Vyasa Instructs Shuka to Prepare for Death and the Next World

Verse 1 (12.329.1)

कथं निर्वेदमापन्नः शुको वैयासकिः पुरा । एतदिच्छाम्यहं श्रोतुं परं कौतूहलं हि मे ॥

kathaṃ nirvedamāpannaḥ śuko vaiyāsakiḥ purā | etadicchāmyahaṃ śrotuṃ paraṃ kautūhalaṃ hi me

How did Shuka, the son of Vyasa, come to turn away from the world in the old days? I wish to hear this; my curiosity is great.

Note on the text: Wikisource and the CE agree on the speaker (Yudhishthira); CE 12.309.1d*0786_01–02 (the avyaktavyakta couplet) is the same star passage that opens Wikisource 326 and is not repeated here.

Verse 2 (12.329.2)

प्राकृतेनैव वृत्तेन चरन्तमकुतोभयम् । अध्याप्य कृत्स्नं स्वाध्यायमन्वशाद्वै पिता सुतम् ॥

prākṛtenaiva vṛttena carantamakutobhayam | adhyāpya kṛtsnaṃ svādhyāyamanvaśādvai pitā sutam

As Shuka went about fearless of everything, living in the ordinary way of the world, his father taught him the whole of the Veda and then instructed his son.

Verse 3 (12.329.3)

धर्मं पुत्र निपेवस्व सुतीक्ष्णौ च हिमातपौ । क्षुत्पिपासे च वायुं च जय नित्यं जितेन्द्रियः ॥

dharmaṃ putra nipevasva sutīkṣṇau ca himātapau | kṣutpipāse ca vāyuṃ ca jaya nityaṃ jitendriyaḥ

Follow dharma, my son. Endure the sharp extremes of cold and heat; conquer hunger, thirst and wind; and keep your senses always under control.

Note on the text: Wikisource heads this verse and the teaching that follows (to verse 92) व्यास उवाच (12-329-3x); the CE prints no separate heading, so Vyasa's speech runs under Bhishma's narration there. The page's heading is kept.

Verse 4 (12.329.4)

सत्यमार्जवमक्रोधमनसूयां दमं तपः । अहिंसां चानृशंस्यं च विधिवत्परिपालय ॥

satyamārjavamakrodhamanasūyāṃ damaṃ tapaḥ | ahiṃsāṃ cānṛśaṃsyaṃ ca vidhivatparipālaya

Truth, uprightness, freedom from anger, freedom from envy, self-control, austerity, non-violence and freedom from cruelty — keep all these as the rule prescribes.

Verse 5 (12.329.5)

सत्ये तिष्ठ रतो धर्मे हित्वा सर्वमनार्जवम् । देवतातिथिशेषेण यात्रां प्राणस्य संलिह ॥

satye tiṣṭha rato dharme hitvā sarvamanārjavam | devatātithiśeṣeṇa yātrāṃ prāṇasya saṃliha

Stand firm in truth and take joy in dharma, giving up all crookedness; sustain the journey of your life on what remains after the gods and guests have been served.

Verse 6 (12.329.6)

फेनमात्रोपमे देहे जीवे शकुनिवत्स्थिते । अनित्ये प्रियसंवासे कथं स्वपिषि पुत्रक ॥

phenamātropame dehe jīve śakunivatsthite | anitye priyasaṃvāse kathaṃ svapiṣi putraka

This body is like mere foam, and the life in it sits like a bird perched on a branch. In the company of those you love, which cannot last, how can you sleep, my child?

Verse 7 (12.329.7)

अप्रमत्तेषु जाग्रत्सु नित्ययुक्तेषु शत्रुषु । अन्तरं लिप्यमानेषु बालस्त्वं नावबुध्यसे ॥

apramatteṣu jāgratsu nityayukteṣu śatruṣu | antaraṃ lipyamāneṣu bālastvaṃ nāvabudhyase

Your enemies are watchful, awake and ever intent, and they wait for an opening; you are a child and do not understand.

Verse 8 (12.329.8)

अहःसु गण्यमानेषु क्षीयमाणे तथाऽऽयुषि । जीविते लिख्यमाने च किमुत्थाय न धावसि ॥

ahaḥsu gaṇyamāneṣu kṣīyamāṇe tathā''yuṣi | jīvite likhyamāne ca kimutthāya na dhāvasi

The days are being counted, your lifespan is wearing away, and your life is being cut down. Why do you not rise and run?

Note on the text: Matched to CE 12.309.8 on content (similarity 0.79): line 2 corresponds (CE śiṣyamāṇe for Wikisource लिख्यमाने), line 1 is reworded (CE gaṇyamāneṣu varṣeṣu for Wikisource अहःसु गण्यमानेषु). Recension variants, kept.

Verse 9 (12.329.9)

ऐहलौकिकनीहन्ते मांसशोणितवर्धनम् । पारलौकिककार्येषु प्रसुप्ता भृशनास्तिकाः ॥

aihalaukikanīhante māṃsaśoṇitavardhanam | pāralaukikakāryeṣu prasuptā bhṛśanāstikāḥ

They strive only for this world's ends, which merely fatten flesh and blood; asleep to the affairs of the other world, they are utter unbelievers.

Verse 10 (12.329.10)

धर्माय येऽभ्यसूयन्ति बुद्धिमोहान्विता नराः । अपथा गच्छतां तेषामनुयाताऽपि पीड्यते ॥

dharmāya ye'bhyasūyanti buddhimohānvitā narāḥ | apathā gacchatāṃ teṣāmanuyātā'pi pīḍyate

Men whom delusion of mind has seized and who cavil at dharma go by wrong paths; even the one who follows them is brought to grief.

Verse 11 (12.329.11)

ये तु तुष्टाः श्रुतिपरा महात्मानो महाबलाः । धर्म्यं पन्थानमारूढास्तानुपास्स्व च पृच्छ च ॥

ye tu tuṣṭāḥ śrutiparā mahātmāno mahābalāḥ | dharmyaṃ panthānamārūḍhāstānupāssva ca pṛccha ca

But those who are content, devoted to the sacred word, great-souled and strong, and who have taken the path of dharma — wait upon them and question them.

Note on the text: Matched to CE 12.309.11 on content (similarity 0.80): line 2 is identical; line 1 differs (CE suniyatāḥ satyāgamaparāyaṇāḥ for Wikisource श्रुतिपरा महात्मानो महाबलाः). Recension variant, kept.

