Balarama's Pilgrimage Along the Sarasvati

Verse 1 (9.38.1)

ततो विनशनं राजन्नाजगाम हलायुधः । शूद्राभीरान्प्रति द्वेषाद्यत्र नष्टा सरस्वती । तस्मात्तामृषयो नित्यं प्राहुर्विनशनेति च ॥

tato vinaśanaṃ rājannājagāma halāyudhaḥ | śūdrābhīrānprati dveṣādyatra naṣṭā sarasvatī | tasmāttāmṛṣayo nityaṃ prāhurvinaśaneti ca

Then Halayudha came, O king, to Vinashana, where the Sarasvati vanished out of hatred for the Shudras and Abhiras; and for that reason the sages always call it Vinashana.

Note on the text: Corrected शूराऽऽभीरन्प्रति → शूद्राभीरान्प्रति (misprint in Wikisource; द्र dropped and ान् broken; the critical edition reads śūdrābhīrān prati). Lines 1–2 are CE 9.36.1; line 3 corresponds to CE 9.36.2cd (tasmāt tad ṛṣayo…). CE 9.36.2ab (yasmāt sā bharataśreṣṭha…) is not in Wikisource's text; the sense is complete without it.

Verse 2 (9.38.2)

तत्राप्युपस्पृश्य बलः सरस्वत्यां महाबलः । सुभूमिकं ततोऽगच्छत्सरस्वत्यास्तटे वरे ॥

tatrāpyupaspṛśya balaḥ sarasvatyāṃ mahābalaḥ | subhūmikaṃ tato'gacchatsarasvatyāstaṭe vare

There too, having bathed in the Sarasvati, the mighty Bala went to Subhumika, on the fair bank of the Sarasvati.

Verse 3 (9.38.3)

तत्र चाप्सरसः शुभ्रा नित्यकालमतन्द्रिताः । क्रीडाभिर्विमलाभिश्च क्रीडन्ति विमलाननाः ॥

tatra cāpsarasaḥ śubhrā nityakālamatandritāḥ | krīḍābhirvimalābhiśca krīḍanti vimalānanāḥ

There the shining apsarases, tireless at all times, with faces serene, play at their pure sports.

Verse 4 (9.38.4)

तत्र देवाः सगन्धर्वा मासिमासि जनेश्वर । अभिगच्छन्ति तत्तीर्थं पुण्यं ब्राह्मणसेवितम् ॥

tatra devāḥ sagandharvā māsimāsi janeśvara | abhigacchanti tattīrthaṃ puṇyaṃ brāhmaṇasevitam

There, O lord of men, the gods and gandharvas come every month to that holy tirtha, which brahmins frequent.

Verse 5 (9.38.5)

तत्र नृत्यन्ति गन्धर्वास्तथैवाप्सरसां गणाः । समेत्य सहिता राजन्यथाप्राप्तं यथासुखम् ॥

tatra nṛtyanti gandharvāstathaivāpsarasāṃ gaṇāḥ | sametya sahitā rājanyathāprāptaṃ yathāsukham

There the gandharvas dance, and the hosts of apsarases, O king, assembling together as they come and as they please.

Verse 6 (9.38.6)

तत्र मोदन्ति देवाश्च पितरश्च सवीरुधः । पुण्यैः पुष्पैः सदा दिव्यैः कीर्यमाणाः पुनः पुनः ॥

tatra modanti devāśca pitaraśca savīrudhaḥ | puṇyaiḥ puṣpaiḥ sadā divyaiḥ kīryamāṇāḥ punaḥ punaḥ

There the gods and the ancestors, together with the plants, rejoice, scattered over again and again with holy, divine flowers.

Verse 7 (9.38.7)

आक्रीडभूमिः सा राजंस्तासामप्सरसां शुभा । सुभूमिकेति विख्याता सरस्वत्यास्तटे वरे ॥

ākrīḍabhūmiḥ sā rājaṃstāsāmapsarasāṃ śubhā | subhūmiketi vikhyātā sarasvatyāstaṭe vare

That fair pleasure-ground of those apsarases, O king, is renowned as Subhumika, on the fair bank of the Sarasvati.

Verse 8 (9.38.8)

तत्र स्नात्वा च दत्त्वा च वसु विप्रेषु माधवः । श्रुत्वा गीतं च तद्दिव्यं वादित्राणां च निःस्वनम् ॥

tatra snātvā ca dattvā ca vasu vipreṣu mādhavaḥ | śrutvā gītaṃ ca taddivyaṃ vāditrāṇāṃ ca niḥsvanam

Bathing there and giving wealth to the brahmins, Madhava heard that divine song and the sound of instruments,

Verse 9 (9.38.9)

शय्याश्च विपुला दृष्ट्वा देवगन्धर्वरक्षसाम् । गन्धर्वाणां ततस्तीर्थमागच्छद्रोहिणीसुतः ॥

śayyāśca vipulā dṛṣṭvā devagandharvarakṣasām | gandharvāṇāṃ tatastīrthamāgacchadrohiṇīsutaḥ

and, seeing the wide couches of gods, gandharvas and rakshasas, the son of Rohini came to the tirtha of the gandharvas.

