Shalya Made Commander; Sanjaya Brings the News to Dhritarashtra

Verse 1 (9.1.1)

एवं निपातिते कर्णे समरे सव्यसाचिना । अल्पावशिष्टाः कुरवः किमकुर्वत वै द्विज ॥

evaṃ nipātite karṇe samare savyasācinā | alpāvaśiṣṭāḥ kuravaḥ kimakurvata vai dvija

When Karna had been felled in battle by Savyasachin, what did the few Kurus who remained do, O twice-born one?

Note on the text: Dropped the preceding input row (wikisource_number 1): the opening श्रीवेदव्यासाय नमः and the invocation नारायणं नमस्कृत्य … ततो जयमुदीरयेत् are non-verse lines (the invocation is the critical edition's star passage 9.1.0*0001).

Verse 2 (9.1.2)

विदीर्यमाणं च बलं दृष्ट्वा राजा सुयोधनः । पाण्डवैः प्राप्तकालं च किं प्रापद्यत कौरवः ॥

vidīryamāṇaṃ ca balaṃ dṛṣṭvā rājā suyodhanaḥ | pāṇḍavaiḥ prāptakālaṃ ca kiṃ prāpadyata kauravaḥ

Seeing his army torn apart, and the time having come to face the Pandavas, what did King Suyodhana, the Kaurava, do?

Verse 3 (9.1.3)

एतदिच्छाम्यहं श्रोतुं तदाचक्ष्व द्विजोत्तम । न हि तृप्यामि पूर्वेषां शृण्वानश्चरितं महत् ॥

etadicchāmyahaṃ śrotuṃ tadācakṣva dvijottama | na hi tṛpyāmi pūrveṣāṃ śṛṇvānaścaritaṃ mahat

I wish to hear this, O best of the twice-born; tell it to me. For I am never satisfied with hearing the great deeds of my forefathers.

Verse 4 (9.1.4)

ततः कर्णे हते राजन्धार्तराष्ट्रः सुयोधनः । भृशं शोकार्णवे मग्नो निराशः सर्वतोऽभवत् ॥

tataḥ karṇe hate rājandhārtarāṣṭraḥ suyodhanaḥ | bhṛśaṃ śokārṇave magno nirāśaḥ sarvato'bhavat

Then, when Karna was slain, O king, Duryodhana, son of Dhritarashtra, sank deep into an ocean of grief and was left utterly without hope.

Verse 5 (9.1.5)

हाकर्ण हाकर्ण इति शोचमानो मुहुर्मुहुः । कृच्छ्रात्स्वशिबिरं प्रायाद्धतशिष्टैर्नृपैः सह ॥

hākarṇa hākarṇa iti śocamāno muhurmuhuḥ | kṛcchrātsvaśibiraṃ prāyāddhataśiṣṭairnṛpaiḥ saha

Crying again and again, "Alas, Karna! Alas, Karna!", he made his way with difficulty back to his own camp, with the kings who were left.

Note on the text: Corrected वतशिष्टैः → हतशिष्टैः (misprint in Wikisource; व for ह; the critical edition reads hataśeṣair, and verse 9 has हतशिष्टैः).

Verse 6 (9.1.6)

स समाश्वास्यमानोऽपि हेतुभिः शास्त्रनिश्चितैः । राजन्विभूतिमिच्छद्भिः सूतपुत्रमनुस्मरन् ॥

sa samāśvāsyamāno'pi hetubhiḥ śāstraniścitaiḥ | rājanvibhūtimicchadbhiḥ sūtaputramanusmaran

Although he was being comforted with arguments settled by the scriptures, by those who wished him prosperity, O king, he kept brooding on the charioteer's son.

Verse 7 (9.1.7)

स दैवं बलवन्मत्वा प्रभाते विमले सति । सङ्ग्रामे निश्चयं कृत्वा पुनर्युद्धाय निर्ययौ ॥

sa daivaṃ balavanmatvā prabhāte vimale sati | saṅgrāme niścayaṃ kṛtvā punaryuddhāya niryayau

Judging fate to be the stronger, he fixed his resolve for battle and, when the dawn had broken clear, went out to fight once more.

Note on the text: Corrected युद्वाय → युद्धाय (misprint in Wikisource; द्व for द्ध).

