Dhritarashtra's Lament

Verse 1 (9.2.1)

विसृष्टास्वथ नारीषु धृतराष्ट्रोऽम्बिकासुतः । विललाप महाराज दुःखाद्दुःखतरं गतः ॥

visṛṣṭāsvatha nārīṣu dhṛtarāṣṭro'mbikāsutaḥ | vilalāpa mahārāja duḥkhādduḥkhataraṃ gataḥ

When the women had been sent away, Dhritarashtra, son of Ambika, O great king, lamented, sinking from sorrow into still greater sorrow.

Verse 2 (9.2.2)

सधूममिव निःश्वस्य करौ धुन्वन्पुनःपुनः । बहु सञ्चिन्तयित्वा तु सञ्जयं वाक्यमब्रवीत् ॥

sadhūmamiva niḥśvasya karau dhunvanpunaḥpunaḥ | bahu sañcintayitvā tu sañjayaṃ vākyamabravīt

Sighing as if smoking, wringing his hands again and again, and having thought long on it, he spoke to Sanjaya.

Note on the text: Not matched by the alignment; a recension variant of the critical edition's 9.2.2 (sadhūmam iva niḥśvasya karau dhunvan punaḥ punaḥ / vicintya ca mahārāja tato vacanam abravīt).

Verse 3 (9.2.3)

अहो बत महद्दुःखं यदहं पाण्डवान्रणे । क्षेमिणश्चाव्ययांश्चैव त्वत्तः सूत शृणोमि वै ॥

aho bata mahadduḥkhaṃ yadahaṃ pāṇḍavānraṇe | kṣemiṇaścāvyayāṃścaiva tvattaḥ sūta śṛṇomi vai

Alas, what great sorrow it is, Sanjaya, that I hear from you, O charioteer, that the Pandavas are safe and unharmed after the battle.

Verse 4 (9.2.4)

वज्रसारमयं नूनं हृदयं सुदृढं मम । यच्छ्रुत्वा निहतान्पुत्रान्दीर्यते न सहस्रधा ॥

vajrasāramayaṃ nūnaṃ hṛdayaṃ sudṛḍhaṃ mama | yacchrutvā nihatānputrāndīryate na sahasradhā

My heart must be made of adamant, hard and firm, since it does not split into a thousand pieces though I have heard that my sons are slain.

Verse 5 (9.2.5)

चिन्तयित्वा वचस्तेषां बालक्रीडां च सञ्जय । अद्य चैव हताञ्श्रुत्वा दीर्यते मे भृशं मनः ॥

cintayitvā vacasteṣāṃ bālakrīḍāṃ ca sañjaya | adya caiva hatāñśrutvā dīryate me bhṛśaṃ manaḥ

Remembering their words and their boyhood games, Sanjaya, and hearing today that they are slain, my mind is sorely torn.

Verse 6 (9.2.6)

अन्धत्वाद्यदि पुत्राणां न मे रूपिनिदर्शनम् । पुत्रस्नेहकृता प्रीतिर्नित्यमेतेषु धारिता ॥

andhatvādyadi putrāṇāṃ na me rūpinidarśanam | putrasnehakṛtā prītirnityameteṣu dhāritā

Although, being blind, I never saw my sons' forms, the fondness that comes of love for sons was always kept alive in me for them.

Verse 7 (9.2.7)

बालभावमतिक्रम्य यौवनस्थांश्च तानहम् । श्रियं प्राप्तांश्च ताञ्श्रुत्वा हृष्ट आसं तदाऽनघ ॥

bālabhāvamatikramya yauvanasthāṃśca tānaham | śriyaṃ prāptāṃśca tāñśrutvā hṛṣṭa āsaṃ tadā'nagha

Hearing that they had passed beyond boyhood, had come into youth, and had attained fortune, I was delighted then, O blameless one.

Verse 8 (9.2.8)

तानद्य निहताञ्श्रुत्वा हतैश्वर्यान्हतौजसः । न लभेयं क्वचिच्छान्तिं पुत्राधिभिरभिप्लुतः ॥

tānadya nihatāñśrutvā hataiśvaryānhataujasaḥ | na labheyaṃ kvacicchāntiṃ putrādhibhirabhiplutaḥ

Hearing today that they are slain, stripped of sovereignty and vigour, I find no peace anywhere, overwhelmed by anguish for my sons.

Verse 9 (9.2.9)

एह्येहि वत्स राजेन्द्र ममानाथस्य पुत्रक । त्वया हीनो महाबाहो कां नु यास्याम्यहं गतिम् ॥

ehyehi vatsa rājendra mamānāthasya putraka | tvayā hīno mahābāho kāṃ nu yāsyāmyahaṃ gatim

Come, come, my son, king of kings, to me, helpless as I now am. Without you, mighty-armed one, what refuge shall I go to?

