Yudhishthira Answers the Summons to Dice

Verse 1 (2.83.1)

ततः प्रायाद्विदुरोऽश्वैरुदारै- । र्महाजवैर्बलिभिः साधु दान्तैः । बलान्नियुक्तो धृतराष्ट्रेण राज्ञा । मनीषिणां पाण्डवानां सकाशे ॥

tataḥ prāyādviduro'śvairudārai- | rmahājavairbalibhiḥ sādhu dāntaiḥ | balānniyukto dhṛtarāṣṭreṇa rājñā | manīṣiṇāṃ pāṇḍavānāṃ sakāśe

Then Vidura set out with noble horses, very swift, strong and well trained, sent under compulsion by King Dhritarashtra to the presence of the wise Pandavas.

Verse 2 (2.83.2)

सोऽभिपत्य तदध्वानमासाद्य नृपतेः पुरम् । प्रविवेश महाबुद्धिः पूज्यमानो द्विजातिभिः ॥

so'bhipatya tadadhvānamāsādya nṛpateḥ puram | praviveśa mahābuddhiḥ pūjyamāno dvijātibhiḥ

Covering that road, the wise Vidura reached the king's city and entered it, honoured by the twice-born.

Verse 3 (2.83.3)

स राजगृहमासाद्य कुबेरभवनोपमम् । अभ्यागच्छत धर्मात्मा धर्मपुत्रं युधिष्ठिरम् ॥

sa rājagṛhamāsādya kuberabhavanopamam | abhyāgacchata dharmātmā dharmaputraṃ yudhiṣṭhiram

Arriving at the royal palace, which was like the mansion of Kubera, the righteous Vidura went to Yudhishthira, the son of Dharma.

Verse 4 (2.83.4)

तं वै राजा सत्यधृतिर्महात्मा । अजातशत्रुर्विदुरं यथावत् । पूजापूर्वं प्रतिगृह्याजमीढ- । स्ततोऽपृच्छद्धृतराष्ट्रं सपुत्रम् ॥

taṃ vai rājā satyadhṛtirmahātmā | ajātaśatrurviduraṃ yathāvat | pūjāpūrvaṃ pratigṛhyājamīḍha- | stato'pṛcchaddhṛtarāṣṭraṃ saputram

The great-souled king, steadfast in truth, Ajatashatru of the line of Ajamidha, received Vidura with due honour and then asked after Dhritarashtra and his sons.

Verse 5 (2.83.5)

विज्ञायते ते मनसोऽप्रहर्षः । कच्चित्क्षत्तः कुशलेनागतोऽसि । कच्चित्पुत्राः स्थविरस्यानुलोमा । वशानुगाश्चापि विशोऽथ कच्चित् ॥

vijñāyate te manaso'praharṣaḥ | kaccitkṣattaḥ kuśalenāgato'si | kaccitputrāḥ sthavirasyānulomā | vaśānugāścāpi viśo'tha kaccit

"Your mind seems to be without cheer. Have you come in good health, Kshatta? Are the old king's sons obedient to him? And are the people under his control?"

Verse 6 (2.83.6)

राजा महात्मा कुशली सपुत्र । आस्ते वृतो ज्ञातिभिरिन्द्रकल्पः । प्रीतो राजन्पुत्रगुणैर्विनीतो । विशोक एवात्मरतिर्महात्मा ॥

rājā mahātmā kuśalī saputra | āste vṛto jñātibhirindrakalpaḥ | prīto rājanputraguṇairvinīto | viśoka evātmaratirmahātmā

"The great-souled king is well, and so are his sons. He lives surrounded by his kinsmen, like Indra. He is pleased, O king, with the virtues of his sons; he is disciplined, free from sorrow and content in himself, the great-souled one.

Verse 7 (2.83.7)

इदं तु त्वां कुरुराजोऽभ्युवाच । पूर्वं पृष्ट्वा कुशलं चाव्ययं च । इयं सभा त्वत्सभातुल्यरूपा । भ्रातॄणां ते दृश्यतामेत्य पुत्र ॥

idaṃ tu tvāṃ kururājo'bhyuvāca | pūrvaṃ pṛṣṭvā kuśalaṃ cāvyayaṃ ca | iyaṃ sabhā tvatsabhātulyarūpā | bhrātṝṇāṃ te dṛśyatāmetya putra

"But after first asking after your welfare and the safety of your wealth, the king of the Kurus told me to say this to you: 'This hall of your brothers, my son, is equal in beauty to your own hall. Come and see it.

Note on the text: Corrected दृस्यताम् → दृश्यताम् (misprint in Wikisource; स for श gives no word).

Verse 8 (2.83.8)

समागम्य भ्रातृभिः पार्थ तस्यां । सुहृद्द्यूतं क्रियतां रम्यतां च । प्रीयामहे भवतां सङ्गमेन । समागताः कुरवश्चापि सर्वे ॥

samāgamya bhrātṛbhiḥ pārtha tasyāṃ | suhṛddyūtaṃ kriyatāṃ ramyatāṃ ca | prīyāmahe bhavatāṃ saṅgamena | samāgatāḥ kuravaścāpi sarve

"'Meet your brothers there, son of Pritha; let there be a friendly game of dice and enjoyment. We shall be glad of your company, and so will all the Kurus gathered here.'

