The Pandavas Set Out on the Great Departure

Verse 1 (17.1.1)

एवं वृष्ण्यन्धककुले श्रुत्वा मौसलमाहवम् । पाण्डवाः किमकुर्वन्त तथा कृष्णे दिवं गते ॥

evaṃ vṛṣṇyandhakakule śrutvā mausalamāhavam | pāṇḍavāḥ kimakurvanta tathā kṛṣṇe divaṃ gate

Having heard of the battle of the clubs among the Vrishnis and Andhakas, what did the Pandavas do after Krishna had gone to heaven?

Verse 2 (17.1.2)

श्रुत्वैवं कौरवो राजा वृष्णीनां कदनं महत् । प्रस्थाने मतिमाधाय वाक्यमर्जुनमब्रवीत् ॥

śrutvaivaṃ kauravo rājā vṛṣṇīnāṃ kadanaṃ mahat | prasthāne matimādhāya vākyamarjunamabravīt

On hearing of the great destruction of the Vrishnis, the Kuru king fixed his mind on departing and said to Arjuna:

Verse 3 (17.1.3)

कालः पचति भूतानि सर्वाण्येव महामते । कालपाशमहं मन्ये त्वमपि द्रष्टुमर्हसि ॥

kālaḥ pacati bhūtāni sarvāṇyeva mahāmate | kālapāśamahaṃ manye tvamapi draṣṭumarhasi

"Time ripens all beings, O wise one. I regard this as the noose of Time; you too ought to see it so."

Note on the text: Corrected भतानि → भूतानि (misprint in Wikisource; a dropped ū; CE bhūtāni).

Verse 4 (17.1.4)

इत्युक्तः स तु कौन्तेयः कालः काल इति ब्रुवन् । अन्वपद्यत तद्वाक्यं भ्रातुर्ज्येष्ठस्य धीमतः ॥

ityuktaḥ sa tu kaunteyaḥ kālaḥ kāla iti bruvan | anvapadyata tadvākyaṃ bhrāturjyeṣṭhasya dhīmataḥ

Thus addressed, the son of Kunti repeated, "Time! Time!" and agreed with the words of his wise elder brother.

Verse 5 (17.1.5)

अर्जुनस्य मतं ज्ञात्वा भीमसेनो यमौ तथा । अन्वपद्यन्त तद्वाक्यं यदुक्तं सव्यसाचिना ॥

arjunasya mataṃ jñātvā bhīmaseno yamau tathā | anvapadyanta tadvākyaṃ yaduktaṃ savyasācinā

Knowing Arjuna's mind, Bhimasena and the twins also agreed with what Savyasachin had said.

Verse 6 (17.1.6)

ततो युयुत्सुमानाय्य प्रव्रजन्धर्मकाम्यया । राज्यं परिददौ सर्वं वैश्यापुत्रे युधिष्ठिरः ॥

tato yuyutsumānāyya pravrajandharmakāmyayā | rājyaṃ paridadau sarvaṃ vaiśyāputre yudhiṣṭhiraḥ

Then Yudhishthira, going forth out of a desire for dharma, summoned Yuyutsu and gave the whole kingdom into the keeping of the son of the Vaishya woman.

Verse 7 (17.1.7)

अभिषिच्य स्वराज्ये च राजानं च परिक्षितम् । दुःखार्तश्चाब्रवीद्राजा सुभद्रां पाण्डवाग्रजः ॥

abhiṣicya svarājye ca rājānaṃ ca parikṣitam | duḥkhārtaścābravīdrājā subhadrāṃ pāṇḍavāgrajaḥ

Having consecrated Parikshit as king in his own kingdom, the eldest of the Pandavas, afflicted with grief, spoke to Subhadra:

Note on the text: Corrected अभिंषिच्य → अभिषिच्य (misprint in Wikisource; a stray anusvara).