Verse 10 (9.38.10)

विश्वावसुमुखास्तत्र गन्धर्वाप्सरसां गणाः । नृत्तवादित्रगीतं च कुर्वन्ति सुमनोरमम् ॥

viśvāvasumukhāstatra gandharvāpsarasāṃ gaṇāḥ | nṛttavāditragītaṃ ca kurvanti sumanoramam

There the hosts of gandharvas and apsarases, led by Vishvavasu, make dance, music and song, most delightful.

Note on the text: Corrected कुर्न्वति → कुर्वन्ति (misprint in Wikisource; broken conjunct; the critical edition reads kurvanti).

Verse 11 (9.38.11)

तत्र दत्त्वा हलधरो विप्रेभ्यो विविधं वसु । अजाविकं गोखरोष्ट्रं सुवर्णं रजतं तथा ॥

tatra dattvā haladharo viprebhyo vividhaṃ vasu | ajāvikaṃ gokharoṣṭraṃ suvarṇaṃ rajataṃ tathā

There Haladhara gave the brahmins wealth of many kinds: goats and sheep, cattle, asses and camels, gold and silver.

Verse 12 (9.38.12)

भोजयित्वा द्विजान्कामैः सन्तर्प्य च महाधनैः । प्रययौ सहितो विप्रैः स्तूयमानश्च माधवः ॥

bhojayitvā dvijānkāmaiḥ santarpya ca mahādhanaiḥ | prayayau sahito vipraiḥ stūyamānaśca mādhavaḥ

Having fed the brahmins with the foods they desired and satisfied them with great riches, Madhava set out in company with brahmins, who sang his praises.

Verse 13 (9.38.13)

तस्माद्गन्धर्वतीर्थाच्च महाबाहुररिन्दमः । गर्गस्रोतो महातीर्थमाजगामैककुण्डली ॥

tasmādgandharvatīrthācca mahābāhurarindamaḥ | gargasroto mahātīrthamājagāmaikakuṇḍalī

From that tirtha of the gandharvas the mighty-armed subduer of foes, wearing a single earring, came to the great tirtha Gargasrota.

Verse 14 (9.38.14)

तत्र गर्गेण वृद्धेन तपसा भावितात्मना । कालज्ञानगतिश्चैव ज्योतिषां च व्यतिक्रमः ॥

tatra gargeṇa vṛddhena tapasā bhāvitātmanā | kālajñānagatiścaiva jyotiṣāṃ ca vyatikramaḥ

There the aged Garga, his soul perfected by austerity, came to know the course of time and the irregular movements of the heavenly bodies,

Verse 15 (9.38.15)

उत्पाता दारुणाश्चैव शुभाश्च जनमेजय । सरस्वत्याः शुभे तीर्थे विदिता वै महात्मना ॥

utpātā dāruṇāścaiva śubhāśca janamejaya | sarasvatyāḥ śubhe tīrthe viditā vai mahātmanā

and the dreadful and the auspicious omens, O Janamejaya; this the great soul learned at the Sarasvati's fair tirtha.

Note on the text: Corrected दारुणाश्चैक → दारुणाश्चैव (misprint in Wikisource; क for व; the critical edition reads dāruṇāś caiva). Corresponds to CE 9.36.16ab (vihitā for विदिता); CE 9.36.16 has three lines, the third being this adhyaya's verse 16.

Verse 16 (9.38.16)

तस्य नाम्ना च तत्तीर्थं गर्गस्रोत इति स्मृतम् ॥

tasya nāmnā ca tattīrthaṃ gargasrota iti smṛtam

From his name that tirtha is called Gargasrota.

Note on the text: A single line as printed; it is CE 9.36.16e (the third line of CE 9.36.16), so no text is lost.

Verse 17 (9.38.17)

तत्र गर्गं महाभागमृषयः सुव्रता नृप । उपासाञ्चक्रिरे नित्यं कालज्ञानं प्रति प्रभो ॥

tatra gargaṃ mahābhāgamṛṣayaḥ suvratā nṛpa | upāsāñcakrire nityaṃ kālajñānaṃ prati prabho

There, O king, the sages of firm vows ever attended on the greatly blessed Garga for the sake of the knowledge of time, O lord.

Verse 18 (9.38.18)

तत्र गत्वा महाराज बलः श्वेतानुलेपनः । विधिवद्धि धनं दत्त्वा मुनीनां भावितात्मनाम् ॥

tatra gatvā mahārāja balaḥ śvetānulepanaḥ | vidhivaddhi dhanaṃ dattvā munīnāṃ bhāvitātmanām

Going there, O great king, Bala, anointed with white sandal, duly gave wealth to the sages of cultivated souls,

Note on the text: Corrected विधिवद्वि → विधिवद्धि (misprint in Wikisource; द्वि for द्धि; the critical edition reads vidhivad dhi).

