The Origin and Lineage of the Ekanti Dharma

Verse 1 (12.358.1)

अहो ह्येकान्तिनः सर्वान्प्रीणाति भगवान्हरिः । विधिप्रयुक्तां पूजां च गृह्णाति शिरसा स्वयम् ॥

aho hyekāntinaḥ sarvānprīṇāti bhagavānhariḥ | vidhiprayuktāṃ pūjāṃ ca gṛhṇāti śirasā svayam

How wonderful that the blessed Hari gratifies all his single-minded devotees, and himself accepts upon his head the worship offered to him according to rule!

Verse 2 (12.358.2)

ये तु दग्धेन्धना लोके पुण्यपापविवर्जिताः । तेषां च या हि निर्दिष्टा पारम्पर्यागता गतिः ॥

ye tu dagdhendhanā loke puṇyapāpavivarjitāḥ | teṣāṃ ca yā hi nirdiṣṭā pāramparyāgatā gatiḥ

And as for those in the world whose fuel has been burnt away, who are free of both merit and sin, the course that has been laid down for them, handed down in succession from teacher to teacher,

Verse 3 (12.358.3)

चतुर्थ्यां चैव ते गत्यां गच्छन्ति पुरुषोत्तमम् । एकान्तिनस्तु पुरुषा गच्छन्ति परमं पदम् ॥

caturthyāṃ caiva te gatyāṃ gacchanti puruṣottamam | ekāntinastu puruṣā gacchanti paramaṃ padam

they too reach the Supreme Person by the fourth course; but the single-minded devotees go to the highest state.

Verse 4 (12.358.4)

नूनमेकान्तधर्मोऽयं श्रेष्ठो नारायणप्रियः । अगत्वा गतयस्तिस्रो यद्गच्छत्यव्ययं हरिम् ॥

nūnamekāntadharmo'yaṃ śreṣṭho nārāyaṇapriyaḥ | agatvā gatayastisro yadgacchatyavyayaṃ harim

Surely this dharma of the single-minded, dear to Narayana, is the best, since without passing through the three courses it reaches the imperishable Hari.

Note on the text: Corrected गतयतिस्रो → गतयस्तिस्रो (misprint in Wikisource; the letters of the two words are transposed; CE gatayas tisro).

Verse 5 (12.358.5)

सहोपनिषदान्वेदान्ये विप्राः सम्यगास्थिताः । पठन्ति विधिमास्थाय ये चापि यतिधर्मिणः ॥

sahopaniṣadānvedānye viprāḥ samyagāsthitāḥ | paṭhanti vidhimāsthāya ye cāpi yatidharmiṇaḥ

Those brahmins who are well established in the Vedas together with the Upanishads and recite them according to rule, and those too who follow the dharma of ascetics,

Verse 6 (12.358.6)

तेभ्यो विशिष्टां जानामि गतिमेकान्तिनां नृणाम् । केनैष धर्मः कथितो देवेन ऋषिणाऽपि वा ॥

tebhyo viśiṣṭāṃ jānāmi gatimekāntināṃ nṛṇām | kenaiṣa dharmaḥ kathito devena ṛṣiṇā'pi vā

I know the course of the single-minded to be higher than theirs. By whom was this dharma taught, by a god or by a sage?

Verse 7 (12.358.7)

एकान्तिनां च का चर्या कदा चोत्पादिता विभो । एतन्मे संशयं छिन्धि परं कौतूहलं हि मे ॥

ekāntināṃ ca kā caryā kadā cotpāditā vibho | etanme saṃśayaṃ chindhi paraṃ kautūhalaṃ hi me

And what is the conduct of the single-minded, and when, O lord, was it brought into being? Cut away this doubt of mine, for my curiosity is very great.

Verse 8 (12.358.8)

समुपोढेष्वनीकेषु कुरुपाण्डवयोर्मृधे । अर्जुने विमनस्के च गीता भगवता स्वयम् ॥

samupoḍheṣvanīkeṣu kurupāṇḍavayormṛdhe | arjune vimanaske ca gītā bhagavatā svayam

When the armies stood arrayed for battle between the Kurus and the Pandavas and Arjuna had lost heart, the Blessed Lord himself sang the Gita.

Verse 9 (12.358.9)

आगतिश्च गतिश्चैव पूर्वं ते कथिता मया । गहनो ह्येष धर्मो वै दुर्विज्ञेयोऽकृतात्मभिः ॥

āgatiśca gatiścaiva pūrvaṃ te kathitā mayā | gahano hyeṣa dharmo vai durvijñeyo'kṛtātmabhiḥ

Both the coming and the going I have already told you. This dharma is deep, and hard to understand for those whose selves are unrefined.

Verse 10 (12.358.10)

संमितः सामवेदेन पुरैवादियुगे कृतः । धार्यते स्वयमीशेन राजन्नारायणेन ह ॥

saṃmitaḥ sāmavedena puraivādiyuge kṛtaḥ | dhāryate svayamīśena rājannārāyaṇena ha

It accords with the Sama Veda, was established at the very beginning of the first age, and is upheld, O king, by the lord Narayana himself.

Verse 11 (12.358.11)

एतदर्थं महाराज पृष्टः पार्थेन नारदः । ऋषिमध्ये महाभागः शृण्वतोः कृष्णभीष्मयोः ॥

etadarthaṃ mahārāja pṛṣṭaḥ pārthena nāradaḥ | ṛṣimadhye mahābhāgaḥ śṛṇvatoḥ kṛṣṇabhīṣmayoḥ

It was for this very purpose, great king, that Narada was questioned by Partha in the midst of the sages, while Krishna and Bhishma listened.

Verse 12 (12.358.12)

गुरुणा च मयाऽप्येव कथितो नृपसत्तम । यथा तत्कथितं तत्र नारदेन तथा शृणु ॥

guruṇā ca mayā'pyeva kathito nṛpasattama | yathā tatkathitaṃ tatra nāradena tathā śṛṇu

My teacher also told it to me, best of kings. Listen now just as Narada told it there.