Verse 9 (2.83.9)

दुरोदरा विहिता ये तु तत्र । महात्मना धृतराष्ट्रेण राज्ञा । तान्द्रक्ष्यसे कितवान्सन्निविष्टा- । नित्यागतोऽहं नृपते तज्जुषस्व ॥

durodarā vihitā ye tu tatra | mahātmanā dhṛtarāṣṭreṇa rājñā | tāndrakṣyase kitavānsanniviṣṭā- | nityāgato'haṃ nṛpate tajjuṣasva

"You will see there, seated and ready, the gamblers whom the great-souled King Dhritarashtra has engaged. That is why I have come, O king; accept the invitation."

Verse 10 (2.83.10)

द्यूते क्षत्तः कलहो विद्यते नः । को वै द्यूतं रोचयेद्बुध्यमानः । किं वा भवान्मन्यते युक्तरूपं । भवद्वाक्ये सर्व एव स्थिताः स्मः ॥

dyūte kṣattaḥ kalaho vidyate naḥ | ko vai dyūtaṃ rocayedbudhyamānaḥ | kiṃ vā bhavānmanyate yuktarūpaṃ | bhavadvākye sarva eva sthitāḥ smaḥ

"In dicing, Kshatta, there is strife. Who that has any understanding would take pleasure in dice? Or what do you think is fitting? We all abide by your word."

Note on the text: Corrected को वै रोचतने बुध्यमानः → को वै द्यूतं रोचयेद्बुध्यमानः (misprint in Wikisource; रोचतने gives no word and the line is a syllable short of the metre; the critical edition reads ko vai dyūtaṃ rocayed budhyamānaḥ at 2.52.10). Speaker heading printed as युधिष्ठर; read युधिष्ठिर.

Verse 11 (2.83.11)

जानाम्यहं द्यूतमनर्थमूलं । कृतश्च यत्नोऽस्य मया निवारणे । राजा च मां प्राहिणोत्त्वत्सकाशं । श्रुत्वा विद्वञ्श्रेय इहाचरस्व ॥

jānāmyahaṃ dyūtamanarthamūlaṃ | kṛtaśca yatno'sya mayā nivāraṇe | rājā ca māṃ prāhiṇottvatsakāśaṃ | śrutvā vidvañśreya ihācarasva

"I know that dicing is the root of misfortune, and I tried to prevent it. But the king sent me to you. Now that you have heard, wise one, do what is best here."

Note on the text: Corrected प्राहिमोत् → प्राहिणोत् (misprint in Wikisource; critical edition prāhiṇot at 2.52.11).

Verse 12 (2.83.12)

के तत्रान्ये कितवा दीव्यमाना । विना राज्ञो धृतराष्ट्रस्य पुत्रैः । पृच्छामि त्वां विदुर ब्रूहि नस्तान् । यैर्दीव्यामः शतशः सन्निपत्य ॥

ke tatrānye kitavā dīvyamānā | vinā rājño dhṛtarāṣṭrasya putraiḥ | pṛcchāmi tvāṃ vidura brūhi nastān | yairdīvyāmaḥ śataśaḥ sannipatya

"Who are the other gamblers playing there, besides the sons of King Dhritarashtra? I ask you, Vidura, tell us who they are, with whom we are to sit down and play for stakes in the hundreds."

Verse 13 (2.83.13)

गन्धारराजः शकुनिर्विशाम्पते । राजाऽतिदेवी कृतहस्तो मताक्षः । विविंशतिश्चित्रसेनश्च राजा । सत्यव्रतः पुरुमित्रो जयश्च ॥

gandhārarājaḥ śakunirviśāmpate | rājā'tidevī kṛtahasto matākṣaḥ | viviṃśatiścitrasenaśca rājā | satyavrataḥ purumitro jayaśca

"Shakuni, king of Gandhara, O lord of the people, a king who outplays all others, deft of hand and expert with the dice; and Vivimshati, King Chitrasena, Satyavrata, Purumitra and Jaya."

Note on the text: Corrected विनिंशतिः → विविंशतिः (misprint in Wikisource; the name is Vivimshati, critical edition viviṃśatiś at 2.52.13).

Verse 14 (2.83.14)

महाभयाः कितवाः सन्निविष्टा । मायोपधा देवितारोऽत्र सन्ति । धात्रा तु दिष्टस्य वशे किलेदं । सर्वं जगत्तिष्ठति न स्वतन्त्रम् ॥

mahābhayāḥ kitavāḥ sanniviṣṭā | māyopadhā devitāro'tra santi | dhātrā tu diṣṭasya vaśe kiledaṃ | sarvaṃ jagattiṣṭhati na svatantram

"Fearsome gamblers are gathered there, players who rely on trickery and deceit. Yet this whole world, it is said, stands under the sway of what the Ordainer has decreed; it is not its own master.

Verse 15 (2.83.15)

नाहं राज्ञो धृतराष्ट्रस्य शासना- । न्न गन्तुमिच्छामि कवे दुरोदरम् । इष्टो हि पुत्रस्य पिता सदैव । तदस्मि कर्ता विदुरात्थ मां यथा ॥

nāhaṃ rājño dhṛtarāṣṭrasya śāsanā- | nna gantumicchāmi kave durodaram | iṣṭo hi putrasya pitā sadaiva | tadasmi kartā vidurāttha māṃ yathā

"At King Dhritarashtra's bidding, wise one, I would not refuse to go to the game. A father is always dear to his son; so I will do as you have told me, Vidura.