Verse 19 (9.38.19)

उच्चावचांस्तथा भक्ष्यान्विप्रेभ्यो विप्रदाय सः । नीलवासास्तदाऽगच्छच्छङ्घतीर्थं महायशाः ॥

uccāvacāṃstathā bhakṣyānviprebhyo vipradāya saḥ | nīlavāsāstadā'gacchacchaṅghatīrthaṃ mahāyaśāḥ

and, having given the brahmins foods of every kind, high and low, the renowned one, clad in dark blue, then went to Shankhatirtha.

Verse 20 (9.38.20)

तत्रापश्यन्महाशङ्खं महामेरुमिवोच्छ्रितम् । श्वेतपर्वतसङ्काशमृषिसङ्घैर्निषेवितम् । सरस्वत्यास्तटे जातं नगं तालध्वजो बली ॥

tatrāpaśyanmahāśaṅkhaṃ mahāmerumivocchritam | śvetaparvatasaṅkāśamṛṣisaṅghairniṣevitam | sarasvatyāstaṭe jātaṃ nagaṃ tāladhvajo balī

There the mighty Taladhvaja (Balarama) saw the great Shankha tree, lofty as great Meru, resembling a white mountain, served by hosts of sages, growing on the bank of the Sarasvati.

Verse 21 (9.38.21)

यक्षा विद्याधराश्चैव राक्षसाश्चामितौजसः । पिशाचाश्चामितबला यत्र सिद्धाः सहस्रशः ॥

yakṣā vidyādharāścaiva rākṣasāścāmitaujasaḥ | piśācāścāmitabalā yatra siddhāḥ sahasraśaḥ

There yakshas, vidyadharas and rakshasas of immeasurable might, pishachas of immeasurable strength, and siddhas in thousands (dwell).

Verse 22 (9.38.22)

ते सर्वे ह्यशनं त्यक्त्वा फलं तस्य वनस्पतेः । व्रतैश्च नियमैश्चैव कालेकाले स्म भुञ्जते ॥

te sarve hyaśanaṃ tyaktvā phalaṃ tasya vanaspateḥ | vrataiśca niyamaiścaiva kālekāle sma bhuñjate

All of them, giving up ordinary food, eat the fruit of that tree from time to time, according to their vows and restraints.

Verse 23 (9.38.23)

प्राप्तैश्च नियमैस्तैस्तैर्विचरन्तः पृथक्पृथक् । अदृश्यमाना मनुजैर्व्यचरन्पुरुषर्षभ ॥

prāptaiśca niyamaistaistairvicarantaḥ pṛthakpṛthak | adṛśyamānā manujairvyacaranpuruṣarṣabha

Having taken on their various restraints, moving about separately and unseen by men, they wandered there, O bull among men.

Verse 24 (9.38.24)

एवं ख्यातो नरव्याघ्र लोकेऽस्मिन्स वनस्पतिः । तत्र तीर्थं सरस्वत्याः पावनं लोकविश्रुतम् ॥

evaṃ khyāto naravyāghra loke'sminsa vanaspatiḥ | tatra tīrthaṃ sarasvatyāḥ pāvanaṃ lokaviśrutam

So renowned is that tree in this world, O tiger among men; and there is the Sarasvati's tirtha, purifying and famed throughout the world.

Verse 25 (9.38.25)

तस्मिंश्च यदुशार्दूलो दत्त्वा तीर्थे पयस्विनीः । ताम्रायसानि भाण्डानि वस्त्राणि विविधानि च ॥

tasmiṃśca yaduśārdūlo dattvā tīrthe payasvinīḥ | tāmrāyasāni bhāṇḍāni vastrāṇi vividhāni ca

At that tirtha the tiger of the Yadus gave milch cows, vessels of copper and iron, and clothes of many kinds,

Verse 26 (9.38.26)

पूजयित्वा द्विजांश्चैव पूजितश्च तपोधनैः । पुण्यं नैसर्गिकं राजन्नाजगाम हलायुधः ॥

pūjayitvā dvijāṃścaiva pūjitaśca tapodhanaiḥ | puṇyaṃ naisargikaṃ rājannājagāma halāyudhaḥ

honoured the brahmins, and was honoured by the ascetics; then Halayudha went, O king, to the holy place of natural origin.

Verse 27 (9.38.27)

तत्र गत्वा मुनीन्दृष्ट्वा नानावेषधरान्बलः । आप्लुत्य सलिले चापि पूजयामास वै द्विजान् ॥

tatra gatvā munīndṛṣṭvā nānāveṣadharānbalaḥ | āplutya salile cāpi pūjayāmāsa vai dvijān

Going there and seeing sages in guises of many kinds, Bala bathed in the water and honoured the brahmins.

