8.28.19 (tac chrutvā prāhasan haṃsā ye tatrāsan samāgatāḥ).

Verse 21 (8.35.21)

भाषतो बहु काकस्य बालिश्यात्पततां वराः । इदमूचुः स्म चक्राङ्गा वचः काकं विहङ्गमाः ॥

bhāṣato bahu kākasya bāliśyātpatatāṃ varāḥ | idamūcuḥ sma cakrāṅgā vacaḥ kākaṃ vihaṅgamāḥ

As the crow went on babbling, those swans, the best of fliers, in view of his childishness said these words to the crow.

Note on the text: Corrected विङ्गमाः → विहङ्गमाः (misprint in Wikisource; dropped ह; the CE reads vihaṃgamāḥ) and separated चक्राङ्गावचः → चक्राङ्गा वचः (words printed run together). Lines = CE 8.28.19 c, e (bhāṣato bahu kākasya … idam ūcuś ca cakrāṅgā vacaḥ kākaṃ vihaṃgamāḥ); Wikisource's बालिश्यात् is a recension variant of balinaḥ, kept.

Verse 22 (8.35.22)

वयं हंसाश्चरामेमां पृथिवीं मानसौकसः । पक्षिणां च वयं नित्यं दूरपातेन पूजिताः ॥

vayaṃ haṃsāścarāmemāṃ pṛthivīṃ mānasaukasaḥ | pakṣiṇāṃ ca vayaṃ nityaṃ dūrapātena pūjitāḥ

We are swans, who roam this earth and dwell at Manasa, and among birds we are always honoured for our long flights.

Note on the text: The page prints the heading हंसा ऊचुः before this verse. CE 8.28.20.

Verse 23 (8.35.23)

कथं हंसं नु बलिनं चक्राङ्गं दूरपातिनम् । काको भूत्वा निपतने समाह्वयसि दुर्मते । कथं त्वं पतिता काक सहास्माभिर्ब्रवीहि तत् ॥

kathaṃ haṃsaṃ nu balinaṃ cakrāṅgaṃ dūrapātinam | kāko bhūtvā nipatane samāhvayasi durmate | kathaṃ tvaṃ patitā kāka sahāsmābhirbravīhi tat

How can you, a crow, challenge a mighty swan, a far-flier, to a flying match? Fool! Tell us, crow, how you will fly with us.

Note on the text: CE 8.28.21 (similarity 0.908); Wikisource's चक्राङ्गं and पतिता are recension variants of the CE's vajrāṅgaṃ and bravīṣi; Wikisource's reading kept.

Verse 24 (8.35.24)

अथ हंसवचो मूढः कुत्सयित्वा पुनः पुनः । प्रजगादोत्तरं काकः कत्थनो जातिलाघवात् ॥

atha haṃsavaco mūḍhaḥ kutsayitvā punaḥ punaḥ | prajagādottaraṃ kākaḥ katthano jātilāghavāt

Then the foolish crow, scorning the swans' words again and again, boasting because of the meanness of his birth, gave this answer.

Note on the text: The page's हंसा ऊचुः heading still stands over this verse, but it is Shalya's narration of the crow's reply, so it is given to Shalya. CE 8.28.22.

Verse 25 (8.35.25)

शतमेकं च पातानां पतिताऽस्मि न संशयः । शतयोजनमेकैकं विचित्रं विविधं तथा ॥

śatamekaṃ ca pātānāṃ patitā'smi na saṃśayaḥ | śatayojanamekaikaṃ vicitraṃ vividhaṃ tathā

"Without doubt I have flown a hundred and one flights, each of a hundred yojanas, each of a different and various kind."

Note on the text: The page prints the heading काक उवाच before this verse. CE 8.28.23.

Verse 26 (8.35.26)

उड्डीनमवडीनं च प्रडीनं डीनमेव च । निडीनमथ संडीनं तिर्यक्‌डीनगतानि च ॥

uḍḍīnamavaḍīnaṃ ca praḍīnaṃ ḍīnameva ca | niḍīnamatha saṃḍīnaṃ tiryakḍīnagatāni ca

"Uddina, Avadina, Pradina, Dina, Nidina, Samdina, and the slanting flights;"

Note on the text: CE 8.28.24 (similarity 0.944); line 2 reads तिर्यक्‌डीनगतानि where the CE has tiryak cātigatāni, a recension variant; Wikisource's reading kept (including its zero-width non-joiner).

Verse 27 (8.35.27)

विडीनं परिडीनं च पराडीनं सुडीनकम् । अभिडीनं महाडीनं निर्डीनमतिडीनकम् ॥

viḍīnaṃ pariḍīnaṃ ca parāḍīnaṃ suḍīnakam | abhiḍīnaṃ mahāḍīnaṃ nirḍīnamatiḍīnakam

"Vidina, Paridina, Paradina, Sudina, Abhidina, Mahadina, Nirdina and Atidina;"

Note on the text: CE 8.28.25 (similarity 0.931); the CE has the same terms in a different order and with one different name (atiḍīnaṃ mahāḍīnaṃ niḍīnaṃ pariḍīnakam); Wikisource's reading kept.

Verse 28 (8.35.28)

अवडीनं प्रडीनं च संडीनं डीनडीनकम् । संडीनोड्डीनडीनं च पुनर्डीनविडीनकम् ॥

avaḍīnaṃ praḍīnaṃ ca saṃḍīnaṃ ḍīnaḍīnakam | saṃḍīnoḍḍīnaḍīnaṃ ca punarḍīnaviḍīnakam

"Avadina, Pradina, Samdina and Dinadinaka, Samdinoddinadina and Punardinavidinaka;"

Note on the text: No match in the CE's constituted text; the two lines are the star passages 8.28.25d*0324_01 and 8.28.25d*0325_01 (avaḍīnaṃ praḍīnaṃ ca saṃḍīnaṃ ḍīnaḍīnakam / saṃḍīnoḍḍīnaḍīnaṃ ca punar ḍīnaviḍīnakam).

Verse 29 (8.35.29)

संपातं समुदीषं च ततोऽन्यद्व्यतिरिक्तकम् । गतागतं प्रतिगतं बह्वीश्च निकुलीनकाः । कर्ताऽस्मि मिषतां वोऽद्य ततो द्रक्ष्यथ मे बलम् ॥

saṃpātaṃ samudīṣaṃ ca tato'nyadvyatiriktakam | gatāgataṃ pratigataṃ bahvīśca nikulīnakāḥ | kartā'smi miṣatāṃ vo'dya tato drakṣyatha me balam

"Sampata, Samudisha and the other special flights; going and returning, going back, and many Nikulinakas. Before your eyes I shall perform them now, and then you will see my strength."

