Draupadi and Four Brothers Fall on the Road

Verse 1 (17.2.1)

ततस्ते नियतात्मान उदीचीं दिशमास्थिताः । ददृशुर्योगयुक्ताश्च हिमवन्तं महागिरिम् ॥

tataste niyatātmāna udīcīṃ diśamāsthitāḥ | dadṛśuryogayuktāśca himavantaṃ mahāgirim

Then, with disciplined minds and absorbed in yoga, they turned toward the northern quarter and saw the great mountain Himavat.

Verse 2 (17.2.2)

तं चाप्यतिक्रमन्तस्ते ददृशुर्वालुकार्णवम् । अवैक्षन्त महाशैलं मेरुं शिखरिणां वरम् ॥

taṃ cāpyatikramantaste dadṛśurvālukārṇavam | avaikṣanta mahāśailaṃ meruṃ śikhariṇāṃ varam

Passing beyond it, they saw a sea of sand, and beheld the great mountain Meru, the best of the peaked mountains.

Verse 3 (17.2.3)

तेषां तु गच्छतां शीघ्रं सर्वेषां योगधर्मिणाम् । याज्ञसेनी भ्रष्टयोगा निपपात महीतले ॥

teṣāṃ tu gacchatāṃ śīghraṃ sarveṣāṃ yogadharmiṇām | yājñasenī bhraṣṭayogā nipapāta mahītale

As all those followers of the discipline of yoga were hurrying on, Draupadi, the daughter of Yajnasena, her yoga failing, fell to the ground.

Note on the text: Corrected योगधार्मिणाम् → योगधर्मिणाम् (misprint in Wikisource; dharmin is the word, not the vṛddhi form; CE yogadharmiṇām).

Verse 4 (17.2.4)

तां तु प्रपतितां दृष्ट्वा भीमसेनो महाबलः । उवाच धर्मराजानं याज्ञसेनीमवेक्ष्य ह ॥

tāṃ tu prapatitāṃ dṛṣṭvā bhīmaseno mahābalaḥ | uvāca dharmarājānaṃ yājñasenīmavekṣya ha

Seeing her fallen, mighty Bhimasena looked at the daughter of Yajnasena and said to the king of dharma:

Verse 5 (17.2.5)

नाधर्मश्चरितः कश्चिद्राजपुत्र्या परंतप । कारणं किंनु तद्ब्रूहि यत्कृष्णा पतिता भुवि ॥

nādharmaścaritaḥ kaścidrājaputryā paraṃtapa | kāraṇaṃ kiṃnu tadbrūhi yatkṛṣṇā patitā bhuvi

"No wrong was ever done by the princess, O scourge of foes. Tell me the reason why Krishna has fallen to the ground."

Verse 6 (17.2.6)

पक्षपातो महानस्या विशेषेण धनंजये । तस्यैतत्फलमद्यैषा भुङ्क्ते पुरुषसत्तम ॥

pakṣapāto mahānasyā viśeṣeṇa dhanaṃjaye | tasyaitatphalamadyaiṣā bhuṅkte puruṣasattama

"She had a great partiality, above all for Dhananjaya. Today she reaps the fruit of it, O best of men."

Verse 7 (17.2.7)

एवमुक्त्वाऽनवेक्ष्यैनां ययौ भरतसत्तमः । समाधाय मनो धीमान्धर्मात्मा पुरुषर्षभः ॥

evamuktvā'navekṣyaināṃ yayau bharatasattamaḥ | samādhāya mano dhīmāndharmātmā puruṣarṣabhaḥ

Having said this, without looking back at her, the wise Yudhishthira, best of the Bharatas, righteous-souled, went on, steadying his mind.

Verse 8 (17.2.8)

सहदेवस्ततो विद्वान्निपपात महीतले । तं चापि पतितं दृष्ट्वा भीमो राजानमब्रवीत् ॥

sahadevastato vidvānnipapāta mahītale | taṃ cāpi patitaṃ dṛṣṭvā bhīmo rājānamabravīt

Then the wise Sahadeva fell to the ground; and seeing him fallen too, Bhima said to the king:

Verse 9 (17.2.9)

योऽयमस्मासु सर्वेषु शुश्रूषुरनहंकृतः । सोयं माद्रवतीपुत्रः कस्मान्निपतितो भुवि ॥

yo'yamasmāsu sarveṣu śuśrūṣuranahaṃkṛtaḥ | soyaṃ mādravatīputraḥ kasmānnipatito bhuvi

"This son of Madri, who served all of us and was free of pride — why has he fallen to the ground?"

