Kripa Urges Duryodhana to Make Peace

Verse 1 (9.3.1)

शृणु राजन्नवहितो यथावृत्तो महान्क्षयः । कुरूणां पाण्डवानां च समासाद्य परस्परम् ॥

śṛṇu rājannavahito yathāvṛtto mahānkṣayaḥ | kurūṇāṃ pāṇḍavānāṃ ca samāsādya parasparam

Listen attentively, O king, to how the great destruction of the Kurus and the Pandavas came about when they clashed with one another.

Verse 2 (9.3.2)

निहते सूतपुत्रे च फल्गुनेन महात्मना । विद्रुतेषु च सैन्येषु समानीतेषु चासकृत् ॥

nihate sūtaputre ca phalgunena mahātmanā | vidruteṣu ca sainyeṣu samānīteṣu cāsakṛt

When the charioteer's son had been slain by the great-souled Phalguna, and the routed troops were being rallied again and again,

Note on the text: Matches CE 9.3.2 (line 1 reads "nihate sūtaputre tu pāṇḍavena mahātmanā" there; line 2 is the same). The critical edition prints Appendix I No. 1 (118 lines, 9.3.2d@001_0001–0118) after this verse; Wikisource does not have it.

Verse 3 (9.3.3)

विमुखे तव पुत्रे च शोकोपहतचेतसि । भृशोद्विग्नेषु सैन्येषु दृष्ट्वा पार्थस्य विक्रमम् ॥

vimukhe tava putre ca śokopahatacetasi | bhṛśodvigneṣu sainyeṣu dṛṣṭvā pārthasya vikramam

when your son was turned away from the fight, his mind struck down by grief, and the troops were deeply shaken at the sight of Partha's prowess,

Verse 4 (9.3.4)

ध्यायमानेषु योधेषु दुःखं प्राप्तेषु भारत । बलानां मथ्यमानानां श्रुत्वा निनदमुत्तमम् ॥

dhyāyamāneṣu yodheṣu duḥkhaṃ prāpteṣu bhārata | balānāṃ mathyamānānāṃ śrutvā ninadamuttamam

when the warriors, sunk in sorrow and brooding, O Bharata, heard the mighty uproar of the forces being ground down,

Note on the text: Corrected दुऋखं → दुःखं (misprint in Wikisource; ऋ for ः; critical edition duḥkhaṃ). Corrected मत्यमानानां → मथ्यमानानां (misprint in Wikisource; त for थ; मत्य is not a participle of मथ्; critical edition mathyamānānāṃ).

Verse 5 (9.3.5)

अभिज्ञानं नरेन्द्राणां विकृतं प्रेक्ष्य संयुगे । पतितानवनीपालान्ध्वजांश्चैव महात्मनाम् । रणे विनिहतान्नागान्दृष्ट्वा पत्तींश्च भारत ॥

abhijñānaṃ narendrāṇāṃ vikṛtaṃ prekṣya saṃyuge | patitānavanīpālāndhvajāṃścaiva mahātmanām | raṇe vinihatānnāgāndṛṣṭvā pattīṃśca bhārata

seeing on the battlefield the disfigured insignia of kings, the fallen rulers and the banners of the great, the elephants slain in the fight and the foot-soldiers, O Bharata,

Note on the text: Corrected धवजांश्चैव → ध्वजांश्चैव (misprint in Wikisource; broken conjunct, ध्वज "standard"; the critical edition has a different second line, so this is the smallest fix to the evident word). Line 1 = CE 9.3.5a; line 2 is a variant of CE 9.3.5c (the CE reads "patitān rathanīḍāṃś ca rathāṃś cāpi mahātmanām"); line 3 = CE 9.3.6a ("māriṣa" there for "भारत").

