The Battle Joined; the River of Blood

Verse 1 (9.8.1)

ततः प्रववृते युद्धं कुरूणां भयवर्धनम् । सृञ्जयैः सह राजेन्द्र घोरं देवासुरोपमम् ॥

tataḥ pravavṛte yuddhaṃ kurūṇāṃ bhayavardhanam | sṛñjayaiḥ saha rājendra ghoraṃ devāsuropamam

Then began the battle between the Kurus and the Srinjayas, O king of kings — a fearful battle that swelled the Kurus' dread, terrible as the war of the gods and asuras.

Verse 2 (9.8.2)

नरा रथा गजौघाश्च वाजिनश्च सहस्रशः । वाजिनश्च पराक्रान्ताः समाजग्मुः परस्परम् ॥

narā rathā gajaughāśca vājinaśca sahasraśaḥ | vājinaśca parākrāntāḥ samājagmuḥ parasparam

Men, chariots, herds of elephants and horses by the thousand — valiant horses — came together in clash with one another.

Note on the text: Line 1 repeats वाजिनश्च, which the second line also has; the CE reads sādinaś ca ('horsemen') in line 1. Wikisource's reading kept as good Sanskrit.

Verse 3 (9.8.3)

गजानां भीमरूपाणां द्रवतां निःस्वनो महान् । अश्रूयत यथा काले जलदानां नभस्तले ॥

gajānāṃ bhīmarūpāṇāṃ dravatāṃ niḥsvano mahān | aśrūyata yathā kāle jaladānāṃ nabhastale

The great noise of the fearsome elephants as they rushed was heard like the thunder of clouds in the sky in their season.

Verse 4 (9.8.4)

नागैरभ्याहताः केचित्सरथा रथिनोऽपतन् । व्यद्रवन्त रणे भीता द्राव्यमाणा मदोत्कटैः ॥

nāgairabhyāhatāḥ kecitsarathā rathino'patan | vyadravanta raṇe bhītā drāvyamāṇā madotkaṭaiḥ

Some chariot-warriors, struck by elephants, fell with their chariots; others fled in terror from the battle, driven off by the rutting beasts.

Verse 5 (9.8.5)

हयौघान्पादरक्षांश्च रथिनस्तत्र शिक्षिताः । शरैः सम्प्रेषयामासुः परलोकाय भारत ॥

hayaughānpādarakṣāṃśca rathinastatra śikṣitāḥ | śaraiḥ sampreṣayāmāsuḥ paralokāya bhārata

Skilled chariot-warriors there sent masses of horses and foot-guards to the other world with their arrows, O Bharata.

Verse 6 (9.8.6)

सादिनः शिक्षिता राजन्परिवार्य महारथान् । विचरन्तो रणेऽभ्यघ्नन्प्रासशक्त्यृष्टिभिस्तथा ॥

sādinaḥ śikṣitā rājanparivārya mahārathān | vicaranto raṇe'bhyaghnanprāsaśaktyṛṣṭibhistathā

Trained horsemen, O king, surrounded the great warriors and ranged about in the battle, striking them with lances, darts and spears.

Verse 7 (9.8.7)

धन्विनः पुरुषाः केचित्परिवार्य महारथान् । एकं बहव आसाद्य प्रैषयन्यमसादनम् ॥

dhanvinaḥ puruṣāḥ kecitparivārya mahārathān | ekaṃ bahava āsādya praiṣayanyamasādanam

Some archers, many against one, surrounded the great warriors and sent them to the abode of Yama.

Note on the text: Differs from CE 9.8.7 (Wikisource प्रैषयन्यमसादनम्; the CE has preṣayeyur yamakṣayam); recension variant, Wikisource's reading kept.

Verse 8 (9.8.8)

नागान्रथवरांश्चान्ये परिवार्य महारथाः । सोत्तरा युधि निर्जघ्नुर्द्रवमाणं महारथम् ॥

nāgānrathavarāṃścānye parivārya mahārathāḥ | sottarā yudhi nirjaghnurdravamāṇaṃ mahāratham

Other great warriors surrounded elephants and the finest chariots, and in the battle struck down a great warrior as he fled, together with his chariot-cover.

Note on the text: Differs from CE 9.8.8 (Wikisource नागान्…सोत्तरा युधि निर्जघ्नुर्द्रवमाणं महारथम्; the CE has nāgaṃ … sottarāyudhinaṃ jaghnur dravamāṇā mahāravam); recension variant, Wikisource's reading kept.

