Trita in the Well

Verse 1 (9.37.1)

तस्मान्नदीगतं चापि ह्युदपानं यशस्विनः । त्रितस्य च महाराज जगामाथ हलायुधः ॥

tasmānnadīgataṃ cāpi hyudapānaṃ yaśasvinaḥ | tritasya ca mahārāja jagāmātha halāyudhaḥ

From there, O great king, Balarama, wielder of the plough, went to the famous well of Trita, which lay in the river.

Verse 2 (9.37.2)

तत्र दत्त्वा बहुद्रव्यं पूजयित्वा तथा द्विजान् । उपस्पृश्य च तत्रैव प्रहृष्टो मुसलायुधः ॥

tatra dattvā bahudravyaṃ pūjayitvā tathā dvijān | upaspṛśya ca tatraiva prahṛṣṭo musalāyudhaḥ

There he gave much wealth and honoured the brahmins, and having bathed in the water there, the wielder of the pestle was delighted.

Verse 3 (9.37.3)

तत्र धर्मपरो ह्यासीत्त्रितः स सुमहातपाः । कूपे च वसता तेन सोमः पीतो महात्मना ॥

tatra dharmaparo hyāsīttritaḥ sa sumahātapāḥ | kūpe ca vasatā tena somaḥ pīto mahātmanā

There the great ascetic Trita had lived, devoted to dharma; and while dwelling in that well, that great soul had drunk soma.

Verse 4 (9.37.4)

तत्र चैनं समुत्सृज्य भ्रातरौ जग्मतुर्गृहान् । ततस्तौ वै शशापाथ त्रितो ब्राह्मणसत्तमः ॥

tatra cainaṃ samutsṛjya bhrātarau jagmaturgṛhān | tatastau vai śaśāpātha trito brāhmaṇasattamaḥ

His two brothers left him there and went home; then Trita, best of brahmins, cursed them.

Verse 5 (9.37.5)

उदपानं कथं ब्रह्मन्कथं च सुमहातपाः । पतितः किं च सन्त्यक्तो भ्रातृभ्यां द्विजसत्तम ॥

udapānaṃ kathaṃ brahmankathaṃ ca sumahātapāḥ | patitaḥ kiṃ ca santyakto bhrātṛbhyāṃ dvijasattama

O brahmin, how did that great ascetic fall into the well, and why was he abandoned by his two brothers, O best of the twice-born?

Verse 6 (9.37.6)

कूपे कथं च हित्वैनं भ्रातरौ जग्मतुर्गृहान् । कथं च याजयामास पपौ सोमं च वै कथम् । एतदाचक्ष्व मे ब्रह्मन्श्रोतव्यं यदि मन्यसे ॥

kūpe kathaṃ ca hitvainaṃ bhrātarau jagmaturgṛhān | kathaṃ ca yājayāmāsa papau somaṃ ca vai katham | etadācakṣva me brahmanśrotavyaṃ yadi manyase

How did the two brothers leave him in the well and go home? How did he have a sacrifice performed, and how did he drink soma? Tell me this, O brahmin, if you think it fit to be heard.

Note on the text: Three lines: CE 9.35.6a, the star line 6b*0220_01 (kathaṃ ca yājayām āsa papau somaṃ ca vai katham) and 6c. The input had no alignment for this verse.

Verse 7 (9.37.7)

आसन्पूर्वयुगे राजन्मुनयो भ्रातरस्त्रयः । एकतश्च द्वितश्चैव त्रितश्चादित्यसन्निभाः ॥

āsanpūrvayuge rājanmunayo bhrātarastrayaḥ | ekataśca dvitaścaiva tritaścādityasannibhāḥ

In an earlier age, O king, there were three brothers, sages: Ekata, Dvita and Trita, all radiant as the sun.

Verse 8 (9.37.8)

सर्वे प्रजापतिसमाः प्रजावन्तस्तथैव च । ब्रह्मलोकजिताः सर्वे तपसा ब्रह्मवादिनः ॥

sarve prajāpatisamāḥ prajāvantastathaiva ca | brahmalokajitāḥ sarve tapasā brahmavādinaḥ

All were like Prajapati, with offspring of their own, and all were expounders of the Veda who had won the world of Brahma by austerity.

