Sahadeva: Renounce the Sense of Mine, Not the World

Verse 1 (12.13.1)

न बाह्यं द्रव्यमुत्सृज्य सिद्धिर्भवति भारत । शारीरं द्रव्यमुत्सृज्य सिद्धिर्भवति वा न वा ॥

na bāhyaṃ dravyamutsṛjya siddhirbhavati bhārata | śārīraṃ dravyamutsṛjya siddhirbhavati vā na vā

Perfection does not come, O Bharata, from giving up outer possessions; from giving up bodily ones, perfection may come or may not.

Verse 2 (12.13.2)

बाह्यद्रव्यविमुक्तस्य शारीरेष्वनुगृध्यतः । यो धर्मो यत्सुखं वा स्याद्द्विषतां तत्तथाऽस्तु नः ॥

bāhyadravyavimuktasya śārīreṣvanugṛdhyataḥ | yo dharmo yatsukhaṃ vā syāddviṣatāṃ tattathā'stu naḥ

For one who is free of outer possessions yet clings to bodily ones, whatever dharma or happiness there may be, let that be our enemies' lot; so be it for us.

Verse 3 (12.13.3)

शारीरं द्रव्यमुत्सृज्य पृथिवीमनुशासतः । यो धर्मो यत्सुखं वा स्यात्सुहृदां तत्तथाऽस्तु नः ॥

śārīraṃ dravyamutsṛjya pṛthivīmanuśāsataḥ | yo dharmo yatsukhaṃ vā syātsuhṛdāṃ tattathā'stu naḥ

For one who has given up bodily things and rules the earth, whatever dharma or happiness there may be, let that be our friends' lot; so be it for us.

Note on the text: Separated शारीरंद्रव्य → शारीरं द्रव्य (the page prints the two words run together; CE śārīraṃ dravyam).

Verse 4 (12.13.4)

द्व्यक्षरस्तु भवेन्मृत्युस्त्र्यक्षरं ब्रह्म शाश्वतम् । ममेति द्व्यक्षरो मृत्युर्न ममेति च शाश्वतम् ॥

dvyakṣarastu bhavenmṛtyustryakṣaraṃ brahma śāśvatam | mameti dvyakṣaro mṛtyurna mameti ca śāśvatam

Death is of two syllables, and eternal Brahman of three. "Mine" is the two-syllabled death, and "not mine" is the eternal.

Note on the text: Corrected मृत्युरुयक्षरं → मृत्युस्त्र्यक्षरं (misprint in Wikisource; garbled conjunct; the critical edition reads mṛtyus tryakṣaraṃ brahma śāśvatam). Line 2 is a variant of CE 12.13.4c (CE mameti ca bhaven mṛtyur na mameti ca śāśvatam).

Verse 5 (12.13.5)

ब्रह्ममृत्यू ततो राजन्नात्मन्येव समाश्रितौ । अदृश्यमानौ भूतानि योजयेतामसंशयम् ॥

brahmamṛtyū tato rājannātmanyeva samāśritau | adṛśyamānau bhūtāni yojayetāmasaṃśayam

Brahman and death, O king, both dwell in the self alone; unseen, they set living beings to work upon one another, without doubt.

Verse 6 (12.13.6)

अविनाशोऽस्य सत्वस्य नियतो यदि भारत । हित्वा शरीरं भूतानां न हिंसा प्रतिपत्स्यते ॥

avināśo'sya satvasya niyato yadi bhārata | hitvā śarīraṃ bhūtānāṃ na hiṃsā pratipatsyate

If the indestructibility of this inner being were fixed, O Bharata, then in leaving the body of living creatures no harm would be incurred.

Verse 7 (12.13.7)

अथापि च सहोत्पत्तिः सत्वस्य प्रलयस्तथा । नष्टे शरीरे नष्टः स्याद्वृथा च स्यात्क्रियापथः ॥

athāpi ca sahotpattiḥ satvasya pralayastathā | naṣṭe śarīre naṣṭaḥ syādvṛthā ca syātkriyāpathaḥ

But if the being arises and dissolves together with the body, then when the body is destroyed it too would perish, and the path of ritual action would be in vain.

Verse 8 (12.13.8)

तस्मादेकान्तमुत्सृज्य पूर्वैः पूर्वतरैश्च यः । पन्था निषेवितः सद्भिः स निषेव्यो विजानता ॥

tasmādekāntamutsṛjya pūrvaiḥ pūrvataraiśca yaḥ | panthā niṣevitaḥ sadbhiḥ sa niṣevyo vijānatā

Therefore, setting aside the one-sided view, the path followed by good men, by those before and long before, is the one a wise man should follow.

