Senajit's Grief and the Song of Pingala

Verse 1 (12.173.1)

धर्माः पितामहेनोक्ता राजधर्माश्रिताः शुभाः । धर्ममाश्रमिणां श्रेष्ठं वक्तुमर्हसि सत्तम ॥

dharmāḥ pitāmahenoktā rājadharmāśritāḥ śubhāḥ | dharmamāśramiṇāṃ śreṣṭhaṃ vaktumarhasi sattama

Grandfather, you have taught the auspicious duties that rest on kingship. Now, best of men, tell me the highest dharma for those in the stages of life.

Verse 2 (12.173.2)

सर्वत्र विहितो धर्मः स्वर्ग्यः सत्यफलोदयः । बहुद्वारस्य धर्मस्य नेहास्ति विफला क्रिया ॥

sarvatra vihito dharmaḥ svargyaḥ satyaphalodayaḥ | bahudvārasya dharmasya nehāsti viphalā kriyā

Dharma is prescribed in every case; it leads to heaven and its fruit is sure to come. Dharma has many doors, and no act of it is fruitless here.

Verse 3 (12.173.3)

यस्मिन्यस्मिंस्तु विषये योयो याति विनिश्चयम् । स तमेवाभिजानाति नान्यं भरतसत्तम ॥

yasminyasmiṃstu viṣaye yoyo yāti viniścayam | sa tamevābhijānāti nānyaṃ bharatasattama

In whatever sphere a person comes to a settled conviction, that alone he knows, and no other, O best of the Bharatas.

Note on the text: Corrected भरतसत्तम् → भरतसत्तम (vocative; stray halant).

Verse 4 (12.173.4)

यथायथा च पर्येति लोकतन्त्रमसारवत् । तथातथा विरागोऽत्र जायते नात्र संशयः ॥

yathāyathā ca paryeti lokatantramasāravat | tathātathā virāgo'tra jāyate nātra saṃśayaḥ

The more one sees how hollow the workings of the world are, the more detachment arises, without doubt.

Verse 5 (12.173.5)

एवं व्यवसिते लोके बहुदोषे युधिष्ठिर । आत्ममोक्षनिमित्तं वै यतेत मतिमान्नरः ॥

evaṃ vyavasite loke bahudoṣe yudhiṣṭhira | ātmamokṣanimittaṃ vai yateta matimānnaraḥ

Since the world is thus established and full of faults, O Yudhishthira, a wise man should strive for his own liberation.

Verse 6 (12.173.6)

नष्टे धने वा दारे वा पुत्रे पितरि वा मृते । यया बुद्ध्या नुदेच्छोकं तन्मे ब्रूहि पितामह ॥

naṣṭe dhane vā dāre vā putre pitari vā mṛte | yayā buddhyā nudecchokaṃ tanme brūhi pitāmaha

When wealth is lost, or a wife, or when a son or father has died, by what understanding can one drive out grief? Tell me that, grandfather.

Note on the text: Corrected नुदेच्छोक → नुदेच्छोकं (misprint in Wikisource; dropped anusvara, so that शोकं is the object of नुदेत्; CE nudec chokaṃ).

Verse 7 (12.173.7)

नष्टे धने वा दारे वा पुत्रे पितरि वा मृते । अहोदुःखमिति ध्यायञ्शोकस्यापचितिं चरेत् ॥

naṣṭe dhane vā dāre vā putre pitari vā mṛte | ahoduḥkhamiti dhyāyañśokasyāpacitiṃ caret

When wealth is lost, or a wife, or when a son or father has died, one should think "Alas, what suffering!" and set about the remedy for grief.

Verse 8 (12.173.8)

अत्राप्युदाहरन्तीममितिहासं पुरातनम् । यथा सेनजितं विप्रः कश्चिदेत्याब्रवीत्सुहृत् ॥

atrāpyudāharantīmamitihāsaṃ purātanam | yathā senajitaṃ vipraḥ kaścidetyābravītsuhṛt

On this they tell an ancient tale, of how a certain brahmin, a friend, came to Senajit and spoke to him.

Note on the text: Corrected ममिहासं → ममितिहासं (misprint in Wikisource; dropped त in इतिहासं; CE itihāsaṃ). Line 2 कश्चिदेत्याब्रवीत्सुहृत् against CE kaś cid ity abravīd vacaḥ is a recension variant, kept.

Verse 9 (12.173.9)

पुत्रशोकाभिसंतप्तं राजानं शोकविह्वलम् । विषण्णमनसं दृष्ट्वा विप्रो वचनमब्रवीत् ॥

putraśokābhisaṃtaptaṃ rājānaṃ śokavihvalam | viṣaṇṇamanasaṃ dṛṣṭvā vipro vacanamabravīt

Seeing the king consumed by grief for his son, shaken with sorrow, his mind dejected, the brahmin spoke these words.

