The Sea Takes Dvaraka and Arjuna's Weapons Fail

Verse 1 (16.8.1)

एवमुक्तः स बीभत्सुर्मातुलेन परंतप । दुर्मना दीनवदनो वसुदेवमुवाच ह ॥

evamuktaḥ sa bībhatsurmātulena paraṃtapa | durmanā dīnavadano vasudevamuvāca ha

Thus addressed by his maternal uncle, Bibhatsu, scorcher of foes, dejected and with a sorrowful face, answered Vasudeva.

Note on the text: Corrected मातुलेनि → मातुलेन (misprint in Wikisource; spurious final -i; CE reads 'mātulena').

Verse 2 (16.8.2)

नाहं वृष्णिप्रवीरेण बन्धुभिश्चैव मातुल । विहीनां पृथिवीं द्रष्टुं शक्तश्चिरमिह प्रभो ॥

nāhaṃ vṛṣṇipravīreṇa bandhubhiścaiva mātula | vihīnāṃ pṛthivīṃ draṣṭuṃ śaktaściramiha prabho

"O uncle, I cannot bear to look upon the earth for long, O lord, bereft of the foremost Vrishnis and of our kinsmen.

Note on the text: Speaker: Arjuna (his words to Vasudeva/the people; the page prints only the opening heading 'वैशम्पाय उवाच'). Line 1 has 'बन्धुभिः' for CE 'madhubhiḥ' (recension variant).

Verse 3 (16.8.3)

राजा च भीमसेनश्च सहदेवश्च पाण्डवः । नकुलो याज्ञसेनी च षडेकमनसो वयम् ॥

rājā ca bhīmasenaśca sahadevaśca pāṇḍavaḥ | nakulo yājñasenī ca ṣaḍekamanaso vayam

The king, Bhimasena, the Pandava Sahadeva, Nakula, and Draupadi: and I: we six are of one mind.

Note on the text: Speaker: Arjuna (his words to Vasudeva/the people; the page prints only the opening heading 'वैशम्पाय उवाच').

Verse 4 (16.8.4)

राज्ञः संक्रमणे चापि कामोऽयं नित्यमेव हि । तमिमं विद्धि सम्प्राप्तं कालं कालविदांवर ॥

rājñaḥ saṃkramaṇe cāpi kāmo'yaṃ nityameva hi | tamimaṃ viddhi samprāptaṃ kālaṃ kālavidāṃvara

And this wish of ours for the king's departure is ever with us. Know that this very time has now arrived, O best of those who know Time.

Note on the text: Speaker: Arjuna (his words to Vasudeva/the people; the page prints only the opening heading 'वैशम्पाय उवाच'). Line 1 ('कामोऽयं नित्यमेव हि') is a recension variant of CE 'kālo 'yaṃ vartate dhruvam'; kept and read as 'this wish of ours … is ever with us'. Uncertain: कामः may be a misprint of कालः.

Verse 5 (16.8.5)

सर्वथा वृष्णिदारांस्तु बालं वृद्धं तथैव च । नयिष्ये परिगृह्याहमिन्द्रप्रस्थमरिंदम ॥

sarvathā vṛṣṇidārāṃstu bālaṃ vṛddhaṃ tathaiva ca | nayiṣye parigṛhyāhamindraprasthamariṃdama

In every case I shall take the Vrishni women, the children and the aged, and lead them to Indraprastha, O subduer of foes."

Note on the text: Speaker: Arjuna (his words to Vasudeva/the people; the page prints only the opening heading 'वैशम्पाय उवाच').

Verse 6 (16.8.6)

इत्युक्त्वा दारुकमिदं वाक्यमाह धनंजयः । अमात्यान्वृष्णिवीराणां द्रष्टुमिच्छामि माचिरम् ॥

ityuktvā dārukamidaṃ vākyamāha dhanaṃjayaḥ | amātyānvṛṣṇivīrāṇāṃ draṣṭumicchāmi māciram

Having said this, Dhananjaya said to Daruka: "I wish to see the ministers of the Vrishni heroes without delay."

Note on the text: Line 1 is narration, line 2 is Arjuna's words to Daruka; kept as one verse under the narrator.

Verse 7 (16.8.7)

इत्येवमुक्त्वा वचनं सुधर्मां यादवीं सभाम् । प्रविवेशार्जुनः शूरः शोचमानो महाभुजः ॥

ityevamuktvā vacanaṃ sudharmāṃ yādavīṃ sabhām | praviveśārjunaḥ śūraḥ śocamāno mahābhujaḥ

Having spoken so, the mighty-armed hero Arjuna, grieving, entered the Yadava assembly hall Sudharma.

Verse 8 (16.8.8)

तमासनगतं तत्र सर्वाः प्रकृतयस्तथा । ब्राह्मणा नागरास्तत्र परिवार्योपतस्थिरे ॥

tamāsanagataṃ tatra sarvāḥ prakṛtayastathā | brāhmaṇā nāgarāstatra parivāryopatasthire

As he sat on a seat there, all the subjects, the Brahmins and the townsfolk gathered around him and stood by.

Verse 9 (16.8.9)

तान्दीनमनसः सर्वान्विमूढान्गतचेतसः । उवाचेदं वचः काले पार्थो दीनतरस्तथा ॥

tāndīnamanasaḥ sarvānvimūḍhāngatacetasaḥ | uvācedaṃ vacaḥ kāle pārtho dīnatarastathā

Then Partha, himself more downcast still, spoke at the proper moment to all of them, who were dispirited, bewildered and out of their senses:

Note on the text: Differs from CE 8.9 ('tān dīnamanasaḥ sarvān nibhṛtān gatacetasaḥ / uvācedaṃ vacaḥ pārthaḥ svayaṃ dīnataras tadā'): recension variant ('विमूढान्', 'वचः काले'), kept.

