Bali and Indra: The Rule of Time

Verse 1 (12.234.1)

मग्नस्य व्यसने कृच्छ्रे किं श्रेयः पुरुषस्य हि । बन्धुनाशे महीपाल राज्यनाशेऽथवा पुनः ॥

magnasya vyasane kṛcchre kiṃ śreyaḥ puruṣasya hi | bandhunāśe mahīpāla rājyanāśe'thavā punaḥ

What is best for a man sunk in grievous calamity, O protector of the earth, whether his kinsmen have been destroyed or his kingdom has been lost?

Verse 2 (12.234.2)

त्वं हि नः परमो वक्ता लोकेऽस्मिन्भरतर्षभ । एतद्भवन्तं पृच्छामि तन्मे त्वं वक्तुमर्हसि ॥

tvaṃ hi naḥ paramo vaktā loke'sminbharatarṣabha | etadbhavantaṃ pṛcchāmi tanme tvaṃ vaktumarhasi

In this world you are the best speaker for us, O best of the Bharatas. This is what I ask you, and you ought to tell it to me.

Verse 3 (12.234.3)

पुत्रदारैः सुखैश्चैव वियुक्तस्य धनेन च । मग्नस्य व्यसने कृच्छ्रे धृतिः श्रेयस्करी नृप । धैर्येण युक्तस्य सतः शरीरं न विशीर्यते ॥

putradāraiḥ sukhaiścaiva viyuktasya dhanena ca | magnasya vyasane kṛcchre dhṛtiḥ śreyaskarī nṛpa | dhairyeṇa yuktasya sataḥ śarīraṃ na viśīryate

For a man cut off from sons, wife, pleasures and wealth, and sunk in grievous calamity, steadiness is what leads to his good, O king. The body of one who is endowed with steadiness does not waste away.

Note on the text: Corrected वियक्तस्य → वियुक्तस्य (misprint in Wikisource; CE viyuktasya). Three-line verse, as on the page (labelled 3a/b/c): lines = CE 12.220.3a, 12.220.3c, 12.220.4a; the alignment found no match because of the extra line.

Verse 4 (12.234.4)

विशोकता सुखं धत्ते धत्ते चारोग्यमुत्तमम् । आरोग्याच्च शरीरस्य स पुनर्विन्दते श्रियम् ॥

viśokatā sukhaṃ dhatte dhatte cārogyamuttamam | ārogyācca śarīrasya sa punarvindate śriyam

Freedom from sorrow brings happiness and sustains the best of health, and from health of the body a man wins fortune again.

Note on the text: Removed the square brackets Wikisource prints around line 1 and the stray daṇḍa after it. Not matched by the alignment: line 1 is the CE star passage 12.220.4b*0651_01 (viśokatā sukhaṃ dhatte dhatte cārogyam uttamam, in the CE apparatus); line 2 = CE 12.220.4c. The CE's further star passage 12.220.4b*0652_01-02 is not on the page.

Verse 5 (12.234.5)

यश्च प्राज्ञो नरस्तात सात्विकीं वृत्तिमास्थितः । तस्यैश्वर्यं च धैर्यं च व्यवसायश्च कर्मसु ॥

yaśca prājño narastāta sātvikīṃ vṛttimāsthitaḥ | tasyaiśvaryaṃ ca dhairyaṃ ca vyavasāyaśca karmasu

The wise man, dear child, who holds to the sattvic way of life has lordship, steadiness and firm resolve in his undertakings.

Verse 6 (12.234.6)

अत्रैवोदाहरन्तीममितिहासं पुरातनम् । बलिवासवसंवादं पुनरेव युधिष्ठिर ॥

atraivodāharantīmamitihāsaṃ purātanam | balivāsavasaṃvādaṃ punareva yudhiṣṭhira

On this point people recite this ancient account, the conversation of Bali and Vasava, O Yudhishthira, once again.

Verse 7 (12.234.7)

वृत्ते देवासुरे युद्धे दैत्यदानवसंक्षये । विष्णुक्रान्तेषु लोकेषु देवराजे शतक्रतौ ॥

vṛtte devāsure yuddhe daityadānavasaṃkṣaye | viṣṇukrānteṣu lokeṣu devarāje śatakratau

When the war between the gods and the asuras was over, the Daityas and Danavas had been destroyed, and the worlds had been traversed by the strides of Vishnu, with Shatakratu as king of the gods,

Verse 8 (12.234.8)

इज्यमानेषु देवेषु चातुर्वर्ण्ये व्यवस्थिते । समृध्यमाने त्रैलोक्ये प्रीतियुक्ते स्वयंभुवि ॥

ijyamāneṣu deveṣu cāturvarṇye vyavasthite | samṛdhyamāne trailokye prītiyukte svayaṃbhuvi

when the gods were being worshipped with sacrifices, the order of the four classes had been established, the three worlds were prospering, and the Self-born was well pleased,

Verse 9 (12.234.9)

रुद्रैर्वसुभिरादित्यैरश्विभ्यामपि चर्षिभिः । गन्धर्वैर्भुजगेन्द्रैश्च सिद्धैश्चान्यैर्वृतः प्रभुः ॥

rudrairvasubhirādityairaśvibhyāmapi carṣibhiḥ | gandharvairbhujagendraiśca siddhaiścānyairvṛtaḥ prabhuḥ

the lord, surrounded by the Rudras, the Vasus, the Adityas, the two Ashvins and the seers, by Gandharvas, chiefs of serpents, Siddhas and others,

Verse 10 (12.234.10)

चतुर्दन्तं सुदान्तं च वारणेन्द्रं श्रिया वृतम् । आरुह्यैरावणं शक्रस्त्रैलोक्यमनुसंययौ ॥

caturdantaṃ sudāntaṃ ca vāraṇendraṃ śriyā vṛtam | āruhyairāvaṇaṃ śakrastrailokyamanusaṃyayau

mounted Airavana, the lordly elephant with four tusks, well tamed and resplendent, and Shakra went about the three worlds.

Note on the text: Wikisource आरुह्यैरावणं (airāvaṇa) against CE āruhyairāvataṃ is kept as a variant form of the elephant's name.

Verse 11 (12.234.11)

स कदाचित्समुद्रान्ते कस्मिंश्चिद्गिरिगह्वरे । बलिं वैरोचनिं वज्री ददर्शोपससर्प च ॥

sa kadācitsamudrānte kasmiṃścidgirigahvare | baliṃ vairocaniṃ vajrī dadarśopasasarpa ca

Once, at the edge of the ocean, in a mountain cave, the wielder of the thunderbolt saw Bali, son of Virochana, and went up to him.

Verse 12 (12.234.12)

तमैरावतमूर्धस्थं प्रेक्ष्य देवगणैर्वृतम् । सुरेन्द्रमिन्द्रं दैत्येन्द्रो न शुशोच न विव्यथे ॥

tamairāvatamūrdhasthaṃ prekṣya devagaṇairvṛtam | surendramindraṃ daityendro na śuśoca na vivyathe

Seeing Indra, lord of the gods, seated on Airavata's head amid hosts of gods, the Daitya king neither grieved nor trembled.

Verse 13 (12.234.13)

दृष्ट्वा तमविकारस्थं तिष्ठन्तं निर्भयं बलिम् । अधिरूढो द्विपश्रेष्ठमित्युवाच शतक्रतुः ॥

dṛṣṭvā tamavikārasthaṃ tiṣṭhantaṃ nirbhayaṃ balim | adhirūḍho dvipaśreṣṭhamityuvāca śatakratuḥ

Seeing Bali standing there unchanged and unafraid, Shatakratu, seated on the best of elephants, said this:

Verse 14 (12.234.14)

दैत्य न व्यथसे शौर्यादथवा वृद्धसेवया । तपसा भावितत्वाद्वा सर्वथैतत्सुदुष्करम् ॥

daitya na vyathase śauryādathavā vṛddhasevayā | tapasā bhāvitatvādvā sarvathaitatsuduṣkaram

"O Daitya, you are not shaken — whether from valour, or from serving your elders, or because austerity has ripened you. In any case this is very hard to do."

Note on the text: Speaker: Indra. The page prints no heading for this speech and keeps the heading भीष्म उवाच (12-234-3x) over it; verses 14-19 are Indra's direct speech to Bali, introduced by verse 13.

Verse 15 (12.234.15)

शत्रुभिर्वशमानीतो हीनः स्थानादनुत्तमात् । वैरोचने किमाश्रित्य शोचितव्ये न शोचसि ॥

śatrubhirvaśamānīto hīnaḥ sthānādanuttamāt | vairocane kimāśritya śocitavye na śocasi

"Brought under your enemies' power, fallen from your highest station, son of Virochana, relying on what do you not grieve when there is cause for grief?"

