Krishna Arrives and the Rajasuya Begins

Verse 1 (2.36.1)

रक्षणाद्धर्मराजस्य सत्यस्य परिपालनात् । शत्रूणां क्षपणाच्चैव स्वकर्मनिरताः प्रजाः ॥

rakṣaṇāddharmarājasya satyasya paripālanāt | śatrūṇāṃ kṣapaṇāccaiva svakarmaniratāḥ prajāḥ

Through the Dharma king's protection, his upholding of truth and his destruction of enemies, his subjects were each devoted to their own work.

Verse 2 (2.36.2)

बलीनां सम्यगादानाद्धर्मतश्चानुशासनात् । निकामवर्षी पर्जन्यः स्फीतो जनपदोऽभवत् ॥

balīnāṃ samyagādānāddharmataścānuśāsanāt | nikāmavarṣī parjanyaḥ sphīto janapado'bhavat

Because taxes were collected justly and the land was governed by dharma, the rain-cloud rained as much as was wished and the countryside flourished.

Verse 3 (2.36.3)

सर्वारम्भाः सुप्रवृत्ता गोरक्षा कर्षणं वणिक् । विशेषात्सर्वमेवैतत्सञ्जज्ञे राजकर्मणः ॥

sarvārambhāḥ supravṛttā gorakṣā karṣaṇaṃ vaṇik | viśeṣātsarvamevaitatsañjajñe rājakarmaṇaḥ

Every undertaking prospered — cattle-keeping, farming and trade. Above all, all this came about through the king's conduct.

Verse 4 (2.36.4)

दस्युभ्यो वञ्चकेभ्यो वा राजन्प्रति परस्परम् । राजवल्लभतश्चैव नाश्रूयन्त मृषागिरः ॥

dasyubhyo vañcakebhyo vā rājanprati parasparam | rājavallabhataścaiva nāśrūyanta mṛṣāgiraḥ

O king, no false words were heard anywhere — not from robbers, not from cheats against one another, and not from the king's favourites.

Verse 5 (2.36.5)

अवर्षं चातिवर्षं च व्याधिपावकमूर्छनम् । सर्वमेतत्तदा नासीद्धर्मनित्ये युधिष्ठिरे ॥

avarṣaṃ cātivarṣaṃ ca vyādhipāvakamūrchanam | sarvametattadā nāsīddharmanitye yudhiṣṭhire

Drought, flood, disease and the outbreak of fire — none of these existed then, while Yudhishthira was devoted to dharma.

Verse 6 (2.36.6)

प्रियं कर्तुमुपस्थातुं बलिकर्म स्वभावजम् । अभिहर्तुं नृपा जग्मुर्नान्यैः कार्यैः कथञ्चन ॥

priyaṃ kartumupasthātuṃ balikarma svabhāvajam | abhihartuṃ nṛpā jagmurnānyaiḥ kāryaiḥ kathañcana

Kings came to him to do him a kindness, to wait upon him and to bring the tribute that was their natural due — and on no other business at all.

Note on the text: Corrected कथञ्चनः → कथञ्चन (misprint in Wikisource; stray visarga on the indeclinable). The critical edition reads pṛthak pṛthak here.

Verse 7 (2.36.7)

धर्म्यैर्धनागमैस्तस्य ववृधे निचयो महान् । कर्तुं यस्य न शक्येत क्षयो वर्षशतैरपि ॥

dharmyairdhanāgamaistasya vavṛdhe nicayo mahān | kartuṃ yasya na śakyeta kṣayo varṣaśatairapi

Through his righteous sources of income his store of wealth grew so great that it could not have been exhausted even in a hundred years.

Note on the text: Corrected धर्मैर्धनागमैः → धर्म्यैर्धनागमैः (misprint in Wikisource; dropped य, the adjective "righteous" must agree with धनागमैः, as the critical edition reads dharmyair). Corrected ववधे → ववृधे (misprint in Wikisource; dropped vowel sign ृ, the critical edition reads vavṛdhe). Corrected शक्येन → शक्येत (misprint in Wikisource; the verb शक्येत is required, as the critical edition reads śakyeta).