Verse 9 (9.37.9)

तेषां तु तपसा प्रीतो नियमेन दमेन च । अभवद्गौतमो नित्यं पिता धर्मरतः सदा ॥

teṣāṃ tu tapasā prīto niyamena damena ca | abhavadgautamo nityaṃ pitā dharmarataḥ sadā

Pleased with their austerity, their discipline and self-control, Gautama, ever devoted to dharma, became their father.

Verse 10 (9.37.10)

स तु दीर्घेण कालेन तेषां प्रीतिमवाप्य च । जगाम भगवान्स्थानमनुरूपमिवात्मनः ॥

sa tu dīrgheṇa kālena teṣāṃ prītimavāpya ca | jagāma bhagavānsthānamanurūpamivātmanaḥ

After a long time, having won their affection, the blessed one went to a place befitting himself.

Verse 11 (9.37.11)

राजानस्तस्य ये ह्यासन्याज्या राजन्महात्मनः । ते सर्वे स्वर्गते तस्मिंस्तस्य पुत्रानपूजयन् ॥

rājānastasya ye hyāsanyājyā rājanmahātmanaḥ | te sarve svargate tasmiṃstasya putrānapūjayan

The kings who had been that great soul's patrons for sacrifice, O king, all honoured his sons once he had gone to heaven.

Verse 12 (9.37.12)

तेषां तु कर्मणा राजंस्तथा चाध्ययनेन च । त्रितः स श्रेष्ठतां प्राप यथैवास्य पिता तथा ॥

teṣāṃ tu karmaṇā rājaṃstathā cādhyayanena ca | tritaḥ sa śreṣṭhatāṃ prāpa yathaivāsya pitā tathā

Through his rites and his study, O king, Trita attained eminence, just as his father had.

Verse 13 (9.37.13)

तथा सर्वे महाभागा मुनयः पुण्यलक्षणाः । अपूजयन्महाभागं यथास्य पितरं तथा ॥

tathā sarve mahābhāgā munayaḥ puṇyalakṣaṇāḥ | apūjayanmahābhāgaṃ yathāsya pitaraṃ tathā

And all the greatly blessed sages, marked by merit, honoured that greatly blessed one just as they had honoured his father.

Verse 14 (9.37.14)

कदाचिद्धि ततो राजन्भ्रातरावेकतद्वितौ । यज्ञार्थं चक्रतुश्चिन्तां तथा वित्तार्थमेव च ॥

kadāciddhi tato rājanbhrātarāvekatadvitau | yajñārthaṃ cakratuścintāṃ tathā vittārthameva ca

Once, O king, the two brothers Ekata and Dvita turned their thoughts to sacrifices and also to wealth.

Note on the text: Corrected कदाचिद्वि → कदाचिद्धि (misprint in Wikisource; द्व for द्ध; the critical edition reads kadā cid dhi).

Verse 15 (9.37.15)

तयोर्बुद्धिः समभवत्त्रितं गृह्य परन्तप । याज्यान्सर्वानुपादाय प्रतिगृह्य पशूंस्ततः । सोमं पास्यामहे हृष्टाः प्राप्य यज्ञं महाफलम् ॥

tayorbuddhiḥ samabhavattritaṃ gṛhya parantapa | yājyānsarvānupādāya pratigṛhya paśūṃstataḥ | somaṃ pāsyāmahe hṛṣṭāḥ prāpya yajñaṃ mahāphalam

Their plan, O scourge of foes, was this: taking Trita with them, to approach all their patrons and accept animals from them; then, glad, to drink soma, having performed a sacrifice of great fruit.

Note on the text: Lines 1–2 correspond to CE 9.35.15 (tayoś cintā…, here tayor buddhiḥ…); line 3 is CE 9.35.16a. Wikisource prints them as one three-line verse.

Verse 16 (9.37.16)

चक्रुश्चैवं तथा राजन्भ्रातरस्त्रय एव च । यथा ते तु परिक्रम्य याज्यान्सर्वान्पशून्प्रति । याजयित्वा ततो याज्याँल्लब्ध्वा तु सुबहून्पशून् ॥

cakruścaivaṃ tathā rājanbhrātarastraya eva ca | yathā te tu parikramya yājyānsarvānpaśūnprati | yājayitvā tato yājyām̐llabdhvā tu subahūnpaśūn

The three brothers did so, O king: they went round to all their patrons in quest of animals, performed sacrifices for them, and gained a great many animals.

