The Assembly Hall of Brahma

Verse 1 (2.11.1)

पितामहसभां तात कथ्यमानां निबोध मे । शक्यते या न निर्देष्टुमेवंरूपेति भारत ॥

pitāmahasabhāṃ tāta kathyamānāṃ nibodha me | śakyate yā na nirdeṣṭumevaṃrūpeti bhārata

Hear from me, my son, as I tell of the Grandsire's hall, which cannot be described as having this or that form, O Bharata.

Note on the text: Not in the critical edition (found in the vulgate recension).

Verse 2 (2.11.2)

पुरा देवयुगे राजन्नादित्यो भगवान्दिवः । आगच्छन्मानुषं लोकं दिदृक्षुर्विगतक्लमः ॥

purā devayuge rājannādityo bhagavāndivaḥ | āgacchanmānuṣaṃ lokaṃ didṛkṣurvigataklamaḥ

Long ago, in the age of the gods, O king, the blessed Aditya came down from heaven to the world of men, unwearied, wishing to see it.

Verse 3 (2.11.3)

चरन्मानुषरूपेण सभां दृष्ट्वा स्वयम्भुवः । स तामकथयन्मह्यं दृष्ट्वा तत्त्वेन पाण्डव ॥

caranmānuṣarūpeṇa sabhāṃ dṛṣṭvā svayambhuvaḥ | sa tāmakathayanmahyaṃ dṛṣṭvā tattvena pāṇḍava

Wandering about in human form, he had seen the hall of the Self-born, and he described it to me as it truly is, O son of Pandu:

Verse 4 (2.11.4)

अप्रमेयां सभां दिव्यां मानसीं भरतर्षभ । अनिर्देश्यां प्रभावेण सर्वभूतमनोरमाम् ॥

aprameyāṃ sabhāṃ divyāṃ mānasīṃ bharatarṣabha | anirdeśyāṃ prabhāveṇa sarvabhūtamanoramām

a hall immeasurable and divine, born of the mind, O bull of the Bharatas, indescribable in its majesty and delightful to all beings.

Verse 5 (2.11.5)

श्रुत्वा गुणानहं तस्याः सभायाः पाण्डवर्षभ । दर्शनेप्सुस्तथा राजन्नादित्यमिदमब्रुवम् ॥

śrutvā guṇānahaṃ tasyāḥ sabhāyāḥ pāṇḍavarṣabha | darśanepsustathā rājannādityamidamabruvam

Hearing of the excellences of that hall, O best of the Pandavas, I longed to see it, O king, and I said this to Aditya:

Verse 6 (2.11.6)

भगवन्द्रष्टुमिच्छामि पितामहसभां शुभाम् । येन वा तपसा शक्या कर्मणा वाऽपि गोपते ॥

bhagavandraṣṭumicchāmi pitāmahasabhāṃ śubhām | yena vā tapasā śakyā karmaṇā vā'pi gopate

"Lord, I wish to see the auspicious hall of the Grandsire. O lord of rays, by what austerity or by what deed may it be seen,

Verse 7 (2.11.7)

औषधैर्या तथा युक्तैरुत्तमा पापनाशिनी । तन्ममाचक्ष्व भगवन्पश्येयं तां सभां यथा ॥

auṣadhairyā tathā yuktairuttamā pāpanāśinī | tanmamācakṣva bhagavanpaśyeyaṃ tāṃ sabhāṃ yathā

or by what herbs rightly applied — that supreme hall which destroys sin? Tell me that, lord, so that I may see the hall."

Verse 8 (2.11.8)

स तन्मम वचः श्रुत्वा सहस्रांशुर्दिवाकरः । प्रोवाच भारतश्रेष्ठ व्रतं वर्षसहस्रकम् ॥

sa tanmama vacaḥ śrutvā sahasrāṃśurdivākaraḥ | provāca bhārataśreṣṭha vrataṃ varṣasahasrakam

Hearing my words, O best of the Bharatas, the thousand-rayed Sun said: "Observe a vow lasting a thousand years,

Note on the text: Not in the critical edition (found in the vulgate recension).

Verse 9 (2.11.9)

ब्रह्मव्रतमुपास्स्व त्वं प्रयतेनान्तरात्मना । ततोऽहं हिमवत्पृष्ठे समारब्धो महाव्रतम् ॥

brahmavratamupāssva tvaṃ prayatenāntarātmanā | tato'haṃ himavatpṛṣṭhe samārabdho mahāvratam

the vow of Brahma, with your inner self restrained." Then I undertook that great vow on the slopes of the Himalaya.