Verse 6 (9.3.6)

आयोधनं महाघोरं रुद्रस्याक्रीडसन्निभम् । अप्रख्यातिं गतानां तु राज्ञां शतसहस्रशः ॥

āyodhanaṃ mahāghoraṃ rudrasyākrīḍasannibham | aprakhyātiṃ gatānāṃ tu rājñāṃ śatasahasraśaḥ

and the dreadful battlefield, like Rudra's playground, where hundreds of thousands of kings had passed into oblivion —

Note on the text: Line 1 = CE 9.3.6c (the CE reads "āyodhanaṃ cātighoraṃ"); line 2 = CE 9.3.7a.

Verse 7 (9.3.7)

कृपाविष्टः कृपो दृष्ट्वा वयः शीलसमन्वितः । अब्रवीत्तत्र तेजस्वी सोऽभिसृत्य जनाधिपम् । दुर्योधनमनुक्रोशाद्वाक्यं वाक्यविशारदः ॥

kṛpāviṣṭaḥ kṛpo dṛṣṭvā vayaḥ śīlasamanvitaḥ | abravīttatra tejasvī so'bhisṛtya janādhipam | duryodhanamanukrośādvākyaṃ vākyaviśāradaḥ

Kripa, filled with compassion, a man of age and good conduct, saw this; and that radiant, eloquent man went up to the king and, out of pity for Duryodhana, spoke these words:

Note on the text: Line 1 = CE 9.3.7c (the CE reads "kṛpāviṣṭaḥ kṛpo rājan"); lines 2–3 = CE 9.3.8a and 9.3.8c (line 3 differs: the CE reads "duryodhanaṃ manyuvaśād vacanaṃ vacanakṣamaḥ").

Verse 8 (9.3.8)

दुर्योधन निबोधेयं यत्त्वां वक्ष्यामि कौरव । श्रुत्वा कुरु महाराज यदि ते रोचतेऽनघ ॥

duryodhana nibodheyaṃ yattvāṃ vakṣyāmi kaurava | śrutvā kuru mahārāja yadi te rocate'nagha

Duryodhana, listen to what I am about to tell you, O Kaurava. Having heard it, act on it, great king, if it pleases you, blameless one.

Verse 9 (9.3.9)

न युद्धधर्माच्छ्रेयान्वै पन्था राजेन्द्र विद्यते । यं समाश्रित्य युध्यन्ते क्षत्रियाः क्षत्रियर्षभ ॥

na yuddhadharmācchreyānvai panthā rājendra vidyate | yaṃ samāśritya yudhyante kṣatriyāḥ kṣatriyarṣabha

There is no path better than the duty of war, O king of kings, relying on which Kshatriyas fight, O bull among Kshatriyas.

Verse 10 (9.3.10)

पुत्रो भ्राता पिता चैव स्वस्रीयो मातुलस्तथा । सम्बन्धिबान्धवाश्चैव योद्धव्याः क्षत्रजीविना ॥

putro bhrātā pitā caiva svasrīyo mātulastathā | sambandhibāndhavāścaiva yoddhavyāḥ kṣatrajīvinā

Sons, brothers, fathers, sister's sons, maternal uncles, in-laws and kinsmen — all of these must be fought by one who lives as a Kshatriya.

Note on the text: Corrected योद्वव्याः → योद्धव्याः (misprint in Wikisource; द्व for द्ध; critical edition yodhyā). Corrected क्षत्रजीविन → क्षत्रजीविना (misprint in Wikisource; dropped ा of the instrumental; critical edition kṣatrajīvinā).

Verse 11 (9.3.11)

वधे चैव परो धर्मस्तथाऽधर्मः पलायने । ते स्म घोरां समापन्ना जीविकां जीवितार्थिनः । तदत्र प्रतिवक्ष्यामि किञ्चिदेव हितं वचः ॥

vadhe caiva paro dharmastathā'dharmaḥ palāyane | te sma ghorāṃ samāpannā jīvikāṃ jīvitārthinaḥ | tadatra prativakṣyāmi kiñcideva hitaṃ vacaḥ

In killing lies the highest duty, and in flight, unrighteousness. Those who seek a living have taken up this dreadful calling. On this matter I shall now say a few words for your good.