Note on the text: Corrected द्रक्षयथ → द्रक्ष्यथ (misprint in Wikisource; the CE reads drakṣyatha). Line 1 is the star passage 8.28.25d*0323_01 (saṃpātaṃ samudīṣaṃ ca tatonyad vyatiriktakam); lines 2–3 = CE 8.28.26 ac (Wikisource's निकुलीनकाः is a recension variant of nikuḍīnikāḥ, kept).

Verse 30 (8.35.30)

तेषामन्यतमेनाहं पतिष्यामि विहायसम् । प्रदिशध्वं यथान्यायं केन हंसाः पताम्यहम् ॥

teṣāmanyatamenāhaṃ patiṣyāmi vihāyasam | pradiśadhvaṃ yathānyāyaṃ kena haṃsāḥ patāmyaham

"By any one of these I shall fly through the sky. Assign me properly, O swans: by which flight am I to fly?"

Note on the text: No match in the CE's constituted text; the lines are the star passage 8.28.26d*0326_01–02.

Verse 31 (8.35.31)

ते वै ध्रुवं विनिश्चित्य सम्पतध्वं मया सह । पातैरेभिः खलु खगाः पतितुं खे निराश्रये ॥

te vai dhruvaṃ viniścitya sampatadhvaṃ mayā saha | pātairebhiḥ khalu khagāḥ patituṃ khe nirāśraye

"Then, having settled this firmly, fly with me, O birds, by these flights, to fly in the sky that offers no support."

Note on the text: No match in the CE's constituted text; the lines are a variant of the star passage 8.28.26d*0327_01–02 (the CE reads patadhvaṃ na mayā saha in line 1 where Wikisource has सम्पतध्वं मया सह); Wikisource's reading kept.

Verse 32 (8.35.32)

एवमुक्ते तु काकेन प्रहस्यैको विहंगमः । उवाच काकं राधेय वचनं तन्निबोध मे ॥

evamukte tu kākena prahasyaiko vihaṃgamaḥ | uvāca kākaṃ rādheya vacanaṃ tannibodha me

When the crow had spoken so, one of the swans laughed and said to him these words; hear them from me, Radheya.

Note on the text: The page's काक उवाच heading still stands over this verse, but it is Shalya's narration of the swan's reply, so it is given to Shalya. CE 8.28.27 (similarity 0.838).

Verse 33 (8.35.33)

शतमेकं च पातानां त्वं काक पतिता ध्रुवम् । एकमेव तु यं पातं विदुः सर्वे विहङ्गमाः । तमहं पतिता काक नान्यं जानामि कञ्चन ॥

śatamekaṃ ca pātānāṃ tvaṃ kāka patitā dhruvam | ekameva tu yaṃ pātaṃ viduḥ sarve vihaṅgamāḥ | tamahaṃ patitā kāka nānyaṃ jānāmi kañcana

"Crow, you have surely flown a hundred and one flights. But that one flight which all birds know, that is the one I fly, crow; I know no other at all."

Note on the text: The page prints the heading हंस उवाच before this verse. Three lines = CE 8.28.28 a, c and 8.28.29 a (ekam eva tu ye pātaṃ viduḥ …; tam ahaṃ patitā kāka nānyaṃ jānāmi kaṃ cana).

Verse 34 (8.35.34)

पत त्वमपि तत्राशु येन पातेन मन्यसे ॥

pata tvamapi tatrāśu yena pātena manyase

"Then you too fly there at once, by whichever flight you have in mind."

Note on the text: The page prints the heading काक उवाच before this verse, so it is kept; in the CE the same line (8.28.29cd, pata tvam api raktākṣa yena vā tena manyase) continues the swan's speech, and the CE gives it to the swan. Wikisource's reading येन पातेन मन्यसे kept.

Verse 35 (8.35.35)

अथ काकं प्रजहसुर्ये तत्रासन्समागताः । कथमेकेन पातेन हंसः पातशतं जयेत् । एकेन वायस त्वैनं पातेनाभिभविष्यति ॥

atha kākaṃ prajahasurye tatrāsansamāgatāḥ | kathamekena pātena haṃsaḥ pātaśataṃ jayet | ekena vāyasa tvainaṃ pātenābhibhaviṣyati

Then those who had gathered there laughed at the crow: "How can a swan beat a hundred flights with a single flight? With one flight, O crow, he will overcome you."

Note on the text: The page's काक उवाच heading still stands over this verse, but it is Shalya's narration, so it is given to Shalya. Lines = CE 8.28.30 a, c and 8.28.31 a; the last line reads एकेन वायस त्वैनं पातेनाभिभविष्यति (the CE: ekenaiva śatasyaikaṃ pātenābhibhaviṣyati), printed form kept as a recension variant. (A note on the page gives another reading, एकेनैव स यात्वेनं पातेनाभिविष्यसि.)

Verse 36 (8.35.36)

हंसश्चोत्पतितः काको बलवानाशुविक्रमः । प्रपेततुः स्पर्धया च ततस्तौ हंसवायसौ । उपर्युपरि वेगेन समुद्रं मकरालयम् ॥

haṃsaścotpatitaḥ kāko balavānāśuvikramaḥ | prapetatuḥ spardhayā ca tatastau haṃsavāyasau | uparyupari vegena samudraṃ makarālayam

The swan rose into the air, and so did the crow, strong and swift in his motion; and the two, swan and crow, flew off in rivalry, one above the other, speeding over the sea, home of sea-monsters.

Note on the text: CE 8.28.31 cd and 8.28.32 ab (haṃsasya patitaṃ kāko balavān āśuvikramaḥ / prapetatuḥ spardhayātha tatas tau haṃsavāyasau), in a recension form; line 3 is a variant of CE 8.28.39 cd (upary upari vegena sāgaraṃ varuṇālayam). Wikisource's reading kept.