Verse 8 (2.36.8)

स्वकोष्ठस्य परीमाणं कोशस्य च महीपतिः । विज्ञाय राजा कौन्तेयो यज्ञायैव मनो दधे ॥

svakoṣṭhasya parīmāṇaṃ kośasya ca mahīpatiḥ | vijñāya rājā kaunteyo yajñāyaiva mano dadhe

Learning the size of his granary and his treasury, King Yudhishthira, son of Kunti, lord of the earth, set his mind upon a sacrifice.

Verse 9 (2.36.9)

सुहृदश्चैव ये सर्वे पृथक्च सहचाब्रुवन् । यज्ञकालस्तव विभो क्रियतामत्र साम्प्रतम् ॥

suhṛdaścaiva ye sarve pṛthakca sahacābruvan | yajñakālastava vibho kriyatāmatra sāmpratam

And all who were his friends, singly and together, said to him: "The time for your sacrifice has come, lord; let it be performed now."

Verse 10 (2.36.10)

अथैवं ब्रुवतामेव तेषामभ्याययौ हरिः । ऋषिः पुराणो वेदात्मा दृश्यश्चैव विजानताम् ॥

athaivaṃ bruvatāmeva teṣāmabhyāyayau hariḥ | ṛṣiḥ purāṇo vedātmā dṛśyaścaiva vijānatām

While they were speaking thus, Hari arrived — the ancient seer whose self is the Veda, visible to those who know;

Verse 11 (2.36.11)

जगतस्तस्थुषां श्रेष्ठः प्रभवश्चाप्ययश्च ह । भूतभव्यभवन्नाथः केशवः केशिसूदनः ॥

jagatastasthuṣāṃ śreṣṭhaḥ prabhavaścāpyayaśca ha | bhūtabhavyabhavannāthaḥ keśavaḥ keśisūdanaḥ

the highest of all that moves and stands still, its origin and its dissolution, lord of past, future and present — Keshava, slayer of Keshin;

Verse 12 (2.36.12)

प्राकारः सर्ववृष्णीनामापत्स्वभयदोऽरिहा । बलाधिकारे निक्षिप्य सम्यगानकदुन्दुभिम् ॥

prākāraḥ sarvavṛṣṇīnāmāpatsvabhayado'rihā | balādhikāre nikṣipya samyagānakadundubhim

the rampart of all the Vrishnis, giver of safety in misfortune, destroyer of enemies. Having duly placed Anakadundubhi in command of the army,

Verse 13 (2.36.13)

उच्चावचमुपादाय धर्मराजाय माधवः । धनौघं पुरुषव्याघ्रो बलेन महता वृतः ॥

uccāvacamupādāya dharmarājāya mādhavaḥ | dhanaughaṃ puruṣavyāghro balena mahatā vṛtaḥ

Madhava, tiger among men, came with a great force, bringing for the Dharma king a flood of wealth of every kind.

Verse 14 (2.36.14)

तं धनौघमपर्यन्तं रत्नसागरमक्षयम् । नादयन्रथघोषेण प्रविवेश पुरोत्तमम् ॥

taṃ dhanaughamaparyantaṃ ratnasāgaramakṣayam | nādayanrathaghoṣeṇa praviveśa purottamam

With that boundless flood of wealth, an inexhaustible ocean of jewels, he entered the finest of cities, making it echo with the roar of his chariots.

Note on the text: Corrected प्रविशेश → प्रविवेश (misprint in Wikisource; the perfect of विश्, as the critical edition reads praviveśa).

Verse 15 (2.36.15)

पूर्णमापूरयंस्तेषां द्विषच्छोकावहोऽभवत् । असूर्यमिव सूर्येण निवातमिव वायुना । कृष्णेन समुपेतेन जहृषे भारतं पुरम् ॥

pūrṇamāpūrayaṃsteṣāṃ dviṣacchokāvaho'bhavat | asūryamiva sūryeṇa nivātamiva vāyunā | kṛṣṇena samupetena jahṛṣe bhārataṃ puram

Filling their treasury to the brim, he became a source of grief to their enemies. As a sunless place is gladdened by the sun and a windless place by the breeze, so the city of the Bharatas rejoiced at Krishna's coming.

