Narada and Parvata Curse Each Other

Verse 1 (12.29.1)

स कथं काञ्चनष्ठीवी सृञ्जयस्य सुतोऽभवत् । पर्वतेन किमर्थं वा दत्तस्तेन ममार च ॥

sa kathaṃ kāñcanaṣṭhīvī sṛñjayasya suto'bhavat | parvatena kimarthaṃ vā dattastena mamāra ca

How did he, Srinjaya's son, come to be Golden-Spitter? And why was he given by Parvata — and did he die because of that?

Note on the text: Corrected किमथे → किमर्थं (misprint in Wikisource; the word is not valid Sanskrit; CE reads kimarthaṃ).

Verse 2 (12.29.2)

यदा वर्षसहस्रायुस्तदा भवति मानवः । कथमप्राप्तकौमारः सृञ्जयस्य सुतो मृतः ॥

yadā varṣasahasrāyustadā bhavati mānavaḥ | kathamaprāptakaumāraḥ sṛñjayasya suto mṛtaḥ

A man's life is said to last a thousand years. How then did Srinjaya's son die before he had even reached youth?

Verse 3 (12.29.3)

उताहो नाममात्रं वै सुवर्णष्ठीविनोऽभवत् । कथं वा काञ्चनष्ठीवीत्येतदिच्छामि वेदितुम् ॥

utāho nāmamātraṃ vai suvarṇaṣṭhīvino'bhavat | kathaṃ vā kāñcanaṣṭhīvītyetadicchāmi veditum

Or was 'Suvarnashthivin' only a name? Or how was he truly called Kanchanashthivin? This I wish to know.

Verse 4 (12.29.4)

अत्र ते वर्णयिष्यामि यथावृत्तं जनेश्वर । नारदः पर्वतश्चैव द्वावृषी लोकसत्तमौ ॥

atra te varṇayiṣyāmi yathāvṛttaṃ janeśvara | nāradaḥ parvataścaiva dvāvṛṣī lokasattamau

On this, O lord of men, I shall tell you how it happened. Narada and Parvata, two rishis, the best in all the worlds,

Note on the text: Corrected द्वावृवी → द्वावृषी (misprint in Wikisource; dual of ऋषि; CE reads ṛṣī).

Verse 5 (12.29.5)

मातुलो भागिनेयश्च देवलोकादिहागतौ । विहर्तुकामौ संप्रीत्या मानुषेषु पुरा विभो ॥

mātulo bhāgineyaśca devalokādihāgatau | vihartukāmau saṃprītyā mānuṣeṣu purā vibho

uncle and nephew, came here from the world of the gods, O mighty one, in ancient times, wishing to roam happily among men.

Verse 6 (12.29.6)

हविःपवित्रभोज्येन देवभोज्येन चैव हि । नारदो मातुलस्तत्र भागिनेयश्च पर्वतः ॥

haviḥpavitrabhojyena devabhojyena caiva hi | nārado mātulastatra bhāgineyaśca parvataḥ

They lived on pure food fit for oblations and on food meant for the gods — Narada the uncle, and Parvata the nephew.

Verse 7 (12.29.7)

तावुभौ तपसोपेताववनीतलचारिणौ । भुञ्जानौ मानुषान्भोगान्यथावत्पर्यधावताम् ॥

tāvubhau tapasopetāvavanītalacāriṇau | bhuñjānau mānuṣānbhogānyathāvatparyadhāvatām

Both of them, rich in austerity, wandering the surface of the earth, roamed about enjoying human pleasures as was fitting.

Verse 8 (12.29.8)

प्रीतिमन्तौ मुदा युक्तौ समयं चैव चक्रतुः । यो भवेद्धृदि संकल्पः शुभो वा यदि वाऽशुभः ॥

prītimantau mudā yuktau samayaṃ caiva cakratuḥ | yo bhaveddhṛdi saṃkalpaḥ śubho vā yadi vā'śubhaḥ

Pleased and joyful, they made an agreement: whatever wish should arise in the heart, good or evil,

Note on the text: Matches CE 12.30.8a, 8c (Wikisource reads समयं चैव where CE has samayaṃ tatra); the third line of that three-line CE verse (8e) begins Wikisource verse 9.

