Bhima's Conquest of the East

Verse 1 (2.31.1)

ततः कुमारविषये श्रेणिमन्तमथाजयत् । कोसलाधिपतिं चैव बृहद्बलमरिन्दमः ॥

tataḥ kumāraviṣaye śreṇimantamathājayat | kosalādhipatiṃ caiva bṛhadbalamarindamaḥ

Then, in the land of Kumara, the tamer of foes conquered Shrenimat, and Brihadbala too, the lord of Kosala.

Verse 2 (2.31.2)

अयोध्यायां तु धर्मज्ञं दीर्घयज्ञं महाबलम् । अजयत्पाण्डवश्रेष्ठो नातितीव्रेण कर्मणा ॥

ayodhyāyāṃ tu dharmajñaṃ dīrghayajñaṃ mahābalam | ajayatpāṇḍavaśreṣṭho nātitīvreṇa karmaṇā

At Ayodhya the best of the Pandavas overcame the mighty Dirghayajna, a knower of dharma, without any harsh fighting.

Note on the text: Corrected अजयत्णण्डवश्रेष्ठो → अजयत्पाण्डवश्रेष्ठो (misprint in Wikisource; ण for प, giving no word; the critical edition reads ajayat pāṇḍavaśreṣṭho).

Verse 3 (2.31.3)

ततो गोपालकक्षं च सोत्तरानपि कोसलान् । मल्लानामधिपं चैव पार्थिवं चाजयत्प्रभुः ॥

tato gopālakakṣaṃ ca sottarānapi kosalān | mallānāmadhipaṃ caiva pārthivaṃ cājayatprabhuḥ

Next the lord conquered Gopalakaksha, the Kosalas together with the northern Kosalas, and the king who ruled the Mallas.

Verse 4 (2.31.4)

ततो हिमवतः पार्श्वं समभ्येत्य जलोद्भवम् । सर्वमल्पेन कालेन देशं चक्रे वशं बली ॥

tato himavataḥ pārśvaṃ samabhyetya jalodbhavam | sarvamalpena kālena deśaṃ cakre vaśaṃ balī

Then, coming to Jalodbhava on the flank of the Himalaya, the strong one brought that whole country under his sway in a short time.

Verse 5 (2.31.5)

एवं बहुविधान्देशान्विजिग्ये भरतर्षभः । भल्लाटमभितो जिग्ये शुक्तिमन्तं च पर्वतम् ॥

evaṃ bahuvidhāndeśānvijigye bharatarṣabhaḥ | bhallāṭamabhito jigye śuktimantaṃ ca parvatam

In this way the bull of the Bharatas conquered lands of many kinds. He conquered the country around Bhallata, and the mountain Shuktimat.

Verse 6 (2.31.6)

पाण्डवः सुमहावीर्यो बलेन बलिनां वरः । स काशिराजं समरे सुबाहुमनिवर्तिनम् ॥

pāṇḍavaḥ sumahāvīryo balena balināṃ varaḥ | sa kāśirājaṃ samare subāhumanivartinam

The Pandava of very great valour, foremost of the strong in strength: Subahu, the king of Kashi, who never turned back in battle,

Verse 7 (2.31.7)

वशे चक्रे महाबाहुर्भीमो भीमपराक्रमः । ततः सुपार्श्वमभितस्तथा राजपतिं क्रथम् ॥

vaśe cakre mahābāhurbhīmo bhīmaparākramaḥ | tataḥ supārśvamabhitastathā rājapatiṃ kratham

him the mighty-armed Bhima of fearsome prowess brought under his control. Then, in the region of Suparshva, the bull among the Pandavas defeated Kratha, a king among kings,

Verse 8 (2.31.8)

युध्यमानं बलात्सङ्ख्ये विजिग्ये पाण्डवर्षभः । ततो मत्स्यान्महातेजा मलदांश्च महाबलान् ॥

yudhyamānaṃ balātsaṅkhye vijigye pāṇḍavarṣabhaḥ | tato matsyānmahātejā maladāṃśca mahābalān

who fought hard against him in battle. Then the hero of great splendour conquered the Matsyas and the mighty Maladas,

Note on the text: Corrected बालत्सङ्ख्ये → बलात्सङ्ख्ये (misprint in Wikisource; misplaced vowel sign; the critical edition reads balāt saṃkhye).