Verse 10 (16.8.10)

शक्रप्रस्थमहं नेष्ये वृष्ण्यन्धकजनं स्वयम् । इदं तु नगरं सर्वं समुद्रः प्लावयिष्यति ॥

śakraprasthamahaṃ neṣye vṛṣṇyandhakajanaṃ svayam | idaṃ tu nagaraṃ sarvaṃ samudraḥ plāvayiṣyati

"I myself shall lead the people of the Vrishnis and Andhakas to Shakraprastha. The sea will flood this whole city.

Note on the text: Corrected पृष्णन्धकजनं → वृष्ण्यन्धकजनं (misprint in Wikisource; 'पृष्ण…' is not a word; CE reads 'vṛṣṇyandhakajanaṃ'). Speaker: Arjuna (his words to Vasudeva/the people; the page prints only the opening heading 'वैशम्पाय उवाच').

Verse 11 (16.8.11)

सज्जीकुरुत यानानि रत्नानि विविधानि च । वज्रोऽयं भवतां राजा शक्रप्रस्थे भविष्यति ॥

sajjīkuruta yānāni ratnāni vividhāni ca | vajro'yaṃ bhavatāṃ rājā śakraprasthe bhaviṣyati

Get ready your conveyances and your many kinds of jewels. This Vajra will be your king at Shakraprastha.

Note on the text: Speaker: Arjuna (his words to Vasudeva/the people; the page prints only the opening heading 'वैशम्पाय उवाच').

Verse 12 (16.8.12)

सप्तमे दिवसे चैव रवौ विमल उद्गते । बहिर्वत्स्यामहे सर्वे सज्जीभवत माचिरम् ॥

saptame divase caiva ravau vimala udgate | bahirvatsyāmahe sarve sajjībhavata māciram

On the seventh day, when the sun has risen bright, we shall all go out and camp outside. Be ready, without delay."

Note on the text: Corrected सज्जीभावत → सज्जीभवत (misprint in Wikisource; imperative of sajjī-bhū is 'sajjībhavata' (CE)). Speaker: Arjuna (his words to Vasudeva/the people; the page prints only the opening heading 'वैशम्पाय उवाच').

Verse 13 (16.8.13)

इत्युक्तास्तेन ते सर्वे पार्थेनाक्लिष्टकर्मणा । सज्जमाशु ततश्चक्रुः स्वसिद्ध्यर्थं समुत्सुकाः ॥

ityuktāstena te sarve pārthenākliṣṭakarmaṇā | sajjamāśu tataścakruḥ svasiddhyarthaṃ samutsukāḥ

So told by Partha of untiring deeds, they all quickly made ready, eager for their own safe deliverance.

Verse 14 (16.8.14)

तां रात्रिमवसत्पार्थः केशवस्य निवेशने । महता शोकमोहेन सहसाऽभिपरिप्लुतः ॥

tāṃ rātrimavasatpārthaḥ keśavasya niveśane | mahatā śokamohena sahasā'bhipariplutaḥ

That night Partha stayed in Keshava's house, suddenly overwhelmed by great grief and bewilderment.

Verse 15 (16.8.15)

श्वोभूतेऽथ ततः शौरिर्वसुदेवः प्रतापवान् । युक्त्वाऽऽत्मानं महातेजा जगाम गतिमुत्तमां ॥

śvobhūte'tha tataḥ śaurirvasudevaḥ pratāpavān | yuktvā''tmānaṃ mahātejā jagāma gatimuttamāṃ

The next morning the glorious and mighty Shauri Vasudeva, having concentrated himself in yoga, went to the highest state.

Verse 16 (16.8.16)

ततः शब्दो महानासीद्वसुदेवनिवेशने । दारुणः क्रोशतीनां च रुदतीनां च योषिताम् ॥

tataḥ śabdo mahānāsīdvasudevaniveśane | dāruṇaḥ krośatīnāṃ ca rudatīnāṃ ca yoṣitām

Then a great and terrible sound arose in Vasudeva's house, from the women crying out and weeping.

Verse 17 (16.8.17)

प्रकीर्णमूर्धजाः सर्वा विमुक्ताभरणस्रजः । उरांसि पाणिभिर्घ्नन्त्यो व्यलपन्करुणं स्त्रियः ॥

prakīrṇamūrdhajāḥ sarvā vimuktābharaṇasrajaḥ | urāṃsi pāṇibhirghnantyo vyalapankaruṇaṃ striyaḥ

With their hair dishevelled and their ornaments and garlands cast off, all the women beat their breasts with their hands and lamented piteously.

Note on the text: Corrected व्यलपन्तकरुणं → व्यलपन्करुणं (misprint in Wikisource; stray त; CE reads 'vyalapan karuṇaṃ').

Verse 18 (16.8.18)

तं देवकी च भद्रा च रोहिणी मदिरा तथा । अन्वारोढुं व्यवसिता भर्तारं योषितां वराः ॥

taṃ devakī ca bhadrā ca rohiṇī madirā tathā | anvāroḍhuṃ vyavasitā bhartāraṃ yoṣitāṃ varāḥ

Devaki, Bhadra, Rohini and Madira, foremost among women, resolved to follow their husband in death.

Verse 19 (16.8.19)

ततः शौरिं नृयुक्तेन बहुमूल्येन भारत । यानेन महता पार्थो बहिर्निष्क्रामयत्तदा ॥

tataḥ śauriṃ nṛyuktena bahumūlyena bhārata | yānena mahatā pārtho bahirniṣkrāmayattadā

Then, O Bharata, Partha had Shauri carried out of the city on a great and costly bier borne by men.

Verse 20 (16.8.20)

तमन्वयुस्तत्रतत्र दुःखशोकसमन्विताः । द्वारकावासिनः सर्वे पौरजानपदा हिताः ॥

tamanvayustatratatra duḥkhaśokasamanvitāḥ | dvārakāvāsinaḥ sarve paurajānapadā hitāḥ

Following him from place to place, struck down with grief and sorrow, went all the dwellers of Dvaraka, townsmen and countryfolk, his well-wishers.