Verse 8 (9.1.8)

शल्यं सेनापतिं कृत्वा विधिवद्राजसत्तमम् । रणाय निर्ययौ राजा हतशिष्टैर्नृपैः सह ॥

śalyaṃ senāpatiṃ kṛtvā vidhivadrājasattamam | raṇāya niryayau rājā hataśiṣṭairnṛpaiḥ saha

Having duly made Shalya, the best of kings, his commander, the king went out to battle with the kings who remained.

Verse 9 (9.1.9)

ततः सुतुमुलं युद्धं कुरुपाण्डवसेनयोः । बभूव भरतश्रेष्ठ देवासुररणोपमम् ॥

tataḥ sutumulaṃ yuddhaṃ kurupāṇḍavasenayoḥ | babhūva bharataśreṣṭha devāsuraraṇopamam

Then a most tumultuous battle arose between the Kuru and Pandava armies, O best of the Bharatas, like the war between the gods and the asuras.

Verse 10 (9.1.10)

ततः शल्यो महाराज कृत्वा कदनमाहवे । पाण्डुसैन्येऽथ मध्याह्ने धर्मराजेन पातितः ॥

tataḥ śalyo mahārāja kṛtvā kadanamāhave | pāṇḍusainye'tha madhyāhne dharmarājena pātitaḥ

Then, O great king, after wreaking slaughter in the battle among the Pandava host, Shalya was felled at midday by Dharmaraja (Yudhishthira).

Verse 11 (9.1.11)

ततो दुर्योधनो राजा हतबन्धू रणाजिरात् । अपसृत्य ह्रदं घोरं विवेश रिपुजाद्भयात् ॥

tato duryodhano rājā hatabandhū raṇājirāt | apasṛtya hradaṃ ghoraṃ viveśa ripujādbhayāt

Then King Duryodhana, his kinsmen slain, drew away from the field of battle and, in fear of his enemies, entered a dreadful lake.

Note on the text: Corrected हदं → ह्रदं (misprint in Wikisource; dropped ra; the critical edition reads hrada). Corrected रिपुजाद्भुयात् → रिपुजाद्भयात् (misprint in Wikisource; stray ु; the critical edition reads ripujād bhayāt).

Verse 12 (9.1.12)

अथापराह्णे तस्याह्नः परिवार्य महारथैः । ह्रदादाहूय युद्धाय भीमसेनेन पातितः ॥

athāparāhṇe tasyāhnaḥ parivārya mahārathaiḥ | hradādāhūya yuddhāya bhīmasenena pātitaḥ

Then, in the afternoon of that day, with the great warriors surrounding him, he was called out of the lake to fight and was struck down by Bhimasena.

Note on the text: Corrected हदादाहूय → ह्रदादाहूय (misprint in Wikisource; dropped ra; the critical edition reads hrada). Corrected युद्वाय → युद्धाय (misprint in Wikisource; द्व for द्ध).

Verse 13 (9.1.13)

तस्मिंस्तु निहते वीरे महेष्वासास्त्रयो रणे । कृतवर्मा कृपो द्रौणिर्जघ्नुः पाण्डवसैनिकान् ॥

tasmiṃstu nihate vīre maheṣvāsāstrayo raṇe | kṛtavarmā kṛpo drauṇirjaghnuḥ pāṇḍavasainikān

When that hero had fallen, the three great archers in the battle, Kritavarman, Kripa and Drona's son, slew the Pandava soldiers.

Note on the text: Not matched by the alignment; a recension variant of the critical edition's 9.1.13 (tasmin hate maheṣvāse hataśiṣṭās trayo rathāḥ … jaghnuḥ pāñcālasainikān), whose star passage 9.1.13a*0004_02 reads kṛtavarmā kṛpo drauṇir.

Verse 14 (9.1.14)

ततः पूर्वाह्णसमये शिबिरादेत्य सञ्जयः । प्रविवेश पुरीं दीनो दुःखशोकसमन्वितः ॥

tataḥ pūrvāhṇasamaye śibirādetya sañjayaḥ | praviveśa purīṃ dīno duḥkhaśokasamanvitaḥ

Then, in the forenoon, Sanjaya came from the camp and, wretched and weighed down with grief and sorrow, entered the city.

Verse 15 (9.1.15)

स प्रविश्य पुरीं सूतो भुजावुच्छ्रित्य दुःखितः । वेपमानस्ततो राज्ञः प्रविवेश निवेशनम् ॥

sa praviśya purīṃ sūto bhujāvucchritya duḥkhitaḥ | vepamānastato rājñaḥ praviveśa niveśanam

Having entered the city, the charioteer, raising his arms in his anguish and trembling, went into the king's dwelling.

