Krishna Describes the Power of Jarasandha

Verse 1 (2.14.1)

सर्वैर्गुणैर्महाराज राजसूयं त्वमर्हसि । जानतस्त्वेव ते सर्वं किञ्चिद्वक्ष्यामि भारत ॥

sarvairguṇairmahārāja rājasūyaṃ tvamarhasi | jānatastveva te sarvaṃ kiñcidvakṣyāmi bhārata

Great king, by all your virtues you are worthy of the Rajasuya. Though you already know everything, Bharata, I will tell you something.

Verse 2 (2.14.2)

जामदग्न्येन रामेण क्षत्रं यदवशेषितम् । तस्मादवरजं लोके यदिदं क्षत्रसंज्ञितम् ॥

jāmadagnyena rāmeṇa kṣatraṃ yadavaśeṣitam | tasmādavarajaṃ loke yadidaṃ kṣatrasaṃjñitam

Those who now bear the name of kshatriyas in the world are the later offspring of the warrior class that Rama, son of Jamadagni, left alive.

Verse 3 (2.14.3)

कृतोऽयं कुलसङ्कल्पः क्षत्रियैर्वसुधाधिप । निदेशवाग्भिस्तत्तेह विदितं भरतर्षभ ॥

kṛto'yaṃ kulasaṅkalpaḥ kṣatriyairvasudhādhipa | nideśavāgbhistatteha viditaṃ bharatarṣabha

Lord of the earth, the kshatriyas have settled among themselves, by words of command, a rule of lineage; you know it well, bull of the Bharatas.

Note on the text: Corrected कलुसङ्कल्पः → कुलसङ्कल्पः (misprint in Wikisource; transposed vowel signs — "kalu" is not a word; the critical edition reads kulasaṃkalpaḥ).

Verse 4 (2.14.4)

ऐलस्येक्ष्वाकुवंशस्य प्रकृतिं परिचक्षते । राजानः श्रेणिबद्धाश्च तथाऽन्ये क्षत्रिया भुवि ॥

ailasyekṣvākuvaṃśasya prakṛtiṃ paricakṣate | rājānaḥ śreṇibaddhāśca tathā'nye kṣatriyā bhuvi

The kings ranged in their lines of descent, and the other kshatriyas on earth as well, are said to spring from the stock of Aila and of the Ikshvaku line.

Verse 5 (2.14.5)

ऐलवंश्याश्च ये राजंस्तथैवेक्ष्वाकवो नृपाः । तानि चैकशतं विद्धि कुलानि भरतर्षभ ॥

ailavaṃśyāśca ye rājaṃstathaivekṣvākavo nṛpāḥ | tāni caikaśataṃ viddhi kulāni bharatarṣabha

Know, O king, that the kings of Aila's line and likewise the Ikshvaku kings make up a hundred and one houses, bull of the Bharatas.

Verse 6 (2.14.6)

ययातेस्त्वेव भोजानां विस्तरो गुणतो महान् । भजतेऽद्य महाराज विस्तरं सचतुर्दिशम् ॥

yayātestveva bhojānāṃ vistaro guṇato mahān | bhajate'dya mahārāja vistaraṃ sacaturdiśam

Among the descendants of Yayati, the Bhojas have spread far and are great in merit; today, great king, their line extends in all four directions.

Verse 7 (2.14.7)

तेषां तथैव तां लक्ष्मीं सर्वक्षत्रमुपासते । इदानीमेव वै राजञ्जरासन्धो महीपतिः ॥

teṣāṃ tathaiva tāṃ lakṣmīṃ sarvakṣatramupāsate | idānīmeva vai rājañjarāsandho mahīpatiḥ

All the kshatriyas likewise pay court to that fortune of theirs. But now, O king, Jarasandha, lord of the earth,

Note on the text: The first line corresponds to CE 2.13.7ab; the second is not in the critical edition (vulgate recension).

Verse 8 (2.14.8)

अभिभूय श्रियं तेषां कुलानामभिषेचितः । स्थितो मूर्ध्नि नरेन्द्राणामोजसाऽऽक्रम्य सर्वशः ॥

abhibhūya śriyaṃ teṣāṃ kulānāmabhiṣecitaḥ | sthito mūrdhni narendrāṇāmojasā''kramya sarvaśaḥ

overpowering the fortune of those houses, has had himself consecrated; he stands at the head of the lords of men, having overrun them all by his might.

Note on the text: Not in the critical edition (found in the vulgate recension).

Verse 9 (2.14.9)

सोऽवनीं मध्यमां भुक्त्वा मिथो भेदममन्यत । प्रभुर्यस्तु परो राजा यस्मिन्नेकवशे जगत् ॥

so'vanīṃ madhyamāṃ bhuktvā mitho bhedamamanyata | prabhuryastu paro rājā yasminnekavaśe jagat

Having enjoyed the middle land, he set about dividing its kings against one another. And the master who is the supreme king, under whose sole sway the world lies,

Note on the text: The first line corresponds to CE 2.13.7cd; the second stands where the critical edition has 2.13.8ab (caturyus tv aparo rājā yasminn ekaśato 'bhavat), a different reading.

Verse 10 (2.14.10)

स साम्राज्यं महाराज प्राप्तो भवति योगतः । तं स राजा जरासन्धं संश्रित्य किल सर्वशः ॥

sa sāmrājyaṃ mahārāja prāpto bhavati yogataḥ | taṃ sa rājā jarāsandhaṃ saṃśritya kila sarvaśaḥ

he it is, great king, who by such means comes to hold imperial sway. And on that king Jarasandha, they say, all have come to depend:

Note on the text: The lines correspond to CE 2.13.8cd (योगतः where the critical edition has yonitaḥ) and 2.13.9ab.