Verse 9 (2.31.9)

अनघानभयांश्चैव पशुभूमिं च सर्वशः । निवृत्य च महाबाहुर्मदधारं महीधरम् ॥

anaghānabhayāṃścaiva paśubhūmiṃ ca sarvaśaḥ | nivṛtya ca mahābāhurmadadhāraṃ mahīdharam

the Anaghas and the Abhayas, and the whole of Pashubhumi. Turning back, the mighty-armed one went to the mountain Madadhara,

Verse 10 (2.31.10)

सोमधेयांश्च निर्जित्य प्रययावुत्तरामुखः । वत्सभूमिं च कौन्तेयो विजिग्ये बलवान्बलात् ॥

somadheyāṃśca nirjitya prayayāvuttarāmukhaḥ | vatsabhūmiṃ ca kaunteyo vijigye balavānbalāt

and after conquering the Somadheyas he set out facing north. And the strong son of Kunti conquered Vatsabhumi by force.

Note on the text: Corrected प्रत्ययावुत्तरामुखः → प्रययावुत्तरामुखः (misprint in Wikisource; प्रत्ययौ is not a verb form; the critical edition reads prayayāv uttarāmukhaḥ).

Verse 11 (2.31.11)

भर्गाणामधिपं चैव निषादाधिपतिं तथा । विजिग्ये भूमिपालांश्च मणिमत्प्रमुखान्बहून् ॥

bhargāṇāmadhipaṃ caiva niṣādādhipatiṃ tathā | vijigye bhūmipālāṃśca maṇimatpramukhānbahūn

He conquered the lord of the Bhargas, the lord of the Nishadas, and many rulers of the land headed by Manimat.

Note on the text: Corrected ममिमत्प्रमुखान् → मणिमत्प्रमुखान् (misprint in Wikisource; म for ण; the critical edition reads maṇimatpramukhān).

Verse 12 (2.31.12)

ततो दक्षिणमल्लांश्च भोगवन्तं च पर्वतम् । तरसैवाजयद्भीमो नातितीव्रेण कर्मणा ॥

tato dakṣiṇamallāṃśca bhogavantaṃ ca parvatam | tarasaivājayadbhīmo nātitīvreṇa karmaṇā

Then Bhima swiftly conquered the southern Mallas and the mountain Bhogavat, without harsh fighting.

Verse 13 (2.31.13)

शर्मकान्वर्मकांश्चैव व्यजयत्सान्त्वपूर्वकम् । वैदेहकं च राजानं जनकं जगतीपतिम् ॥

śarmakānvarmakāṃścaiva vyajayatsāntvapūrvakam | vaidehakaṃ ca rājānaṃ janakaṃ jagatīpatim

He won over the Sharmakas and the Varmakas with conciliation; and Janaka, the king of Videha, lord of the earth,

Verse 14 (2.31.14)

विजिग्ये पुरुषव्याघ्रो नातितीव्रेण कर्मणा । शकांश्च बर्बराश्चैव अजयच्छद्मपूर्वकम् ॥

vijigye puruṣavyāghro nātitīvreṇa karmaṇā | śakāṃśca barbarāścaiva ajayacchadmapūrvakam

the tiger among men conquered without harsh fighting. The Shakas and the Barbaras he conquered by stratagem.

Note on the text: The first line closes critical edition 2.27.12; the second line is not in the critical edition (found in the vulgate recension).

Verse 15 (2.31.15)

वैदेहस्थस्तु कौन्तेय इन्द्रपर्वतमन्तिकात् । किरातानामधिपतीनजयत्सप्त पाण्डवः ॥

vaidehasthastu kaunteya indraparvatamantikāt | kirātānāmadhipatīnajayatsapta pāṇḍavaḥ

Staying in Videha, the Pandava, son of Kunti, conquered seven lords of the Kiratas from the neighbourhood of Mount Indra.

Verse 16 (2.31.16)

ततः सुह्यान्प्रसुह्यांश्च सपक्षानतिवीर्यवान् । विजित्य युधि कौन्तेयो मागधानभ्यधाद्बली ॥

tataḥ suhyānprasuhyāṃśca sapakṣānativīryavān | vijitya yudhi kaunteyo māgadhānabhyadhādbalī

Then the son of Kunti, of surpassing valour, defeated in battle the Suhmas, the Prasuhmas and their allies, and the strong one called on the Magadhas to pay tribute.

