Narada Consoles Srinjaya with Sixteen Kings

Verse 1 (12.28.1)

अव्याहरति राजेन्द्रे धर्मपुत्रे युधिष्ठिरे । गुडाकेशो हृषीकेशमभ्यभाषत पाण्डवः ॥

avyāharati rājendre dharmaputre yudhiṣṭhire | guḍākeśo hṛṣīkeśamabhyabhāṣata pāṇḍavaḥ

When Yudhishthira, Dharma's son and lord of kings, had fallen silent, Arjuna, the Pandava Gudakesha, spoke to Hrishikesha.

Verse 2 (12.28.2)

ज्ञातिशोकाभिसंतप्तो धर्मपुत्रः परंतपः । एष शोकार्णवे मग्नस्तमाश्वासय माधव ॥

jñātiśokābhisaṃtapto dharmaputraḥ paraṃtapaḥ | eṣa śokārṇave magnastamāśvāsaya mādhava

Arjuna said: "Tormented by grief for his kinsmen, Dharma's son, the scorcher of foes, is sunk in an ocean of sorrow. Console him, O Madhava."

Verse 3 (12.28.3)

सर्वे स्म ते संशयिताः पुनरेव जनार्दन । अस्य शोकं महाप्राज्ञ प्रणाशयितुमर्हसि ॥

sarve sma te saṃśayitāḥ punareva janārdana | asya śokaṃ mahāprājña praṇāśayitumarhasi

"O Janardana, once more all of us are in anxious doubt. O greatly wise one, you ought to dispel his grief."

Verse 4 (12.28.4)

एवमुक्तस्तु गोविन्दो विजयेन महात्मना । पर्यवर्तत राजानं पुण्डरीकेक्षणोऽच्युतः ॥

evamuktastu govindo vijayena mahātmanā | paryavartata rājānaṃ puṇḍarīkekṣaṇo'cyutaḥ

Addressed thus by the great-souled Vijaya, Govinda, the lotus-eyed Achyuta, turned toward the king.

Verse 5 (12.28.5)

अनतिक्रमणीयो हि धर्मराजस्य केशवः । बाल्यात्प्रभृति गोविंदः प्रीत्या चाभ्यधिकोर्जुनात् ॥

anatikramaṇīyo hi dharmarājasya keśavaḥ | bālyātprabhṛti goviṃdaḥ prītyā cābhyadhikorjunāt

For Keshava was one whom the king of dharma could never disregard; from boyhood Govinda had been dearer to him, in affection, even than Arjuna.

Verse 6 (12.28.6)

संप्रगृह्य महाबाहुर्भुजं चन्दनभूषितम् । शैलस्तम्भोपमं शौरिरुवाचाभिविनोदयन् ॥

saṃpragṛhya mahābāhurbhujaṃ candanabhūṣitam | śailastambhopamaṃ śauriruvācābhivinodayan

Taking the king's mighty arm, adorned with sandalwood and like a pillar of stone, in his hand, the mighty-armed Shauri spoke to cheer him.

Verse 7 (12.28.7)

शुशुभे वदनं तस्य सुदंष्ट्रं चारुलोचनम् । व्याकोचमिव विस्पष्टं पद्मं सूर्यविबोधितम् ॥

śuśubhe vadanaṃ tasya sudaṃṣṭraṃ cārulocanam | vyākocamiva vispaṣṭaṃ padmaṃ sūryavibodhitam

His face, with its fine teeth and lovely eyes, shone clear as a fully opened lotus awakened by the sun.

Note on the text: Corrected पझं → पद्मं (misprint in Wikisource; झ for द्म, giving no word; the critical edition reads padmam).

Verse 8 (12.28.8)

मा कृथाः पुरुषव्याघ्र शोकं त्वं गात्रशोषणम् । न हि ते सुलभा भूयो ये हताऽस्मिन्रणाजिरे ॥

mā kṛthāḥ puruṣavyāghra śokaṃ tvaṃ gātraśoṣaṇam | na hi te sulabhā bhūyo ye hatā'sminraṇājire

Vasudeva said: "Do not give way to grief, O tiger among men; it only wastes the body. Those who were slain on this field of battle are not easily found again."

Verse 9 (12.28.9)

स्वप्नलब्धा यथा लाभा वितथाः प्रतिबोधने । तथा ते क्षत्रिया राजन्ये व्यतीता महारणे ॥

svapnalabdhā yathā lābhā vitathāḥ pratibodhane | tathā te kṣatriyā rājanye vyatītā mahāraṇe

"As gains won in a dream prove false on waking, so, O king, are those warriors who have passed away in the great battle."

Verse 10 (12.28.10)

सर्वे ह्यभिमुखाः शूरा निहता रणशोभिनः । नैषां कश्चित्पृष्ठतो वा पलायन्वा निपातितः ॥

sarve hyabhimukhāḥ śūrā nihatā raṇaśobhinaḥ | naiṣāṃ kaścitpṛṣṭhato vā palāyanvā nipātitaḥ

"All those heroes, the glory of the battlefield, were slain facing the enemy. Not one of them was struck down from behind, or while fleeing."

Verse 11 (12.28.11)

सर्वे त्यक्त्वाऽऽत्मनः प्राणान्युद्ध्वा वीरा महामृधे । शस्त्रपूता दिवं प्राप्ता न ताञ्छोचितुमर्हसि ॥

sarve tyaktvā''tmanaḥ prāṇānyuddhvā vīrā mahāmṛdhe | śastrapūtā divaṃ prāptā na tāñchocitumarhasi

"All those heroes gave up their lives and fought in the great battle; purified by weapons, they have reached heaven. You should not grieve for them."

Verse 12 (12.28.12)

क्षत्रधर्मरताः शूरा वेदवेदाङ्गपारगाः । प्राप्ता वीरगतिं पुण्यां तान्न शोचितुमर्हसि । मृतान्महानुभावांस्त्वं श्रुत्वैव पृथिवीपतीन् ॥

kṣatradharmaratāḥ śūrā vedavedāṅgapāragāḥ | prāptā vīragatiṃ puṇyāṃ tānna śocitumarhasi | mṛtānmahānubhāvāṃstvaṃ śrutvaiva pṛthivīpatīn

"Devoted to the warrior's duty, brave, masters of the Vedas and their limbs, they have won the sacred hero's end. You should not grieve for them. You have only to hear of those mighty lords of the earth who have died."

Note on the text: Lines 1–2 are the critical edition's star passage 12.29.11d*0039_01–02 (kṣatradharmaratāḥ śūrā vedavedāṅgapāragāḥ / prāptā vīragatiṃ puṇyāṃ na tāñ śocitum arhasi), which is not in its constituted text (found in the vulgate recension); the alignment found no match. The page's third line (मृतान्महानुभावांस्त्वं श्रुत्वैव पृथिवीपतीन्, printed as 12-28-12c) repeats the opening of verse 16 (CE 12.29.15a) and has no counterpart at this place in the critical edition; kept as the page prints it, with the verse-end mark after it.

Verse 13 (12.28.13)

अत्रैवोदाहरन्तीममितिहासं पुरातनम् । सृञ्जयं पुत्रशोकार्तं यथाऽयं नारदोऽब्रवीत् ॥

atraivodāharantīmamitihāsaṃ purātanam | sṛñjayaṃ putraśokārtaṃ yathā'yaṃ nārado'bravīt

"On this point they recite an ancient tale, how Narada once spoke to Srinjaya, who was stricken with grief for his son."

Verse 14 (12.28.14)

सुखदुःखैरहं त्वं च प्रजाः सर्वाश्च सृञ्जय । अविमुक्ता मरिष्यामस्तत्र का परिदेवना ॥

sukhaduḥkhairahaṃ tvaṃ ca prajāḥ sarvāśca sṛñjaya | avimuktā mariṣyāmastatra kā paridevanā

Narada said: "Srinjaya, you and I and all creatures are not free of pleasure and pain, and we shall all die; what cause is there then for lament?"

Verse 15 (12.28.15)

महाभाग्यं पुरा राज्ञां कीर्त्यमानं मया शृणु । गच्छावधानं नृपते ततो दुःखं प्रहास्यसि ॥

mahābhāgyaṃ purā rājñāṃ kīrtyamānaṃ mayā śṛṇu | gacchāvadhānaṃ nṛpate tato duḥkhaṃ prahāsyasi

"Listen as I tell of the greatness of kings of old. Give me your attention, O lord of men, and then you will cast off your sorrow."

Verse 16 (12.28.16)

मृतान्महानुभावांस्त्वं श्रुत्वैव पृथिवीपतीन् । शममानय संतापं शृणु विस्तरशश्च मे । क्रूरग्रहाभिशमनमायुर्वर्धनमुत्तमम् ॥

mṛtānmahānubhāvāṃstvaṃ śrutvaiva pṛthivīpatīn | śamamānaya saṃtāpaṃ śṛṇu vistaraśaśca me | krūragrahābhiśamanamāyurvardhanamuttamam

"Hear of the mighty lords of the earth who have died, and bring calm to your torment. Listen to me at length; this recital quiets baleful planets and is the best of means to lengthen life."

Note on the text: The alignment found no match. Line 1 is a variant of CE 12.29.15a (mṛtān mahānubhāvāṃs tvaṃ śrutvaiva tu mahīpatīn); line 2 is 12.29.15c (śrutvāpanaya saṃtāpaṃ śṛṇu vistaraśaś ca me; Wikisource शममानय संतापं, a recension variant); line 3 is the star line 12.29.15d*0040_01 (krūragrahābhiśamanam āyurvardhanam uttamam).

Verse 17 (12.28.17)

अग्रिमाणां क्षितिभुजामुदारं च मनोहरम् । आविक्षितं मरुत्तं च मृतं सृञ्जय शुश्रुम ॥

agrimāṇāṃ kṣitibhujāmudāraṃ ca manoharam | āvikṣitaṃ maruttaṃ ca mṛtaṃ sṛñjaya śuśruma

"This is a noble and charming account of the foremost rulers of the earth. We have heard, Srinjaya, that Marutta, son of Avikshit, is dead."

Note on the text: The alignment found no match. Line 1 is the star line 12.29.15d*0040_02 (agrimāṇāṃ kṣitibhujām upādānaṃ manoharam; Wikisource उदारं च for upādānam); line 2 is a variant of CE 12.29.16a (āvikṣitaṃ maruttaṃ me mṛtaṃ sṛñjaya śuśruhi; Wikisource मरुत्तं च … शुश्रुम). Recension variants, kept.