Verse 16 (2.83.16)

न चाकामः शकुनिना देविताहं । न चेन्मां जिष्णुराह्वयिता सभायाम् । आहूतोऽहं न निवर्ते कदाचित् । तदाहितं शाश्वतं वै व्रतं मे ॥

na cākāmaḥ śakuninā devitāhaṃ | na cenmāṃ jiṣṇurāhvayitā sabhāyām | āhūto'haṃ na nivarte kadācit | tadāhitaṃ śāśvataṃ vai vrataṃ me

"I will not play with Shakuni of my own accord, unless that conqueror challenges me in the hall. But once challenged, I never turn back; that is my settled and lasting vow."

Verse 17 (2.83.17)

एवमुक्त्वा विदुरं धर्मराजः । प्रायात्रिकं सर्वमाज्ञाप्य तूर्णम् । प्रायाच्छ्वोभूते सगणः सानुयात्रः । सह स्त्रीभिर्द्रौपदीमादि कृत्वा ॥

evamuktvā viduraṃ dharmarājaḥ | prāyātrikaṃ sarvamājñāpya tūrṇam | prāyācchvobhūte sagaṇaḥ sānuyātraḥ | saha strībhirdraupadīmādi kṛtvā

Having spoken thus to Vidura, the Dharma king quickly gave orders for all the preparations for the journey, and the next morning he set out with his people and his train, together with the women, Draupadi first among them.

Note on the text: Corrected दौपदामादि → द्रौपदीमादि (misprint in Wikisource; the name is broken, critical edition draupadīm ādikṛtvā at 2.52.17).

Verse 18 (2.83.18)

दैवं हि प्रज्ञां मुष्णाति चक्षुस्तेज इवापतत् । धातुश्च वशमन्वेति पाशैरिव नरः सितः ॥

daivaṃ hi prajñāṃ muṣṇāti cakṣusteja ivāpatat | dhātuśca vaśamanveti pāśairiva naraḥ sitaḥ

"Fate steals away a man's wisdom, as a dazzling light falling on the eye steals its sight; and man follows the will of the Ordainer as though bound with nooses."

Note on the text: Speaker: Wikisource prints no heading here, but the verse is Yudhishthira's saying, as the next verse (इत्युक्त्वा प्रययौ राजा) shows.

Verse 19 (2.83.19)

इत्युक्त्वा प्रययौ राजा सह क्षत्त्रा युधिष्ठिरः । अमृष्यमाणस्तस्याथ समाह्वानमरिन्दमः ॥

ityuktvā prayayau rājā saha kṣattrā yudhiṣṭhiraḥ | amṛṣyamāṇastasyātha samāhvānamarindamaḥ

Having said this, King Yudhishthira, tamer of foes, set out with Kshatta, unable to let that challenge pass.

Note on the text: Corrected क्षत्र्रा → क्षत्त्रा (misprint in Wikisource; the instrumental of क्षत्तृ, critical edition kṣattrā at 2.52.19).

Verse 20 (2.83.20)

बाह्लिकेन रथं यत्तमास्थाय परवीरहा । परिच्छन्नो ययौ पार्थो भ्रातृभिः सह पाण्डवः । राजश्रिया दीप्यमानो ययौ ब्रह्मपुरःसरः ॥

bāhlikena rathaṃ yattamāsthāya paravīrahā | paricchanno yayau pārtho bhrātṛbhiḥ saha pāṇḍavaḥ | rājaśriyā dīpyamāno yayau brahmapuraḥsaraḥ

Mounting the chariot made ready by Bahlika, the slayer of enemy heroes, the son of Pritha, set out with his brothers and his retinue, blazing with royal splendour, with brahmins going before him.

Note on the text: Joined ब्रह्मपुरः सरः → ब्रह्मपुरःसरः (one compound, "with brahmins going before"; printed apart it reads as "lake"). The first two lines are 2.52.20 of the critical edition (which reads dattam for यत्तम्); the third line is its 2.52.21ab.

Verse 21 (2.83.21)

सन्दिदेश ततः प्रेष्यानागतान्नगरं प्रति । ततस्ते नृपशार्दूल चक्रुर्वै नृपशासनम् ॥

sandideśa tataḥ preṣyānāgatānnagaraṃ prati | tataste nṛpaśārdūla cakrurvai nṛpaśāsanam

Then he gave orders to the attendants who had come, concerning the journey to the city; and they, O tiger among kings, carried out the king's command.

Note on the text: Removed a stray wiki mark (`) that opens the inserted passage. Not in the critical edition (found in the vulgate recension; the critical edition prints these lines in its Appendix I, no. 36, lines 1–2, after 2.52.20).

Verse 22 (2.83.22)

ततो राजा महातेजाः संयम्य सपरिच्छदम् । ब्राह्मणैः स्वस्ति वाच्याथ प्रययौ मन्दिराद्बहिः ॥

tato rājā mahātejāḥ saṃyamya saparicchadam | brāhmaṇaiḥ svasti vācyātha prayayau mandirādbahiḥ

Then the glorious king set his retinue in order, had the brahmins pronounce blessings, and went out of his palace.

Note on the text: Corrected ह्मणैः → ब्राह्मणैः (misprint in Wikisource; the first akshara is lost and the line is a syllable short; the appendix reads brāhmaṇaiḥ). Not in the critical edition (found in the vulgate recension; the critical edition prints these lines in its Appendix I, no. 36, lines 3–4, after 2.52.20).