Verse 11 (2.14.11)

राजन्सेनापतिर्जातः शिशुपालः प्रतापवान् । तमेव च महाराज शिष्यवत्समुपस्थितः ॥

rājansenāpatirjātaḥ śiśupālaḥ pratāpavān | tameva ca mahārāja śiṣyavatsamupasthitaḥ

the mighty Shishupala, O king, has become his commander. And to him, great king, as a pupil to his teacher, has come

Note on the text: The lines correspond to CE 2.13.9cd and 2.13.10ab.

Verse 12 (2.14.12)

वक्रः करूषाधिपतिर्मायायोधी महाबलः । अपरौ च महावीर्यौ महात्मानौ समाश्रितौ ॥

vakraḥ karūṣādhipatirmāyāyodhī mahābalaḥ | aparau ca mahāvīryau mahātmānau samāśritau

Vakra, lord of the Karushas, a mighty warrior who fights by magic. Two others of great valour and great spirit have also taken refuge

Note on the text: The lines correspond to CE 2.13.10cd and 2.13.11ab.

Verse 13 (2.14.13)

जरासन्धं महावीर्यं तौ हंसडिम्बिकावुभौ । वक्रदन्तः करूषस्य करभो मेघवाहनः । मूर्ध्ना दिव्यं मणिं बिभ्रद्यमद्भुतमणिं विदुः ॥

jarāsandhaṃ mahāvīryaṃ tau haṃsaḍimbikāvubhau | vakradantaḥ karūṣasya karabho meghavāhanaḥ | mūrdhnā divyaṃ maṇiṃ bibhradyamadbhutamaṇiṃ viduḥ

with the mighty Jarasandha — those two, Hamsa and Dimbika. So too Vakradanta of Karusha, Karabha, and Meghavahana, who wears on his head a heavenly jewel and whom men know as Adbhutamani, "he of the wondrous jewel".

Note on the text: Corrected हिंसडिम्बिकावुभौ → हंसडिम्बिकावुभौ (misprint in Wikisource; the warrior is Hamsa — हंस, as in verse 39 and the critical edition's haṃsaḍibhakau). The lines correspond to CE 2.13.11cd and 2.13.12 (whole).

Verse 14 (2.14.14)

मरुं च नरकं चैव शास्ति यो यवनाधिपः । अपर्यन्तबलो राजा प्रतीच्यां वरुणो यथा ॥

maruṃ ca narakaṃ caiva śāsti yo yavanādhipaḥ | aparyantabalo rājā pratīcyāṃ varuṇo yathā

The Yavana king who rules Maru and Naraka, a king of boundless strength, like Varuna in the west —

Verse 15 (2.14.15)

भगदत्तो महाराज वृद्धस्तव पितुः सखा । स वाचा प्रणतस्तस्य कर्मणा च विशेषतः ॥

bhagadatto mahārāja vṛddhastava pituḥ sakhā | sa vācā praṇatastasya karmaṇā ca viśeṣataḥ

Bhagadatta, great king, the aged friend of your father — he bows to Jarasandha in word, and still more in deed.

Verse 16 (2.14.16)

स्नेहबद्धश्च मनसा पितृवद्भक्तिमांस्त्वयि । प्रतीच्यां दक्षिणं चान्तं पृथिव्याः पाति यो नृपः ॥

snehabaddhaśca manasā pitṛvadbhaktimāṃstvayi | pratīcyāṃ dakṣiṇaṃ cāntaṃ pṛthivyāḥ pāti yo nṛpaḥ

Yet in his heart he is bound to you by affection and is devoted to you as to a father. And the king who guards the western and southern end of the earth,

Note on the text: Corrected प्रति → पाति (misprint in Wikisource; the relative clause needs its verb, "who protects" — the critical edition reads pāti yo nṛpaḥ).

Verse 17 (2.14.17)

मातुलो भवतः शूरः पुरुजित्कुन्तिवर्धनः । स ते सन्नतिमानेकः स्नेहतः शत्रुसूदनः ॥

mātulo bhavataḥ śūraḥ purujitkuntivardhanaḥ | sa te sannatimānekaḥ snehataḥ śatrusūdanaḥ

your maternal uncle, the hero Purujit, who increases the glory of the Kuntis — he alone, slayer of foes, bows to you out of affection.

Note on the text: Corrected सन्नितिमानेकः → सन्नतिमानेकः (misprint in Wikisource; सन्नतिमान्, "showing deference" — the critical edition reads saṃnatimān).

Verse 18 (2.14.18)

जरासन्धं गतस्त्वेव पुरा यो न मया हतः । पुरुषोत्तमविज्ञातो योसौ चेदिषु दुर्मतिः ॥

jarāsandhaṃ gatastveva purā yo na mayā hataḥ | puruṣottamavijñāto yosau cediṣu durmatiḥ

He too has gone over to Jarasandha whom I did not slay before — the evil-minded one among the Chedis who is known as Purushottama,

Verse 19 (2.14.19)

आत्मानं प्रतिजानाति लोकेऽस्मिन्पुरुषोत्तमम् । आदत्ते सततं मोहाद्यः स चिह्नं च मामकम् ॥

ātmānaṃ pratijānāti loke'sminpuruṣottamam | ādatte satataṃ mohādyaḥ sa cihnaṃ ca māmakam

who proclaims himself in this world the Supreme Person, and who in his delusion constantly bears my emblem;

Verse 20 (2.14.20)

वङ्गपुण्ड्रकिरातेषु राजा बलसमन्वितः । पौण्ड्रको वासुदेवेति योसौ लोकेऽभिविश्रुतः ॥

vaṅgapuṇḍrakirāteṣu rājā balasamanvitaḥ | pauṇḍrako vāsudeveti yosau loke'bhiviśrutaḥ

the powerful king among the Vangas, Pundras and Kiratas, who is famed in the world as Paundraka Vasudeva.