Verse 18 (12.28.18)

यस्य सेन्द्राः सवरुणा बृहस्पतिपुरोगमाः । देवा विश्वसृजो राज्ञो यज्ञमीयुर्महात्मनः ॥

yasya sendrāḥ savaruṇā bṛhaspatipurogamāḥ | devā viśvasṛjo rājño yajñamīyurmahātmanaḥ

"To the sacrifice of that great-souled king came the gods who fashion the world, with Indra and Varuna and with Brihaspati at their head;"

Note on the text: The alignment found no match. Line 1 is CE 12.29.16c and line 2 is 12.29.16e; Wikisource divides the critical edition's three-line verse 16 across its verses 17–18.

Verse 19 (12.28.19)

यः स्पर्धामानयच्छक्रं देवराजं पुरंदरम् । शक्रप्रियैषी यं विद्वान्प्रत्याचष्ट बृहस्पतिः ॥

yaḥ spardhāmānayacchakraṃ devarājaṃ puraṃdaram | śakrapriyaiṣī yaṃ vidvānpratyācaṣṭa bṛhaspatiḥ

"he who brought on a rivalry with Shakra, Purandara, king of the gods, and whom Brihaspati, the wise friend of Shakra, refused to serve;"

Note on the text: The alignment found no match. The lines are CE 12.29.17a and 17c; Wikisource divides the critical edition's three-line verse 17 across its verses 19–20.

Verse 20 (12.28.20)

संवर्तो याजयामास यं पीडार्थं बृहस्पतेः ॥

saṃvarto yājayāmāsa yaṃ pīḍārthaṃ bṛhaspateḥ

"and for whom Samvarta performed the sacrifice, to vex Brihaspati."

Note on the text: The alignment found no match. The single line is CE 12.29.17e, printed by Wikisource as a one-line verse (12-28-20a); kept as printed.

Verse 21 (12.28.21)

यस्मिन्प्रशासति महीं नृपतौ राजसत्तम । अकृष्टपच्या पृथिवी विबभौ सस्यमालिनी ॥

yasminpraśāsati mahīṃ nṛpatau rājasattama | akṛṣṭapacyā pṛthivī vibabhau sasyamālinī

"While that king ruled the earth, O best of kings, the land, garlanded with crops, shone, yielding grain without being ploughed."

Verse 22 (12.28.22)

आविक्षितस्य वै सत्रे विश्वेदेवाः सभासदः । मरुतः परिवेष्टारः साध्याश्चासन्महात्मनः ॥

āvikṣitasya vai satre viśvedevāḥ sabhāsadaḥ | marutaḥ pariveṣṭāraḥ sādhyāścāsanmahātmanaḥ

"At the sacrifice of Avikshit's son the Vishvedevas were the assembly members, the Maruts the servers, and the Sadhyas too were present, for that great-souled king."

Verse 23 (12.28.23)

मरुद्गणा मरुत्तस्य यत्सोममपिबंस्ततः । देवान्मनुष्यान्गन्धर्वानत्यरिच्यन्त दक्षिणाः ॥

marudgaṇā maruttasya yatsomamapibaṃstataḥ | devānmanuṣyāngandharvānatyaricyanta dakṣiṇāḥ

"When the Maruts drank Marutta's soma, the sacrificial gifts outshone those of the gods, of men and of the gandharvas."

Note on the text: Corrected मरुद्गण → मरुद्गणा (misprint in Wikisource; ा dropped, leaving a singular stem where the plural subject is required; the critical edition reads marudgaṇā).

Verse 24 (12.28.24)

स चेन्ममार सृञ्जय चतुर्भद्रतरस्त्वया । पुत्रात्पुण्यतरश्चैव मा पुत्रमनुतप्यथाः ॥

sa cenmamāra sṛñjaya caturbhadratarastvayā | putrātpuṇyataraścaiva mā putramanutapyathāḥ

"If he too died, Srinjaya — he who was four times more blessed than you and more meritorious than your son — then do not mourn your son."

Verse 25 (12.28.25)

सुहोत्रं च वैतिथिनं मृतं सृञ्जय शुश्रुम । यस्मै हिरण्यं ववृषे मघवा परिवत्सरम् ॥

suhotraṃ ca vaitithinaṃ mṛtaṃ sṛñjaya śuśruma | yasmai hiraṇyaṃ vavṛṣe maghavā parivatsaram

"We have heard, Srinjaya, that Suhotra Vaitithina too has died, on whom Maghavan rained gold for a full year."

Note on the text: Corrected द्वतिथिनं → वैतिथिनं (misprint in Wikisource; द्व for वै, giving no word; the critical edition reads vaitithinam, and verse 28 has वैतिथिः). Corrected यस्मे → यस्मै (misprint in Wikisource; ै dropped; the critical edition reads yasmai).

Verse 26 (12.28.26)

सत्यनामा वसुमती यं प्राप्यासीञ्जनाधिपम् । हिरण्यमवहन्नद्यस्तस्मिञ्जनपदेश्वरे ॥

satyanāmā vasumatī yaṃ prāpyāsīñjanādhipam | hiraṇyamavahannadyastasmiñjanapadeśvare

"Having gained that lord of the realm, the earth became truly Vasumati, the bearer of wealth, and in his kingdom the rivers flowed with gold."

Verse 27 (12.28.27)

मत्स्यान्कर्कटकान्नक्रान्मकराञ्छिंशुकानपि । नदीष्ववासृजद्राजन्मघवा लोकपूजितः ॥

matsyānkarkaṭakānnakrānmakarāñchiṃśukānapi | nadīṣvavāsṛjadrājanmaghavā lokapūjitaḥ

"In the rivers, O king, Maghavan, honoured by the world, caused fish, crabs, crocodiles, makaras and dolphins to rain down."

Verse 28 (12.28.28)

हैरण्यान्पातितान्दृष्ट्वा मत्स्यान्मकरकच्छपान् । सहस्रशोऽथ शतशस्ततोऽस्मयत वैतिथिः ॥

hairaṇyānpātitāndṛṣṭvā matsyānmakarakacchapān | sahasraśo'tha śataśastato'smayata vaitithiḥ

"Seeing the golden fish, makaras and tortoises that had fallen there by the hundred and by the thousand, Vaitithi smiled."

Verse 29 (12.28.29)

तद्धिरण्यमपर्यन्तमावृतं कुरुजाङ्गले । ईजानो वितते यज्ञे ब्राह्मणेभ्यः समार्पयत् ॥

taddhiraṇyamaparyantamāvṛtaṃ kurujāṅgale | ījāno vitate yajñe brāhmaṇebhyaḥ samārpayat

"All that boundless gold, spread over the Kuru-jangala country, he gave to the brahmins at his great sacrifice."

Verse 30 (12.28.30)

स चेन्ममार सृञ्जय चतुर्भद्रतरस्त्वया । पुत्रात्पुण्यतरश्चैव मा पुत्रमनुतप्यथाः । अदक्षिणमयज्वानं श्वैत्य संशाम्य माशुचः ॥

sa cenmamāra sṛñjaya caturbhadratarastvayā | putrātpuṇyataraścaiva mā putramanutapyathāḥ | adakṣiṇamayajvānaṃ śvaitya saṃśāmya māśucaḥ

"If he too died, Srinjaya — he who was four times more blessed than you and more meritorious than your son — then do not mourn your son. Be calm, O Shvaitya, and do not grieve for one who gave no fees and never sacrificed."

Verse 31 (12.28.31)

अङ्गं बृहद्रथं चैव मृतं सृञ्जय शुश्रुम । यः सहस्रं सहस्राणां श्वेतानश्वानवासृजत् ॥

aṅgaṃ bṛhadrathaṃ caiva mṛtaṃ sṛñjaya śuśruma | yaḥ sahasraṃ sahasrāṇāṃ śvetānaśvānavāsṛjat

"We have heard, Srinjaya, that Anga Brihadratha too has died, who gave away a thousand thousand white horses,"

Note on the text: Corrected श्वेतानश्वानवासृजात् → श्वेतानश्वानवासृजत् (misprint in Wikisource; long ा for the a of the imperfect अवासृजत्; the critical edition reads avāsṛjat).

Verse 32 (12.28.32)

सहस्रं च सहस्राणां कन्या हेमपरिष्कृताः । ईजानो वितते यज्ञे दक्षिणामत्यकालयत् ॥

sahasraṃ ca sahasrāṇāṃ kanyā hemapariṣkṛtāḥ | ījāno vitate yajñe dakṣiṇāmatyakālayat

"and a thousand thousand maidens adorned with gold; at his great sacrifice he gave them away as fee."

Note on the text: Corrected हमपरिष्कृताः → हेमपरिष्कृताः (misprint in Wikisource; े dropped; the word is हेम, gold; cf. the critical edition hemavibhūṣitāḥ).

Verse 33 (12.28.33)

यः सहस्रं सहस्राणां गजानां पद्ममालिनाम् । ईजानो वितते यज्ञे दक्षिणामत्यकालयत् ॥

yaḥ sahasraṃ sahasrāṇāṃ gajānāṃ padmamālinām | ījāno vitate yajñe dakṣiṇāmatyakālayat

"At his great sacrifice he gave as fee a thousand thousand elephants wearing lotus garlands,"

Note on the text: Corrected पझमालिनाम् → पद्ममालिनाम् (misprint in Wikisource; झ for द्म, giving no word; cf. the critical edition atipadminām). Not in the critical edition's constituted text (found in the vulgate recension); the critical edition records it as the star passage 12.29.29d*0042_01–02 (ya sahasraṃ sahasrāṇāṃ gajānām atipadminām / ījāno vitate yajñe dakṣiṇām atyakālayat; Wikisource पद्ममालिनाम् for atipadminām). The alignment pointed at CE 12.29.58, which is a different verse (see verse 65).

Verse 34 (12.28.34)

शतं शतसहस्राणि वृषाणां हेममालिनाम् । गवां सहस्रानुचरं दक्षिणामत्यकालयत् ॥

śataṃ śatasahasrāṇi vṛṣāṇāṃ hemamālinām | gavāṃ sahasrānucaraṃ dakṣiṇāmatyakālayat

"and a hundred times a hundred thousand bulls with golden garlands, each followed by a thousand cows; all this he gave as fee."

Note on the text: The alignment found no match; this is CE 12.29.30 (read in the order of the passage).

Verse 35 (12.28.35)

अङ्गस्य यजमानस्य तदा विष्णुपदे गिरौ । अमाद्यदिन्द्रः सोमेन दक्षिणाभिर्द्विजातयः ॥

aṅgasya yajamānasya tadā viṣṇupade girau | amādyadindraḥ somena dakṣiṇābhirdvijātayaḥ

"At the sacrifice of Anga on Mount Vishnupada, Indra rejoiced in the soma, and the brahmins in the fees."