Verse 23 (2.83.23)

ब्राह्मणेभ्यो धनं दत्त्वा गत्यर्थं स यथाविधि । अन्येभ्यः स तु दत्त्वा च गन्तुमेवोपचक्रमे ॥

brāhmaṇebhyo dhanaṃ dattvā gatyarthaṃ sa yathāvidhi | anyebhyaḥ sa tu dattvā ca gantumevopacakrame

He gave wealth to the brahmins for a safe journey, as the rite prescribes, and gifts to others as well, and then made ready to go.

Note on the text: Not in the critical edition (found in the vulgate recension; the critical edition prints these lines in its Appendix I, no. 36, lines 5–6, after 2.52.20).

Verse 24 (2.83.24)

सर्वलक्षणसम्पन्नं राजहंसपरिच्छदम् । तमारुह्य महाराजो गजेन्द्रं षष्टिहायनम् ॥

sarvalakṣaṇasampannaṃ rājahaṃsaparicchadam | tamāruhya mahārājo gajendraṃ ṣaṣṭihāyanam

The great king mounted a lordly elephant sixty years old, endowed with every auspicious mark and decked in trappings white as royal swans.

Note on the text: Not in the critical edition (found in the vulgate recension; the critical edition prints these lines in its Appendix I, no. 36, lines 7–8; Wikisource lacks its line 9, after 2.52.20).

Verse 25 (2.83.25)

हारी किरीटी हेमाभः सर्वाभरणभूषितः । रराज राजन्पार्थो वै परया नृपशोभया ॥

hārī kirīṭī hemābhaḥ sarvābharaṇabhūṣitaḥ | rarāja rājanpārtho vai parayā nṛpaśobhayā

Wearing a necklace and a diadem, gleaming like gold and adorned with every ornament, the son of Pritha shone, O king, with supreme royal splendour,

Note on the text: Not in the critical edition (found in the vulgate recension; the critical edition prints these lines in its Appendix I, no. 36, lines 10–11, after 2.52.20).

Verse 26 (2.83.26)

रुक्मवेदिगतः प्राज्यो ज्वलन्निव हुताशनः । ततो जगाम राजा स प्रहृष्टनरवाहनः ॥

rukmavedigataḥ prājyo jvalanniva hutāśanaḥ | tato jagāma rājā sa prahṛṣṭanaravāhanaḥ

like an ample fire blazing on a golden altar. Then the king set out, his men and his mounts full of joy,

Note on the text: Not in the critical edition (found in the vulgate recension; the critical edition prints these lines in its Appendix I, no. 36, lines 12–13; the appendix reads prājño for प्राज्यो, after 2.52.20).

Verse 27 (2.83.27)

रथघोषेण महता पूरयन्वै नभःस्थलम् । संस्तूयमानः स्तुतिभिः सूतमागधबन्दिभिः ॥

rathaghoṣeṇa mahatā pūrayanvai nabhaḥsthalam | saṃstūyamānaḥ stutibhiḥ sūtamāgadhabandibhiḥ

filling the expanse of the sky with the great rumble of chariots, and praised with hymns by bards, chroniclers and panegyrists.

Note on the text: Joined नभः स्थलम् → नभःस्थलम् (one compound, "the expanse of the sky"; the appendix reads nabhaḥsthalam). Not in the critical edition (found in the vulgate recension; the critical edition prints these lines in its Appendix I, no. 36, lines 14–15, after 2.52.20).

Verse 28 (2.83.28)

महासैन्येन सहितो यथादित्यः स्वरश्मिभिः । पाण्डुरेणातपत्रेण ध्रियमाणेन मूर्धनि ॥

mahāsainyena sahito yathādityaḥ svaraśmibhiḥ | pāṇḍureṇātapatreṇa dhriyamāṇena mūrdhani

Accompanied by a great army, he was like the sun with its own rays, with a white parasol held over his head.

Note on the text: Corrected ण्डुरेणातपत्रेण → पाण्डुरेणातपत्रेण (misprint in Wikisource; the first akshara is lost and the line is a syllable short; the appendix reads pāṇḍureṇātapatreṇa). Not in the critical edition (found in the vulgate recension; the critical edition prints these lines in its Appendix I, no. 36, lines 16–17, after 2.52.20).

Verse 29 (2.83.29)

बभौ युधिष्ठिरो राजा पौर्णमास्यामिवोडुराट् । चामरैर्हेमदण्डैश्च धूयमानः समन्ततः ॥

babhau yudhiṣṭhiro rājā paurṇamāsyāmivoḍurāṭ | cāmarairhemadaṇḍaiśca dhūyamānaḥ samantataḥ

King Yudhishthira shone like the lord of the stars on the night of the full moon, fanned on every side with whisks on golden handles.

Note on the text: Not in the critical edition (found in the vulgate recension; the critical edition prints the first line in its Appendix I, no. 36, line 18, after 2.52.20, and the second in no. 37, line 1, after 2.52.21ab).

Verse 30 (2.83.30)

जयाशिषः प्रहृष्टानां नराणां पथि पाण्डवः । प्रत्यगृह्णाद्यथान्यायं यथावद्भरतर्षभः ॥

jayāśiṣaḥ prahṛṣṭānāṃ narāṇāṃ pathi pāṇḍavaḥ | pratyagṛhṇādyathānyāyaṃ yathāvadbharatarṣabhaḥ

Along the road the son of Pandu, bull of the Bharatas, accepted as was fitting the blessings for victory offered by the joyful people.