Verse 9 (9.8.9)

तथा च रथिनं क्रुद्धं विकिरन्तं शरान्बहून् । नागा जघ्नुर्महाराज परिवार्य समन्ततः ॥

tathā ca rathinaṃ kruddhaṃ vikirantaṃ śarānbahūn | nāgā jaghnurmahārāja parivārya samantataḥ

So too elephants, O great king, surrounded on every side an enraged chariot-warrior who was scattering many arrows, and killed him.

Verse 10 (9.8.10)

नागा नागमभिद्रुत्य रथी च रथिनं रणे । शक्तितोमरनाराचैर्निजघ्नुस्तत्र भारत ॥

nāgā nāgamabhidrutya rathī ca rathinaṃ raṇe | śaktitomaranārācairnijaghnustatra bhārata

Elephant rushed upon elephant and chariot-warrior upon chariot-warrior in the battle, and they struck one another down with darts, javelins and iron arrows, O Bharata.

Verse 11 (9.8.11)

पादातानवमृद्गन्तो रथवारणवाजिनः । रणमध्ये व्यदृश्यन्त कुर्वन्तो महदाकुलम् ॥

pādātānavamṛdganto rathavāraṇavājinaḥ | raṇamadhye vyadṛśyanta kurvanto mahadākulam

Crushing the foot-soldiers, chariots, elephants and horses were seen in the midst of the battle, causing great turmoil.

Verse 12 (9.8.12)

हयाश्च पर्यधावन्त चामरैरुपशोभिताः । हंसा हिमवतः प्रस्थे पिबन्त इव मेदिनीम् ॥

hayāśca paryadhāvanta cāmarairupaśobhitāḥ | haṃsā himavataḥ prasthe pibanta iva medinīm

Horses adorned with yak-tail fans ran about, like swans on the slopes of the Himalaya, as if drinking up the earth.

Verse 13 (9.8.13)

तेषां तु वाजिनां भूमिः खुरैश्चित्रा विशाम्पते । अशोभत यथा नारी करजैः क्षतविक्षता ॥

teṣāṃ tu vājināṃ bhūmiḥ khuraiścitrā viśāmpate | aśobhata yathā nārī karajaiḥ kṣatavikṣatā

The ground, O lord, streaked by the hooves of those horses, looked like a woman marked all over by fingernails.

Verse 14 (9.8.14)

वाजिनां खुरशब्देन रथनेमिस्वनेन च । पत्तीनां चापि शब्देन नागानां बृंहितेन च ॥

vājināṃ khuraśabdena rathanemisvanena ca | pattīnāṃ cāpi śabdena nāgānāṃ bṛṃhitena ca

With the beat of horses' hooves, the rumble of chariot-wheels, the shouting of foot-soldiers and the trumpeting of elephants,

Verse 15 (9.8.15)

वादित्राणां च घोषेण शङ्खानां निनदेन च । अभवन्नादिता भूमिर्निर्घातैरिव भारत ॥

vāditrāṇāṃ ca ghoṣeṇa śaṅkhānāṃ ninadena ca | abhavannāditā bhūmirnirghātairiva bhārata

with the din of musical instruments and the roar of conches, the earth resounded as if with thunderclaps, O Bharata.

Verse 16 (9.8.16)

धनुषां कूजमानानां शस्त्रौघानां च पात्यताम् । कवचानां प्रभाभिश्च न प्राज्ञायत किञ्चन ॥

dhanuṣāṃ kūjamānānāṃ śastraughānāṃ ca pātyatām | kavacānāṃ prabhābhiśca na prājñāyata kiñcana

With the twang of bows, the falling floods of weapons and the flash of armour, nothing could be made out.

Note on the text: Differs from CE 9.8.16 (Wikisource शस्त्रौघानां च पात्यताम्; the CE has nistriṃśānāṃ ca dīpyatām); recension variant, Wikisource's reading kept.

Verse 17 (9.8.17)

बहवो बाहवश्छिन्ना नागराजकरोपमाः । उद्वेष्टन्ते विचेष्टन्ते वेगं कुर्वन्ति दारुणम् ॥

bahavo bāhavaśchinnā nāgarājakaropamāḥ | udveṣṭante viceṣṭante vegaṃ kurvanti dāruṇam

Many severed arms, like the trunks of king elephants, writhed and thrashed about, moving with terrible force.