Note on the text: Corrected समारब्दो → समारब्धो (misprint in Wikisource; past participle of आ-रभ्). Not in the critical edition (found in the vulgate recension).

Verse 10 (2.11.10)

ततः स भगवान्सूर्यो मामुपादाय वीर्यवान् । आगच्छत्तां सभां ब्राह्मीं विपाप्मा विगतक्लमः ॥

tataḥ sa bhagavānsūryo māmupādāya vīryavān | āgacchattāṃ sabhāṃ brāhmīṃ vipāpmā vigataklamaḥ

Then the blessed and mighty Sun took me with him and went, sinless and unwearied, to that hall of Brahma.

Note on the text: Removed a stray "?" after the verse (an editor's query mark in Wikisource).

Verse 11 (2.11.11)

एवंरूपेति सा शक्या न निर्देष्टुं नराधिप । क्षणेन हि बिभर्त्यन्यदनिर्देश्यं वपुस्तथा ॥

evaṃrūpeti sā śakyā na nirdeṣṭuṃ narādhipa | kṣaṇena hi bibhartyanyadanirdeśyaṃ vapustathā

That hall cannot be described as being of such a form, O ruler of men, for from moment to moment it takes on another, indescribable shape.

Verse 12 (2.11.12)

न वेद परिमाणं वा संस्थानं चापि भारत । न च रूपं मया तादृक् दृष्टपूर्वं कदाचन ॥

na veda parimāṇaṃ vā saṃsthānaṃ cāpi bhārata | na ca rūpaṃ mayā tādṛk dṛṣṭapūrvaṃ kadācana

I do not know its measure or its layout, O Bharata, nor had I ever before seen a form like it.

Verse 13 (2.11.13)

सुसुखा सा सदा राजन्न शीता न च घर्मदा । न क्षुत्पिपासे न ग्लानिं प्राप्य तां प्राप्नुवन्त्युत ॥

susukhā sā sadā rājanna śītā na ca gharmadā | na kṣutpipāse na glāniṃ prāpya tāṃ prāpnuvantyuta

It is always most pleasant, O king, neither cold nor hot; those who reach it feel neither hunger nor thirst nor weariness.

Note on the text: Corrected प्राप्यतां प्राप्तुवन्त्युत → प्राप्य तां प्राप्नुवन्त्युत (misprint in Wikisource; त for न in प्राप्नुवन्ति, and the words प्राप्य तां run together — as in the critical edition).

Verse 14 (2.11.14)

नानारूपैरिव कृता मणिभिः सा सुभास्वरैः । स्तम्भैर्न च धृता सा तु शाश्वती न च सा क्षरा ॥

nānārūpairiva kṛtā maṇibhiḥ sā subhāsvaraiḥ | stambhairna ca dhṛtā sā tu śāśvatī na ca sā kṣarā

It seems fashioned in many forms out of brilliantly shining gems. It is not held up by pillars; it is eternal and never decays,

Verse 15 (2.11.15)

दिव्यैर्नानाविधैर्भावैर्भासद्भिरमितप्रभैः ॥

divyairnānāvidhairbhāvairbhāsadbhiramitaprabhaiḥ

with divine objects of many kinds, shining and of boundless radiance.

Note on the text: A single line in Wikisource. Not in the critical edition (found in the vulgate recension).

Verse 16 (2.11.16)

अति चन्द्रं च सूर्यं च शिखिनं च स्वयम्प्रभा । दीप्यते नाकपृष्ठस्था भर्त्सयन्तीव भास्करम् ॥

ati candraṃ ca sūryaṃ ca śikhinaṃ ca svayamprabhā | dīpyate nākapṛṣṭhasthā bhartsayantīva bhāskaram

Self-luminous, standing on the vault of heaven, it outshines the moon, the sun and fire, and blazes as if putting the sun to shame.

Note on the text: Corrected भर्त्सयन्वीव → भर्त्सयन्तीव (misprint in Wikisource; न्व for न्त — the feminine participle is needed to agree with the hall).