Verse 10 (12.173.10)

किंनु मुह्यसि मूढस्त्वं शोच्यः किमनु शोचसि । यदा त्वामपि शोचंतः शोच्या यास्यन्ति तां गतिम् ॥

kiṃnu muhyasi mūḍhastvaṃ śocyaḥ kimanu śocasi | yadā tvāmapi śocaṃtaḥ śocyā yāsyanti tāṃ gatim

Why are you bewildered, foolish one? You who are yourself to be mourned, why do you mourn, when those who now mourn you will go the same way and be mourned in their turn?

Note on the text: Corrected गातिम् → गतिम् (misprint in Wikisource; stray ा; CE gatim). Speaker set to the brahmin: verses 10-11 are his speech to the king (verse 9 introduces it); Wikisource prints no heading (the input carried भीष्म).

Verse 11 (12.173.11)

त्वं चैवाहं च ये चान्ये त्वां राजन्पर्युपासते । सर्वे तत्र गमिष्यामो यत एवागता वयम् ॥

tvaṃ caivāhaṃ ca ye cānye tvāṃ rājanparyupāsate | sarve tatra gamiṣyāmo yata evāgatā vayam

You, I, and all the others who wait upon you, O king, we shall all go back to where we came from.

Note on the text: Speaker set to the brahmin (see verse 10).

Verse 12 (12.173.12)

का बुद्धिः किं तपो विप्र कः समाधिस्तपोधन । किं ज्ञानं किं श्रुतं वा ते यत्प्राप्य न विषीदसि ॥

kā buddhiḥ kiṃ tapo vipra kaḥ samādhistapodhana | kiṃ jñānaṃ kiṃ śrutaṃ vā te yatprāpya na viṣīdasi

What understanding, what austerity, O brahmin, what concentration, O wealth of austerity? What knowledge, what learning is yours, that you do not grieve?

Note on the text: Speaker stem written सेनजित् (the page's heading सेनजिदुवाच is सेनजित् उवाच with sandhi; the input carried सेनजिद्).

Verse 13 (12.173.13)

हृष्यन्तमवसीदन्तं सुखदुःखविपर्यये । आत्मानमनुशोचामि यो ममैष हृदि स्थितः ॥

hṛṣyantamavasīdantaṃ sukhaduḥkhaviparyaye | ātmānamanuśocāmi yo mamaiṣa hṛdi sthitaḥ

I feel for the self within my heart, which rejoices and sinks as pleasure and pain trade places.

Note on the text: Not in the CE's constituted text: lines = the CE star passage 12.168.13*0457_01-02 (hṛṣyantam avasīdantaṃ sukhaduḥkhaviparyaye / ātmānam anuśocāmi yo mamaiṣa hṛdi sthitaḥ), printed under the heading brāhmaṇa uvāca; the alignment found no match.

Verse 14 (12.173.14)

पश्य भूतानि दुःखेन व्यतिषिक्तानि सर्वशः । उत्तमाधममध्यानि तेषु तेष्विह कर्मसु ॥

paśya bhūtāni duḥkhena vyatiṣiktāni sarvaśaḥ | uttamādhamamadhyāni teṣu teṣviha karmasu

See how all beings everywhere are shot through with suffering, high, low and middling, each in his own deeds in this world.

Note on the text: Line 1 = CE 12.168.13a; line 2 is the CE star line 12.168.13b*0458_01 (uttamādhamamadhyāni teṣu teṣv iha karmasu).

Verse 15 (12.173.15)

आत्माऽपि चायं न मम सर्वा वा पृथिवी मम । यथा मम तथाऽन्येषामिति मत्वा न मे व्यथा । एतां बुद्धिमहं प्राप्य न प्रहृष्ये न च व्यथे ॥

ātmā'pi cāyaṃ na mama sarvā vā pṛthivī mama | yathā mama tathā'nyeṣāmiti matvā na me vyathā | etāṃ buddhimahaṃ prāpya na prahṛṣye na ca vyathe

Even this self is not mine, nor is the whole earth mine; as it is mine, so it is others'. Thinking so, I feel no pain; having reached this understanding, I neither exult nor suffer.

Note on the text: Three lines: line 1 = CE 12.168.13c, line 2 = CE 12.168.14a, line 3 = CE 12.168.14c. The CE's star lines 12.168.13b*0459_01-02 (aham eko na me kaś cin …) are not on the page.

