Kalakavrikshiya Consoles the Fallen Prince of Kosala

Verse 1 (12.104.1)

धार्मिकोऽर्थानसंप्राप्य राजामात्यैः प्रबाधितः । च्युतः कोशाच्च दण्डाच्च सुखमिच्छन्कथं चरेत् ॥

dhārmiko'rthānasaṃprāpya rājāmātyaiḥ prabādhitaḥ | cyutaḥ kośācca daṇḍācca sukhamicchankathaṃ caret

A righteous king who has failed to obtain wealth, has been harassed by his own ministers, and has lost his treasury and his army: how should he live if he wants happiness?

Verse 2 (12.104.2)

अत्रायं क्षेमदर्शीय इतिहासोऽनुगीयते । तत्तेऽह संप्रवक्ष्यामि तन्निबोध युधिष्ठिर ॥

atrāyaṃ kṣemadarśīya itihāso'nugīyate | tatte'ha saṃpravakṣyāmi tannibodha yudhiṣṭhira

On this point the story of Kshemadarshin is recounted. I shall tell it to you; listen to it, Yudhishthira.

Verse 3 (12.104.3)

क्षेमदर्शी नृपसुतो यत्र क्षीणबलः पुरा । मुनिं कालकवृक्षीयमाजगामेति नः श्रुतम् । तं पप्रच्छानुसंगृह्य कृच्छ्रामापदमास्थितः ॥

kṣemadarśī nṛpasuto yatra kṣīṇabalaḥ purā | muniṃ kālakavṛkṣīyamājagāmeti naḥ śrutam | taṃ papracchānusaṃgṛhya kṛcchrāmāpadamāsthitaḥ

We have heard that Kshemadarshin, a king's son whose strength had once been worn away, came to the sage Kalakavrikshiya, and, having embraced his feet, asked him, for he had fallen into dire misfortune.

Note on the text: Corrected आजमाम → आजगाम (misprint in Wikisource; म for ग; CE 12.105.3 has ājagāma). The page has Kshemadarshin (nominative) going to the sage (accusative); the critical edition has the same verb with the sage coming to the prince.

Verse 4 (12.104.4)

अर्थेषु भागी पुरुष ईहमानः पुनः पुनः । अलब्ध्वा मद्विधो राज्यं ब्रह्मन्किं कर्तुमर्हति ॥

artheṣu bhāgī puruṣa īhamānaḥ punaḥ punaḥ | alabdhvā madvidho rājyaṃ brahmankiṃ kartumarhati

A man like me, entitled to a share in wealth, who has striven again and again and has still not won the kingdom: what should he do, brahmin?

Note on the text: Corrected अर्थेषु मागी → अर्थेषु भागी (misprint in Wikisource; म for भ; CE 12.105.4 has bhāgī and the page's own gloss reads भागी भागार्हः).

Verse 5 (12.104.5)

अन्यत्र मरणाद्दैन्यादन्यत्र परसंश्रयात् । क्षुद्रादन्यत्र चाचारात्तन्ममाचक्ष्व सत्तम ॥

anyatra maraṇāddainyādanyatra parasaṃśrayāt | kṣudrādanyatra cācārāttanmamācakṣva sattama

Tell me, best of men, what to do other than dying, other than abject misery, other than taking refuge with others, and other than low conduct.

Verse 6 (12.104.6)

व्याधिना चाभिपन्नस्य मानसेनेतरेण वा । बहुश्रुतः कृतप्रज्ञस्त्वद्विधः शरणं भवेत् ॥

vyādhinā cābhipannasya mānasenetareṇa vā | bahuśrutaḥ kṛtaprajñastvadvidhaḥ śaraṇaṃ bhavet

For a man stricken by sickness of the mind or of the other kind, a learned and discerning man such as you can be a refuge.

Note on the text: Corrected व्याधिनां → व्याधिना (misprint in Wikisource; the ending is wrong; CE 12.105.6 has vyādhinā).