Verse 18 (9.8.18)

शिरसां च महाराज पततां धरणीतले । च्युतानामिव तालेभ्यः फलानां श्रूयते स्वनः ॥

śirasāṃ ca mahārāja patatāṃ dharaṇītale | cyutānāmiva tālebhyaḥ phalānāṃ śrūyate svanaḥ

The sound of heads falling to the ground, O great king, was heard like that of palm-fruits dropping from their trees.

Verse 19 (9.8.19)

शिरोभिः पतितैर्भाति रुधिरार्द्रैर्वसुन्धरा । तपनीयनिभैः काले नलिनैरिव भारत ॥

śirobhiḥ patitairbhāti rudhirārdrairvasundharā | tapanīyanibhaiḥ kāle nalinairiva bhārata

The earth, strewn with fallen heads wet with blood, shone like a pool of golden lotuses in their season, O Bharata.

Verse 20 (9.8.20)

उद्वृत्तनयनैस्तैस्तु गतसत्वैः सुविक्षतैः । व्यभ्राजत मही राजन्पुण्डरीकैरिवावृता ॥

udvṛttanayanaistaistu gatasatvaiḥ suvikṣataiḥ | vyabhrājata mahī rājanpuṇḍarīkairivāvṛtā

With those heads, their eyes rolled up, their life gone, deeply wounded, the earth shone, O king, as though covered with white lotuses.

Verse 21 (9.8.21)

बाहुभिश्चन्दनादिग्धैः सकेयूरैर्महाधनैः । पतितैर्भाति राजेन्द्र महाशक्रध्वजैरिव ॥

bāhubhiścandanādigdhaiḥ sakeyūrairmahādhanaiḥ | patitairbhāti rājendra mahāśakradhvajairiva

The ground shone with fallen arms smeared with sandal-paste, wearing armlets and costly ornaments, O king of kings, as if with the great banners of Indra.

Note on the text: Corrected महारधनैः → महाधनैः (misprint in Wikisource; a stray र; the critical edition reads mahādhanaiḥ).

Verse 22 (9.8.22)

ऊरुभिश्च नरेन्द्राणां विनिकृत्तैर्महाहवे । हस्तिहस्तोपमैर्जज्ञे संवृतं तद्रणाङ्कणम् ॥

ūrubhiśca narendrāṇāṃ vinikṛttairmahāhave | hastihastopamairjajñe saṃvṛtaṃ tadraṇāṅkaṇam

With the severed thighs of kings, like elephants' trunks, in that great battle, the field of combat was covered.

Verse 23 (9.8.23)

कबन्धशतसङ्कीर्णं छत्रचामरसङ्कुलम् । सेनावनं तच्छुशुभे वनं पुष्पाचितं यथा ॥

kabandhaśatasaṅkīrṇaṃ chatracāmarasaṅkulam | senāvanaṃ tacchuśubhe vanaṃ puṣpācitaṃ yathā

Strewn with hundreds of headless trunks and thick with parasols and chowries, that forest of an army shone like a forest in flower.

Note on the text: Corrected कबन्धंशतसङ्कीर्णं → कबन्धशतसङ्कीर्णं (misprint in Wikisource; a stray anusvara after कबन्ध; the critical edition reads kabandhaśatasaṃkīrṇaṃ).

Verse 24 (9.8.24)

तत्र योधा महाराज विचरन्तो ह्यभीतवत् । दृश्यन्ते रुधिराक्ताङ्गाः पुष्पिता इव किंशुकाः ॥

tatra yodhā mahārāja vicaranto hyabhītavat | dṛśyante rudhirāktāṅgāḥ puṣpitā iva kiṃśukāḥ

There the warriors, O great king, ranging fearless, were seen with limbs red with blood, like blossoming kimshuka trees.

Verse 25 (9.8.25)

मातङ्गाश्चाप्यदृश्यन्त शरतोमरपीडिताः । पतन्तस्तत्र तत्रैव छिन्नाभ्रसदृशा रणे ॥

mātaṅgāścāpyadṛśyanta śaratomarapīḍitāḥ | patantastatra tatraiva chinnābhrasadṛśā raṇe

Elephants too were seen, wounded by arrows and tomaras, falling here and there in the battle, like torn clouds.

Note on the text: Corrected पतन्तस्तत्र तवैव → पतन्तस्तत्र तत्रैव and छिन्नाभ्रासदृशा → छिन्नाभ्रसदृशा (misprints in Wikisource: तवैव, 'yours indeed', makes no sense and is a garbling of तत्रैव; an extra long आ in छिन्नाभ्रसदृशा; the critical edition reads patantas tatra tatraiva chinnābhrasadṛśā).