Verse 10 (9.2.10)

कथं त्वं पृथिवीपालांस्त्यक्त्वा तात समागतान् । शेषे विनिहतो भूमौ प्राकृतः कुनृपो यथा ॥

kathaṃ tvaṃ pṛthivīpālāṃstyaktvā tāta samāgatān | śeṣe vinihato bhūmau prākṛtaḥ kunṛpo yathā

How is it, my child, that having forsaken the kings who had gathered, you lie slain on the ground like some common, wretched king?

Verse 11 (9.2.11)

गतिर्भूत्वा महाराज ज्ञातीनां सुहृदां तथा । अन्धं वृद्धं च मां वीर विहाय क्व नु यास्यसि ॥

gatirbhūtvā mahārāja jñātīnāṃ suhṛdāṃ tathā | andhaṃ vṛddhaṃ ca māṃ vīra vihāya kva nu yāsyasi

You were the refuge of your kinsmen and friends, O great king; leaving me, blind and old, where will you go, O hero?

Note on the text: Corrected वृद्वं → वृद्धं (misprint in Wikisource; द्व for द्ध; the critical edition reads vṛddhaṃ).

Verse 12 (9.2.12)

सा कृपा सा च ते प्रीतिः सा च राजसु मानिता । कथं त्वं निहतः पार्थैः संयुगेष्वपराजितः ॥

sā kṛpā sā ca te prītiḥ sā ca rājasu mānitā | kathaṃ tvaṃ nihataḥ pārthaiḥ saṃyugeṣvaparājitaḥ

Where is that kindness of yours, that affection, that honour you enjoyed among the kings? How were you slain by the Parthas, you who were never defeated in battles?

Verse 13 (9.2.13)

को नु मामुत्थितः काले ताततातेति वक्ष्यति । महाराजेति सततं लोकनाथेति चासकृत् ॥

ko nu māmutthitaḥ kāle tātatāteti vakṣyati | mahārājeti satataṃ lokanātheti cāsakṛt

Who now, when I rise at the proper hour, will say to me "Father, father", "Great king", "Lord of the world", again and again?

Verse 14 (9.2.14)

परिष्वज्य च मां कण्ठे स्नेहेन क्लिन्नलोचनः । अनुशाधीति कौरव्य तत्साधु वद मे वचः ॥

pariṣvajya ca māṃ kaṇṭhe snehena klinnalocanaḥ | anuśādhīti kauravya tatsādhu vada me vacaḥ

Who, embracing me about the neck with eyes wet with affection, will say, "Instruct me, O Kaurava; speak to me those good words"?

Note on the text: Corrected कं → मां (misprint in Wikisource; कं is not a word that fits here; the critical edition reads māṃ kaṇṭhe). Corrected अनुशास्ताऽस्मि → अनुशाधीति (misprint in Wikisource; अनुशास्ताऽस्मि ("I am the instructor") does not fit the sense, which needs the imperative "instruct me"; the critical edition reads anuśādhīti). Corrected वदमे → वद मे (misprint in Wikisource; missing space; वद मे). The corrections of कं and अनुशास्ताऽस्मि are judgement calls (the words are not impossible in themselves); both follow the critical edition.

Verse 15 (9.2.15)

ननु नामाहमश्रौषं वचनं तव पुत्रक । भूयसी मम पृथ्वीयं तात पार्थस्य नो तथा ॥

nanu nāmāhamaśrauṣaṃ vacanaṃ tava putraka | bhūyasī mama pṛthvīyaṃ tāta pārthasya no tathā

Did I not hear you say, my son, "This earth, father, is for the most part mine; it is not so with the Partha"?

Verse 16 (9.2.16)

भगदत्तः कृपः शल्य आवन्त्योऽथ जयद्रथः । भूरिश्रवाः सोमदत्तो महाराजश्च बाह्लिकः ॥

bhagadattaḥ kṛpaḥ śalya āvantyo'tha jayadrathaḥ | bhūriśravāḥ somadatto mahārājaśca bāhlikaḥ

Bhagadatta, Kripa, Shalya, the king of Avanti, and Jayadratha; Bhurishravas, Somadatta, and the great king Bahlika;

Verse 17 (9.2.17)

अश्वत्थामा च भोजश्च मागधश्च महाबलः । बृहद्बलश्च क्राथश्च शकुनिश्चापि सौबलः ॥

aśvatthāmā ca bhojaśca māgadhaśca mahābalaḥ | bṛhadbalaśca krāthaśca śakuniścāpi saubalaḥ

Ashvatthama, Bhoja, and the mighty king of Magadha; Brihadbala, Kratha, and Shakuni, son of Subala;

Verse 18 (9.2.18)