Verse 9 (12.29.9)

अन्योन्यस्य च आख्येयो मृषा शापोऽन्यथा भवेत् । तौ तथेति प्रतिज्ञाय महर्षी लोकपूजितौ ॥

anyonyasya ca ākhyeyo mṛṣā śāpo'nyathā bhavet | tau tatheti pratijñāya maharṣī lokapūjitau

it must be told to the other; otherwise the curse for the falsehood would follow. Saying 'So be it,' the two great sages, honoured by the world,

Note on the text: Line 1 = CE 12.30.8e; line 2 = CE 12.30.9a.

Verse 10 (12.29.10)

सृञ्जयं श्वैत्यमभ्येत्य राजानमिदमूचतुः । आवां भवति वत्स्यावः कंचित्कालं हिताय ते ॥

sṛñjayaṃ śvaityamabhyetya rājānamidamūcatuḥ | āvāṃ bhavati vatsyāvaḥ kaṃcitkālaṃ hitāya te

went to Srinjaya Shvaitya, the king, and said to him: 'Revered sir, we shall stay with you for some time, for your good.

Note on the text: Line 1 = CE 12.30.9c; line 2 = CE 12.30.10a.

Verse 11 (12.29.11)

यथावत्पृथिवीपाल आवयोः प्रगुणीभव । तथेति कृत्वा राजा तौ सत्कृत्योपचचार ह ॥

yathāvatpṛthivīpāla āvayoḥ praguṇībhava | tatheti kṛtvā rājā tau satkṛtyopacacāra ha

O protector of the earth, be duly obliging to us.' Saying 'So be it,' the king honoured them and served them.

Note on the text: Line 1 = CE 12.30.10c; line 2 = CE 12.30.10e.

Verse 12 (12.29.12)

ततः कदाचित्तौ राजा महात्मानौ तपोधनौ । अब्रवीत्परमप्रीतः सुतेयं देवरूपिणी ॥

tataḥ kadācittau rājā mahātmānau tapodhanau | abravītparamaprītaḥ suteyaṃ devarūpiṇī

Then, once, the king, greatly pleased, said to the two great-souled ascetics: 'This daughter of mine, who is like a goddess,

Verse 13 (12.29.13)

एकैव मम कन्यैषा युवां परिचरिष्यति । दर्शनीयानवद्याङ्गी शीलवृत्तसमाहिता । सुकुमारी कुमारी च पद्मकिञ्जल्कसुप्रभा ॥

ekaiva mama kanyaiṣā yuvāṃ paricariṣyati | darśanīyānavadyāṅgī śīlavṛttasamāhitā | sukumārī kumārī ca padmakiñjalkasuprabhā

my only daughter, will wait upon you both. She is beautiful, faultless in limb, endowed with good conduct and character, a delicate maiden, Sukumari, bright as the filaments of a lotus.'

Note on the text: Corrected पझकिञ्जल्क → पद्मकिञ्जल्क (misprint in Wikisource; broken conjunct; CE reads padmakiñjalka).

Verse 14 (12.29.14)

परमं सौम्यमित्युक्तं ताभ्यां राजा शशास ताम् । कन्ये विप्रावुपचर देववत्पितृवच्च ह ॥

paramaṃ saumyamityuktaṃ tābhyāṃ rājā śaśāsa tām | kanye viprāvupacara devavatpitṛvacca ha

When they had said, 'Most agreeable,' the king instructed her: 'Daughter, serve these two brahmins as you would gods and as you would elders.'