Note on the text: The alignment found no match; this is CE 12.29.31 (read in the order of the passage).

Verse 36 (12.28.36)

यस्य यज्ञेषु राजेन्द्र शतसङ्ख्येषु वै पुरा । देवान्मनुष्यान्गन्धर्वानत्यरिच्यन्त दक्षिणाः ॥

yasya yajñeṣu rājendra śatasaṅkhyeṣu vai purā | devānmanuṣyāngandharvānatyaricyanta dakṣiṇāḥ

"In his hundreds of sacrifices of old, O king of kings, the fees outshone those of the gods, of men and of the gandharvas."

Note on the text: The alignment found no match; this is CE 12.29.32 (read in the order of the passage).

Verse 37 (12.28.37)

न जातो जनिता नान्यः पुमान्यः संप्रदास्यति । यदङ्गः प्रददौ वित्तं सोमसंस्थासु सप्तसु ॥

na jāto janitā nānyaḥ pumānyaḥ saṃpradāsyati | yadaṅgaḥ pradadau vittaṃ somasaṃsthāsu saptasu

"No man has been born, nor will any be born, who will give what Anga gave at his seven soma sacrifices."

Note on the text: The alignment found no match; this is CE 12.29.33 (read in the order of the passage).

Verse 38 (12.28.38)

स चेन्ममार सृञ्जय चतुर्भद्रतरस्त्वया । पुत्रात्पुण्यतरश्चैव मा पुत्रमनुतप्यथाः ॥

sa cenmamāra sṛñjaya caturbhadratarastvayā | putrātpuṇyataraścaiva mā putramanutapyathāḥ

"If he too died, Srinjaya — he who was four times more blessed than you and more meritorious than your son — then do not mourn your son."

Verse 39 (12.28.39)

शिबिमौशीनरं चैव मृतं सृञ्जय शुश्रुम । य इमां पृथिवीं सर्वां चर्मवत्समवेष्टयत् ॥

śibimauśīnaraṃ caiva mṛtaṃ sṛñjaya śuśruma | ya imāṃ pṛthivīṃ sarvāṃ carmavatsamaveṣṭayat

"We have heard, Srinjaya, that Shibi Aushinara too has died, who covered this whole earth as with a hide."

Verse 40 (12.28.40)

महता रथघोषेण पृथिवीमनुनादयन् । एकच्छत्रां महीं चक्रे जैत्रेणैकरथेन यः ॥

mahatā rathaghoṣeṇa pṛthivīmanunādayan | ekacchatrāṃ mahīṃ cakre jaitreṇaikarathena yaḥ

"Filling the earth with the great din of his chariot, with a single victorious chariot he brought the whole land under one umbrella."

Verse 41 (12.28.41)

यावदस्य गवाश्वं स्यादारण्यैः पशुभिः सह । तावतीः प्रददौ गाः स शिबिरौशीनरोऽध्वरे ॥

yāvadasya gavāśvaṃ syādāraṇyaiḥ paśubhiḥ saha | tāvatīḥ pradadau gāḥ sa śibirauśīnaro'dhvare

"As many cattle and horses as were his, together with the wild beasts, that many cows did Shibi Aushinara give at his sacrifice."

Verse 42 (12.28.42)

न वोढारं धुरं तस्य कंचिन्मेने प्रजापतिः । न भूतं न भविष्यं च सर्वराजसु सृञ्जय । अन्यत्रौशीनराच्छैब्याद्राजर्षेरिन्द्रविक्रमात् ॥

na voḍhāraṃ dhuraṃ tasya kaṃcinmene prajāpatiḥ | na bhūtaṃ na bhaviṣyaṃ ca sarvarājasu sṛñjaya | anyatrauśīnarācchaibyādrājarṣerindravikramāt

"Prajapati thought no one able to bear a burden like his. Among all kings, Srinjaya, there was none such, and will be none, save Shaibya Aushinara, the royal sage of Indra-like valour."

Verse 43 (12.28.43)

स चेन्ममार सृञ्जय चतुर्भद्रतरस्त्वया । पुत्रात्पुण्यतरश्चैव मा पुत्रमनुतप्यथाः ॥

sa cenmamāra sṛñjaya caturbhadratarastvayā | putrātpuṇyataraścaiva mā putramanutapyathāḥ

"If he too died, Srinjaya — he who was four times more blessed than you and more meritorious than your son — then do not mourn your son."

Note on the text: Lines 1–2 are CE 12.29.39a and 39c (the refrain). The alignment pointed at 12.29.45, the identical refrain after Bharata (verse 50); by the order of the passage this is the refrain after Shibi, CE 12.29.39. Wikisource prints the critical edition's third line 39e as the separate one-line verse 44.

Verse 44 (12.28.44)

अदक्षिणमयज्वानं पुत्रं संस्मृत्य मा शुचः ॥

adakṣiṇamayajvānaṃ putraṃ saṃsmṛtya mā śucaḥ

"Remember your son too, who gave no fees and never sacrificed, and do not grieve."

Note on the text: The single line is a variant of CE 12.29.39e (adakṣiṇam ayajvānaṃ taṃ vai saṃśāmya mā śucaḥ; Wikisource पुत्रं संस्मृत्य for taṃ vai saṃśāmya), printed by Wikisource as a one-line verse (12-28-44a); kept as printed. The alignment found no match.

Verse 45 (12.28.45)

भरतं चैव दौष्यन्तिं मृतं सृञ्जय शुश्रुम । शाकुन्तलं महात्मानं भूरिद्रविणतेजसम् ॥

bharataṃ caiva dauṣyantiṃ mṛtaṃ sṛñjaya śuśruma | śākuntalaṃ mahātmānaṃ bhūridraviṇatejasam

"We have heard, Srinjaya, that Bharata, son of Dushyanta, has also died, the great-souled son of Shakuntala, rich in wealth and splendour,"

Verse 46 (12.28.46)

योऽबध्नात्त्रिंशतं चाश्वान्देवेभ्यो यमुनामनु । सरस्वतीं विंशतिं च गङ्गामनु चतुर्दश ॥

yo'badhnāttriṃśataṃ cāśvāndevebhyo yamunāmanu | sarasvatīṃ viṃśatiṃ ca gaṅgāmanu caturdaśa

"who bound thirty horses for the gods along the Yamuna, twenty along the Sarasvati, and fourteen along the Ganga."

Note on the text: Corrected योऽबध्नात्रिशतं → योऽबध्नात्त्रिंशतं (misprint in Wikisource; the त् of the conjunct त्त्र and the anusvara are lost, so the word reads त्रिशतं, three hundred; the sense (thirty, twenty, fourteen) and the critical edition triṃśato hy aśvān require त्रिंशतं).

Verse 47 (12.28.47)

अश्वमेधसहस्रेण राजसूयशतेन च । इष्टवान्स महातेजा दौष्यन्तिर्भरतः पुरा ॥

aśvamedhasahasreṇa rājasūyaśatena ca | iṣṭavānsa mahātejā dauṣyantirbharataḥ purā

"With a thousand horse-sacrifices and a hundred Rajasuyas, the very radiant Bharata, son of Dushyanta, sacrificed in ancient times."

Verse 48 (12.28.48)

भरतस्य महत्कर्म सर्वराजसु पार्थिवाः । खं मर्त्या इव बाहुभ्यां नानुगन्तुमशक्नुवन् ॥

bharatasya mahatkarma sarvarājasu pārthivāḥ | khaṃ martyā iva bāhubhyāṃ nānugantumaśaknuvan

"Among all kings, the other rulers of the earth, being mortal, could not follow the great deed of Bharata, any more than men can reach the sky with their arms."

Note on the text: Corrected सवराजसु → सर्वराजसु (misprint in Wikisource; र् dropped; the critical edition reads sarvarājasu). Corrected स्वं मर्त्या → खं मर्त्या (misprint in Wikisource; स्वं gives no construction; the simile is of mortals unable to reach the sky (खं) with their arms; the critical edition reads khaṃ martyā).

Verse 49 (12.28.49)

परं सहस्राद्योऽबध्नाद्धयान्वेदीर्वितत्य च । सहस्रं यत्र पद्मानां कण्वाय भरतो ददौ ॥

paraṃ sahasrādyo'badhnāddhayānvedīrvitatya ca | sahasraṃ yatra padmānāṃ kaṇvāya bharato dadau

"He bound more than a thousand horses and laid out the sacrificial altars; and there Bharata gave Kanva a thousand padmas."

Verse 50 (12.28.50)

स चेन्ममार सृञ्जय चतुर्भद्रतरस्त्वया । पुत्रात्पुण्यतरश्चैव मा पुत्रमनुतप्यथाः ॥

sa cenmamāra sṛñjaya caturbhadratarastvayā | putrātpuṇyataraścaiva mā putramanutapyathāḥ

"If he too died, Srinjaya — he who was four times more blessed than you and more meritorious than your son — then do not mourn your son."

Note on the text: The alignment pointed at CE 12.29.55, the identical refrain after Rama (verse 62); by the order of the passage this is the refrain after Bharata, CE 12.29.45.

Verse 51 (12.28.51)

रामं दाशरथिं चैव मृतं सृञ्जय शुश्रुम । योऽन्वकम्पत वै नित्यं प्रजाः पुत्रानिवौरसान् ॥

rāmaṃ dāśarathiṃ caiva mṛtaṃ sṛñjaya śuśruma | yo'nvakampata vai nityaṃ prajāḥ putrānivaurasān

"We have heard, Srinjaya, that Rama, son of Dasharatha, has also died, who ever showed compassion to his subjects as to sons of his own body."

Verse 52 (12.28.52)

नाधनो यस्य विषये नानर्थः कस्यचिद्भवेत् । सर्वस्यासीत्पितृसमो रामो राज्यं यदन्वशात् ॥

nādhano yasya viṣaye nānarthaḥ kasyacidbhavet | sarvasyāsītpitṛsamo rāmo rājyaṃ yadanvaśāt

"In his realm no one was poor and no one met with misfortune; while he governed the kingdom, Rama was like a father to all."

Verse 53 (12.28.53)

कालवर्षी च पर्जन्यः सस्यानि समपादयत् । नित्यं सुभिक्षमेवासीद्रामे राज्यं प्रशासति ॥

kālavarṣī ca parjanyaḥ sasyāni samapādayat | nityaṃ subhikṣamevāsīdrāme rājyaṃ praśāsati

"The rain-god sent rain in its season and brought the crops to ripeness; while Rama ruled the kingdom, there was constant plenty."