Verse 16 (12.234.16)

श्रैष्ठ्यं प्राप्य स्वजातीनां भुक्त्वा भोगाननुत्तमान् । हृतस्वरत्नराज्यस्त्वं ब्रूहि कस्मान्न शोचसि ॥

śraiṣṭhyaṃ prāpya svajātīnāṃ bhuktvā bhogānanuttamān | hṛtasvaratnarājyastvaṃ brūhi kasmānna śocasi

"You had reached supremacy among your own kind and enjoyed unsurpassed pleasures; now that your jewels and kingdom have been taken, tell me, why do you not grieve?"

Note on the text: Corrected श्रैष्ट्यं → श्रैष्ठ्यं (misprint in Wikisource; ट for ठ; CE śraiṣṭhyaṃ).

Verse 17 (12.234.17)

ईश्वरो हि पुरा भूत्वा पितृपैतामहे पदे । तत्त्वमद्य हृतं दृष्ट्वा सपत्नैः किं न शोचसि ॥

īśvaro hi purā bhūtvā pitṛpaitāmahe pade | tattvamadya hṛtaṃ dṛṣṭvā sapatnaiḥ kiṃ na śocasi

"You were once the lord, in your father's and grandfather's place. Seeing that taken from you now by your rivals, why do you not grieve?"

Verse 18 (12.234.18)

बद्धश्च वारुणैः पाशैर्वज्रेण च समाहतः । हृतदारो हृतधनो ब्रूहि कस्मान्न शोचसि ॥

baddhaśca vāruṇaiḥ pāśairvajreṇa ca samāhataḥ | hṛtadāro hṛtadhano brūhi kasmānna śocasi

"Bound with Varuna's nooses and struck by the thunderbolt, robbed of your wife and wealth, tell me, why do you not grieve?"

Verse 19 (12.234.19)

नष्टश्रीर्विभवभ्रष्टो यन्न शोचसि दुष्करम् । त्रैलोक्यराज्यनाशे हि कोऽन्यो जीवितुमुत्सहेत् ॥

naṣṭaśrīrvibhavabhraṣṭo yanna śocasi duṣkaram | trailokyarājyanāśe hi ko'nyo jīvitumutsahet

"Ruined, fallen from your splendour, you do not grieve — that is hard indeed. When the kingdom of the three worlds is lost, who else could bear to go on living?"

Verse 20 (12.234.20)

एतच्चान्यच्च परुषं ब्रुवन्तं परिभूय तम् । श्रुत्वा दुःखमसंभ्रान्तो बलिर्वैरोचनोऽब्रवीत् ॥

etaccānyacca paruṣaṃ bruvantaṃ paribhūya tam | śrutvā duḥkhamasaṃbhrānto balirvairocano'bravīt

Hearing this and more harsh speech from the one who was insulting him, Bali, son of Virochana, unperturbed by the pain, replied.

Note on the text: Wikisource दुःखम् (CE sukham) is kept; the page's footnote 12-234-20 records श्रुत्वामुखमसंभ्रान्त as the reading of other manuscripts.

Verse 21 (12.234.21)

निगृहीते मयि भृशं शक्र किं कत्थितेन ते । वज्रमुद्यम्य तिष्ठन्तं पश्यामि त्वां पुरंदर ॥

nigṛhīte mayi bhṛśaṃ śakra kiṃ katthitena te | vajramudyamya tiṣṭhantaṃ paśyāmi tvāṃ puraṃdara

"Why this boasting of yours, Shakra, when I have been so firmly overpowered? I see you, Purandara, standing with your thunderbolt raised."

Note on the text: Speaker: Bali. The page prints no heading for this speech (verses 21-87 are Bali's reply to Indra, introduced by verse 20) and keeps the heading भीष्म उवाच (12-234-3x) over it.

Verse 22 (12.234.22)

अशक्तः पूर्वमासीस्त्वं कथंचिच्छक्ततां गतः । कस्त्वदन्य इमां वाचं सुक्रूरां वक्तुमर्हति ॥

aśaktaḥ pūrvamāsīstvaṃ kathaṃcicchaktatāṃ gataḥ | kastvadanya imāṃ vācaṃ sukrūrāṃ vaktumarhati

"You were powerless before, and somehow you have become powerful. Who but you would be fit to speak such cruel words?"

Verse 23 (12.234.23)

यस्तु शत्रोर्वशस्थस्य शक्तोऽपि कुरुते दयाम् । हस्तप्राप्तस्य वीरस्य तं चैव पुरुषं विदुः ॥

yastu śatrorvaśasthasya śakto'pi kurute dayām | hastaprāptasya vīrasya taṃ caiva puruṣaṃ viduḥ

"But the man who, though strong, shows mercy to an enemy who is in his power, caught in his hand — that hero they recognise as a true man."

Verse 24 (12.234.24)

अनिश्चयो हि युद्धेषु द्वयोर्विवदमानयोः । एकः प्राप्नोति विजयमेकश्चैव पराजयम् ॥

aniścayo hi yuddheṣu dvayorvivadamānayoḥ | ekaḥ prāpnoti vijayamekaścaiva parājayam

"In wars there is no certainty for two who contend: one wins, and the other is defeated."

Verse 25 (12.234.25)

मा च ते भूत्स्वभावोऽयं मयि दानवपुङ्गवे । ईश्वरः सर्वभूतानां विक्रमेण जितो बलात् ॥

mā ca te bhūtsvabhāvo'yaṃ mayi dānavapuṅgave | īśvaraḥ sarvabhūtānāṃ vikrameṇa jito balāt

"Do not let this attitude of yours arise toward me, a bull among the Danavas: that the lord of all beings has been conquered by force, by prowess."

Verse 26 (12.234.26)

नैतदस्मत्कृतं शक्र नैतच्छक्र कृतं त्वया । यत्त्वमेवं गतो वज्रिन्यद्वाऽऽप्येवं गता वयम् ॥

naitadasmatkṛtaṃ śakra naitacchakra kṛtaṃ tvayā | yattvamevaṃ gato vajrinyadvā''pyevaṃ gatā vayam

"This was not done by us, Shakra, nor was it done by you, Shakra, that you are as you are, wielder of the thunderbolt, or that we are as we are."

Verse 27 (12.234.27)

अहमासं यथाऽद्य त्वं भविता त्वं यथा वयम् । मावमंस्था मया कर्म दुष्कृतं कृतमित्युत ॥

ahamāsaṃ yathā'dya tvaṃ bhavitā tvaṃ yathā vayam | māvamaṃsthā mayā karma duṣkṛtaṃ kṛtamityuta

"I was once as you are today, and you will be as we are. Do not scorn me on the ground that I committed some wicked deed."

Verse 28 (12.234.28)

सुखदुःखे हि पुरुषः पर्यायेणाधिगच्छति । पर्यायेणासि शक्रत्वं प्राप्तः शक्र न कर्मणा ॥

sukhaduḥkhe hi puruṣaḥ paryāyeṇādhigacchati | paryāyeṇāsi śakratvaṃ prāptaḥ śakra na karmaṇā

"A man comes to happiness and sorrow in turn. It is by turn, Shakra, that you have attained the rank of Shakra, not by your deeds."

Verse 29 (12.234.29)

कालः काले नयति मां त्वां च कालो नयत्ययम् । तेनाहं त्वं यथा नाद्य त्वं चापि न यथा वयम् ॥

kālaḥ kāle nayati māṃ tvāṃ ca kālo nayatyayam | tenāhaṃ tvaṃ yathā nādya tvaṃ cāpi na yathā vayam

"Time leads me along in its time, and the same Time leads you. And so today I am not as you are, and you are not as we are."

Verse 30 (12.234.30)

न मातृपितृशुश्रूषा न च दैवतपूजनम् । नान्यो गुणसमाचारः पुरुषस्य सुखावहः ॥

na mātṛpitṛśuśrūṣā na ca daivatapūjanam | nānyo guṇasamācāraḥ puruṣasya sukhāvahaḥ

"Neither serving one's mother and father, nor worshipping the gods, nor any other virtuous conduct brings a man happiness."

Verse 31 (12.234.31)

न विद्या न तपो दानं न मित्राणि न बान्धवाः । शक्नुवन्ति परित्रातुं नरं कालेन पीडितम् ॥

na vidyā na tapo dānaṃ na mitrāṇi na bāndhavāḥ | śaknuvanti paritrātuṃ naraṃ kālena pīḍitam

"Neither learning, nor austerity, nor charity, nor friends, nor kinsmen can save a man oppressed by Time."