Note on the text: Lines 1–2 = CE 9.3.12; line 3 is a variant of CE 9.3.13a (the CE reads "tatra tvāṃ prativakṣyāmi kiṃ cid eva hitaṃ vacaḥ").

Verse 12 (9.3.12)

हते भीष्मे च द्रोणे च कर्णे चैव महारथे । जयद्रथे च निहते तव भ्रातृषु चानघ । लक्ष्मणे तव पुत्रे च किं शेषं पर्युपास्महे ॥

hate bhīṣme ca droṇe ca karṇe caiva mahārathe | jayadrathe ca nihate tava bhrātṛṣu cānagha | lakṣmaṇe tava putre ca kiṃ śeṣaṃ paryupāsmahe

Now that Bhishma, Drona and the great chariot-warrior Karna are slain, and Jayadratha too, and your brothers, blameless one, and your son Lakshmana — what is left for us to hold to?

Note on the text: Line 1 = CE 9.3.13c; lines 2–3 = CE 9.3.14a and 9.3.14c.

Verse 13 (9.3.13)

येषु भारं समासज्य राज्ये मतिमकुर्महि । ते सन्त्यज्य तनूर्याताः शूरा ब्रह्मविदां गतिम् ॥

yeṣu bhāraṃ samāsajya rājye matimakurmahi | te santyajya tanūryātāḥ śūrā brahmavidāṃ gatim

Those on whom we laid our burden and in whom we trusted for the kingdom — those heroes have cast off their bodies and gone to the goal of the knowers of Brahman.

Verse 14 (9.3.14)

वयं त्विह विनाभूता गुणवद्भिर्महारथैः । कृपणं वर्तयिष्यामः पातयित्वा नृपान्बहून् ॥

vayaṃ tviha vinābhūtā guṇavadbhirmahārathaiḥ | kṛpaṇaṃ vartayiṣyāmaḥ pātayitvā nṛpānbahūn

Cut off from those virtuous great chariot-warriors, we shall go on living wretchedly here, after bringing down so many kings.

Verse 15 (9.3.15)

सर्वैरथ च जीवद्भिर्बीभत्सुरपराजितः । कृष्णनेत्रो महाबाहुर्देवैरपि दुरासदः ॥

sarvairatha ca jīvadbhirbībhatsuraparājitaḥ | kṛṣṇanetro mahābāhurdevairapi durāsadaḥ

Though all the rest of us are alive, Bibhatsu remains unconquered — the mighty-armed one whose guide is Krishna, hard to withstand even for the gods.

Verse 16 (9.3.16)

इन्द्रकार्मुकवज्राभमिन्द्रकेतुमिवोच्छ्रितम् । वानरं केतुमासाद्य सञ्चचाल महाचमूः ॥

indrakārmukavajrābhamindraketumivocchritam | vānaraṃ ketumāsādya sañcacāla mahācamūḥ

The great host shook when it came upon the monkey banner, towering like Indra's standard, bright as Indra's bow and thunderbolt.

Verse 17 (9.3.17)

सिंहनादेन भीमस्य पाञ्चजन्यस्वनेन च । गाण्डीवस्य च निर्घोषात्सम्मुह्यन्ते मनांसि नः ॥

siṃhanādena bhīmasya pāñcajanyasvanena ca | gāṇḍīvasya ca nirghoṣātsammuhyante manāṃsi naḥ

At Bhima's lion-roar, the blast of the Panchajanya and the twang of the Gandiva, our minds are bewildered.

Verse 18 (9.3.18)

स्फुरन्तीव महाविद्युन्मुष्णन्ती नयनप्रभाम् । अलातमिव चाविद्धं गाण्डीवं समदृश्यत ॥

sphurantīva mahāvidyunmuṣṇantī nayanaprabhām | alātamiva cāviddhaṃ gāṇḍīvaṃ samadṛśyata

The Gandiva was seen like a great flash of lightning quivering and stealing the light of the eyes, like a firebrand whirled round.