Verse 13 (12.358.13)

यदाऽऽसीन्मानसं जन्म नारायणमुखोद्गतम् । ब्रह्मणः पृथिवीपाल तदा नारायणः स्वयम् ॥

yadā''sīnmānasaṃ janma nārāyaṇamukhodgatam | brahmaṇaḥ pṛthivīpāla tadā nārāyaṇaḥ svayam

When the mind-born birth of Brahma came forth from Narayana's mouth, O ruler of the earth, then Narayana himself

Note on the text: Corrected मानजं → मानसं (misprint in Wikisource; not a word in this context; CE has mānasaṃ, 'mind-born'). Aligned by hand to the critical edition: lines = CE 12.336.13a, 13c (the first two lines of the three-line verse 13).

Verse 14 (12.358.14)

तेन धर्मेण कृतवान्दैवं पित्र्यं च भारत । फेनपा ऋषयश्चैव तं धर्मं प्रतिपेदिरे ॥

tena dharmeṇa kṛtavāndaivaṃ pitryaṃ ca bhārata | phenapā ṛṣayaścaiva taṃ dharmaṃ pratipedire

performed the rites for the gods and the ancestors by that dharma, O Bharata; and the Phenapa sages received that dharma.

Note on the text: Aligned by hand: lines = CE 12.336.13e, 14a (the last line of CE 13 and the first line of CE 14).

Verse 15 (12.358.15)

वैखानसाः फेनपेभ्यो धर्मं तं प्रतिपेदिरे । वैखानसेभ्यः सोमस्तु ततः सोऽन्तर्दधे पुनः ॥

vaikhānasāḥ phenapebhyo dharmaṃ taṃ pratipedire | vaikhānasebhyaḥ somastu tataḥ so'ntardadhe punaḥ

The Vaikhanasas received that dharma from the Phenapas; from the Vaikhanasas it went to Soma, and then it vanished again.

Note on the text: Corrected प्रतिपदिरे → प्रतिपेदिरे (misprint in Wikisource; the perfect of prati-√pad is pratipedire; CE prapedire). Corrected सोपस्तु → सोमस्तु (misprint in Wikisource; म printed as प; CE somas tu). Aligned by hand: lines = CE 12.336.14c, 14e. Wikisource's वैखानसेभ्यः सोमस्तु matches CE 'vaikhānasebhyaḥ somas tu'.

Verse 16 (12.358.16)

यदाऽऽसीच्चाक्षुषं जन्म द्वितीयं ब्रह्मणो नृप । यदा पितामहेनैव सोमाद्धर्मः परिश्रुतः ॥

yadā''sīccākṣuṣaṃ janma dvitīyaṃ brahmaṇo nṛpa | yadā pitāmahenaiva somāddharmaḥ pariśrutaḥ

When Brahma's second birth, the eye-born, took place, O king, the Grandfather heard the dharma from Soma.

Note on the text: Aligned by hand: lines = CE 12.336.15a, 15c; the second line is a vulgate variant of CE 15c (tadā pitāmahāt somād …).

Verse 17 (12.358.17)

नारायणात्मको राजन्रुद्राय प्रददौ च तम् । ततो योगस्थितो रुद्रः पुरा कृतयुगे नृप ॥

nārāyaṇātmako rājanrudrāya pradadau ca tam | tato yogasthito rudraḥ purā kṛtayuge nṛpa

He, whose self is Narayana, gave it to Rudra, O king. Then Rudra, steadfast in yoga, long ago in the Krita age, O king,

Note on the text: Aligned by hand: lines = CE 12.336.15e, 16a.

Verse 18 (12.358.18)

वालखिल्यानृषीन्सर्वान्धर्ममेनमपाठयत् । अन्तर्दधे ततो भूयस्तस्य देवस्य मायया ॥

vālakhilyānṛṣīnsarvāndharmamenamapāṭhayat | antardadhe tato bhūyastasya devasya māyayā

taught this dharma to all the Valakhilya sages. Then, through the power of illusion of that god, it vanished again.

Note on the text: Aligned by hand: lines = CE 12.336.16c, 16e. The CE's star passage *0899_01 after 16e (vālakhilyā mahātmāno dharmāya pradaduś ca tam) is not in Wikisource and is not added.

Verse 19 (12.358.19)

तृतीयं ब्रह्मणो जन्म यदासीद्वाचिकं महत् । तत्रैष धर्मः संभूतः स्वयं नारायणान्नृप ॥

tṛtīyaṃ brahmaṇo janma yadāsīdvācikaṃ mahat | tatraiṣa dharmaḥ saṃbhūtaḥ svayaṃ nārāyaṇānnṛpa

When the third birth of Brahma took place, the great one born of speech, this dharma arose there directly from Narayana, O king.

Verse 20 (12.358.20)

सुपर्णो नाम तमृषिः प्राप्तवान्पुरुषोत्तमात् । तपसा वै सुतप्तेन दमेन नियमेन च ॥

suparṇo nāma tamṛṣiḥ prāptavānpuruṣottamāt | tapasā vai sutaptena damena niyamena ca

A sage named Suparna received it from the Supreme Person, through well-practised austerity, self-control and restraint.

Verse 21 (12.358.21)

त्रिः परिक्रान्तवानेतत्सुपर्णो धर्ममुत्तमम् । यस्मात्तस्माद्व्रतं ह्येतत्त्रिसौपर्णमिहोच्येत ॥

triḥ parikrāntavānetatsuparṇo dharmamuttamam | yasmāttasmādvrataṃ hyetattrisauparṇamihocyeta

Because Suparna practised this supreme dharma three times over, this vow is called Trisauparna here.

Note on the text: Corrected धर्मसुत्तमम् → धर्ममुत्तमम् (misprint in Wikisource; म and उ run together wrongly; CE dharmam uttamam). Corrected ह्येतत्रिसौपर्ण → ह्येतत्त्रिसौपर्ण (misprint in Wikisource; a त dropped from the conjunct; CE etat trisauparṇam).

Verse 22 (12.358.22)

ऋग्वेदपाठपठितं व्रतमेतद्धि दुश्चरम् । सुपर्णाच्चाप्यधिगतो धर्म एष सनातनः ॥

ṛgvedapāṭhapaṭhitaṃ vratametaddhi duścaram | suparṇāccāpyadhigato dharma eṣa sanātanaḥ

This vow, recited in the text of the Rig Veda, is hard to practise. From Suparna this eternal dharma passed on.