Note on the text: Corrected याशिषः → जयाशिषः (misprint in Wikisource; the first akshara is lost and the line is a syllable short) and यथआवद् → यथावद् (broken vowel sign); the appendix reads jayāśiṣaḥ and yathāvad. Not in the critical edition (found in the vulgate recension; the critical edition prints these lines in its Appendix I, no. 37, lines 2–3, after 2.52.21ab).

Verse 31 (2.83.31)

तथैव सैनिका राजन्राजानमनुयान्ति ये । तेषां हलहलाशब्दो दिवं स्तब्धः प्रतिष्ठितः ॥

tathaiva sainikā rājanrājānamanuyānti ye | teṣāṃ halahalāśabdo divaṃ stabdhaḥ pratiṣṭhitaḥ

So too, O king, the soldiers who followed the king raised a tumult that rose to the heavens and stood fixed there.

Note on the text: Not in the critical edition (found in the vulgate recension; the critical edition prints these lines in its Appendix I, no. 37, lines 6–7; Wikisource lacks its lines 4–5, after 2.52.21ab).

Verse 32 (2.83.32)

नृपस्याग्रे ययौ राजन्भीमसेनो रथी बली । उभौ पार्श्वगतौ राज्ञः सतल्पौ वै सुकल्पितौ ॥

nṛpasyāgre yayau rājanbhīmaseno rathī balī | ubhau pārśvagatau rājñaḥ satalpau vai sukalpitau

Ahead of the king, O king, went mighty Bhimasena in his chariot. On either side of the king went two mounts, furnished with seats and well equipped,

Note on the text: Corrected नृपस्याग्ने → नृपस्याग्रे (misprint in Wikisource; "ahead of the king", the appendix reads nṛpasyāgre). Not in the critical edition (found in the vulgate recension; the critical edition prints these lines in its Appendix I, no. 37, lines 8–9, after 2.52.21ab).

Verse 33 (2.83.33)

अधिरूढौ यमौ चापि जग्मतुर्भरतर्षभ । शोभयन्तौ महासैन्यं तावुभौ रूपशालिनौ ॥

adhirūḍhau yamau cāpi jagmaturbharatarṣabha | śobhayantau mahāsainyaṃ tāvubhau rūpaśālinau

and mounted on them went the twins, O bull of the Bharatas, both handsome, adorning the great army.

Note on the text: Not in the critical edition (found in the vulgate recension; the critical edition prints these lines in its Appendix I, no. 37, lines 10–11, after 2.52.21ab).

Verse 34 (2.83.34)

पृष्ठतोऽनुययौ जिष्णुर्वीरः शस्त्रभृतां वरः । श्वेताश्वो गाण्डिवं गृह्य अग्निदत्तं रथं गतः ॥

pṛṣṭhato'nuyayau jiṣṇurvīraḥ śastrabhṛtāṃ varaḥ | śvetāśvo gāṇḍivaṃ gṛhya agnidattaṃ rathaṃ gataḥ

Behind came heroic Jishnu, best of those who bear arms, with his white horses, holding the Gandiva, mounted on the chariot that Agni had given him.

Note on the text: Not in the critical edition (found in the vulgate recension; the critical edition prints these lines in its Appendix I, no. 37, lines 12–13, after 2.52.21ab).

Verse 35 (2.83.35)

सैन्यमध्ये ययौ राजन्कुरुराजो युधिष्ठिरः । द्रौपदीप्रमुखा नार्यः सानुगाः सपरिच्छदाः ॥

sainyamadhye yayau rājankururājo yudhiṣṭhiraḥ | draupadīpramukhā nāryaḥ sānugāḥ saparicchadāḥ

In the midst of the army, O king, went Yudhishthira, king of the Kurus. The women, headed by Draupadi, with their attendants and retinue,

Note on the text: Not in the critical edition (found in the vulgate recension; the critical edition prints these lines in its Appendix I, no. 37, lines 14–15, after 2.52.21ab).

Verse 36 (2.83.36)

आरुह्य ता विचित्राङ्ग्यो यानानि विविधानि च । महत्या सेनया राजन्नग्रे राज्ञो ययुस्तदा ॥

āruhya tā vicitrāṅgyo yānāni vividhāni ca | mahatyā senayā rājannagre rājño yayustadā

those women of lovely limbs mounted various carriages and went ahead of the king, O king, with a large escort.

Note on the text: Corrected the second line's राजन्नग्रे यानानि विविधानि च → राजन्नग्रे राज्ञो ययुस्तदा (misprint in Wikisource; the ending of the first line is repeated, leaving the line two syllables too long and without a verb; the appendix reads agre rājño yayus tadā). Not in the critical edition (found in the vulgate recension; the critical edition prints these lines in its Appendix I, no. 37, lines 16–17, after 2.52.21ab).

Verse 37 (2.83.37)

समृद्धनरनागाश्वं सपताकरथध्वजम् । संनद्धवरनिस्त्रिंशं पथि निर्घोषनिःस्वनम् ॥

samṛddhanaranāgāśvaṃ sapatākarathadhvajam | saṃnaddhavaranistriṃśaṃ pathi nirghoṣaniḥsvanam

Rich in men, elephants and horses, with banners on its chariots and standards, armed with fine swords, its din resounding along the road,

Note on the text: Joined निर्घोषनिः स्वनम् → निर्घोषनिःस्वनम् (one compound; निः alone is no word). Not in the critical edition (found in the vulgate recension; the critical edition prints these lines in its Appendix I, no. 37, lines 18–19, after 2.52.21ab).

