The Armies Form Up for the Last Day's Battle

Verse 1 (9.7.1)

व्यतीतायां रजन्यां तु राजा दुर्योधनस्तदा । अब्रवीत्तावकान्सर्वान्सन्नह्यन्तां महारथाः ॥

vyatītāyāṃ rajanyāṃ tu rājā duryodhanastadā | abravīttāvakānsarvānsannahyantāṃ mahārathāḥ

When the night had passed, King Duryodhana said to all your men, "Let the great warriors arm themselves."

Verse 2 (9.7.2)

राज्ञश्च मतमाज्ञाय समनह्यत सा चमूः । अयोजयन्रथांस्तूर्णं पर्यधावंस्तथा परे ॥

rājñaśca matamājñāya samanahyata sā camūḥ | ayojayanrathāṃstūrṇaṃ paryadhāvaṃstathā pare

Understanding the king's wish, that army armed itself; they quickly yoked the chariots, and others ran about.

Verse 3 (9.7.3)

अकल्प्यन्त च मातङ्गाः समनह्यन्त पत्तयः । हयानास्तरणोपेतांश्चक्रुरन्ये सहस्रशः ॥

akalpyanta ca mātaṅgāḥ samanahyanta pattayaḥ | hayānāstaraṇopetāṃścakruranye sahasraśaḥ

Elephants were harnessed and foot-soldiers armed, and others by the thousand put their caparisons on the horses.

Verse 4 (9.7.4)

वादित्राणां च निनदः प्रादुरासीद्विशाम्पते । योधानां सैन्यमुख्यानामन्योन्यं प्रतिगर्जताम् ॥

vāditrāṇāṃ ca ninadaḥ prādurāsīdviśāmpate | yodhānāṃ sainyamukhyānāmanyonyaṃ pratigarjatām

The sound of musical instruments arose, O lord, as the foremost warriors of the army roared back and forth at one another.

Note on the text: The automatic alignment found no match. Line 1 is CE 9.7.4a; line 2 differs from CE 9.7.4c (Wikisource योधानां सैन्यमुख्यानामन्योन्यं प्रतिगर्जताम्; the CE has bodhanārthaṃ hi yodhānāṃ sainyānāṃ cāpy udīryatām); recension variant, Wikisource's reading kept.

Verse 5 (9.7.5)

ततो बलानि सर्वाणि हतशिष्टानि भारत । सन्नद्धानि व्यदृश्यन्त मृत्युं कृत्वा निवर्तनम् ॥

tato balāni sarvāṇi hataśiṣṭāni bhārata | sannaddhāni vyadṛśyanta mṛtyuṃ kṛtvā nivartanam

Then all the forces that remained after the slaughter were seen drawn up for battle, O Bharata, having resolved that only death would turn them back.

Note on the text: Differs from CE 9.7.5 (Wikisource हतशिष्टानि … सन्नद्धानि व्यदृश्यन्त; the CE has senāśiṣṭāni … saṃnaddhāny eva dadṛśuḥ); recension variant, Wikisource's reading kept.

Verse 6 (9.7.6)

शल्यं सेनापतिं कृत्वा मद्रराजं महारथाः । प्रविभज्य बलं सर्वमनीकेषु व्यवस्थिताः ॥

śalyaṃ senāpatiṃ kṛtvā madrarājaṃ mahārathāḥ | pravibhajya balaṃ sarvamanīkeṣu vyavasthitāḥ

Having made Shalya, king of Madra, their commander, the great warriors divided the whole force and took their places in its divisions.

Verse 7 (9.7.7)

ततः सर्वे समागम्य पुत्रेण तव सैनिकाः । कृपश्च कृतवर्मा च द्रौणिः शल्योऽथ सौबलः । अन्ये च पार्थिवाः शेषाः समयं चक्रुरादृताः ॥

tataḥ sarve samāgamya putreṇa tava sainikāḥ | kṛpaśca kṛtavarmā ca drauṇiḥ śalyo'tha saubalaḥ | anye ca pārthivāḥ śeṣāḥ samayaṃ cakrurādṛtāḥ

Then all your soldiers — Kripa, Kritavarma, Drauni, Shalya and Saubala, together with your son, and the other kings who remained — eagerly made a compact.

Note on the text: The automatic alignment found no match. Lines 1–2 are CE 9.7.7a and 9.7.7c; line 3 is a variant of CE 9.7.8a (Wikisource शेषाः समयं चक्रुरादृताः; the CE has anye ca pārthivāḥ śeṣāḥ samayaṃ cakrire tadā).