Note on the text: Corrected चाविद्वं → चाविद्धं (misprint in Wikisource; द्व for द्ध; critical edition aviddhaṃ). Corrected गाण्डवीं → गाण्डीवं (misprint in Wikisource; ī and v misplaced; गाण्डवीं is not a word; critical edition gāṇḍīvaṃ). Recension variant in line 1: the CE reads "carantīva mahāvidyun muṣṇanti nayanaprabhām".

Verse 19 (9.3.19)

जाम्बूनदविचित्रं च धूयमानं महद्धनुः । दृश्यते दिक्षु सर्वासु विद्युदभ्रघनेष्विव ॥

jāmbūnadavicitraṃ ca dhūyamānaṃ mahaddhanuḥ | dṛśyate dikṣu sarvāsu vidyudabhraghaneṣviva

The great bow, glittering with gold, was seen being drawn and whirled in every direction, like lightning among dense clouds.

Note on the text: Corrected स्रवासु → सर्वासु (misprint in Wikisource; misprint, र dropped from सर्व; critical edition sarvāsu).

Verse 20 (9.3.20)

उह्यमानश्च कृष्णेन वायुनेव बलाहकः । तावकं तद्बलं राजन्नर्जुनोऽस्त्रविशारदः । गहनं शिशिरापाये ददाहाग्निरिवोल्बणः ॥

uhyamānaśca kṛṣṇena vāyuneva balāhakaḥ | tāvakaṃ tadbalaṃ rājannarjuno'straviśāradaḥ | gahanaṃ śiśirāpāye dadāhāgnirivolbaṇaḥ

Carried by Krishna as a cloud is borne by the wind, Arjuna, master of weapons, burned that army of yours, O king, as a blazing fire burns a thicket at the close of winter.

Note on the text: Recension variant: lines 2–3 differ from CE 9.3.22c and 9.3.22e ("arjuno 'stravidāṃ varaḥ"; "gahanaṃ śiśire kakṣaṃ dadāhāgnir ivotthitaḥ").

Verse 21 (9.3.21)

गाहमानमनीकानि महेन्द्रसदृशप्रभम् । विक्षोभयन्तं सेनां वै त्रासयन्तं च पार्थिवान् । धनञ्जयमपश्याम नलिनीमिव कुञ्जरम् ॥

gāhamānamanīkāni mahendrasadṛśaprabham | vikṣobhayantaṃ senāṃ vai trāsayantaṃ ca pārthivān | dhanañjayamapaśyāma nalinīmiva kuñjaram

We saw Dhananjaya plunging through the ranks, with a splendour like great Indra's, throwing the army into confusion and terrifying the kings, like an elephant in a lotus pond.

Note on the text: Line 1 = CE 9.3.23a; lines 2–3 = CE 9.3.24a and 9.3.24c. Wikisource omits CE 9.3.23c ("dhanaṃjayam apaśyāma caturdantam iva dvipam").

Verse 22 (9.3.22)

त्रासयन्तं तथा योधान्धनुर्घोषेण पाण्डवम् । भूय एनमपश्याम सिंहं मृगगणानिव ॥

trāsayantaṃ tathā yodhāndhanurghoṣeṇa pāṇḍavam | bhūya enamapaśyāma siṃhaṃ mṛgagaṇāniva

Again we saw the Pandava terrifying the warriors with the roar of his bow, like a lion among herds of deer.

Note on the text: Corrected पांण्डवम् → पाण्डवम् (misprint in Wikisource; stray anusvara before ण्; critical edition pāṇḍavam).

Verse 23 (9.3.23)

सर्वलोकमहेष्वासौ वृषभौ सर्वधन्विनाम् । आमुक्तकवचौ कृष्णौ लोकमध्ये विरेजतुः ॥

sarvalokamaheṣvāsau vṛṣabhau sarvadhanvinām | āmuktakavacau kṛṣṇau lokamadhye virejatuḥ

The two Krishnas, great archers of all the world, bulls among all bowmen, their armour fastened on, shone in the midst of the world.