म्लेच्छाश्च शतसाहस्राः शकाश्च यवनैः सह । सुदक्षिणश्च काम्भोजस्त्रिगर्ताधिपतिस्तथा ॥

mlecchāśca śatasāhasrāḥ śakāśca yavanaiḥ saha | sudakṣiṇaśca kāmbhojastrigartādhipatistathā

Hundreds of thousands of Mlecchas, and the Shakas with the Yavanas; Sudakshina the Kamboja, and the lord of the Trigartas;

Verse 19 (9.2.19)

भीष्मः पितामहश्चैव भारद्वाजोऽथ गौतमः । श्रुतायुश्चाश्रुतायुश्च शतायुश्चापि वीर्यवान् ॥

bhīṣmaḥ pitāmahaścaiva bhāradvājo'tha gautamaḥ | śrutāyuścāśrutāyuśca śatāyuścāpi vīryavān

Grandfather Bhishma, Bharadvaja (Drona), and Gautama (Kripa); Shrutayu, Achyutayu, and the valiant Shatayu;

Verse 20 (9.2.20)

जलसन्धोऽथार्ष्यशृङ्गी राक्षसश्चाप्यलायुधः । अलम्बुसो वीरबाहुः सुबाहुश्च महारथः ॥

jalasandho'thārṣyaśṛṅgī rākṣasaścāpyalāyudhaḥ | alambuso vīrabāhuḥ subāhuśca mahārathaḥ

Jalasandha, Arshyashringi, and the rakshasa Alayudha; Alambusa, Virabahu, and the great car-warrior Subahu.

Verse 21 (9.2.21)

एते चान्ये च बहवो राजानो राजसत्तम । मदर्थं प्रहरिष्यन्ति प्राणांस्त्यक्त्वा धनानि च ॥

ete cānye ca bahavo rājāno rājasattama | madarthaṃ prahariṣyanti prāṇāṃstyaktvā dhanāni ca

These and many other kings, O best of kings, will strike for my sake, giving up their lives and their wealth.

Verse 22 (9.2.22)

तेषां मध्ये स्थितो युद्धे भ्रातृभिः परिवारितः । योधयिष्याम्यहं पार्थान्पाञ्चालांश्चैव सर्वशः ॥

teṣāṃ madhye sthito yuddhe bhrātṛbhiḥ parivāritaḥ | yodhayiṣyāmyahaṃ pārthānpāñcālāṃścaiva sarvaśaḥ

Standing in their midst in battle, surrounded by my brothers, I shall fight the Parthas and all the Panchalas,

Verse 23 (9.2.23)

चेदींश्च नृपशार्दूल द्रौपदेयांश्च संयुगे । सात्यकिं कुन्तिभोजं च राक्षसं च घटोत्कचम् ॥

cedīṃśca nṛpaśārdūla draupadeyāṃśca saṃyuge | sātyakiṃ kuntibhojaṃ ca rākṣasaṃ ca ghaṭotkacam

and the Chedis, O tiger among kings, and the sons of Draupadi in battle, Satyaki, Kuntibhoja, and the rakshasa Ghatotkacha.

Verse 24 (9.2.24)

एकोऽप्येषां महाराज समर्थः सन्निवारणे । समरे पाण्डवेयानां सङ्क्रुद्धो ह्यभिधावताम् ॥

eko'pyeṣāṃ mahārāja samarthaḥ sannivāraṇe | samare pāṇḍaveyānāṃ saṅkruddho hyabhidhāvatām

Even one of these, O great king, is able to hold off the Pandavas as they rush on in battle, when he is enraged.

Note on the text: Not matched by the alignment; lines are the critical edition's 9.2.24ac.

Verse 25 (9.2.25)

किं पुनः सहिता वीराः कृतवैराश्च पाण्डवैः । अथवा सर्व एवैते पाण्डवस्यानुयायिभिः ॥

kiṃ punaḥ sahitā vīrāḥ kṛtavairāśca pāṇḍavaiḥ | athavā sarva evaite pāṇḍavasyānuyāyibhiḥ

How much more, then, when these heroes stand together, who have made enmity with the Pandavas! Or else all these, together with the followers of the Pandava,

Note on the text: Not matched by the alignment; line 1 is the critical edition's 9.2.24e, line 2 its 9.2.25a.

Verse 26 (9.2.26)

योत्स्यन्ते सह राजेन्द्र हनिष्यन्ति च तान्मृधे । कर्ण एको मया सार्धं निहनिष्यति पाण्डवान् ॥

yotsyante saha rājendra haniṣyanti ca tānmṛdhe | karṇa eko mayā sārdhaṃ nihaniṣyati pāṇḍavān

will fight them and, O king of kings, will slay them in the battle. Karna alone, together with me, will slay the Pandavas.

