Hayagriva Recovers the Vedas from Madhu and Kaitabha

Verse 1 (12.357.1)

श्रुतं भगवतस्तस्य माहात्म्यं परमात्मनः । जन्मधर्मगृहे चैव नरनारायणात्मकम् ॥

śrutaṃ bhagavatastasya māhātmyaṃ paramātmanaḥ | janmadharmagṛhe caiva naranārāyaṇātmakam

We have heard of the greatness of that Lord, the Supreme Self, and of his birth in the house of Dharma as Nara and Narayana.

Note on the text: Lines = CE 12.335.1a, 1c. Speaker as the page heads it (शौनक उवाच); the CE gives this speech to Janamejaya.

Verse 2 (12.357.2)

महावराहसृष्टा च पिण्डोत्पत्तिः पुरातनी । प्रवृत्तौ च निवृत्तौ च यो यथा परिकल्पितः ॥

mahāvarāhasṛṣṭā ca piṇḍotpattiḥ purātanī | pravṛttau ca nivṛttau ca yo yathā parikalpitaḥ

We have heard, too, of the ancient origin of the piṇḍa offerings established by the Great Boar, and of how each rite was ordained, both for the path of action and for the path of withdrawal.

Note on the text: Lines = CE 12.335.1e, 2a.

Verse 3 (12.357.3)

तथा स नः श्रुतो ब्रह्मन्कथ्यमानस्त्वयाऽनघ । हव्यकव्यभुजो विष्णुरुदक्पूर्वे महोदधौ ॥

tathā sa naḥ śruto brahmankathyamānastvayā'nagha | havyakavyabhujo viṣṇurudakpūrve mahodadhau

In that way, O Brahmin, sinless one, as you told it, we have heard of him: Vishnu, the enjoyer of the offerings to gods and ancestors, in the great ocean to the north-east.

Note on the text: Lines = CE 12.335.2c, 3c.

Verse 4 (12.357.4)

यच्च तत्कथितं पूर्वं त्वया हयशिरो महत् । तच्च दृष्टं भगवता ब्रह्मणा परमेष्ठिना ॥

yacca tatkathitaṃ pūrvaṃ tvayā hayaśiro mahat | tacca dṛṣṭaṃ bhagavatā brahmaṇā parameṣṭhinā

And the great Hayashira, the Horse-head, of whom you spoke before, was seen by the blessed Brahma, the Supreme Ruler.

Note on the text: Lines = CE 12.335.3a, 3e; Wikisource divides CE verse 3 (lines a, c, e) differently, putting line c with the previous verse.

Verse 5 (12.357.5)

किं तदुत्पादितं पूर्वं हरिणा लोकधारिणा । रूपं प्रभावं महतामपूर्वं धीमतांवर ॥

kiṃ tadutpāditaṃ pūrvaṃ hariṇā lokadhāriṇā | rūpaṃ prabhāvaṃ mahatāmapūrvaṃ dhīmatāṃvara

What was it that Hari, the upholder of the worlds, brought forth before: a form and power unseen before, O best of the wise?

Note on the text: Speaker as the page heads it (शौनक); the CE gives this passage to Janamejaya.

Verse 6 (12.357.6)

दृष्ट्वा हि विबुधश्रेष्ठमपूर्वममितौजसम् । तदश्वशिरसं पुण्यं ब्रह्मा किमकरोन्मुने ॥

dṛṣṭvā hi vibudhaśreṣṭhamapūrvamamitaujasam | tadaśvaśirasaṃ puṇyaṃ brahmā kimakaronmune

Having seen that best of the gods, the holy Horse-headed one, unprecedented and of boundless might, what did Brahma do, O sage?

Note on the text: Corrected विवुधश्रेष्ठमपूर्वममितौजसम् → विबुधश्रेष्ठमपूर्वममितौजसम् (misprint in Wikisource; CE vibudha; व for ब). Speaker as the page heads it (शौनक); the CE gives this passage to Janamejaya.

Verse 7 (12.357.7)

एतन्नः संशयं ब्रह्मन्पुराणं ब्रह्मसंभवम् । कथयस्वोत्तममते महापुरुषसंश्रितम् । पाविताः स्म त्वया ब्रह्मन्पुण्याः कथय ताः कथाः ॥

etannaḥ saṃśayaṃ brahmanpurāṇaṃ brahmasaṃbhavam | kathayasvottamamate mahāpuruṣasaṃśritam | pāvitāḥ sma tvayā brahmanpuṇyāḥ kathaya tāḥ kathāḥ

O Brahmin, this is our doubt about the ancient account that arose from Brahma. Tell it, O wise one; it centres on the Great Person. We have been purified by you, O Brahmin; tell those sacred tales.

Note on the text: Speaker as the page heads it (शौनक); the CE gives this passage to Janamejaya.

Verse 8 (12.357.8)

कथयिष्यामि ते सर्वं पुराणं वेदसंमितम् । जगौ यद्भगवान्व्यासो राज्ञः पारिक्षितस्य वै ॥

kathayiṣyāmi te sarvaṃ purāṇaṃ vedasaṃmitam | jagau yadbhagavānvyāso rājñaḥ pārikṣitasya vai

I shall tell you all of that ancient account, equal to the Veda, which the blessed Vyasa sang to the son of Parikshit.

Note on the text: Lines = CE 12.335.7a, 7c; Wikisource's राज्ञः पारिक्षितस्य for CE rājño dharmasutasya. Speaker as the page heads it (सौति); the CE gives this verse to Vaishampayana.

Verse 9 (12.357.9)

श्रुत्वाऽश्वशिरसो मूर्तिं देवस्य हरिमेधसः । उत्पन्नसंशयो राजा एतदेवमचोदयत् ॥

śrutvā'śvaśiraso mūrtiṃ devasya harimedhasaḥ | utpannasaṃśayo rājā etadevamacodayat

Having heard of the form of the Horse-headed god of Hari's wisdom, the king was seized by a doubt and put this question to him.

Note on the text: Corrected मूर्ति देवस्य → मूर्तिं देवस्य (misprint in Wikisource; CE mūrtiṃ; anusvara dropped). Speaker as the page heads it (सौति).

Verse 10 (12.357.10)

यत्तद्दर्शितवान्ब्रह्मा देवं हयशिरोधरम् । किमर्थं तत्समभवद्वपुर्देवोपकल्पितम् ॥

yattaddarśitavānbrahmā devaṃ hayaśirodharam | kimarthaṃ tatsamabhavadvapurdevopakalpitam

Why did that body come to be, devised by the god, the god bearing a horse's head whom Brahma showed?

Note on the text: Corrected यत्तद्दर्शितवान्ब्राह्म → यत्तद्दर्शितवान्ब्रह्मा (misprint in Wikisource; CE brahmā). Speaker as the page heads it (जनमेजय उवाच); the CE gives this question to Yudhishthira.