Verse 12 (12.329.12)

उपधार्य मतं तेषां बुधानां धर्मदर्शिनाम् । नियच्छ परया बुद्ध्या चित्तमुत्पथगामि वै ॥

upadhārya mataṃ teṣāṃ budhānāṃ dharmadarśinām | niyaccha parayā buddhyā cittamutpathagāmi vai

Having weighed the view of such wise men, who see dharma, restrain with your highest understanding the mind that strays from the path.

Verse 13 (12.329.13)

आद्यकालिकया बुद्ध्या दूरेश्व इति निर्भयाः । सर्वभक्ष्या न पश्यन्ति कर्मभूमिमचेतसः ॥

ādyakālikayā buddhyā dūreśva iti nirbhayāḥ | sarvabhakṣyā na paśyanti karmabhūmimacetasaḥ

With minds that see only the present — "it is far off, it is tomorrow" — they are fearless; devouring everything and senseless, they do not see the field of action.

Note on the text: Corrected दूरेश्च → दूरेश्व (misprint in Wikisource; "far off, tomorrow", CE dūre śva iti). आद्यकालिकया (CE adyakālikayā) is a recension variant explained by the commentary as "seeing only the present"; kept.

Verse 14 (12.329.14)

धर्मं निःश्रेणिमास्थाय किंचित्किंचित्समारुह । कोशकारवदात्मानं वेष्टयन्नावबुध्यसे ॥

dharmaṃ niḥśreṇimāsthāya kiṃcitkiṃcitsamāruha | kośakāravadātmānaṃ veṣṭayannāvabudhyase

Take dharma as a ladder and climb a little at a time. You wrap yourself round like a silkworm in its cocoon and do not realise it.

Verse 15 (12.329.15)

नास्तिकं भिन्नमर्यादं कूलपातमिव स्थितम् । वामतः कुरु विस्रब्धो नरं वेणुमिवोद्धृतम् ॥

nāstikaṃ bhinnamaryādaṃ kūlapātamiva sthitam | vāmataḥ kuru visrabdho naraṃ veṇumivoddhṛtam

Keep an unbeliever, who has broken all bounds and stands like a crumbling riverbank, to your left, calmly, as you would a bamboo pulled up by the roots.

Verse 16 (12.329.16)

कामक्रोधग्राहवतीं पञ्चेन्द्रियजलां नदीम् । नावं धृतिमयीं कृत्वा जन्मदुर्गाणि संतर ॥

kāmakrodhagrāhavatīṃ pañcendriyajalāṃ nadīm | nāvaṃ dhṛtimayīṃ kṛtvā janmadurgāṇi saṃtara

Make a boat of steadfastness and cross the river whose crocodiles are desire and anger and whose waters are the five senses, and so pass the hard places of birth.

Note on the text: Matched to CE 12.309.16 on content (similarity 0.87); the wording differs from the CE in places (recension variants, kept).

Verse 17 (12.329.17)

मृत्युनाऽभ्याहते लोके जरया परिपीडिते । अमोघासु पतन्तीषु धर्मयानेन संतर ॥

mṛtyunā'bhyāhate loke jarayā paripīḍite | amoghāsu patantīṣu dharmayānena saṃtara

The world is struck by death and tormented by old age, and the nights fall, none of them in vain; cross over by the vehicle of dharma.

Verse 18 (12.329.18)

तिष्ठन्तं च शयानं च मृत्युरन्वेषते यदा । निर्वृत्तिं लभते कस्मादकस्मान्मृत्युनाऽशितः ॥

tiṣṭhantaṃ ca śayānaṃ ca mṛtyuranveṣate yadā | nirvṛttiṃ labhate kasmādakasmānmṛtyunā'śitaḥ

When Death seeks a man, whether standing or lying down, how can he find rest? He is devoured by Death all of a sudden.

Verse 19 (12.329.19)

संचिन्वानकमेवैनं कामानामवितृप्तकम् । वृकीवोरणमासाद्य मृत्युरादाय गच्छति ॥

saṃcinvānakamevainaṃ kāmānāmavitṛptakam | vṛkīvoraṇamāsādya mṛtyurādāya gacchati

As a she-wolf seizes a lamb, so Death seizes and carries off the man who goes on heaping up, never satisfied in his desires.

Note on the text: Corrected मृत्युरादायं → मृत्युरादाय (misprint in Wikisource; stray anusvara, CE mṛtyur ādāya).

Verse 20 (12.329.20)

क्रमशः संचितशिखो धर्मबुद्धिमयो महान् । अन्धकारे प्रवेष्टव्ये दीपो यत्नेन धार्यताम् ॥

kramaśaḥ saṃcitaśikho dharmabuddhimayo mahān | andhakāre praveṣṭavye dīpo yatnena dhāryatām

Hold the lamp carefully, since you must enter the darkness — a great lamp, its flame built up step by step, made of the wisdom of dharma.

Verse 21 (12.329.21)

संपतन्देहजालानि कदाचिदिह मानुषे । ब्राह्मण्यं लभते जन्तुस्तत्पुत्र परिपालय ॥

saṃpatandehajālāni kadācidiha mānuṣe | brāhmaṇyaṃ labhate jantustatputra paripālaya

Falling through many bodies, a creature at some time obtains here a human birth and brahmanhood; guard that, my son.

Verse 22 (12.329.22)

ब्राह्मणस्य तु देहोऽयं न कामार्थाय जायते । इह क्लेशाय तपसे प्रेत्य त्वनुपमं सुखम् ॥

brāhmaṇasya tu deho'yaṃ na kāmārthāya jāyate | iha kleśāya tapase pretya tvanupamaṃ sukham

This body of a brahmin is not born for the sake of pleasure; it is for hardship and austerity here, and for unequalled happiness hereafter.

Verse 23 (12.329.23)

ब्राह्मण्यं बहुभिरवाप्यते तपोभि । स्तल्लब्ध्वा न रतिपरेण हेलितव्यम् । स्वाध्याये तपसि दमे च नित्ययुक्तः । मोक्षार्थी कुशलपरः सदा यतस्व ॥

brāhmaṇyaṃ bahubhiravāpyate tapobhi | stallabdhvā na ratipareṇa helitavyam | svādhyāye tapasi dame ca nityayuktaḥ | mokṣārthī kuśalaparaḥ sadā yatasva

Brahmanhood is gained through many austerities; having gained it, one must not slight it by devotion to pleasure. Ever intent on study, austerity and self-control, strive always, skilled and eager for liberation.

Note on the text: The page breaks the sandhi तपोभिस्/तल्लब्ध्वा across the pada boundary (तपोभि । स्तल्लब्ध्वा); kept as printed. Wikisource रतिपरेण/मोक्षार्थी against CE paripaṇena/kṣemārthī are recension variants, kept.