Verse 16 (12.173.16)

यथा काष्ठं च काष्ठं च समेयातां महोदधौ । समेत्य च व्यपेयातां तद्वद्भूतसमागमः ॥

yathā kāṣṭhaṃ ca kāṣṭhaṃ ca sameyātāṃ mahodadhau | sametya ca vyapeyātāṃ tadvadbhūtasamāgamaḥ

As one log and another log meet on the great ocean and, having met, drift apart, so is the meeting of creatures.

Verse 17 (12.173.17)

एवं पुत्राश्च पौत्राश्च ज्ञातयो बान्धवास्तथा । तेषु स्नेहो न कर्तव्यो विप्रयोगो ध्रुवो हि तैः ॥

evaṃ putrāśca pautrāśca jñātayo bāndhavāstathā | teṣu sneho na kartavyo viprayogo dhruvo hi taiḥ

So it is with sons and grandsons, kinsmen and relatives: no attachment should be formed to them, for separation from them is certain.

Verse 18 (12.173.18)

अदर्शनादापतितः पुनश्चादर्शनं गतः । न त्वाऽसौ वेद न त्वं तं कस्मात्त्वमनुशोचसि ॥

adarśanādāpatitaḥ punaścādarśanaṃ gataḥ | na tvā'sau veda na tvaṃ taṃ kasmāttvamanuśocasi

He came from the unseen and has gone again into the unseen. He does not know you, nor do you know him. Why do you grieve?

Note on the text: Corrected न त्वंतं → न त्वं तं (misprint in Wikisource; two words run together, CE na tvaṃ taṃ). The page's own note records a variant reading of line 2 (कः सन् किमनुशोचसि).

Verse 19 (12.173.19)

सुखान्तप्रभवं दुःखं दुःखान्तप्रभवं सुखम् । सुखात्संजायते दुःखं दुःखात्संजायते सुखम् ॥

sukhāntaprabhavaṃ duḥkhaṃ duḥkhāntaprabhavaṃ sukham | sukhātsaṃjāyate duḥkhaṃ duḥkhātsaṃjāyate sukham

Suffering is born from the end of pleasure, and pleasure from the end of suffering; from pleasure suffering arises, and from suffering pleasure.

Note on the text: Variant of CE 12.168.18a, 18c (tṛṣṇārtiprabhavaṃ duḥkhaṃ duḥkhārtiprabhavaṃ sukham / sukhāt saṃjāyate duḥkham evam etat punaḥ punaḥ): the page has different wording in both lines.

Verse 20 (12.173.20)

सुखस्यानन्तरं दुःखं दुःखस्यानन्तरं सुखम् । सुखदुःखे मनुष्याणां चक्रवत्परिवर्ततः ॥

sukhasyānantaraṃ duḥkhaṃ duḥkhasyānantaraṃ sukham | sukhaduḥkhe manuṣyāṇāṃ cakravatparivartataḥ

After pleasure comes suffering, and after suffering pleasure; pleasure and pain turn for men like a wheel.

Note on the text: Line 1 = CE 12.168.18e; line 2 is the CE star line 12.168.18f*0460_01 (sukhaduḥkhe manuṣyāṇāṃ cakravat parivartataḥ).

Verse 21 (12.173.21)

सुखात्त्वं दुःखमापन्नः पुनरापत्स्यसे सुखम् । न नित्यं लभते दुःखं न नित्यं लभते सुखम् ॥

sukhāttvaṃ duḥkhamāpannaḥ punarāpatsyase sukham | na nityaṃ labhate duḥkhaṃ na nityaṃ labhate sukham

From pleasure you have fallen into suffering, and you will come to pleasure again; no one has suffering always, and no one has pleasure always.

Verse 22 (12.173.22)

शरीरमेवायतनं सुखस्य । दुःखस्य चाप्यायतनं शरीरम् । यद्यच्छरीरेण करोति कर्म । तेनैव देही समुपाश्नुते तत् ॥

śarīramevāyatanaṃ sukhasya | duḥkhasya cāpyāyatanaṃ śarīram | yadyaccharīreṇa karoti karma | tenaiva dehī samupāśnute tat

The body is the seat of pleasure and the body is the seat of pain; whatever action one does with the body, by that very body the embodied one reaps its fruit.

Note on the text: Removed the square bracket Wikisource prints before the passage (the bracket closes after verse 29). Not in the CE's constituted text: four lines = the CE star passage 12.168.19d*0461_01-04 (the CE prints this 19-line star passage after 12.168.19d); the alignment found no match.

Verse 23 (12.173.23)

जीवितं च शरीरेण तेनैव सह जायते । उभे सह विवर्तेते उभे सह विनश्यतः ॥

jīvitaṃ ca śarīreṇa tenaiva saha jāyate | ubhe saha vivartete ubhe saha vinaśyataḥ

Life is born together with the body; the two go on together and perish together.