Verse 11 (12.357.11)

यत्किंचिदिह लोके वै देहबद्धं विशांपते । सर्वं पञ्चभिराविष्टं भूतैरीश्वरबुद्धिजैः ॥

yatkiṃcidiha loke vai dehabaddhaṃ viśāṃpate | sarvaṃ pañcabhirāviṣṭaṃ bhūtairīśvarabuddhijaiḥ

Whatever in this world, O lord of the people, is bound to a body is all pervaded by the five elements, which are born of the Lord's intelligence.

Note on the text: Speaker as the page heads it (वैशंपायन उवाच); the CE gives this speech to Vyasa.

Verse 12 (12.357.12)

ईश्वरो हि जगत्स्रष्टा प्रभुर्नारायणो विराट् । भूतान्तरात्मा वरदः सगुणो निर्गुणोपि च ॥

īśvaro hi jagatsraṣṭā prabhurnārāyaṇo virāṭ | bhūtāntarātmā varadaḥ saguṇo nirguṇopi ca

For the Lord, the creator of the world, is the sovereign Narayana, the Virat, the inner self of beings, the giver of boons, both with qualities and without.

Note on the text: Lines = CE 12.335.11a, 11c.

Verse 13 (12.357.13)

भूतप्रलयमव्यक्तं शृणुष्व नृपसत्तम ॥

bhūtapralayamavyaktaṃ śṛṇuṣva nṛpasattama

Hear, best of kings, how beings dissolve into the unmanifest.

Note on the text: Line = CE 12.335.11e, printed by Wikisource as a one-line verse of its own (12-357-13a).

Verse 14 (12.357.14)

धरण्यामथ लीनायामप्सु चैकार्णवे पुरा । ज्योतिर्भूते जले चापि लीने ज्योतिषि चानिले ॥

dharaṇyāmatha līnāyāmapsu caikārṇave purā | jyotirbhūte jale cāpi līne jyotiṣi cānile

Long ago, when the earth had dissolved in the waters and all was one ocean, when the water had turned to light and the light had merged in the wind,

Verse 15 (12.357.15)

वायौ चाकाशसंलीने आकाशे च मनोनुगे । व्यक्ते मनसि संलीने व्यक्ते चाव्यक्ततां गते ॥

vāyau cākāśasaṃlīne ākāśe ca manonuge | vyakte manasi saṃlīne vyakte cāvyaktatāṃ gate

when the wind had merged in space, and space, which follows the mind, in mind, when the manifest had merged in mind and the manifest had gone to the unmanifest state,

Verse 16 (12.357.16)

अव्यक्ते पुरुषं याते पुंसि सर्वगतेऽपि च । तम एवाभवत्सर्वं न प्राज्ञायत किंचन ॥

avyakte puruṣaṃ yāte puṃsi sarvagate'pi ca | tama evābhavatsarvaṃ na prājñāyata kiṃcana

when the unmanifest had gone to the Person, and the Person was all-pervading, there was only darkness everywhere, and nothing could be known.

Verse 17 (12.357.17)

तमसो ब्रह्मसंभूतं तमोमूलमृतात्मकम् । तद्विश्वभावसंज्ञान्तं पौरुषीं तनुमाश्रितम् ॥

tamaso brahmasaṃbhūtaṃ tamomūlamṛtātmakam | tadviśvabhāvasaṃjñāntaṃ pauruṣīṃ tanumāśritam

From the darkness arose Brahman, rooted in darkness and of the nature of truth. That, whose designation ends in the being of the universe, took on the body of the Person.

Verse 18 (12.357.18)

सोऽनिरुद्ध इति प्रोक्तस्तत्प्रधानं प्रचक्षते । तदव्यक्तमिति ज्ञेयं त्रिगुणं नृपसत्तम ॥

so'niruddha iti proktastatpradhānaṃ pracakṣate | tadavyaktamiti jñeyaṃ triguṇaṃ nṛpasattama

He is called Aniruddha, and they speak of him as the Pradhana, the primal nature. He is to be known as the unmanifest, made of the three qualities, O best of kings.

Verse 19 (12.357.19)

विद्यासहायवान्देवो विष्वक्सेनो हरिः प्रभुः । आदिकर्ता स भूतानामप्रमेयो हरिः प्रभुः ॥

vidyāsahāyavāndevo viṣvakseno hariḥ prabhuḥ | ādikartā sa bhūtānāmaprameyo hariḥ prabhuḥ

The god Vishvaksena, Hari the lord, accompanied by Vidya, the first maker of beings, the immeasurable Hari, the lord,

Note on the text: Lines = CE 12.335.17a and the CE star line 12.335.17b*0895_01 (ādikarmā sa bhūtānām aprameyo hariḥ prabhuḥ), with Wikisource's आदिकर्ता for ādikarmā.

Verse 20 (12.357.20)

अप्स्वेव शयनं चक्रे निद्रायोगमुपागतः । जगतश्चिन्तयन्सृष्टिं चित्रां बहुगुणोद्भवाम् ॥

apsveva śayanaṃ cakre nidrāyogamupāgataḥ | jagataścintayansṛṣṭiṃ citrāṃ bahuguṇodbhavām

made his bed on the waters alone, entering yogic sleep, and contemplated the creation of the world, a wondrous creation arising from many qualities.

Note on the text: Lines = CE 12.335.17c, 17e.

Verse 21 (12.357.21)

तस्य चिन्तयतः सृष्टिं महानात्मगुणः स्मृतः । अहंकारस्ततो जातो ब्रह्मा शुभचतुर्मुखः । हिरण्यगर्भो भगवान्सर्वलोकपितामहः ॥

tasya cintayataḥ sṛṣṭiṃ mahānātmaguṇaḥ smṛtaḥ | ahaṃkārastato jāto brahmā śubhacaturmukhaḥ | hiraṇyagarbho bhagavānsarvalokapitāmahaḥ

As he contemplated creation, Mahat, the great quality of the Self, is remembered to have arisen; from it Ahamkara was born: Brahma of four fair faces, the golden-wombed, the blessed grandsire of all the worlds.

Verse 22 (12.357.22)

पद्मेऽनिरुद्धात्संभूतस्तदा पद्मनिभेक्षणः । सहस्रपत्रे द्युतिमानुपविष्टः सनातनः ॥

padme'niruddhātsaṃbhūtastadā padmanibhekṣaṇaḥ | sahasrapatre dyutimānupaviṣṭaḥ sanātanaḥ

Then, from Aniruddha, in a lotus, the lotus-eyed one was born; the radiant, eternal one sat on the thousand-petalled lotus.

Verse 23 (12.357.23)

ददृशेऽद्भुतसंकाशो लोकानाप्याययन्प्रभुः । सत्वस्थः परमेष्ठी स ततो भूतगणान्सृजन् ॥

dadṛśe'dbhutasaṃkāśo lokānāpyāyayanprabhuḥ | satvasthaḥ parameṣṭhī sa tato bhūtagaṇānsṛjan

The lord of marvellous appearance became visible, refreshing the worlds; established in sattva, the Supreme Ruler then began to create the hosts of beings.

