Krishna, Bhima and Arjuna Enter Girivraja

Verse 1 (2.21.1)

एष पार्थ महान्भाति पशुमान्नित्यमम्बुमान् । निरामयः सुवेश्माढ्यो निवेशो मागधः शुभः ॥

eṣa pārtha mahānbhāti paśumānnityamambumān | nirāmayaḥ suveśmāḍhyo niveśo māgadhaḥ śubhaḥ

"Look, Partha: the great Magadha settlement shines here, rich in cattle, always well watered, free of disease, full of fine houses, a lovely place."

Verse 2 (2.21.2)

वैहारो विपुलः शैलो वाराहो वृषभस्तथा । तथा ऋषिगिरिस्तात शुभाश्चैत्यकपञ्चमाः ॥

vaihāro vipulaḥ śailo vārāho vṛṣabhastathā | tathā ṛṣigiristāta śubhāścaityakapañcamāḥ

"The broad mountain Vaihara, Varaha and Vrishabha, and Rishigiri too, my friend, with lovely Chaityaka as the fifth —"

Verse 3 (2.21.3)

एते पञ्चमहाशृङ्गाः पर्वताः शीतलद्रुमाः । रक्षन्तीवाभिसंहत्य संहताङ्गा गिरिव्रजम् ॥

ete pañcamahāśṛṅgāḥ parvatāḥ śītaladrumāḥ | rakṣantīvābhisaṃhatya saṃhatāṅgā girivrajam

"these five great-peaked mountains with their cool trees stand pressed close together, as if joining to guard Girivraja."

Verse 4 (2.21.4)

पुष्पवेष्टितशाखाग्रैर्गन्धवद्भिर्मनोहरैः । निगूढा इव लोध्राणां वनैः कामिजनप्रियैः ॥

puṣpaveṣṭitaśākhāgrairgandhavadbhirmanoharaiḥ | nigūḍhā iva lodhrāṇāṃ vanaiḥ kāmijanapriyaiḥ

"They seem half hidden by groves of lodhra trees, dear to lovers, whose branch-tips are wrapped in fragrant, charming blossoms."

Verse 5 (2.21.5)

यत्र दीर्घतमा नाम ऋषिः परमन्त्रितः । शूद्रायां गौतमो यत्र महात्मा संशितव्रतः । औशीनर्यामजनयत्काक्षीवाद्यान्सुतान्मुनिः ॥

yatra dīrghatamā nāma ṛṣiḥ paramantritaḥ | śūdrāyāṃ gautamo yatra mahātmā saṃśitavrataḥ | auśīnaryāmajanayatkākṣīvādyānsutānmuniḥ

"Here lived the highly honoured sage named Dirghatamas; here the great-souled sage Gautama, rigorous in his vows, begot Kakshivat and other sons on Aushinari, a Shudra woman."

Note on the text: Removed Wikisource's interpolation marks (` … ') around the bracketed text. The first line is not in the critical edition (found in the vulgate recension); the second and third lines are 2.19.5.

Verse 6 (2.21.6)

गौतमः प्रणयात्तस्माद्यथाऽसौ तत्र सद्मनि । भजते मागधं वंशं स नृपाणामनुग्रहः ॥

gautamaḥ praṇayāttasmādyathā'sau tatra sadmani | bhajate māgadhaṃ vaṃśaṃ sa nṛpāṇāmanugrahaḥ

"Out of affection for this place Gautama, dwelling here in his house, attaches himself to the Magadha dynasty; that is his favour to its kings."

Verse 7 (2.21.7)

अङ्गवङ्गादयश्चैव राजानः सुमहाबलाः । गौतमक्षयमभ्येत्य रमन्ते स्म पुरार्जुन ॥

aṅgavaṅgādayaścaiva rājānaḥ sumahābalāḥ | gautamakṣayamabhyetya ramante sma purārjuna

"In former days, Arjuna, the kings of Anga, Vanga and other lands, men of great strength, used to come to Gautama's dwelling and take their pleasure there."

Verse 8 (2.21.8)

वनराजीस्तु पश्येमाः पिप्पलानां मनोरमाः । लोध्राणां च शुभाः पार्थ गौतमौकः समीपजाः ॥

vanarājīstu paśyemāḥ pippalānāṃ manoramāḥ | lodhrāṇāṃ ca śubhāḥ pārtha gautamaukaḥ samīpajāḥ

"See these lovely rows of pippala trees, Partha, and the fine lodhras growing near Gautama's dwelling."

Note on the text: Corrected पिप्लानां → पिप्पलानां (misprint in Wikisource; dropped akshara — the critical edition reads a different tree, priyālānām). Corrected लोघ्राणां → लोध्राणां (misprint in Wikisource; घ for ध, as in the critical edition).

