Dhritarashtra Laments Karna's Death

Verse 1 (8.6.1)

श्रिया कुलेन यशसा तपसा च श्रुतेन च । त्वामद्य सन्तो मन्यन्ते ययातिमिव नाहुषम् ॥

śriyā kulena yaśasā tapasā ca śrutena ca | tvāmadya santo manyante yayātimiva nāhuṣam

By your splendour, your lineage, your fame, your austerity and your learning, good men today regard you as they regard Yayati, son of Nahusha.

Note on the text: Adhyaya note: Wikisource's adhyaya 6 corresponds to the critical edition's 8.5.27–110 (the CE's adhyaya 5); the input agrees with the raw page's table row for row (95 verses), so no rebuild was needed. CE verses 8.5.1–26 fall in Wikisource's adhyaya 5. CE star passages 8.5.23b*0048, 26b*0049, 26d*0050, 47b*0051 and 89c*0058 (an incomplete line) have no counterpart on this page.

Verse 2 (8.6.2)

श्रुते महर्षिप्रतिमः कृतकृत्योऽसि पार्थिव । पर्यवस्थापयात्मानं मा विषादे मनः कृथाः ॥

śrute maharṣipratimaḥ kṛtakṛtyo'si pārthiva | paryavasthāpayātmānaṃ mā viṣāde manaḥ kṛthāḥ

In learning you are the equal of the great sages, O king, and you have done all that was to be done. Steady yourself, and do not give your mind over to despair.

Verse 3 (8.6.3)

दैवमेव परं मन्ये धिक्पौरुषमनर्थकम् । यत्र सालप्रतीकाशः कर्णोऽहन्यत संयुगे ॥

daivameva paraṃ manye dhikpauruṣamanarthakam | yatra sālapratīkāśaḥ karṇo'hanyata saṃyuge

I hold that fate alone is supreme, and that human effort is worthless and to be scorned, since Karna, who stood like a sala tree, has been slain in battle.

Note on the text: Line 1 matches CE 8.5.29a; line 2 differs by a recension variant (Wikisource सालप्रतीकाशः, CE रामप्रतीकाशः).

Verse 4 (8.6.4)

हत्वा युधिष्ठिरानीकं पाञ्चालानां रथव्रजान् । प्रताप्य शरवर्षेण दिशः सर्वा महारथः ॥

hatvā yudhiṣṭhirānīkaṃ pāñcālānāṃ rathavrajān | pratāpya śaravarṣeṇa diśaḥ sarvā mahārathaḥ

After cutting down Yudhishthira's army and the throngs of Panchala chariots, and scorching every quarter with his rain of arrows, that great car-warrior...

Verse 5 (8.6.5)

मोहयित्वा रणे पार्थान्वज्रहस्त इवासुरान् । स कथं निहतः शेते वायुरुग्ण इव द्रुमः ॥

mohayitvā raṇe pārthānvajrahasta ivāsurān | sa kathaṃ nihataḥ śete vāyurugṇa iva drumaḥ

...having bewildered the Parthas in battle as the wielder of the thunderbolt bewilders the asuras, how does he now lie slain, like a tree uprooted by the wind?

Note on the text: Corrected मोहियित्वा → मोहयित्वा (misprint in Wikisource; the gerund of the causative is मोहयित्वा; CE 8.5.31a has it). Corrected वज्नहस्त → वज्रहस्त (misprint in Wikisource; dropped ra; CE 8.5.31a वज्रहस्त).

Verse 6 (8.6.6)

शोकस्यान्तं न पश्यामि पारं जलनिधेरिव । चिन्ता मे वर्धतेऽतीव मुमूर्षा चापि जायते ॥

śokasyāntaṃ na paśyāmi pāraṃ jalanidheriva | cintā me vardhate'tīva mumūrṣā cāpi jāyate

I see no end to my sorrow, as one sees no far shore to the ocean. My anxiety grows ever greater, and I even long to die.

Note on the text: Recension variant: Wikisource lines differ from CE 8.5.32 (CE: "samudrasyeva viplukāḥ … cintā me vardhate tīvrā").

Verse 7 (8.6.7)

कर्णस्य निधनं श्रुत्वा विजयं फल्गुनस्य च । अश्रद्धेयमहं मन्ये वधं कर्णस्य सञ्जय ॥

karṇasya nidhanaṃ śrutvā vijayaṃ phalgunasya ca | aśraddheyamahaṃ manye vadhaṃ karṇasya sañjaya

Having heard of Karna's death and of Phalguna's victory, I find Karna's slaying beyond belief, Sanjaya.

Verse 8 (8.6.8)

वज्रसारमिदं नूनं हृदयं दुर्भिदं मम । यच्छ्रुत्वा पुरुषव्याघ्रं हतं कर्णं न दीर्यते ॥

vajrasāramidaṃ nūnaṃ hṛdayaṃ durbhidaṃ mama | yacchrutvā puruṣavyāghraṃ hataṃ karṇaṃ na dīryate

This heart of mine must be made of adamant and impossible to split, for it does not burst on hearing that Karna, that tiger among men, has been slain.

Note on the text: Line 1 differs from CE 8.5.34a (CE: "vajrasāramayaṃ nūnaṃ hṛdayaṃ sudṛḍhaṃ mama"), a recension variant.

Verse 9 (8.6.9)

आयुर्नूनं सुदीर्घं मे विहितं दैवतैः पुरा । यत्र कर्णं हतं श्रुत्वा जीवामीह सुदुःखितः ॥

āyurnūnaṃ sudīrghaṃ me vihitaṃ daivataiḥ purā | yatra karṇaṃ hataṃ śrutvā jīvāmīha suduḥkhitaḥ

Surely the gods ordained a very long life for me long ago, since even after hearing that Karna is dead I go on living here in deepest misery.

Note on the text: Corrected आर्युर्नूनं → आयुर्नूनं (misprint in Wikisource; stray ra; CE 8.5.35a आयुर्नूनं).

Verse 10 (8.6.10)

धिग्जीवितमिदं चैव सुहृद्धीनस्य सञ्जय । अद्य चाहं दशामेतां गतः सञ्जय गर्हिताम् । कृपणं वर्तयिष्यामि शोच्यः सर्वस्य मन्दधीः ॥

dhigjīvitamidaṃ caiva suhṛddhīnasya sañjaya | adya cāhaṃ daśāmetāṃ gataḥ sañjaya garhitām | kṛpaṇaṃ vartayiṣyāmi śocyaḥ sarvasya mandadhīḥ

A curse on this life of mine, Sanjaya, bereft as I am of friends. Fallen today into this wretched state, Sanjaya, I shall drag out a pitiable existence, a dull-witted man whom everyone pities.

Note on the text: Corrected सुहृद्वीनस्य → सुहृद्धीनस्य (misprint in Wikisource; सुहृद्धीन = deprived of friends; CE 8.5.36a सुहृद्धीनस्य). The three lines are CE 8.5.36a, c, e.

Verse 11 (8.6.11)

अहमेव पुरा भूत्वा सर्वलोकस्य सत्कृतः । परिभूतः कथं सूत परैः शक्ष्यामि जीवितुम् ॥

ahameva purā bhūtvā sarvalokasya satkṛtaḥ | paribhūtaḥ kathaṃ sūta paraiḥ śakṣyāmi jīvitum

I who once was honoured by the whole world — how shall I bear to live now, scorned by my enemies, O Suta?

Note on the text: Lines 1–2 = CE 8.5.37a, c (CE 37c reads "punaḥ śakṣyāmi"); the input had no match for this verse.

Verse 12 (8.6.12)

दुःखाद्दुःखतरं मन्ये प्राप्तवानस्मि सञ्जय । भीष्मद्रोणवधेनैव कर्णस्य च महात्मनः ॥

duḥkhādduḥkhataraṃ manye prāptavānasmi sañjaya | bhīṣmadroṇavadhenaiva karṇasya ca mahātmanaḥ

I think I have reached a grief worse than any grief, Sanjaya, through the deaths of Bhishma and Drona and now of the great-souled Karna.

