Sahadeva's Conquest of the South; Agni Guards Mahishmati

Verse 1 (2.32.1)

तथैव सहदेवोऽपि धर्मराजेन पूजितः । महत्या सेनया राजन्प्रययौ दक्षिणां दिशम् ॥

tathaiva sahadevo'pi dharmarājena pūjitaḥ | mahatyā senayā rājanprayayau dakṣiṇāṃ diśam

In the same way Sahadeva too, honoured by the King of Dharma, set out with a great army towards the southern quarter, O king.

Note on the text: Speaker: the input gives the truncated heading वैशम्पाय (as printed on the page); corrected to वैशम्पायन.

Verse 2 (2.32.2)

स शूरसेनान्कार्त्स्न्येन पूर्वमेवाजयत्प्रभुः । मत्स्यराजं च कौरव्यो वशे चक्रे बलाद्बली ॥

sa śūrasenānkārtsnyena pūrvamevājayatprabhuḥ | matsyarājaṃ ca kauravyo vaśe cakre balādbalī

The lord first conquered the Shurasenas entirely, and the strong descendant of Kuru brought the king of the Matsyas under his control by force.

Verse 3 (2.32.3)

अधिराजाधिपं चैव दन्तवक्रं महाबलम् । जिगाय करदं चैव कृत्वा राज्ये न्यवेशयत् ॥

adhirājādhipaṃ caiva dantavakraṃ mahābalam | jigāya karadaṃ caiva kṛtvā rājye nyaveśayat

He conquered Dantavakra, the mighty overlord of kings, made him a payer of tribute, and set him back on his throne.

Verse 4 (2.32.4)

सुकुमारं वशे चक्रे सुमित्रं च नराधिपम् । तथैवापरमत्स्यांश्च व्यजयत्स पटच्चरान् ॥

sukumāraṃ vaśe cakre sumitraṃ ca narādhipam | tathaivāparamatsyāṃśca vyajayatsa paṭaccarān

He brought Sukumara and King Sumitra under his control, and likewise conquered the western Matsyas and the Patacharas.

Verse 5 (2.32.5)

निषादभूमिं गोशृङ्गं पर्वतप्रवरं तथा । तरसैवाजयद्धीमाञ्श्रेणिमन्तं च पार्थिवम् ॥

niṣādabhūmiṃ gośṛṅgaṃ parvatapravaraṃ tathā | tarasaivājayaddhīmāñśreṇimantaṃ ca pārthivam

The wise one swiftly conquered Nishadabhumi, Goshringa, the best of mountains, and King Shrenimat.

Verse 6 (2.32.6)

नरराष्ट्रं च निर्जित्य कुन्तिभोजमुपाद्रवत् । प्रीतिपूर्वं च तस्यासौ प्रतिजग्राह शासनम् ॥

nararāṣṭraṃ ca nirjitya kuntibhojamupādravat | prītipūrvaṃ ca tasyāsau pratijagrāha śāsanam

Having conquered Nararashtra, he marched on Kuntibhoja, and that king accepted his command in friendship.

Verse 7 (2.32.7)

ततश्चर्मण्वतीकूले जम्भकस्यात्मजं नृपम् । ददर्श वासुदेवेन शेषितं पूर्ववैरिणा ॥

tataścarmaṇvatīkūle jambhakasyātmajaṃ nṛpam | dadarśa vāsudevena śeṣitaṃ pūrvavairiṇā

Then, on the bank of the Charmanvati, he saw the son of Jambhaka, the king whom Vasudeva, his old enemy, had left alive.

Verse 8 (2.32.8)

चक्रे तेन स सङ्ग्रामं सहदेवेन भारत । स तमाजौ विनिर्जित्य दक्षिणाभिमुखो ययौ ॥

cakre tena sa saṅgrāmaṃ sahadevena bhārata | sa tamājau vinirjitya dakṣiṇābhimukho yayau

That king fought a battle with Sahadeva, O Bharata; and having defeated him in the fight, Sahadeva went on southwards.

Verse 9 (2.32.9)

सेकानपरसेकांश्च रत्नानि विविधानि च । ततस्तेनैव सहितो नर्मदामभितो ययौ ॥

sekānaparasekāṃśca ratnāni vividhāni ca | tatastenaiva sahito narmadāmabhito yayau

He overcame the Sekas and the Aparasekas and took jewels of many kinds; then, with that king in his company, he went on towards the Narmada.

Verse 10 (2.32.10)

भगदत्तं महाबाहुं क्षत्रियं नरकात्मजम् । अर्जुनाय करं दत्तं श्रुत्वा तत्र न्यवर्तत ॥

bhagadattaṃ mahābāhuṃ kṣatriyaṃ narakātmajam | arjunāya karaṃ dattaṃ śrutvā tatra nyavartata

Hearing that the mighty-armed Bhagadatta, the Kshatriya son of Naraka, had paid tribute to Arjuna, he turned back from there.

Note on the text: Not in the critical edition (found in the vulgate recension). Removed the stray wiki quote marks (` and ') around the verse.

Verse 11 (2.32.11)

विन्दानुविन्दावावन्त्यौ सैन्येन महतावृतौ । जिगाय समरे वीरावाश्विनेयः प्रतापवान् ॥

vindānuvindāvāvantyau sainyena mahatāvṛtau | jigāya samare vīrāvāśvineyaḥ pratāpavān

The valiant son of the Ashvins conquered in battle the two heroes of Avanti, Vinda and Anuvinda, who were surrounded by a great army.

Verse 12 (2.32.12)

ततो रत्नान्युपादाय पुरं भोजकटं ययौ । तत्र युद्धमभूद्राजन्दिवसद्वयमच्युत ॥

tato ratnānyupādāya puraṃ bhojakaṭaṃ yayau | tatra yuddhamabhūdrājandivasadvayamacyuta

Then, taking jewels, he went to the city of Bhojakata. There a battle raged for two days, O unfailing king.

Note on the text: Not in the critical edition (found in the vulgate recension; the critical edition gives these lines only in its apparatus, passage 0013 after 2.28.10).

