The Assembly Hall of Yama

Verse 1 (2.8.1)

कथयिष्ये सभां याम्यां युधिष्ठिर निबोध ताम् । वैवस्वतस्य यां पार्थ विश्वकर्मा चकार ह ॥

kathayiṣye sabhāṃ yāmyāṃ yudhiṣṭhira nibodha tām | vaivasvatasya yāṃ pārtha viśvakarmā cakāra ha

"Now I shall describe Yama's hall; hear of it, Yudhishthira, the hall that Vishvakarman built for Vaivasvata, O Partha.

Verse 2 (2.8.2)

तैजसी सा सभा राजन्बभूव शतयोजना । विस्तारायामसम्पन्ना भूयसी चापि पाण्डव ॥

taijasī sā sabhā rājanbabhūva śatayojanā | vistārāyāmasampannā bhūyasī cāpi pāṇḍava

That hall is brilliant, O king, a hundred yojanas in extent, ample in breadth and length, and larger still, O Pandava.

Verse 3 (2.8.3)

अर्कप्रकाशा भ्राजिष्णुः सर्वतः कामरूपिणी । नातिशीता न चात्युष्णा मनसश्च प्रहर्षिणी ॥

arkaprakāśā bhrājiṣṇuḥ sarvataḥ kāmarūpiṇī | nātiśītā na cātyuṣṇā manasaśca praharṣiṇī

Bright as the sun and shining on every side, it takes any form at will. It is neither too cold nor too hot, and it gladdens the mind.

Note on the text: Corrected नातिशीता च चात्युष्णा → नातिशीता न चात्युष्णा (misprint in Wikisource; the second negative is needed for "neither too cold nor too hot", as the critical edition's nātyuṣṇā confirms).

Verse 4 (2.8.4)

न शोको न जरा तस्यां क्षुत्पिपासे न चाप्रियम् । न च दैन्यं क्लमो वाऽपि प्रतिकूलं न चाप्युत ॥

na śoko na jarā tasyāṃ kṣutpipāse na cāpriyam | na ca dainyaṃ klamo vā'pi pratikūlaṃ na cāpyuta

There is no grief there, no old age, no hunger or thirst, nothing unpleasant; no misery, no weariness, and nothing hostile at all.

Verse 5 (2.8.5)

सर्वे कामाः स्थितास्तस्यां ये दिव्या ये च मानुषाः । रसवच्च प्रभूतं च भक्ष्यं भोज्यमरिन्दम ॥

sarve kāmāḥ sthitāstasyāṃ ye divyā ye ca mānuṣāḥ | rasavacca prabhūtaṃ ca bhakṣyaṃ bhojyamarindama

Every desire, divine and human, is fulfilled there, and there is food to chew and to eat, tasty and abundant, O tamer of foes,

Verse 6 (2.8.6)

लेह्यं चोष्यं च पेयं च हृद्यं स्वादु मनोहरम् । पुण्यगन्धाः स्रजस्तस्य नित्यं कामफला द्रुमाः ॥

lehyaṃ coṣyaṃ ca peyaṃ ca hṛdyaṃ svādu manoharam | puṇyagandhāḥ srajastasya nityaṃ kāmaphalā drumāḥ

and things to lick, to suck and to drink, pleasing, sweet and delightful. Its garlands are of holy fragrance, and its trees always bear whatever fruit is wished for.

Note on the text: Corrected चोप्यं → चोष्यं (misprint in Wikisource; चोष्य, "to be sucked", in the standard list लेह्य–चोष्य–पेय). The first line is not in the critical edition (found in the vulgate recension). From here to verse 25 Wikisource's half-lines are offset by one against the critical edition (CE 2.8.6–22, which the automatic alignment missed); ce_ref names the CE verse that holds this verse's first line, or its second where the first is not in the critical edition.

