Dadhichi and Sarasvata

Verse 1 (9.52.1)

यत्रेजिवानुडुपती राजसूयेन भारत । यस्मिन्वृत्ते महानासीत्सङ्ग्रामस्तारकामयः ॥

yatrejivānuḍupatī rājasūyena bhārata | yasminvṛtte mahānāsītsaṅgrāmastārakāmayaḥ

At the place where the Lord of the Stars once performed the Rajasuya, O Bharata — after which the great war over Tara broke out —

Verse 2 (9.52.2)

तत्राप्युपस्पृश्य बलो दत्त्वा दानानि चात्मवान् । सारस्वतस्य धर्मात्मा मुनेस्तीर्थं जगाम ह ॥

tatrāpyupaspṛśya balo dattvā dānāni cātmavān | sārasvatasya dharmātmā munestīrthaṃ jagāma ha

there too Bala bathed and gave gifts, and then that self-controlled and righteous man went to the tirtha of the sage Sarasvata,

Verse 3 (9.52.3)

यत्र द्वादशवार्षिक्यामनावृष्ट्यां द्विजोत्तमान् । वेदानध्यापयामास पुरा सारस्वतो मुनिः ॥

yatra dvādaśavārṣikyāmanāvṛṣṭyāṃ dvijottamān | vedānadhyāpayāmāsa purā sārasvato muniḥ

where, in the twelve-year drought, the sage Sarasvata once taught the Vedas to the best of brahmins.

Verse 4 (9.52.4)

कथं द्वादशवार्षिक्यामनावृष्ट्यां द्विजोत्तमान् । वेदानध्यापयामास पुरा सारस्वतो मुनिः ॥

kathaṃ dvādaśavārṣikyāmanāvṛṣṭyāṃ dvijottamān | vedānadhyāpayāmāsa purā sārasvato muniḥ

"How was it that in the twelve-year drought the sage Sarasvata taught the Vedas to the best of the twice-born in former times?"

Verse 5 (9.52.5)

आसीत्पूर्वं महाराज मुनिर्धीमान्महातपाः । दधीचिरिति विख्यातो ब्रह्मचारी जितेन्द्रियः ॥

āsītpūrvaṃ mahārāja munirdhīmānmahātapāḥ | dadhīciriti vikhyāto brahmacārī jitendriyaḥ

Long ago, O great king, there was a wise sage of great austerity, famed as Dadhichi, a celibate who had mastered his senses.

Verse 6 (9.52.6)

तस्यातितपसः शक्रो बिभेति सततं विभो । न स लोभयितुं शक्यः फलैर्बहुविधैरपि ॥

tasyātitapasaḥ śakro bibheti satataṃ vibho | na sa lobhayituṃ śakyaḥ phalairbahuvidhairapi

Shakra was always afraid of his great austerity, O lord; he could not be tempted even by rewards of many kinds.

Verse 7 (9.52.7)

प्रलोभनार्थं तस्याथ प्राहिणोत्पाकशासनः । दिव्यामप्सरसं पुण्यां दर्शनीयामलम्बुसाम् ॥

pralobhanārthaṃ tasyātha prāhiṇotpākaśāsanaḥ | divyāmapsarasaṃ puṇyāṃ darśanīyāmalambusām

To tempt him, Indra, the slayer of Paka, sent the divine, holy and beautiful apsaras Alambusa.

Verse 8 (9.52.8)

तस्य तर्पयतो देवान्सरस्वत्यां महात्मनः । समीपतो महाराज सोपातिष्ठत भामिनी ॥

tasya tarpayato devānsarasvatyāṃ mahātmanaḥ | samīpato mahārāja sopātiṣṭhata bhāminī

As that great soul was offering water to the gods in the Sarasvati, O great king, the lovely woman stood close beside him.

Verse 9 (9.52.9)

तां दिव्यवपुषं दृष्ट्वा तस्यर्षेर्भावितात्मनः । रेतः स्कन्नं सरस्वत्यां तत्सा जग्राह निम्नगा ॥

tāṃ divyavapuṣaṃ dṛṣṭvā tasyarṣerbhāvitātmanaḥ | retaḥ skannaṃ sarasvatyāṃ tatsā jagrāha nimnagā

Seeing her divine form, the seed of that seer, whose mind was well disciplined, fell into the Sarasvati, and the river received it.

