Duryodhana Rises from the Lake

Verse 1 (9.32.1)

एवं सन्तर्ज्यमानस्तु मम पुत्रो महीपतिः । प्रकृत्या मन्युमान्वीरः कथमासीत्परन्तपः ॥

evaṃ santarjyamānastu mama putro mahīpatiḥ | prakṛtyā manyumānvīraḥ kathamāsītparantapaḥ

"Though proud by nature and quick to anger, a hero who scorched his foes, how did my son the king bear being threatened in this way?"

Verse 2 (9.32.2)

न हि सन्तर्जना तेन श्रुतपूर्वा कथञ्चन । राजभावेन मान्यश्च सर्वलोकस्य सोऽभवत् ॥

na hi santarjanā tena śrutapūrvā kathañcana | rājabhāvena mānyaśca sarvalokasya so'bhavat

"Never before had he been threatened in any way, and by virtue of his kingship he was honoured by the whole world."

Verse 3 (9.32.3)

यस्यातपत्रच्छायापि स्वका भानोस्तथा प्रभा । खेदायैवाभिमानित्वात्सहेत्सैवं कथं गिरः ॥

yasyātapatracchāyāpi svakā bhānostathā prabhā | khedāyaivābhimānitvātsahetsaivaṃ kathaṃ giraḥ

"How could he bear such words, he to whom, in his pride, even the shade of his own royal parasol and likewise the brilliance of the sun were only a vexation?"

Note on the text: Removed wiki marks (square brackets, a stray ।।). Corrected गरिः → गिरः (misprint in Wikisource; Wikisource reads गरिः, which is no word here; the critical edition's star passage reads giraḥ, "words"). Not in the critical edition's constituted text (found in the vulgate recension); the critical edition records it as the star passage 9.31.2d*0190_01–02. The bracketed lines are an editor's marking in Wikisource.

Verse 4 (9.32.4)

इयं च पृथिवी सर्वा सम्लेच्छाटविका भृशम् । प्रसादाद्भ्रियते यस्य प्रत्यक्षं तव सञ्जय ॥

iyaṃ ca pṛthivī sarvā samlecchāṭavikā bhṛśam | prasādādbhriyate yasya pratyakṣaṃ tava sañjaya

"This whole earth, with its barbarian tribes and its forests, is upheld by his favour, as you have seen with your own eyes, Sanjaya."

Verse 5 (9.32.5)

स तथा तर्ज्यमानस्तु पाण्डुपुत्रैर्विशेषतः । विहीनश्च स्वकैर्भृत्यैर्निर्जिते चावृतो भृशम् ॥

sa tathā tarjyamānastu pāṇḍuputrairviśeṣataḥ | vihīnaśca svakairbhṛtyairnirjite cāvṛto bhṛśam

"Threatened like that, above all by the sons of Pandu, deprived of his own servants, and hemmed in on every side in his defeat,"

Verse 6 (9.32.6)

स श्रुत्वा कटुका वाचो जययुक्ताः पुनःपुनः । किमब्रवीत्पाण्डवेयांस्तन्ममाचक्ष्व सञ्जय ॥

sa śrutvā kaṭukā vāco jayayuktāḥ punaḥpunaḥ | kimabravītpāṇḍaveyāṃstanmamācakṣva sañjaya

"when he heard those harsh words, again and again, so full of their triumph, what did he say to the Pandavas? Tell me that, Sanjaya."

Verse 7 (9.32.7)

तर्ज्यमानस्तदा राजन्नुदकस्थस्तवात्मजः । युधिष्ठिरेण राजेन्द्र भ्रातृभिः सहितेन ह ॥

tarjyamānastadā rājannudakasthastavātmajaḥ | yudhiṣṭhireṇa rājendra bhrātṛbhiḥ sahitena ha

Thus rebuked, O king, by Yudhishthira together with his brothers, while he stood in the water, your son, O lord of kings,

Verse 8 (9.32.8)

श्रुत्वा स कटुका वाचो विषमस्थो नराधिपः । दीर्घमुष्णं च निःश्वस्य सलिलस्थः पुनःपुनः ॥

śrutvā sa kaṭukā vāco viṣamastho narādhipaḥ | dīrghamuṣṇaṃ ca niḥśvasya salilasthaḥ punaḥpunaḥ

hearing those harsh words, the ruler of men, in desperate straits, drew long hot breaths again and again as he stood in the water,

Verse 9 (9.32.9)

सलिलान्तर्गतो राजा धुन्वन्हस्तौ पुनःपुनः । मनश्चकार युद्धाय राजानं चाभ्यभाषत ॥

salilāntargato rājā dhunvanhastau punaḥpunaḥ | manaścakāra yuddhāya rājānaṃ cābhyabhāṣata

and, there in the water, wringing his hands again and again, the king made up his mind to fight and spoke to King Yudhishthira.

Verse 10 (9.32.10)

यूयं ससुहृदः पार्थाः सर्वे सरथवाहनाः । अहमेकः परिद्यूनो विरथो हतवाहनः ॥

yūyaṃ sasuhṛdaḥ pārthāḥ sarve sarathavāhanāḥ | ahamekaḥ paridyūno viratho hatavāhanaḥ

"You Pandavas, all of you, have friends, chariots and horses. I am alone, exhausted, without a chariot, my horses slain."

Note on the text: Speaker: Duryodhana's direct speech, which runs through verse 22, fills whole verses (the page still carries Sanjaya's heading from verse 7).

