Krishna's Rebuke and Bhima's Challenge

Verse 1 (9.33.1)

एवं दुर्योधने राजन्गर्जमाने मुहुर्मुहुः । युधिष्ठिरस्य सङ्क्रुद्धो वासुदेवोऽब्रवीदिदम् ॥

evaṃ duryodhane rājangarjamāne muhurmuhuḥ | yudhiṣṭhirasya saṅkruddho vāsudevo'bravīdidam

As Duryodhana, O king, kept roaring again and again, Vasudeva, angry with Yudhishthira, said this:

Verse 2 (9.33.2)

यदि नाम ह्ययं युद्धे वरयेत्त्वां युधिष्ठिर । अर्जुनं नकुलं चैव सहदेवमथापि वा ॥

yadi nāma hyayaṃ yuddhe varayettvāṃ yudhiṣṭhira | arjunaṃ nakulaṃ caiva sahadevamathāpi vā

"Suppose, Yudhishthira, he were to choose you in this battle, or Arjuna, or Nakula, or Sahadeva?"

Note on the text: Corrected यदी नाम ह्ययं यूद्धे → यदि नाम ह्ययं युद्धे (misprint in Wikisource; wrong vowels in यदी and यूद्धे; CE yadi nāma hy ayaṃ yuddhe). Speaker: Vasudeva's (Krishna's) speech to Yudhishthira, announced in verse 1, fills whole verses through verse 16 (the page still carries Sanjaya's heading).

Verse 3 (9.33.3)

किमिदं साहसं राजंस्त्वया व्याहृतमीदृशम् । एकमेव निहत्याजौ भव राजा कुरुष्विति ॥

kimidaṃ sāhasaṃ rājaṃstvayā vyāhṛtamīdṛśam | ekameva nihatyājau bhava rājā kuruṣviti

"What is this rash thing you have said, O king: 'Kill just one of us in battle and be king'?"

Verse 4 (9.33.4)

एतेन हि कृता योग्या वर्षाणीह त्रयोदश । आयसे पुरुषे राजन्भीमसेनजिघांसया ॥

etena hi kṛtā yogyā varṣāṇīha trayodaśa | āyase puruṣe rājanbhīmasenajighāṃsayā

"For thirteen years he has trained here against an iron figure, O king, in his wish to kill Bhimasena."

Verse 5 (9.33.5)

कथं नाम भवेत्कार्यमस्माभिर्भरतर्षभ । साहसं कृतवांस्त्वं तु ह्यनुक्रोशान्नृपोत्तम ॥

kathaṃ nāma bhavetkāryamasmābhirbharatarṣabha | sāhasaṃ kṛtavāṃstvaṃ tu hyanukrośānnṛpottama

"How shall we manage this, best of the Bharatas? Out of compassion, best of kings, you have done a rash thing."

Note on the text: Corrected कार्यमस्माद्वि भरतर्षभ → कार्यमस्माभिर्भरतर्षभ (misprint in Wikisource; अस्माद्वि is not a word here; CE asmābhir bharatarṣabha).

Verse 6 (9.33.6)

नान्यमस्यानुपश्यामि प्रतियोद्धारमाहवे । ऋते वृकोदरात्पार्थात्स च नातिकृतश्रमः ॥

nānyamasyānupaśyāmi pratiyoddhāramāhave | ṛte vṛkodarātpārthātsa ca nātikṛtaśramaḥ

"I see no other opponent for him in battle except Vrikodara, Pritha's son, and even he has not toiled at it as much."

Verse 7 (9.33.7)

तदिदं द्यूतमारब्धं पुनरेव यथा पुरा । विषमं शकुनेश्चैव तव चैव विशेषतः ॥

tadidaṃ dyūtamārabdhaṃ punareva yathā purā | viṣamaṃ śakuneścaiva tava caiva viśeṣataḥ

"So this is the old game of dice begun again, a perilous one, as it was for Shakuni, so now above all for you."

Verse 8 (9.33.8)

बली भीमः समर्थश्च कृती राजा सुयोधनः । बलवान्वा कृती वेति कृती राजन्विशिष्यते ॥

balī bhīmaḥ samarthaśca kṛtī rājā suyodhanaḥ | balavānvā kṛtī veti kṛtī rājanviśiṣyate

"Bhima is strong and powerful, but King Suyodhana is skilled. Between the strong and the skilled, O king, it is the skilled who prevails."