Verse 7 (2.8.7)

रसवन्ति च तोयानि शीतान्युष्णानि चैव हि । तस्यां राजर्षयः पुण्यास्तथा ब्रह्मर्षयोऽमलाः ॥

rasavanti ca toyāni śītānyuṣṇāni caiva hi | tasyāṃ rājarṣayaḥ puṇyāstathā brahmarṣayo'malāḥ

Its waters are sweet, both cool and warm. In that hall the holy royal sages and the stainless brahmin sages

Verse 8 (2.8.8)

यमं वैवस्वतं तात प्रहृष्टाः पर्युपासते । ययातिर्नहुषः पुरुर्मान्धाता सोमको नृगः ॥

yamaṃ vaivasvataṃ tāta prahṛṣṭāḥ paryupāsate | yayātirnahuṣaḥ pururmāndhātā somako nṛgaḥ

joyfully attend upon Yama Vaivasvata, my son: Yayati, Nahusha, Puru, Mandhata, Somaka and Nriga;

Note on the text: Corrected नुगः → नृगः (misprint in Wikisource; King Nriga, as in the critical edition).

Verse 9 (2.8.9)

त्रसदस्युश्च राजर्षिः कृतवीर्यः श्रुतश्रवाः । अरिष्टनेमिः सिद्धश्च कृतवेगः कृतिर्निमिः ॥

trasadasyuśca rājarṣiḥ kṛtavīryaḥ śrutaśravāḥ | ariṣṭanemiḥ siddhaśca kṛtavegaḥ kṛtirnimiḥ

the royal sage Trasadasyu, Kritavirya and Shrutashravas; Arishtanemi, Siddha, Kritavega, Kriti and Nimi;

Verse 10 (2.8.10)

प्रतर्दनः शिबिर्मत्स्यः पृथुलाक्षो बृहद्रथः । वार्तो मरुत्तः कुषिकः साङ्काश्यः साङ्कृतिर्ध्रुवः ॥

pratardanaḥ śibirmatsyaḥ pṛthulākṣo bṛhadrathaḥ | vārto maruttaḥ kuṣikaḥ sāṅkāśyaḥ sāṅkṛtirdhruvaḥ

Pratardana, Shibi, Matsya, Prithulaksha and Brihadratha; Varta, Marutta, Kushika, Sankashya, Sankriti and Dhruva;

Verse 11 (2.8.11)

चतुरश्वः सदश्वोर्मिः कार्तवीर्यश्च पार्थिवः । भरतः सुरथश्चैव सुनीथो निशठोऽनलः ॥

caturaśvaḥ sadaśvormiḥ kārtavīryaśca pārthivaḥ | bharataḥ surathaścaiva sunītho niśaṭho'nalaḥ

Chaturashva, Sadashvormi and King Kartavirya; Bharata, Suratha, Sunitha, Nishatha and Anala;

Note on the text: Corrected चतुरश्चः → चतुरश्वः and सदस्योर्मिः → सदश्वोर्मिः (misprints in Wikisource, श्च/स्य for श्व; the critical edition reads caturaśvaḥ sadaśvormiḥ).

Verse 12 (2.8.12)

दिवोदासश्च सुमना अम्बरीषो भगीरथः । व्यश्वः सदश्वो वाध्र्यश्वः पृथुवेगः पृथुश्रवाः ॥

divodāsaśca sumanā ambarīṣo bhagīrathaḥ | vyaśvaḥ sadaśvo vādhryaśvaḥ pṛthuvegaḥ pṛthuśravāḥ

Divodasa, Sumanas, Ambarisha and Bhagiratha; Vyashva, Sadashva, Vadhryashva, Prithuvega and Prithushravas;

Note on the text: Corrected वाघ्र्यश्वः → वाध्र्यश्वः (misprint in Wikisource, घ for ध; Vadhryashva, the critical edition's vadhryaśvaḥ).

Verse 13 (2.8.13)

पृषदश्वो वसुमनाः क्षुपश्च सुमहाबलः । रुषद्गुर्वृषसेनश्च पुरुकुत्सो ध्वजी रथी ॥

pṛṣadaśvo vasumanāḥ kṣupaśca sumahābalaḥ | ruṣadgurvṛṣasenaśca purukutso dhvajī rathī

Prishadashva, Vasumanas and the mighty Kshupa; Rushadgu, Vrishasena, Purukutsa, Dhvajin and Rathin;

Note on the text: Corrected पृपदश्वो → पृषदश्वो (misprint in Wikisource, प for ष; King Prishadashva) and रुषद्रुर् → रुषद्गुर् (misprint; the critical edition reads ruṣadgur). The lines mix CE 2.8.12 and 2.8.13 in a different order.