Verse 8 (9.7.8)

अद्याचार्यसुतो द्रौणिर्नैको युध्येत शत्रुभिः । न न एकेन योद्धव्यं कथञ्चिदपि पाण्डवैः ॥

adyācāryasuto drauṇirnaiko yudhyeta śatrubhiḥ | na na ekena yoddhavyaṃ kathañcidapi pāṇḍavaiḥ

"Today the teacher's son Drauni must not fight the enemy alone." None of us is to fight alone against the Pandavas, in any way.

Note on the text: Removed the stray backtick and quotation mark around line 1. The automatic alignment found no match: line 1 is the CE star passage 9.7.9d*0047_01 (printed in the CE after 9.7.9c), and line 2 is CE 9.7.8c. The page labels the lines 9-7-8a and 9-7-8c, with no 8b; nothing is lost.

Verse 9 (9.7.9)

यो ह्येकः पाण्डवैर्युध्येद्यो वा युध्यन्तमुत्सृजेत् । स पञ्चभिर्भवेद्युक्तः पातकैश्चोपपातकैः । अन्योन्यं परिरक्षद्भिर्योद्धव्यं सहितैश्च नः ॥

yo hyekaḥ pāṇḍavairyudhyedyo vā yudhyantamutsṛjet | sa pañcabhirbhavedyuktaḥ pātakaiścopapātakaiḥ | anyonyaṃ parirakṣadbhiryoddhavyaṃ sahitaiśca naḥ

Whoever fights the Pandavas alone, or abandons one who is fighting, shall be burdened with the five great sins and the minor sins. We must fight together, guarding one another."

Note on the text: Lines are CE 9.7.9a, 9.7.9c and 9.7.9e.

Verse 10 (9.7.10)

एवं ते समयं कृत्वा सर्वे तत्र महारथाः । मद्रराजं पुरस्कृत्य तूर्णमभ्यद्रवन्परान् ॥

evaṃ te samayaṃ kṛtvā sarve tatra mahārathāḥ | madrarājaṃ puraskṛtya tūrṇamabhyadravanparān

Having made this compact, all those great warriors there put the king of Madra in front and swiftly charged the enemy.

Verse 11 (9.7.11)

तथैव पाण्डवा राजन्व्यूह्य सैन्यं महारणे । अभ्ययुः कौरवान्युद्धे योत्स्यमानाः समन्ततः ॥

tathaiva pāṇḍavā rājanvyūhya sainyaṃ mahāraṇe | abhyayuḥ kauravānyuddhe yotsyamānāḥ samantataḥ

In the same way the Pandavas, O king, arrayed their army in the great battle and advanced on the Kauravas from every side, eager to fight.

Verse 12 (9.7.12)

ततो बलं समभवत्क्षुब्धार्णवसमस्वनम् । समुद्भूतार्णवाकारमुदीर्णरथकुञ्जरम् ॥

tato balaṃ samabhavatkṣubdhārṇavasamasvanam | samudbhūtārṇavākāramudīrṇarathakuñjaram

Then the host roared like a stormy ocean, surging like a swelling sea, its chariots and elephants rising high.

Note on the text: Both lines differ from CE 9.7.12 (Wikisource ततो बलं समभवत्… समुद्भूतार्णवाकारमुदीर्णरथकुञ्जरम्; the CE has tad balaṃ bharataśreṣṭha … samuddhūtārṇavākāram uddhūtarathakuñjaram); recension variant, Wikisource's reading kept.

Verse 13 (9.7.13)

द्रोणस्य चैव भीष्मस्य राधेयस्य च मे श्रुतम् । पातनं शंस मे भूयः शल्यस्याथ सुतस्य मे ॥

droṇasya caiva bhīṣmasya rādheyasya ca me śrutam | pātanaṃ śaṃsa me bhūyaḥ śalyasyātha sutasya me

"I have heard of the fall of Drona, of Bhishma and of Radheya. Tell me now of the fall of Shalya, and of my son.

Note on the text: Differs from CE 9.7.13 (Wikisource द्रोणस्य चैव भीष्मस्य राधेयस्य च मे श्रुतम्; the CE has droṇasya bhīṣmasya ca vai rādheyasya ca me śrutam); recension variant.