Verse 17 (2.11.17)

तस्यां स भगवानास्ते विदधद्देवमायया । स्वयमेकोऽनिशं राजन्सर्वलोकपितामहः ॥

tasyāṃ sa bhagavānāste vidadhaddevamāyayā | svayameko'niśaṃ rājansarvalokapitāmahaḥ

In it the blessed Grandsire of all the worlds dwells ceaselessly, O king, alone, ordering all things by his divine power.

Verse 18 (2.11.18)

उपतिष्ठन्ति चाप्येनं प्रजानां पतयः प्रभुम् । दक्षः प्रचेताः पुलहो मरीचिः कश्यपः प्रभुः ॥

upatiṣṭhanti cāpyenaṃ prajānāṃ patayaḥ prabhum | dakṣaḥ pracetāḥ pulaho marīciḥ kaśyapaḥ prabhuḥ

The lords of creatures wait upon that lord: Daksha, Prachetas, Pulaha, Marichi, the lord Kashyapa,

Verse 19 (2.11.19)

भृगुरत्रिर्वसिष्ठश्च गौतमोऽथ तथाङ्गिराः । पुलस्त्यश्च क्रतुश्चैव प्रह्लादः कर्दमस्तथा ॥

bhṛguratrirvasiṣṭhaśca gautamo'tha tathāṅgirāḥ | pulastyaśca kratuścaiva prahlādaḥ kardamastathā

Bhrigu, Atri, Vasishtha, Gautama and Angiras, Pulastya, Kratu, Prahlada and Kardama,

Note on the text: Corrected कतु → क्रतु (misprint in Wikisource; the sage Kratu). First line is 2.11.15a; the second line is not in the critical edition (found in the vulgate recension).

Verse 20 (2.11.20)

अथर्वाङ्गिरसश्चैव वालखिल्या मरीचिपाः । मनोऽन्तरिक्षं विद्याश्च वायुस्तेजो जलं मही ॥

atharvāṅgirasaścaiva vālakhilyā marīcipāḥ | mano'ntarikṣaṃ vidyāśca vāyustejo jalaṃ mahī

the Atharvangirasas, the Valakhilyas and the Marichipas; Mind, Space, the branches of knowledge, Wind, Fire, Water and Earth,

Note on the text: Corrected सरीचिपाः → मरीचिपाः (misprint in Wikisource; the Marichipa ascetics, "drinkers of rays"). First line not in the critical edition (found in the vulgate recension); the second line is 2.11.15b.

Verse 21 (2.11.21)

शब्दस्पर्शौ तथा रूपं रसो गन्धश्च भारत । प्रकृतिश्च विकारश्च यच्चान्यत्कारणं भुवः ॥

śabdasparśau tathā rūpaṃ raso gandhaśca bhārata | prakṛtiśca vikāraśca yaccānyatkāraṇaṃ bhuvaḥ

Sound and Touch, Form, Taste and Smell, O Bharata; Prakriti and its transformations, and whatever else is a cause of the world;

Verse 22 (2.11.22)

अगस्त्यश्च महातेजा मार्कण्डेयश्च वीर्यवान् । जमदग्निर्भरद्वाजः संवर्तश्च्यवनस्तथा ॥

agastyaśca mahātejā mārkaṇḍeyaśca vīryavān | jamadagnirbharadvājaḥ saṃvartaścyavanastathā

Agastya of great splendour and mighty Markandeya, Jamadagni, Bharadvaja, Samvarta and Chyavana,

Note on the text: Not in the critical edition (found in the vulgate recension).

Verse 23 (2.11.23)

दुर्वासाश्च महाभाग ऋष्यशृङ्गश्च धार्मिकः । सनत्कुमारो भगवान्योगाचार्यो महातपाः ॥

durvāsāśca mahābhāga ṛṣyaśṛṅgaśca dhārmikaḥ | sanatkumāro bhagavānyogācāryo mahātapāḥ

the illustrious Durvasas and the righteous Rishyashringa, the blessed Sanatkumara, great ascetic and teacher of yoga,

Note on the text: Corrected ऋष्णशृङ्ग → ऋष्यशृङ्ग (misprint in Wikisource; the sage Rishyashringa). Not in the critical edition (found in the vulgate recension).

Verse 24 (2.11.24)

असितो देवलश्चैव जैगीषव्यश्च तत्त्ववित् । ऋषभो जितशत्रुश्च महावीर्यस्तथा मणिः ॥

asito devalaścaiva jaigīṣavyaśca tattvavit | ṛṣabho jitaśatruśca mahāvīryastathā maṇiḥ

Asita and Devala, Jaigishavya who knows the truth, Rishabha, Jitashatru, and the mighty Mani;

Note on the text: Not in the critical edition (found in the vulgate recension).