Verse 32 (12.234.32)

नागामिनमनर्थं हि प्रतिघातशतैरपि । शक्नुवन्ति प्रतिव्योढुमृते बुद्धिबलान्नराः ॥

nāgāminamanarthaṃ hi pratighātaśatairapi | śaknuvanti prativyoḍhumṛte buddhibalānnarāḥ

"Men cannot ward off a coming misfortune even with hundreds of counter-measures, except through the strength of their understanding."

Verse 33 (12.234.33)

पर्यायैर्हन्यमानानां परित्राता न विद्यते । इदं तु दुःखं यच्छक्र कर्ताऽहमिति मन्यसे ॥

paryāyairhanyamānānāṃ paritrātā na vidyate | idaṃ tu duḥkhaṃ yacchakra kartā'hamiti manyase

"There is no rescuer for those being struck down by the turns of fortune. But this is the sorrow, Shakra, that you think, 'I am the doer.'"

Verse 34 (12.234.34)

यदि कर्ता भवेत्कर्ता न क्रियेत कदाचन । यस्मात्तु क्रियते कर्ता तस्मात्कर्ताऽप्यनीश्वरः ॥

yadi kartā bhavetkartā na kriyeta kadācana | yasmāttu kriyate kartā tasmātkartā'pyanīśvaraḥ

"If the doer were truly the doer, he would never himself be acted upon; but because the doer is himself made, the doer too is no master."

Verse 35 (12.234.35)

कालेन त्वाऽहमजयं कालेनाहं जितस्त्वया । गन्ता गतिमतां कालः कालः कलयति प्रजाः ॥

kālena tvā'hamajayaṃ kālenāhaṃ jitastvayā | gantā gatimatāṃ kālaḥ kālaḥ kalayati prajāḥ

"By Time I conquered you, and by Time I was conquered by you. Time is the goer among those who go; Time drives all creatures on."

Verse 36 (12.234.36)

इन्द्र प्राकृतया बुद्ध्या प्रलपन्नावबुद्ध्यसे । केचित्त्वां बहुमन्यन्ते श्रैष्ठ्यं प्राप्तं स्वकर्मणा ॥

indra prākṛtayā buddhyā pralapannāvabuddhyase | kecittvāṃ bahumanyante śraiṣṭhyaṃ prāptaṃ svakarmaṇā

"Indra, you babble with a common mind and do not understand. Some think highly of you, believing you have reached supremacy by your own deeds."

Verse 37 (12.234.37)

कथमस्मद्विधो नाम जानँल्लोकप्रवृत्तयः । कालेनाभ्याहतः शोचेन्मुह्येद्वाऽप्यथविभ्रमेत् ॥

kathamasmadvidho nāma jānam̐llokapravṛttayaḥ | kālenābhyāhataḥ śocenmuhyedvā'pyathavibhramet

"How could one like me, who knows the ways of the world, be struck down by Time and grieve, or be bewildered, or lose his wits?"

Verse 38 (12.234.38)

कथं कालपरीतस्य मम वा मद्विधस्य वा । बुद्धिर्व्यसनमासाद्य भिन्ना नौरिव सीदति ॥

kathaṃ kālaparītasya mama vā madvidhasya vā | buddhirvyasanamāsādya bhinnā nauriva sīdati

"How should the mind of one hemmed in by Time, whether myself or one like me, sink on meeting calamity like a shattered boat?"

Verse 39 (12.234.39)

अहं च त्वं च ये चान्ये भविष्यन्ति सुराधिपाः । ते सर्वे शक्र यास्यन्ति मार्गमिन्द्रशतैर्गतम् ॥

ahaṃ ca tvaṃ ca ye cānye bhaviṣyanti surādhipāḥ | te sarve śakra yāsyanti mārgamindraśatairgatam

"I, you, and the others who will be lords of the gods — all of them, Shakra, will go the path that hundreds of Indras have gone."

Verse 40 (12.234.40)

त्वामप्येवं सुदुर्धर्षं ज्वलन्तं परया श्रिया । काले परिणते कालः कलयिष्यति मामिव ॥

tvāmapyevaṃ sudurdharṣaṃ jvalantaṃ parayā śriyā | kāle pariṇate kālaḥ kalayiṣyati māmiva

"Even you, so hard to overcome and blazing with supreme splendour — when your time ripens, Time will seize you as it has seized me."

Verse 41 (12.234.41)

बहूनीन्द्रसहस्राणि दैवतानां युगे युगे । अभ्यतीतानि कालेन कालो हि दुरतिक्रमः ॥

bahūnīndrasahasrāṇi daivatānāṃ yuge yuge | abhyatītāni kālena kālo hi duratikramaḥ

"Thousands of Indras of the gods have passed away, age after age, through Time; for Time is hard to overcome."

Verse 42 (12.234.42)

इदं तु लब्ध्वा संस्थानमात्मानं बहु मन्यसे । सर्वभूतभवं देवं ब्रह्माणमिव शाश्वतम् ॥

idaṃ tu labdhvā saṃsthānamātmānaṃ bahu manyase | sarvabhūtabhavaṃ devaṃ brahmāṇamiva śāśvatam

"Having gained this station, you think highly of yourself, as though you were Brahma, the eternal god, source of all beings."

Verse 43 (12.234.43)

न चेदमचलं स्थानमनन्तं वाऽपि कस्यचित् । त्वं तु बालिशया बुद्ध्या ममेदमिति मन्यसे ॥

na cedamacalaṃ sthānamanantaṃ vā'pi kasyacit | tvaṃ tu bāliśayā buddhyā mamedamiti manyase

"But this station is not unmoving or endless for anyone; yet with a childish mind you think, 'This is mine.'"

Verse 44 (12.234.44)

अविश्वस्ते विश्वसिषि मन्यसे वाऽध्रुवे ध्रुवम् । नित्यं कालपरीतात्मा भवत्येवं सुरेश्वर ॥

aviśvaste viśvasiṣi manyase vā'dhruve dhruvam | nityaṃ kālaparītātmā bhavatyevaṃ sureśvara

"You trust what cannot be trusted and take the unstable to be stable. This is always how it is, lord of the gods, with one whose self is hemmed in by Time."

Note on the text: Not matched by the alignment (the page's couplets run half a verse out of step with the CE from here to verse 58). Line 1 = CE 12.220.44a (aviśvāsye viśvasiṣi manyase cādhruvaṃ dhruvam; अविश्वस्ते … वाऽध्रुवे is a variant); line 2 = CE star passage 12.220.44b*0653_01 (nityaṃ kālaparītātmā bhavaty evaṃ sureśvara).

Verse 45 (12.234.45)

ममेयमिति मोहात्त्वं राजश्रियमभीप्ससि । नेयं तव न चास्माकं न चान्येषां स्थिरा मता ॥

mameyamiti mohāttvaṃ rājaśriyamabhīpsasi | neyaṃ tava na cāsmākaṃ na cānyeṣāṃ sthirā matā

"Through delusion you crave royal fortune, thinking, 'It is mine.' This fortune is not yours, nor ours, nor is it held to be lasting for anyone else."

Note on the text: Not matched by the alignment. Line 1 = CE 12.220.44c (mameyam iti mohāt tvaṃ rājaśriyam abhīpsasi); line 2 = CE 12.220.45a (neyaṃ tava na cāsmākaṃ na cānyeṣāṃ sthirā matā).

Verse 46 (12.234.46)

अतिक्रम्य बहूनन्यांस्त्वयि तावदियं गता । कंचित्कालमियं स्थित्वा त्वयि वासव चञ्चला ॥

atikramya bahūnanyāṃstvayi tāvadiyaṃ gatā | kaṃcitkālamiyaṃ sthitvā tvayi vāsava cañcalā

"Passing over many others, it has come to you; and having stayed with you for a while, Vasava, the fickle one"

Note on the text: Not matched by the alignment. Line 1 = CE 12.220.45c (atikramya bahūn anyāṃs tvayi tāvad iyaṃ sthitā; अतिक्रम्य बहूनन्यान् for the CE's anyāṃ); line 2 = CE 12.220.46a (kaṃ cit kālam iyaṃ sthitvā tvayi vāsava cañcalā).

Verse 47 (12.234.47)

गौर्निवासमिवोत्सृज्य पुनरन्यं गमिष्यति । सुरेशा ये ह्यतिक्रान्तास्तान्न संख्यातुमुत्सहे ॥

gaurnivāsamivotsṛjya punaranyaṃ gamiṣyati | sureśā ye hyatikrāntāstānna saṃkhyātumutsahe

"will leave you as a cow leaves her shed, and go to another. I cannot count the lords of the gods who have gone before."