Verse 37 (8.35.37)

हंसस्त्वेकेन पातेन काकः पातशतेन च । स्पर्धिनौ सहितौ तूर्णं खमास्थाय तरस्विनौ ॥

haṃsastvekena pātena kākaḥ pātaśatena ca | spardhinau sahitau tūrṇaṃ khamāsthāya tarasvinau

The swan with a single flight and the crow with a hundred; the two rivals, mighty and swift, together took quickly to the sky.

Note on the text: Line 1 corresponds to CE 8.28.32 cd (ekapātī ca cakrāṅgaḥ kākaḥ pātaśatena ca); line 2 is the star passage 8.28.32d*0329_01.

Verse 38 (8.35.38)

हंसस्तु मृदुनैकेन विक्रान्तुमुपचक्रमे । पूर्वमेव तु वै काकः स तं तूर्णं प्रचक्रमे ॥

haṃsastu mṛdunaikena vikrāntumupacakrame | pūrvameva tu vai kākaḥ sa taṃ tūrṇaṃ pracakrame

The swan began to advance with one gentle flight, while the crow, indeed, set out swiftly ahead from the first.

Note on the text: Line 1 corresponds to CE 8.28.37 ab (haṃsas tu mṛdukenaiva vikrāntum upacakrame); line 2 is the star passage 8.28.32d*0330_01.

Verse 39 (8.35.39)

नात्यहीयत काकश्च मुहूर्तमिव सूतज ॥

nātyahīyata kākaśca muhūrtamiva sūtaja

For a moment the crow did not lag behind, O son of a charioteer.

Note on the text: A variant of CE 8.28.37 cd (pratyahīyata kākāc ca muhūrtam iva māriṣa); Wikisource's reading kept.

Verse 40 (8.35.40)

काकोपि हंसं चापल्याच्छीघ्रतां प्रतिदर्शयन् । वेगेनातीत्य तरसा पुनरेति मुहुर्मुहुः ॥

kākopi haṃsaṃ cāpalyācchīghratāṃ pratidarśayan | vegenātītya tarasā punareti muhurmuhuḥ

In his restlessness the crow, showing his swiftness to the swan, would shoot past him and then come back again and again.

Note on the text: No match in the CE's constituted text; the lines are the star passage 8.28.32d*0331_01–02.

Verse 41 (8.35.41)

तुण्डेनाभ्यहनच्चैनं कुर्वन्नामापसव्यतः । रोरूयन्निव चाप्येनं समाह्वयति वै मुहुः । विसिस्मापयिषुः पातैर्दर्शयन्नात्मनः क्रियाम् ॥

tuṇḍenābhyahanaccainaṃ kurvannāmāpasavyataḥ | rorūyanniva cāpyenaṃ samāhvayati vai muhuḥ | visismāpayiṣuḥ pātairdarśayannātmanaḥ kriyām

He pecked at the swan, circling to his left, and, croaking harshly as if challenging him, called to him again and again, wishing to amaze him with his flights and display his own feats.

Note on the text: Lines 1–2 are the star passage 8.28.32d*0331_03–04 (tuṇḍenābhyahanac caitaṃ kurvan nāmāpasavyataḥ / rorūyann iti cāpy etaṃ samāhvayati vai muhuḥ), Wikisource's रोरूयन्निव चाप्येनं a recension variant; line 3 = CE 8.28.33 cd (visismāpayiṣuḥ pātair ācakṣāṇo 'tmanaḥ kriyām).

Verse 42 (8.35.42)

अथ तानि विचित्राणि पतितानीतराणि च । दृष्ट्वा प्रमुदिताः काका विनेदुरधिकैः स्वरैः ॥

atha tāni vicitrāṇi patitānītarāṇi ca | dṛṣṭvā pramuditāḥ kākā vineduradhikaiḥ svaraiḥ

Seeing those varied flights and the others, the crows were delighted and cawed with even louder cries.

Note on the text: CE 8.28.34 (similarity 0.877); Wikisource's line 1 reads अथ तानि विचित्राणि where the CE has atha kākasya citrāṇi, a recension variant; Wikisource's reading kept.

Verse 43 (8.35.43)

हंसांश्चापहसन्ति स्म प्रवदन्ति प्रियाणि च । कुर्वाणा विविधान्रावानिच्छन्तो जयमात्मनः ॥

haṃsāṃścāpahasanti sma pravadanti priyāṇi ca | kurvāṇā vividhānrāvānicchanto jayamātmanaḥ

They mocked the swans and spoke pleasant words, uttering cries of every kind, wishing victory for their own champion.

Note on the text: Corrected हंसाश्चापहसन्ति → हंसांश्चापहसन्ति (misprint in Wikisource; the nominative makes the swans the mockers, but the subject is the crows, and the CE reads haṃsāṃś cāvahasanti sma). Line 2 reads प्रवदन्ति प्रियाणि where the CE has prāvadann apriyāṇi ("unpleasant"); Wikisource's reading kept. Line 1 corresponds to CE 8.28.35 a; line 2 also echoes CE 8.28.36 cd (kurvāṇā vividhān rāvān āśaṃsantas tadā jayam).

Verse 44 (8.35.44)

उत्पत्योत्पत्य च प्राहुर्मुहूर्तमिति चेति च । वृक्षाग्रेभ्यः स्थलेभ्यश्च निपतन्त्युत्पतन्ति च ॥

utpatyotpatya ca prāhurmuhūrtamiti ceti ca | vṛkṣāgrebhyaḥ sthalebhyaśca nipatantyutpatanti ca

Again and again they rose up and cried, "A moment! A moment!" and the like; from the treetops and from the ground they swooped down and flew up.

Note on the text: CE 8.28.35 cd and 8.28.36 ab (utpatyotpatya ca prāhur muhūrtam iti ceti ca / vṛkṣāgrebhyaḥ sthalebhyaś ca nipatanty utpatanti ca).

Verse 45 (8.35.45)

अवमत्य च हंसं तमिदं काकोऽब्रवीद्वचः । योऽसावुत्पतितो हंसः सोऽसावेव प्रहीयते ॥

avamatya ca haṃsaṃ tamidaṃ kāko'bravīdvacaḥ | yo'sāvutpatito haṃsaḥ so'sāveva prahīyate

Scorning that swan, the crow said these words: "The swan that rose up is the very one that is being left behind."

Note on the text: CE 8.28.38 (similarity 0.736); Wikisource's अवमत्य च हंसं तम् and the CE's avamanya rayaṃ haṃsān differ (recension variant); Wikisource's reading kept. In the second line the crow's words are quoted inside Shalya's narration, so the verse stays with Shalya.

