Devala and Jaigishavya

Verse 1 (9.51.1)

तस्मिन्नेव तु धर्मात्मा वसति स्म तपोधनः । गार्हस्थ्यं धर्ममास्थाय असितो देवलः पुरा ॥

tasminneva tu dharmātmā vasati sma tapodhanaḥ | gārhasthyaṃ dharmamāsthāya asito devalaḥ purā

In that same place there once lived a righteous man rich in austerity, Asita Devala, who had taken up the householder's way of life.

Verse 2 (9.51.2)

धर्मनित्यः शुचिर्दान्तो न्यस्तदण्डो महातपाः । कर्मणा मनसा वाचा समः सर्वेषु जन्तुषु ॥

dharmanityaḥ śucirdānto nyastadaṇḍo mahātapāḥ | karmaṇā manasā vācā samaḥ sarveṣu jantuṣu

Ever devoted to dharma, pure and self-controlled, he had laid down the rod of violence; that great ascetic was even-minded toward all creatures in deed, thought and speech.

Verse 3 (9.51.3)

अक्रोधनो महाराज तुल्यनिन्दाप्रियाप्रियः । काञ्चने लोष्टके चैव समदर्शी महातपाः ॥

akrodhano mahārāja tulyanindāpriyāpriyaḥ | kāñcane loṣṭake caiva samadarśī mahātapāḥ

Free of anger, O great king, and alike toward blame and praise, the pleasant and the unpleasant, that great ascetic looked with an equal eye on a clod of earth and on gold.

Verse 4 (9.51.4)

देवताः पूजयन्नित्यमतिथींश्च द्विजैः सह । ब्रह्मचर्यरतो नित्यं सदा धर्मपरायणः ॥

devatāḥ pūjayannityamatithīṃśca dvijaiḥ saha | brahmacaryarato nityaṃ sadā dharmaparāyaṇaḥ

He worshipped the gods, and together with the brahmins he honoured guests; he was ever devoted to continence and always intent on dharma.

Verse 5 (9.51.5)

ततोऽभ्येत्य महाराज योगमास्थाय भिक्षुकः । जैगीषव्यो मुनिर्धीमांस्तस्मिंस्तीर्थे समाहितः ॥

tato'bhyetya mahārāja yogamāsthāya bhikṣukaḥ | jaigīṣavyo munirdhīmāṃstasmiṃstīrthe samāhitaḥ

Then, O great king, the wise sage Jaigishavya came there in the guise of a mendicant, having taken to yoga, and with a composed mind stayed at that holy place.

Verse 6 (9.51.6)

देवलस्याश्रमे राजन्न्यवसत्स महाद्युतिः । योगनित्यो महाराज सिद्धिं प्राप्तो महातपाः ॥

devalasyāśrame rājannyavasatsa mahādyutiḥ | yoganityo mahārāja siddhiṃ prāpto mahātapāḥ

O king, that radiant man dwelt in Devala's hermitage, ever absorbed in yoga, O great king; that great ascetic had attained perfection.

Verse 7 (9.51.7)

तं तत्र वसमानं तु जैगीषव्यं महामुनिम् । देवलो दर्शयन्नेव नैवायुञ्जत धर्मतः ॥

taṃ tatra vasamānaṃ tu jaigīṣavyaṃ mahāmunim | devalo darśayanneva naivāyuñjata dharmataḥ

Devala would let himself be seen by the great sage Jaigishavya as he lived there, yet he did not, as dharma required, engage him in any dealing.

Verse 8 (9.51.8)

एवं तयोर्महाराज दीर्घकालो व्यतिक्रमत् । जैगीषव्यं मुनिं चैव न ददर्शाथ देवलः ॥

evaṃ tayormahārāja dīrghakālo vyatikramat | jaigīṣavyaṃ muniṃ caiva na dadarśātha devalaḥ

In this way, O great king, a long time went by, and Devala did not see the sage Jaigishavya.

Verse 9 (9.51.9)

आहारकाले मतिमान्परिव्राड्जनमेजय । उपातिष्ठत धर्मज्ञो भैक्षकाले स देवलम् ॥

āhārakāle matimānparivrāḍjanamejaya | upātiṣṭhata dharmajño bhaikṣakāle sa devalam

At mealtime, O Janamejaya, that wise wanderer, knower of dharma, would come to Devala at the hour of begging.