Verse 9 (2.21.9)

अर्बुदः शक्रवापी च पन्नगौ शत्रुतापनौ । स्वस्तिकस्यालयश्चात्र मणिनागस्य चोत्तमः ॥

arbudaḥ śakravāpī ca pannagau śatrutāpanau | svastikasyālayaścātra maṇināgasya cottamaḥ

"Here live the two serpents Arbuda and Shakravapi, scorchers of foes, and here is the fine abode of Svastika and of the serpent Maninaga."

Verse 10 (2.21.10)

अपारिहार्या मेघानां मागधा मनुना कृताः । कौशिको मणिमांश्चैव चक्राते चाप्यनुग्रहम् ॥

apārihāryā meghānāṃ māgadhā manunā kṛtāḥ | kauśiko maṇimāṃścaiva cakrāte cāpyanugraham

"Manu made the Magadha lands such that the clouds can never forsake them, and Kaushika and Manimat too have shown them favour."

Verse 11 (2.21.11)

पाण्डरे विपुले चैव तथा वाराहकेऽपि च । चैत्यके च गिरिश्रेष्ठे मातङ्गे च शिलोच्चये ॥

pāṇḍare vipule caiva tathā vārāhake'pi ca | caityake ca giriśreṣṭhe mātaṅge ca śiloccaye

"On Pandara and Vipula, on Varahaka too, on Chaityaka, best of mountains, and on the rocky hill Matanga —"

Note on the text: Removed Wikisource's interpolation marks (` … ') around the bracketed text. Corrected चज → च (misprint in Wikisource; stray akshara). Corrected मादङ्गे → मातङ्गे (misprint in Wikisource; the hill Matanga). Not in the critical edition (found in the vulgate recension).

Verse 12 (2.21.12)

एतेषु पर्वतेन्द्रेषु सर्वसिद्धसमालयाः । यतीनामाश्रमाश्चैव मुनीनां च महात्मनाम् ॥

eteṣu parvatendreṣu sarvasiddhasamālayāḥ | yatīnāmāśramāścaiva munīnāṃ ca mahātmanām

"on these lords among mountains are the dwellings of all the siddhas, and the hermitages of ascetics and of great-souled sages,"

Note on the text: Not in the critical edition (found in the vulgate recension).

Verse 13 (2.21.13)

वृषभस्य तमालस्य महावीर्यस्य वै तथा । गन्धर्वरक्षसां चैव नागानां च तथाऽऽलयाः ॥

vṛṣabhasya tamālasya mahāvīryasya vai tathā | gandharvarakṣasāṃ caiva nāgānāṃ ca tathā''layāḥ

"and the abodes of Vrishabha and of the mighty Tamala, and likewise of gandharvas, rakshasas and nagas."

Note on the text: Not in the critical edition (found in the vulgate recension).

Verse 14 (2.21.14)

कक्षीवतस्तपोवीर्यात्तपोदा इति विश्रुताः । पुण्यतीर्थाश्च ते सर्वे सिद्धानां चैव कीर्तिताः । मणेश्च दर्शनादेव भद्रं शिवमवाप्नुयात् ॥

kakṣīvatastapovīryāttapodā iti viśrutāḥ | puṇyatīrthāśca te sarve siddhānāṃ caiva kīrtitāḥ | maṇeśca darśanādeva bhadraṃ śivamavāpnuyāt

"Through the power of Kakshivat's austerities these are known as Tapoda; all of them are holy tirthas, renowned as the haunts of siddhas. Merely by seeing the jewel one gains good fortune and blessing."

Note on the text: Removed Wikisource's interpolation marks (` … ') around the bracketed text. Not in the critical edition (found in the vulgate recension).

Verse 15 (2.21.15)

एवं प्राप्य पुरं रम्यं दुराधर्षं समन्ततः । अर्थसिद्धिं त्वनुपमां जरासन्धोऽभिमन्यते ॥

evaṃ prāpya puraṃ ramyaṃ durādharṣaṃ samantataḥ | arthasiddhiṃ tvanupamāṃ jarāsandho'bhimanyate

"Having gained this lovely city, unassailable on every side, Jarasandha thinks his success is beyond compare."

Note on the text: Corrected दुराधर्पं → दुराधर्षं (misprint in Wikisource; प for ष). The first line is not in the critical edition (found in the vulgate recension); the second line is 2.19.11ab.

Verse 16 (2.21.16)

वयमासादने तस्य दर्पमद्य हरेम हि ॥

vayamāsādane tasya darpamadya harema hi

"Today, as we come upon him, let us strip him of his pride."

Note on the text: Split: Wikisource prints the heading वैशम्पायन उवाच between the two halves of verse 16 (2-21-16x); this half closes Krishna's speech.