Verse 14 (9.7.14)

कथं रणे हतः शल्यो धर्मराजेन सञ्जय । भीमेन च महाबाहुः पुत्रो दुर्योधनो मम ॥

kathaṃ raṇe hataḥ śalyo dharmarājena sañjaya | bhīmena ca mahābāhuḥ putro duryodhano mama

How, Sanjaya, was Shalya slain in battle by the king of Dharma, and how was my son, the mighty-armed Duryodhana, slain by Bhima?"

Verse 15 (9.7.15)

क्षयं मनुष्यदेहानां तथा नागाश्वसङ्क्षयम् । शृणु राजन्स्थिरो भूत्वा सङ्ग्रामं शंसतो मम ॥

kṣayaṃ manuṣyadehānāṃ tathā nāgāśvasaṅkṣayam | śṛṇu rājansthiro bhūtvā saṅgrāmaṃ śaṃsato mama

Listen steadily, O king, as I tell of the battle: the destruction of human bodies, and the ruin of elephants and horses.

Verse 16 (9.7.16)

आशा बलवती राजन्पुत्राणां तेऽभवत्तदा ॥

āśā balavatī rājanputrāṇāṃ te'bhavattadā

A strong hope then lived in your sons, O king.

Note on the text: A single line, as printed on the page (9-7-16a). It is CE 9.7.16a; the automatic alignment found no match.

Verse 17 (9.7.17)

हते द्रोणे च भीष्मे च सूतपुत्रे च पातिते । शल्यः पार्थान्रणे सर्वान्निहनिष्यति मारिष ॥

hate droṇe ca bhīṣme ca sūtaputre ca pātite | śalyaḥ pārthānraṇe sarvānnihaniṣyati māriṣa

With Drona and Bhishma slain and the charioteer's son felled, Shalya would kill all the Parthas in battle, O honoured one.

Note on the text: The automatic alignment found no match; the lines are CE 9.7.16c and 9.7.16e (Wikisource reads द्रोणे च भीष्मे च where the CE has bhīṣme ca droṇe ca).

Verse 18 (9.7.18)

तामाशां हृदये कृत्वा समाश्वस्य च भारत । मद्रराजं च समरे समाश्रित्य महारथम् । नाथवन्तं तदाऽऽत्मानममन्यत सुतस्तव ॥

tāmāśāṃ hṛdaye kṛtvā samāśvasya ca bhārata | madrarājaṃ ca samare samāśritya mahāratham | nāthavantaṃ tadā''tmānamamanyata sutastava

Holding that hope in his heart and taking comfort, O Bharata, and relying in battle on the king of Madra, the great warrior, your son thought himself well protected.

Note on the text: Differs slightly from CE 9.7.17 (Wikisource समाश्वस्य च, नाथवन्तं तदाऽऽत्मानम्; the CE has samāśvāsya ca, nāthavantam athātmānam); recension variant.

Verse 19 (9.7.19)

यदा कर्णे हते पार्थाः सिंहनादं प्रचक्रिरे । तदा राजन्धार्तराष्ट्रान्प्रविवेश महद्भयम् ॥

yadā karṇe hate pārthāḥ siṃhanādaṃ pracakrire | tadā rājandhārtarāṣṭrānpraviveśa mahadbhayam

When Karna was slain and the Parthas raised their lion's roar, a great fear entered the sons of Dhritarashtra, O king.

Verse 20 (9.7.20)

तान्समाश्वास्य तु तदा मद्रराजः प्रतापवान् । व्यूह्य व्यूहं महाराज सर्वतोभद्रमृद्धिमत् ॥

tānsamāśvāsya tu tadā madrarājaḥ pratāpavān | vyūhya vyūhaṃ mahārāja sarvatobhadramṛddhimat

Comforting them, the mighty king of Madra then formed an array, the prosperous Sarvatobhadra, O great king.

Verse 21 (9.7.21)

प्रत्युद्ययौ रणे पार्थान्मद्रराजः प्रतापवान् । विधून्वन्कार्मुकं चित्रं भारघ्नं वेगवत्तरम् । रथप्रवरमास्थाय सैन्धवाश्वं महारथः ॥

pratyudyayau raṇe pārthānmadrarājaḥ pratāpavān | vidhūnvankārmukaṃ citraṃ bhāraghnaṃ vegavattaram | rathapravaramāsthāya saindhavāśvaṃ mahārathaḥ

The mighty king of Madra, the great warrior, advanced against the Parthas in battle, shaking his wondrous, swift and burden-breaking bow, having mounted his excellent chariot drawn by Sindhu horses.