Verse 21 (2.14.21)

चतुर्थभाङ्महाराज भोज इन्द्रसखो बली । विद्याबलाद्यो व्यजयत्स पाण्ड्यक्रथकैशिकान् ॥

caturthabhāṅmahārāja bhoja indrasakho balī | vidyābalādyo vyajayatsa pāṇḍyakrathakaiśikān

Bhoja, great king, the mighty friend of Indra, lord of a fourth part of the earth, who by the power of his learning conquered the Pandyas, Krathas and Kaishikas —

Verse 22 (2.14.22)

भ्राता तस्याकृतिः शूरो जामदग्न्यसमोऽभवत् । स भक्तो मागधं राजा भीष्मकः परवीरहा ॥

bhrātā tasyākṛtiḥ śūro jāmadagnyasamo'bhavat | sa bhakto māgadhaṃ rājā bhīṣmakaḥ paravīrahā

his brother Akriti was a hero equal to Rama, son of Jamadagni — that king, Bhishmaka, slayer of enemy heroes, is devoted to the Magadha.

Verse 23 (2.14.23)

प्रियाण्याचरतः प्रह्वान्सदा सम्बन्धिनस्ततः । भजतो न भजत्यस्मानप्रियेषु व्यवस्थितः ॥

priyāṇyācarataḥ prahvānsadā sambandhinastataḥ | bhajato na bhajatyasmānapriyeṣu vyavasthitaḥ

Though we, his kinsmen, are always respectful to him, do him kindnesses and honour him, he does not return our regard; he stands among those who wish us ill.

Verse 24 (2.14.24)

न कुलं सबलं राजन्नभ्यजानात्तथाऽऽत्मनः । पश्यमानो यशो दीप्तं जरासन्धमुपस्थितः ॥

na kulaṃ sabalaṃ rājannabhyajānāttathā''tmanaḥ | paśyamāno yaśo dīptaṃ jarāsandhamupasthitaḥ

Not recognising the strength of his own house, O king, and seeing Jarasandha's blazing fame, he has gone to attend on him.

Verse 25 (2.14.25)

उदीच्याश्च तथा भोजाः कुलान्यष्टादश प्रभो । जरासन्धभयादेव प्रतीचीं दिशमास्थिताः ॥

udīcyāśca tathā bhojāḥ kulānyaṣṭādaśa prabho | jarāsandhabhayādeva pratīcīṃ diśamāsthitāḥ

Likewise the northern Bhojas, my lord, eighteen houses, have settled in the west out of fear of Jarasandha alone:

Verse 26 (2.14.26)

शूरसेना भद्रकारा बोधाः शाल्वाः पटच्चराः । सुस्थलाश्च सुकुट्टाश्च कुलिन्दाः कुन्तिभिः सह ॥

śūrasenā bhadrakārā bodhāḥ śālvāḥ paṭaccarāḥ | susthalāśca sukuṭṭāśca kulindāḥ kuntibhiḥ saha

the Shurasenas, Bhadrakaras, Bodhas, Shalvas and Patachcharas, the Susthalas and Sukuttas, and the Kulindas together with the Kuntis;

Verse 27 (2.14.27)

शाल्वायनाश्च राजानः सोदर्यानुचरैः सह । दक्षिणा ये च पञ्चालाः पूर्वाः कुन्तिषु कोसलाः ॥

śālvāyanāśca rājānaḥ sodaryānucaraiḥ saha | dakṣiṇā ye ca pañcālāḥ pūrvāḥ kuntiṣu kosalāḥ

the Shalvayana kings with their brothers and followers; the southern Panchalas, and the eastern Kosalas among the Kuntis.

Verse 28 (2.14.28)

तथोत्तरां दिशं चापि परित्यज्य भयार्दिताः । मत्स्याः सन्न्यस्तपादाश्च दक्षिणां दिशमाश्रिताः ॥

tathottarāṃ diśaṃ cāpi parityajya bhayārditāḥ | matsyāḥ sannyastapādāśca dakṣiṇāṃ diśamāśritāḥ

So too the Matsyas and the Samnyastapadas, stricken with fear, have abandoned the northern region and taken refuge in the south.

Verse 29 (2.14.29)

तथैव सर्वपञ्चाला जरासन्धभयार्दिताः । स्वराज्यं सम्परित्यज्य विद्रुताः सर्वतोदिशम् ॥

tathaiva sarvapañcālā jarāsandhabhayārditāḥ | svarājyaṃ samparityajya vidrutāḥ sarvatodiśam

Likewise all the Panchalas, tormented by fear of Jarasandha, have abandoned their own kingdoms and fled in every direction.

Note on the text: Corrected जरासन्धभायर्दिताः → जरासन्धभयार्दिताः (misprint in Wikisource; misplaced vowel sign and repha — the critical edition reads jarāsaṃdhabhayārditāḥ).

Verse 30 (2.14.30)

अग्रतो ह्यस्य पाञ्चालास्तत्रानीके महात्मनः । अनिर्गते सारबले मागधेभ्यो गिरिव्रजात् ॥

agrato hyasya pāñcālāstatrānīke mahātmanaḥ | anirgate sārabale māgadhebhyo girivrajāt

The Panchalas fled before that great-souled king's army even while its main strength had not yet marched out of Girivraja of the Magadhas.

Note on the text: Removed a stray wiki mark (`). Not in the critical edition (found in the vulgate recension).

Verse 31 (2.14.31)

उग्रसेनसुतः कंसः पुरा निर्जित्य बान्धवान् । बार्हद्रथसुते देव्यावुपागच्छद्वृथामतिः ॥

ugrasenasutaḥ kaṃsaḥ purā nirjitya bāndhavān | bārhadrathasute devyāvupāgacchadvṛthāmatiḥ

Long ago Kamsa, son of Ugrasena, having subdued his own kinsmen, in his folly took as his queens the two daughters of Jarasandha, son of Brihadratha.