Note on the text: Not matched by the alignment. Line 1 = CE 12.220.46c (gaur nipānam ivotsṛjya punar anyaṃ gamiṣyati; गौर्निवासम् is a variant); line 2 = CE 12.220.47a (rājalokā hy atikrāntā yān na saṃkhyātum utsahe; सुरेशा ये ह्यतिक्रान्तास्तान्न is a variant).

Verse 48 (12.234.48)

त्वत्तो बहुतराश्चान्ये भविष्यन्ति पुरंदर । सवृक्षौषधिगुल्मेयं ससरित्पर्वताकरा ॥

tvatto bahutarāścānye bhaviṣyanti puraṃdara | savṛkṣauṣadhigulmeyaṃ sasaritparvatākarā

"After you, Purandara, there will be many more. This earth, with its trees, herbs and shrubs, its rivers, mountains and mines —"

Note on the text: Not matched by the alignment. Line 1 = CE 12.220.47c (tvatto bahutarāś cānye bhaviṣyanti puraṃdara); line 2 = CE 12.220.48a (savṛkṣauṣadhiratneyaṃ sasaritparvatākarā; गुल्म for ratna is a variant).

Verse 49 (12.234.49)

तानिदानीं न पश्यामि यैर्भुक्तेयं पुरा मही । पृथुरैलो मयो भीमो नरकः शम्बरस्तथा ॥

tānidānīṃ na paśyāmi yairbhukteyaṃ purā mahī | pṛthurailo mayo bhīmo narakaḥ śambarastathā

"I no longer see those by whom this earth was once enjoyed: Prithu, Aila, Maya, Bhima, Naraka, Shambara,"

Note on the text: Not matched by the alignment. Line 1 = CE 12.220.48c (tān idānīṃ na paśyāmi yair bhukteyaṃ purā mahī); line 2 = CE 12.220.49a (pṛthur ailo mayo bhaumo narakaḥ śambaras tathā; भीमः is a variant of bhaumaḥ).

Verse 50 (12.234.50)

अश्वग्रीवः पुलोमा च स्वर्भानुरमितप्रभः । प्रह्लादो नमुचिर्दक्षो विप्रचित्तिर्विरोचनः ॥

aśvagrīvaḥ pulomā ca svarbhānuramitaprabhaḥ | prahlādo namucirdakṣo vipracittirvirocanaḥ

"Ashvagriva, Puloman, Svarbhanu of boundless radiance, Prahlada, Namuchi, Daksha, Viprachitti, Virochana,"

Note on the text: Removed a stray closing square bracket after स्वर्भानुरमितप्रभः (no opening bracket on the page). Not matched by the alignment: line 1 = CE 12.220.49c (aśvagrīvaḥ pulomā ca svarbhānur amitadhvajaḥ; अमितप्रभः is a variant), line 2 = CE 12.220.50a.

Verse 51 (12.234.51)

ह्रीनिषेवः सुहोत्रश्च भूरिहा पुष्पवान्वृषः । सत्येषुर्ऋषभो बाहुः कपिलाश्वो निरूपकः ॥

hrīniṣevaḥ suhotraśca bhūrihā puṣpavānvṛṣaḥ | satyeṣurṛṣabho bāhuḥ kapilāśvo nirūpakaḥ

"Hrinisheva, Suhotra, Bhurihan, Pushpavan, Vrisha, Satyeshu, Rishabha, Bahu, Kapilashva, Nirupaka,"

Note on the text: Not matched by the alignment. Line 1 = CE 12.220.50c (hrīniṣedhaḥ suhotraś ca bhūrihā puṣpavān vṛṣaḥ; ह्रीनिषेवः is a variant); line 2 = CE 12.220.51a (satyeṣur ṛṣabho rāhuḥ kapilāśvo virūpakaḥ; बाहुः and निरूपकः are variants).

Verse 52 (12.234.52)

बाणः कार्तस्वरो वह्निर्विश्वदंष्ट्रोऽथ नैर्ऋतिः । संकोचोऽथ वरीताक्षो वराहाश्वो रुचिप्रभः ॥

bāṇaḥ kārtasvaro vahnirviśvadaṃṣṭro'tha nairṛtiḥ | saṃkoco'tha varītākṣo varāhāśvo ruciprabhaḥ

"Bana, Kartasvara, Vahni, Vishvadamshtra, Nairriti, Sankocha, Varitaksha, Varahashva, Ruchiprabha,"

Note on the text: Not matched by the alignment. Line 1 = CE 12.220.51c (bāṇaḥ kārtasvaro vahnir viśvadaṃṣṭro 'tha nairṛtaḥ); line 2 is worded differently from CE 12.220.52a (ritthāhutthau vīratāmrau varāhāśvo ruciḥ prabhuḥ) and is kept as a variant.

Verse 53 (12.234.53)

विश्वजित्प्रतिरूपश्च वृषाण्डो विष्करो मधुः । हिरण्यकशिपुश्चैव कैटभश्चैव दानवः ॥

viśvajitpratirūpaśca vṛṣāṇḍo viṣkaro madhuḥ | hiraṇyakaśipuścaiva kaiṭabhaścaiva dānavaḥ

"Vishvajit, Pratirupa, Vrishanda, Vishkara, Madhu, Hiranyakashipu, and the Danava Kaitabha,"

Note on the text: Not matched by the alignment. Line 1 = CE 12.220.52c (viśvajit pratiśauriś ca vṛṣāṇḍo viṣkaro madhuḥ; प्रतिरूपश्च is a variant); line 2 = CE 12.220.53a.

Verse 54 (12.234.54)

दैतेया दानवाश्चैव सर्वे ते नैर्ऋतैः सह । एते चान्ये च बहवः पूर्वे पूर्वतराश्च ये ॥

daiteyā dānavāścaiva sarve te nairṛtaiḥ saha | ete cānye ca bahavaḥ pūrve pūrvatarāśca ye

"the Daityas and Danavas, all of them together with the Nairritas. These and many others, earlier and still earlier ones,"

Note on the text: Not matched by the alignment. Line 1 = CE 12.220.53c (daityāś ca kālakhañjāś ca sarve te nairṛtaiḥ saha; दैतेया दानवाश्चैव is a variant); line 2 = CE 12.220.54a.

Verse 55 (12.234.55)

दैत्येन्द्रा दानवेन्द्राश्च यांश्चान्याननुशुश्रुम् । बहवः पूर्वदैत्येन्द्राः संत्यज्य पृथिवीं गताः ॥

daityendrā dānavendrāśca yāṃścānyānanuśuśrum | bahavaḥ pūrvadaityendrāḥ saṃtyajya pṛthivīṃ gatāḥ

"the lords of the Daityas and the lords of the Danavas of whom we have heard besides — many former lords of the Daityas have abandoned the earth and gone."

Note on the text: Not matched by the alignment. Line 1 = CE 12.220.54c; line 2 = CE 12.220.55a.

Verse 56 (12.234.56)

कालेनाभ्याहताः सर्वे कालो हि बलवत्तरः । सर्वैः क्रतुशतैरिष्टं न त्वमेकः शतक्रतुः ॥

kālenābhyāhatāḥ sarve kālo hi balavattaraḥ | sarvaiḥ kratuśatairiṣṭaṃ na tvamekaḥ śatakratuḥ

"All were struck down by Time, for Time is stronger. By every one of them hundreds of sacrifices were offered; you are not the only one of a hundred sacrifices."

Note on the text: Not matched by the alignment. Line 1 = CE 12.220.55c; line 2 = CE 12.220.56a.

Verse 57 (12.234.57)

सर्वे धर्मपराश्चासन्सर्वे सततसत्रिणः । अन्तरिक्षचराः सर्वे सर्वेऽभिमुखयोधिनः ॥

sarve dharmaparāścāsansarve satatasatriṇaḥ | antarikṣacarāḥ sarve sarve'bhimukhayodhinaḥ

"All were devoted to dharma, all constantly performed sacrificial sessions, all moved through the sky, all fought facing the foe,"

Note on the text: Not matched by the alignment. Line 1 = CE 12.220.56c; line 2 = CE 12.220.57a.

Verse 58 (12.234.58)

सर्वे संहननोपेताः सर्वे परिघबाहवः । सर्वे मायाशतधराः सर्वे ते कामरूपिणः । सर्वे समरमासाद्य न श्रूयन्ते पराजिताः ॥

sarve saṃhananopetāḥ sarve parighabāhavaḥ | sarve māyāśatadharāḥ sarve te kāmarūpiṇaḥ | sarve samaramāsādya na śrūyante parājitāḥ

"all were strongly built, all had arms like iron bars, all commanded hundreds of illusions, all took any form at will; once in battle, all were never heard of as defeated."