Verse 23 (12.358.23)

वायुना द्विपदां श्रेष्ठ प्रथितो जगदायुषा । वायोः सकाशात्प्राप्तश्च ऋषिभिर्विघसाशिभिः ॥

vāyunā dvipadāṃ śreṣṭha prathito jagadāyuṣā | vāyoḥ sakāśātprāptaśca ṛṣibhirvighasāśibhiḥ

It was spread abroad by Vayu, O best of men, who is the life of the world; and from Vayu it was received by the sages who eat the remnants of sacrifice.

Note on the text: Corrected द्विपदश्रिष्ठे → द्विपदां श्रेष्ठ (misprint in Wikisource; garbled vocative 'best of bipeds'; CE dvipadāṃ śreṣṭha).

Verse 24 (12.358.24)

तेभ्यो महोदधिश्चैव प्राप्तवान्धर्ममुत्तमम् । अन्तर्दधे ततो भूयो नारायणसमाहृतः ॥

tebhyo mahodadhiścaiva prāptavāndharmamuttamam | antardadhe tato bhūyo nārāyaṇasamāhṛtaḥ

From them the great ocean received that supreme dharma; then it vanished again, drawn back by Narayana.

Verse 25 (12.358.25)

यदा भूयः श्रवणजा सृष्टिरासीन्महात्मनः । ब्रह्मणः पुरुषव्याघ्र तत्र कीर्तयतः शृणु ॥

yadā bhūyaḥ śravaṇajā sṛṣṭirāsīnmahātmanaḥ | brahmaṇaḥ puruṣavyāghra tatra kīrtayataḥ śṛṇu

When again the ear-born creation of the great-souled Brahma came about, O tiger among men, listen as I tell of it.

Verse 26 (12.358.26)

जगत्स्रष्टुमना देवो हरिर्नारायणः स्वयम् । चिन्तयामास पुरुषं जगत्सर्गकरं प्रभुम् ॥

jagatsraṣṭumanā devo harirnārāyaṇaḥ svayam | cintayāmāsa puruṣaṃ jagatsargakaraṃ prabhum

Wishing to create the world, the god Hari Narayana himself thought of a being, a lord who would carry out the creation of the world.

Verse 27 (12.358.27)

अथ चिन्तयतस्तस्य कर्णाभ्यां पुरुषः स्मृतः । प्रजासर्गकरो ब्रह्मा तमुवाच जगत्पतिः ॥

atha cintayatastasya karṇābhyāṃ puruṣaḥ smṛtaḥ | prajāsargakaro brahmā tamuvāca jagatpatiḥ

Then, as he thought, a person came forth from his ears: Brahma, the maker of the creation of beings. The lord of the world spoke to him.

Verse 28 (12.358.28)

सृज प्रजाः पुत्र सर्वा मुखतः पादतस्तथा । श्रेयस्तव विधास्यामि बलं तेजश्च सुव्रत ॥

sṛja prajāḥ putra sarvā mukhataḥ pādatastathā | śreyastava vidhāsyāmi balaṃ tejaśca suvrata

Create all beings, my son, from the mouth and likewise from the feet. I will bring about your welfare, and give you strength and splendour, O one of firm vows.

Note on the text: Speaker changed from वैशंपायन to नारायण: the words are Narayana's speech to Brahma (introduced by 'tam uvāca jagatpatiḥ' in verse 27).

Verse 29 (12.358.29)

धर्मं च मत्तो गृह्णीष्व सात्वतं नाम नामतः । तेन सृष्टं कृतयुगं स्थापयस्व यथाविधि ॥

dharmaṃ ca matto gṛhṇīṣva sātvataṃ nāma nāmataḥ | tena sṛṣṭaṃ kṛtayugaṃ sthāpayasva yathāvidhi

And take from me the dharma named Satvata. By it, establish the Krita age that has been created, according to rule.

Note on the text: Speaker changed from वैशंपायन to नारायण: the words are Narayana's speech to Brahma, continuing verse 28.

Verse 30 (12.358.30)

ततो ब्रह्मा नमश्चक्रे देवाय हरिमेधसे । धर्मं चाग्र्यं स जग्राह सरहस्यं ससंग्रहम् ॥

tato brahmā namaścakre devāya harimedhase | dharmaṃ cāgryaṃ sa jagrāha sarahasyaṃ sasaṃgraham

Then Brahma bowed to the god, Hari of vast wisdom, and took that foremost dharma, with its secret and its summary.

Note on the text: Aligned by hand: lines = CE 12.336.28a, 28c.

Verse 31 (12.358.31)

आरण्यकेन सहितं नारायणमुखोद्गतम् । उपदिश्य ततो धर्मं ब्रह्मणेऽमिततेजसे ॥

āraṇyakena sahitaṃ nārāyaṇamukhodgatam | upadiśya tato dharmaṃ brahmaṇe'mitatejase

Having taught Brahma of boundless splendour this dharma, together with the Aranyaka, which had issued from Narayana's mouth,

Note on the text: Aligned by hand: lines = CE 12.336.28e, 29a.

Verse 32 (12.358.32)

तं कार्तयुगधर्माणं निराशीः कर्मसंज्ञितम् । जगाम तमसः पारं यत्राव्यक्तं व्यवस्थितम् ॥

taṃ kārtayugadharmāṇaṃ nirāśīḥ karmasaṃjñitam | jagāma tamasaḥ pāraṃ yatrāvyaktaṃ vyavasthitam

he went beyond the darkness, to where the Unmanifest abides: that dharma of the Krita age, free of desire for results and known as the way of action.

Note on the text: Aligned by hand: lines = CE 12.336.29c, 29e.

Verse 33 (12.358.33)

ततोऽथ वरदो देवो ब्रह्मा लोकपितामहः । असृजत्स ततो लोकान्कृत्स्नान्स्थावरजङ्गमान् ॥

tato'tha varado devo brahmā lokapitāmahaḥ | asṛjatsa tato lokānkṛtsnānsthāvarajaṅgamān

Then the boon-giving god Brahma, grandsire of the worlds, created all the worlds, moving and unmoving.