Verse 14 (2.8.14)

आर्ष्टिषेणो दिलीपश्च महात्मा चाप्युशीनरः । औशीनरिः पुण्डरीकः शर्यातिः शरभः शुचिः ॥

ārṣṭiṣeṇo dilīpaśca mahātmā cāpyuśīnaraḥ | auśīnariḥ puṇḍarīkaḥ śaryātiḥ śarabhaḥ śuciḥ

Arshtishena, Dilipa and great-souled Ushinara; Aushinari, Pundarika, Sharyati, Sharabha and Shuchi;

Verse 15 (2.8.15)

अङ्गोऽरिष्टश्च वेनश्च दुष्यन्तः सृञ्जयो जयः । भाङ्गासुरिः सुनीथश्च निषधोऽथ वहीनरः ॥

aṅgo'riṣṭaśca venaśca duṣyantaḥ sṛñjayo jayaḥ | bhāṅgāsuriḥ sunīthaśca niṣadho'tha vahīnaraḥ

Anga, Arishta, Vena, Dushyanta, Srinjaya and Jaya; Bhangasuri, Sunitha, Nishadha and Vahinara;

Note on the text: Corrected अङ्गो रिष्टश्च → अङ्गोऽरिष्टश्च (missing avagraha in Wikisource; the name is Arishta, as in the critical edition's aṅgo 'riṣṭaś).

Verse 16 (2.8.16)

करन्धमो बाह्लिकश्च सुद्युम्नो बलवान्मधुः । ऐलो मरुत्तश्च तथा बलवान्पृथिवीपतिः ॥

karandhamo bāhlikaśca sudyumno balavānmadhuḥ | ailo maruttaśca tathā balavānpṛthivīpatiḥ

Karandhama, Bahlika, Sudyumna and mighty Madhu; Aila, and Marutta, the mighty lord of the earth;

Note on the text: The second line is not in the critical edition (found in the vulgate recension).

Verse 17 (2.8.17)

कपोतरोमा तृणकः सहदेवार्जुनौ तथा । व्यश्वः साश्वः कृशाश्वश्च शशबिन्दुश्च पार्थिवः ॥

kapotaromā tṛṇakaḥ sahadevārjunau tathā | vyaśvaḥ sāśvaḥ kṛśāśvaśca śaśabinduśca pārthivaḥ

Kapotaroman, Trinaka, Sahadeva and Arjuna; Vyashva, Sashva, Krishashva and King Shashabindu;

Note on the text: The second line is not in the critical edition (found in the vulgate recension).

Verse 18 (2.8.18)

रामो दाशरथिश्चैव लक्ष्मणोऽथ प्रतर्दनः । अलर्कः कक्षसेनश्च गयो गौराश्व एव च ॥

rāmo dāśarathiścaiva lakṣmaṇo'tha pratardanaḥ | alarkaḥ kakṣasenaśca gayo gaurāśva eva ca

Rama son of Dasharatha, Lakshmana and Pratardana; Alarka, Kakshasena, Gaya and Gaurashva;

Note on the text: Corrected गौराओश्व → गौराश्व (misprint in Wikisource, a garbled conjunct; the critical edition reads gaurāśva).

Verse 19 (2.8.19)

जामदग्न्यश्च रामश्च नाभागसगरौ तथा । भूरिद्युम्नो महाश्वश्च पृथ्वश्वो जनकस्तथा ॥

jāmadagnyaśca rāmaśca nābhāgasagarau tathā | bhūridyumno mahāśvaśca pṛthvaśvo janakastathā

Rama Jamadagnya, Nabhaga and Sagara; Bhuridyumna, Mahashva, Prithvashva and Janaka;

Note on the text: Corrected पृथाशअवो → पृथ्वश्वो (misprint in Wikisource, a broken conjunct; the critical edition reads pṛthvaśvo).