Note on the text: Corrected भूजावु → भुजावु (misprint in Wikisource; long ू for short ु; the critical edition reads bhujāv). Corrected प्रविप्रेश → प्रविवेश (misprint in Wikisource; प्र for व; the critical edition reads praviveśa).

Verse 16 (9.1.16)

धावतश्चाप्यपश्यच्च तत्रत्यान्पुरुषर्षभान् । नष्टचित्तानिवोन्मत्ताञ्शोकेन भृशदुःखितान् ॥

dhāvataścāpyapaśyacca tatratyānpuruṣarṣabhān | naṣṭacittānivonmattāñśokena bhṛśaduḥkhitān

As he ran, he saw too the foremost of men who were there, their minds lost as if they were mad, sorely afflicted with grief.

Note on the text: Restored from the critical edition (9.1.20a, dhāvataś cāpy apaśyac ca): Wikisource prints अपश्यxxx, and the xxx is filled as अपश्यच्च; the rest of the line (तत्रत्यान्, the vulgate reading, against the critical edition's tatra trīn) is Wikisource's and is kept.

Verse 17 (9.1.17)

दृष्ट्वैव च नराञ्शीघ्रं व्याजहारातिदुःखितः । अहो बत विपन्नोऽस्मि निधनेन महात्मनः ॥

dṛṣṭvaiva ca narāñśīghraṃ vyājahārātiduḥkhitaḥ | aho bata vipanno'smi nidhanena mahātmanaḥ

Seeing the men, he at once cried out in great distress: "Alas, I am ruined by the death of that great-souled one!"

Note on the text: Speaker: line 2 is Sanjaya's own cry, line 1 narrates it; the page carries Vaishampayana's heading, so the verse is given to Sanjaya as the speaker of the quoted words. Line 1 is the critical edition's star passage 9.1.20d*0008_01; line 2 corresponds to 9.1.16c (aho bata vivignāḥ sma nidhanena mahātmanaḥ).

Verse 18 (9.1.18)

अहो सुबलवान्कालो गतिश्च परमा तथा । शक्रतुल्यबलाः सर्वे यत्राहन्यन्त पार्थिवाः ॥

aho subalavānkālo gatiśca paramā tathā | śakratulyabalāḥ sarve yatrāhanyanta pārthivāḥ

"Alas, how mighty is Time, and how supreme is fate, that kings equal to Shakra in strength were all struck down!"

Note on the text: Corrected शुक्रतुल्य → शक्रतुल्य (misprint in Wikisource; Śukra for Śakra, the sense being kings "equal to Śakra (Indra) in strength"; the critical edition reads śakratulyabalāḥ). Speaker: Sanjaya's exclamation (the page carries no new heading; Vaishampayana's remains in force).

Verse 19 (9.1.19)

तं दृष्ट्वैव पुरे राजञ्जनः सर्वः स्म सञ्जयम् । प्ररुरोद भयोद्विग्नो हा राजन्निति सुस्वरम् ॥

taṃ dṛṣṭvaiva pure rājañjanaḥ sarvaḥ sma sañjayam | praruroda bhayodvigno hā rājanniti susvaram

Seeing Sanjaya, O king, all the people in the city, terrified, wept aloud, crying "Ha, O king!"

Verse 20 (9.1.20)

आकुमारं नरव्याघ्र तत्पुरं वै समन्ततः । आर्तनादं महच्चक्रे श्रुत्वा विनिहतं नृपम् ॥

ākumāraṃ naravyāghra tatpuraṃ vai samantataḥ | ārtanādaṃ mahaccakre śrutvā vinihataṃ nṛpam

From the children up, O tiger among men, the whole city on every side raised a great cry of grief on hearing that the king had been slain.

Verse 21 (9.1.21)

तथा स विह्वलः सूतः प्रविश्य नृपतिक्षयम् । ददर्श नृपतिश्रेष्ठं प्रज्ञाचक्षुषमीश्वरम् ॥

tathā sa vihvalaḥ sūtaḥ praviśya nṛpatikṣayam | dadarśa nṛpatiśreṣṭhaṃ prajñācakṣuṣamīśvaram

Thus, quite overcome, the charioteer entered the king's palace and saw the lord, the best of kings, who sees with the eye of wisdom.