Verse 10 (9.51.10)

स दृष्ट्वा भिक्षुरूपेण प्राप्तं तत्र महामुनिम् । गौरवं परमं चक्रे प्रीतिं च विपुलां तथा ॥

sa dṛṣṭvā bhikṣurūpeṇa prāptaṃ tatra mahāmunim | gauravaṃ paramaṃ cakre prītiṃ ca vipulāṃ tathā

Seeing the great sage arrive in the form of a mendicant, Devala showed him the highest reverence and great affection.

Verse 11 (9.51.11)

देवलस्तु यथाशक्ति पूजयामास भारत । ऋषिदृष्टेन विधिना समा बह्व्यः समाहितः ॥

devalastu yathāśakti pūjayāmāsa bhārata | ṛṣidṛṣṭena vidhinā samā bahvyaḥ samāhitaḥ

Devala, O Bharata, honoured him as best he could, with the rite the seers have taught, with a collected mind, for many years.

Verse 12 (9.51.12)

कदाचित्तस्य नृपते देवलस्य महात्मनः । चिन्ता सुमहती जाता मुनिं दृष्ट्वा महाद्युतिम् ॥

kadācittasya nṛpate devalasya mahātmanaḥ | cintā sumahatī jātā muniṃ dṛṣṭvā mahādyutim

Once, O king, a great anxiety arose in the great-souled Devala as he looked at that radiant sage.

Verse 13 (9.51.13)

समास्तु समतिक्रान्ता बह्व्यः पूजयतो मम । न चायमलसो भिक्षुरभ्यभाषत किञ्चन ॥

samāstu samatikrāntā bahvyaḥ pūjayato mama | na cāyamalaso bhikṣurabhyabhāṣata kiñcana

"Many years have passed while I have been honouring him, yet this idle mendicant has not spoken a single word to me."

Verse 14 (9.51.14)

एवं विगणयन्नेव स जगाम महोदधिम् । अन्तरिक्षचरः श्रीमान्कलशं गृह्य देवलः ॥

evaṃ vigaṇayanneva sa jagāma mahodadhim | antarikṣacaraḥ śrīmānkalaśaṃ gṛhya devalaḥ

Pondering thus, the glorious Devala took a pot and went, travelling through the sky, to the great ocean.

Verse 15 (9.51.15)

गच्छन्नेव स धर्मात्मा समुद्रं सरितां पतिम् । जैगीषव्यं ततोऽपश्यद्गतं प्रागेव भारत ॥

gacchanneva sa dharmātmā samudraṃ saritāṃ patim | jaigīṣavyaṃ tato'paśyadgataṃ prāgeva bhārata

As that righteous man reached the ocean, lord of rivers, he saw Jaigishavya, O Bharata, who had already gone there before him.

Verse 16 (9.51.16)

ततः सविस्मयश्चिन्तां जगामाथासितः प्रभुः । कथं भिक्षुरयं प्राप्तः समुद्रे स्नात एव च ॥

tataḥ savismayaścintāṃ jagāmāthāsitaḥ prabhuḥ | kathaṃ bhikṣurayaṃ prāptaḥ samudre snāta eva ca

Then the lord Asita fell into wonder and thought: "How has this mendicant come here, and bathed in the ocean as well?"

Verse 17 (9.51.17)

इत्येवं चिन्तयामास महर्षिरसितस्तदा । स्नात्वा समुद्रे विधिवच्छुचिर्जप्यं जजाप ह ॥

ityevaṃ cintayāmāsa maharṣirasitastadā | snātvā samudre vidhivacchucirjapyaṃ jajāpa ha

So the great seer Asita wondered; then he bathed in the ocean according to rule and, purified, recited his silent prayer.

Verse 18 (9.51.18)

कृतजप्याह्निकः श्रीमानाश्रमं च जगाम ह । कलशं जलपूर्णं वै गृहीत्वा जनमेजय ॥

kṛtajapyāhnikaḥ śrīmānāśramaṃ ca jagāma ha | kalaśaṃ jalapūrṇaṃ vai gṛhītvā janamejaya

His daily prayers finished, the glorious one returned to his hermitage, O Janamejaya, carrying the pot filled with water.