Note on the text: Removed a stray wiki mark ('), which closes the passage Wikisource marks as inserted from the previous verse. The first line is a vulgate reading in place of CE 2.13.29ab (kasya cit tv atha kālasya kaṃso nirmathya bāndhavān); the second matches 2.13.29cd.

Verse 32 (2.14.32)

अस्तिः प्राप्तिश्च नाम्ना ते सहदेवानुजेऽबले । बलेन तेन स्वज्ञातीनभिभूय वृथामतिः ॥

astiḥ prāptiśca nāmnā te sahadevānuje'bale | balena tena svajñātīnabhibhūya vṛthāmatiḥ

Their names were Asti and Prapti, younger sisters of Sahadeva. With that strength behind him the foolish man overpowered his own kinsmen

Note on the text: Corrected प्रास्तिः → प्राप्तिः (misprint in Wikisource; स for प — the princess is Prapti, as in the critical edition, prāptiś ca).

Verse 33 (2.14.33)

श्रैष्ठ्यं प्राप्तः स तस्यासीदतीवापनयो महान् । भोजराजन्यवृद्धैश्च पीड्यमानैर्दुरात्मना ॥

śraiṣṭhyaṃ prāptaḥ sa tasyāsīdatīvāpanayo mahān | bhojarājanyavṛddhaiśca pīḍyamānairdurātmanā

and won the first place; great was his misrule. Then the elders of the Bhoja royal house, oppressed by that wicked man,

Verse 34 (2.14.34)

ज्ञातित्राणमभीप्सद्भिरस्मत्सम्भावना कृता । दत्त्वाऽऽक्रूराय सुतनुं तामाहुकसुतां तदा ॥

jñātitrāṇamabhīpsadbhirasmatsambhāvanā kṛtā | dattvā''krūrāya sutanuṃ tāmāhukasutāṃ tadā

and seeking protection for their kin, turned to us for help. Having given Ahuka's daughter, the lovely Sutanu, to Akrura,

Note on the text: Corrected दत्वा → दत्त्वा (misprint in Wikisource; dropped त् of the gerund — the critical edition reads dattvā).

Verse 35 (2.14.35)

सङ्कर्षणद्वितीयेन ज्ञातिकार्यं मया कृतम् । हतौ कंससुनामानौ मया रामेण चाप्युत ॥

saṅkarṣaṇadvitīyena jñātikāryaṃ mayā kṛtam | hatau kaṃsasunāmānau mayā rāmeṇa cāpyuta

with Sankarshana as my companion I did what our kinsmen needed: Kamsa and Sunaman were slain by me and by Rama.

Verse 36 (2.14.36)

हत्वा कंसं तथैवादौ जरासन्धस्य बिभ्यतः । मया रामेण चान्यत्र ज्ञातयः परिपालिताः ॥

hatvā kaṃsaṃ tathaivādau jarāsandhasya bibhyataḥ | mayā rāmeṇa cānyatra jñātayaḥ paripālitāḥ

Having first slain Kamsa in this way, Rama and I then protected our kinsmen elsewhere, for they were afraid of Jarasandha.

Note on the text: Removed stray wiki marks (` and '). Corrected परिपालितः → परिपालिताः (misprint in Wikisource; dropped ा — the participle must agree with the plural ज्ञातयः). Not in the critical edition (found in the vulgate recension).

Verse 37 (2.14.37)

भये तु समतिक्रान्ते जरासन्धे समुद्यते । मन्त्रोऽयं मन्त्रितो राजन्कुलैरष्टादशावरैः ॥

bhaye tu samatikrānte jarāsandhe samudyate | mantro'yaṃ mantrito rājankulairaṣṭādaśāvaraiḥ

When that fear had passed and Jarasandha rose up against us, O king, the eighteen junior houses took this counsel together:

Verse 38 (2.14.38)

अनारमन्तो निघ्नन्तो महास्त्रैः शत्रुघातिभिः । न हन्यामो वयं तस्य त्रिभिर्वर्षशतैर्बलम् ॥

anāramanto nighnanto mahāstraiḥ śatrughātibhiḥ | na hanyāmo vayaṃ tasya tribhirvarṣaśatairbalam

"Even if we strike without pause with great weapons that slay our enemies, we could not destroy his army in three hundred years.

Verse 39 (2.14.39)

तस्य ह्यमरसङ्काशौ बलेन बलिनां वरौ । नामभ्यां हंसडिबिकावशस्त्रनिधनावुभौ ॥

tasya hyamarasaṅkāśau balena balināṃ varau | nāmabhyāṃ haṃsaḍibikāvaśastranidhanāvubhau

For he has two warriors like immortals, the best of the strong in strength, Hamsa and Dibika by name, neither of whom can be killed by weapons.

Verse 40 (2.14.40)

तावुभौ सहितौ वीरौ जरासन्धश्च वीर्यवान् । त्रयस्त्रयाणां लोकानां पर्याप्ता इति मे मतिः ॥

tāvubhau sahitau vīrau jarāsandhaśca vīryavān | trayastrayāṇāṃ lokānāṃ paryāptā iti me matiḥ

Those two heroes together, and the mighty Jarasandha — the three are a match for the three worlds." Such is my opinion.

Verse 41 (2.14.41)

न हि केवलमस्माकं यावन्तोऽन्ये च पार्थिवाः । तथैव तेषामासीच्च बुद्धिर्बुद्धिमतां वर ॥

na hi kevalamasmākaṃ yāvanto'nye ca pārthivāḥ | tathaiva teṣāmāsīcca buddhirbuddhimatāṃ vara

It was not only our view, wisest of the wise; all the other kings, however many, thought the same.