Note on the text: Not in the CE's constituted text: lines = the CE star passage 12.168.19d*0461_05-06 (the page has तेनैव सह जायते / विवर्तेते for CE jātyaiva saha jāyate / vivardhete).

Verse 24 (12.173.24)

स्नेहपाशैर्बहुविधैराविष्टविषया जनाः । अकृतार्थाश्च सीदन्ते जलैः सैकतसेतवः ॥

snehapāśairbahuvidhairāviṣṭaviṣayā janāḥ | akṛtārthāśca sīdante jalaiḥ saikatasetavaḥ

People, bound by manifold ties of affection and absorbed in the objects of the senses, fail of their purpose and sink like dams of sand in water.

Note on the text: Not in the CE's constituted text: lines = the CE star passage 12.168.19d*0461_07-08.

Verse 25 (12.173.25)

स्नेहेन तैलवत्सर्वं सर्गचक्रे निपीड्यते । तिलपीडैरिवाक्रम्य क्लेशैरज्ञानसंभवैः ॥

snehena tailavatsarvaṃ sargacakre nipīḍyate | tilapīḍairivākramya kleśairajñānasaṃbhavaiḥ

On the wheel of creation all things are pressed by affection as oil is pressed from sesame, ground by the afflictions born of ignorance as by oil-mills.

Note on the text: Not in the CE's constituted text: lines = the CE star passage 12.168.19d*0461_09-10 (the page has तैलवत् where the CE has tilavat).

Verse 26 (12.173.26)

संचिनोत्यशुभं कर्म कलत्रापेक्षया नरः । एकः क्लेशानवाप्नोति परत्रेह च मानवः ॥

saṃcinotyaśubhaṃ karma kalatrāpekṣayā naraḥ | ekaḥ kleśānavāpnoti paratreha ca mānavaḥ

For the sake of wife and family a man piles up evil deeds; he alone suffers the afflictions, here and in the world beyond.

Note on the text: Not in the CE's constituted text: lines = the CE star passage 12.168.19d*0461_11-12.

Verse 27 (12.173.27)

पुत्रदारकुटुम्बेषु प्रसक्ताः सर्वमानवाः । शोकपङ्कार्णवे मग्ना जीर्णा वनगजा इव ॥

putradārakuṭumbeṣu prasaktāḥ sarvamānavāḥ | śokapaṅkārṇave magnā jīrṇā vanagajā iva

All men, clinging to sons, wives and household, sink in the mire and ocean of grief like old forest elephants.

Note on the text: Not in the CE's constituted text: lines = the CE star passage 12.168.19d*0461_13-14.

Verse 28 (12.173.28)

पुत्रनाशे वित्तनाशे ज्ञातिसंबन्धिनामपि । प्राप्यते सुमहद्दुःखं दावाग्निप्रतिमं विभो । दैवायत्तमिदं सर्वं सुखदुःखे भवाभवौ ॥

putranāśe vittanāśe jñātisaṃbandhināmapi | prāpyate sumahadduḥkhaṃ dāvāgnipratimaṃ vibho | daivāyattamidaṃ sarvaṃ sukhaduḥkhe bhavābhavau

In the loss of a son, the loss of wealth, even the loss of kin and relatives, one meets, O lord, a great suffering like a forest fire; all this is subject to fate, pleasure and pain, prosperity and ruin.

Note on the text: Not in the CE's constituted text: three lines = the CE star passage 12.168.19d*0461_15-17.

Verse 29 (12.173.29)

असुहृत्ससुहृच्चापि सशत्रुर्मित्रवानपि । सप्रज्ञः प्रज्ञया हीनो दैवेन लभते सुखम् ॥

asuhṛtsasuhṛccāpi saśatrurmitravānapi | saprajñaḥ prajñayā hīno daivena labhate sukham

Friendless or with friends, with enemies or with allies, wise or without wisdom, a man gains happiness by fate.

Note on the text: Removed the closing bracket and the doubled daṇḍa Wikisource prints after the passage. Not in the CE's constituted text: lines = the CE star passage 12.168.19d*0461_18-19.

Verse 30 (12.173.30)

नालं सुखाय सुहृदो नालं दुःखाय दुर्हृदः । न च प्रज्ञाऽलमर्थानां न सुखानामलं धनम् ॥

nālaṃ sukhāya suhṛdo nālaṃ duḥkhāya durhṛdaḥ | na ca prajñā'lamarthānāṃ na sukhānāmalaṃ dhanam

Friends are not enough to bring happiness, nor foes to bring unhappiness; wisdom is not enough to bring wealth, nor wealth to bring happiness.