Note on the text: Line 1 is CE 9.35.16c; lines 2–3 correspond to CE 9.35.17ab. Wikisource prints them as one three-line verse.

Verse 17 (9.37.17)

याज्येन कर्मणा तेन प्रतिगृह्य विधानतः । प्राचीं दिशं महात्मान आजग्मुस्ते महर्षयः ॥

yājyena karmaṇā tena pratigṛhya vidhānataḥ | prācīṃ diśaṃ mahātmāna ājagmuste maharṣayaḥ

Having received them duly as fees for that priestly work, those great sages came to the eastern region.

Verse 18 (9.37.18)

त्रितस्तेषां महाराज पुरस्ताद्याति हृष्टवत् । एकतश्च द्वितश्चैव पृष्ठतः कालयन्पशून् ॥

tritasteṣāṃ mahārāja purastādyāti hṛṣṭavat | ekataśca dvitaścaiva pṛṣṭhataḥ kālayanpaśūn

Trita, O great king, walked joyfully in front of them; Ekata and Dvita came behind, driving the animals.

Verse 19 (9.37.19)

तयोश्चिन्ता समभवदेकतस्य द्वितस्य च । कथं च स्युरिमा गाव आवाभ्यां हि विना त्रितम् ॥

tayościntā samabhavadekatasya dvitasya ca | kathaṃ ca syurimā gāva āvābhyāṃ hi vinā tritam

Then a thought arose in Ekata and Dvita: how could these cattle be ours alone, without Trita?

Verse 20 (9.37.20)

तावन्योन्यं समाभाष्य एकतश्च द्वितश्च ह । यदूचतुर्मिथः पापौ तन्निबोध जनेश्वर ॥

tāvanyonyaṃ samābhāṣya ekataśca dvitaśca ha | yadūcaturmithaḥ pāpau tannibodha janeśvara

Speaking together, those two sinners, Ekata and Dvita, said something to each other; hear it, O lord of men.

Verse 21 (9.37.21)

त्रितो यज्ञेषु कुशलस्तथा वेदेषु निष्ठितः । ततस्त्रितो बहुतरं गावः समुपलप्स्यते ॥

trito yajñeṣu kuśalastathā vedeṣu niṣṭhitaḥ | tatastrito bahutaraṃ gāvaḥ samupalapsyate

"Trita is skilled in sacrifices and well versed in the Vedas; so Trita will obtain many more cows."

Note on the text: Speech of Ekata and Dvita (no heading printed).

Verse 22 (9.37.22)

तदावां सहितौ भूत्वा गाः प्रकाल्य व्रजावहे । त्रितोऽपि गच्छतां काममावाभ्यां वै विनाकृतः ॥

tadāvāṃ sahitau bhūtvā gāḥ prakālya vrajāvahe | trito'pi gacchatāṃ kāmamāvābhyāṃ vai vinākṛtaḥ

"So let the two of us go together, driving the cows off; and let Trita go where he pleases, left without us."

Note on the text: Corrected विनाकृताः → विनाकृतः (misprint in Wikisource; the plural does not agree with त्रितः; the critical edition reads vinākṛtaḥ). Speech of Ekata and Dvita (no heading printed).

Verse 23 (9.37.23)

तेषामागच्छतां रात्रौ पथिस्थानां वृकोऽभवत् । तत्र कूपो विदूरेऽभूत्सरस्वत्यास्तटे महान् ॥

teṣāmāgacchatāṃ rātrau pathisthānāṃ vṛko'bhavat | tatra kūpo vidūre'bhūtsarasvatyāstaṭe mahān

As they came along by night, a wolf appeared on the path before them, and a great well lay there on the bank of the Sarasvati.

Note on the text: Wikisource has विदूरे ('far'), the critical edition avidūre ('near'); published as printed, and the translation leaves the distance unstated.