Verse 34 (12.358.34)

ततः प्रावर्तत तदा आदौ कृतयुगं शुभम् । ततो हि सात्वतो धर्मो व्याप्य लोकानवस्थितः ॥

tataḥ prāvartata tadā ādau kṛtayugaṃ śubham | tato hi sātvato dharmo vyāpya lokānavasthitaḥ

Then the auspicious Krita age began at the start, and the Satvata dharma stood pervading the worlds.

Verse 35 (12.358.35)

तेनैवाद्येन धर्मेण ब्रह्मा लोकविसर्गकृत् । पूजयामास देवेशं हरिं नारायणं प्रभुम् ॥

tenaivādyena dharmeṇa brahmā lokavisargakṛt | pūjayāmāsa deveśaṃ hariṃ nārāyaṇaṃ prabhum

With that same primal dharma, Brahma, the maker of the emission of the worlds, worshipped Hari Narayana, the lord, the god of gods.

Verse 36 (12.358.36)

धर्मप्रतिष्ठाहेतोश्च मनुं स्वारोचिषं ततः । अध्यापयामास तदा लोकानां हितकाम्यया ॥

dharmapratiṣṭhāhetośca manuṃ svārociṣaṃ tataḥ | adhyāpayāmāsa tadā lokānāṃ hitakāmyayā

Then, to establish the dharma, he taught it to Manu Svarochisha, out of desire for the welfare of the worlds.

Verse 37 (12.358.37)

ततः स्वारोचिषः पुत्रं स्वयं शङ्खपदं नृप । अध्यापयत्पुराऽव्यग्रः सर्वलोकपतिर्विभुः ॥

tataḥ svārociṣaḥ putraṃ svayaṃ śaṅkhapadaṃ nṛpa | adhyāpayatpurā'vyagraḥ sarvalokapatirvibhuḥ

Then Svarochisha himself, unhurried, the lord of all the worlds, taught it to his son Shankhapada, O king.

Verse 38 (12.358.38)

ततः शङ्खपदश्चापि पुत्रमात्मजमौरसम् । दिशापालं सुधर्माणमध्यापयत भारत । सोऽन्तर्दधे ततो भूयः प्राप्ते त्रेतायुगे पुनः ॥

tataḥ śaṅkhapadaścāpi putramātmajamaurasam | diśāpālaṃ sudharmāṇamadhyāpayata bhārata | so'ntardadhe tato bhūyaḥ prāpte tretāyuge punaḥ

Then Shankhapada in turn taught it to his own son, born of his body, Sudharman, the guardian of the quarters, O Bharata. Then, when the Treta age came again, it vanished once more.

Verse 39 (12.358.39)

नासत्ये जन्मनि पुरा ब्रह्मणः पार्थिवोत्तम । धर्ममेतं स्वयं देवो हरिर्नारायणः प्रभुः ॥

nāsatye janmani purā brahmaṇaḥ pārthivottama | dharmametaṃ svayaṃ devo harirnārāyaṇaḥ prabhuḥ

In the birth of Brahma called Nasatya, long ago, O best of kings, the god Hari Narayana, the lord, himself

Note on the text: Aligned by hand: lines = CE 12.336.36a, 36c. Wikisource reads नासत्ये (the page's footnote records नासिक्ये as another reading; CE nāsikya, 'nose-born'); kept as printed, a recension variant.

Verse 40 (12.358.40)

तज्जगादारविन्दाक्षो ब्रह्मणः पश्यतस्तदा । सनत्कुमारो भगवांस्ततः प्राधीतवान्नृप ॥

tajjagādāravindākṣo brahmaṇaḥ paśyatastadā | sanatkumāro bhagavāṃstataḥ prādhītavānnṛpa

spoke this dharma, the lotus-eyed one, while Brahma looked on. Then the blessed Sanatkumara learned it, O king.

Note on the text: Aligned by hand: lines = CE 12.336.36e, 37a; the first line is a vulgate variant of CE 36e (ujjagārāravindākṣo).

Verse 41 (12.358.41)

सनत्कुमारादपि च वीरणो वै प्रजापतिः । कृतादौ कुरुशार्दूल धर्ममेतदधीतवान् ॥

sanatkumārādapi ca vīraṇo vai prajāpatiḥ | kṛtādau kuruśārdūla dharmametadadhītavān

And from Sanatkumara, at the beginning of the Krita age, the Prajapati Virana learned this dharma, O tiger of the Kurus.

Note on the text: Aligned by hand: lines = CE 12.336.37c, 37e.

Verse 42 (12.358.42)

वीरणश्चाप्यधीत्यैनं रैभ्याय मुनये ददौ । रैभ्यः पुत्राय शुद्धाय सुव्रताय सुमेधसे ॥

vīraṇaścāpyadhītyainaṃ raibhyāya munaye dadau | raibhyaḥ putrāya śuddhāya suvratāya sumedhase

Virana, having learned it, gave it to the sage Raibhya; and Raibhya gave it to his son, pure, firm in his vows and of fine mind,

Note on the text: Wikisource reads रैभ्याय मुनये (the page's footnote records रौत्र्याय मनवे); CE raucyāya manave. Kept as printed, a recension variant.

Verse 43 (12.358.43)

कुक्षिपालाय च ददौ विशालाय च धर्मिणे । ततोऽप्यन्तर्दधे भूयो नारायणमुखोद्गतः ॥

kukṣipālāya ca dadau viśālāya ca dharmiṇe | tato'pyantardadhe bhūyo nārāyaṇamukhodgataḥ

and he gave it to Kukshipala and to the righteous Vishala. Then, once more, the dharma that had issued from Narayana's mouth vanished.

Verse 44 (12.358.44)

अण्डजे जन्मनि पुनर्ब्रह्मणे हरियोनये । एष धर्मः समुद्भूतो नारायणमुखात्पुनः ॥

aṇḍaje janmani punarbrahmaṇe hariyonaye | eṣa dharmaḥ samudbhūto nārāyaṇamukhātpunaḥ

In the egg-born birth, once more, this dharma arose again from Narayana's mouth for Brahma, whose source is Hari.