Verse 17 (2.21.17)

एवमुक्त्वा ततः सर्वे भ्रातरो विपुलौजसः ॥

evamuktvā tataḥ sarve bhrātaro vipulaujasaḥ

Having spoken thus, all of them, brothers of great vigour —

Note on the text: Split: second half of Wikisource verse 16, after the heading वैशम्पायन उवाच; speaker set to वैशम्पायन.

Verse 18 (2.21.18)

वार्ष्णेयः पाण्डवौ चैव प्रतस्थुर्मागधं पुरम् । हृष्टपुष्टजनोपेतं चातुर्वर्ण्यसमाकुलम् ॥

vārṣṇeyaḥ pāṇḍavau caiva pratasthurmāgadhaṃ puram | hṛṣṭapuṣṭajanopetaṃ cāturvarṇyasamākulam

the Varshneya and the two Pandavas — set out for the Magadha city, full of contented, well-fed people and crowded with all four varnas,

Verse 19 (2.21.19)

स्फीतोत्सवमनाधृष्यमासेदुश्च गिरिव्रजम् । ततो द्वारमनासाद्य पुरस्य गिरिमुच्छ्रितम् ॥

sphītotsavamanādhṛṣyamāseduśca girivrajam | tato dvāramanāsādya purasya girimucchritam

They reached Girivraja, rich in festivals and unassailable. Then, avoiding the city gate, they made for the lofty hill

Note on the text: Corrected गिरिव्रजतम् → गिरिव्रजम् (misprint in Wikisource; stray akshara, as the critical edition reads girivrajam).

Verse 20 (2.21.20)

बार्हद्रथैः पूज्यमानं तथा नगरवासिभिः । मागधानां तु रुचिरं चैत्यकान्तरमाद्रवन् ॥

bārhadrathaiḥ pūjyamānaṃ tathā nagaravāsibhiḥ | māgadhānāṃ tu ruciraṃ caityakāntaramādravan

that was worshipped by the Barhadrathas and the townsfolk alike — they rushed on the lovely Chaityaka of the Magadhas.

Note on the text: The first line is 2.19.14cd; the second line has no separate counterpart in the critical edition (it nearly repeats the first line of verse 23, which matches 2.19.17ab).

Verse 21 (2.21.21)

यत्र मांसादमृषभमाससाद बृहद्रथः । तं हत्वा मासतालाभिस्तिस्रो भेरीरकारयत् ॥

yatra māṃsādamṛṣabhamāsasāda bṛhadrathaḥ | taṃ hatvā māsatālābhistisro bherīrakārayat

There Brihadratha had come upon a flesh-eating bull. He killed it and had three drums made which, once struck, resounded for a month.

Note on the text: Corrected भेरीकारयत् → भेरीरकारयत् (misprint in Wikisource; dropped akshara: भेरीः अकारयत्, as in the critical edition).

Verse 22 (2.21.22)

स्वपुरे स्थापयामास तेन चानह्य चर्मणा । यत्र ताः प्राणदन्भेर्यो दिव्यपुष्पावचूर्णिताः ॥

svapure sthāpayāmāsa tena cānahya carmaṇā | yatra tāḥ prāṇadanbheryo divyapuṣpāvacūrṇitāḥ

Covering them with its hide, he set them up in his own city; there those drums, strewn with heavenly flowers, used to boom.

Verse 23 (2.21.23)

भङ्क्त्वा भेरीत्रयं तेऽपि चैत्यप्राकारमाद्रवन् । द्वारतोऽभिमुखाः सर्वे ययुर्नानायुधास्तथा ॥

bhaṅktvā bherītrayaṃ te'pi caityaprākāramādravan | dvārato'bhimukhāḥ sarve yayurnānāyudhāstathā

Breaking the three drums, they too rushed at the wall of the Chaitya; all of them went forward, facing the gate, with weapons of many kinds.

Note on the text: Corrected नानायुधास्तधा → नानायुधास्तथा (misprint in Wikisource; ध for थ). Not in the critical edition (found in the vulgate recension).

Verse 24 (2.21.24)

मागधानां सुरुचिरं चैत्यकं तं समाद्रवन् । शिरसीव समाघ्नन्तो जरासन्धं जिघांसवः ॥

māgadhānāṃ suruciraṃ caityakaṃ taṃ samādravan | śirasīva samāghnanto jarāsandhaṃ jighāṃsavaḥ

They fell upon that lovely Chaityaka of the Magadhas as though striking at Jarasandha's own head, longing to kill him.

Note on the text: Corrected जिघांस्वः → जिघांसवः (misprint in Wikisource; dropped vowel, as the critical edition reads jighāṃsavaḥ).