Note on the text: Corrected भन्ये → मन्ये (misprint in Wikisource; भ for म; CE 8.5.37e has the sense and the verb मन्ये is required). Line 1 corresponds to CE 8.5.37e and line 2 to CE 8.5.38a, both with recension variants.

Verse 13 (8.6.13)

नावशेषं प्रपश्यामि सूतपुत्रे हते युधि । स हि पारं महानासीत्पुत्राणां मम सञ्जय ॥

nāvaśeṣaṃ prapaśyāmi sūtaputre hate yudhi | sa hi pāraṃ mahānāsītputrāṇāṃ mama sañjaya

With the Suta's son slain in battle I see nothing left to hope for; for my sons he was the great far shore, Sanjaya.

Note on the text: Corrected सहि → स हि (misprint in Wikisource; words run together; CE 8.5.39a "sa hi pāraṃ"). Line 1 = CE 8.5.38c (CE: "nātra śeṣaṃ"); line 2 = CE 8.5.39a.

Verse 14 (8.6.14)

युद्धे हि निहतः शूरो विसृजन्सायकान्बहून् । को हि मे जीवितेनार्थस्तमृते पुरुषर्षभम् ॥

yuddhe hi nihataḥ śūro visṛjansāyakānbahūn | ko hi me jīvitenārthastamṛte puruṣarṣabham

That hero fell in battle while loosing many arrows. What use is life to me without that best of men?

Note on the text: Line 1 = CE 8.5.39c (with variant "vinihataḥ"); line 2 = CE 8.5.40a.

Verse 15 (8.6.15)

रथादाधिरथिर्नूनं न्यपतत्सायकार्दितः । पर्वतस्येव शिखरं वज्रपाताद्विदारितम् ॥

rathādādhirathirnūnaṃ nyapatatsāyakārditaḥ | parvatasyeva śikharaṃ vajrapātādvidāritam

Struck by arrows, Adhiratha's son must have fallen from his chariot, like a mountain peak split apart by a thunderbolt.

Note on the text: Corrected व ज्रपाताद्विदारितम् → वज्रपाताद्विदारितम् (misprint in Wikisource; stray space inside the conjunct; CE 8.5.41a वज्रपातविदारितम्). Line 1 = CE 8.5.40c; line 2 = CE 8.5.41a.

Verse 16 (8.6.16)

स शेते पृथिवीं नूनं शोभयन्रुधिरोक्षितः । मातङ्ग इव मत्तेन मातङ्गेन निपातितः ॥

sa śete pṛthivīṃ nūnaṃ śobhayanrudhirokṣitaḥ | mātaṅga iva mattena mātaṅgena nipātitaḥ

Surely he lies on the ground, adorning it, drenched in blood, like an elephant brought down by a rutting elephant.

Note on the text: Corrected मताङ्गेन → मातङ्गेन (misprint in Wikisource; dropped long ā; CE 8.5.41e मातङ्गेन). Line 1 = CE 8.5.41c (CE: "śayīta"); line 2 = CE 8.5.41e.

Verse 17 (8.6.17)

यो बलं धार्तराष्ट्राणां पाण्डवानां यतो भयम् । सोऽर्जुनेन हतः कर्णः प्रतिमानं धनुष्मताम् ॥

yo balaṃ dhārtarāṣṭrāṇāṃ pāṇḍavānāṃ yato bhayam | so'rjunena hataḥ karṇaḥ pratimānaṃ dhanuṣmatām

He who was the strength of Dhritarashtra's sons and the cause of the Pandavas' fear, that Karna, the peer of all wielders of the bow, has been slain by Arjuna.

Verse 18 (8.6.18)

स हि वीरो महेष्वासो मित्राणामभयङ्करः । शेते विनिहतो वीरः शक्रेणेव पुरा बलः ॥

sa hi vīro maheṣvāso mitrāṇāmabhayaṅkaraḥ | śete vinihato vīraḥ śakreṇeva purā balaḥ

That heroic great archer, who gave his friends freedom from fear, lies slain, as Bala once lay when Shakra killed him.

Note on the text: Line 1 differs from CE 8.5.43a (CE: "putrāṇām abhayaṃkaraḥ"), a recension variant.

Verse 19 (8.6.19)

पङ्गोरिवाध्वगमनं दरिद्रस्येव कामितम् । दुर्योधनस्य लोभश्च समान्येतानि सञ्जय ॥

paṅgorivādhvagamanaṃ daridrasyeva kāmitam | duryodhanasya lobhaśca samānyetāni sañjaya

A lame man's journey, a poor man's wish, and Duryodhana's greed — these three are alike, Sanjaya.

Note on the text: Line 1 = CE 8.5.44a; line 2 differs from CE 8.5.44c ("duryodhanasya cākūtaṃ tṛṣitasyeva piplukāḥ"), a recension variant.

Verse 20 (8.6.20)

अन्यथा चिन्तितं कार्यमन्यथा तत्तु जायते । अहो नु बलवद्दैवं कालश्च दुरतिक्रमः ॥

anyathā cintitaṃ kāryamanyathā tattu jāyate | aho nu balavaddaivaṃ kālaśca duratikramaḥ

What is planned turns out otherwise. Ah, fate is mighty, and time is hard to overcome.

Verse 21 (8.6.21)

पलायमानः कृपणो दीनात्मा दीनपौरुषः । कच्चिद्विनिहतः सूत पुत्रो दुःशासनो मम ॥

palāyamānaḥ kṛpaṇo dīnātmā dīnapauruṣaḥ | kaccidvinihataḥ sūta putro duḥśāsano mama

Tell me, Suta: has my son Duhshasana, pitiful, faint of heart and robbed of his manhood, been slain while fleeing?

Verse 22 (8.6.22)

कच्चिन्न दीनाचरितं कृतवांस्तात संयुगे । कच्चिन्न निहतः शूरो यथाऽन्ये क्षत्रियर्षभाः ॥

kaccinna dīnācaritaṃ kṛtavāṃstāta saṃyuge | kaccinna nihataḥ śūro yathā'nye kṣatriyarṣabhāḥ

Surely he did nothing unworthy in the fight, dear Sanjaya? Surely that hero was not slain as those other bulls among the kshatriyas were?

Note on the text: Corrected शूरा → शूरो (misprint in Wikisource; the subject of निहतः needs the nominative singular; CE 8.5.47c "śūro"). Lines 1 and 2 are CE 8.5.47a and 47c with variants (CE 47a "nīcācaritaṃ", 47c "yathā na kṣatriyā hatāḥ").

Verse 23 (8.6.23)

युधिष्ठिरस्य वचनं मा युद्धमिति सर्वदा । दुर्योधनो नाभ्यगृह्णान्मूढः पथ्यमिवौषधम् ॥

yudhiṣṭhirasya vacanaṃ mā yuddhamiti sarvadā | duryodhano nābhyagṛhṇānmūḍhaḥ pathyamivauṣadham

Duryodhana, in his folly, never accepted Yudhishthira's constant plea, "No war", just as a sick man refuses wholesome medicine.

Verse 24 (8.6.24)

शरतल्पे शयानेन भीष्मेण सुमहात्मना । पानीयं याचितः पार्थः सोऽविध्यन्मेदिनीतलम् ॥

śaratalpe śayānena bhīṣmeṇa sumahātmanā | pānīyaṃ yācitaḥ pārthaḥ so'vidhyanmedinītalam

When Bhishma, of great soul, lying on his bed of arrows, asked Partha for water, Partha pierced the surface of the earth.

Note on the text: Corrected शतल्पे → शरतल्पे (misprint in Wikisource; dropped ra; CE 8.5.49a शरतल्पे). Corrected सोविध्यन् → सोऽविध्यन् (misprint in Wikisource; missing avagraha; so 'vidhyan, CE 8.5.49c "so 'vidhyan").