Verse 22 (9.1.22)

दृष्ट्वा चासीनमनघं समन्तात्परिवारितम् । स्नुषाभिर्भरतश्रेष्ठ गान्धार्या विदुरेण च । तथाऽन्यैश्च सुहृद्भिश्च ज्ञातिभिश्च हितैषिभिः ॥

dṛṣṭvā cāsīnamanaghaṃ samantātparivāritam | snuṣābhirbharataśreṣṭha gāndhāryā vidureṇa ca | tathā'nyaiśca suhṛdbhiśca jñātibhiśca hitaiṣibhiḥ

He saw the blameless king seated, surrounded on every side by his daughters-in-law, O best of the Bharatas, by Gandhari and Vidura, and by other friends, kinsmen and well-wishers.

Note on the text: Corrected स्नुषामिर् → स्नुषाभिर् (misprint in Wikisource; म for भ, instrumental plural; the critical edition reads snuṣābhir). Corrected ज्ञातिमिश्च → ज्ञातिभिश्च (misprint in Wikisource; म for भ, instrumental plural; the critical edition reads jñātibhiś). Three-line verse: lines 1–2 are the critical edition's 9.1.22ac, line 3 its 9.1.23a.

Verse 23 (9.1.23)

तमेव चार्थं ध्यायन्तं कर्णस्य निधनं प्रति । रुदन्नेवाब्रवीद्वाक्यं राजानं जनमेजय ॥

tameva cārthaṃ dhyāyantaṃ karṇasya nidhanaṃ prati | rudannevābravīdvākyaṃ rājānaṃ janamejaya

To the king, who was brooding on that very matter, Karna's death, he spoke weeping, O Janamejaya.

Note on the text: Line 1 is the critical edition's 9.1.23c, line 2 its 9.1.24a.

Verse 24 (9.1.24)

नातिहृष्टमनाः सूतो बाष्पसन्दिग्धया गिरा । सञ्जयोऽहं नरव्याघ्र नमस्ते भरतर्षभ ॥

nātihṛṣṭamanāḥ sūto bāṣpasandigdhayā girā | sañjayo'haṃ naravyāghra namaste bharatarṣabha

In a voice thick with tears, the charioteer, not at all glad at heart, said: "I am Sanjaya, O tiger among men; I bow to you, O best of the Bharatas."

Note on the text: Speaker: line 1 narrates and line 2 is Sanjaya's speech; the verse is given to Sanjaya, the speaker of the quoted words (the page's heading is still Vaishampayana's). Line 1 is the critical edition's 9.1.24c, line 2 its 9.1.25a.

Verse 25 (9.1.25)

मद्राधिपो हतः शल्यः शकुनिः सौबलस्तथा । उलूकः पुरुषव्याघ्र कैतव्यो दृढविक्रमः ॥

madrādhipo hataḥ śalyaḥ śakuniḥ saubalastathā | ulūkaḥ puruṣavyāghra kaitavyo dṛḍhavikramaḥ

"Shalya, lord of the Madras, is slain, and Shakuni, son of Subala; and Uluka Kaitavya, of firm valour, O tiger among men."

Note on the text: Lines are the critical edition's 9.1.25ce.

Verse 26 (9.1.26)

संशप्तका हताः सर्वे काम्भोजाश्च शकैः सह । म्लेच्छाश्च पार्वतीयाश्च यवनाश्च निपातिताः ॥

saṃśaptakā hatāḥ sarve kāmbhojāśca śakaiḥ saha | mlecchāśca pārvatīyāśca yavanāśca nipātitāḥ

"The Samshaptakas are all slain, and the Kambojas with the Shakas; the Mlecchas, the mountain tribes and the Yavanas have been laid low."

Verse 27 (9.1.27)

प्राच्या हता महाराज दाक्षिणात्याश्च सर्वशः । उदीच्याश्च हताः सर्वे प्रतीच्याश्च नरोत्तमाः । राजानो राजपुत्राश्च सर्वे विनिहता नृप ॥

prācyā hatā mahārāja dākṣiṇātyāśca sarvaśaḥ | udīcyāśca hatāḥ sarve pratīcyāśca narottamāḥ | rājāno rājaputrāśca sarve vinihatā nṛpa

"The easterners are slain, O great king, and the southerners everywhere; the northerners are all slain, and the westerners, best of men; the kings and the princes have all been slain, O king."

Verse 28 (9.1.28)

कर्णपुत्रो हतः शूरः सत्यसेनो महाबलः ॥

karṇaputro hataḥ śūraḥ satyaseno mahābalaḥ

"Karna's son, the heroic and mighty Satyasena, is slain."