Verse 8 (17.1.8)

एष पुत्रस्य पुत्रस्ते कुरुराजो भविष्यति । यदूनां परिशेषश्च वज्रो राजा कृतश्च ह ॥

eṣa putrasya putraste kururājo bhaviṣyati | yadūnāṃ pariśeṣaśca vajro rājā kṛtaśca ha

"This son of your son will be the king of the Kurus. And Vajra, the remnant of the Yadus, has been made king."

Verse 9 (17.1.9)

परिक्षिद्धास्तिनपुरे शक्रप्रस्थे च यादवः । वज्रो राजा त्वया रक्ष्यो मा चाधर्मे मनः कृथाः ॥

parikṣiddhāstinapure śakraprasthe ca yādavaḥ | vajro rājā tvayā rakṣyo mā cādharme manaḥ kṛthāḥ

"Parikshit is at Hastinapura, and the Yadava Vajra at Shakraprastha. King Vajra must be protected by you; and do not set your mind on unrighteousness."

Verse 10 (17.1.10)

इत्युक्त्वा धर्मराजः स वासुदेवस्य धीमतः । मातुलस्य च वृद्धस्य रामादीनां तथैव च ॥

ityuktvā dharmarājaḥ sa vāsudevasya dhīmataḥ | mātulasya ca vṛddhasya rāmādīnāṃ tathaiva ca

Having said this, the king of dharma turned to the rites for the wise Vasudeva, for his aged maternal uncle, and likewise for Rama and the others.

Note on the text: Corrected धर्मराजाः → धर्मराजः (misprint in Wikisource; a wrong long ā for the visarga; CE dharmarājaḥ). Corrected रामदीनां → रामादीनां (misprint in Wikisource; a dropped ā; CE rāmādīnām).

Verse 11 (17.1.11)

भ्रातृभिः सह धर्मात्मा कृत्वोदकमतन्द्रितः । श्राद्धान्युद्दिश्य सर्वेषां चकार विधिवत्तदा ॥

bhrātṛbhiḥ saha dharmātmā kṛtvodakamatandritaḥ | śrāddhānyuddiśya sarveṣāṃ cakāra vidhivattadā

Together with his brothers, the righteous-souled king tirelessly offered the water-libations, and then duly performed the shraddha rites in the names of them all.

Note on the text: Corrected श्राद्धान्यद्दिश्य → श्राद्धान्युद्दिश्य (misprint in Wikisource; uddiśya is the word; CE uddiśya). Corrected विदिवत्तदा → विधिवत्तदा (misprint in Wikisource; dropped aspirate; CE vidhivat). Wikisource reads भ्रातृभिः सह where the critical edition has mātṛbhiḥ saha (recension variant, kept).

Verse 12 (17.1.12)

द्वैपायनं नारदं च मार्कण्डेयं तपोधनम् । भारद्वाजं याज्ञवल्क्यं हरिमुद्दिश्य यत्नवान् । अभोजयत्स्वादु भोज्यं कीर्तयित्वा च शार्ङ्गिणं ॥

dvaipāyanaṃ nāradaṃ ca mārkaṇḍeyaṃ tapodhanam | bhāradvājaṃ yājñavalkyaṃ harimuddiśya yatnavān | abhojayatsvādu bhojyaṃ kīrtayitvā ca śārṅgiṇaṃ

Making Dvaipayana, Narada, the ascetic Markandeya, Bharadvaja and Yajnavalkya, and Hari as well, the intention of the rite, he carefully fed the brahmins sweet and excellent food, praising the wielder of the Sharnga bow.

Note on the text: Not in the critical edition's text; it is a star passage there (*0003, lines 1-3, after 17.1.11d).

Verse 13 (17.1.13)

ददौ रत्नानि वासांसि ग्रामानश्वान्रथांस्तथा । स्त्रियश्च द्विजमुख्येभ्यस्तदा शतसहस्रशः ॥

dadau ratnāni vāsāṃsi grāmānaśvānrathāṃstathā | striyaśca dvijamukhyebhyastadā śatasahasraśaḥ

To the foremost of the brahmins he gave, by the hundred thousand, jewels, garments, villages, horses, chariots, and women attendants.