Verse 25 (2.11.25)

आयुर्वेदस्तथाऽष्टाङ्गो देहवांस्तत्र भारत । चन्द्रमाः सह नक्षत्रैरादित्यश्च गभस्तिमान् ॥

āyurvedastathā'ṣṭāṅgo dehavāṃstatra bhārata | candramāḥ saha nakṣatrairādityaśca gabhastimān

the eightfold Ayurveda is there in bodily form, O Bharata; the Moon with the stars, and the radiant Sun;

Note on the text: First line not in the critical edition (found in the vulgate recension); the second line is 2.11.17a.

Verse 26 (2.11.26)

वायवः क्रतवश्चैव सङ्कल्पः प्राण एव च । मूर्तिमन्तो महात्मानो महाव्रतपरायणाः ॥

vāyavaḥ kratavaścaiva saṅkalpaḥ prāṇa eva ca | mūrtimanto mahātmāno mahāvrataparāyaṇāḥ

the winds, the sacrifices, Resolve and Breath — great-souled beings in bodily form, devoted to great vows.

Note on the text: First line is 2.11.17b; the second line is not in the critical edition (found in the vulgate recension).

Verse 27 (2.11.27)

एते चान्ये च बहवो ब्रह्माणं समुपस्थिताः । अर्थो धर्मश्च कामश्च हर्षो द्वेषस्तपो दमः ॥

ete cānye ca bahavo brahmāṇaṃ samupasthitāḥ | artho dharmaśca kāmaśca harṣo dveṣastapo damaḥ

These and many others attend upon Brahma. Wealth, Righteousness and Desire, Joy, Hatred, Austerity and Self-restraint;

Verse 28 (2.11.28)

आयान्ति तस्यां सहिता गन्धर्वाप्सरसां गणाः । विंशतिः सप्त चैवान्ये लोकपालाश्च सर्वशः ॥

āyānti tasyāṃ sahitā gandharvāpsarasāṃ gaṇāḥ | viṃśatiḥ sapta caivānye lokapālāśca sarvaśaḥ

troops of Gandharvas and Apsarases come there together; the twenty-seven others, and the guardians of the worlds from every side;

Verse 29 (2.11.29)

शुक्रो बृहस्पतिश्चैव बुधोऽङ्गारक एव च । शनैश्चरश्च राहुश्च ग्रहाः सर्वे तथैव च ॥

śukro bṛhaspatiścaiva budho'ṅgāraka eva ca | śanaiścaraśca rāhuśca grahāḥ sarve tathaiva ca

Shukra, Brihaspati, Budha and Angaraka, Shanaishchara and Rahu — all the planets likewise;

Note on the text: Corrected अङ्कारक → अङ्गारक (misprint in Wikisource; the planet Mars, as in the critical edition).

Verse 30 (2.11.30)

मन्त्रो रथन्तरं चैव हरिमान्वसुमानपि । आदित्याः साधिराजानो नामद्वन्द्वैरुदाहृताः ॥

mantro rathantaraṃ caiva harimānvasumānapi | ādityāḥ sādhirājāno nāmadvandvairudāhṛtāḥ

the Mantra and the Rathantara, Harimat and Vasumat; the Adityas with their overlords, and the deities named in pairs;

Verse 31 (2.11.31)

मरुतो विश्वकर्मा च वसवश्चैव भारत । तथा पितृगणाः सर्वे सर्वाणि च हवींष्यथ ॥

maruto viśvakarmā ca vasavaścaiva bhārata | tathā pitṛgaṇāḥ sarve sarvāṇi ca havīṃṣyatha

the Maruts, Vishvakarman and the Vasus, O Bharata; all the hosts of Pitris, and all the oblations;

Verse 32 (2.11.32)

ऋग्वेदः सामवेदश्च यजुर्वेदश्च पाण्डव । अथर्ववेदश्च तथा सर्वशास्त्राणि चैव ह ॥

ṛgvedaḥ sāmavedaśca yajurvedaśca pāṇḍava | atharvavedaśca tathā sarvaśāstrāṇi caiva ha

the Rigveda, the Samaveda and the Yajurveda, O son of Pandu, the Atharvaveda as well, and all the sciences;

