The Assembly Hall of Kubera

Verse 1 (2.10.1)

सभा वैश्रवणी राजञ्शतयोजनमायता । विस्तीर्णा सप्ततिश्चैव योजनानि सितप्रभा ॥

sabhā vaiśravaṇī rājañśatayojanamāyatā | vistīrṇā saptatiścaiva yojanāni sitaprabhā

O king, Vaishravana's assembly hall is a hundred yojanas long and seventy yojanas wide, and it gleams with a white radiance.

Verse 2 (2.10.2)

तपसा निर्जिता राजन्स्वयं वैश्रवणेन सा । शशिप्रभा प्रावरणा कैलासशिखरोपमा ॥

tapasā nirjitā rājansvayaṃ vaiśravaṇena sā | śaśiprabhā prāvaraṇā kailāsaśikharopamā

Vaishravana won it for himself by his austerities, O king. Its canopy is bright as the moon, and it looks like a peak of Kailasa.

Verse 3 (2.10.3)

गुह्यकैरुह्यमाना सा खे विषक्तेव शोभते । दिव्या हेममयैरुच्चैः प्रासादैरुपशोभिता ॥

guhyakairuhyamānā sā khe viṣakteva śobhate | divyā hemamayairuccaiḥ prāsādairupaśobhitā

Borne along by the Guhyakas, it shines as if fastened to the sky, adorned with lofty, divine palaces of gold.

Verse 4 (2.10.4)

महारत्नवती चित्रा दिव्यगन्धा मनोरमा । सिताभ्रशिखराकारा प्लवमानेव दृश्यते ॥

mahāratnavatī citrā divyagandhā manoramā | sitābhraśikharākārā plavamāneva dṛśyate

Rich in great jewels, many-hued, divinely fragrant and delightful, shaped like a peak of white cloud, it seems to float.

Verse 5 (2.10.5)

दिव्या हेममयै रङ्गैर्विद्युद्भिरिव चित्रिता । तस्यां वैश्रवणो राजा विचित्राभरणाम्बरः ॥

divyā hemamayai raṅgairvidyudbhiriva citritā | tasyāṃ vaiśravaṇo rājā vicitrābharaṇāmbaraḥ

Divine, it is streaked with golden hues as if with lightning. In it King Vaishravana, in wondrous ornaments and robes,

Note on the text: First line not in the critical edition (found in the vulgate recension); the second line is 2.10.5a.

Verse 6 (2.10.6)

स्त्रीसहस्रैर्वृतः श्रीमानास्ते ज्वलितकुण्डलः । सह पत्न्या महाराज ऋद्ध्या सह विराजते ॥

strīsahasrairvṛtaḥ śrīmānāste jvalitakuṇḍalaḥ | saha patnyā mahārāja ṛddhyā saha virājate

sits in glory with blazing earrings, surrounded by thousands of women. Great king, the lord of wealth shines beside his wife Riddhi,

Note on the text: Removed a stray backtick (wiki mark that opens a bracketed addition). First line is 2.10.5b; the second line is not in the critical edition (found in the vulgate recension).

Verse 7 (2.10.7)

सर्वाभरणभूषिण्या वपुष्मत्या धनेश्वरः । दिवाकरनिभे पुण्ये दिव्यास्तरणसंवृते । दिव्यपादोपधाने च निषण्णः परमासने ॥

sarvābharaṇabhūṣiṇyā vapuṣmatyā dhaneśvaraḥ | divākaranibhe puṇye divyāstaraṇasaṃvṛte | divyapādopadhāne ca niṣaṇṇaḥ paramāsane

who is adorned with every ornament and beautiful of form. He is seated on a splendid throne, bright as the sun and holy, spread with divine coverings and furnished with a divine footrest.

Note on the text: Removed a stray quote mark (wiki mark that closes a bracketed addition). First line not in the critical edition (found in the vulgate recension); the last two lines are 2.10.6.