Verse 28 (9.38.28)

तथैव दत्त्वा विप्रेभ्यः परिभोगान्सुपुष्कलान् । ततः प्रायाद्बलो राजन्दक्षिणेन सरस्वतीम् ॥

tathaiva dattvā viprebhyaḥ paribhogānsupuṣkalān | tataḥ prāyādbalo rājandakṣiṇena sarasvatīm

Likewise giving the brahmins abundant provisions for their comfort, Bala then went on, O king, along the south of the Sarasvati.

Verse 29 (9.38.29)

गत्वा चैवं महाबाहुर्नातिदूरे महायशाः । धर्मात्मा नागधन्वानं तीर्थमागमदच्युतः ॥

gatvā caivaṃ mahābāhurnātidūre mahāyaśāḥ | dharmātmā nāgadhanvānaṃ tīrthamāgamadacyutaḥ

Having gone thus a short way, the mighty-armed, renowned, righteous, unfallen Bala came to the tirtha Nagadhanvan,

Verse 30 (9.38.30)

यत्र पन्नगराजस्य वासुकेः सन्निवेशनम् । महाद्युतेर्महाराज बहुभिः पन्नगैर्वृतम् ॥

yatra pannagarājasya vāsukeḥ sanniveśanam | mahādyutermahārāja bahubhiḥ pannagairvṛtam

where stands the dwelling of Vasuki, king of the serpents, of great radiance, O great king, surrounded by many serpents.

Note on the text: Lines 1–2 are CE 9.36.30a and 30c.

Verse 31 (9.38.31)

ऋषीणां हि सहस्राणि तत्र नित्यं चतुर्दश । यत्र देवाः समागम्य वासुकिं पन्नगोत्तमम् । सर्वपन्नगराजानमभ्यषिञ्चन्यथाविधि ॥

ṛṣīṇāṃ hi sahasrāṇi tatra nityaṃ caturdaśa | yatra devāḥ samāgamya vāsukiṃ pannagottamam | sarvapannagarājānamabhyaṣiñcanyathāvidhi

There, always, are fourteen thousand sages; there the gods assembled and duly consecrated Vasuki, best of serpents, as king of all the serpents.

Note on the text: Line 1 corresponds to CE 9.36.30e (yatrāsann ṛṣayaḥ siddhāḥ sahasrāṇi caturdaśa); lines 2–3 are CE 9.36.31a and 31c.

Verse 32 (9.38.32)

पन्नगेभ्यो भयं तत्र विद्यते न स्म पौरव ॥

pannagebhyo bhayaṃ tatra vidyate na sma paurava

There, O descendant of Puru, there is no fear of serpents.

Note on the text: A single line as printed; it is CE 9.36.31e (the third line of CE 9.36.31), so no text is lost.

Verse 33 (9.38.33)

तत्रापि विधिवद्दत्त्वा विप्रेभ्यो रत्नसञ्चयान् । प्रायात्प्राचीं दिशं राजंस्तत्र तीर्थान्यनेकशः ॥

tatrāpi vidhivaddattvā viprebhyo ratnasañcayān | prāyātprācīṃ diśaṃ rājaṃstatra tīrthānyanekaśaḥ

There too, having duly given the brahmins heaps of jewels, he went on, O king, to the eastern region, where there are tirthas without number,

Note on the text: Corrected विधिवद्दत्वा → विधिवद्दत्त्वा (misprint in Wikisource; दत्वा is not a word; the critical edition reads dattvā). Line 1 is CE 9.36.32a; line 2 is a different wording from CE 9.36.32c (with the star line 9.36.32d*0223_01 'tasyāṃ diśi vicitrāṇi tīrthāni paramāṇi ca').

Verse 34 (9.38.34)

सहस्रशतसङ्ख्यानि प्रथितानि पदेपदे । आप्लुत्य तत्र तीर्थेषु यथोक्तं तत्र चर्षिभिः ॥

sahasraśatasaṅkhyāni prathitāni padepade | āplutya tatra tīrtheṣu yathoktaṃ tatra carṣibhiḥ

numbering hundreds of thousands, famed at every step. Bathing at those tirthas as the sages there had prescribed,

Note on the text: Not in the critical edition's text; the same two lines stand in its star passage 9.36.35b*0224_02–03 (sahasraśatasaṃkhyāni prathitāni pade pade / āplutya teṣu tīrtheṣu yathoktaṃ tatra carṣibhiḥ).

Verse 35 (9.38.35)

दत्त्वा वसु द्विजाग्र्येभ्यो निर्जगाम महाबलः । तत्रस्थानृषिसङ्घांस्तानभिवाद्य हलायुधः ॥

dattvā vasu dvijāgryebhyo nirjagāma mahābalaḥ | tatrasthānṛṣisaṅghāṃstānabhivādya halāyudhaḥ

and giving wealth to the best of brahmins, the mighty one went on; and, saluting the hosts of sages dwelling there, Halayudha

Note on the text: Line 1 corresponds to CE 9.36.33cd (dattvā vasu dvijātibhyo jagāmāti tapasvinaḥ), with a different wording (compare also the star passage 9.36.35b*0224_04); line 2 is CE 9.36.34a (tatrasthān ṛṣisaṃghāṃs tān abhivādya halāyudhaḥ). The sentence runs into the next verse.