Verse 9 (9.33.9)

सोऽयं राजंस्त्वया शत्रुः समे पथि निवेशितः । न्यस्तश्चात्मा सुविषमे कृच्छ्रमापादिता वयम् ॥

so'yaṃ rājaṃstvayā śatruḥ same pathi niveśitaḥ | nyastaścātmā suviṣame kṛcchramāpāditā vayam

"You, O king, have set this enemy on level ground and yourself staked on a most uneven field; we have been brought into distress."

Verse 10 (9.33.10)

कोऽनु सर्वान्विनिर्जित्य शत्रूनेकेन वैरिणा । कृच्छ्रप्राप्तेन च तथा हारयेद्राज्यमागतम् । पातितश्चैकबाणेन शोचयेदेवमाहवे ॥

ko'nu sarvānvinirjitya śatrūnekena vairiṇā | kṛcchraprāptena ca tathā hārayedrājyamāgatam | pātitaścaikabāṇena śocayedevamāhave

"Who, after conquering all his enemies, would, hard pressed by a single foe, let the kingdom he has won slip away? Felled by a single blow, he would grieve thus in battle."

Note on the text: Removed wiki marks (square brackets). Not matched by the automatic alignment: line 1 is CE 9.32.10a; line 2 is the critical edition's star passage 9.32.10d*0200_01 (vulgate); line 3 is a recension variant of 9.32.10c (CE: paṇitvā caikapāṇena rocayed evam āhavam, which Wikisource's own gloss records as a variant reading). The brackets are an editor's marking in Wikisource.

Verse 11 (9.33.11)

न हि पश्यामि तं लोके योऽद्य दुर्योधनं रणे । गदाहस्तं विजेतुं वै शक्तः स्यादमरोऽपि हि ॥

na hi paśyāmi taṃ loke yo'dya duryodhanaṃ raṇe | gadāhastaṃ vijetuṃ vai śaktaḥ syādamaro'pi hi

"I see no one in the world who could conquer Duryodhana in battle today with the mace in his hand, not even an immortal."

Note on the text: Corrected मरोपि → मरोऽपि (misprint in Wikisource; missing avagraha). Not in the critical edition's constituted text (found in the vulgate recension); the two lines are the critical edition's star passages 9.32.11a*0201_01 (the first half-line is lost there) and 9.32.11d*0201_02.

Verse 12 (9.33.12)

फल्गुनो वा भवान्वाथ माद्रीपुत्रावथापि वा । न समर्थानहं मन्ये गदाहस्तस्य संयुगे ॥

phalguno vā bhavānvātha mādrīputrāvathāpi vā | na samarthānahaṃ manye gadāhastasya saṃyuge

"Phalguna, or you, or the two sons of Madri: I do not think any of you is a match for him in combat when the mace is in his hand."

Note on the text: Line 1 is a recension variant of CE 9.32.12a (nominatives for the accusatives phalgunaṃ… bhavantaṃ); line 2 is CE 9.32.12c.

Verse 13 (9.33.13)

न त्वं भीमो न नकुलः सहदेवोऽथ फल्गुनः । जेतुं न्यायेन शक्तो वै कृती राजा सुयोधनः ॥

na tvaṃ bhīmo na nakulaḥ sahadevo'tha phalgunaḥ | jetuṃ nyāyena śakto vai kṛtī rājā suyodhanaḥ

"Neither you, nor Bhima, nor Nakula, nor Sahadeva, nor Phalguna can defeat King Suyodhana by fair means; he is too skilled."

Note on the text: Not in the critical edition's constituted text (found in the vulgate recension); the two lines are the critical edition's star passages 9.32.12b*0201_03 and 9.32.12d*0201_04.

Verse 14 (9.33.14)

स कथं वदसे शत्रुं युध्यस्व गदयेति हि । एकं च नो निहत्याजौ भव राजेति भारत ॥

sa kathaṃ vadase śatruṃ yudhyasva gadayeti hi | ekaṃ ca no nihatyājau bhava rājeti bhārata

"How then do you say to the enemy, 'Fight with the mace,' and, 'Kill just one of us in battle and be king, Bharata'?"