Note on the text: Three-line verse, as on the page (labelled 58a/b/c). Not matched by the alignment: lines = CE 12.220.57c, 12.220.58a, 12.220.58c (कामरूपिणः for kāmacāriṇaḥ is a variant).

Verse 59 (12.234.59)

सर्वे सत्यव्रतपराः सर्वे कामविहारिणः । सर्वे वेदव्रतपराः सर्वे चैव बहुश्रुताः ॥

sarve satyavrataparāḥ sarve kāmavihāriṇaḥ | sarve vedavrataparāḥ sarve caiva bahuśrutāḥ

"All were firm in vows of truth, all roamed at will, all were devoted to the vows of the Veda, and all were learned."

Verse 60 (12.234.60)

सर्वे संमतमैश्वर्यमीश्वराः प्रतिपेदिरे । न चैश्वर्यमदस्तेषां भूतपूर्वो महात्मनाम् ॥

sarve saṃmatamaiśvaryamīśvarāḥ pratipedire | na caiśvaryamadasteṣāṃ bhūtapūrvo mahātmanām

"All, as lords, attained the sovereignty they esteemed; and no pride of power ever arose in those great-souled ones."

Verse 61 (12.234.61)

सर्वे यथार्हदातारः सर्वे विगतमत्सराः । सर्वे सर्वेषु भूतेषु यथावत्प्रतिपेदिरे ॥

sarve yathārhadātāraḥ sarve vigatamatsarāḥ | sarve sarveṣu bhūteṣu yathāvatpratipedire

"All gave gifts as was fitting, all were free from envy, and all dealt with all beings as was proper."

Note on the text: Corrected प्रतिपेदरे → प्रतिपेदिरे (misprint in Wikisource; not a valid perfect form; CE pratipedire).

Verse 62 (12.234.62)

सर्वे दाक्षायणीपुत्राः प्राजापत्या महाबलाः । ज्वलन्तः प्रतपन्तश्च कालेन प्रतिसंहृताः ॥

sarve dākṣāyaṇīputrāḥ prājāpatyā mahābalāḥ | jvalantaḥ pratapantaśca kālena pratisaṃhṛtāḥ

"All were sons of Dakshayani, descended from Prajapati, very mighty, blazing and burning with heat — and yet Time drew them all back."

Note on the text: Corrected प्राजपत्या → प्राजापत्या (misprint in Wikisource; dropped long ā; CE prājāpatyā).

Verse 63 (12.234.63)

त्वं चैवेमां यदा भुक्त्वा पृथिवीं त्यक्ष्यसे पुनः । न शक्ष्यसि तदा शक्र नियन्तुं शोकमात्मनः ॥

tvaṃ caivemāṃ yadā bhuktvā pṛthivīṃ tyakṣyase punaḥ | na śakṣyasi tadā śakra niyantuṃ śokamātmanaḥ

"And when you too have enjoyed this earth and must give it up again, Shakra, you will not then be able to hold back your own grief."

Verse 64 (12.234.64)

मुञ्चेच्छां कामभोगेषु मुञ्चेमं श्रीभवं मदम् । एवं स्वराज्यनाशे त्वं शोकं संप्रसहिष्यसि ॥

muñcecchāṃ kāmabhogeṣu muñcemaṃ śrībhavaṃ madam | evaṃ svarājyanāśe tvaṃ śokaṃ saṃprasahiṣyasi

"Give up your longing for pleasures; give up this pride born of prosperity. Then, when your own kingdom is lost, you will be able to bear the sorrow."

Note on the text: Corrected मुञ्जेमं → मुञ्चेमं (misprint in Wikisource; ज for च; CE muñcemaṃ).

Verse 65 (12.234.65)

शोककाले शुचो मा त्वं हर्षकाले च मा हृषः । अतीतानागतं हित्वा प्रत्युत्पन्नेन वर्तय ॥

śokakāle śuco mā tvaṃ harṣakāle ca mā hṛṣaḥ | atītānāgataṃ hitvā pratyutpannena vartaya

"Do not grieve in a time for grief, nor rejoice in a time for joy; leave aside the past and the future, and act by the present."

Verse 66 (12.234.66)

मां चेदभ्यागतः कालः सदा युक्तमतन्द्रितः । क्षमस्व न चिरादिन्द्र त्वामप्युपगमिष्यति ॥

māṃ cedabhyāgataḥ kālaḥ sadā yuktamatandritaḥ | kṣamasva na cirādindra tvāmapyupagamiṣyati

"If Time, ever intent and unwearied, has come upon me, be patient: before long it will come upon you too."

Verse 67 (12.234.67)

त्रासयन्निव देवेन्द्र वाग्भिस्तक्षसि मामिह । संयते मयि नूनं त्वमात्मानं बहु मन्यसे ॥

trāsayanniva devendra vāgbhistakṣasi māmiha | saṃyate mayi nūnaṃ tvamātmānaṃ bahu manyase

"As though to frighten me, lord of the gods, you cut at me with words here. Because I am restrained, you surely think highly of yourself."

Note on the text: Corrected ननं → नूनं (misprint in Wikisource; dropped ū; CE nūnaṃ).

Verse 68 (12.234.68)

कालः प्रथममायान्मां पश्चात्त्वामनुधावति । तेन गर्जसि देवेन्द्र पूर्वं कालहते मयि ॥

kālaḥ prathamamāyānmāṃ paścāttvāmanudhāvati | tena garjasi devendra pūrvaṃ kālahate mayi

"Time came to me first and runs after you later; that is why you roar, lord of the gods, at me, who was struck down by Time first."

Note on the text: Corrected पञ्चात् → पश्चात् (misprint in Wikisource; ञ्च for श्च; CE paścāt).

Verse 69 (12.234.69)

को हि स्थातुमलं लोके मम क्रुद्धस्य संयुगे । कालस्तु बलवान्प्राप्तस्तेन तिष्ठसि वासव ॥

ko hi sthātumalaṃ loke mama kruddhasya saṃyuge | kālastu balavānprāptastena tiṣṭhasi vāsava

"Who in the world could stand against me in battle when I am enraged? But mighty Time has come, and that is why you stand, Vasava."

Verse 70 (12.234.70)

यत्तद्वर्षसहस्रान्तं तूर्णं भवितुमर्हति । यथा मे सर्वगात्राणि न सुस्थानि महौजसः ॥

yattadvarṣasahasrāntaṃ tūrṇaṃ bhavitumarhati | yathā me sarvagātrāṇi na susthāni mahaujasaḥ

"The span that ends after a thousand years ought to pass swiftly, just as all the limbs of this once mighty one are no longer sound."

Note on the text: Wikisource तूर्णं (CE pūrṇaṃ) and महौजसः (CE hataujasaḥ) are kept as variants; the sense of the verse is obscure.

Verse 71 (12.234.71)

अहमैन्द्राच्च्युतः स्थानात्त्वमिन्द्रः प्रकृतो दिवि । सुचित्रे जीवलोकेऽस्मिन्नुपास्यः कालपर्ययः ॥

ahamaindrāccyutaḥ sthānāttvamindraḥ prakṛto divi | sucitre jīvaloke'sminnupāsyaḥ kālaparyayaḥ

"I have fallen from Indra's station, and you have been set up as Indra in heaven; in this wondrous world of the living, the turning of Time is to be honoured."

Verse 72 (12.234.72)

किं हि कृत्वा त्वमिन्द्रोऽद्य किं वा कृत्वा वयं च्युताः । कालः कर्ता विकर्ता च सर्वमन्यदकारणम् ॥

kiṃ hi kṛtvā tvamindro'dya kiṃ vā kṛtvā vayaṃ cyutāḥ | kālaḥ kartā vikartā ca sarvamanyadakāraṇam

"What have you done to be Indra today, and what have we done to fall? Time is the doer and the undoer; everything else is no cause."

Note on the text: Corrected स्वमिन्द्रोऽद्य → त्वमिन्द्रोऽद्य (misprint in Wikisource; स्व for त्व, which does not agree with इन्द्रः; CE tvam indro 'dya).

Verse 73 (12.234.73)

नाशं विनाशमैश्वर्यं सुखदुःखे भवाभवौ । विद्वान्प्राप्यैवमत्यर्थं न प्रहृष्येन्न च व्यथेत् ॥

nāśaṃ vināśamaiśvaryaṃ sukhaduḥkhe bhavābhavau | vidvānprāpyaivamatyarthaṃ na prahṛṣyenna ca vyathet

"Ruin, destruction, lordship, pleasure and pain, existence and non-existence — a wise man who understands this does not rejoice greatly nor tremble."