Note on the text: The first line is not in the critical edition (found in the vulgate recension); the second and third lines = 2.30.15 (aligned by hand).

Verse 16 (2.36.16)

तं मुदाऽभिसमागम्य सत्कृत्य च यथाविधि । स पृष्ट्वा कुशलं चैव सुखासीनं युधिष्ठिरः ॥

taṃ mudā'bhisamāgamya satkṛtya ca yathāvidhi | sa pṛṣṭvā kuśalaṃ caiva sukhāsīnaṃ yudhiṣṭhiraḥ

Yudhishthira met him with joy, honoured him with due rites, and when he was comfortably seated asked after his welfare.

Verse 17 (2.36.17)

धौम्यद्वैपायनमुखैर्ऋत्विग्भिः पुरुषर्षभः । भीमार्जुनयमैश्चैव सहितः कृष्णमब्रवीत् ॥

dhaumyadvaipāyanamukhairṛtvigbhiḥ puruṣarṣabhaḥ | bhīmārjunayamaiścaiva sahitaḥ kṛṣṇamabravīt

Then that bull among men, with the priests led by Dhaumya and Dvaipayana, and with Bhima, Arjuna and the twins, said to Krishna:

Note on the text: Corrected म्यद्वैपायन → धौम्यद्वैपायन (misprint in Wikisource; the first akshara of Dhaumya's name has dropped out, leaving the line a syllable short; the critical edition reads dhaumyadvaipāyana).

Verse 18 (2.36.18)

त्वत्कृते पृथिवी सर्वा मद्वशे कृष्ण वर्तते । धनं च बहु वार्ष्णेय त्वत्प्रसादादुपार्जितम् ॥

tvatkṛte pṛthivī sarvā madvaśe kṛṣṇa vartate | dhanaṃ ca bahu vārṣṇeya tvatprasādādupārjitam

Because of you, Krishna, the whole earth is under my sway, and through your grace, descendant of Vrishni, great wealth has been won.

Verse 19 (2.36.19)

सोऽहमिच्छामि तत्सर्वं विधिवद्देवकीसुत । उपयोक्तुं द्विजाग्र्येभ्यो हव्यवाहे च माधव ॥

so'hamicchāmi tatsarvaṃ vidhivaddevakīsuta | upayoktuṃ dvijāgryebhyo havyavāhe ca mādhava

I wish to use all of it as the rites prescribe, son of Devaki, on the foremost of the twice-born and in the fire that carries the offerings, Madhava.

Verse 20 (2.36.20)

तदहं यष्टुमिच्छामि दाशार्ह सहितस्त्वया । अनुजैश्च महाबाहो तन्माऽनुज्ञातुमर्हसि ॥

tadahaṃ yaṣṭumicchāmi dāśārha sahitastvayā | anujaiśca mahābāho tanmā'nujñātumarhasi

I wish to sacrifice, descendant of Dasharha, together with you and my younger brothers. Mighty-armed one, give me your leave.

Verse 21 (2.36.21)

तद्दीक्षापय गोविन्द त्वमात्मानं महाभुज । त्वयीष्टवति दाशार्ह विपाप्मा भविता ह्यहम् ॥

taddīkṣāpaya govinda tvamātmānaṃ mahābhuja | tvayīṣṭavati dāśārha vipāpmā bhavitā hyaham

Or have yourself consecrated, Govinda, mighty-armed one; for once you have sacrificed, descendant of Dasharha, I shall be freed from sin.

Verse 22 (2.36.22)

मां वाप्यभ्यनुजानीहि सहैभिरनुजैर्विभो । अनुज्ञातस्त्वया कृष्ण प्राप्नुयां क्रतुमुत्तमम् ॥

māṃ vāpyabhyanujānīhi sahaibhiranujairvibho | anujñātastvayā kṛṣṇa prāpnuyāṃ kratumuttamam

Or give your consent to me, lord, together with these brothers of mine; with your leave, Krishna, I may attain the supreme rite.

Note on the text: Corrected अभ्यनुजानीह → अभ्यनुजानीहि (misprint in Wikisource; the imperative ending has lost its vowel sign, as the critical edition reads abhyanujānīhi).