Verse 13 (2.32.13)

स विजित्य दुराधर्षं भीष्मकं माद्रिनन्दनः । कोसलाधिपतिं चैव तथा वेणातटाधिपम् ॥

sa vijitya durādharṣaṃ bhīṣmakaṃ mādrinandanaḥ | kosalādhipatiṃ caiva tathā veṇātaṭādhipam

Having conquered the invincible Bhishmaka, the son of Madri overcame the lord of Kosala and the lord of the banks of the Vena,

Note on the text: Not in the critical edition (found in the vulgate recension; the critical edition gives these lines only in its apparatus, passage 0013 after 2.28.10).

Verse 14 (2.32.14)

कान्तारकांश्च समरे तथा प्राकोटकान्नृपान् । नाटकेयांश्च समरे तथा हेरम्बकान्युधि ॥

kāntārakāṃśca samare tathā prākoṭakānnṛpān | nāṭakeyāṃśca samare tathā herambakānyudhi

the Kantarakas in battle, and the kings of the Prakotakas, the Natakeyas in battle, and the Herambakas in war;

Note on the text: Corrected समर → समरे (misprint in Wikisource; dropped vowel sign, leaving the line a syllable short; the critical edition's apparatus, passage 0013, reads kāntārakāṃś ca samare). Not in the critical edition (found in the vulgate recension; the critical edition gives these lines only in its apparatus, passage 0013 after 2.28.10).

Verse 15 (2.32.15)

मारुधं च विनिर्जित्य रम्यग्राममथो बलात् । नाचीनानर्बुकांश्चैव राजानश्च महाबलः ॥

mārudhaṃ ca vinirjitya ramyagrāmamatho balāt | nācīnānarbukāṃścaiva rājānaśca mahābalaḥ

having conquered Marudha, and Ramyagrama by force, the Nachinas and the Arbukas and their kings, the mighty one,

Note on the text: Not in the critical edition (found in the vulgate recension; the critical edition gives these lines only in its apparatus, passage 0013 after 2.28.10).

Verse 16 (2.32.16)

तांस्तानाटविकान्सर्वानजयत्पाण्डुनन्दनः । वाताधिपं च नृपतिं वशे चक्रे महाबलः ॥

tāṃstānāṭavikānsarvānajayatpāṇḍunandanaḥ | vātādhipaṃ ca nṛpatiṃ vaśe cakre mahābalaḥ

son of Pandu conquered all those forest tribes, and the mighty one brought King Vatadhipa under his control.

Note on the text: Corrected नाताधिपं → वाताधिपं (misprint in Wikisource; न for व, giving no known name; the critical edition's apparatus, passage 0013, reads vātādhipaṃ). Not in the critical edition (found in the vulgate recension; the critical edition gives these lines only in its apparatus, passage 0013 after 2.28.10).

Verse 17 (2.32.17)

पुलिन्दांश्च रणे जित्वा ययौ दक्षिणतः पुरः । युयुधे पाण्ड्यराजेन दिवसं नकुलानुजः ॥

pulindāṃśca raṇe jitvā yayau dakṣiṇataḥ puraḥ | yuyudhe pāṇḍyarājena divasaṃ nakulānujaḥ

Having conquered the Pulindas in battle, he went on to the south. The younger brother of Nakula fought for a whole day with the king of the Pandyas.

Note on the text: Not in the critical edition (found in the vulgate recension; the critical edition gives these lines only in its apparatus, passage 0013 after 2.28.10).

Verse 18 (2.32.18)

तं जित्वा स महाबाहुः प्रययौ दक्षिणापथम् । गुहामासादयामास किष्किन्धां लोकविश्रुताम् ॥

taṃ jitvā sa mahābāhuḥ prayayau dakṣiṇāpatham | guhāmāsādayāmāsa kiṣkindhāṃ lokaviśrutām

Having conquered him, the mighty-armed one set out along the southern road and reached the cave-city of Kishkindha, famed throughout the world,

Note on the text: Not in the critical edition (found in the vulgate recension; the critical edition gives these lines only in its apparatus, passage 0013 after 2.28.10).

Verse 19 (2.32.19)

पुरा वानरराजेन वालिना चाभिरक्षिताम् । ततः कोसलराजस्य रामस्यैवानुगेन च । सुग्रीवेणाभिगुप्तां तां प्रविष्टस्तमथाह्वयत् ॥

purā vānararājena vālinā cābhirakṣitām | tataḥ kosalarājasya rāmasyaivānugena ca | sugrīveṇābhiguptāṃ tāṃ praviṣṭastamathāhvayat

which had once been guarded by Vali, king of the monkeys, and afterwards protected by Sugriva, the follower of Rama, king of Kosala. Entering it, he challenged its master.

Note on the text: Not in the critical edition (found in the vulgate recension). Removed the stray wiki quote marks (` and ') around the verse.

Verse 20 (2.32.20)

तत्र वानरराजाभ्यां मैन्देन द्विविदेन च । युयुधे दिवसान्सप्त न च तौ विकृतिं गतौ ॥

tatra vānararājābhyāṃ maindena dvividena ca | yuyudhe divasānsapta na ca tau vikṛtiṃ gatau

There he fought for seven days with the two monkey kings, Mainda and Dvivida, and neither of them gave way.

Note on the text: Not in the critical edition (found in the vulgate recension; the critical edition gives these lines only in its apparatus, passage 0013 after 2.28.10).

Verse 21 (2.32.21)

ततस्तुष्टौ महात्मानौ सहदेवाय वानरौ । ऊचतुश्चैव संहृष्टौ प्रीतिपूर्वमिदं वचः ॥

tatastuṣṭau mahātmānau sahadevāya vānarau | ūcatuścaiva saṃhṛṣṭau prītipūrvamidaṃ vacaḥ

Then the two great-souled monkeys, pleased with Sahadeva, joyfully spoke these words to him in friendship:

Note on the text: Not in the critical edition (found in the vulgate recension; the critical edition gives these lines only in its apparatus, passage 0013 after 2.28.10).

Verse 22 (2.32.22)

गच्छ पाण्डवशार्दूल रत्नान्यादाय सर्वशः । अविघ्नमस्तु कार्याय धर्मराजाय धीमते ॥

gaccha pāṇḍavaśārdūla ratnānyādāya sarvaśaḥ | avighnamastu kāryāya dharmarājāya dhīmate

"Go, tiger among the Pandavas, taking jewels of every kind. May the work of the wise King of Dharma meet with no obstacle."