Verse 33 (2.11.33)

इतिहासोपवेदाश्च वेदाङ्गानि च सर्वशः । ग्रहा यज्ञाश्च सोमश्च देवताश्चापि सर्वशः ॥

itihāsopavedāśca vedāṅgāni ca sarvaśaḥ | grahā yajñāśca somaśca devatāścāpi sarvaśaḥ

the Itihasas and the Upavedas, all the Vedangas; the planets, the sacrifices, Soma, and all the deities;

Verse 34 (2.11.34)

सावित्री दुर्गतरणी वाणी सप्तविधा तथा । मेधा धृतिः श्रुतिश्चैव प्रज्ञा बुद्धिर्यशः क्षमा ॥

sāvitrī durgataraṇī vāṇī saptavidhā tathā | medhā dhṛtiḥ śrutiścaiva prajñā buddhiryaśaḥ kṣamā

Savitri, who carries one across hardship, and Speech in its seven forms; Intelligence, Steadfastness, Revelation, Wisdom, Understanding, Fame and Forbearance;

Verse 35 (2.11.35)

सामानि स्तुतिशस्त्राणि गाथाश्च विविधास्तथा । भाष्याणि तर्कयुक्तानि देहवन्ति विशाम्पते ॥

sāmāni stutiśastrāṇi gāthāśca vividhāstathā | bhāṣyāṇi tarkayuktāni dehavanti viśāmpate

the Samans, the hymns of praise and recitation, songs of many kinds, and commentaries joined with reasoning — all in bodily form, O lord of the people;

Verse 36 (2.11.36)

नाटका विविधाः काव्याः कथाख्यायिककारिकाः । तत्र तिष्ठन्ति ते पुण्या ये चान्ये गुरुपूजकाः ॥

nāṭakā vividhāḥ kāvyāḥ kathākhyāyikakārikāḥ | tatra tiṣṭhanti te puṇyā ye cānye gurupūjakāḥ

dramas of many kinds, poems, tales, narratives and karikas — these stand there, holy, and others too who honour their teachers.

Note on the text: Corrected कथाख्यायिकारिकाः → कथाख्यायिककारिकाः (misprint in Wikisource; a dropped क leaves the line a syllable short — tales, narratives and kārikās). Separated तत्रतिष्ठन्ति → तत्र तिष्ठन्ति. Not in the critical edition (found in the vulgate recension).

Verse 37 (2.11.37)

क्षणा लवा मुहूर्ताश्च दिवा रात्रिस्तथैव च । अर्धमासाश्च मासाश्च ऋतवः षट् च भारत ॥

kṣaṇā lavā muhūrtāśca divā rātristathaiva ca | ardhamāsāśca māsāśca ṛtavaḥ ṣaṭ ca bhārata

Kshanas, lavas and muhurtas, day and night, half-months and months, and the six seasons, O Bharata;

Verse 38 (2.11.38)

संवत्सराः पञ्चयुगमहोरात्रश्चतुर्विधः । कालचक्रं च तद्दिव्यं नित्यमक्षयमव्ययम् ॥

saṃvatsarāḥ pañcayugamahorātraścaturvidhaḥ | kālacakraṃ ca taddivyaṃ nityamakṣayamavyayam

the years, the five-year yuga, the fourfold day-and-night, and that divine wheel of time, eternal, imperishable and unchanging;

Note on the text: Corrected पञ्ययुग → पञ्चयुग (misprint in Wikisource; "the five-year yuga", as in the critical edition and the commentary printed on the page).

Verse 39 (2.11.39)

धर्मचक्रं तथा चापि नित्यमास्ते युधिष्ठिर । अदितिर्दितिर्दनुश्चैव सुरसा विनता इरा ॥

dharmacakraṃ tathā cāpi nityamāste yudhiṣṭhira | aditirditirdanuścaiva surasā vinatā irā

and the wheel of dharma too is always there, O Yudhishthira. Aditi, Diti and Danu, Surasa, Vinata, Ira,

Note on the text: First line not in the critical edition (found in the vulgate recension); the second line is 2.11.29a.

Verse 40 (2.11.40)

कालिका सुरभी देवी सरमा चाथ गौतमी ॥

kālikā surabhī devī saramā cātha gautamī

Kalika, the goddess Surabhi, Sarama and Gautami,

Note on the text: A single line in Wikisource (= 2.11.29b).