Verse 74 (12.234.74)

त्वमेव हीन्द्र वेत्थास्मान्वेदाहं त्वां च वासव । किं कत्थसे मां किंच त्वं कालेन निरपत्रपः ॥

tvameva hīndra vetthāsmānvedāhaṃ tvāṃ ca vāsava | kiṃ katthase māṃ kiṃca tvaṃ kālena nirapatrapaḥ

"You yourself know us, Indra, and I know you, Vasava. Why do you boast over me, shameless one, when all this is the work of Time?"

Note on the text: Corrected निरपत्रयः → निरपत्रपः (misprint in Wikisource; य for प; CE nirapatrapa). The second line is worded differently from the CE (vikatthase māṃ kiṃ baddhaṃ kālena nirapatrapa); the Wikisource wording is kept as a variant.

Verse 75 (12.234.75)

त्वमेव हि पुरा वेत्थ यत्तदा पौरुषं मम । समरेषु च विक्रान्तं पर्याप्तं तन्निदर्शनम् ॥

tvameva hi purā vettha yattadā pauruṣaṃ mama | samareṣu ca vikrāntaṃ paryāptaṃ tannidarśanam

"You yourself know well the prowess I showed in those days, and my valour in battles; that is proof enough."

Verse 76 (12.234.76)

आदित्याश्चैव रुद्राश्च साध्याश्च वसुभिः सह । मया विनिर्जिताः पूर्वं मरुतश्च शचीपते ॥

ādityāścaiva rudrāśca sādhyāśca vasubhiḥ saha | mayā vinirjitāḥ pūrvaṃ marutaśca śacīpate

"The Adityas, the Rudras, the Sadhyas together with the Vasus, and the Maruts too, Lord of Shachi, were all conquered by me in the past."

Verse 77 (12.234.77)

त्वमेव शक्र जानासि देवासुरसमागमे । समेता विबुधा भग्नास्तरसा समरे मया ॥

tvameva śakra jānāsi devāsurasamāgame | sametā vibudhā bhagnāstarasā samare mayā

"You yourself know, Shakra, that in the clash of gods and asuras the assembled gods were swiftly shattered by me in battle."

Verse 78 (12.234.78)

पर्वताश्चासकृत्क्षिप्ताः सवनाः सवनौकसः । सशृङ्गशिखरा भग्नाः समरे मूर्ध्नि ते मया ॥

parvatāścāsakṛtkṣiptāḥ savanāḥ savanaukasaḥ | saśṛṅgaśikharā bhagnāḥ samare mūrdhni te mayā

"Mountains, with their forests and forest-dwellers, were hurled again and again; with their peaks and ridges broken, they were smashed on your head in battle by me."

Note on the text: Corrected मूर्ध्निं → मूर्ध्नि (misprint in Wikisource; stray anusvara; CE mūrdhni). सशृङ्गशिखरा भग्नाः (CE saṭaṅkaśikharā ghorāḥ) is kept as a variant.

Verse 79 (12.234.79)

किं नु शक्यं मया कर्तुं कालो हि दुरतिक्रमः । न हि त्वां नोत्सहे हन्तुं सवज्रमपि मुष्टिना ॥

kiṃ nu śakyaṃ mayā kartuṃ kālo hi duratikramaḥ | na hi tvāṃ notsahe hantuṃ savajramapi muṣṭinā

"But what can I do? Time is hard to overcome. It is not that I am unable to strike you down, thunderbolt and all, with my fist."

Verse 80 (12.234.80)

न तु विक्रमकालोऽयं क्षमाकालोऽयमागतः । तेन त्वां मर्षये शक्र दुर्मर्षणतरस्त्वया ॥

na tu vikramakālo'yaṃ kṣamākālo'yamāgataḥ | tena tvāṃ marṣaye śakra durmarṣaṇatarastvayā

"But this is not the time for prowess; the time for forbearance has come. That is why I bear with you, Shakra, though you are the hardest of all to bear."

Verse 81 (12.234.81)

तं मां परिणते काले परीतं कालवह्निना । नियतं कालपाशेन बद्धं शक्र विकत्थसे ॥

taṃ māṃ pariṇate kāle parītaṃ kālavahninā | niyataṃ kālapāśena baddhaṃ śakra vikatthase

"Me — ripened by time, encircled by the fire of Time, firmly bound with the noose of Time — you taunt, Shakra."

Verse 82 (12.234.82)

अयं स पुरुषः श्यामो लोकस्य दुरतिक्रमः । बद्ध्वा तिष्ठति मां रौद्रः पशुं रशनया यथा ॥

ayaṃ sa puruṣaḥ śyāmo lokasya duratikramaḥ | baddhvā tiṣṭhati māṃ raudraḥ paśuṃ raśanayā yathā

"That dark Person, whom the world cannot overcome, terrible, stands holding me bound like a beast with a rope."

Verse 83 (12.234.83)

लाभालाभौ सुखं दुःखं कामक्रोधौ भवाभवौ । वधो बन्धप्रमोक्षश्च सर्वं कालेन लभ्यते ॥

lābhālābhau sukhaṃ duḥkhaṃ kāmakrodhau bhavābhavau | vadho bandhapramokṣaśca sarvaṃ kālena labhyate

"Gain and loss, pleasure and pain, desire and anger, existence and non-existence, death, bondage and release — everything is obtained through Time."

Verse 84 (12.234.84)

नाहं कर्ता न कर्ता त्वं कर्ता यस्तु सदा प्रभुः । सोयं पचति कालो मां वृक्षे फलमिवागतम् ॥

nāhaṃ kartā na kartā tvaṃ kartā yastu sadā prabhuḥ | soyaṃ pacati kālo māṃ vṛkṣe phalamivāgatam

"I am not the doer, nor are you; the doer is He who is always the master. This Time ripens me, like a fruit that has come to the tree."

Verse 85 (12.234.85)

यान्येव पुरुषः कुर्वन्सुखैः कालेन युज्यते । पुनस्तान्येव कुर्वाणो दुःखैः कालेन युज्यते ॥

yānyeva puruṣaḥ kurvansukhaiḥ kālena yujyate | punastānyeva kurvāṇo duḥkhaiḥ kālena yujyate

"Whatever deeds a man does, by them he is joined by Time to happiness; doing those same deeds again, he is joined by Time to sorrows."

Verse 86 (12.234.86)

न च कालेन कालज्ञः स्पृष्टः शोचितुमर्हति । तेन शक्र न शोचामि नास्ति शोके सहायता ॥

na ca kālena kālajñaḥ spṛṣṭaḥ śocitumarhati | tena śakra na śocāmi nāsti śoke sahāyatā

"One who knows Time, when touched by Time, has no reason to grieve. Therefore, Shakra, I do not grieve; there is no help in sorrow."

Verse 87 (12.234.87)

यदा हि शोचतः शोको व्यसनं नापकर्षति । सामर्थ्यं शोचतो नास्तीत्यतोऽहं नाद्य शोचामि ॥

yadā hi śocataḥ śoko vyasanaṃ nāpakarṣati | sāmarthyaṃ śocato nāstītyato'haṃ nādya śocāmi

"Since, for those who grieve, grief does not remove calamity, and there is no power in grieving, therefore I do not grieve today."

Note on the text: Corrected नाषकर्षति → नापकर्षति and शोचिमि → शोचामि (misprints in Wikisource; ष for प, and a non-existent form; CE nāpakarṣati, śocāmi). The wording of line 2 otherwise differs from the CE (nāsti nādya śocāmy ahaṃ tataḥ) and is kept as a variant.

Verse 88 (12.234.88)

एवमुक्तः सहस्राक्षो भगवान्पाकशासनः । प्रतिसंहृत्य संरम्भमित्युवाच शतक्रतुः ॥

evamuktaḥ sahasrākṣo bhagavānpākaśāsanaḥ | pratisaṃhṛtya saṃrambhamityuvāca śatakratuḥ

Thus addressed, the blessed thousand-eyed Shatakratu, slayer of Paka, restrained his fury and said:

Verse 89 (12.234.89)

सवज्रमुद्यतं बाहुं दृष्ट्वा पाशांश्च वारुणान् । कस्येह न व्यथेद्बुद्धिर्मृत्योरपि जिघांसतः ॥

savajramudyataṃ bāhuṃ dṛṣṭvā pāśāṃśca vāruṇān | kasyeha na vyathedbuddhirmṛtyorapi jighāṃsataḥ

"Seeing my arm raised with the thunderbolt and Varuna's nooses, whose mind here would not tremble — even the mind of Death himself, bent on killing?"

