Bhima Slays Kshemadhurti

Verse 1 (8.9.1)

ते सेनेऽन्योन्यमासाद्य प्रहृष्टाश्वनरद्विपे । बृहत्यौ सम्प्रजहाते देवासुरचमूसमे ॥

te sene'nyonyamāsādya prahṛṣṭāśvanaradvipe | bṛhatyau samprajahāte devāsuracamūsame

Those two vast armies, with their elephants, horses and men in high spirits, came together and fought each other like the armies of the gods and the asuras.

Verse 2 (8.9.2)

ततो नानारथाश्वेभाः पत्तयश्चोग्रविक्रमाः । सम्प्रहारान्भृशं चक्रुर्देहपाप्मविनाशनान् ॥

tato nānārathāśvebhāḥ pattayaścogravikramāḥ | samprahārānbhṛśaṃ cakrurdehapāpmavināśanān

Then men on chariots, horses and elephants of every kind, and fierce foot-soldiers, joined in violent clashes that wipe away the sin of the body.

Note on the text: Variant of CE 8.8.2 (CE: tato gajā rathāś cāśvāḥ pattayaś ca mahāhave / saṃprahāraṃ paraṃ cakrur dehapāpmapraṇāśanam); the automatic alignment found no match.

Verse 3 (8.9.3)

पूर्णचन्द्रार्कपद्मानां कान्तित्विड्गन्धतः समैः । उत्तमाङ्गैर्नृसिंहानां नृसिंहास्तस्तरुर्महीम् ॥

pūrṇacandrārkapadmānāṃ kāntitviḍgandhataḥ samaiḥ | uttamāṅgairnṛsiṃhānāṃ nṛsiṃhāstastarurmahīm

The lions among men covered the earth with the heads of other lions among men, heads that rivalled the full moon, the sun and the lotus in beauty, radiance and fragrance.

Note on the text: Corrected त्विङ्गन्धतः → त्विड्गन्धतः (misprint in Wikisource; ङ् for ड्; the word is त्विट् + गन्धतः, CE tviḍgandhataḥ).

Verse 4 (8.9.4)

अर्धचन्द्रैस्तथा भल्लैः क्षुरप्रैरसिपट्टसैः । परश्वथैश्चापहृतान्युत्तमाङ्गानि युध्यताम् ॥

ardhacandraistathā bhallaiḥ kṣuraprairasipaṭṭasaiḥ | paraśvathaiścāpahṛtānyuttamāṅgāni yudhyatām

With crescent-headed arrows, broad-headed arrows, razor-edged arrows, swords, pattisas and axes, the heads of the fighting men were struck off.

Verse 5 (8.9.5)

व्यायतायतबाहूनां व्यायतायतबाहुभिः । वाहवः पातिता रेजुर्धरण्यां सायुधाङ्गदैः ॥

vyāyatāyatabāhūnāṃ vyāyatāyatabāhubhiḥ | vāhavaḥ pātitā rejurdharaṇyāṃ sāyudhāṅgadaiḥ

The long, sturdy arms of men with long, sturdy arms were cut down by others with arms as long and sturdy; lying on the ground with their weapons and armlets still on them, they gleamed.

Note on the text: Variant of CE 8.8.5 (CE line 2: vyāyatā bāhavaḥ petuś chinnamuṣṭyāyudhāṅgadāḥ); the automatic alignment found no match.

Verse 6 (8.9.6)

तैः स्फुरद्भिर्मही भाति रक्ताङ्गुलितलैस्तथा । गरुडप्रहितैरुग्रैः पञ्चास्यैरुरगैरिव ॥

taiḥ sphuradbhirmahī bhāti raktāṅgulitalaistathā | garuḍaprahitairugraiḥ pañcāsyairuragairiva

With those twitching arms, their fingers and palms red with blood, the earth looked as if it were covered with fierce five-headed serpents flung down by Garuda.