Verse 31 (12.173.31)

न बुद्धिर्धनलाभाय न मौढ्यमसमृद्ध्ये । लोकपर्यायवृत्तान्तं प्राज्ञो जानाति नेतरः ॥

na buddhirdhanalābhāya na mauḍhyamasamṛddhye | lokaparyāyavṛttāntaṃ prājño jānāti netaraḥ

Intelligence does not bring wealth, nor folly poverty; only the wise man understands how the world's turnings run, not others.

Verse 32 (12.173.32)

बुद्धिमन्तं च शूरं च मूढं भीरुं जडं कविम् । दुर्बलं बलवन्तं च भागिनं भजते सुखम् ॥

buddhimantaṃ ca śūraṃ ca mūḍhaṃ bhīruṃ jaḍaṃ kavim | durbalaṃ balavantaṃ ca bhāginaṃ bhajate sukham

The wise and the brave, the foolish and the timid, the dull and the learned, the weak and the strong: happiness waits on the man who has his portion of fortune.

Verse 33 (12.173.33)

धेनुर्वत्सस्य गोपस्य स्वामिनस्तस्करस्य च । पयः पिबति यस्तस्या धेनुस्तस्येति निश्चयः ॥

dhenurvatsasya gopasya svāminastaskarasya ca | payaḥ pibati yastasyā dhenustasyeti niścayaḥ

A cow is the calf's, the herdsman's, the owner's, the thief's: she belongs to whoever drinks her milk. That is the rule.

Verse 34 (12.173.34)

ये च मूढतमा लोके ये च बुद्धेः परं गताः । ते नराः सुखमेधन्ते क्लिश्यत्यन्तरितो जनः ॥

ye ca mūḍhatamā loke ye ca buddheḥ paraṃ gatāḥ | te narāḥ sukhamedhante kliśyatyantarito janaḥ

Those who are the most foolish in the world, and those who have gone beyond understanding, prosper in happiness; it is the man in between who suffers.

Verse 35 (12.173.35)

अन्तेषु रेमिरे धीरा न ते मध्येषु रेमिरे । अन्तप्राप्तिं सुखं प्राहुर्दुःखमन्तरमन्तयोः ॥

anteṣu remire dhīrā na te madhyeṣu remire | antaprāptiṃ sukhaṃ prāhurduḥkhamantaramantayoḥ

The wise have delighted in the extremes, not in the middle. They say that reaching an extreme is happiness, and that what lies between the two extremes is misery.

Verse 36 (12.173.36)

सुखं स्वपिति दुर्मेधाः स्वानि कर्माण्यचिन्तयन् । अविज्ञानेन महता कम्बलेनेव संवृतः ॥

sukhaṃ svapiti durmedhāḥ svāni karmāṇyacintayan | avijñānena mahatā kambaleneva saṃvṛtaḥ

The dull-witted sleep happily, never thinking of their own deeds, wrapped, as it were, in a blanket of great ignorance.

Note on the text: Not in the CE's constituted text: lines = the CE star passage 12.168.25d*0462_01-02 (sukhaṃ svapiti durmedhāḥ svāni karmāṇy acintayan / avijñānena mahatā kambaleneva saṃvṛtaḥ); the alignment found no match.

Verse 37 (12.173.37)

ये च बुद्धिं परां प्राप्ता द्वन्द्वातीता विमत्सराः । तान्नैवार्था न चानर्था व्यथयन्ति कदाचन ॥

ye ca buddhiṃ parāṃ prāptā dvandvātītā vimatsarāḥ | tānnaivārthā na cānarthā vyathayanti kadācana

But those who have attained the highest understanding, who are beyond the pairs of opposites and free of envy, are never troubled by gains or by losses.

Verse 38 (12.173.38)

अथ ये बुद्धिमप्राप्ता व्यतिक्रान्ताश्च मूढताम् । तेऽतिवेलं प्रहृष्यन्ति संतापमुपयान्ति च ॥

atha ye buddhimaprāptā vyatikrāntāśca mūḍhatām | te'tivelaṃ prahṛṣyanti saṃtāpamupayānti ca

But those who have not attained understanding and yet have passed beyond folly rejoice beyond measure, and they also fall into distress.

Verse 39 (12.173.39)

नित्यं प्रमुदिता मूढा दिवि देवगणा इव । अवलेपेन महता परितृप्ता विचेतसः ॥

nityaṃ pramuditā mūḍhā divi devagaṇā iva | avalepena mahatā paritṛptā vicetasaḥ

Fools are always glad, like hosts of gods in heaven, sated with immense arrogance, senseless.