Note on the text: Corrected सर्वलोकमहेष्वासो → सर्वलोकमहेष्वासौ (misprint in Wikisource; dual ending, to agree with वृषभौ and कृष्णौ; critical edition sarvalokamaheṣvāsau).

Verse 24 (9.3.24)

अद्य सप्तदशाहानि वर्तमानस्य भारत । सङ्ग्रामस्यातिघोरस्य युध्यतां चाभितो युधि ॥

adya saptadaśāhāni vartamānasya bhārata | saṅgrāmasyātighorasya yudhyatāṃ cābhito yudhi

Seventeen days have passed, O Bharata, in this most terrible war, with the combatants fighting all around in the battle.

Verse 25 (9.3.25)

वायुनेव विधूतानि एव सैन्यानि गच्छता । शरदम्भोदजालानि विशीर्यन्ते समन्ततः ॥

vāyuneva vidhūtāni eva sainyāni gacchatā | śaradambhodajālāni viśīryante samantataḥ

Like masses of autumn clouds blown apart by a wind passing through them, your armies are being scattered on every side.

Note on the text: Recension variant in line 1: the CE reads "vāyuneva vidhūtāni tavānīkāni sarvaśaḥ".

Verse 26 (9.3.26)

तां नावमिव पर्यस्तां मज्जमानां महार्णवे । तव सेनां महाराज सव्यसाची व्यकम्पयत् ॥

tāṃ nāvamiva paryastāṃ majjamānāṃ mahārṇave | tava senāṃ mahārāja savyasācī vyakampayat

Like a capsized ship sinking in the great ocean, O great king, Savyasachin has set your army shaking.

Verse 27 (9.3.27)

क्वनु ते सूतपुत्रोऽभूत्क्वनु द्रोणः सहात्मजः । अहं क्व च क्व चात्मा ते हार्दिक्यश्च तथा क्वनु ॥

kvanu te sūtaputro'bhūtkvanu droṇaḥ sahātmajaḥ | ahaṃ kva ca kva cātmā te hārdikyaśca tathā kvanu

Where now is the charioteer's son, and where is Drona with his son? Where am I, and where are you yourself? And where is Hardikya (Kritavarman)?

Note on the text: Lines 1–2 = CE 9.3.30a and 9.3.30c; the CE continues with the line Wikisource gives as the next verse.

Verse 28 (9.3.28)

दुःशासनश्च ते भ्राता भ्रातृभिः सहितः क्वनु ॥

duḥśāsanaśca te bhrātā bhrātṛbhiḥ sahitaḥ kvanu

And where is your brother Duhshasana, together with his brothers?

Note on the text: Single line = CE 9.3.30e, the third line of that verse (Wikisource prints it as a verse of its own).

Verse 29 (9.3.29)

बाणगोचरसम्प्राप्तं युध्यमानं जयद्रथम् । सम्बन्धिनस्ते भ्रातॄंश्च सहायान्मातुलांस्तथा । सर्वान्विक्रम्य मिषतो लोकमाक्रम्य मूर्धनि ॥

bāṇagocarasamprāptaṃ yudhyamānaṃ jayadratham | sambandhinaste bhrātṝṃśca sahāyānmātulāṃstathā | sarvānvikramya miṣato lokamākramya mūrdhani

Jayadratha, fighting, had come within arrow-range; and he (Arjuna) overpowered them all — your kinsmen, your brothers, your allies and your maternal uncles — while they looked on, treading, as it were, on the head of the world.

Note on the text: Corrected वाणगोचर → बाणगोचर (misprint in Wikisource; व for ब; critical edition bāṇagocara). Corrected साहयान् → सहायान् (misprint in Wikisource; vowels transposed; critical edition sahāyān). Corrected मिपतो → मिषतो (misprint in Wikisource; प for ष; critical edition miṣato). Lines 1–2 = CE 9.3.31a and 9.3.31c (line 1 reads "prekṣya caiva jayadratham" there); line 3 is a variant of CE 9.3.32a ("lokāṃś cākramya mūrdhani").