Verse 17 (2.31.17)

दण्डं च दण्डधारं च विजित्य पृथिवीपतीन् । तैरेव सहितैः सर्वैर्गिरिव्रजमुपाद्रवत् ॥

daṇḍaṃ ca daṇḍadhāraṃ ca vijitya pṛthivīpatīn | taireva sahitaiḥ sarvairgirivrajamupādravat

Having conquered Danda and Dandadhara, lords of the earth, he marched on Girivraja together with all of them.

Verse 18 (2.31.18)

जारासन्धिं सान्त्वयित्वा करे च विनिवेश्य ह । तैरेव सहितैः सर्वैः कर्णमभ्यद्रवद्बली ॥

jārāsandhiṃ sāntvayitvā kare ca viniveśya ha | taireva sahitaiḥ sarvaiḥ karṇamabhyadravadbalī

He won over Jarasandha's son with gentle words and made him a payer of tribute; then, with all of them, the strong one rushed against Karna.

Note on the text: Corrected कर्णमब्यद्रवद्बली → कर्णमभ्यद्रवद्बली (misprint in Wikisource; ब for भ; the critical edition reads karṇam abhyadravad balī).

Verse 19 (2.31.19)

स कम्पयन्निव महीं बलेन चतुरङ्गिणा । युयुधे पाण्डवश्रेष्ठः कर्णेनामित्रघातिना ॥

sa kampayanniva mahīṃ balena caturaṅgiṇā | yuyudhe pāṇḍavaśreṣṭhaḥ karṇenāmitraghātinā

Making the earth tremble, as it were, with his fourfold army, the best of the Pandavas fought with Karna, the slayer of foes.

Note on the text: Corrected चतुङ्गिणा → चतुरङ्गिणा (misprint in Wikisource; dropped र; the critical edition reads caturaṅgiṇā).

Verse 20 (2.31.20)

स कर्णं युधि निर्जित्य वशे कृत्वा च भारत । ततो विजिग्ये बलवान्राज्ञः पर्वतवासिनः ॥

sa karṇaṃ yudhi nirjitya vaśe kṛtvā ca bhārata | tato vijigye balavānrājñaḥ parvatavāsinaḥ

Having defeated Karna in battle and brought him under his control, O Bharata, the strong one then conquered the kings who dwelt in the mountains.

Verse 21 (2.31.21)

अथ मोदागिरौ चैव राजानं बलवत्तरम् । पाण्डवो बाहुवीर्येण निजघान महामृधे ॥

atha modāgirau caiva rājānaṃ balavattaram | pāṇḍavo bāhuvīryeṇa nijaghāna mahāmṛdhe

Then at Modagiri the Pandava, by the might of his arms, slew a very powerful king in a great battle.

Verse 22 (2.31.22)

ततः पुण्ड्राधिपं वीरं वासुदेवं समाययौ । इदानीं वृष्णिवीरेण न योत्स्यामीति पौण्ड्रकः ॥

tataḥ puṇḍrādhipaṃ vīraṃ vāsudevaṃ samāyayau | idānīṃ vṛṣṇivīreṇa na yotsyāmīti pauṇḍrakaḥ

Then he came upon the heroic lord of the Pundras, Vasudeva. Saying, "I will not fight now with the hero of the Vrishnis," Paundraka,

Note on the text: Second line not in the critical edition (found in the vulgate recension). Removed a stray wiki quote mark (`) before it.

Verse 23 (2.31.23)

कृष्णस्य भुजसंत्रासात्करमाशु ददौ नृपः । कौशिकीकच्छनिलयं राजानं च महौजसम् ॥

kṛṣṇasya bhujasaṃtrāsātkaramāśu dadau nṛpaḥ | kauśikīkacchanilayaṃ rājānaṃ ca mahaujasam

for dread of Krishna's arms, that king paid tribute at once. And the king of great might who dwelt in the marshlands of the Kaushiki,

Note on the text: First line not in the critical edition (found in the vulgate recension). Removed a stray wiki quote mark (') after it.