Note on the text: Corrected तस्मा → तत्सा (misprint in Wikisource; तस्मा is not a form that fits the construction; the critical edition reads tat sā jagrāha nimnagā).

Verse 10 (9.52.10)

कुक्षौ चाप्यदधद्दृष्ट्वा तद्रेतः पुरुषर्षभ । सा दधार च तं गर्भं पुत्रहेतोर्महात्मनः ॥

kukṣau cāpyadadhaddṛṣṭvā tadretaḥ puruṣarṣabha | sā dadhāra ca taṃ garbhaṃ putrahetormahātmanaḥ

Seeing that seed, O bull among men, the river placed it in her womb, and she carried that child for the sake of the great soul's son.

Note on the text: Corrected वृष्टा → दृष्ट्वा (misprint in Wikisource; वृष्टा, "rained", is not possible after अदधत्; the critical edition reads adadhad dṛṣṭvā). Removed the stray "।।थ" printed before the verse-end mark (wiki typo). Line 2 ends महात्मनः where the critical edition reads mahānadī (recension variant, kept).

Verse 11 (9.52.11)

सुषुवे चापि समये पुत्रं सारस्वतं वरम् । जगाम पुत्रमादाय तमृषिं प्रति च प्रभो ॥

suṣuve cāpi samaye putraṃ sārasvataṃ varam | jagāma putramādāya tamṛṣiṃ prati ca prabho

In due time she bore an excellent son, Sarasvata, and took the child to that seer, O lord.

Verse 12 (9.52.12)

ऋषिसंसदि तं दृष्ट्वा सा नदी मुनिसत्तमम् । ततः प्रोवाच राजेन्द्र ददती पुत्रमस्य तम् । ब्रह्मर्षे तव पुत्रोऽयं त्वद्भक्त्या धारितो मया ॥

ṛṣisaṃsadi taṃ dṛṣṭvā sā nadī munisattamam | tataḥ provāca rājendra dadatī putramasya tam | brahmarṣe tava putro'yaṃ tvadbhaktyā dhārito mayā

Seeing that best of sages in an assembly of seers, the river then said, O king of kings, as she gave him his son: "O brahmin sage, this is your son, borne by me out of devotion to you.

Verse 13 (9.52.13)

दृष्ट्वा तेऽप्सरसं रेतो यत्स्कन्नं प्रागलम्बुसाम् । तत्कुक्षिणाऽहं ब्रह्मर्षे त्वद्भक्त्या धृतवत्यहम् ॥

dṛṣṭvā te'psarasaṃ reto yatskannaṃ prāgalambusām | tatkukṣiṇā'haṃ brahmarṣe tvadbhaktyā dhṛtavatyaham

Seeing your seed that fell at the sight of the apsaras Alambusa, O brahmin sage, I carried it in my womb out of devotion to you.

Verse 14 (9.52.14)

न विनाशमिदं गच्छेत्त्वत्तेज इति निश्चयात् । प्रतिगृह्णीष्व पुत्रं स्वं मया दत्तमनिन्दितम् ॥

na vināśamidaṃ gacchettvatteja iti niścayāt | pratigṛhṇīṣva putraṃ svaṃ mayā dattamaninditam

"May your radiance not be lost" — with this resolve I did so. Take back your own son, whom I give you, blameless one."

Verse 15 (9.52.15)

इत्युक्तः प्रतिजग्राह प्रीतिं चावाप पुष्कलाम् । पितृवच्चोपजिघ्रत्तं मूर्ध्नि प्रेम्णा द्विजोत्तमः ॥

ityuktaḥ pratijagrāha prītiṃ cāvāpa puṣkalām | pitṛvaccopajighrattaṃ mūrdhni premṇā dvijottamaḥ

Thus addressed, he took the child and was filled with great joy; and that best of the twice-born, with love, smelled the boy's head as a father would.