Verse 15 (12.29.15)

सा तु कन्या तथेत्युक्त्वा पितरं धर्मचारिणी । यथानिदेशं राज्ञस्तौ सत्कृत्योपचचार ह ॥

sā tu kanyā tathetyuktvā pitaraṃ dharmacāriṇī | yathānideśaṃ rājñastau satkṛtyopacacāra ha

The dutiful girl said 'So be it' to her father and, as the king had directed, honoured and served the two.

Verse 16 (12.29.16)

तस्यास्तेनोपचारेण रूपेणाप्रतिमेन च । नारदं हृच्छयस्तूर्णं सहसैवाभ्यपद्यत ॥

tasyāstenopacāreṇa rūpeṇāpratimena ca | nāradaṃ hṛcchayastūrṇaṃ sahasaivābhyapadyata

Because of her service and her matchless beauty, Love, the god born of the heart, swiftly and suddenly seized Narada.

Verse 17 (12.29.17)

ववृधे हि ततस्तस्य हृदि कामो महात्मनः । यथा शुक्लस्य पक्षस्य प्रवृत्तौ चन्द्रमाः शनैः ॥

vavṛdhe hi tatastasya hṛdi kāmo mahātmanaḥ | yathā śuklasya pakṣasya pravṛttau candramāḥ śanaiḥ

Desire grew in the heart of that great-souled sage, as the moon slowly waxes at the beginning of the bright fortnight.

Verse 18 (12.29.18)

न च तं भागिनेयाय पर्वताय महात्मने । शशंस मन्मथं तीव्रं व्रीडमानः स धर्मवित् ॥

na ca taṃ bhāgineyāya parvatāya mahātmane | śaśaṃsa manmathaṃ tīvraṃ vrīḍamānaḥ sa dharmavit

But Narada, who knew dharma, ashamed, did not tell his fierce passion to his nephew, the great-souled Parvata.

Verse 19 (12.29.19)

तपसा चेङ्गितैश्चैव पर्वतोऽथ बुबोध तम् । कामार्तं नारदं क्रुद्धः शशापैनं ततो भृशम् ॥

tapasā ceṅgitaiścaiva parvato'tha bubodha tam | kāmārtaṃ nāradaṃ kruddhaḥ śaśāpainaṃ tato bhṛśam

By his austerity and by the signs, Parvata then understood him; angry that Narada was tormented by desire, he cursed him bitterly.

Verse 20 (12.29.20)

कृत्वा समयमव्यग्रो भवान्वै सहितो मया । यो भवेद्धृदि संकल्पः शुभो वा यदि वाऽशुभः ॥

kṛtvā samayamavyagro bhavānvai sahito mayā | yo bhaveddhṛdi saṃkalpaḥ śubho vā yadi vā'śubhaḥ

'You, calm and settled, made an agreement with me that whatever wish should arise in the heart, good or evil,

Verse 21 (12.29.21)

अन्योन्यस्य स आख्येय इति तद्वै मृषा कृतम् । भवता वचनं ब्रह्मंस्तस्मादेष शपाम्यहम् ॥

anyonyasya sa ākhyeya iti tadvai mṛṣā kṛtam | bhavatā vacanaṃ brahmaṃstasmādeṣa śapāmyaham

should be told to the other. That word of yours you have made false, O brahmin; therefore I curse you.

Verse 22 (12.29.22)

न हि कामं प्रवर्तन्तं भवानाचष्ट मे पुरा । सुकुमार्यां कुमार्यां ते तस्मान्नैष क्षमाम्यहम् ॥

na hi kāmaṃ pravartantaṃ bhavānācaṣṭa me purā | sukumāryāṃ kumāryāṃ te tasmānnaiṣa kṣamāmyaham

You did not tell me earlier of the desire that was arising in you for the delicate maiden. Therefore I do not forgive this.

Verse 23 (12.29.23)

ब्रह्मचारी गुरुर्यस्मात्तपस्वी ब्राह्मणश्च सन् । अकार्षीः समयभ्रंशमावाभ्यां यः कृतो मिथः ॥

brahmacārī gururyasmāttapasvī brāhmaṇaśca san | akārṣīḥ samayabhraṃśamāvābhyāṃ yaḥ kṛto mithaḥ

Though you are a celibate, a teacher, an ascetic and a brahmin, you broke the agreement that we made with each other.