Verse 24 (9.37.24)

अथ त्रितो वृकं दृष्ट्वा पथि तिष्ठन्तमग्रतः । तद्भयादपसर्पन्वै तस्मिन्कूपे पपात ह । अगाधे सुमहाघोरे सर्वभूतभयङ्करे ॥

atha trito vṛkaṃ dṛṣṭvā pathi tiṣṭhantamagrataḥ | tadbhayādapasarpanvai tasminkūpe papāta ha | agādhe sumahāghore sarvabhūtabhayaṅkare

Seeing the wolf standing in the path ahead, Trita shrank back in fear of it and fell into that well, which was bottomless, dreadful and terrifying to all creatures.

Note on the text: Corrected अथं → अथ (misprint in Wikisource; stray anusvara; the critical edition reads atha). Corrected तद्भ्यादपसर्पन् → तद्भयादपसर्पन् (misprint in Wikisource; भ्य for भय; the critical edition reads tadbhayād apasarpan).

Verse 25 (9.37.25)

त्रितस्ततो महाराज कूपस्थो मुनिसत्तमः । आर्तनादं ततश्चक्रे तौ तु शुश्रुवतुर्मुनी ॥

tritastato mahārāja kūpastho munisattamaḥ | ārtanādaṃ tataścakre tau tu śuśruvaturmunī

Then Trita, O great king, best of sages, cried out in distress from the well, and the two sages heard him.

Verse 26 (9.37.26)

तं ज्ञात्वा पतितं कूपे भ्रातरावेकतद्वितौ । वृकत्रासाच्च लोभाच्च समुत्सृज्य प्रजग्मतुः ॥

taṃ jñātvā patitaṃ kūpe bhrātarāvekatadvitau | vṛkatrāsācca lobhācca samutsṛjya prajagmatuḥ

Knowing that he had fallen into the well, the brothers Ekata and Dvita, out of fear of the wolf and out of greed, abandoned him and went away.

Note on the text: Corrected त ज्ञात्वा → तं ज्ञात्वा (misprint in Wikisource; dropped anusvara; the critical edition reads taṃ jñātvā).

Verse 27 (9.37.27)

भ्रातृभ्यां पशुलुब्धाभ्यामुत्सृष्टः स महातपाः । उदपाने तदा राजन्निर्जले पांसुसंवृते ॥

bhrātṛbhyāṃ paśulubdhābhyāmutsṛṣṭaḥ sa mahātapāḥ | udapāne tadā rājannirjale pāṃsusaṃvṛte

Abandoned by his brothers, who were greedy for the animals, the great ascetic lay in that well, O king, waterless and covered with dust.

Note on the text: Corrected पांसुपंवृते → पांसुसंवृते (misprint in Wikisource; प for स; the critical edition reads pāṃsusaṃvṛte).

Verse 28 (9.37.28)

त्रित आत्मानमालक्ष्य कूपे वीरुत्तृणावृते । निमग्नं भरतश्रेष्ठ नरके दुष्कृती यथा ॥

trita ātmānamālakṣya kūpe vīruttṛṇāvṛte | nimagnaṃ bharataśreṣṭha narake duṣkṛtī yathā

Trita saw himself sunk, O best of the Bharatas, in a well overgrown with creepers and grass, like an evildoer in hell.

Verse 29 (9.37.29)

ततो ह्यचिन्तयत्प्राज्ञो मृतभूतो ह्यसोमपः । सोमः कथं तु पातव्य इहस्थेन मया भवेत् ॥

tato hyacintayatprājño mṛtabhūto hyasomapaḥ | somaḥ kathaṃ tu pātavya ihasthena mayā bhavet

Then the wise man thought — he who, without soma, was as good as dead: "How can I drink soma while I am stuck here?"

Verse 30 (9.37.30)

स एवमभिसञ्चिन्त्य तस्मिन्कूपे महातपाः । ददर्श वीरुधं तत्र लम्बमानां यदृच्छया ॥

sa evamabhisañcintya tasminkūpe mahātapāḥ | dadarśa vīrudhaṃ tatra lambamānāṃ yadṛcchayā

Thus reflecting in that well, the great ascetic saw by chance a creeper hanging down.