Verse 25 (2.21.25)

स्थिरं सुविपुलं शृङ्गं सुमहत्तत्पुरातनम् । अर्चितं गन्धमाल्यैश्च सततं सुप्रतिष्ठितम् ॥

sthiraṃ suvipulaṃ śṛṅgaṃ sumahattatpurātanam | arcitaṃ gandhamālyaiśca satataṃ supratiṣṭhitam

That firm, broad, very great and ancient peak, always worshipped with perfumes and garlands and firmly set —

Verse 26 (2.21.26)

विपुलैर्बाहुभिर्वीरास्तेऽभिहत्याभ्यपातयन् । ततस्ते मागधं हृष्टाः पुरं प्रविविशुस्तदा ॥

vipulairbāhubhirvīrāste'bhihatyābhyapātayan | tataste māgadhaṃ hṛṣṭāḥ puraṃ praviviśustadā

the heroes struck with their mighty arms and threw it down. Then, delighted, they entered the Magadha city.

Note on the text: Corrected वीरस्ते → वीरास्ते (misprint in Wikisource; dropped vowel sign, as the critical edition reads vīrās te).

Verse 27 (2.21.27)

एतस्मिन्नेव काले तु ब्राह्मणा वेदपारगाः । दृष्ट्वा तु दुर्निमित्तानि जरासन्धमदर्शयन् ॥

etasminneva kāle tu brāhmaṇā vedapāragāḥ | dṛṣṭvā tu durnimittāni jarāsandhamadarśayan

At that very time brahmins versed in the Vedas saw evil omens and reported them to Jarasandha.

Note on the text: The first line corresponds to 2.19.20a (etasminn eva kāle tu); the second line is not in the critical edition (found in the vulgate recension).

Verse 28 (2.21.28)

पर्यग्न्यकुर्वंश्च नृपं द्विरदस्थं पुरोहिताः । ततस्तच्छान्तये राजा जरासन्धः प्रतापवान् । दीक्षितो नियमस्थोऽसावुपवासपरोऽभवत् ॥

paryagnyakurvaṃśca nṛpaṃ dviradasthaṃ purohitāḥ | tatastacchāntaye rājā jarāsandhaḥ pratāpavān | dīkṣito niyamastho'sāvupavāsaparo'bhavat

The priests carried fire around the king as he sat on an elephant. Then, to avert the omens, the mighty King Jarasandha took the consecration, kept the prescribed rules and gave himself to fasting.

Note on the text: Corrected पर्युग्न्यकुर्वंश्च → पर्यग्न्यकुर्वंश्च (misprint in Wikisource; stray उ sign: पर्यग्नि अकुर्वन्, cf. the critical edition's paryagni kurvaṃś ca). The first line is 2.19.20cd; the second and third lines are not in the critical edition (found in the vulgate recension).

Verse 29 (2.21.29)

स्नातकव्रतिनस्ते तु बाहुशस्त्रा निरायुधाः । युयुत्सवः प्रविविशुर्जरासन्धेन भारत ॥

snātakavratinaste tu bāhuśastrā nirāyudhāḥ | yuyutsavaḥ praviviśurjarāsandhena bhārata

Meanwhile, Bharata, dressed as snataka brahmins, with their arms as their only weapons and no other arms, they entered the city, eager to fight Jarasandha.

Verse 30 (2.21.30)

भक्ष्यमाल्यापणानां च ददृशुः श्रियमुत्तमाम् । स्फीतां सर्वगुणोपेतां सर्वकामसमृद्धिनीम् ॥

bhakṣyamālyāpaṇānāṃ ca dadṛśuḥ śriyamuttamām | sphītāṃ sarvaguṇopetāṃ sarvakāmasamṛddhinīm

They saw the splendid wealth of the stalls of food and garlands, abundant, endowed with every excellence, rich in everything one could desire.

Note on the text: Corrected सर्वकामसमृद्धिनाम् → सर्वकामसमृद्धिनीम् (misprint in Wikisource; the adjective must agree with श्रियम्, as in the critical edition).

Verse 31 (2.21.31)

तां तु दृष्ट्वा समृद्धिं ते वीथ्यां तस्यां नरोत्तमाः । राजमार्गेण गच्छन्तः कृष्णभीमधनञ्जयाः । बलाद्गृहीत्वा माल्यानि मालाकारान्महाबलाः ॥

tāṃ tu dṛṣṭvā samṛddhiṃ te vīthyāṃ tasyāṃ narottamāḥ | rājamārgeṇa gacchantaḥ kṛṣṇabhīmadhanañjayāḥ | balādgṛhītvā mālyāni mālākārānmahābalāḥ

Seeing that abundance in the street, those best of men, Krishna, Bhima and Dhananjaya, mighty as they were, walking along the royal road, took garlands by force from the garland-makers.

