Vasudeva's Lament

Verse 1 (16.7.1)

तं प्रविष्टं महात्मानं वीरमानकदुन्दुभिः । पुत्रशोकेन संतप्तो ददर्श कुरुपुङ्गवम् ॥

taṃ praviṣṭaṃ mahātmānaṃ vīramānakadundubhiḥ | putraśokena saṃtapto dadarśa kurupuṅgavam

Anakadundubhi, burning with grief for his son, saw the great-souled hero, the bull of the Kurus, as he entered.

Note on the text: Differs from CE 7.1 ('taṃ śayānaṃ mahātmānaṃ vīram ānakadundubhim / putraśokābhisaṃtaptaṃ dadarśa kurupuṃgavaḥ'): Wikisource's reading (Vasudeva sees Arjuna entering) is a recension variant, kept.

Verse 2 (16.7.2)

तस्याश्रुपरिपूर्णाक्षो व्यूढोरस्को महाभुजः । आर्तस्यार्ततरः पार्थः पादौ जग्राह भारत ॥

tasyāśruparipūrṇākṣo vyūḍhorasko mahābhujaḥ | ārtasyārtataraḥ pārthaḥ pādau jagrāha bhārata

His eyes brimming with tears, the broad-chested, long-armed Partha, more afflicted than the afflicted man himself, clasped his feet, O Bharata.

Verse 3 (16.7.3)

तस्य मूर्धानमाघ्रातुमियेषानकदुन्दुभिः । स्वस्रीयस्य महाबाहुर्न शशाक च शत्रुहन् ॥

tasya mūrdhānamāghrātumiyeṣānakadundubhiḥ | svasrīyasya mahābāhurna śaśāka ca śatruhan

Anakadundubhi longed to kiss the head of his sister's son, but the mighty-armed slayer of foes could not.

Note on the text: Not in the critical edition's numbered text: star passage 16,007.002d*0035_01-02.

Verse 4 (16.7.4)

समालिङ्ग्यार्जुनं वृद्धः स भुजाभ्यां महाभुजः । रुरोदाथ स्मरञ्शौरिं विललाप सुविह्वलः । भ्रातॄन्पुत्रांश्च पौत्रांश्च दौहित्रान्स सखीनपि ॥

samāliṅgyārjunaṃ vṛddhaḥ sa bhujābhyāṃ mahābhujaḥ | rurodātha smarañśauriṃ vilalāpa suvihvalaḥ | bhrātṝnputrāṃśca pautrāṃśca dauhitrānsa sakhīnapi

The aged man, mighty of arm, embraced Arjuna with both arms and wept; remembering Shauri, he lamented in utter distraction, and he wept for his brothers, sons, grandsons, daughters' sons, and friends.

Note on the text: Three-line verse as printed on the page (16-7-4a,b,c). Line 1 = CE 16,007.003a-b; line 2 ('रुरोदाथ स्मरञ्शौरिं विललाप सुविह्वलः') is a recension variant of CE 003c ('rudan putrān smaran sarvān vilalāpa suvihvalaḥ'); line 3 = CE 003e.

Verse 5 (16.7.5)

यैर्जिता भूमिपालाश्च दैत्याश्च शतशोऽर्जुन । तान्सर्वान्नेह पश्यामि जीवाम्यर्जुन दुर्मरः ॥

yairjitā bhūmipālāśca daityāśca śataśo'rjuna | tānsarvānneha paśyāmi jīvāmyarjuna durmaraḥ

"Arjuna, those by whom hundreds of kings and daityas were conquered, I see no longer, and yet I live, Arjuna; how hard it is to die!

Note on the text: Speaker: Vasudeva (Krishna's father), per the page's heading 'वसुदेव उवाच'. Second line differs slightly from CE 7.4c ('tān dṛṣṭvā neha paśyāmi').

Verse 6 (16.7.6)

यौ तावर्जुनशिष्यौ ते प्रियौ बहुमतौ सदा । तयोरपनयात्पार्थ वृष्णयो निधनं गताः ॥

yau tāvarjunaśiṣyau te priyau bahumatau sadā | tayorapanayātpārtha vṛṣṇayo nidhanaṃ gatāḥ

Those two pupils of yours, always dear to you and held in high regard: through their misconduct, O Partha, the Vrishnis met their end.