Verse 31 (9.37.31)

पांसुग्रस्ते ततः कूपे न्यखनत्सलिलं मुनिः । अग्नीन्सङ्कल्पयामास होतॄनात्मानमेव च ॥

pāṃsugraste tataḥ kūpe nyakhanatsalilaṃ muniḥ | agnīnsaṅkalpayāmāsa hotṝnātmānameva ca

In the dust-choked well the sage dug down to water. He imagined the sacred fires, the priests, and himself as well.

Verse 32 (9.37.32)

ततस्तां वीरुधं सोमं सङ्कल्प्य सुमहातपाः । ऋचो यजूंषि सामानि मनसा चिन्तयन्मुनिः ॥

tatastāṃ vīrudhaṃ somaṃ saṅkalpya sumahātapāḥ | ṛco yajūṃṣi sāmāni manasā cintayanmuniḥ

Then, imagining that creeper to be soma, the great ascetic called to mind the Rik, Yajus and Saman verses,

Note on the text: Corrected सङ्कल्प सुमहातपाः → सङ्कल्प्य सुमहातपाः (misprint in Wikisource; dropped य्, so that the gerund is incomplete; the critical edition reads saṃkalpya). Corrected जयूंषि → यजूंषि (misprint in Wikisource; जयूंषि is not a word; the critical edition reads yajūṃṣi). Lines are CE 9.35.33a and 33c; the verse continues in the next one (CE 33 has three lines).

Verse 33 (9.37.33)

ग्रावाणः शर्कराः कृत्वा प्रचक्रेऽभिषवं नृप । आज्यं च सलिलं चक्रे भागांश्च त्रिदिवौकसाम् ॥

grāvāṇaḥ śarkarāḥ kṛtvā pracakre'bhiṣavaṃ nṛpa | ājyaṃ ca salilaṃ cakre bhāgāṃśca tridivaukasām

made the pebbles into pressing-stones and performed the pressing, O king; he made water serve as the ghee, and set aside the shares of the dwellers in heaven.

Note on the text: Line 1 is CE 9.35.33e; line 2 is CE 9.35.34a.

Verse 34 (9.37.34)

सोमस्याभिषवस्याग्रे प्रवृत्तस्तुमुलो ध्वनिः । स चाविशद्दिवं राजन्स्वरश्चैव त्रितस्य वै ॥

somasyābhiṣavasyāgre pravṛttastumulo dhvaniḥ | sa cāviśaddivaṃ rājansvaraścaiva tritasya vai

At the start of the soma pressing a tumultuous sound arose, and Trita's chanting voice, O king, reached heaven.

Note on the text: Corrected त्रितस्त वै → त्रितस्य वै (misprint in Wikisource; त for य; the critical edition reads tritasya vai). Line 1 corresponds to CE 9.35.34c (with a different wording); line 2 to CE 9.35.35a (svaraś caiva for svaraḥ śaikṣas).

Verse 35 (9.37.35)

समवाप च तं यज्ञं यथोक्तं ब्रह्मवादिभिः ॥

samavāpa ca taṃ yajñaṃ yathoktaṃ brahmavādibhiḥ

And he completed that sacrifice exactly as the expounders of the Veda prescribe.

Note on the text: Corrected यज्ञां → यज्ञं (misprint in Wikisource; stray ā; the critical edition reads yajñaṃ). A single line as printed (CE 9.35.35c); no text is lost, since Wikisource's seven lines for this stretch match the seven lines of CE 9.35.33a–35c, only grouped differently.

Verse 36 (9.37.36)

वर्तमाने महायज्ञे त्रितस्य सुमहात्मनः । आविग्नं त्रिदिवं सर्वं कारणं च न बुध्यते ॥

vartamāne mahāyajñe tritasya sumahātmanaḥ | āvignaṃ tridivaṃ sarvaṃ kāraṇaṃ ca na budhyate

While the great sacrifice of the high-souled Trita went on, all heaven was shaken and did not understand the cause.

Note on the text: Corrected कारमं → कारणं (misprint in Wikisource; म for ण; the critical edition reads kāraṇaṃ).