Verse 46 (8.35.46)

अथ हंसस्तु तच्छ्रुत्वा भाषितं पततांवरः । विगाह्य हंसो विक्षोभ्य प्रापतत्पश्चिमां दिशम् ॥

atha haṃsastu tacchrutvā bhāṣitaṃ patatāṃvaraḥ | vigāhya haṃso vikṣobhya prāpatatpaścimāṃ diśam

Hearing what was said, the swan, best of fliers, plunged forward, stirring the air, and sped toward the western quarter.

Note on the text: Corresponds to CE 8.28.39 a with the star passage 8.28.39a*0332_01–02 (in the CE's text part of the first line is lost: **** **** bhāṣitaṃ patatāṃ varaḥ / vigāhya haṃso vikṣobhya …); Wikisource's reading kept.

Verse 47 (8.35.47)

उपर्युपरि वेगेन सागरं मकरालयम् । बहुसत्वसमाकीर्णं वीचीभिर्भीमदर्शनम् ॥

uparyupari vegena sāgaraṃ makarālayam | bahusatvasamākīrṇaṃ vīcībhirbhīmadarśanam

Speeding right over the ocean, home of sea-monsters, filled with countless creatures and terrible to see with its waves.

Note on the text: Line 1 = CE 8.28.39 c (upary upari vegena sāgaraṃ varuṇālayam, Wikisource's मकरालयम् a recension variant); line 2 is the star passage 8.28.39d*0333_01.

Verse 48 (8.35.48)

अथाचिरेण राधेय काको वेगादहीयत । ततोऽतीव परिश्रान्तः कथञ्चिद्धंसमन्वगात् ॥

athācireṇa rādheya kāko vegādahīyata | tato'tīva pariśrāntaḥ kathañciddhaṃsamanvagāt

Before long, Radheya, the crow fell behind in speed; then, utterly exhausted, he somehow followed the swan.

Note on the text: Corrected कथञ्चिद्वंसमन्वगात् → कथञ्चिद्धंसमन्वगात् (misprint in Wikisource; व for ध; the CE reads kathaṃ cid dhaṃsam anvagāt). No match in the CE's constituted text; the lines are the star passage 8.28.39d*0333_02–03.

Verse 49 (8.35.49)

भीश्चैनमाविशत्तीव्रं काकं कर्ण विचेतसम् । द्वीपान्द्रुमान्वितान्पश्यन्विश्रमार्थं श्रमातुरः । निपतेयं क्व नु श्रान्त इति तस्मिञ्जलार्णवे ॥

bhīścainamāviśattīvraṃ kākaṃ karṇa vicetasam | dvīpāndrumānvitānpaśyanviśramārthaṃ śramāturaḥ | nipateyaṃ kva nu śrānta iti tasmiñjalārṇave

Sharp fear entered the crow, Karna, and bewildered him; weary and worn, he looked for wooded islands to rest on, thinking, "Where shall I come down, exhausted, in this ocean of water?"

Note on the text: Corrected क्कनु → क्व नु (misprint in Wikisource; doubled क; the CE reads kva nu). Lines = CE 8.28.40 a, c and e (tato bhīḥ prāviśat kākaṃ … nipateyaṃ kva nu śrānta iti tasmiñ jalārṇave); Wikisource's other readings are recension variants, kept.

Verse 50 (8.35.50)

अवगाह्य समुद्रोऽपि बहुसत्वगणालयः । महान्भूतशतोद्भासी नभसस्तु विशिष्यते ॥

avagāhya samudro'pi bahusatvagaṇālayaḥ | mahānbhūtaśatodbhāsī nabhasastu viśiṣyate

Once entered, the ocean, home to hosts of many creatures and shining with hundreds of great beings, is even greater than the sky.

Note on the text: Corrected महान्भूतशतोद्भूसी → महान्भूतशतोद्भासी (misprint in Wikisource; ू for ा; the CE reads mahābhūtaśatodbhāsī). CE 8.28.41 (similarity 0.849); Wikisource's अवगाह्य in line 1 (CE: aviṣahyo hi) is a recension variant, kept.

Verse 51 (8.35.51)

गाम्भीर्याद्धि समुद्रस्य न विशेषं कुलाधम । दिशश्च नाम्भसां कर्ण समुद्रस्था विदुर्जनाः । विपश्चितोप्यपारत्वात्किं पुनः कर्ण वायसः ॥

gāmbhīryāddhi samudrasya na viśeṣaṃ kulādhama | diśaśca nāmbhasāṃ karṇa samudrasthā vidurjanāḥ | vipaścitopyapāratvātkiṃ punaḥ karṇa vāyasaḥ

In depth, O disgrace of your family, the sea is no different from the sky; and, Karna, people at sea know neither the quarters nor the waters. Even the wise cannot measure it, so boundless is it; what then of a crow, Karna?

Note on the text: Corrected गाम्भीर्यार्द्वि → गाम्भीर्याद्धि (misprint in Wikisource; the CE reads gāmbhīryād dhi). CE 8.28.42 (similarity 0.792); lines 2–3 are recension variants of the CE's, Wikisource's reading kept.

Verse 52 (8.35.52)

अथ हंसोप्यतिक्रामन्मुहूर्तमिव दूरतः । अतिक्रम्य च चक्राङ्गः काकं तं समुदैक्षत ॥

atha haṃsopyatikrāmanmuhūrtamiva dūrataḥ | atikramya ca cakrāṅgaḥ kākaṃ taṃ samudaikṣata

Then the swan too went ahead a little way, for about a moment; and having gone past, the swan looked back at the crow.

Note on the text: Lines = CE 8.28.43 a, e (atha haṃso 'bhyatikramya muhūrtam iti ceti ca … atikramya ca cakrāṅgaḥ kākaṃ taṃ samudaikṣata); Wikisource's line 1 is a recension variant, kept.

Verse 53 (8.35.53)

शनकैः परिहीनं तं परिश्रान्तमचेतसम् । अवेक्षमाणस्तं काकं प्रत्यागम्य हसन्निव ॥

śanakaiḥ parihīnaṃ taṃ pariśrāntamacetasam | avekṣamāṇastaṃ kākaṃ pratyāgamya hasanniva

He turned back, slowly, toward the crow who was falling behind, exhausted and dazed, looking at him as though he smiled.

