The Assembly Hall of Varuna

Verse 1 (2.9.1)

युधिष्ठिर सभा दिव्या वरुणस्यामितप्रभा । प्रमाणेन यथा याम्या शुभप्राकारतोरणा ॥

yudhiṣṭhira sabhā divyā varuṇasyāmitaprabhā | pramāṇena yathā yāmyā śubhaprākāratoraṇā

"Yudhishthira, Varuna's divine hall is of boundless radiance. In size it equals Yama's hall, and its walls and gateways are beautiful.

Verse 2 (2.9.2)

अन्तः सलिलमास्थाय विहिता विश्वकर्मणा । दिव्यै रत्नमयैर्वृक्षैः फलपुष्पप्रदैर्युता ॥

antaḥ salilamāsthāya vihitā viśvakarmaṇā | divyai ratnamayairvṛkṣaiḥ phalapuṣpapradairyutā

Vishvakarman built it within the waters. It is furnished with divine trees made of jewels that yield fruit and flowers,

Verse 3 (2.9.3)

नीलपीतासितश्यामैः सितैर्लोहितकैरपि । अवतानैस्तथा गुल्मैर्मञ्जरीजालधारिभिः ॥

nīlapītāsitaśyāmaiḥ sitairlohitakairapi | avatānaistathā gulmairmañjarījāladhāribhiḥ

blue, yellow, black and dark, white and red, and with creepers and thickets bearing clusters of blossoms.

Note on the text: Corrected नीलपीतैः सिताः श्यामैः → नीलपीतासितश्यामैः (misprint in Wikisource; the compound was wrongly broken up, leaving a nominative सिताः that agrees with nothing; the critical edition reads nīlapītāsitaśyāmaiḥ).

Verse 4 (2.9.4)

तथा शकुनयस्तस्यां विचित्रा मधुरस्वराः । अनिर्देश्या वपुष्मन्तः शतशोऽथ सहस्रशः ॥

tathā śakunayastasyāṃ vicitrā madhurasvarāḥ | anirdeśyā vapuṣmantaḥ śataśo'tha sahasraśaḥ

In that hall there are birds too, many-coloured and sweet-voiced, of indescribable beauty, by hundreds and by thousands.

Verse 5 (2.9.5)

सा सभा सुखसंस्पर्शा न शीता न च घर्मदा । वेश्मासनवती रम्या सिता वरुणपालिता ॥

sā sabhā sukhasaṃsparśā na śītā na ca gharmadā | veśmāsanavatī ramyā sitā varuṇapālitā

That hall is pleasant to the touch, neither cold nor hot. It is lovely and white, full of dwellings and seats, and guarded by Varuna.

Note on the text: Corrected धर्मदा → घर्मदा (misprint in Wikisource, ध for घ; "giving heat", paired with न शीता; the critical edition reads gharmadā).

Verse 6 (2.9.6)

यस्यामास्ते स वरुणो वारुण्या च समन्वितः । दिव्यरत्नाम्बरधरो दिव्याभरणभूषितः ॥

yasyāmāste sa varuṇo vāruṇyā ca samanvitaḥ | divyaratnāmbaradharo divyābharaṇabhūṣitaḥ

There Varuna sits with Varuni, wearing divine jewels and robes and adorned with divine ornaments.

Verse 7 (2.9.7)

द्वितीयेन तु नाम्ना वै गौरीति भुवि विश्रुता । पत्न्या स वरुणो देवः प्रमोदति सुखी सुखम् ॥

dvitīyena tu nāmnā vai gaurīti bhuvi viśrutā | patnyā sa varuṇo devaḥ pramodati sukhī sukham

On earth she is known by her second name, Gauri. With this wife the god Varuna takes his delight, happy and at ease.

Note on the text: Removed stray wiki marks (? and ') around the verse and separated स वरुणो. Not in the critical edition (found in the vulgate recension).

Verse 8 (2.9.8)

स्रग्विणो दिव्यगन्धाश्च दिव्यगन्धानुलेपनाः । आदित्यास्तत्र वरुणं जलेश्वरमुपासते ॥

sragviṇo divyagandhāśca divyagandhānulepanāḥ | ādityāstatra varuṇaṃ jaleśvaramupāsate

Wearing garlands and divine perfumes, anointed with heavenly scents, the Adityas attend there upon Varuna, lord of the waters.

Note on the text: CE 2.9.7 (with a different first line), which the automatic alignment missed.