Note on the text: Corrected अविघ्नमस्त → अविघ्नमस्तु (misprint in Wikisource; dropped vowel sign; the critical edition's apparatus, passage 0013, reads avighnam astu). Speaker: the monkeys' speech fills this verse without a printed heading. Not in the critical edition (found in the vulgate recension; the critical edition gives these lines only in its apparatus, passage 0013 after 2.28.10).

Verse 23 (2.32.23)

ततो रत्नान्युपादाय पुरीं माहिष्मतीं ययौ । तत्र नीलेन राज्ञा स चक्रे युद्धं नरर्षभः ॥

tato ratnānyupādāya purīṃ māhiṣmatīṃ yayau | tatra nīlena rājñā sa cakre yuddhaṃ nararṣabhaḥ

Then, taking the jewels, he went to the city of Mahishmati, and there the bull among men gave battle to King Nila.

Verse 24 (2.32.24)

पाण्डवः परवीरघ्नः सहदेवः प्रतापवान् । ततोऽस्य सुमहद्युद्धमासीद्भीरुभयङ्करम् ॥

pāṇḍavaḥ paravīraghnaḥ sahadevaḥ pratāpavān | tato'sya sumahadyuddhamāsīdbhīrubhayaṅkaram

He was the Pandava Sahadeva, valiant, slayer of enemy heroes. Then a very great battle arose between them, terrifying to the timid,

Verse 25 (2.32.25)

सैन्यक्षयकरं चैव प्राणानां संशयावहम् । चक्रे तस्य हि साहाय्यं भगवान्हव्यवाहनः ॥

sainyakṣayakaraṃ caiva prāṇānāṃ saṃśayāvaham | cakre tasya hi sāhāyyaṃ bhagavānhavyavāhanaḥ

destroying armies and putting lives in peril; for the blessed Fire, the bearer of oblations, came to Nila's aid.

Verse 26 (2.32.26)

ततो रथा हया नागाः पुरुषाः कवचानि च । प्रदीप्तानि व्यदृश्यन्त सहदेवबले तदा ॥

tato rathā hayā nāgāḥ puruṣāḥ kavacāni ca | pradīptāni vyadṛśyanta sahadevabale tadā

Then chariots, horses, elephants, men and armour were all seen ablaze in Sahadeva's army.

Note on the text: Corrected प्रतीप्तानि → प्रदीप्तानि (misprint in Wikisource; त for द; the critical edition reads pradīptāni).

Verse 27 (2.32.27)

ततः सुसंभ्रान्तमना बभूव कुरुनन्दनः । नोत्तरं प्रतिवक्तुं च शक्तोऽभूज्जनमेजय ॥

tataḥ susaṃbhrāntamanā babhūva kurunandanaḥ | nottaraṃ prativaktuṃ ca śakto'bhūjjanamejaya

At that the joy of the Kurus was thrown into deep confusion, and could find no answer to make, O Janamejaya.

Verse 28 (2.32.28)

किमर्थं भगवान्वह्निः प्रत्यमित्रोऽभवद्युधि । सहदेवस्य यज्ञार्थं घटमानस्य वै द्विज ॥

kimarthaṃ bhagavānvahniḥ pratyamitro'bhavadyudhi | sahadevasya yajñārthaṃ ghaṭamānasya vai dvija

Why did the blessed Fire become an enemy in battle to Sahadeva, when he was striving for the sake of the sacrifice, O Brahmin?

Verse 29 (2.32.29)

तत्र माहिष्मतीवासी भगवान्हव्यवाहनः । श्रूयते हि गृहीतो वै पुरस्तात्पारदारिकः ॥

tatra māhiṣmatīvāsī bhagavānhavyavāhanaḥ | śrūyate hi gṛhīto vai purastātpāradārikaḥ

It is told that the blessed Fire, the bearer of oblations, who dwells in Mahishmati, was once caught there as an adulterer.

Verse 30 (2.32.30)

नीलस्य राज्ञो दुहिता बभूवातीव शोभना । साऽग्निहोत्रमुपातिष्ठद्बोधनाय पितुः सदा ॥

nīlasya rājño duhitā babhūvātīva śobhanā | sā'gnihotramupātiṣṭhadbodhanāya pituḥ sadā

King Nila had a daughter of surpassing beauty. She always attended her father's sacred fire to kindle it.

Note on the text: Corrected बभूवतातीव → बभूवातीव (misprint in Wikisource; a stray त makes the line a syllable too long and gives no word). Not in the critical edition (found in the vulgate recension).

Verse 31 (2.32.31)

व्यजनैर्धूयमानोऽपि तावत्प्रज्वलते न सः । यावच्चारुपुटौष्ठेन वायुना न विधूयते ॥

vyajanairdhūyamāno'pi tāvatprajvalate na saḥ | yāvaccārupuṭauṣṭhena vāyunā na vidhūyate

Even when fanned with fans, the fire would not blaze up until it was stirred by the breath of her lovely lips.

Note on the text: Not in the critical edition (found in the vulgate recension).

Verse 32 (2.32.32)

ततः स भगवानग्निश्चकमे तां सुदर्शनाम् । नीलस्य राज्ञः सर्वेषामुपनीतश्च सोऽभवत् ॥

tataḥ sa bhagavānagniścakame tāṃ sudarśanām | nīlasya rājñaḥ sarveṣāmupanītaśca so'bhavat

Then the blessed Fire fell in love with that beautiful girl; and he had been installed as the household fire by the whole line of King Nila.

Note on the text: First line not in the critical edition (found in the vulgate recension).

Verse 33 (2.32.33)

ततो ब्राह्मणरूपेण रममाणो यदृच्छया । चकमे तां वरारोहां कन्यामुत्पललोचनाम् । तं तु राजा यथाशास्त्रमशासद्धार्मिकस्तदा ॥

tato brāhmaṇarūpeṇa ramamāṇo yadṛcchayā | cakame tāṃ varārohāṃ kanyāmutpalalocanām | taṃ tu rājā yathāśāstramaśāsaddhārmikastadā

Then, taking the form of a Brahmin and sporting as he pleased, he courted that fair-hipped, lotus-eyed maiden. But the king, being righteous, punished him as the law prescribes.