Verse 7 (8.9.7)

द्विरदस्यन्दनाश्वेभ्यः पेतुर्वीरा द्विषद्धताः । विमानेभ्यो यथा क्षीणे पुण्ये स्वर्गसदस्तथा ॥

dviradasyandanāśvebhyaḥ peturvīrā dviṣaddhatāḥ | vimānebhyo yathā kṣīṇe puṇye svargasadastathā

Heroes slain by their enemies fell from elephants, chariots and horses, like the dwellers in heaven falling from their celestial cars when their merit is spent.

Note on the text: Corrected स्वर्गदस्तथा → स्वर्गसदस्तथा (misprint in Wikisource; dropped syllable; स्वर्गद "giver of heaven" does not fit, CE svargasadas "dwellers in heaven").

Verse 8 (8.9.8)

गदाभिरन्ये गुर्वीभिः परिधैर्मुसलैरपि । पोथिताः शतशः पेतुर्वीरा वीरतरै रणे ॥

gadābhiranye gurvībhiḥ paridhairmusalairapi | pothitāḥ śataśaḥ peturvīrā vīratarai raṇe

Other heroes, pounded by still mightier heroes with heavy maces, iron clubs and pestles, fell by the hundred in the battle.

Verse 9 (8.9.9)

रथा रथैर्विमथिता मत्ता मत्तैर्द्विपा द्विपैः । सादिनः सादिभिश्चैव तस्मिन्परमसङ्कुले ॥

rathā rathairvimathitā mattā mattairdvipā dvipaiḥ | sādinaḥ sādibhiścaiva tasminparamasaṅkule

In that dreadful tangle, chariots were crushed by chariots, maddened elephants by elephants, and horsemen by horsemen.

Verse 10 (8.9.10)

रथैर्नरा रथा नागैरश्वारोहाश्च पत्तिभिः । अश्वारोहैः पदाताश्च निहता युधि शेरते ॥

rathairnarā rathā nāgairaśvārohāśca pattibhiḥ | aśvārohaiḥ padātāśca nihatā yudhi śerate

Men struck down by chariots, chariots by elephants, horsemen by foot-soldiers, and foot-soldiers by horsemen lay dead on the field.

Verse 11 (8.9.11)

रथाश्वपत्तयो नागै रथाश्वेभाश्च पत्तिभिः । रथपत्तिद्विपाश्चाश्वै रथैश्चापि नरद्विपाः ॥

rathāśvapattayo nāgai rathāśvebhāśca pattibhiḥ | rathapattidvipāścāśvai rathaiścāpi naradvipāḥ

Chariots, horses and foot-soldiers were felled by elephants; chariots, horses and elephants by foot-soldiers; chariots, foot-soldiers and elephants by horses; and men and elephants by chariots.

Note on the text: Corrected द्विपाश्चाश्चै → द्विपाश्चाश्वै (misprint in Wikisource; श्च for श्व; the sandhi is च + अश्वैः, "by horses").

Verse 12 (8.9.12)

रथाश्वेभनराणां तु नराश्वेभरथैः कृतम् । पाणिपादैश्च शस्त्रैश्च रथैश्च कदनं महत् ॥

rathāśvebhanarāṇāṃ tu narāśvebharathaiḥ kṛtam | pāṇipādaiśca śastraiśca rathaiśca kadanaṃ mahat

A great slaughter of chariots, horses, elephants and men was wrought by men, horses, elephants and chariots, with hands and feet, with weapons and with chariots.

Verse 13 (8.9.13)

तथा तस्मिन्बले शूरैर्वध्यमाने हतेऽपि च । अस्मानभ्याययुः पार्था वृकोदरपुरोगमाः ॥

tathā tasminbale śūrairvadhyamāne hate'pi ca | asmānabhyāyayuḥ pārthā vṛkodarapurogamāḥ

While the brave men of our army were being cut down in this way, and though many had already fallen, the Pandavas, with Bhima at their head, advanced against us.