Note on the text: Corrected तत्रतत्रं → तत्रतत्र (misprint in Wikisource; spurious anusvara; CE 'tatra tatra'). Corrected दुःखसोक → दुःखशोक (misprint in Wikisource; स for श; CE reads 'duḥkhaśoka'). Aligner found no match, but line 1 = CE 16,008.020a ('tam anvayus tatra tatra duḥkhaśokasamāhatāḥ'); line 2 ('द्वारकावासिनः सर्वे पौरजानपदा हिताः') is a recension variant of CE 020b ('dvārakāvāsinaḥ paurāḥ sarva eva nararṣabha').

Verse 21 (16.8.21)

तस्याश्वमेधिकं छत्रं दीप्यमानाश्च पावकाः । पुरस्तात्तस्य यानस्य याजकाश्च ततो ययुः ॥

tasyāśvamedhikaṃ chatraṃ dīpyamānāśca pāvakāḥ | purastāttasya yānasya yājakāśca tato yayuḥ

Before his bier went the umbrella of his horse-sacrifice, the blazing sacred fires, and then the sacrificing priests.

Verse 22 (16.8.22)

अनुजग्मुश्च तं वीरं देव्यस्ता वै स्वलङ्कृताः । स्त्रीसहस्रैः परिवृता वधूभिश्च सहस्रशः ॥

anujagmuśca taṃ vīraṃ devyastā vai svalaṅkṛtāḥ | strīsahasraiḥ parivṛtā vadhūbhiśca sahasraśaḥ

His wives, splendidly adorned, followed that hero, surrounded by thousands of women and by daughters-in-law in their thousands.

Verse 23 (16.8.23)

यस्तु देशः प्रियस्तस्य जीवतोऽभून्महात्मनः । तत्रैनमुपसंकल्प्य पितृमेधं प्रचक्रिरे ॥

yastu deśaḥ priyastasya jīvato'bhūnmahātmanaḥ | tatrainamupasaṃkalpya pitṛmedhaṃ pracakrire

In the place that had been dear to him in his lifetime, they laid the great-souled man down and performed his funeral rites.

Note on the text: Corrected वितृमेधं → पितृमेधं (misprint in Wikisource; 'वितृ…' is not a word; CE reads 'pitṛmedham').

Verse 24 (16.8.24)

तं चिताग्निगतं वीरं शूरपुत्रं वराङ्गनाः । ततोन्वारुरुहुः पत्न्यश्चतस्रः पतिलोकगाः ॥

taṃ citāgnigataṃ vīraṃ śūraputraṃ varāṅganāḥ | tatonvāruruhuḥ patnyaścatasraḥ patilokagāḥ

When that hero, Shura's son, lay on the pyre, four of his wives, fair women, mounted it after him, to go to the world of their husband.

Verse 25 (16.8.25)

तं वै चतसृभिः स्त्रीभिरन्वितं पाण्डुनन्दनः । अदाहयच्चन्दनैश्च गन्धैरुच्चावचैरपि ॥

taṃ vai catasṛbhiḥ strībhiranvitaṃ pāṇḍunandanaḥ | adāhayaccandanaiśca gandhairuccāvacairapi

The son of Pandu burned him, together with his four wives, with sandalwood and fragrant woods of many kinds.

Verse 26 (16.8.26)

ततः प्रादुरभूच्छब्दः समिद्धस्य विभावसोः । सामगानां च निर्घोषो नराणां रुदतामपि ॥

tataḥ prādurabhūcchabdaḥ samiddhasya vibhāvasoḥ | sāmagānāṃ ca nirghoṣo narāṇāṃ rudatāmapi

Then there arose the roar of the blazing fire, the chanting of the Sama hymns, and the wailing of the men.

Verse 27 (16.8.27)

ततो वज्रप्रधानास्ते वृष्ण्यन्धककुमारकाः । सर्वे चैवोदकं चक्रुः स्त्रियश्चैव महात्मनः ॥

tato vajrapradhānāste vṛṣṇyandhakakumārakāḥ | sarve caivodakaṃ cakruḥ striyaścaiva mahātmanaḥ

Then the young princes of the Vrishnis and Andhakas, with Vajra at their head, and the women as well, all offered water for the great-souled one.

Note on the text: Line 1 ends 'वृष्ण्यन्धककुमारकाः' where CE has 'vṛṣṇivīrakumārakāḥ'; recension variant, kept.

Verse 28 (16.8.28)

अलुप्तधर्मस्तं धर्मं कारयित्वा स फल्गुनः । जगाम वृष्णयो यत्र विनष्टा भरतर्षभ ॥

aluptadharmastaṃ dharmaṃ kārayitvā sa phalgunaḥ | jagāma vṛṣṇayo yatra vinaṣṭā bharatarṣabha

Phalguna, never failing in dharma, had that rite performed and went to where the Vrishnis lay slain, O best of the Bharatas.

Verse 29 (16.8.29)

स तान्दृष्ट्वा निपतितान्कदने भृशदुःखितः । बभूवातीव कौरव्यः प्राप्तकालं चकार ह ॥

sa tāndṛṣṭvā nipatitānkadane bhṛśaduḥkhitaḥ | babhūvātīva kauravyaḥ prāptakālaṃ cakāra ha

Seeing them fallen on the field, that Kuru hero was gravely grieved, and did what the time required.

Verse 30 (16.8.30)

यथाप्रधानतश्चैव चक्रे सर्वास्तथा क्रियाः । ये हता ब्रह्मशापेन मुसलैरेरकोद्भवैः ॥

yathāpradhānataścaiva cakre sarvāstathā kriyāḥ | ye hatā brahmaśāpena musalairerakodbhavaiḥ

In due order of rank he performed all the rites for those who had been slain by the Brahmins' curse, by the clubs born of the eraka reed.

Note on the text: Line 1 ('सर्वास्तथा क्रियाः') is a recension variant of CE 'sarvāḥ kriyās tadā'.