Note on the text: Not matched by the alignment; line 1 is the critical edition's 9.2.25c, line 2 its 9.2.26a.

Verse 27 (9.2.27)

ते वै नृपतयो वीराः स्थास्यन्ति मम शासने ॥

te vai nṛpatayo vīrāḥ sthāsyanti mama śāsane

Then those kings, those heroes, will remain under my command.

Note on the text: Not matched by the alignment. A single line as printed; it corresponds to the critical edition's 9.2.26c (tato nṛpatayo vīrāḥ sthāsyanti mama śāsane). It is complete with its neighbours; the page's pairing of lines differs from the critical edition's.

Verse 28 (9.2.28)

यश्च तेषां प्रणेता वै वासुदेवो महाबलः । न स सन्नह्यते राजन्निति मामब्रवीद्वचः ॥

yaśca teṣāṃ praṇetā vai vāsudevo mahābalaḥ | na sa sannahyate rājanniti māmabravīdvacaḥ

And their leader, the mighty Vasudeva, "does not gird himself for war, O king"—so he told me.

Verse 29 (9.2.29)

एवं च वदतः सूत बहुशो मम सन्निधौ । युक्तितो ह्यनुपश्यामि निहतान्पाण्डवान्रणे ॥

evaṃ ca vadataḥ sūta bahuśo mama sannidhau | yuktito hyanupaśyāmi nihatānpāṇḍavānraṇe

As he kept saying so in my presence, O charioteer, I too saw by reasoning that the Pandavas were slain in battle.

Note on the text: Corrected पाण्‍डवान् → पाण्डवान् (misprint in Wikisource; removed a stray zero-width joiner).

Verse 30 (9.2.30)

तेषां मध्ये स्थिता यत्र हन्यन्ते मम पुत्रकाः । व्यायच्छमानाः समरे किमन्यद्भागधेयतः ॥

teṣāṃ madhye sthitā yatra hanyante mama putrakāḥ | vyāyacchamānāḥ samare kimanyadbhāgadheyataḥ

Yet where my sons, standing in their midst, are being slain as they strive in battle, what is that but destiny?

Verse 31 (9.2.31)

भीष्मश्च निहतो यत्र लोकनाथः प्रतापवान् । शिखण्डिनं समासाद्य मृगेन्द्र इव जम्बुकम् ॥

bhīṣmaśca nihato yatra lokanāthaḥ pratāpavān | śikhaṇḍinaṃ samāsādya mṛgendra iva jambukam

Where Bhishma, the glorious protector of the world, met Shikhandi like a lion meeting a jackal, and was slain,

Note on the text: Corrected शिखण्‍डिनं → शिखण्डिनं (misprint in Wikisource; removed a stray zero-width joiner).

Verse 32 (9.2.32)

द्रोणश्च ब्राह्मणो यत्र सर्वशस्त्रास्त्रपारगः । निहतः पाण्डवैः सङ्ख्ये किमन्यद्भागधेयतः ॥

droṇaśca brāhmaṇo yatra sarvaśastrāstrapāragaḥ | nihataḥ pāṇḍavaiḥ saṅkhye kimanyadbhāgadheyataḥ

where Drona, the brahmin master of all weapons and missiles, was slain by the Pandavas in battle: what is that but destiny?

Verse 33 (9.2.33)

कर्णश्च निहतः सङ्ख्ये दिव्यास्त्रज्ञो महाबलः । भूरिश्रवा हतो यत्र सोमदत्तश्च संयुगे । बाह्लिकश्च महाराज किमन्यद्भागधेयतः ॥

karṇaśca nihataḥ saṅkhye divyāstrajño mahābalaḥ | bhūriśravā hato yatra somadattaśca saṃyuge | bāhlikaśca mahārāja kimanyadbhāgadheyataḥ

Where Karna, mighty and master of the divine weapons, was slain in battle; where Bhurishravas was slain, and Somadatta in the fight, and Bahlika, O great king: what is that but destiny?

Note on the text: Corrected हतो पत्र → हतो यत्र (misprint in Wikisource; प for य; the critical edition reads yatra). Three-line verse: line 1 is the critical edition's star passage 9.2.31d*0014_01; lines 2–3 are 9.2.32ac.

Verse 34 (9.2.34)

भगदत्तो हतो यत्र गजयुद्धविशारदः । जयद्रथश्च निहतः किमन्यद्भागधेयतः ॥

bhagadatto hato yatra gajayuddhaviśāradaḥ | jayadrathaśca nihataḥ kimanyadbhāgadheyataḥ

Where Bhagadatta, skilled in fighting from elephants, was slain, and Jayadratha was slain: what is that but destiny?