Verse 40 (12.173.40)

सुखं दुःखान्तमालस्यं दुःखं दाक्ष्यं सुखोदयम् । भूतिश्चैव श्रिया सार्धं दक्षे वसति नालसे ॥

sukhaṃ duḥkhāntamālasyaṃ duḥkhaṃ dākṣyaṃ sukhodayam | bhūtiścaiva śriyā sārdhaṃ dakṣe vasati nālase

Idleness is a pleasure that ends in pain; skill is a pain that ends in pleasure. Prosperity, together with Fortune, dwells in the skilful and not in the idle.

Verse 41 (12.173.41)

सुखं वा यदि वा दुःखं प्रियं वा यदि वाऽप्रियम् । प्राप्तं प्राप्तमुपासीत हृदयेनापराजितः ॥

sukhaṃ vā yadi vā duḥkhaṃ priyaṃ vā yadi vā'priyam | prāptaṃ prāptamupāsīta hṛdayenāparājitaḥ

Whether pleasure or pain, whether welcome or unwelcome, whatever comes one should accept as it comes, with an unconquered heart.

Verse 42 (12.173.42)

शोकस्थानसहस्राणि भयस्थानशतानि च । दिवसेदिवसे मूढमाविशन्ति न पण्डितम् ॥

śokasthānasahasrāṇi bhayasthānaśatāni ca | divasedivase mūḍhamāviśanti na paṇḍitam

Thousands of causes of sorrow and hundreds of causes of fear enter the fool day after day, but not the wise man.

Verse 43 (12.173.43)

बुद्धिमन्तं कृतप्रज्ञं शुश्रूषुमनहंकृतम् । शान्तं जितेन्द्रियं चापि शोको न स्पृशते नरम् ॥

buddhimantaṃ kṛtaprajñaṃ śuśrūṣumanahaṃkṛtam | śāntaṃ jitendriyaṃ cāpi śoko na spṛśate naram

Grief does not touch a man who is intelligent, of trained judgement, eager to learn, free of egoism, tranquil and master of his senses.

Verse 44 (12.173.44)

एतां बुद्धिं समास्थाय शुद्धचित्तश्चरेद्बुधः । शुक्लकृष्णगतिज्ञं तं देवासुरविनिर्गमम् । उदयास्तमयज्ञं हि न शोकः स्प्रष्टुमर्हति ॥

etāṃ buddhiṃ samāsthāya śuddhacittaścaredbudhaḥ | śuklakṛṣṇagatijñaṃ taṃ devāsuravinirgamam | udayāstamayajñaṃ hi na śokaḥ spraṣṭumarhati

Holding to this understanding, the wise man should live with a purified mind. Grief cannot touch one who knows the courses of the bright and the dark, the going out of gods and asuras, and who knows rising and setting.

Note on the text: Removed the backtick and quote mark Wikisource prints around line 2 and the doubled daṇḍa. Three lines: line 1 = CE 12.168.33a (शुद्धचित्तः for CE guptacittaḥ), line 2 is the CE star line 12.168.33b*0463_01, line 3 = CE 12.168.33c.

Verse 45 (12.173.45)

यन्निमत्तो भवेच्छोकस्रासो वा क्रोध एव वा । आयासो वा यतो मूलं तदेकाङ्गमपि त्यजेत् ॥

yannimatto bhavecchokasrāso vā krodha eva vā | āyāso vā yato mūlaṃ tadekāṅgamapi tyajet

Whatever is the cause of grief, of fear, or of distress, or the root of any strain, one should give it up, even if it is a limb of oneself.

Verse 46 (12.173.46)

यद्यत्त्यजति कामनां तत्सुखस्याभिपूर्यते । कामानुसारी पुरुषः कामाननुविनश्यति ॥

yadyattyajati kāmanāṃ tatsukhasyābhipūryate | kāmānusārī puruṣaḥ kāmānanuvinaśyati

Whatever desire one gives up, by that much happiness is filled; the man who follows desires perishes along with his desires.

Verse 47 (12.173.47)

यच्च कामसुखं लोके यच्च दिव्यं महत्सुखम् । तृष्णाक्षयसुखस्यैते नार्हतः षोडशीं कलाम् ॥

yacca kāmasukhaṃ loke yacca divyaṃ mahatsukham | tṛṣṇākṣayasukhasyaite nārhataḥ ṣoḍaśīṃ kalām

All the pleasures of desire in this world, and the great pleasure of heaven, are not worth a sixteenth part of the happiness of the end of craving.

Verse 48 (12.173.48)

पूर्वदेहकृतं कर्म शुभं वा यदि वाऽशुभम् । प्राज्ञं मूढं तथा शूरं भजते तादृशं नरम् ॥

pūrvadehakṛtaṃ karma śubhaṃ vā yadi vā'śubham | prājñaṃ mūḍhaṃ tathā śūraṃ bhajate tādṛśaṃ naram

The action done in a former body, good or bad, finds the wise man, the fool and the hero alike, and clings to each as he deserves.