Verse 31 (16.8.31)

ततो भगवतो देहं दृष्ट्वा शिष्यः प्रलप्य च । स्मृत्वा तद्वचनं सर्वं मोहशोकोपबृंहितः ॥

tato bhagavato dehaṃ dṛṣṭvā śiṣyaḥ pralapya ca | smṛtvā tadvacanaṃ sarvaṃ mohaśokopabṛṃhitaḥ

Then, seeing the body of the Blessed One, the disciple lamented, and recalling all his words, he was weighed down with bewilderment and grief.

Note on the text: Removed the stray backtick and the closing quote/doubled danda (wiki marks). Not in the critical edition's numbered text: star passage 16,008.030d*0039_01-02 (CE line 2 ends 'mohaśokopabṛṃhitam'; Wikisource has the nominative 'mohaśokopabṛṃhitaḥ').

Verse 32 (16.8.32)

ततः शरीरे रामस्य वासुदेवस्य चोभयोः । अन्वीक्ष्य दाहयामास पुरुषैराप्तकारिभिः ॥

tataḥ śarīre rāmasya vāsudevasya cobhayoḥ | anvīkṣya dāhayāmāsa puruṣairāptakāribhiḥ

Then he looked for the bodies of Rama and Vasudeva both, and had them cremated by trusted men.

Note on the text: 'अन्वीक्ष्य' (looked for) is the page's reading; the page's own footnote records 'अन्विष्य दाहयामासेति झ.पाठः' (CE reads 'anviṣya').

Verse 33 (16.8.33)

स तेषां विधिवत्कृत्वा प्रेतकार्याणि पाण्डवः । सप्तमे दिवसे प्रायाद्रथमारुह्य सत्वरः ॥

sa teṣāṃ vidhivatkṛtvā pretakāryāṇi pāṇḍavaḥ | saptame divase prāyādrathamāruhya satvaraḥ

Having duly performed their funeral rites, the Pandava set out in haste on the seventh day, mounting his chariot.

Note on the text: Aligner found no match; = CE 16,008.032a-b ('sa teṣāṃ vidhivat kṛtvā pretakāryāṇi pāṇḍavaḥ / saptame divase prāyād ratham āruhya satvaraḥ').

Verse 34 (16.8.34)

अश्वयुक्तै रथैश्चापि गोखरोष्ट्रयुतैरपि । स्त्रियस्ता वृष्णिवीराणां रुदन्त्यः शोककर्शिताः ॥

aśvayuktai rathaiścāpi gokharoṣṭrayutairapi | striyastā vṛṣṇivīrāṇāṃ rudantyaḥ śokakarśitāḥ

With chariots yoked to horses and others drawn by oxen, asses and camels, the women of the Vrishni heroes, weeping and wasted with sorrow,

Note on the text: Aligner found no match. Line 1 = CE 16,008.032e ('aśvayuktai rathaiś cāpi gokharoṣṭrayutair api'), the third line of CE 8.32; line 2 = CE 16,008.033a ('striyas tā vṛṣṇivīrāṇāṃ rudatyaḥ śokakarśitāḥ').

Verse 35 (16.8.35)

अनुजग्मुर्महात्मानं पाण्डुपुत्रं धनंजयम् । भृत्याश्चान्धकवृष्णीनां सादिनो रथिनश्च ये ॥

anujagmurmahātmānaṃ pāṇḍuputraṃ dhanaṃjayam | bhṛtyāścāndhakavṛṣṇīnāṃ sādino rathinaśca ye

followed the great-souled son of Pandu, Dhananjaya; and so did the servants of the Andhakas and Vrishnis, the horsemen and the charioteers,

Note on the text: Aligner found no match. Line 1 = CE 16,008.033c-d ('anujagmur mahātmānaṃ pāṇḍuputraṃ dhanaṃjayam'); line 2 = CE 16,008.034a ('bhṛtyās tv andhakavṛṣṇīnāṃ sādino rathinaś ca ye').

Verse 36 (16.8.36)

वीरहीना वृद्धबालाः पौरजानपदास्तथा । ययुस्ते परिवार्याथ कलत्रं पार्थशासनात् ॥

vīrahīnā vṛddhabālāḥ paurajānapadāstathā | yayuste parivāryātha kalatraṃ pārthaśāsanāt

and the old and the children left without heroes, with the townspeople and countryfolk, went along surrounding the women, at Partha's command.

Note on the text: Aligner found no match. = CE 16,008.034c-e: line 1 ('वीरहीना वृद्धबालाः पौरजानपदास्तथा') is a recension variant of 034c ('vīrahīnaṃ vṛddhabālaṃ paurajānapadās tathā'); line 2 = CE 034e ('yayus te parivāryātha kalatraṃ pārthaśāsanāt').

Verse 37 (16.8.37)

कुञ्जरैश्च गजारोहा ययुः शैलनिभैस्तथा । सपादरक्षैः संयुक्ताः सोत्तरायुधिका ययुः ॥

kuñjaraiśca gajārohā yayuḥ śailanibhaistathā | sapādarakṣaiḥ saṃyuktāḥ sottarāyudhikā yayuḥ

The elephant-riders went on mountain-like elephants, and the armed troops went with them, accompanied by foot-guards.

Note on the text: Corrected शैलनिर्भस्तथा → शैलनिभैस्तथा (misprint in Wikisource; 'शैलनिर्भः' is not a word; CE reads 'śailanibhais tathā').

Verse 38 (16.8.38)

पुत्राश्चान्धकवृष्णीनां सर्वे पार्थमनुव्रताः । ब्राह्मणाः क्षत्रिया वैश्याः शूद्राश्चैव महाधनाः ॥

putrāścāndhakavṛṣṇīnāṃ sarve pārthamanuvratāḥ | brāhmaṇāḥ kṣatriyā vaiśyāḥ śūdrāścaiva mahādhanāḥ

The sons of the Andhakas and Vrishnis, all devoted to Partha, and Brahmins, Kshatriyas, Vaishyas and wealthy Shudras went too.