Verse 24 (12.357.24)

पूर्वमेव च पद्मस्य पत्रे सूर्यांशुसप्रभे । नारायणकृतौ बिन्दू अपामास्तां गुणोत्तरौ ॥

pūrvameva ca padmasya patre sūryāṃśusaprabhe | nārāyaṇakṛtau bindū apāmāstāṃ guṇottarau

Even earlier, on a leaf of the lotus, bright as the rays of the sun, two drops of water made by Narayana, of surpassing quality, had come to be.

Verse 25 (12.357.25)

तावपश्यत्स भगवाननादिनिधनोऽच्युतः । एकस्तत्राभवद्विन्दुर्मध्वाभो रुचिरप्रभः ॥

tāvapaśyatsa bhagavānanādinidhano'cyutaḥ | ekastatrābhavadvindurmadhvābho ruciraprabhaḥ

The blessed one, without beginning or end, the Unfallen, saw the two. One of the drops there was honey-coloured, of lovely radiance.

Verse 26 (12.357.26)

स तामसो मधुर्जातस्तदा नारायणाज्ञया । कठिनस्त्वपरो विन्दुः कैटभो राजसस्तु सः ॥

sa tāmaso madhurjātastadā nārāyaṇājñayā | kaṭhinastvaparo vinduḥ kaiṭabho rājasastu saḥ

By Narayana's command it became Madhu, of the quality of darkness; the other drop was hard, and that was Kaitabha, of the quality of passion.

Verse 27 (12.357.27)

तावभ्यधावतां श्रेष्ठौ तमोरजगुणान्वितौ । बलवन्तौ गदाहस्तौ पद्मनालानुसारिणौ ॥

tāvabhyadhāvatāṃ śreṣṭhau tamorajaguṇānvitau | balavantau gadāhastau padmanālānusāriṇau

The two excellent ones, endowed with darkness and passion, rushed forward, mighty, mace in hand, following the stalk of the lotus.

Note on the text: Corrected तावभ्यधातवां → तावभ्यधावतां (misprint in Wikisource; CE abhyadhāvatāṃ; the verb 'rushed at').

Verse 28 (12.357.28)

ददृशातेऽरविन्दस्थं ब्रह्माणममितप्रभवम् । सृजन्तं प्रथमं वेदांश्चतुरश्चारुविग्रहान् ॥

dadṛśāte'ravindasthaṃ brahmāṇamamitaprabhavam | sṛjantaṃ prathamaṃ vedāṃścaturaścāruvigrahān

The two saw Brahma, of immeasurable power, seated on the lotus, creating first the four Vedas of beautiful form.

Verse 29 (12.357.29)

ततो विग्रहवन्तस्तान्वेदान्दृष्ट्वाऽसुरोत्तमौ । सहसा जगृहतुर्वेदान्ब्रह्मणः पश्यतस्तदा ॥

tato vigrahavantastānvedāndṛṣṭvā'surottamau | sahasā jagṛhaturvedānbrahmaṇaḥ paśyatastadā

Then, seeing the Vedas embodied, the two best of the asuras suddenly seized them while Brahma looked on.

Verse 30 (12.357.30)

अथ तौ दानवश्रेष्ठौ वेदान्गृह्य सनातनान् । रसां विविशतुस्तूर्णमुदक्पूर्वे महोदधौ ॥

atha tau dānavaśreṣṭhau vedāngṛhya sanātanān | rasāṃ viviśatustūrṇamudakpūrve mahodadhau

Then those two foremost Danavas, having seized the eternal Vedas, quickly entered the nether realm of Rasa in the great ocean to the north-east.

Verse 31 (12.357.31)

ततो हृतेषु वेदेषु ब्रह्मा कश्मलमाविशत् । ततो वचनमीशानं प्राह वेदैर्विनाकृतः ॥

tato hṛteṣu vedeṣu brahmā kaśmalamāviśat | tato vacanamīśānaṃ prāha vedairvinākṛtaḥ

When the Vedas had been taken, Brahma fell into bewilderment, and, deprived of the Vedas, he spoke these words to the Lord.

Note on the text: Corrected हृतेषु देवेषु → हृतेषु वेदेषु (misprint in Wikisource; CE hṛteṣu vedeṣu; the sense is that the Vedas were carried off, देव/वेद transposed).

Verse 32 (12.357.32)

वेदा मे परमं चक्षुर्वेदा मे परमं बलम् । वेदा मे परमं धाम वेदा मे ब्रह्म चोत्तरम् ॥

vedā me paramaṃ cakṣurvedā me paramaṃ balam | vedā me paramaṃ dhāma vedā me brahma cottaram

The Vedas are my supreme eye, the Vedas are my supreme strength, the Vedas are my supreme abode, the Vedas are my highest Brahman.

Verse 33 (12.357.33)

मम वेदा हृताः सर्वे दानवाभ्यां बलादितः । अन्धकारा हि मे लोका जाता वेदैर्विना कृताः ॥

mama vedā hṛtāḥ sarve dānavābhyāṃ balāditaḥ | andhakārā hi me lokā jātā vedairvinā kṛtāḥ

All my Vedas have been carried off from here by force by two Danavas. My worlds, made bereft of the Vedas, have become full of darkness.

Note on the text: Lines = CE 12.335.30a, 30c.

Verse 34 (12.357.34)

वेदानृते हि किं कुर्या लोकानां सृष्टिमुत्तमाम् । अहो बत महद्दुःखं वेदनाशनजं मम ॥

vedānṛte hi kiṃ kuryā lokānāṃ sṛṣṭimuttamām | aho bata mahadduḥkhaṃ vedanāśanajaṃ mama

Without the Vedas, how can I carry out the excellent creation of the worlds? Alas, great is the grief that comes from the loss of the Vedas.

Note on the text: Lines = CE 12.335.30e (Wikisource's first line is a variant of vedān ṛte hi kiṃ kuryāṃ lokān vai sraṣṭum udyataḥ) and 31a.

Verse 35 (12.357.35)

प्राप्तं दुनोति हृदयं तीव्रं शोकपरायणम् । को हि शोकार्णवे मग्नं मामितोऽद्य समुद्धरेत् ॥

prāptaṃ dunoti hṛdayaṃ tīvraṃ śokaparāyaṇam | ko hi śokārṇave magnaṃ māmito'dya samuddharet

It has come upon me and torments my heart, fierce, consuming me with sorrow. Who will lift me out of this ocean of grief, sunk in it as I am?

Note on the text: Lines = CE 12.335.31c (variant: Wikisource तीव्रं शोकपरायणम्) and 32a.