Verse 42 (2.14.42)

अष्टादश मया तस्य सङ्ग्रामा रोमहर्षणाः । दत्ता न च हतो राजञ्जरासन्धो महाबलः ॥

aṣṭādaśa mayā tasya saṅgrāmā romaharṣaṇāḥ | dattā na ca hato rājañjarāsandho mahābalaḥ

Eighteen hair-raising battles I gave him, O king, and still the mighty Jarasandha was not slain.

Note on the text: Removed stray wiki marks (` and '). Not in the critical edition (found in the vulgate recension).

Verse 43 (2.14.43)

अथ हंस इति ख्यातः कश्चिदासीन्महान्नृपः । रामेण स हतस्तत्र सङ्ग्रामेऽष्टादशावरे ॥

atha haṃsa iti khyātaḥ kaścidāsīnmahānnṛpaḥ | rāmeṇa sa hatastatra saṅgrāme'ṣṭādaśāvare

Now there was a certain great king known as Hamsa; he was slain there by Rama in the battle of the eighteen houses.

Verse 44 (2.14.44)

हतो हंस इति प्रोक्तं तस्य केनापि भारत । तच्छ्रुत्वा डिबिको राजन्यमुनाम्भस्यमज्जत ॥

hato haṃsa iti proktaṃ tasya kenāpi bhārata | tacchrutvā ḍibiko rājanyamunāmbhasyamajjata

Then someone told him, Bharata, "Hamsa is slain." Hearing this, O king, Dibika drowned himself in the waters of the Yamuna,

Note on the text: Corrected प्रोक्तस्य → प्रोक्तं तस्य (misprint in Wikisource; a dropped akshara leaves the line a syllable short and without sense — "it was said to him"; the critical edition has proktam atha here).

Verse 45 (2.14.45)

विना हंसेन लोकेऽस्मिन्नाहं जीवितुमुत्सहे । इत्येतां मतिमास्थाय डिबिको निधनं गतः ॥

vinā haṃsena loke'sminnāhaṃ jīvitumutsahe | ityetāṃ matimāsthāya ḍibiko nidhanaṃ gataḥ

saying, "Without Hamsa I cannot bear to live in this world." With this resolve Dibika met his death.

Note on the text: Corrected हसेन → हंसेन (misprint in Wikisource; dropped anusvara in Hamsa's name — the critical edition reads haṃsena).

Verse 46 (2.14.46)

तथा तु डिबिकं श्रुत्वा हंसः परपुरञ्जयः । प्रपेदे यमुनामेव सोपि तस्यां न्यमज्जत ॥

tathā tu ḍibikaṃ śrutvā haṃsaḥ parapurañjayaḥ | prapede yamunāmeva sopi tasyāṃ nyamajjata

And Hamsa, conqueror of enemy cities, hearing what had befallen Dibika, also went to the Yamuna and drowned himself in it.

Note on the text: Corrected परुपुरञ्जयः → परपुरञ्जयः (misprint in Wikisource; "conqueror of enemy cities" — the critical edition reads parapuraṃjayaḥ).

Verse 47 (2.14.47)

तौ स राजा जरासन्धः श्रुत्वा च निधनं गतौ । पुरं शून्येन मनसा प्रययौ भरतर्षभ ॥

tau sa rājā jarāsandhaḥ śrutvā ca nidhanaṃ gatau | puraṃ śūnyena manasā prayayau bharatarṣabha

When King Jarasandha heard that both had died, he went back to his city with an empty heart, bull of the Bharatas.

Note on the text: Corrected जराजन्धः → जरासन्धः (misprint in Wikisource; ज for स in the king's name).

Verse 48 (2.14.48)

ततो वयममित्रघ्न तस्मिन्प्रतिगते नृपे । पुनरानन्दिनः सर्वे मधुरायां वसामहे ॥

tato vayamamitraghna tasminpratigate nṛpe | punarānandinaḥ sarve madhurāyāṃ vasāmahe

Then, slayer of foes, when that king had gone back, we all lived on in Madhura, joyful once more.

Note on the text: Corrected वयमित्रघ्न → वयममित्रघ्न and पुनरान्दिनः → पुनरानन्दिनः (misprints in Wikisource; a dropped akshara in each — the vocative amitraghna, and आनन्दिनः "joyful"; the critical edition reads vayam amitraghna and ānanditāḥ).

Verse 49 (2.14.49)

यदा त्वभ्येत्य पितरं सा वै राजीवलोचना । कंसभार्या जरासन्धं दुहिता मागधं नृपम् । चोदयत्येव राजेन्द्र पतिव्यसनदुःखिता ॥

yadā tvabhyetya pitaraṃ sā vai rājīvalocanā | kaṃsabhāryā jarāsandhaṃ duhitā māgadhaṃ nṛpam | codayatyeva rājendra pativyasanaduḥkhitā

But when Kamsa's lotus-eyed wife went to her father, Jarasandha, king of Magadha, and, grieving over her husband's ruin, kept urging him, lord of kings,

Note on the text: The lines correspond to CE 2.13.45 (whole) and 2.13.46ab.

Verse 50 (2.14.50)

पतिघ्नं मे जहीत्येवं पुनः पुनररिन्दम । ततो वयं महाराज तं मन्त्रं पूर्वमन्त्रितम् ॥

patighnaṃ me jahītyevaṃ punaḥ punararindama | tato vayaṃ mahārāja taṃ mantraṃ pūrvamantritam

again and again, "Kill the slayer of my husband," then, great king, remembering the counsel we had taken earlier,

Note on the text: The lines correspond to CE 2.13.46cd and 2.13.47ab.

Verse 51 (2.14.51)

संस्मरन्तो विमनसो व्यपयाता नराधिप । पृथक्त्वेन महाराज सङ्क्षिप्य महतीं श्रियम् ॥

saṃsmaranto vimanaso vyapayātā narādhipa | pṛthaktvena mahārāja saṅkṣipya mahatīṃ śriyam

we departed in dismay, lord of men. Gathering up our great wealth, great king, we went our separate ways

Note on the text: The lines correspond to CE 2.13.47cd and 2.13.48ab (महाराज where the critical edition has drutā rājan).