Verse 15 (9.33.15)

वृकोदरं समासाद्य संशयो वै जये हि नः । न्यायतो युध्यमानानां कृती ह्येष महाबलः ॥

vṛkodaraṃ samāsādya saṃśayo vai jaye hi naḥ | nyāyato yudhyamānānāṃ kṛtī hyeṣa mahābalaḥ

"Once we face Vrikodara, our victory is in doubt, for he is skilled and very strong, and we are fighting fairly."

Verse 16 (9.33.16)

नूनं न राज्यभागेषा पाण्डोः कुन्त्याश्च सन्ततिः । अत्यन्तवनवासाय सृष्टा भैक्ष्याय वा पुनः ॥

nūnaṃ na rājyabhāgeṣā pāṇḍoḥ kuntyāśca santatiḥ | atyantavanavāsāya sṛṣṭā bhaikṣyāya vā punaḥ

"Surely this offspring of Pandu and Kunti has no share in a kingdom; it was made for endless forest-dwelling, or for living on alms."

Note on the text: Removed wiki marks (square brackets, a stray ।।). Not in the critical edition's constituted text (found in the vulgate recension); the critical edition records it as the star passage 9.32.14d*0202_02–03. The brackets are an editor's marking in Wikisource.

Verse 17 (9.33.17)

मधुसूदन माकार्षीविषादं यदुनन्दन । अद्य पारं गमिष्यामि वैरस्य भृशदुर्गमम् ॥

madhusūdana mākārṣīviṣādaṃ yadunandana | adya pāraṃ gamiṣyāmi vairasya bhṛśadurgamam

"Madhusudana, delight of the Yadus, do not despair. Today I shall reach the far shore of this enmity, so hard to cross."

Verse 18 (9.33.18)

अहं सुयोधनं सङ्ख्ये हनिष्यामि न संशयः । विजयो वै ध्रुवः कृष्ण धर्मराजस्य दृश्यते ॥

ahaṃ suyodhanaṃ saṅkhye haniṣyāmi na saṃśayaḥ | vijayo vai dhruvaḥ kṛṣṇa dharmarājasya dṛśyate

"I shall kill Suyodhana in battle, there is no doubt of it. Victory, Krishna, is plainly assured for the king, son of Dharma."

Verse 19 (9.33.19)

अध्यर्धेन गुणेनेयं गदा गुरुतरी मम । न तथा धार्तराष्ट्रस्य माकार्षीर्माधव व्यथाम् ॥

adhyardhena guṇeneyaṃ gadā gurutarī mama | na tathā dhārtarāṣṭrasya mākārṣīrmādhava vyathām

"This mace of mine is half as heavy again as his; do not be troubled over Dhritarashtra's son, Madhava."

Verse 20 (9.33.20)

अनया गदयाचाहं संयुगे योद्धुमुत्सहे । भवन्तः प्रेक्षकाः सर्वे मम सन्तु जनार्दन ॥

anayā gadayācāhaṃ saṃyuge yoddhumutsahe | bhavantaḥ prekṣakāḥ sarve mama santu janārdana

"With this mace I dare to fight in battle, and all of you, Janardana, shall be my spectators."

Note on the text: Corrected गदयानाहं → गदयाचाहं (misprint in Wikisource; ना for चा; the star passage reads gadayā cāhaṃ). Not in the critical edition's constituted text (found in the vulgate recension); the critical edition records it as the star passage 9.32.17d*0203_01–02.

Verse 21 (9.33.21)

सामरानपि लोकांस्त्रीन्नानाशस्त्रधरान्युधि । योधयेयं रणे कृष्ण किमुताद्य सुयोधनम् ॥

sāmarānapi lokāṃstrīnnānāśastradharānyudhi | yodhayeyaṃ raṇe kṛṣṇa kimutādya suyodhanam

"I could fight even the three worlds with their gods, armed with all kinds of weapons, in battle, Krishna; how much more Suyodhana today!"

Verse 22 (9.33.22)

तथा सम्भाषमाणं तु वासुदेवो वृकोदरम् । हृष्टः सम्पूजयामास वचनं चेदमब्रवीत् ॥

tathā sambhāṣamāṇaṃ tu vāsudevo vṛkodaram | hṛṣṭaḥ sampūjayāmāsa vacanaṃ cedamabravīt

As Bhima spoke so, Vasudeva was delighted; he honoured Vrikodara and said these words:

Note on the text: The critical edition has a long Appendix I passage here (9.32.19@002, 38 lines: Krishna on Bhima's feats, Satyaki, Arjuna, the twins and the Panchalas praise Bhima) that this Wikisource page does not carry.