Verse 49 (12.173.49)

एवमेव किलैतानि प्रियाण्येवाप्रियाणि च । जीवेषु परिवर्तन्ते दुःखानि च सुखानि च ॥

evameva kilaitāni priyāṇyevāpriyāṇi ca | jīveṣu parivartante duḥkhāni ca sukhāni ca

In just this way, the welcome and the unwelcome, griefs and joys, keep turning among living beings.

Note on the text: Corrected एवमव → एवमेव (misprint in Wikisource; dropped vowel sign; CE evam eva).

Verse 50 (12.173.50)

एतां बुद्धिं समास्थाय नावसीदेद्गुणान्वितः । सर्वान्कामाञ्जुगुप्सेत कोपं कुर्वीत पृष्ठतः ॥

etāṃ buddhiṃ samāsthāya nāvasīdedguṇānvitaḥ | sarvānkāmāñjugupseta kopaṃ kurvīta pṛṣṭhataḥ

Holding to this understanding, a man of good qualities should not despair; let him feel disgust for all desires and put anger behind him.

Note on the text: Corrected जुगुप्सेन → जुगुप्सेत (misprint in Wikisource; न for त, an optative form is needed; CE jugupseta). Lines = CE 12.168.39a, 12.168.39c in the page's wording (नावसीदेद्गुणान्वितः and कोपं कुर्वीत पृष्ठतः against CE sukhaṃ jīved guṇānvitaḥ and saṅgān kurvīta pṛṣṭhataḥ, recension variants, kept).

Verse 51 (12.173.51)

वृत्त एव हृदि प्रौढो मृत्युरेष मनोभवः । क्रोधो नाम शरीरस्थो देहिनां प्रोच्यते बुधैः ॥

vṛtta eva hṛdi prauḍho mṛtyureṣa manobhavaḥ | krodho nāma śarīrastho dehināṃ procyate budhaiḥ

Firmly set in the heart is this death born of the mind, which the wise call anger, dwelling in the body of embodied beings.

Note on the text: Corrected मृत्युरेप → मृत्युरेष (misprint in Wikisource; प for ष; CE eṣa). Line 1 = CE 12.168.39e (वृत्त एव for CE vṛtta eṣa, मनोभवः for manomayaḥ, recension variants, kept); line 2 is the CE star line 12.168.39f*0464_01.

Verse 52 (12.173.52)

यदा संहरते कामान्कूर्मोऽङ्गानीव सर्वशः । तदात्मज्योतिरात्मश्रीरात्मन्येव प्रसीदति ॥

yadā saṃharate kāmānkūrmo'ṅgānīva sarvaśaḥ | tadātmajyotirātmaśrīrātmanyeva prasīdati

When one draws in all his desires on every side, as a tortoise its limbs, then the self-luminous self, whose glory is the self, grows serene in itself alone.

Verse 53 (12.173.53)

किंचिदेव ममत्वेन यदा भवति कल्पितम् । तदेव परितापाय नाशे संपद्यते तदा ॥

kiṃcideva mamatvena yadā bhavati kalpitam | tadeva paritāpāya nāśe saṃpadyate tadā

Whatever is once imagined as "mine" becomes, when it is lost, a cause of torment.

Verse 54 (12.173.54)

न बिभेति यदा चायं यदा चास्मान्न विभ्यति । यदा नेच्छति न द्वेष्टि ब्रह्म संपद्यते तदा ॥

na bibheti yadā cāyaṃ yadā cāsmānna vibhyati | yadā necchati na dveṣṭi brahma saṃpadyate tadā

When one fears nothing and nothing fears him, when he neither desires nor hates, then he attains Brahman.

Verse 55 (12.173.55)

उभे सत्यानृते त्यक्त्वा शोकानन्दौ भयाभये । प्रियाप्रिये परित्यज्य प्रशान्तात्मा भविष्यति ॥

ubhe satyānṛte tyaktvā śokānandau bhayābhaye | priyāpriye parityajya praśāntātmā bhaviṣyati

Having given up both truth and falsehood, grief and joy, fear and fearlessness, the pleasant and the unpleasant, he will become tranquil in spirit.

Verse 56 (12.173.56)

यदा न कुरुते धीरः सर्वभूतेषु पापकम् । कर्मणा मनसा वाचा ब्रह्म संपद्यते तदा ॥

yadā na kurute dhīraḥ sarvabhūteṣu pāpakam | karmaṇā manasā vācā brahma saṃpadyate tadā

When a steadfast man does no harm to any being by deed, thought or word, then he attains Brahman.