Note on the text: A single-line verse as printed; it answers the critical edition's 9.1.30e (karṇaputro hataḥ śūro vṛṣaseno mahābalaḥ), with Satyasena for Vṛṣasena (a recension variant).

Verse 29 (9.1.29)

दुर्योधनो हतो राजा यथोक्तं पाण्डवेन ह । भग्नसक्थो महाराज शेते पांसुषु रूषितः ॥

duryodhano hato rājā yathoktaṃ pāṇḍavena ha | bhagnasaktho mahārāja śete pāṃsuṣu rūṣitaḥ

"King Duryodhana is slain, O king, as the Pandava had foretold; with his thighs broken, O great king, he lies smeared with the dust."

Note on the text: Restored from the critical edition (9.1.28c, bhagnasaktho mahārāja śete pāṃsuṣu rūṣitaḥ): Wikisource prints xxxxxx for भग्नसक्थो. Corrected ययोक्तं → यथोक्तं (misprint in Wikisource; य for थ; the critical edition reads yathoktaṃ).

Verse 30 (9.1.30)

धृष्टद्युम्नो हतो राजञ्शिखण्डी चापराजितः । उत्तमौजा युधामन्युस्तथा सर्वे प्रभद्रकाः ॥

dhṛṣṭadyumno hato rājañśikhaṇḍī cāparājitaḥ | uttamaujā yudhāmanyustathā sarve prabhadrakāḥ

"Dhrishtadyumna is slain, O king, and Shikhandi, the unconquered; Uttamauja, Yudhamanyu and all the Prabhadrakas."

Note on the text: Restored from the critical edition (9.1.29a, dhṛṣṭadyumno hato rājañ śikhaṇḍī cāparājitaḥ): Wikisource prints xxxxxx for धृष्टद्युम्नो and xxx (with a stray ज) for राजञ्; शिखण्डी is Wikisource's. Corrected उत्तमौज → उत्तमौजा (misprint in Wikisource; dropped final ā; the critical edition reads uttamaujā).

Verse 31 (9.1.31)

पाञ्चालाश्च नरव्याघ्र चेदयश्च निषूदिताः । तव पुत्रा हताः सर्वे द्रौपदेयाश्च भारत ॥

pāñcālāśca naravyāghra cedayaśca niṣūditāḥ | tava putrā hatāḥ sarve draupadeyāśca bhārata

"The Panchalas, O tiger among men, and the Chedis have been destroyed; all your sons are slain, and the sons of Draupadi, O Bharata."

Note on the text: Corrected पाञ्चालश्च → पाञ्चालाश्च (misprint in Wikisource; dropped ā in the plural subject, which agrees with निषूदिताः; the critical edition reads pāñcālāś). Not matched by the alignment; lines are the critical edition's 9.1.30ac.

Verse 32 (9.1.32)

नरा विनिहताः सर्वे गजाश्च विनिपातिताः । रथिनश्च नरव्याघ्र हयाश्च निहता युधि ॥

narā vinihatāḥ sarve gajāśca vinipātitāḥ | rathinaśca naravyāghra hayāśca nihatā yudhi

"The foot-soldiers are all slain, and the elephants felled; the car-warriors too, O tiger among men, and the horses have been killed in the battle."

Note on the text: Corrected रथिनत्र → रथिनश्च (misprint in Wikisource; त्र for श्च; the critical edition reads rathinaś ca).

Verse 33 (9.1.33)

किञ्चिच्छेषं शिबिरं तावकानां कृतं प्रभो । पाण्डवानां च शूराणां समासाद्य परस्परम् ॥

kiñciccheṣaṃ śibiraṃ tāvakānāṃ kṛtaṃ prabho | pāṇḍavānāṃ ca śūrāṇāṃ samāsādya parasparam

"What remains of your camp, O lord, has been left a mere remnant, after your men and the Pandava heroes clashed with one another."

Note on the text: Restored from the critical edition (9.1.32a, kiṃciccheṣaṃ ca śibiraṃ tāvakānāṃ kṛtaṃ vibho): Wikisource prints निxxxx शिबिरं रावंजावकानां; the words before शिबिरं are restored as किञ्चिच्छेषं and the garbled रावंजावकानां is corrected to तावकानां. The critical edition's ca after the first word is not in Wikisource and is not added, and प्रभो (for vibho) is Wikisource's. This restoration is uncertain; the original may have read निःशेषं.