Verse 20 (2.8.20)

राजा वैन्यो वारिसेनः पुरिजिज्जनमेजयः । ब्रह्मदत्तस्त्रिगर्तिश्च राजोपरिचरस्तथा ॥

rājā vainyo vārisenaḥ purijijjanamejayaḥ | brahmadattastrigartiśca rājoparicarastathā

King Vainya, Varisena, Purijit and Janamejaya; Brahmadatta, Trigarti, and King Uparichara;

Verse 21 (2.8.21)

इन्द्रद्युम्नो भीमजानुर्गौरपृष्ठोऽनघो लयः । पद्मोऽथ मुचुकुन्दश्च भूरिद्युम्नः प्रसेनजित् ॥

indradyumno bhīmajānurgaurapṛṣṭho'nagho layaḥ | padmo'tha mucukundaśca bhūridyumnaḥ prasenajit

Indradyumna, Bhimajanu, Gauraprishtha, Anagha and Laya; Padma, Muchukunda, Bhuridyumna and Prasenajit;

Verse 22 (2.8.22)

अरिष्टनेमिः सुद्युम्नः पृथुलाश्वोऽष्टकस्तथा । शतं मत्स्या नृपतयः शतं नीपाः शतं हयाः ॥

ariṣṭanemiḥ sudyumnaḥ pṛthulāśvo'ṣṭakastathā | śataṃ matsyā nṛpatayaḥ śataṃ nīpāḥ śataṃ hayāḥ

Arishtanemi, Sudyumna, Prithulashva and Ashtaka; a hundred kings of the Matsyas, a hundred Nipas and a hundred Hayas;

Verse 23 (2.8.23)

धृतराष्ट्राश्चैकशतमशीतिर्जनमेजयाः । शतं च ब्रह्मदत्तानां वीरिणामीरिणां शतम् ॥

dhṛtarāṣṭrāścaikaśatamaśītirjanamejayāḥ | śataṃ ca brahmadattānāṃ vīriṇāmīriṇāṃ śatam

a hundred and one Dhritarashtras and eighty Janamejayas; a hundred Brahmadattas, and a hundred Virins and Irins;

Verse 24 (2.8.24)

भीष्माणां द्वे शतेऽप्यत्र भीमानां तु तथा शतम् । शतं च प्रतिविन्ध्यानां शतं नागाः शतं हयाः ॥

bhīṣmāṇāṃ dve śate'pyatra bhīmānāṃ tu tathā śatam | śataṃ ca prativindhyānāṃ śataṃ nāgāḥ śataṃ hayāḥ

two hundred Bhishmas are here too, and a hundred Bhimas; a hundred Prativindhyas, a hundred Nagas and a hundred Hayas;

Note on the text: Corrected भीष्णाणां → भीष्माणां (misprint in Wikisource, ष्ण for ष्म). Not in the critical edition (found in the vulgate recension).

Verse 25 (2.8.25)

पलाशानां शतं ज्ञेयं शतं काशकुशादयः । शान्तनुश्चैव राजेन्द्र पाण्डुश्चैव पिता तव ॥

palāśānāṃ śataṃ jñeyaṃ śataṃ kāśakuśādayaḥ | śāntanuścaiva rājendra pāṇḍuścaiva pitā tava

know that there are a hundred Palashas, and a hundred called Kasha, Kusha and the like; and Shantanu, O lord of kings, and Pandu your father;

Note on the text: The first line is not in the critical edition (found in the vulgate recension); the second is the second line of CE 2.8.22.

Verse 26 (2.8.26)

उशद्गवः शतरथो देवराजो जयद्रथः । वृषदर्भश्च राजर्षिर्बुद्धिमान्सहमन्त्रिभिः ॥

uśadgavaḥ śataratho devarājo jayadrathaḥ | vṛṣadarbhaśca rājarṣirbuddhimānsahamantribhiḥ

Ushadgava, Shataratha, Devaraja and Jayadratha, and the wise royal sage Vrishadarbha with his ministers;

Note on the text: Corrected उशङ्गवः → उशद्गवः (misprint in Wikisource, ङ्ग for द्ग; the critical edition reads uśadgavaḥ).