Note on the text: Corrected यो तावर्जुनशिष्यौ → यौ तावर्जुनशिष्यौ (misprint in Wikisource; 'yo tāv' is a misprint for the dual 'yau tāv'; CE reads 'yau tāv arjuna śiṣyau te').

Verse 7 (16.7.7)

यौ तौ वृष्णिप्रवीराणां द्वावेवातिरथौ मतौ । प्रद्युम्नो युयुधानश्च कथयन्कत्थसे च यौ ॥

yau tau vṛṣṇipravīrāṇāṃ dvāvevātirathau matau | pradyumno yuyudhānaśca kathayankatthase ca yau

The two who were counted the only two atirathas among the foremost Vrishni heroes, Pradyumna and Yuyudhana (Satyaki), whom you were always praising in boastful words,

Note on the text: Corrected युयुधानश्चि कथनन्कत्थसे → युयुधानश्च कथयन्कत्थसे (misprint in Wikisource; stray vowel in 'श्चि' and a broken 'कथनन्'; CE reads 'yuyudhānaś ca kathayan katthase ca yau').

Verse 8 (16.7.8)

तौ सदा कुरुशार्दूल कृष्णस्य प्रियभाजनौ । तावुभौ वृष्णिनाशस्य मुखमास्तां धनंजय ॥

tau sadā kuruśārdūla kṛṣṇasya priyabhājanau | tāvubhau vṛṣṇināśasya mukhamāstāṃ dhanaṃjaya

those two, O tiger of the Kurus, always dear to Krishna, became the very mouth of the Vrishnis' destruction, O Dhananjaya.

Note on the text: First line differs from CE 7.7a ('nityaṃ tvaṃ kuruśārdūla kṛṣṇaś ca mama putrakaḥ'); Wikisource's reading is a recension variant (good Sanskrit), kept. Second line = CE 7.7b.

Verse 9 (16.7.9)

न तु गर्हामि शैनेयं हार्दिक्यं चाहमर्जुन । अक्रूरं रौक्मिणेयं च शापो ह्येवात्र कारणम् ॥

na tu garhāmi śaineyaṃ hārdikyaṃ cāhamarjuna | akrūraṃ raukmiṇeyaṃ ca śāpo hyevātra kāraṇam

Yet I do not blame Shaineya (Satyaki), nor Hardikya (Kritavarman), nor Akrura, nor Raukmineya (Pradyumna), Arjuna; the curse alone was the cause in this.

Verse 10 (16.7.10)

केशिनं यस्तु कंसं च विक्रम्य हतवान्प्रभुः । विदेहमकरोत्पार्थ चैद्यं च बलगर्वितम् ॥

keśinaṃ yastu kaṃsaṃ ca vikramya hatavānprabhuḥ | videhamakarotpārtha caidyaṃ ca balagarvitam

The Lord who, after valiantly slaying Keshin and Kamsa, made Chaidya (Shishupala), proud of his strength, a man without a body, O Partha;

Note on the text: Corrected विक्रम्यि → विक्रम्य (misprint in Wikisource; spurious final -i; CE reads 'vikramya'). Corrected विदेहमकरोत्पार्थं → विदेहमकरोत्पार्थ (misprint in Wikisource; spurious anusvara on the vocative; CE reads 'pārtha'). Second-half wording ('हतवान्प्रभुः', 'विदेहमकरोत्…') and first-half ending differ slightly from CE 7.9 ('jagataḥ prabhuḥ', 'videhāv akarot'); recension variant, kept.