Verse 10 (17.2.10)

आत्मनः सदृशं प्राज्ञं नैषोऽमन्यत कञ्चन । तेन दोषेण पतितो विद्वानेष नृपात्मजः ॥

ātmanaḥ sadṛśaṃ prājñaṃ naiṣo'manyata kañcana | tena doṣeṇa patito vidvāneṣa nṛpātmajaḥ

"He thought no one equal to himself in wisdom. By that fault the learned prince has fallen."

Note on the text: Wikisource reads विद्वानेष नृपात्मजः in line 2 where the critical edition has tasmād eṣa nṛpātmajaḥ (recension variant, kept).

Verse 11 (17.2.11)

इत्युक्त्वा तं समुत्सृज्य सहदेवं ययौ तदा । भ्रातृभिः सह कौन्तेयः शुना चैव युधिष्ठिरः ॥

ityuktvā taṃ samutsṛjya sahadevaṃ yayau tadā | bhrātṛbhiḥ saha kaunteyaḥ śunā caiva yudhiṣṭhiraḥ

Having said this and left Sahadeva behind, Yudhishthira, the son of Kunti, went on then with his brothers and the dog.

Verse 12 (17.2.12)

कृष्णां निपतितां दृष्ट्वा सहदेवं च पाण्डवम् । आर्तो बन्धुप्रियः शूरो नकुलो निपपात ह ॥

kṛṣṇāṃ nipatitāṃ dṛṣṭvā sahadevaṃ ca pāṇḍavam | ārto bandhupriyaḥ śūro nakulo nipapāta ha

Seeing Krishna fallen, and Sahadeva the Pandava too, the grieved Nakula, dear to his kin and brave, fell down.

Note on the text: Corrected कृष्णं निपतितां → कृष्णां निपतितां (misprint in Wikisource; the feminine ending, agreeing with निपतिताम्; CE kṛṣṇāṃ).

Verse 13 (17.2.13)

तस्मिन्निपतिते वीरे नकुले चारुदर्शने । पुनरेव तदा भीमो राजानमिदमब्रवीत् ॥

tasminnipatite vīre nakule cārudarśane | punareva tadā bhīmo rājānamidamabravīt

When the heroic and handsome Nakula had fallen, Bhima then spoke again to the king:

Verse 14 (17.2.14)

योऽयमक्षतधर्मात्मा भ्राता वचनकारकः । रूपेणाप्रतिमो लोके नकुलः पतितो भुवि ॥

yo'yamakṣatadharmātmā bhrātā vacanakārakaḥ | rūpeṇāpratimo loke nakulaḥ patito bhuvi

"This brother of unfailing righteousness and obedient to my word, unrivalled in the world for beauty — Nakula has fallen to the ground."

Verse 15 (17.2.15)

इत्युक्तो भीमसेनेन प्रत्युवाच युधिष्ठिरः । नकुलं प्रति धर्मात्मा सर्वबुद्धिमतांवरः ॥

ityukto bhīmasenena pratyuvāca yudhiṣṭhiraḥ | nakulaṃ prati dharmātmā sarvabuddhimatāṃvaraḥ

Thus addressed by Bhimasena, Yudhishthira, righteous-souled and the best of the wise, answered about Nakula:

Verse 16 (17.2.16)

रूपेण मत्समो नास्ति कश्चिदित्यस्य दर्शनम् । अधिकश्चाहमेवैक इत्यस्य मनसि स्थितम् ॥

rūpeṇa matsamo nāsti kaścidityasya darśanam | adhikaścāhamevaika ityasya manasi sthitam

"He held the view, 'There is no one equal to me in beauty,' and the thought stayed in his mind, 'I alone am superior.'"

Note on the text: Corrected रूपेणि → रूपेण (misprint in Wikisource; a stray ि).

Verse 17 (17.2.17)

नकुलः पतितस्तस्मादागच्छ त्वं वृकोदर । यस्य यद्विहितं वीर सोऽवश्यं तदुपाश्नुते ॥

nakulaḥ patitastasmādāgaccha tvaṃ vṛkodara | yasya yadvihitaṃ vīra so'vaśyaṃ tadupāśnute

"Therefore Nakula has fallen. Come, Vrikodara. Whatever has been ordained for a person, he must surely receive."

Verse 18 (17.2.18)

तांस्तु प्रपतितान्दृष्ट्वा पाण्डवः श्वेतवाहनः । पपात शोकसंतप्तस्ततोनु परवीरहा ॥

tāṃstu prapatitāndṛṣṭvā pāṇḍavaḥ śvetavāhanaḥ | papāta śokasaṃtaptastatonu paravīrahā

Seeing them fallen, the Pandava of the white horses, slayer of hostile heroes, was scorched with grief and fell after them.