Verse 54 (12.28.54)

प्राणिनो नाप्सु मञ्जन्ति नानर्थे पावकोऽदहत् । न व्यालतो भयं चासीद्रामे राज्यं प्रशासति ॥

prāṇino nāpsu mañjanti nānarthe pāvako'dahat | na vyālato bhayaṃ cāsīdrāme rājyaṃ praśāsati

"Creatures did not drown in water, fire did not burn without cause, and there was no fear of beasts of prey, while Rama ruled the kingdom."

Verse 55 (12.28.55)

आसन्वर्षसहस्रिण्यस्तथा वर्षसहस्रकाः । अरोगाः सर्वसिद्धार्था रामे राज्यं प्रशासति ॥

āsanvarṣasahasriṇyastathā varṣasahasrakāḥ | arogāḥ sarvasiddhārthā rāme rājyaṃ praśāsati

"Women lived for a thousand years, and men likewise for a thousand years; free of disease and with all their aims fulfilled, while Rama ruled the kingdom."

Verse 56 (12.28.56)

नान्योन्येन विवादोऽभूत्स्त्रीणामपि कुतो नृणाम् । धर्मनित्याः प्रजाश्चासन्रामे राज्यं प्रशासति ॥

nānyonyena vivādo'bhūtstrīṇāmapi kuto nṛṇām | dharmanityāḥ prajāścāsanrāme rājyaṃ praśāsati

"No quarrel arose between one person and another, even among women, let alone men; the people were ever devoted to dharma, while Rama ruled the kingdom."

Verse 57 (12.28.57)

संतुष्टाः सर्वसिद्धार्था निर्भयाः स्वैरचारिणः । नराः सत्यव्रताश्चासन्रामे राज्यं प्रशासति ॥

saṃtuṣṭāḥ sarvasiddhārthā nirbhayāḥ svairacāriṇaḥ | narāḥ satyavratāścāsanrāme rājyaṃ praśāsati

"Contented, with all their aims fulfilled, fearless, free to go where they pleased, the people were firm in their vow of truth, while Rama ruled the kingdom."

Note on the text: Not in the critical edition's constituted text (found in the vulgate recension); the critical edition records it as the star passage 12.29.51d*0043_01–02 (saṃtuṣṭāḥ sarvasiddhārthā nirbhayāḥ svairacāriṇaḥ / narāḥ satyavratāś cāsan rāme rājyaṃ praśāsati). The alignment found no match.

Verse 58 (12.28.58)

नित्यपुष्पफलाश्चैव पादपा निरुपद्रवाः । सर्वा द्रोणदुघा गावो रामे राज्यं प्रशासति ॥

nityapuṣpaphalāścaiva pādapā nirupadravāḥ | sarvā droṇadughā gāvo rāme rājyaṃ praśāsati

"Trees bore flowers and fruit all year, free of blight, and every cow gave a drona of milk, while Rama ruled the kingdom."

Verse 59 (12.28.59)

स चतुर्दश वर्षाणि वने प्रोष्य महातपाः । दशाश्वमेधाञ्जारूथ्यानाजहार निरर्गलान् ॥

sa caturdaśa varṣāṇi vane proṣya mahātapāḥ | daśāśvamedhāñjārūthyānājahāra nirargalān

"That great ascetic spent fourteen years in the forest, and performed ten horse-sacrifices of the Jaruthya kind, with their doors unbarred."

Verse 60 (12.28.60)

युवा श्यामो लोहिताक्षो मातङ्ग इव यूथपः । आजानुबाहुः सुमुखः सिंहस्कन्धो महाभुजः ॥

yuvā śyāmo lohitākṣo mātaṅga iva yūthapaḥ | ājānubāhuḥ sumukhaḥ siṃhaskandho mahābhujaḥ

"Young, dark, red-eyed, like a lordly bull elephant at the head of his herd, with arms reaching to his knees, a fair face, lion's shoulders and mighty arms,"

Note on the text: The alignment found no match. Line 1 is a variant of CE 12.29.54a (śyāmo yuvā lohitākṣo mattavāraṇavikramaḥ; Wikisource युवा श्यामो … मातङ्ग इव यूथपः); line 2 is the star line 12.29.54b*0045_01 (ājānubāhuḥ sumukho hariskandho mahābhujaḥ; Wikisource सिंहस्कन्धो for hariskandho). Recension variants, kept.

Verse 61 (12.28.61)

दशवर्षसहस्राणि दशवर्षशतानि च । अयोध्याधिपतिर्भूत्वा रामो राज्यमकारयत् ॥

daśavarṣasahasrāṇi daśavarṣaśatāni ca | ayodhyādhipatirbhūtvā rāmo rājyamakārayat

"for ten thousand years and ten hundred years more, as lord of Ayodhya, Rama ruled the kingdom."

Note on the text: The alignment found no match. Line 1 combines the first half of CE 12.29.54c (daśa varṣasahasrāṇi) with the star line 12.29.54e*0046_01 (daśavarṣaśatāni ca); line 2 is the star line 54e*0046_02 (ayodhyādhipatir bhūtvā) joined to the second half of 54c (rāmo rājyam akārayat).

Verse 62 (12.28.62)

स चेन्ममार सृञ्जय चतुर्भद्रतरस्त्वया । पुत्रात्पुण्यतरश्चैव मा पुत्रमनुतप्यथाः । अयज्वानमदक्षिण्यं मा पुत्रमनुतप्यथाः ॥

sa cenmamāra sṛñjaya caturbhadratarastvayā | putrātpuṇyataraścaiva mā putramanutapyathāḥ | ayajvānamadakṣiṇyaṃ mā putramanutapyathāḥ

"If he too died, Srinjaya — he who was four times more blessed than you and more meritorious than your son — then do not mourn your son. Do not mourn your son, one who never sacrificed and gave no fees."

Note on the text: The alignment pointed at CE 12.29.39 (the refrain, same wording); by the order of the passage this is the refrain after Rama, CE 12.29.55, to which lines 1–2 correspond. Line 3 (अयज्वानमदक्षिण्यं मा पुत्रमनुतप्यथाः) has no counterpart at this place in the critical edition (vulgate only; compare CE 12.29.27e and 39e).

Verse 63 (12.28.63)

भगीरथं च राजानं मृतं सृञ्जय शुश्रुम । यस्येन्द्रो वितते यज्ञे सोमं पीत्वा मदोत्कटः ॥

bhagīrathaṃ ca rājānaṃ mṛtaṃ sṛñjaya śuśruma | yasyendro vitate yajñe somaṃ pītvā madotkaṭaḥ

"We have heard, Srinjaya, that King Bhagiratha has also died, at whose great sacrifice Indra, having drunk the soma and grown exultant with its intoxication,"

Note on the text: Corrected शुश्रुम् → शुश्रुम (misprint in Wikisource; stray halant; the critical edition reads śuśruma).

Verse 64 (12.28.64)

असुराणां सहस्राणि बहूनि सुरसत्तमः । अजयद्वाहुवीर्येण भगवान्पाकशासनः ॥

asurāṇāṃ sahasrāṇi bahūni surasattamaḥ | ajayadvāhuvīryeṇa bhagavānpākaśāsanaḥ

"the Blessed Lord Pakashasana, best of the gods, conquered many thousands of asuras by the strength of his arms."

Verse 65 (12.28.65)

यः सहस्रं सहस्राणां कन्या हेमविभूषिताः । ईजानो वितते यज्ञे दक्षिणामत्यकालयत् ॥

yaḥ sahasraṃ sahasrāṇāṃ kanyā hemavibhūṣitāḥ | ījāno vitate yajñe dakṣiṇāmatyakālayat

"At his great sacrifice he gave as fee a thousand thousand maidens adorned with gold."

Note on the text: The alignment found no match; this is CE 12.29.58 (same lines), which the alignment had given to verse 33.

Verse 66 (12.28.66)

सर्वा रथगताः कन्या रथाः सर्वे चतुर्युजः । शतंशतं रथे नागाः पद्मिनो हेममालिनः ॥

sarvā rathagatāḥ kanyā rathāḥ sarve caturyujaḥ | śataṃśataṃ rathe nāgāḥ padmino hemamālinaḥ

"All the maidens rode in chariots, and all the chariots were drawn by four horses; with each chariot there were elephants by the hundred, marked with lotuses and wearing golden garlands."

Note on the text: Corrected पझिनो → पद्मिनो (misprint in Wikisource; झ for द्म, giving no word; the critical edition reads padmino).

Verse 67 (12.28.67)

सहस्रमश्वा एकैकं हस्तिनं पृष्ठतोऽन्वयुः । गवां सहस्रमश्वेऽश्वे सहस्रं गव्यजाविकम् ॥

sahasramaśvā ekaikaṃ hastinaṃ pṛṣṭhato'nvayuḥ | gavāṃ sahasramaśve'śve sahasraṃ gavyajāvikam

"Behind each elephant followed a thousand horses; for each horse there were a thousand cows, and a thousand goats and sheep besides."

Verse 68 (12.28.68)

उपह्वरे निवसतो यस्याङ्के निषसाद ह । गङ्गा भागीरथी तस्मादुर्वशी चाभवत्पुरा ॥

upahvare nivasato yasyāṅke niṣasāda ha | gaṅgā bhāgīrathī tasmādurvaśī cābhavatpurā

"While he dwelt at Upahvara, Ganga Bhagirathi sat upon his lap; and so, in former times, she came to be called Urvashi as well."

Verse 69 (12.28.69)

भूरिदक्षिणमिक्ष्वाकुं यजमानं भगीरथम् । त्रिलोकपथगा गङ्गा दुहितृत्वमुपेयुषी ॥

bhūridakṣiṇamikṣvākuṃ yajamānaṃ bhagīratham | trilokapathagā gaṅgā duhitṛtvamupeyuṣī

"To Bhagiratha the Ikshvaku, who performed sacrifices with lavish fees, Ganga, who flows through the three worlds, consented to become a daughter."

Verse 70 (12.28.70)

स चेन्ममार सृञ्जय चतुर्भद्रतरस्त्वया । पुत्रात्पुण्यतरश्चैव मा पुत्रमनुतप्यथाः ॥

sa cenmamāra sṛñjaya caturbhadratarastvayā | putrātpuṇyataraścaiva mā putramanutapyathāḥ

"If he too died, Srinjaya — he who was four times more blessed than you and more meritorious than your son — then do not mourn your son."