Verse 19 (9.51.19)

ततः स प्रविशन्नेव स्वमाश्रमपदं मुनिः । आसीनमाश्रमे तत्र जैगीषव्यमपश्यत ॥

tataḥ sa praviśanneva svamāśramapadaṃ muniḥ | āsīnamāśrame tatra jaigīṣavyamapaśyata

As the sage entered his own hermitage, he saw Jaigishavya sitting there.

Verse 20 (9.51.20)

न व्याहरति चैवैनं जैगीषव्यः कथञ्चन । काष्ठभूतोऽऽश्रमपदे वसति स्म महातपाः ॥

na vyāharati caivainaṃ jaigīṣavyaḥ kathañcana | kāṣṭhabhūto''śramapade vasati sma mahātapāḥ

Jaigishavya did not speak a word to him; that great ascetic stayed in the hermitage like a block of wood.

Verse 21 (9.51.21)

तं दृष्ट्वा चाप्लुतं तोये सागरे सागरोपमम् । प्रविष्टमाश्रमं चापि पूर्वमेव ददर्श सः ॥

taṃ dṛṣṭvā cāplutaṃ toye sāgare sāgaropamam | praviṣṭamāśramaṃ cāpi pūrvameva dadarśa saḥ

He had seen him, vast as the ocean, bathing in the waters of the sea, and he saw that he had also entered the hermitage before himself.

Verse 22 (9.51.22)

असितो देवलो राजंश्चिन्तयामास बुद्धिमान् । दृष्टः प्रभावं तपसो जैगीषव्यस्य योगजम् ॥

asito devalo rājaṃścintayāmāsa buddhimān | dṛṣṭaḥ prabhāvaṃ tapaso jaigīṣavyasya yogajam

The wise Asita Devala, O king, reflected: "I have seen the power of Jaigishavya's austerity, born of yoga."

Verse 23 (9.51.23)

चिन्तयामास राजेन्द्र तदा स मुनिसत्तमः । मया दृष्टः समुद्रे च आश्रमे च कथं त्वयम् ॥

cintayāmāsa rājendra tadā sa munisattamaḥ | mayā dṛṣṭaḥ samudre ca āśrame ca kathaṃ tvayam

That best of sages thought further, O king of kings: "I saw him in the ocean, and I see him in the hermitage — how can this be?"

Verse 24 (9.51.24)

एवं विगणयन्नेव स मुनिर्मन्त्रपारगः । उत्पपाताश्रमात्तस्मादन्तरिक्षं विशां पते ॥

evaṃ vigaṇayanneva sa munirmantrapāragaḥ | utpapātāśramāttasmādantarikṣaṃ viśāṃ pate

Reflecting thus, that sage, master of mantras, rose from the hermitage into the sky, O lord of the people,

Note on the text: Wikisource prints this three-line verse (CE 9.49.24) as two rows, both marked ॥२४॥: this row carries lines 1–2 (CE 9.49.24a, c), the next row line 3 (24e). The alignment did not match it; the text agrees with the critical edition.

Verse 25 (9.51.25)

जिज्ञासार्थं तदा भिक्षोर्जैगीषव्यस्य देवलः ॥

jijñāsārthaṃ tadā bhikṣorjaigīṣavyasya devalaḥ

in order to learn the truth about the mendicant Jaigishavya.

Note on the text: Third line of CE 9.49.24 (24e, jijñāsārthaṃ tadā bhikṣor jaigīṣavyasya devalaḥ); Wikisource prints it as a row of its own, again marked ॥२४॥. Kept as printed.

Verse 26 (9.51.26)

सोऽन्तरिक्षचरान्सिद्धान्समपश्यत्समाहितान् । जैगीषव्यं च तैः सिद्धैः पूज्यमानमपश्यत ॥

so'ntarikṣacarānsiddhānsamapaśyatsamāhitān | jaigīṣavyaṃ ca taiḥ siddhaiḥ pūjyamānamapaśyata

He saw perfected beings (siddhas) moving through the sky, their minds composed, and he saw Jaigishavya being honoured by those siddhas.

Verse 27 (9.51.27)

ततोऽसितः सुसंरब्धो व्यवसायी दृढव्रतः । अपश्यद्वै दिवं यान्तं जैगीषव्यं स देवलः ॥

tato'sitaḥ susaṃrabdho vyavasāyī dṛḍhavrataḥ | apaśyadvai divaṃ yāntaṃ jaigīṣavyaṃ sa devalaḥ

Then Asita, greatly agitated, resolute and firm in his vows, saw Jaigishavya going up to heaven.

