Bhima Tramples Duryodhana's Head; Yudhishthira's Lament

Verse 1 (9.60.1)

तं पातितं ततो दृष्ट्वा महासालमिवोद्गतम् । प्रहृष्टमनसः सर्वे बभूवुस्तत्र पाण्डवाः ॥

taṃ pātitaṃ tato dṛṣṭvā mahāsālamivodgatam | prahṛṣṭamanasaḥ sarve babhūvustatra pāṇḍavāḥ

Seeing him laid low, like a towering great sala tree, all the Pandavas who were there became glad at heart.

Verse 2 (9.60.2)

उन्मत्तमिव मातङ्गं सिंहेन विनिपातितम् । ददृशुर्हृष्टरोमाणः सर्वे ते चापि सोमकाः ॥

unmattamiva mātaṅgaṃ siṃhena vinipātitam | dadṛśurhṛṣṭaromāṇaḥ sarve te cāpi somakāḥ

Like a maddened elephant brought down by a lion, so all the Somakas too beheld him, the hair on their bodies bristling with joy.

Verse 3 (9.60.3)

ततो दुर्योधनं हत्वा भीमसेनः प्रतापवान् । पातितं कौरवेन्द्रं तमुपगम्येदमब्रवीत् ॥

tato duryodhanaṃ hatvā bhīmasenaḥ pratāpavān | pātitaṃ kauravendraṃ tamupagamyedamabravīt

Then Bhimasena, the mighty, having struck down Duryodhana, went up to that lord of the Kauravas as he lay fallen and said this.

Verse 4 (9.60.4)

गौर्गौरिति पुरा मन्द द्रौपदीमेकवाससम् । यत्सभायां हसन्नस्मांस्तदा वदसि दुर्मते । तस्यावहासस्य फलमद्य त्वं समवाप्नुहि ॥

gaurgauriti purā manda draupadīmekavāsasam | yatsabhāyāṃ hasannasmāṃstadā vadasi durmate | tasyāvahāsasya phalamadya tvaṃ samavāpnuhi

"Cow! cow!" That is what you said, you fool, long ago, laughing in the assembly at us and at Draupadi in her single garment, wicked one. Reap today the fruit of that mockery.

Note on the text: Speaker: no heading is printed here; the speech is Bhimasena's (the page's सञ्जय heading at 9-60-1x covers only the narration). The page's lines a, b, c are the critical edition's 9.58.4a, 4c, 4e.

Verse 5 (9.60.5)

एवमुक्त्वा स वामेन पदा मौलिमुपास्पृशत् । शिरश्च राजसिंहस्य पादेन समलोडयत् ॥

evamuktvā sa vāmena padā maulimupāspṛśat | śiraśca rājasiṃhasya pādena samaloḍayat

Having said this, he touched the king's head with his left foot, and with his foot he rolled about the head of that lion among kings.

Verse 6 (9.60.6)

तथैव क्रोधसंरक्तो भीमः परबलार्दनः । पुनरेवाब्रवीद्वाक्यं यत्तच्छृणु नराधिप ॥

tathaiva krodhasaṃrakto bhīmaḥ parabalārdanaḥ | punarevābravīdvākyaṃ yattacchṛṇu narādhipa

Still red with anger, Bhima, crusher of hostile armies, spoke yet again. Hear what he said, O lord of men.

Verse 7 (9.60.7)

येऽस्मान्पुरा प्रनृत्यन्ति मूढा गौरिति गौरिति । तान्वयं प्रतिनृत्यामः पुनर्गौरिति गौरिति ॥

ye'smānpurā pranṛtyanti mūḍhā gauriti gauriti | tānvayaṃ pratinṛtyāmaḥ punargauriti gauriti

"Those fools who once danced about us crying 'Cow! cow!' - we dance back at them, crying again, 'Cow! cow!'"

Note on the text: Speaker: no heading is printed here; the speech is Bhimasena's.

Verse 8 (9.60.8)

नास्माकं निकृतिर्वह्निर्नाक्षद्यूतं न वञ्चना । स्वबाहुबलमाश्रित्य प्रबाधामो वयं रिपून् ॥

nāsmākaṃ nikṛtirvahnirnākṣadyūtaṃ na vañcanā | svabāhubalamāśritya prabādhāmo vayaṃ ripūn

"Ours is no cheating, no fire, no game of dice, no deceit. Relying on the strength of our own arms, we crush our enemies."