Verse 26 (9.8.26)

गजानीकं महाराज वध्यमानं महात्मभिः । व्यदीर्यत दिशः सर्वा वातनुन्ना घना इव ॥

gajānīkaṃ mahārāja vadhyamānaṃ mahātmabhiḥ | vyadīryata diśaḥ sarvā vātanunnā ghanā iva

The elephant host, O great king, as it was being slain by the great-souled warriors, scattered in all directions like clouds driven by the wind.

Note on the text: Corrected धना इव → घना इव (misprint in Wikisource; ध for घ — धन 'wealth' does not fit the simile of clouds; the critical edition reads ghanā iva).

Verse 27 (9.8.27)

ते गजा घनसङ्काशाः पेतुरुर्व्यां समन्ततः । वज्रनुन्ना इव बभुः पर्वता युगसङ्क्षये ॥

te gajā ghanasaṅkāśāḥ petururvyāṃ samantataḥ | vajranunnā iva babhuḥ parvatā yugasaṅkṣaye

Those elephants, like clouds, fell to the ground on every side, looking like mountains shattered by the thunderbolt at the end of the age.

Note on the text: Corrected धनसङ्काशाः → घनसङ्काशाः (misprint in Wikisource; ध for घ; the critical edition reads ghanasaṃkāśāḥ).

Verse 28 (9.8.28)

हयानां सादिभिः सार्धं पतितानां महीतले । राशयः स्म प्रदृश्यन्ते गिरिमात्रास्ततस्ततः ॥

hayānāṃ sādibhiḥ sārdhaṃ patitānāṃ mahītale | rāśayaḥ sma pradṛśyante girimātrāstatastataḥ

Heaps of horses fallen to the ground together with their riders were seen here and there, each as big as a hill.

Note on the text: Corrected गिरिमात्रांस्ततस्ततः → गिरिमात्रास्ततस्ततः (misprint in Wikisource; a stray anusvara — the adjective must agree with the nominative राशयः; the critical edition reads girimātrās tatas tataḥ).

Verse 29 (9.8.29)

सञ्जज्ञे रणभूमौ तु परलोकवहा नदी । शोणितोदा रथावर्ता ध्वजवृक्षास्थिशर्करा ॥

sañjajñe raṇabhūmau tu paralokavahā nadī | śoṇitodā rathāvartā dhvajavṛkṣāsthiśarkarā

On the battlefield there arose a river that carried to the other world: blood was its water, chariots its whirlpools, banners its trees, and bones its gravel.

Verse 30 (9.8.30)

भुजनक्रा धनुःस्रोता हस्तिशैला हयोपला । मेदोमज्जाकर्दमिनी छत्रहंसा गदोडुपा ॥

bhujanakrā dhanuḥsrotā hastiśailā hayopalā | medomajjākardaminī chatrahaṃsā gadoḍupā

Arms were its crocodiles, bows its currents, elephants its rocks and horses its stones; fat and marrow were its mud, parasols its swans, and maces its rafts.

Verse 31 (9.8.31)

कवचोष्णीषसञ्छन्ना पताकारुचिरद्रुमा । चक्रचक्रावलीजुष्टा त्रिवेणूरगसंवृता ॥

kavacoṣṇīṣasañchannā patākāruciradrumā | cakracakrāvalījuṣṭā triveṇūragasaṃvṛtā

It was covered with armour and turbans, with banners as its lovely trees, lined with rows of wheels, and veiled by triple banner-staffs and serpents.

Note on the text: Line 2 differs from CE 9.8.31c (Wikisource त्रिवेणूरगसंवृता; the CE has triveṇūdaṇḍakāvṛtā); recension variant, Wikisource's reading kept.

Verse 32 (9.8.32)

शूराणां हर्षजननी भीरूणां भयवर्धनी । प्रावर्तत नदी रौद्रा कुरुसृञ्जयसङ्गमे ॥

śūrāṇāṃ harṣajananī bhīrūṇāṃ bhayavardhanī | prāvartata nadī raudrā kurusṛñjayasaṅgame

it gladdened the brave and swelled the fear of the timid — a dreadful river that flowed where the Kurus and the Srinjayas met.

Verse 33 (9.8.33)

तां नदीं परलोकाय वहन्तीमतिभैरवाम् । तेरुर्वाहननौभिस्ते शूराः परिघबाहवः ॥

tāṃ nadīṃ paralokāya vahantīmatibhairavām | terurvāhananaubhiste śūrāḥ parighabāhavaḥ

That terrible river, which carried men to the other world, the heroes with arms like iron bars crossed on boats made of their mounts.