Verse 7 (12.104.7)

निर्विद्य हि नरः कामान्नियम्य सुखमेधते । त्यक्त्वा प्रीतिं च शोकं च लब्ध्वा बुद्धिमयं वसु ॥

nirvidya hi naraḥ kāmānniyamya sukhamedhate | tyaktvā prītiṃ ca śokaṃ ca labdhvā buddhimayaṃ vasu

A man who turns away from desires and restrains himself prospers in happiness, having given up affection and grief and gained the wealth that is wisdom.

Note on the text: Corrected त्वक्त्वा → त्यक्त्वा (misprint in Wikisource; the conjunct त्य is broken; CE 12.105.7 has tyaktvā).

Verse 8 (12.104.8)

सुखमर्थाश्रयं येषामनुशोचामि तानहम् । मम ह्यर्थाः सुबहवो नष्टाः स्वप्नगता इव ॥

sukhamarthāśrayaṃ yeṣāmanuśocāmi tānaham | mama hyarthāḥ subahavo naṣṭāḥ svapnagatā iva

I grieve for those whose happiness rests on wealth; for my many riches have vanished like things seen in a dream.

Verse 9 (12.104.9)

दुष्करं बत कुर्वन्ति महतोऽर्थांस्त्यजन्ति ये । वयं त्वेतान्परित्यक्तुमसतोऽपि न शक्नुमः ॥

duṣkaraṃ bata kurvanti mahato'rthāṃstyajanti ye | vayaṃ tvetānparityaktumasato'pi na śaknumaḥ

Hard indeed is what they do who give up great riches; but we cannot abandon even these worthless possessions.

Verse 10 (12.104.10)

इमामवस्थां संप्राप्तं दीनमार्तं श्रिया च्युतम् । यदन्यत्सुखमस्तीह तद्ब्रह्मन्ननुशाधि माम् ॥

imāmavasthāṃ saṃprāptaṃ dīnamārtaṃ śriyā cyutam | yadanyatsukhamastīha tadbrahmannanuśādhi mām

Now that I have come to this state, wretched, afflicted and fallen from fortune, teach me, brahmin, whatever other happiness there is here.

Verse 11 (12.104.11)

कौसल्येनैवमुक्तस्तु राजपुत्रेण धीमता । मुनिः कालकवृक्षीयः प्रत्युवाच महाद्युतिः ॥

kausalyenaivamuktastu rājaputreṇa dhīmatā | muniḥ kālakavṛkṣīyaḥ pratyuvāca mahādyutiḥ

Thus addressed by the wise prince of Kosala, the sage Kalakavrikshiya, of great splendour, replied.

Verse 12 (12.104.12)

पुरस्तादेव ते बुद्धिरियं कार्या विजानतः । अनित्यं सर्वमेवैतदहं च मम चास्ति यत् ॥

purastādeva te buddhiriyaṃ kāryā vijānataḥ | anityaṃ sarvamevaitadahaṃ ca mama cāsti yat

You, who understand, should have made up your mind long ago on this: all this is impermanent, I and whatever is mine.

Verse 13 (12.104.13)

यत्किंचिन्मन्यसेऽस्तीति सर्वं नास्तीति विद्धि तत् । एवं न व्यथते प्राज्ञः कृच्छ्रामप्यापदं गतः ॥

yatkiṃcinmanyase'stīti sarvaṃ nāstīti viddhi tat | evaṃ na vyathate prājñaḥ kṛcchrāmapyāpadaṃ gataḥ

Whatever you think exists, know that all of it does not exist. Thus a wise man is not shaken even when he has fallen into dire misfortune.

Verse 14 (12.104.14)

यद्धि भूतं भविष्यच्च ध्रुवं तन्न भविष्यति । एवं विदितवेद्यस्त्वमनर्थेभ्यः प्रमोक्ष्यसे ॥

yaddhi bhūtaṃ bhaviṣyacca dhruvaṃ tanna bhaviṣyati | evaṃ viditavedyastvamanarthebhyaḥ pramokṣyase

What has been and what will be will surely not endure. Knowing thus what is to be known, you will be freed from misfortunes.