Verse 23 (9.33.23)

त्वामाश्रित्य महाबाहो धर्मराजो युधिष्ठिरः । निहतारिः स्वकां दीप्तां श्रियं प्राप्नोत्यसंशयम् ॥

tvāmāśritya mahābāho dharmarājo yudhiṣṭhiraḥ | nihatāriḥ svakāṃ dīptāṃ śriyaṃ prāpnotyasaṃśayam

"Relying on you, mighty-armed one, Dharmaraja Yudhishthira will, with his enemies slain, win his own blazing fortune, without doubt."

Note on the text: Speaker: Vasudeva's (Krishna's) speech, announced in verse 22, fills whole verses through verse 28 (the page still carries Sanjaya's heading).

Verse 24 (9.33.24)

त्वया विनिहताः सर्वे धृतराष्ट्रसुता रणे । राजानो राजपुत्राश्च नागाश्च विनिपातिताः ॥

tvayā vinihatāḥ sarve dhṛtarāṣṭrasutā raṇe | rājāno rājaputrāśca nāgāśca vinipātitāḥ

"By you all the sons of Dhritarashtra have been slain in battle; kings, princes and elephants have been felled."

Verse 25 (9.33.25)

कलिङ्गा मागधाः प्राच्या गान्धाराः कुरवस्तथा । त्वामासाद्य महायुद्धे निहताः पाण्डुनन्दन ॥

kaliṅgā māgadhāḥ prācyā gāndhārāḥ kuravastathā | tvāmāsādya mahāyuddhe nihatāḥ pāṇḍunandana

"Kalingas, Magadhas, Easterners, Gandharas and Kurus, meeting you in the great battle, were slain, son of Pandu."

Verse 26 (9.33.26)

हत्वा दुर्योधनं चापि प्रयच्छोर्वीं ससागराम् । धर्मराजाय कौन्तेय यथा विष्णुः शचीपतेः ॥

hatvā duryodhanaṃ cāpi prayacchorvīṃ sasāgarām | dharmarājāya kaunteya yathā viṣṇuḥ śacīpateḥ

"And once you have killed Duryodhana too, give the earth with its oceans to Dharmaraja, son of Kunti, as Vishnu gave it to Shachi's lord."

Verse 27 (9.33.27)

त्वां च प्राप्य रणे पापो धार्तराष्ट्रो विनङ्क्ष्यति । त्वमस्य सक्थिनी भंक्त्वा प्रतिज्ञां पालयिष्यसि ॥

tvāṃ ca prāpya raṇe pāpo dhārtarāṣṭro vinaṅkṣyati | tvamasya sakthinī bhaṃktvā pratijñāṃ pālayiṣyasi

"The wicked son of Dhritarashtra will perish when he meets you in battle; you will break his thighs and keep your vow."

Verse 28 (9.33.28)

यत्नेन ह त्वया पापो योद्धव्यो धृतराष्ट्रजः । कृती च बलवांश्चैव युद्धशौण्डश्च नित्यदा ॥

yatnena ha tvayā pāpo yoddhavyo dhṛtarāṣṭrajaḥ | kṛtī ca balavāṃścaiva yuddhaśauṇḍaśca nityadā

"But you must fight Dhritarashtra's son with care, for he is skilled and strong, and always keen for battle."

Verse 29 (9.33.29)

ततस्तु सात्यकी राजन्पूजयामास पाण्डवम् । विविधाभिश्च तं वाग्भिर्भीमसेनं जनेश्वर ॥

tatastu sātyakī rājanpūjayāmāsa pāṇḍavam | vividhābhiśca taṃ vāgbhirbhīmasenaṃ janeśvara

Then Satyaki, O king, honoured the Pandava, and with many kinds of words, O lord of men, he honoured Bhimasena.

Note on the text: Corrected भिमसेनं → भीमसेनं (misprint in Wikisource; short vowel for long). Line 1 is a recension variant of CE 9.32.26a; line 2 differs from the CE (CE 9.32.26c: vividhābhiś ca tāṃ vāgbhiḥ pūjayām āsa mādhavaḥ), where Krishna is the one who honours Bhima.