Verse 36 (12.357.36)

वेदांस्तांश्चानयेन्नष्टान्कस्य चाहं प्रियो भवे । इत्येवं भाषमाणस्य ब्रह्मणो नृपसत्तम ॥

vedāṃstāṃścānayennaṣṭānkasya cāhaṃ priyo bhave | ityevaṃ bhāṣamāṇasya brahmaṇo nṛpasattama

Who will bring back those lost Vedas, and to whom am I dear? As Brahma was speaking in this way, O best of kings,

Note on the text: Corrected वदांस्तांश्चानयेन्नष्टान्कस्य → वेदांस्तांश्चानयेन्नष्टान्कस्य (misprint in Wikisource; CE vedāṃs tān). Lines = CE 12.335.32c, 33a. The first line is Brahma's speech and the second line is narration, so the verse is given to the narrator.

Verse 37 (12.357.37)

हरेः स्तोत्रार्थमुद्भूता बुद्धिर्बुद्धिमतां वर । ततो जगौ परं जप्यं साञ्जलिप्रग्रहः प्रभुः ॥

hareḥ stotrārthamudbhūtā buddhirbuddhimatāṃ vara | tato jagau paraṃ japyaṃ sāñjalipragrahaḥ prabhuḥ

a thought arose in him, best of the wise, to praise Hari. Then the Lord, with joined palms, recited the supreme prayer.

Note on the text: Lines = CE 12.335.33c, 33e.

Verse 38 (12.357.38)

ॐ नमस्ते ब्रह्महृदय नमस्ते मम पूर्वज । लोकाद्यभुवनश्रेष्ठ साङ्ख्ययोगनिधे प्रभो ॥

ॐ namaste brahmahṛdaya namaste mama pūrvaja | lokādyabhuvanaśreṣṭha sāṅkhyayoganidhe prabho

Om. Homage to you, heart of Brahman; homage to you, my elder. First of the worlds, best of beings, treasury of Sankhya and Yoga, O lord.

Note on the text: Lines = CE 12.335.34a, 34c.

Verse 39 (12.357.39)

व्यक्ताव्यक्तकराचिन्त्य क्षेमं पन्थानमास्थितः । विश्वभुक्सर्वभूतानामन्तरात्मन्नयोनिज । अहं प्रसादजस्तुभ्यं लोकधाम स्वयंभुवः ॥

vyaktāvyaktakarācintya kṣemaṃ panthānamāsthitaḥ | viśvabhuksarvabhūtānāmantarātmannayonija | ahaṃ prasādajastubhyaṃ lokadhāma svayaṃbhuvaḥ

O maker of the manifest and the unmanifest, O unthinkable one, abiding on the path of well-being, enjoyer of the universe, inner self of all beings, unborn of any womb: I am born of your grace, you who are the abode of the worlds, the Self-existent.

Note on the text: Lines = CE 12.335.35a, 35c, 36a.

Verse 40 (12.357.40)

त्वत्तो मे मानसं जन्म प्रथमं द्विजपूजितम् । चाक्षुषं वै द्वितीयं मे जन्म चासीत्पुरातनम् ॥

tvatto me mānasaṃ janma prathamaṃ dvijapūjitam | cākṣuṣaṃ vai dvitīyaṃ me janma cāsītpurātanam

From you came my first birth, the mind-born, honoured by the twice-born; and my second birth, long ago, was the eye-born.

Note on the text: Lines = CE 12.335.36c, 37a.

Verse 41 (12.357.41)

त्वत्प्रसादात्तु मे जन्म तृतीयं वाचिकं महत् । त्वत्तः श्रवणजं चापि चतुर्थं जन्म मे विभो ॥

tvatprasādāttu me janma tṛtīyaṃ vācikaṃ mahat | tvattaḥ śravaṇajaṃ cāpi caturthaṃ janma me vibho

By your grace came my third birth, the great one born of speech; and from you, O lord, my fourth birth, born of hearing.

Note on the text: Lines = CE 12.335.37c, 38a.

Verse 42 (12.357.42)

नासत्यं चापि मे जन्म त्वत्तः पञ्चममुच्यते । अण्डजं चापि मे जन्म त्वत्तः षष्ठं विनिर्मितं ॥

nāsatyaṃ cāpi me janma tvattaḥ pañcamamucyate | aṇḍajaṃ cāpi me janma tvattaḥ ṣaṣṭhaṃ vinirmitaṃ

My fifth birth from you is spoken of as the Nasatya birth, and my sixth from you was fashioned as the egg-born.

Note on the text: Lines = CE 12.335.38c, 39a; Wikisource's नासत्यं for CE nāsikyaṃ (a valid word, kept as a variant).

Verse 43 (12.357.43)

इदं च सप्तमं जन्म पद्मजन्मेति वै प्रभो । सर्गेसर्गे ह्यहं पुत्रस्तव त्रिगुणवर्जित ॥

idaṃ ca saptamaṃ janma padmajanmeti vai prabho | sargesarge hyahaṃ putrastava triguṇavarjita

And this is my seventh birth, the lotus-born, O lord. In every creation I am your son, free of the three qualities.

Note on the text: Lines = CE 12.335.39c, 40a.

Verse 44 (12.357.44)

प्रथमः पुण्डरीकाक्षः प्रधानगुणकल्पितः । त्वमीश्वरः स्वभावश्च भूतानां त्वं प्रभावन ॥

prathamaḥ puṇḍarīkākṣaḥ pradhānaguṇakalpitaḥ | tvamīśvaraḥ svabhāvaśca bhūtānāṃ tvaṃ prabhāvana

You are the first, the lotus-eyed one, conceived through the qualities of Pradhana; you are the Lord and inherent nature, and the originator of beings.

Note on the text: Lines = CE 12.335.40c, 41a (variant readings).

Verse 45 (12.357.45)

त्वया विनिर्मितोऽहं वै वेदचक्षुर्वयोतिग । ते मे वेदा हृताश्चक्षुरन्धो जातोस्मि जागृहि । ददस्व चक्षूंषि मम प्रियोऽहं ते प्रियोसि मे ॥

tvayā vinirmito'haṃ vai vedacakṣurvayotiga | te me vedā hṛtāścakṣurandho jātosmi jāgṛhi | dadasva cakṣūṃṣi mama priyo'haṃ te priyosi me

I was fashioned by you, with the Vedas for my eyes, O you who are beyond age. Those Vedas of mine have been taken; I have become blind. Awake! Give me eyes; I am dear to you, and you are dear to me.

Note on the text: Lines = CE 12.335.41c, 42a, 42c (Wikisource चक्षूंषि for CE cakṣuṣī).

Verse 46 (12.357.46)

एवं स्तुतः स भगवान्पुरुषः सर्वतोमुखः । जहौ निद्रामथ तदा वेदकार्यार्थमुद्यतः ॥

evaṃ stutaḥ sa bhagavānpuruṣaḥ sarvatomukhaḥ | jahau nidrāmatha tadā vedakāryārthamudyataḥ

Thus praised, the blessed Person, who faces every way, cast off sleep and set himself to the task of the Vedas.