Verse 16 (9.52.16)

परिष्वज्य चिरं कालं तदा भरतसत्तम । सरस्वत्यै वरं प्रादात्प्रीयमाणो महामुनिः ॥

pariṣvajya ciraṃ kālaṃ tadā bharatasattama | sarasvatyai varaṃ prādātprīyamāṇo mahāmuniḥ

After embracing him for a long time, O best of the Bharatas, the great sage, pleased, granted Sarasvati a boon:

Verse 17 (9.52.17)

विश्वेदेवाः सपितरो गन्धर्वाप्सरसां गणाः । तृप्तिं यास्यन्ति सुभगे तर्प्यमाणास्तवाम्भसा ॥

viśvedevāḥ sapitaro gandharvāpsarasāṃ gaṇāḥ | tṛptiṃ yāsyanti subhage tarpyamāṇāstavāmbhasā

"The Vishvedevas, the ancestors, and the hosts of gandharvas and apsarases will find satisfaction, O fortunate one, when they are offered water from your stream."

Verse 18 (9.52.18)

इत्युक्त्वा स तु तुष्टाव वचोभिर्वै महानदीम् । प्रीतः परमहृष्टात्मा यथावच्छृणु पार्थिव ॥

ityuktvā sa tu tuṣṭāva vacobhirvai mahānadīm | prītaḥ paramahṛṣṭātmā yathāvacchṛṇu pārthiva

Having said this, he praised the great river with his words, pleased and joyful at heart. Listen, O king, to what he said, as it was.

Verse 19 (9.52.19)

प्रस्रुताऽसि महाभागे सरसो ब्रह्मणः पुरा । जानन्ति त्वां सरिच्छ्रेष्ठे मुनयः संशितव्रताः ॥

prasrutā'si mahābhāge saraso brahmaṇaḥ purā | jānanti tvāṃ saricchreṣṭhe munayaḥ saṃśitavratāḥ

"You flowed forth in the beginning, O fortunate one, from the lake of Brahma; the sages of firm vows know you, O best of rivers.

Verse 20 (9.52.20)

मम प्रियकरी चापि सततं प्रियदर्शने । तस्मात्सारस्वतं पुत्रमदधा वरवर्णिनि ॥

mama priyakarī cāpi satataṃ priyadarśane | tasmātsārasvataṃ putramadadhā varavarṇini

You have always done what is dear to me, O fair to behold; therefore, O lovely one, you bore the Sarasvata son.

Verse 21 (9.52.21)

तवैव नाम्ना प्रथितः पुत्रस्ते लोकभावनः । सारस्वत इति ख्यातो भविष्यति महातपाः ॥

tavaiva nāmnā prathitaḥ putraste lokabhāvanaḥ | sārasvata iti khyāto bhaviṣyati mahātapāḥ

Your son, who will sustain the world, will be famed by your own name; he will be known as Sarasvata, a man of great austerity.

Verse 22 (9.52.22)

एष द्वादशवार्षिक्यामनावृष्ट्यां द्विजर्षभान् । सारस्वतो महाभागे वेदानध्यापयिष्यति ॥

eṣa dvādaśavārṣikyāmanāvṛṣṭyāṃ dvijarṣabhān | sārasvato mahābhāge vedānadhyāpayiṣyati

This Sarasvata, O fortunate one, will teach the Vedas to the best of brahmins in the twelve-year drought.

Verse 23 (9.52.23)

पुण्याभ्यश्च सरिद्भ्यस्त्वं सदा पुण्यतमा शुभे । भविष्यसि महाभागे मत्प्रसादात्सरस्वति ॥

puṇyābhyaśca saridbhyastvaṃ sadā puṇyatamā śubhe | bhaviṣyasi mahābhāge matprasādātsarasvati

And you, O auspicious one, will ever be holier than all other holy rivers, by my grace, O Sarasvati."

Verse 24 (9.52.24)

एवं सा संस्तुता तेन वरं लब्ध्वा महानदी । पुत्रमादाय मुदिता जगाम भरतर्षभ ॥

evaṃ sā saṃstutā tena varaṃ labdhvā mahānadī | putramādāya muditā jagāma bharatarṣabha

Thus praised by him, and having won a boon, the great river joyfully took her son and went away, O best of the Bharatas.

