Vyasa and Krishna Send Yudhishthira Back to the City

Verse 1 (12.36.1)

श्रोतुमिच्छामि भगवन्विस्तरेण महामुने । राजधर्मान्द्विजश्रेष्ठ चातुर्वर्ण्यस्य चाखिलान् ॥

śrotumicchāmi bhagavanvistareṇa mahāmune | rājadharmāndvijaśreṣṭha cāturvarṇyasya cākhilān

I wish to hear at length, revered great sage, all the duties of kings and of the four orders, O best of brahmins.

Verse 2 (12.36.2)

आपत्सु च यथा नीतिः प्रणेतव्या द्विजोत्तम । धर्म्यमालम्ब्य पन्थानं विजयेयं कथं महीम् ॥

āpatsu ca yathā nītiḥ praṇetavyā dvijottama | dharmyamālambya panthānaṃ vijayeyaṃ kathaṃ mahīm

I wish to know how policy is to be framed in times of distress, O best of the twice-born, and how, resting on the path of dharma, I may win the earth.

Verse 3 (12.36.3)

प्रायश्चित्तकथा ह्येषा भक्ष्याभक्ष्यसमन्विता । कौतूहलानुप्रवणा हर्षं जनयतीव मे ॥

prāyaścittakathā hyeṣā bhakṣyābhakṣyasamanvitā | kautūhalānupravaṇā harṣaṃ janayatīva me

This account of atonements, full of what may and may not be eaten, draws me on by its interest and gives me a kind of delight.

Verse 4 (12.36.4)

धर्मचर्या च राज्यं च नित्यमेव विरुध्यते । एवं मुह्यति मे चेतश्चिन्तयानस्य नित्यशः ॥

dharmacaryā ca rājyaṃ ca nityameva virudhyate | evaṃ muhyati me cetaścintayānasya nityaśaḥ

Yet the practice of dharma and the holding of a kingdom are always at odds, and so my mind is bewildered as I ponder it day after day.

Note on the text: Wikisource's एवं मुह्यति for the CE's yena muhyati (recension variant, kept).

Verse 5 (12.36.5)

तमुवाच महाराज व्यासो वेदविदां वरः । नारदं समभिप्रेक्ष्य सर्वं जानन्पुरातनम् ॥

tamuvāca mahārāja vyāso vedavidāṃ varaḥ | nāradaṃ samabhiprekṣya sarvaṃ jānanpurātanam

Then, O great king, Vyasa, best of the Veda-knowers, glancing at Narada, for he knew all that was ancient, spoke to him.

Verse 6 (12.36.6)

श्रोतुमिच्छसि चेद्धर्मं निखिलेन नराधिप । प्रेहि भीष्मं महाबाहो वृद्धं कुरुपितामहम् ॥

śrotumicchasi ceddharmaṃ nikhilena narādhipa | prehi bhīṣmaṃ mahābāho vṛddhaṃ kurupitāmaham

If you wish to hear dharma in full, O ruler of men, go to Bhishma, O mighty-armed, the aged grandsire of the Kurus.

Note on the text: Verses 6–16 are Vyasa's direct speech; the page heads only the narration (verse 5) as Vaishampayana's, so the speaker is set to Vyasa from here. Wikisource's नराधिप stands for the CE's yudhiṣṭhira and धर्मं for dharmān (variants, kept).

Verse 7 (12.36.7)

स ते धर्मरहस्येषु संशयान्मनसि स्थितान् । छेत्ता भागीरथीपुत्रः सर्वज्ञः सर्वधर्मवित् ॥

sa te dharmarahasyeṣu saṃśayānmanasi sthitān | chettā bhāgīrathīputraḥ sarvajñaḥ sarvadharmavit

He, the son of Bhagirathi, all-knowing and a knower of every dharma, will cut away the doubts that stand in your mind about the secrets of dharma.