Verse 24 (12.329.24)

अव्यक्तप्रकृतिरयं कलाशरीरः । सूक्ष्मात्मा क्षणत्रुटिका निमेषरोमा । यानेतत्समबलशुक्लकृष्णनेत्रो । मासाङ्गो द्रवति वयोहयो नराणाम् ॥

avyaktaprakṛtirayaṃ kalāśarīraḥ | sūkṣmātmā kṣaṇatruṭikā nimeṣaromā | yānetatsamabalaśuklakṛṣṇanetro | māsāṅgo dravati vayohayo narāṇām

This horse of men's years runs on: its nature is the unmanifest, its body the kalas, its self subtle; the moments and the blinking of the eye are its hairs, the months its limbs, and the bright and dark halves, equal in strength, its eyes.

Note on the text: Wikisource यानेतत् (CE ṛtvāsyaḥ) is obscure and not rendered separately; recension variants क्षणत्रुटिका and मासाङ्गः kept.

Verse 25 (12.329.25)

तं दृष्ट्वा प्रसृतमजस्रमुग्रवेगं । गच्छन्तं सततमिहान्ववेक्षमाणम् । चक्षुस्ते यदि न परप्रणेतृनेयं । धर्मे ते रमतु मनः परं निशाम्य ॥

taṃ dṛṣṭvā prasṛtamajasramugravegaṃ | gacchantaṃ satatamihānvavekṣamāṇam | cakṣuste yadi na parapraṇetṛneyaṃ | dharme te ramatu manaḥ paraṃ niśāmya

If your sight is not that of one who must be led by another, then seeing it rush on without rest at its terrible speed, ever watching all here, let your mind delight in dharma, having heard the highest word.

Note on the text: Corrected यक्षुस्ते → चक्षुस्ते (misprint in Wikisource; "your eye", CE cakṣus te).

Verse 26 (12.329.26)

येऽमी तु प्रचलितधर्मकामवृत्ताः । क्रोशन्तः सततमनिष्टसंप्रयोगात् । क्लिश्यन्तः परिगतवेदनाशरीरा । बह्वीभिः सुभृशमधर्मवागुराभिः ॥

ye'mī tu pracalitadharmakāmavṛttāḥ | krośantaḥ satatamaniṣṭasaṃprayogāt | kliśyantaḥ parigatavedanāśarīrā | bahvībhiḥ subhṛśamadharmavāgurābhiḥ

Those whose conduct in dharma and desire has gone astray, who cry out continually at meeting what they dislike, who suffer, their bodies seized by pain, caught in the many snares of adharma.

Verse 27 (12.329.27)

राजा सदा धर्मपरः शुभाशुभस्य गोप्ता । समीक्ष्य सुकृतिनां दधाति लोकान् । बहुविधमपि चरति प्रविशति । सुखमनुपगतं निरवद्यम् ॥

rājā sadā dharmaparaḥ śubhāśubhasya goptā | samīkṣya sukṛtināṃ dadhāti lokān | bahuvidhamapi carati praviśati | sukhamanupagataṃ niravadyam

The king, ever devoted to dharma and the guardian of good and ill, assigns worlds to the righteous after weighing their deeds; though he acts in many ways, he enters a blameless happiness not reached before.

Note on the text: Matched to CE 12.309.27 on content (similarity 0.89); the wording differs from the CE in places (recension variants, kept).

Verse 28 (12.329.28)

श्वानो भीषणकाया अयोमुखानि वयांसि । बलगृध्रकुररपक्षिणां च संघातम् । नरकदने रुधिरपा गुरुवचन । नुदमुपरतं विशन्त्यसन्तः ॥

śvāno bhīṣaṇakāyā ayomukhāni vayāṃsi | balagṛdhrakurarapakṣiṇāṃ ca saṃghātam | narakadane rudhirapā guruvacana | nudamuparataṃ viśantyasantaḥ

The wicked who thrust aside their guru's words enter, when dead, the slaughter-place of hell, where there are dogs of dreadful form, iron-mouthed birds, flocks of vultures, ospreys and other birds, and drinkers of blood.

Note on the text: The page breaks the compound गुरुवचन/नुदम् across the pada boundary (गुरुवचननुदम्, "pushing aside the guru's word"); kept as printed. The wording differs substantially from the CE (bhīṣaṇāyomukhāni … narāṃ kadane … viśasanti); a recension variant, kept.

Verse 29 (12.329.29)

मर्यादा नियताः स्वयम्भुवा य इहेमाः । प्रभिनत्ति दश गुणा मनोऽनुगत्वात् । निवसति भृशमसुखं पितृविषय । विपिनमवगाह्य स पापः ॥

maryādā niyatāḥ svayambhuvā ya ihemāḥ | prabhinatti daśa guṇā mano'nugatvāt | nivasati bhṛśamasukhaṃ pitṛviṣaya | vipinamavagāhya sa pāpaḥ

The limits that the Self-existent fixed here are tenfold; he who breaks through them by following his mind, that sinner, plunges into the forest of the realm of the ancestors and lives there in great misery.

Note on the text: The page prints this verse as four short lines; kept.

Verse 30 (12.329.30)

यो लुब्धः सुभृशं प्रियानृतश्च मनुष्यः । सततनिकृतिवञ्चनाभिरतिः स्यात् । उपनिधिभिरसुखकृत्स परमनिरयगो । भृशमसुखमनुभवति दुष्कृतकर्मा ॥

yo lubdhaḥ subhṛśaṃ priyānṛtaśca manuṣyaḥ | satatanikṛtivañcanābhiratiḥ syāt | upanidhibhirasukhakṛtsa paramanirayago | bhṛśamasukhamanubhavati duṣkṛtakarmā

The man who is very greedy and fond of pleasing lies, ever delighting in fraud and cheating, who brings distress through his deposits, goes to the lowest hell, the evildoer, and suffers great misery.

Note on the text: Corrected यो लुब्ध सुभृशं → यो लुब्धः सुभृशं (misprint in Wikisource; dropped visarga, CE lubdhaḥ).

Verse 31 (12.329.31)

उष्णां वैतरणीं महानदीमव । गाढोऽसिपत्रवनभिन्नगात्रः । परशुवनशयोनिपतितो । वसति च महानिरये भृशार्तः ॥

uṣṇāṃ vaitaraṇīṃ mahānadīmava | gāḍho'sipatravanabhinnagātraḥ | paraśuvanaśayonipatito | vasati ca mahāniraye bhṛśārtaḥ

Plunged into the hot river Vaitarani, his limbs torn by the sword-leaf forest, lying fallen in the forest of axes, he dwells in the great hell, in deepest agony.