Note on the text: Corrected स्त → सा (misprint in Wikisource; the critical edition reads evaṃ sā saṃstutā).

Verse 25 (9.52.25)

एतस्मिन्नेव काले तु विरोधे देवदानवैः । शक्रः प्रहरणान्वेषी लोकांस्त्रीन्विचचार ह ॥

etasminneva kāle tu virodhe devadānavaiḥ | śakraḥ praharaṇānveṣī lokāṃstrīnvicacāra ha

At that very time, when the gods and Danavas were at enmity, Shakra roamed the three worlds in search of weapons.

Note on the text: Corrected प्रहरणान्विषी → प्रहरणान्वेषी (misprint in Wikisource; the critical edition reads praharaṇānveṣī).

Verse 26 (9.52.26)

न चोपलेभे भगवाञ्शक्रः प्रहरणं तदा । यद्वै तेषां भवेद्योग्यं वधाय विबुधद्विषाम् ॥

na copalebhe bhagavāñśakraḥ praharaṇaṃ tadā | yadvai teṣāṃ bhavedyogyaṃ vadhāya vibudhadviṣām

But the lord Shakra found no weapon that would be fit to slay the enemies of the gods.

Verse 27 (9.52.27)

ततोऽब्रवीत्सुराञ्शक्रो न मे शक्याः सुरारयः । ऋतेऽस्थिभिर्दधीचस्य निहन्तुं त्रिदशद्विषः ॥

tato'bravītsurāñśakro na me śakyāḥ surārayaḥ | ṛte'sthibhirdadhīcasya nihantuṃ tridaśadviṣaḥ

Then Shakra said to the gods: "These enemies of the gods cannot be slain by me, except with the bones of Dadhicha.

Verse 28 (9.52.28)

तस्माद्यत्नादृषिश्रेष्ठो याच्यतां कार्यसिद्धये । दधीचास्थीनि देहीति तैर्वधिष्यामहे रिपून् ॥

tasmādyatnādṛṣiśreṣṭho yācyatāṃ kāryasiddhaye | dadhīcāsthīni dehīti tairvadhiṣyāmahe ripūn

Therefore let that best of seers be earnestly asked, for the accomplishment of our task: 'Give us the bones of Dadhicha' — with them we shall slay our foes."

Verse 29 (9.52.29)

स च तैर्याचितोऽस्थीनि यत्नादृषिवरस्तदा । साहाय्यं नः कुरुष्वेति चकारैवाविचारयन् ॥

sa ca tairyācito'sthīni yatnādṛṣivarastadā | sāhāyyaṃ naḥ kuruṣveti cakāraivāvicārayan

Asked by them earnestly for his bones — "Give us your help" — that best of seers then did so without hesitation.

Note on the text: Lines 1–2 of CE 9.50.29 (a, c). The page's second line reads साहाय्यं नः कुरुष्वेति where the critical edition has प्राणत्यागं कुरुष्वेति (recension variant, kept); the CE's third line (29e) is the first line of the next verse. The alignment did not match this verse.

Verse 30 (9.52.30)

स लोकानक्षयान्प्राप्तो देवप्रियकरस्तदा । तस्यास्थिभिरथो शक्रः सम्प्रहृष्टमनास्तदा ॥

sa lokānakṣayānprāpto devapriyakarastadā | tasyāsthibhiratho śakraḥ samprahṛṣṭamanāstadā

He attained the imperishable worlds, having done what was dear to the gods; and with his bones Shakra, his mind greatly delighted,

Note on the text: Line 1 = CE 9.50.29e (sa lokān akṣayān prāpto devapriyakaras tadā); line 2 = CE 9.50.30a (tasyāsthibhir atho śakraḥ saṃprahṛṣṭamanās tadā). Wikisource divides the CE's three-line verses 9.50.29 and 9.50.30 differently. The alignment did not match this verse.

Verse 31 (9.52.31)

कारयामास दिव्यानि नानाप्रहरणान्युत । गदा वज्राणि चक्राणि गुरून्दण्डांश्च पुष्कलान् ॥

kārayāmāsa divyāni nānāpraharaṇānyuta | gadā vajrāṇi cakrāṇi gurūndaṇḍāṃśca puṣkalān

had divine weapons of many kinds made — maces, vajras, discs, and many heavy clubs.