Note on the text: Not in the critical edition's constituted text (found in the vulgate recension); the critical edition records it in its apparatus as the star passage 9.2.32d*0015_01–02.

Verse 35 (9.2.35)

सुदक्षिणो हतो यत्र जलसन्धश्च पौरवः । श्रुतायुश्चाश्रुतायुश्च किमन्यद्भागधेयतः ॥

sudakṣiṇo hato yatra jalasandhaśca pauravaḥ | śrutāyuścāśrutāyuśca kimanyadbhāgadheyataḥ

Where Sudakshina was slain, and Jalasandha the Paurava, Shrutayu and Achyutayu: what is that but destiny?

Verse 36 (9.2.36)

महाबलस्तथा पाण्ड्यः सर्वशस्त्रभृतां वरः । निहतः पाण्डवैः सङ्ख्ये किमन्यद्भागधेयतः ॥

mahābalastathā pāṇḍyaḥ sarvaśastrabhṛtāṃ varaḥ | nihataḥ pāṇḍavaiḥ saṅkhye kimanyadbhāgadheyataḥ

Where the mighty Pandya, best among all who bear weapons, was slain by the Pandavas in battle: what is that but destiny?

Note on the text: Not in the critical edition's constituted text (found in the vulgate recension); the critical edition records it in its apparatus as the star passage 9.2.33d*0016_01–02.

Verse 37 (9.2.37)

बृहद्बलो हतो यत्र मागधश्च महाबलः । उग्रायुधश्च विक्रान्तः प्रतिमानं धनुष्मताम् ॥

bṛhadbalo hato yatra māgadhaśca mahābalaḥ | ugrāyudhaśca vikrāntaḥ pratimānaṃ dhanuṣmatām

Where Brihadbala was slain, and the mighty king of Magadha, and the valiant Ugrayudha, peerless among archers,

Note on the text: Not matched by the alignment; line 1 is the critical edition's 9.2.34a, line 2 its star passage 9.2.34b*0017_01.

Verse 38 (9.2.38)

आवन्त्यो निहतो यत्र त्रैगर्तश्च जनाधिपः । संशप्तकाश्च निहताः किमन्यद्भागधेयतः ॥

āvantyo nihato yatra traigartaśca janādhipaḥ | saṃśaptakāśca nihatāḥ kimanyadbhāgadheyataḥ

where the king of Avanti was slain, and the Trigarta lord of men, and the Samshaptakas: what is that but destiny?

Note on the text: Not matched by the alignment; the lines are the critical edition's 9.2.34c and 9.2.34e.

Verse 39 (9.2.39)

अलम्बुसस्तथा राजन्राक्षसश्चाप्यलायुधः । आर्ष्यशृङ्गिश्च निहतः किमन्यद्भागधेयतः ॥

alambusastathā rājanrākṣasaścāpyalāyudhaḥ | ārṣyaśṛṅgiśca nihataḥ kimanyadbhāgadheyataḥ

Where Alambusa, O king, and the rakshasa Alayudha, and Arshyashringi were slain: what is that but destiny?

Verse 40 (9.2.40)

नारायणा हता यत्र गोपाला युद्धदुर्मदाः । म्लेच्छाश्च बहुसाहस्राः किमन्यद्भागधेयतः ॥

nārāyaṇā hatā yatra gopālā yuddhadurmadāḥ | mlecchāśca bahusāhasrāḥ kimanyadbhāgadheyataḥ

Where the Narayanas, the cowherd warriors mad for battle, were slain, and many thousands of Mlecchas: what is that but destiny?

Verse 41 (9.2.41)

शकुनिः सौबलो यत्र कैतव्यश्च महाबलः । निहतः सबलो वीरः किमन्यद्भागधेयतः ॥

śakuniḥ saubalo yatra kaitavyaśca mahābalaḥ | nihataḥ sabalo vīraḥ kimanyadbhāgadheyataḥ

Where Shakuni, son of Subala, and the mighty Kaitavya were slain, the hero with his whole force: what is that but destiny?

Verse 42 (9.2.42)

एते चान्ये च बहवः कृतास्त्रा युद्धदुर्मदाः । राजानो राजपुत्राश्च शूराः परिघबाहवः । निहता बहवो यत्र किमन्यद्भागधेयतः ॥

ete cānye ca bahavaḥ kṛtāstrā yuddhadurmadāḥ | rājāno rājaputrāśca śūrāḥ parighabāhavaḥ | nihatā bahavo yatra kimanyadbhāgadheyataḥ

These and many others, skilled in weapons and mad for battle, kings and princes, heroes with arms like iron clubs, were slain: where so many were slain, what is that but destiny?

Note on the text: Not matched by the alignment; line 1 is the critical edition's star passage 9.2.37d*0021_01; lines 2–3 are 9.2.38ac.