Verse 28 (9.51.28)

तस्माच्च पितृलोकं तं व्रजन्तं सोऽन्वपश्यत । पितृलोकाच्च तं यान्तं याम्यं लोकमपश्यत ॥

tasmācca pitṛlokaṃ taṃ vrajantaṃ so'nvapaśyata | pitṛlokācca taṃ yāntaṃ yāmyaṃ lokamapaśyata

From there he saw him going to the world of the ancestors, and from the world of the ancestors he saw him go to the world of Yama.

Verse 29 (9.51.29)

तस्मादपि समुत्पत्य सोमलोकमभिष्टुतम् । व्रजन्तमन्वपश्यत्स जैगीषव्यं महामुनिम् ॥

tasmādapi samutpatya somalokamabhiṣṭutam | vrajantamanvapaśyatsa jaigīṣavyaṃ mahāmunim

Rising from there too, he followed the great sage with his eyes as he went to the praised world of Soma.

Verse 30 (9.51.30)

लोकान्समुत्पतन्तं च शुभानेकान्तयाजिनाम् । ततोऽग्निहोत्रिणां लोकांस्तेभ्यश्चाप्युत्पपात ह ॥

lokānsamutpatantaṃ ca śubhānekāntayājinām | tato'gnihotriṇāṃ lokāṃstebhyaścāpyutpapāta ha

He saw him rising on through the auspicious worlds of those who sacrifice with single-minded devotion, then to the worlds of the keepers of the Agnihotra, and beyond them too he rose.

Verse 31 (9.51.31)

दर्शं च पौर्णमासं च ये यजन्ति तपोधनाः । तेभ्यः स ददृशे धीमाँल्लोकेभ्यः पशुयाजिनाम् ॥

darśaṃ ca paurṇamāsaṃ ca ye yajanti tapodhanāḥ | tebhyaḥ sa dadṛśe dhīmām̐llokebhyaḥ paśuyājinām

Then, from the worlds of those ascetics who perform the new-moon and full-moon sacrifices, and of those who offer animal sacrifices, the wise Devala saw him pass on,

Note on the text: Wikisource prints this three-line verse (CE 9.49.30) as two rows, both marked ॥३०॥: this row carries lines 1–2 (CE 9.49.30a, c), the next row line 3 (30e). The alignment did not match it; the text agrees with the critical edition.

Verse 32 (9.51.32)

व्रजन्तं लोकममलमपश्यद्देवपूजितम् ॥

vrajantaṃ lokamamalamapaśyaddevapūjitam

going to a stainless world, honoured by the gods.

Note on the text: Third line of CE 9.49.30 (30e, vrajantaṃ lokam amalam apaśyad devapūjitam); Wikisource prints it as a row of its own, again marked ॥३०॥. Kept as printed.

Verse 33 (9.51.33)

चातुर्मास्यैर्बहुविधैर्यजन्ते ये तपोधनाः । तेषां स्थानं तथा यान्तं तथाग्निष्टोमयाजिनाम् ॥

cāturmāsyairbahuvidhairyajante ye tapodhanāḥ | teṣāṃ sthānaṃ tathā yāntaṃ tathāgniṣṭomayājinām

Of those ascetics who sacrifice with the many kinds of Chaturmasya rites, and likewise of the Agnishtoma sacrificers — he saw him pass to their abodes.

Verse 34 (9.51.34)

अग्निष्टुतेन च तथा ये यजन्ति तपोधनाः । तत्स्थानमनुसम्प्राप्तमन्वपश्यत देवलः ॥

agniṣṭutena ca tathā ye yajanti tapodhanāḥ | tatsthānamanusamprāptamanvapaśyata devalaḥ

And Devala saw him reach the abode of those ascetics who sacrifice with the Agnishtut as well.

Verse 35 (9.51.35)

वाजपेयं क्रतुवरं तथा बहुसुवर्णकम् । आहरन्ति महाप्राज्ञास्तेषां लोकेष्वपश्यत ॥

vājapeyaṃ kratuvaraṃ tathā bahusuvarṇakam | āharanti mahāprājñāsteṣāṃ lokeṣvapaśyata

The Vajapeya, best of rites, rich in gold, which the greatly wise perform — in their worlds too he saw him.