Verse 8 (12.36.8)

जनयामास यं देवी दिव्या त्रिपथगा नदी । साक्षाद्ददर्श यो देवान्सर्वानिन्द्रपुरोगमान् ॥

janayāmāsa yaṃ devī divyā tripathagā nadī | sākṣāddadarśa yo devānsarvānindrapurogamān

He whom the divine goddess, the heavenly river that flows in three courses, bore; who saw with his own eyes all the gods led by Indra;

Verse 9 (12.36.9)

बृहस्पतिपुरोगांस्तु देवर्षीनसकृत्प्रभुः । तोषयित्वोपचारेण राजनीतिमधीतवान् ॥

bṛhaspatipurogāṃstu devarṣīnasakṛtprabhuḥ | toṣayitvopacāreṇa rājanītimadhītavān

who, the lord, pleased the divine sages led by Brihaspati again and again by his service, and so learned the science of kingship;

Verse 10 (12.36.10)

उशना वेद यच्छास्त्रं देवासुरगुरुर्द्विजः । स च धर्मं सवैयाख्यं प्राप्तवान्कुरुसत्तमः ॥

uśanā veda yacchāstraṃ devāsuragururdvijaḥ | sa ca dharmaṃ savaiyākhyaṃ prāptavānkurusattamaḥ

and the science that Ushanas, the twice-born teacher of gods and demons, knew, that best of the Kurus obtained, with dharma and its exposition.

Note on the text: Wikisource's स च धर्मं सवैयाख्यं stands for the CE's tac ca sarvaṃ savaiyākhyaṃ (recension variant, kept).

Verse 11 (12.36.11)

भार्गवाच्च्यवनाच्चापि वेदानङ्गोपबृंहितान् । प्रतिपेदे महाबुद्धिर्वसिष्ठाच्चरितव्रतः ॥

bhārgavāccyavanāccāpi vedānaṅgopabṛṃhitān | pratipede mahābuddhirvasiṣṭhāccaritavrataḥ

From Chyavana of the line of Bhrigu he received the Vedas with their limbs and supplements, and from Vasishtha too, wise and firm in his vows.

Note on the text: Wikisource's वसिष्ठाच्चरितव्रतः (the nominative 'of observed vows' refers to Bhishma) stands for the CE's vasiṣṭhāc ca yatavratāt (recension variant, kept).

Verse 12 (12.36.12)

पितामहसुतं ज्येष्ठं कुमारं दीप्ततेजसम् । अध्यात्मगतितत्त्वज्ञमुपाशिक्षत यः पुरा ॥

pitāmahasutaṃ jyeṣṭhaṃ kumāraṃ dīptatejasam | adhyātmagatitattvajñamupāśikṣata yaḥ purā

He who long ago studied under the eldest son of the Grandfather, the blazing Kumara, who knows the truth of the path of the Self;

Verse 13 (12.36.13)

मार्कण्डेयमुखात्कृत्स्नं यतिधर्ममवाप्तवान् । रामादस्त्राणि शक्राच्च प्राप्तवान्पुरुषर्षभः ॥

mārkaṇḍeyamukhātkṛtsnaṃ yatidharmamavāptavān | rāmādastrāṇi śakrācca prāptavānpuruṣarṣabhaḥ

who from the mouth of Markandeya learned the whole dharma of the ascetic, and from Rama and from Shakra obtained weapons, that bull among men.

Note on the text: Corrected पुरुपर्षभः → पुरुषर्षभः (misprint in Wikisource; ष dropped; पुरुषर्षभ, 'bull among men'). Wikisource's रामादस्त्राणि ... प्राप्तवान्पुरुपर्षभः ends as the CE's ... prāptavān bharatarṣabha does, with a different vocative (variant, kept).

Verse 14 (12.36.14)

मृत्युरात्मेच्छया यस्य जातस्य मनुजेष्वपि । तथाऽनपत्यस्य सतः पुण्यलोकादिविश्रुताः ॥

mṛtyurātmecchayā yasya jātasya manujeṣvapi | tathā'napatyasya sataḥ puṇyalokādiviśrutāḥ

He on whom death comes only by his own wish, though he was born among men; and for him, though childless, the holy worlds are renowned.