Verse 14 (17.1.14)

कृपमभ्यर्च्य च गुरुमथ पौरपुरस्कृतम् । आहूय भरतश्रेष्ठ संनिवेश्यासने तदा । शिष्यं परिक्षितं तस्मै ददौ भरतसत्तमः ॥

kṛpamabhyarcya ca gurumatha paurapuraskṛtam | āhūya bharataśreṣṭha saṃniveśyāsane tadā | śiṣyaṃ parikṣitaṃ tasmai dadau bharatasattamaḥ

Having honoured the preceptor Kripa, esteemed by the townsfolk, and summoning him, O best of the Bharatas, and seating him on a seat, that best of the Bharatas then gave Parikshit to him as his pupil.

Note on the text: Corrected तदौ → ददौ (misprint in Wikisource; a dropped aspirate; CE dadau). Removed the stray backtick and quote mark round the middle line and the danda glued to it. CE 17.1.13 holds lines 1 and 3 (line 1 there reads gurum arthamānapuraskṛtam; Wikisource's गुरुमथ पौरपुरस्कृतम् is a recension variant, kept); the middle line is the CE star passage *0004 (after 17.1.13b).

Verse 15 (17.1.15)

ततस्तु प्रकृतीः सर्वाः समानाय्य युधिष्ठिरः । सर्वमाचष्ट राजर्षिकीर्षितमथात्मनः ॥

tatastu prakṛtīḥ sarvāḥ samānāyya yudhiṣṭhiraḥ | sarvamācaṣṭa rājarṣikīrṣitamathātmanaḥ

Then Yudhishthira assembled all the subjects and told them everything that the royal sage intended to do.

Verse 16 (17.1.16)

ते श्रुत्वैव वचस्तस्य पौरजानपदा जनाः । भृशमुद्विग्नमनसो नाभ्यनन्दन्त तद्वचः ॥

te śrutvaiva vacastasya paurajānapadā janāḥ | bhṛśamudvignamanaso nābhyanandanta tadvacaḥ

On hearing his words, the people of the city and the countryside, their minds greatly distressed, did not welcome what he said.

Note on the text: Corrected भृशमुद्विग्रमनसो → भृशमुद्विग्नमनसो (misprint in Wikisource; ग्र for ग्न; CE udvigna).

Verse 17 (17.1.17)

नैवं कर्तव्यमिति ते तदोचुस्तं जनाधिपम् । न च राजा तथाऽकार्षीत्कालपर्यायधर्मवित् ॥

naivaṃ kartavyamiti te tadocustaṃ janādhipam | na ca rājā tathā'kārṣītkālaparyāyadharmavit

"This should not be done," they said to the lord of men. But the king, who knew the law of time's turning, did not act as they asked.

Note on the text: Corrected कालपर्यायधर्मिवित् → कालपर्यायधर्मवित् (misprint in Wikisource; a stray ि; CE dharmavit).

Verse 18 (17.1.18)

ततोऽनुमान्य धर्मात्मा पौरजानपदं जनम् । गमनाय मतिं चक्रे कृष्णस्य गमनादपि ॥

tato'numānya dharmātmā paurajānapadaṃ janam | gamanāya matiṃ cakre kṛṣṇasya gamanādapi

Then the righteous-souled king, having won the consent of the people of the city and the countryside, made up his mind to depart, now that Krishna too had gone.

Verse 19 (17.1.19)

वर्तमाने विवादे तु वास्तुविक्रयिणं प्रति । धनेच्छा युगपत्प्राप्ता क्षेत्रतः स्वामिभूभृताम् ॥

vartamāne vivāde tu vāstuvikrayiṇaṃ prati | dhanecchā yugapatprāptā kṣetrataḥ svāmibhūbhṛtām

As a quarrel was under way over the sale of a house-site, a desire for wealth arose all at once among the owners of fields and the kings alike.