Verse 9 (2.9.9)

वासुकिस्तक्षकश्चैव नागश्चैरावतस्तथा । कृष्णश्च लोहितश्चैव पद्मश्चित्रश्च वीर्यवान् ॥

vāsukistakṣakaścaiva nāgaścairāvatastathā | kṛṣṇaśca lohitaścaiva padmaścitraśca vīryavān

Vasuki and Takshaka, and the serpent Airavata; Krishna and Lohita, Padma and mighty Chitra;

Verse 10 (2.9.10)

कम्बलाश्वतरौ नागौ धृतराष्ट्रबलाहकौ । मणिमान्कुण्डधारश्च कर्कोटकधनञ्जयौ ॥

kambalāśvatarau nāgau dhṛtarāṣṭrabalāhakau | maṇimānkuṇḍadhāraśca karkoṭakadhanañjayau

the serpents Kambala and Ashvatara, Dhritarashtra and Balahaka; Manimat and Kundadhara, Karkotaka and Dhananjaya;

Verse 11 (2.9.11)

पाणिमान्कुण्डधारश्च बलवान्पृथिवीपते । प्रह्रादो मूषिकादश्च तथैव जनमेजयः ॥

pāṇimānkuṇḍadhāraśca balavānpṛthivīpate | prahrādo mūṣikādaśca tathaiva janamejayaḥ

Panimat, and mighty Kundadhara, O lord of the earth; Prahlada, Mushikada, and Janamejaya as well;

Note on the text: Corrected मुषिकादः → मूषिकादः (misprint in Wikisource; the critical edition reads mūṣikādaś). The first line is not in the critical edition (found in the vulgate recension); the second is the first line of CE 2.9.10.

Verse 12 (2.9.12)

पताकिनो मण्डलिनः फणवन्तश्च सर्वशः । अर्थो धर्मश्च कामश्च वसुः कपिल एव च ॥

patākino maṇḍalinaḥ phaṇavantaśca sarvaśaḥ | artho dharmaśca kāmaśca vasuḥ kapila eva ca

all bearing banners and circle marks, and hooded. And Artha, Dharma and Kama, Vasu and Kapila,

Note on the text: Removed a stray wiki quote mark (`) opening the second line. The first line is the second line of CE 2.9.10; the second line is not in the critical edition (found in the vulgate recension).

Verse 13 (2.9.13)

अनन्तश्च महानागो यं दृष्ट्वा जलजेश्वरः । अभ्यर्चयति सत्कारैरासनेन च तं विभुः ॥

anantaśca mahānāgo yaṃ dṛṣṭvā jalajeśvaraḥ | abhyarcayati satkārairāsanena ca taṃ vibhuḥ

and Ananta, the great serpent, whom the lord of the waters, on seeing him, honours with every courtesy and with a seat;

Note on the text: Not in the critical edition (found in the vulgate recension).

Verse 14 (2.9.14)

वासुकिप्रमुखाश्चैव सर्वे प्राञ्जलयः स्थिताः । अनुज्ञाताश्च शेषेण यथार्हमुपविश्य च ॥

vāsukipramukhāścaiva sarve prāñjalayaḥ sthitāḥ | anujñātāśca śeṣeṇa yathārhamupaviśya ca

and all the serpents led by Vasuki stand with joined palms, and when Shesha gives them leave they sit down, each in his due place.

Note on the text: Not in the critical edition (found in the vulgate recension).

Verse 15 (2.9.15)

एते चान्ये च बहवः सर्पास्तस्यां युधिष्ठिर । वैनतेयश्च गरुडो ये चास्य परिचारिणः । उपासते महात्मानं वरुणं विगतक्लमाः ॥

ete cānye ca bahavaḥ sarpāstasyāṃ yudhiṣṭhira | vainateyaśca garuḍo ye cāsya paricāriṇaḥ | upāsate mahātmānaṃ varuṇaṃ vigataklamāḥ

These and many other serpents, Yudhishthira, and Garuda son of Vinata with his attendants, attend in that hall upon the great-souled Varuna, free of weariness.

Note on the text: Removed stray wiki quote marks (` and ') around the middle line, which is not in the critical edition (found in the vulgate recension); the first and last lines are CE 2.9.11, which the automatic alignment missed.