Verse 43 (9.2.43)

यत्र शूरा महेष्वासाः कृतास्त्रा युद्धदुर्मदाः । बहवो निहताः सूत महेन्द्रसमविक्रमाः ॥

yatra śūrā maheṣvāsāḥ kṛtāstrā yuddhadurmadāḥ | bahavo nihatāḥ sūta mahendrasamavikramāḥ

Where mighty heroes and great archers, skilled in weapons and mad for battle, many of them equal in prowess to Mahendra, were slain, O charioteer.

Note on the text: Corrected युद्वदुर्मदाः → युद्धदुर्मदाः (misprint in Wikisource; द्व for द्ध). Not in the critical edition's constituted text (found in the vulgate recension); the critical edition records it in its apparatus as the star passages 9.2.38d*0022_01 (line 1) and 9.2.38d*0024_01 (line 2).

Verse 44 (9.2.44)

नानादेशसमावृत्ताः क्षत्रिया यत्र सञ्जय । निहताः समरे सर्वे किमन्यद्भागधेयतः ॥

nānādeśasamāvṛttāḥ kṣatriyā yatra sañjaya | nihatāḥ samare sarve kimanyadbhāgadheyataḥ

Where kshatriyas gathered from many lands, O Sanjaya, were all slain in battle: what is that but destiny?

Verse 45 (9.2.45)

पुत्राश्च मे विनिहताः पौत्राश्चैव महाबलाः । वयस्या भ्रातरश्चैव किमन्यद्भागधेयतः ॥

putrāśca me vinihatāḥ pautrāścaiva mahābalāḥ | vayasyā bhrātaraścaiva kimanyadbhāgadheyataḥ

My sons are slain, and my mighty grandsons, and my companions and brothers: what is that but destiny?

Verse 46 (9.2.46)

भागधेयसमायुक्तो ध्रुवमुत्पद्यते नरः । यस्तु भाग्यसमायुक्तः स शुभं प्राप्नुयान्नरः ॥

bhāgadheyasamāyukto dhruvamutpadyate naraḥ | yastu bhāgyasamāyuktaḥ sa śubhaṃ prāpnuyānnaraḥ

A man is surely born joined to his destiny; he who is joined to good fortune obtains what is good.

Verse 47 (9.2.47)

अहं वियुक्तस्तैर्भाग्यैः पुत्रैश्चैवेह सञ्जय । कथमद्य भविष्यामि वृद्धः शत्रुवशं गतः ॥

ahaṃ viyuktastairbhāgyaiḥ putraiścaiveha sañjaya | kathamadya bhaviṣyāmi vṛddhaḥ śatruvaśaṃ gataḥ

I am parted from my fortunes and from my sons here, Sanjaya; how shall I live now, an old man fallen into the power of his enemies?

Verse 48 (9.2.48)

नान्यदत्र परं मन्ये वनवासादृते प्रभो । सोऽहं वनं गमिष्यामि निर्बन्धुर्ज्ञातिसंक्षये ॥

nānyadatra paraṃ manye vanavāsādṛte prabho | so'haṃ vanaṃ gamiṣyāmi nirbandhurjñātisaṃkṣaye

I think nothing else is fitting here, O lord, but living in the forest; kinless, my relatives destroyed, I shall go to the forest.

Verse 49 (9.2.49)

न हि मेऽन्यद्भवेच्छ्रेयो वनाभ्युपगमादृते । इमामवस्थां प्राप्तस्य लूनपक्षस्य सञ्जय ॥

na hi me'nyadbhavecchreyo vanābhyupagamādṛte | imāmavasthāṃ prāptasya lūnapakṣasya sañjaya

Nothing is better for me than going to the forest, Sanjaya, now that I have come to this state, my wings clipped.

Verse 50 (9.2.50)

दुर्योधनो हतो यत्र शल्यश्च निहतो युधि । दुःशासनो विविंशश्च विकर्णश्च महाबलः ॥

duryodhano hato yatra śalyaśca nihato yudhi | duḥśāsano viviṃśaśca vikarṇaśca mahābalaḥ

Where Duryodhana was slain, and Shalya fell in battle, and Duhshasana, Vivimshati, and the mighty Vikarna,

Verse 51 (9.2.51)

कथं हि भीमसेनस्य श्रोष्येऽहं शब्दमुत्तमम् । एकेन समरे येन हतं पुत्रशतं मम ॥

kathaṃ hi bhīmasenasya śroṣye'haṃ śabdamuttamam | ekena samare yena hataṃ putraśataṃ mama

how shall I bear to hear the mighty voice of Bhimasena, who alone in battle slew my hundred sons?