Note on the text: Corrected ब्रह्मणरूपेण → ब्राह्मणरूपेण (misprint in Wikisource; dropped vowel sign; the critical edition reads brāhmaṇarūpeṇa). Second line not in the critical edition (found in the vulgate recension).

Verse 34 (2.32.34)

प्रजज्वाल ततः कोपाद्भगवान्हव्यवाहनः । तं दृष्ट्वा विस्मितो राजा जगाम शिरसाऽवनिम् ॥

prajajvāla tataḥ kopādbhagavānhavyavāhanaḥ | taṃ dṛṣṭvā vismito rājā jagāma śirasā'vanim

Then the blessed bearer of oblations blazed up in anger. Seeing this, the astonished king bowed his head to the ground.

Verse 35 (2.32.35)

ततः कालेन तां कन्यां तथैव हि तदा नृपः । प्रददौ विप्ररूपाय वह्नये शिरसा नतः ॥

tataḥ kālena tāṃ kanyāṃ tathaiva hi tadā nṛpaḥ | pradadau viprarūpāya vahnaye śirasā nataḥ

Then in due time the king, with bowed head, gave that maiden to the Fire, who had taken the form of a Brahmin.

Note on the text: Corrected वह्रये → वह्नये (misprint in Wikisource; र for न). Not in the critical edition (found in the vulgate recension).

Verse 36 (2.32.36)

प्रतिगृह्य च तां सुभ्रुं नीलराज्ञः सुतां तदा । चक्रे प्रसादं भगवांस्तस्य राज्ञो विभावसुः ॥

pratigṛhya ca tāṃ subhruṃ nīlarājñaḥ sutāṃ tadā | cakre prasādaṃ bhagavāṃstasya rājño vibhāvasuḥ

Accepting the fair-browed daughter of King Nila, the blessed Fire then showed his favour to that king.

Note on the text: First line not in the critical edition (found in the vulgate recension).

Verse 37 (2.32.37)

वरेण च्छन्दयामास तं नृपं स्विष्टकृत्तमः । अभयं च स जग्राह स्वसैन्ये वै महीपतिः ॥

vareṇa cchandayāmāsa taṃ nṛpaṃ sviṣṭakṛttamaḥ | abhayaṃ ca sa jagrāha svasainye vai mahīpatiḥ

The Fire, best of those who perfect the offering, offered the king a boon, and the lord of the earth chose safety for his army.

Verse 38 (2.32.38)

ततः प्रभृति ये केचिदज्ञानात्तां पुरीं नृपाः । जिगीषन्ति बलाद्राजंस्ते दह्यन्ते स्म वह्निना ॥

tataḥ prabhṛti ye kecidajñānāttāṃ purīṃ nṛpāḥ | jigīṣanti balādrājaṃste dahyante sma vahninā

From then on, whatever kings in their ignorance seek to take that city by force, O king, are burned by the Fire.

Verse 39 (2.32.39)

तस्यां पुर्यां तदा चैव माहिष्मत्यां कुरूद्वह । बभूवुरनभिग्राह्या योषितश्छन्दतः किल ॥

tasyāṃ puryāṃ tadā caiva māhiṣmatyāṃ kurūdvaha | babhūvuranabhigrāhyā yoṣitaśchandataḥ kila

And in that city of Mahishmati, from that time, O joy of the Kurus, the women, it is said, could not be held in check and followed their own will.

Note on the text: Corrected स्यां → तस्यां (misprint in Wikisource; dropped त, leaving the line a syllable short) and अनतिग्राह्य → अनभिग्राह्या (misprint in Wikisource; the adjective must agree with योषितः; the critical edition reads tasyāṃ, anabhigrāhyā).

Verse 40 (2.32.40)

एवमग्निर्वरं प्रादात्स्त्रीणामप्रतिवारणे । स्वैरिण्यस्तत्र नार्यो हि यथेष्टं प्रचरन्त्युत ॥

evamagnirvaraṃ prādātstrīṇāmaprativāraṇe | svairiṇyastatra nāryo hi yatheṣṭaṃ pracarantyuta

Thus Agni granted a boon that the women should not be restrained; and so the women there are free and go about as they please.

Note on the text: Restored from the critical edition (2.28.24): Wikisource's second line, रिण्यस्तत्र च राजानस्तत्पुरं भरतर्षभ, has lost its opening स्वै- and the rest of it is a copy of the next line (वर्जयन्ति च राजानस्तत्पुरं भरतर्षभ); it is replaced with the critical edition's svairiṇyas tatra nāryo hi yatheṣṭaṃ pracaranty uta.

Verse 41 (2.32.41)

वर्जयन्ति च राजानस्तत्पुरं भरतर्षभ । भयादग्नेर्महाराज तदाप्रभृति सर्वदा ॥

varjayanti ca rājānastatpuraṃ bharatarṣabha | bhayādagnermahārāja tadāprabhṛti sarvadā

And kings shun that city, O bull of the Bharatas, for fear of the Fire, O great king, always, from that time on.

Note on the text: Corrected र्जयन्ति → वर्जयन्ति (misprint in Wikisource; the opening व is lost; the critical edition reads varjayanti).

Verse 42 (2.32.42)

सहदेवस्तु धर्मात्मा सैन्यं दृष्ट्वा भयार्दितम् । परीतमग्निना राजन्नाकम्पत यथाऽचलः । उपस्पृश्य शुचिर्भूत्वा सोऽब्रवीत्पावकं ततः ॥

sahadevastu dharmātmā sainyaṃ dṛṣṭvā bhayārditam | parītamagninā rājannākampata yathā'calaḥ | upaspṛśya śucirbhūtvā so'bravītpāvakaṃ tataḥ

But righteous Sahadeva, seeing his army stricken with fear and ringed by fire, O king, stood unshaken like a mountain. He touched water, purified himself, and then spoke to the Fire.