Verse 32 (12.329.32)

महापदानि कत्थसे न चाप्यवेक्षसे परम् । चिरस्य मृत्युकारिकामनागतां न बुध्यसे ॥

mahāpadāni katthase na cāpyavekṣase param | cirasya mṛtyukārikāmanāgatāṃ na budhyase

You boast of great things yet do not look to the Supreme. You do not perceive old age, the maker of death, that is long on its way and not yet come.

Note on the text: Corrected महापादनि → महापदानि (misprint in Wikisource; CE mahāpadāni).

Verse 33 (12.329.33)

प्रयास्यतां किमास्यते समुत्थितं महद्भयम् । अतिप्रमाथि दारुणं सुखस्य संविधीयताम् ॥

prayāsyatāṃ kimāsyate samutthitaṃ mahadbhayam | atipramāthi dāruṇaṃ sukhasya saṃvidhīyatām

Set out! Why do you sit? A great danger has risen, crushing and dreadful; make provision for happiness.

Note on the text: Corrected प्रयस्यतां → प्रयास्यतां (misprint in Wikisource; CE prayāsyatām). Corrected अतिप्रमार्थि → अतिप्रमाथि (misprint in Wikisource; CE atipramāthi).

Verse 34 (12.329.34)

पुरा मृतः प्रणीयसे यमस्य राजशासनात् । त्वमन्तकाय दारुणैः प्रयत्नमार्जवे कुरु ॥

purā mṛtaḥ praṇīyase yamasya rājaśāsanāt | tvamantakāya dāruṇaiḥ prayatnamārjave kuru

Soon, dead, you will be led away by the command of Yama the king. For your good hereafter, make your effort toward uprightness, with stern disciplines.

Note on the text: Matched to CE 12.309.34 on content (similarity 0.89); the wording differs from the CE in places (recension variants, kept).

Verse 35 (12.329.35)

पुरा समूलबान्धवं प्रभुर्हरत्यदुःखवित् । कियत्तवेह जीवितं यमे न चास्ति वारकः ॥

purā samūlabāndhavaṃ prabhurharatyaduḥkhavit | kiyattaveha jīvitaṃ yame na cāsti vārakaḥ

Soon the Master, who knows no sorrow, will carry you off together with your roots and kin. How short is your life here! With Yama there is no one to hold him back.

Note on the text: Matched to CE 12.309.35 on content (similarity 0.85); the wording differs from the CE in places (recension variants, kept).

Verse 36 (12.329.36)

पुरा विवाति मारुतो यमस्य यः पुरःसरः । पुरैक एव नीयसे कुरुष्व सांपरायिकम् ॥

purā vivāti māruto yamasya yaḥ puraḥsaraḥ | puraika eva nīyase kuruṣva sāṃparāyikam

Soon the wind that goes before Yama will blow; you will be led away alone. Make provision for the journey to the next world.

Verse 37 (12.329.37)

पुरा स एक एव ते प्रवाति मारुतोऽन्तकः । पुरा च विभ्रमन्ति ते दिशो महाभयागमे ॥

purā sa eka eva te pravāti māruto'ntakaḥ | purā ca vibhramanti te diśo mahābhayāgame

Soon that one wind of Death will blow for you, and soon the directions will reel around you at the coming of the great terror.

Verse 38 (12.329.38)

श्रुतिश्च सन्निरुध्यते पुरा तवेह पुत्रक । समाकुलस्य गच्छतः समाधिमुत्तमं कुरु ॥

śrutiśca sannirudhyate purā taveha putraka | samākulasya gacchataḥ samādhimuttamaṃ kuru

Soon, my son, your hearing will fail you. As you go in confusion, attain the highest concentration.

Verse 39 (12.329.39)

शुभाशुभे पुरा कृते प्रमादकर्मविप्लुते । स्मरन्पुराऽनुतप्यसे निधत्स्व केवलं निधिम् ॥

śubhāśubhe purā kṛte pramādakarmaviplute | smaranpurā'nutapyase nidhatsva kevalaṃ nidhim

Soon, when good and bad have been done and ruined by carelessness, you will remember and repent; so lay up the one treasure.

Note on the text: Matched to CE 12.309.39 on content (similarity 0.80): line 2 corresponds (CE smaran purā na tapyase for Wikisource स्मरन्पुराऽनुतप्यसे); line 1 is reordered (CE kṛtākṛte śubhāśubhe pramādakarmaviplute). Recension variants, kept.

Verse 40 (12.329.40)

पुरा जरा कलेवरं विजर्झरीकरोति ते । बलाङ्गरूपहारिणी निधत्स्व केवलं निधिम् ॥

purā jarā kalevaraṃ vijarjharīkaroti te | balāṅgarūpahāriṇī nidhatsva kevalaṃ nidhim

Soon old age will wear your body to tatters, robbing it of strength, limbs and beauty; lay up the one treasure.

Verse 41 (12.329.41)

पुरा शरीरमन्तको भिनत्ति रोगसायकैः । प्रसह्य जीवितक्षये तपो महत्समारभ ॥

purā śarīramantako bhinatti rogasāyakaiḥ | prasahya jīvitakṣaye tapo mahatsamārabha

Soon Death will pierce your body with the arrows of disease; while your life is being cut short by force, undertake great austerity.

Verse 42 (12.329.42)

पुरा वृका भयंकरा मनुष्यदेहगोचराः । अभिद्रवन्ति सर्वतो यतस्व पुण्यशीलने ॥

purā vṛkā bhayaṃkarā manuṣyadehagocarāḥ | abhidravanti sarvato yatasva puṇyaśīlane

Soon fearsome wolves that move in human bodies will rush at you from every side; strive to practise virtue.

Verse 43 (12.329.43)

पुरान्धकारमेककोऽनुपश्यसि त्वरस्व वै । पुरा हिरण्मयान्नगान्निरीक्षसेऽद्रिमूर्धनि ॥

purāndhakāramekako'nupaśyasi tvarasva vai | purā hiraṇmayānnagānnirīkṣase'drimūrdhani

Soon you will see only darkness, alone — so hurry! Soon you will see golden trees on a mountain peak.

Verse 44 (12.329.44)

पुरा कुसङ्गतानि ते सुहृन्मुखाश्च शत्रवः । विचालयन्ति दर्शनाद्धटस्व पुत्र यत्परम् ॥

purā kusaṅgatāni te suhṛnmukhāśca śatravaḥ | vicālayanti darśanāddhaṭasva putra yatparam

Soon bad company and enemies with the faces of friends will turn you from what you see; strive, my son, for the highest.