Verse 25 (8.6.25)

जलस्य धारां जनितां दृष्ट्वा पाण्डुसुतेन च । अब्रवीत्स महाबाहुस्तात संशाम्य पाण्डवैः ॥

jalasya dhārāṃ janitāṃ dṛṣṭvā pāṇḍusutena ca | abravītsa mahābāhustāta saṃśāmya pāṇḍavaiḥ

Seeing the stream of water that the son of Pandu had brought forth, that mighty-armed one said: "Dear child, make peace with the Pandavas."

Note on the text: Recension variant: Wikisource line 1 differs from CE 8.5.50a (CE: "jalasya dhārāṃ vihitāṃ dṛṣṭvā tāṃ pāṇḍavena ha").

Verse 26 (8.6.26)

प्रशमाद्धि भवेच्छान्तिर्मदन्तं युद्धमस्तु वः । भ्रातृभावेन पृथिवीं भुङ्क्ष्व पाण्डुसुतैः सह ॥

praśamāddhi bhavecchāntirmadantaṃ yuddhamastu vaḥ | bhrātṛbhāvena pṛthivīṃ bhuṅkṣva pāṇḍusutaiḥ saha

"Peace comes from reconciliation; let your war end with me. Enjoy the earth in brotherhood with the sons of Pandu."

Note on the text: Corrected प्रशमाद्वि → प्रशमाद्धि (misprint in Wikisource; द्वि for द्धि; CE 8.5.51a प्रशमाद्धि).

Verse 27 (8.6.27)

अकुर्वन्वचनं तस्य नूनं शोचति पुत्रकः । तदिदं समनुप्राप्तं वचनं दीर्घदर्शिनः ॥

akurvanvacanaṃ tasya nūnaṃ śocati putrakaḥ | tadidaṃ samanuprāptaṃ vacanaṃ dīrghadarśinaḥ

Because he did not follow Bhishma's words, my son now grieves, I am sure. The word of that far-sighted man has now come true.

Note on the text: Corrected समनुप्राप्त → समनुप्राप्तं (misprint in Wikisource; dropped anusvara; the participle agrees with the neuter वचनम्, CE 8.5.52c "samanuprāptaṃ"). Line 1 differs slightly from CE 8.5.52a (CE: "nūnaṃ śocati me sutaḥ").

Verse 28 (8.6.28)

अहं तु निहतामात्यो हतपुत्रश्च सञ्जय । द्यूततः कृच्छ्रमापन्नो लूनपक्ष इव द्विजः ॥

ahaṃ tu nihatāmātyo hataputraśca sañjaya | dyūtataḥ kṛcchramāpanno lūnapakṣa iva dvijaḥ

But I, with my ministers slain and my sons dead, have fallen into hardship through the dice, like a bird whose wings have been clipped, Sanjaya.

Verse 29 (8.6.29)

यथा हि शकुनिं गृह्य छित्त्वा पक्षौ च सञ्जय । विसर्जयन्ति संहृष्टाः क्रीडमानाः कुमारकाः ॥

yathā hi śakuniṃ gṛhya chittvā pakṣau ca sañjaya | visarjayanti saṃhṛṣṭāḥ krīḍamānāḥ kumārakāḥ

Just as boys playing happily catch a little bird, clip both its wings and let it go, Sanjaya,

Verse 30 (8.6.30)

लूनपक्षतया तस्य गमनं नोपपद्यते । तथाहमपि सम्प्राप्तो लूनपक्ष इव द्विजः ॥

lūnapakṣatayā tasya gamanaṃ nopapadyate | tathāhamapi samprāpto lūnapakṣa iva dvijaḥ

and with its wings clipped it cannot fly away — so I too have become like a bird with clipped wings.

Verse 31 (8.6.31)

क्षीणः सर्वार्थहीनश्च निर्ज्ञातिर्बन्धुवर्जितः । कां दिशं प्रतिपत्स्यामि दीनः शत्रुवशं गतः ॥

kṣīṇaḥ sarvārthahīnaśca nirjñātirbandhuvarjitaḥ | kāṃ diśaṃ pratipatsyāmi dīnaḥ śatruvaśaṃ gataḥ

Ruined, stripped of every aim, without kinsmen, deserted by my relatives, wretched and fallen into my enemies' power — which way shall I turn?

Note on the text: Line 1 differs from CE 8.5.56a (CE: "nirbandhur jñātivarjitaḥ"), a recension variant.

Verse 32 (8.6.32)

इत्येवं धृतराष्ट्रोऽथ विलप्य बहुदुःखितः । प्रोवाच सञ्जयं भूयः शोकव्याकुलमानसः ॥

ityevaṃ dhṛtarāṣṭro'tha vilapya bahuduḥkhitaḥ | provāca sañjayaṃ bhūyaḥ śokavyākulamānasaḥ

Having thus lamented in great distress, Dhritarashtra, his mind overwhelmed by grief, spoke again to Sanjaya.

Note on the text: Corrected सोक → शोक (misprint in Wikisource; CE star passage reads शोक). Not in the critical edition's main text; its two lines appear there as star passage 8.5.47d*0052_01–02 (preceded by the speaker line "vaiśaṃpāyana uvāca", *0052_00), with the last word differing (CE: "śokavyākulalocanaḥ").

Verse 33 (8.6.33)

योऽजयत्सर्वकाम्भोजानम्बष्ठान्कैकयैः सह । गान्धारांश्च विदेहांश्च जित्वा कार्यार्थमाहवे ॥

yo'jayatsarvakāmbhojānambaṣṭhānkaikayaiḥ saha | gāndhārāṃśca videhāṃśca jitvā kāryārthamāhave

He who conquered all the Kambojas, the Ambashthas together with the Kaikeyas, and the Gandharas and the Videhas, defeating them in battle for his purpose,

Note on the text: Not in the critical edition's main text; its two lines appear there as star passage 8.5.47d*0053_01–02, with a variant in line 1 (CE: "savarkāmbojān").

Verse 34 (8.6.34)

दुर्योधनस्य वृद्ध्यर्थं योऽजयत्पृथिवीं प्रभुः । स जितः पाण्डवैः शूरैः समरे बाहुशालिभिः ॥

duryodhanasya vṛddhyarthaṃ yo'jayatpṛthivīṃ prabhuḥ | sa jitaḥ pāṇḍavaiḥ śūraiḥ samare bāhuśālibhiḥ

he who, as a lord, conquered the earth for Duryodhana's advancement — he has been defeated in battle by the heroic, strong-armed Pandavas.

Note on the text: Corrected वाहुशालिभिः → बाहुशालिभिः (misprint in Wikisource; ब/व confusion; बाहुशालिन् = strong-armed). The matching CE verse 8.5.57 differs in wording (CE: "samarthair vīryaśālibhiḥ"); the sense is the same.

Verse 35 (8.6.35)

तस्मिन्हते महेष्वासे कर्णे युधि किरीटिना । के वीराः पर्यतिष्ठन्त तन्ममाचक्ष्व सञ्जय ॥

tasminhate maheṣvāse karṇe yudhi kirīṭinā | ke vīrāḥ paryatiṣṭhanta tanmamācakṣva sañjaya

When that great archer Karna was slain in battle by Kiritin, which heroes stood their ground? Tell me that, Sanjaya.

Verse 36 (8.6.36)

कच्चिन्नैकः परित्यक्तः पाण्डवैर्निहतो रणे । उक्तं त्वया पुरा तात यथा वीरो निपातितः ॥

kaccinnaikaḥ parityaktaḥ pāṇḍavairnihato raṇe | uktaṃ tvayā purā tāta yathā vīro nipātitaḥ

Surely no one was abandoned and slain in battle by the Pandavas? You told me earlier, dear Sanjaya, how the heroes were struck down.