Note on the text: Corrected वेदकार्यार्थमुह्यतः → वेदकार्यार्थमुद्यतः (misprint in Wikisource; CE udyataḥ; ह्य for द्य). Lines = CE 12.335.43a, 43c. Brahma's prayer (heading ब्रह्मोवाच at 12-357-38) ends with verse 45; from here the narrator speaks again, though the input carried ब्रह्मा through the end of the page.

Verse 47 (12.357.47)

ऐश्वर्येण प्रयोगेण द्वितीयां तनुमास्थितः । सुनासिकेन कायेन भूत्वा चन्द्रप्रभस्तदा । कृत्वा हयशिरः शुभ्रं वेदानामालयं प्रभुः ॥

aiśvaryeṇa prayogeṇa dvitīyāṃ tanumāsthitaḥ | sunāsikena kāyena bhūtvā candraprabhastadā | kṛtvā hayaśiraḥ śubhraṃ vedānāmālayaṃ prabhuḥ

By his sovereign power and by yoga he took a second body. Then, with a fair-nosed body, bright as the moon, the Lord made a shining horse's head, the dwelling of the Vedas.

Note on the text: Lines = CE 12.335.43e, 44a, 44c.

Verse 48 (12.357.48)

तस्य मूर्धा समभवद्द्यौः सनक्षत्रतारकाः । केशाश्चास्याभवन्दीर्घा रवेरंशुसमप्रभाः ॥

tasya mūrdhā samabhavaddyauḥ sanakṣatratārakāḥ | keśāścāsyābhavandīrghā raveraṃśusamaprabhāḥ

His head became the heaven with its stars and planets, and his long hair was like the rays of the sun.

Verse 49 (12.357.49)

कर्णावाकाशपाताले ललाटं भूतधारिणी । गङ्गासरस्वती पुण्ये भ्रुवावास्तां महाद्युती ॥

karṇāvākāśapātāle lalāṭaṃ bhūtadhāriṇī | gaṅgāsarasvatī puṇye bhruvāvāstāṃ mahādyutī

His ears were the sky and the nether world, his forehead the earth that bears beings, and the two holy rivers Ganga and Sarasvati, of great splendour, were his brows.

Verse 50 (12.357.50)

चक्षुषी सोमसूर्यौ ते नासा संध्या पुनः स्मृता । ॐकारस्त्वथ संस्कारो विद्युज्जिह्वा च निर्मिता ॥

cakṣuṣī somasūryau te nāsā saṃdhyā punaḥ smṛtā | ॐkārastvatha saṃskāro vidyujjihvā ca nirmitā

The moon and the sun were his two eyes, and twilight is remembered as his nose; the syllable Om was his consecration, and lightning was made his tongue.

Note on the text: Corrected सोमसूर्यौं → सोमसूर्यौ (misprint in Wikisource; CE somasūryau; stray candrabindu).

Verse 51 (12.357.51)

दन्ताश्च पितरो राजन्सोमपा इति विश्रुताः । गोलोको ब्रह्मलोकश्च ओष्ठावास्तां महात्मनः । ग्रीवा चास्याभवद्राजन्कालरात्रिर्गुणोत्तरा ॥

dantāśca pitaro rājansomapā iti viśrutāḥ | goloko brahmalokaśca oṣṭhāvāstāṃ mahātmanaḥ | grīvā cāsyābhavadrājankālarātrirguṇottarā

His teeth were the ancestors, famed as the Soma-drinkers, O king; Goloka and Brahmaloka were the two lips of the great-souled one; and his neck, O king, was Kalaratri, the Night of Time, of surpassing quality.

Verse 52 (12.357.52)

एतद्धयशिरः कृत्वा नानामूर्तिभिरावृतम् । अन्तर्दधौ स विश्वेशो विवेश च रसां प्रभुः ॥

etaddhayaśiraḥ kṛtvā nānāmūrtibhirāvṛtam | antardadhau sa viśveśo viveśa ca rasāṃ prabhuḥ

Having made this horse's head, clothed in many forms, the Lord of the universe vanished and entered the nether realm of Rasa.

Verse 53 (12.357.53)

रसां पुनः प्रविष्टश्च योगं परममास्थितः । शैक्ष्यं स्वरं समास्थाय उद्गीतं प्रासृजत्स्वरम् ॥

rasāṃ punaḥ praviṣṭaśca yogaṃ paramamāsthitaḥ | śaikṣyaṃ svaraṃ samāsthāya udgītaṃ prāsṛjatsvaram

Having entered Rasa again and settled in supreme yoga, he took up the tone of Shiksha, the phonetics of the Veda, and sent forth the resounding note of the udgitha chant.

Verse 54 (12.357.54)

सस्वरः सानुनादी च सर्वशः स्निग्ध एव च । बभूवान्तर्जलगतः सर्वभूतगुणोदितः ॥

sasvaraḥ sānunādī ca sarvaśaḥ snigdha eva ca | babhūvāntarjalagataḥ sarvabhūtaguṇoditaḥ

Full of tone and echo, smooth in every part, he was there within the waters, revealing the qualities of all beings.

Verse 55 (12.357.55)

ततस्तावसुरौ कृत्वा वेदान्समयबन्धनान् । रसातले विनिक्षिप्य यतः शब्दस्ततो द्रुतौ ॥

tatastāvasurau kṛtvā vedānsamayabandhanān | rasātale vinikṣipya yataḥ śabdastato drutau

Then the two asuras, having set the Vedas, bound as if by a pledge, down in Rasatala, rushed toward the place from which the sound came.

Verse 56 (12.357.56)

एतस्मिन्नन्तरे राजन्देवो हयशिरोधरः । जग्राह वेदानखिलान्रसातलगतान्हरिः ॥

etasminnantare rājandevo hayaśirodharaḥ | jagrāha vedānakhilānrasātalagatānhariḥ

Meanwhile, O king, the god bearing the horse's head, Hari, took up all the Vedas that lay in Rasatala.

Note on the text: Corrected वेदानखिलान्रसालगतान्हरिः → वेदानखिलान्रसातलगतान्हरिः (misprint in Wikisource; CE rasātalagatān; रसाल 'mango' makes no sense, ल for त). Lines = CE 12.335.53a, 53c.

Verse 57 (12.357.57)

प्रादाच्च ब्रह्मणे भूयस्ततः स्वां प्रकृतिं गतः ॥

prādācca brahmaṇe bhūyastataḥ svāṃ prakṛtiṃ gataḥ

He gave them back to Brahma, and then returned to his own nature.

Note on the text: Line = CE 12.335.53e, printed by Wikisource as a one-line verse of its own (12-357-57a).

Verse 58 (12.357.58)

स्थापयित्वा हयशिरा उदक्पूर्वे महोदधौ । वेदानामालयश्चापि बभूवाश्वशिरास्ततः ॥

sthāpayitvā hayaśirā udakpūrve mahodadhau | vedānāmālayaścāpi babhūvāśvaśirāstataḥ

Having established himself as Hayashira in the great ocean to the north-east, he became thereafter the Horse-headed one, the abode of the Vedas.