Note on the text: Corrected क्षेत्रतस्वामिभूभृताम् → क्षेत्रतः स्वामिभूभृताम् (misprint in Wikisource; the visarga dropped, which made a meaningless compound; CE kṣetrataḥ svāmibhūbhṛtām). Removed the stray opening backtick. Not in the critical edition's text; it is a star passage there (*0005, lines 1-2, after 17.1.17d).

Verse 20 (17.1.20)

प्राप्तं कलियुगं ज्ञात्वा सहदेवो हसन्निव । राज्ञस्तु कथयामास धर्मो नष्टस्तु सङ्करः ॥

prāptaṃ kaliyugaṃ jñātvā sahadevo hasanniva | rājñastu kathayāmāsa dharmo naṣṭastu saṅkaraḥ

Knowing that the Kali age had arrived, Sahadeva, as if smiling, told the king: "Dharma is lost, and confusion reigns."

Note on the text: Not in the critical edition's text; it is a star passage there (*0005, lines 3-4, after 17.1.17d; CE line 4 ends bhārata where Wikisource has सङ्करः).

Verse 21 (17.1.21)

श्रुत्वा तु दुर्मना राजा पर्याप्तं जीवनं मम । इति स्म राजा कौरव्यो धर्मपुत्रो युधिष्ठिरः । उत्सृज्याभरणान्यङ्गाज्जगृहे वल्कलान्युत ॥

śrutvā tu durmanā rājā paryāptaṃ jīvanaṃ mama | iti sma rājā kauravyo dharmaputro yudhiṣṭhiraḥ | utsṛjyābharaṇānyaṅgājjagṛhe valkalānyuta

Hearing this, the king was downcast: "My life has lasted long enough." So Yudhishthira, the Kuru king, son of Dharma, cast the ornaments from his body and put on garments of bark.

Note on the text: Removed the stray closing quote mark glued to the first line. Line 1 is a variant of the CE star line *0005_05 (after 17.1.17d: rājā ca durmanā rājan paryāptaṃ jīvitaṃ mama); lines 2-3 correspond to CE 17.1.18 (line 2 there reads tataḥ sa rājā kauravyo dharmaputro yudhiṣṭhiraḥ; Wikisource's इति स्म राजा कौरव्यो is a recension variant, kept).

Verse 22 (17.1.22)

भीमार्जुनयमाश्चैव द्रौपदी च यशस्विनी । तथैव जगृहुः सर्वे वल्कलानि नराधिप ॥

bhīmārjunayamāścaiva draupadī ca yaśasvinī | tathaiva jagṛhuḥ sarve valkalāni narādhipa

Bhima, Arjuna, the twins, and the renowned Draupadi — all of them likewise took up garments of bark, O lord of men.

Verse 23 (17.1.23)

विधिवत्कारयित्वेष्टिं नैष्ठिकीं भरतर्षभ । समुत्सृज्याप्सु सर्वेऽग्नीन्प्रतस्थुर्नरपुङ्गवाः ॥

vidhivatkārayitveṣṭiṃ naiṣṭhikīṃ bharatarṣabha | samutsṛjyāpsu sarve'gnīnpratasthurnarapuṅgavāḥ

Having duly performed the final sacrifice, O best of the Bharatas, those bulls among men cast their sacred fires into the water and set out.

Verse 24 (17.1.24)

ततः प्ररुरुदुः सर्वाः स्त्रियो दृष्ट्वा नरोत्तमान् । प्रस्थितान्द्रौपदीषष्ठान्पुरा द्यूतजितान्यथा ॥

tataḥ praruruduḥ sarvāḥ striyo dṛṣṭvā narottamān | prasthitāndraupadīṣaṣṭhānpurā dyūtajitānyathā

Then all the women wept at the sight of those best of men setting out with Draupadi as the sixth, as they had gone once before, when they were defeated at dice.

Note on the text: Corrected स्त्रिंयो → स्त्रियो (misprint in Wikisource; a stray anusvara).