Verse 11 (9.32.11)

आत्तशस्त्रै रथोपेतैर्बहुभिः परिवारितः । कथमेकः पदातिः सन्नशस्त्रो योद्धुमुत्सहे ॥

āttaśastrai rathopetairbahubhiḥ parivāritaḥ | kathamekaḥ padātiḥ sannaśastro yoddhumutsahe

"Surrounded by many men who carry weapons and ride in chariots, how can I, alone, on foot and without a weapon, dare to fight?"

Note on the text: Corrected परिवास्तिः → परिवारितः (misprint in Wikisource; a dropped matra; CE parivāritaḥ). Corrected योद्धुमुत्सह → योद्धुमुत्सहे (misprint in Wikisource; the verb needs its ending, "I dare"; CE utsahe).

Verse 12 (9.32.12)

एकैकशश्च मां यूयं योधयध्वं युधिष्ठिर । न ह्येको बहुभिर्वीरैर्न्याय्यो योधयितुं युधि ॥

ekaikaśaśca māṃ yūyaṃ yodhayadhvaṃ yudhiṣṭhira | na hyeko bahubhirvīrairnyāyyo yodhayituṃ yudhi

"Fight me one at a time, Yudhishthira. It is not right for one man to be fought by many heroes in battle."

Verse 13 (9.32.13)

विशेषतो विकवचः श्रान्तश्चापत्समाश्रितः । भृशं विक्षतगात्रश्च श्रान्तवाहनसैनिकः ॥

viśeṣato vikavacaḥ śrāntaścāpatsamāśritaḥ | bhṛśaṃ vikṣatagātraśca śrāntavāhanasainikaḥ

"Above all I am without armour, weary, fallen into misfortune, my body badly wounded, my horses and soldiers worn out."

Verse 14 (9.32.14)

न मे त्वत्तो भयं राजन्न च पार्थाद्वृकोदरात् । फल्गुनाद्वासुदेवाद्वा पाञ्चालेभ्योऽथवा पुनः ॥

na me tvatto bhayaṃ rājanna ca pārthādvṛkodarāt | phalgunādvāsudevādvā pāñcālebhyo'thavā punaḥ

"I have no fear of you, O king, nor of Partha Vrikodara, nor of Phalguna, nor of Vasudeva, nor again of the Panchalas,"

Verse 15 (9.32.15)

यमाभ्यां युयुधानाद्वा ये चान्ये तव सैनिकाः । एकः सर्वानहं क्रुद्धो वारयिष्ये युधि स्थितः ॥

yamābhyāṃ yuyudhānādvā ye cānye tava sainikāḥ | ekaḥ sarvānahaṃ kruddho vārayiṣye yudhi sthitaḥ

"nor of the twins, nor of Yuyudhana, nor of any other soldier of yours. Angry, I shall stand in battle and hold them all off, alone."

Note on the text: Line 1 is CE 9.31.14a; line 2 is a recension variant of 9.31.14c (CE: na tān yoddhum ihotsahe).

Verse 16 (9.32.16)

धर्ममूला सतां कीर्तिर्मनुष्याणां जनाधिप । धर्मं चैवेह कीर्तिं च पालयन्प्रब्रवीम्यहम् ॥

dharmamūlā satāṃ kīrtirmanuṣyāṇāṃ janādhipa | dharmaṃ caiveha kīrtiṃ ca pālayanprabravīmyaham

"The fame of good men, O ruler of men, is rooted in dharma. Guarding dharma and fame in this world, I say this:"

Verse 17 (9.32.17)

अहमुत्थाय सर्वान्वै प्रतियोत्स्यामि संयुगे । अन्वभ्याशं गतान्सर्वान्निहनिष्यामि भारत ॥

ahamutthāya sarvānvai pratiyotsyāmi saṃyuge | anvabhyāśaṃ gatānsarvānnihaniṣyāmi bhārata

"I shall rise up and fight you all in battle; I shall strike down every one of you who comes within my reach, O Bharata."

Note on the text: Line 1 is CE 9.31.16a; line 2 is a recension variant of 9.31.16c (CE: anvaṃśābhyāgatān sarvān ṛtūn saṃvatsaro yathā).

Verse 18 (9.32.18)

अद्य वः सरथान्साश्वानशस्त्रो विरथोऽपि सन् । नक्षत्राणीव सर्वाणि सविता रात्रिसंक्षये ॥

adya vaḥ sarathānsāśvānaśastro viratho'pi san | nakṣatrāṇīva sarvāṇi savitā rātrisaṃkṣaye

"Today, though I have no weapon and no chariot, I shall put out you and your chariots and horses, as the sun at the end of night puts out all the stars,"

Note on the text: Not matched by the automatic alignment: the two lines are CE 9.31.17a and 9.31.17c; the third line of that CE verse (tejasā nāśayiṣyāmi…) opens the next verse here.

Verse 19 (9.32.19)

तेजसा नाशयिष्यामि स्थिरीभवत पाण्डवाः । अद्यानृण्यं गमिष्यामि क्षत्रियाणां यशस्विनां ॥

tejasā nāśayiṣyāmi sthirībhavata pāṇḍavāḥ | adyānṛṇyaṃ gamiṣyāmi kṣatriyāṇāṃ yaśasvināṃ

"by my own radiance. Stand firm, Pandavas! Today I shall be free of my debt to those glorious Kshatriyas:"

Note on the text: Removed wiki marks (a stray zero-width joiner). Not matched by the automatic alignment: line 1 is CE 9.31.17e (the third line of that verse); line 2 is CE 9.31.18a.