Verse 52 (2.14.52)

पलायामो भयात्तस्य ससुतज्ञातिबान्धवाः । इति सञ्चिन्त्य सर्वे स्म प्रतीचीं दिशमाश्रिताः ॥

palāyāmo bhayāttasya sasutajñātibāndhavāḥ | iti sañcintya sarve sma pratīcīṃ diśamāśritāḥ

and fled in fear of him with our sons, kin and relations. Having thought this through, we all took refuge in the west,

Note on the text: The lines correspond to CE 2.13.48cd (पलायामो … ससुत- where the critical edition has prapatāmo … sadhana-) and 2.13.49ab.

Verse 53 (2.14.53)

कुशस्थलीं पुरीं रम्यां रैवतेनोपशोभिताम् । ततो निवेशं तस्यां च कृतवन्तो वयं नृप ॥

kuśasthalīṃ purīṃ ramyāṃ raivatenopaśobhitām | tato niveśaṃ tasyāṃ ca kṛtavanto vayaṃ nṛpa

in the delightful city of Kushasthali, adorned by Mount Raivata. There, O king, we made our settlement,

Note on the text: The lines correspond to CE 2.13.49cd and 2.13.50ab.

Verse 54 (2.14.54)

तथैव दुर्गसंस्कारं देवैरपि दुरासदम् । स्त्रियोऽपि यस्यां युध्येयुः किमु वृष्णिमहारथाः ॥

tathaiva durgasaṃskāraṃ devairapi durāsadam | striyo'pi yasyāṃ yudhyeyuḥ kimu vṛṣṇimahārathāḥ

and likewise built a fortress hard even for the gods to assail, in which even women could fight — how much more the great chariot-warriors of the Vrishnis!

Note on the text: The lines correspond to CE 2.13.50cd and 2.13.51ab.

Verse 55 (2.14.55)

तस्यां वयममित्रघ्न निवसामोऽकुतोभयाः । आलोच्य गिरिमुख्यं तं मागधं तीर्णमेव च ॥

tasyāṃ vayamamitraghna nivasāmo'kutobhayāḥ | ālocya girimukhyaṃ taṃ māgadhaṃ tīrṇameva ca

There we live, slayer of foes, with no fear from any quarter. Looking upon that chief of mountains, and knowing the Magadha danger put behind them,

Note on the text: The lines correspond to CE 2.13.51cd and 2.13.52ab (a different reading in the second line: the critical edition has mādhavītīrtham where Wikisource has मागधं तीर्णम्).

Verse 56 (2.14.56)

माधवाः कुरुशार्दूल परां मुदमवाप्नुवन् । एवं वयं जरासन्धादभितः कृतकिल्बिषाः ॥

mādhavāḥ kuruśārdūla parāṃ mudamavāpnuvan | evaṃ vayaṃ jarāsandhādabhitaḥ kṛtakilbiṣāḥ

the Madhavas, tiger among the Kurus, were filled with the greatest joy. Thus, though wronged by Jarasandha on every side,

Note on the text: The lines correspond to CE 2.13.52cd and 2.13.53ab.

Verse 57 (2.14.57)

सामर्थ्यवन्तः सम्बन्धाद्गोमन्तं समुपाश्रिताः । त्रियोजनायतं सद्म त्रिस्कन्धं योजनावधि ॥

sāmarthyavantaḥ sambandhādgomantaṃ samupāśritāḥ | triyojanāyataṃ sadma triskandhaṃ yojanāvadhi

we, though able to fight, out of regard for kinship withdrew to Gomanta. Our dwelling there is three yojanas long, in three sections, each a yojana across;

Note on the text: The lines correspond to CE 2.13.53cd (गोमन्तं where the critical edition has bhavantaṃ) and 2.13.54ab.

Verse 58 (2.14.58)

योजनान्ते शतद्वारं वीरविक्रमतोरणम् । अष्टादशावरैर्नद्धं क्षत्रियैर्युद्धदुर्मदैः ॥

yojanānte śatadvāraṃ vīravikramatoraṇam | aṣṭādaśāvarairnaddhaṃ kṣatriyairyuddhadurmadaiḥ

at the end of each yojana there are a hundred gates, with arches worthy of heroic valour, and it is manned by the eighteen junior houses of kshatriyas, fierce in battle.

Note on the text: The lines correspond to CE 2.13.54cd and 2.13.54ef.

Verse 59 (2.14.59)

अष्टादश सहस्राणि भ्रातृणां सन्ति नः कुले । आहुकस्य शतं पुत्रा एकैकस्त्रिदशावरः ॥

aṣṭādaśa sahasrāṇi bhrātṛṇāṃ santi naḥ kule | āhukasya śataṃ putrā ekaikastridaśāvaraḥ

In our clan there are eighteen thousand brothers. Ahuka has a hundred sons, each of them second only to the gods.

Note on the text: Corrected कले → कुले (misprint in Wikisource; dropped vowel sign — "in our clan", as in the critical edition, naḥ kule).

Verse 60 (2.14.60)

चारुदेष्णः सह भ्रात्रा चक्रदेवोऽथ सात्यकिः । अहं च रोहिणेयश्च साम्बः प्रद्युम्न एव च ॥

cārudeṣṇaḥ saha bhrātrā cakradevo'tha sātyakiḥ | ahaṃ ca rohiṇeyaśca sāmbaḥ pradyumna eva ca

Charudeshna with his brother, Chakradeva, then Satyaki, myself, Rohini's son, Samba and Pradyumna —

Verse 61 (2.14.61)

एवमेते रथाः सप्त राजन्नन्यान्निबोध मे । कृतवर्मा ह्यनाधृष्टिः समीकः समितिञ्जयः ॥

evamete rathāḥ sapta rājannanyānnibodha me | kṛtavarmā hyanādhṛṣṭiḥ samīkaḥ samitiñjayaḥ

these are the seven chariot-warriors, O king. Now hear from me of the others: Kritavarma, Anadhrishti, Samika, Samitinjaya,

Note on the text: Corrected समिर्तिजयः → समितिञ्जयः (misprint in Wikisource; misplaced repha and lost nasal in the name Samitinjaya — the critical edition reads samitiṃjayaḥ).