Note on the text: The automatic alignment found no match. Line 1 is a variant of CE 9.7.20a (Wikisource प्रत्युद्ययौ; the CE has pratyudyāto), line 2 is CE 9.7.20c and line 3 is CE 9.7.21a.

Verse 22 (9.7.22)

तस्य सूतो महाराज रथस्थोऽशोभयद्रथम् । स तेन संवृतो वीरो रथेनामित्रकर्शनः । तस्थौ शूरो महाराज पुत्राणां ते भयप्रणुत् ॥

tasya sūto mahārāja rathastho'śobhayadratham | sa tena saṃvṛto vīro rathenāmitrakarśanaḥ | tasthau śūro mahārāja putrāṇāṃ te bhayapraṇut

His charioteer, O great king, adorned the chariot as he stood in it, and the hero, scourge of his foes, encircled by that chariot, stood there, O great king, driving away the fear of your sons.

Note on the text: The automatic alignment found no match. Line 1 is a variant of CE 9.7.21c (Wikisource तस्य सूतो, 'his charioteer'; the CE has tasya sītā); lines 2–3 are CE 9.7.22a and 9.7.22c.

Verse 23 (9.7.23)

प्रयाणे मद्रराजोऽभून्मुखं व्यूहस्य दंशितः । मद्रकैः सहितो वीरैः कर्णपुत्रैश्च दुर्जयैः ॥

prayāṇe madrarājo'bhūnmukhaṃ vyūhasya daṃśitaḥ | madrakaiḥ sahito vīraiḥ karṇaputraiśca durjayaiḥ

On the march the king of Madra, armoured, formed the front of the array, together with the Madraka heroes and Karna's invincible sons.

Verse 24 (9.7.24)

सव्येऽभूत्कृतवर्मा च त्रिगर्तैः परिवारितः । गौतमो दक्षिणे पार्श्वे शकैश्च यवनैः सह ॥

savye'bhūtkṛtavarmā ca trigartaiḥ parivāritaḥ | gautamo dakṣiṇe pārśve śakaiśca yavanaiḥ saha

On the left was Kritavarma, surrounded by the Trigartas; on the right flank was Gautama, with the Shakas and the Yavanas.

Verse 25 (9.7.25)

अश्वत्थामा पृष्ठतोऽभूत्काम्भोजैः परिवारितः । दुर्योधनोऽभवन्मध्ये रक्षितः कुरुपुङ्गवैः ॥

aśvatthāmā pṛṣṭhato'bhūtkāmbhojaiḥ parivāritaḥ | duryodhano'bhavanmadhye rakṣitaḥ kurupuṅgavaiḥ

Ashvatthama was at the rear, surrounded by the Kambojas; Duryodhana was in the middle, guarded by the best of the Kurus.

Verse 26 (9.7.26)

हयानीकेन महता सौबलश्चापि संवृतः । प्रययौ सर्वसैन्येन कैतव्यश्च महारथः ॥

hayānīkena mahatā saubalaścāpi saṃvṛtaḥ | prayayau sarvasainyena kaitavyaśca mahārathaḥ

Saubala, too, surrounded by a great force of cavalry, and the great warrior Kaitavya, marched with the whole army.

Verse 27 (9.7.27)

पाण्डवाश्च महेष्वासा व्यूह्य सैन्यमरिन्दमाः । त्रिधाभूता महाराज तव सैन्यमुपाद्रवन् ॥

pāṇḍavāśca maheṣvāsā vyūhya sainyamarindamāḥ | tridhābhūtā mahārāja tava sainyamupādravan

The Pandavas too, great archers and subduers of foes, arrayed their army and, divided into three, rushed upon your army, O great king.

Verse 28 (9.7.28)

धृष्टद्युम्नः शिखण्डी च सात्यकिश्च महारथः । शल्यस्य वाहिनीं हन्तुमभिदुद्रुवुराहवे ॥

dhṛṣṭadyumnaḥ śikhaṇḍī ca sātyakiśca mahārathaḥ | śalyasya vāhinīṃ hantumabhidudruvurāhave

Dhrishtadyumna, Shikhandi and the great warrior Satyaki rushed in the battle to destroy Shalya's force.

Note on the text: Corrected सात्यकिस्च → सात्यकिश्च (misprint in Wikisource; स् for श्; the critical edition reads sātyakiś ca).