Verse 14 (8.9.14)

धृष्टद्युम्नः शिखण्डी च द्रौपदेयाः प्रभद्रकाः । सात्यकिश्चेकितानश्च द्राविडैः सैनिकैः सह ॥

dhṛṣṭadyumnaḥ śikhaṇḍī ca draupadeyāḥ prabhadrakāḥ | sātyakiścekitānaśca drāviḍaiḥ sainikaiḥ saha

Dhrishtadyumna, Shikhandi, the sons of Draupadi, the Prabhadrakas, Satyaki and Chekitana, together with the Dravidian troops,

Note on the text: Corrected वृष्टद्युम्नः → धृष्टद्युम्नः (misprint in Wikisource; व for ध; the name is Dhrishtadyumna, CE dhṛṣṭadyumnaḥ).

Verse 15 (8.9.15)

वृता व्यूहेन महता पाण्ड्याश्चोलाः सकेरलाः । व्यूढोरस्का दीर्घभुजाः प्रांशवः पृथुलोचनाः ॥

vṛtā vyūhena mahatā pāṇḍyāścolāḥ sakeralāḥ | vyūḍhoraskā dīrghabhujāḥ prāṃśavaḥ pṛthulocanāḥ

enclosed in a great array of Pandyas, Cholas and Keralas, broad-chested, long-armed, tall and wide-eyed,

Note on the text: Variant of CE 8.8.15 (CE line 1: bhṛtā vittena mahatā pāṇḍyāś cauḍrāḥ sakeralāḥ; line 2 ends priyadarśanāḥ).

Verse 16 (8.9.16)

आपीडिनो रक्तदन्ता मत्तमातङ्गविक्रमाः । नानाविरागवसाना गन्धचूर्णावचूर्णिताः ॥

āpīḍino raktadantā mattamātaṅgavikramāḥ | nānāvirāgavasānā gandhacūrṇāvacūrṇitāḥ

wearing chaplets, red-toothed, with the prowess of rutting elephants, dressed in garments of many colours and dusted with fragrant powders,

Verse 17 (8.9.17)

बद्धासयः पाशहस्ता वारणप्रतिवारणाः । समानमृत्यवो राजन्नात्यजन्त परस्परम् ॥

baddhāsayaḥ pāśahastā vāraṇaprativāraṇāḥ | samānamṛtyavo rājannātyajanta parasparam

with swords bound on and nooses in hand, a match for charging elephants, sharing one fate in death, O king, they never forsook one another.

Verse 18 (8.9.18)

कलापिनश्चापहस्ता दीर्घकेशाः प्रियंवदाः । पत्तयः सायकैर्विद्धा घोररूपपराक्रमाः ॥

kalāpinaścāpahastā dīrghakeśāḥ priyaṃvadāḥ | pattayaḥ sāyakairviddhā ghorarūpaparākramāḥ

Those foot-soldiers, quivers on their backs and bows in hand, long-haired, soft-spoken, terrible in form and prowess, were pierced by arrows.

Verse 19 (8.9.19)

अथापरे पुनः शूराश्चेदिपाञ्चालकेकयाः । कारूषाः कोसलाः काश्याः मागधाश्चापि दुद्रुवुः ॥

athāpare punaḥ śūrāścedipāñcālakekayāḥ | kārūṣāḥ kosalāḥ kāśyāḥ māgadhāścāpi dudruvuḥ

Meanwhile other heroes, the Chedis, Panchalas and Kekayas, the Karushas, Kosalas, Kashis and Magadhas, also rushed forward.

Note on the text: Corrected कारूशाः → कारूषाः (misprint in Wikisource; श for ष; the people are the Karushas). Corrected काञ्च्या → काश्याः (misprint in Wikisource (ञ्च्य for श्य) with the visarga lost; the Kashis, CE kāśyāḥ).