Note on the text: Speaker: no heading is printed here; the speech is Bhimasena's.

Verse 9 (9.60.9)

सोऽवाप्य वैरस्य चिरस्य पारं । वृकोदरः प्राह शनैः प्रहस्य । युधिष्ठिरं केशवसृञ्जयांश्च । धनञ्जयं माद्रवतीसुतौ च ॥

so'vāpya vairasya cirasya pāraṃ | vṛkodaraḥ prāha śanaiḥ prahasya | yudhiṣṭhiraṃ keśavasṛñjayāṃśca | dhanañjayaṃ mādravatīsutau ca

Having reached the far shore of his long enmity, Vrikodara said softly, smiling, to Yudhishthira, to Keshava and the Srinjayas, to Dhananjaya and to the two sons of Madri:

Verse 10 (9.60.10)

रजस्वलां द्रौपदीमानयन्ते । ये चाप्यकुर्वन्त सदस्यवस्त्राम् । तान्पश्यध्वं पाण्डवैर्धार्तराष्ट्रान् । रणे हतांस्तपसा याज्ञसेन्याः ॥

rajasvalāṃ draupadīmānayante | ye cāpyakurvanta sadasyavastrām | tānpaśyadhvaṃ pāṇḍavairdhārtarāṣṭrān | raṇe hatāṃstapasā yājñasenyāḥ

"Look upon these sons of Dhritarashtra, slain in battle by the Pandavas through the austerity of Yajnaseni: those who dragged Draupadi in her season, and those who also stripped her of her garment in the assembly."

Note on the text: Speaker: no heading is printed here; the speech is Bhimasena's. The input's third line was a bare "0" (the line is lost in Wikisource's table; the page's label cell keeps it, run together with the verse number); restored from the critical edition (9.58.10c): तान्पश्यध्वं पाण्डवैर्धार्तराष्ट्रान्. Corrected रजस्वला → रजस्वलां (misprint in Wikisource; the anusvara is lost, and the accusative agrees with द्रौपदीम्; the critical edition reads rajasvalāṃ). The page's आनयन्ते (CE: ānayan ye) is kept as a recension variant.

Verse 11 (9.60.11)

ये नः पुरा षण्ढतिलानवोचन् । क्रूरा राज्ञो धृतराष्ट्रस्य पुत्राः । ते नो हताः सगणाः सानुबन्धाः । कामं स्वर्गं नरकं वा व्रजामः ॥

ye naḥ purā ṣaṇḍhatilānavocan | krūrā rājño dhṛtarāṣṭrasya putrāḥ | te no hatāḥ sagaṇāḥ sānubandhāḥ | kāmaṃ svargaṃ narakaṃ vā vrajāmaḥ

"Those cruel sons of King Dhritarashtra who once called us 'barren sesame seeds' - they are slain, with their hosts and their kinsmen. Now let us go, as we please, to heaven or to hell."

Note on the text: Speaker: no heading is printed here; the speech is Bhimasena's.

Verse 12 (9.60.12)

पुनश्च राज्ञः पतितस्य भूमौ । स तां गदां स्कन्धगतां प्रगृह्य । वामेन पादेन शिरः प्रमृद्य । दुर्योधनं नैकृतिकेत्यवोचत् ॥

punaśca rājñaḥ patitasya bhūmau | sa tāṃ gadāṃ skandhagatāṃ pragṛhya | vāmena pādena śiraḥ pramṛdya | duryodhanaṃ naikṛtiketyavocat

And again, taking that mace upon his shoulder, he crushed the head of the king who lay on the ground with his left foot, and said to Duryodhana, "You cheat!"

Verse 13 (9.60.13)

हृष्टेन राजन्कुरुपार्थिवस्य । क्षुद्रात्मना भीमसेनेन पादम् । दृष्ट्वा कृतं मूर्धनि नाभ्यनन्दन् । धर्मात्मानः सोमकानां प्रबर्हाः ॥

hṛṣṭena rājankurupārthivasya | kṣudrātmanā bhīmasenena pādam | dṛṣṭvā kṛtaṃ mūrdhani nābhyanandan | dharmātmānaḥ somakānāṃ prabarhāḥ

O king, seeing this foot set on the head of the Kuru king by the exultant, petty-minded Bhimasena, the righteous-souled chiefs of the Somakas did not approve.