Verse 20 (9.32.20)

बाह्लीकद्रोणभीष्माणां कर्णस्य च महात्मनः । जयद्रथस्य शूरस्य भगदत्तस्य चोभयोः ॥

bāhlīkadroṇabhīṣmāṇāṃ karṇasya ca mahātmanaḥ | jayadrathasya śūrasya bhagadattasya cobhayoḥ

"to Bahlika, Drona and Bhishma, and to the great-souled Karna; to the brave Jayadratha and to Bhagadatta, both of them;"

Note on the text: Not matched by the automatic alignment: line 1 is CE 9.31.18c; line 2 is CE 9.31.19a.

Verse 21 (9.32.21)

मद्रराजस्य शल्यस्य भूरिश्रवस एव च । पुत्राणां भरतश्रेष्ठ शकुनेः सौबलस्य च ॥

madrarājasya śalyasya bhūriśravasa eva ca | putrāṇāṃ bharataśreṣṭha śakuneḥ saubalasya ca

"to Shalya, king of the Madras, and to Bhurishravas; to my sons, O best of the Bharatas, and to Shakuni, son of Subala;"

Note on the text: Not matched by the automatic alignment: line 1 is CE 9.31.19c; line 2 is CE 9.31.20a.

Verse 22 (9.32.22)

मित्राणां सुहृदां चैव बान्धवानां तथैव च । आनृण्यमद्य गच्छामि हत्वा त्वां भ्रातृभिः सह ॥

mitrāṇāṃ suhṛdāṃ caiva bāndhavānāṃ tathaiva ca | ānṛṇyamadya gacchāmi hatvā tvāṃ bhrātṛbhiḥ saha

"to my friends, companions and kinsmen. Today I shall be free of that debt by killing you together with your brothers."

Note on the text: Corrected मेत्राणां → मित्राणां (misprint in Wikisource; wrong vowel; CE mitrāṇāṃ). Corrected प्रानृण्यमद्य → आनृण्यमद्य (misprint in Wikisource; प्रानृण्यम् is not a word here; CE ānṛṇyam adya). Not matched by the automatic alignment: line 1 is CE 9.31.20c; line 2 is CE 9.31.21a.

Verse 23 (9.32.23)

एतावदुक्त्वा वचनं विरराम जनाधिपः । सलिलान्तर्गतः श्रीमान्पुत्रो दुर्योधनस्तव ॥

etāvaduktvā vacanaṃ virarāma janādhipaḥ | salilāntargataḥ śrīmānputro duryodhanastava

Having spoken these words, the king fell silent, your glorious son Duryodhana, standing there in the water.

Note on the text: Removed wiki marks (backticks, a stray ।।). Not matched by the automatic alignment: line 1 is CE 9.31.21c; line 2 is the critical edition's star passage 9.31.21d*0191_01 (vulgate only). Removed the backticks and the stray ।। inside the verse.

Verse 24 (9.32.24)

दिष्ट्या त्वमपि जानीषे क्षत्रधर्मं सुयोधन । दिष्ट्या ते वर्तते बुद्धिर्युद्धायैव महाभुज ॥

diṣṭyā tvamapi jānīṣe kṣatradharmaṃ suyodhana | diṣṭyā te vartate buddhiryuddhāyaiva mahābhuja

"By good fortune you too know the duty of a Kshatriya, Suyodhana; by good fortune your mind is set on battle, mighty-armed one."

Verse 25 (9.32.25)

दिष्ट्या शूरोऽसि गान्धारे दिष्ट्या जानासि सङ्गरम् । यस्त्वमेको हि नः सर्वान्सङ्गरे योद्धुमिच्छसि ॥

diṣṭyā śūro'si gāndhāre diṣṭyā jānāsi saṅgaram | yastvameko hi naḥ sarvānsaṅgare yoddhumicchasi

"By good fortune you are a hero, son of Gandhari; by good fortune you know what war is, you who wish to fight all of us alone in battle."

Note on the text: Corrected योद्भुमिच्छसि → योद्धुमिच्छसि (misprint in Wikisource; broken conjunct, द्भ for द्ध; CE yoddhum icchasi).

Verse 26 (9.32.26)

एक एकेन सङ्गम्य यत्ते सम्मतमायुधम् । तत्त्वमादाय युध्यस्व प्रेक्षकास्ते वयं स्थिताः ॥

eka ekena saṅgamya yatte sammatamāyudham | tattvamādāya yudhyasva prekṣakāste vayaṃ sthitāḥ

"Meet us one against one, take whatever weapon you prefer, and fight; we shall stand by as spectators."

Verse 27 (9.32.27)

अयमिष्टं च ते कामं वीर भूयो ददाम्यहम् । हत्वैकं भव नो राजा हतो वा स्वर्गमाप्नुहि ॥

ayamiṣṭaṃ ca te kāmaṃ vīra bhūyo dadāmyaham | hatvaikaṃ bhava no rājā hato vā svargamāpnuhi

"And I grant you one more wish of yours, hero: kill one of us and be our king, or be killed and gain heaven."

Note on the text: Line 2 is a recension variant of CE 9.31.25c (hatvaikaṃ bhavato rājyaṃ).