Note on the text: No match in the CE's constituted text; line 1 is the star passage 8.28.43f*0336_01 and line 2 a variant of the star passages 8.28.40d*0334_01 and 8.28.43f*0335_02; Wikisource's reading kept.

Verse 54 (8.35.54)

तं प्रहस्य च चक्राङ्गः काकं मन्दगतिं तदा । हीयमानमथो दृष्ट्वा हंसः प्राह यथार्थवत् । उज्जिहीर्षुर्निमज्जन्तं स्मरन्सत्पुरुषव्रतम् ॥

taṃ prahasya ca cakrāṅgaḥ kākaṃ mandagatiṃ tadā | hīyamānamatho dṛṣṭvā haṃsaḥ prāha yathārthavat | ujjihīrṣurnimajjantaṃ smaransatpuruṣavratam

Laughing at the crow, now slow of flight, and seeing him falling behind, the swan spoke plainly, wishing to lift him as he sank, mindful of the vow of good men.

Note on the text: Line 1 is the star passage 8.28.43f*0336_02 (taṃ prahasya ca cakrāṅgaḥ kākaṃ mandagatiṃ tadā); lines 2–3 correspond to CE 8.28.44 (taṃ tathā hīyamānaṃ ca haṃso dṛṣṭvābravīd idam / ujjihīrṣur nimajjantaṃ smaran satpuruṣavratam). The swan's words follow in the next verses.

Verse 55 (8.35.55)

बहूनि पतितानि त्वमाचक्षाणो मुहुर्मुहुः । पतस्यव्याहरन्खेदं ततो गर्ह्यं प्रभाषसे ॥

bahūni patitāni tvamācakṣāṇo muhurmuhuḥ | patasyavyāharankhedaṃ tato garhyaṃ prabhāṣase

"Again and again you kept naming many flights; yet now you drop without a word of your weariness, and so what you say is blameworthy."

Note on the text: The page's heading काक उवाच still stands over this verse, but the swan is speaking (as the preceding narration says and as the CE has it), so it is given to the swan. CE 8.28.45 (similarity 0.896); line 2 is a recension variant of the CE's, Wikisource's reading kept.

Verse 56 (8.35.56)

जलं नाम पतितं काक यत्त्वं पतसि साम्प्रतम् । जलं स्पृशसि पक्षाभ्यां तुण्डेन च पुनः पुनः ॥

jalaṃ nāma patitaṃ kāka yattvaṃ patasi sāmpratam | jalaṃ spṛśasi pakṣābhyāṃ tuṇḍena ca punaḥ punaḥ

"The flight you are flying now, crow, is called 'water': you touch the water with your wings and your beak again and again."

Note on the text: Spoken by the swan (see the note on the preceding verse). CE 8.28.46 (similarity 0.926); Wikisource's line 1 जलं नाम पतितं is a recension variant of kiṃ nāma patanaṃ, kept.

Verse 57 (8.35.57)

प्रब्रूहि कतमोऽयं ते पातो वर्तति वायस । एह्येहि काक शीघ्रं त्वमेष त्वां परिपालये ॥

prabrūhi katamo'yaṃ te pāto vartati vāyasa | ehyehi kāka śīghraṃ tvameṣa tvāṃ paripālaye

"Tell me, which of your flights is this, crow? Come, come, crow, quickly; here I am to look after you."

Note on the text: Spoken by the swan (see the note on verse 55). No match in the CE's constituted text; the lines are the star passage 8.28.46d*0337_01–02 (Wikisource's पातो वर्तति for the CE's pāte vartasi).

Verse 58 (8.35.58)

स पक्षाभ्यां स्पृशन्नार्तस्तुण्डेन च जलं तदा । काको दृढं परिश्रान्तः सहसा निपपात ह ॥

sa pakṣābhyāṃ spṛśannārtastuṇḍena ca jalaṃ tadā | kāko dṛḍhaṃ pariśrāntaḥ sahasā nipapāta ha

Pained, touching the water with his wings and beak, the crow, utterly exhausted, suddenly fell.

Note on the text: Lines = CE 8.28.47 a, c (sa pakṣābhyāṃ spṛśann ārtas tuṇḍena jalam arṇave … kāko dṛḍhaṃ pariśrāntaḥ sahasā nipapāta ha); line 1 also echoes the star passage 8.28.47b*0339_01.

Verse 59 (8.35.59)

सागराम्भसि तं दृष्ट्वा पतितं दीनचेतसम् । म्रियमाणमिदं वाक्यं हंसः काकमुवाच ह ॥

sāgarāmbhasi taṃ dṛṣṭvā patitaṃ dīnacetasam | mriyamāṇamidaṃ vākyaṃ haṃsaḥ kākamuvāca ha

Seeing him fallen into the ocean water, wretched in mind and near death, the swan spoke to the crow.

Note on the text: Corrected पततन्तं → पतितं (misprint in Wikisource; the CE star passage reads patitaṃ dīnacetasam). No match in the CE's constituted text; the lines are the star passage 8.28.47d*0340_01–02.

Verse 60 (8.35.60)

शतमेकं च पातानां पताम्यहमिति स्म ह । श्लाघन्नात्मानमद्य त्वं काक भाषितवानसि ॥

śatamekaṃ ca pātānāṃ patāmyahamiti sma ha | ślāghannātmānamadya tvaṃ kāka bhāṣitavānasi

"You said, 'I can fly a hundred and one flights'; boasting of yourself today, crow, you spoke so."

Note on the text: Spoken by the swan; the CE prints the heading haṃsa uvāca before its 8.28.48. Line 1 = CE 8.28.48 a (śatam ekaṃ ca pātānāṃ yat prabhāṣasi vāyasa); line 2 is the star passage 8.28.48b*0341_01.

Verse 61 (8.35.61)

स त्वमेकशतं पातं पतन्नभ्यधिको मया । कथमेवं परिश्रान्तः पतितोऽसि महार्णवे ॥

sa tvamekaśataṃ pātaṃ patannabhyadhiko mayā | kathamevaṃ pariśrāntaḥ patito'si mahārṇave

"You who claimed the hundred and one flights, who were above me: how have you, so exhausted, fallen into the great ocean?"

Note on the text: Spoken by the swan. No match in the CE's constituted text; the lines are the star passage 8.28.48b*0342_01–02.