Verse 71 (12.28.71)

दिलीपं च महात्मानं मृतं सृञ्जय शुश्रुम । यस्य कर्माणि भूरीणि कथयन्ति द्विजातयः ॥

dilīpaṃ ca mahātmānaṃ mṛtaṃ sṛñjaya śuśruma | yasya karmāṇi bhūrīṇi kathayanti dvijātayaḥ

"We have heard, Srinjaya, that the great-souled Dilipa has also died, whose many deeds the brahmins recount,"

Note on the text: Corrected प्रस्य → यस्य (misprint in Wikisource; प्र for य; the critical edition reads yasya). The alignment found no match; this is CE 12.29.64 (read in the order of the passage).

Verse 72 (12.28.72)

य इमां वसुसंपूर्णां वसुधां वसुधाधिपः । ददौ तस्मिन्महायज्ञे ब्राह्मणेभ्यः समाहितः ॥

ya imāṃ vasusaṃpūrṇāṃ vasudhāṃ vasudhādhipaḥ | dadau tasminmahāyajñe brāhmaṇebhyaḥ samāhitaḥ

"that lord of the earth who, with a collected mind, gave this earth, full of wealth, to the brahmins at his great sacrifice."

Verse 73 (12.28.73)

यस्येह यजमानस्य यज्ञेयज्ञे पुरोहितः । सहस्रं वारणान्हैमान्दक्षिणामत्यकालयत् ॥

yasyeha yajamānasya yajñeyajñe purohitaḥ | sahasraṃ vāraṇānhaimāndakṣiṇāmatyakālayat

"As that king sacrificed here, at each and every sacrifice his household priest distributed as fee a thousand golden elephants."

Verse 74 (12.28.74)

यस्य यज्ञे महानासीद्यूपः श्रीमान्हिरण्मयः । ते देवाः कर्म कुर्वाणाः शक्रज्येष्ठा उपासत ॥

yasya yajñe mahānāsīdyūpaḥ śrīmānhiraṇmayaḥ | te devāḥ karma kurvāṇāḥ śakrajyeṣṭhā upāsata

"At his sacrifice stood a great and splendid golden sacrificial post, and the gods, with Shakra at their head, attended, performing their tasks."

Note on the text: Corrected ते देवां → ते देवाः (misprint in Wikisource; visarga lost; the critical edition reads devāḥ).

Verse 75 (12.28.75)

चषाले यस्य सौवर्णे तस्मिन्यूपे हिरण्मये । ननृतुर्देवगन्धर्वाः षट्‌सहस्राणि सप्तधा ॥

caṣāle yasya sauvarṇe tasminyūpe hiraṇmaye | nanṛturdevagandharvāḥ ṣaṭsahasrāṇi saptadhā

"On the golden ring of that golden sacrificial post, six thousand gods and gandharvas danced, to the seven notes."

Verse 76 (12.28.76)

अवादयत्तत्र वीणां मध्ये विश्वावसुः स्वयम् । सर्वभूतान्यमन्यन्त मम वादयतीत्ययम् ॥

avādayattatra vīṇāṃ madhye viśvāvasuḥ svayam | sarvabhūtānyamanyanta mama vādayatītyayam

There, in the midst of the assembly, Vishvavasu himself played the vina, and every creature thought, "He is playing for me alone."

Verse 77 (12.28.77)

एतद्राज्ञो दिलीपस्य राजानो नानुचक्रिरे । यस्येभा हेमसंछन्नाः पथि मत्ताः स्म शेरते ॥

etadrājño dilīpasya rājāno nānucakrire | yasyebhā hemasaṃchannāḥ pathi mattāḥ sma śerate

Other kings could not match this feat of King Dilipa, on whose roads gold-draped elephants lay about in their rut.

Verse 78 (12.28.78)

राजानं शतधन्वानं दिलीपं सत्यवादिनम् । येऽपश्यन्सुमहात्मानं तेऽपि स्वर्गजितो नराः ॥

rājānaṃ śatadhanvānaṃ dilīpaṃ satyavādinam | ye'paśyansumahātmānaṃ te'pi svargajito narāḥ

King Dilipa, the truthful, the lord of a hundred bows — even the men who merely saw that great-souled king won heaven.

Verse 79 (12.28.79)

त्रयः शब्दा न जीर्यन्ते दिलीपस्य निवेशने । स्वाध्यायशब्दः ज्याशब्दः शब्दो वै दीयतामिति ॥

trayaḥ śabdā na jīryante dilīpasya niveśane | svādhyāyaśabdaḥ jyāśabdaḥ śabdo vai dīyatāmiti

Three sounds never ceased in Dilipa's house: the sound of Vedic recitation, the twang of the bowstring, and the cry, "Let it be given!"

Note on the text: Not matched by the alignment; found by hand as CE 12.29.72 (trayaḥ śabdā na jīryante dilīpasya niveśane / svādhyāyaghoṣo jyāghoṣo dīyatām iti caiva hi). Line 2 is a recension variant (Wikisource स्वाध्यायशब्दः ज्याशब्दः शब्दो वै दीयतामिति), kept.

Verse 80 (12.28.80)

स चेन्ममार सृञ्जय चतुर्भद्रतरस्त्वया । पुत्रात्पुण्यतरश्चैव मा पुत्रमनुतप्यथाः ॥

sa cenmamāra sṛñjaya caturbhadratarastvayā | putrātpuṇyataraścaiva mā putramanutapyathāḥ

If he too died, Srinjaya — he who was more fortunate than you in the four blessings and greater in merit than your son — then do not grieve for your son.

Verse 81 (12.28.81)

मान्धातारं यौवनाश्वं मृतं सृञ्जय शुश्रुम । यं देवा मरुतो गर्भं पितुः पार्श्वादपाहरन् ॥

māndhātāraṃ yauvanāśvaṃ mṛtaṃ sṛñjaya śuśruma | yaṃ devā maruto garbhaṃ pituḥ pārśvādapāharan

We have heard that Mandhata, son of Yuvanashva, also died, Srinjaya — the child whom the gods, the Maruts, drew out of his father's side.

Verse 82 (12.28.82)

समृद्धो युवनाश्वस्य जठरे यो महात्मनः । पृषदाज्योद्भवः श्रीमांस्त्रिलोकविजयी नृपः ॥

samṛddho yuvanāśvasya jaṭhare yo mahātmanaḥ | pṛṣadājyodbhavaḥ śrīmāṃstrilokavijayī nṛpaḥ

He grew in the womb of the great-souled Yuvanashva, a radiant king born of ghee mixed with curds, who conquered the three worlds.

Verse 83 (12.28.83)

यं दृष्ट्वा पितुरुत्सङ्गे शयानं देवरूपिणम् । अन्योन्यमब्रुवन्देवाः कमयं धास्यतीति वै ॥

yaṃ dṛṣṭvā piturutsaṅge śayānaṃ devarūpiṇam | anyonyamabruvandevāḥ kamayaṃ dhāsyatīti vai

Seeing him, godlike, lying in his father's lap, the gods said to one another, "Whom will he suckle?"

Verse 84 (12.28.84)

मामेव धास्यतीत्येवमिन्द्रोऽथाभ्युपपद्यत । मांधातेति ततस्तस्य नाम चक्रे शतक्रतुः ॥

māmeva dhāsyatītyevamindro'thābhyupapadyata | māṃdhāteti tatastasya nāma cakre śatakratuḥ

"He will suckle me," said Indra, stepping forward; and so Shatakratu gave him the name Mandhata.

Verse 85 (12.28.85)

ततस्तु पयसो धारां पुष्टिहेतोर्महात्मनः । तस्यास्ये यौवनाश्वस्य पाणिरिन्द्रस्य चास्रवत् ॥

tatastu payaso dhārāṃ puṣṭihetormahātmanaḥ | tasyāsye yauvanāśvasya pāṇirindrasya cāsravat

Then, for the nourishment of that great-souled child, a stream of milk flowed from Indra's hand into the mouth of Yauvanashva.

Verse 86 (12.28.86)

तं पिवन्पाणिमिन्द्रस्य शतमह्ना व्यवर्धत । स आसीद्द्वादशसमो द्वादशाहेन पार्थिवः ॥

taṃ pivanpāṇimindrasya śatamahnā vyavardhata | sa āsīddvādaśasamo dvādaśāhena pārthivaḥ

Drinking from Indra's hand, he grew a hundredfold in a single day, and in twelve days the king had become as one of twelve years.

Verse 87 (12.28.87)

तमिमं पृथिवी सर्वा एकाह्ना समपद्यत । धर्मात्मानं महात्मानं शूरमिन्द्रसमं युधि ॥

tamimaṃ pṛthivī sarvā ekāhnā samapadyata | dharmātmānaṃ mahātmānaṃ śūramindrasamaṃ yudhi

In a single day the whole earth came under his sway — the righteous, great-souled hero, the equal of Indra in battle.

Verse 88 (12.28.88)

यश्चाङ्गारं तु नृपतिं मरुत्तमसितं गयम् । अङ्गं बृहद्रथं चैव मान्धाता समरेऽजयत् ॥

yaścāṅgāraṃ tu nṛpatiṃ maruttamasitaṃ gayam | aṅgaṃ bṛhadrathaṃ caiva māndhātā samare'jayat

Mandhata defeated in battle King Angara, Marutta, Asita, Gaya, Anga and Brihadratha.

Verse 89 (12.28.89)

यौवनाश्वो यदाङ्गारं समरे प्रत्ययुध्यत । विस्फारैर्धनुषो देवा द्यौरभेदीति मेनिरे ॥

yauvanāśvo yadāṅgāraṃ samare pratyayudhyata | visphārairdhanuṣo devā dyaurabhedīti menire

When Yauvanashva faced Angara in battle, the gods, hearing the twang of his bow, thought that the sky itself had split.

Verse 90 (12.28.90)

यत्र सूर्य उदेति स्म यत्र च प्रतितिष्ठति । सर्वं तद्यौवनाश्वस्य मान्धातुः क्षेत्रमुच्यते ॥

yatra sūrya udeti sma yatra ca pratitiṣṭhati | sarvaṃ tadyauvanāśvasya māndhātuḥ kṣetramucyate

All the land from where the sun rises to where it sets is called the field of Mandhata, son of Yuvanashva.

Verse 91 (12.28.91)

अश्वमेधशतेनेष्ट्वा राजसूयशतेन च । अददद्रोहितान्मत्स्यान्ब्राह्मणेभ्यो विशांपते ॥

aśvamedhaśateneṣṭvā rājasūyaśatena ca | adadadrohitānmatsyānbrāhmaṇebhyo viśāṃpate

Having sacrificed with a hundred horse sacrifices and a hundred Rajasuyas, O lord of the people, he gave the brahmins red carp.