Verse 34 (9.8.34)

वर्तमाने तदा युद्धे निर्मर्यादे विशाम्पते । चतुरङ्गक्षये घोरे युद्धे देवासुरोपमे ॥

vartamāne tadā yuddhe nirmaryāde viśāmpate | caturaṅgakṣaye ghore yuddhe devāsuropame

As the battle went on, O lord, beyond all bounds, in the dreadful destruction of the four divisions of the army, a battle like that of the gods and asuras,

Note on the text: Differs from CE 9.8.34 (Wikisource वर्तमाने तदा युद्धे … युद्धे देवासुरोपमे; the CE has vartamāne tathā yuddhe … pūrvaṃ devāsuropame); recension variant.

Verse 35 (9.8.35)

व्याक्रोशन्बान्धवानन्ये तत्र तत्र परन्तप । क्रोशद्भिर्दयितैरन्ये भयार्ता न निवर्तिरे ॥

vyākrośanbāndhavānanye tatra tatra parantapa | krośadbhirdayitairanye bhayārtā na nivartire

some there called out to their kinsmen, O scourge of foes, while others, stricken with fear, did not turn back even though their loved ones cried out to them.

Note on the text: Both lines differ from CE 9.8.35 (Wikisource व्याक्रोशन्बान्धवानन्ये … क्रोशद्भिर्दयितैरन्ये; the CE has akrośan bāndhavān anye … krośadbhir bāndhavaiś cānye); recension variant. The page's gloss reads न निवर्तिरे as न निवर्तिताः.

Verse 36 (9.8.36)

निर्मर्यादे तथा युद्धे वर्तमाने भयानके । अर्जुनो भीमसेनश्च मोहयाञ्चक्रतुः परान् ॥

nirmaryāde tathā yuddhe vartamāne bhayānake | arjuno bhīmasenaśca mohayāñcakratuḥ parān

While that fearful, boundless battle went on, Arjuna and Bhimasena bewildered the enemy.

Verse 37 (9.8.37)

सा वध्यमाना महती सेना तव नराधिप । अमुह्यत्तत्र तत्रैव योषिन्मदवशादिव ॥

sā vadhyamānā mahatī senā tava narādhipa | amuhyattatra tatraiva yoṣinmadavaśādiva

That great army of yours, O lord of men, as it was being slain, fell into confusion here and there, like a woman bewildered by drink.

Verse 38 (9.8.38)

मोहयित्वा च तां सेनां भीमसेनधनञ्जयौ । दध्मतुर्वारिजौ तत्र सिंहनादांश्च चक्रतुः ॥

mohayitvā ca tāṃ senāṃ bhīmasenadhanañjayau | dadhmaturvārijau tatra siṃhanādāṃśca cakratuḥ

Having bewildered that army, Bhimasena and Dhananjaya blew their conches there and roared like lions.

Verse 39 (9.8.39)

श्रुत्वैव तु महाशब्दं धृष्टद्युम्नशिखण्डिनौ । धर्मराजं पुरस्कृत्य मद्रराजमभिद्रुतौ ॥

śrutvaiva tu mahāśabdaṃ dhṛṣṭadyumnaśikhaṇḍinau | dharmarājaṃ puraskṛtya madrarājamabhidrutau

Hearing that great sound, Dhrishtadyumna and Shikhandi, putting the king of Dharma in front, rushed at the king of Madra.

Verse 40 (9.8.40)

तत्राश्चर्यमपश्याम घोररूपं महद्भयम् । शल्येन सङ्गताः शूरा यदयुध्यन्त भागशः ॥

tatrāścaryamapaśyāma ghorarūpaṃ mahadbhayam | śalyena saṅgatāḥ śūrā yadayudhyanta bhāgaśaḥ

There we saw a marvel, awful and terrifying: the heroes who met Shalya fought him in separate bands.

Note on the text: Differs from CE 9.8.40 (Wikisource तत्राश्चर्यमपश्याम घोररूपं महद्भयम्; the CE has tatrāścaryam apaśyāma ghorarūpaṃ viśāṃ pate); recension variant.

Verse 41 (9.8.41)

माद्रीपुत्रौ तु रभसौ कृतास्त्रौ युद्धदुर्मदौ । अभ्ययातां त्वरायुक्तौ जिगीषन्तौ बलं तव ॥

mādrīputrau tu rabhasau kṛtāstrau yuddhadurmadau | abhyayātāṃ tvarāyuktau jigīṣantau balaṃ tava

The two sons of Madri, impetuous and skilled in weapons, maddened for battle, hastened forward, eager to conquer your force.