Verse 27 (2.8.27)

अथापरे सहस्राणि ये गताः शशबिन्दवः । इष्ट्वाऽश्वमेधैर्बहुभिर्महद्भिर्भूरिदक्षिणैः ॥

athāpare sahasrāṇi ye gatāḥ śaśabindavaḥ | iṣṭvā'śvamedhairbahubhirmahadbhirbhūridakṣiṇaiḥ

and thousands more, the Shashabindus, who have gone there after performing many great horse sacrifices with lavish gifts to the priests.

Note on the text: Corrected शसबिन्दवः → शशबिन्दवः (misprint in Wikisource; the critical edition reads śaśabindavaḥ).

Verse 28 (2.8.28)

एते राजर्षयः पुण्याः कीर्तिमन्तो बहुश्रुताः । तस्यां सभायां राजेन्द्र वैवस्वतमुपासते ॥

ete rājarṣayaḥ puṇyāḥ kīrtimanto bahuśrutāḥ | tasyāṃ sabhāyāṃ rājendra vaivasvatamupāsate

These holy royal sages, renowned and deeply learned, attend upon Vaivasvata in that hall, O lord of kings.

Verse 29 (2.8.29)

अगस्त्योऽथ मतङ्गश्च कालो मृत्युस्तथैव च । यज्वानश्चैव सिद्धाश्च ये च योगशरीरिणः ॥

agastyo'tha mataṅgaśca kālo mṛtyustathaiva ca | yajvānaścaiva siddhāśca ye ca yogaśarīriṇaḥ

Agastya and Matanga, Kala and Mrityu; the sacrificers, the Siddhas, and those whose bodies are made of yoga;

Note on the text: Corrected ये न → ये च (misprint in Wikisource; the negative gives no sense in this list, and the critical edition reads ye ca yogaśarīriṇaḥ).

Verse 30 (2.8.30)

अग्निष्वात्ताश्च पितरः फेनपाश्चोष्मपाश्च ये । सुधावन्तो बर्हिषदो मूर्तिमन्तस्तथाऽपरे ॥

agniṣvāttāśca pitaraḥ phenapāścoṣmapāśca ye | sudhāvanto barhiṣado mūrtimantastathā'pare

the ancestors called Agnishvattas, the Phenapas and the Ushmapas, the Sudhavats and the Barhishads, and others who have bodily form;

Note on the text: Corrected फेनपाश्वोष्मपाः → फेनपाश्चोष्मपाः (misprint in Wikisource, श्व for श्च; the critical edition reads phenapāś coṣmapāś).

Verse 31 (2.8.31)

कालचक्रं च साक्षाच्च भगवान्हव्यवाहनः । नरा दुष्कृतकर्माणो दक्षिणायनमृत्यवः ॥

kālacakraṃ ca sākṣācca bhagavānhavyavāhanaḥ | narā duṣkṛtakarmāṇo dakṣiṇāyanamṛtyavaḥ

the Wheel of Time in person, and the blessed carrier of oblations; men of evil deeds, and those who die during the sun's southern course;

Verse 32 (2.8.32)

कालस्य नयने युक्ता यमस्य पुरुषाश्च ये । तस्यां शिंशपपालाशास्तथा काशकुशादयः ॥

kālasya nayane yuktā yamasya puruṣāśca ye | tasyāṃ śiṃśapapālāśāstathā kāśakuśādayaḥ

Yama's men, appointed to lead beings to Time; and in that hall the shimshapa and palasha trees, and kasha and kusha grass and the rest

Note on the text: Corrected पुरुपाः → पुरुषाः and शिंशुप- → शिंशप- (misprints in Wikisource; the critical edition reads puruṣāś and śiṃśapa-). This verse is the first two lines of CE 2.8.29, which the automatic alignment missed.

Verse 33 (2.8.33)

उपासते धर्मराजं मूर्तिमन्तो जनाधिप । एते चान्ये च बहवः पितृराजसभासदः । न शक्याः परिसङ्ख्यातुं नामभिः कर्मभिस्तथा ॥

upāsate dharmarājaṃ mūrtimanto janādhipa | ete cānye ca bahavaḥ pitṛrājasabhāsadaḥ | na śakyāḥ parisaṅkhyātuṃ nāmabhiḥ karmabhistathā

attend upon the king of dharma in bodily form, O lord of men. These and many others are members of the hall of the king of the ancestors; they cannot be counted, by name or by deed.