Verse 20 (8.9.20)

तेषां रथाश्वनागाश्च प्रवराश्चोग्रपत्तयः । नानाबाणरवैर्हृष्टा नृत्यन्ति च हसन्ति च ॥

teṣāṃ rathāśvanāgāśca pravarāścograpattayaḥ | nānābāṇaravairhṛṣṭā nṛtyanti ca hasanti ca

Their chariots, horses and elephants, and their finest, fierce foot-soldiers, thrilled by the din of arrows of every kind, danced and laughed.

Verse 21 (8.9.21)

तस्य सैन्यस्य महतो महामात्रवरैर्वृतः । मध्ये वृकोदरोऽभ्यायात्त्वदीयान्नागधूर्गतः ॥

tasya sainyasya mahato mahāmātravarairvṛtaḥ | madhye vṛkodaro'bhyāyāttvadīyānnāgadhūrgataḥ

Mounted on an elephant and surrounded by the finest mahouts, Vrikodara advanced into the middle of that vast host, against your men.

Verse 22 (8.9.22)

स नागप्रवरोऽत्युग्रो विधिवत्कल्पितो बभौ । उदयाग्राद्रिभवनं यथाऽभ्युदितभास्करम् ॥

sa nāgapravaro'tyugro vidhivatkalpito babhau | udayāgrādribhavanaṃ yathā'bhyuditabhāskaram

That huge and fearsome elephant, duly equipped, shone like the eastern mountain of the dawn when the sun has just risen upon it.

Verse 23 (8.9.23)

तस्यायसं वर्मवरं वररत्नविभूषितम् । ताराव्याप्तस्य नभसः शारदस्य समं त्विषा ॥

tasyāyasaṃ varmavaraṃ vararatnavibhūṣitam | tārāvyāptasya nabhasaḥ śāradasya samaṃ tviṣā

His iron armour, adorned with the finest jewels, gleamed like the autumn sky when it is full of stars.

Verse 24 (8.9.24)

स तोमरव्यग्रकरश्चारुमौलिः स्वलङ्कृतः । शरन्मध्यन्दिनार्काभस्तेजसा प्रादहद्रिपून् ॥

sa tomaravyagrakaraścārumauliḥ svalaṅkṛtaḥ | śaranmadhyandinārkābhastejasā prādahadripūn

With a tomara poised in his restless hand, a fine crest on his head and splendid ornaments, he blazed like the autumn sun at noon and burned his enemies with his radiance.

Note on the text: Corrected तेजया → तेजसा (misprint in Wikisource for तेजसा; CE tejasā). Corrected प्रदाहद्रिपून् → प्रादहद्रिपून् (misprint in Wikisource; letters transposed; the verb is प्रादहत् "he burned" (CE vyadahat)).

Verse 25 (8.9.25)

तं दृष्ट्वा द्विरदं दूरात्क्षेमधूर्तिर्द्विपस्थितः । आह्वयन्नभिदुद्राव प्रहसन्पृतनामुखे ॥

taṃ dṛṣṭvā dviradaṃ dūrātkṣemadhūrtirdvipasthitaḥ | āhvayannabhidudrāva prahasanpṛtanāmukhe

Seeing that elephant from afar, Kshemadhurti, seated on an elephant himself, laughing at the head of his army, rushed at him with a challenge.

Note on the text: Corrected द्विपस्थित → द्विपस्थितः (misprint in Wikisource; visarga lost; CE dvipasthitaḥ).

Verse 26 (8.9.26)

तयोः समभवद्युद्धं द्विपयोरुग्ररूपयोः । यदृच्छया द्रुतवतोर्महापर्वतयोरिव ॥

tayoḥ samabhavadyuddhaṃ dvipayorugrarūpayoḥ | yadṛcchayā drutavatormahāparvatayoriva

A battle began between the two fierce elephants, as if two great mountains had set out to charge each other of their own accord.