Verse 28 (9.32.28)

एकश्चेद्योद्धुमाक्रन्दे वरोऽद्य मम दीयताम् । आयुधानामियं चापि मता मे सततं गदा ॥

ekaścedyoddhumākrande varo'dya mama dīyatām | āyudhānāmiyaṃ cāpi matā me satataṃ gadā

"If I am to fight alone in this clamour, let a boon be granted me today: of all weapons, the mace is ever my choice."

Note on the text: Corrected योद्भुमाक्रन्दे → योद्धुमाक्रन्दे (misprint in Wikisource; broken conjunct, द्भ for द्ध; CE yoddhum ākrande). Corrected मे सतं गदा → मे सततं गदा (misprint in Wikisource; सतं is not a word in this sense, a dropped syllable; the sense is "ever my choice").

Verse 29 (9.32.29)

भ्रातॄणां भवतामेकः शक्यं मां योऽभिमन्यते । पदातिर्गदया सङ्ख्ये स युध्यतु मया सह ॥

bhrātṝṇāṃ bhavatāmekaḥ śakyaṃ māṃ yo'bhimanyate | padātirgadayā saṅkhye sa yudhyatu mayā saha

"Let whichever one of you brothers thinks he can stand up to me fight me on foot, with the mace, in battle."

Note on the text: Corrected भ्रातणां → भ्रातॄणां (misprint in Wikisource; missing vowel sign ॄ; CE bhrātṝṇāṃ).

Verse 30 (9.32.30)

वृत्तानि रथयुद्धानि विचित्राणि पदेपदे । इदमेकं गदायुद्धं भवत्वद्याद्भुतं महत् ॥

vṛttāni rathayuddhāni vicitrāṇi padepade | idamekaṃ gadāyuddhaṃ bhavatvadyādbhutaṃ mahat

"Chariot battles have been fought, strange at every step; let this one battle with maces, great and wondrous, be fought today."

Note on the text: Corrected विचित्रामि → विचित्राणि (misprint in Wikisource; wrong ending; CE vicitrāṇi).

Verse 31 (9.32.31)

अन्नानामपि पर्यायं कर्तुमिच्छन्ति मानवाः । युद्धानामपि पर्यायो भवत्वनुमते तव ॥

annānāmapi paryāyaṃ kartumicchanti mānavāḥ | yuddhānāmapi paryāyo bhavatvanumate tava

"Men like to vary even their food; if you agree, let there be a variety among battles too."

Verse 32 (9.32.32)

गदया त्वां महाबाहो विजेष्यामि सहानुजम् । पाञ्चालान्सृञ्जयांश्चैव ये चान्ये तव सैनिकाः । न हि मे सम्भ्रमो जातु शक्रादपि युधिष्ठिर ॥

gadayā tvāṃ mahābāho vijeṣyāmi sahānujam | pāñcālānsṛñjayāṃścaiva ye cānye tava sainikāḥ | na hi me sambhramo jātu śakrādapi yudhiṣṭhira

"With the mace I shall conquer you, mighty-armed one, together with your brothers, the Panchalas and the Srinjayas, and whatever other soldiers you have. I am never shaken, Yudhishthira, even before Shakra."

Note on the text: Corrected सम्भ्रामो → सम्भ्रमो (misprint in Wikisource; spurious ā; CE (star passage) saṃbhramo). Not matched by the automatic alignment: lines 1–2 are CE 9.31.30ac; line 3 is the critical edition's star passage 9.31.30d*0193_01 (vulgate only).

Verse 33 (9.32.33)

उत्तिष्ठोत्तिष्ठ गान्धारे मां योधय सुयोधन । एक एकेन सङ्गम्य संयुगे गदया बली ॥

uttiṣṭhottiṣṭha gāndhāre māṃ yodhaya suyodhana | eka ekena saṅgamya saṃyuge gadayā balī

"Rise, rise, son of Gandhari, and fight me, Suyodhana, one against one in battle, with the mace, strong man."

Verse 34 (9.32.34)

पुरुषो भव गान्धारे युध्यस्व सुसमाहितः । अद्य ते जीवितं नास्ति यदीन्द्रोऽपि तवाश्रयः ॥

puruṣo bhava gāndhāre yudhyasva susamāhitaḥ | adya te jīvitaṃ nāsti yadīndro'pi tavāśrayaḥ

"Be a man, son of Gandhari, and fight with a steady mind. Today there is no life left for you, even if Indra is your refuge."

Note on the text: Corrected यदीन्द्रोपि → यदीन्द्रोऽपि (misprint in Wikisource; missing avagraha).

Verse 35 (9.32.35)

एतत्स नरशार्दूलो नामृष्यत तवात्मजः । सलिलान्तर्गतः श्वभ्रे महानाग इव श्वसन् ॥

etatsa naraśārdūlo nāmṛṣyata tavātmajaḥ | salilāntargataḥ śvabhre mahānāga iva śvasan

Your son, that tiger among men, could not bear this; standing in the water he hissed like a great serpent in its hole.

Verse 36 (9.32.36)

तथाऽसौ वाक्प्रतोदेन तुद्यमानः पुनःपुनः । वचो न ममृषे राजन्नुत्तमाश्वः कशामिव ॥

tathā'sau vākpratodena tudyamānaḥ punaḥpunaḥ | vaco na mamṛṣe rājannuttamāśvaḥ kaśāmiva

Lashed again and again by the whip of words, he could not bear it, O king, any more than a noble horse bears the lash.