Verse 43 (2.32.43)

त्वदर्थोऽयं समारम्भः कृष्णवर्त्मन्नमोऽस्तु ते । मुखं त्वमसि देवानां यज्ञस्त्वमसि पावक ॥

tvadartho'yaṃ samārambhaḥ kṛṣṇavartmannamo'stu te | mukhaṃ tvamasi devānāṃ yajñastvamasi pāvaka

"This undertaking is for your sake, O you whose path is black with smoke; homage to you! You are the mouth of the gods; you are the sacrifice, O Purifier.

Note on the text: Corrected नमोस्तु → नमोऽस्तु (misprint in Wikisource; missing avagraha).

Verse 44 (2.32.44)

पावनात्पावकश्चासि वहनाद्धव्यवाहनः । वेदास्त्वदर्थं जाता वै जातवेदास्ततो ह्यसि ॥

pāvanātpāvakaścāsi vahanāddhavyavāhanaḥ | vedāstvadarthaṃ jātā vai jātavedāstato hyasi

You are Pavaka because you purify, and Havyavahana because you carry the oblations. The Vedas came into being for your sake; therefore you are Jatavedas.

Verse 45 (2.32.45)

चित्रभानुः सुरेशश्च अनलस्त्वं विभावसो । स्वर्गद्वारस्पृशश्चासि हुताशो ज्वलनः शिखी ॥

citrabhānuḥ sureśaśca analastvaṃ vibhāvaso | svargadvāraspṛśaścāsi hutāśo jvalanaḥ śikhī

You are Chitrabhanu, lord of the gods, and Anala, O Vibhavasu; you touch the gate of heaven; you are Hutasha, Jvalana and Shikhi.

Note on the text: Not in the critical edition (found in the vulgate recension; the critical edition gives these lines only in its apparatus, passage 0014 within 2.28.29).

Verse 46 (2.32.46)

वैश्वानरस्त्वं पिङ्गेशः प्लवङ्गो भूरितेजसः । कुमारसूस्त्वं भगवान्रुद्रगर्भो हिरण्यकृत् ॥

vaiśvānarastvaṃ piṅgeśaḥ plavaṅgo bhūritejasaḥ | kumārasūstvaṃ bhagavānrudragarbho hiraṇyakṛt

You are Vaishvanara, Pingesha and Plavanga, of boundless splendour; you are the blessed begetter of Kumara, Rudragarbha and Hiranyakrit.

Note on the text: Not in the critical edition (found in the vulgate recension; the critical edition gives these lines only in its apparatus, passage 0014 within 2.28.29).

Verse 47 (2.32.47)

अग्निर्ददातु मे तेजो वायुः प्राणं ददातु मे । पृथिवी बलमादध्याच्छिवं चापो दिशन्तु मे ॥

agnirdadātu me tejo vāyuḥ prāṇaṃ dadātu me | pṛthivī balamādadhyācchivaṃ cāpo diśantu me

May Agni give me splendour; may Vayu give me breath; may the Earth lay strength in me; may the Waters grant me well-being.

Note on the text: Not in the critical edition (found in the vulgate recension; the critical edition gives these lines only in its apparatus, passage 0014 within 2.28.29).

Verse 48 (2.32.48)

अपां गर्भ महासत्व जातवेदः सुरेश्वर । देवानां मुखमग्ने त्वं सत्येन विपुनीहि माम् ॥

apāṃ garbha mahāsatva jātavedaḥ sureśvara | devānāṃ mukhamagne tvaṃ satyena vipunīhi mām

O offspring of the waters, of great power, Jatavedas, lord of the gods, O Agni, mouth of the gods, purify me by truth.

Note on the text: Not in the critical edition (found in the vulgate recension; the critical edition gives these lines only in its apparatus, passage 0014 within 2.28.29).

Verse 49 (2.32.49)

ऋषिभिर्ब्राह्मणैश्चैव दैवतैरसुरैरपि । नित्यं सुहुत यज्ञेषु सत्येन विपुनीहि माम् ॥

ṛṣibhirbrāhmaṇaiścaiva daivatairasurairapi | nityaṃ suhuta yajñeṣu satyena vipunīhi mām

You who are ever duly offered to in sacrifices by sages, Brahmins, gods and asuras alike, purify me by truth.

Note on the text: Not in the critical edition (found in the vulgate recension; the critical edition gives these lines only in its apparatus, passage 0014 within 2.28.29).

Verse 50 (2.32.50)

धूमकेतुः शिखी च त्वं पापहाऽनिलसम्भवः । सर्वप्राणिषु नित्यस्थः सत्येन विपुनीहि माम् ॥

dhūmaketuḥ śikhī ca tvaṃ pāpahā'nilasambhavaḥ | sarvaprāṇiṣu nityasthaḥ satyena vipunīhi mām

You whose banner is smoke, who are crested with flame, destroyer of sin, born of the wind, dwelling ever in all living beings, purify me by truth.

Note on the text: Corrected पापहाऽनिसम्भवः → पापहाऽनिलसम्भवः (misprint in Wikisource; dropped ल, leaving the line a syllable short; the critical edition's apparatus, passage 0014, reads pāpahānilasaṃbhavaḥ). Not in the critical edition (found in the vulgate recension; the critical edition gives these lines only in its apparatus, passage 0014 within 2.28.29).

Verse 51 (2.32.51)

एवं स्तुतोऽसि भगवन्प्रीतेन शुचिना मया । तुष्टिं पुष्टिं श्रुतं चैव प्रीतिं चाग्ने प्रयच्छ मे ॥

evaṃ stuto'si bhagavanprītena śucinā mayā | tuṣṭiṃ puṣṭiṃ śrutaṃ caiva prītiṃ cāgne prayaccha me

Thus have you been praised, O blessed one, by me with love and in purity. Grant me, O Agni, contentment, prosperity, learning and joy."

Note on the text: Corrected शिचिना → शुचिना and प्रीति → प्रीतिं (misprints in Wikisource; wrong vowel sign and dropped anusvara; the critical edition's apparatus, passage 0014, reads śucinā, prītiṃ). Not in the critical edition (found in the vulgate recension; the critical edition gives these lines only in its apparatus, passage 0014 within 2.28.29).