Verse 41 (2.11.41)

प्रभा कद्रूश्च वै देव्यौ देवतानां च मातरः । रुद्राणी श्रीश्च लक्ष्मीश्च भद्रा षष्ठी तथाऽपरा ॥

prabhā kadrūśca vai devyau devatānāṃ ca mātaraḥ | rudrāṇī śrīśca lakṣmīśca bhadrā ṣaṣṭhī tathā'parā

and the two goddesses Prabha and Kadru, mothers of the gods; Rudrani, Shri and Lakshmi, Bhadra, and Shashthi besides;

Note on the text: Not in the critical edition (found in the vulgate recension).

Verse 42 (2.11.42)

पृथिवी गां गता देवी ह्रीः स्वाहा कीर्तिरेव च । सुरा देवी शची चैव तथा पुष्टिररुन्धती ॥

pṛthivī gāṃ gatā devī hrīḥ svāhā kīrtireva ca | surā devī śacī caiva tathā puṣṭirarundhatī

the goddess Earth, who took the form of a cow, Hri, Svaha and Kirti, the goddess Sura, Shachi, Pushti and Arundhati,

Note on the text: Not in the critical edition (found in the vulgate recension).

Verse 43 (2.11.43)

संवृत्तिराशा नियतिः सृष्टिर्देवी रतिस्तथा । एताश्चान्याश्च वै देव्य उपतस्थुः प्रजापतिम् ॥

saṃvṛttirāśā niyatiḥ sṛṣṭirdevī ratistathā | etāścānyāśca vai devya upatasthuḥ prajāpatim

Samvritti, Asha, Niyati, the goddess Srishti and Rati — these and other goddesses attended upon Prajapati.

Note on the text: Separated एताश्चान्याश्चवै → एताश्चान्याश्च वै (word division only). Not in the critical edition (found in the vulgate recension).

Verse 44 (2.11.44)

आदित्या वसवो रुद्रा मरुतश्चाश्विनावपि । विश्वेदेवाश्च साध्याश्च पितरश्च मनोजवाः ॥

ādityā vasavo rudrā marutaścāśvināvapi | viśvedevāśca sādhyāśca pitaraśca manojavāḥ

The Adityas, the Vasus, the Rudras, the Maruts and the two Ashvins, the Vishvedevas, the Sadhyas, and the Pitris swift as thought.

Note on the text: Corrected अस्विनौ → अश्विनौ (misprint in Wikisource; the Ashvins, as in the critical edition).

Verse 45 (2.11.45)

पितृणां च गणान्विद्धि सप्तैव पुरुषर्षभ । मूर्तिमन्तो वै चत्वारस्त्रयश्चाप्यशरीरिणः ॥

pitṛṇāṃ ca gaṇānviddhi saptaiva puruṣarṣabha | mūrtimanto vai catvārastrayaścāpyaśarīriṇaḥ

Know that the hosts of the Pitris are seven, O bull among men: four of them have form, and three are without bodies.

Note on the text: Corrected त्रयश्चापि शरीरिणः → त्रयश्चाप्यशरीरिणः (probable misprint in Wikisource; of the seven classes of Pitris four have form and three are bodiless, so the contrast with मूर्तिमन्तः requires अशरीरिणः — a dropped अ). Not in the critical edition (found in the vulgate recension).

Verse 46 (2.11.46)

वैराजश्च महाभागा अग्निष्वात्ताश्च भारत । गार्हपत्या नाकचराः पितरो लोकविश्रुताः ॥

vairājaśca mahābhāgā agniṣvāttāśca bhārata | gārhapatyā nākacarāḥ pitaro lokaviśrutāḥ

the illustrious Vairajas and the Agnishvattas, O Bharata, the Garhapatyas who range the heavens — Pitris renowned in the worlds —

Note on the text: Not in the critical edition (found in the vulgate recension).

Verse 47 (2.11.47)

सोमपा एकशृङ्गाश्च चतुर्वेदाः कलास्तथा । एते चतुर्षु वर्णेषु पूज्यन्ते पितरो नृप ॥

somapā ekaśṛṅgāśca caturvedāḥ kalāstathā | ete caturṣu varṇeṣu pūjyante pitaro nṛpa

the Somapas, the Ekashringas, the Chaturvedas and the Kalas. These Pitris are worshipped among the four varnas, O king.