Verse 39 (16.8.39)

दश षट् च सहस्राणि वासुदेवावरोधनम् । पुरस्कृत्य ययुर्वज्रं पौत्रं कृष्णस्य धीमतः ॥

daśa ṣaṭ ca sahasrāṇi vāsudevāvarodhanam | puraskṛtya yayurvajraṃ pautraṃ kṛṣṇasya dhīmataḥ

Sixteen thousand women of Vasudeva's household went forward, placing Vajra, the wise Krishna's grandson, at their head.

Verse 40 (16.8.40)

बहूनि च सहस्राणि प्रयुतान्यर्बुदानि च । भोजवृष्ण्यन्धकस्त्रीणां हतनाथानि निर्ययुः ॥

bahūni ca sahasrāṇi prayutānyarbudāni ca | bhojavṛṣṇyandhakastrīṇāṃ hatanāthāni niryayuḥ

Many thousands, millions and tens of millions of women of the Bhojas, Vrishnis and Andhakas, their protectors slain, went out.

Verse 41 (16.8.41)

तत्सागरसमप्रख्यं वृष्णिचक्रं महर्द्धिमत् । उवाह रथिनांश्रेष्ठः पार्थः परपुरंजयः ॥

tatsāgarasamaprakhyaṃ vṛṣṇicakraṃ maharddhimat | uvāha rathināṃśreṣṭhaḥ pārthaḥ parapuraṃjayaḥ

That prosperous host of the Vrishnis, vast as an ocean, was led by Partha, best of charioteers, conqueror of hostile cities.

Verse 42 (16.8.42)

निर्याते तु जने तस्मिन्सागरो मकरालयः । द्वारकां रत्नसंपूर्णां जलेनाप्लावयत्तदा ॥

niryāte tu jane tasminsāgaro makarālayaḥ | dvārakāṃ ratnasaṃpūrṇāṃ jalenāplāvayattadā

When the people had gone out, the sea, home of sea monsters, flooded Dvaraka, filled with jewels, with its waters.

Verse 43 (16.8.43)

यद्यद्धि पुरुषव्याघ्रो भूमेस्तस्या व्यमुञ्चत । तत्तत्संप्लावयामास सलिलेन स सागरः ॥

yadyaddhi puruṣavyāghro bhūmestasyā vyamuñcata | tattatsaṃplāvayāmāsa salilena sa sāgaraḥ

Whatever part of that land the tiger among men left behind, the ocean flooded with its water.

Note on the text: Not in the critical edition's numbered text: star passage 16,008.040d*0041_01-02.

Verse 44 (16.8.44)

तदद्भुतमभिप्रेक्ष्य द्वारकावासिनो जनाः । तूर्णात्तूर्णतरं जग्मुरहो दैवमिति ब्रुवन् ॥

tadadbhutamabhiprekṣya dvārakāvāsino janāḥ | tūrṇāttūrṇataraṃ jagmuraho daivamiti bruvan

Seeing that marvel, the people of Dvaraka went faster and ever faster, crying, "Ah, fate!"

Verse 45 (16.8.45)

काननेषु च रम्येषु पर्वतेषु नदीषु च । निवसन्नानयामास वृष्णिदारान्धनंजयः ॥

kānaneṣu ca ramyeṣu parvateṣu nadīṣu ca | nivasannānayāmāsa vṛṣṇidārāndhanaṃjayaḥ

Staying in lovely forests, on mountains and by rivers, Dhananjaya led the Vrishni women onward.

Verse 46 (16.8.46)

स पञ्चनदमासाद्य धीमानतिसमृद्धिमत् । देशे गोपशुधान्याढ्ये निवासमकरोत्प्रभुः ॥

sa pañcanadamāsādya dhīmānatisamṛddhimat | deśe gopaśudhānyāḍhye nivāsamakarotprabhuḥ

The wise lord reached the Panchanada, a land very prosperous and rich in cattle, livestock and grain, and made his camp there.

Verse 47 (16.8.47)

ततो लोभः समभवद्दस्यूनां निहतेश्वराः । दृष्ट्वा स्त्रियो नीयमानाः पार्थेनैकेन भारत ॥

tato lobhaḥ samabhavaddasyūnāṃ nihateśvarāḥ | dṛṣṭvā striyo nīyamānāḥ pārthenaikena bhārata

Then, O Bharata, greed rose in the robbers, whose masters were dead, when they saw the women being led by Partha alone.

Verse 48 (16.8.48)

ततस्ते पापकर्माणो लोभोपहतचेतसः । आभीरा मन्त्रयामासुः समेत्याशुभदर्शनाः ॥

tataste pāpakarmāṇo lobhopahatacetasaḥ | ābhīrā mantrayāmāsuḥ sametyāśubhadarśanāḥ

Then those evildoers, the Abhiras of ill aspect, their minds blinded by greed, gathered together and took counsel.

Verse 49 (16.8.49)

अयमेकोऽर्जुनो धन्वी वृद्धबालं हतेश्वरम् । नयत्यस्मानतिक्रम्य योधाश्चेमे हतौजसः ॥

ayameko'rjuno dhanvī vṛddhabālaṃ hateśvaram | nayatyasmānatikramya yodhāśceme hataujasaḥ

"This Arjuna is one lone archer, leading the aged and the children whose lords are dead, passing us by, and these warriors of his have lost their strength."

Note on the text: Corrected नयत्यस्मानतिक्रम्य् योधाश्चेमे → नयत्यस्मानतिक्रम्य योधाश्चेमे (misprint in Wikisource; stray virama on 'अतिक्रम्य'; CE reads 'atikramya'). Speaker: the Abhira robbers (their counsel, introduced by the previous verse). Line 1 ('धन्वी') is a recension variant of CE 'yoddhā'.

Verse 50 (16.8.50)

ततो यष्टिप्रहरणा दस्यवस्ते सहस्रशः । अभ्यधावन्त वृष्णीनां तं जनं लोप्त्रहारिणः ॥

tato yaṣṭipraharaṇā dasyavaste sahasraśaḥ | abhyadhāvanta vṛṣṇīnāṃ taṃ janaṃ loptrahāriṇaḥ

Then thousands of those robbers, armed with staffs, rushed at that train of the Vrishnis, bent on plunder.