Verse 52 (2.32.52)

इत्येवं मन्त्रमाग्नेयं पठन्यो जुहुयाद्विभुम् । ऋद्धिमान्सततं दान्तः सर्वपापैः प्रमुच्यते ॥

ityevaṃ mantramāgneyaṃ paṭhanyo juhuyādvibhum | ṛddhimānsatataṃ dāntaḥ sarvapāpaiḥ pramucyate

Whoever recites this hymn to Agni and offers oblations to the lord becomes prosperous, ever self-restrained, and is freed from all sins.

Note on the text: Not in the critical edition (found in the vulgate recension; the critical edition gives these lines only in its apparatus, passage 0014 within 2.28.29).

Verse 53 (2.32.53)

यज्ञविघ्नमिमं कर्तुं नार्हस्त्वं यज्ञवाहन ॥

yajñavighnamimaṃ kartuṃ nārhastvaṃ yajñavāhana

"You should not put this obstacle in the way of the sacrifice, O bearer of the sacrifice."

Note on the text: Split: Sahadeva's words, under the printed heading सहदेव उवाच, fill only the first line of Wikisource verse 53; the second line is narration.

Verse 54 (2.32.54)

एवमुक्त्वा तु माद्रेयः कुशैरास्तीर्य मेदिनीम् ॥

evamuktvā tu mādreyaḥ kuśairāstīrya medinīm

Having said this, the son of Madri spread kusha grass on the ground,

Note on the text: Split from the preceding line, where Sahadeva's speech ends and narration resumes (see the previous verse).

Verse 55 (2.32.55)

विधिवत्पुरुषव्याघ्रः पावकं प्रत्युपाविशत् । प्रमुखे तस्य सैन्यस्य भीतोद्विग्नस्य भारत ॥

vidhivatpuruṣavyāghraḥ pāvakaṃ pratyupāviśat | pramukhe tasya sainyasya bhītodvignasya bhārata

and the tiger among men sat down before the Fire in the prescribed manner, at the head of his frightened and distressed army, O Bharata.

Note on the text: Corrected भीतोद्विग्रस्य → भीतोद्विग्नस्य (misprint in Wikisource; र for न; the critical edition reads bhītodvignasya).

Verse 56 (2.32.56)

न चैनमत्यगाद्वह्निर्वेलामिव महोदधिः । तमुपेत्य शनैर्वह्निरुवाच कुरुनन्दनम् ॥

na cainamatyagādvahnirvelāmiva mahodadhiḥ | tamupetya śanairvahniruvāca kurunandanam

And the Fire did not pass beyond him, as the ocean does not pass beyond its shore. Coming gently up to him, the Fire spoke to the joy of the Kurus,

Note on the text: Corrected वह्निरुवाच महोदधिः → वह्निर्वेलामिव महोदधिः (misprint in Wikisource; the words वेलामिव were displaced by रुवाच, copied from the next line, leaving the line a syllable short and without sense; the critical edition reads vahnir velām iva mahodadhiḥ).

Verse 57 (2.32.57)

सहदेवं नृणां देवं सान्त्वपूर्वमिदं वचः ॥

sahadevaṃ nṛṇāṃ devaṃ sāntvapūrvamidaṃ vacaḥ

to Sahadeva, a god among men, these words of comfort:

Note on the text: Split: Wikisource verse 56 is narration in its first line, while its second line begins Agni's speech (no heading is printed).

Verse 58 (2.32.58)

उत्तिष्ठोत्तिष्ठ कौरव्य जिज्ञासेयं कृता मया ॥

uttiṣṭhottiṣṭha kauravya jijñāseyaṃ kṛtā mayā

"Rise, rise, O descendant of Kuru! This was only a test I made of you.

Note on the text: Split from the preceding line (see the previous verse). Speaker: Agni's speech runs from here through verse 58 without a printed heading.

Verse 59 (2.32.59)

वेद्मि सर्वमभिप्रायं तव धर्मसुतस्य च । मया तु रक्षितव्या पुरीयं भरतसत्तम ॥

vedmi sarvamabhiprāyaṃ tava dharmasutasya ca | mayā tu rakṣitavyā purīyaṃ bharatasattama

I know your whole purpose, and that of the son of Dharma. But I must protect this city, O best of the Bharatas,

Note on the text: Corrected पूरियं → पुरीयं (misprint in Wikisource; vowel lengths reversed; रक्षितव्या पुरी इयम्; the critical edition reads rakṣitavyeyaṃ purī).

Verse 60 (2.32.60)

यावद्राज्ञो हि नीलस्य कुले वंशधरा इति । ईप्सितं तु करिष्यामि मनसस्तव पाण्डव ॥

yāvadrājño hi nīlasya kule vaṃśadharā iti | īpsitaṃ tu kariṣyāmi manasastava pāṇḍava

for as long as there are heirs to carry on the line in King Nila's family. Yet I will do what your heart desires, O Pandava."

Verse 61 (2.32.61)

तत उत्थाय हृष्टात्मा प्राञ्जलिः शिरसा नतः । पूजयामास माद्रेयः पावकं भरतर्षभ ॥

tata utthāya hṛṣṭātmā prāñjaliḥ śirasā nataḥ | pūjayāmāsa mādreyaḥ pāvakaṃ bharatarṣabha

Then, rising glad at heart, with joined palms and bowed head, the son of Madri worshipped the Fire, O bull of the Bharatas.

Note on the text: Corrected माद्रेयटः → माद्रेयः (misprint in Wikisource; stray ट; the critical edition reads mādreyaḥ). Speaker: narration resumes here; the input carried सहदेव over from the hymn to verses 53–82, corrected to वैशम्पायन except where Sahadeva or Agni speaks.

Verse 62 (2.32.62)

पावके विनिवृत्ते तु नीलो राजाऽभ्यगात्तदा । पावकस्याज्ञया चैनमर्चयामास पार्थिवः ॥

pāvake vinivṛtte tu nīlo rājā'bhyagāttadā | pāvakasyājñayā cainamarcayāmāsa pārthivaḥ

When the Fire had withdrawn, King Nila came forward, and at the Fire's bidding the king honoured

Note on the text: Second line not in the critical edition (found in the vulgate recension).