Verse 37 (8.6.37)

भीष्ममप्रतियुध्यन्तं शिखण्डी सायकोत्तमैः । पातयामास समरे सर्वशस्त्रभृतां वरम् ॥

bhīṣmamapratiyudhyantaṃ śikhaṇḍī sāyakottamaiḥ | pātayāmāsa samare sarvaśastrabhṛtāṃ varam

Shikhandi brought down Bhishma, the best of all who bear weapons, in battle with his finest arrows, though Bhishma would not fight him in return.

Note on the text: Corrected शिखम्डी → शिखण्डी (misprint in Wikisource; म for ण; the name is शिखण्डी, CE 8.5.60a).

Verse 38 (8.6.38)

तथा द्रौपदिना द्रोणो न्यस्तसर्वायुधो युधि । धर्मराजवचः श्रुत्वा अश्वत्थामा हतस्त्विति ॥

tathā draupadinā droṇo nyastasarvāyudho yudhi | dharmarājavacaḥ śrutvā aśvatthāmā hatastviti

And Drona, who had laid down all his weapons in the battle on hearing Dharmaraja's words, "Ashvatthama is dead", was set upon by Drupada's son.

Note on the text: Removed stray wiki quote marks (backtick and apostrophe). Line 1 = CE 8.5.61a; line 2 is not in the CE's main text but appears there as star passage 8.5.61b*0054_01.

Verse 39 (8.6.39)

युक्तयोगो महेष्वासः शरैर्बहुभिराचितः । निहतः खड्गमुद्यम्य धृष्टद्युम्नेन सञ्जय ॥

yuktayogo maheṣvāsaḥ śarairbahubhirācitaḥ | nihataḥ khaḍgamudyamya dhṛṣṭadyumnena sañjaya

Absorbed in yoga, that great archer, covered with many arrows, was slain by Dhrishtadyumna, who raised a sword against him, Sanjaya.

Note on the text: Corrected खङ्ग → खड्ग (misprint in Wikisource; the word is खड्ग = sword; CE 8.5.61e खड्गम्). Line 1 = CE 8.5.61c; line 2 = CE 8.5.61e.

Verse 40 (8.6.40)

अन्तरेण हतावेतौ छलेन च विशेषतः । अश्रौषमहमेतद्वै भीष्मद्रोणौ निपातितौ ॥

antareṇa hatāvetau chalena ca viśeṣataḥ | aśrauṣamahametadvai bhīṣmadroṇau nipātitau

Those two were slain by indirect means, and above all by deceit — so I heard of the felling of Bhishma and Drona.

Verse 41 (8.6.41)

भीष्मद्रोणौ हि समरे न हन्याद्वज्रभृत्स्वयम् । न्यायेन युध्यन्समरे तद्वै सत्यं ब्रवीमि ते ॥

bhīṣmadroṇau hi samare na hanyādvajrabhṛtsvayam | nyāyena yudhyansamare tadvai satyaṃ bravīmi te

Not even the wielder of the thunderbolt himself could slay Bhishma and Drona in battle if they fought fairly. I tell you this truth.

Note on the text: Line 2 differs from CE 8.5.63c (CE: "nyāyena yudhyamānau hi"), a recension variant.

Verse 42 (8.6.42)

कर्णं त्वस्यन्तमस्त्राणि दिव्यानि च बहूनि च । कथमिन्द्रोपमं वीरं मृत्युर्युद्धे समस्पृशत् ॥

karṇaṃ tvasyantamastrāṇi divyāni ca bahūni ca | kathamindropamaṃ vīraṃ mṛtyuryuddhe samaspṛśat

How could death touch in battle Karna, a hero like Indra, who was shooting so many divine weapons?

Note on the text: Corrected युद्वे → युद्धे (misprint in Wikisource; broken conjunct; CE 8.5.64c युद्धे).

Verse 43 (8.6.43)

यस्य विद्युत्प्रभां शक्तिं दिव्यां कनकभूषणाम् । प्रायच्छद्द्विषतां हन्त्रीं कुण्डलाभ्यां पुरन्दरः ॥

yasya vidyutprabhāṃ śaktiṃ divyāṃ kanakabhūṣaṇām | prāyacchaddviṣatāṃ hantrīṃ kuṇḍalābhyāṃ purandaraḥ

Purandara gave him a divine spear, gleaming like lightning and adorned with gold, a slayer of foes, in exchange for his earrings.

Verse 44 (8.6.44)

यस्य सर्पमुखो दिव्यः शरः काञ्चनभूषणः । अशेत निशितः पत्री समरेष्वरिसूदनः ॥

yasya sarpamukho divyaḥ śaraḥ kāñcanabhūṣaṇaḥ | aśeta niśitaḥ patrī samareṣvarisūdanaḥ

His divine arrow with the serpent's mouth, adorned with gold, sharp and feathered, a slayer of foes, lay ready for him through all the battles.

Note on the text: Line 2 differs from CE 8.5.66c (CE: "aśeta nihataḥ patrī candaneṣv arisūdanaḥ"); the commentary note on the page records the variants "निहतः" and "चन्दनेषु". Wikisource's reading is kept.

Verse 45 (8.6.45)

भीष्मद्रोणमुखान्वीरान्योऽवमत्य महारथान् । जामदग्न्यान्महाघोरं ब्राह्ममस्त्रमशिक्षत ॥

bhīṣmadroṇamukhānvīrānyo'vamatya mahārathān | jāmadagnyānmahāghoraṃ brāhmamastramaśikṣata

He scorned heroic great car-warriors headed by Bhishma and Drona, and learned from Jamadagni's son the terrible Brahma weapon.

Verse 46 (8.6.46)

यश्च द्रोणमुखान्दृष्ट्वा विमुखानर्दिताञ्शरैः । सौभद्रस्य महाबाहुर्व्यधमत्कार्मुकं शितैः ॥

yaśca droṇamukhāndṛṣṭvā vimukhānarditāñśaraiḥ | saubhadrasya mahābāhurvyadhamatkārmukaṃ śitaiḥ

And that mighty-armed one, seeing Drona's foremost men turned back and tormented by arrows, cut down the bow of Subhadra's son with sharp shafts.

Note on the text: Line 2 differs from CE 8.5.68c (CE: "saubhadrasya mahābāhur vyadhamat kārmukaṃ śaraiḥ"), a recension variant.

Verse 47 (8.6.47)

यश्च नागायुतप्राणं वज्ररंहसमच्युतम् । विरथं सहसा कृत्वा भीमसेनमपाहसत् ॥

yaśca nāgāyutaprāṇaṃ vajraraṃhasamacyutam | virathaṃ sahasā kṛtvā bhīmasenamapāhasat

He who suddenly made Bhimasena chariotless — Bhimasena, with the strength of ten thousand elephants, swift as the thunderbolt, unshaken — and laughed at him;

Note on the text: Corrected नागायुतप्राणां → नागायुतप्राणं (misprint in Wikisource; the word qualifies भीमसेनम् and must be accusative masculine; CE 8.5.69a नागायुतप्राणम्). The rest of the verse is a recension variant of CE 8.5.69.

Verse 48 (8.6.48)

सहदेवं च निर्जित्य शरैः सन्नतपर्वभिः । कृपया विरथं कृत्वा नाहनद्धर्मचिन्तया ॥

sahadevaṃ ca nirjitya śaraiḥ sannataparvabhiḥ | kṛpayā virathaṃ kṛtvā nāhanaddharmacintayā

who, after defeating Sahadeva with arrows of well-bent joints and leaving him chariotless, did not kill him, out of compassion and regard for dharma;

Verse 49 (8.6.49)

यश्च मायासहस्राणि विकुर्वाणं जयैषिणम् । घटोत्कचं राक्षसेन्द्रं शक्रशक्त्या निजघ्निवान् ॥

yaśca māyāsahasrāṇi vikurvāṇaṃ jayaiṣiṇam | ghaṭotkacaṃ rākṣasendraṃ śakraśaktyā nijaghnivān

and who killed with Shakra's spear the rakshasa lord Ghatotkacha, who was spreading thousands of illusions in his eagerness for victory.