Verse 8 (2.10.8)

मन्दाराणामुदाराणां वनानि परिलोडयन् । सौगन्धिकवनानां च गन्धं गन्धवहो वहन् ॥

mandārāṇāmudārāṇāṃ vanāni pariloḍayan | saugandhikavanānāṃ ca gandhaṃ gandhavaho vahan

Stirring the forests of noble mandara trees, and carrying the scent of the saugandhika lotus groves,

Note on the text: Corrected सौगन्धीक → सौगन्धिक (misprint in Wikisource; the saugandhika lotus, as in the critical edition).

Verse 9 (2.10.9)

नलिन्याश्चालकाख्याया नन्दनस्य वनस्य च । शीतो हृदयसंह्लादी वायुस्तमुपसेवते ॥

nalinyāścālakākhyāyā nandanasya vanasya ca | śīto hṛdayasaṃhlādī vāyustamupasevate

of the lotus pool called Alaka and of the Nandana grove, a cool breeze that gladdens the heart waits upon him.

Verse 10 (2.10.10)

तत्र देवाः सगन्धर्वा गणैरप्सरसां वृताः । दिव्यतानैर्महाराज गायन्ति स्म सभागताः ॥

tatra devāḥ sagandharvā gaṇairapsarasāṃ vṛtāḥ | divyatānairmahārāja gāyanti sma sabhāgatāḥ

There the gods with the Gandharvas, attended by troops of Apsarases, gather in the hall and sing with heavenly melodies, O great king.

Note on the text: Separated गायन्तिस्म → गायन्ति स्म (word division only).

Verse 11 (2.10.11)

मिश्रकेशी च रम्भा च चित्रसेना शुचिस्मिता । चारुनेत्रा घृताची च मेनका पुञ्जिकस्थला ॥

miśrakeśī ca rambhā ca citrasenā śucismitā | cārunetrā ghṛtācī ca menakā puñjikasthalā

Mishrakeshi and Rambha, Chitrasena of the bright smile, Charunetra, Ghritachi, Menaka, Punjikasthala,

Verse 12 (2.10.12)

विश्वाची सहजन्या च प्रम्लोचा उर्वशी इरा ॥

viśvācī sahajanyā ca pramlocā urvaśī irā

Vishvachi, Sahajanya, Pramlocha, Urvashi, Ira,

Note on the text: Corrected उर्वशी → उर्वशी इरा (misprint in Wikisource; the name इरा has dropped out, leaving the line a syllable short — the critical edition has "urvaśī irā"). Wikisource prints this verse as a single line.

Verse 13 (2.10.13)

वर्गा च सौरभेयी च समीची बुद्बुदा लता । एताः सहस्रशश्चान्या नृत्तगीतविशारदाः ॥

vargā ca saurabheyī ca samīcī budbudā latā | etāḥ sahasraśaścānyā nṛttagītaviśāradāḥ

Varga, Saurabheyi, Samichi, Budbuda and Lata — these and thousands of others, skilled in dance and song,

Verse 14 (2.10.14)

उपतिष्ठन्ति धनदं गन्धर्वाप्सरसां गणाः । अनिशं दिव्यवादित्रैर्नृत्तगीतैश्च सा सभा ॥

upatiṣṭhanti dhanadaṃ gandharvāpsarasāṃ gaṇāḥ | aniśaṃ divyavāditrairnṛttagītaiśca sā sabhā

the troops of Gandharvas and Apsarases, wait upon the Giver of Wealth. With heavenly instruments, dance and song, that hall, ceaselessly,

Note on the text: Corrected स सभा → सा सभा (misprint in Wikisource; the pronoun must be feminine to agree with सभा, as in the critical edition).