Verse 36 (9.51.36)

यजन्ते पुण्डरीकेण राजसूयेन चैव ये । तेषां लोकेष्वपश्यच्च जैगीषव्यं स देवलः ॥

yajante puṇḍarīkeṇa rājasūyena caiva ye | teṣāṃ lokeṣvapaśyacca jaigīṣavyaṃ sa devalaḥ

Of those who sacrifice with the Pundarika and the Rajasuya — in their worlds too Devala saw Jaigishavya.

Verse 37 (9.51.37)

अश्वमेधं क्रतुवरं नरमेधं तथैव च । आहरन्ति नरश्रेष्ठास्तेषां लोकेष्वपश्यत ॥

aśvamedhaṃ kratuvaraṃ naramedhaṃ tathaiva ca | āharanti naraśreṣṭhāsteṣāṃ lokeṣvapaśyata

The Ashvamedha, best of rites, and the Naramedha as well, which the best of men perform — in their worlds he saw him.

Verse 38 (9.51.38)

सर्वमेधं च दुष्प्रापं तथा सौत्रामणिं च ये । तेषां लोकेष्वपश्यच्च जैगीषव्यं स देवलः ॥

sarvamedhaṃ ca duṣprāpaṃ tathā sautrāmaṇiṃ ca ye | teṣāṃ lokeṣvapaśyacca jaigīṣavyaṃ sa devalaḥ

The Sarvamedha, so hard to obtain, and the Sautramani — of those who perform them, in their worlds too Devala saw Jaigishavya.

Verse 39 (9.51.39)

द्वादशाहैश्च सत्रैर्ये यजन्ते विविधैर्नृप । तेषां लोकेष्वपश्यच्च जैगीषव्यं स देवलः ॥

dvādaśāhaiśca satrairye yajante vividhairnṛpa | teṣāṃ lokeṣvapaśyacca jaigīṣavyaṃ sa devalaḥ

And of those, O king, who sacrifice with the Dvadashaha and with sattras of many kinds — in their worlds too Devala saw Jaigishavya.

Verse 40 (9.51.40)

मित्रावरुणयोर्लोकानादित्यानां तथैव च । सलोकतामनुप्राप्तमपश्यत ततोऽसितः ॥

mitrāvaruṇayorlokānādityānāṃ tathaiva ca | salokatāmanuprāptamapaśyata tato'sitaḥ

Then Asita saw him reach the worlds of Mitra and Varuna and of the Adityas, to dwell in the same world with them.

Verse 41 (9.51.41)

रुद्राणां च वसूनां च स्थानं यच्च बृहस्पतेः । तानि सर्वाण्यतीतं च समपश्यत्ततोऽसितः ॥

rudrāṇāṃ ca vasūnāṃ ca sthānaṃ yacca bṛhaspateḥ | tāni sarvāṇyatītaṃ ca samapaśyattato'sitaḥ

The abodes of the Rudras and the Vasus and of Brihaspati — all these, Asita saw, he had passed beyond.

Verse 42 (9.51.42)

आरुह्य च गवां लोकं प्रयान्तं ब्रह्मसत्रिणाम् । लोकानपश्यद्गच्छन्तं जैगीषव्यं ततोऽसितः ॥

āruhya ca gavāṃ lokaṃ prayāntaṃ brahmasatriṇām | lokānapaśyadgacchantaṃ jaigīṣavyaṃ tato'sitaḥ

Asita saw him ascend to the world of the cows, which belongs to those who perform the Brahma-sattra, and go on through those worlds.

Verse 43 (9.51.43)

त्रीँल्लोकानपरान्विप्रमुत्पतन्तं स्वतेजसा । पतिव्रतानां लोकांश्च व्रजन्तं सोऽन्वपश्यत ॥

trīm̐llokānaparānvipramutpatantaṃ svatejasā | pativratānāṃ lokāṃśca vrajantaṃ so'nvapaśyata

He saw that sage rise by his own radiance to three further worlds and go on to the worlds of devoted wives.

Verse 44 (9.51.44)

ततो मुनिवरं भूयो जैगीषव्यमथासितः । नान्वपश्यत योगस्थमन्तर्हितमरिंदम ॥

tato munivaraṃ bhūyo jaigīṣavyamathāsitaḥ | nānvapaśyata yogasthamantarhitamariṃdama

Then, O subduer of foes, Asita no longer saw the best of sages, Jaigishavya, as he stood in yoga, vanished from sight.