Verse 38 (2.83.38)

शङ्खदुन्दुभितालानां वेणुवीणानुनादितम् । शुशुभे पाण्डवं सैन्यं प्रयास्यत्तत्तदा नृप ॥

śaṅkhadundubhitālānāṃ veṇuvīṇānunāditam | śuśubhe pāṇḍavaṃ sainyaṃ prayāsyattattadā nṛpa

and echoing with conches, kettledrums, cymbals, flutes and lutes, the army of the Pandavas looked splendid, O king, as it set out.

Note on the text: Corrected वेणुवीणानुवनादितम् → वेणुवीणानुनादितम् (misprint in Wikisource; a stray व makes the line a syllable too long; the appendix reads veṇuvīṇānunāditam). Not in the critical edition (found in the vulgate recension; the critical edition prints these lines in its Appendix I, no. 37, lines 20–21, after 2.52.21ab).

Verse 39 (2.83.39)

यथा कुबेरो लङ्कायां पुरा चात्यन्तशोभया । महत्या सेनया सार्धं गुरुमिन्द्रं स गच्छति ॥

yathā kubero laṅkāyāṃ purā cātyantaśobhayā | mahatyā senayā sārdhaṃ gurumindraṃ sa gacchati

As Kubera of old, in Lanka, would go with surpassing splendour and a great army to Indra, his elder,

Note on the text: Not in the critical edition (found in the vulgate recension; the critical edition prints these lines in its Appendix I, no. 37, lines 22–23; the appendix reads gurumitraṃ for गुरुमिन्द्रं, after 2.52.21ab).

Verse 40 (2.83.40)

तथा ययौ स पार्थोऽपि असङ्ख्येयविभूतिना । सुसमृद्धेन सैन्येन यथा वैश्रवणस्तथा ॥

tathā yayau sa pārtho'pi asaṅkhyeyavibhūtinā | susamṛddhena sainyena yathā vaiśravaṇastathā

so the son of Pritha went, with countless riches and a most prosperous army, just like Vaishravana.

Note on the text: Not in the critical edition (found in the vulgate recension; the critical edition prints these lines in its Appendix I, no. 37, lines 24–25, after 2.52.21ab).

Verse 41 (2.83.41)

स सरांसि नदीश्चैव वनान्युपवनानि च । अत्यक्रामन्महाराज पुरीं चाभ्यवपद्यत ॥

sa sarāṃsi nadīścaiva vanānyupavanāni ca | atyakrāmanmahārāja purīṃ cābhyavapadyata

He passed lakes and rivers, forests and groves, O great king, and drew near the city.

Note on the text: Not in the critical edition (found in the vulgate recension; the critical edition prints these lines in its Appendix I, no. 37, lines 26–27, after 2.52.21ab).

Verse 42 (2.83.42)

स हास्तिनसमीपे तु कुरुराजो युधिष्ठिरः । चक्रे निवेशनं तत्र ततः स सहसैनिकः ॥

sa hāstinasamīpe tu kururājo yudhiṣṭhiraḥ | cakre niveśanaṃ tatra tataḥ sa sahasainikaḥ

Near Hastinapura, Yudhishthira, king of the Kurus, made his camp; and there, with his soldiers,

Note on the text: Corrected सहसैनिकाः → सहसैनिकः (misprint in Wikisource; the plural does not agree with स, the king; the appendix reads sahasainikaḥ). Not in the critical edition (found in the vulgate recension; the critical edition prints these lines in its Appendix I, no. 37, lines 28–29, after 2.52.21ab).

Verse 43 (2.83.43)

शिवे देशे समे चैव न्यवसत्पाण्डवस्तदा । ततो राजन्समाहूय शोकविह्वलया गिरा ॥

śive deśe same caiva nyavasatpāṇḍavastadā | tato rājansamāhūya śokavihvalayā girā

the son of Pandu stayed on auspicious, level ground. Then, O king, Vidura called him aside and, in a voice choked with grief,

Note on the text: Separated ततोराजन् → ततो राजन् (two words run together). Not in the critical edition (found in the vulgate recension; the critical edition prints these lines in its Appendix I, no. 37, lines 30–31, after 2.52.21ab).

Verse 44 (2.83.44)

एतद्वाक्यं च सर्वस्वं धृतराष्ट्रचिकीर्षितम् । आचचक्षे यथावृत्तं विदुरोऽथ नृपस्य ह ॥

etadvākyaṃ ca sarvasvaṃ dhṛtarāṣṭracikīrṣitam | ācacakṣe yathāvṛttaṃ viduro'tha nṛpasya ha

told the king this message just as it stood, and the whole of what Dhritarashtra intended.

Note on the text: Corrected तद्वाक्यं → एतद्वाक्यं (misprint in Wikisource; the first akshara is lost and the line is a syllable short; the appendix reads etad vākyaṃ). Not in the critical edition (found in the vulgate recension; the critical edition prints these lines in its Appendix I, no. 37, lines 32–33, after 2.52.21ab).

Verse 45 (2.83.45)

तच्छ्रुत्वा भाषितं तेन धर्मराजोऽब्रवीदिदम् ॥

tacchrutvā bhāṣitaṃ tena dharmarājo'bravīdidam

Hearing what he said, the Dharma king spoke these words:

Note on the text: Split: Wikisource verse 45 has three lines; this first line is narration and the other two are Yudhishthira's reply (Wikisource resumes with वैशम्पायन उवाच after them). Not in the critical edition (found in the vulgate recension; the critical edition prints these lines in its Appendix I, no. 37, line 34, after 2.52.21ab).