Verse 9 (12.13.9)

स्वायंभुवेन मनुना तथाऽन्यैश्चक्रवर्तिभिः । यद्ययं ह्यधमः पन्थाः कस्मात्तैस्तैर्निषेवितः ॥

svāyaṃbhuvena manunā tathā'nyaiścakravartibhiḥ | yadyayaṃ hyadhamaḥ panthāḥ kasmāttaistairniṣevitaḥ

By Svayambhuva Manu and by other emperors too, if this path is base, why was it followed by them?

Note on the text: Corrected श्तक्रवर्तिभिः → श्चक्रवर्तिभिः (misprint in Wikisource; त for च; CE star passage reads cakravartibhiḥ) and removed a stray backtick opening the passage. Lines 1-2 = CE star passage 12.13.8d*0013_01-02 (svāyaṃbhuvena manunā tathānyaiś cakravartibhiḥ / yady ayaṃ hy adhamaḥ panthāḥ kasmāt tais tair niṣevitaḥ), which the CE does not include in its constituted text; the alignment found no match.

Verse 10 (12.13.10)

कृतत्रेतादियुक्तानि गुणवन्ति च भारत । युगानि बहुशस्तैश्च भुक्तेयमवनी नृप ॥

kṛtatretādiyuktāni guṇavanti ca bhārata | yugāni bahuśastaiśca bhukteyamavanī nṛpa

In the Krita, Treta and other ages, rich in virtues, O Bharata, this earth was enjoyed many times by them, O king.

Note on the text: Removed a stray quote mark (') printed after the verse-end mark, which closes the backtick-opened passage. Lines 1-2 = CE star passage 12.13.8d*0013_03-04 (kṛtatretādiyuktāni guṇavanti ca bhārata / yugāni bahuśas taiś ca bhukteyam avanir nṛpa), not in the CE's constituted text; the alignment found no match.

Verse 11 (12.13.11)

लब्ध्वाऽपि पृथिवीं कृत्स्नां सहस्थावरजङ्गमाम् । न भुङ्क्ते यो नृपः सम्यक्किंफलं तस्य जीविते ॥

labdhvā'pi pṛthivīṃ kṛtsnāṃ sahasthāvarajaṅgamām | na bhuṅkte yo nṛpaḥ samyakkiṃphalaṃ tasya jīvite

Even having won the entire earth with all its moving and unmoving things, the king who does not enjoy it fully, what fruit has his life?

Verse 12 (12.13.12)

अथवा वसतो राजन्वने वन्येन जीवतः । द्रव्येषु यस्य ममता मृत्योरास्ये स वर्तते ॥

athavā vasato rājanvane vanyena jīvataḥ | dravyeṣu yasya mamatā mṛtyorāsye sa vartate

Or one who lives in the forest, subsisting on forest fare, O king, if he has attachment to possessions, is in the mouth of death.

Verse 13 (12.13.13)

बाह्यान्तराणां भूतानां स्वभावं पश्य भारत । ये तु पश्यन्ति तद्भूतं मुच्यन्ते ते महाभयात् ॥

bāhyāntarāṇāṃ bhūtānāṃ svabhāvaṃ paśya bhārata | ye tu paśyanti tadbhūtaṃ mucyante te mahābhayāt

Look at the own-nature of beings, outer and inner, O Bharata; those who see that state of being are freed from the great fear.

Verse 14 (12.13.14)

भवान्पिता भवान्माता भवान्भ्राता भवान्गुरुः । दुःखप्रलापानार्तस्य तन्मे त्वं क्षन्तुमर्हसि ॥

bhavānpitā bhavānmātā bhavānbhrātā bhavānguruḥ | duḥkhapralāpānārtasya tanme tvaṃ kṣantumarhasi

You are my father, my mother, my brother and my teacher; for my cries of pain, tormented as I am, you should forgive me.

Verse 15 (12.13.15)

तथ्यं वा यदि वाऽतथ्यं यन्मयैतत्प्रभाषितम् । तद्विद्धि पृथिवीपाल भक्त्या भरतसत्तम ॥

tathyaṃ vā yadi vā'tathyaṃ yanmayaitatprabhāṣitam | tadviddhi pṛthivīpāla bhaktyā bharatasattama

Whether true or untrue, what I have said, know it, O protector of the earth, as spoken in devotion, best of the Bharatas.

Note on the text: Corrected तद्विद्वि → तद्विद्धि (misprint in Wikisource; dropped conjunct, imperative of vid; CE viddhi).