Verse 92 (12.28.92)

हैरण्यान्योजनोत्सेधानायतान्दशयोजनम् । अतिरिक्तान्द्विजातिभ्यो व्यभजंस्त्वितरे जनाः ॥

hairaṇyānyojanotsedhānāyatāndaśayojanam | atiriktāndvijātibhyo vyabhajaṃstvitare janāḥ

They were of gold, a yojana high and ten yojanas long; what the twice-born could not take, the other people divided among themselves.

Note on the text: Corrected हैरण्यान्यो जनोत्सेधानायतान् → हैरण्यान्योजनोत्सेधानायतान् (misprint in Wikisource; a stray space splits योजन; the critical edition reads hairaṇyān yojanotsedhān).

Verse 93 (12.28.93)

स चेन्ममार सृञ्जय चतुर्भद्रतरस्त्वया । पुत्रात्पुण्यतरश्चैव मा पुत्रमनुतप्यथाः ॥

sa cenmamāra sṛñjaya caturbhadratarastvayā | putrātpuṇyataraścaiva mā putramanutapyathāḥ

If he too died, Srinjaya — he who was more fortunate than you in the four blessings and greater in merit than your son — then do not grieve for your son.

Verse 94 (12.28.94)

ययातिं नाहुषं चैव मृतं सृञ्जय शुश्रुम । य इमां पृथिवीं कृत्स्नां विजित्य सहसागराम् ॥

yayātiṃ nāhuṣaṃ caiva mṛtaṃ sṛñjaya śuśruma | ya imāṃ pṛthivīṃ kṛtsnāṃ vijitya sahasāgarām

We have heard that Yayati, son of Nahusha, also died, Srinjaya — he who conquered this entire earth with its oceans.

Verse 95 (12.28.95)

शम्यापातेनाभ्यतीयाद्वेदीभिश्चित्रयन्महीम् । ईजानः क्रतुभिर्मुख्यैः पर्यगच्छद्वसुन्धराम् ॥

śamyāpātenābhyatīyādvedībhiścitrayanmahīm | ījānaḥ kratubhirmukhyaiḥ paryagacchadvasundharām

Marking out the earth with sacrificial altars, one at every stake's throw, and adorning it, he performed the foremost sacrifices and went all around the earth.

Verse 96 (12.28.96)

इष्ट्वा क्रतुसहस्रेण वाजपेयशतेन च । तर्पयामास विप्रेन्द्रांस्त्रिभिः काञ्चनपर्वतैः ॥

iṣṭvā kratusahasreṇa vājapeyaśatena ca | tarpayāmāsa viprendrāṃstribhiḥ kāñcanaparvataiḥ

Having sacrificed with a thousand sacrifices and a hundred Vajapeyas, he gratified the foremost brahmins with three mountains of gold.

Verse 97 (12.28.97)

व्यूढेनासुरयुद्धेन हत्वा दैतेयदानवान् । व्यभजत्पृथिवीं कृत्स्नां ययातिर्नहुषात्मजः ॥

vyūḍhenāsurayuddhena hatvā daiteyadānavān | vyabhajatpṛthivīṃ kṛtsnāṃ yayātirnahuṣātmajaḥ

In the arrayed war against the asuras, Yayati, son of Nahusha, slew the Daityas and Danavas and divided the whole earth.

Verse 98 (12.28.98)

अन्त्येषु पुत्रान्निक्षिप्य यदुद्रुह्युपुरोगमान् । पुरुं राज्येऽभिषिच्याथ सदारः प्राविशद्वनम् ॥

antyeṣu putrānnikṣipya yadudruhyupurogamān | puruṃ rājye'bhiṣicyātha sadāraḥ prāviśadvanam

He set his sons, with Yadu and Druhyu at their head, in the border lands, installed Puru in the kingdom, and went into the forest with his wife.

Verse 99 (12.28.99)

स चेन्ममार सृञ्जय चतुर्भद्रतरस्त्वया । पुत्रात्पुण्यतरश्चैव मा पुत्रमनुतप्यथाः ॥

sa cenmamāra sṛñjaya caturbhadratarastvayā | putrātpuṇyataraścaiva mā putramanutapyathāḥ

If he too died, Srinjaya — he who was more fortunate than you in the four blessings and greater in merit than your son — then do not grieve for your son.

Verse 100 (12.28.100)

अम्बरीषं च नाभागं मृतं सृञ्जय शुश्रुम । यं प्रजा वव्रिरे पुण्यं गोप्तारं नृपसत्तमम् ॥

ambarīṣaṃ ca nābhāgaṃ mṛtaṃ sṛñjaya śuśruma | yaṃ prajā vavrire puṇyaṃ goptāraṃ nṛpasattamam

We have heard that Ambarisha, son of Nabhaga, also died, Srinjaya — the best of kings, the pure protector whom the people chose.

Verse 101 (12.28.101)

यः सहस्रं सहस्राणां राज्ञामयुतयाजिनाम् । ईजानो वितते यज्ञे ब्राह्मणेभ्यस्त्वमन्यत ॥

yaḥ sahasraṃ sahasrāṇāṃ rājñāmayutayājinām | ījāno vitate yajñe brāhmaṇebhyastvamanyata

In a vast sacrifice he made over to the brahmins, as their own, a thousand thousand kings who had themselves performed ten thousand sacrifices.

Verse 102 (12.28.102)

नैतत्पूर्वे जनाश्चक्रुर्न करिष्यन्ति चापरे । इत्यम्बरीषं नाभागिमन्वमोदन्त दक्षिणाः ॥

naitatpūrve janāścakrurna kariṣyanti cāpare | ityambarīṣaṃ nābhāgimanvamodanta dakṣiṇāḥ

"Men of old never did this, nor will others do it hereafter" — so the sacrificial gifts rejoiced in Ambarisha, son of Nabhaga.

Verse 103 (12.28.103)

शतं राजसहस्राणि शतं राजशतानि च । सर्वेऽश्वमेधैरीजानास्तेऽन्वयुर्दक्षिणायनम् ॥

śataṃ rājasahasrāṇi śataṃ rājaśatāni ca | sarve'śvamedhairījānāste'nvayurdakṣiṇāyanam

A hundred thousand kings and a hundred hundred more, all of whom had sacrificed with horse sacrifices, followed him along the southern course.

Verse 104 (12.28.104)

स चेन्ममार सृञ्जय चतुर्भद्रतरस्त्वया । पुत्रात्पुण्यतरश्चैव मा पुत्रमनुतप्यथाः ॥

sa cenmamāra sṛñjaya caturbhadratarastvayā | putrātpuṇyataraścaiva mā putramanutapyathāḥ

If he too died, Srinjaya — he who was more fortunate than you in the four blessings and greater in merit than your son — then do not grieve for your son.

Verse 105 (12.28.105)

शशबिन्दुं चैत्ररथं मृतं शुश्रुम सृञ्जय । यस्य भार्यासहस्राणां शतमासीन्महात्मनः ॥

śaśabinduṃ caitrarathaṃ mṛtaṃ śuśruma sṛñjaya | yasya bhāryāsahasrāṇāṃ śatamāsīnmahātmanaḥ

We have heard that Shashabindu Chaitaratha also died, Srinjaya — the great-souled king who had a hundred thousand wives.

Verse 106 (12.28.106)

सहस्रं तु सहस्राणां यस्यासञ्शाशबिन्दवाः । हिरण्यकवचाः सर्वे सर्वे चोत्तमधन्विनः ॥

sahasraṃ tu sahasrāṇāṃ yasyāsañśāśabindavāḥ | hiraṇyakavacāḥ sarve sarve cottamadhanvinaḥ

A thousand thousand Shashabindavas were his sons, all in golden armour, all excellent archers.

Verse 107 (12.28.107)

शतं कन्या राजपुत्रमेकैकं पृथगन्वयुः । कन्यांकन्यां शतं नागा नागंनागं शतं रथाः ॥

śataṃ kanyā rājaputramekaikaṃ pṛthaganvayuḥ | kanyāṃkanyāṃ śataṃ nāgā nāgaṃnāgaṃ śataṃ rathāḥ

Each prince was followed by a hundred maidens; each maiden by a hundred elephants; each elephant by a hundred chariots.

Verse 108 (12.28.108)

रथेरथे शतं चाश्वा देशजा हेममालिनः । अश्वेअश्वे शतं गावो गांगां तद्वदजाविकम् ॥

ratherathe śataṃ cāśvā deśajā hemamālinaḥ | aśveaśve śataṃ gāvo gāṃgāṃ tadvadajāvikam

Behind each chariot went a hundred country-bred horses with golden garlands; behind each horse a hundred cows; and behind each cow as many goats and sheep.

Verse 109 (12.28.109)

एतद्धनमपर्यन्तमश्वमेधे महामखे । शशबिन्दुर्महाराज ब्राह्मणेभ्यो ह्यमन्यत ॥

etaddhanamaparyantamaśvamedhe mahāmakhe | śaśabindurmahārāja brāhmaṇebhyo hyamanyata

All this boundless wealth, O great king, Shashabindu gave to the brahmins at his great horse sacrifice.

Verse 110 (12.28.110)

स चेन्ममार सृञ्जय चतुर्भद्रतरस्त्वया । पुत्रात्पुण्यतरश्चैव मा पुत्रमनुतप्यथाः ॥

sa cenmamāra sṛñjaya caturbhadratarastvayā | putrātpuṇyataraścaiva mā putramanutapyathāḥ

If he too died, Srinjaya — he who was more fortunate than you in the four blessings and greater in merit than your son — then do not grieve for your son.

Verse 111 (12.28.111)

गयं चाधूर्तरजसं मृतं शुश्रुम सृञ्जय । यः स वर्षशतं राजा हुतशिष्टाशनोऽभवत् ॥

gayaṃ cādhūrtarajasaṃ mṛtaṃ śuśruma sṛñjaya | yaḥ sa varṣaśataṃ rājā hutaśiṣṭāśano'bhavat

We have heard that Gaya Adhurtarajas also died, Srinjaya — the king who for a hundred years lived on what was left of the offerings.

Verse 112 (12.28.112)

यस्मै वह्निर्वरान्प्रादात्ततो वव्रे वरान्गयः । ददतो मे क्षयो मा भूद्धर्मे श्रद्धा च वर्धताम् ॥

yasmai vahnirvarānprādāttato vavre varāngayaḥ | dadato me kṣayo mā bhūddharme śraddhā ca vardhatām

Agni offered him boons, and Gaya chose these: "May my giving never fail, and may my faith in dharma grow.