Verse 16 (2.9.16)

बलिर्वैरोचनो राजा नरकः पृथिवीञ्जयः । संह्रादो विप्रचित्तिश्च कालखञ्जाश्च दानवाः ॥

balirvairocano rājā narakaḥ pṛthivīñjayaḥ | saṃhrādo vipracittiśca kālakhañjāśca dānavāḥ

Bali son of Virochana, and King Naraka, conqueror of the earth; Samhrada, Viprachitti, and the Danavas called Kalakhanjas;

Verse 17 (2.9.17)

सुहनुर्दुर्मुखः शङ्खः सुमनाः सुमतिस्ततः । घटोदरो महापार्श्वः क्रथनः पिठरस्तथा ॥

suhanurdurmukhaḥ śaṅkhaḥ sumanāḥ sumatistataḥ | ghaṭodaro mahāpārśvaḥ krathanaḥ piṭharastathā

Suhanu, Durmukha, Shankha, Sumanas, and Sumati too; Ghatodara, Mahaparshva, Krathana and Pithara;

Verse 18 (2.9.18)

विश्वरूपः स्वरूपश्च विरूपोऽथ महाशिराः । दशग्रीवश्च वाली च मेघवासा दशावरः ॥

viśvarūpaḥ svarūpaśca virūpo'tha mahāśirāḥ | daśagrīvaśca vālī ca meghavāsā daśāvaraḥ

Vishvarupa, Svarupa, Virupa and Mahashiras; Dashagriva, Vali, Meghavasas and Dashavara;

Verse 19 (2.9.19)

टिट्टिभो विटभूतश्च संह्रादश्चेन्द्रतापनः । दैत्यदानवसङ्घाश्च सर्वे रुचिरकुण्डलाः ॥

ṭiṭṭibho viṭabhūtaśca saṃhrādaścendratāpanaḥ | daityadānavasaṅghāśca sarve rucirakuṇḍalāḥ

Tittibha, Vitabhuta, Samhrada and Indratapana; and the hosts of Daityas and Danavas, all wearing bright earrings,

Verse 20 (2.9.20)

स्रग्विणो मौलिनश्चैव तथा दिव्यपरिच्छदाः । सर्वे लब्धवराः शूराः सर्वे विगतमृत्यवः ॥

sragviṇo maulinaścaiva tathā divyaparicchadāḥ | sarve labdhavarāḥ śūrāḥ sarve vigatamṛtyavaḥ

garlanded and crowned, in heavenly attire, all of them heroes who have won boons, all of them freed from death,

Verse 21 (2.9.21)

ते तस्यां वरुणं देवं धर्मपाशधरं सदा । उपासते महात्मानं सर्वे सुचरितव्रताः ॥

te tasyāṃ varuṇaṃ devaṃ dharmapāśadharaṃ sadā | upāsate mahātmānaṃ sarve sucaritavratāḥ

all of good conduct and firm vows, attend in that hall upon the great-souled god Varuna, who ever holds the noose of dharma.

Verse 22 (2.9.22)

तथा समुद्राश्चत्वारो नदी भागीरथी च सा । कालिन्दी विदिशा वेणा नर्मदा वेगवाहिनी ॥

tathā samudrāścatvāro nadī bhāgīrathī ca sā | kālindī vidiśā veṇā narmadā vegavāhinī

So too the four oceans, and the river Bhagirathi; the Kalindi, the Vidisha, the Vena, and the swift-flowing Narmada;

Note on the text: Corrected नर्दमा → नर्मदा (misprint in Wikisource, transposed aksharas; the critical edition reads narmadā).

Verse 23 (2.9.23)

विपाशा च शतद्रुश्च चन्द्रभागा सरस्वती । इरावती वितस्ता च सिन्धुर्देवनदी तथा ॥

vipāśā ca śatadruśca candrabhāgā sarasvatī | irāvatī vitastā ca sindhurdevanadī tathā

the Vipasha and the Shatadru, the Chandrabhaga and the Sarasvati; the Iravati, the Vitasta, the Sindhu, and the river of the gods;

Verse 24 (2.9.24)

गोदावरी कृष्णवेणी कावेरी च सरिद्वरा । किम्पुना च विशल्या च तथा वैतरणी नदी ॥

godāvarī kṛṣṇaveṇī kāverī ca saridvarā | kimpunā ca viśalyā ca tathā vaitaraṇī nadī

the Godavari, the Krishnaveni, and the Kaveri, best of rivers; the Kimpuna, the Vishalya, and the river Vaitarani;

Note on the text: The first line is the first line of CE 2.9.20, which the automatic alignment missed; the second line is not in the critical edition (found in the vulgate recension). From here to verse 33 ce_ref names the CE verse that holds this verse's first line, or its second where the first is not in the critical edition.

Verse 25 (2.9.25)

तृतीया ज्येष्ठिला चैव शोणश्चापि महानदः । चर्मण्वती तथा चैव पर्णाशा च महानदी ॥

tṛtīyā jyeṣṭhilā caiva śoṇaścāpi mahānadaḥ | carmaṇvatī tathā caiva parṇāśā ca mahānadī

the Tritiya and the Jyeshthila, and the great river Shona; the Charmanvati, and the great river Parnasha;

Note on the text: Not in the critical edition (found in the vulgate recension).