Verse 15 (12.104.15)

ये च पूर्वसमारम्भा ये च पूर्वतरे परे । सर्वं नास्तीति ते चैव तज्ज्ञात्वा को नु संज्वरेत् ॥

ye ca pūrvasamārambhā ye ca pūrvatare pare | sarvaṃ nāstīti te caiva tajjñātvā ko nu saṃjvaret

Both the undertakings of former times and those of times yet earlier, and those of others besides: all of that is no more, and so are they. Knowing this, who would be consumed with grief?

Verse 16 (12.104.16)

भूत्वा च न भवत्येतदभूत्वा च भविष्यति । शोके न ह्यस्ति सामर्थ्यं शोचेत स कथं नरः ॥

bhūtvā ca na bhavatyetadabhūtvā ca bhaviṣyati | śoke na hyasti sāmarthyaṃ śoceta sa kathaṃ naraḥ

This, having been, ceases to be; having not been, it will come to be. Grief has no power to change it; how then should a man grieve?

Verse 17 (12.104.17)

क्वनु तेऽद्य पिता राजन्क्वनु तेऽद्य पितामहः । न त्वं पश्यसि तानद्य न त्वां पश्यन्ति तेऽपि वा ॥

kvanu te'dya pitā rājankvanu te'dya pitāmahaḥ | na tvaṃ paśyasi tānadya na tvāṃ paśyanti te'pi vā

Where now is your father, O king? Where now is your grandfather? You do not see them now, and they do not see you.

Verse 18 (12.104.18)

आत्मनोऽध्रुवतां पश्यंस्तांस्त्वं किमनुशोचसि । बुद्ध्या चैवानुबुद्ध्यस्व ध्रुवं हि न च विद्यते ॥

ātmano'dhruvatāṃ paśyaṃstāṃstvaṃ kimanuśocasi | buddhyā caivānubuddhyasva dhruvaṃ hi na ca vidyate

Seeing your own impermanence, why do you grieve for them? Understand with your intellect that nothing at all is lasting.

Verse 19 (12.104.19)

अहं च त्वं च नृपते सुहृदः शत्रवश्च ते । अवश्यं न भविष्यामः सर्वं च न भविष्यति ॥

ahaṃ ca tvaṃ ca nṛpate suhṛdaḥ śatravaśca te | avaśyaṃ na bhaviṣyāmaḥ sarvaṃ ca na bhaviṣyati

You and I, O king, your friends and your foes: we shall certainly cease to be, and everything will cease to be.

Verse 20 (12.104.20)

ये तु विंशतिवर्षा वै त्रिंशद्वर्षाश्च मानवाः । अर्वागेव हि ते सर्वे मरिष्यन्ति शरच्छतात् ॥

ye tu viṃśativarṣā vai triṃśadvarṣāśca mānavāḥ | arvāgeva hi te sarve mariṣyanti śaracchatāt

Men who are twenty or thirty years old will all die before the end of a hundred autumns.

Verse 21 (12.104.21)

अपि चेन्महतो वित्तान्न प्रमुच्यते पूरुषः । नैतन्ममेति तन्मत्वा कुर्वीत प्रियमात्मनः ॥

api cenmahato vittānna pramucyate pūruṣaḥ | naitanmameti tanmatvā kurvīta priyamātmanaḥ

Even if a man cannot free himself from great wealth, let him think 'this is not mine' and do what is good for himself.

Verse 22 (12.104.22)

अनागतं यन्न ममेति विद्या । दतिक्रान्तं यन्न ममेति विद्यात् । दिष्टं बलीय इति मन्यमाना । स्ते पण्डितास्तत्सतां वृत्तिमाहुः ॥

anāgataṃ yanna mameti vidyā | datikrāntaṃ yanna mameti vidyāt | diṣṭaṃ balīya iti manyamānā | ste paṇḍitāstatsatāṃ vṛttimāhuḥ

Those wise men who know that what is yet to come is not theirs and what has passed is not theirs, and who hold that destiny is stronger, they call that the way of the good.