Verse 11 (16.7.11)

नैषादिमेकलव्यं च चक्रे कालिङ्गमागधान् । गान्धारान्काशिराजं च मरुभूमौ च पार्थिवान् ॥

naiṣādimekalavyaṃ ca cakre kāliṅgamāgadhān | gāndhārānkāśirājaṃ ca marubhūmau ca pārthivān

who dealt likewise with Ekalavya the Nishada's son, with the Kalingas and Magadhas, the Gandharas, the king of Kashi, and the kings of the desert country,

Verse 12 (16.7.12)

प्राच्यांश्च दाक्षिणात्यांश्च पार्वतीयांस्तथा नृपान् । सोभ्युपेक्षितवानेवमनयान्मधुसूदनः ॥

prācyāṃśca dākṣiṇātyāṃśca pārvatīyāṃstathā nṛpān | sobhyupekṣitavānevamanayānmadhusūdanaḥ

the eastern, southern and mountain kings: that same Madhusudana overlooked this ruinous misconduct.

Note on the text: Second line ('सोभ्युपेक्षितवानेवमनयान्मधुसूदनः') is a recension variant of CE 7.11c ('so 'bhyupekṣitavān etam anayaṃ madhusūdanaḥ'); read here as 'overlooked these wrongs'. Wikisource's footnote glosses काशिराजम् as पौण्ड्रकम्; the gloss is not text and is not added.

Verse 13 (16.7.13)

त्वं हि तं नारदश्चैव मुनयश्च सनातनम् । गोविन्दमनघं देवमभिजानीध्वमच्युतम् ॥

tvaṃ hi taṃ nāradaścaiva munayaśca sanātanam | govindamanaghaṃ devamabhijānīdhvamacyutam

You, and Narada, and the sages know him: the eternal Govinda, the sinless God, the unfallen Achyuta.

Note on the text: Not in the critical edition's numbered text: star passage 16,007.011d*0036_01-02 (CE reads 'govindaṃ paramaṃ devam' in line 2).

Verse 14 (16.7.14)

प्रत्यपश्यच्च स विभुर्ज्ञातिक्षयमधोक्षजः । समुपेक्षितवान्नित्यं स्वयं स मम पुत्रकः ॥

pratyapaśyacca sa vibhurjñātikṣayamadhokṣajaḥ | samupekṣitavānnityaṃ svayaṃ sa mama putrakaḥ

That all-pervading Adhokshaja foresaw the destruction of his kin, and though he is my own son, he himself let it pass, always holding back.

Note on the text: Not in the critical edition's numbered text: star passage 16,007.011d*0036_03-04 (CE line 4 reads 'upaprekṣitavān nityaṃ svayaṃ sa mama putrakaḥ').

Verse 15 (16.7.15)

गान्धार्या वचनं यत्तदृषीणां च परंतप । तन्नूनमन्यथा कर्तुं नैच्छत्स जगतः प्रभुः ॥

gāndhāryā vacanaṃ yattadṛṣīṇāṃ ca paraṃtapa | tannūnamanyathā kartuṃ naicchatsa jagataḥ prabhuḥ

What Gandhari said, and what the sages said, O scorcher of foes, he surely did not wish to make otherwise, that Lord of the world.

Note on the text: Not in the critical edition's numbered text: star passage 16,007.011d*0036_05-06.

Verse 16 (16.7.16)

प्रत्यक्षं भवतश्चापि तव पौत्रः परंतप । अश्वत्थाम्ना हतश्चापि जीवितस्तस्य तेजसा । इमांस्तु नैच्छत्स्वान्ज्ञातीन्रक्षितुं च सखा तव ॥

pratyakṣaṃ bhavataścāpi tava pautraḥ paraṃtapa | aśvatthāmnā hataścāpi jīvitastasya tejasā | imāṃstu naicchatsvānjñātīnrakṣituṃ ca sakhā tava

Before your own eyes, O scorcher of foes, your grandson, struck down by Ashvatthaman, was brought back to life by his power; yet your friend was unwilling to protect these kinsmen of his own.

Note on the text: Three-line verse as printed on the page (16-7-16a,b,c). Not in the critical edition's numbered text: star passage 16,007.011d*0036_07-09 (CE line 9 reads 'imāṃs tu naicchat svāñ jñātīn rakṣituṃ sa sakhā tava').