Verse 26 (2.9.26)

सरयूर्वारवत्याऽथ लाङ्गली च सरिद्वरा । करतोया तथाऽऽत्रेयी लौहित्यश्च महानदः ॥

sarayūrvāravatyā'tha lāṅgalī ca saridvarā | karatoyā tathā''treyī lauhityaśca mahānadaḥ

the Sarayu, the Varavatya, and the Langali, best of rivers; the Karatoya, the Atreyi, and the great river Lauhitya;

Note on the text: Not in the critical edition (found in the vulgate recension).

Verse 27 (2.9.27)

लङ्घती गोमती चैव सन्ध्या त्रिस्रोतसी तथा । एताश्चान्याश्च राजेन्द्र सुतीर्था लोकविश्रुताः ॥

laṅghatī gomatī caiva sandhyā trisrotasī tathā | etāścānyāśca rājendra sutīrthā lokaviśrutāḥ

the Langhati, the Gomati, the Sandhya and the Trisrotasi. These and others, O lord of kings, holy fords famed throughout the world,

Note on the text: Corrected एताश्चन्याश्च → एताश्चान्याश्च (misprint in Wikisource; एताः च अन्याः च needs the long ā, as in the critical edition). The first line is not in the critical edition (found in the vulgate recension); the second answers to the second line of CE 2.9.20.

Verse 28 (2.9.28)

सरितः सर्वतश्चान्यास्तीर्थानि च सरांसि च । कूपाश्च सप्रस्रवणा देहवन्तो युधिष्ठिर ॥

saritaḥ sarvataścānyāstīrthāni ca sarāṃsi ca | kūpāśca saprasravaṇā dehavanto yudhiṣṭhira

the rivers on every side, and other holy fords and lakes; the wells and springs, Yudhishthira, in bodily form;

Verse 29 (2.9.29)

पल्वलानि तटाकानि देहवन्त्यथ भारत । दिशस्तथा मही चैव तथा सर्वे महीधराः ॥

palvalāni taṭākāni dehavantyatha bhārata | diśastathā mahī caiva tathā sarve mahīdharāḥ

the ponds and pools, in bodily form, O Bharata; the quarters of space, the earth and all the mountains,

Verse 30 (2.9.30)

उपासते महात्मानं सर्वे जलचरास्तथा । गीतवादित्रवन्तश्च गन्धर्वाप्सरसां गणाः ॥

upāsate mahātmānaṃ sarve jalacarāstathā | gītavāditravantaśca gandharvāpsarasāṃ gaṇāḥ

and all the creatures of the waters attend upon the great-souled one; and the hosts of Gandharvas and Apsarases, with song and instruments,

Verse 31 (2.9.31)

स्तुवन्तो वरुणं तस्यां सर्व एव समासते । महीधरा रत्नवन्तो रसा ये च प्रतिष्ठिताः ॥

stuvanto varuṇaṃ tasyāṃ sarva eva samāsate | mahīdharā ratnavanto rasā ye ca pratiṣṭhitāḥ

all gather in that hall, praising Varuna. The mountains rich in gems, and the essences that abide there,

Verse 32 (2.9.32)

कथयन्तः सुमधुराः कथास्तत्र समासते । वारुणश्च तथा मन्त्री सुनाभः पर्युपासते ॥

kathayantaḥ sumadhurāḥ kathāstatra samāsate | vāruṇaśca tathā mantrī sunābhaḥ paryupāsate

sit there telling very sweet tales. Varuna's minister Sunabha also attends there,

Note on the text: Not in the critical edition (found in the vulgate recension).

Verse 33 (2.9.33)

पुत्रपौत्रैः परिवृतो गोनाम्ना पुष्करेण च । सर्वे विग्रहवन्तस्ते तमीश्वरमुपासते ॥

putrapautraiḥ parivṛto gonāmnā puṣkareṇa ca | sarve vigrahavantaste tamīśvaramupāsate

surrounded by sons and grandsons, and by Pushkara, who bears the name Go. All these, in bodily form, attend upon that lord.

Note on the text: The first line is not in the critical edition (found in the vulgate recension); the second is the second line of CE 2.9.24.

Verse 34 (2.9.34)

एषा मया सम्पतता वारुणी भरतर्षभ । दृष्टपूर्वा सभा रम्या कुबेरस्य सभां शृणु ॥

eṣā mayā sampatatā vāruṇī bharatarṣabha | dṛṣṭapūrvā sabhā ramyā kuberasya sabhāṃ śṛṇu

This lovely hall of Varuna I have seen before in my wanderings, O bull of the Bharatas. Now hear of the hall of Kubera."