Verse 63 (2.32.63)

सत्कारेण नरव्याघ्रं सहदेवं युधां पतिम् । प्रतिगृह्य च तां पूजां करे च विनिवेश्य च ॥

satkāreṇa naravyāghraṃ sahadevaṃ yudhāṃ patim | pratigṛhya ca tāṃ pūjāṃ kare ca viniveśya ca

with due hospitality that tiger among men, Sahadeva, lord of warriors. Accepting that homage and placing him under tribute,

Verse 64 (2.32.64)

माद्रीसुतस्ततः प्रायाद्विजयी दक्षिणां दिशम् । त्रैपुरं स वशे कृत्वा राजानममितौजसम् ॥

mādrīsutastataḥ prāyādvijayī dakṣiṇāṃ diśam | traipuraṃ sa vaśe kṛtvā rājānamamitaujasam

the victorious son of Madri went on into the southern quarter. Having brought the immensely powerful king of Traipura under his control,

Verse 65 (2.32.65)

निजग्राह महाबाहुस्तरसा पौरवेश्वरम् । आकृतिं कौशिकाचार्यं यत्नेन महता ततः ॥

nijagrāha mahābāhustarasā pauraveśvaram | ākṛtiṃ kauśikācāryaṃ yatnena mahatā tataḥ

the mighty-armed one swiftly subdued the lord of the Pauravas; and then, with great effort,

Note on the text: Corrected यत्ने महता → यत्नेन महता (misprint in Wikisource; dropped न, leaving the line a syllable short; the critical edition reads yatnena mahatā).

Verse 66 (2.32.66)

वशे चक्रे महाबाहुः सुराष्ट्राधिपतिं तदा । सुराष्ट्रविषयस्थश्च प्रेषयामास रुक्मिणे ॥

vaśe cakre mahābāhuḥ surāṣṭrādhipatiṃ tadā | surāṣṭraviṣayasthaśca preṣayāmāsa rukmiṇe

the mighty-armed one brought under his control Akriti, preceptor of the Kaushikas, the lord of Surashtra. Staying in the Surashtra country, he sent word to Rukmin

Verse 67 (2.32.67)

राज्ञे भोजकटस्थाय महामात्राय धीमते । भीष्मकाय स धर्मात्मा साक्षादिन्द्रसखाय वै ॥

rājñe bhojakaṭasthāya mahāmātrāya dhīmate | bhīṣmakāya sa dharmātmā sākṣādindrasakhāya vai

and to King Bhishmaka who dwelt at Bhojakata, wise and high in rank, the friend of Indra himself: so the righteous one sent to them.

Note on the text: Corrected भीष्मकायस → भीष्मकाय स (misprint in Wikisource; missing word break; the critical edition reads bhīṣmakāya sa).

Verse 68 (2.32.68)

स चास्य प्रतिजग्राह ससुतः शासनं तदा । प्रीतिपूर्वं महाराज वासुदेवमवेक्ष्य च ॥

sa cāsya pratijagrāha sasutaḥ śāsanaṃ tadā | prītipūrvaṃ mahārāja vāsudevamavekṣya ca

And Bhishmaka, together with his son, accepted his command then in friendship, O great king, out of regard for Vasudeva.

Note on the text: Corrected च चास्य → स चास्य (misprint in Wikisource; च for स; the critical edition reads sa cāsya).

Verse 69 (2.32.69)

ततः स रत्नान्यादाय पुनः प्रायाद्युधां पतिः । ततः शूर्पारकं चैव तालाकटमथापि च ॥

tataḥ sa ratnānyādāya punaḥ prāyādyudhāṃ patiḥ | tataḥ śūrpārakaṃ caiva tālākaṭamathāpi ca

Then, taking the jewels, the lord of warriors set out once more. Next Shurparaka and Talakata

Verse 70 (2.32.70)

वशे चक्रे महातेजा दण्डकांश्च महाबलः । सागरद्वीपवासांश्च नृपतीन्म्लेच्छयोनिजान् ॥

vaśe cakre mahātejā daṇḍakāṃśca mahābalaḥ | sāgaradvīpavāsāṃśca nṛpatīnmlecchayonijān

the mighty and splendid one brought under his sway, and the Dandakas; the kings of Mleccha birth who dwell on the islands of the sea,

Verse 71 (2.32.71)

निषादान्पुरुषादांश्च कर्णप्रावरणानपि । ये च कालमुखा नाम नरराक्षसयोनयः ॥

niṣādānpuruṣādāṃśca karṇaprāvaraṇānapi | ye ca kālamukhā nāma nararākṣasayonayaḥ

the Nishadas, the man-eaters, the Karnapravaranas, and those called the Kalamukhas, born of men and rakshasas,

Verse 72 (2.32.72)

कृत्स्नं कोलगिरिं चैव सुरभीपट्टनं तथा । द्वीपं ताम्राह्वयं चैव पर्वतं रामकं तथा ॥

kṛtsnaṃ kolagiriṃ caiva surabhīpaṭṭanaṃ tathā | dvīpaṃ tāmrāhvayaṃ caiva parvataṃ rāmakaṃ tathā

the whole of Kolagiri, Surabhipattana, the island called Tamra, and the mountain Ramaka;

Verse 73 (2.32.73)

तिमिङ्गिलं च स नृपं वशे कृत्वा महामतिः । एकपादांश्च पुरुषान्केरलान्वनवासिनः ॥

timiṅgilaṃ ca sa nṛpaṃ vaśe kṛtvā mahāmatiḥ | ekapādāṃśca puruṣānkeralānvanavāsinaḥ

and the wise one brought King Timingila under his control. The one-footed men, the forest-dwelling Keralas,

Verse 74 (2.32.74)

नगरीं सञ्जयन्तीं च पाषण्डं करहाटकम् । दूतैरेव वशे चक्रे करं चैनानदापयत् ॥

nagarīṃ sañjayantīṃ ca pāṣaṇḍaṃ karahāṭakam | dūtaireva vaśe cakre karaṃ cainānadāpayat

the city of Sanjayanti, Pashanda and Karahataka, he brought under his sway by envoys alone, and made them pay tribute.