Verse 23 (2.36.23)

तं कृष्णः प्रत्युवाचेदं बहूक्त्वा गुणविस्तरम् । त्वमेव राजशार्दूल सम्राडर्हो महाक्रतुम् । सम्प्राप्नुहि त्वया प्राप्ते कृतकृत्यास्ततो वयम् ॥

taṃ kṛṣṇaḥ pratyuvācedaṃ bahūktvā guṇavistaram | tvameva rājaśārdūla samrāḍarho mahākratum | samprāpnuhi tvayā prāpte kṛtakṛtyāstato vayam

Krishna, after speaking at length of his virtues, replied: "You alone, tiger among kings, are a sovereign worthy of the great rite. Undertake it; when you have achieved it, we too shall have fulfilled our purpose.

Note on the text: Corrected कृष्णःस → कृष्णः (misprint in Wikisource; a stray स makes the line a syllable too long; the critical edition reads kṛṣṇaḥ pratyuvāca). Corrected रम्राडर्हो → सम्राडर्हो (misprint in Wikisource; सम्राट् "sovereign", as the critical edition reads samrāḍ).

Verse 24 (2.36.24)

यजस्वाभीप्सितं यज्ञं मयि श्रेयस्यवस्थिते । नियुङ्क्ष्व त्वं च मां कृत्ये सर्वं कर्तास्मि ते वचः ॥

yajasvābhīpsitaṃ yajñaṃ mayi śreyasyavasthite | niyuṅkṣva tvaṃ ca māṃ kṛtye sarvaṃ kartāsmi te vacaḥ

Perform the sacrifice you long for, while I stand ready for your good. Appoint me too to some task; I will carry out every word you say."

Note on the text: Corrected यदस्वाभीप्सितं → यजस्वाभीप्सितं (misprint in Wikisource; the imperative यजस्व "sacrifice", as the critical edition reads yajasva). Krishna's reply continues here with no printed heading; the speaker is given as Krishna.

Verse 25 (2.36.25)

सफलः कृष्ण सङ्कल्पः सिद्धिश्च नियता मम । यस्य मे त्वं हृषीकेश यथेप्सितमुपस्थितः ॥

saphalaḥ kṛṣṇa saṅkalpaḥ siddhiśca niyatā mama | yasya me tvaṃ hṛṣīkeśa yathepsitamupasthitaḥ

My resolve has borne fruit, Krishna, and my success is assured, since you, Hrishikesha, have come to me just as I wished.

Note on the text: Separated यस्यमे → यस्य मे (word division lost in Wikisource). The verse = 2.30.25ab of the critical edition (aligned by hand).

Verse 26 (2.36.26)

अनुज्ञातस्तु कृष्णेन पाण्डवो भ्रातृभिः सह । ईजितुं राजसूयेन साधनान्युपचक्रमे ॥

anujñātastu kṛṣṇena pāṇḍavo bhrātṛbhiḥ saha | ījituṃ rājasūyena sādhanānyupacakrame

With Krishna's leave, the son of Pandu, together with his brothers, began to gather the means of sacrificing with the Rajasuya.

Verse 27 (2.36.27)

ततस्त्वाज्ञापयामास पाण्डवोऽरिनिबर्हणः । सहदेवं युधां श्रेष्ठं मन्त्रिणश्चैव सर्वशः ॥

tatastvājñāpayāmāsa pāṇḍavo'rinibarhaṇaḥ | sahadevaṃ yudhāṃ śreṣṭhaṃ mantriṇaścaiva sarvaśaḥ

Then the Pandava, destroyer of foes, gave his orders to Sahadeva, best of warriors, and to all his ministers:

Verse 28 (2.36.28)

अस्मिन्क्रतौ यथोक्तानि यज्ञाङ्गानि द्विजातिभिः । यथोपकरणं सर्वं मङ्गलानि च सर्वशः ॥

asminkratau yathoktāni yajñāṅgāni dvijātibhiḥ | yathopakaraṇaṃ sarvaṃ maṅgalāni ca sarvaśaḥ

For this rite, the components of the sacrifice as the twice-born have prescribed them, all the implements needed, and every auspicious article,

Note on the text: Corrected द्व्जातिभिः → द्विजातिभिः (misprint in Wikisource; dropped vowel sign ि). Yudhishthira's orders continue here with no printed heading; the speaker is given as Yudhishthira.