Verse 34 (9.1.34)

प्रायः स्त्रीशेषमभवज्जगत्कालेन मोहितम् । सप्त पाण्डवतः शिष्टा धार्तराष्ट्रास्त्रयोरथाः ॥

prāyaḥ strīśeṣamabhavajjagatkālena mohitam | sapta pāṇḍavataḥ śiṣṭā dhārtarāṣṭrāstrayorathāḥ

"The world, bewildered by Time, has been left almost with only its women: seven remain on the Pandava side, and three car-warriors on the Dhritarashtra side."

Note on the text: Restored from the critical edition (9.1.33a, prāyaḥ strīśeṣam abhavaj jagat kālena mohitam): Wikisource prints xxxx for प्रायः. Corrected स्रीशेष → स्त्रीशेष (misprint in Wikisource; dropped त; the critical edition reads strīśeṣam). Corrected पाण्‍डवतः → पाण्डवतः (misprint in Wikisource; removed a stray zero-width joiner).

Verse 35 (9.1.35)

ते चैव भ्रातरः पञ्च वासुदेवोऽथ सात्यकिः । कृपश्च कृतवर्मा च द्रौणिश्च जयतां वरः ॥

te caiva bhrātaraḥ pañca vāsudevo'tha sātyakiḥ | kṛpaśca kṛtavarmā ca drauṇiśca jayatāṃ varaḥ

"The five brothers themselves, Vasudeva and Satyaki; Kripa, Kritavarman, and Drona's son, best of the victorious."

Verse 36 (9.1.36)

एते शेषा महाराज रथिनो नृपसत्तम । अक्षौहिणीनामष्टानां दशानां च न संशयः ॥

ete śeṣā mahārāja rathino nṛpasattama | akṣauhiṇīnāmaṣṭānāṃ daśānāṃ ca na saṃśayaḥ

"These, O great king, O best of kings, are the car-warriors who remain of the eighteen akshauhinis (eight and ten), without a doubt."

Note on the text: Not matched by the alignment; a recension variant of the critical edition's 9.1.35ac (tavāpy ete mahārāja rathino nṛpasattama / akṣauhiṇīnāṃ sarvāsāṃ sametānāṃ janeśvara).

Verse 37 (9.1.37)

एते शेषा महाराज सर्वेऽन्ये निधनं गताः । कालेन निहतं सर्वं जगद्वै भरतर्षभ । दुर्योधनं वै पुरतः कृत्वा सर्वे नरा हताः ॥

ete śeṣā mahārāja sarve'nye nidhanaṃ gatāḥ | kālena nihataṃ sarvaṃ jagadvai bharatarṣabha | duryodhanaṃ vai purataḥ kṛtvā sarve narā hatāḥ

"All the others, O great king, have gone to their death. The whole world has been struck down by Time, O best of the Bharatas; with Duryodhana put at their head, all the men were slain."

Note on the text: Not matched by the alignment; lines 1–3 are the critical edition's 9.1.35e, 36a and 36c (line 3 is a recension variant: sarve narā hatāḥ for vairasya bhārata).

Verse 38 (9.1.38)

एतच्छ्रुत्वा वचः क्रूरं धृतराष्ट्रो जनेश्वरः । निपपात स राजेन्द्रो गतसत्वो महीतले ॥

etacchrutvā vacaḥ krūraṃ dhṛtarāṣṭro janeśvaraḥ | nipapāta sa rājendro gatasatvo mahītale

Hearing these cruel words, King Dhritarashtra, lord of men, collapsed to the ground, his strength gone.

Verse 39 (9.1.39)

तस्मिन्निपतिते वीरे विदुरोऽपि महायशाः । निपपात महाराज शोकव्यसनकर्शितः ॥

tasminnipatite vīre viduro'pi mahāyaśāḥ | nipapāta mahārāja śokavyasanakarśitaḥ

When that hero had fallen, the renowned Vidura too, O great king, fell down, worn down by grief and calamity.

Verse 40 (9.1.40)

गान्धारी च महाभागा सर्वाश्च कुरुयोषितः । पतिताः सहसा भूमौ श्रुत्वा घोरतरं वचः ॥

gāndhārī ca mahābhāgā sarvāśca kuruyoṣitaḥ | patitāḥ sahasā bhūmau śrutvā ghorataraṃ vacaḥ

Gandhari, the illustrious lady, and all the Kuru women fell suddenly to the ground on hearing that most dreadful news.