Verse 45 (9.51.45)

सोऽचिन्तयन्महाभागो जैगीषव्यस्य देवलः । प्रभावं सुव्रतत्वं च सिद्धिं योगस्य चातुलाम् ॥

so'cintayanmahābhāgo jaigīṣavyasya devalaḥ | prabhāvaṃ suvratatvaṃ ca siddhiṃ yogasya cātulām

The greatly fortunate Devala reflected on Jaigishavya's power, his noble vows, and the incomparable perfection of his yoga.

Verse 46 (9.51.46)

असितोऽपृच्छत तदा सिद्धाँल्लोकेषु सत्तमान् । प्रयतः प्राञ्जलिर्भूत्वा धीरस्तान्ब्रह्मसत्रिणः ॥

asito'pṛcchata tadā siddhām̐llokeṣu sattamān | prayataḥ prāñjalirbhūtvā dhīrastānbrahmasatriṇaḥ

Then Asita, composed and steadfast, with joined palms, questioned the siddhas, the best in those worlds, who performed the Brahma-sattra:

Verse 47 (9.51.47)

जैगीषव्यं न पश्यामि तं शंसत महौजसम् । एतदिच्छाम्यहं श्रोतुं परं कौतूहलं हि मे ॥

jaigīṣavyaṃ na paśyāmi taṃ śaṃsata mahaujasam | etadicchāmyahaṃ śrotuṃ paraṃ kautūhalaṃ hi me

"I do not see Jaigishavya. Tell me of that mighty one; I wish to hear it, for my curiosity is very great."

Verse 48 (9.51.48)

शृणु देवल भूतार्थं शंसतां नो दृढव्रत । जैगीषव्यो गतो लोकं शाश्वतं ब्रह्मणोऽव्ययम् ॥

śṛṇu devala bhūtārthaṃ śaṃsatāṃ no dṛḍhavrata | jaigīṣavyo gato lokaṃ śāśvataṃ brahmaṇo'vyayam

"Listen, Devala, firm in your vows, to the truth as we tell it: Jaigishavya has gone to the eternal, imperishable world of Brahma."

Verse 49 (9.51.49)

स श्रुत्वा वचनं तेषां सिद्धानां ब्रह्मसत्रिणाम् । असितो देवलस्तूर्णमुत्पपात पपात च ॥

sa śrutvā vacanaṃ teṣāṃ siddhānāṃ brahmasatriṇām | asito devalastūrṇamutpapāta papāta ca

Hearing the words of those siddhas who performed the Brahma-sattra, Asita Devala at once sprang up into the air — and fell.

Verse 50 (9.51.50)

ततः सिद्धास्त ऊचुर्हि देवलं पुनरेव ह । न देवल गतिस्तत्र तव गन्तुं तपोधन ॥

tataḥ siddhāsta ūcurhi devalaṃ punareva ha | na devala gatistatra tava gantuṃ tapodhana

Then the siddhas spoke to Devala again: "There is no way for you to go there, O ascetic —

Note on the text: Wikisource prints this three-line verse (CE 9.49.48) as two rows, both marked ॥४८॥: this row carries lines 1–2 (CE 9.49.48a, c), the next row line 3 (48e). The alignment did not match it; the text agrees with the critical edition. Line 1 is narration, line 2 begins the Siddhas' words.

Verse 51 (9.51.51)

ब्रह्मणः सदनं विप्र जैगीषव्यो यदाप्तवान् ॥

brahmaṇaḥ sadanaṃ vipra jaigīṣavyo yadāptavān

to the abode of Brahma, O brahmin, which Jaigishavya has attained."

Note on the text: Third line of CE 9.49.48 (48e, brahmaṇaḥ sadanaṃ vipra jaigīṣavyo yadāptavān), completing the Siddhas' words; Wikisource prints it as a row of its own, again marked ॥४८॥. Kept as printed.

Verse 52 (9.51.52)

तेषां तद्वचनं श्रुत्वा सिद्धानां देवलः पुनः । आनुपूर्व्येण लोकांस्तान्सर्वानवततार ह ॥

teṣāṃ tadvacanaṃ śrutvā siddhānāṃ devalaḥ punaḥ | ānupūrvyeṇa lokāṃstānsarvānavatatāra ha

Hearing the siddhas' words, Devala came down again through all those worlds in due order.