Verse 30 (9.33.30)

पाञ्चालाः पाण्डवेयाश्च धर्मराजपुरोगमाः । तद्वचो भीमसेनस्य सर्व एवाभ्यपूजयन् ॥

pāñcālāḥ pāṇḍaveyāśca dharmarājapurogamāḥ | tadvaco bhīmasenasya sarva evābhyapūjayan

The Panchalas and the Pandavas, with Dharmaraja at their head, all honoured those words of Bhimasena.

Verse 31 (9.33.31)

ततो भीमबलो भीमो युधिष्ठिरमथाब्रवीत् । सृञ्जयैः सह तिष्ठन्तं तपन्तमिव भास्करम् ॥

tato bhīmabalo bhīmo yudhiṣṭhiramathābravīt | sṛñjayaiḥ saha tiṣṭhantaṃ tapantamiva bhāskaram

Then Bhima, terrible in strength, said to Yudhishthira, who stood with the Srinjayas like the blazing sun:

Verse 32 (9.33.32)

अहमेतेन सङ्गम्य संयुगे योद्धुमुत्सहे । न हि शक्तो रणे जेतुं मामेष पुरुषाधमः ॥

ahametena saṅgamya saṃyuge yoddhumutsahe | na hi śakto raṇe jetuṃ māmeṣa puruṣādhamaḥ

"I am ready to meet him and fight him in battle; this vilest of men cannot defeat me in combat."

Note on the text: Speaker: Bhimasena's speech to Yudhishthira, announced in verse 31, fills whole verses through verse 36 (the page still carries Sanjaya's heading).

Verse 33 (9.33.33)

अद्य क्रोधं विमोक्ष्यामि निहितं हृदये भृशम् । सुयोधने धार्तराष्ट्रे खाण्डवेऽग्निमिवार्जुनः ॥

adya krodhaṃ vimokṣyāmi nihitaṃ hṛdaye bhṛśam | suyodhane dhārtarāṣṭre khāṇḍave'gnimivārjunaḥ

"Today I shall release the anger lodged deep in my heart against Suyodhana, Dhritarashtra's son, as Arjuna released fire at Khandava."

Verse 34 (9.33.34)

शल्यमद्योद्धरिष्यामि तव पाण्डव हृच्छयम् । निहते गदया पापे अद्य राजन्सुखी भव ॥

śalyamadyoddhariṣyāmi tava pāṇḍava hṛcchayam | nihate gadayā pāpe adya rājansukhī bhava

"Today I shall pull out the dart that rankles in your heart, Pandava. With the wicked one struck down by my mace, be happy today, O king."

Note on the text: Line 2 is a recension variant of CE 9.32.31c (nihatya gadayā pāpam).

Verse 35 (9.33.35)

अद्य कीर्तिमयीं मालां प्रतिमोक्ष्ये तवानघ । प्राणाञ्श्रियं च राज्यं च मोक्ष्यतेऽद्य सुयोधनः ॥

adya kīrtimayīṃ mālāṃ pratimokṣye tavānagha | prāṇāñśriyaṃ ca rājyaṃ ca mokṣyate'dya suyodhanaḥ

"Today, blameless one, I shall fasten on you the garland of fame; today Suyodhana will lose his life, his fortune and his kingdom."

Note on the text: Corrected प्रितमोक्ष्ये → प्रतिमोक्ष्ये (misprint in Wikisource; wrong vowel; CE pratimokṣye).

Verse 36 (9.33.36)

राजा च धृतराष्ट्रोऽद्य श्रुत्वा पुत्रं मया हतम् । स्मरिष्यत्यशुभं कर्म यत्तच्छकुनिबुद्धिजम् ॥

rājā ca dhṛtarāṣṭro'dya śrutvā putraṃ mayā hatam | smariṣyatyaśubhaṃ karma yattacchakunibuddhijam

"And King Dhritarashtra, hearing today that I have killed his son, will remember the evil deed born of Shakuni's counsel."