Verse 23 (12.104.23)

अनाढ्याश्चापि जीवन्ति राज्यं चाप्यनुशासते । बुद्धिपौरुषसंपन्नास्त्वया तुल्याधिका जनाः ॥

anāḍhyāścāpi jīvanti rājyaṃ cāpyanuśāsate | buddhipauruṣasaṃpannāstvayā tulyādhikā janāḥ

Men without wealth also live, and some even rule a kingdom; endowed with intellect and manliness, they are your equals or better.

Verse 24 (12.104.24)

न च त्वमिव शोचन्ति तस्मात्त्वमपि मा शुचः । किं न त्वं तैर्नरैः श्रेयांस्तुल्यो वा बुद्धिपौरुषैः ॥

na ca tvamiva śocanti tasmāttvamapi mā śucaḥ | kiṃ na tvaṃ tairnaraiḥ śreyāṃstulyo vā buddhipauruṣaiḥ

They do not grieve as you do; so you too must not grieve. Are you not better than those men, or at least equal to them in wit and manliness?

Verse 25 (12.104.25)

यादृच्छिकं सर्वमासीत्तद्राज्यमिति चिन्तये । ह्रियते सर्वमेवेदं कालेन महता द्विज ॥

yādṛcchikaṃ sarvamāsīttadrājyamiti cintaye | hriyate sarvamevedaṃ kālena mahatā dvija

I think that the whole of that kingdom came to me by chance. All this is being carried off by great Time, brahmin.

Verse 26 (12.104.26)

तस्यैव ह्रियमाणस्य स्रोतसेव तपोधन । फलमेतत्प्रपश्यामि यथालब्धेन वर्तयन् ॥

tasyaiva hriyamāṇasya srotaseva tapodhana | phalametatprapaśyāmi yathālabdhena vartayan

As that kingdom was swept away, as if by a current, O sage rich in austerity, this is the fruit I now see of it: that I live on whatever I come by.

Verse 27 (12.104.27)

अनागतमतीतं च याथातथ्यविनिश्चयात् । नानुशोचेत कौसल्य सर्वार्थेषु तथा भव ॥

anāgatamatītaṃ ca yāthātathyaviniścayāt | nānuśoceta kausalya sarvārtheṣu tathā bhava

Having rightly ascertained that the future and the past are as they are, one should not grieve, Kausalya; be so in all matters.

Verse 28 (12.104.28)

अवाप्यान्कामयन्नर्थान्नानवाप्यान्कदाचन । प्रत्युत्पन्नाननुभवन्मा शुचस्त्वमनागतान् ॥

avāpyānkāmayannarthānnānavāpyānkadācana | pratyutpannānanubhavanmā śucastvamanāgatān

Desire things that can be obtained, never what cannot be; enjoy what is at hand, and do not grieve over what is yet to come.

Verse 29 (12.104.29)

यथालब्धोपपन्नार्थैस्तथा कौसल्य रंस्यसे । कच्चिच्छुद्धस्वभावेन श्रिया हीनो न शोचसि ॥

yathālabdhopapannārthaistathā kausalya raṃsyase | kaccicchuddhasvabhāvena śriyā hīno na śocasi

You will find your delight, Kausalya, in whatever things come to you. But tell me, do you who have lost fortune really not grieve, out of purity of nature?

Verse 30 (12.104.30)

पुरस्ताद्भूतपूर्वत्वाद्धीनभोग्यो हि दुर्मतिः । धातारं गर्हते नित्यं लब्धार्थश्च न मृष्यते ॥

purastādbhūtapūrvatvāddhīnabhogyo hi durmatiḥ | dhātāraṃ garhate nityaṃ labdhārthaśca na mṛṣyate

An ill-minded man who enjoyed fortune before and is now deprived of enjoyment always blames the Ordainer, and cannot bear those who have gained wealth.