Verse 15 (2.10.15)

अशून्या रुचिरा भाति गन्धर्वाप्सरसां गणैः । किन्नरा नाम गन्धर्वा नरा नाम तथाऽपरे ॥

aśūnyā rucirā bhāti gandharvāpsarasāṃ gaṇaiḥ | kinnarā nāma gandharvā narā nāma tathā'pare

is never empty, and it shines lovely with its hosts of Gandharvas and Apsarases. There are Gandharvas called Kinnaras, and others called Naras,

Verse 16 (2.10.16)

माणिभद्रोऽथ धनदः श्वेतभद्रश्च गुह्यकः । कशेरको गण्डकण्डूः प्रद्योतश्च महाबलः ॥

māṇibhadro'tha dhanadaḥ śvetabhadraśca guhyakaḥ | kaśerako gaṇḍakaṇḍūḥ pradyotaśca mahābalaḥ

Manibhadra, and Dhanada, the Guhyaka Shvetabhadra, Kasheraka, Gandakandu and mighty Pradyota,

Verse 17 (2.10.17)

कुस्तम्बरुः पिशाचश्च गजकर्णो विशालकः । वराहकर्णस्ताम्रौष्ठः फलकक्षः फलोदकः ॥

kustambaruḥ piśācaśca gajakarṇo viśālakaḥ | varāhakarṇastāmrauṣṭhaḥ phalakakṣaḥ phalodakaḥ

Kustambaru, Pishacha, Gajakarna, Vishalaka, Varahakarna, Tamraushtha, Phalakaksha, Phalodaka,

Verse 18 (2.10.18)

हंसचूडः शिखावर्तो हेमनेत्रो विभीषणः । पुष्पाननः पिङ्गलकः शोणितोदः प्रवालकः ॥

haṃsacūḍaḥ śikhāvarto hemanetro vibhīṣaṇaḥ | puṣpānanaḥ piṅgalakaḥ śoṇitodaḥ pravālakaḥ

Hamsachuda, Shikhavarta, Hemanetra, Vibhishana, Pushpanana, Pingalaka, Shonitoda, Pravalaka,

Note on the text: Corrected शइखावर्तो → शिखावर्तो (misprint in Wikisource; broken vowel sign, the critical edition has "śikhāvarto").

Verse 19 (2.10.19)

वृक्षवास्यनिकेतश्च चीरवासाश्च भारत । एते चान्ये च बहवो यक्षाः शतसहस्रशः ॥

vṛkṣavāsyaniketaśca cīravāsāśca bhārata | ete cānye ca bahavo yakṣāḥ śatasahasraśaḥ

Vrikshavasyaniketa and Chiravasas, O Bharata — these and many other Yakshas, in hundreds of thousands.

Verse 20 (2.10.20)

सदा भगवती लक्ष्मीस्तत्रैव नलकूबरः । अहं च बहुशस्तस्यां भवन्त्यन्ये च मद्विधाः ॥

sadā bhagavatī lakṣmīstatraiva nalakūbaraḥ | ahaṃ ca bahuśastasyāṃ bhavantyanye ca madvidhāḥ

The blessed Lakshmi is always there, and Nalakubara too. I myself am often there, and others like me.

Verse 21 (2.10.21)

ब्रह्मर्षयो भवन्त्यत्र तथा देवर्षयोऽपरे । क्रव्यादाश्च तथैवान्ये गन्धर्वाश्च महाबलाः ॥

brahmarṣayo bhavantyatra tathā devarṣayo'pare | kravyādāśca tathaivānye gandharvāśca mahābalāḥ

Brahmarshis are present there, and Devarshis besides; and likewise flesh-eating beings, and mighty Gandharvas.

Note on the text: Second line not in the critical edition (found in the vulgate recension).

Verse 22 (2.10.22)

उपासते महात्मानं तस्यां धनदमीश्वरम् । भगवान्भूतसङ्घैश्च वृतः शतसहस्रशः ॥

upāsate mahātmānaṃ tasyāṃ dhanadamīśvaram | bhagavānbhūtasaṅghaiśca vṛtaḥ śatasahasraśaḥ

In that hall they wait upon the great-souled Dhanada, their lord. And the blessed one, surrounded by hosts of spirits in hundreds of thousands —

Note on the text: First line not in the critical edition (found in the vulgate recension); the second line is 2.10.20a.