Verse 36 (9.38.36)

ततो रामोऽगमत्तीर्थमृषिभिः सेवितं महत् । यत्र भूयो निववृते प्राङ्मुखा वै सरस्वती ॥

tato rāmo'gamattīrthamṛṣibhiḥ sevitaṃ mahat | yatra bhūyo nivavṛte prāṅmukhā vai sarasvatī

then Rama went to the great tirtha frequented by sages, where the Sarasvati once again turned back, facing east,

Note on the text: Corrected सेक्तिं → सेवितं (misprint in Wikisource; सेक्तिं is not a word; the critical edition reads sevitaṃ). Line 1 is CE 9.36.34c; line 2 is CE 9.36.35a.

Verse 37 (9.38.37)

ऋषीणां नैमिषेयाणामवेक्षार्थं महात्मनाम् । निवृत्तां तां सरिच्छ्रेष्ठां तत्र दृष्ट्वा तु लाङ्गली । बभूव विस्मितो राजन्बलः श्वेतानुलेपनः ॥

ṛṣīṇāṃ naimiṣeyāṇāmavekṣārthaṃ mahātmanām | nivṛttāṃ tāṃ saricchreṣṭhāṃ tatra dṛṣṭvā tu lāṅgalī | babhūva vismito rājanbalaḥ śvetānulepanaḥ

to give a sight of herself to the great-souled sages of Naimisha. Seeing the best of rivers turned back there, the plough-bearer Bala, anointed with white sandal, was amazed, O king.

Note on the text: Corrected नैमिषेयाणावमेक्षार्थं → नैमिषेयाणामवेक्षार्थं (misprint in Wikisource; garbled; the critical edition reads naimiṣeyāṇām avekṣārtham, and the page's own gloss reads अवेक्षार्थम्). Line 1 is CE 9.36.35c; lines 2–3 are CE 9.36.36a and 36c.

Verse 38 (9.38.38)

कस्मात्सरस्वती ब्रह्मन्निवृत्ता प्राङ्मुखीभवत् । व्याख्यातमेतदिच्छामि सर्वमध्वर्युसत्तम ॥

kasmātsarasvatī brahmannivṛttā prāṅmukhībhavat | vyākhyātametadicchāmi sarvamadhvaryusattama

Why, O brahmin, did the Sarasvati turn back and face east? I wish to have all this explained, O best of Adhvaryu priests.

Verse 39 (9.38.39)

कस्मिंश्चित्कारणे तत्र विस्मितो यदुनन्दनः । निवृत्ता हेतुना केन कथमेव सरिद्वरा ॥

kasmiṃścitkāraṇe tatra vismito yadunandanaḥ | nivṛttā hetunā kena kathameva saridvarā

And for what reason was the delight of the Yadus amazed there? For what cause, and how, did that best of rivers turn back?

Note on the text: Corresponds to CE 9.36.38 (the input had no alignment for this verse).

Verse 40 (9.38.40)

पूर्वं कृतयुगे राजन्नैमिषेयास्तपस्विनः । वर्तमाने सुविपुले सत्रे द्वादशवार्षिके ॥

pūrvaṃ kṛtayuge rājannaimiṣeyāstapasvinaḥ | vartamāne suvipule satre dvādaśavārṣike

Long ago, in the Krita age, O king, the ascetics of Naimisha were holding a vast sacrificial session lasting twelve years.

Note on the text: Line 1 corresponds to CE 9.36.39a; line 2 to CE 9.36.39c (the star passages 9.36.39b*0225–0226 are not in Wikisource).

Verse 41 (9.38.41)

ऋषयो बहवो राजंस्तत्सत्रमभिपेदिरे । उषित्वा च महाभागास्तस्मिन्सत्रे यथाविधि ॥

ṛṣayo bahavo rājaṃstatsatramabhipedire | uṣitvā ca mahābhāgāstasminsatre yathāvidhi

Many sages, O king, came to that session; and those greatly blessed ones, having stayed at the session duly,

Note on the text: Corresponds to CE 9.36.39e and 40a.

Verse 42 (9.38.42)

निवृत्ते नैमिषे ये वै सत्रे द्वादशवार्षिके । आजग्मुर्ऋषयस्तत्र बहवस्तीर्थकारणात् ॥

nivṛtte naimiṣe ye vai satre dvādaśavārṣike | ājagmurṛṣayastatra bahavastīrthakāraṇāt

when the twelve-year session at Naimisha came to an end, many sages came there for the sake of the tirthas.

Note on the text: Corresponds to CE 9.36.40c and 40e.