Verse 24 (12.29.24)

शप्स्ये तस्मात्सुसंक्रुद्धो भवन्तं तं निबोध मे ॥

śapsye tasmātsusaṃkruddho bhavantaṃ taṃ nibodha me

Therefore, in great anger, I shall curse you; hear me.

Note on the text: = CE 12.30.23a (CE 12.30.23 is a two-line verse whose second line opens Wikisource verse 25).

Verse 25 (12.29.25)

सुकुमारी च ते भार्या भविष्यति न संशयः । वानरत्वं च ते कन्या विवाहात्प्रभृति प्रभो । संद्रक्ष्यन्ति नराश्चान्ये स्वरूपेण विनाकृतम् ॥

sukumārī ca te bhāryā bhaviṣyati na saṃśayaḥ | vānaratvaṃ ca te kanyā vivāhātprabhṛti prabho | saṃdrakṣyanti narāścānye svarūpeṇa vinākṛtam

Sukumari will certainly become your wife; but from the time of the marriage, O lord, the girl will see you as a monkey, and other men will see you robbed of your own form.'

Note on the text: Line 1 = CE 12.30.23c; lines 2–3 correspond to CE 12.30.24 (Wikisource reads 'वानरत्वं च ते कन्या' where CE has vānaraṃ caiva kanyā tvāṃ).

Verse 26 (12.29.26)

स तद्वाक्यं तु विज्ञाय नारदः पर्वतं तथा । अशपत्तमपि क्रोधाद्भागिनेयं स मातुलः ॥

sa tadvākyaṃ tu vijñāya nāradaḥ parvataṃ tathā | aśapattamapi krodhādbhāgineyaṃ sa mātulaḥ

Understanding those words, Narada, that uncle, likewise cursed Parvata, his nephew, in anger:

Verse 27 (12.29.27)

तपसा ब्रह्मचर्येण सत्येन च दमेन च । युक्तोऽपि नित्यधर्मश्च न वै स्वर्गमवाप्स्यसि ॥

tapasā brahmacaryeṇa satyena ca damena ca | yukto'pi nityadharmaśca na vai svargamavāpsyasi

'Though you are devoted to austerity, celibacy, truth and self-restraint, and ever steadfast in dharma, you shall not reach heaven.'

Verse 28 (12.29.28)

तौ तु शप्त्वा भृशं क्रुद्धौ परस्परममर्षणौ । प्रतिजग्मतुरन्योन्यं क्रुद्धाविव गजोत्तमौ ॥

tau tu śaptvā bhṛśaṃ kruddhau parasparamamarṣaṇau | pratijagmaturanyonyaṃ kruddhāviva gajottamau

Having cursed each other, the two, bitterly angry and unforgiving, went their ways, each furious at the other, like two noble elephants.

Note on the text: Corrected शावा → शप्त्वा (misprint in Wikisource; not a Sanskrit word here; CE reads śaptvā). Corrected प्रतिजग्मतुहृन्योन्यं → प्रतिजग्मतुरन्योन्यं (misprint in Wikisource; CE reads pratijagmatur anyonyaṃ).

Verse 29 (12.29.29)

पर्वतः पृथिवीं कृत्स्नां विचचार महामतिः । पूज्यमानो यथान्यायं तेजसा स्वेन भारत ॥

parvataḥ pṛthivīṃ kṛtsnāṃ vicacāra mahāmatiḥ | pūjyamāno yathānyāyaṃ tejasā svena bhārata

The wise Parvata wandered over the whole earth, honoured as was proper for his own radiance, O Bharata.

Note on the text: Corrected यथान्यांयं → यथान्यायं (misprint in Wikisource; stray anusvara; CE reads yathānyāyam).