Verse 62 (8.35.62)

प्रत्युवाच ततः काकः सीदमान इदं वचः । उपरिष्ठं तदा हंसं प्रसमीक्ष्य प्रसादयन् ॥

pratyuvāca tataḥ kākaḥ sīdamāna idaṃ vacaḥ | upariṣṭhaṃ tadā haṃsaṃ prasamīkṣya prasādayan

Then the crow, sinking, answered with these words, looking up at the swan above him and trying to appease him.

Note on the text: Corrected उपरीतं → उपरिष्ठं (misprint in Wikisource; the CE star passage reads upariṣṭhaṃ tadā haṃsam). No match in the CE's constituted text; the lines are the star passage 8.28.48b*0342_03–04.

Verse 63 (8.35.63)

उच्छिष्टान्नेन पुष्टोऽहं दर्पोत्सिक्तः कुसत्वतः । सुपर्ण इव चात्मानं ज्ञातवान्पुत्रलाघवात् ॥

ucchiṣṭānnena puṣṭo'haṃ darpotsiktaḥ kusatvataḥ | suparṇa iva cātmānaṃ jñātavānputralāghavāt

"I grew fat on leftover food, swollen with pride, of base nature; I took myself for Suparna because of the frivolity of the boys."

Note on the text: The crow speaks; the CE prints the heading kāka uvāca before its 8.28.49. No match in the CE's constituted text; the lines are the star passage 8.28.49f*0343_01–02, with Wikisource's पुत्रलाघवात् for the CE's buddhilāghavāt (kept).

Verse 64 (8.35.64)

शरणं त्वां प्रपन्नोऽहमुदकान्तमवाप्नुयाम् । हंसेदानीं परिश्रान्तमापदो मां समुद्वर ॥

śaraṇaṃ tvāṃ prapanno'hamudakāntamavāpnuyām | haṃsedānīṃ pariśrāntamāpado māṃ samudvara

"I have come to you for refuge; may I reach the shore of the water. Swan, I am utterly exhausted; lift me out of this calamity."

Note on the text: No match in the CE's constituted text; the lines are the star passages 8.28.49f*0343_03 and 8.28.49f*0344_01.

Verse 65 (8.35.65)

यदि नाम पुनर्जीवन्गच्छेयं स्वं निवेशनम् । नैनं पुनर्हीनमपि क्षेप्ताऽहं खे विचारिणम् ॥

yadi nāma punarjīvangaccheyaṃ svaṃ niveśanam | nainaṃ punarhīnamapi kṣeptā'haṃ khe vicāriṇam

"If only I live and return to my own home, I shall never again scorn one who ranges the sky, even if he be lower than I."

Note on the text: No match in the CE's constituted text; the lines are the star passage 8.28.50d*0345_01–02 (CE naivaṃ punar hīnam api; Wikisource's नैनं kept).

Verse 66 (8.35.66)

तमेवं करुणं दीनं विलपन्तमचेतसम् । काककाकेति वाशन्तं निमज्जन्तं महार्णवे । कृपयाऽभिपरीतो वै कृपां चक्रे दुरात्मनि ॥

tamevaṃ karuṇaṃ dīnaṃ vilapantamacetasam | kākakāketi vāśantaṃ nimajjantaṃ mahārṇave | kṛpayā'bhiparīto vai kṛpāṃ cakre durātmani

Seized with compassion, the swan took pity on that evil-minded one, so pitiful and wretched, wailing and senseless, cawing as he sank in the great ocean.

Note on the text: Lines = CE 8.28.51 a, c, and the star passage 8.28.51d*0346_01 (kṛpayābhiparīto vai kṛpāṃ cakre durātmani); Wikisource's line 1 is a recension variant, kept.

Verse 67 (8.35.67)

अथ तं पतितं दीनं जलक्लिन्नमचेतनम् । पद्भ्यामुत्क्षिप्य वेपन्तं पृष्ठमारोपयत्तदा ॥

atha taṃ patitaṃ dīnaṃ jalaklinnamacetanam | padbhyāmutkṣipya vepantaṃ pṛṣṭhamāropayattadā

Then he lifted that fallen, wretched, water-soaked, senseless and trembling crow with his feet and set him on his back.

Note on the text: Corrected पततं → पतितं (misprint in Wikisource; the sense is the fallen crow, as in the CE's jalaklinnaṃ sudurdaśam) and पृष्ठमारो पयत् → पृष्ठमारोपयत् (stray space). CE 8.28.52; lines are recension variants, Wikisource's reading kept.

Verse 68 (8.35.68)

स हंसः पृष्ठमारोप्य काकं कर्ण विचेतसम् । अविस्मयंस्तदा कर्ण पुनरेव समानयत् । तमेव देशं तरसा स्पर्धया पेततुर्यतः ॥

sa haṃsaḥ pṛṣṭhamāropya kākaṃ karṇa vicetasam | avismayaṃstadā karṇa punareva samānayat | tameva deśaṃ tarasā spardhayā petaturyataḥ

Having set the senseless crow on his back, Karna, the swan, showing no astonishment, brought him back at once to the very place from which they had flown out in rivalry.

Note on the text: Lines = CE 8.28.53 a, the star passage 8.28.53b*0347_01, and CE 8.28.53 c (āropya pṛṣṭhaṃ kākaṃ taṃ haṃsaḥ karṇa vicetasam / ājagāma punar dvīpaṃ spardhayā petatur yataḥ).

Verse 69 (8.35.69)

उत्सृज्य त्वब्रवीन्मैवं पुनः कार्यं त्वयेति ह । स्थाप्य चैनं पुनर्द्वीपे समाश्वस्य च विक्लवम् । गतो यथेप्सितं देशं हंसो मन इवाशुगः ॥

utsṛjya tvabravīnmaivaṃ punaḥ kāryaṃ tvayeti ha | sthāpya cainaṃ punardvīpe samāśvasya ca viklavam | gato yathepsitaṃ deśaṃ haṃso mana ivāśugaḥ

Setting him down, he said, "Do not do this again," and, having placed the shaken bird once more on an island and comforted him, the swan went to the place he wished, swift as the mind.

Note on the text: Line 1 is the star passage 8.28.53d*0348_01; lines 2–3 = CE 8.28.54 ac (saṃsthāpya taṃ cāpi punaḥ samāśvāsya ca khecaram / gato yathepsitaṃ deśaṃ haṃso mana ivāśugaḥ). The swan's few words are quoted inside Shalya's narration, so the verse stays with Shalya.