Verse 31 (12.104.31)

अनर्हानपि चैवान्यान्मन्यते श्रीमतो जनान् । एतस्मात्कारणादेतद्दुःखं भूयोऽनुवर्तते ॥

anarhānapi caivānyānmanyate śrīmato janān | etasmātkāraṇādetadduḥkhaṃ bhūyo'nuvartate

He thinks others fortunate even when they do not deserve it. For this reason this sorrow keeps coming back.

Verse 32 (12.104.32)

ईर्ष्याभिमानसंपन्ना राजन्पुरुषमानिनः । कच्चित्त्वं न तथा प्राज्ञ मत्सरी कोसलाधिप ॥

īrṣyābhimānasaṃpannā rājanpuruṣamāninaḥ | kaccittvaṃ na tathā prājña matsarī kosalādhipa

Men full of envy and pride, O king, think themselves great men. I hope you are not so grudging, O wise lord of the Kosalas.

Verse 33 (12.104.33)

सहस्व श्रियमन्येषां यद्यपि त्वयि नास्ति सा । अन्यत्रापि सतीं लक्ष्मीं कुशला भुञ्जते नराः । अभिनिष्यन्दते देही श्रीभूतश्च द्विषज्जनात् ॥

sahasva śriyamanyeṣāṃ yadyapi tvayi nāsti sā | anyatrāpi satīṃ lakṣmīṃ kuśalā bhuñjate narāḥ | abhiniṣyandate dehī śrībhūtaśca dviṣajjanāt

Put up with the prosperity of others, even though you have none of your own. The able, free of envy, enjoy fortune even when it lies with another, and the embodied man who has become prosperous draws it out even from his enemies.

Verse 34 (12.104.34)

श्रियं च पुत्रपौत्रं च मनुष्या धर्मचारिणः । त्यागधर्मविदो धीराः स्वयमेव त्यजन्त्युत ॥

śriyaṃ ca putrapautraṃ ca manuṣyā dharmacāriṇaḥ | tyāgadharmavido dhīrāḥ svayameva tyajantyuta

Men who walk in dharma, who know the dharma of renunciation and are steadfast, themselves give up wealth and sons and grandsons.

Verse 35 (12.104.35)

त्यक्तं स्वायंभुवे वंशे शुभेन भरतेन च । नानारत्नसमाकीर्णं राज्यं स्फीतमिति श्रुतम् ॥

tyaktaṃ svāyaṃbhuve vaṃśe śubhena bharatena ca | nānāratnasamākīrṇaṃ rājyaṃ sphītamiti śrutam

It is heard that in the line of Svayambhuva, and by the auspicious Bharata, a flourishing kingdom strewn with jewels of every kind was given up.

Note on the text: Removed stray wiki marks (backquotes and quote marks printed around lines on the page). Not in the critical edition's constituted text (found in the vulgate recension); the critical edition records it as the star passage 12.105.034d*0243 (lines 01-02).

Verse 36 (12.104.36)

तथाऽन्यैर्भूमिपालैश्च त्यक्तं राज्यं महोदयम् । त्यक्त्वा राज्यानि ते सर्वे वने वन्यफलाशिनः । गताश्च तपसः पारं दुःखस्यान्तं च भूमिपाः ॥

tathā'nyairbhūmipālaiśca tyaktaṃ rājyaṃ mahodayam | tyaktvā rājyāni te sarve vane vanyaphalāśinaḥ | gatāśca tapasaḥ pāraṃ duḥkhasyāntaṃ ca bhūmipāḥ

Other kings likewise gave up their prosperous kingdoms. Having left their realms, all of them lived in the forest on wild fruits, and those kings reached the far shore of austerity and the end of sorrow.

Note on the text: Corrected भूमिपा ॥ → भूमिपाः ॥ (misprint in Wikisource; the visarga is dropped; CE 12.105.034d*0243_05 has bhūmipāḥ). Not in the critical edition's constituted text (found in the vulgate recension); the critical edition records it as the star passage 12.105.034d*0243 (lines 03-05).