Verse 37 (9.37.37)

ततः सुतुमुलं शब्दं शुश्रावाथ बृहस्पतिः । श्रुत्वा चैवाब्रवीत्सर्वान्देवान्देवपुरोहितः ॥

tataḥ sutumulaṃ śabdaṃ śuśrāvātha bṛhaspatiḥ | śrutvā caivābravītsarvāndevāndevapurohitaḥ

Then Brihaspati heard the great tumult; hearing it, the priest of the gods spoke to all the gods.

Verse 38 (9.37.38)

त्रितस्य वर्तते यज्ञस्तत्र गच्छामहे सुराः । स हि क्रुद्धः सृजेदन्यान्देवानपि महातपाः ॥

tritasya vartate yajñastatra gacchāmahe surāḥ | sa hi kruddhaḥ sṛjedanyāndevānapi mahātapāḥ

"Trita's sacrifice is under way; let us go there, O gods. If that great ascetic is angered, he might even create other gods."

Note on the text: Speech of Brihaspati (no heading printed).

Verse 39 (9.37.39)

तच्छ्रुत्वा वचनं तस्य सहिताः सर्वदेवताः । प्रययुस्तत्र यत्रास्ते त्रितयज्ञश्च वर्तते ॥

tacchrutvā vacanaṃ tasya sahitāḥ sarvadevatāḥ | prayayustatra yatrāste tritayajñaśca vartate

Hearing his words, all the gods together went to where Trita's sacrifice was being performed.

Verse 40 (9.37.40)

ते तत्र गत्वा विबुधास्तं कूपं यत्र स त्रितः । ददृशुस्तं महात्मानं दीक्षितं यज्ञकर्मसु ॥

te tatra gatvā vibudhāstaṃ kūpaṃ yatra sa tritaḥ | dadṛśustaṃ mahātmānaṃ dīkṣitaṃ yajñakarmasu

The gods went to the well where Trita was, and saw that great soul, consecrated for the sacrificial rites.

Verse 41 (9.37.41)

दृष्ट्वा चैनं महात्मानं श्रिया परमया युतम् । ऊचुश्चैनं महाभागं प्राप्ता भागार्थिनो वयम् ॥

dṛṣṭvā cainaṃ mahātmānaṃ śriyā paramayā yutam | ūcuścainaṃ mahābhāgaṃ prāptā bhāgārthino vayam

Seeing that great soul, endowed with supreme splendour, they said to him: "Greatly blessed one, we have come seeking our shares."

Verse 42 (9.37.42)

अथाब्रवीदृषिर्देवान्पश्यध्वं मां दिवौकसः । अस्मिन्प्रतिभये कूपे निमग्नं नष्टचेतसम् ॥

athābravīdṛṣirdevānpaśyadhvaṃ māṃ divaukasaḥ | asminpratibhaye kūpe nimagnaṃ naṣṭacetasam

Then the sage said to the gods: "Look at me, O dwellers in heaven, sunk in this fearful well, my senses lost."

Verse 43 (9.37.43)

ततस्त्रितो महाराज भागांस्तेषां यथाविधि । मन्त्रयुक्तान्समददात्तेन प्रीतास्तदाऽभवन् ॥

tatastrito mahārāja bhāgāṃsteṣāṃ yathāvidhi | mantrayuktānsamadadāttena prītāstadā'bhavan

Then Trita, O great king, duly gave them their shares, joined with mantras, and they were pleased by it.

Verse 44 (9.37.44)

ततो यथाविधि प्राप्तान्भागान्प्राप्य दिवौकसः । प्रीतात्मानो ददुस्तस्मै वरान्यान्मनसेच्छति ॥

tato yathāvidhi prāptānbhāgānprāpya divaukasaḥ | prītātmāno dadustasmai varānyānmanasecchati

Having duly received their shares, the dwellers in heaven, glad at heart, offered him whatever boons he desired in his mind.

Verse 45 (9.37.45)

स तु वव्रे वरं देवांस्त्रातुमर्हथ मामितः । यश्चाम्भोपस्पृशेत्कूपे स सोमपगतिं लभेत् ॥

sa tu vavre varaṃ devāṃstrātumarhatha māmitaḥ | yaścāmbhopaspṛśetkūpe sa somapagatiṃ labhet

He chose a boon from the gods: "You should rescue me from here; and whoever touches the water in this well, let him attain the state of a soma-drinker."