Verse 14 (9.60.14)

तव पुत्रं तथा हत्वा कत्थमानं वृकोदरम् । नृत्यमानं च बहुशो धर्मराजोऽब्रवीदिदम् ॥

tava putraṃ tathā hatvā katthamānaṃ vṛkodaram | nṛtyamānaṃ ca bahuśo dharmarājo'bravīdidam

When Vrikodara, having struck down your son, boasted and danced about again and again, Dharmaraja said this to him:

Verse 15 (9.60.15)

गतोऽसि वैरस्यानृण्यं प्रतिज्ञा पूरिता त्वया । शुभेनाथाशुभेनैव कर्मणा विरमाधुना ॥

gato'si vairasyānṛṇyaṃ pratijñā pūritā tvayā | śubhenāthāśubhenaiva karmaṇā viramādhunā

"You have paid off your debt of enmity; your vow is fulfilled. Now desist from this deed, whether good or ill."

Note on the text: Speaker: no heading is printed here; the speech is Yudhishthira's (Dharmaraja speaks in the preceding verse). Critical edition: these two lines are the star passage 9.58.14d*0342_01-02.

Verse 16 (9.60.16)

मा शिरोऽस्य पदाऽमर्दीर्मा धर्मस्तेऽतिगो भवेत् । राजा ज्ञातिर्हतश्चायं नैतन्न्याय्यं तवानघ ॥

mā śiro'sya padā'mardīrmā dharmaste'tigo bhavet | rājā jñātirhataścāyaṃ naitannyāyyaṃ tavānagha

"Do not trample his head with your foot; let your righteousness not be transgressed. He is a king and a kinsman, and he is slain. This is not right of you, blameless one."

Note on the text: Speaker: no heading is printed here; the speech is Yudhishthira's. The page's lines are the critical edition's 9.58.15a and 15c, with variants (पदाऽमर्दीः, धर्मस्तेऽतिगो भवेत्).

Verse 17 (9.60.17)

एकादशचमूनाथं कुरूणामधिपं तथा । मास्प्राक्षीर्भीम पादेन राजानं ज्ञातिमेव च ॥

ekādaśacamūnāthaṃ kurūṇāmadhipaṃ tathā | māsprākṣīrbhīma pādena rājānaṃ jñātimeva ca

"Lord of the eleven divisions and sovereign of the Kurus - do not touch with your foot, Bhima, a king and your own kinsman."

Note on the text: Speaker: no heading is printed here; the speech is Yudhishthira's. Critical edition: star passage 9.58.15d*0345_01-02.

Verse 18 (9.60.18)

हतबन्धुर्हतामात्यो भ्रष्टसैन्यो हतो मृधे । सर्वाकारेण शोच्योऽयं नावहास्योऽयमीश्वरः ॥

hatabandhurhatāmātyo bhraṣṭasainyo hato mṛdhe | sarvākāreṇa śocyo'yaṃ nāvahāsyo'yamīśvaraḥ

"His kinsmen slain, his ministers slain, his army broken, himself slain in battle - he is to be pitied in every way; this lord is not to be mocked."

Note on the text: Speaker: no heading is printed here; the speech is Yudhishthira's. Critical edition: star passage 9.58.15d*0345_03-04.

Verse 19 (9.60.19)

विध्वस्तोऽयं हतामात्यो हतबन्धुर्हतात्मजः । उत्सन्नपिण्डो भ्राता च नैतन्न्याय्यं कृतं त्वया ॥

vidhvasto'yaṃ hatāmātyo hatabandhurhatātmajaḥ | utsannapiṇḍo bhrātā ca naitannyāyyaṃ kṛtaṃ tvayā

"He is ruined, his ministers slain, his kinsmen slain, his sons slain; the offerings to his line are cut off, and he is your brother. What you have done is not right."

Note on the text: Speaker: no heading is printed here; the speech is Yudhishthira's. Critical edition 9.58.16, with variants (हतात्मजः for हतप्रजः, हतबन्धुः for हतभ्राता).