Verse 41 (9.1.41)

निःसंज्ञं पतितं भूमौ तदाऽऽसीद्राजमण्डलम् । विलापमुक्तोपहतं चित्रं न्यस्तं पटे यथा ॥

niḥsaṃjñaṃ patitaṃ bhūmau tadā''sīdrājamaṇḍalam | vilāpamuktopahataṃ citraṃ nyastaṃ paṭe yathā

That circle of kings lay fallen senseless on the ground, stricken and let loose into wailing, like a picture set upon a canvas.

Note on the text: The page's own gloss (9-1-41) records the variants विलापवुक्तोपहतं and विलापयुक्तं सुमहत्; the text as printed is kept. The critical edition reads pralāpayuktā mahatī kathā nyastā paṭe yathā.

Verse 42 (9.1.42)

कृच्छ्रेण तु ततो राजा धृतराष्ट्रो महीपतिः । शनैरलभत प्राणान्पुत्रव्यसनकर्शितः ॥

kṛcchreṇa tu tato rājā dhṛtarāṣṭro mahīpatiḥ | śanairalabhata prāṇānputravyasanakarśitaḥ

With difficulty, then, King Dhritarashtra, lord of the earth, slowly regained his breath of life, worn down by grief for his sons.

Verse 43 (9.1.43)

लब्ध्वा तु स नृपः प्राणान्वेपमानः सुदुःखितः । निरीक्ष्य च दिशः सर्वाः क्षत्तारं वाक्यमब्रवीत् ॥

labdhvā tu sa nṛpaḥ prāṇānvepamānaḥ suduḥkhitaḥ | nirīkṣya ca diśaḥ sarvāḥ kṣattāraṃ vākyamabravīt

Having recovered his breath, the king, trembling and in deep distress, looked all around and spoke to Kshattri (Vidura).

Verse 44 (9.1.44)

विद्धि क्षत्तर्महाप्राज्ञ त्वं गतिर्भरतर्षभ । ममानाथस्य सुभृशं पुत्रैर्हीनस्य सर्वशः । एवमुक्त्वा ततो भूयो विसंज्ञो निपपात ह ॥

viddhi kṣattarmahāprājña tvaṃ gatirbharatarṣabha | mamānāthasya subhṛśaṃ putrairhīnasya sarvaśaḥ | evamuktvā tato bhūyo visaṃjño nipapāta ha

"Know, Kshattri, O wise one, O best of the Bharatas, that you are my refuge, mine who am helpless and wholly bereft of my sons." Having said this, he fell once more to the ground, unconscious.

Note on the text: Speaker: lines 1–2 are Dhritarashtra's words; line 3 narrates his falling again. Given to Dhritarashtra, the speaker of the quoted words.

Verse 45 (9.1.45)

तं तथा पतितं दृष्ट्वा बान्धवा येऽस्य केचन । शीतैस्ते सिषिचुस्तोयैर्विव्यजुर्व्यजनैरपि ॥

taṃ tathā patitaṃ dṛṣṭvā bāndhavā ye'sya kecana | śītaiste siṣicustoyairvivyajurvyajanairapi

Seeing him fallen so, whatever kinsmen he had sprinkled him with cold water and fanned him with fans.

Verse 46 (9.1.46)

स तु दीर्घेण कालेन प्रत्याश्वस्तो नराधिपः । तूष्णीमासीन्महीपालः पुत्रव्यसनकर्शितः ॥

sa tu dīrgheṇa kālena pratyāśvasto narādhipaḥ | tūṣṇīmāsīnmahīpālaḥ putravyasanakarśitaḥ

After a long time the lord of men recovered, and the king sat silent, worn down by grief for his sons.

Note on the text: Not matched by the alignment; lines 1–2 are the critical edition's 9.1.45ac (a recension variant).

Verse 47 (9.1.47)

निःश्वसञ्जिह्मग इव कुम्भक्षिप्तोऽभवन्नृपः ॥

niḥśvasañjihmaga iva kumbhakṣipto'bhavannṛpaḥ

The king breathed hard, like a serpent shut up in a pot.

Note on the text: A single-line verse as printed; it answers the critical edition's 9.1.45e (niḥśvasañ jihmaga iva kumbhakṣipto viśāṃ pate).

Verse 48 (9.1.48)

सञ्जयोऽप्यरुदत्तत्र दृष्ट्वा राजानमातुरम् । तथा सर्वाः स्त्रियश्चैव गान्धारी च यशस्विनी ॥

sañjayo'pyarudattatra dṛṣṭvā rājānamāturam | tathā sarvāḥ striyaścaiva gāndhārī ca yaśasvinī

Sanjaya too wept there on seeing the king in such affliction, and so did all the women, and the renowned Gandhari.