Note on the text: Lines = CE 9.50.30c and 30e (kārayām āsa divyāni nānāpraharaṇāny uta / vajrāṇi cakrāṇi gadā gurudaṇḍāṃś ca puṣkalān); see the previous verse. The alignment did not match this verse.

Verse 32 (9.52.32)

स हि तीव्रेण तपसा सम्भृतः परमर्षिणा । प्रजापतिसुतेनाथ भृगुणा लोकभावनः ॥

sa hi tīvreṇa tapasā sambhṛtaḥ paramarṣiṇā | prajāpatisutenātha bhṛguṇā lokabhāvanaḥ

For that vajra had been assembled through intense austerity by the great seer Bhrigu, son of Prajapati, a sustainer of the worlds.

Verse 33 (9.52.33)

अतिकायः स तेजस्वी लोकसारो विनिर्मितः । जज्ञे शैलगुरुः प्रांशुर्महिम्ना प्रथितः प्रभुः ॥

atikāyaḥ sa tejasvī lokasāro vinirmitaḥ | jajñe śailaguruḥ prāṃśurmahimnā prathitaḥ prabhuḥ

Huge in body, radiant, fashioned from the essence of the worlds, it came into being heavy as a mountain and tall, a lord famed for its might.

Note on the text: Lines 1–2 of CE 9.50.32 (a, c); the third line (32e) is printed on the page as the next verse. The alignment did not match this verse.

Verse 34 (9.52.34)

नित्यमुद्विजते चास्य तेजसः पाकशासनः ॥

nityamudvijate cāsya tejasaḥ pākaśāsanaḥ

Shakra, the slayer of Paka, was always in dread of that sage's radiance.

Note on the text: A single line as printed (page label 9-52-34a only); it is CE 9.50.32e (nityam udvijate cāsya tejasā pākaśāsanaḥ), the third line of the verse begun in the previous row. The alignment did not match it.

Verse 35 (9.52.35)

तेन वज्रेण भगवान्मन्त्रयुक्तेन भारत । भृशं क्रोधविसृष्टेन ब्रह्मतेजोद्भवेन च । दैत्यदानववीराणां जघान नवतीर्नव ॥

tena vajreṇa bhagavānmantrayuktena bhārata | bhṛśaṃ krodhavisṛṣṭena brahmatejodbhavena ca | daityadānavavīrāṇāṃ jaghāna navatīrnava

With that vajra, charged with mantras, hurled in great wrath and born of Brahma's radiance, the lord slew nine nineties of the heroes of the Daityas and Danavas.

Verse 36 (9.52.36)

अथ काले व्यतिक्रान्ते महत्यतिभयङ्करी । अनावृष्टिरनुप्राप्ता राजन्द्वादशवार्षिकी ॥

atha kāle vyatikrānte mahatyatibhayaṅkarī | anāvṛṣṭiranuprāptā rājandvādaśavārṣikī

Then, as time passed, a very dreadful drought came, O king, lasting twelve years.

Verse 37 (9.52.37)

तस्यां द्वादशवार्षिक्यामनावृष्ट्यां महर्षयः । वृत्त्यर्थं प्राद्रवन्राजन्क्षुधार्ताः सर्वतोदिशम् ॥

tasyāṃ dvādaśavārṣikyāmanāvṛṣṭyāṃ maharṣayaḥ | vṛttyarthaṃ prādravanrājankṣudhārtāḥ sarvatodiśam

In that twelve-year drought, O king, the great seers, tormented by hunger, fled in every direction to find a livelihood.