Verse 20 (9.60.20)

धार्मिको भीमसेनोऽसावित्याहुस्त्वां पुरा जनाः । स कस्माद्भीमसेन त्वं राजानमधितिष्ठसि ॥

dhārmiko bhīmaseno'sāvityāhustvāṃ purā janāḥ | sa kasmādbhīmasena tvaṃ rājānamadhitiṣṭhasi

"People used to say of you, 'Bhimasena is righteous.' Why then, Bhimasena, do you tread upon a king?"

Note on the text: Speaker: no heading is printed here; the speech is Yudhishthira's.

Verse 21 (9.60.21)

इत्युक्त्वा भीमसेनं तु साश्रुकण्ठो युधिष्ठिरः । उपसृत्याब्रवीद्दीनो दुर्योधनमरिन्दमम् ॥

ityuktvā bhīmasenaṃ tu sāśrukaṇṭho yudhiṣṭhiraḥ | upasṛtyābravīddīno duryodhanamarindamam

Having spoken thus to Bhimasena, Yudhishthira, his throat choked with tears, went up to Duryodhana, scourge of his foes, and in distress said:

Note on the text: Critical edition: star passage 9.58.18d*0346_01-02.

Verse 22 (9.60.22)

तात मन्युर्न ते कार्यो नात्मा शोच्यस्त्वया तथा । नूनं पूर्वकृतं कर्म सुघोरमनुभूयते ॥

tāta manyurna te kāryo nātmā śocyastvayā tathā | nūnaṃ pūrvakṛtaṃ karma sughoramanubhūyate

"Dear one, you should not be angry, nor should you grieve for yourself. Surely a deed done long ago, a terrible one, is now being borne."

Note on the text: Speaker: no heading is printed here; the speech is Yudhishthira's, spoken to Duryodhana. Critical edition: star passage 9.58.18d*0347_01-02.

Verse 23 (9.60.23)

धात्रोपदिष्टं विषमं नूनं फलमसंस्कृतम् । यद्वयं त्वां जिघांसामस्त्वं चास्मान्कुरुसत्तम ॥

dhātropadiṣṭaṃ viṣamaṃ nūnaṃ phalamasaṃskṛtam | yadvayaṃ tvāṃ jighāṃsāmastvaṃ cāsmānkurusattama

"Surely the Creator has ordained a harsh and unrefined fruit, that we should seek to kill you and you us, best of the Kurus."

Note on the text: Speaker: no heading is printed here; the speech is Yudhishthira's. The second line is the critical edition's 9.58.19c; the first line differs from CE 19a (nūnam etad balavatā dhātrādiṣṭaṃ mahātmanā), a recension variant.

Verse 24 (9.60.24)

आत्मनो ह्यपराधेन महद्व्यसनमीदृशम् । प्राप्तवानसि यल्लोभान्मदाद्बाल्याच्च भारत ॥

ātmano hyaparādhena mahadvyasanamīdṛśam | prāptavānasi yallobhānmadādbālyācca bhārata

"It was through your own fault, out of greed, pride and childishness, O Bharata, that you met such a great calamity."

Note on the text: Corrected महद्व्यसनमीहशम् → महद्व्यसनमीदृशम् (misprint in Wikisource; ह for दृ; the critical edition reads īdṛśam). Speaker: no heading is printed here; the speech is Yudhishthira's.

Verse 25 (9.60.25)

घातयित्वा वयस्यांश्च भ्रातॄनथ पितॄंस्तथा । पुत्रान्पौत्रांस्तथा चान्यांस्ततोसि निधनं गतः ॥

ghātayitvā vayasyāṃśca bhrātṝnatha pitṝṃstathā | putrānpautrāṃstathā cānyāṃstatosi nidhanaṃ gataḥ

"Having had your friends, your brothers, your fathers, your sons, your grandsons and others killed, you have now met your own end."

Note on the text: Speaker: no heading is printed here; the speech is Yudhishthira's. The second line varies from the critical edition (चान्यान् for तथाचार्यान्).