Verse 51 (16.8.51)

महता सिंहनादेन त्रासयन्तः पृथग्जनम् । अभिपेतुर्धनार्थं ते कालपर्यायचोदिताः ॥

mahatā siṃhanādena trāsayantaḥ pṛthagjanam | abhipeturdhanārthaṃ te kālaparyāyacoditāḥ

With a great lion's roar they terrified the common folk and fell upon them for plunder, driven on by the turning of Time.

Note on the text: 'त्रासयन्तः' is a recension variant of CE 'drāvayantaḥ'.

Verse 52 (16.8.52)

ततो निवृत्तः कौन्तेयः सहसा सपदानुगः । उवाच तान्महाबाहुरर्जुनः प्रहसन्निव ॥

tato nivṛttaḥ kaunteyaḥ sahasā sapadānugaḥ | uvāca tānmahābāhurarjunaḥ prahasanniva

Then mighty-armed Arjuna, the son of Kunti, suddenly turned back with his followers and spoke to them, smiling as it were:

Verse 53 (16.8.53)

निवर्तध्वमधर्मज्ञा यदि जीवितुमिच्छथ । इदानीं शरनिर्भिन्नाः शोचध्वं निहता मया ॥

nivartadhvamadharmajñā yadi jīvitumicchatha | idānīṃ śaranirbhinnāḥ śocadhvaṃ nihatā mayā

"Turn back, you who know no dharma, if you wish to live. Now, pierced by my arrows, you will lament, struck down by me."

Note on the text: Speaker: Arjuna (his words to the robbers, introduced by the previous verse). Line 1 ('यदि जीवितुमिच्छथ') is a recension variant of CE 'yadi stha na mumūrṣavaḥ', and line 2 begins 'इदानीं' where CE has 'nedānīṃ'; read as the page has it.

Verse 54 (16.8.54)

तथोक्तास्तेन वीरेण कदर्थीकृत्य तद्वचः । अभिपेतुर्जनं मूढा वार्यमाणाः पुनःपुनः ॥

tathoktāstena vīreṇa kadarthīkṛtya tadvacaḥ | abhipeturjanaṃ mūḍhā vāryamāṇāḥ punaḥpunaḥ

Though the hero spoke so to them, the fools made light of his words and, though repeatedly warned off, fell upon the people.

Note on the text: Corrected वीरेणि कदर्तीकृत्य → वीरेण कदर्थीकृत्य (misprint in Wikisource; spurious -i on 'वीरेण' and त for थ; CE reads 'vīreṇa kadarthīkṛtya').

Verse 55 (16.8.55)

ततोऽर्जुनो धनुर्दिव्यं गाण्डीवमजरं महत् । आरोपयितुमारेभे यत्नादिव कथञ्चन ॥

tato'rjuno dhanurdivyaṃ gāṇḍīvamajaraṃ mahat | āropayitumārebhe yatnādiva kathañcana

Then Arjuna began to string the great, divine, ageless bow Gandiva, as though he managed it only with effort.

Note on the text: Corrected कआरोपयितुमारेभे → आरोपयितुमारेभे (misprint in Wikisource; stray क; CE reads 'āropayitum ārebhe').

Verse 56 (16.8.56)

चकार सज्यं कृच्छ्रेण सम्भ्रमे तुमुले सति । चिन्तयामास शस्त्राणि न च सस्मार तान्यपि ॥

cakāra sajyaṃ kṛcchreṇa sambhrame tumule sati | cintayāmāsa śastrāṇi na ca sasmāra tānyapi

He strung it with difficulty in that confused tumult; he thought of his weapons, but could not recall them.

Note on the text: Corrected कृच्छ्रेणि → कृच्छ्रेण (misprint in Wikisource; spurious final -i; CE reads 'kṛcchreṇa'). 'शस्त्राणि' is a recension variant of CE 'astrāṇi'.

Verse 57 (16.8.57)

वैकृतं तन्महद्दृष्ट्वा भुजवीर्ये तथा युधि । दिव्यानां च महास्त्राणां विनाशाद्व्रीडितोऽभवत् ॥

vaikṛtaṃ tanmahaddṛṣṭvā bhujavīrye tathā yudhi | divyānāṃ ca mahāstrāṇāṃ vināśādvrīḍito'bhavat

Seeing that great change, in the strength of his arms in battle and in the loss of his divine great weapons, he was ashamed.

Note on the text: Corrected भुजवीर्य तथा → भुजवीर्ये तथा (misprint in Wikisource; locative ending dropped; CE reads 'bhujavīrye tathā yudhi').

Verse 58 (16.8.58)

वृष्णियोधाश्च ते सर्वे गजाश्वरथयोधिनः । न शेकुरावर्तयितुं ह्रियमाणं स्वकं धनम् ॥

vṛṣṇiyodhāśca te sarve gajāśvarathayodhinaḥ | na śekurāvartayituṃ hriyamāṇaṃ svakaṃ dhanam

And those Vrishni warriors, riding elephants, horses and chariots, could not bring back their own wealth that was being carried off.

Note on the text: Differs from CE 8.55 ('gajāśvarathayāyinaḥ', 'hriyamāṇaṃ ca taṃ janam'): recension variants ('गजाश्वरथयोधिनः', 'ह्रियमाणं स्वकं धनम्'), kept.

Verse 59 (16.8.59)

कलत्रस्य बहुत्वाद्धि सम्पतत्सु ततस्ततः । प्रयत्नमकरोत्पार्थो जनस्य परिरक्षणे ॥

kalatrasya bahutvāddhi sampatatsu tatastataḥ | prayatnamakarotpārtho janasya parirakṣaṇe

Because the women were so many and were scattering in all directions, Partha made every effort to protect the people.

Note on the text: Corrected सम्पतन्सु → सम्पतत्सु (misprint in Wikisource; locative plural of the participle is 'sampatatsu' (CE)).