Verse 15 (12.36.15)

यस्य ब्रह्मर्षयः पुण्या नित्यमासन्सभासदः । यस्य नाविदितं किंचिज्ज्ञानं ज्ञेयेषु दृश्यते ॥

yasya brahmarṣayaḥ puṇyā nityamāsansabhāsadaḥ | yasya nāviditaṃ kiṃcijjñānaṃ jñeyeṣu dṛśyate

in whose assembly holy brahmin sages were always seated; and for whom nothing among things to be known, in all knowledge, is seen to be unknown.

Note on the text: Corrected नित्यमासन्स भसादः → नित्यमासन्सभासदः (misprint in Wikisource; broken word division and a dropped ā; CE sabhāsadaḥ).

Verse 16 (12.36.16)

स ते वक्ष्यति धर्मज्ञः सूक्ष्मधर्मार्थतत्त्ववित् । तमभ्येहि पुरा प्राणान्स विमुञ्चति धर्मवित् ॥

sa te vakṣyati dharmajñaḥ sūkṣmadharmārthatattvavit | tamabhyehi purā prāṇānsa vimuñcati dharmavit

That knower of dharma, subtle in the truth of dharma and its aims, will tell you. Go to him before he lets go of his life, for he knows dharma.

Verse 17 (12.36.17)

एवमुक्तस्तु कौन्तेयो दीर्घप्रज्ञो महामतिः । उवाच वदतां श्रेष्ठं व्यासं सत्यवतीसुतम् ॥

evamuktastu kaunteyo dīrghaprajño mahāmatiḥ | uvāca vadatāṃ śreṣṭhaṃ vyāsaṃ satyavatīsutam

Thus addressed, Kunti's son, deep in insight and great in mind, spoke to Vyasa, son of Satyavati, best of speakers.

Verse 18 (12.36.18)

वैशसं सुमहत्कृत्वा ज्ञातीनां रोमहर्षणम् । आगस्कृत्सर्वलोकस्य पृथिवीनाशकारकः ॥

vaiśasaṃ sumahatkṛtvā jñātīnāṃ romaharṣaṇam | āgaskṛtsarvalokasya pṛthivīnāśakārakaḥ

Having wrought a terrible slaughter of my kinsmen, one that makes the hair stand on end, an offender against the whole world, a destroyer of the earth,

Verse 19 (12.36.19)

घातयित्वा तमेवाजौ छलेनाजिह्नयोधिनम् । उपसंप्रष्टुमर्हामि तमहं केन हेतुना ॥

ghātayitvā tamevājau chalenājihnayodhinam | upasaṃpraṣṭumarhāmi tamahaṃ kena hetunā

and having had that very man killed in battle by a stratagem, a man who fought without guile: for what reason can I presume to go and question him?

Verse 20 (12.36.20)

ततस्तं नृपतिश्रेष्ठं चातुर्वर्ण्यहितेप्सया । पुनरेव महाबाहुर्यदुश्रेष्ठोऽब्रवीद्वचः ॥

tatastaṃ nṛpatiśreṣṭhaṃ cāturvarṇyahitepsayā | punareva mahābāhuryaduśreṣṭho'bravīdvacaḥ

Then the mighty-armed best of the Yadus, desiring the good of the four orders, spoke again to that best of kings.

Verse 21 (12.36.21)

नेदानीमतिनिर्बन्धं शोके त्वं कर्तुमर्हसि । यदाह भगवान्व्यासस्तत्कुरुष्व नृपोत्तम ॥

nedānīmatinirbandhaṃ śoke tvaṃ kartumarhasi | yadāha bhagavānvyāsastatkuruṣva nṛpottama

You should not cling so hard to grief now. Do what the blessed Vyasa says, O best of kings.