Verse 37 (12.104.37)

बहुसंकुसुकं दृष्ट्वा विधित्सासाधनेन च । तथान्ये संत्यजन्त्येव मत्वा परमदुर्लभम् ॥

bahusaṃkusukaṃ dṛṣṭvā vidhitsāsādhanena ca | tathānye saṃtyajantyeva matvā paramadurlabham

Seeing it to be thoroughly unstable, because of the endless urge to act and the means it demands, others likewise give it up, judging the highest good most hard to win.

Verse 38 (12.104.38)

त्वं पुनः प्राज्ञरूपः सन्कृपणं परितप्यसे । अकाम्यान्कामयानोऽर्थान्पराधीनानुपद्रवान् ॥

tvaṃ punaḥ prājñarūpaḥ sankṛpaṇaṃ paritapyase | akāmyānkāmayāno'rthānparādhīnānupadravān

But you, though wise in appearance, grieve like a wretch, desiring undesirable things that depend on others and are full of calamities.

Verse 39 (12.104.39)

तां बुद्धिमनुविज्ञाय त्वमेवैनान्परित्यज । अनर्थाश्चार्थरूपेण ह्यर्थाश्चानर्थरूपिणः ॥

tāṃ buddhimanuvijñāya tvamevainānparityaja | anarthāścārtharūpeṇa hyarthāścānartharūpiṇaḥ

Understanding that insight, give them up yourself: misfortunes appear in the form of riches, and riches in the form of misfortunes.

Verse 40 (12.104.40)

अर्थायैव हि केषांचिद्धननाशा भवन्त्युत । अनित्यं तत्सुखं मत्वा श्रियमन्ये न लिप्सते ॥

arthāyaiva hi keṣāṃciddhananāśā bhavantyuta | anityaṃ tatsukhaṃ matvā śriyamanye na lipsate

For some, the loss of wealth comes about precisely for the sake of wealth. Judging that happiness impermanent, another does not seek prosperity.

Verse 41 (12.104.41)

रममाणः श्रिया कश्चिन्नान्यच्छ्रेयोऽभिमन्यते । तथा तस्येहमानस्य संरम्भोऽपि विनश्यति ॥

ramamāṇaḥ śriyā kaścinnānyacchreyo'bhimanyate | tathā tasyehamānasya saṃrambho'pi vinaśyati

One who delights in prosperity thinks nothing else better; and so even the energy of such a striving man perishes.

Verse 42 (12.104.42)

कृच्छ्राल्लब्धमभिप्रेतं यथा कौसल्य नश्यति । तदा निर्विद्यते सोऽर्थात्परिभग्नक्रमो नरः ॥

kṛcchrāllabdhamabhipretaṃ yathā kausalya naśyati | tadā nirvidyate so'rthātparibhagnakramo naraḥ

When something longed for and won with hardship is lost, Kausalya, the man whose course has been shattered turns away from wealth in disgust.

Verse 43 (12.104.43)

अनित्यां तां श्रियं मत्वा श्रियं वा कः परीप्सति ॥

anityāṃ tāṃ śriyaṃ matvā śriyaṃ vā kaḥ parīpsati

Taking that fortune to be impermanent, who would seek fortune?

Note on the text: Removed stray wiki marks (backquotes and quote marks printed around lines on the page). Not in the critical edition's constituted text (found in the vulgate recension); the critical edition records it as the star passage 12.105.040d*0244 (line 01).

Verse 44 (12.104.44)

धर्ममेकेऽभिपद्यन्ते कल्याणाभिजना नराः । परत्र सुखमिच्छन्तो निर्विद्येयुश्च लौकिकात् ॥

dharmameke'bhipadyante kalyāṇābhijanā narāḥ | paratra sukhamicchanto nirvidyeyuśca laukikāt

Some men of good family turn to dharma, wishing for happiness in the other world and becoming disenchanted with worldly things.