Verse 46 (2.83.46)

न मर्षयाम्यहं क्षत्तः समाह्वानं व्रतं हि मे । स्वस्त्यस्तु लोके विप्राणां प्रजानां चैव सर्वदा ॥

na marṣayāmyahaṃ kṣattaḥ samāhvānaṃ vrataṃ hi me | svastyastu loke viprāṇāṃ prajānāṃ caiva sarvadā

"I cannot let a challenge pass, Kshatta; that is my vow. May there always be well-being in the world for the brahmins and for all the people."

Note on the text: Split from the preceding line (see the previous verse): Yudhishthira's reply. Not in the critical edition (found in the vulgate recension; the critical edition prints these lines in its Appendix I, no. 37, lines 35–36, which read marṣayāmi hy ahaṃ … vratena me and sarvathā, after 2.52.21ab).

Verse 47 (2.83.47)

प्रविवेश ततो राजा नगरं नागसाह्वयम् । धृतराष्ट्रेण चाहूतः कालस्य समयेन च ॥

praviveśa tato rājā nagaraṃ nāgasāhvayam | dhṛtarāṣṭreṇa cāhūtaḥ kālasya samayena ca

Then, summoned by Dhritarashtra and at the appointed time, the king entered the city named after the elephant.

Note on the text: Removed a stray wiki quote mark (') that closes the inserted passage. The second line is 2.52.21cd of the critical edition; the first is not in its text (its apparatus gives it as passage *496, and Appendix I, no. 37, line 37 is similar).

Verse 48 (2.83.48)

स हास्तिनपुरं गत्वा धृतराष्ट्रगृहं ययौ । समियाय च धर्मात्मा धृतराष्ट्रेण पाण्डवः ॥

sa hāstinapuraṃ gatvā dhṛtarāṣṭragṛhaṃ yayau | samiyāya ca dharmātmā dhṛtarāṣṭreṇa pāṇḍavaḥ

Reaching Hastinapura, he went to Dhritarashtra's palace, and the righteous son of Pandu met Dhritarashtra.

Verse 49 (2.83.49)

तथा भीष्मेण द्रोणेन कर्णेन च कृपेण च । समियाय यथान्यायं द्रौणिना च विभुः सह ॥

tathā bhīṣmeṇa droṇena karṇena ca kṛpeṇa ca | samiyāya yathānyāyaṃ drauṇinā ca vibhuḥ saha

Likewise the mighty lord met, as was fitting, Bhishma, Drona, Karna and Kripa, and Drona's son.

Verse 50 (2.83.50)

समेत्य च महाबाहुः सोमदत्तेन चैव ह । दुर्योधनेन सभ्रात्रा सौबलेन च वीर्यवान् ॥

sametya ca mahābāhuḥ somadattena caiva ha | duryodhanena sabhrātrā saubalena ca vīryavān

The strong-armed, valiant one also met Somadatta, Duryodhana with his brothers, and the son of Subala,

Note on the text: Corrected दूर्योधनेन → दुर्योधनेन (misprint in Wikisource; long ू in the name).

Verse 51 (2.83.51)

ये चान्ये तत्र राजानः पूर्वमेव समागताः । दुःशासनेन वीरेण सर्वैर्भ्रातृभिरेव च ॥

ye cānye tatra rājānaḥ pūrvameva samāgatāḥ | duḥśāsanena vīreṇa sarvairbhrātṛbhireva ca

and the other kings who had already gathered there, and the hero Duhshasana and all his brothers,

Note on the text: The first line is 2.52.25ab of the critical edition; the second is not in its text (its apparatus gives it as passage *497).

Verse 52 (2.83.52)

जयद्रथेन च तथा कुरुभिश्चापि सर्वशः । ततः सर्वैर्महाबाहुर्भ्रातृभिः परिवारितः ॥

jayadrathena ca tathā kurubhiścāpi sarvaśaḥ | tataḥ sarvairmahābāhurbhrātṛbhiḥ parivāritaḥ

and Jayadratha too, and all the Kurus. Then, surrounded by all his brothers, the strong-armed one

Note on the text: Corrected पिरवारितः → परिवारितः (misprint in Wikisource; misplaced vowel sign). Wikisource's lines here run a half-verse behind the critical edition: the first line is its 2.52.25cd, the second its 2.52.26ab.

Verse 53 (2.83.53)

प्रविवेश गृहं राज्ञो धृतराष्ट्रस्य धीमतः । ददर्श तत्र गान्धारीं देवीं पतिमनुव्रताम् ॥

praviveśa gṛhaṃ rājño dhṛtarāṣṭrasya dhīmataḥ | dadarśa tatra gāndhārīṃ devīṃ patimanuvratām

entered the house of the wise King Dhritarashtra. There he saw Queen Gandhari, devoted to her husband,

Note on the text: The first line is 2.52.26cd of the critical edition, the second its 2.52.27ab.

Verse 54 (2.83.54)

स्नुषाभिः संवृतां शश्वत्ताराभिरिव रोहिणीम् । अभिवाद्य स गान्धारीं तया च प्रतिनन्दितः ॥

snuṣābhiḥ saṃvṛtāṃ śaśvattārābhiriva rohiṇīm | abhivādya sa gāndhārīṃ tayā ca pratinanditaḥ

always surrounded by her daughters-in-law, like Rohini among the stars. He saluted Gandhari and was warmly greeted by her in return.