Verse 42 (9.8.42)

ततोऽभ्यावर्तत बलं तावकं भरतर्षभ । शरैः प्रणुन्नं बहुधा पाण्डवैर्जितकाशिभिः ॥

tato'bhyāvartata balaṃ tāvakaṃ bharatarṣabha | śaraiḥ praṇunnaṃ bahudhā pāṇḍavairjitakāśibhiḥ

Then your force wheeled round, O best of the Bharatas, driven in many ways by the arrows of the victorious Pandavas.

Verse 43 (9.8.43)

वध्यमाना चमूः सा तु पुत्राणां प्रेक्षतां तव । भेजे दश दिशो राजन्प्रणुन्ना शरवृष्टिभिः ॥

vadhyamānā camūḥ sā tu putrāṇāṃ prekṣatāṃ tava | bheje daśa diśo rājanpraṇunnā śaravṛṣṭibhiḥ

As your sons looked on, that army, being slain and driven by showers of arrows, scattered in the ten directions, O king.

Note on the text: The automatic alignment found no match. Lines are CE 9.8.43a and 9.8.43c; line 2 differs (Wikisource भेजे दश दिशो राजन्प्रणुन्ना शरवृष्टिभिः; the CE has bheje diśo mahārāja praṇunnā dṛḍhadhanvibhiḥ). CE 9.8.43e is the first line of the next verse.

Verse 44 (9.8.44)

हाहाकारो महाञ्जज्ञे योधानां तत्र भारत । तिष्ठतिष्ठेति चाप्यासीद्द्रावितानां महात्मनाम् ॥

hāhākāro mahāñjajñe yodhānāṃ tatra bhārata | tiṣṭhatiṣṭheti cāpyāsīddrāvitānāṃ mahātmanām

A great cry of "Alas!" went up from the warriors there, O Bharata, and cries of "Stand! Stand!" rang out to the great-souled men who were being routed.

Note on the text: The automatic alignment found no match. Line 1 is CE 9.8.43e; line 2 is a variant of CE 9.8.44a (Wikisource तिष्ठतिष्ठेति चाप्यासीद्द्रावितानां महात्मनाम्; the CE has tiṣṭha tiṣṭheti vāg āsīd drāvitānāṃ mahātmanām, so the first half agrees).

Verse 45 (9.8.45)

क्षत्रियाणां तथाऽन्योन्यं संयुगे जयमिच्छताम् । प्राद्रवन्नेव सम्भग्नाः पाण्डवैस्तव सैनिकाः ॥

kṣatriyāṇāṃ tathā'nyonyaṃ saṃyuge jayamicchatām | prādravanneva sambhagnāḥ pāṇḍavaistava sainikāḥ

While the kshatriyas, each wishing for victory in the battle, called out to one another, your soldiers, broken by the Pandavas, only fled.

Note on the text: The automatic alignment found no match; line 1 is a variant of CE 9.8.44c (Wikisource क्षत्रियाणां तथाऽन्योन्यम्; the CE has kṣatriyāṇāṃ tadānyonyam) and line 2 is CE 9.8.44e.

Verse 46 (9.8.46)

त्यक्त्वा युद्धे प्रियान्पुत्रान्भ्रातॄनथ पितामहान् । मातुलान्भागिनेयांश्च वयस्यानपि भारत ॥

tyaktvā yuddhe priyānputrānbhrātṝnatha pitāmahān | mātulānbhāgineyāṃśca vayasyānapi bhārata

Abandoning in the battle their beloved sons, brothers, grandfathers, maternal uncles, nephews and friends, O Bharata,

Note on the text: Line 2 differs from CE 9.8.45c (Wikisource मातुलान्भागिनेयांश्च वयस्यानपि भारत; the CE has mātulān bhāgineyāṃś ca tathā saṃbandhibāndhavān); recension variant, Wikisource's reading kept.

Verse 47 (9.8.47)

हयान्द्विपांस्त्वरयन्तो योधा जग्मुः समन्ततः । आत्मत्राणकृतोत्साहास्तावका भरतर्षभ ॥

hayāndvipāṃstvarayanto yodhā jagmuḥ samantataḥ | ātmatrāṇakṛtotsāhāstāvakā bharatarṣabha

your warriors, urging on their horses and elephants, went off in all directions, intent on saving themselves, O best of the Bharatas.