Verse 53 (9.51.53)

स्वमाश्रमपदं पुण्यमाजगाम पतङ्गवत् । प्रविशन्नेव चापश्यज्जैगीषव्यं स देवलः ॥

svamāśramapadaṃ puṇyamājagāma pataṅgavat | praviśanneva cāpaśyajjaigīṣavyaṃ sa devalaḥ

He came back like a bird to his own sacred hermitage, and as he entered he saw Jaigishavya there.

Verse 54 (9.51.54)

ततो बुद्ध्या व्यगणयद्देवलो धर्मयुक्तया । दृष्ट्वा प्रभावं तपसो जैगीषव्यस्य योगजम् ॥

tato buddhyā vyagaṇayaddevalo dharmayuktayā | dṛṣṭvā prabhāvaṃ tapaso jaigīṣavyasya yogajam

Then, with a mind set on dharma, Devala reflected, having seen the power of Jaigishavya's austerity, born of yoga.

Verse 55 (9.51.55)

ततोऽब्रवीन्महात्मानं जैगीषव्यं स देवलः । विनयावनतो राजन्नुपसर्प्य महामुनिम् ॥

tato'bravīnmahātmānaṃ jaigīṣavyaṃ sa devalaḥ | vinayāvanato rājannupasarpya mahāmunim

Then Devala, bowing humbly, approached the great sage Jaigishavya, O king, and said to him:

Note on the text: Wikisource prints this three-line verse (CE 9.49.52) as two rows, both marked ॥५२॥: this row carries lines 1–2 (CE 9.49.52a, c), the next row line 3 (52e). The alignment did not match it; the text agrees with the critical edition.

Verse 56 (9.51.56)

मोक्षधर्मं समास्थातुमिच्छेयं भगवन्नहम् ॥

mokṣadharmaṃ samāsthātumiccheyaṃ bhagavannaham

"Venerable sir, I wish to take up the path of liberation."

Note on the text: Third line of CE 9.49.52 (52e, mokṣadharmaṃ samāsthātum iccheyaṃ bhagavann aham), Devala's words; Wikisource prints it as a row of its own, again marked ॥५२॥. Kept as printed.

Verse 57 (9.51.57)

तस्य तद्वचनं श्रुत्वा उपदेशं चकार सः । विधिं च योगस्य परं कार्याकार्यं च शास्त्रतः ॥

tasya tadvacanaṃ śrutvā upadeśaṃ cakāra saḥ | vidhiṃ ca yogasya paraṃ kāryākāryaṃ ca śāstrataḥ

Hearing his words, Jaigishavya gave him instruction: the supreme method of yoga and, according to the scriptures, what is to be done and what is not to be done.

Verse 58 (9.51.58)

संन्यासकृतबुद्धिं तं ततो दृष्ट्वा महातपाः । सर्वाश्चास्य क्रियाश्चक्रे विधिदृष्टेन कर्मणा ॥

saṃnyāsakṛtabuddhiṃ taṃ tato dṛṣṭvā mahātapāḥ | sarvāścāsya kriyāścakre vidhidṛṣṭena karmaṇā

Then, seeing that Devala had resolved on renunciation, the great ascetic performed all his rites for him, in the manner the rule prescribes.

Verse 59 (9.51.59)

संन्यासकृतबुद्धिं तं भूतानि पितृभिः सह । ततो दृष्ट्वा प्ररुरुदुः कोऽस्मान्संविभजिष्यति ॥

saṃnyāsakṛtabuddhiṃ taṃ bhūtāni pitṛbhiḥ saha | tato dṛṣṭvā praruruduḥ ko'smānsaṃvibhajiṣyati

Seeing him resolved on renunciation, the beings, together with the ancestors, wept: "Who will share out our portion to us?"

Verse 60 (9.51.60)

देवलस्तु वचः श्रुत्वा भूतानां करुणं तथा । दिशो दश व्याहरतां मोक्षं त्यक्तुं मनो दधे ॥

devalastu vacaḥ śrutvā bhūtānāṃ karuṇaṃ tathā | diśo daśa vyāharatāṃ mokṣaṃ tyaktuṃ mano dadhe

Hearing the pitiable cries of the beings as they called out in the ten directions, Devala made up his mind to give up the path of liberation.