Note on the text: Corrected बभूवाश्वरिरास्ततः → बभूवाश्वशिरास्ततः (misprint in Wikisource; CE babhūvāśvaśirās tataḥ; र for श).

Verse 59 (12.357.59)

अथ किंचिदपश्यन्तौ दानवौ मधुकैटभौ । यत्र वेदा विनिक्षिप्तास्तत्स्थानं शून्यमेव च ॥

atha kiṃcidapaśyantau dānavau madhukaiṭabhau | yatra vedā vinikṣiptāstatsthānaṃ śūnyameva ca

Then the Danavas Madhu and Kaitabha, seeing nothing, found the place where the Vedas had been hidden empty.

Note on the text: Corrected यत्र देवा → यत्र वेदा (misprint in Wikisource; CE yatra vedā; the sense is the place where the Vedas had been hidden, देवा for वेदा). Lines = CE 12.335.55a, 55e (the CE's line 55c, punar ājagmatus tatra vegitau paśyatāṃ ca tau, is not on the page).

Verse 60 (12.357.60)

तत उत्तममास्थाय वेगं बलवतां वरौ । पुनरुत्तस्थतुः शीघ्रं रसानामालयात्तदा ॥

tata uttamamāsthāya vegaṃ balavatāṃ varau | punaruttasthatuḥ śīghraṃ rasānāmālayāttadā

Then, taking up the greatest speed, those two best of the mighty swiftly rose again from the depths of Rasa.

Note on the text: Lines = CE 12.335.56a, 56c.

Verse 61 (12.357.61)

ददृशाते च पुरुषं तमेवादिकरं प्रभुम् । श्वेतं चन्द्रविशुद्धाभमनिरुद्धतनौ स्थितम् । भूयोप्यमितविक्रान्तं निद्रायोगमुपागतम् ॥

dadṛśāte ca puruṣaṃ tamevādikaraṃ prabhum | śvetaṃ candraviśuddhābhamaniruddhatanau sthitam | bhūyopyamitavikrāntaṃ nidrāyogamupāgatam

They saw that same Person, the primal maker, the Lord, white and bright as the pure moon, resting in the body of Aniruddha, of immeasurable might, once more lying in yogic sleep,

Note on the text: Lines = CE 12.335.56e, 57a, 57c. Removed a stray letter ट printed after स्थितम्.

Verse 62 (12.357.62)

आत्मप्रमाणरचिते अपामुपरि कल्पिते । शयने नागभोगाढ्ये ज्वालामालासमावृते ॥

ātmapramāṇaracite apāmupari kalpite | śayane nāgabhogāḍhye jvālāmālāsamāvṛte

on a couch of his own measure spread over the waters, rich with the coils of a serpent and wreathed in garlands of flame,

Verse 63 (12.357.63)

निष्कल्मषेण सत्वेन संपन्नं रुचिरप्रभम् । तं दृष्ट्वा दानवेन्द्रौ तौ महाहासममुञ्चताम् ॥

niṣkalmaṣeṇa satvena saṃpannaṃ ruciraprabham | taṃ dṛṣṭvā dānavendrau tau mahāhāsamamuñcatām

endowed with spotless sattva and of lovely radiance. Seeing him, the two lords of the Danavas burst into loud laughter.

Verse 64 (12.357.64)

ऊचतुश्च समाविष्टौ रजसा तमसा च तौ । अयं स पुरुषः श्वेतः शेते निद्रामुपागतः ॥

ūcatuśca samāviṣṭau rajasā tamasā ca tau | ayaṃ sa puruṣaḥ śvetaḥ śete nidrāmupāgataḥ

The two, possessed by passion and darkness, said: "This is that white Person, lying asleep."

Note on the text: Line 1 is narration and line 2 is the asuras' speech, so the verse is given to the narrator.

Verse 65 (12.357.65)

अनेन नूनं वेदानां कृतमाहरणं रसात् । कस्यैष कोनु खल्वेष किंच स्वपिति भोगवान् । इत्युच्चारितवाक्यौ तौ बोधयामासतुर्हरिम् ॥

anena nūnaṃ vedānāṃ kṛtamāharaṇaṃ rasāt | kasyaiṣa konu khalveṣa kiṃca svapiti bhogavān | ityuccāritavākyau tau bodhayāmāsaturharim

"Surely it is he who carried off the Vedas from Rasa. Whose is he? Who is he? And why does this serpent-bedded one sleep?" Having uttered these words, the two woke Hari.

Note on the text: Corrected इच्युच्चारितवाक्यौ → इत्युच्चारितवाक्यौ (misprint in Wikisource; ch for t). Lines = CE 12.335.61a, 61c, 62a. The first two lines are the asuras' speech and the third is narration, so the verse is given to the narrator.

Verse 66 (12.357.66)

युद्धार्थिनौ हि विज्ञाय विबुद्धः पुरुषोत्तमः । निरीक्ष्य चासुरेन्द्रौ तौ ततो युद्धे मनोदधे ॥

yuddhārthinau hi vijñāya vibuddhaḥ puruṣottamaḥ | nirīkṣya cāsurendrau tau tato yuddhe manodadhe

Knowing that they wanted to fight, the Supreme Person awoke; and, looking at the two lords of the asuras, he set his mind on battle.

Note on the text: Lines = CE 12.335.62c, 63a.

Verse 67 (12.357.67)

अथ युद्धं समभवत्तयोर्नारायणस्य वै ॥

atha yuddhaṃ samabhavattayornārāyaṇasya vai

Then a battle took place between the two of them and Narayana.

Note on the text: Line = CE 12.335.63c, printed by Wikisource as a one-line verse of its own (12-357-67a); the CE's star line 12.335.63b*0896_01 is not on the page.

Verse 68 (12.357.68)

रजस्तमोविष्टतनू तावुभौ मधुकैटभौ । ब्रह्मणोपचितिं कुर्वञ्जघान मधुसूदनः ॥

rajastamoviṣṭatanū tāvubhau madhukaiṭabhau | brahmaṇopacitiṃ kurvañjaghāna madhusūdanaḥ

Madhusudana, doing honour to Brahma, slew both Madhu and Kaitabha, whose bodies were filled with passion and darkness.

Verse 69 (12.357.69)

ततस्तयोर्वधेनाशु वेदापहरणेन च । शोकापनयनं चक्रे ब्रह्मणः पुरुषोत्तमः ॥

tatastayorvadhenāśu vedāpaharaṇena ca | śokāpanayanaṃ cakre brahmaṇaḥ puruṣottamaḥ

Then, by their killing and by the recovery of the Vedas, the Supreme Person took away Brahma's grief.