Verse 32 (2.21.32)

कर्पूरशृङ्गं कोष्ठं च सफलं चान्तरापणे । वैश्याद्बलाद्गृहीत्वा ते विहृत्य च महारथाः ॥

karpūraśṛṅgaṃ koṣṭhaṃ ca saphalaṃ cāntarāpaṇe | vaiśyādbalādgṛhītvā te vihṛtya ca mahārathāḥ

In the inner market, too, the great chariot-warriors seized from a merchant a horn of camphor and a basket with its fruit, and strolled on.

Note on the text: Removed Wikisource's interpolation marks (` … ') around the bracketed text. Not in the critical edition (found in the vulgate recension).

Verse 33 (2.21.33)

विरागवसनाः सर्वे स्रग्विणो मृष्टकुण्डलाः । निवेशनमथाजग्मुर्जरासन्धस्य धीमतः ॥

virāgavasanāḥ sarve sragviṇo mṛṣṭakuṇḍalāḥ | niveśanamathājagmurjarāsandhasya dhīmataḥ

All of them in brightly coloured clothes, wearing garlands and polished earrings, they then came to the residence of the wise Jarasandha,

Verse 34 (2.21.34)

गोवासमिव वीक्षन्तः सिंहा हैमवता यथा । शालस्तम्भनिभास्तेषां चन्दनागुरुरूषिताः ॥

govāsamiva vīkṣantaḥ siṃhā haimavatā yathā | śālastambhanibhāsteṣāṃ candanāgururūṣitāḥ

eyeing it as Himalayan lions eye a cattle-pen. Their arms, like pillars of sal wood, smeared with sandal and aloe,

Verse 35 (2.21.35)

अशोभन्त महाराज बाहवो युद्धशालिनाम् । तान्दृष्ट्वा द्विरदप्रख्याञ्शालस्कन्धानिवोद्गतान् ॥

aśobhanta mahārāja bāhavo yuddhaśālinām | tāndṛṣṭvā dviradaprakhyāñśālaskandhānivodgatān

shone, great king — the arms of those war-skilled men. Seeing them, huge as elephants, tall as the trunks of sal trees

Note on the text: Corrected शालस्कन्दान् → शालस्कन्धान् (misprint in Wikisource; द for ध, as the critical edition reads śālaskandhān).

Verse 36 (2.21.36)

व्यूढोरस्कान्मागधानां विस्मयः समपद्यत । अद्वारेणाभ्यवस्कन्द्य विविशुर्मागधालयम् ॥

vyūḍhoraskānmāgadhānāṃ vismayaḥ samapadyata | advāreṇābhyavaskandya viviśurmāgadhālayam

and broad of chest, the Magadhas were filled with wonder. Leaping in where there was no gate, they entered the Magadha palace.

Note on the text: Removed Wikisource's interpolation marks (` … ') around the bracketed text. The first line is 2.19.27cd; the second line is not in the critical edition (found in the vulgate recension).

Verse 37 (2.21.37)

ते त्वतीत्य जनाकीर्णाः कक्षास्तिस्रो नरर्षभाः । अहङ्कारेण राजानमुपतस्थुर्गतव्यथाः ॥

te tvatītya janākīrṇāḥ kakṣāstisro nararṣabhāḥ | ahaṅkāreṇa rājānamupatasthurgatavyathāḥ

Passing through three crowded courtyards, those bulls among men approached the king proudly, free of all fear.

Verse 38 (2.21.38)

भो शब्देनैव राजानमूचुस्ते तु महारथाः । तान्पाद्यमधुपर्कार्हान्गवार्हान्सत्कृतिं गतान् । प्रत्युत्थाय जरासन्ध उपतस्थे यथाविधि ॥

bho śabdenaiva rājānamūcuste tu mahārathāḥ | tānpādyamadhuparkārhāngavārhānsatkṛtiṃ gatān | pratyutthāya jarāsandha upatasthe yathāvidhi

The great warriors addressed the king with no more than "Bho!" Jarasandha rose and, treating them as guests worthy of water for the feet, of madhuparka and of a cow, and deserving honour, attended on them according to rule.

Note on the text: Removed Wikisource's interpolation marks (` … ') around the bracketed text. Corrected उचुस्ते → ऊचुस्ते (misprint in Wikisource; short उ for ऊ). The first line is not in the critical edition (found in the vulgate recension); the second and third lines are 2.19.29.

Verse 39 (2.21.39)

उवाच चैतान्राजाऽसौ स्वागतं वोऽस्त्विति प्रभुः । मौनमासीत्तदा पार्थभीमयोर्जनमेजय ॥

uvāca caitānrājā'sau svāgataṃ vo'stviti prabhuḥ | maunamāsīttadā pārthabhīmayorjanamejaya

And that powerful king said to them, "Welcome to you." At that, Janamejaya, Partha and Bhima kept silent.

Note on the text: Corrected वोस्त्विति → वोऽस्त्विति (missing avagraha in Wikisource; वः अस्तु इति). The first line is 2.19.30ab; the second line is not in the critical edition (found in the vulgate recension).