Note on the text: The first line is the third line of CE 2.8.29; the second and third lines are CE 2.8.30.

Verse 34 (2.8.34)

असम्बाधा हि सा पार्थ रम्या कामगमा सभा । दीर्घकालं तपस्तप्त्वा निर्मिता विश्वकर्मणा ॥

asambādhā hi sā pārtha ramyā kāmagamā sabhā | dīrghakālaṃ tapastaptvā nirmitā viśvakarmaṇā

That hall, O Partha, is spacious and lovely, and goes wherever it wishes. Vishvakarman built it after practising austerities for a long time.

Verse 35 (2.8.35)

ज्वलन्ती भासमाना च तेजसा स्वेन भारत । तामुग्रतपसो यान्ति सुव्रताः सत्यवादिनः ॥

jvalantī bhāsamānā ca tejasā svena bhārata | tāmugratapaso yānti suvratāḥ satyavādinaḥ

Blazing and shining with its own splendour, O Bharata, it is reached by those of fierce austerity, firm in their vows and truthful in speech,

Verse 36 (2.8.36)

शान्ताः सन्यासिनः शुद्धाः पूताः पुण्येन कर्मणा । सर्वे भास्वरदेहाश्च सर्वे च विरजोम्बराः ॥

śāntāḥ sanyāsinaḥ śuddhāḥ pūtāḥ puṇyena karmaṇā | sarve bhāsvaradehāśca sarve ca virajombarāḥ

the tranquil, the renunciants and the pure, those cleansed by holy deeds; all of them with radiant bodies, all in spotless robes,

Verse 37 (2.8.37)

चित्राङ्गदाश्चित्रमाल्याः सर्वे ज्वलितकुण्डलाः । सुकृतैः कर्मभिः पुण्यैः पारिबर्हैश्च भूषिताः ॥

citrāṅgadāścitramālyāḥ sarve jvalitakuṇḍalāḥ | sukṛtaiḥ karmabhiḥ puṇyaiḥ pāribarhaiśca bhūṣitāḥ

with bright armlets and bright garlands, all with gleaming earrings, adorned by their good and holy deeds and by their fine attire.

Verse 38 (2.8.38)

गन्धर्वाश्च महात्मानः सङ्घशश्चाप्सरोगणाः । वादित्रं नृत्तगीतं च हास्यं लास्यं च सर्वशः ॥

gandharvāśca mahātmānaḥ saṅghaśaścāpsarogaṇāḥ | vāditraṃ nṛttagītaṃ ca hāsyaṃ lāsyaṃ ca sarvaśaḥ

There too are the great-souled Gandharvas and the Apsarases in throngs, with instruments, dance and song, laughter and graceful movement on every side.

Verse 39 (2.8.39)

पुण्याश्च गन्धाः शब्दाश्च तस्यां पार्थ समन्ततः । दिव्यानि चैव माल्यानि उपतिष्ठन्ति नित्यशः ॥

puṇyāśca gandhāḥ śabdāśca tasyāṃ pārtha samantataḥ | divyāni caiva mālyāni upatiṣṭhanti nityaśaḥ

Holy fragrances and holy sounds fill that hall on every side, O Partha, and heavenly garlands are always at hand.

Verse 40 (2.8.40)

शतं शतसहस्राणि धर्मिणां तं प्रजेश्वरम् । उपासते महात्मानं रूपयुक्ता मनस्विनः ॥

śataṃ śatasahasrāṇi dharmiṇāṃ taṃ prajeśvaram | upāsate mahātmānaṃ rūpayuktā manasvinaḥ

A hundred times a hundred thousand righteous beings, handsome and high-minded, attend upon that great-souled lord of creatures.

Verse 41 (2.8.41)

ईदृशी सा सभा राजन्पितृराज्ञो महात्मनः । वरुणस्यापि वक्ष्यामि सभां पुष्करमालिनीम् ॥

īdṛśī sā sabhā rājanpitṛrājño mahātmanaḥ | varuṇasyāpi vakṣyāmi sabhāṃ puṣkaramālinīm

Such is the hall of the great-souled king of the ancestors, O king. Now I shall describe the hall of Varuna too, garlanded with lotuses."