Verse 17 (16.7.17)

ततः पुत्रांश्च पौत्रांश्च भ्रातॄनथ सखींस्तथा । शयानान्निहतान्दृष्ट्वा कृष्णो मामब्रवीदिदम् ॥

tataḥ putrāṃśca pautrāṃśca bhrātṝnatha sakhīṃstathā | śayānānnihatāndṛṣṭvā kṛṣṇo māmabravīdidam

Then, seeing his sons, grandsons, brothers and friends lying slain, Krishna said this to me:

Verse 18 (16.7.18)

सम्प्राप्तोऽद्यायमस्यान्तः कुलस्य भरतर्षभ । आगमिष्यति बीभत्सुरिमां द्वारवतीं पुरीम् । आख्येयं तस्य यद्वृत्तं वृष्णीनां वैशसं महत् ॥

samprāpto'dyāyamasyāntaḥ kulasya bharatarṣabha | āgamiṣyati bībhatsurimāṃ dvāravatīṃ purīm | ākhyeyaṃ tasya yadvṛttaṃ vṛṣṇīnāṃ vaiśasaṃ mahat

"The end of this clan has come, O best of the Bharatas. Bibhatsu will come to this city of Dvaravati. He must be told what has happened, the great slaughter of the Vrishnis.

Note on the text: Speaker: Krishna, as quoted by Vasudeva (no heading on the page; verse 17 ends 'Krishna said this to me'). Three-line verse as printed on the page (16-7-18a,b,c). Lines 1-2 = CE 16,007.013a-b (the aligner found no match; CE reads 'puruṣarṣabha' where Wikisource has 'भरतर्षभ'); line 3 = CE 16,007.014a-b.

Verse 19 (16.7.19)

स तु श्रुत्वा महातेजा यदूनां निधनं प्रभो । आगन्ता क्षिप्रमेवेह न मेऽत्रास्ति विचारणा ॥

sa tu śrutvā mahātejā yadūnāṃ nidhanaṃ prabho | āgantā kṣiprameveha na me'trāsti vicāraṇā

Hearing of the destruction of the Yadavas, that greatly radiant man will come here at once, O lord; of that I have no doubt.

Note on the text: Speaker: Krishna, quoted by Vasudeva. Line 1 is a recension variant of CE 16,007.014c ('yadūnām anayaṃ' for 'यदूनां निधनं'); line 2 = CE 16,007.014e.

Verse 20 (16.7.20)

योऽहं तमर्जुनं विद्धि योऽर्जुनः सोहमेव तु । यद्ब्रूयात्तत्तथा कार्यमिति बुद्ध्यस्व भारत ॥

yo'haṃ tamarjunaṃ viddhi yo'rjunaḥ sohameva tu | yadbrūyāttattathā kāryamiti buddhyasva bhārata

Know that I am Arjuna, and Arjuna is I myself. Whatever he says must be done so; understand this, O Bharata.

Note on the text: Speaker: Krishna, quoted by Vasudeva. Line 2 ends 'बुद्ध्यस्व भारत' where CE has 'budhyasva mādhava'; recension variant, kept.

Verse 21 (16.7.21)

स स्त्रीषु प्राप्तकालासु पाण्डवो बालकेषु च । प्रतिपत्स्यति बीभत्सुर्भवतश्चौर्ध्वदेहिकम् ॥

sa strīṣu prāptakālāsu pāṇḍavo bālakeṣu ca | pratipatsyati bībhatsurbhavataścaurdhvadehikam

When the time comes, that Pandava Bibhatsu will see to the women and the children, and will perform your funeral rites.

Note on the text: Corrected भवतश्चौर्ध्वद्गेहिकम् → भवतश्चौर्ध्वदेहिकम् (misprint in Wikisource; spurious द्; CE reads 'bhavataś caurdhvadehikam'). Speaker: Krishna, quoted by Vasudeva. Line 1 ('स्त्रीषु प्राप्तकालासु') is a recension variant of CE 'strīṣu prāptakālaṃ vaḥ'.

Verse 22 (16.7.22)

इमां च नगरीं सद्यः प्रतियाते धनंजये । प्राकाराट्टालकोपेतां समुद्रः प्लावयिष्यति ॥

imāṃ ca nagarīṃ sadyaḥ pratiyāte dhanaṃjaye | prākārāṭṭālakopetāṃ samudraḥ plāvayiṣyati

And as soon as Dhananjaya has departed, the ocean will flood this city, with its ramparts and towers.