Verse 43 (9.38.43)

ऋषीणां बहुलत्वात्तु सरस्वत्या विशाम्पते । तीर्थानि नगरायन्ते कूले वै दक्षिणोत्तरे ॥

ṛṣīṇāṃ bahulatvāttu sarasvatyā viśāmpate | tīrthāni nagarāyante kūle vai dakṣiṇottare

Because of the multitude of sages, O lord of men, the tirthas on the banks of the Sarasvati, south and north, became like cities.

Verse 44 (9.38.44)

समन्तपञ्चकं यावत्तावत्ते द्विजसत्तमाः । तीर्थलोभान्नरव्याघ्र नद्यास्तीरं समाश्रिताः ॥

samantapañcakaṃ yāvattāvatte dvijasattamāḥ | tīrthalobhānnaravyāghra nadyāstīraṃ samāśritāḥ

As far as Samantapanchaka, those best of brahmins, out of longing for the tirthas, settled along the river's bank, O tiger among men.

Verse 45 (9.38.45)

जुह्वतां तत्र तेषां तु मुनीनां भावितात्मनाम् । स्वाध्यायेनातिमहता बभूवुः पूरिता दिशः ॥

juhvatāṃ tatra teṣāṃ tu munīnāṃ bhāvitātmanām | svādhyāyenātimahatā babhūvuḥ pūritā diśaḥ

As those sages of cultivated souls made offerings there, the quarters were filled with the great sound of their Vedic recitation.

Verse 46 (9.38.46)

अग्निहोत्रैस्ततस्तेषां हूयमानैर्महात्मनाम् । अशोभत सरिच्छ्रेष्ठा दीप्यमानैः समन्ततः ॥

agnihotraistatasteṣāṃ hūyamānairmahātmanām | aśobhata saricchreṣṭhā dīpyamānaiḥ samantataḥ

With the agnihotra fires of those great ones, blazing all around as the offerings were made, the best of rivers shone.

Verse 47 (9.38.47)

वालखिल्या महाराज अश्मकुट्टाश्च तापसाः । दन्तोलूखलिनश्चान्ये सम्प्रक्षालास्तथा परे ॥

vālakhilyā mahārāja aśmakuṭṭāśca tāpasāḥ | dantolūkhalinaścānye samprakṣālāstathā pare

There were Valakhilyas, O great king, and ascetic Ashmakuttas, others who use their teeth as mortars, and still others, the Samprakshalas;

Verse 48 (9.38.48)

वायुभक्षा जलाहाराः पर्णभक्षाश्च तापसाः । नानानियमयुक्ताश्च तथा स्थण्डिलशायिनः ॥

vāyubhakṣā jalāhārāḥ parṇabhakṣāśca tāpasāḥ | nānāniyamayuktāśca tathā sthaṇḍilaśāyinaḥ

ascetics who lived on air, on water, on leaves, bound by many kinds of restraint, and those who slept on bare ground.

Verse 49 (9.38.49)

आसन्वै मुनयस्तत्र सरस्वत्याः समीपतः । शोभयन्तः सरिच्छ्रेष्ठां गङ्गामिव दिवौकसः ॥

āsanvai munayastatra sarasvatyāḥ samīpataḥ | śobhayantaḥ saricchreṣṭhāṃ gaṅgāmiva divaukasaḥ

Those sages were there near the Sarasvati, adorning the best of rivers as the dwellers in heaven adorn the Ganga.

Note on the text: Corrected मुनयस्तवत्र → मुनयस्तत्र (misprint in Wikisource; stray व; the critical edition reads munayas tatra).

Verse 50 (9.38.50)

शतशश्च समापेतुर्ऋषयः सत्रयाजिनः । तेऽवकाशं न ददृशुः सरस्वत्या महाव्रताः । तेऽवकाशं न ददृशुः कुरुक्षेत्रे महाव्रताः ॥

śataśaśca samāpeturṛṣayaḥ satrayājinaḥ | te'vakāśaṃ na dadṛśuḥ sarasvatyā mahāvratāḥ | te'vakāśaṃ na dadṛśuḥ kurukṣetre mahāvratāḥ

Hundreds of sages, performers of sacrificial sessions, came together; those of great vows found no room along the Sarasvati, and found no room in Kurukshetra, those of great vows.

Note on the text: Corrected तेऽवकाशं च ददृशुः कुरुक्षेत्रं (त्रे) → तेऽवकाशं न ददृशुः कुरुक्षेत्रे (misprint in Wikisource; च for न, which would contradict the sense (the sages are 'निराश' in the next verses), and the editor's bracketed variant (त्रे) printed after कुरुक्षेत्रं; the critical edition reads te 'vakāśaṃ na dadṛśuḥ kurukṣetre). Line 1 corresponds to CE 9.36.48a (here śataśaś ca for tataḥ paścāt); lines 2 and 3 are both variants of CE 48cd (te 'vakāśaṃ na dadṛśuḥ kurukṣetre mahāvratāḥ), the vulgate giving the line twice, with sarasvatyā and kurukṣetre.