Verse 45 (12.329.45)

धनस्य यस्य राजतो भयं न चास्ति चोरतः । मृतं च यन्न मुञ्चति समार्जयस्व तद्धनम् ॥

dhanasya yasya rājato bhayaṃ na cāsti corataḥ | mṛtaṃ ca yanna muñcati samārjayasva taddhanam

Earn that wealth which has nothing to fear from kings or from thieves, and which does not leave a man even when he is dead.

Verse 46 (12.329.46)

न तत्र संविभज्यते स्वकर्मभिः परस्परम् । यदेव यस्य यौतकं तदेव तत्र सोऽश्नुते ॥

na tatra saṃvibhajyate svakarmabhiḥ parasparam | yadeva yasya yautakaṃ tadeva tatra so'śnute

There it is not divided among people according to their deeds, one with another; whatever is a man's own portion, his yautaka, that alone he enjoys there.

Note on the text: Corrected सोऽश्नृते → सोऽश्नुते (misprint in Wikisource; CE so 'śnute).

Verse 47 (12.329.47)

परत्र तेन जीव्यते तदेव पुत्र जीयताम् । धनं यदक्षरं ध्रुवं समार्जयस्व तत्स्वयम् ॥

paratra tena jīvyate tadeva putra jīyatām | dhanaṃ yadakṣaraṃ dhruvaṃ samārjayasva tatsvayam

Win that by which one lives in the other world, my son; earn for yourself the wealth that is imperishable and lasting.

Verse 48 (12.329.48)

न यावदेव पच्यते महाजनस्य यावकम् । अपक्व एव यावके पुरा प्रलीयते त्वरम् ॥

na yāvadeva pacyate mahājanasya yāvakam | apakva eva yāvake purā pralīyate tvaram

Before the barley-dish of the well-to-do is even cooked, while it is still raw, one is swiftly dissolved.

Verse 49 (12.329.49)

न मातृपुत्रबान्धवा न संस्तुतः प्रियो जनः । अनुव्रजन्ति संकटे व्रजन्तमेकपातिनम् ॥

na mātṛputrabāndhavā na saṃstutaḥ priyo janaḥ | anuvrajanti saṃkaṭe vrajantamekapātinam

Neither mother, son nor kinsmen, nor a dear friend whom one has praised, follow a man into trouble as he goes his way alone.

Verse 50 (12.329.50)

यदेव कर्म केवलं पुराकृतं शुभाशुभम् । तदेव पुत्र यौतकं भवत्यमुत्र गच्छतः ॥

yadeva karma kevalaṃ purākṛtaṃ śubhāśubham | tadeva putra yautakaṃ bhavatyamutra gacchataḥ

Only the deed, good or bad, done before — that, my son, becomes your own portion as you go to the other world.

Note on the text: Matched to CE 12.309.50 on content (similarity 0.88); the wording differs from the CE in places (recension variants, kept).

Verse 51 (12.329.51)

हिरण्यरत्नसंचयाः शुभाशुभेन संचिताः । न तस्य देहसंक्षये भवन्ति कार्यसाधकाः ॥

hiraṇyaratnasaṃcayāḥ śubhāśubhena saṃcitāḥ | na tasya dehasaṃkṣaye bhavanti kāryasādhakāḥ

Heaps of gold and jewels, gathered by good means or bad, do not accomplish anything for him when his body is gone.

Verse 52 (12.329.52)

न पुत्र शान्तिरस्ति ते कृताकृतस्य कर्मणः । न साक्षिकोऽऽत्मना समो नृणामिहास्ति कश्चन ॥

na putra śāntirasti te kṛtākṛtasya karmaṇaḥ | na sākṣiko''tmanā samo nṛṇāmihāsti kaścana

There is no reprieve for you, son, from deeds done or left undone; there is no witness here for men equal to their own self.

Note on the text: Matched to CE 12.309.52 on content (similarity 0.86); the wording differs from the CE in places (recension variants, kept).

Verse 53 (12.329.53)

मनुष्यदेहशून्यकं भवत्यमुत्र गच्छतः । प्रविश्य बुद्धिचक्षुषा प्रदृश्यते हि सर्वशः ॥

manuṣyadehaśūnyakaṃ bhavatyamutra gacchataḥ | praviśya buddhicakṣuṣā pradṛśyate hi sarvaśaḥ

Going to the other world, he is left without a human body; and looking in with the eye of understanding, one sees all of it.

Verse 54 (12.329.54)

इहाग्निसूर्यवायवः शरीरमाश्रितास्त्रयः । त एव तस्य साक्षिणो भवन्ति धर्मदर्शिनः ॥

ihāgnisūryavāyavaḥ śarīramāśritāstrayaḥ | ta eva tasya sākṣiṇo bhavanti dharmadarśinaḥ

Fire, the sun and the wind — these three dwell in the body; they themselves become his witnesses, seeing dharma.

Verse 55 (12.329.55)

अहनिशेषु सर्वतः स्पृशत्सु सर्वचारिषु । प्रकाशगूढवृत्तिषु स्वधर्ममेव पालय ॥

ahaniśeṣu sarvataḥ spṛśatsu sarvacāriṣu | prakāśagūḍhavṛttiṣu svadharmameva pālaya

Amid those that touch everything by day and night, that move everywhere and work both in the open and in hiding — guard only your own dharma.

Note on the text: Corrected अहनिंशेषु → अहनिशेषु (misprint in Wikisource; stray anusvara, "by day and night").

Verse 56 (12.329.56)

अनेकपारिपान्थके विरूपरौद्रमक्षिके । स्वमेव कर्म रक्ष्यतां स्वकर्म तत्र गच्छति ॥

anekapāripānthake virūparaudramakṣike | svameva karma rakṣyatāṃ svakarma tatra gacchati

On this road with its many highwaymen and hideous, dreadful flies, let only your own deed be guarded; it is your own deed that goes with you there.

Verse 57 (12.329.57)

न तत्र संविभज्यते स्वकर्मभिः परस्परम् । तथा कृतं स्वकर्मजं तदेव भुज्यते फलम् ॥

na tatra saṃvibhajyate svakarmabhiḥ parasparam | tathā kṛtaṃ svakarmajaṃ tadeva bhujyate phalam

There it is not divided among people by their deeds, one with another; the fruit born of one's own deed is enjoyed just as it was done.

Verse 58 (12.329.58)

यथाऽप्सरोगणाः फलं सुखं महर्षिभिः सह । तथाऽऽप्नुवन्ति कर्मजं विमानकामगामिनः ॥

yathā'psarogaṇāḥ phalaṃ sukhaṃ maharṣibhiḥ saha | tathā''pnuvanti karmajaṃ vimānakāmagāminaḥ

As troops of apsarases enjoy fruit and happiness together with great seers, so those who travel at will in celestial cars obtain what their deeds give.