Verse 29 (2.36.29)

अधियज्ञांश्च सम्भारान्धौम्योक्तान्क्षिप्रमेव हि । समानयन्तु पुरुषा यथायोगं यथाक्रमम् ॥

adhiyajñāṃśca sambhārāndhaumyoktānkṣiprameva hi | samānayantu puruṣā yathāyogaṃ yathākramam

and the sacrificial materials that Dhaumya has named — let men bring them quickly, each in its proper way and order.

Note on the text: Corrected दौम्योक्तान् → धौम्योक्तान् (misprint in Wikisource; Dhaumya's name, as the critical edition reads dhaumyoktān). Yudhishthira's orders continue here with no printed heading; the speaker is given as Yudhishthira.

Verse 30 (2.36.30)

इन्द्रसेनो विशोकश्च पूरुश्चार्जुनसारथिः । अन्नाद्याहरणे युक्ताः सन्तु मत्प्रियकाम्यया ॥

indraseno viśokaśca pūruścārjunasārathiḥ | annādyāharaṇe yuktāḥ santu matpriyakāmyayā

Let Indrasena, Vishoka and Puru, Arjuna's charioteer, be charged with procuring food and provisions, to please me.

Note on the text: Corrected पूरश्चार्जुनसारथिः → पूरुश्चार्जुनसारथिः (misprint in Wikisource; the charioteer's name is Puru, as the critical edition reads pūruś). Yudhishthira's orders continue here with no printed heading; the speaker is given as Yudhishthira.

Verse 31 (2.36.31)

सर्वकामाश्च कार्यन्तां रसगन्धसमन्विताः । मनोरथप्रीतिकरा द्विजानां कुरुसत्तम ॥

sarvakāmāśca kāryantāṃ rasagandhasamanvitāḥ | manorathaprītikarā dvijānāṃ kurusattama

Let every kind of desirable dish be prepared, full of flavour and fragrance, such as will delight the hearts of the twice-born, best of the Kurus.

Note on the text: Yudhishthira's orders continue here with no printed heading; the speaker is given as Yudhishthira.

Verse 32 (2.36.32)

तद्वाक्यसमकालं च कृतं सर्वं न्यवेदयत् । सहदेवो युधां श्रेष्ठो धर्मराजे युधिष्ठिरे ॥

tadvākyasamakālaṃ ca kṛtaṃ sarvaṃ nyavedayat | sahadevo yudhāṃ śreṣṭho dharmarāje yudhiṣṭhire

No sooner was the command given than Sahadeva, best of warriors, reported to the Dharma king Yudhishthira that everything had been done.

Note on the text: Corrected धर्मराजो → धर्मराजे (misprint in Wikisource; the title must agree with the locative युधिष्ठिरे, as the critical edition reads dharmarāje mahātmani).

Verse 33 (2.36.33)

ततो द्वैपायनो राजन्नृत्विजः समुपानयत् । वेदानिव महाभागान्साक्षान्मूर्तिमतो द्विजान् ॥

tato dvaipāyano rājannṛtvijaḥ samupānayat | vedāniva mahābhāgānsākṣānmūrtimato dvijān

Then, O king, Dvaipayana brought the officiating priests, twice-born men of great fortune, like the Vedas themselves in bodily form.

Verse 34 (2.36.34)

स्वयं ब्रह्मत्वमकरोत्तस्य सत्यवतीसुतः । धनञ्जयानामृषभः सुसामा सामगोऽभवत् ॥

svayaṃ brahmatvamakarottasya satyavatīsutaḥ | dhanañjayānāmṛṣabhaḥ susāmā sāmago'bhavat

The son of Satyavati himself took the office of the Brahman priest; Susaman, foremost of the Dhananjayas, became the singer of the Saman.