Verse 70 (12.357.70)

ततः परिवृतो ब्रह्मा हरिणा वेदसत्कृतः । निर्ममे स तदा लोकान्कृत्स्नान्स्थावरजङ्गमान् ॥

tataḥ parivṛto brahmā hariṇā vedasatkṛtaḥ | nirmame sa tadā lokānkṛtsnānsthāvarajaṅgamān

Then Brahma, attended by Hari and honoured by the Vedas, created all the worlds, moving and unmoving.

Verse 71 (12.357.71)

दत्त्वा पितामहायाग्र्यां मतिं लोकविसर्गिकीम् । तत्रैवान्तर्दधे देवो यत एवागतो हरिः ॥

dattvā pitāmahāyāgryāṃ matiṃ lokavisargikīm | tatraivāntardadhe devo yata evāgato hariḥ

Having given the Grandsire the supreme resolve for the emission of the worlds, the god vanished right there, whence Hari had come.

Verse 72 (12.357.72)

तौ दानवौ हरिर्हत्वा कृत्वा हयशिरस्तनुम् । पुनः प्रवृत्तिधर्मार्थं तामेव विदधे तनुम् ॥

tau dānavau harirhatvā kṛtvā hayaśirastanum | punaḥ pravṛttidharmārthaṃ tāmeva vidadhe tanum

Having slain the two Danavas, Hari, who had taken the horse-headed body, took up that same body again, for the sake of the dharma of action.

Verse 73 (12.357.73)

एवमेष महाभागो बभूवाश्वशिरा हरिः । पौराणमेतत्प्रख्यातं रूपं वरदमैश्वरम् ॥

evameṣa mahābhāgo babhūvāśvaśirā hariḥ | paurāṇametatprakhyātaṃ rūpaṃ varadamaiśvaram

Thus did the greatly glorious Hari become Ashvashiras. This ancient form, famed, boon-granting and divine, has been told.

Verse 74 (12.357.74)

यो ह्येतद्ब्राह्मणो नित्यं शृणुयाद्धारयीत वा । न तस्याध्ययनं नाशमुपगच्छेत्कदाचन ॥

yo hyetadbrāhmaṇo nityaṃ śṛṇuyāddhārayīta vā | na tasyādhyayanaṃ nāśamupagacchetkadācana

The Brahmin who always hears this, or bears it in mind, will never see his study of the Veda perish.

Verse 75 (12.357.75)

आराध्य तपसोग्रेण देवं हयशिरोधरम् । पाञ्चालेन क्रमः प्राप्तो रामेण पथि देशिते ॥

ārādhya tapasogreṇa devaṃ hayaśirodharam | pāñcālena kramaḥ prāpto rāmeṇa pathi deśite

By propitiating the god who bears the horse's head with fierce austerity, the Panchala obtained the Krama recitation, the path having been shown by Rama.

Verse 76 (12.357.76)

एतद्धयशिरो राजन्नाख्यानं तव कीर्तितम् । पुराणं वेदसमितं यन्मां त्वं परिपृच्छसि ॥

etaddhayaśiro rājannākhyānaṃ tava kīrtitam | purāṇaṃ vedasamitaṃ yanmāṃ tvaṃ paripṛcchasi

This account of Hayashira, O king, has been told to you; it is an ancient narrative equal to the Veda, about which you were asking me.

Verse 77 (12.357.77)

यांयामिच्छेत्तनुं देवः कर्तुं कार्यविधौ क्वचित् । तातां कुर्याद्विकुर्वाणः स्वयमात्मानमात्मना ॥

yāṃyāmicchettanuṃ devaḥ kartuṃ kāryavidhau kvacit | tātāṃ kuryādvikurvāṇaḥ svayamātmānamātmanā

Whatever body the god wishes to take on, on any occasion for a task, that very one he makes, transforming himself by himself, through himself.

Verse 78 (12.357.78)

एष वेदनिधिः श्रीमानेष वै तपसोनिधिः । एष योगश्च साङ्ख्यं च ब्रह्म चाग्र्यं हविर्विभुः ॥

eṣa vedanidhiḥ śrīmāneṣa vai tapasonidhiḥ | eṣa yogaśca sāṅkhyaṃ ca brahma cāgryaṃ havirvibhuḥ

He is the treasury of the Vedas, the glorious one, the treasury of austerity; he is Yoga and Sankhya, the supreme Brahman, the oblation, the all-pervading lord.

Verse 79 (12.357.79)

नारायणपरा वेदा याज्ञा नारायणात्मकाः । तपो नारायणपरं नारायणपरा गतिः ॥

nārāyaṇaparā vedā yājñā nārāyaṇātmakāḥ | tapo nārāyaṇaparaṃ nārāyaṇaparā gatiḥ

The Vedas have Narayana as their supreme end; sacrifices are of Narayana's nature; austerity has Narayana as its supreme end; Narayana is the supreme goal.

Verse 80 (12.357.80)

नारायणपरं सत्यमृतं नारायणात्मकम् । नारायणपरो धर्मः पुनरावृत्तिदुर्लभः ॥

nārāyaṇaparaṃ satyamṛtaṃ nārāyaṇātmakam | nārāyaṇaparo dharmaḥ punarāvṛttidurlabhaḥ

Truth has Narayana as its supreme end, and rita, the cosmic order, is of Narayana's nature; dharma has Narayana as its supreme end, and from it a return to rebirth is hard to find.

Verse 81 (12.357.81)

प्रवृत्तिलक्षणश्चैव धर्मो नारायणात्मकः । नारायणात्मको गन्धो भूमौ श्रेष्ठतमः स्मृतः ॥

pravṛttilakṣaṇaścaiva dharmo nārāyaṇātmakaḥ | nārāyaṇātmako gandho bhūmau śreṣṭhatamaḥ smṛtaḥ

The dharma marked by action is also of Narayana's nature. Smell, the best quality of the earth, is remembered as of Narayana's nature.

Verse 82 (12.357.82)

अपां चापि गुणा राजन्रसा नारायणात्मकाः । ज्योतिषां च परं रूपं स्मृतं नारायणात्मकम् ॥

apāṃ cāpi guṇā rājanrasā nārāyaṇātmakāḥ | jyotiṣāṃ ca paraṃ rūpaṃ smṛtaṃ nārāyaṇātmakam

O king, the qualities of the waters, the flavours, are of Narayana's nature, and the supreme form of the lights is remembered as of Narayana's nature.

Verse 83 (12.357.83)

नारायणात्मकश्चापि स्पर्शो वायुगुणः स्मृतः । नारायणात्मकश्चैव शब्द आकाशसंभवः ॥

nārāyaṇātmakaścāpi sparśo vāyuguṇaḥ smṛtaḥ | nārāyaṇātmakaścaiva śabda ākāśasaṃbhavaḥ

Touch, the quality of the wind, is remembered as of Narayana's nature, and sound, born of space, is also of Narayana's nature.