Verse 27 (8.9.27)

संसक्तनागौ तौ वीरौ तोमरैरितरेतरम् । बलवत्सूर्यरश्म्याभैर्भित्त्वाऽन्योन्यं विनेदतुः ॥

saṃsaktanāgau tau vīrau tomarairitaretaram | balavatsūryaraśmyābhairbhittvā'nyonyaṃ vinedatuḥ

The two heroes, their elephants locked together, pierced each other with tomaras that blazed like the rays of the sun, and roared.

Verse 28 (8.9.28)

व्यपसृत्य तु नागाभ्यां मण्डलानि विचेरतुः । प्रगृह्य चोभौ धनुषी जघ्नतुर्वै परस्परम् ॥

vyapasṛtya tu nāgābhyāṃ maṇḍalāni viceratuḥ | pragṛhya cobhau dhanuṣī jaghnaturvai parasparam

Drawing their elephants apart, they rode them in circles, and, taking up their bows, struck at each other.

Verse 29 (8.9.29)

क्ष्वेडितास्फोटितरवैर्बाणशब्दैस्तु सर्वतः । तौ जनं हर्षयन्तौ च सिंहनादं प्रचक्रतुः ॥

kṣveḍitāsphoṭitaravairbāṇaśabdaistu sarvataḥ | tau janaṃ harṣayantau ca siṃhanādaṃ pracakratuḥ

With shouts and the slapping of arms, and with the whistling of arrows on every side, those two, delighting the onlookers, raised lion-roars.

Verse 30 (8.9.30)

समुद्यतकराभ्यां तौ द्विपाभ्यां कृतिनावुभौ । वातोद्वूतपताकाभ्यां युयुधाते महाबलौ ॥

samudyatakarābhyāṃ tau dvipābhyāṃ kṛtināvubhau | vātodvūtapatākābhyāṃ yuyudhāte mahābalau

Both were skilled and mighty, on elephants with trunks raised and banners streaming in the wind, and they fought on.

Verse 31 (8.9.31)

तावन्योन्यस्य धनुषी छित्त्वाऽन्योन्यं विनेदतुः । शक्तितोमरवर्षेण प्रावृण्मेघाविवाम्बुभिः ॥

tāvanyonyasya dhanuṣī chittvā'nyonyaṃ vinedatuḥ | śaktitomaravarṣeṇa prāvṛṇmeghāvivāmbubhiḥ

Each cut the other's bow and roared at him, and they showered each other with spears and tomaras, like two rain clouds pouring water.

Verse 32 (8.9.32)

क्षेमधूर्तिस्तदा भीमं तोमरेण स्तनान्तरे । निर्बिभेदातिवेगेन षड्भिश्चाप्यपरैर्नदन् ॥

kṣemadhūrtistadā bhīmaṃ tomareṇa stanāntare | nirbibhedātivegena ṣaḍbhiścāpyaparairnadan

Then Kshemadhurti, roaring, struck Bhima in the chest with a tomara, with great force, and with six more.

Verse 33 (8.9.33)

स भीमसेनः शुशुभे तोमरैरङ्गमाश्रितैः । क्रोधदीप्तवपुर्मेधैः सप्तसप्तिरिवांशमान् ॥

sa bhīmasenaḥ śuśubhe tomarairaṅgamāśritaiḥ | krodhadīptavapurmedhaiḥ saptasaptirivāṃśamān

With the tomaras lodged in his body, Bhimasena, his frame ablaze with anger, shone like the seven-horsed sun among the clouds.

Verse 34 (8.9.34)

ततो भास्करवर्णाभमञ्जोगतिमयस्मयम् । ससर्ज तोमरं भीमः प्रत्यमित्राय यत्नवान् ॥

tato bhāskaravarṇābhamañjogatimayasmayam | sasarja tomaraṃ bhīmaḥ pratyamitrāya yatnavān

Then, carefully, Bhima hurled at his enemy a tomara of iron that flew straight, gleaming like the sun.