Verse 35 (2.36.35)

याज्ञवल्क्यो बभूवाथ ब्रह्मिष्ठोऽध्वर्युसत्तमः । पैलो होता वसोः पुत्रो धौम्येन सहितोऽभवत् ॥

yājñavalkyo babhūvātha brahmiṣṭho'dhvaryusattamaḥ | pailo hotā vasoḥ putro dhaumyena sahito'bhavat

Yajnavalkya, most steeped in the Veda, became the chief Adhvaryu; Paila, son of Vasu, together with Dhaumya, became the Hotri.

Verse 36 (2.36.36)

एतेषां पुत्रवर्गाश्च शिष्याश्च भरतर्षभ । बभूवुर्होत्रगाः सर्वे वेदवेदाङ्गपारगाः ॥

eteṣāṃ putravargāśca śiṣyāśca bharatarṣabha | babhūvurhotragāḥ sarve vedavedāṅgapāragāḥ

Their sons and disciples, O bull of the Bharatas, all masters of the Vedas and Vedangas, became the assistant priests.

Verse 37 (2.36.37)

ते वाचयित्वा पुण्याहमूहयित्वा च तं विधिम् । शास्त्रोक्तं पूजयामासुस्तद्देवयजनं महत् ॥

te vācayitvā puṇyāhamūhayitvā ca taṃ vidhim | śāstroktaṃ pūjayāmāsustaddevayajanaṃ mahat

Having had the auspicious day proclaimed and having considered the rite, they worshipped the great place of sacrifice as the scriptures enjoin.

Verse 38 (2.36.38)

तत्र चक्रुरनुज्ञाताः शरणान्युत शिल्पिनः । गन्धवन्ति विशालानि वेश्मानीव दिवौकसाम् ॥

tatra cakruranujñātāḥ śaraṇānyuta śilpinaḥ | gandhavanti viśālāni veśmānīva divaukasām

There, with leave, the craftsmen built dwellings, spacious and fragrant, like the mansions of the gods.

Verse 39 (2.36.39)

तत आज्ञापयामास स राजा राजसत्तमः । सहदेवं तदा सद्यो मन्त्रिणं पुरुषर्षभः ॥

tata ājñāpayāmāsa sa rājā rājasattamaḥ | sahadevaṃ tadā sadyo mantriṇaṃ puruṣarṣabhaḥ

Then the king, best of kings and bull among men, at once commanded Sahadeva, his minister:

Verse 40 (2.36.40)

आमन्त्रणार्थं दूतांस्त्वं प्रेषयस्वाशुगान्द्रुतम् । उपश्रुत्य वचो राज्ञः स दूतान्प्राहिणोत्तदा ॥

āmantraṇārthaṃ dūtāṃstvaṃ preṣayasvāśugāndrutam | upaśrutya vaco rājñaḥ sa dūtānprāhiṇottadā

"Send out swift messengers at once to carry the invitations." Hearing the king's words, he dispatched messengers then:

Verse 41 (2.36.41)

आमन्त्रयध्वं राष्ट्रेषु ब्राह्मणान्भूमिपानथ । विशश्च मान्याञ्शूद्रांश्च सर्वानानयतेति च ॥

āmantrayadhvaṃ rāṣṭreṣu brāhmaṇānbhūmipānatha | viśaśca mānyāñśūdrāṃśca sarvānānayateti ca

"In every kingdom invite the brahmins and the rulers of the land, the honoured vaishyas and the shudras — bring them all."

Note on the text: Corrected विनाश्च → विशश्च (misprint in Wikisource; विशः "the vaishyas", listed with brahmins, kings and shudras, as the critical edition reads viśaś).

Verse 42 (2.36.42)

ते सर्वान्पृथिवीपालान्पाण्डवेयस्य शासनात् । आमन्त्रयाम्बभूवुस्ते प्रेषयामास चापरान् ॥

te sarvānpṛthivīpālānpāṇḍaveyasya śāsanāt | āmantrayāmbabhūvuste preṣayāmāsa cāparān

At the Pandava's command they invited all the rulers of the earth, and he sent out still other messengers.