Verse 45 (12.358.45)

गृहीतो ब्रह्मणा राजन्प्रयुक्तश्च यथाविधि । अध्यापिताश्च मुनयो नाम्ना बर्हिषदो नृप ॥

gṛhīto brahmaṇā rājanprayuktaśca yathāvidhi | adhyāpitāśca munayo nāmnā barhiṣado nṛpa

It was taken up by Brahma, O king, and applied according to rule; and the sages named Barhishad were taught it, O king.

Note on the text: Corrected बर्हिपदो → बर्हिषदो (misprint in Wikisource; ष printed as प; the next verse and CE have barhiṣad).

Verse 46 (12.358.46)

बर्हिषद्भ्यश्च संप्राप्तः सामवेदान्तगं द्विजम् । ज्येष्ठं नामाभिविख्यातं ज्येष्ठसामव्रतो हरिः ॥

barhiṣadbhyaśca saṃprāptaḥ sāmavedāntagaṃ dvijam | jyeṣṭhaṃ nāmābhivikhyātaṃ jyeṣṭhasāmavrato hariḥ

From the Barhishads it passed to a brahmin who had mastered the Sama Veda, known by the name Jyeshtha: Hari, keeper of the Jyeshthasama vow.

Verse 47 (12.358.47)

ज्येष्ठाच्चाप्यनुसंक्रान्तो राजानमविकम्पनम् । अन्तर्दधे ततो राजन्नेष धर्मः प्रभो हरेः ॥

jyeṣṭhāccāpyanusaṃkrānto rājānamavikampanam | antardadhe tato rājanneṣa dharmaḥ prabho hareḥ

From Jyeshtha, too, it passed to King Avikampana. Then, O king, this dharma of the lord Hari vanished again.

Note on the text: Corrected दर्मः → धर्मः (misprint in Wikisource; ध printed as द; CE dharmaḥ).

Verse 48 (12.358.48)

यदिदं सप्तमं जन्म पद्मजं ब्रह्मणो नृप । तत्रैष धर्मः कथितः स्वयं नारायणेन ह ॥

yadidaṃ saptamaṃ janma padmajaṃ brahmaṇo nṛpa | tatraiṣa dharmaḥ kathitaḥ svayaṃ nārāyaṇena ha

This is the seventh birth of Brahma, the lotus-born, O king. In it this dharma was declared by Narayana himself.

Verse 49 (12.358.49)

पितामहाय शुद्धाय युगादौ लोकधारिणे । पितामहश्च दक्षाय धर्ममेतं पुरा ददौ ॥

pitāmahāya śuddhāya yugādau lokadhāriṇe | pitāmahaśca dakṣāya dharmametaṃ purā dadau

To the pure Grandfather, supporter of the worlds, at the beginning of the age; and the Grandfather in turn gave this dharma to Daksha long ago.

Verse 50 (12.358.50)

ततो ज्येष्ठे तु दौहित्रे प्रादाद्दक्षो नृपोत्तम । आदित्ये सवितुर्ज्येष्ठे विवस्वाञ्जगृहे ततः ॥

tato jyeṣṭhe tu dauhitre prādāddakṣo nṛpottama | āditye saviturjyeṣṭhe vivasvāñjagṛhe tataḥ

Then, O best of kings, Daksha gave it to his eldest daughter's son, the Aditya who was the elder of Savitri; and thereupon Vivasvan received it.

Verse 51 (12.358.51)

त्रेतायुगादौ च ततो विवस्वान्मनवे ददौ । मनुश्च लोकभूत्यर्थं सुतायेक्ष्वाकवे ददौ ॥

tretāyugādau ca tato vivasvānmanave dadau | manuśca lokabhūtyarthaṃ sutāyekṣvākave dadau

At the beginning of the Treta age Vivasvan gave it to Manu; and Manu, for the welfare of the world, gave it to his son Ikshvaku.

Note on the text: Corrected ममवे → मनवे (misprint in Wikisource; न printed as म; CE manave).

Verse 52 (12.358.52)

इक्ष्वाकुणा च कथितो व्याप्य लोकानवस्थितः । गमिष्यति क्षयान्ते च पुनर्नारायणं नृप ॥

ikṣvākuṇā ca kathito vyāpya lokānavasthitaḥ | gamiṣyati kṣayānte ca punarnārāyaṇaṃ nṛpa

Taught by Ikshvaku, it stayed pervading the worlds; and at the end of the age it will go back to Narayana, O king.

Verse 53 (12.358.53)

यतीनां चापि यो धर्मः स ते पूर्वं नृपोत्तम । कथितो हरिगीतासु समासविधिकल्पितः ॥

yatīnāṃ cāpi yo dharmaḥ sa te pūrvaṃ nṛpottama | kathito harigītāsu samāsavidhikalpitaḥ

And the dharma that belongs to ascetics was told to you earlier, best of kings, in the Hari-gitas, laid out in brief.

Note on the text: Aligned by hand: lines = CE 12.336.49a, 49c (vulgate यतीनां for CE vratināṃ).

Verse 54 (12.358.54)

नारदेन सुसंप्राप्तः सरहस्यः ससंग्रहः । एष धर्मो जगन्नाथात्साक्षान्नारायणान्नृप ॥

nāradena susaṃprāptaḥ sarahasyaḥ sasaṃgrahaḥ | eṣa dharmo jagannāthātsākṣānnārāyaṇānnṛpa

Narada received it, with its secret and its summary, this dharma, directly from Narayana, the lord of the universe, O king.

Note on the text: Aligned by hand: lines = CE 12.336.50a, 50c.

Verse 55 (12.358.55)

एवमेव महान्धर्म आद्यो राजन्सनातनः । दुर्विज्ञेयो दुष्करश्च सात्वतैर्धार्यते सदा ॥

evameva mahāndharma ādyo rājansanātanaḥ | durvijñeyo duṣkaraśca sātvatairdhāryate sadā

So this great dharma is primeval and eternal, O king; hard to understand and hard to practise, it is always upheld by the Satvatas.

Note on the text: Corrected महान्धर्मे → महान्धर्म (misprint in Wikisource; the locative does not parse with the nominative आद्यः; CE mahān dharma).