Note on the text: Recension variant: Wikisource line 1 differs from CE 8.5.71a (CE: "yaś ca māyāsahasrāṇi dhvaṃsayitvā raṇotkaṭam").

Verse 50 (8.6.50)

एतांश्च दिवसान्यस्य युद्धे भीतो धनञ्जयः । नागमद्द्वैरथं वीरः स कथं निहतो रणे ॥

etāṃśca divasānyasya yuddhe bhīto dhanañjayaḥ | nāgamaddvairathaṃ vīraḥ sa kathaṃ nihato raṇe

For all these days Dhananjaya, afraid of him in battle, never came to meet him in a chariot duel; how then was that hero slain in the fight?

Note on the text: Corrected एवांश्च → एतांश्च (misprint in Wikisource; व for त; CE 8.5.72a एतानि). Line 1 differs from CE 8.5.72a ("etāni divasāny asya"), a recension variant.

Verse 51 (8.6.51)

संशप्तकानां योधा ये आह्वयन्त सदाऽन्यतः । एतान्हत्वा हनिष्यामि पश्चाद्वैकर्तनं रणे ॥

saṃśaptakānāṃ yodhā ye āhvayanta sadā'nyataḥ | etānhatvā haniṣyāmi paścādvaikartanaṃ raṇe

"Those warriors of the Samshaptakas who keep challenging me from the other side — I shall kill them first, and Vaikartana afterwards, in battle."

Note on the text: Removed the stray bracket printed by Wikisource. Not in the critical edition's main text; line 1 appears there as star passage 8.5.72d*0055_01 and line 2 as 8.5.72d*0056_01.

Verse 52 (8.6.52)

इति व्यपदिशन्पार्थो वर्जयन्सूतजं रणे । स कथं निहतो वीरः पार्थेन परवीरहा ॥

iti vyapadiśanpārtho varjayansūtajaṃ raṇe | sa kathaṃ nihato vīraḥ pārthena paravīrahā

Thus pretending, Partha kept away from the Suta's son in battle. How then was that hero, slayer of enemy heroes, killed by Partha?

Note on the text: Removed the stray bracket and doubled danda printed by Wikisource. Not in the critical edition's main text; its two lines appear there as star passage 8.5.72d*0056_02–03.

Verse 53 (8.6.53)

रथभङ्गो न चेत्तस्य धनुर्वा न व्यशीर्यत । न चेदस्त्राणि नष्टानि स कथं निहतः परैः ॥

rathabhaṅgo na cettasya dhanurvā na vyaśīryata | na cedastrāṇi naṣṭāni sa kathaṃ nihataḥ paraiḥ

If his chariot had not broken, or his bow had not snapped, or his weapons had not been lost, how could he have been slain by his enemies?

Note on the text: Corrected रथभह्गो → रथभङ्गो (misprint in Wikisource; broken conjunct ह्ग for ङ्ग; रथभङ्ग = breaking of the chariot (the page's note gives the other reading रथसङ्गो, CE 8.5.73a)). Line 2 differs from CE 8.5.73c.

Verse 54 (8.6.54)

को हि शक्तो रणे कर्णं विधुन्वानं महद्धनुः । विमुञ्चन्तं शरान्घोरान्दिव्यान्यस्त्राणि चाहवे । जेतुं पुरुषशार्दूलं शार्दूलमिव वेगिनम् ॥

ko hi śakto raṇe karṇaṃ vidhunvānaṃ mahaddhanuḥ | vimuñcantaṃ śarānghorāndivyānyastrāṇi cāhave | jetuṃ puruṣaśārdūlaṃ śārdūlamiva veginam

Who is able to defeat in battle Karna, tiger among men and swift as a tiger, as he twangs his mighty bow and looses terrible arrows and divine weapons in the fight?

Note on the text: The three lines are CE 8.5.74a, c, e.

Verse 55 (8.6.55)

ध्रुवं तस्य धनुश्छिन्नं रथो वाऽपि महीं गतः । अस्त्राणि वा प्रनष्टानि यथा शंससि मे हतम् । न ह्यन्यदपि पश्यामि कारणं तस्य नाशने ॥

dhruvaṃ tasya dhanuśchinnaṃ ratho vā'pi mahīṃ gataḥ | astrāṇi vā pranaṣṭāni yathā śaṃsasi me hatam | na hyanyadapi paśyāmi kāraṇaṃ tasya nāśane

Surely his bow was cut, or his chariot sank into the earth, or his weapons were lost, as you describe his death to me; I can see no other cause for his destruction.

Note on the text: Corrected ध्रवं → ध्रुवं (misprint in Wikisource; dropped u-vowel; CE 8.5.75a ध्रुवम्). The three lines are CE 8.5.75a, c, e.

Verse 56 (8.6.56)

न हन्मि फल्गुनं यावत्तावत्पादौ न धावये । इति यस्य महाघोरं व्रतमासीन्महात्मनः ॥

na hanmi phalgunaṃ yāvattāvatpādau na dhāvaye | iti yasya mahāghoraṃ vratamāsīnmahātmanaḥ

"Until I kill Phalguna, I will not wash my feet" — such was the terrible vow of that great-souled man.

Note on the text: Corrected न हिन्मि → न हन्मि (misprint in Wikisource; हिन्मि is not a verb form; the first-person present of हन् is हन्मि, CE 8.5.76a "na hanyām").

Verse 57 (8.6.57)

यस्य भीतो वने निद्रां धर्मराजो युधिष्ठिरः । त्रयोदशसमा नित्यं नाभजत्पुरुषर्षभः ॥

yasya bhīto vane nidrāṃ dharmarājo yudhiṣṭhiraḥ | trayodaśasamā nityaṃ nābhajatpuruṣarṣabhaḥ

Out of fear of him, Yudhishthira, the king of dharma, best of men, never found sleep in the forest through the thirteen years.

Note on the text: Corrected रमे → वने (misprint in Wikisource; रमे makes no sense here; CE 8.5.77a वने). Line 2 differs slightly from CE 8.5.77c.

Verse 58 (8.6.58)

यस्य वीर्यवतो वीर्यमुपाश्रित्य महात्मनः । मम पुत्रः सभां भार्यां पाण्डूनां नीतवान्बलात् ॥

yasya vīryavato vīryamupāśritya mahātmanaḥ | mama putraḥ sabhāṃ bhāryāṃ pāṇḍūnāṃ nītavānbalāt

relying on the strength of that mighty, great-souled man, my son carried off the wife of the Pandavas to the assembly by force.

Verse 59 (8.6.59)

तत्रापि च सभामध्ये पाण्डवानां च पश्यताम् । दासभार्येति पाञ्चालीमब्रवीत्कुरुसन्निधौ ॥

tatrāpi ca sabhāmadhye pāṇḍavānāṃ ca paśyatām | dāsabhāryeti pāñcālīmabravītkurusannidhau

And there, in the midst of the assembly, while the Pandavas looked on, in the presence of the Kurus he called Panchali a slave's wife.

Verse 60 (8.6.60)

न सन्ति पतयः कृष्णे सर्वे षण्डतिलैः समाः । उपतिष्ठस्व भर्तारमन्यं वा वरवर्णिनि ॥

na santi patayaḥ kṛṣṇe sarve ṣaṇḍatilaiḥ samāḥ | upatiṣṭhasva bhartāramanyaṃ vā varavarṇini

"Krishna, you have no husbands; they are all like barren sesame seeds. Go and wait upon another husband, fair lady."

Note on the text: Removed the stray bracket printed by Wikisource. Corrected तपयः → पतयः (misprint in Wikisource; letters transposed; CE star passage 8.5.79d*0057_01 पतयः). Not in the critical edition's main text; its two lines appear there as star passage 8.5.79d*0057_01–02 (placed after 8.5.79). The words are Karna's, recalled by Dhritarashtra.