Note on the text: Corrected मञ्चोगतिमयस्मायम् → मञ्जोगतिमयस्मयम् (misprint in Wikisource; ञ्च for ञ्ज (CE añjogati, glossed ऋजुगति "straight-flying"), and अयस्माय for अयस्मय "made of iron"). The Wikisource commentary glosses the word as अञ्जोगतिं ऋजुगतिम्.

Verse 35 (8.9.35)

ततः करूषाधिपतिश्चापमानम्य सायकैः । दशभिस्तोमरं भित्त्वा षष्ट्या विव्याध पाण्डवम् ॥

tataḥ karūṣādhipatiścāpamānamya sāyakaiḥ | daśabhistomaraṃ bhittvā ṣaṣṭyā vivyādha pāṇḍavam

Then the lord of the Karushas, bending his bow, cut the tomara with ten arrows and pierced the Pandava with sixty.

Note on the text: Corrected करूशाधिपति → करूषाधिपति (misprint in Wikisource; श for ष; the Karushas). Where the critical edition has kulūtādhipatiḥ (lord of the Kulutas), Wikisource has the Karusha king.

Verse 36 (8.9.36)

अथ कार्मुकमादाय भीमो जलदनिः स्वनम् । रिपोरभ्यर्दयन्नागमुन्नदन्पाण्डवः शरैः ॥

atha kārmukamādāya bhīmo jaladaniḥ svanam | riporabhyardayannāgamunnadanpāṇḍavaḥ śaraiḥ

Then Bhima took up a bow that rumbled like a thundercloud, and, roaring, harassed his enemy's elephant with arrows.

Note on the text: Corrected पाण्डवाः → पाण्डवः (misprint in Wikisource; ā for visarga; the subject is the single Pandava, Bhima, CE pāṇḍavaḥ).

Verse 37 (8.9.37)

स शरौघार्दितो नागो भीमसेनेन संयुगे । गृह्यमाणोऽपि नातिष्ठद्वातोद्धूत इवाम्बुदः ॥

sa śaraughārdito nāgo bhīmasenena saṃyuge | gṛhyamāṇo'pi nātiṣṭhadvātoddhūta ivāmbudaḥ

Tormented by that flood of arrows from Bhimasena in the battle, the elephant could not stand firm, though it was being held back, like a cloud tossed by the wind.

Verse 38 (8.9.38)

तमभ्यधावद्द्विरदं भीमो भीमस्य नागराट् । महावातेरितं मेघं वातोद्धूत इवाम्बुदः ॥

tamabhyadhāvaddviradaṃ bhīmo bhīmasya nāgarāṭ | mahāvāteritaṃ meghaṃ vātoddhūta ivāmbudaḥ

Bhima's own fearsome king of elephants then charged at that elephant, as a cloud blown by the wind charges a cloud driven by a great gale.

Verse 39 (8.9.39)

सन्निवार्यात्मनो नागं क्षेमधूर्तिः प्रतापवान् । विव्याधाभिद्रुतं बाणैर्भीमसेनस्य कुञ्जरम् ॥

sannivāryātmano nāgaṃ kṣemadhūrtiḥ pratāpavān | vivyādhābhidrutaṃ bāṇairbhīmasenasya kuñjaram

The mighty Kshemadhurti turned his own elephant about and, as Bhimasena charged on his elephant, pierced both of them with arrows.

Verse 40 (8.9.40)

ततः साधुविसृष्टेन क्षुरेणानतपर्वणा । छित्त्वा शरासनं शत्रोर्नागं चापि प्रमार्दयत् ॥

tataḥ sādhuvisṛṣṭena kṣureṇānataparvaṇā | chittvā śarāsanaṃ śatrornāgaṃ cāpi pramārdayat

Then, with a well-aimed razor-headed arrow with a bent joint, he cut his enemy's bow and crushed the elephant as well.