Verse 56 (12.358.56)

धर्मज्ञानेन चैतेन सुप्रयुक्तेन कर्मणा । अहिंसाधर्मयुक्तेन प्रीयते हरिरीश्वरः ॥

dharmajñānena caitena suprayuktena karmaṇā | ahiṃsādharmayuktena prīyate harirīśvaraḥ

By this knowledge of dharma, well applied in action and joined with the dharma of non-violence, the lord Hari is pleased.

Verse 57 (12.358.57)

एकव्यूहविभागो वा क्वचिद्द्विव्यूहसंज्ञितः । त्रिव्यूहश्चापि संख्यातश्चतुर्व्यूहश्च दृश्यते ॥

ekavyūhavibhāgo vā kvaciddvivyūhasaṃjñitaḥ | trivyūhaścāpi saṃkhyātaścaturvyūhaśca dṛśyate

Sometimes it is spoken of as a division into a single emanation, sometimes as of two emanations; it is counted as of three emanations too, and seen as of four.

Verse 58 (12.358.58)

हरिरेव हि क्षेत्रज्ञो निर्ममो निष्कलस्तथा । जीवश्च सर्वभूतेषु पञ्चभूतगुणातिगः ॥

harireva hi kṣetrajño nirmamo niṣkalastathā | jīvaśca sarvabhūteṣu pañcabhūtaguṇātigaḥ

Hari alone is the knower of the field, free of the sense of 'mine', without parts; the individual self in all beings, beyond the qualities of the five elements.

Verse 59 (12.358.59)

मनश्च प्रथितं राजन्पञ्चेन्द्रियसमीरणम् । एष लोकनिधिः श्रीमानेष लोकविसर्गकृत् ॥

manaśca prathitaṃ rājanpañcendriyasamīraṇam | eṣa lokanidhiḥ śrīmāneṣa lokavisargakṛt

And the mind too, O king, is known as that which sets the five senses in motion. He is the storehouse of the worlds, the glorious one; he is the maker of the emission of the worlds.

Note on the text: Corrected पञ्चन्द्रिय → पञ्चेन्द्रिय (misprint in Wikisource; a+i should give ए; CE pañcendriya). Corrected श्रीमानेषु → श्रीमानेष (misprint in Wikisource; एषु (locative 'in these') does not parse; CE eṣa lokavisargakṛt).

Verse 60 (12.358.60)

अकर्ता चैव कर्ता च कार्यं कारणमेव च । यथेच्छति तथा राजन्क्रीडते पुरुषोऽव्ययः ॥

akartā caiva kartā ca kāryaṃ kāraṇameva ca | yathecchati tathā rājankrīḍate puruṣo'vyayaḥ

Non-doer and doer, effect and cause as well: as he wishes, O king, so the imperishable Person plays.

Verse 61 (12.358.61)

एष एकान्तिधर्मस्ते कीर्तितो नृपसत्तम । मया गुरुप्रसादेन दुर्विज्ञेयोऽकृतात्मभिः ॥

eṣa ekāntidharmaste kīrtito nṛpasattama | mayā guruprasādena durvijñeyo'kṛtātmabhiḥ

This dharma of the single-minded has been declared to you, best of kings, by me, through my teacher's grace; it is hard to understand for those whose selves are unrefined.

Note on the text: Aligned by hand: lines = CE 12.336.57a, 57c.

Verse 62 (12.358.62)

एकान्तिनो हि पुरुषा दुर्लभा बहवो नृप । यद्येकान्तिभिराकीर्णं जगत्स्यात्कुरुनन्दन ॥

ekāntino hi puruṣā durlabhā bahavo nṛpa | yadyekāntibhirākīrṇaṃ jagatsyātkurunandana

Men who are single-minded are hard to find in numbers, O king. If the world were filled with the single-minded, O joy of the Kurus,

Note on the text: Corrected कुरुनन्दनः → कुरुनन्दन (misprint in Wikisource; a vocative is required (CE kurunandana)). Aligned by hand: lines = CE 12.336.57e, 58a.

Verse 63 (12.358.63)

अहिंसकैरात्मविद्भिः सर्वभूतहिते रतैः । भवेत्कृतयुगप्राप्तिराशीः कर्मविवर्जिता ॥

ahiṃsakairātmavidbhiḥ sarvabhūtahite rataiḥ | bhavetkṛtayugaprāptirāśīḥ karmavivarjitā

non-violent, knowers of the self, delighting in the good of all beings, then the Krita age would return, free of desire-driven action.

Note on the text: Aligned by hand: lines = CE 12.336.58c, 58e (Wikisource has आशीः कर्मविवर्जिता, CE āśīḥkarmavivarjitaiḥ).

Verse 64 (12.358.64)

एवं स भगवान्व्यासो गुरुर्मम विशांपते । कथयामास धर्मज्ञो धर्मराजे द्विजोत्तमः ॥

evaṃ sa bhagavānvyāso gururmama viśāṃpate | kathayāmāsa dharmajño dharmarāje dvijottamaḥ

Thus the blessed Vyasa, my teacher, the knower of dharma, best of brahmins, told this to Dharmaraja, O lord of the people.

Verse 65 (12.358.65)

ऋषीणां संनिधौ राजञ्शृण्वतोः कृष्णभीष्मयोः । तस्याप्यकथयत्पूर्वं नारदः सुमहातपाः ॥

ṛṣīṇāṃ saṃnidhau rājañśṛṇvatoḥ kṛṣṇabhīṣmayoḥ | tasyāpyakathayatpūrvaṃ nāradaḥ sumahātapāḥ

It was in the presence of the sages, O king, while Krishna and Bhishma listened; and before that Narada, of great austerity, had told it to Vyasa.

Verse 66 (12.358.66)

देवं परमकं ब्रह्म श्वेतं चन्द्राभमच्युतम् । यत्र चैकान्तिनो यान्ति नारायणपरायणाः । तदेव परमं स्थानं मुक्तानां केवलं भवेत् ॥

devaṃ paramakaṃ brahma śvetaṃ candrābhamacyutam | yatra caikāntino yānti nārāyaṇaparāyaṇāḥ | tadeva paramaṃ sthānaṃ muktānāṃ kevalaṃ bhavet

The god, the supreme Brahman, white and radiant as the moon, the imperishable, to whom the single-minded, intent on Narayana, go: that alone would be the supreme and only abode of the liberated.