Verse 43 (2.36.43)

दूताश्च वाहनैर्जग्मू राष्ट्राणि सुबहून्यपि । ततो युधिष्ठिरो राजा प्रेषयामास पाण्डवम् ॥

dūtāśca vāhanairjagmū rāṣṭrāṇi subahūnyapi | tato yudhiṣṭhiro rājā preṣayāmāsa pāṇḍavam

The messengers went on their mounts to a great many kingdoms. Then King Yudhishthira sent the Pandava

Note on the text: Corrected जग्भू → जग्मू (misprint in Wikisource; the verb जग्मुः, with its visarga dropped before र). The first line is not in the critical edition (found in the vulgate recension); the second line = 2.30.53ab, where it follows the account of the sacrifice (aligned by hand).

Verse 44 (2.36.44)

नकुलं हास्तिनपुरं भीष्माय भरतर्षभ । द्रोणाय धृतराष्ट्राय विदुराय कृपाय च । भ्रातृणां चैव सर्वेषां येऽनुरक्ता युधिष्ठिरे ॥

nakulaṃ hāstinapuraṃ bhīṣmāya bharatarṣabha | droṇāya dhṛtarāṣṭrāya vidurāya kṛpāya ca | bhrātṛṇāṃ caiva sarveṣāṃ ye'nuraktā yudhiṣṭhire

Nakula to Hastinapura, O bull of the Bharatas, for Bhishma, Drona, Dhritarashtra, Vidura and Kripa, and for all those of his brothers who were devoted to Yudhishthira.

Note on the text: Corrected सर्वेणां → सर्वेषां (misprint in Wikisource; genitive plural of सर्व, as the critical edition reads sarveṣāṃ). The first line = 2.30.53cd of the critical edition and the second and third = 2.30.54 (aligned by hand).

Verse 45 (2.36.45)

ततस्ते तु यथाकालं कुन्तीपुत्रं युधिष्ठिरम् । दीक्षयाञ्चक्रिरे विप्रा राजसूयाय भारत ॥

tataste tu yathākālaṃ kuntīputraṃ yudhiṣṭhiram | dīkṣayāñcakrire viprā rājasūyāya bhārata

Then, at the proper time, O Bharata, the brahmins consecrated Kunti's son Yudhishthira for the Rajasuya.

Verse 46 (2.36.46)

ज्येष्ठामूले अमावास्यां मृगाजिनसमावृतः । रौरवाजिनसंवीतो नवनीताक्तदेहवान् ॥

jyeṣṭhāmūle amāvāsyāṃ mṛgājinasamāvṛtaḥ | rauravājinasaṃvīto navanītāktadehavān

On the new-moon day of the month of Jyeshtha, clad in a black antelope's skin, wrapped in the hide of a ruru deer, his body anointed with fresh butter,

Note on the text: Removed stray wiki marks (` and '). Not in the critical edition (found in the vulgate recension).

Verse 47 (2.36.47)

दीक्षितः स तु धर्मात्मा धर्मराजो युधिष्ठिरः । जगाम यज्ञायतनं वृतो विप्रैः सहस्रशः ॥

dīkṣitaḥ sa tu dharmātmā dharmarājo yudhiṣṭhiraḥ | jagāma yajñāyatanaṃ vṛto vipraiḥ sahasraśaḥ

the righteous Dharma king Yudhishthira, now consecrated, went to the place of sacrifice, surrounded by brahmins in their thousands,

Verse 48 (2.36.48)

भ्रातृभिर्ज्ञातिभिश्चैव सुहृद्भिः सचिवैः सह । क्षत्रियैश्च मनुष्येन्द्रैर्नानादेशसमागतैः ॥

bhrātṛbhirjñātibhiścaiva suhṛdbhiḥ sacivaiḥ saha | kṣatriyaiśca manuṣyendrairnānādeśasamāgataiḥ

with his brothers, kinsmen, friends and counsellors, with kshatriya lords of men gathered from many lands,

Note on the text: Corrected भातृभिः → भ्रातृभिः (misprint in Wikisource; broken conjunct, as the critical edition reads bhrātṛbhir). The verse = 2.30.45abcd of the critical edition (aligned by hand).