Verse 22 (12.36.22)

ब्राह्मणास्त्वां महाबाहो भ्रातरश्च महौजसः । पर्जन्यमिव घर्मान्ते नाथमाना उपासते ॥

brāhmaṇāstvāṃ mahābāho bhrātaraśca mahaujasaḥ | parjanyamiva gharmānte nāthamānā upāsate

Brahmins and your mighty brothers wait upon you, O mighty-armed, imploring you as men wait upon the rain-cloud at the end of the heat.

Verse 23 (12.36.23)

हतशिष्टाश्च राजानः कृत्स्नं चैव समागतम् । चातुर्वर्ण्यं महाराज राष्ट्रं ते कुरुजाङ्गलम् ॥

hataśiṣṭāśca rājānaḥ kṛtsnaṃ caiva samāgatam | cāturvarṇyaṃ mahārāja rāṣṭraṃ te kurujāṅgalam

The kings who survived the slaughter, the whole four-fold people gathered here, O great king, and your realm of Kuru-Jangala —

Verse 24 (12.36.24)

प्रियार्थमपि चैतेषां ब्राह्मणानां महात्मनाम् । नियोगादस्य च गुरोर्व्यासस्यामिततेजसः ॥

priyārthamapi caiteṣāṃ brāhmaṇānāṃ mahātmanām | niyogādasya ca gurorvyāsasyāmitatejasaḥ

for the sake of pleasing these great brahmins, and at the command of your teacher Vyasa of boundless splendour,

Verse 25 (12.36.25)

सुहृदामस्मदादीनां द्रौपद्यांश्च परंतप । कुरु प्रियममित्रघ्न लोकस्य च हितं कुरु ॥

suhṛdāmasmadādīnāṃ draupadyāṃśca paraṃtapa | kuru priyamamitraghna lokasya ca hitaṃ kuru

for the sake of friends such as ourselves and of Draupadi, O scorcher of foes, do what is pleasing, destroyer of enemies, and do what is good for the world.

Verse 26 (12.36.26)

एवमुक्तः स कृष्णेन राजा राजीवलोचनः । हितार्थं सर्वलोकस्य समुत्तस्थौ महामनाः ॥

evamuktaḥ sa kṛṣṇena rājā rājīvalocanaḥ | hitārthaṃ sarvalokasya samuttasthau mahāmanāḥ

Addressed thus by Krishna, the lotus-eyed, great-minded king rose up for the good of all the world.

Verse 27 (12.36.27)

सोऽनुनीतो नरव्याघ्र विष्टरश्रवसा स्वयम् । द्वैपायनेन च तथा देवस्थानेन जिष्णुना ॥

so'nunīto naravyāghra viṣṭaraśravasā svayam | dvaipāyanena ca tathā devasthānena jiṣṇunā

O tiger among men, he was himself comforted by Vishtarashravas, and by Dvaipayana, and by Devasthana and Arjuna,

Verse 28 (12.36.28)

एतैश्चान्यैश्च बहुभिरनुनीतो युधिष्ठिरः । व्यजहान्मानसं दुःखं संतापं च महायशाः ॥

etaiścānyaiśca bahubhiranunīto yudhiṣṭhiraḥ | vyajahānmānasaṃ duḥkhaṃ saṃtāpaṃ ca mahāyaśāḥ

and, comforted by these and many others, the greatly renowned Yudhishthira put away the sorrow of his mind and his anguish.

Verse 29 (12.36.29)

श्रुतवाक्यः श्रुतनिधिः श्रुतश्राव्यविशारदः । व्यवस्य मनसा शान्तिमगच्छत्पाण्डुनन्दनः ॥

śrutavākyaḥ śrutanidhiḥ śrutaśrāvyaviśāradaḥ | vyavasya manasā śāntimagacchatpāṇḍunandanaḥ

Learned in what is heard, a treasury of learning, skilled in what is to be heard, the son of Pandu resolved in his mind and found peace.