Verse 30 (9.3.30)

जयद्रथो हतो राजन्किन्नु शेषमुपास्महे । को वेह स पुमानास्ते यो विजेष्यति पाण्डवम् ॥

jayadratho hato rājankinnu śeṣamupāsmahe | ko veha sa pumānāste yo vijeṣyati pāṇḍavam

Jayadratha has been slain, O king; what is left for us to hold to? Who is there here who will conquer the Pandava?

Note on the text: Line 1 = CE 9.3.32c; line 2 = CE 9.3.33a.

Verse 31 (9.3.31)

तस्य चास्त्राणि दिव्यानि विदितानि महात्मनः । गाण्डीवस्य च निर्घोषो धैर्याणि हरते हि नः ॥

tasya cāstrāṇi divyāni viditāni mahātmanaḥ | gāṇḍīvasya ca nirghoṣo dhairyāṇi harate hi naḥ

His divine weapons, great-souled as he is, are well known; and the twang of the Gandiva takes our courage away.

Note on the text: Lines = CE 9.3.33c and 9.3.33e (variants: the CE reads "vividhāni" for "विदितानि" and "vīryāṇi" for "धैर्याणि").

Verse 32 (9.3.32)

नष्टचन्द्रा यथा रात्रिः सेनेयं हतनायका । नागभग्नद्रुमा शुष्का नदीव प्रतिभाति मे ॥

naṣṭacandrā yathā rātriḥ seneyaṃ hatanāyakā | nāgabhagnadrumā śuṣkā nadīva pratibhāti me

This army, its leaders slain, seems to me like a night without a moon, or like a dry river whose trees have been broken down by elephants.

Note on the text: Recension variant in line 2: the CE reads "nadīvākulatāṃ gatā".

Verse 33 (9.3.33)

ध्वजिन्यां हतनेत्रायां यथेष्टं श्वेतवाहनः । चरिष्यति महाराजः कक्षेष्वग्निरिव ज्वलन् ॥

dhvajinyāṃ hatanetrāyāṃ yatheṣṭaṃ śvetavāhanaḥ | cariṣyati mahārājaḥ kakṣeṣvagniriva jvalan

With the army's eyes put out, the white-horsed one will range at will, blazing like a fire in dry thickets.

Note on the text: Recension variant in line 2: the CE reads "cariṣyati mahābāhuḥ kakṣe 'gnir iva saṃjvalan".

Verse 34 (9.3.34)

सात्यकेश्चैव यो वेगो भीमसेनस्य चोभयोः । दारयेत गिरीन्सर्वाञ्शोषयेच्चैव सागरान् ॥

sātyakeścaiva yo vego bhīmasenasya cobhayoḥ | dārayeta girīnsarvāñśoṣayeccaiva sāgarān

The combined force of Satyaki and of Bhimasena could split mountains and dry up the oceans.

Verse 35 (9.3.35)

उवाच वाक्यं यद्भीमः सभामध्ये विशाम्पते । कृतं तत्सफलं सर्वं भूयश्चैव करिष्यति ॥

uvāca vākyaṃ yadbhīmaḥ sabhāmadhye viśāmpate | kṛtaṃ tatsaphalaṃ sarvaṃ bhūyaścaiva kariṣyati

What Bhima declared in the midst of the assembly, O lord of the people, he has made good in full, and he will do so again.

Verse 36 (9.3.36)

प्रमुखस्थे तदा कर्णे बलं पाण्डवरक्षितम् । दुरासदं तदा गुप्तं व्यूढं गाण्डीवधन्वना ॥

pramukhasthe tadā karṇe balaṃ pāṇḍavarakṣitam | durāsadaṃ tadā guptaṃ vyūḍhaṃ gāṇḍīvadhanvanā

When Karna stood at the front, the force guarded by the Pandavas was hard to approach, shielded and drawn up in array by the wielder of the Gandiva.