Verse 51 (9.38.51)

ततो यज्ञोपवीतैः स्वैस्तत्र कृत्वा सरस्वतीम् । जुहुवुश्चाग्निहोत्रांश्च चक्रुश्च विविधाः क्रियाः ॥

tato yajñopavītaiḥ svaistatra kṛtvā sarasvatīm | juhuvuścāgnihotrāṃśca cakruśca vividhāḥ kriyāḥ

Then, making the Sarasvati there with their own sacred threads, they poured the agnihotra offerings and performed rites of many kinds.

Note on the text: Corresponds to CE 9.36.49 (which reads tat tīrthaṃ nirmimāya for the Wikisource wording).

Verse 52 (9.38.52)

ततस्तमृषिसङ्घातं निराशं चिन्तयान्वितम् । दर्शयामास राजेन्द्र तेषामर्थे सरस्वती ॥

tatastamṛṣisaṅghātaṃ nirāśaṃ cintayānvitam | darśayāmāsa rājendra teṣāmarthe sarasvatī

Then, O best of kings, seeing that host of sages hopeless and sunk in worry, the Sarasvati showed herself for their sake.

Note on the text: Corrected ततस्तमृपिसङ्घातं → ततस्तमृषिसङ्घातं (misprint in Wikisource; प for ष; the critical edition reads tatas tam ṛṣisaṃghātaṃ).

Verse 53 (9.38.53)

ततः कुञ्जान्बहून्कृत्वा सन्निवृत्ता सरस्वती । ऋषीणां पुण्यतपसां कारुण्याज्जनमेजय ॥

tataḥ kuñjānbahūnkṛtvā sannivṛttā sarasvatī | ṛṣīṇāṃ puṇyatapasāṃ kāruṇyājjanamejaya

Then, forming many bends, the Sarasvati turned back, out of compassion for the sages of holy austerity, O Janamejaya.

Verse 54 (9.38.54)

ततो निवृत्त्य राजेन्द्र तेषामर्थे सरस्वती । भूयः प्रतीच्यभिमुखी प्रसुस्राव सरिद्वरा ॥

tato nivṛttya rājendra teṣāmarthe sarasvatī | bhūyaḥ pratīcyabhimukhī prasusrāva saridvarā

Then, turning back for their sake, O best of kings, the Sarasvati, best of rivers, flowed again facing west.

Verse 55 (9.38.55)

अमोघा गमनं कृत्वा तेषां भूयो जगाम ह । अत्यद्भुतं महच्चक्रे तदा राजन्महानदी ॥

amoghā gamanaṃ kṛtvā teṣāṃ bhūyo jagāma ha | atyadbhutaṃ mahaccakre tadā rājanmahānadī

Having made her unfailing visit to them, she went on again. The great river did a most wondrous and mighty thing then, O king.

Verse 56 (9.38.56)

एवं स कुञ्जो राजन्वै नैमिषीय इति स्मृतः । कुरुश्रेष्ठ कुरुक्षेत्रे कुरुष्व महतीं क्रियाम् ॥

evaṃ sa kuñjo rājanvai naimiṣīya iti smṛtaḥ | kuruśreṣṭha kurukṣetre kuruṣva mahatīṃ kriyām

Thus that bend is remembered as the Naimishiya, O king. O best of the Kurus, perform a great rite in Kurukshetra.

Verse 57 (9.38.57)

तत्र कुञ्जान्बहून्दृष्ट्वा निवृत्तां च सरस्वतीम् । बभूव विस्मयस्तत्र रामस्याथ महात्मनः ॥

tatra kuñjānbahūndṛṣṭvā nivṛttāṃ ca sarasvatīm | babhūva vismayastatra rāmasyātha mahātmanaḥ

Seeing the many bends there, and the Sarasvati turned back, great amazement came upon the great-souled Rama.

Verse 58 (9.38.58)

उपस्पृश्य तु तत्रापि विधिवद्यदुनन्दनः । दत्त्वा देयान्द्विजातिभ्यो भाण्डानि विविधानि च ॥

upaspṛśya tu tatrāpi vidhivadyadunandanaḥ | dattvā deyāndvijātibhyo bhāṇḍāni vividhāni ca

There too, having duly bathed, the delight of the Yadus gave the brahmins gifts and vessels of many kinds,

Note on the text: Corresponds to CE 9.36.56a and 56c (the input had no alignment for this verse).

Verse 59 (9.38.59)

भक्ष्यं भोज्यं च विविधं ब्राह्मणेभ्यः प्रदाय च । ततः प्रायाद्बलो राजन्पूज्यमानो द्विजातिभिः ॥

bhakṣyaṃ bhojyaṃ ca vividhaṃ brāhmaṇebhyaḥ pradāya ca | tataḥ prāyādbalo rājanpūjyamāno dvijātibhiḥ

and, having given the brahmins food and drink of every kind, Bala then went on, O king, honoured by the brahmins,

Note on the text: Corrected कच → च (misprint in Wikisource; stray क; the critical edition reads bhakṣyaṃ peyaṃ ca vividhaṃ). Line 1 corresponds to CE 9.36.56e (bhakṣyaṃ peyaṃ ca vividhaṃ brāhmaṇān pratyapādayat); line 2 is CE 9.36.57a.