Note on the text: Removed stray wiki marks (backtick, closing quote and a doubled '।।') from the third line. Lines 1-2 = CE 12.336.61a, 61c. Line 3 is the CE star passage 12.336.61d*0900_01 (tad eva kevalaṃ sthānaṃ muktānāṃ paramaṃ bhavet), here in different word order; Wikisource prints it in backticks with a stray '।।' and a closing quote, which are removed.

Verse 67 (12.358.67)

एवं बहुविधं धर्मं प्रविबुद्धैर्निषेवितम् । न कुर्वन्ति कथं विप्रा अन्ये नानाव्रते स्थिताः ॥

evaṃ bahuvidhaṃ dharmaṃ pravibuddhairniṣevitam | na kurvanti kathaṃ viprā anye nānāvrate sthitāḥ

Why do other brahmins, who keep to various other vows, not follow this dharma of many kinds, practised by the awakened?

Verse 68 (12.358.68)

तिस्रः प्रकृतयो राजन्देहबन्धेषु निर्मिताः । सात्विकी राजसी चैव तामसी चैव भारत ॥

tisraḥ prakṛtayo rājandehabandheṣu nirmitāḥ | sātvikī rājasī caiva tāmasī caiva bhārata

There are three natures, O king, fashioned in the bonds of the body: the sattvic, the rajasic and the tamasic, O Bharata.

Verse 69 (12.358.69)

देहबन्धेषु पुरुषः श्रेष्ठः कुरुकुलोद्वह । सात्विकः पुरुषव्याघ्र भवेन्मोक्षाय निश्चितः ॥

dehabandheṣu puruṣaḥ śreṣṭhaḥ kurukulodvaha | sātvikaḥ puruṣavyāghra bhavenmokṣāya niścitaḥ

Among the embodied, the best person, O scion of the Kuru line, is the sattvic one, O tiger among men, who becomes resolved on liberation.

Verse 70 (12.358.70)

अत्रापि स विजानाति पुरुषं ब्रह्मवित्तमम् । नारायणं परं मोक्षे ततो वै सात्विकः स्मृतः ॥

atrāpi sa vijānāti puruṣaṃ brahmavittamam | nārāyaṇaṃ paraṃ mokṣe tato vai sātvikaḥ smṛtaḥ

Here too he knows the Person, the foremost knower of Brahman, and Narayana as the highest in liberation; therefore he is called sattvic.

Note on the text: Corrected नारायणां → नारायणं (misprint in Wikisource; doubled vowel sign; CE nārāyaṇa-).

Verse 71 (12.358.71)

मनीषितं च प्राप्नोति चिन्तयन्पुरुषोत्तमम् । एकान्तभक्तः सततं नारायणपरायणः ॥

manīṣitaṃ ca prāpnoti cintayanpuruṣottamam | ekāntabhaktaḥ satataṃ nārāyaṇaparāyaṇaḥ

He obtains what he desires, contemplating the Supreme Person: single-minded in devotion, ever intent on Narayana.

Verse 72 (12.358.72)

मनीषिणो हि ये केचिद्यतयो मोक्षधर्मिणः । तेषां विच्छिन्नतृष्णानां योगक्षेमवहो हरिः ॥

manīṣiṇo hi ye kecidyatayo mokṣadharmiṇaḥ | teṣāṃ vicchinnatṛṣṇānāṃ yogakṣemavaho hariḥ

And whatever wise ascetics there are, following the dharma of liberation, whose thirst is cut off, for them Hari bears the burden of gaining and keeping.

Verse 73 (12.358.73)

जायमानं हि पुरुषं यं पश्येन्मधुसूदनः । सात्विकस्तु स विज्ञेयो भवेन्मोक्षे च निश्चितः ॥

jāyamānaṃ hi puruṣaṃ yaṃ paśyenmadhusūdanaḥ | sātvikastu sa vijñeyo bhavenmokṣe ca niścitaḥ

The person whom Madhusudana looks upon at birth should be known as sattvic and resolved on liberation.

Verse 74 (12.358.74)

साङ्ख्ययोगेन तुल्यो हि धर्म एकान्तिसेवितः । नारायणात्मके मोक्षे ततो यान्ति परां गतिं ॥

sāṅkhyayogena tulyo hi dharma ekāntisevitaḥ | nārāyaṇātmake mokṣe tato yānti parāṃ gatiṃ

The dharma practised by the single-minded is equal to Sankhya and Yoga; through liberation that has Narayana as its essence, they go to the highest goal.

Verse 75 (12.358.75)

नारायणेन दृष्टश्च प्रतिबुद्धो भवेत्पुमान् । एवमात्मेच्छया राजन्प्रतिबुद्धो न जायते ॥

nārāyaṇena dṛṣṭaśca pratibuddho bhavetpumān | evamātmecchayā rājanpratibuddho na jāyate

A man who is seen by Narayana becomes awakened. And so, by his own will, O king, one who is awakened is not born again.

Note on the text: Corrected दृष्टस्तचु → दृष्टश्च (misprint in Wikisource; garbled; CE dṛṣṭaś ca).

Verse 76 (12.358.76)

राजसी तामसी चैव व्यामिश्रे प्रकृती स्मृते । तदात्मकं हि पुरुषं जायमानं विशांपते । प्रवृत्तिलक्षणैर्युक्तं नावेक्षति हरिः स्वयम् ॥

rājasī tāmasī caiva vyāmiśre prakṛtī smṛte | tadātmakaṃ hi puruṣaṃ jāyamānaṃ viśāṃpate | pravṛttilakṣaṇairyuktaṃ nāvekṣati hariḥ svayam

The rajasic and the tamasic are called mixed natures. A person of that nature at birth, O lord of the people, marked by the signs of worldly activity, Hari does not himself regard.

Verse 77 (12.358.77)

पश्यत्येनं जायमानं ब्रह्मा लोकपितामहः । रजसा तमसा चैव मानसं समभिप्लुतम् ॥

paśyatyenaṃ jāyamānaṃ brahmā lokapitāmahaḥ | rajasā tamasā caiva mānasaṃ samabhiplutam

Brahma, grandsire of the worlds, looks upon such a person at birth, his mind flooded with rajas and tamas.