Verse 25 (17.1.25)

हर्षोऽभवच्च सर्वेषां भ्रातॄणां गमनं प्रति । युधिष्ठिरमतं ज्ञात्वा वृष्णिक्षयमवेक्ष्य च ॥

harṣo'bhavacca sarveṣāṃ bhrātṝṇāṃ gamanaṃ prati | yudhiṣṭhiramataṃ jñātvā vṛṣṇikṣayamavekṣya ca

Yet joy arose in all the brothers at the setting out, as they knew Yudhishthira's wish and saw the destruction of the Vrishnis.

Verse 26 (17.1.26)

भ्रातरः पञ्च कृष्णा च षष्ठी श्वा चैव सप्तमः । आत्मना सप्तमो राजा निर्ययौ गजसाह्वयात् । पौरैरनुगतो दूरं सर्वैरन्तःपुरैस्तथा ॥

bhrātaraḥ pañca kṛṣṇā ca ṣaṣṭhī śvā caiva saptamaḥ | ātmanā saptamo rājā niryayau gajasāhvayāt | paurairanugato dūraṃ sarvairantaḥpuraistathā

The five brothers, Krishna as the sixth and a dog as the seventh — the king himself being the seventh of the party — went out from Hastinapura, followed far by the townsfolk and by all the women of the inner apartments.

Verse 27 (17.1.27)

न चैनमशकत्कश्चिन्निवर्तस्वेति भाषितुम् । न्यवर्तन्त ततः सर्वे नरा नगरवासिनः ॥

na cainamaśakatkaścinnivartasveti bhāṣitum | nyavartanta tataḥ sarve narā nagaravāsinaḥ

No one could bring himself to say to him, "Turn back." Then all the people of the city turned back.

Verse 28 (17.1.28)

कृपप्रभृतयश्चैव युयुत्सुं पर्यवारयन् । विवेश गङ्गां कौरव्य उलूपी भुजगात्मजा ॥

kṛpaprabhṛtayaścaiva yuyutsuṃ paryavārayan | viveśa gaṅgāṃ kauravya ulūpī bhujagātmajā

Kripa and the others gathered round Yuyutsu. Ulupi, the serpent's daughter, entered the Ganga, O descendant of Kuru.

Verse 29 (17.1.29)

चित्राङ्गदा ययौ चापि मणिपूरपुरं प्रति । शिष्टाः परिक्षितं त्वन्या मातरः पर्यवारयन् ॥

citrāṅgadā yayau cāpi maṇipūrapuraṃ prati | śiṣṭāḥ parikṣitaṃ tvanyā mātaraḥ paryavārayan

Chitrangada went to the city of Manipura, and the other mothers gathered round Parikshit.

Note on the text: Corrected मणलूरपुरं → मणिपूरपुरं (misprint in Wikisource; Manipura; CE maṇipūrapuram).

Verse 30 (17.1.30)

पाण्डवाश्च महात्मानो द्रौपदी च यशस्विनी । कृतोपवासाः कौरव्य प्रययुः प्राङ्मुखास्ततः ॥

pāṇḍavāśca mahātmāno draupadī ca yaśasvinī | kṛtopavāsāḥ kauravya prayayuḥ prāṅmukhāstataḥ

The great-souled Pandavas and the renowned Draupadi, having fasted, O descendant of Kuru, then went toward the east.

Verse 31 (17.1.31)

योगयुक्ता महात्मानस्त्यागधर्ममुपेयुषः । अभिजग्मुर्बहून्देशान्सरितः सागरांस्तथा ॥

yogayuktā mahātmānastyāgadharmamupeyuṣaḥ | abhijagmurbahūndeśānsaritaḥ sāgarāṃstathā

Absorbed in yoga, great-souled, practising the dharma of renunciation, they passed through many lands, rivers and seas.

Note on the text: Corrected बहून्देसान् → बहून्देशान् (misprint in Wikisource; स for श). Wikisource reads सागरांस्तथा where the critical edition has parvatāṃs tathā (recension variant, kept).

Verse 32 (17.1.32)

युधिष्ठिरो ययावग्रे भीमस्तु तदनन्तरम् । अर्जुनस्तस्य चान्वेव यमौ चापि यथाक्रमम् ॥

yudhiṣṭhiro yayāvagre bhīmastu tadanantaram | arjunastasya cānveva yamau cāpi yathākramam

Yudhishthira went in front, Bhima after him, Arjuna behind him, and the twins in due order.