Verse 23 (2.10.23)

उमापतिः पशुपतिः शूलभृद्भगनेत्रहा । त्र्यम्बको राजशार्दूल देवी च विगतक्लमा ॥

umāpatiḥ paśupatiḥ śūlabhṛdbhaganetrahā | tryambako rājaśārdūla devī ca vigataklamā

Uma's lord, Pashupati, bearer of the trident, who destroyed Bhaga's eyes, the Three-eyed One, O tiger among kings, with the Goddess free from weariness,

Verse 24 (2.10.24)

वामनैर्विकटैः कुब्जैः क्षतजाक्षैर्महारवैः । मेदोमांसाशनैरुग्रैरुग्रधन्वा महाबलः ॥

vāmanairvikaṭaiḥ kubjaiḥ kṣatajākṣairmahāravaiḥ | medomāṃsāśanairugrairugradhanvā mahābalaḥ

with dwarfish, misshapen, hunchbacked attendants, blood-eyed and loud-roaring, fierce eaters of fat and flesh — the mighty one of the fierce bow,

Verse 25 (2.10.25)

नानाप्रहरणैरुग्रैर्वातैरिव महाजवैः । वृतः सखायमन्वास्ते सदैव धनदं नृप ॥

nānāpraharaṇairugrairvātairiva mahājavaiḥ | vṛtaḥ sakhāyamanvāste sadaiva dhanadaṃ nṛpa

surrounded by these fierce beings, armed with every kind of weapon and swift as the winds, always sits beside his friend Dhanada, O king.

Verse 26 (2.10.26)

प्रहृष्टाः शतशश्चान्ये बहुशः सपरिच्छदाः । गन्धर्वाणां च पतयो विश्वावसुर्हहा हुहूः ॥

prahṛṣṭāḥ śataśaścānye bahuśaḥ saparicchadāḥ | gandharvāṇāṃ ca patayo viśvāvasurhahā huhūḥ

Hundreds of others too, joyful, in great numbers, with their retinues; and the lords of the Gandharvas — Vishvavasu, Haha and Huhu,

Note on the text: Not in the critical edition (found in the vulgate recension). The critical edition gives these lines only in its appendix (App. I.3, after 2.10.22).

Verse 27 (2.10.27)

तुम्बुरुः पर्वतश्चैव शैलूषश्च तथाऽपरः । चित्रसेनश्च गीतज्ञस्तथा चित्ररथोऽपि च ॥

tumburuḥ parvataścaiva śailūṣaśca tathā'paraḥ | citrasenaśca gītajñastathā citraratho'pi ca

Tumburu, Parvata, Shailusha and yet another, Chitrasena skilled in song, and Chitraratha too —

Note on the text: Corrected प्रवत → पर्वत (misprint in Wikisource; transposed letters — the critical edition's appendix reads "parvataś caiva"). Corrected चित्ररथोपि → चित्ररथोऽपि (missing avagraha). Not in the critical edition (found in the vulgate recension). The critical edition gives these lines only in its appendix (App. I.3, after 2.10.22).

Verse 28 (2.10.28)

एते चान्ये च गन्धर्वा धनेश्वरमुपासते । विद्याधराधिपश्चैव चक्रधर्मा सहानुजैः ॥

ete cānye ca gandharvā dhaneśvaramupāsate | vidyādharādhipaścaiva cakradharmā sahānujaiḥ

these and other Gandharvas wait upon the lord of wealth. And the lord of the Vidyadharas, Chakradharma, with his younger brothers,

Note on the text: Not in the critical edition (found in the vulgate recension). The critical edition gives these lines only in its appendix (App. I.3, after 2.10.22).