Verse 113 (12.28.113)

मनो मे रभतां सत्ये त्वत्प्रसादाद्धुताशन । लेभे च कामांस्तान्सर्वान्पावकादिति नः श्रुतम् ॥

mano me rabhatāṃ satye tvatprasādāddhutāśana | lebhe ca kāmāṃstānsarvānpāvakāditi naḥ śrutam

May my mind hold fast to truth, by your grace, O Fire." And we have heard that he obtained all these wishes from Agni.

Verse 114 (12.28.114)

दर्शेन पूर्णमासेन चातुर्मास्यैः पुनः पुनः । अयजद्धयमेधेन सहस्रं परिवत्सरान् ॥

darśena pūrṇamāsena cāturmāsyaiḥ punaḥ punaḥ | ayajaddhayamedhena sahasraṃ parivatsarān

With the new-moon and full-moon sacrifices and the four-monthly sacrifices, again and again, he performed the horse sacrifice for a thousand years.

Verse 115 (12.28.115)

शतं गवां सहस्राणि शतमश्वशतानि च । उत्थायोत्थाय वै प्रादात्सहस्रं परिवत्सरान् ॥

śataṃ gavāṃ sahasrāṇi śatamaśvaśatāni ca | utthāyotthāya vai prādātsahasraṃ parivatsarān

Rising up again and again, for a thousand years he gave a hundred thousand cows and a hundred hundred horses.

Verse 116 (12.28.116)

तर्पयामास सोमेन देवान्वित्तैर्द्विजानपि । पितॄन्स्वधाभिः कामैश्च स्त्रियः स्वाः पुरुषर्षभ ॥

tarpayāmāsa somena devānvittairdvijānapi | pitṝnsvadhābhiḥ kāmaiśca striyaḥ svāḥ puruṣarṣabha

He gratified the gods with soma, the brahmins with wealth, the ancestors with offerings, and his own wives with their desires, O best of men.

Verse 117 (12.28.117)

सौवर्णां पृथिवीं कृत्वा दशव्यामां द्विरायताम् । दक्षिणामददद्राजा वाजिमेधे महाक्रतौ ॥

sauvarṇāṃ pṛthivīṃ kṛtvā daśavyāmāṃ dvirāyatām | dakṣiṇāmadadadrājā vājimedhe mahākratau

At the great horse sacrifice the king made an earth of gold, ten fathoms wide and twice as long, and gave it as the sacrificial fee.

Verse 118 (12.28.118)

यावत्यः सिकता राजन्गङ्गायां पुरुषर्षभ । तावतीरेव गाः प्रादादाधूर्तरजसो गयः ॥

yāvatyaḥ sikatā rājangaṅgāyāṃ puruṣarṣabha | tāvatīreva gāḥ prādādādhūrtarajaso gayaḥ

As many grains of sand as there are in the Ganga, O king, O best of men, so many cows did Gaya Adhurtarajas give.

Verse 119 (12.28.119)

स चेन्ममार सृञ्जय चतुर्भद्रतरस्त्वया । पुत्रात्पुण्यतरश्चैव मा पुत्रमनुतप्यथाः ॥

sa cenmamāra sṛñjaya caturbhadratarastvayā | putrātpuṇyataraścaiva mā putramanutapyathāḥ

If he too died, Srinjaya — he who was more fortunate than you in the four blessings and greater in merit than your son — then do not grieve for your son.

Verse 120 (12.28.120)

रन्तिदेवं च सांकृत्यं मृतं सृञ्जय शुश्रुम । सम्यगाराध्य यः शक्राद्वरं लेभे महातपाः ॥

rantidevaṃ ca sāṃkṛtyaṃ mṛtaṃ sṛñjaya śuśruma | samyagārādhya yaḥ śakrādvaraṃ lebhe mahātapāḥ

We have heard that Rantideva, son of Sankriti, also died, Srinjaya — the great ascetic who, having duly propitiated Indra, won a boon from him.

Verse 121 (12.28.121)

अन्नं च नो बहु भवेदतिथींश्च लभेमहि । श्रद्धा च नो मा व्यगमन्मा च याचिष्म कंचन ॥

annaṃ ca no bahu bhavedatithīṃśca labhemahi | śraddhā ca no mā vyagamanmā ca yāciṣma kaṃcana

"May we have food in plenty, may we always find guests, may our faith never leave us, and may we never have to beg from anyone."

Verse 122 (12.28.122)

उपातिष्ठन्त पशवः स्वयं तं संशितव्रतम् । ग्राम्यारण्या महात्मानं रन्तिदेवं यशस्विनम् ॥

upātiṣṭhanta paśavaḥ svayaṃ taṃ saṃśitavratam | grāmyāraṇyā mahātmānaṃ rantidevaṃ yaśasvinam

The animals, tame and wild, came of their own accord to the glorious, great-souled Rantideva, firm in his vows.

Verse 123 (12.28.123)

महानदी चर्मराशेरुत्क्लेदात्ससृजे यतः । ततश्चर्मण्वतीत्येवं विख्याता सा महानदी ॥

mahānadī carmarāśerutkledātsasṛje yataḥ | tataścarmaṇvatītyevaṃ vikhyātā sā mahānadī

The great river that flowed from the ooze of the heap of hides became known from that time as the great river Charmanvati.

Verse 124 (12.28.124)

ब्राह्मणेभ्यो ददौ निष्कान्सदसि प्रतते नृपः । तुभ्यंतुभ्यं निष्कमिति यदा क्रोशन्ति वै द्विजाः । सहस्रं तुभ्यमित्युक्त्वा ब्राह्मणान्संप्रपद्यते ॥

brāhmaṇebhyo dadau niṣkānsadasi pratate nṛpaḥ | tubhyaṃtubhyaṃ niṣkamiti yadā krośanti vai dvijāḥ | sahasraṃ tubhyamityuktvā brāhmaṇānsaṃprapadyate

In the assembly at his vast sacrifice the king gave gold coins to the brahmins, while the brahmins cried out, "To you, to you a coin!"; and saying, "A thousand to you," he went up to the brahmins.

Note on the text: Rebuilt: the page prints this couplet (12-28-124a/b) and the single line that follows (labelled only 12-28-125a) as two rows, the second a one-line 'verse'; the three lines are one verse (CE 12.29.117a, 117c, 117e: brāhmaṇebhyo dadau niṣkān… / tubhyaṃ tubhyaṃ niṣkam iti… / sahasraṃ tubhyam ity uktvā brāhmaṇān sma prapadyate). Input verses 124 and 125 joined; the closing ॥ of line 2 became ।. Also corrected संप्रपद्य ते → संप्रपद्यते (misprint in Wikisource; stray space leaves ते meaningless; the critical edition reads prapadyate).

Verse 125 (12.28.125)

अन्वाहार्योपकरणं द्रव्योपकरणं च यत् । घटाः पात्र्यः कटाहानि स्थाल्यश्च पिठराणि च । नासीत्किंचिदसौवर्णं रन्तिदेवस्य धीमतः ॥

anvāhāryopakaraṇaṃ dravyopakaraṇaṃ ca yat | ghaṭāḥ pātryaḥ kaṭāhāni sthālyaśca piṭharāṇi ca | nāsītkiṃcidasauvarṇaṃ rantidevasya dhīmataḥ

Of the equipment for the offerings and the materials, and of the jars, bowls, cauldrons, pans and large pots, there was nothing that was not of gold in the house of wise Rantideva.

Verse 126 (12.28.126)

सांकृते रन्तिदेवस्य यां रात्रिमवसन्गृहे । आलभ्यन्त शतं गावः सहस्राणि च विंशतिः ॥

sāṃkṛte rantidevasya yāṃ rātrimavasangṛhe | ālabhyanta śataṃ gāvaḥ sahasrāṇi ca viṃśatiḥ

On the night when guests stayed in the house of Rantideva, son of Sankriti, a hundred cows and twenty thousand more were slaughtered.

Verse 127 (12.28.127)

तत्र स्म सूदाः क्रोशन्ति सुमृष्टमणिकुण्डलाः । सूपं भूयिष्ठमश्नीध्वं नाद्य मांसं यथा पुरा ॥

tatra sma sūdāḥ krośanti sumṛṣṭamaṇikuṇḍalāḥ | sūpaṃ bhūyiṣṭhamaśnīdhvaṃ nādya māṃsaṃ yathā purā

There the cooks, with polished jewelled earrings, would call out: "Eat plenty of soup; there is no meat today as there was before."

Verse 128 (12.28.128)

स चेन्ममार सृञ्जय चतुर्भद्रतरस्त्वया । पुत्रात्पुण्यतरश्चैव मा पुत्रमनुतप्यथाः ॥

sa cenmamāra sṛñjaya caturbhadratarastvayā | putrātpuṇyataraścaiva mā putramanutapyathāḥ

If he too died, Srinjaya — he who was more fortunate than you in the four blessings and greater in merit than your son — then do not grieve for your son.

Verse 129 (12.28.129)

सगरं च महात्मानं मृतं शुश्रुम सृञ्जय । ऐक्ष्वाकं पुरुषव्याघ्रमतिमानुषविक्रमम् ॥

sagaraṃ ca mahātmānaṃ mṛtaṃ śuśruma sṛñjaya | aikṣvākaṃ puruṣavyāghramatimānuṣavikramam

We have heard that great-souled Sagara also died, Srinjaya — the Ikshvaku tiger among men, of more than human valour.

Verse 130 (12.28.130)

षष्टिः पुत्रसहस्राणि यं यान्तमनुजग्मिरे । नक्षत्रराजं वर्षान्ते व्यभ्रे ज्योतिर्गणा इव ॥

ṣaṣṭiḥ putrasahasrāṇi yaṃ yāntamanujagmire | nakṣatrarājaṃ varṣānte vyabhre jyotirgaṇā iva

Sixty thousand sons followed him as he went, like the host of stars following the king of constellations in a cloudless sky at the end of the rains.

Verse 131 (12.28.131)

एकच्छत्रा मही यस्य प्रतापादभवत्पुरा । योऽश्वमेधसहस्रेण तर्पयामास देवताः ॥

ekacchatrā mahī yasya pratāpādabhavatpurā | yo'śvamedhasahasreṇa tarpayāmāsa devatāḥ

By his might the earth once lay under a single umbrella, and with a thousand horse sacrifices he gratified the gods.