Verse 41 (8.9.41)

ततः क्रुद्धो रणे भीमं क्षेमधूर्तिः पराभिनत् । जघान चास्य द्विरदं नाराचैः सर्वमर्मसु ॥

tataḥ kruddho raṇe bhīmaṃ kṣemadhūrtiḥ parābhinat | jaghāna cāsya dviradaṃ nārācaiḥ sarvamarmasu

Then, in fury, Kshemadhurti wounded Bhima in the battle, and with arrows struck his elephant in every vital spot.

Verse 42 (8.9.42)

स पपात महानागो भीमसेनस्य भारत । पुरा नागस्य पतनादवप्लुत्य स्थितो महीम् ॥

sa papāta mahānāgo bhīmasenasya bhārata | purā nāgasya patanādavaplutya sthito mahīm

Bhimasena's great elephant fell, O Bharata; but before the elephant fell, Bhima had leaped down and was standing on the ground.

Note on the text: Line 1 is not in the critical edition's main text; it is star passage 8.8.41d*0079_01. Line 2 = CE 8.8.42a–b.

Verse 43 (8.9.43)

भीमसेनोऽपि तन्नागं गदया समपोथयत् । तस्मात्प्रमथितान्नागात्क्षेमधूर्तिरवप्लुतः ॥

bhīmaseno'pi tannāgaṃ gadayā samapothayat | tasmātpramathitānnāgātkṣemadhūrtiravaplutaḥ

Bhimasena struck that enemy elephant with his mace and crushed it; and Kshemadhurti leaped down from the elephant as it was being pounded.

Note on the text: Line 1 is a variant of CE 8.8.42c–d (bhīmaseno ripor nāgaṃ gadayā samapothayat); line 2 is a variant of CE 8.8.43a–b (tasmāt pramathitān nāgāt kṣemadhūrtim avadrutam).

Verse 44 (8.9.44)

उद्धृत्य खड्गं निशितमभ्यधावत्स पाण्डवम् । उद्यतायुधमायान्तं गदयाऽहन्वृकोदरः ॥

uddhṛtya khaḍgaṃ niśitamabhyadhāvatsa pāṇḍavam | udyatāyudhamāyāntaṃ gadayā'hanvṛkodaraḥ

Drawing a keen sword, he ran at the Pandava; and Vrikodara struck him down with his mace as he came on with the weapon raised.

Note on the text: Removed stray wiki quote mark (backtick). Removed stray wiki quote mark (apostrophe). Corrected स्वङ्गं → खड्गं (misprint in Wikisource; स्वङ्ग is not a word here, the CE star passage reads khaḍgaṃ "sword"). Corrected सदयाऽहन् → गदयाऽहन् (misprint in Wikisource; सदया "with compassion" makes no sense, CE gadayāhan "struck with his mace"). Line 1 is star passage 8.8.43b*0080_01 (not in the critical edition's main text); line 2 = CE 8.8.43c–d.

Verse 45 (8.9.45)

स पपात हतः सासिर्व्यसुस्तमभितो द्विपम् । वज्रप्रभग्नमचलं सिंहो वज्रहतो यथा ॥

sa papāta hataḥ sāsirvyasustamabhito dvipam | vajraprabhagnamacalaṃ siṃho vajrahato yathā

Struck down, lifeless, with his sword still in hand, he fell beside the elephant, like a lion slain by a thunderbolt beside a mountain the thunderbolt has shattered.

Verse 46 (8.9.46)

तं हतं नृपतिं दृष्ट्वा करूषाणां यशस्करम् । प्राद्रावद्व्यथिता सेना त्वदीया भरतर्षभ ॥

taṃ hataṃ nṛpatiṃ dṛṣṭvā karūṣāṇāṃ yaśaskaram | prādrāvadvyathitā senā tvadīyā bharatarṣabha

Seeing the king, the glory of the Karushas, slain, your army, O best of the Bharatas, fled in distress.

Note on the text: Corrected करूशानां → करूषाणां (misprint in Wikisource; श for ष, and ण after ष; the Karushas). Where the critical edition has kulūtānām (of the Kulutas), Wikisource has the Karushas.