Note on the text: Speaker: Indra. The page prints no heading for verses 89-116 (Indra's reply to Bali) after the heading भीष्म उवाच at 88.

Verse 90 (12.234.90)

सा ते न व्यथते बुद्धिरचला तत्त्वदर्शिनी । ब्रुवन्न व्यथसेऽद्य त्वं धैर्यात्सत्यपराक्रम ॥

sā te na vyathate buddhiracalā tattvadarśinī | bruvanna vyathase'dya tvaṃ dhairyātsatyaparākrama

"That mind of yours does not tremble, steady and seeing the truth. Speaking so, you are not shaken today, through your fortitude, O man of true valour."

Note on the text: Corrected व्रुवन् → ब्रुवन् (misprint in Wikisource; व for ब; CE bruvan). अद्य त्वं धैर्यात् (CE sa tvaṃ vākyam) is kept as a variant.

Verse 91 (12.234.91)

को हि विश्वासमर्थेषु शरीरे वा शरीरभृत् । कर्तुमुत्सहते लोके दृष्ट्वा संप्रस्थितं जगत् ॥

ko hi viśvāsamartheṣu śarīre vā śarīrabhṛt | kartumutsahate loke dṛṣṭvā saṃprasthitaṃ jagat

"Who in the world, being embodied, can place trust in possessions or in the body, seeing the world pass away?"

Verse 92 (12.234.92)

अहमप्येवमेवैनं लोकं जानाम्यशाश्वतम् । कालाग्नावाहितं घोरे गुह्ये सततगेऽक्षरे ॥

ahamapyevamevainaṃ lokaṃ jānāmyaśāśvatam | kālāgnāvāhitaṃ ghore guhye satatage'kṣare

"I too know this world to be just so — impermanent, laid in the terrible fire of Time, hidden, ever in motion, imperishable."

Verse 93 (12.234.93)

न चात्र परिहारोऽस्ति कालस्पृष्टस्य कस्यचित् । सूक्ष्माणां महतां चैव भूतानां परिपच्यताम् ॥

na cātra parihāro'sti kālaspṛṣṭasya kasyacit | sūkṣmāṇāṃ mahatāṃ caiva bhūtānāṃ paripacyatām

"And there is no escape here for anyone touched by Time, for beings small and great, as they are ripened."

Verse 94 (12.234.94)

अनीशस्याप्रमत्तस्य भूतानि पचतः सदा । अनिवृत्तस्य कालस्य क्षयं प्राप्तो न मुच्यते ॥

anīśasyāpramattasya bhūtāni pacataḥ sadā | anivṛttasya kālasya kṣayaṃ prāpto na mucyate

"Time, which has no master over it, is never heedless, is always ripening beings and never turns back; whoever has fallen into its destruction is not released."

Verse 95 (12.234.95)

अप्रमत्तः प्रमत्तेषु कालो जागर्ति देहिषु । प्रयत्नेनाप्यपक्रान्तो दृष्टपूर्वो न केनचित् ॥

apramattaḥ pramatteṣu kālo jāgarti dehiṣu | prayatnenāpyapakrānto dṛṣṭapūrvo na kenacit

"Time stays awake among heedless creatures, itself never heedless; no one has ever been seen to escape it, even by effort."

Verse 96 (12.234.96)

पुराणः शाश्वतो धर्मः सर्वप्राणभृतां समः । कालो न परिहार्यश्च न चास्यास्ति व्यतिक्रमः ॥

purāṇaḥ śāśvato dharmaḥ sarvaprāṇabhṛtāṃ samaḥ | kālo na parihāryaśca na cāsyāsti vyatikramaḥ

"It is the ancient, eternal law, the same for all living beings; Time cannot be avoided, and there is no stepping beyond it."

Verse 97 (12.234.97)

अहोरात्रांश्च मासांश्च क्षणान्काष्ठा लवान्कलाः । संपीडयति यः कालो वृद्धिं वार्धुषिको यथा ॥

ahorātrāṃśca māsāṃśca kṣaṇānkāṣṭhā lavānkalāḥ | saṃpīḍayati yaḥ kālo vṛddhiṃ vārdhuṣiko yathā

"As a usurer presses on with his interest, so Time presses days and nights, months, moments, kashthas, lavas and kalas."

Note on the text: Corrected वार्धुपिको → वार्धुषिको (misprint in Wikisource; प for ष; CE vārdhuṣiko).

Verse 98 (12.234.98)

इदमद्य करिष्यामि श्वः कर्ताऽस्मीति वादिनम् । कालो हरति संप्राप्तो नदीवेग इव द्रुमम् ॥

idamadya kariṣyāmi śvaḥ kartā'smīti vādinam | kālo harati saṃprāpto nadīvega iva drumam

"Time, once it has come, carries off the man who says, 'I will do this today, I will do that tomorrow,' as a river's current carries off a tree."

Verse 99 (12.234.99)

इदानीं तावदेवासौ मया दृष्टः कथं मृतः । इति कालेन ह्रियतां प्रलापः श्रूयते नृणाम् ॥

idānīṃ tāvadevāsau mayā dṛṣṭaḥ kathaṃ mṛtaḥ | iti kālena hriyatāṃ pralāpaḥ śrūyate nṛṇām

"'Only just now I saw him — how is he dead?' Such lamentations are heard from men as they are carried off by Time."

Verse 100 (12.234.100)

नश्यन्त्यर्थास्तथा भोगाः स्थानमैश्वर्यमेव च । जीवितं जीवलोकस्य कालेनागम्य नीयते ॥

naśyantyarthāstathā bhogāḥ sthānamaiśvaryameva ca | jīvitaṃ jīvalokasya kālenāgamya nīyate

"Riches perish, and pleasures, and rank and lordship; Time comes and carries off the very life of the living world."

Note on the text: Not matched by the alignment. Line 1 = CE 12.220.100a; line 2 = CE star passage 12.220.100d*0654_01 (jīvitaṃ jīvalokasya kālenāgamya nīyate). The CE's other star passage 12.220.100d*0655_01 is not on the page.

Verse 101 (12.234.101)

उच्छ्राया विनिपातान्ता भावोऽभावः स एव च । अनित्यमध्रुवं सर्वं व्यवसायो हि दुष्करः ॥

ucchrāyā vinipātāntā bhāvo'bhāvaḥ sa eva ca | anityamadhruvaṃ sarvaṃ vyavasāyo hi duṣkaraḥ

"All rises end in a fall, and being ends in non-being; everything is impermanent and unstable, and firm resolve is hard to keep."

Note on the text: Not matched by the alignment. Wikisource sets the lines in a different order from the CE: line 1 = CE 12.220.100e (ucchrāyā vinipātāntā bhāvo 'bhāvastha eva ca); line 2 = CE 12.220.100c (anityam adhruvaṃ sarvaṃ vyavasāyo hi duṣkaraḥ).

Verse 102 (12.234.102)

सा ते न व्यथते बुद्धिरचला तत्त्वदर्शिनी । अहमासं पुरा चेति मनसाऽपि न बुद्ध्यते ॥

sā te na vyathate buddhiracalā tattvadarśinī | ahamāsaṃ purā ceti manasā'pi na buddhyate

"That mind of yours does not tremble, steady and seeing the truth; the thought 'I once was such' does not even cross it."

Verse 103 (12.234.103)

कालेनाक्रम्य लोकेऽस्मिन्पच्यमाने बलीयसा । अज्येष्ठमकनिष्ठं च क्षिप्यमाणो न बुद्ध्यते ॥

kālenākramya loke'sminpacyamāne balīyasā | ajyeṣṭhamakaniṣṭhaṃ ca kṣipyamāṇo na buddhyate

"Overpowered by mighty Time, this world is being ripened; one who is flung about, with no regard for elder or younger, does not realise it."

Verse 104 (12.234.104)

ईर्ष्याभिमानलोभेषु कामक्रोधभयेषु च । स्पृहामोहाभिमानेषु लोकः सक्तो विमुह्यति ॥

īrṣyābhimānalobheṣu kāmakrodhabhayeṣu ca | spṛhāmohābhimāneṣu lokaḥ sakto vimuhyati

"Jealousy, pride and greed, desire, anger and fear, longing, delusion and conceit — attached to these, the world is lost in confusion."