Verse 52 (9.2.52)

असकृद्वदतस्तस्य दुर्योधनवधेन च । दुःखशोकाभिसन्तप्तो न श्रोष्ये परुषा गिरः ॥

asakṛdvadatastasya duryodhanavadhena ca | duḥkhaśokābhisantapto na śroṣye paruṣā giraḥ

Burning with grief and sorrow as he speaks again and again of the slaying of Duryodhana, I shall not bear to hear his harsh words.

Verse 53 (9.2.53)

एवं स शोकसन्तप्तः पार्थिवो हतबान्धवः । मुहुर्मुहुर्मुह्यमानः पुत्राधिभिरभिप्लुतः ॥

evaṃ sa śokasantaptaḥ pārthivo hatabāndhavaḥ | muhurmuhurmuhyamānaḥ putrādhibhirabhiplutaḥ

So that king, burning with grief, his kinsmen slain, fainting again and again and flooded with anguish for his sons,

Verse 54 (9.2.54)

विलप्य सुचिरं कालं धृतराष्ट्रोऽम्बिकासुतः । दीर्घमुष्णं स निःश्वस्य चिन्तयित्वा पराभवम् ॥

vilapya suciraṃ kālaṃ dhṛtarāṣṭro'mbikāsutaḥ | dīrghamuṣṇaṃ sa niḥśvasya cintayitvā parābhavam

Dhritarashtra, son of Ambika, after lamenting for a long while, sighing long and hot, and brooding over the disaster,

Verse 55 (9.2.55)

दुःखेन महता राजन्सन्तप्तो भरतर्षभः । पुनर्गावल्गणिं सूतं पर्यपृच्छद्यथातथम् ॥

duḥkhena mahatā rājansantapto bharatarṣabhaḥ | punargāvalgaṇiṃ sūtaṃ paryapṛcchadyathātatham

tormented by great sorrow, O king, O best of the Bharatas, questioned Sanjaya, son of Gavalgana, again, asking for the exact account.

Verse 56 (9.2.56)

भीष्मद्रोणौ हतौ श्रुत्वा सूतपुत्रं च पातितम् । सेनापतिं प्रणेतारं कमकुर्वत मामकाः ॥

bhīṣmadroṇau hatau śrutvā sūtaputraṃ ca pātitam | senāpatiṃ praṇetāraṃ kamakurvata māmakāḥ

Hearing that Bhishma and Drona were slain and the charioteer's son felled, whom did my people make their commander and leader?

Verse 57 (9.2.57)

यं यं सेनाप्रणेतारं युधि कुर्वन्ति मामकाः । अचिरेणैव कालेन तं तं निघ्नन्ति पाण्डवाः ॥

yaṃ yaṃ senāpraṇetāraṃ yudhi kurvanti māmakāḥ | acireṇaiva kālena taṃ taṃ nighnanti pāṇḍavāḥ

Whomever my people make the leader of the army in battle, the Pandavas slay him in a very short time.

Verse 58 (9.2.58)

रणमूर्ध्नि हतो भीष्मः पश्यतां वः किरीटिना । एवमेव हतो द्रोणः सर्वेषामेव पश्यताम् ॥

raṇamūrdhni hato bhīṣmaḥ paśyatāṃ vaḥ kirīṭinā | evameva hato droṇaḥ sarveṣāmeva paśyatām

Bhishma was slain at the head of the battle by Kiritin, as you looked on; and so Drona was slain, as all of you looked on.

Verse 59 (9.2.59)

एवमेव हतः कर्णः सूतपुत्रः प्रतापवान् । सराजकानां सर्वेषां पश्यतां वः किरीटिना ॥

evameva hataḥ karṇaḥ sūtaputraḥ pratāpavān | sarājakānāṃ sarveṣāṃ paśyatāṃ vaḥ kirīṭinā

In the same way Karna, the glorious charioteer's son, was slain by Kiritin, as you and all the kings looked on.

Verse 60 (9.2.60)

पूर्वमेवाहमुक्तो वै विदुरेण महात्मना । दुर्योधनापराधेन प्रजेयं विनशिष्यति ॥

pūrvamevāhamukto vai vidureṇa mahātmanā | duryodhanāparādhena prajeyaṃ vinaśiṣyati

Long ago I was told by the great-souled Vidura, "Because of Duryodhana's fault these people will perish."

Verse 61 (9.2.61)

केचिन्न सम्यक्पश्यन्ति मूढाः सम्यगवेक्ष्य च । तदिदं मम मूढस्य तथाभूतं वचः स्म तत् ॥

kecinna samyakpaśyanti mūḍhāḥ samyagavekṣya ca | tadidaṃ mama mūḍhasya tathābhūtaṃ vacaḥ sma tat

Some fools do not see rightly even when they look carefully; so it was with me, a fool, and those words have come true just as they were spoken.