Verse 62 (2.14.62)

कङ्कः शङ्कुश्च कुन्तिश्च सप्तैते वै महारथाः । प्रद्युम्नश्चानिरुद्धश्च भानुरक्रूरसारणौ ॥

kaṅkaḥ śaṅkuśca kuntiśca saptaite vai mahārathāḥ | pradyumnaścāniruddhaśca bhānurakrūrasāraṇau

Kanka, Shanku and Kunti — these seven are great chariot-warriors. Pradyumna, Aniruddha, Bhanu, Akrura and Sarana,

Note on the text: Removed a stray wiki mark (`). The first line corresponds to CE 2.13.58ab (which names kahvaḥ śaṅkur nidāntaś ca); the second, which Wikisource marks as the start of an inserted passage, is not in the critical edition.

Verse 63 (2.14.63)

निशठश्च गदश्चैव सप्त चैते महारथाः । विकमो झिल्लिबभ्रू च उद्धवोऽथ विदूरथः ॥

niśaṭhaśca gadaścaiva sapta caite mahārathāḥ | vikamo jhillibabhrū ca uddhavo'tha vidūrathaḥ

Nishatha and Gada — these seven too are great chariot-warriors. Vikama, Jhilli, Babhru, Uddhava, then Viduratha,

Note on the text: Not in the critical edition (found in the vulgate recension).

Verse 64 (2.14.64)

वसुदेवोग्रसेनौ च सप्तैते मन्त्रिपुङ्गवाः । प्रसेनजिच्च यमलो राजराजगुणान्वितः ॥

vasudevograsenau ca saptaite mantripuṅgavāḥ | prasenajicca yamalo rājarājaguṇānvitaḥ

Vasudeva and Ugrasena — these seven are the foremost of counsellors. Prasenajit and his twin, endowed with the virtues of a king of kings,

Note on the text: Not in the critical edition (found in the vulgate recension).

Verse 65 (2.14.65)

स्यमन्तको मणिर्यस्य रुक्मं निस्रुवते बहु । पुत्रौ चान्धकभोजस्य वृद्धो राजा च ते दश ॥

syamantako maṇiryasya rukmaṃ nisruvate bahu | putrau cāndhakabhojasya vṛddho rājā ca te daśa

whose jewel Syamantaka pours out gold in plenty; the two sons of Andhaka-Bhoja, and the aged king — these make ten.

Note on the text: The first line is not in the critical edition (vulgate recension); the second corresponds to CE 2.13.58cd.

Verse 66 (2.14.66)

वज्रसंहनना वीरा वीर्यवन्तो महाबलाः । स्मरन्तो मध्यमं देशं वृष्णिवीरा गतज्वराः ॥

vajrasaṃhananā vīrā vīryavanto mahābalāḥ | smaranto madhyamaṃ deśaṃ vṛṣṇivīrā gatajvarāḥ

Heroes with frames hard as the thunderbolt, valiant and of great strength, the Vrishni warriors still remember the middle country, though now free from care.

Note on the text: Corrected वीरी → वीरा (misprint in Wikisource; the plural वीराः, in sandhi वीरा, agrees with the rest of the line — the critical edition reads vīrā).

Verse 67 (2.14.67)

पाण्डवैश्चापि सततं नाथवन्तो वयं नृप । सर्वसम्पद्गुणैः सिद्धे तस्मिन्नेवं व्यवस्थिते ॥

pāṇḍavaiścāpi satataṃ nāthavanto vayaṃ nṛpa | sarvasampadguṇaiḥ siddhe tasminnevaṃ vyavasthite

And through the Pandavas we are ever protected, O king. Since you are perfect in every excellence and virtue, and things stand thus,

Note on the text: Not in the critical edition (found in the vulgate recension).

Verse 68 (2.14.68)

क्षत्रे सम्राजमात्मानं कर्तुमर्हसि भारत । दुर्योधनं शान्तनवं द्रोणं द्रौणायनिं कृपम् ॥

kṣatre samrājamātmānaṃ kartumarhasi bhārata | duryodhanaṃ śāntanavaṃ droṇaṃ drauṇāyaniṃ kṛpam

you ought, Bharata, to make yourself emperor among the kshatriyas. But Duryodhana, Shantanu's son Bhishma, Drona, Drona's son Ashvatthama, Kripa,

Note on the text: The first line corresponds to CE 2.13.60cd; the second is not in the critical edition (vulgate recension).

Verse 69 (2.14.69)

कर्णं च शिशुपालं च रुक्मिणं च धनुर्धरम् । एकलव्यं द्रुमं श्वेतं शैब्यं शकुनिमेव च ॥

karṇaṃ ca śiśupālaṃ ca rukmiṇaṃ ca dhanurdharam | ekalavyaṃ drumaṃ śvetaṃ śaibyaṃ śakunimeva ca

Karna, Shishupala, Rukmin the archer, Ekalavya, Druma, Shveta, Shaibya and Shakuni —

Note on the text: Not in the critical edition (found in the vulgate recension).

Verse 70 (2.14.70)

एतानजित्वा सङ्ग्रामे कथं शक्नोषि तं क्रतुम् । तथैते गौरवेणैव न योत्स्यन्ति नराधिपाः ॥

etānajitvā saṅgrāme kathaṃ śaknoṣi taṃ kratum | tathaite gauraveṇaiva na yotsyanti narādhipāḥ

without defeating these in battle, how can you perform that sacrifice? Yet these kings will not fight you, out of the regard they hold for you.