Verse 59 (12.329.59)

यथेह यत्कृतं शुभं विपाप्मभिः कृतात्मभिः । तदाप्नुवन्ति मानवास्तथा विशुद्धयोनयः ॥

yatheha yatkṛtaṃ śubhaṃ vipāpmabhiḥ kṛtātmabhiḥ | tadāpnuvanti mānavāstathā viśuddhayonayaḥ

Whatever good has been done here by men free from sin and with purified selves, men of pure birth obtain the same.

Verse 60 (12.329.60)

प्रजापतेः सलोकतां बृहस्पतेः शतक्रतोः । व्रजन्ति ते परां गतिं गृहस्थधर्मसेतुभिः ॥

prajāpateḥ salokatāṃ bṛhaspateḥ śatakratoḥ | vrajanti te parāṃ gatiṃ gṛhasthadharmasetubhiḥ

Through the bridges of the householder's dharma they reach the world of Prajapati, of Brihaspati and of Indra of the hundred sacrifices, the highest goal.

Verse 61 (12.329.61)

सहस्रशोऽप्यनेकशः प्रवक्तुमुत्सहामहे । अबुद्धिमोहनं पुनः प्रभुस्तु तेन पावकः ॥

sahasraśo'pyanekaśaḥ pravaktumutsahāmahe | abuddhimohanaṃ punaḥ prabhustu tena pāvakaḥ

We are able to describe it in thousands of ways, again and again; but as for the delusion of the unwise, it is the Lord who, by that means, is the fire that burns it away.

Note on the text: The second line is obscure (CE abuddhimohanaṃ punaḥ prabhur vinā na yāvakam); rendered closely.

Verse 62 (12.329.62)

गता त्रिरष्टवर्षता ध्रुवोऽसि पञ्चविंशकः । कुरुष्व धर्मसंचयं वयो हि तेऽतिवर्तते ॥

gatā triraṣṭavarṣatā dhruvo'si pañcaviṃśakaḥ | kuruṣva dharmasaṃcayaṃ vayo hi te'tivartate

Twenty-four years, three times eight, have gone; you are surely in your twenty-fifth. Gather the store of dharma, for your age is passing.

Note on the text: Corrected कुरष्व → कुरुष्व (misprint in Wikisource; CE kuruṣva).

Verse 63 (12.329.63)

पुरा करोति सोऽन्तकः प्रमादगोमुखां चमूम् । यथागृहीतमुत्थितस्त्वरस्व धर्मपालने ॥

purā karoti so'ntakaḥ pramādagomukhāṃ camūm | yathāgṛhītamutthitastvarasva dharmapālane

Soon that Ender will draw up his host of carelessness in the cow-mouth array; as you have resolved, rise and hasten to guard dharma.

Verse 64 (12.329.64)

यथा त्वमेव पृष्ठतस्त्वमग्रतो गमिष्यसि । तथा गतिं गमिष्यतः किमात्मना परेण वा ॥

yathā tvameva pṛṣṭhatastvamagrato gamiṣyasi | tathā gatiṃ gamiṣyataḥ kimātmanā pareṇa vā

Just as you will go alone, with yourself behind and yourself ahead, so for one going that road, what use is oneself or another?

Verse 65 (12.329.65)

यदेकपातिनां सतां भवत्यमुत्र गच्छताम् । भयेषु सांपरायिकं निधत्स्व केवलं निधिम् ॥

yadekapātināṃ satāṃ bhavatyamutra gacchatām | bhayeṣu sāṃparāyikaṃ nidhatsva kevalaṃ nidhim

Lay up that one treasure which stands by the good, who go alone to the other world, in the dangers of the life to come.

Verse 66 (12.329.66)

सतूलमूलबान्धवं प्रभुर्हरत्यसङ्गवान् । न सन्ति यस्य वारकाः कुरुष्व धर्मसंनिधिम् ॥

satūlamūlabāndhavaṃ prabhurharatyasaṅgavān | na santi yasya vārakāḥ kuruṣva dharmasaṃnidhim

The Master carries off, unhindered, everyone with root and kin; he has no one to hold him back. Keep dharma close at hand.

Note on the text: Corrected कुरष्व → कुरुष्व (misprint in Wikisource; CE kuruṣva).

Verse 67 (12.329.67)

इदं निदर्शनं मया तवेह पुत्र संमतम् । स्वदर्शनानुमानतः प्रवर्णितं कुरुष्व तत् ॥

idaṃ nidarśanaṃ mayā taveha putra saṃmatam | svadarśanānumānataḥ pravarṇitaṃ kuruṣva tat

This demonstration, my son, I hold right for you here; I have set it out from my own insight and reasoning. Act on it.

Note on the text: Corrected स्वदर्शनानुपानतः → स्वदर्शनानुमानतः (misprint in Wikisource; "by my own insight and inference", CE svadarśanānumānataḥ).

Verse 68 (12.329.68)

ददाति यः स्वकर्मणा धनानि यस्यकस्यचित् । अबुद्धिमोहजैर्गुणैः स एक एव युज्यते ॥

dadāti yaḥ svakarmaṇā dhanāni yasyakasyacit | abuddhimohajairguṇaiḥ sa eka eva yujyate

He who by his own act gives wealth to just anyone is joined, alone, to the faults born of the delusion of folly.

Verse 69 (12.329.69)

शुभं समस्तमश्नुते प्रकुर्वतः शुभाः क्रियाः । तदेतदर्थदर्शनं कृतज्ञमर्थसंहितम् ॥

śubhaṃ samastamaśnute prakurvataḥ śubhāḥ kriyāḥ | tadetadarthadarśanaṃ kṛtajñamarthasaṃhitam

One who performs good acts enjoys every good; this view of the matter is a grateful one, and full of purpose.

Note on the text: Matched to CE 12.309.69 on content (similarity 0.86); the wording differs from the CE in places (recension variants, kept).

Verse 70 (12.329.70)

निबन्धनी रज्जुरेषा या ग्रामे वसतो रतिः । छित्त्वैतां सुकृतो यान्ति नैनां छिदन्ति दुष्कृतः ॥

nibandhanī rajjureṣā yā grāme vasato ratiḥ | chittvaitāṃ sukṛto yānti naināṃ chidanti duṣkṛtaḥ

This is the binding rope, the attachment of one who lives in a village; the righteous cut it and go, the wicked do not cut it.