Verse 45 (12.104.45)

जीवितं संत्यजन्त्येके धनलोभपरा नराः । न जीवितार्थं मन्यन्ते पुरुषा हि धनादृते ॥

jīvitaṃ saṃtyajantyeke dhanalobhaparā narāḥ | na jīvitārthaṃ manyante puruṣā hi dhanādṛte

Some men, set on greed for wealth, even throw away their lives; for men without wealth, they think, life has no purpose.

Verse 46 (12.104.46)

पश्य चैषां कृपणतां पश्य चैषामबुद्धिताम् । अध्रुवे जीविते मोहादर्थतृष्णामुपाश्रिताः ॥

paśya caiṣāṃ kṛpaṇatāṃ paśya caiṣāmabuddhitām | adhruve jīvite mohādarthatṛṣṇāmupāśritāḥ

See their wretchedness and see their folly: in this unstable life they cling, in delusion, to the thirst for wealth.

Verse 47 (12.104.47)

संचये च विनाशान्ते मरणान्ते च जीविते । संयोगे च वियोगान्ते कोनु विप्रणयेन्मनः ॥

saṃcaye ca vināśānte maraṇānte ca jīvite | saṃyoge ca viyogānte konu vipraṇayenmanaḥ

Gathering ends in destruction, life ends in death, union ends in separation; who then would set his mind on them?

Verse 48 (12.104.48)

धनं वा पुरुषो राजन्पुरुषं वा पुनर्धनम् । अवश्यं प्रजहात्येव तद्विद्वान्कोनु संज्वरेत् ॥

dhanaṃ vā puruṣo rājanpuruṣaṃ vā punardhanam | avaśyaṃ prajahātyeva tadvidvānkonu saṃjvaret

Wealth will leave a man, or the man will leave wealth, without fail; knowing this, what wise man would burn with grief?

Verse 49 (12.104.49)

अन्यत्रोपनता ह्यापत्पुरुषं तोषयत्युत । तेन शान्तिं न लभते नाहमेवेति कारणात् ॥

anyatropanatā hyāpatpuruṣaṃ toṣayatyuta | tena śāntiṃ na labhate nāhameveti kāraṇāt

A calamity that has befallen another comforts a man; but he does not find peace by that, since the thought 'it is not I alone' is his only ground.

Note on the text: Removed stray wiki marks (backquotes and quote marks printed around lines on the page). Not in the critical edition's constituted text (found in the vulgate recension); the critical edition records it as the star passage 12.105.045d*0245 (lines 01-02).

Verse 50 (12.104.50)

अन्येषामपि नश्यन्ति सुहृदश्च धनानि च । पश्य बुद्ध्या मनुष्याणां तुल्यामापदमात्मनः । नियच्छ यच्छ संयच्छ इन्द्रियाणि मनस्तथा ॥

anyeṣāmapi naśyanti suhṛdaśca dhanāni ca | paśya buddhyā manuṣyāṇāṃ tulyāmāpadamātmanaḥ | niyaccha yaccha saṃyaccha indriyāṇi manastathā

Others too lose their friends and their riches. See with your mind that the calamity is the same for other men as for yourself. Restrain, curb and hold in check your senses and likewise your mind.

Verse 51 (12.104.51)

प्रतिषेद्धा न चाप्येषु दुर्बलेष्वहितेषु च ॥

pratiṣeddhā na cāpyeṣu durbaleṣvahiteṣu ca

Be one who holds himself back from these things, which are feeble and do harm.

Note on the text: Wikisource's line 51a and lines 52a-52b together correspond to the critical edition's three-line verse 12.105.47 (47a, 47c, 47e), worded differently in places.

Verse 52 (12.104.52)

प्राप्तिसृष्टेषु भावेषु व्यपकृष्टेष्वसंभवे । प्रज्ञानतृप्तो विक्रान्तस्त्वद्विधो नानुशोचति ॥

prāptisṛṣṭeṣu bhāveṣu vyapakṛṣṭeṣvasaṃbhave | prajñānatṛpto vikrāntastvadvidho nānuśocati

When conditions have been dealt out by what one has obtained, when they have been withdrawn, and there is no prospect of regaining them, a man like you, content in wisdom and valiant, does not grieve.