Verse 37 (9.3.37)

युष्माभिस्तानि चीर्णानि यान्यसाधूनि साधुषु । अकारणकृतान्येव तेषां वः फलमागतम् ॥

yuṣmābhistāni cīrṇāni yānyasādhūni sādhuṣu | akāraṇakṛtānyeva teṣāṃ vaḥ phalamāgatam

The wrongs you all committed against good men, done without any cause — their fruit has now come upon you.

Verse 38 (9.3.38)

आत्मनोऽर्थे त्वया लोके यत्नतः सर्व आहृतः । स ते संशयितस्तात आत्मा च भरतर्षभ ॥

ātmano'rthe tvayā loke yatnataḥ sarva āhṛtaḥ | sa te saṃśayitastāta ātmā ca bharatarṣabha

For your own sake you gathered the whole world with great effort; now all of that hangs in doubt, dear one, and your own life too, O best of the Bharatas.

Verse 39 (9.3.39)

रक्ष दुर्योधनात्मानमात्मा सर्वस्य भाजनम् । भिन्ने हि भाजने तात दिशो गच्छति तद्गतम् ॥

rakṣa duryodhanātmānamātmā sarvasya bhājanam | bhinne hi bhājane tāta diśo gacchati tadgatam

Protect yourself, Duryodhana: the self is the vessel of everything. When the vessel is broken, dear son, what it holds scatters in every direction.

Verse 40 (9.3.40)

हीयमानेन वै सन्धिः पर्येष्टव्यः समेन वा । विग्रहो वर्धमानेन नीतिरेषा बृहस्पतेः ॥

hīyamānena vai sandhiḥ paryeṣṭavyaḥ samena vā | vigraho vardhamānena nītireṣā bṛhaspateḥ

One who is declining should seek peace, or one who is an equal; war is for one who is growing. Such is Brihaspati's policy.

Verse 41 (9.3.41)

ते वयं पाण्डुपुत्रेभ्यो हीनाः स्म बलशक्तितः । अत्र ते पाण्डवैः सार्धं सन्धिं मन्ये क्षमं प्रभो ॥

te vayaṃ pāṇḍuputrebhyo hīnāḥ sma balaśaktitaḥ | atra te pāṇḍavaiḥ sārdhaṃ sandhiṃ manye kṣamaṃ prabho

We are weaker than the sons of Pandu in strength and power. In this case, my lord, I think peace with the Pandavas is fitting for us.

Verse 42 (9.3.42)

न जानीते हि यः श्रेयः श्रेयसश्चावमन्यते । स क्षिप्रं भ्रश्यते राज्यान्न च श्रेयोऽनुविन्दति ॥

na jānīte hi yaḥ śreyaḥ śreyasaścāvamanyate | sa kṣipraṃ bhraśyate rājyānna ca śreyo'nuvindati

A man who does not know what is good, and scorns those who are better, soon falls from his kingdom and does not find the good.

Verse 43 (9.3.43)

प्रणिपत्य हि राजानं राज्यं यदि लभेमहि । श्रेयः स्यान्न तु मौढ्येन राजन्गन्तुं पराभवम् ॥

praṇipatya hi rājānaṃ rājyaṃ yadi labhemahi | śreyaḥ syānna tu mauḍhyena rājangantuṃ parābhavam

If, by bowing before the king, we could win back the kingdom, that would be better, O king, than going to ruin through folly.

Note on the text: Corrected अणिपत्य → प्रणिपत्य (misprint in Wikisource; प्र lost at the start; critical edition praṇipatya).

Verse 44 (9.3.44)

वैचित्रवीर्यवचनात्कृपाशीलो युधिष्ठिरः । विनियुञ्जीत राज्ये त्वां गोविन्दवचनेन च ॥

vaicitravīryavacanātkṛpāśīlo yudhiṣṭhiraḥ | viniyuñjīta rājye tvāṃ govindavacanena ca

At the word of Vichitravirya's son, and at Govinda's word, Yudhishthira, who is compassionate by nature, would set you again over the kingdom.