Verse 37 (9.33.37)

इत्युक्त्वा भरतश्रेष्ठो गदामुद्यम्य वीर्यवान् । उदतिष्ठत युद्धाय शक्रो वृत्रमिवाह्वयन् ॥

ityuktvā bharataśreṣṭho gadāmudyamya vīryavān | udatiṣṭhata yuddhāya śakro vṛtramivāhvayan

Having said this, the best of the Bharatas, the mighty one, raised his mace and stood up to fight, like Shakra challenging Vritra.

Verse 38 (9.33.38)

तदाह्वानममृष्यन्वै तव पुत्रोऽतिवीर्यवान् । प्रत्युपस्थित एवाशु मत्तो मत्तमिव द्विपम् ॥

tadāhvānamamṛṣyanvai tava putro'tivīryavān | pratyupasthita evāśu matto mattamiva dvipam

Your very valiant son could not bear that challenge and at once stood ready, like a rutting elephant against another.

Note on the text: Removed wiki marks (square brackets). Not in the critical edition's constituted text (found in the vulgate recension); the critical edition records it as the star passage 9.32.34d*0204_01–02. The opening bracket is an editor's marking in Wikisource, closed after verse 39.

Verse 39 (9.33.39)

गदाहस्तं तव सुतं युद्धाय समुपस्थितम् । ददृशुः पाण्डवाः सर्वे कैलासमिव शृङ्गिणम् ॥

gadāhastaṃ tava sutaṃ yuddhāya samupasthitam | dadṛśuḥ pāṇḍavāḥ sarve kailāsamiva śṛṅgiṇam

All the Pandavas saw your son standing ready for battle, mace in hand, like Kailasa with its peaks.

Note on the text: Removed wiki marks (square brackets). Not in the critical edition's constituted text (found in the vulgate recension); the critical edition records it as the star passage 9.32.34d*0204_03–04.

Verse 40 (9.33.40)

तमेकाकिनमासाद्य धार्तराष्ट्रं महाबलम् । वियूथमिव मातङ्गं समहृष्यन्त पाण्डवाः ॥

tamekākinamāsādya dhārtarāṣṭraṃ mahābalam | viyūthamiva mātaṅgaṃ samahṛṣyanta pāṇḍavāḥ

The Pandavas rejoiced on meeting the mighty son of Dhritarashtra, alone like an elephant cut off from its herd.

Note on the text: Line 2 is a recension variant of CE 9.32.35c (niryūtham for viyūtham).

Verse 41 (9.33.41)

न सम्भ्रमो न च भयं न च ग्लानिर्न च व्यथा । आसीद्दुर्योधनस्यापि स्थितः सिंह इवाहवे ॥

na sambhramo na ca bhayaṃ na ca glānirna ca vyathā | āsīdduryodhanasyāpi sthitaḥ siṃha ivāhave

In Duryodhana too there was no confusion, no fear, no dejection, no distress; he stood in the battle like a lion.

Note on the text: Removed wiki marks (square brackets). Not in the critical edition's constituted text (found in the vulgate recension); the critical edition records it as the star passage 9.32.35d*0205_01–02. The brackets are an editor's marking in Wikisource.

Verse 42 (9.33.42)

समुद्यतगदं दृष्ट्वा कैलासमिव शृङ्गिणम् । भीमसेनस्तदा राजन्दुर्योधनमथाब्रवीत् ॥

samudyatagadaṃ dṛṣṭvā kailāsamiva śṛṅgiṇam | bhīmasenastadā rājanduryodhanamathābravīt

Seeing him with his mace raised, like Kailasa with its peaks, Bhimasena then spoke to Duryodhana, O king.

Note on the text: Corrected शृङ्गियाम् → शृङ्गिणम् (misprint in Wikisource; garbled; CE śṛṅgiṇam).

Verse 43 (9.33.43)

राज्ञापि धृतराष्ट्रेण त्वया चास्मासु यत्कृतम् । स्मर तद्दुष्कृतं कर्म यद्भूतं वारणावते ॥

rājñāpi dhṛtarāṣṭreṇa tvayā cāsmāsu yatkṛtam | smara tadduṣkṛtaṃ karma yadbhūtaṃ vāraṇāvate

"Remember what you and King Dhritarashtra did to us, that wicked deed that took place at Varanavata."

Note on the text: Corrected कर्मं → कर्म (misprint in Wikisource; stray anusvara; CE karma). Speaker: Bhimasena's speech to Duryodhana, announced in verse 42, fills whole verses through verse 51 (the page still carries Sanjaya's heading).