Note on the text: Corrected यथाक्रमम → यथाक्रमम् (misprint in Wikisource; a dropped virama).

Verse 33 (17.1.33)

पृष्ठतस्तु वरारोहा श्यामा पद्मदलेक्षणा । द्रौपदी योषितांश्रेष्ठा ययौ भरतसत्तम ॥

pṛṣṭhatastu varārohā śyāmā padmadalekṣaṇā | draupadī yoṣitāṃśreṣṭhā yayau bharatasattama

Behind them went the fair-hipped Draupadi, dark, lotus-eyed, the best of women, O best of the Bharatas.

Verse 34 (17.1.34)

श्वा चैवानुययावेकः प्रस्थितान्पाण्डवान्वनम् । क्रमेण ते ययुर्वीरा लौहित्यं सलिलार्णवम् ॥

śvā caivānuyayāvekaḥ prasthitānpāṇḍavānvanam | krameṇa te yayurvīrā lauhityaṃ salilārṇavam

A single dog followed the Pandavas as they set out for the forest. In due course those heroes reached the Lauhitya, the ocean of waters.

Note on the text: Corrected श्वा चैवानुयायावेकः → श्वा चैवानुययावेकः (misprint in Wikisource; a lengthened vowel; CE anuyayāv ekaḥ). Corrected क्रमेणि → क्रमेण (misprint in Wikisource; a stray ि).

Verse 35 (17.1.35)

गाण्डीवं तु धनुर्दिव्यं न मुमोच धनंजयः । रत्नलोभान्महाराज ते चाक्षय्ये महेषुधी ॥

gāṇḍīvaṃ tu dhanurdivyaṃ na mumoca dhanaṃjayaḥ | ratnalobhānmahārāja te cākṣayye maheṣudhī

But Dhananjaya did not let go of the divine bow Gandiva, nor of the two inexhaustible quivers, out of greed for such jewels, O great king.

Verse 36 (17.1.36)

अग्निं ते ददृशुस्तत्र स्थितं शैलमिवाग्रतः । मार्गमावृत्य तिष्ठन्तं साक्षात्पुरुषविग्रहम् ॥

agniṃ te dadṛśustatra sthitaṃ śailamivāgrataḥ | mārgamāvṛtya tiṣṭhantaṃ sākṣātpuruṣavigraham

There they saw Agni standing before them like a mountain, blocking the road, in a visible human form.

Verse 37 (17.1.37)

ततो देवः स सप्तार्चिः पाण्डवानिदमब्रवीत् । भोभो पाण्डुसुता वीराः पावकं मां निबोधत ॥

tato devaḥ sa saptārciḥ pāṇḍavānidamabravīt | bhobho pāṇḍusutā vīrāḥ pāvakaṃ māṃ nibodhata

Then the god of the seven flames said this to the Pandavas: "Ho, ho, heroic sons of Pandu! Know me as Pavaka, the Fire."

Verse 38 (17.1.38)

युधिष्ठिर महाबाहो भीमसेन परंतप । अर्जुनाश्विसुतौ वीरौ निबोधत वचो मम ॥

yudhiṣṭhira mahābāho bhīmasena paraṃtapa | arjunāśvisutau vīrau nibodhata vaco mama

"Yudhishthira of mighty arms, Bhimasena, scourge of foes, and Arjuna and you two heroic sons of the Ashvins, hear my words."

Verse 39 (17.1.39)

अहमग्निः कुरुश्रेष्ठा मया दग्धं च खाण्डवम् । अर्जुनस्य प्रभावेन तथा नारायणस्य च ॥

ahamagniḥ kuruśreṣṭhā mayā dagdhaṃ ca khāṇḍavam | arjunasya prabhāvena tathā nārāyaṇasya ca

"I am Agni, O best of the Kurus. The Khandava forest was burned by me, through the power of Arjuna and of Narayana."