Verse 84 (12.357.84)

मनश्चापि ततो भूतमव्यक्तगुणलक्षणम् । नारायणपरं कालो ज्योतिषामयनं च यत् ॥

manaścāpi tato bhūtamavyaktaguṇalakṣaṇam | nārāyaṇaparaṃ kālo jyotiṣāmayanaṃ ca yat

Mind too is a further element, marked by the qualities of the unmanifest. Time, and the course of the heavenly lights, have Narayana as their supreme end.

Verse 85 (12.357.85)

नारायणपरा कीर्तिः श्रीश्च लक्ष्मीश्च देवताः । नारायणपरं साङ्ख्यं योगो नारायणात्मकः ॥

nārāyaṇaparā kīrtiḥ śrīśca lakṣmīśca devatāḥ | nārāyaṇaparaṃ sāṅkhyaṃ yogo nārāyaṇātmakaḥ

Fame, Shri and Lakshmi, and the deities have Narayana as their supreme end; Sankhya has Narayana as its supreme end; Yoga is of Narayana's nature.

Note on the text: Corrected लक्ष्णीश्च → लक्ष्मीश्च (misprint in Wikisource; CE lakṣmīś ca; ण for म).

Verse 86 (12.357.86)

कारणं पुरुषो ह्येषां प्रधानं चापि कारणम् । स्वभावश्चैव कर्माणि दैवं येषां च कारणम् ॥

kāraṇaṃ puruṣo hyeṣāṃ pradhānaṃ cāpi kāraṇam | svabhāvaścaiva karmāṇi daivaṃ yeṣāṃ ca kāraṇam

The Person is the cause of these, and Pradhana, the primal nature, is also a cause; inherent nature, actions and fate are the causes of those.

Note on the text: Lines = CE 12.335.82a, 82c.

Verse 87 (12.357.87)

अधिष्ठानं तथा कर्ता करणं च पृथग्विधम् । विविधा च तथा चेष्टा दैवं चैवात्र पञ्चमम् ॥

adhiṣṭhānaṃ tathā kartā karaṇaṃ ca pṛthagvidham | vividhā ca tathā ceṣṭā daivaṃ caivātra pañcamam

The seat of action, the doer, the instrument of various kinds, the many kinds of effort, and fate as the fifth.

Note on the text: Star passage in the critical edition (apparatus): CE 12.335.82d*0898_01-02 (adhiṣṭhānaṃ tathā kartā karaṇaṃ ca pṛthagvidham / vividhā ca tathā ceṣṭā daivaṃ caivātra pañcamam). Not in the critical edition's constituted text (found in the vulgate recension).

Verse 88 (12.357.88)

पञ्चकारणसंख्यातो निष्ठा सर्वत्र वै हरिः । तत्त्वं विज्ञासमानानां हेतुभिः सर्वतोमुखैः ॥

pañcakāraṇasaṃkhyāto niṣṭhā sarvatra vai hariḥ | tattvaṃ vijñāsamānānāṃ hetubhiḥ sarvatomukhaiḥ

Known through the five causes, Hari is the final resting place in all things, for those who seek the truth by reasons from every side.

Verse 89 (12.357.89)

तत्त्वमेको महायोगी हरिर्नारायणः प्रभुः । ब्रह्मादीनां सलोकानामृषीणां च महात्मनाम् ॥

tattvameko mahāyogī harirnārāyaṇaḥ prabhuḥ | brahmādīnāṃ salokānāmṛṣīṇāṃ ca mahātmanām

Hari Narayana, the lord, the great yogin, is the one Truth for Brahma and the rest with their worlds, and for the great-souled seers,

Note on the text: Corrected हनिर्नारायणः → हरिर्नारायणः (misprint in Wikisource; CE harir nārāyaṇaḥ; न for र). Line 2 differs from CE 84c (sabrahmakānāṃ lokānām ṛṣīṇāṃ ca mahātmanām).

Verse 90 (12.357.90)

साङ्ख्यानां योगिनां चापि यतीनामात्मवेदिनाम् । मनीषितं विजानाति केशवो न तु तस्य ते ॥

sāṅkhyānāṃ yogināṃ cāpi yatīnāmātmavedinām | manīṣitaṃ vijānāti keśavo na tu tasya te

for the Sankhyas and Yogins, for ascetics and knowers of the Self: Keshava knows their thoughts, but they do not know his.

Verse 91 (12.357.91)

ये केचित्सर्वलोकेषु दैवं पित्र्यं च कुर्वते । दानानि च प्रयच्छन्ति तप्यन्ते च तपो महत् ॥

ye kecitsarvalokeṣu daivaṃ pitryaṃ ca kurvate | dānāni ca prayacchanti tapyante ca tapo mahat

Whoever in all the worlds performs rites for the gods and the ancestors, gives gifts, and practises great austerity,

Verse 92 (12.357.92)

सर्वेषामाश्रयो विष्णुरैश्वरं विधिमास्थितः । सर्वभूतकृतावासो वासुदेवेति चोच्यते ॥

sarveṣāmāśrayo viṣṇuraiśvaraṃ vidhimāsthitaḥ | sarvabhūtakṛtāvāso vāsudeveti cocyate

Vishnu is the refuge of them all, abiding in his sovereign order; he who has made his abode in all beings is called Vasudeva.

Verse 93 (12.357.93)

अयं हि नित्यः परमो महर्षिर् । महाविभूतिर्गुणवान्गुणाख्यः । गुणैश्च संयोगमुपैति शीघ्रं । कालो यथर्तावृतुसंप्रयुक्तः ॥

ayaṃ hi nityaḥ paramo maharṣir | mahāvibhūtirguṇavānguṇākhyaḥ | guṇaiśca saṃyogamupaiti śīghraṃ | kālo yathartāvṛtusaṃprayuktaḥ

He is eternal, supreme, a great seer, of great manifestation, endowed with qualities and named by qualities; he quickly joins himself with qualities, as Time, in each season, is joined with that season.

Note on the text: The page breaks the word महर्षिर् across two lines (महर्षि / र्महाविभूतिः); the word is joined back (महर्षिर् ending line 1) so that each line is a complete pada. Wikisource's गुणाख्यः stands for CE nirguṇākhyaḥ (the page's footnote records निर्गुणाख्य as a variant); the printed reading is kept.

Verse 94 (12.357.94)

नैवास्य विन्दन्ति गतिं महात्मनो । न चागतिं कश्चिदिहानुपश्यति । ज्ञानात्मकाः संयमिनो महर्षयः । पश्यन्ति नित्यं पुरुषं गुणाधिकम् ॥

naivāsya vindanti gatiṃ mahātmano | na cāgatiṃ kaścidihānupaśyati | jñānātmakāḥ saṃyamino maharṣayaḥ | paśyanti nityaṃ puruṣaṃ guṇādhikam

None finds the course of the great-souled one, nor does anyone here see his non-coming. The great seers, restrained, whose very nature is knowledge, ever behold the Person who surpasses the qualities.