Verse 38 (9.52.38)

दिग्भ्यस्तान्प्रद्रुतान्दृष्ट्वा मुनिः सारस्वतस्तदा । गमनाय मतिं चक्रे तं प्रोवाच सरस्वती ॥

digbhyastānpradrutāndṛṣṭvā muniḥ sārasvatastadā | gamanāya matiṃ cakre taṃ provāca sarasvatī

Seeing them driven off in all directions, the sage Sarasvata made up his mind to go too; but Sarasvati said to him:

Verse 39 (9.52.39)

न गन्तव्यमितः पुत्र तवाहारमहं सदा । दास्यामि मत्स्यप्रवरानुष्यतामिह भारत ॥

na gantavyamitaḥ putra tavāhāramahaṃ sadā | dāsyāmi matsyapravarānuṣyatāmiha bhārata

"You must not leave here, my son. I shall always give you your food — the finest fish. Stay here, O Bharata."

Verse 40 (9.52.40)

इत्युक्तस्तर्पयामास स पितॄन्देवतास्तथा । आहारमकरोन्नित्यं प्राणान्वेदांश्च धारयन् ॥

ityuktastarpayāmāsa sa pitṝndevatāstathā | āhāramakaronnityaṃ prāṇānvedāṃśca dhārayan

Told this, he made offerings to the ancestors and the gods, and ate that food every day, sustaining his life and the Vedas.

Verse 41 (9.52.41)

अथ तस्यामनावृष्ट्यामतीतायां महर्षयः । अन्योन्यं परिपप्रच्छुः पुनः स्वाध्यायकारणात् ॥

atha tasyāmanāvṛṣṭyāmatītāyāṃ maharṣayaḥ | anyonyaṃ paripapracchuḥ punaḥ svādhyāyakāraṇāt

Then, when that drought had passed, the great seers questioned one another again, for the sake of Vedic study.

Verse 42 (9.52.42)

तेषां क्षुधापरीतानां नष्टा वेदा विधावताम् । सर्वेषामेव राजेन्द्र न किञ्चित्प्रतिभाति ह ॥

teṣāṃ kṣudhāparītānāṃ naṣṭā vedā vidhāvatām | sarveṣāmeva rājendra na kiñcitpratibhāti ha

As they wandered about in hunger, the Vedas had been lost to them; of all of them, O king of kings, not one could recall anything.

Note on the text: Corrected देवा → वेदा (misprint in Wikisource; "the gods were lost" does not fit the sense; the critical edition reads naṣṭā vedā vidhāvatām) and किचित् → किञ्चित् (broken conjunct). Line 2 otherwise differs from the critical edition (na kaś cit pratibhānavān), a recension variant, kept.

Verse 43 (9.52.43)

अथ कश्चिदृषिस्तेषां सारस्वतमुपेयिवान् । कुर्वाणं संशितात्मानं स्वाध्यायमृषिसत्तमम् ॥

atha kaścidṛṣisteṣāṃ sārasvatamupeyivān | kurvāṇaṃ saṃśitātmānaṃ svādhyāyamṛṣisattamam

Then one of those seers came to Sarasvata, the best of sages, who was devoted to Vedic recitation with a controlled mind.

Verse 44 (9.52.44)

स गत्वाऽचष्ट तेभ्यश्च सारस्वतमृषिं प्रभुम् । स्वाध्यायममरप्रख्यं कुर्वाणं विजने वने ॥

sa gatvā'caṣṭa tebhyaśca sārasvatamṛṣiṃ prabhum | svādhyāyamamaraprakhyaṃ kurvāṇaṃ vijane vane

He went and told the others about the lordly sage Sarasvata, who was reciting the Veda like an immortal in the solitary forest.

Verse 45 (9.52.45)

ततः सर्वे समाजग्मुस्तत्र राजन्महर्षयः । सारस्वतं मुनिश्रेष्ठमिदमूचुः समागताः ॥

tataḥ sarve samājagmustatra rājanmaharṣayaḥ | sārasvataṃ muniśreṣṭhamidamūcuḥ samāgatāḥ

Then all the great seers gathered there, O king, and said this to Sarasvata, the best of sages:

Verse 46 (9.52.46)

अस्मानध्यापयस्वेति तानुवाच ततो मुनिः । शिष्यत्वमुपागच्छध्वं विधिना च ममेत्युत ॥

asmānadhyāpayasveti tānuvāca tato muniḥ | śiṣyatvamupāgacchadhvaṃ vidhinā ca mametyuta

"Teach us." The sage replied to them, "Become my pupils according to the rite."