Verse 40 (2.21.40)

तेषां मध्ये महाबुद्धिः कृष्णो वचनमब्रवीत् । वक्तुं नायाति राजेन्द्र एतयोर्नियमस्थयोः ॥

teṣāṃ madhye mahābuddhiḥ kṛṣṇo vacanamabravīt | vaktuṃ nāyāti rājendra etayorniyamasthayoḥ

In their midst Krishna, of great understanding, spoke: "O king of kings, these two are bound by a vow and cannot speak.

Note on the text: Not in the critical edition (found in the vulgate recension).

Verse 41 (2.21.41)

अर्वाङ्निशीथात्परतस्त्वया सार्धं वदिष्यतः । यज्ञागारे स्थापयित्वा राजा राजगृहं गतः ॥

arvāṅniśīthātparatastvayā sārdhaṃ vadiṣyataḥ | yajñāgāre sthāpayitvā rājā rājagṛhaṃ gataḥ

Until midnight they keep silence; after that they will speak with you." The king lodged them in the hall of sacrifice and went to his palace.

Note on the text: Corrected त्वाया → त्वया (misprint in Wikisource; stray vowel sign). Corrected the second line's राजगृहं वदिष्यतः → राजगृहं गतः (misprint in Wikisource; वदिष्यतः is repeated from the first line, leaving the line a syllable too long and without sense). Not in the critical edition (found in the vulgate recension).

Verse 42 (2.21.42)

ततोऽर्धरात्रे सम्प्राप्ते यातो यत्र स्थिता द्विजाः । तस्य ह्येतद्व्रतं राजन्बभूव भुवि विश्रुतम् ॥

tato'rdharātre samprāpte yāto yatra sthitā dvijāḥ | tasya hyetadvrataṃ rājanbabhūva bhuvi viśrutam

Then, when midnight came, he went to where the brahmins were staying; for this was his vow, O king, famous on earth:

Note on the text: The first line is not in the critical edition (found in the vulgate recension); the second line is 2.19.30cd.

Verse 43 (2.21.43)

स्नातकान्ब्राह्मणान्प्राप्ताञ्श्रुत्वा स समितिञ्जयः । अप्यर्धरात्रे नृपतिः प्रत्युद्गच्छति भारत ॥

snātakānbrāhmaṇānprāptāñśrutvā sa samitiñjayaḥ | apyardharātre nṛpatiḥ pratyudgacchati bhārata

on hearing that snataka brahmins had arrived, that victor in battle, the king, would go out to meet them even at midnight, Bharata.

Verse 44 (2.21.44)

तांस्त्वपूर्वेण वेषेण दृष्ट्वा स नृपसत्तमः । उपतस्थे जरासन्धो विस्मितश्चाभवत्तदा ॥

tāṃstvapūrveṇa veṣeṇa dṛṣṭvā sa nṛpasattamaḥ | upatasthe jarāsandho vismitaścābhavattadā

Seeing them in their strange attire, that best of kings, Jarasandha, came up to them, and he was astonished.

Note on the text: Corrected जरान्धो → जरासन्धो (misprint in Wikisource; dropped akshara, as in the critical edition).

Verse 45 (2.21.45)

ते तु दृष्ट्वैव राजानं जरासन्धं नरर्षभाः । इदमूचुरमित्रघ्नाः सर्वे भरतसत्तम ॥

te tu dṛṣṭvaiva rājānaṃ jarāsandhaṃ nararṣabhāḥ | idamūcuramitraghnāḥ sarve bharatasattama

As soon as they saw King Jarasandha, those bulls among men, slayers of foes, all said this, best of the Bharatas:

Verse 46 (2.21.46)

स्वस्त्यस्तु कुशलं राजन्निति तत्र व्यवस्थिताः । तं नृपं नृपशार्दूल प्रेक्षमाणाः परस्परम् ॥

svastyastu kuśalaṃ rājanniti tatra vyavasthitāḥ | taṃ nṛpaṃ nṛpaśārdūla prekṣamāṇāḥ parasparam

"May you prosper and be well, O king." So saying they stood there, tiger among kings, looking at the king and at one another.

Verse 47 (2.21.47)

तानब्रवीञ्जरासन्धस्तथा पाण्डवयादवान् । आस्यतामिति राजेन्द्र ब्राह्मणच्छद्मसंवृतान् ॥

tānabravīñjarāsandhastathā pāṇḍavayādavān | āsyatāmiti rājendra brāhmaṇacchadmasaṃvṛtān

Then, O king of kings, Jarasandha said to the Pandavas and the Yadava, who were hidden in the disguise of brahmins, "Be seated."