Verse 26 (9.60.26)

तवापराधादस्माभिर्भ्रातरस्ते निपातिताः । निहता ज्ञातयश्चापि दिष्टं मन्ये दुरत्ययम् ॥

tavāparādhādasmābhirbhrātaraste nipātitāḥ | nihatā jñātayaścāpi diṣṭaṃ manye duratyayam

"Through your fault your brothers were struck down by us, and our kinsmen too were slain. I think fate is hard to cross."

Note on the text: Speaker: no heading is printed here; the speech is Yudhishthira's. The page's lines are the critical edition's 9.58.22a and 22c, with variants (ते निपातिताः for ते महारथाः; ज्ञातयश्चापि for ज्ञातयश्चान्ये).

Verse 27 (9.60.27)

आत्मा न शोचनीयस्ते श्लाघ्यो मृत्युस्तवानघ । वयमेवाधुना शोच्याः सर्वावस्थासु कौरव ॥

ātmā na śocanīyaste ślāghyo mṛtyustavānagha | vayamevādhunā śocyāḥ sarvāvasthāsu kaurava

"You are not to be grieved for; your death is to be praised, blameless one. It is we who are now to be pitied, in every condition, Kaurava."

Note on the text: Speaker: no heading is printed here; the speech is Yudhishthira's. Wikisource prints this verse and the next two in square brackets; they are the critical edition's star passage 9.58.22b*0348_01-02. Removed the opening square bracket.

Verse 28 (9.60.28)

कृपणं वर्तयिष्यामस्तैर्हीना बन्धुभिः प्रियैः । भ्रातॄणां चैव पुत्राणां तथा वै शोकविह्वलाः ॥

kṛpaṇaṃ vartayiṣyāmastairhīnā bandhubhiḥ priyaiḥ | bhrātṝṇāṃ caiva putrāṇāṃ tathā vai śokavihvalāḥ

"Cut off from those dear kinsmen, we shall live wretchedly, overwhelmed with grief for our brothers and our sons."

Note on the text: Speaker: no heading is printed here; the speech is Yudhishthira's. Critical edition: star passage 9.58.22b*0348_03-04.

Verse 29 (9.60.29)

कथं द्रक्ष्यामि विधवा वधूः शोकपरिप्लुताः । त्वमेकः सुस्थितो राजन्स्वर्गे ते निलयो ध्रुवः । वयं नरकसंज्ञं वै दुःखं प्राप्स्याम दारुणम् ॥

kathaṃ drakṣyāmi vidhavā vadhūḥ śokapariplutāḥ | tvamekaḥ susthito rājansvarge te nilayo dhruvaḥ | vayaṃ narakasaṃjñaṃ vai duḥkhaṃ prāpsyāma dāruṇam

"How shall I look upon the widowed daughters-in-law, sunk in grief? You alone are well placed, O king; your dwelling in heaven is certain. We shall suffer a cruel misery that is called hell."

Note on the text: Speaker: no heading is printed here; the speech is Yudhishthira's. Critical edition: star passage 9.58.22b*0348_05-07 (line 3 reads प्राप्स्याम where the CE has भोक्ष्याम). Removed the closing square bracket and the stray double danda (।।]) that Wikisource printed before the verse-end mark.

Verse 30 (9.60.30)

स्नुषाश्च प्रस्नुषाश्चैव धृतराष्ट्रस्य विह्वलाः । गर्हयिष्यन्ति नो नूनं विधवाः शोककर्शिताः ॥

snuṣāśca prasnuṣāścaiva dhṛtarāṣṭrasya vihvalāḥ | garhayiṣyanti no nūnaṃ vidhavāḥ śokakarśitāḥ

"The daughters-in-law and granddaughters-in-law of Dhritarashtra, distraught, widowed and wasted with grief, will surely revile us."

Note on the text: Speaker: no heading is printed here; the speech is Yudhishthira's.

Verse 31 (9.60.31)

एवमुक्त्वा सुदुःखार्तो निशश्वास स पार्थिवः । विललाप चिरं चापि धर्मपुत्रो युधिष्ठिरः ॥

evamuktvā suduḥkhārto niśaśvāsa sa pārthivaḥ | vilalāpa ciraṃ cāpi dharmaputro yudhiṣṭhiraḥ

Having spoken thus, the king, sorely afflicted, sighed; and Yudhishthira, the son of Dharma, wept long as well.