Verse 71 (12.329.71)

किं ते धनेन किं बन्धुभिस्ते । किं ते पुत्रैः पुत्रक यो मरिष्यसि । आत्मानमन्विच्छ गुहां प्रविष्टं । पितामहास्ते क्व गताश्च सर्वे ॥

kiṃ te dhanena kiṃ bandhubhiste | kiṃ te putraiḥ putraka yo mariṣyasi | ātmānamanviccha guhāṃ praviṣṭaṃ | pitāmahāste kva gatāśca sarve

What use is wealth to you, what use are kinsmen, what use are sons, child, since you will die? Seek the Self that has entered the cave. Where have all your forefathers gone?

Verse 72 (12.329.72)

श्वः कार्यमद्य कुर्वीत पूर्वाह्णे चापराह्णिकम् । न हि प्रतीक्षते मृत्युः कृतं वाऽस्य न वाऽकृतम् ॥

śvaḥ kāryamadya kurvīta pūrvāhṇe cāparāhṇikam | na hi pratīkṣate mṛtyuḥ kṛtaṃ vā'sya na vā'kṛtam

Do tomorrow's work today, and the afternoon's in the forenoon; for Death does not wait to see whether a man's work is done or not.

Note on the text: Corrected कार्यमद्ये → कार्यमद्य (misprint in Wikisource; CE kāryam adya). Line 1 is CE 12.309.72a and line 2 is the CE star line 12.309.72b*0787_01 (not in the constituted text; found in the vulgate recension). CE 72c (ko hi tad veda kasyādya mṛtyusenā nivekṣyate) is not in Wikisource's text; the page's footnote gives it only as a variant reading.

Verse 73 (12.329.73)

अनुगम्य विनाशान्ते निवर्तन्ते ह बान्धवाः । अग्नौ प्रक्षिप्य पुरुषं ज्ञातयः सुहृदस्तथा ॥

anugamya vināśānte nivartante ha bāndhavāḥ | agnau prakṣipya puruṣaṃ jñātayaḥ suhṛdastathā

Relatives go with the dead as far as the end of his destruction and turn back, having cast the man into the fire — his kin and friends alike.

Note on the text: Matched to CE 12.309.73 on content (similarity 0.90); the wording differs from the CE in places (recension variants, kept).

Verse 74 (12.329.74)

नास्तिकान्निरनुक्रोशान्नरान्पापमते स्थितान् । वामतः कुरु विस्रब्धं परं प्रेप्सुरतन्द्रितः ॥

nāstikānniranukrośānnarānpāpamate sthitān | vāmataḥ kuru visrabdhaṃ paraṃ prepsuratandritaḥ

Keep pitiless unbelievers, whose minds are set on sin, to your left, undisturbed, if you desire the highest, and be unwearied.

Verse 75 (12.329.75)

एवमभ्याहते लोके कालेनोपनिपीडिते । सुमहद्धैर्यमालम्ब्य धर्मं सर्वात्मना कुरु ॥

evamabhyāhate loke kālenopanipīḍite | sumahaddhairyamālambya dharmaṃ sarvātmanā kuru

Since the world is struck down in this way and tormented by Time, take up great courage and practise dharma with your whole self.

Verse 76 (12.329.76)

अथेमं दर्शनोपायं सम्यग्यो वेत्ति मानवः । सम्यक् स्वधर्मं कृत्वेह परत्र सुखमश्नुते ॥

athemaṃ darśanopāyaṃ samyagyo vetti mānavaḥ | samyak svadharmaṃ kṛtveha paratra sukhamaśnute

The man who rightly knows this means of insight, rightly practising his own dharma here, enjoys happiness in the next world.

Verse 77 (12.329.77)

न देहभेदे मरणं विजानतां । न च प्रणाशः स्वनुपालिते पथि । धर्मं हि यो वर्धयते स पण्डितो । य एव धर्माच्च्यवते स दह्यते ॥

na dehabhede maraṇaṃ vijānatāṃ | na ca praṇāśaḥ svanupālite pathi | dharmaṃ hi yo vardhayate sa paṇḍito | ya eva dharmāccyavate sa dahyate

For those who know, there is no death in the breaking up of the body, and no destruction on a path well kept. He who increases dharma is the wise man; he who falls away from dharma is burned.

Note on the text: Corrected बर्धयते → वर्धयते (misprint in Wikisource; CE vardhayate). Removed a stray zero-width joiner after ण in पण्डितो.

Verse 78 (12.329.78)

प्रयुक्तयोः कर्मपथि स्वकर्मणोः । फलं प्रयोक्ता लभते यथाविधि । निहीनकर्मा निरयं प्रपद्यते । त्रिविष्टपं गच्छति धर्मपारगः ॥

prayuktayoḥ karmapathi svakarmaṇoḥ | phalaṃ prayoktā labhate yathāvidhi | nihīnakarmā nirayaṃ prapadyate | triviṣṭapaṃ gacchati dharmapāragaḥ

Of the two kinds of deed set on the path of action, the doer reaps the fruit in due order: the one of lowly deeds goes to hell, the one who has crossed to the far shore of dharma goes to heaven.

Verse 79 (12.329.79)

सोपानभूतं स्वर्गस्य मानुष्यं प्राप्य दुर्लभम् । तथाऽऽत्मानं समादध्याद्भ्रश्यते न पुनर्यथा ॥

sopānabhūtaṃ svargasya mānuṣyaṃ prāpya durlabham | tathā''tmānaṃ samādadhyādbhraśyate na punaryathā

The human state, hard to obtain, is a stair to heaven; so steady yourself that you do not fall again.

Note on the text: Corrected समादध्याद्धश्यते → समादध्याद्भ्रश्यते (misprint in Wikisource; "so that he does not fall", CE bhraśyeta).

Verse 80 (12.329.80)

यस्य नोत्क्रामति मतिः स्वर्गमार्गानुसारिणी । तमाहुः पुण्यकर्माणमशोच्यं मित्रबान्धवैः ॥

yasya notkrāmati matiḥ svargamārgānusāriṇī | tamāhuḥ puṇyakarmāṇamaśocyaṃ mitrabāndhavaiḥ

The man whose mind does not turn from the path to heaven is called a doer of virtuous deeds, not to be mourned by friends and kin.

Verse 81 (12.329.81)

यस्य नोपहता बुद्धिर्निश्चये ह्यवलम्बते । स्वर्गे कृतावकाशस्य नास्ति तस्य महद्भयम् ॥

yasya nopahatā buddhirniścaye hyavalambate | svarge kṛtāvakāśasya nāsti tasya mahadbhayam

The man whose unimpaired understanding holds firm in its resolve, and who has made room for himself in heaven, has no great fear.

Note on the text: Matched to CE 12.309.81 on content (similarity 0.87); the wording differs from the CE in places (recension variants, kept).