Verse 30 (12.36.30)

स तैः परिवृतो राजा नक्षत्रैरिव चन्द्रमाः । धृतराष्ट्रं पुरस्कृत्य स्वपुरं प्रविवेश ह ॥

sa taiḥ parivṛto rājā nakṣatrairiva candramāḥ | dhṛtarāṣṭraṃ puraskṛtya svapuraṃ praviveśa ha

Surrounded by them as the moon by the stars, the king placed Dhritarashtra before him and entered his own city.

Verse 31 (12.36.31)

प्रविविक्षुः स धर्मज्ञः कुन्तीपुत्रो युधिष्ठिरः । अर्चयामास देवांश्च ब्राह्मणांश्च सहस्रशः ॥

pravivikṣuḥ sa dharmajñaḥ kuntīputro yudhiṣṭhiraḥ | arcayāmāsa devāṃśca brāhmaṇāṃśca sahasraśaḥ

About to enter, Kunti's son Yudhishthira, who knew dharma, worshipped the gods and brahmins by the thousand.

Verse 32 (12.36.32)

ततो नवं रथं शुभ्रं कम्बलाजिनसंवृतम् । युक्तं षोडशभिस्त्वश्वैः पाण्डुरैः शुभलक्षणैः ॥

tato navaṃ rathaṃ śubhraṃ kambalājinasaṃvṛtam | yuktaṃ ṣoḍaśabhistvaśvaiḥ pāṇḍuraiḥ śubhalakṣaṇaiḥ

Then a new and shining chariot, covered with blankets and antelope skins and yoked to sixteen pale horses of fine marks,

Note on the text: Corrected त्वश्चैः → त्वश्वैः (misprint in Wikisource; च for व; the word is अश्वैः, 'horses'). Corrected पाण्‍डुरैः → पाण्डुरैः (misprint in Wikisource; removed a stray zero-width joiner inside the word). Wikisource's sixteen horses (अश्वैः) stand where the CE has sixteen oxen (gobhiḥ); recension variant, kept.

Verse 33 (12.36.33)

मन्त्रैरभ्यर्चितं पुण्यैः स्तूयमानश्च बन्दिभिः । आरुरोह यथा देवः सोमोऽमृतमयं रथम् ॥

mantrairabhyarcitaṃ puṇyaiḥ stūyamānaśca bandibhiḥ | āruroha yathā devaḥ somo'mṛtamayaṃ ratham

worshipped with holy mantras; and, praised by bards, he mounted it as the god Soma mounts his chariot made of nectar.

Note on the text: Corrected पण्यैः → पुण्यैः (misprint in Wikisource; पण्य (merchandise) makes no sense with मन्त्रैः; CE puṇyaiḥ). Corrected सोमोऽम्रतमयं → सोमोऽमृतमयं (misprint in Wikisource; ऋ for म्र; CE amṛtamayaṃ, and the page's commentary glosses अमृतमयम्). Corrected यथम् → रथम् (misprint in Wikisource; य for र; CE ratham). Wikisource's बन्दिभिः stands for the CE's maharṣibhiḥ, and the accusative मन्त्रैरभ्यर्चितं qualifies the chariot of verse 32 (recension variant, kept).

Verse 34 (12.36.34)

जग्राह रश्मीन्कौन्तेयो भीमो भीमपराक्रमः । अर्जुनः पाण्डुरं छत्रं धारयामास भानुमत् ॥

jagrāha raśmīnkaunteyo bhīmo bhīmaparākramaḥ | arjunaḥ pāṇḍuraṃ chatraṃ dhārayāmāsa bhānumat

Bhima, Kunti's son of fearful prowess, took the reins, and Arjuna held up the shining white parasol.

Verse 35 (12.36.35)

ध्रियमाणं च तच्छत्रं पाण्डुरं राजमूर्धनि । शुशुभे तारकाराजः सिताभ्र इव चाम्बरे ॥

dhriyamāṇaṃ ca tacchatraṃ pāṇḍuraṃ rājamūrdhani | śuśubhe tārakārājaḥ sitābhra iva cāmbare

Held above the king's head, that white parasol shone like the moon, lord of the stars, or like a white cloud in the sky.