Verse 105 (12.234.105)

भवांस्तु भावतत्त्वज्ञो विद्वाञ्ज्ञानतपोन्वितः । कालं पश्यति सुव्यक्तं पाणावामलकं यथा ॥

bhavāṃstu bhāvatattvajño vidvāñjñānataponvitaḥ | kālaṃ paśyati suvyaktaṃ pāṇāvāmalakaṃ yathā

"But you know the truth of things, you are learned, endowed with knowledge and austerity; you see Time clearly, like an amalaka fruit in the palm of your hand."

Verse 106 (12.234.106)

कालचारित्रतत्त्वज्ञः सर्वशास्त्रविशारदः । वैरोचने कृतार्थोऽसि स्पृहणीयो विजानताम् ॥

kālacāritratattvajñaḥ sarvaśāstraviśāradaḥ | vairocane kṛtārtho'si spṛhaṇīyo vijānatām

"Knower of the nature and course of Time, skilled in all the sciences, O son of Virochana, you have fulfilled your purpose and are to be envied by the discerning."

Note on the text: Corrected वैरोचते → वैरोचने (misprint in Wikisource; vocative of वैरोचन; CE vairocane). कृतार्थोऽसि (CE kṛtātmāsi) is kept as a variant.

Verse 107 (12.234.107)

सर्वलोको ह्ययं मन्ये बुद्ध्या परिगतस्त्वया । विहरन्सर्वतोमुक्तो न क्वचिच्च विषीदसि ॥

sarvaloko hyayaṃ manye buddhyā parigatastvayā | viharansarvatomukto na kvacicca viṣīdasi

"I think you have grasped this whole world with your understanding; moving about everywhere, free on every side, you are nowhere cast down."

Verse 108 (12.234.108)

रजश्च हि तमश्च त्वां स्पृशते न जितेन्द्रियम् । निष्प्रीतिं नष्टसंतापमात्मानं त्वमुपाससे ॥

rajaśca hi tamaśca tvāṃ spṛśate na jitendriyam | niṣprītiṃ naṣṭasaṃtāpamātmānaṃ tvamupāsase

"Passion and darkness do not touch you, master of your senses; free of attachment, your torment gone, you worship the Self."

Verse 109 (12.234.109)

सुहृदं सर्वभूतानां निर्वैरं शान्तमानसम् । दृष्ट्वा त्वां मम संजाता त्वय्यनुक्रोशिनी मतिः ॥

suhṛdaṃ sarvabhūtānāṃ nirvairaṃ śāntamānasam | dṛṣṭvā tvāṃ mama saṃjātā tvayyanukrośinī matiḥ

"Seeing you, a friend of all beings, free from enmity, with a peaceful mind, a feeling of compassion for you has arisen in me."

Verse 110 (12.234.110)

नाहमेतादृशं बुद्धं हन्तुमिच्छामि बन्धनैः । आनृशंस्यं परो धर्मो ह्यनुक्रोशश्च मे त्वयि ॥

nāhametādṛśaṃ buddhaṃ hantumicchāmi bandhanaiḥ | ānṛśaṃsyaṃ paro dharmo hyanukrośaśca me tvayi

"I do not wish to strike down such an enlightened one with bonds. Gentleness is the highest dharma, and I feel compassion for you."

Verse 111 (12.234.111)

मोक्ष्यन्ते वारुणाः पाशास्तवेमे कालपर्ययात् । प्रजानामुपचारेण स्वस्ति तेऽस्तु महासुर ॥

mokṣyante vāruṇāḥ pāśāstaveme kālaparyayāt | prajānāmupacāreṇa svasti te'stu mahāsura

"These nooses of Varuna will be loosed from you with the turning of time. May good fortune be yours, great asura, for your service to your people."

Verse 112 (12.234.112)

यदा श्वश्रूं स्नुषा वृद्धां परिचारेण योक्ष्यते । पुत्रश्च पितरं मोहात्प्रेषयिष्यति कर्मसु ॥

yadā śvaśrūṃ snuṣā vṛddhāṃ paricāreṇa yokṣyate | putraśca pitaraṃ mohātpreṣayiṣyati karmasu

"When the daughter-in-law will make her aged mother-in-law serve her, and the son, in his delusion, will send his father off to do tasks,"

Verse 113 (12.234.113)

ब्राह्मणैः कारयिष्यन्ति वृषलाः पादधावनम् । शूद्राश्च ब्राह्मणीं भार्यामुपयास्यन्ति निर्भयाः ॥

brāhmaṇaiḥ kārayiṣyanti vṛṣalāḥ pādadhāvanam | śūdrāśca brāhmaṇīṃ bhāryāmupayāsyanti nirbhayāḥ

"when low-born men will have brahmanas wash their feet, and shudras will approach brahmana wives without fear,"

Note on the text: The CE's star passage 12.220.112d*0656_01 is not on the page.

Verse 114 (12.234.114)

वियोनिषु विमोक्ष्यन्ति बीजानि पुरुषा यदा । संकरं कांस्यभाण्डैश्च बलिं चैव कुपात्रकैः ॥

viyoniṣu vimokṣyanti bījāni puruṣā yadā | saṃkaraṃ kāṃsyabhāṇḍaiśca baliṃ caiva kupātrakaiḥ

"when men will cast their seed into wombs of the wrong kind, and bring about confusion with vessels of bronze, and make the bali offering with unfit vessels,"

Verse 115 (12.234.115)

चातुर्वर्ण्यं यदा कृत्स्नममर्यादं भविष्यति । एकैकस्ते तदा पाशः क्रमशः परिमोक्ष्यते ॥

cāturvarṇyaṃ yadā kṛtsnamamaryādaṃ bhaviṣyati | ekaikaste tadā pāśaḥ kramaśaḥ parimokṣyate

"when the four classes have become wholly without restraint, then, one after another, each of your nooses will be loosed."

Verse 116 (12.234.116)

अस्मत्तस्ते भयं नास्ति समयं प्रतिपालय । सुखी भव निराबाधः स्वस्थचेता निरामयः ॥

asmattaste bhayaṃ nāsti samayaṃ pratipālaya | sukhī bhava nirābādhaḥ svasthacetā nirāmayaḥ

"From us you have nothing to fear. Keep to the agreement. Be happy, untroubled, calm in mind and free from illness."

Verse 117 (12.234.117)

तमेवमुक्त्वा भगवाञ्छतक्रतुः । प्रतिप्रयातो गजराजवाहनः । विजित्य सर्वानसुरान्सुराधिपो । ननन्द हर्षेण बभूव चैकराट् ॥

tamevamuktvā bhagavāñchatakratuḥ | pratiprayāto gajarājavāhanaḥ | vijitya sarvānasurānsurādhipo | nananda harṣeṇa babhūva caikarāṭ

Having spoken thus to him, the blessed Shatakratu, riding the king of elephants, went away; having conquered all the asuras, the lord of the gods rejoiced with joy and became sole sovereign.

Verse 118 (12.234.118)

महर्षयस्तुष्टुवुरञ्जसा च तं । वृषाकपिं सर्वचराचरेश्वरम् । हिमापहो हव्यमुवाह चाध्वरे । तथाऽमृतं चार्पितमीश्वरोऽपि हि ॥

maharṣayastuṣṭuvurañjasā ca taṃ | vṛṣākapiṃ sarvacarācareśvaram | himāpaho havyamuvāha cādhvare | tathā'mṛtaṃ cārpitamīśvaro'pi hi

The great seers promptly praised him — Vrishakapi, lord of all that moves and does not move. At the sacrifice Agni, the dispeller of cold, carried the oblation, and ambrosia too was offered, as befits a lord.

Note on the text: Corrected वृषाकर्पि → वृषाकपिं (misprint in Wikisource; stray र् and missing anusvara; CE vṛṣākapiṃ). Lines 3-4 (हिमापहो हव्यमुवाह चाध्वरे / तथाऽमृतं चार्पितमीश्वरोऽपि हि) differ from the CE (himāpaho havyam udāvahaṃs tvaraṃs / tathāmṛtaṃ cārpitam īśvarāya ha) and are kept as variants.

Verse 119 (12.234.119)

द्विजोत्तमैः सर्वगतैरभिष्टुतो । विदीप्ततेजाः शतमन्युरीश्वरः । प्रशान्तचेता मुदितः स्वमालयं । त्रिविष्टपं प्राप्य मुमोद वासवः ॥

dvijottamaiḥ sarvagatairabhiṣṭuto | vidīptatejāḥ śatamanyurīśvaraḥ | praśāntacetā muditaḥ svamālayaṃ | triviṣṭapaṃ prāpya mumoda vāsavaḥ

Praised by the best of brahmanas, who pervade all things, Shatamanyu, blazing in splendour, the lord, calm in mind and glad, reached his own abode in heaven and rejoiced — Vasava.