Verse 49 (9.1.49)

ततो दीर्घेण कालेन विदुरं वाक्यमब्रवीत् । धृतराष्ट्रो नरश्रेष्ठ मुह्यमानो मुहुर्मुहुः ॥

tato dīrgheṇa kālena viduraṃ vākyamabravīt | dhṛtarāṣṭro naraśreṣṭha muhyamāno muhurmuhuḥ

Then, after a long time, Dhritarashtra, best of men, still losing his senses again and again, spoke to Vidura.

Verse 50 (9.1.50)

गच्छन्तु योषितः सर्वा गान्धारी च यशस्विनी । तथेमे सुहृदः सर्वे मुह्यते मे मनो भृशम् ॥

gacchantu yoṣitaḥ sarvā gāndhārī ca yaśasvinī | tatheme suhṛdaḥ sarve muhyate me mano bhṛśam

"Let all the women go, and the renowned Gandhari, and these friends too; my mind is sorely bewildered."

Verse 51 (9.1.51)

एवमुक्तस्ततः क्षत्ता ताः स्त्रियो भरतर्षभ । विसर्जयामास शनैर्मुह्यमानः पुनःपुनः ॥

evamuktastataḥ kṣattā tāḥ striyo bharatarṣabha | visarjayāmāsa śanairmuhyamānaḥ punaḥpunaḥ

Thus bidden, Kshattri, O best of the Bharatas, slowly sent those women away, himself bewildered again and again.

Verse 52 (9.1.52)

निश्चक्रमुस्ततः सर्वाः स्त्रियो भरतसत्तम । सुहृदश्च तथा सर्वे दृष्ट्वा राजानमातुरम् ॥

niścakramustataḥ sarvāḥ striyo bharatasattama | suhṛdaśca tathā sarve dṛṣṭvā rājānamāturam

Then all the women went out, O best of the Bharatas, and all the friends as well, having seen the king in such affliction.

Verse 53 (9.1.53)

ततो नरपतिस्तत्र लब्ध्वा संज्ञां परन्तपः । गतिर्मे को भवेदद्य इति चिन्तासमाकुलः । अपृच्छत्सञ्जयं तत्र रोदमानं भृशातुरम् ॥

tato narapatistatra labdhvā saṃjñāṃ parantapaḥ | gatirme ko bhavedadya iti cintāsamākulaḥ | apṛcchatsañjayaṃ tatra rodamānaṃ bhṛśāturam

Then the king, scorcher of foes, regained consciousness; filled with the anxious thought, "What will be my refuge now?", he questioned Sanjaya, who stood there weeping, sorely afflicted.

Note on the text: Lines are the critical edition's 9.1.51a, its star passage 9.1.51b*0011_01 (gatir me ko bhaved adya …), and 51c (with Dhritarashtra asking Sanjaya, where the critical edition has Sanjaya looking at the king). The unspoken thought stays with the narrator.

Verse 54 (9.1.54)

प्राञ्जलिं सञ्जयं दृष्ट्वा रोदमानं मुहुर्मुहुः । ज्ञातीन्स्त्रियोऽथ निर्याप्य प्रविश्य विदुरः पुनः ॥

prāñjaliṃ sañjayaṃ dṛṣṭvā rodamānaṃ muhurmuhuḥ | jñātīnstriyo'tha niryāpya praviśya viduraḥ punaḥ

Seeing Sanjaya with joined palms, weeping again and again, and having sent out the kinsmen and the women, Vidura came back in,

Note on the text: Corrected विदुरःपुनः → विदुरः पुनः (misprint in Wikisource; missing space after the visarga). Line 1 is the critical edition's 9.1.52a (varied); line 2 is its star passage 9.1.52b*0012_01 (jñātīn striyo 'tha niryāpya praviśya viduraḥ punaḥ).

Verse 55 (9.1.55)

राजानं शोचमानस्तु तं शोचन्तं मुहुर्मुहुः । समाश्वासयत क्षत्ता वचसा मधुरेण च ॥

rājānaṃ śocamānastu taṃ śocantaṃ muhurmuhuḥ | samāśvāsayata kṣattā vacasā madhureṇa ca

and, though himself grieving, Kshattri consoled the grieving king, who lamented again and again, with gentle words.

Note on the text: Line 1 is the critical edition's star passage 9.1.52b*0012_02; line 2 corresponds to 9.1.52c (samāśvāsayata kṣattā vacasā madhureṇa ha).