Verse 57 (12.173.57)

या दुस्त्यजा दुर्मतिभिर्या न जीर्यति जीर्यतः । योसौ प्राणान्तिको रोगस्तां तृष्णां त्यजतः सुखं ॥

yā dustyajā durmatibhiryā na jīryati jīryataḥ | yosau prāṇāntiko rogastāṃ tṛṣṇāṃ tyajataḥ sukhaṃ

That craving which the foolish cannot give up, which does not age as the body ages, which is a disease that lasts to the end of life: for him who abandons it there is happiness.

Verse 58 (12.173.58)

अत्र पिङ्गलया गीता गाथा शृणु नराधिप । यथा सा कृच्छ्रकालेऽपि लेभे शर्म सनातनम् ॥

atra piṅgalayā gītā gāthā śṛṇu narādhipa | yathā sā kṛcchrakāle'pi lebhe śarma sanātanam

On this Pingala sang a verse; hear it, O ruler of men, and how even in her hardship she found eternal peace.

Note on the text: Variant of CE 12.168.46 (atra piṅgalayā gītā gāthāḥ śrūyanti pārthiva / yathā sā kṛcchrakāle 'pi lebhe dharmaṃ sanātanam): the page has गाथा शृणु नराधिप and शर्म सनातनम्.

Verse 59 (12.173.59)

संकेते पिङ्गला वेश्या कान्तेनासीद्विनाकृता । अथ कृच्छ्रगता शान्तां बुद्धिमास्थापयत्तदा ॥

saṃkete piṅgalā veśyā kāntenāsīdvinākṛtā | atha kṛcchragatā śāntāṃ buddhimāsthāpayattadā

Pingala, a courtesan, was left alone at the tryst by her lover; then, in her distress, she fixed her mind on peace.

Verse 60 (12.173.60)

उन्मत्ताऽहमनुन्मत्तं कान्तमन्ववसं चिरम् । अन्तिके रमणं सन्तं नैनमध्यगमं पुरा ॥

unmattā'hamanunmattaṃ kāntamanvavasaṃ ciram | antike ramaṇaṃ santaṃ nainamadhyagamaṃ purā

Mad myself, I long lived after a lover who was not mad; the one who was near me, my true delight, I never reached before.

Verse 61 (12.173.61)

एकस्थूणं नवद्वारमपिधास्याम्यगारकम् । का ह्यकान्तमिहायान्तं कान्त इत्यभिमंस्यते ॥

ekasthūṇaṃ navadvāramapidhāsyāmyagārakam | kā hyakāntamihāyāntaṃ kānta ityabhimaṃsyate

I will close up this house, with its one pillar and nine doors. Who, being unloved, would take the one who comes here unloving for a lover?

Verse 62 (12.173.62)

अकामाः कामरूपेण धूर्ताश्च नररूपिणः । न पुनर्वञ्चयिष्यन्ति प्रतिबुद्धाऽस्मि जागृमि ॥

akāmāḥ kāmarūpeṇa dhūrtāśca nararūpiṇaḥ | na punarvañcayiṣyanti pratibuddhā'smi jāgṛmi

Men without love in the guise of lovers, and rogues in human form, will not deceive me again; I am awake, I am alert.

Verse 63 (12.173.63)

अनर्थोऽपि भवत्यर्थो दैवात्पूर्वकृतेन वा । संबुद्धाऽहं निराकारा नाहमद्याजितेन्द्रिया ॥

anartho'pi bhavatyartho daivātpūrvakṛtena vā | saṃbuddhā'haṃ nirākārā nāhamadyājitendriyā

Even a misfortune can become a gain, through fate or a deed done before. I am fully awake, free of delusive forms, and today my senses are no longer unconquered.

Verse 64 (12.173.64)

सुखं निराशः स्वपिति नैराश्यं परमं सुखम् । आशामनाशां कृत्वा हि सुखं स्वपिति पिङ्गला ॥

sukhaṃ nirāśaḥ svapiti nairāśyaṃ paramaṃ sukham | āśāmanāśāṃ kṛtvā hi sukhaṃ svapiti piṅgalā

The hopeless sleep happily; hopelessness is the highest happiness. Having turned hope into no hope, Pingala sleeps happily.

Verse 65 (12.173.65)

एतैश्चान्यैश्च विप्रस्य हेतुमद्भिः प्रभाषितैः । पर्यवस्थापितो राजा सेनजिन्मुमुदे सुखम् ॥

etaiścānyaiśca viprasya hetumadbhiḥ prabhāṣitaiḥ | paryavasthāpito rājā senajinmumude sukham

By these and other reasoned words of the brahmin, King Senajit was brought round to steadiness and became happy.

Note on the text: The page's colophon follows (12-173, त्रिसप्तत्यधिकशततमोऽध्यायः).