Verse 37 (9.32.37)

सङ्क्षोभ्य सलिलं वेगाद्गदामादाय वीर्यवान् । अद्रिसारमयीं गुर्वीं काञ्चनाङ्गदभूषणाम् । अन्तर्जलात्समुत्तस्थौ नागेन्द्र इव निःश्वसन् ॥

saṅkṣobhya salilaṃ vegādgadāmādāya vīryavān | adrisāramayīṃ gurvīṃ kāñcanāṅgadabhūṣaṇām | antarjalātsamuttasthau nāgendra iva niḥśvasan

Churning the water violently, the mighty one took up his heavy mace, made of mountain-iron and adorned with golden bands, and rose from the water sighing like a king of serpents.

Verse 38 (9.32.38)

स भित्त्वा स्तम्भितं तोयं स्कन्धे कृत्वायसीं गदाम् । उदतिष्ठत पुत्रस्ते प्रतपन्रश्मिवानिव ॥

sa bhittvā stambhitaṃ toyaṃ skandhe kṛtvāyasīṃ gadām | udatiṣṭhata putraste pratapanraśmivāniva

Splitting the water he had held still, with the iron mace on his shoulder, your son rose up, blazing like the sun with its rays.

Verse 39 (9.32.39)

ततः शैक्यायसीं गुर्वीं जातरूपपरिष्कृताम् । गदां परामृशद्धीमान्धार्तराष्ट्रो महाबलः ॥

tataḥ śaikyāyasīṃ gurvīṃ jātarūpapariṣkṛtām | gadāṃ parāmṛśaddhīmāndhārtarāṣṭro mahābalaḥ

Then the wise and mighty son of Dhritarashtra took hold of his heavy iron mace, bound with thongs and decked with gold.

Note on the text: Corrected गुर्वी जात → गुर्वीं जात (misprint in Wikisource; a dropped anusvara, the accusative is needed to agree with शैक्यायसीं; CE gurvīṃ).

Verse 40 (9.32.40)

गदाहस्तं तु तं दृष्ट्वा सशृङ्गमिव पर्वतम् । प्रजानामिव सङ्क्रुद्धं शूलपाणिमिव स्थितम् ॥

gadāhastaṃ tu taṃ dṛṣṭvā saśṛṅgamiva parvatam | prajānāmiva saṅkruddhaṃ śūlapāṇimiva sthitam

They saw him with the mace in hand, like a mountain with its peaks, like the trident-bearing god standing wrathful against all creatures.

Note on the text: Not matched by the automatic alignment: lines 1–2 are CE 9.31.38ac (line 2 ends sthitam where the CE has avasthitam).

Verse 41 (9.32.41)

सगदो भारतो भाति प्रतपन्भास्करो यथा ॥

sagado bhārato bhāti pratapanbhāskaro yathā

Mace in hand, the Bharata shone like the blazing sun.

Note on the text: Removed wiki marks (asterisks). Not matched by the automatic alignment: the single line is CE 9.31.38e (sagado bhārato bhāti pratapan bhāskaro yathā), the third line of that CE verse.

Verse 42 (9.32.42)

तमुत्तीर्णं महाबाहुं गदाहस्तमरिन्दमम् । मेनिरे सर्वभूतानि दण्डपाणिमिवान्तकम् ॥

tamuttīrṇaṃ mahābāhuṃ gadāhastamarindamam | menire sarvabhūtāni daṇḍapāṇimivāntakam

All beings regarded him, the mighty-armed subduer of foes risen from the water with the mace in his hand, as Death himself with his staff in hand.

Verse 43 (9.32.43)

वज्रहस्तं यथा शक्रं शूलहस्तं यथा हरम् । ददृशुः सर्वपाञ्चालाः पुत्रं तव जनाधिप ॥

vajrahastaṃ yathā śakraṃ śūlahastaṃ yathā haram | dadṛśuḥ sarvapāñcālāḥ putraṃ tava janādhipa

The Panchalas all saw your son, O lord of men, as Shakra with the thunderbolt in hand, or Hara with the trident in hand.

Note on the text: Corrected शर्वपाञ्चालाः → सर्वपाञ्चालाः (misprint in Wikisource; श for स; "all the Panchalas", CE sarvapāñcālāḥ).

Verse 44 (9.32.44)

तमुत्तीर्णं तु सम्प्रेक्ष्य समहृष्यन्त सर्वशः । पाञ्चालाः पाण्डवेयाश्च तेऽन्योन्यस्य तलान्ददुः ॥

tamuttīrṇaṃ tu samprekṣya samahṛṣyanta sarvaśaḥ | pāñcālāḥ pāṇḍaveyāśca te'nyonyasya talāndaduḥ

Seeing him risen, the Panchalas and the Pandavas were all delighted, and they clapped their hands at one another.

Verse 45 (9.32.45)

अवहासं तु तं मत्वा पुत्रो दुर्योधनस्तव । उद्वृत्य नयने क्रुद्धो दिधक्षुरिव पाण्डवान् ॥

avahāsaṃ tu taṃ matvā putro duryodhanastava | udvṛtya nayane kruddho didhakṣuriva pāṇḍavān

Taking it for mockery, your son Duryodhana, enraged, rolled his eyes as though he would burn the Pandavas.