Verse 70 (8.35.70)

एवमुच्छिष्टपुष्टः स काको हंसपराजितः । बलं वीर्यं महत्कर्ण त्यक्त्वा क्षान्तिमुपागतः ॥

evamucchiṣṭapuṣṭaḥ sa kāko haṃsaparājitaḥ | balaṃ vīryaṃ mahatkarṇa tyaktvā kṣāntimupāgataḥ

So the crow, who had thrived on leftovers and been beaten by the swan, gave up his great strength and prowess, Karna, and took to patience.

Note on the text: Corrected काकोऽहंसपराजितः → काको हंसपराजितः (misprint in Wikisource; a stray avagraha makes a-haṃsa, "non-swan"; the CE star passage reads kāko haṃsaparājitaḥ). No match in the CE's constituted text; the lines are the star passage 8.28.54d*0349_01–02.

Verse 71 (8.35.71)

उच्छिष्टभोजनः काको यथा वैश्यकुले पुरा । एवं त्वमुच्छिष्टभृतो धार्तराष्ट्रैर्न संशयः ॥

ucchiṣṭabhojanaḥ kāko yathā vaiśyakule purā | evaṃ tvamucchiṣṭabhṛto dhārtarāṣṭrairna saṃśayaḥ

As the crow lived on leftover food in the Vaishya's household long ago, so, without doubt, are you fed on the leavings of Dhritarashtra's sons.

Note on the text: CE 8.28.55 ac (ucchiṣṭabhojanāt kāko yathā vaiśyakule tu saḥ / evaṃ tvam ucchiṣṭabhṛto dhārtarāṣṭrair na saṃśayaḥ); Wikisource's line 1 उच्छिष्टभोजनः काको ... पुरा is a recension variant, kept. Shalya's application of the fable to Karna begins here.

Verse 72 (8.35.72)

सदृशाञ्श्रेयसश्चापि सर्वान्कर्णावमन्यसे । द्रोणद्रौणिकृपैर्गुप्तो भीष्मेणान्यैश्च कौरवैः ॥

sadṛśāñśreyasaścāpi sarvānkarṇāvamanyase | droṇadrauṇikṛpairgupto bhīṣmeṇānyaiśca kauravaiḥ

You scorn all who are your equals and even better than you, Karna, protected as you are by Drona, Drona's son and Kripa, by Bhishma and the other Kauravas.

Note on the text: Line 1 = CE 8.28.55 e (sadṛśāñ śreyasaś cāpi sarvān karṇātimanyase); line 2 = CE 8.28.56 a (droṇadrauṇikṛpair gupto bhīṣmeṇānyaiś ca kauravaiḥ).

Verse 73 (8.35.73)

विराटनगरे पार्थमेकं किं नावधीस्तदा । यत्र व्यस्ताः समस्ताश्च निर्जिताः स्थ किरीटिना । सृगाला इव सिंहेन क्व ते वीर्यं तदा गतम् ॥

virāṭanagare pārthamekaṃ kiṃ nāvadhīstadā | yatra vyastāḥ samastāśca nirjitāḥ stha kirīṭinā | sṛgālā iva siṃhena kva te vīryaṃ tadā gatam

Why did you not kill Partha alone in Virata's city, when all of you, scattered and together, were beaten by Kiritin like jackals by a lion? Where had your valour gone then?

Note on the text: Lines = CE 8.28.56 c and 8.28.57 ac (virāṭanagare pārtham ekaṃ kiṃ nāvadhīs tadā / yatra vyastāḥ samastāś ca nirjitāḥ stha kirīṭinā / sṛgālā iva siṃhena …); Wikisource's क्व ते वीर्यं तदा गतम् is a recension variant of kva te vīryam abhūt tadā, kept.

Verse 74 (8.35.74)

भ्रातरं निहतं दृष्ट्वा समरे सव्यसाचिना । पश्यतां कुरुवीराणां प्रथमं त्वं पलायितः ॥

bhrātaraṃ nihataṃ dṛṣṭvā samare savyasācinā | paśyatāṃ kuruvīrāṇāṃ prathamaṃ tvaṃ palāyitaḥ

When your brother was struck down in battle by Savyasachin, you were the first to flee, while the Kuru heroes looked on.

Note on the text: Corrected कुरवीराणां → कुरुवीराणां (misprint in Wikisource; dropped ु; the CE reads kuruvīrāṇāṃ). CE 8.28.58 (similarity 0.84); the lines differ from the CE's (nirjitaḥ savyasācinā / palāyathāḥ), a recension variant; Wikisource's reading kept.

Verse 75 (8.35.75)

तथा द्वैतवने कर्ण गन्धर्वैः समभिद्रुतान् । कुरून्सदारानुत्सृज्य त्वमेवाग्रे पलायितः ॥

tathā dvaitavane karṇa gandharvaiḥ samabhidrutān | kurūnsadārānutsṛjya tvamevāgre palāyitaḥ

And at Dvaitavana, Karna, when the Kurus were attacked by the Gandharvas, you abandoned them together with their wives and fled first of all.

Note on the text: CE 8.28.59 (similarity 0.786); the CE reads gandharvaiḥ samabhidrutaḥ / kurūn samagrān utsṛjya prathamaṃ tvaṃ palāyathāḥ; Wikisource's reading (समभिद्रुतान्, कुरून्सदारानुत्सृज्य) kept as a recension variant.

Verse 76 (8.35.76)

हत्वा जित्वा च गन्धर्वांश्चित्रसेनमुखान्रणे । कर्ण दुर्योधनं पार्थः सभ्रातृकममोक्षयत् ॥

hatvā jitvā ca gandharvāṃścitrasenamukhānraṇe | karṇa duryodhanaṃ pārthaḥ sabhrātṛkamamokṣayat

After killing and defeating in battle the Gandharvas led by Chitrasena, Partha freed Duryodhana, Karna, together with his brothers.

Note on the text: CE 8.28.60 (similarity 0.917).

Verse 77 (8.35.77)

पुनः प्रभावः पार्थस्य पुराणः केशवस्य च । कथितः कर्ण रामेण सभायां कुरुसंसदि ॥

punaḥ prabhāvaḥ pārthasya purāṇaḥ keśavasya ca | kathitaḥ karṇa rāmeṇa sabhāyāṃ kurusaṃsadi

And Rama described, Karna, the ancient majesty of Partha and of Keshava in the Kuru assembly hall.