Verse 29 (9.7.29)

ततो युधिष्ठिरो राजा स्वेनानीकेन संवृतः । शल्यमेवाभिदुद्राव जिघांसुर्भरतर्षभः ॥

tato yudhiṣṭhiro rājā svenānīkena saṃvṛtaḥ | śalyamevābhidudrāva jighāṃsurbharatarṣabhaḥ

Then King Yudhishthira, surrounded by his own army, rushed straight at Shalya, eager to kill him, O best of the Bharatas.

Verse 30 (9.7.30)

हार्दिक्यं च महेष्वासमर्जुनः शत्रुपूगहा । संशप्तकगणांश्चैव वेगितोऽभिविदुद्रुवे ॥

hārdikyaṃ ca maheṣvāsamarjunaḥ śatrupūgahā | saṃśaptakagaṇāṃścaiva vegito'bhividudruve

Arjuna, destroyer of whole hosts of foes, hurried against the great archer Hardikya and the bands of the Samshaptakas.

Verse 31 (9.7.31)

गौतमं भीमसेनो वै सोमकाश्च महारथाः । अभ्यद्रवन्त राजेन्द्र जिघांसन्तः परान्युधि ॥

gautamaṃ bhīmaseno vai somakāśca mahārathāḥ | abhyadravanta rājendra jighāṃsantaḥ parānyudhi

Bhimasena and the Somaka great warriors charged at Gautama, O king of kings, eager to kill their foes in the battle.

Note on the text: Corrected राजेनद्‌र → राजेन्द्र (misprint in Wikisource; the virama is missing and a zero-width non-joiner stands between द and र; the critical edition reads rājendra).

Verse 32 (9.7.32)

माद्रीपुत्रौ तु शकुनिमुलूकं च महारथम् । ससैन्यौ सहसैन्यौ तावुपतस्थतुराहवे ॥

mādrīputrau tu śakunimulūkaṃ ca mahāratham | sasainyau sahasainyau tāvupatasthaturāhave

The two sons of Madri, each with his army, confronted Shakuni and the great warrior Ulūka in the battle.

Note on the text: Wikisource reads सहसैन्यौ where the CE has sahasenau; both are good Sanskrit, so Wikisource's reading is kept.

Verse 33 (9.7.33)

तथैवायुतशो योधास्तावकाः पाण्डवान्रणे । अभ्यवर्तन्त सङ्क्रुद्धा विविधायुधपाणयः ॥

tathaivāyutaśo yodhāstāvakāḥ pāṇḍavānraṇe | abhyavartanta saṅkruddhā vividhāyudhapāṇayaḥ

In the same way tens of thousands of your warriors, enraged and carrying weapons of many kinds, advanced against the Pandavas in the battle.

Verse 34 (9.7.34)

हते भीष्मे महेष्वासे द्रोणे कर्णे जयद्रथे । कुरुष्वल्पावशिष्टेषु पाण्डवेषु च संयुगे ॥

hate bhīṣme maheṣvāse droṇe karṇe jayadrathe | kuruṣvalpāvaśiṣṭeṣu pāṇḍaveṣu ca saṃyuge

"With Bhishma the great archer slain, and Drona, Karna and Jayadratha, and only a few of the Kurus left, and the Pandavas in the battle —

Note on the text: Corrected हमेष्वासे → महेष्वासे (misprint in Wikisource; ह for म; the critical edition reads maheṣvāse).

Verse 35 (9.7.35)

संरब्धेषु च पार्थेषु पराक्रान्तेषु सञ्जय । मामकानां परेषां च किं शिष्टमभवद्बलम् ॥

saṃrabdheṣu ca pārtheṣu parākrānteṣu sañjaya | māmakānāṃ pareṣāṃ ca kiṃ śiṣṭamabhavadbalam

with the Parthas enraged and full of valour, Sanjaya, what force remained of mine and of the enemy?"

Note on the text: Differs slightly from CE 9.7.35 (Wikisource संरब्धेषु च; the CE has susaṃrabdheṣu); recension variant.

Verse 36 (9.7.36)

यथा वयं परे राजन्युद्धाय समुपस्थिताः । यावच्चासीद्बलं शिष्टं सङ्ग्रामे तन्निबोध मे ॥

yathā vayaṃ pare rājanyuddhāya samupasthitāḥ | yāvaccāsīdbalaṃ śiṣṭaṃ saṅgrāme tannibodha me

Hear from me, O king, how we and the enemy stood ready for battle, and how much force was left in the fighting.