Verse 46 (9.32.46)

त्रिशिखां भ्रुकुटीं कृत्वा सन्दष्टदशनच्छदः । प्रत्युवाच ततस्तान्वै पाण्डवान्सह केशवान् ॥

triśikhāṃ bhrukuṭīṃ kṛtvā sandaṣṭadaśanacchadaḥ | pratyuvāca tatastānvai pāṇḍavānsaha keśavān

Knitting his brow in three furrows and biting his lip, he then answered the Pandavas together with Keshava.

Verse 47 (9.32.47)

अस्यावहासस्य फलं प्रतिमोक्ष्यथ पाण्डवाः । गमिष्यथ हताः सद्यः सपाञ्चाला यमक्षयम् ॥

asyāvahāsasya phalaṃ pratimokṣyatha pāṇḍavāḥ | gamiṣyatha hatāḥ sadyaḥ sapāñcālā yamakṣayam

"You Pandavas will pay for this mockery: this very day you will go to Yama's abode, slain, together with the Panchalas."

Note on the text: Line 1 is a recension variant of CE 9.31.44a (avahāsasya vo 'syādya prativaktāsmi pāṇḍavāḥ); line 2 is CE 9.31.44c.

Verse 48 (9.32.48)

उत्थितश्च जलात्तस्मात्पुत्रो दुर्योधनस्तव । अतिष्ठत गदापाणी रुधिरेण समुक्षितः ॥

utthitaśca jalāttasmātputro duryodhanastava | atiṣṭhata gadāpāṇī rudhireṇa samukṣitaḥ

And your son Duryodhana, risen from the water, stood mace in hand, drenched with blood.

Note on the text: Corrected उत्थिन्तश्च → उत्थितश्च (misprint in Wikisource; garbled; CE utthitas). Speaker: narration by Sanjaya (the input carried Duryodhana's heading over from verse 47).

Verse 49 (9.32.49)

तस्य शोणितदिग्धस्य सलिलेन समुक्षितम् । शरीरं स्म तदा भाति स्रवन्निव महीधरः ॥

tasya śoṇitadigdhasya salilena samukṣitam | śarīraṃ sma tadā bhāti sravanniva mahīdharaḥ

His body, smeared with blood and sprinkled with water, looked then like a mountain with streams running down it.

Note on the text: Corrected महीधारः → महीधरः (misprint in Wikisource; long ā is wrong, महीधर "mountain"; CE mahīdharaḥ).

Verse 50 (9.32.50)

तमुद्यतगदं वीरं मेनिरे तत्र पाण्डवाः । वैवस्वतमिव क्रुद्धं शूलपाणिमिव स्थितम् ॥

tamudyatagadaṃ vīraṃ menire tatra pāṇḍavāḥ | vaivasvatamiva kruddhaṃ śūlapāṇimiva sthitam

The Pandavas there thought of him, mace raised, as Vaivasvata in wrath, as the trident-bearer standing ready.

Note on the text: Line 2 is a recension variant of CE 9.31.47c (vaivasvatam iva kruddhaṃ kiṃkarodyatapāṇinam).

Verse 51 (9.32.51)

स मेघनिनदो हर्षान्नर्दन्निव च गोवृषः । आजुहाव ततः पार्थान्गदया युधि वीर्यवान् ॥

sa meghaninado harṣānnardanniva ca govṛṣaḥ | ājuhāva tataḥ pārthāngadayā yudhi vīryavān

With a voice like thunder, roaring in his joy like a bull, the mighty one called the Pandavas to a mace fight.

Verse 52 (9.32.52)

एकैकेन च मां यूयमासीदत युधिष्ठिर । न ह्येको बहुभिर्न्याय्यो वीरो योधयितुं युधि ॥

ekaikena ca māṃ yūyamāsīdata yudhiṣṭhira | na hyeko bahubhirnyāyyo vīro yodhayituṃ yudhi

"Come at me one at a time, Yudhishthira. It is not right for one hero to be fought by many in battle."

Verse 53 (9.32.53)

न्यस्तवर्मा विशेषेण श्रान्तश्चाप्सु परिप्लुतः । भृशं विक्षतगात्रश्च हतवाहनसैनिकः ॥

nyastavarmā viśeṣeṇa śrāntaścāpsu pariplutaḥ | bhṛśaṃ vikṣatagātraśca hatavāhanasainikaḥ

"I have put off my armour, I am exhausted and soaked from the water, my body badly wounded, my horses and soldiers slain."

Verse 54 (9.32.54)

अवश्यमेव योद्धव्यं सर्वैरेव मया सह । युक्तं त्वयुक्तमित्येतद्वेत्सि त्वं चैव सर्वदा ॥

avaśyameva yoddhavyaṃ sarvaireva mayā saha | yuktaṃ tvayuktamityetadvetsi tvaṃ caiva sarvadā

"Yet all of you will have to fight me; and whether that is proper or improper, you always know."

Note on the text: Removed wiki marks (square brackets). Corrected योद्वव्यं → योद्धव्यं (misprint in Wikisource; broken conjunct, द्व for द्ध; CE yoddhavyaṃ). Not in the critical edition's constituted text (found in the vulgate recension); the critical edition records it as the star passage 9.31.50d*0195_01–02. The brackets are an editor's marking in Wikisource.

Verse 55 (9.32.55)

मा भूदियं तव प्रज्ञा कथमेकं सुयोधन । यदाऽभिमन्युं बहवो जघ्नुर्युधि महारथाः ॥

mā bhūdiyaṃ tava prajñā kathamekaṃ suyodhana | yadā'bhimanyuṃ bahavo jaghnuryudhi mahārathāḥ

"Let this reasoning of yours not stand, Suyodhana: how can you speak of fighting singly, when many great charioteers killed Abhimanyu in battle?"