Verse 40 (17.1.40)

अयं वः फल्गुनो भ्राता गाण्डीवं परमायुधम् । परित्यज्य वने यातु नानेनार्थोस्ति कश्चन ॥

ayaṃ vaḥ phalguno bhrātā gāṇḍīvaṃ paramāyudham | parityajya vane yātu nānenārthosti kaścana

"Let this Phalguna, your brother, leave the Gandiva, the supreme weapon, and go to the forest; he has no use for it."

Verse 41 (17.1.41)

चक्ररत्नं तु यत्कृष्णे स्थितमासीन्महात्मनि । गतं तच्च पुनर्हस्ते कालेनैष्यति तस्य ह ॥

cakraratnaṃ tu yatkṛṣṇe sthitamāsīnmahātmani | gataṃ tacca punarhaste kālenaiṣyati tasya ha

"The discus-jewel that dwelt in the great-souled Krishna has gone, and in time it will come into his hand again."

Verse 42 (17.1.42)

वरुणादाहृतं पूर्वं मयैतत्पार्थकारणात् । गाण्डीवं धनुषां श्रेष्ठं वरुणायैव दीयताम् ॥

varuṇādāhṛtaṃ pūrvaṃ mayaitatpārthakāraṇāt | gāṇḍīvaṃ dhanuṣāṃ śreṣṭhaṃ varuṇāyaiva dīyatām

"I brought this Gandiva, the best of bows, from Varuna long ago for Partha's sake. Let it be given back to Varuna."

Verse 43 (17.1.43)

ततस्ते भ्रातरः सर्वे धनंजयमचोदयन् । स जले प्राक्षिपच्चैतत्तथाऽक्षय्ये महेषुधी ॥

tataste bhrātaraḥ sarve dhanaṃjayamacodayan | sa jale prākṣipaccaitattathā'kṣayye maheṣudhī

Then all his brothers urged Dhananjaya, and he threw it into the water, together with the two inexhaustible quivers.

Verse 44 (17.1.44)

ततोऽग्निर्भरतश्रेष्ठ तत्रैवान्तरधीयत । ययुश्च पाण्डवा वीरास्ततस्ते दक्षिणामुखाः ॥

tato'gnirbharataśreṣṭha tatraivāntaradhīyata | yayuśca pāṇḍavā vīrāstataste dakṣiṇāmukhāḥ

Then Agni vanished right there, O best of the Bharatas, and the Pandava heroes went on, facing south.

Note on the text: Corrected ययुस्च → ययुश्च (misprint in Wikisource; स for श).

Verse 45 (17.1.45)

ततस्ते तूत्तरेणैव तीरेण लवणांभसः । जग्मुर्भरतशार्दूल दिशं दक्षिणपश्चिमाम् ॥

tataste tūttareṇaiva tīreṇa lavaṇāṃbhasaḥ | jagmurbharataśārdūla diśaṃ dakṣiṇapaścimām

Then, O tiger among the Bharatas, they went along the northern shore of the salt sea toward the south-west.

Verse 46 (17.1.46)

ततः पुनः समावृत्ताः पश्चिमां दिशमेव ते । ददृशुर्द्वारकां चापि सागरेण परिप्लुताम् ॥

tataḥ punaḥ samāvṛttāḥ paścimāṃ diśameva te | dadṛśurdvārakāṃ cāpi sāgareṇa pariplutām

Then they turned again toward the west and saw Dvaraka, flooded by the sea.

Verse 47 (17.1.47)

उदीचीं पुनरावृत्त्य ययुर्भरतसत्तमाः । प्रादक्षिण्यं चिकीर्षन्तः पृथिव्या योगधर्मिणः ॥

udīcīṃ punarāvṛttya yayurbharatasattamāḥ | prādakṣiṇyaṃ cikīrṣantaḥ pṛthivyā yogadharmiṇaḥ

Turning north again, those best of the Bharatas, followers of the discipline of yoga, went on, wishing to circle the earth with the sun-wise circumambulation.