Verse 37 (9.7.37)

एकादश सहस्राणि रथानां भरतर्षभ । दश दन्तिसहस्राणि सप्त चैव शतानि च ॥

ekādaśa sahasrāṇi rathānāṃ bharatarṣabha | daśa dantisahasrāṇi sapta caiva śatāni ca

Eleven thousand chariots, O best of the Bharatas, ten thousand elephants and seven hundred more,

Verse 38 (9.7.38)

पूर्णे शतसहस्रे द्वे हयानां तत्र भारत । पत्तिकोट्यस्तथा तिस्रो बलमेतत्तवाभवत् ॥

pūrṇe śatasahasre dve hayānāṃ tatra bhārata | pattikoṭyastathā tisro balametattavābhavat

two hundred thousand horses in full, and three crores of foot-soldiers — this was your force, O Bharata.

Note on the text: Differs from CE 9.7.38 (Wikisource पूर्णे शतसहस्रे द्वे हयानां तत्र भारत, पत्तिकोट्यः; the CE has hayānāṃ bharatarṣabha, narakoṭyaḥ); recension variant.

Verse 39 (9.7.39)

रथानां षट्सहस्राणि षट्सहस्राश्च कुञ्जराः । दश चाश्वसहस्राणि पत्तिकोटी च भारत ॥

rathānāṃ ṣaṭsahasrāṇi ṣaṭsahasrāśca kuñjarāḥ | daśa cāśvasahasrāṇi pattikoṭī ca bhārata

Six thousand chariots, six thousand elephants, ten thousand horses and two crores of foot-soldiers, O Bharata —

Note on the text: Removed a stray zero-width non-joiner inside षट्‌सहस्राणि. The page's own gloss says पत्तिकोटी is a dual, 'two crores'.

Verse 40 (9.7.40)

एतद्बलं पाण्डवानामभवच्छेषमाहवे । एत एव समाजग्मुर्युद्धाय भरतर्षभ ॥

etadbalaṃ pāṇḍavānāmabhavaccheṣamāhave | eta eva samājagmuryuddhāya bharatarṣabha

this was the force left to the Pandavas in the battle; these alone came together to fight, O best of the Bharatas.

Note on the text: Corrected युद्वाय → युद्धाय (misprint in Wikisource; व for ध; the critical edition reads yuddhāya).

Verse 41 (9.7.41)

एवं विभज्य राजेन्द्र मद्रराजमते स्थिताः । पाण्डवान्प्रत्युदीयाम जयगृद्धाः प्रमन्यवः ॥

evaṃ vibhajya rājendra madrarājamate sthitāḥ | pāṇḍavānpratyudīyāma jayagṛddhāḥ pramanyavaḥ

Having divided ourselves thus, O king of kings, we stood by the counsel of the king of Madra and advanced against the Pandavas, eager for victory and full of wrath.

Verse 42 (9.7.42)

तथैव पाण्डवाः शूराः समरे जितकाशिनः । उपयाता नरव्याघ्राः पाञ्चालाश्च यशस्विनः ॥

tathaiva pāṇḍavāḥ śūrāḥ samare jitakāśinaḥ | upayātā naravyāghrāḥ pāñcālāśca yaśasvinaḥ

In the same way the heroic Pandavas, who had exulted in victory in battle, and the glorious Panchalas, tigers among men, advanced.

Note on the text: Removed a stray zero-width joiner inside पाण्‍डवाः (no change to the word).

Verse 43 (9.7.43)

एवमेते बलौघेन परस्परवधैषिणः । उपयाता नरव्याघ्राः पूर्वां सन्ध्यां प्रति प्रभो ॥

evamete balaughena parasparavadhaiṣiṇaḥ | upayātā naravyāghrāḥ pūrvāṃ sandhyāṃ prati prabho

Thus, with their floods of troops, each side wishing to kill the other, those tigers among men advanced, O lord, at the morning twilight.

Verse 44 (9.7.44)

ततः प्रववृते युद्धं घोररूपं भयानकम् । तावकानां परेषां च निघ्नतामितरेतरम् ॥

tataḥ pravavṛte yuddhaṃ ghorarūpaṃ bhayānakam | tāvakānāṃ pareṣāṃ ca nighnatāmitaretaram

Then began a terrible and dreadful battle, as your men and the enemy struck one another.