Verse 61 (8.6.61)

इत्येवं यः पुरा वाचो रूक्षाः संश्रावयन्रुषा । सभायां सूतजः कृष्णां स कथं निहतः परैः ॥

ityevaṃ yaḥ purā vāco rūkṣāḥ saṃśrāvayanruṣā | sabhāyāṃ sūtajaḥ kṛṣṇāṃ sa kathaṃ nihataḥ paraiḥ

That Suta's son, who in the assembly long ago spoke such harsh words in anger to Krishna — how was he killed by his enemies?

Note on the text: Not in the critical edition's main text; its two lines appear there as star passage 8.5.79d*0057_03–04 (after 8.5.79).

Verse 62 (8.6.62)

यदि भीष्मो रणश्लाघी द्रोणो वा युधि दुर्मदः । न हनिष्यति कौन्तेयान्पक्षपातात्सुयोधन । सर्वानेव हनिष्यामि व्येतु ते मानसो ज्वरः ॥

yadi bhīṣmo raṇaślāghī droṇo vā yudhi durmadaḥ | na haniṣyati kaunteyānpakṣapātātsuyodhana | sarvāneva haniṣyāmi vyetu te mānaso jvaraḥ

"If Bhishma, who boasts in battle, or Drona, arrogant in the fight, will not kill the sons of Kunti out of partiality, Suyodhana, I shall kill them all; let the fever of your mind leave you."

Note on the text: Not in the critical edition's main text; its three lines appear there as star passage 8.5.79d*0057_05–07 (after 8.5.79). The words are Karna's, recalled by Dhritarashtra.

Verse 63 (8.6.63)

किं करिष्यति गाण्डीवमक्षय्यौ च महेषुधी । स्निग्धचन्दनदिग्धस्य मच्छरस्याभिधावतः । स नूनमृषभस्कन्धो ह्यर्जुनेन कथं हतः ॥

kiṃ kariṣyati gāṇḍīvamakṣayyau ca maheṣudhī | snigdhacandanadigdhasya maccharasyābhidhāvataḥ | sa nūnamṛṣabhaskandho hyarjunena kathaṃ hataḥ

"What will Gandiva do, or the two inexhaustible great quivers, when my arrow rushes upon him, smeared with soft sandal?" How then was that bull-shouldered man killed by Arjuna?

Note on the text: Removed the stray bracket and doubled danda printed by Wikisource. Not in the critical edition's main text; its three lines appear there as star passage 8.5.79d*0057_08–10 (after 8.5.79). Lines 1–2 are Karna's boast as recalled by Dhritarashtra.

Verse 64 (8.6.64)

यश्च गाण्डीवमुक्तानां स्पर्शमुग्रमचिन्तयन् । अपतिर्ह्यसि कृष्णेति ब्रुवन्पार्थानवैक्षत ॥

yaśca gāṇḍīvamuktānāṃ sparśamugramacintayan | apatirhyasi kṛṣṇeti bruvanpārthānavaikṣata

He who, heedless of the fierce touch of arrows loosed from Gandiva, looked at the Parthas and said, "You have no husband, Krishna" —

Verse 65 (8.6.65)

यस्य नासीद्भयं पार्थात्सपुत्रात्सजनार्दनात् । स्वबाहुबलमाश्रित्य मुहूर्तमपि सञ्जय ॥

yasya nāsīdbhayaṃ pārthātsaputrātsajanārdanāt | svabāhubalamāśritya muhūrtamapi sañjaya

he who, relying on the strength of his own arms, felt no fear even for a moment of Partha, with his son and Janardana, Sanjaya.

Note on the text: Line 1 differs from CE 8.5.81a (CE: "saputraiḥ sajanārdanaiḥ"), a recension variant.

Verse 66 (8.6.66)

तस्य नाऽहं वधं मन्ये देवैरपि सवासवैः । प्रतीपमभिघावद्भिः किं पुनस्तात पाण्डवैः ॥

tasya nā'haṃ vadhaṃ manye devairapi savāsavaiḥ | pratīpamabhighāvadbhiḥ kiṃ punastāta pāṇḍavaiḥ

I do not believe he could be killed even by the gods together with Vasava, still less, dear Sanjaya, by the Pandavas charging at him.

Verse 67 (8.6.67)

न हि ज्यां संसम्पृशानस्य तलत्रे वाऽपि गृह्णतः । पुमानाधिरथेः स्थातुं कश्चित्प्रमुखतोऽर्हति ॥

na hi jyāṃ saṃsampṛśānasya talatre vā'pi gṛhṇataḥ | pumānādhiratheḥ sthātuṃ kaścitpramukhato'rhati

When he touches his bowstring and takes up his arm-guard, no man could stand before Adhiratha's son.

Note on the text: Line 1 differs from CE 8.5.83a (CE: "na hi jyāṃ spṛśamānasya"), a recension variant.

Verse 68 (8.6.68)

अपि स्यान्मेदिनी हीना सोमसूर्यप्रभांशुभिः । न वधः पुरुषेन्द्रस्य संयुगेष्वपलायिनः ॥

api syānmedinī hīnā somasūryaprabhāṃśubhiḥ | na vadhaḥ puruṣendrasya saṃyugeṣvapalāyinaḥ

The earth might lose the rays of the moon and the sun, but the slaying of that lord of men, who never fled in any battle, could not be.

Note on the text: Corrected न वध- पुरुषेन्द्रस्य → न वधः पुरुषेन्द्रस्य (misprint in Wikisource; a hyphen printed in place of the visarga; CE 8.5.84c "na vadhaḥ puruṣendrasya").

Verse 69 (8.6.69)

येन मन्दः सहायेन भ्रात्रा दुःशासनेन च । वासुदेवस्य दुर्बुद्धिः प्रत्याख्यानमरोचत ॥

yena mandaḥ sahāyena bhrātrā duḥśāsanena ca | vāsudevasya durbuddhiḥ pratyākhyānamarocata

With him as his ally, along with his brother Duhshasana, the foolish, ill-advised Duryodhana was pleased to reject Vasudeva's proposal.

Note on the text: Line 1 differs from CE 8.5.85a (CE: "yadi mandaḥ sahāyena"), a recension variant.

Verse 70 (8.6.70)

स नूनं वृषभस्कन्धं कर्णं दृष्ट्वा निपातितम् । दुःशासनं च निहतं मन्ये शोचति पुत्रकः ॥

sa nūnaṃ vṛṣabhaskandhaṃ karṇaṃ dṛṣṭvā nipātitam | duḥśāsanaṃ ca nihataṃ manye śocati putrakaḥ

Seeing Karna, the bull-shouldered, struck down, and Duhshasana slain as well, my son must be grieving, I think.

Note on the text: Line 1 differs from CE 8.5.86a (CE: "ṛṣabhaskandhaṃ"), a recension variant.

Verse 71 (8.6.71)

हतं वैकर्तनं दृष्ट्वा द्वैरथे सव्यसाचिना । जयतः पाण्डवान्दृष्ट्वा किंस्विद्दुर्योधनोऽब्रवीत् ॥

hataṃ vaikartanaṃ dṛṣṭvā dvairathe savyasācinā | jayataḥ pāṇḍavāndṛṣṭvā kiṃsvidduryodhano'bravīt

Seeing Vaikartana slain by Savyasachin in a chariot duel, and seeing the Pandavas victorious, what did Duryodhana say?

Note on the text: Line 1 differs from CE 8.5.87a (CE: "hataṃ vaikartanaṃ śrutvā"), a recension variant.

Verse 72 (8.6.72)

दुर्मर्षणं हतं दृष्ट्वा वृषसेनं च संयुगे । प्रभग्नं च बलं दृष्ट्वा वध्यमानं महारथैः ॥

durmarṣaṇaṃ hataṃ dṛṣṭvā vṛṣasenaṃ ca saṃyuge | prabhagnaṃ ca balaṃ dṛṣṭvā vadhyamānaṃ mahārathaiḥ

Seeing Durmarshana slain, and Vrishasena too, in the battle, seeing his army broken and cut down by great car-warriors,

Note on the text: Removed the stray bracket printed by Wikisource. Corrected प्रभग्रं → प्रभग्नं (misprint in Wikisource; ग्र for ग्न; CE 8.5.88c प्रभग्नम्). Line 1 differs from CE 8.5.88a (CE: "hataṃ śrutvā").