Verse 82 (12.329.82)

तपोवनेषु ये जातास्तत्रैव निधनं गताः । तेषामल्पतरो धर्मः कामभोगानजानताम् ॥

tapovaneṣu ye jātāstatraiva nidhanaṃ gatāḥ | teṣāmalpataro dharmaḥ kāmabhogānajānatām

Those born in the penance forests who die there have little dharma, since they do not know the enjoyments of desire.

Verse 83 (12.329.83)

यस्तु भोगान्परित्यज्य शरीरेण तपश्चरेत् । न तेन किंचिन्न प्राप्तं तन्मे बहुमतं फलम् ॥

yastu bhogānparityajya śarīreṇa tapaścaret | na tena kiṃcinna prāptaṃ tanme bahumataṃ phalam

But one who gives up pleasures and practises austerity with his body — there is nothing he has not obtained; that fruit I hold in high regard.

Verse 84 (12.329.84)

मातापितृसहस्राणि पुत्रदारशतानि च । अनागतान्यतीतानि कस्य ते कस्य वा वयम् ॥

mātāpitṛsahasrāṇi putradāraśatāni ca | anāgatānyatītāni kasya te kasya vā vayam

Thousands of mothers and fathers and hundreds of sons and wives, past and yet to come — whose are they to you, or whose are we?

Verse 85 (12.329.85)

अहमेको न मे कश्चिन्नाहमन्यस्य कस्यचित् । न तं पश्यामि यस्याहं तन्न पश्यामि यो मम ॥

ahameko na me kaścinnāhamanyasya kasyacit | na taṃ paśyāmi yasyāhaṃ tanna paśyāmi yo mama

I am alone; nobody is mine, nor am I anyone's. I do not see him whose I am, nor him who is mine.

Note on the text: Not in the critical edition's constituted text (found in the vulgate recension); the CE records it as the star lines 12.309.84d*0788_01–02 (aham eko na me kaś cid ahaṃ vāpi na kasya cit / taṃ na paśyāmi yasyāhaṃ taṃ na paśyāmi yo mama), which Wikisource numbers 85.

Verse 86 (12.329.86)

न तेषां भवता कार्यं न कार्यं तव तैरपि । स्वकृतैस्तानि जातानि भवांश्चैव गमिष्यति ॥

na teṣāṃ bhavatā kāryaṃ na kāryaṃ tava tairapi | svakṛtaistāni jātāni bhavāṃścaiva gamiṣyati

You have no business with them, nor they with you; they have come into being by their own deeds, and you too will go by yours.

Note on the text: CE reads yātāni for Wikisource जातानि; kept as a recension variant.

Verse 87 (12.329.87)

इह लोके हि धनिनः परोऽपि स्वजनायते । स्वजनस्तु दरिद्राणां जीवतामपि नश्यति ॥

iha loke hi dhaninaḥ paro'pi svajanāyate | svajanastu daridrāṇāṃ jīvatāmapi naśyati

In this world even a stranger acts as kin to a rich man, but for the poor even their living kin fall away.

Note on the text: Corrected धनिना → धनिनः (misprint in Wikisource; the sense needs the genitive, "to the rich man", CE dhaninaḥ).

Verse 88 (12.329.88)

संचिनोत्यशुभं कर्म कलत्रापेक्षया नरः । ततः क्लेशमवाप्नोति परत्रेह तथैव च ॥

saṃcinotyaśubhaṃ karma kalatrāpekṣayā naraḥ | tataḥ kleśamavāpnoti paratreha tathaiva ca

A man does evil out of regard for his wife and family; from it he reaches suffering, here and in the next world alike.

Verse 89 (12.329.89)

पश्यति च्छिन्नभूतं हि जीवलोकं स्वकर्मणा । तत्कुरुष्व तथा पुत्र कृत्स्नं यत्समुदाहृतम् ॥

paśyati cchinnabhūtaṃ hi jīvalokaṃ svakarmaṇā | tatkuruṣva tathā putra kṛtsnaṃ yatsamudāhṛtam

One sees the world of the living cut off by its own deeds; therefore, my son, do all that has been told.

Note on the text: Wikisource पश्यति/छिन्नभूतं (CE paśya tvaṃ chidrabhūtaṃ) differs from the CE; kept as printed and rendered by the printed text.

Verse 90 (12.329.90)

तदेतत्संप्रदृश्यैव कर्म भूमिं प्रपश्यतः । शुभान्याचरितव्यानि परलोकमभीप्सता ॥

tadetatsaṃpradṛśyaiva karma bhūmiṃ prapaśyataḥ | śubhānyācaritavyāni paralokamabhīpsatā

Having seen all this clearly and looked at the field of action, one who desires the other world must do good deeds.

Verse 91 (12.329.91)

मासर्तुसंज्ञापरिवर्तकेन । सूर्याग्निना रात्रिदिवेन्धनेन । स्वकर्मनिष्ठाफलसाक्षिकेण । भूतानि कालः पचति प्रसह्य ॥

māsartusaṃjñāparivartakena | sūryāgninā rātridivendhanena | svakarmaniṣṭhāphalasākṣikeṇa | bhūtāni kālaḥ pacati prasahya

Time cooks the creatures by force, with the months and seasons for its turning ladle, the sun for its fire, night and day for its fuel, and the fruit of each one's own deeds as its witness.

Verse 92 (12.329.92)

धनेन किं यन्न ददाति नाश्नुते । बलेन किं येन रिपुं न बाधते । श्रुतेन किं येन न धर्ममाचरे । त्किमात्मना यो न जितेन्द्रियो वशी ॥

dhanena kiṃ yanna dadāti nāśnute | balena kiṃ yena ripuṃ na bādhate | śrutena kiṃ yena na dharmamācare | tkimātmanā yo na jitendriyo vaśī

What is wealth that one neither gives nor enjoys? What is strength that does not overcome the enemy? What is learning by which one does not practise dharma? What is a self that has not conquered its senses and is not master of itself?

Note on the text: The page breaks the sandhi आचरेत्/किमात्मना across the pada boundary (धर्ममाचरे । त्किमात्मना); kept as printed.

Verse 93 (12.329.93)

इदं द्वैपायनवचो हितमुक्तं निशम्य तु । शुको गतः परित्यज्य पितरं मोक्षदैशिकम् ॥

idaṃ dvaipāyanavaco hitamuktaṃ niśamya tu | śuko gataḥ parityajya pitaraṃ mokṣadaiśikam

Having heard this beneficial speech of Dvaipayana, Shuka went away, leaving his father, his guide to liberation.

Note on the text: Text printed after the colophon on the page (commentary glosses, a list of variant readings) is not added.