Verse 19 (17.2.19)

तस्मिंस्तु पुरुषव्याघ्रे पतिते शक्रतेजसि । म्रियमाणे दुराधर्षे भीमो राजानमब्रवीत् ॥

tasmiṃstu puruṣavyāghre patite śakratejasi | mriyamāṇe durādharṣe bhīmo rājānamabravīt

When that tiger among men, radiant as Shakra and unassailable, had fallen and was dying, Bhima said to the king:

Verse 20 (17.2.20)

अनृतं न स्मराम्यस्य स्वैरेष्वपि महात्मनः । अथ कस्य विकारोऽयं येनायं पतितो भुवि ॥

anṛtaṃ na smarāmyasya svaireṣvapi mahātmanaḥ | atha kasya vikāro'yaṃ yenāyaṃ patito bhuvi

"I do not remember that great soul ever telling a lie, even in jest. So what is the fault by which he has fallen to the ground?"

Verse 21 (17.2.21)

एकोहं निर्दहेयं वै शत्रूनित्यर्जुनोऽब्रवीत् । न च तत्कृतवानेष शूरमानी ततोपतत् ॥

ekohaṃ nirdaheyaṃ vai śatrūnityarjuno'bravīt | na ca tatkṛtavāneṣa śūramānī tatopatat

"'I alone could burn up the enemies,' Arjuna said; and he did not do it, thinking himself a hero. Therefore he fell."

Note on the text: Wikisource reads एकोऽहं where the critical edition has ekāhnā ('in a single day'); a recension variant, kept.

Verse 22 (17.2.22)

अवमेने धनुर्ग्राहानेष सर्वांश्च फल्गुनः । तथा चैतन्न तु तथा कर्तव्यं भूतिमिच्छता ॥

avamene dhanurgrāhāneṣa sarvāṃśca phalgunaḥ | tathā caitanna tu tathā kartavyaṃ bhūtimicchatā

"This Phalguna looked down on all other bowmen; but one who wishes for his own welfare should not behave in that way."

Note on the text: Line 2 differs from the critical edition (yathā coktaṃ tathā caiva kartavyaṃ bhūtim icchatā); a recension variant, kept.

Verse 23 (17.2.23)

इत्युक्त्वा प्रस्थितो राजा भीमोथ निपपात ह । पतितश्चाब्रवीद्भीमो धर्मराजं युधिष्ठिरम् ॥

ityuktvā prasthito rājā bhīmotha nipapāta ha | patitaścābravīdbhīmo dharmarājaṃ yudhiṣṭhiram

Having said this, the king went on, and Bhima then fell. Fallen, Bhima said to Yudhishthira, the king of dharma:

Verse 24 (17.2.24)

भोभो राजन्नवेक्षस्व पतितोहं प्रियस्तव । किंनिमित्तं च पतनं ब्रूहि मे यदि वेत्थ ह ॥

bhobho rājannavekṣasva patitohaṃ priyastava | kiṃnimittaṃ ca patanaṃ brūhi me yadi vettha ha

"Ho, O king, look at me! I have fallen, I who am dear to you. If you know, tell me the reason for my fall."

Verse 25 (17.2.25)

अतिभुक्तं च भवता प्राणेन च विकत्थसे । अनवेक्ष्य परं पार्थ तेनासि पतितः क्षितौ ॥

atibhuktaṃ ca bhavatā prāṇena ca vikatthase | anavekṣya paraṃ pārtha tenāsi patitaḥ kṣitau

"You ate too much, and you boasted of your strength without regard for others, Partha. Therefore you have fallen to the ground."

Verse 26 (17.2.26)

इत्युक्त्वा तं महाबाहुर्जगामानवलोकयन् । श्वाप्येकोनुययौ यस्ते बहुशः कीर्तितो मया ॥

ityuktvā taṃ mahābāhurjagāmānavalokayan | śvāpyekonuyayau yaste bahuśaḥ kīrtito mayā

Having said this, the mighty-armed one went on without looking back; the dog alone followed him, the one of whom I have spoken to you many times.

Note on the text: Speaker corrected from युधिष्ठिर to वैशम्पायन: the page prints no heading before this verse, the input carried Yudhishthira over from verse 25, but the verse is narration ('the one I have spoken of to you'; CE 17.2.26 is headed Vaishampayana).