Verse 29 (2.10.29)

उपाचरति तत्र स्म धनानामीश्वरं प्रभुम् । किन्नराः शतशस्तत्र धनानामीश्वरं प्रभुम् ॥

upācarati tatra sma dhanānāmīśvaraṃ prabhum | kinnarāḥ śataśastatra dhanānāmīśvaraṃ prabhum

serves the mighty lord of riches there; and Kinnaras in their hundreds serve the mighty lord of riches there.

Note on the text: Not in the critical edition (found in the vulgate recension). The critical edition gives these lines only in its appendix (App. I.3, after 2.10.22).

Verse 30 (2.10.30)

आसते चापि राजानो भगदत्तपुरोगमाः । द्रुमः किम्पुरुषेशश्च उपास्ते धनदेश्वरम् ॥

āsate cāpi rājāno bhagadattapurogamāḥ | drumaḥ kimpuruṣeśaśca upāste dhanadeśvaram

Kings too sit there, led by Bhagadatta; and Druma, lord of the Kimpurushas, waits upon Dhanada, his lord.

Note on the text: Not in the critical edition (found in the vulgate recension). The critical edition gives these lines only in its appendix (App. I.3, after 2.10.22).

Verse 31 (2.10.31)

राक्षसाधिपतिश्चैव महेन्द्रो गन्धमादनः । सह यक्षैः सगन्धर्वैः सह सर्वैर्निशाचरैः ॥

rākṣasādhipatiścaiva mahendro gandhamādanaḥ | saha yakṣaiḥ sagandharvaiḥ saha sarvairniśācaraiḥ

The lord of the Rakshasas as well — and Mahendra and Gandhamadana — together with the Yakshas, the Gandharvas and all the night-roaming beings,

Note on the text: Not in the critical edition (found in the vulgate recension). The critical edition gives these lines only in its appendix (App. I.3, after 2.10.22).

Verse 32 (2.10.32)

विभीषणश्च धर्मिष्ठ उपास्ते भ्रातरं प्रभुम् । हिमवान्पारियात्रश्च विन्ध्यकैलासमन्दराः ॥

vibhīṣaṇaśca dharmiṣṭha upāste bhrātaraṃ prabhum | himavānpāriyātraśca vindhyakailāsamandarāḥ

the righteous Vibhishana, waits upon his brother, his lord. Himavat, Pariyatra, Vindhya, Kailasa and Mandara,

Note on the text: Not in the critical edition (found in the vulgate recension). The critical edition gives these lines only in its appendix (App. I.3, after 2.10.22).

Verse 33 (2.10.33)

मलयो दर्दुरश्चैव महेन्द्रो गन्धमादनः । इन्द्रकीलः सुनाभश्च तथा दिव्यौ च पर्वतौ ॥

malayo darduraścaiva mahendro gandhamādanaḥ | indrakīlaḥ sunābhaśca tathā divyau ca parvatau

Malaya, Dardura, Mahendra, Gandhamadana, Indrakila and Sunabha, and the two divine mountains —

Note on the text: Not in the critical edition (found in the vulgate recension). The critical edition gives these lines only in its appendix (App. I.3, after 2.10.22).

Verse 34 (2.10.34)

एते चान्ये च बहवः सर्वे मेरुपुरोगमाः । उपासते महात्मानं धनानामीश्वरं प्रभुम् ॥

ete cānye ca bahavaḥ sarve merupurogamāḥ | upāsate mahātmānaṃ dhanānāmīśvaraṃ prabhum

these and many others, all led by Meru, wait upon the great-souled and mighty lord of riches.

Note on the text: Not in the critical edition (found in the vulgate recension). The critical edition gives these lines only in its appendix (App. I.3, after 2.10.22).

Verse 35 (2.10.35)

नन्दीश्वरश्च भगवान्महाकालस्तथैव च । शङ्कुकर्णमुखाः सर्वे दिव्याः पारिषदास्तथा ॥

nandīśvaraśca bhagavānmahākālastathaiva ca | śaṅkukarṇamukhāḥ sarve divyāḥ pāriṣadāstathā

The blessed Nandishvara, and Mahakala too, and all the divine attendants headed by Shankukarna,

Note on the text: Not in the critical edition (found in the vulgate recension). The critical edition gives these lines only in its appendix (App. I.3, after 2.10.22).