Note on the text: Corrected तपसा → तमसा (misprint in Wikisource; प printed for म, since the pair is rajas and tamas; CE tamasā).

Verse 78 (12.358.78)

कामं देवाश्च ऋषयः सत्वस्था नृपसत्तम । हीनाः सत्वेन सूक्ष्मेण ततो वैकारिकाः स्मृताः ॥

kāmaṃ devāśca ṛṣayaḥ satvasthā nṛpasattama | hīnāḥ satvena sūkṣmeṇa tato vaikārikāḥ smṛtāḥ

Gods and sages, O best of kings, stand in sattva as they wish, yet they fall short of subtle sattva; therefore they are called vaikarika.

Verse 79 (12.358.79)

कथं वैकारिको गच्छेत्पुरुषः पुरुषोत्तमम् । वद सर्वं यथादृष्टं प्रवृत्तिं च यथाक्रमम् ॥

kathaṃ vaikāriko gacchetpuruṣaḥ puruṣottamam | vada sarvaṃ yathādṛṣṭaṃ pravṛttiṃ ca yathākramam

How can a vaikarika person reach the Supreme Person? Tell me all of it as you have seen it, and the course of activity in due order.

Note on the text: Line 1 = CE 12.336.74a; line 2 is the CE star passage 12.336.74b*0901_01 (vada sarvaṃ yathādṛṣṭaṃ pravṛttiṃ ca yathākramam). The CE gives speaker Janamejaya as Wikisource does.

Verse 80 (12.358.80)

सुसूक्ष्मं तत्त्वसंयुक्तं संयुक्तं त्रिभिरक्षरैः । पुरुषः पुरुषं गच्छेन्निष्क्रियं पञ्चविंशकम् ॥

susūkṣmaṃ tattvasaṃyuktaṃ saṃyuktaṃ tribhirakṣaraiḥ | puruṣaḥ puruṣaṃ gacchenniṣkriyaṃ pañcaviṃśakam

The person, most subtle, joined with the principles and with the three syllables, reaches the Person, the actionless twenty-fifth.

Verse 81 (12.358.81)

एवमेकं साङ्ख्ययोगं वेदारण्यकमेव च । परस्पराङ्गान्येतानि पाञ्चरात्रं च कथ्यते ॥

evamekaṃ sāṅkhyayogaṃ vedāraṇyakameva ca | parasparāṅgānyetāni pāñcarātraṃ ca kathyate

Thus Sankhya and Yoga as one, and the Veda and the Aranyaka, and Pancharatra as well, are said to be limbs of one another.

Note on the text: Aligned by hand: lines = CE 12.336.76a, 76c.

Verse 82 (12.358.82)

एष एकान्तिनां धर्मो नारायणपरात्मकः ॥

eṣa ekāntināṃ dharmo nārāyaṇaparātmakaḥ

This is the dharma of the single-minded, whose supreme essence is Narayana.

Note on the text: Aligned by hand: this single line = CE 12.336.76e (the third line of the three-line verse 76).

Verse 83 (12.358.83)

यथा समुद्रात्प्रसृता जलौघा । स्तमेव राजन्पुनराविशन्ति । इमे तथा ज्ञानमहाजलौघा । नारायणं वै पुनराविशन्ति ॥

yathā samudrātprasṛtā jalaughā | stameva rājanpunarāviśanti | ime tathā jñānamahājalaughā | nārāyaṇaṃ vai punarāviśanti

As the floods of water that stream forth from the ocean enter that same ocean again, O king, so these great floods of knowledge enter Narayana again.

Verse 84 (12.358.84)

एष ते कथितो धर्मः सात्वतो यदुबान्धव । कुरुष्वैनं यथान्यायं यदि शक्तोसि भारत ॥

eṣa te kathito dharmaḥ sātvato yadubāndhava | kuruṣvainaṃ yathānyāyaṃ yadi śaktosi bhārata

This Satvata dharma has been told to you, O friend of the Yadus. Practise it properly, O Bharata, if you are able.

Verse 85 (12.358.85)

एवं हि स महाभागो नारदो गुरवे मम । श्वेतानां यतिनां चाह एकान्तगतिमव्ययाम् ॥

evaṃ hi sa mahābhāgo nārado gurave mama | śvetānāṃ yatināṃ cāha ekāntagatimavyayām

So did the greatly blessed Narada speak to my teacher of the white ones and the ascetics, and of the imperishable course of the single-minded.

Note on the text: Corrected एकान्तगतिमख्याम् → एकान्तगतिमव्ययाम् (misprint in Wikisource; garbled; CE ekāntagatim avyayām).

Verse 86 (12.358.86)

व्यासश्चाकथयत्प्रीत्या धर्मपुत्राय धीमते । स एवायं मया तुभ्यमाख्यातः प्रसृतो गुरोः ॥

vyāsaścākathayatprītyā dharmaputrāya dhīmate | sa evāyaṃ mayā tubhyamākhyātaḥ prasṛto guroḥ

And Vyasa lovingly told it to the wise son of Dharma. That same teaching, passed down from my teacher, I have now told to you.

Verse 87 (12.358.87)

इत्थं हि दुश्चरो धर्म एष पार्थिवसत्तम । यथैव त्वं तथैवान्ये न भजन्ति च मोहिताः ॥

itthaṃ hi duścaro dharma eṣa pārthivasattama | yathaiva tvaṃ tathaivānye na bhajanti ca mohitāḥ

Thus hard to practise is this dharma, O best of kings. Just as you are, so others too, deluded, do not follow it.

Verse 88 (12.358.88)

कृष्ण एव हि लोकानां भावनो मोहनस्तथा । संहारकारकश्चैव कारणं च विशांपते ॥

kṛṣṇa eva hi lokānāṃ bhāvano mohanastathā | saṃhārakārakaścaiva kāraṇaṃ ca viśāṃpate

Krishna alone is the creator of the worlds and their bewilderer, and also their destroyer and their cause, O lord of the people.