Note on the text: Line 1 is a recension variant of CE 9.31.51a (nābhūd iyaṃ tava prajñā katham evaṃ suyodhana); line 2 is CE 9.31.51c.

Verse 56 (9.32.56)

क्षत्रधर्मं भृशं क्रूरं निरपेक्षं सुनिर्घृणम् । अन्यथा तु कथं हन्युरभिमन्युं तथागतम् ॥

kṣatradharmaṃ bhṛśaṃ krūraṃ nirapekṣaṃ sunirghṛṇam | anyathā tu kathaṃ hanyurabhimanyuṃ tathāgatam

"The Kshatriya way is exceedingly cruel, ruthless, utterly merciless; otherwise how could they have killed Abhimanyu in such a plight?"

Note on the text: Removed wiki marks (square brackets). Not in the critical edition's constituted text (found in the vulgate recension); the critical edition records it as the star passage 9.31.51d*0196_01–02. The brackets (here and through verse 59) are an editor's marking in Wikisource.

Verse 57 (9.32.57)

सर्वे भवन्तो धर्मज्ञाः सर्वे शूरास्तनुत्यजः । न्यायेन युध्यतां प्रोक्ता शक्रलोकगतिः परा ॥

sarve bhavanto dharmajñāḥ sarve śūrāstanutyajaḥ | nyāyena yudhyatāṃ proktā śakralokagatiḥ parā

"All of you are knowers of dharma, all heroes who give up their lives; for those who fight justly, the highest course, to Shakra's world, is declared."

Note on the text: Not in the critical edition's constituted text (found in the vulgate recension); the critical edition records it as the star passage 9.31.51d*0196_03–04.

Verse 58 (9.32.58)

यद्येकस्तु न हन्तव्यो बहुभिर्धर्म एव तु । तदाऽभिमन्युं बहवो निजघ्नुस्त्वन्मते कथम् ॥

yadyekastu na hantavyo bahubhirdharma eva tu | tadā'bhimanyuṃ bahavo nijaghnustvanmate katham

"If one man ought not to be killed by many, that being dharma, then by your own reckoning how did many kill Abhimanyu?"

Note on the text: Not in the critical edition's constituted text (found in the vulgate recension); the critical edition records it as the star passage 9.31.51d*0196_05–06.

Verse 59 (9.32.59)

सर्वो विमृशते जन्तुः कृच्छ्रस्थो धर्मदर्शनम् । पदस्थः पिहितं द्वारं परलोकस्य पश्यति ॥

sarvo vimṛśate jantuḥ kṛcchrastho dharmadarśanam | padasthaḥ pihitaṃ dvāraṃ paralokasya paśyati

"Every creature, when in hardship, reflects on dharma; standing at the threshold, he sees the door of the next world shut."

Note on the text: Removed wiki marks (square brackets, a stray ।।). Not in the critical edition's constituted text (found in the vulgate recension); the critical edition records it as the star passage 9.31.51d*0196_07–08 (Wikisource पिहितं for CE vihitaṃ).

Verse 60 (9.32.60)

आमुञ्च कवचं वीर मूर्धजान्यमयस्व च । यच्चान्यदपि ते नास्ति तदप्यादत्स्व भारत ॥

āmuñca kavacaṃ vīra mūrdhajānyamayasva ca | yaccānyadapi te nāsti tadapyādatsva bhārata

"Put on your armour, hero, tie up your hair, and take whatever else you lack, Bharata."

Note on the text: Not matched by the automatic alignment: the two lines are CE 9.31.52a and 9.31.52c.

Verse 61 (9.32.61)

इममेकं च ते कामं वीर भूयो ददाम्यहम् । पञ्चानां पाण्डवेयानां येन त्वं योद्धुमिच्छसि ॥

imamekaṃ ca te kāmaṃ vīra bhūyo dadāmyaham | pañcānāṃ pāṇḍaveyānāṃ yena tvaṃ yoddhumicchasi

"And I grant you one more wish, hero: of the five Pandavas, choose whichever one you wish to fight,"

Note on the text: Removed wiki marks (a stray zero-width joiner). Not matched by the automatic alignment: line 1 is CE 9.31.52e; line 2 is a recension variant of 9.31.53a (CE: pañcānāṃ pāṇḍaveyānāṃ yena yoddhum ihecchasi). The CE's star passage 9.31.52d*0197_01 (iṣuṃ prāsaṃ gadāṃ vāpi…) is not in Wikisource.

Verse 62 (9.32.62)

तं हत्वा वै भवान्राजा हतो वा स्वर्गमाप्नुहि । ऋते च जीविताद्वीर युद्धे किं कुर्म ते प्रियम् ॥

taṃ hatvā vai bhavānrājā hato vā svargamāpnuhi | ṛte ca jīvitādvīra yuddhe kiṃ kurma te priyam

"kill him and be king, or be killed and gain heaven. Apart from your life, hero, what can we do in this battle to please you?"

Note on the text: Corrected भवाराजा → भवान्राजा (misprint in Wikisource; a lost न्; CE bhavān rājā). Not matched by the automatic alignment: line 1 is CE 9.31.53c; line 2 is CE 9.31.53e.