Verse 73 (8.6.73)

पराङ्मुखांश्च राज्ञस्तु पलायनपरायणान् । विद्रुतान्रथिनो दृष्ट्वा मन्ये शोचति पुत्रकः ॥

parāṅmukhāṃśca rājñastu palāyanaparāyaṇān | vidrutānrathino dṛṣṭvā manye śocati putrakaḥ

seeing the kings turn their backs, intent on flight, and the car-warriors scattered — my son must be grieving, I think.

Note on the text: Line 1 differs slightly from CE 8.5.89a (CE: "parāṅmukhāṃs tathā rājñaḥ").

Verse 74 (8.6.74)

अनेयश्चाभिमानी च दुर्बुद्धिरजितेन्द्रियः । हतोत्साहं बलं दृष्ट्वा किंस्विदुर्योधनोऽब्रवीत् ॥

aneyaścābhimānī ca durbuddhirajitendriyaḥ | hatotsāhaṃ balaṃ dṛṣṭvā kiṃsviduryodhano'bravīt

Unteachable, proud, ill-minded and without control of his senses, seeing his army dispirited, what did Duryodhana say?

Note on the text: Line 1 differs from CE 8.5.90a (CE: "aneyaś cābhimānena bālabuddhir amarṣaṇaḥ"), a recension variant.

Verse 75 (8.6.75)

स्वयं वैरं महत्कृत्वा वार्यमाणः सुहृद्गणैः । प्रधने हतभूयिष्ठैः किंस्विद्दुर्योधनोऽब्रवीत् ॥

svayaṃ vairaṃ mahatkṛtvā vāryamāṇaḥ suhṛdgaṇaiḥ | pradhane hatabhūyiṣṭhaiḥ kiṃsvidduryodhano'bravīt

Having himself made a great enmity, though held back by his well-wishers, with most of his men slain in the battle, what did Duryodhana say?

Note on the text: Not in the critical edition's main text; its two lines appear there as star passage 8.5.90d*0059_01–02 (after 8.5.90), the second line with a variant (CE: "pradhānahatabhūyiṣṭhe").

Verse 76 (8.6.76)

भ्रातरं निहतं दृष्ट्वा भीमसेनेन संयुगे । रुधिरे पीयमाने च किंस्विद्दुर्योधनोऽब्रवीत् ॥

bhrātaraṃ nihataṃ dṛṣṭvā bhīmasenena saṃyuge | rudhire pīyamāne ca kiṃsvidduryodhano'bravīt

Seeing his brother slain by Bhimasena in the battle, and the blood being drunk, what did Duryodhana say?

Note on the text: Removed the stray bracket and doubled danda printed by Wikisource. Corrected किंस्विद्द्रुर्योधनो → किंस्विद्दुर्योधनो (misprint in Wikisource; stray ra in the name; CE 8.5.91c "duryodhano").

Verse 77 (8.6.77)

सह गान्धारराजेन सभायां यदभाषत । कर्णोऽर्जुनं रणे हन्ता हते तस्मिन्किमब्रवीत् ॥

saha gāndhārarājena sabhāyāṃ yadabhāṣata | karṇo'rjunaṃ raṇe hantā hate tasminkimabravīt

What did he say — he who in the assembly, together with the king of Gandhara, had declared, "Karna will kill Arjuna in battle" — when Karna was slain?

Verse 78 (8.6.78)

द्यूतं कृत्वा पुरा हृष्टो वञ्चयित्वा च पाण्डवान् । शकुनिः सौबलस्तात हते कर्णे किमब्रवीत् ॥

dyūtaṃ kṛtvā purā hṛṣṭo vañcayitvā ca pāṇḍavān | śakuniḥ saubalastāta hate karṇe kimabravīt

Shakuni, son of Subala, who long ago had been delighted after playing at dice and cheating the Pandavas — what did he say, dear Sanjaya, when Karna was slain?

Note on the text: Corrected हृष्ठो → हृष्टो (misprint in Wikisource; ठ for ट; CE 8.5.93a हृष्टः). Also removed a stray zero-width joiner after पाण्ड in पाण्डवान्.

Verse 79 (8.6.79)

कृतवर्मा महेष्वासः सात्वतानां महारथः । हतं वैकर्तनं दृष्ट्वा हार्दिक्यः किमभाषत ॥

kṛtavarmā maheṣvāsaḥ sātvatānāṃ mahārathaḥ | hataṃ vaikartanaṃ dṛṣṭvā hārdikyaḥ kimabhāṣata

Kritavarman the great archer, great car-warrior of the Satvatas, son of Hridika — what did he say on seeing Vaikartana slain?

Note on the text: Line 2 differs from CE 8.5.94c (CE: "karṇaṃ vinihataṃ dṛṣṭvā"), a recension variant.

Verse 80 (8.6.80)

ब्राह्मणाः क्षत्रिया वैश्या यस्य शिक्षामुपासते । धनुर्वेदं चिकीर्षन्तो द्रोणपुत्रस्य धीमतः ॥

brāhmaṇāḥ kṣatriyā vaiśyā yasya śikṣāmupāsate | dhanurvedaṃ cikīrṣanto droṇaputrasya dhīmataḥ

The wise son of Drona, at whose school of archery brahmins, kshatriyas and vaishyas all sit as students, wishing to learn the science of the bow —

Verse 81 (8.6.81)

युवा रूपेण सम्पन्नो दर्शनीयो महायशाः । अश्वत्थामा हते कर्णे किमभाषत सञ्जय ॥

yuvā rūpeṇa sampanno darśanīyo mahāyaśāḥ | aśvatthāmā hate karṇe kimabhāṣata sañjaya

Ashvatthama, young, handsome, pleasing to see, of great fame — what did he say when Karna was slain, Sanjaya?

Verse 82 (8.6.82)

आचार्यो यो धनुर्वेदे गौतमो रथसत्तमः । कृपः शारद्वतस्तात हते कर्णे किमब्रवीत् ॥

ācāryo yo dhanurvede gautamo rathasattamaḥ | kṛpaḥ śāradvatastāta hate karṇe kimabravīt

Kripa Sharadvata, Gautama, the teacher of archery and best of car-warriors — what did he say, dear one, when Karna was slain?

Note on the text: Line 1 differs from CE 8.5.97a (CE: "ācāryatvaṃ dhanurvede gataḥ paramatattvavit"), a recension variant.

Verse 83 (8.6.83)

मद्रराजो महेष्वासः शल्यः समितिशोभनः । दृष्ट्वा विनिहतं कर्णं सारथ्ये रथिनां वरः । किमभाषत सौवीरो मद्राणामधिपो बली ॥

madrarājo maheṣvāsaḥ śalyaḥ samitiśobhanaḥ | dṛṣṭvā vinihataṃ karṇaṃ sārathye rathināṃ varaḥ | kimabhāṣata sauvīro madrāṇāmadhipo balī

Shalya, king of Madra, the great archer, the ornament of assemblies, best of car-warriors, who served as Karna's charioteer — seeing Karna slain, what did that Sauvira, the mighty lord of the Madras, say?

Note on the text: Line 1 = CE 8.5.98a; line 2 differs from CE 8.5.98c ("diṣṭaṃ tena hi tat sarvaṃ yathā karṇo nipātitaḥ"); line 3 = CE star passage 8.5.98d*0060_01.