Verse 36 (12.36.36)

चामरव्यजने त्वस्य वीरौ जगृहतुस्तदा । चन्द्ररश्मिप्रभे शुभ्रे माद्रीपुत्रावलंकृते ॥

cāmaravyajane tvasya vīrau jagṛhatustadā | candraraśmiprabhe śubhre mādrīputrāvalaṃkṛte

Then the two heroic sons of Madri, adorned, took up the two bright whisks, shining like moonbeams.

Note on the text: Corrected चन्द्ररश्मिप्रये → चन्द्ररश्मिप्रभे (misprint in Wikisource; प्रये is not a form; CE candraraśmiprabhe).

Verse 37 (12.36.37)

ते पञ्च रथमास्थाय भ्रातरः समलंकृताः । भूतानीव समस्तानि राजन्ददृशिरे तदा ॥

te pañca rathamāsthāya bhrātaraḥ samalaṃkṛtāḥ | bhūtānīva samastāni rājandadṛśire tadā

Those five brothers, adorned and riding in the one chariot, appeared then, O king, like all the elements together.

Verse 38 (12.36.38)

आस्थाय तु रथं शुभ्रं युक्तमश्वैर्मनोजवैः । अन्वयात्पृष्ठतो राजन्युयुत्सुः पाण्डवाग्रजम् ॥

āsthāya tu rathaṃ śubhraṃ yuktamaśvairmanojavaiḥ | anvayātpṛṣṭhato rājanyuyutsuḥ pāṇḍavāgrajam

Mounted on a shining chariot yoked to swift horses, Yuyutsu followed behind, O king, the eldest of the Pandavas.

Verse 39 (12.36.39)

रथं हेममयं शुभ्रं शैव्यसुग्रीवयोजितम् । सह सात्यकिना कृष्णः समास्थायान्वयात्कुरून् ॥

rathaṃ hemamayaṃ śubhraṃ śaivyasugrīvayojitam | saha sātyakinā kṛṣṇaḥ samāsthāyānvayātkurūn

Krishna, with Satyaki, mounted a shining golden chariot yoked to Shaibya and Sugriva, and followed the Kurus.

Note on the text: Corrected याजितम् → योजितम् (misprint in Wikisource; ā for o; CE yojitam).

Verse 40 (12.36.40)

नरयानेन तु ज्येष्ठः पिता पार्थस्य भारत । अग्रतो धर्मराजस्य गान्धारीसहितो ययौ ॥

narayānena tu jyeṣṭhaḥ pitā pārthasya bhārata | agrato dharmarājasya gāndhārīsahito yayau

Partha's elder, his father Dhritarashtra, went in a litter carried by men, in front of Dharmaraja, with Gandhari.

Verse 41 (12.36.41)

कुरुस्त्रियश्च ताः सर्वाः कुन्ती कृष्णा च माधवी । यानैरुच्चावचैर्जग्मुर्विदुरेण पुरस्कृताः ॥

kurustriyaśca tāḥ sarvāḥ kuntī kṛṣṇā ca mādhavī | yānairuccāvacairjagmurvidureṇa puraskṛtāḥ

And all the Kuru women, Kunti, Krishna (Draupadi) and Madhavi, went in vehicles of every sort, led by Vidura.

Note on the text: Wikisource's माधवी stands for the CE's draupadī (kuntī kṛṣṇā ca draupadī); recension variant, kept.

Verse 42 (12.36.42)

ततो रथाश्च बहुला नागाश्वसमलंकृताः । पादाताश्च हयाश्चैव पृष्ठतः समनुव्रजन् ॥

tato rathāśca bahulā nāgāśvasamalaṃkṛtāḥ | pādātāśca hayāścaiva pṛṣṭhataḥ samanuvrajan

Then many chariots, richly adorned with elephants and horses, and foot soldiers and horses too, followed behind.