Note on the text: Corrected लवरं → वरं (misprint in Wikisource; stray ल; the critical edition reads varaṃ).

Verse 46 (9.37.46)

तत्र चोर्मिमती राजन्नुत्पपात सरस्वती । तयोत्क्षिप्तस्त्रितस्तस्थौ पूजयंस्त्रिदिवौकसः ॥

tatra cormimatī rājannutpapāta sarasvatī | tayotkṣiptastritastasthau pūjayaṃstridivaukasaḥ

Then the Sarasvati, rising in waves, surged up there, O king; lifted up by her, Trita stood, honouring the dwellers in heaven.

Verse 47 (9.37.47)

तथेति चोक्त्वा विबुधा जग्मू राजन्यथाऽऽगताः । त्रितश्चाभ्यागमत्प्रीतः स्वमेव निलयं तदा ॥

tatheti coktvā vibudhā jagmū rājanyathā''gatāḥ | tritaścābhyāgamatprītaḥ svameva nilayaṃ tadā

Saying "So be it," the gods went as they had come, O king; and Trita, pleased, returned to his own dwelling.

Verse 48 (9.37.48)

क्रुद्धस्तु स समासाद्य तावृषी भ्रातरौ तदा । उवाच परुषं वाक्यं शशाप च महातपाः ॥

kruddhastu sa samāsādya tāvṛṣī bhrātarau tadā | uvāca paruṣaṃ vākyaṃ śaśāpa ca mahātapāḥ

But in anger the great ascetic came upon the two sage brothers, spoke harshly to them, and cursed them.

Verse 49 (9.37.49)

पशुलुब्धौ युवां यस्मान्मामुत्सृज्य प्रधावितौ । तस्माद्वृकाकृती रौद्रौ दंष्ट्रिणावभितश्चरौ ॥

paśulubdhau yuvāṃ yasmānmāmutsṛjya pradhāvitau | tasmādvṛkākṛtī raudrau daṃṣṭriṇāvabhitaścarau

"Because you two, greedy for animals, abandoned me and ran off, you shall become wolf-shaped, fierce and fanged, and roam about."

Note on the text: Speech of Trita (no heading printed).

Verse 50 (9.37.50)

भवितारौ मया शप्तौ पापेनानेन कर्मणा । प्रसवश्चैव युवयोर्गोलाङ्गूलर्क्षवानराः ॥

bhavitārau mayā śaptau pāpenānena karmaṇā | prasavaścaiva yuvayorgolāṅgūlarkṣavānarāḥ

"You will become so, cursed by me for this sinful deed; and your offspring shall be langurs, bears and monkeys."

Note on the text: Speech of Trita (no heading printed).

Verse 51 (9.37.51)

इत्युक्तेन तदा तेन क्षणादेव विशाम्पते । तथाभूतावदृश्येतां वचनात्सत्यवादिनः ॥

ityuktena tadā tena kṣaṇādeva viśāmpate | tathābhūtāvadṛśyetāṃ vacanātsatyavādinaḥ

When he had spoken so, O lord of men, at that very moment, by the word of the truthful one, the two appeared in that form.

Verse 52 (9.37.52)

तत्राप्यमितविक्रान्तः स्पृष्ट्वा तोयं हलायुधः । दत्त्वा च विविधान्देयान्पूजयित्वा च वै द्विजान् ॥

tatrāpyamitavikrāntaḥ spṛṣṭvā toyaṃ halāyudhaḥ | dattvā ca vividhāndeyānpūjayitvā ca vai dvijān

There too Halayudha, of immeasurable prowess, touched the water, gave gifts of many kinds, and honoured the brahmins.

Note on the text: Corrected दत्त्वाच → दत्त्वा च (misprint in Wikisource; missing space).

Verse 53 (9.37.53)

उदपानं च तं वीक्ष्य प्रशस्य च पुनःपुनः । नदीगतमदीनात्मा प्राप्तो विनशनं तदा ॥

udapānaṃ ca taṃ vīkṣya praśasya ca punaḥpunaḥ | nadīgatamadīnātmā prāpto vinaśanaṃ tadā

Having seen that well in the river, and praised it again and again, the steadfast Balarama then reached Vinashana.