Verse 30 (12.29.30)

अथ तामलभत्कन्यां नारदः सृञ्जयात्मजाम् । धर्मेण विप्रप्रवरः सुकुमारीमनिन्दिताम् ॥

atha tāmalabhatkanyāṃ nāradaḥ sṛñjayātmajām | dharmeṇa viprapravaraḥ sukumārīmaninditām

Then Narada, best of brahmins, lawfully obtained that maiden, Srinjaya's daughter, the faultless Sukumari.

Verse 31 (12.29.31)

सा तु कन्या यथाशापं नारदं तं ददर्श ह । पाणिग्रहणमन्त्राणां नियोगादेव नारदम् ॥

sā tu kanyā yathāśāpaṃ nāradaṃ taṃ dadarśa ha | pāṇigrahaṇamantrāṇāṃ niyogādeva nāradam

And the girl, just as the curse had decreed, saw Narada in that way, by the very power of the mantras of the marriage rite of taking the hand.

Verse 32 (12.29.32)

सुकुमारी च देवर्षि वानरप्रतिमाननम् । नैवावमन्यत तदा प्रीतिमत्येव चाभवत् ॥

sukumārī ca devarṣi vānarapratimānanam | naivāvamanyata tadā prītimatyeva cābhavat

Yet Sukumari did not despise the divine sage though his face was like a monkey's; she remained pleased with him.

Verse 33 (12.29.33)

उपतस्थे च भर्तारं न चान्यं मनसाऽप्यगात् । देवं मुनिं वा यक्षं वा पतित्वे पतिवत्सला ॥

upatasthe ca bhartāraṃ na cānyaṃ manasā'pyagāt | devaṃ muniṃ vā yakṣaṃ vā patitve pativatsalā

She served her husband and never turned even in thought to another, whether god, sage or yaksha, devoted to her husband as a faithful wife.

Note on the text: Corrected मुनीं → मुनिं (misprint in Wikisource; accusative singular of मुनि; CE reads muniṃ).

Verse 34 (12.29.34)

ततः कदाचिद्भगवान्पर्वतोऽनुचचार ह । वनं विरहितं किंचित्तत्रापश्यत्स नारदम् ॥

tataḥ kadācidbhagavānparvato'nucacāra ha | vanaṃ virahitaṃ kiṃcittatrāpaśyatsa nāradam

Then, once, the revered Parvata, wandering, came to a certain secluded stretch of forest, and there he saw Narada.

Verse 35 (12.29.35)

ततोऽभिवाद्य प्रोवाच नारदं पर्वतस्तदा । भवान्प्रसादं कुरुतात्स्वर्गादेशाय मे प्रभो ॥

tato'bhivādya provāca nāradaṃ parvatastadā | bhavānprasādaṃ kurutātsvargādeśāya me prabho

Then Parvata bowed to Narada and said: 'Master, be gracious to me, that the way to heaven may be granted me.'

Note on the text: Corrected स्वर्गादेशाय ये प्रभो → स्वर्गादेशाय मे प्रभो (misprint in Wikisource; ये gives no sense; CE reads me).

Verse 36 (12.29.36)

तमुवाच ततो दृष्ट्वा पर्वतं नारदस्तथा । कृताञ्जलिमुपासीनं दीनं दीनतरः स्वयम् ॥

tamuvāca tato dṛṣṭvā parvataṃ nāradastathā | kṛtāñjalimupāsīnaṃ dīnaṃ dīnataraḥ svayam

Seeing Parvata sitting beside him, wretched, with joined palms, Narada, more wretched still, said to him:

Verse 37 (12.29.37)

त्वयाऽहं प्रथमं शप्तो वानरस्त्वं भविष्यसि । इत्युक्तेन मया पश्चाच्छप्तस्त्वमपि मत्सरात् ॥

tvayā'haṃ prathamaṃ śapto vānarastvaṃ bhaviṣyasi | ityuktena mayā paścācchaptastvamapi matsarāt

'You cursed me first: "You will be a monkey." Having been told that, I afterwards cursed you too, out of spite:

Note on the text: Corrected तवमपि → त्वमपि (misprint in Wikisource; dropped/misplaced letters; CE reads tvam api). = CE 12.30.36a, 36c.