Note on the text: Corrected प्राकारट्टालकोपेतां → प्राकाराट्टालकोपेतां (misprint in Wikisource; sandhi error: prākāra + aṭṭālaka gives 'prākārāṭṭālaka' (CE reads 'prākārāṭṭālakopetām')). Speaker: Krishna, quoted by Vasudeva.

Verse 23 (16.7.23)

अहं देशे तु कस्मिंश्चित्पुण्ये नियममास्थितः । कालं काङ्क्षे सद्य एव रामेण सहितो वने ॥

ahaṃ deśe tu kasmiṃścitpuṇye niyamamāsthitaḥ | kālaṃ kāṅkṣe sadya eva rāmeṇa sahito vane

I shall stay in some holy place, keeping my vows, and with Rama in the forest await Time very soon."

Note on the text: Speaker: Krishna, quoted by Vasudeva. Differs from CE 7.18 ('ahaṃ hi deśe … kālaṃ kartā sadya eva rāmeṇa saha dhīmatā'); Wikisource's 'कालं काङ्क्षे … रामेण सहितो वने' is a recension variant, kept.

Verse 24 (16.7.24)

एवमुक्त्वा हृषीकेशो मामचिन्त्यपराक्रमः । हित्वा मां बालकैः सार्धं दिशं कामप्यगात्प्रभुः ॥

evamuktvā hṛṣīkeśo māmacintyaparākramaḥ | hitvā māṃ bālakaiḥ sārdhaṃ diśaṃ kāmapyagātprabhuḥ

Having spoken thus, Hrishikesha, of inconceivable prowess, left me with the children and went off to some quarter, the Lord.

Verse 25 (16.7.25)

सोहं तौ च महात्मानौ चिन्तयन्रामकेशवौ । घोरं ज्ञातिवधं चैव न भुञ्जे शोककर्शितः ॥

sohaṃ tau ca mahātmānau cintayanrāmakeśavau | ghoraṃ jñātivadhaṃ caiva na bhuñje śokakarśitaḥ

So I, thinking of those two great-souled ones, Rama and Keshava, and of the dreadful slaughter of my kin, eat nothing, wasted by sorrow.

Note on the text: Line 1 ends 'चिन्तयन्रामकेशवौ' where CE has 'cintayan bhrātarau tava'; recension variant, kept.

Verse 26 (16.7.26)

न भोक्ष्ये न च जीविष्ये दिष्ट्या प्राप्तोसि पाण्डव । यदुक्तं पार्थ कृष्णेन तत्सर्वमखिलं कुरु ॥

na bhokṣye na ca jīviṣye diṣṭyā prāptosi pāṇḍava | yaduktaṃ pārtha kṛṣṇena tatsarvamakhilaṃ kuru

I will not eat and I will not live. By good fortune you have come, Pandava. Do in full whatever Krishna told you, O Partha.

Note on the text: Corrected न मोक्ष्येन च जीविष्ये → न भोक्ष्ये न च जीविष्ये (misprint in Wikisource; 'mokṣyena' has the words run together and mokṣye ('shall be freed') does not fit 'न भुञ्जे' in the preceding verse; CE reads 'na ca bhokṣye na jīviṣye'. Uncertain: if म was intended, the sense would be 'shall not release'). Corrected यदुक्तं पार्थं कृष्णेन → यदुक्तं पार्थ कृष्णेन (misprint in Wikisource; spurious anusvara on the vocative; CE reads 'pārtha').

Verse 27 (16.7.27)

एतत्ते पार्थ राज्यं च स्त्रियो रत्नानि चैव हि । इष्टान्प्राणानहं हीमांस्त्यक्ष्यामि रिपुसूदन ॥

etatte pārtha rājyaṃ ca striyo ratnāni caiva hi | iṣṭānprāṇānahaṃ hīmāṃstyakṣyāmi ripusūdana

This is your kingdom, O Partha, and these women and jewels. I shall give up these dear life-breaths, O slayer of foes."

Note on the text: The CE has two star lines after 7.22a (16,007.022b*0038_01-02), which Wikisource does not print.