Verse 36 (2.10.36)

काष्ठः कुटी मुखो दन्ती विजयश्च तपोधिकः । श्वेतश्च वृषभस्तत्र नर्दन्नास्ते महाबलः ॥

kāṣṭhaḥ kuṭī mukho dantī vijayaśca tapodhikaḥ | śvetaśca vṛṣabhastatra nardannāste mahābalaḥ

Kashtha, Kuti, Mukha, Danti, and Vijaya, rich in austerity; and the mighty white bull is there, bellowing.

Note on the text: Not in the critical edition (found in the vulgate recension). The critical edition gives these lines only in its appendix (App. I.3, after 2.10.22).

Verse 37 (2.10.37)

धनदं राक्षसाश्चान्ये पिशाचाश्च उपासते । पारिषदैः परिवृतमुपायान्तं महेश्वरम् ॥

dhanadaṃ rākṣasāścānye piśācāśca upāsate | pāriṣadaiḥ parivṛtamupāyāntaṃ maheśvaram

Other Rakshasas and Pishachas wait upon Dhanada. When the great lord Maheshvara draws near, surrounded by his attendants,

Note on the text: Not in the critical edition (found in the vulgate recension). The critical edition gives these lines only in its appendix (App. I.3, after 2.10.22).

Verse 38 (2.10.38)

सदा हि देवदेवेशं शिवं त्रैलोक्यभावनम् । प्रणम्य मूर्ध्ना पौलस्त्यो बहुरूपमुमापतिम् ॥

sadā hi devadeveśaṃ śivaṃ trailokyabhāvanam | praṇamya mūrdhnā paulastyo bahurūpamumāpatim

then Paulastya, ever bowing his head to the god of gods, Shiva, maker of the three worlds, the many-formed lord of Uma,

Note on the text: Not in the critical edition (found in the vulgate recension). The critical edition gives these lines only in its appendix (App. I.3, after 2.10.22).

Verse 39 (2.10.39)

ततोऽभ्यनुज्ञां सम्प्राप्य महादेवाद्धनेश्वरः । आस्ते कदाचिद्भगवान्भवो धनपतेः सखा ॥

tato'bhyanujñāṃ samprāpya mahādevāddhaneśvaraḥ | āste kadācidbhagavānbhavo dhanapateḥ sakhā

and receiving leave from Mahadeva, the lord of wealth takes his seat; for at times the blessed Bhava, friend of the lord of wealth, sits there.

Note on the text: Not in the critical edition (found in the vulgate recension). The critical edition gives these lines only in its appendix (App. I.3, after 2.10.22).

Verse 40 (2.10.40)

निधिप्रवरमुख्यौ च शङ्खपद्मौ धनेश्वरौ । सर्वान्निधीन्प्रगृह्याथ उपास्तां वै धनेश्वरम् ॥

nidhipravaramukhyau ca śaṅkhapadmau dhaneśvarau | sarvānnidhīnpragṛhyātha upāstāṃ vai dhaneśvaram

The two foremost of the great treasures, Shankha and Padma, lords of wealth themselves, bring all the treasures and wait upon the lord of wealth.

Note on the text: Not in the critical edition (found in the vulgate recension). The critical edition gives these lines only in its appendix (App. I.3, after 2.10.22).

Verse 41 (2.10.41)

सा सभा तादृशी रम्या मया दृष्टान्तरिक्षगा । पितामहसभां राजन्कीर्तयिष्ये निबोध ताम् ॥

sā sabhā tādṛśī ramyā mayā dṛṣṭāntarikṣagā | pitāmahasabhāṃ rājankīrtayiṣye nibodha tām

Such is that delightful hall, moving through the sky, which I have seen. Now, O king, I shall describe the hall of the Grandsire; hear of it.