Verse 38 (12.29.38)

अद्यप्रभृति वै वासं स्वर्गे नावाप्स्यसीति ह । तव नैतद्विसदृशं पुत्रस्थाने हि मे भवान् ॥

adyaprabhṛti vai vāsaṃ svarge nāvāpsyasīti ha | tava naitadvisadṛśaṃ putrasthāne hi me bhavān

"From today you shall not obtain a dwelling in heaven." This is not out of keeping with you, for you stand to me in the place of a son.'

Note on the text: Line 1 = CE 12.30.36e; line 2 = CE 12.30.37a.

Verse 39 (12.29.39)

निवर्तयेतां तौ शापावन्योन्येन तदा मुनी ॥

nivartayetāṃ tau śāpāvanyonyena tadā munī

Then the two sages withdrew the two curses, each by means of the other.

Note on the text: = CE 12.30.37c (Wikisource reads 'तौ शापावन्योन्येन' where CE has śāpam anyo 'nyena).

Verse 40 (12.29.40)

श्रीसमृद्धं तदा दृष्ट्वा नारदं देवरूपिणम् । सुकुमारी प्रदुद्राव परपुंसविशङ्कया ॥

śrīsamṛddhaṃ tadā dṛṣṭvā nāradaṃ devarūpiṇam | sukumārī pradudrāva parapuṃsaviśaṅkayā

Seeing Narada resplendent and godlike in form, Sukumari fled, suspecting that he was another man.

Verse 41 (12.29.41)

तां पर्वतस्ततो दृष्ट्वा प्रद्रवन्तीमनिन्दिताम् । अब्रवीत्तव भर्तैष नात्र कार्या विचारणा ॥

tāṃ parvatastato dṛṣṭvā pradravantīmaninditām | abravīttava bhartaiṣa nātra kāryā vicāraṇā

Seeing her fleeing, the blameless one, Parvata said: 'This is your husband; there is nothing here to doubt.

Verse 42 (12.29.42)

ऋषिः परमधर्मात्मा नारदो भगवान्प्रभुः । तवैवाभेद्यहृदयो मा ते भूदत्र संशयः ॥

ṛṣiḥ paramadharmātmā nārado bhagavānprabhuḥ | tavaivābhedyahṛdayo mā te bhūdatra saṃśayaḥ

He is the sage Narada, supremely righteous, the revered lord. His heart is wholly yours and cannot be divided from you; let there be no doubt in you here.'

Verse 43 (12.29.43)

सानुनीता बहुविधं पर्वतेन महात्मना । शापदोषं च तं भर्तुः श्रुत्वा प्रकृतिमागता । पर्वतोऽथ ययौ स्वर्गं नारदोऽभ्यगमद्गृहान् ॥

sānunītā bahuvidhaṃ parvatena mahātmanā | śāpadoṣaṃ ca taṃ bhartuḥ śrutvā prakṛtimāgatā | parvato'tha yayau svargaṃ nārado'bhyagamadgṛhān

Comforted in many ways by the great-souled Parvata, and hearing that the fault was a curse upon her husband, she returned to her natural state. Then Parvata went to heaven, and Narada went to his home.

Verse 44 (12.29.44)

प्रत्यक्षकर्ता सर्वस्य नारदो भगवानृषिः । एष वक्ष्यति ते पृष्टो यथावृत्तं नरोत्तम ॥

pratyakṣakartā sarvasya nārado bhagavānṛṣiḥ | eṣa vakṣyati te pṛṣṭo yathāvṛttaṃ narottama

Narada, the revered sage, is the eyewitness of all that happened. If asked, he will tell you how it was, O best of men.