Note on the text: Not in the critical edition (found in the vulgate recension).

Verse 48 (2.11.48)

एतैराप्यायितैः पूर्वं सोमश्चाप्याय्यते पुनः । त एते पितरः सर्वे प्रजापतिमुपस्थिताः ॥

etairāpyāyitaiḥ pūrvaṃ somaścāpyāyyate punaḥ | ta ete pitaraḥ sarve prajāpatimupasthitāḥ

When these are nourished first, Soma in turn is nourished. All these Pitris attended upon Prajapati

Note on the text: Corrected पुर्वं → पूर्वं (misprint in Wikisource; short u for long ū). Not in the critical edition (found in the vulgate recension).

Verse 49 (2.11.49)

उपासते च संहृष्टा ब्रह्माणममितौजसम् । राक्षसाश्च पिशाचाश्च दानवा गुह्यकास्तथा ॥

upāsate ca saṃhṛṣṭā brahmāṇamamitaujasam | rākṣasāśca piśācāśca dānavā guhyakāstathā

and joyfully wait upon Brahma of boundless energy. Rakshasas and Pishachas, Danavas and Guhyakas,

Note on the text: First line not in the critical edition (found in the vulgate recension); the second line is 2.11.31a.

Verse 50 (2.11.50)

नागाः सुपर्णाः पशवः पितामहमुपासते । स्थावरा जङ्गमाश्चैव महाभूतास्तथाऽपरे ॥

nāgāḥ suparṇāḥ paśavaḥ pitāmahamupāsate | sthāvarā jaṅgamāścaiva mahābhūtāstathā'pare

Nagas, Suparnas and beasts wait upon the Grandsire; the unmoving and the moving beings, and the great elements besides.

Note on the text: First line is 2.11.31b; the second line is not in the critical edition (found in the vulgate recension).

Verse 51 (2.11.51)

पुरन्दरश्च देवेन्द्रो वरुणो धनदो यमः । महादेवः सहोमोऽत्र सदा गच्छति सर्वशः ॥

purandaraśca devendro varuṇo dhanado yamaḥ | mahādevaḥ sahomo'tra sadā gacchati sarvaśaḥ

Purandara, king of the gods, Varuna, Dhanada and Yama, and Mahadeva with Uma, always come there from every side.

Note on the text: Not in the critical edition (found in the vulgate recension).

Verse 52 (2.11.52)

महासेनश्च राजेन्द्र सदोपास्ते पितामहम् । देवो नारायणस्तस्यां तथा देवर्षयश्च ये ॥

mahāsenaśca rājendra sadopāste pitāmaham | devo nārāyaṇastasyāṃ tathā devarṣayaśca ye

Mahasena too, O king of kings, always waits upon the Grandsire. The god Narayana is in that hall, and the divine seers,

Note on the text: First line not in the critical edition (found in the vulgate recension); the second line is 2.11.32a.

Verse 53 (2.11.53)

ऋषयो वालखिल्याश्च योनिजायोनिजास्तथा । यच्च किञ्चित्त्रिलोकेऽस्मिन्दृश्यते स्थाणु जङ्गमम् । सर्वं तस्यां मया दृष्टमिति विद्धि नराधिप ॥

ṛṣayo vālakhilyāśca yonijāyonijāstathā | yacca kiñcittriloke'smindṛśyate sthāṇu jaṅgamam | sarvaṃ tasyāṃ mayā dṛṣṭamiti viddhi narādhipa

the Valakhilya sages, and those born of wombs and not born of wombs. Whatever is seen in these three worlds, unmoving or moving — know that I saw it all in that hall, O ruler of men.

Note on the text: Corrected किञ्चित्रिलोके → किञ्चित्त्रिलोके (misprint in Wikisource; किञ्चित् + त्रिलोके keeps both t's). First line is 2.11.32b; the last two lines are 2.11.33.

Verse 54 (2.11.54)

अष्टाशीतिसहस्राणि ऋषीणामूर्ध्वरेतसाम् । प्रजावतां च पञ्चाशदृषीणामपि पाण्डव ॥

aṣṭāśītisahasrāṇi ṛṣīṇāmūrdhvaretasām | prajāvatāṃ ca pañcāśadṛṣīṇāmapi pāṇḍava

Eighty-eight thousand sages who keep their seed drawn upward, and fifty sages with offspring, O son of Pandu, are there.