Note on the text: Together with the previous verse, corresponds to the critical edition's verse 12.105.47 (lines 47c and 47e).

Verse 53 (12.104.53)

अल्पमिच्छन्नचपलो मृदुर्दान्तः सुसंस्थितः । ब्रह्मचर्योपपन्नश्च त्वद्विधो नैव मुह्यति ॥

alpamicchannacapalo mṛdurdāntaḥ susaṃsthitaḥ | brahmacaryopapannaśca tvadvidho naiva muhyati

A man like you, who wants little, is steady, gentle and self-controlled, well established and endowed with the discipline of continence, is never bewildered.

Verse 54 (12.104.54)

न त्वेव जाल्मीं कापालीं वृत्तिमेषितुमर्हसि । नृशंसवृत्तिं पापिष्ठां दुःखां कापुरुषोचिताम् ॥

na tveva jālmīṃ kāpālīṃ vṛttimeṣitumarhasi | nṛśaṃsavṛttiṃ pāpiṣṭhāṃ duḥkhāṃ kāpuruṣocitām

You should never seek a wretched, beggar's way of life, cruel, sinful, painful and fit only for the base.

Verse 55 (12.104.55)

अपि मूलफलाहारो रमस्वैको महावने । वाग्यतः संगृहीतात्मा सर्वभूतदयान्वितः ॥

api mūlaphalāhāro ramasvaiko mahāvane | vāgyataḥ saṃgṛhītātmā sarvabhūtadayānvitaḥ

Rather, living on roots and fruits, delight in being alone in the great forest, silent, with your self collected and kind to all beings.

Verse 56 (12.104.56)

सदृशं पण्डितस्यैतदीषादन्तेन हस्तिना । यदेको रमतेऽरण्ये यच्चाप्यल्पेन तुष्यति ॥

sadṛśaṃ paṇḍitasyaitadīṣādantena hastinā | yadeko ramate'raṇye yaccāpyalpena tuṣyati

This is fitting for a wise man, as a tusked elephant is fitting in the forest: that he delights in the woods alone and is content with little.

Verse 57 (12.104.57)

महाह्रदः संक्षुभित आत्मनैव प्रसीदति । एवं नरः स्वात्मनैव कृतप्रज्ञः प्रसीदति ॥

mahāhradaḥ saṃkṣubhita ātmanaiva prasīdati | evaṃ naraḥ svātmanaiva kṛtaprajñaḥ prasīdati

A great lake, when stirred up, becomes clear again of itself. In just the same way a man of settled wisdom becomes serene by his own self.

Note on the text: Corrected स्वत्मानैव → स्वात्मनैव (misprint in Wikisource; the letters are transposed; the sense is 'by his own self', as in CE 12.105.052b*0246_01 ātmanaiva). Removed stray wiki marks (backquotes and quote marks printed around lines on the page). Line 1 is the critical edition's 12.105.52a; line 2 (printed between marks on the page) is its star passage 12.105.052b*0246_01.

Verse 58 (12.104.58)

एतदेवं गतस्याहं सुखं पश्यामि केवलम् । असंभवे श्रियो राजन्हीनस्य सचिवादिभिः । दैवे प्रतिनिविष्टे च किं श्रेयो मन्यते भवान् ॥

etadevaṃ gatasyāhaṃ sukhaṃ paśyāmi kevalam | asaṃbhave śriyo rājanhīnasya sacivādibhiḥ | daive pratiniviṣṭe ca kiṃ śreyo manyate bhavān

For one who has come to this, I see only happiness. Now, O king, with prosperity out of reach, you being bereft of ministers and the rest, and fate set against you, what do you yourself think best?

Note on the text: Line 1 is the critical edition's 12.105.52c; lines 2-3 are its verse 12.105.53 (53a, 53c).