Note on the text: CE 8.28.61 (similarity 0.947).

Verse 78 (8.35.78)

सततं च त्वमश्रौषीर्वचनं द्रोणभीष्मयोः । अवध्यौ वदतोः कृष्णौ सन्निधौ च महीक्षिताम् ॥

satataṃ ca tvamaśrauṣīrvacanaṃ droṇabhīṣmayoḥ | avadhyau vadatoḥ kṛṣṇau sannidhau ca mahīkṣitām

And you have always heard the words of Drona and Bhishma, who in the presence of kings declared the two Krishnas unslayable.

Note on the text: CE 8.28.62 (similarity 0.951).

Verse 79 (8.35.79)

कियन्तं तत्र वक्ष्यामि येनयेन धनञ्जयः । त्वत्तोऽतिरिक्तः सर्वेभ्यो भूतेभ्यो ब्राह्मणो यथा ॥

kiyantaṃ tatra vakṣyāmi yenayena dhanañjayaḥ | tvatto'tiriktaḥ sarvebhyo bhūtebhyo brāhmaṇo yathā

How much shall I say of this? In every way Dhananjaya stands above you and above all beings, as a brahmin does.

Note on the text: CE 8.28.63.

Verse 80 (8.35.80)

इदानीमेव द्रष्टासि प्रधाने स्यन्दने स्थितौ । पुत्रं च वसुदेवस्य कुन्तीपुत्रं च पाण्डवम् ॥

idānīmeva draṣṭāsi pradhāne syandane sthitau | putraṃ ca vasudevasya kuntīputraṃ ca pāṇḍavam

Right now you will see them standing in the foremost chariot, the son of Vasudeva and the Pandava, the son of Kunti.

Note on the text: CE 8.28.64 (similarity 0.813).

Verse 81 (8.35.81)

यथाऽश्रयत चक्राङ्गं वायसो बुद्धिमास्थितः । तथाश्रयस्व वार्ष्णेयं पाण्डवं च धनञ्जयम् ॥

yathā'śrayata cakrāṅgaṃ vāyaso buddhimāsthitaḥ | tathāśrayasva vārṣṇeyaṃ pāṇḍavaṃ ca dhanañjayam

As the crow, using his wits, took refuge with the swan, so take refuge with Vrishni's son and with the Pandava Dhananjaya.

Note on the text: No match in the CE's constituted text; the lines are the star passage 8.28.64d*0350_01–02.

Verse 82 (8.35.82)

यदा त्वं युधि विक्रान्तौ वासुदेवधनञ्जयौ । द्रष्टास्येकरथे कर्ण तदा नैवं वदिष्यसि ॥

yadā tvaṃ yudhi vikrāntau vāsudevadhanañjayau | draṣṭāsyekarathe karṇa tadā naivaṃ vadiṣyasi

When you see Vasudeva and Dhananjaya, both valiant in battle, on a single chariot, Karna, you will not speak like this.

Note on the text: No match in the CE's constituted text; the lines are the star passage 8.28.64d*0351_01–02.

Verse 83 (8.35.83)

यदा शरशतैः पार्थो दर्पं तव वधिष्यति । तदा त्वमन्तरं द्रष्टा आत्मनश्चार्जुनस्य च ॥

yadā śaraśataiḥ pārtho darpaṃ tava vadhiṣyati | tadā tvamantaraṃ draṣṭā ātmanaścārjunasya ca

When Partha crushes your pride with hundreds of arrows, then you will see the gap between yourself and Arjuna.

Note on the text: No match in the CE's constituted text; the lines are the star passage 8.28.64d*0351_03–04.

Verse 84 (8.35.84)

देवासुरमनुष्येषु प्रख्यातौ यौ नरोत्तमौ । तौ मावमंस्था मौर्ख्यात्त्वं खद्योत इव रोचनौ ॥

devāsuramanuṣyeṣu prakhyātau yau narottamau | tau māvamaṃsthā maurkhyāttvaṃ khadyota iva rocanau

Do not, out of folly, scorn those two best of men, famed among gods, asuras and men, who shine as radiant beings while you are but a firefly.

Note on the text: Corrected स्वद्योत → खद्योत (misprint in Wikisource; the CE reads khadyota). Line 1 = CE 8.28.65 a (Wikisource's देवासुरमनुष्येषु प्रख्यातौ यौ नरोत्तमौ for prakhyātau yau nararṣabhau); line 2 is the star passage 8.28.65b*0353_01.

Verse 85 (8.35.85)

सूर्याचन्द्रमसौ यद्वत्तद्वदर्जुनकेशवौ । प्रकाशेनाभिविख्यातौ त्वं तु खद्योतवन्नृषु ॥

sūryācandramasau yadvattadvadarjunakeśavau | prakāśenābhivikhyātau tvaṃ tu khadyotavannṛṣu

As the sun and moon are, so are Arjuna and Keshava, famed for their radiance; but you among men are like a firefly.

Note on the text: Corrected तद्वदजुनकेशवौ → तद्वदर्जुनकेशवौ (misprint in Wikisource; dropped र) and प्रकाश्येनाभिविख्यातौ → प्रकाशेनाभिविख्यातौ (misprint in Wikisource; stray य्; the CE reads prakāśenābhivikhyātau). Line 1 is the star passage 8.28.65b*0354_01; line 2 = CE 8.28.65 c.

Verse 86 (8.35.86)

एवं विद्वन्मावमंस्थाः सूतपुत्राच्युतार्जुनौ । नरसिंहौ नरश्वा त्वं जोषमास्स्व विकत्थसे ॥

evaṃ vidvanmāvamaṃsthāḥ sūtaputrācyutārjunau | narasiṃhau naraśvā tvaṃ joṣamāssva vikatthase

Knowing this, O "wise" one, do not scorn Achyuta and Arjuna, O son of a charioteer, those two lions among men. You, a dog among men, keep silent; you are only boasting.

Note on the text: CE 8.28.66 (similarity 0.892); Wikisource's नरसिंहौ … विकत्थसे is a recension variant of nṛsiṃhau … vikatthana, kept. The closing colophon (इति श्रीमन्महाभारते कर्णपर्वणि पञ्चत्रिंशोऽध्यायः) and the commentary glosses printed after it are not verses and are not included.