Verse 24 (2.31.24)

उभौ बलभृतौ वीरावुभौ तीव्रपराक्रमौ । निर्जित्याजौ महाराज वङ्गराजमुपाद्रवत् ॥

ubhau balabhṛtau vīrāvubhau tīvraparākramau | nirjityājau mahārāja vaṅgarājamupādravat

these two, both strong heroes of fierce prowess, he defeated in battle, O great king, and then he marched against the king of Vanga.

Note on the text: Corrected वीरावुमौ → वीरावुभौ (misprint in Wikisource; म for भ; the critical edition reads vīrāv ubhau).

Verse 25 (2.31.25)

समुद्रसेनं निर्जित्य चन्द्रसेनं च पार्थिवम् । ताम्रलिप्तं च राजानं कर्वटाधिपतिं तथा ॥

samudrasenaṃ nirjitya candrasenaṃ ca pārthivam | tāmraliptaṃ ca rājānaṃ karvaṭādhipatiṃ tathā

Having conquered Samudrasena and King Chandrasena, the king of Tamralipta and the lord of the Karvatas,

Note on the text: Corrected समुद्रसेन → समुद्रसेनं (misprint in Wikisource; dropped anusvara; the object needs the accusative; the critical edition reads samudrasenaṃ).

Verse 26 (2.31.26)

सुह्यानामधिपं चैव ये च सागरवासिनः । सर्वान्म्लेच्छगणांश्चैव विजिग्ये भरतर्षभः ॥

suhyānāmadhipaṃ caiva ye ca sāgaravāsinaḥ | sarvānmlecchagaṇāṃścaiva vijigye bharatarṣabhaḥ

the lord of the Suhmas, and those who dwell by the sea, and all the hosts of the Mlecchas, the bull of the Bharatas conquered them all.

Verse 27 (2.31.27)

एवं बहुविधान्देशान्विजित्य पवनात्मजः । वसु तेभ्य उपादाय लौहित्यमगमद्बली ॥

evaṃ bahuvidhāndeśānvijitya pavanātmajaḥ | vasu tebhya upādāya lauhityamagamadbalī

Having conquered many such lands, the son of the Wind took wealth from them, and the strong one went on to the Lauhitya.

Note on the text: Corrected सु तेभ्य → वसु तेभ्य and लौहित्यमगद्बली → लौहित्यमगमद्बली (misprints in Wikisource; dropped व and म, each leaving the line a syllable short; the critical edition reads vasu tebhya, lauhityam agamad).

Verse 28 (2.31.28)

स सर्वान्म्लेच्छनृपतीन्सागरानूपवासिनः । करमाहारयामास रत्नानि विविधानि च ॥

sa sarvānmlecchanṛpatīnsāgarānūpavāsinaḥ | karamāhārayāmāsa ratnāni vividhāni ca

He made all the Mleccha kings who lived in the marshlands by the sea bring him tribute and jewels of many kinds:

Verse 29 (2.31.29)

चन्दनागुरुवस्त्राणि मणिमौक्तिककम्बलम् । काञ्चनं रजतं चैव विद्रुमं च महाधनम् ॥

candanāguruvastrāṇi maṇimauktikakambalam | kāñcanaṃ rajataṃ caiva vidrumaṃ ca mahādhanam

sandalwood, aloe-wood and garments, gems, pearls and blankets, gold and silver, and coral of great value.

Verse 30 (2.31.30)

ते कोटीशतसङ्ख्येन कौन्तेयं महता तदा । अभ्यवर्षन्महात्मानं धनवर्षेण पाण्डवम् ॥

te koṭīśatasaṅkhyena kaunteyaṃ mahatā tadā | abhyavarṣanmahātmānaṃ dhanavarṣeṇa pāṇḍavam

Then they showered the great-souled Pandava, son of Kunti, with a mighty rain of wealth numbering hundreds of crores.

Verse 31 (2.31.31)

इन्द्रप्रस्थमुपागम्य भीमो भीमपराक्रमः । निवेदयामास तदा धर्मराजाय तद्धनम् ॥

indraprasthamupāgamya bhīmo bhīmaparākramaḥ | nivedayāmāsa tadā dharmarājāya taddhanam

Returning to Indraprastha, Bhima of fearsome prowess then laid all that wealth before Yudhishthira, the King of Dharma.