Verse 84 (8.6.84)

दृष्ट्वा विनिहतं सर्वे योधा वारणदुर्जयाः । ये च केचन राजानः पृथिव्यां योद्धुमागताः । वैकर्तनं हतं दृष्ट्वा कान्यभाषन्त सञ्जय ॥

dṛṣṭvā vinihataṃ sarve yodhā vāraṇadurjayāḥ | ye ca kecana rājānaḥ pṛthivyāṃ yoddhumāgatāḥ | vaikartanaṃ hataṃ dṛṣṭvā kānyabhāṣanta sañjaya

Seeing him slain, all the warriors who could withstand even elephants, and whatever kings had come to fight on the earth — seeing Vaikartana slain, what did they say, Sanjaya?

Note on the text: Corrected केन → केचन (misprint in Wikisource; the phrase is ये च केचन 'whatever kings'; CE 8.5.99a "ke cana"). Corrected योद्वुमागताः → योद्धुमागताः (misprint in Wikisource; द्व for द्ध; CE 8.5.99a योद्धुम्). Corrected दृष्टवा → दृष्ट्वा (misprint in Wikisource; broken conjunct; CE 8.5.99c दृष्ट्वा). Line 1 is CE star passage 8.5.98d*0061_01; lines 2–3 = CE 8.5.99a, c.

Verse 85 (8.6.85)

द्रोणे तु निहते वीरे रथव्याघ्रे नरर्षभे । के वा मुखमनीकानामासन्सञ्जय भागशः ॥

droṇe tu nihate vīre rathavyāghre nararṣabhe | ke vā mukhamanīkānāmāsansañjaya bhāgaśaḥ

When Drona, the hero, tiger among charioteers and bull among men, had been slain, who, Sanjaya, stood at the head of the divisions, section by section?

Note on the text: Line 1 differs from CE 8.5.100a (CE: "karṇe tu nihate vīre"), a recension variant (Wikisource names Drona).

Verse 86 (8.6.86)

मद्रराजः कथं शल्यो नियुक्तो रथिनां वरः । वैकर्तनस्य सारथ्ये तन्ममाचक्ष्व सञ्जय ॥

madrarājaḥ kathaṃ śalyo niyukto rathināṃ varaḥ | vaikartanasya sārathye tanmamācakṣva sañjaya

How was Shalya, king of Madra, best of car-warriors, appointed as Vaikartana's charioteer? Tell me that, Sanjaya.

Verse 87 (8.6.87)

केऽरक्षन्दक्षिणं चक्रं सूतपुत्रस्य युध्यतः । वामं चक्रं ररक्षुर्वा के वा वीरस्य पृष्ठतः ॥

ke'rakṣandakṣiṇaṃ cakraṃ sūtaputrasya yudhyataḥ | vāmaṃ cakraṃ rarakṣurvā ke vā vīrasya pṛṣṭhataḥ

Who guarded the right wheel of the Suta's son as he fought? Who guarded the left wheel? And who stood behind the hero?

Note on the text: Line 2 differs slightly from CE 8.5.102c (CE: "vāmaṃ cakraṃ rarakṣur vā").

Verse 88 (8.6.88)

के कर्णं न जहुः शूराः के क्षुद्राः प्राद्रवंस्ततः । कथं च वः समेतानां हतः कर्णो महारथः ॥

ke karṇaṃ na jahuḥ śūrāḥ ke kṣudrāḥ prādravaṃstataḥ | kathaṃ ca vaḥ sametānāṃ hataḥ karṇo mahārathaḥ

Which heroes did not abandon Karna, and which wretches fled from there? And how was Karna the great car-warrior slain while you were all together?

Verse 89 (8.6.89)

पाण्डवाश्च स्वयं शूराः प्रत्युदीयुर्महारथाः । सृजन्तः शरवर्षाणि वारिधारा इवाम्बुदाः ॥

pāṇḍavāśca svayaṃ śūrāḥ pratyudīyurmahārathāḥ | sṛjantaḥ śaravarṣāṇi vāridhārā ivāmbudāḥ

And how did the Pandavas themselves, heroic great car-warriors, advance against him, loosing showers of arrows like clouds pouring streams of rain?

Note on the text: Recension variant: Wikisource lines differ from CE 8.5.104 (CE: "pāṇḍavāś ca kathaṃ śūrāḥ pratyudīyur mahāratham"). The word "how" in the translation is the कथम् that the page's commentary supplies.

Verse 90 (8.6.90)

स च सर्पमुखो दिव्यो महेषुप्रवरस्तदा । व्यर्थः कथं समभवत्तन्ममाचक्ष्व सञ्जय ॥

sa ca sarpamukho divyo maheṣupravarastadā | vyarthaḥ kathaṃ samabhavattanmamācakṣva sañjaya

And how did that divine serpent-mouthed arrow, the finest of great arrows, then prove useless? Tell me that, Sanjaya.

Note on the text: Corrected स़ञ्जय → सञ्जय (misprint in Wikisource; a stray nukta under स).

Verse 91 (8.6.91)

मामकस्यास्य सैन्यस्य हतोत्सेधस्य सञ्जय । अवशेषं न पश्यामि ककुदे मृदिते सति ॥

māmakasyāsya sainyasya hatotsedhasya sañjaya | avaśeṣaṃ na paśyāmi kakude mṛdite sati

With this army of mine robbed of its pride and its chief crushed, I see nothing of it left, Sanjaya.

Note on the text: Matches CE 8.5.106 (the input had no match); line 1 reads "हतोत्सेधस्य" against CE "hṛtotsedhasya".

Verse 92 (8.6.92)

तौ हि वीरौ महेष्वासौ मदर्थे त्यक्तजीवितौ । भीष्मद्रोणौ हतौ श्रुत्वा को न्वर्थो जीवितेन मे ॥

tau hi vīrau maheṣvāsau madarthe tyaktajīvitau | bhīṣmadroṇau hatau śrutvā ko nvartho jīvitena me

Those two heroes, great archers, gave up their lives for my sake; having heard that Bhishma and Drona are slain, what use is life to me?

Note on the text: Corrected त्यक्तजीवीतौ → त्यक्तजीवितौ (misprint in Wikisource; long ī for short i; the word is जीवित, as in CE 8.5.107c जीवितेन). Line 1 is a recension variant of CE 8.5.107a (CE: "kurusattamau"); the input had no match for this verse.

Verse 93 (8.6.93)

पुनः पुनर्न मृष्यामि वधं कर्णस्य पाण्डवैः । यस्य बाह्वोर्बलं तुल्यं कुञ्जराणां शतं शतम् ॥

punaḥ punarna mṛṣyāmi vadhaṃ karṇasya pāṇḍavaiḥ | yasya bāhvorbalaṃ tulyaṃ kuñjarāṇāṃ śataṃ śatam

Again and again I cannot bear Karna's death at the hands of the Pandavas, Karna whose arms had the strength of a hundred times a hundred elephants.

Note on the text: Line 1 differs from CE 8.5.108a (CE: "na mṛṣyāmi ca rādheyaṃ hatam āhavaśobhinam"); line 2 = CE 8.5.108c. The input had no match for this verse.

Verse 94 (8.6.94)

द्रोणे हते च यद्वृत्तं कौरवाणां परैः सह । सङ्घामे नरवीराणां तन्ममाचक्ष्व सञ्जय ॥

droṇe hate ca yadvṛttaṃ kauravāṇāṃ paraiḥ saha | saṅghāme naravīrāṇāṃ tanmamācakṣva sañjaya

Tell me, Sanjaya, what befell the Kauravas and their enemies in the battle, the heroes among men, after Drona was slain.

Verse 95 (8.6.95)

यथा कर्णश्च कौन्तेयैः सह युद्धमयोजयत् । तथा च द्विषतां हन्ता रणे शान्तस्तदुच्यताम् ॥

yathā karṇaśca kaunteyaiḥ saha yuddhamayojayat | tathā ca dviṣatāṃ hantā raṇe śāntastaducyatām

Tell me also how Karna joined battle with the sons of Kunti, and how that slayer of his enemies came to rest in the fight.