Verse 75 (2.32.75)

पाण्ड्यांश्च द्रविडांश्चैव सहितांश्चोड्रकेरलैः । अन्ध्रांस्तलवनांश्चैव कलिङ्गानुष्ट्रकर्णिकान् ॥

pāṇḍyāṃśca draviḍāṃścaiva sahitāṃścoḍrakeralaiḥ | andhrāṃstalavanāṃścaiva kaliṅgānuṣṭrakarṇikān

The Pandyas and the Dravidas, together with the Odras and the Keralas, the Andhras, the Talavanas, the Kalingas and the Ushtrakarnikas,

Note on the text: Corrected तावनान् → तलवनान् (misprint in Wikisource; dropped ल gives no known people; the critical edition reads talavanāṃś).

Verse 76 (2.32.76)

आटवीं च पुरीं रम्यां यवनानां पुरं तथा । दूतैरेव वशे चक्रे करं चैनानदापयत् ॥

āṭavīṃ ca purīṃ ramyāṃ yavanānāṃ puraṃ tathā | dūtaireva vaśe cakre karaṃ cainānadāpayat

the lovely city of Atavi and the city of the Yavanas, he brought under his sway by envoys alone, and made them pay tribute.

Verse 77 (2.32.77)

ताम्रपर्णीं ततो गत्वा कन्यातीर्थमतीत्य च । दक्षिणां च दिशं सर्वां विजित्य कुरुनन्दनः ॥

tāmraparṇīṃ tato gatvā kanyātīrthamatītya ca | dakṣiṇāṃ ca diśaṃ sarvāṃ vijitya kurunandanaḥ

Then, going to the Tamraparni and passing beyond Kanyatirtha, the joy of the Kurus conquered the whole southern quarter,

Note on the text: Corrected तात्रपर्णी → ताम्रपर्णीं and सर्वा → सर्वां (misprints in Wikisource; त for म in the river's name, and dropped anusvaras where the accusative is needed). Removed a stray wiki quote mark (`) before the verse. Not in the critical edition (found in the vulgate recension).

Verse 78 (2.32.78)

उत्तरं तीरमासाद्य सागरस्योर्मिमालिनः । चिन्तयामास कौन्तेयो भ्रातुः पुत्रं घटोत्कचम् ॥

uttaraṃ tīramāsādya sāgarasyormimālinaḥ | cintayāmāsa kaunteyo bhrātuḥ putraṃ ghaṭotkacam

and reaching the northern shore of the wave-garlanded ocean, the Pandava called to mind his brother's son Ghatotkacha.

Note on the text: Not in the critical edition (found in the vulgate recension).

Verse 79 (2.32.79)

ततश्चिन्तितमात्रस्तु राक्षसः प्रत्यदृश्यत । तं मेरुशिखराकारमागतं पाण्डुनन्दनः ॥

tataścintitamātrastu rākṣasaḥ pratyadṛśyata | taṃ meruśikharākāramāgataṃ pāṇḍunandanaḥ

The moment he was thought of, the rakshasa appeared. When he had come, huge as a peak of Meru, the son of Pandu,

Note on the text: Not in the critical edition (found in the vulgate recension).

Verse 80 (2.32.80)

भृगुकच्छात्ततो धीमान्साम्नैवामित्रकर्शनः । आगम्यतामिति प्राह धर्मराजस्य शासनात् ॥

bhṛgukacchāttato dhīmānsāmnaivāmitrakarśanaḥ | āgamyatāmiti prāha dharmarājasya śāsanāt

wise harrier of foes, then from Bhrigukaccha said gently, "Come," by the command of the King of Dharma.

Note on the text: Corrected शसनाः → शासनात् (misprint in Wikisource; शसनाः is not a word; "by the command of" needs the ablative शासनात्). Second line not in the critical edition (found in the vulgate recension).

Verse 81 (2.32.81)

स राक्षसपरीवारस्तं प्रणम्याशु संस्थितः । घटोत्कचं महात्मानं राक्षसं घोरदर्शनम् ॥

sa rākṣasaparīvārastaṃ praṇamyāśu saṃsthitaḥ | ghaṭotkacaṃ mahātmānaṃ rākṣasaṃ ghoradarśanam

Surrounded by his rakshasa retinue, he bowed to him and at once stood ready. Ghatotkacha, the great-souled rakshasa of fearsome aspect,

Note on the text: Not in the critical edition (found in the vulgate recension).

Verse 82 (2.32.82)

तत्रस्थः प्रेषयामास पौलस्त्याय महात्मने । बिभीषणाय धर्मात्मा प्रीतिपूर्वमरिन्दमः ॥

tatrasthaḥ preṣayāmāsa paulastyāya mahātmane | bibhīṣaṇāya dharmātmā prītipūrvamarindamaḥ

the righteous tamer of foes, staying where he was, sent in friendship to the great-souled descendant of Pulastya, Vibhishana.

Note on the text: Removed a stray wiki quote mark (') after महात्मने.

Verse 83 (2.32.83)

स चास्य प्रतिजग्राह शासनं प्रीतिपूर्वकम् । तच्च कृष्णकृतं धीमानभ्यमन्यत स प्रभुः ॥

sa cāsya pratijagrāha śāsanaṃ prītipūrvakam | tacca kṛṣṇakṛtaṃ dhīmānabhyamanyata sa prabhuḥ

And Vibhishana accepted his command in friendship; the wise lord regarded it as the work of Krishna.

Verse 84 (2.32.84)

ततः सम्प्रेषयामास रत्नानि विविधानि च । चन्दनागुरुकाष्ठानि दिव्यान्याभरणानि च । वासांसि च महार्हाणि मणींश्चैव महाधनान् ॥

tataḥ sampreṣayāmāsa ratnāni vividhāni ca | candanāgurukāṣṭhāni divyānyābharaṇāni ca | vāsāṃsi ca mahārhāṇi maṇīṃścaiva mahādhanān

Then he sent jewels of many kinds, sandalwood and aloe-wood, divine ornaments, costly garments and gems of great worth.

Note on the text: Restored the third line from the Wikisource page: the page prints वासांसि च महार्हाणि मणींश्चैव महाधनान् in bold just above the colophon (labelled 2-32-82x), but the extraction lost it. It matches the critical edition (2.28.53, first line) exactly; removed the bold wiki marks (''').