Verse 44 (9.33.44)

द्रौपदी च परामृष्टा सभामध्ये रजस्वला । द्यूते च वञ्चितो राजा शकुनेर्बुद्धिलाघवात् ॥

draupadī ca parāmṛṣṭā sabhāmadhye rajasvalā | dyūte ca vañcito rājā śakunerbuddhilāghavāt

"And Draupadi, in her season, was seized in the midst of the assembly; and the king was cheated at dice through Shakuni's cunning."

Note on the text: Corrected समामध्ये → सभामध्ये (misprint in Wikisource; समा for सभा; CE sabhāmadhye). Corrected शकूनेर् → शकुनेर् (misprint in Wikisource; long ū for short; CE śakuner). Line 2 is a recension variant of CE 9.32.38c (dyūte yad vijito rājā śakuner buddhiniścayāt).

Verse 45 (9.33.45)

यानि चान्यानि दुष्टात्मन्पापानि कृतवानसि । अनागःसु च पार्थेषु तस्य पश्य महत्फलम् ॥

yāni cānyāni duṣṭātmanpāpāni kṛtavānasi | anāgaḥsu ca pārtheṣu tasya paśya mahatphalam

"And whatever other sins you committed, evil-minded one, against the innocent sons of Pritha, see now their great fruit."

Note on the text: Corrected अनागासु → अनागःसु (misprint in Wikisource; visarga dropped; CE anāgaḥsu).

Verse 46 (9.33.46)

त्वत्कृते निहतः शेते शरतल्पे महायशाः । गाङ्गेयो भरतश्रेष्ठः सर्वेषां नः पितामहः ॥

tvatkṛte nihataḥ śete śaratalpe mahāyaśāḥ | gāṅgeyo bharataśreṣṭhaḥ sarveṣāṃ naḥ pitāmahaḥ

"Because of you the glorious Gangeya, best of the Bharatas, grandfather of us all, lies slain on a bed of arrows."

Note on the text: Corrected याङ्गेयो → गाङ्गेयो (misprint in Wikisource; य for ग; CE gāṅgeyo).

Verse 47 (9.33.47)

हतो द्रोणश्च कर्णश्च हतः शल्यः प्रतापवान् । वैराग्नेरादिकर्ता च शकुनिर्निहतो रणे ॥

hato droṇaśca karṇaśca hataḥ śalyaḥ pratāpavān | vairāgnerādikartā ca śakunirnihato raṇe

"Drona is dead, and Karna; the mighty Shalya is slain, and Shakuni, the first author of the enmity, has been killed in battle."

Note on the text: Corrected इतः शल्यः → हतः शल्यः (misprint in Wikisource; इतः for हतः; CE hataḥ śalyaḥ). Line 2 is a recension variant of CE 9.32.41c (vairasya cādikartāsau śakunir nihato yudhi).

Verse 48 (9.33.48)

भ्रातरस्ते हताः शूराः पुत्राश्च सहसैनिकाः । राजानश्च हताः शूराः समरेष्वनिवर्तिनः ॥

bhrātaraste hatāḥ śūrāḥ putrāśca sahasainikāḥ | rājānaśca hatāḥ śūrāḥ samareṣvanivartinaḥ

"Your brothers are dead, brave men, and your sons with their troops; and kings are dead, heroes who never turned back from battle."

Verse 49 (9.33.49)

एते चान्ये च निहता बहवः क्षत्रियर्षभाः । प्रातिकामी तथा पापो द्रौपद्याः क्लेशकृद्धतः ॥

ete cānye ca nihatā bahavaḥ kṣatriyarṣabhāḥ | prātikāmī tathā pāpo draupadyāḥ kleśakṛddhataḥ

"These and many other chiefs of the Kshatriyas are dead; and Pratikami, the wretch who caused Draupadi pain, has been killed."

Verse 50 (9.33.50)

अवशिष्टस्त्वमेवैकः कुलघ्नोऽधमपूरुषः । त्वामप्यद्य हनिष्यामि गदया नात्र संशयः ॥

avaśiṣṭastvamevaikaḥ kulaghno'dhamapūruṣaḥ | tvāmapyadya haniṣyāmi gadayā nātra saṃśayaḥ

"You alone remain, destroyer of your clan, lowest of men. Today I shall kill you too with my mace, no doubt of it."