Verse 55 (2.11.55)

ते स्म तत्र यथाकामं दृष्ट्वा सर्वे दिवौकसः । प्रणम्य शिरसा तस्मै सर्वे यान्ति यथागमम् ॥

te sma tatra yathākāmaṃ dṛṣṭvā sarve divaukasaḥ | praṇamya śirasā tasmai sarve yānti yathāgamam

All the dwellers of heaven, having seen him there as they wish and bowed their heads to him, go back the way they came.

Verse 56 (2.11.56)

अतिथीनागतान्देवान्दैत्यान्नागांस्तथा द्विजान् । यक्षान्सुपर्णान्कालेयान्गन्धर्वाप्सरसस्तथा ॥

atithīnāgatāndevāndaityānnāgāṃstathā dvijān | yakṣānsuparṇānkāleyāngandharvāpsarasastathā

The guests who arrive — gods, Daityas, Nagas and twice-born, Yakshas, Suparnas, Kaleyas, Gandharvas and Apsarases,

Note on the text: Corrected मुपर्णान् → सुपर्णान् (misprint in Wikisource; the Suparnas, as in the critical edition).

Verse 57 (2.11.57)

महाभागानमितधीर्ब्रह्मा लोकपितामहः । दयावान्सर्वभूतेषु यथार्हं प्रतिपद्यते ॥

mahābhāgānamitadhīrbrahmā lokapitāmahaḥ | dayāvānsarvabhūteṣu yathārhaṃ pratipadyate

illustrious beings all, Brahma, Grandsire of the worlds, of boundless understanding and compassionate to every creature, receives as each deserves.

Verse 58 (2.11.58)

प्रतिगृह्य तु विश्वात्मा स्वयम्भूरमितद्युतिः । सान्त्वमानार्थसम्भोगैर्युनक्ति मनुजाधिप ॥

pratigṛhya tu viśvātmā svayambhūramitadyutiḥ | sāntvamānārthasambhogairyunakti manujādhipa

Receiving them, the Soul of the universe, the Self-born of boundless splendour, honours them with kind words, respect, gifts and enjoyments, O lord of men.

Note on the text: Corrected स्वयं स्वयम्भूरमितद्युतिः → स्वयम्भूरमितद्युतिः (misprint in Wikisource; a repeated स्वयं makes the line two syllables too long — the critical edition has "svayaṃbhūr").

Verse 59 (2.11.59)

तथा तैरुपयातैश्च प्रतियद्भिश्च भारत । आकुला सा सभा तात भवति स्म सुखप्रदा ॥

tathā tairupayātaiśca pratiyadbhiśca bhārata | ākulā sā sabhā tāta bhavati sma sukhapradā

So, with those arriving and those departing, O Bharata, that hall, my son, is always crowded and full of joy.

Note on the text: Separated सभातात → सभा तात (word division only).

Verse 60 (2.11.60)

सर्वतेजोमयी दिव्या ब्रह्मर्षिगणसेविता । ब्राह्म्या श्रिया दीप्यमाना शुशुभे विगतक्लमा ॥

sarvatejomayī divyā brahmarṣigaṇasevitā | brāhmyā śriyā dīpyamānā śuśubhe vigataklamā

Full of every splendour, divine, frequented by hosts of brahmarshis, blazing with the glory of Brahma, it shone, free from all weariness.

Note on the text: Corrected ब्राहया → ब्राह्म्या (misprint in Wikisource; broken conjunct — "with Brahma's glory", as in the critical edition).

Verse 61 (2.11.61)

सा सभा तादृशी दृष्टा मया लोकेषु दुर्लभा । सभेयं राजशार्दूल मनुष्येषु यथा तव ॥

sā sabhā tādṛśī dṛṣṭā mayā lokeṣu durlabhā | sabheyaṃ rājaśārdūla manuṣyeṣu yathā tava

Such is the hall I saw, rare among the worlds, O tiger among kings, as this hall of yours is rare among men.

Verse 62 (2.11.62)

एता मया दृष्टपूर्वाः सभा देवेषु भारत । सभेयं मानुषे लोके सर्वश्रेष्ठतमा तव ॥

etā mayā dṛṣṭapūrvāḥ sabhā deveṣu bhārata | sabheyaṃ mānuṣe loke sarvaśreṣṭhatamā tava

These are the halls I have seen among the gods, O Bharata. In the world of men, this hall of yours is the finest of all.