Verse 132 (12.28.132)

यः प्रादात्कनकस्तम्भं प्रासादं सर्वकाञ्चनम् । पूर्णं पद्मदलाक्षीणां स्त्रीणां शयनसंकुलम् ॥

yaḥ prādātkanakastambhaṃ prāsādaṃ sarvakāñcanam | pūrṇaṃ padmadalākṣīṇāṃ strīṇāṃ śayanasaṃkulam

He gave a palace with golden pillars, made wholly of gold, filled with lotus-eyed women and crowded with couches.

Note on the text: Corrected पझदलाक्षीणां → पद्मदलाक्षीणां (misprint in Wikisource; पझ is not a Sanskrit word, the conjunct द्म was printed as झ; the critical edition reads padmadalākṣīṇāṃ).

Verse 133 (12.28.133)

द्विजातिभ्योऽनुरूपेभ्यः कामांश्च विविधान्बहून् । यस्यादेशेन तद्वित्तं व्यभजन्त द्विजातयः ॥

dvijātibhyo'nurūpebhyaḥ kāmāṃśca vividhānbahūn | yasyādeśena tadvittaṃ vyabhajanta dvijātayaḥ

He gave the deserving twice-born many different kinds of desired things, and at his command the twice-born divided that wealth among themselves.

Verse 134 (12.28.134)

खानयामास यः कोपात्पृथिवीं सागराङ्किताम् । यस्य नाम्ना समुद्रश्च सागरत्वमुपागतः ॥

khānayāmāsa yaḥ kopātpṛthivīṃ sāgarāṅkitām | yasya nāmnā samudraśca sāgaratvamupāgataḥ

In anger he had the earth dug out, ringed by the oceans, and by his name the ocean came to be called Sagara.

Verse 135 (12.28.135)

स चेन्ममार सृञ्जय चतुर्भद्रतरस्त्वया । पुत्रात्पुण्यतरश्चैव मा पुत्रमनुतप्यथाः ॥

sa cenmamāra sṛñjaya caturbhadratarastvayā | putrātpuṇyataraścaiva mā putramanutapyathāḥ

If he too died, Srinjaya — he who was more fortunate than you in the four blessings and greater in merit than your son — then do not grieve for your son.

Verse 136 (12.28.136)

राजानं च पृथुं वैन्यं मृतं शुश्रुम सृञ्जय । यमभ्यषिञ्चन्संभूय महारण्ये महर्षयः ॥

rājānaṃ ca pṛthuṃ vainyaṃ mṛtaṃ śuśruma sṛñjaya | yamabhyaṣiñcansaṃbhūya mahāraṇye maharṣayaḥ

We have heard that King Prithu, son of Vena, also died, Srinjaya — he whom the great seers together consecrated in the great forest.

Note on the text: Corrected संभूयः → संभूय (misprint in Wikisource; stray visarga on the absolutive; the critical edition reads saṃbhūya).

Verse 137 (12.28.137)

प्रथयिष्यति वै लोकान्पृथुरित्येव शब्दितः । क्षताद्यो वै त्रायतीति स तस्मात्क्षत्रियः स्मृतः ॥

prathayiṣyati vai lokānpṛthurityeva śabditaḥ | kṣatādyo vai trāyatīti sa tasmātkṣatriyaḥ smṛtaḥ

"He will make the worlds widely known," and so he was called Prithu; "he protects from injury," and so he is remembered as a Kshatriya.

Verse 138 (12.28.138)

पृथुं वैन्यं प्रजा दृष्ट्वा रक्तास्मेति यदब्रुवन् । ततो राजेति नामास्य अनुरागादजायत ॥

pṛthuṃ vainyaṃ prajā dṛṣṭvā raktāsmeti yadabruvan | tato rājeti nāmāsya anurāgādajāyata

Seeing Prithu, son of Vena, the people said, "We are delighted"; and from that devotion he came to be named Raja.

Verse 139 (12.28.139)

अकृष्टपच्या पृथिवी पुटकेपुटके मधु । सर्वा द्रोणदुघा गावो वैन्यस्यासन्प्रशासतः ॥

akṛṣṭapacyā pṛthivī puṭakepuṭake madhu | sarvā droṇadughā gāvo vainyasyāsanpraśāsataḥ

The earth yielded crops without ploughing, honey filled every leaf-cup, and all the cows gave a drona of milk, while Vena's son ruled.

Verse 140 (12.28.140)

अरोगाः सर्वसिद्धार्था मनुष्या अकुतोभयाः । यथाऽभिकाममवसन्क्षेत्रेषु च गृहेषु च ॥

arogāḥ sarvasiddhārthā manuṣyā akutobhayāḥ | yathā'bhikāmamavasankṣetreṣu ca gṛheṣu ca

Free of disease, with every purpose fulfilled and fear from nowhere, people lived as they pleased in their fields and houses.

Verse 141 (12.28.141)

आपस्तस्तम्भिरे चास्य समुद्रमभियास्यतः । शैलाश्चापाद्व्यदीर्यन्त ध्वजभङ्गश्च नाभवत् ॥

āpastastambhire cāsya samudramabhiyāsyataḥ | śailāścāpādvyadīryanta dhvajabhaṅgaśca nābhavat

As he went toward the sea the waters stood still, the mountains parted, and his banner was never broken.

Verse 142 (12.28.142)

हैरण्यांस्त्रिनरोत्सेधान्पर्वतानेकविंशतिम् । ब्राह्मणेभ्यो ददौ राजा योश्वमेधे महामखे ॥

hairaṇyāṃstrinarotsedhānparvatānekaviṃśatim | brāhmaṇebhyo dadau rājā yośvamedhe mahāmakhe

At his great horse sacrifice the king gave the brahmins twenty-one golden mountains, each three men high.

Verse 143 (12.28.143)

स चेन्ममार सृञ्जय चतुर्भद्रतरस्त्वया । पुत्रात्पुण्यतरश्चैव मा पुत्रमनुतप्यथाः ॥

sa cenmamāra sṛñjaya caturbhadratarastvayā | putrātpuṇyataraścaiva mā putramanutapyathāḥ

If he too died, Srinjaya — he who was more fortunate than you in the four blessings and greater in merit than your son — then do not grieve for your son.

Verse 144 (12.28.144)

किं वा तूष्णीं ध्यायसे सृञ्जय त्वं । न मे राजन्वाचिममां शृणोषि । न चेन्मोघं विप्रलप्तं ममेदं । पथ्यं मुमूर्षोरिव सुप्रयुक्तम् ॥

kiṃ vā tūṣṇīṃ dhyāyase sṛñjaya tvaṃ | na me rājanvācimamāṃ śṛṇoṣi | na cenmoghaṃ vipralaptaṃ mamedaṃ | pathyaṃ mumūrṣoriva suprayuktam

Why do you sit silent and brooding, Srinjaya? O king, do you not hear these words of mine? Has this speech of mine gone for nothing, like sound medicine well given to a man who is about to die?

Note on the text: Corrected शृणोपि → शृणोषि (misprint in Wikisource; प for ष; the critical edition reads śṛṇoṣi).

Verse 145 (12.28.145)

शृणोमि ते नारद वाचमेनां । विचित्रार्थां स्रजमिव पुण्यगन्धाम् । राजर्षीणां पुण्यकृतां महात्मनां । कीर्त्या युक्तानां शोकनिर्नाशनार्थाम् ॥

śṛṇomi te nārada vācamenāṃ | vicitrārthāṃ srajamiva puṇyagandhām | rājarṣīṇāṃ puṇyakṛtāṃ mahātmanāṃ | kīrtyā yuktānāṃ śokanirnāśanārthām

I hear this speech of yours, Narada, a garland of wondrous meaning with a holy fragrance, made of the fame of royal sages, great-souled doers of merit, and meant to destroy sorrow.

Verse 146 (12.28.146)

न ते मोघं विप्रलप्तं महर्षे । दृष्ट्वैवाहं नारद त्वां विशोकः । शुश्रूषे ते वचनं ब्रह्मवादि । न्न ते तृप्याम्यमृतस्येव पानात् ॥

na te moghaṃ vipralaptaṃ maharṣe | dṛṣṭvaivāhaṃ nārada tvāṃ viśokaḥ | śuśrūṣe te vacanaṃ brahmavādi | nna te tṛpyāmyamṛtasyeva pānāt

Your words have not been spoken in vain, great seer; merely seeing you, Narada, I am free of sorrow. I long to hear your words of Vedic wisdom, and I am no more sated by them than by drinking nectar.

Verse 147 (12.28.147)

अमोघदर्शिन्मम चेत्प्रसादं । संतापदग्धस्य विभो प्रकुर्याः । सुतस्य संजीवनमद्य मे स्या । त्तव प्रसादात्सुतसङ्गमाप्नुयाम् ॥

amoghadarśinmama cetprasādaṃ | saṃtāpadagdhasya vibho prakuryāḥ | sutasya saṃjīvanamadya me syā | ttava prasādātsutasaṅgamāpnuyām

O seer of unfailing vision, if you will show me your grace, scorched as I am by grief, let my son be restored to life today, and by your grace may I be united with my son.

Verse 148 (12.28.148)

यस्ते पुत्रः शयितोयं विजातः । स्वर्णष्ठीवी यमदात्पर्वतस्ते । पुनस्तं ते पुत्रमहं ददामि । हिरण्यनाभं वर्षसहस्रिणं च ॥

yaste putraḥ śayitoyaṃ vijātaḥ | svarṇaṣṭhīvī yamadātparvataste | punastaṃ te putramahaṃ dadāmi | hiraṇyanābhaṃ varṣasahasriṇaṃ ca

This son of yours who lies here, born to you, the golden-spitter whom the mountain gave you — that son I give back to you, golden-navelled, destined to live a thousand years.

Note on the text: Rebuilt: the page prints this four-line verse (like 12-28-145 to 148, each four lines) as two rows, the second mislabelled 12-28-149a/b again (should be 149c/d), which made the numbers repeat (149, 149). Input verses 149 and 150 joined into one verse; the closing ॥ of line 2 became ।. CE 12.29.141a, 141c: yas te putro dayito 'yaṃ viyātaḥ; svarṇaṣṭhīvī yam adāt parvatas te / punas te taṃ putram ahaṃ dadāmi; hiraṇyanābhaṃ varṣasahasriṇaṃ ca (line 1 is a recension variant, शयितोयं विजातः, kept). Also corrected वर्षसबस्रिणं → वर्षसहस्रिणं (misprint in Wikisource; ब for ह; the critical edition reads varṣasahasriṇaṃ).