Verse 51 (9.33.51)

अद्य तेऽहं रणे दर्पं सर्वं नाशयिता नृप । राज्याशां विपुलां चापि पाण्डवेषु च दुष्कृतम् ॥

adya te'haṃ raṇe darpaṃ sarvaṃ nāśayitā nṛpa | rājyāśāṃ vipulāṃ cāpi pāṇḍaveṣu ca duṣkṛtam

"Today, O king, I shall destroy all your pride in battle, your vast hope of the kingdom, and your wrongs against the Pandavas."

Verse 52 (9.33.52)

किं कत्थितेन बहुना युध्यस्वाद्य मया सह । अद्य तेऽहं विनेष्यामि युद्धश्रद्धां वृकोदर ॥

kiṃ katthitena bahunā yudhyasvādya mayā saha | adya te'haṃ vineṣyāmi yuddhaśraddhāṃ vṛkodara

"Why boast so much? Fight me today. Today, Vrikodara, I shall drive your zeal for battle out of you."

Verse 53 (9.33.53)

किं न पश्यसि मां पाप गदायुद्धे व्यवस्थितम् । हिमवच्छिखराकारां प्रगृह्य महतीं गदाम् ॥

kiṃ na paśyasi māṃ pāpa gadāyuddhe vyavasthitam | himavacchikharākārāṃ pragṛhya mahatīṃ gadām

"Can you not see me, wretch, set for the mace fight, holding a huge mace like a peak of the Himalaya?"

Verse 54 (9.33.54)

गदिनं कोऽद्य मां पाप हन्तुमुत्सहते रिपुः । न्यायतो युध्यमानश्च देवेष्वपि पुरन्दरः ॥

gadinaṃ ko'dya māṃ pāpa hantumutsahate ripuḥ | nyāyato yudhyamānaśca deveṣvapi purandaraḥ

"What enemy dares kill me today, wretch, me with a mace in hand? And as I fight fairly, not even Purandara among the gods could."

Verse 55 (9.33.55)

मा वृथा गर्ज कौन्तेय शारदाभ्रमिवाजलम् । दर्शयस्व बलं युद्धे यावन्नासून्निहन्मि ते ॥

mā vṛthā garja kaunteya śāradābhramivājalam | darśayasva balaṃ yuddhe yāvannāsūnnihanmi te

"Do not roar in vain, son of Kunti, like an autumn cloud without water. Show your strength in battle before I take your life."

Note on the text: Line 2 is a recension variant of CE 9.32.49c (yāvat tat te 'dya vidyate).

Verse 56 (9.33.56)

तस्य तद्वचनं श्रुत्वा पाण्डवाः सहसृञ्जयाः । सर्वे सम्पूजयामासुस्तद्वचो विजिगीषवः ॥

tasya tadvacanaṃ śrutvā pāṇḍavāḥ sahasṛñjayāḥ | sarve sampūjayāmāsustadvaco vijigīṣavaḥ

Hearing his words, the Pandavas with the Srinjayas, all eager for victory, applauded them.

Note on the text: Speaker: narration by Sanjaya (the input carried Duryodhana's heading over from verse 55).

Verse 57 (9.33.57)

उन्मत्तमिव मातङ्गं तलशब्देन मानवाः । भूयः संहर्षयामासू राजन्दुर्योधनं द्विषः ॥

unmattamiva mātaṅgaṃ talaśabdena mānavāḥ | bhūyaḥ saṃharṣayāmāsū rājanduryodhanaṃ dviṣaḥ

As men goad a maddened elephant with the sound of clapping, so your enemies, O king, stirred Duryodhana up again.

Verse 58 (9.33.58)

बृंहन्ति कुञ्जरास्तत्र हया हेषन्ति चासकृत् । शस्त्राणि सम्प्रदीप्यन्ते पाण्डवानां जयैषिणाम् ॥

bṛṃhanti kuñjarāstatra hayā heṣanti cāsakṛt | śastrāṇi sampradīpyante pāṇḍavānāṃ jayaiṣiṇām

Elephants trumpeted there, horses neighed again and again, and the weapons of the Pandavas, eager for victory, blazed brightly.