Verse 63 (9.32.63)

ततस्तव सुतो राजन्वर्म जग्राह काञ्चनम् । विचित्रं च शिरस्त्राणं जाम्बूनदपरिष्कृतम् ॥

tatastava suto rājanvarma jagrāha kāñcanam | vicitraṃ ca śirastrāṇaṃ jāmbūnadapariṣkṛtam

Then your son, O king, took up golden armour and a splendid helmet adorned with Jambunada gold.

Verse 64 (9.32.64)

सोऽवबद्धशिरस्त्राणः शुभकाञ्चनवर्मभृत् । रराज राजन्पुत्रस्ते काञ्चनः शैलराडिव ॥

so'vabaddhaśirastrāṇaḥ śubhakāñcanavarmabhṛt | rarāja rājanputraste kāñcanaḥ śailarāḍiva

With his helmet fastened on and his fair golden armour, your son shone, O king, like the golden king of mountains.

Note on the text: Corrected सोऽवबद्वशिरस्त्राणः → सोऽवबद्धशिरस्त्राणः (misprint in Wikisource; broken conjunct, द्व for द्ध; CE so 'vabaddhaśirastrāṇaḥ).

Verse 65 (9.32.65)

सन्नद्धः सगदी राजन्सज्जः सङ्ग्राममूर्धनि । अब्रवीत्पाण्डवान्सर्वान्पुत्रो दुर्योधनस्तव ॥

sannaddhaḥ sagadī rājansajjaḥ saṅgrāmamūrdhani | abravītpāṇḍavānsarvānputro duryodhanastava

Armoured, mace in hand, ready at the head of the battle, your son Duryodhana, O king, spoke to all the Pandavas.

Note on the text: Removed wiki marks (a stray zero-width joiner). Corrected सगतो → सगदी (misprint in Wikisource; सगतो is not a word; CE sa gadī, "with a mace").

Verse 66 (9.32.66)

भ्रातॄणां भवतामेको युध्यतां गदया मया । सहदेवेन वा योत्स्ये भीमेन नकुलेन वा ॥

bhrātṝṇāṃ bhavatāmeko yudhyatāṃ gadayā mayā | sahadevena vā yotsye bhīmena nakulena vā

"Let one of you brothers fight me with the mace: I shall fight Sahadeva, or Bhima, or Nakula,"

Note on the text: Speaker: Duryodhana's direct speech, which runs to the end of the adhyaya, fills whole verses (the input carried Sanjaya's heading over).

Verse 67 (9.32.67)

अथवा फल्गुनेनाद्य त्वया वा भरतर्षभ । योत्स्येऽहं सङ्गरं प्राप्य विजेष्ये च रणाजिरे ॥

athavā phalgunenādya tvayā vā bharatarṣabha | yotsye'haṃ saṅgaraṃ prāpya vijeṣye ca raṇājire

"or else Phalguna today, or you yourself, O best of the Bharatas; I shall enter the fight and win on the field."

Verse 68 (9.32.68)

अहमद्य गमिष्यामि वैरस्यान्तं सुदुर्गमम् । गदया पुरुषव्याघ्र हेमपट्टनिबद्धया ॥

ahamadya gamiṣyāmi vairasyāntaṃ sudurgamam | gadayā puruṣavyāghra hemapaṭṭanibaddhayā

"Today, tiger among men, with this mace bound with gold plates, I shall reach the end of this enmity, so hard to reach."

Verse 69 (9.32.69)

गदायुद्धे न मे कश्चित्सदृशोऽस्तीति चिन्तये । गदया वो हनिष्यामि सर्वानेव समागतान् ॥

gadāyuddhe na me kaścitsadṛśo'stīti cintaye | gadayā vo haniṣyāmi sarvāneva samāgatān

"I think no one is my equal in a mace fight. With the mace I shall kill all of you who have gathered here."

Note on the text: Not matched by the automatic alignment: the two lines are CE 9.31.60a and 9.31.60c.

Verse 70 (9.32.70)

न मे समर्थाः सर्वे वै योद्धुं न्यायेन केचन । न युक्तमात्मना वक्तुमेवं गर्वोद्धतं वचः । अथवा सफलं ह्येतत्करिष्ये भवतां पुरः ॥

na me samarthāḥ sarve vai yoddhuṃ nyāyena kecana | na yuktamātmanā vaktumevaṃ garvoddhataṃ vacaḥ | athavā saphalaṃ hyetatkariṣye bhavatāṃ puraḥ

"None of you is able to fight me fairly. It is not fitting for me to speak so arrogantly of myself; or rather, I shall make it come true before you all."

Note on the text: Not in the critical edition's constituted text (found in the vulgate recension); the critical edition records it as the star passage 9.31.60d*0198_01–03. The closing bracket after verse 71 line 1 is an editor's marking in Wikisource.

Verse 71 (9.32.71)

अस्मिन्मुहूर्ते सत्यं वा मिथ्या वै तद्भविष्यति । गृह्णातु च गदां यो वै योत्स्यतेऽद्य मया सह ॥

asminmuhūrte satyaṃ vā mithyā vai tadbhaviṣyati | gṛhṇātu ca gadāṃ yo vai yotsyate'dya mayā saha

"In this very moment it will prove true or false. Let the man who will fight me today take up his mace."

Note on the text: Removed wiki marks (square brackets). Corrected महूर्ते → मुहूर्ते (misprint in Wikisource; wrong vowel; CE muhūrte). Not matched by the automatic alignment: line 1 is the critical edition's star passage 9.31.60d*0198_04 (vulgate only); line 2 is CE 9.31.60e.