Note on the text: The first line is 2.52.27cd of the critical edition, the second its 2.52.28ab.

Verse 55 (2.83.55)

ददर्श पितरं वृद्धं प्रज्ञाचक्षुषमीश्वरम् ॥

dadarśa pitaraṃ vṛddhaṃ prajñācakṣuṣamīśvaram

he then saw his aged father, the lord whose eyes were his wisdom.

Note on the text: A single line: 2.52.28cd of the critical edition, left over by the half-verse offset above.

Verse 56 (2.83.56)

राज्ञा मूर्धन्युपाघ्रातास्ते च कौरवनन्दनाः । चत्वारः पाण्डवा राजन्भीमसेनपुरोगमाः ॥

rājñā mūrdhanyupāghrātāste ca kauravanandanāḥ | catvāraḥ pāṇḍavā rājanbhīmasenapurogamāḥ

The king kissed the heads of those delights of the Kurus, the four Pandavas, O king, led by Bhimasena.

Verse 57 (2.83.57)

ततो हर्षः समभवत्कौरवाणां विशाम्पते । तान्दृष्ट्वा पुरुषव्याघ्रान्पाण्डवान्प्रियदर्शनान् ॥

tato harṣaḥ samabhavatkauravāṇāṃ viśāmpate | tāndṛṣṭvā puruṣavyāghrānpāṇḍavānpriyadarśanān

Then joy arose among the Kauravas, O lord of the people, at the sight of those tigers among men, the handsome Pandavas.

Verse 58 (2.83.58)

विविशुस्तेऽभ्यनुज्ञाता रत्नवन्ति गृहाणि च । ददृशुश्चोपयातारो द्रौपदीप्रमुखाः स्त्रियः ॥

viviśuste'bhyanujñātā ratnavanti gṛhāṇi ca | dadṛśuścopayātāro draupadīpramukhāḥ striyaḥ

With leave given, they entered the jewel-filled apartments; and the sisters-in-law came and saw the women, Draupadi first among them.

Note on the text: Corrected द्रोपदी → द्रौपदी (misprint in Wikisource; the name's vowel sign).

Verse 59 (2.83.59)

याज्ञसेन्याः परामृद्धिं दृष्ट्वा प्रज्वलितामिव । स्नुषास्ता धृतराष्ट्रस्य नातिप्रमनसोऽभवन् ॥

yājñasenyāḥ parāmṛddhiṃ dṛṣṭvā prajvalitāmiva | snuṣāstā dhṛtarāṣṭrasya nātipramanaso'bhavan

Seeing the splendid prosperity of Yajnaseni, as if blazing, Dhritarashtra's daughters-in-law were not well pleased.

Verse 60 (2.83.60)

ततस्ते पुरुषव्याघ्रा गत्वा स्त्रीभिस्तु संविदम् । कृत्वा व्यायामपूर्वाणि कृत्यानि प्रतिकर्म च ॥

tataste puruṣavyāghrā gatvā strībhistu saṃvidam | kṛtvā vyāyāmapūrvāṇi kṛtyāni pratikarma ca

Then those tigers among men, after talking with the women, took their exercise and saw to their other duties and their grooming.

Note on the text: Corrected ग्तवा → गत्वा (misprint in Wikisource; transposed conjunct).

Verse 61 (2.83.61)

ततः कृताह्निकाः सर्वे दिव्यचन्दनभूषिताः । कल्याणमनसश्चैव ब्राह्मणान्स्वस्ति वाच्य च ॥

tataḥ kṛtāhnikāḥ sarve divyacandanabhūṣitāḥ | kalyāṇamanasaścaiva brāhmaṇānsvasti vācya ca

Then, having finished their daily rites and adorned themselves with heavenly sandal paste, with happy hearts they had the brahmins pronounce blessings,

Verse 62 (2.83.62)

मनोज्ञमशनं भुक्त्वा विविशुः शरणान्यथ । उपगीयमाना नारीभिरस्वपन्कुरुपुङ्गवाः ॥

manojñamaśanaṃ bhuktvā viviśuḥ śaraṇānyatha | upagīyamānā nārībhirasvapankurupuṅgavāḥ

ate delightful food and went to their chambers; and the bulls of the Kurus fell asleep while women sang to them.

Verse 63 (2.83.63)

जगाम तेषां सा रात्रिः पुण्या रतिविहारिणाम् । स्तूयमानाश्च विश्रान्ताः काले निद्रामथात्यजन् ॥

jagāma teṣāṃ sā rātriḥ puṇyā rativihāriṇām | stūyamānāśca viśrāntāḥ kāle nidrāmathātyajan

That holy night passed for them in pleasure and delight; and rested, hearing themselves praised, they rose from sleep at the proper time.

Verse 64 (2.83.64)

सुखोषितास्ते रजनीं प्रातः सर्वे कृताह्निकाः । सभां रम्यां प्रविविशुः कितवैरभिनन्दिताः ॥

sukhoṣitāste rajanīṃ prātaḥ sarve kṛtāhnikāḥ | sabhāṃ ramyāṃ praviviśuḥ kitavairabhinanditāḥ

Having passed the night in comfort, they all performed their morning rites and entered the delightful hall, welcomed by the gamblers.

Note on the text: Corrected मुखोषितास्ते → सुखोषितास्ते (misprint in Wikisource; म for स, critical edition sukhoṣitās at 2.52.37).