Verse 48 (2.21.48)

अथोपविविशुः सर्वे त्रयस्ते पुरुषर्षभाः । सम्प्रदीप्तास्त्रयो लक्ष्म्या महाध्वर इवाग्नयः ॥

athopaviviśuḥ sarve trayaste puruṣarṣabhāḥ | sampradīptāstrayo lakṣmyā mahādhvara ivāgnayaḥ

Then all three of those bulls among men sat down, blazing with splendour like the three fires at a great sacrifice.

Verse 49 (2.21.49)

तानुवाच जरासन्धः सत्यसन्धो नराधिपः । विगर्हमाणः कौरव्य वेषग्रहणवैकृतान् । न स्नातकव्रता विप्रा बहिर्माल्यानुलेपनाः ॥

tānuvāca jarāsandhaḥ satyasandho narādhipaḥ | vigarhamāṇaḥ kauravya veṣagrahaṇavaikṛtān | na snātakavratā viprā bahirmālyānulepanāḥ

Then Jarasandha, lord of men, true to his word, spoke to them, O Kauravya, finding fault with the strangeness of the dress they had put on: "Brahmins who keep the snataka vow do not go about wearing garlands and unguents in public —

Note on the text: Corrected वहिर्माल्यानुलेपनाः → बहिर्माल्यानुलेपनाः (misprint in Wikisource; व for ब, as in verse 50 and the critical edition). The first two lines are 2.19.37; the third is 2.19.38ab.

Verse 50 (2.21.50)

भवन्तीति नृलोकेऽस्मिन्विदितं मम सर्वशः । के यूयं पुष्पवन्तश्च भुजैर्ज्याकृतलक्षणैः ॥

bhavantīti nṛloke'sminviditaṃ mama sarvaśaḥ | ke yūyaṃ puṣpavantaśca bhujairjyākṛtalakṣaṇaiḥ

"this is well known to me throughout the world of men. Who are you, decked with flowers, your arms marked by the bowstring,

Verse 51 (2.21.51)

बिभ्रतः क्षात्रमोजश्च ब्राह्मण्यं प्रतिजानथ । एवं विरागवसना बहिर्माल्यानुलेपनाः ॥

bibhrataḥ kṣātramojaśca brāhmaṇyaṃ pratijānatha | evaṃ virāgavasanā bahirmālyānulepanāḥ

"who bear the might of kshatriyas yet claim to be brahmins? Dressed thus in coloured clothes, wearing garlands and unguents in public —

Verse 52 (2.21.52)

क्षत्रिया एव लोकेऽस्मिन्विदिता मम सर्वशः । सत्यं वदत के यूयं सत्यं राजसु शोभते ॥

kṣatriyā eva loke'sminviditā mama sarvaśaḥ | satyaṃ vadata ke yūyaṃ satyaṃ rājasu śobhate

"only kshatriyas go about so in this world, as I well know. Speak the truth: who are you? Truth is what graces kings.

Note on the text: Removed Wikisource's interpolation marks (` … ') around the bracketed text. The first line is not in the critical edition (found in the vulgate recension); the second line is 2.19.40cd.

Verse 53 (2.21.53)

चैत्यकस्य गिरेः शृङ्गं भित्त्वा किमिह सद्मनि । अद्वारेण प्रविष्टाः स्थ निर्भया राजकिल्विषात् ॥

caityakasya gireḥ śṛṅgaṃ bhittvā kimiha sadmani | advāreṇa praviṣṭāḥ stha nirbhayā rājakilviṣāt

"Why have you broken the peak of Mount Chaityaka and come into this house by no gate, without fear of offending the king?

Verse 54 (2.21.54)

वदध्वं वाचि वीर्यं च ब्राह्मणस्य विशेषतः । कर्म चैतद्विलिङ्गस्थं किं वोऽद्य प्रसमीक्षितम् ॥

vadadhvaṃ vāci vīryaṃ ca brāhmaṇasya viśeṣataḥ | karma caitadviliṅgasthaṃ kiṃ vo'dya prasamīkṣitam

"Tell me — a brahmin's power lies above all in his speech, yet this deed of yours does not fit your guise. What have you in mind today?

Verse 55 (2.21.55)

एवं च मामुपस्थाय कस्माच्च विधिनार्हणाम् । प्रणीतां नानुगृह्णीत कार्यं किं वाऽस्मदागमे ॥

evaṃ ca māmupasthāya kasmācca vidhinārhaṇām | praṇītāṃ nānugṛhṇīta kāryaṃ kiṃ vā'smadāgame

"And having come to me in this way, why do you not accept the honour offered according to rule? What is your purpose in coming to us?"

Note on the text: Corrected मामुपास्थाय → मामुपस्थाय (misprint in Wikisource; stray vowel sign) and विधिर्नाहणाम् → विधिनार्हणाम् (misprint in Wikisource; misplaced repha), both as in the critical edition.