Verse 49 (2.36.49)

अमात्यैश्च नरश्रेष्ठो धर्मो विग्रहवानिव । आजग्मुर्ब्राह्मणास्तत्र विषयेभ्यस्ततस्ततः ॥

amātyaiśca naraśreṣṭho dharmo vigrahavāniva | ājagmurbrāhmaṇāstatra viṣayebhyastatastataḥ

and with his ministers — that best of men, like Dharma in bodily form. Brahmins came there from every land,

Note on the text: The first line = 2.30.45ef of the critical edition and the second = 2.30.46ab (aligned by hand).

Verse 50 (2.36.50)

सर्वविद्यासु निष्णाता वेदवेदाङ्गपारगाः । तेषामावसथांश्चक्रुर्धर्मराजस्य शासनात् ॥

sarvavidyāsu niṣṇātā vedavedāṅgapāragāḥ | teṣāmāvasathāṃścakrurdharmarājasya śāsanāt

skilled in every branch of learning, masters of the Vedas and Vedangas. At the Dharma king's command, dwellings were built for them,

Note on the text: The first line = 2.30.46cd of the critical edition and the second = 2.30.47ab (aligned by hand).

Verse 51 (2.36.51)

बह्वन्नाच्छादनैर्युक्तान्सगणानां पृथक् पृथक् । सर्वर्तुगुणसम्पन्नाञ्शिल्पिनोऽथ सहस्रशः ॥

bahvannācchādanairyuktānsagaṇānāṃ pṛthak pṛthak | sarvartuguṇasampannāñśilpino'tha sahasraśaḥ

furnished with plenty of food and coverings, separate for each group and its followers, and supplied with the comforts of every season; craftsmen built them in their thousands.

Note on the text: The verse = 2.30.47cdef of the critical edition, which reads śayanair for आच्छादनैः (aligned by hand).

Verse 52 (2.36.52)

तेषु ते न्यवसन्राजन्ब्राह्मणा नृपसत्कृताः । कथयन्तः कथा बह्वीः पश्यन्तो नटनर्तकान् ॥

teṣu te nyavasanrājanbrāhmaṇā nṛpasatkṛtāḥ | kathayantaḥ kathā bahvīḥ paśyanto naṭanartakān

There the brahmins lived, O king, honoured by the king, telling many tales and watching actors and dancers.

Verse 53 (2.36.53)

भुञ्जतां चैव विप्राणां वदतां च महास्वनः । अनिशं श्रूयते तत्र मुदितानां महात्मनाम् ॥

bhuñjatāṃ caiva viprāṇāṃ vadatāṃ ca mahāsvanaḥ | aniśaṃ śrūyate tatra muditānāṃ mahātmanām

The great clamour of those joyful, great-souled brahmins, eating and talking, was heard there day and night.

Verse 54 (2.36.54)

दीयतां दीयतामेषां भुज्यतां भुज्यतामिति । एवम्प्रकाराः सञ्जल्पाः श्रूयन्ते स्मात्र नित्यशः ॥

dīyatāṃ dīyatāmeṣāṃ bhujyatāṃ bhujyatāmiti | evamprakārāḥ sañjalpāḥ śrūyante smātra nityaśaḥ

"Give, give to them! Eat, eat!" — such cries were heard there constantly.

Note on the text: Separated श्रूयन्तेस्मात्र → श्रूयन्ते स्मात्र (word division lost in Wikisource).

Verse 55 (2.36.55)

गवां शतसहस्राणि शयनानां च भारत । रुक्मस्य योषितां चैव धर्मराजः पृथक् ददौ ॥

gavāṃ śatasahasrāṇi śayanānāṃ ca bhārata | rukmasya yoṣitāṃ caiva dharmarājaḥ pṛthak dadau

The Dharma king gave away cows by the hundred thousand, and beds, gold and maidens, O Bharata, each in its own measure.

Verse 56 (2.36.56)

प्रावर्ततैव यज्ञः स पाण्डवस्य महात्मनः । पृथिव्यामेकवीरस्य शक्रस्येव त्रिविष्टपे ॥

prāvartataiva yajñaḥ sa pāṇḍavasya mahātmanaḥ | pṛthivyāmekavīrasya śakrasyeva triviṣṭape

So proceeded the sacrifice of the great-souled Pandava, the one hero on earth, like Shakra's sacrifice in heaven.