Verse 60 (16.8.60)

मिषतां सर्वयोधानां ततस्ताः प्रमदोत्तमाः । समन्ततोवकृष्यन्त कामाच्चान्याः प्रवव्रजुः ॥

miṣatāṃ sarvayodhānāṃ tatastāḥ pramadottamāḥ | samantatovakṛṣyanta kāmāccānyāḥ pravavrajuḥ

While all the warriors looked on, those excellent women were dragged away on every side, and others went off of their own desire.

Verse 61 (16.8.61)

ततो गाण्डीवनिर्मुक्तैः शरैः पार्थो धनंजयः । जघान दस्यून्सोद्वेगो वृष्णिभृत्यैः सहस्रशः ॥

tato gāṇḍīvanirmuktaiḥ śaraiḥ pārtho dhanaṃjayaḥ | jaghāna dasyūnsodvego vṛṣṇibhṛtyaiḥ sahasraśaḥ

Then, with arrows loosed from Gandiva, Partha Dhananjaya in anguish slew thousands of robbers along with the Vrishni servants.

Note on the text: Line 2 ends 'सहस्रशः' where CE has 'saha prabhuḥ'; recension variant, kept.

Verse 62 (16.8.62)

क्षणेन तस्य ते राजन्क्षयं जग्मुरजिह्मगाः । अक्षया हि पुरा भूत्वा क्षीणाः क्षतजभोजनाः ॥

kṣaṇena tasya te rājankṣayaṃ jagmurajihmagāḥ | akṣayā hi purā bhūtvā kṣīṇāḥ kṣatajabhojanāḥ

In an instant his straight-flying arrows were spent, O king; those that had once been inexhaustible, the blood-drinkers, were now used up.

Verse 63 (16.8.63)

स शरक्षयमासाद्य दुःखशोकसमाहतः । धनुष्कोट्या तदा दस्यूनवधीत्पाकशासनिः ॥

sa śarakṣayamāsādya duḥkhaśokasamāhataḥ | dhanuṣkoṭyā tadā dasyūnavadhītpākaśāsaniḥ

His arrows exhausted, struck with grief and sorrow, Indra's son then killed robbers with the tip of his bow.

Verse 64 (16.8.64)

प्रेक्षतस्त्वेव पार्थस्य वृष्ण्यन्धकवरस्त्रियः । जग्मुरादाय ते म्लेच्छाः समन्ताज्जनमेजय ॥

prekṣatastveva pārthasya vṛṣṇyandhakavarastriyaḥ | jagmurādāya te mlecchāḥ samantājjanamejaya

But while Partha looked on, those barbarians carried off the finest women of the Vrishnis and Andhakas in all directions, O Janamejaya.

Note on the text: Removed the square brackets and doubled danda printed around this verse on the page (wiki marks).

Verse 65 (16.8.65)

धनंजयस्तु दैवं तन्मनसाऽचिन्तयत्प्रभुः । दुःखशोकसमाविष्टो निःश्वासपरमोऽभवत् ॥

dhanaṃjayastu daivaṃ tanmanasā'cintayatprabhuḥ | duḥkhaśokasamāviṣṭo niḥśvāsaparamo'bhavat

Dhananjaya the lord reflected in his mind that this was fate; overcome by grief and sorrow, he sighed heavily.

Note on the text: Corrected दुःखसोक → दुःखशोक (misprint in Wikisource; स for श; CE reads 'duḥkhaśoka').

Verse 66 (16.8.66)

अस्त्राणां च प्रणाशेन बाहुवीर्यस्य च क्षयात् । धनुषश्चाविधेयत्वाच्छराणां संक्षयेण च ॥

astrāṇāṃ ca praṇāśena bāhuvīryasya ca kṣayāt | dhanuṣaścāvidheyatvāccharāṇāṃ saṃkṣayeṇa ca

By the loss of his weapons, the failing of his arm's strength, the disobedience of his bow, and the exhaustion of his arrows,

Note on the text: Line 1 ('बाहुवीर्यस्य च क्षयात्') is a recension variant of CE 'bāhuvīryasya saṃkṣayāt'.

Verse 67 (16.8.67)

बभूव विमनाः पार्थो दैवमित्यनुचिन्तयन् । न्यवर्तत ततो राजन्नेदमस्तीति चिन्तयन् ॥

babhūva vimanāḥ pārtho daivamityanucintayan | nyavartata tato rājannedamastīti cintayan

Partha grew dejected, reflecting "It is fate," and turned back, O king, thinking "This cannot be."

Note on the text: Corrected दैवमित्युनुचिन्तयन् → दैवमित्यनुचिन्तयन् (misprint in Wikisource; 'unu…' is a misprint; CE reads 'anucintayan'). Line 2 ends 'चिन्तयन्' where CE has 'cābravīt'; recension variant, kept.

Verse 68 (16.8.68)

ततः शेषं समादाय कलत्रस्य महामतिः । हृतभूयिष्ठरत्नस्य कुरुक्षेत्रमवातरत् ॥

tataḥ śeṣaṃ samādāya kalatrasya mahāmatiḥ | hṛtabhūyiṣṭharatnasya kurukṣetramavātarat

Then the wise man took the remnant of the women, stripped of most of their jewels, and went down to Kurukshetra.

Note on the text: Line 1 begins 'ततः शेषं' where CE has 'tataḥ sa śeṣam'; recension variant.

Verse 69 (16.8.69)

युधिष्ठिरस्यानुमते वंशकर्तॄन्कुमारकान् । न्यवेशयत कौरव्यस्तत्रतत्र धनंजयः ॥

yudhiṣṭhirasyānumate vaṃśakartṝnkumārakān | nyaveśayata kauravyastatratatra dhanaṃjayaḥ

With Yudhishthira's consent, Dhananjaya the Kaurava settled the young princes, the founders of lines, here and there.

Note on the text: Line 1 = CE star passage 16,008.066b*0047_01 ('yudhiṣṭhirasyānumate vaṃśakartṛkumārakān'); line 2 = CE 16,008.066c. CE 066a-b ('evaṃ kalatram ānīya vṛṣṇīnāṃ hṛtaśeṣitam') has no counterpart in Wikisource.