Verse 43 (12.36.43)

ततो वैतालिकैः सूतैर्मागधैश्च सुभाषितैः । स्तूयमानो ययौ राजा नगरं नागसाह्वयम् ॥

tato vaitālikaiḥ sūtairmāgadhaiśca subhāṣitaiḥ | stūyamāno yayau rājā nagaraṃ nāgasāhvayam

Then, praised in fine words by minstrels, bards and Magadhas, the king went to the city called Nagasahvaya (Hastinapura).

Verse 44 (12.36.44)

तत्प्रयाणं महाबाहोर्बभूवाप्रतिमं भुवि । आकुलाकुलमुत्क्रुष्टं हृष्टपुष्टजनाकुलम् ॥

tatprayāṇaṃ mahābāhorbabhūvāpratimaṃ bhuvi | ākulākulamutkruṣṭaṃ hṛṣṭapuṣṭajanākulam

That progress of the mighty-armed king was without equal on earth: tumultuous, loud with cries, and thronged with joyful, well-fed people.

Note on the text: Corrected माहबाहोर् → महाबाहोर् (misprint in Wikisource; माह for महा; CE mahābāhoḥ). Wikisource's उत्क्रुष्टं stands for the CE's utsṛṣṭaṃ (variant, kept).

Verse 45 (12.36.45)

अभियाने तु पार्थस्य नरैर्नगरवासिभिः । नगरं राजमार्गाश्च यथावत्समलंकृताः ॥

abhiyāne tu pārthasya narairnagaravāsibhiḥ | nagaraṃ rājamārgāśca yathāvatsamalaṃkṛtāḥ

At Partha's approach the people of the city had duly adorned the city and the royal roads.

Verse 46 (12.36.46)

पाण्डुरेण च माल्येन पताकाभिश्च मेदिनी । संस्कृतो राजमार्गोऽभूद्धूपनैश्च प्रधूपितः ॥

pāṇḍureṇa ca mālyena patākābhiśca medinī | saṃskṛto rājamārgo'bhūddhūpanaiśca pradhūpitaḥ

The ground was strewn with white garlands and banners, and the royal road was made ready and thoroughly scented with incense.

Verse 47 (12.36.47)

अथ चूर्णैश्च गन्धानां नानापुष्पप्रियङ्गुभिः । माल्यदामभिरासक्तै राजवेश्माभिसंवृतम् ॥

atha cūrṇaiśca gandhānāṃ nānāpuṣpapriyaṅgubhiḥ | mālyadāmabhirāsaktai rājaveśmābhisaṃvṛtam

The royal palace was covered all round with perfume powders, many kinds of flowers and priyangu, and with hanging strings of garlands.

Verse 48 (12.36.48)

कुम्भाश्च नगरद्वारि वारिपूर्णा नवा दृढाः । सिताः सुमनसो गौराः स्थापितास्तत्र तत्र ह ॥

kumbhāśca nagaradvāri vāripūrṇā navā dṛḍhāḥ | sitāḥ sumanaso gaurāḥ sthāpitāstatra tatra ha

At the city gate stood new, sturdy jars filled with water, and white flowers and fair-hued blossoms were set here and there.

Note on the text: Wikisource's सिताः सुमनसो गौराः stands for the CE's kanyāḥ sumanasaś chāgāḥ (variant, kept).

Verse 49 (12.36.49)

तथा स्वलंकृतं द्वारं नगरं पाण्डुनन्दनः । स्तूयमानः शुभैर्वाक्यैः प्रविवेश सुहृद्वृतः ॥

tathā svalaṃkṛtaṃ dvāraṃ nagaraṃ pāṇḍunandanaḥ | stūyamānaḥ śubhairvākyaiḥ praviveśa suhṛdvṛtaḥ

So, through the splendidly decorated gate, the son of Pandu, praised in auspicious words and surrounded by friends, entered the city.