Verse 62 (9.2.62)

यदब्रवीत्स धर्मात्मा विदुरो दीर्घदर्शिवान् । तत्तथा समनुप्राप्तं वचनं सत्यवादिनः ॥

yadabravītsa dharmātmā viduro dīrghadarśivān | tattathā samanuprāptaṃ vacanaṃ satyavādinaḥ

What the righteous, far-sighted Vidura told me has come to pass exactly so, the word of one who speaks the truth.

Note on the text: Corrected सत्यवादिनाः → सत्यवादिनः (misprint in Wikisource; ना for न; the critical edition reads satyavādinaḥ).

Verse 63 (9.2.63)

दैवोपहतचित्तेन यन्मयाऽनुष्ठितं पुरा । अनयस्य फलं तस्य ब्रूहि गावल्गणे पुनः ॥

daivopahatacittena yanmayā'nuṣṭhitaṃ purā | anayasya phalaṃ tasya brūhi gāvalgaṇe punaḥ

Tell me again, son of Gavalgana, the fruit of the wrong I did in the past, my mind struck down by fate.

Verse 64 (9.2.64)

को वा मुखमनीकानामासीत्कर्णो निपातिते । अर्जुनं वासुदेवं च को वा प्रत्युद्ययौ रथी ॥

ko vā mukhamanīkānāmāsītkarṇo nipātite | arjunaṃ vāsudevaṃ ca ko vā pratyudyayau rathī

Who stood at the head of the divisions when Karna had fallen? And what car-warrior advanced against Arjuna and Vasudeva?

Verse 65 (9.2.65)

केऽरक्षन्दक्षिणं चक्रं मद्रराजस्य संयुगे । वामं च योद्धुकामस्य के वा वीरस्य पृष्ठतः ॥

ke'rakṣandakṣiṇaṃ cakraṃ madrarājasya saṃyuge | vāmaṃ ca yoddhukāmasya ke vā vīrasya pṛṣṭhataḥ

Who guarded the right wheel of the king of the Madras in the battle, and who the left? And who was behind that hero, eager for combat?

Note on the text: Corrected योद्वुकामस्य → योद्धुकामस्य (misprint in Wikisource; द्व for द्ध; the critical edition reads yoddhukāmasya).

Verse 66 (9.2.66)

कथं च वः समेतानां मद्रराजो महारथः । निहतः पाण्डवैः सङ्ख्ये पुत्रो वा मम सञ्जय ॥

kathaṃ ca vaḥ sametānāṃ madrarājo mahārathaḥ | nihataḥ pāṇḍavaiḥ saṅkhye putro vā mama sañjaya

And how was the mighty king of the Madras, a great car-warrior, slain by the Pandavas in battle while you were all gathered there, and my son too, Sanjaya?

Verse 67 (9.2.67)

ब्रूहि सर्वं यथातत्त्वं भरतानां महाक्षयम् । यथा च निहतः सङ्ख्ये पुत्रो दुर्योधनो मम ॥

brūhi sarvaṃ yathātattvaṃ bharatānāṃ mahākṣayam | yathā ca nihataḥ saṅkhye putro duryodhano mama

Tell me everything exactly as it was, the great destruction of the Bharatas, and how my son Duryodhana was slain in battle.

Verse 68 (9.2.68)

पाञ्चालाश्च यथा सर्वे निहताः सपदानुगाः । धृष्टद्युम्नः शिखण्डी च द्रौपद्याः पञ्च चात्मजाः ॥

pāñcālāśca yathā sarve nihatāḥ sapadānugāḥ | dhṛṣṭadyumnaḥ śikhaṇḍī ca draupadyāḥ pañca cātmajāḥ

And how all the Panchalas were slain with their followers: Dhrishtadyumna, Shikhandi, and the five sons of Draupadi.

Verse 69 (9.2.69)

पाण्डवाश्च यथा मुक्तास्तथोभौ माधवौ युधि । कृपश्च कृतवर्मा च भारद्वाजस्य चात्मजः ॥

pāṇḍavāśca yathā muktāstathobhau mādhavau yudhi | kṛpaśca kṛtavarmā ca bhāradvājasya cātmajaḥ

And how the Pandavas were spared in the battle, and the two Madhavas, and Kripa, Kritavarman, and Bharadvaja's son.

Verse 70 (9.2.70)

यद्यथा यादृशं चैव युद्धं वृत्तं च साम्प्रतम् । अखिलं श्रोतुमिच्छामि कुशलो ह्यसि सञ्जय ॥

yadyathā yādṛśaṃ caiva yuddhaṃ vṛttaṃ ca sāmpratam | akhilaṃ śrotumicchāmi kuśalo hyasi sañjaya

What happened, how, and of what kind the battle has been just now: I wish to hear all of it in full, for you are skilled, Sanjaya.