Verse 61 (9.51.61)

ततस्तु फलमूलानि पवित्राणि च भारत । पुष्पाण्योषधयश्चैव रोरूयन्ते सहस्रशः ॥

tatastu phalamūlāni pavitrāṇi ca bhārata | puṣpāṇyoṣadhayaścaiva rorūyante sahasraśaḥ

Then the pure fruits and roots, the flowers and the herbs, O Bharata, wailed by the thousand:

Verse 62 (9.51.62)

पुनर्नो देवलः क्षुद्रो नूनं छेत्स्यति दुर्मतिः । अभयं सर्वभूतेभ्यो यो दत्त्वा नावबुध्यते ॥

punarno devalaḥ kṣudro nūnaṃ chetsyati durmatiḥ | abhayaṃ sarvabhūtebhyo yo dattvā nāvabudhyate

"This wretched, evil-minded Devala will surely cut us down again — he who, having granted safety to all beings, does not realize it."

Verse 63 (9.51.63)

ततो भूयो व्यगणयत्स्वबुद्ध्या मुनिसत्तमः । मोक्षे गार्हस्थ्यधर्मे वा किं नु श्रेयस्करं भवेत् ॥

tato bhūyo vyagaṇayatsvabuddhyā munisattamaḥ | mokṣe gārhasthyadharme vā kiṃ nu śreyaskaraṃ bhavet

Then that best of sages reflected again by his own understanding: "Between liberation and the householder's dharma, which would be more beneficial?"

Verse 64 (9.51.64)

इति निश्चित्य मनसा देवलो राजसत्तम । त्यक्त्वा गार्हस्थ्यधर्मं स मोक्षधर्ममरोचयत् ॥

iti niścitya manasā devalo rājasattama | tyaktvā gārhasthyadharmaṃ sa mokṣadharmamarocayat

Having settled it in his mind, O best of kings, Devala gave up the householder's dharma and chose the dharma of liberation.

Verse 65 (9.51.65)

एवमादीनि सञ्चिन्त्य देवलो निश्चयात्ततः । प्राप्तवान्परमां सिद्धिं परं योगं च भारत ॥

evamādīni sañcintya devalo niścayāttataḥ | prāptavānparamāṃ siddhiṃ paraṃ yogaṃ ca bhārata

Having reflected on these and other matters, Devala, by that firm resolve, attained the highest perfection and supreme yoga, O Bharata.

Verse 66 (9.51.66)

ततो देवाः समागम्य बृहस्पतिपुरोगमाः । जैगीषव्यं तपश्चास्य प्रशंसन्ति तपस्विनः ॥

tato devāḥ samāgamya bṛhaspatipurogamāḥ | jaigīṣavyaṃ tapaścāsya praśaṃsanti tapasvinaḥ

Then the gods, with Brihaspati at their head, gathered, and those ascetics praised Jaigishavya and his austerity.

Verse 67 (9.51.67)

अथाब्रवीदृषिवरो देवान्वै नारदस्तदा । जैगीषव्ये तपो नास्ति विस्मापयति योऽसितम् ॥

athābravīdṛṣivaro devānvai nāradastadā | jaigīṣavye tapo nāsti vismāpayati yo'sitam

Then the great seer Narada said to the gods: "There is no austerity in Jaigishavya, who merely astonishes Asita."

Verse 68 (9.51.68)

तमेवंवादिनं धीरं प्रत्यूचुस्ते दिवौकसः । मैवमित्येव शंसन्तो जैगीषव्यं महामुनिम् ॥

tamevaṃvādinaṃ dhīraṃ pratyūcuste divaukasaḥ | maivamityeva śaṃsanto jaigīṣavyaṃ mahāmunim

The gods answered that steadfast speaker, "Not so!", praising the great sage Jaigishavya.

Verse 69 (9.51.69)

तत्राप्युपस्पृश्य ततो महात्मा दत्त्वा च वित्तं हलभृद्द्विजेभ्यः । अवाप्य धर्मं परमार्यकर्मा जगाम सोमस्य महत्स तीर्थम् ॥

tatrāpyupaspṛśya tato mahātmā dattvā ca vittaṃ halabhṛddvijebhyaḥ | avāpya dharmaṃ paramāryakarmā jagāma somasya mahatsa tīrtham

Bathing there too, and giving wealth to the brahmins, the great-souled bearer of the plough gained great merit by his noble deeds and went to the great tirtha of Soma.

Note on the text: Removed two stray semicolons (after महात्मा and परमार्यकर्मा) that mark the pāda division in the wiki text; no word changed.