Verse 56 (2.21.56)

एवमुक्ते ततः कृष्णः प्रत्युवाच महामनाः । स्निग्धगम्भीरया वाचा वाक्यं वाक्यविशारदः ॥

evamukte tataḥ kṛṣṇaḥ pratyuvāca mahāmanāḥ | snigdhagambhīrayā vācā vākyaṃ vākyaviśāradaḥ

When he had spoken thus, the high-minded Krishna, skilled in speech, answered in a smooth, deep voice:

Note on the text: Corrected स्निग्धगमभीरया → स्निग्धगम्भीरया (misprint in Wikisource; broken conjunct, as in the critical edition). Removed the speaker heading "xकृष्ण उवाच", which had slipped into the verse text; it now sets the speaker of verses 57–62.

Verse 57 (2.21.57)

स्नातकान्ब्राह्मणान्राजन्विद्ध्यस्मांस्त्वं नराधिप । स्नातकव्रतिनो राजन्ब्राह्मणाः क्षत्रिया विशः ॥

snātakānbrāhmaṇānrājanviddhyasmāṃstvaṃ narādhipa | snātakavratino rājanbrāhmaṇāḥ kṣatriyā viśaḥ

"Know us to be snataka brahmins, O king, lord of men. But brahmins, kshatriyas and vaishyas alike may keep the snataka vow, O king.

Note on the text: The first line is not in the critical edition (found in the vulgate recension); the second line is 2.19.45ab.

Verse 58 (2.21.58)

विशेषनियमाश्चैषामविशेषाश्च सन्त्युत । विशेषवांश्च सततं क्षत्रियः श्रियमृच्छति ॥

viśeṣaniyamāścaiṣāmaviśeṣāśca santyuta | viśeṣavāṃśca satataṃ kṣatriyaḥ śriyamṛcchati

"For them there are special rules and general ones, and the kshatriya who keeps the special rules always wins prosperity.

Verse 59 (2.21.59)

पुष्पवत्सु ध्रुवा श्रीश्च पुष्पवन्तस्ततो वयम् । क्षत्रियो बाहुवीर्यस्तु न तथा वाक्यवीर्यवान् । अप्रगल्भं वचस्तस्य तस्माद्बार्हद्रथेरितम् ॥

puṣpavatsu dhruvā śrīśca puṣpavantastato vayam | kṣatriyo bāhuvīryastu na tathā vākyavīryavān | apragalbhaṃ vacastasya tasmādbārhadratheritam

"Fortune dwells firmly in those who wear flowers, and so we wear flowers. A kshatriya's strength is in his arms, not so in his words; therefore, son of Brihadratha, his speech is said to be unassuming.

Note on the text: Corrected अम्प्रगल्भं → अप्रगल्भं (misprint in Wikisource; stray म्, as the critical edition reads apragalbham).

Verse 60 (2.21.60)

स्ववीर्यं क्षत्रियाणां तु बाह्वोर्धाता न्यवेशयत् । तद्दिदृक्षसि चेद्राजन्द्रष्टास्यद्य न संशयः ॥

svavīryaṃ kṣatriyāṇāṃ tu bāhvordhātā nyaveśayat | taddidṛkṣasi cedrājandraṣṭāsyadya na saṃśayaḥ

"The Creator placed the kshatriyas' own valour in their arms. If you wish to see it, O king, you shall see it today, without doubt.

Note on the text: Corrected संशयटः → संशयः (misprint in Wikisource; stray akshara).

Verse 61 (2.21.61)

अद्वारेण रिपोर्गेहं द्वारेण सुहृदो गृहान् । प्रविशन्ति नरा धीरा द्वाराण्येतानि धर्मतः ॥

advāreṇa riporgehaṃ dvāreṇa suhṛdo gṛhān | praviśanti narā dhīrā dvārāṇyetāni dharmataḥ

"Steadfast men enter an enemy's house by no gate and a friend's house by its gate; these are the doors that dharma lays down.

Note on the text: Corrected रिम्पोर्गेहं → रिपोर्गेहं (misprint in Wikisource; stray म्, as the critical edition reads ripor geham).

Verse 62 (2.21.62)

कार्यवन्तो गृहानेत्य शत्रुतो नार्हणां वयम् । प्रतिगृह्णीम तद्विद्धि एतन्नः शाश्वतं व्रतम् ॥

kāryavanto gṛhānetya śatruto nārhaṇāṃ vayam | pratigṛhṇīma tadviddhi etannaḥ śāśvataṃ vratam

"Having come to an enemy's house on business, we accept no honour from a foe. Know this: it is our eternal vow."

Note on the text: Corrected प्रतिगृह्णीम् → प्रतिगृह्णीम (misprint in Wikisource; stray virama) and तद्विद्वि → तद्विद्धि (misprint in Wikisource; व for ध), both as in the critical edition.