Verse 45 (9.3.45)

अजातशत्रुः कौरव्यो गुरुशुश्रूषणे रतः । धृतराष्ट्रस्य वचनं नावमंस्यति धार्मिकः ॥

ajātaśatruḥ kauravyo guruśuśrūṣaṇe rataḥ | dhṛtarāṣṭrasya vacanaṃ nāvamaṃsyati dhārmikaḥ

Ajatashatru, the Kaurava, devoted to serving his elders and righteous, will not disregard Dhritarashtra's word.

Note on the text: Removed the stray backtick before अजातशत्रुः. Not in the critical edition's main text: lines 1–2 are star passage *0033 (*0033_01–02, printed after 9.3.46d).

Verse 46 (9.3.46)

कुर्वन्ति भ्रातरश्चास्य वचनं नात्र संशयः ॥

kurvanti bhrātaraścāsya vacanaṃ nātra saṃśayaḥ

And his brothers too will follow his word; there is no doubt of it.

Note on the text: Not in the critical edition's main text; it is star passage *0033_03 (printed after 9.3.46d).

Verse 47 (9.3.47)

यद्ब्रूयाद्धि हृषीकेशो राजानमपराजितम् । अर्जुनो भीमसेनश्च सर्वे कुर्युरसंशयम् ॥

yadbrūyāddhi hṛṣīkeśo rājānamaparājitam | arjuno bhīmasenaśca sarve kuryurasaṃśayam

Whatever Hrishikesha might say to the unconquered king, Arjuna and Bhimasena and all the rest would do without question.

Verse 48 (9.3.48)

नातिक्रमिष्यते कृष्णो वचनं पाण्डवस्य तु । धृतराष्ट्रस्य मन्येऽहं नापि कृष्णस्य पाण्डवः ॥

nātikramiṣyate kṛṣṇo vacanaṃ pāṇḍavasya tu | dhṛtarāṣṭrasya manye'haṃ nāpi kṛṣṇasya pāṇḍavaḥ

Krishna will not overstep the word of the Pandava, nor, I think, that of Dhritarashtra; and the Pandava will not overstep Krishna's.

Note on the text: Recension variant in line 1: the CE reads "vacanaṃ kauravasya ha" (the page's footnote also gives "वचनं कौरवस्य तु").

Verse 49 (9.3.49)

एतत्क्षममहं मन्ये तव पार्थैरविग्रहम् । न त्वां ब्रवीमि कार्पण्यान्न प्राणपरिरक्षणात् ॥

etatkṣamamahaṃ manye tava pārthairavigraham | na tvāṃ bravīmi kārpaṇyānna prāṇaparirakṣaṇāt

I believe this to be right for you: no quarrel with the sons of Pritha. I do not say this from faintheartedness, nor to save my own life.

Note on the text: Lines = CE 9.3.49a and 9.3.49c; the CE's third line (9.3.49e) is the next Wikisource verse.

Verse 50 (9.3.50)

पथ्यं राजन्ब्रवीमि त्वां तत्परासुः स्मरिष्यसि ॥

pathyaṃ rājanbravīmi tvāṃ tatparāsuḥ smariṣyasi

I tell you what is good for you, O king; when your life is leaving you, you will remember it.

Note on the text: Single line = CE 9.3.49e, the third line of that verse (Wikisource prints it as a verse of its own).

Verse 51 (9.3.51)

इति वृद्धो विलप्यैतत्कृपः शारद्वतो वचः । दीर्घमुष्णं च निःश्वस्य शुशोच च मुमोह च ॥

iti vṛddho vilapyaitatkṛpaḥ śāradvato vacaḥ | dīrghamuṣṇaṃ ca niḥśvasya śuśoca ca mumoha ca

Having thus lamented, the aged Kripa Sharadvata sighed long and hot, grieved, and fell into a daze.

Note on the text: Added a space: निःश्वस्यशुशोच → निःश्वस्य शुशोच (two words run together in Wikisource; critical edition niḥśvasya śuśoca).