Verse 60 (9.38.60)

सरस्वतीतीर्थवरं नानाद्विजगणायुतम् । बदरेङ्गुदश्यामाकाप्लक्षाश्वत्थबिभीतकैः ॥

sarasvatītīrthavaraṃ nānādvijagaṇāyutam | badareṅgudaśyāmākāplakṣāśvatthabibhītakaiḥ

to the best of the Sarasvati's tirthas, crowded with companies of brahmins of many kinds, and adorned with jujube, ingudi, shyamaka, plaksha, ashvattha and vibhitaka trees,

Note on the text: Corrected श्यामाकाप्लुक्षाश्वत्थ → श्यामाकाप्लक्षाश्वत्थ (misprint in Wikisource; प्लुक्ष is not a word; the critical edition reads plakṣa). Line 1 is CE 9.36.57c; line 2 corresponds to CE 9.36.58a (here śyāmāka for kāśmarya).

Verse 61 (9.38.61)

कङ्कोलैश्च पलाशैश्च करीरैः पीलुभिस्तथा । सरस्वतीतीर्थरुहैस्तरुभिर्विविधैस्तथा ॥

kaṅkolaiśca palāśaiśca karīraiḥ pīlubhistathā | sarasvatītīrtharuhaistarubhirvividhaistathā

with kankola, palasha, karira and pilu, and with many other trees growing on the Sarasvati's shore,

Note on the text: Corrected पलाश्चैश्च → पलाशैश्च (misprint in Wikisource; stray ्च; the critical edition reads palāśaiś ca). Line 1 corresponds to CE 9.36.58c (here kaṅkola for panasa); line 2 to CE 9.36.59a (here tarubhir vividhais tathā for bandhanaiḥ syandanais tathā).

Verse 62 (9.38.62)

करुषकवरैश्चैव बिल्वैराम्रातकैस्तथा । अतिमुक्तकषण्डैश्च पारिजातैश्च शोभितम् ॥

karuṣakavaraiścaiva bilvairāmrātakaistathā | atimuktakaṣaṇḍaiśca pārijātaiśca śobhitam

with excellent karushaka trees, bilva and amrataka, and graced by clumps of atimuktaka and by parijata,

Note on the text: Corresponds to CE 9.36.59c and 60a (here karuṣakavaraiḥ for parūṣakavanaiḥ).

Verse 63 (9.38.63)

कदलीवनभूयिष्ठं दृष्टिकान्तं मनोहरम् । वाय्वम्बुफलपर्णादैर्दन्तोलूखलिकैरपि ॥

kadalīvanabhūyiṣṭhaṃ dṛṣṭikāntaṃ manoharam | vāyvambuphalaparṇādairdantolūkhalikairapi

thick with groves of plantain, pleasing to the eye and charming, with ascetics who live on air, water, fruit and leaves, and others who use their teeth as mortars,

Note on the text: Corresponds to CE 9.36.60c and 61a.

Verse 64 (9.38.64)

तथाऽश्मकुट्टैर्वातेयैर्मुनिभिर्बहुभिर्वृतम् । स्वाध्यायघोषसङ्घुष्टं मृगयूथशताकुलम् ॥

tathā'śmakuṭṭairvāteyairmunibhirbahubhirvṛtam | svādhyāyaghoṣasaṅghuṣṭaṃ mṛgayūthaśatākulam

and with ashmakuttas and wind-feeders, encircled by many sages, resounding with the sound of Vedic study, and filled with hundreds of herds of deer,

Note on the text: Corresponds to CE 9.36.61c and 62a.

Verse 65 (9.38.65)

अहिंस्रैर्धर्मपरमैर्नृभिरत्यर्थसेवितम् । सप्तसारस्वतं तीर्थमाजगाम हलायुधः । यत्र मङ्कणकः सिद्धस्तपस्तेपे महामुनिः ॥

ahiṃsrairdharmaparamairnṛbhiratyarthasevitam | saptasārasvataṃ tīrthamājagāma halāyudhaḥ | yatra maṅkaṇakaḥ siddhastapastepe mahāmuniḥ

much frequented by gentle men of the highest dharma: Halayudha came to Saptasarasvata, where the great sage, the siddha Mankanaka, practised austerity.

Note on the text: Corrected नृभिरत्यर्थरोवितम् → नृभिरत्यर्थसेवितम् (misprint in Wikisource; रोवितम् is not a word; the critical edition reads atyantasevitam, so the smallest fix is सेवितम्). Lines 1–3 correspond to CE 9.36.62c, 63a and 63c.