Note on the text: Not in the critical edition (found in the vulgate recension).

Verse 71 (2.14.71)

एकस्तत्र बलोन्मत्तः कर्णो वैकर्तनो वृषा । योत्स्यते स परामर्षी दिव्यास्त्रबलगर्वितः ॥

ekastatra balonmattaḥ karṇo vaikartano vṛṣā | yotsyate sa parāmarṣī divyāstrabalagarvitaḥ

Only one of them, Karna Vaikartana, called Vrisha, drunk with his strength, impatient and proud of the might of his divine weapons, will fight.

Note on the text: Removed a stray wiki mark ('). Corrected दिव्यास्रबल- → दिव्यास्त्रबल- (misprint in Wikisource; dropped त् in अस्त्र, "weapon"). Not in the critical edition (found in the vulgate recension).

Verse 72 (2.14.72)

न तु शक्यं जरासन्धे जीवमाने महाबल । राजसूयस्त्वयाऽवाप्तुमेषा राजन्मतिर्मम ॥

na tu śakyaṃ jarāsandhe jīvamāne mahābala | rājasūyastvayā'vāptumeṣā rājanmatirmama

But while Jarasandha lives, mighty one, you cannot achieve the Rajasuya; this is my view, O king.

Verse 73 (2.14.73)

तेन रुद्धा हि राजानः सर्वे जित्वा गिरिव्रजे । कन्दरे पर्वतेन्द्रस्य सिंहेनेव महाद्विपाः ॥

tena ruddhā hi rājānaḥ sarve jitvā girivraje | kandare parvatendrasya siṃheneva mahādvipāḥ

For he has conquered all the kings and shut them up in Girivraja, as a lion pens great elephants in a cave of the king of mountains.

Verse 74 (2.14.74)

स हि राजा जरासन्धो यियक्षुर्वसुधाधिपैः । अभिषिक्तः स राजन्यैः सहस्रैरुत चाष्टभिः । महादेवं महात्मानमुमापतिमरिन्दम ॥

sa hi rājā jarāsandho yiyakṣurvasudhādhipaiḥ | abhiṣiktaḥ sa rājanyaiḥ sahasrairuta cāṣṭabhiḥ | mahādevaṃ mahātmānamumāpatimarindama

For King Jarasandha — who was consecrated by eight thousand princes — wishes to offer sacrifice with the lords of the earth as his victims. The great-souled Mahadeva, lord of Uma, O tamer of foes,

Note on the text: Removed stray wiki marks (` and '). The first line corresponds to CE 2.13.63ab; the middle line, which Wikisource marks as inserted, is not in the critical edition; the third line goes with the next verse in rendering CE 2.13.63cd (ārādhya hi mahādevaṃ).

Verse 75 (2.14.75)

आराध्य तपसोग्रेण निर्जितास्तेन पार्थिवाः । प्रतिज्ञायाश्च पारं स गतः पार्थिवसत्तम ॥

ārādhya tapasogreṇa nirjitāstena pārthivāḥ | pratijñāyāśca pāraṃ sa gataḥ pārthivasattama

he propitiated with fierce austerity, and so conquered the kings; and he has reached the far shore of his vow, best of kings.

Note on the text: The first line corresponds to CE 2.13.63cd; the second is not in the critical edition (vulgate recension).

Verse 76 (2.14.76)

स हि निर्जित्य निर्जित्य पार्थिवान्पृतनागतान् । पुरमानीय बद्ध्वा च चकार पुरुषव्रजम् ॥

sa hi nirjitya nirjitya pārthivānpṛtanāgatān | puramānīya baddhvā ca cakāra puruṣavrajam

Conquering, one after another, the kings who met him in battle, he brought them to his city, bound them, and made a pen of men.

Verse 77 (2.14.77)

वयं चैव महाराज जरासन्धभयात्तदा । मधुरां सम्परित्यज्य गता द्वारवतीं पुरीम् ॥

vayaṃ caiva mahārāja jarāsandhabhayāttadā | madhurāṃ samparityajya gatā dvāravatīṃ purīm

And we too, great king, out of fear of Jarasandha, abandoned Madhura at that time and went to the city of Dvaravati.

Note on the text: Corrected मधुरा → मधुरां (misprint in Wikisource; dropped anusvara — the object of सम्परित्यज्य must be accusative; the critical edition reads mathurāṃ).

Verse 78 (2.14.78)

यदि त्वेनं महाराज यज्ञं प्राप्तुमभीप्ससि । यतस्व तेषां मोक्षाय जरासन्धवधाय च ॥

yadi tvenaṃ mahārāja yajñaṃ prāptumabhīpsasi | yatasva teṣāṃ mokṣāya jarāsandhavadhāya ca

If, great king, you wish to attain this sacrifice, strive to free those kings and to slay Jarasandha.

Verse 79 (2.14.79)

समारम्भो न शक्योऽयमन्यथा कुरुनन्दन । राजसूयस्य कार्त्स्न्येन कर्तुं मतिमतां वर ॥

samārambho na śakyo'yamanyathā kurunandana | rājasūyasya kārtsnyena kartuṃ matimatāṃ vara

Otherwise, joy of the Kurus, wisest of the wise, this undertaking of the Rajasuya cannot be carried through in full.

Verse 80 (2.14.80)

इत्येषा मे मती राजन्यथा वा मन्यसेऽनघ । एवं गते ममाचक्ष्व स्वयं निश्चित्य हेतुभिः ॥

ityeṣā me matī rājanyathā vā manyase'nagha | evaṃ gate mamācakṣva svayaṃ niścitya hetubhiḥ

This is my opinion, O king — or think as you see fit, sinless one. Things being so, weigh the reasons, decide for yourself, and tell me.