Verse 47 (9.52.47)

तत्राब्रुवन्मुनिगणा बालस्त्वमसि पुत्रक । स तानाह न मे धर्मो नश्येदिति पुनर्मुनीन् ॥

tatrābruvanmunigaṇā bālastvamasi putraka | sa tānāha na me dharmo naśyediti punarmunīn

Then the company of sages said, "You are only a boy, child." He said to those sages again, "Let my dharma not be lost.

Verse 48 (9.52.48)

यो ह्यधर्मेण वै ब्रूयाद्गृह्णीयाद्योऽप्यधर्मतः । म्रियेतां तावुभौ क्षिप्रं स्यातां वा वैरिणावुभौ ॥

yo hyadharmeṇa vai brūyādgṛhṇīyādyo'pyadharmataḥ | mriyetāṃ tāvubhau kṣipraṃ syātāṃ vā vairiṇāvubhau

Whoever teaches against dharma, or whoever learns against dharma — both of them quickly die, or become enemies of each other.

Verse 49 (9.52.49)

न हायनैर्न पलितैर्न वित्तेन न बन्धुभिः । ऋषयश्चक्रिरे धर्मं योऽनूचानः स नो महान् ॥

na hāyanairna palitairna vittena na bandhubhiḥ | ṛṣayaścakrire dharmaṃ yo'nūcānaḥ sa no mahān

It is not by years, nor grey hair, nor wealth, nor kinsmen that the seers made their rule of dharma: whoever is learned in the Veda is great among us."

Verse 50 (9.52.50)

एतच्छ्रुत्वा वचस्तस्य मुनयस्ते विधानतः । तस्माद्वेदाननुप्राप्य पुनर्धर्मं प्रचक्रिरे ॥

etacchrutvā vacastasya munayaste vidhānataḥ | tasmādvedānanuprāpya punardharmaṃ pracakrire

Hearing his words, those sages, following the due rite, received the Vedas from him and practised dharma again.

Note on the text: Corrected मनुयस्ते → मुनयस्ते (misprint in Wikisource; the critical edition reads munayas te).

Verse 51 (9.52.51)

षष्टिर्मुनिसहस्राणि शिष्यत्वं प्रतिपेदिरे । सारस्वतस्य विप्रर्षेर्वेदस्वाध्यायकारणात् ॥

ṣaṣṭirmunisahasrāṇi śiṣyatvaṃ pratipedire | sārasvatasya viprarṣervedasvādhyāyakāraṇāt

Sixty thousand sages became pupils of the brahmin sage Sarasvata, for the sake of Vedic study.

Verse 52 (9.52.52)

मुष्टिं मुष्टिं ततः सर्वे दर्भाणां ते ह्युपाहरन् । तस्यासनार्थं विप्रर्षेर्बालस्यापि वशे स्थिताः ॥

muṣṭiṃ muṣṭiṃ tataḥ sarve darbhāṇāṃ te hyupāharan | tasyāsanārthaṃ viprarṣerbālasyāpi vaśe sthitāḥ

Then they all brought handfuls of darbha grass, one by one, for a seat for that seer, though he was only a boy; they stood under his authority.

Verse 53 (9.52.53)

तत्रापि दत्त्वा वसु रौहिणेयो । महाबलः केशवपूर्वजोऽथ । जगाम तीर्थं मुदितः क्रमेण । तं वृद्धकन्याश्रममेव वीरः ॥

tatrāpi dattvā vasu rauhiṇeyo | mahābalaḥ keśavapūrvajo'tha | jagāma tīrthaṃ muditaḥ krameṇa | taṃ vṛddhakanyāśramameva vīraḥ

There too, after giving away wealth, the mighty son of Rohini, elder brother of Keshava, went joyfully, in due course, to the tirtha — to the very hermitage of Vriddhakanya, that hero.

Note on the text: Four lines as printed (CE 9.50.51a–d). Corrected वृद्धकन्याश्रममे व → वृद्धकन्याश्रममेव (stray space inside the word in Wikisource). The last line differs from the critical edition (khyātaṃ mahad vṛddhakanyā sma yatra), a recension variant, kept.