Verse 70 (16.8.70)

हार्दिक्यतनयं पार्थो नगरे मृत्तिकावते । अश्वपतिं खाण्डवारण्ये राज्ये तत्र न्यवेशयत् । भोजराजकलत्रं च हृतशेषं नरोत्तमः ॥

hārdikyatanayaṃ pārtho nagare mṛttikāvate | aśvapatiṃ khāṇḍavāraṇye rājye tatra nyaveśayat | bhojarājakalatraṃ ca hṛtaśeṣaṃ narottamaḥ

Hardikya's son he settled in the city of Mrittikavata; Ashvapati he settled in the kingdom there, in the Khandava forest; and the remnant of the Bhoja king's wives that best of men also settled.

Note on the text: Corrected न्येवशयत् → न्यवेशयत् (misprint in Wikisource; letters transposed; CE reads 'nyaveśayat'). Three-line verse as printed on the page (16-8-70a,b,c). Line 1 = CE 16,008.067a-b ('nagare mṛttikāvate' for CE 'nagaraṃ mārtikāvatam'); line 2 ('अश्वपतिं खाण्डवारण्ये राज्ये तत्र…') corresponds to CE star passage 16,008.067b*0048_01 ('dagdhe 'tra khāṇḍavāraṇye rājye taṃ saṃnyaveśayat'), in a different wording; line 3 = CE 16,008.067c-d. The reading 'अश्वपतिम्' is uncertain.

Verse 71 (16.8.71)

तथा वृद्धांश्च बालांश्च स्त्रियश्चादाय पाण्डवः । वीरैर्विहीनान्सर्वांस्ताञ्शक्रप्रस्थे न्यवेशयत् ॥

tathā vṛddhāṃśca bālāṃśca striyaścādāya pāṇḍavaḥ | vīrairvihīnānsarvāṃstāñśakraprasthe nyaveśayat

Taking the elders, the children and the women, all those bereft of heroes, the Pandava settled them at Shakraprastha.

Note on the text: Line 1 begins 'तथा' where CE has 'tato'; recension variant.

Verse 72 (16.8.72)

यौयुधानिं सरस्वत्याः पुत्रं सात्यकिनः प्रियम् । न्यवेशयत धर्मात्मा वृद्धबालपुरस्कृतम् ॥

yauyudhāniṃ sarasvatyāḥ putraṃ sātyakinaḥ priyam | nyaveśayata dharmātmā vṛddhabālapuraskṛtam

Yauyudhani, Satyaki's dear son, he settled in the country of the Sarasvati, the righteous one, with the aged and the children set before him.

Note on the text: 'सरस्वत्याः' where CE has 'sarasvatyām' (locative); read as 'in the country of the Sarasvati'.

Verse 73 (16.8.73)

इन्द्रप्रस्थे ददौ राज्यं वज्राय परवीरहा । वज्रेणाक्रूरदारास्तु वार्यमाणाः प्रवव्रजुः ॥

indraprasthe dadau rājyaṃ vajrāya paravīrahā | vajreṇākrūradārāstu vāryamāṇāḥ pravavrajuḥ

The slayer of enemy heroes gave the kingdom at Indraprastha to Vajra; but Akrura's wives, though Vajra tried to hold them back, went forth into the forest.

Note on the text: Corrected व्रज्राय → वज्राय (misprint in Wikisource; stray र; CE reads 'vajrāya').

Verse 74 (16.8.74)

रुक्मिणी त्वथ गान्धारी शैब्या हैमवतीत्यपि । देवी जाम्बवती चैव विविशुर्जातवेदसम् ॥

rukmiṇī tvatha gāndhārī śaibyā haimavatītyapi | devī jāmbavatī caiva viviśurjātavedasam

Rukmini, then Gandhari, Shaibya, Haimavati, and the goddess Jambavati entered the fire.

Note on the text: Corrected शैब्दा → शैब्या (misprint in Wikisource; द for य; CE reads 'śaibyā'). Corrected जींबवती → जाम्बवती (misprint in Wikisource; 'जींबवती' is not a word; CE reads 'jāmbavatī').

Verse 75 (16.8.75)

सत्यभामा तथैवान्या देव्यः कृष्णस्य सम्मताः । वनं प्रविविशू राजंस्तापस्ये कृतनिश्चयाः ॥

satyabhāmā tathaivānyā devyaḥ kṛṣṇasya sammatāḥ | vanaṃ praviviśū rājaṃstāpasye kṛtaniścayāḥ

Satyabhama and the other beloved queens of Krishna, O king, entered the forest, resolved on austerities.

Verse 76 (16.8.76)

द्वारकावासिनो ये पुरुषाः पार्थमभ्ययुः । यथार्हं संविभज्यैनान्वज्रे पर्यददज्जयः ॥

dvārakāvāsino ye puruṣāḥ pārthamabhyayuḥ | yathārhaṃ saṃvibhajyainānvajre paryadadajjayaḥ

The men of Dvaraka who had followed Partha he divided suitably and entrusted to Vajra, the victorious Arjuna.

Note on the text: 'पार्थमभ्ययुः' for CE 'pārtham anvayuḥ' and the omission of 'तु': recension variant.

Verse 77 (16.8.77)

स तत्कृत्वा प्राप्तकालं बाष्पेणापिहितोऽर्जुनः । कृष्णद्वैपायनं व्यासं ददर्शासीनमाश्रमे ॥

sa tatkṛtvā prāptakālaṃ bāṣpeṇāpihito'rjunaḥ | kṛṣṇadvaipāyanaṃ vyāsaṃ dadarśāsīnamāśrame

Having done what the time required, Arjuna, his eyes veiled with tears, saw Krishna Dvaipayana Vyasa sitting in his hermitage.

Note on the text: Corrected बाष्णेणापिहितो → बाष्पेणापिहितो (misprint in Wikisource; ण for प; CE reads 'bāṣpeṇāpihito'). Line 2 reads 'व्यासं' for CE 'rājan'; recension variant.