Bhurishravas and Shakuni on the Field

Verse 1 (11.24.1)

सोमदत्तसुतं पश्य युयुधानेन पातितम् । वितुद्यमानं विहगैर्बहुभिर्माधवान्तिके ॥

somadattasutaṃ paśya yuyudhānena pātitam | vitudyamānaṃ vihagairbahubhirmādhavāntike

Look at Somadatta's son, slain by Yuyudhana, being torn at by many birds, close to you, Madhava.

Verse 2 (11.24.2)

पुत्रशोकाभिसन्तप्तः सोमदत्तो जनार्दन । युयुधानं महेष्वासं गर्हयन्निव दृश्यते ॥

putraśokābhisantaptaḥ somadatto janārdana | yuyudhānaṃ maheṣvāsaṃ garhayanniva dṛśyate

Somadatta, scorched with grief for his son, Janardana, is seen as if reproaching the mighty archer Yuyudhana.

Note on the text: Corrected शोमदत्तो → सोमदत्तो (misprint in Wikisource; श for स; CE somadatto).

Verse 3 (11.24.3)

असौ हि भूरिश्रवसो माता शोकपरिप्लुता । आश्वासयति भर्तारं सोमदत्तमनिन्दिता ॥

asau hi bhūriśravaso mātā śokapariplutā | āśvāsayati bhartāraṃ somadattamaninditā

And there is Bhurishravas's mother, drowned in grief, the blameless woman, comforting her husband Somadatta.

Note on the text: Corrected भूरिश्वसो → भूरिश्रवसो (misprint in Wikisource; व for र in the conjunct; CE bhūriśravaso).

Verse 4 (11.24.4)

दिष्ट्या नैनं महाराज दारुणं भरतक्षयम् । कुरुसङ्क्रन्दनं घोरं युगान्तमनुपश्यसि ॥

diṣṭyā nainaṃ mahārāja dāruṇaṃ bharatakṣayam | kurusaṅkrandanaṃ ghoraṃ yugāntamanupaśyasi

It is by good fortune, great king, that you do not see this dreadful ruin of the Bharatas, this terrible wailing of the Kurus, this horror like the end of an age.

Verse 5 (11.24.5)

दिष्ट्या यूपध्वजं पुत्रं वीरं भूरिसहस्रदम् । अनेकक्रतुयज्वानं निहतं नानुपश्यसि ॥

diṣṭyā yūpadhvajaṃ putraṃ vīraṃ bhūrisahasradam | anekakratuyajvānaṃ nihataṃ nānupaśyasi

It is by good fortune that you do not see your son, the hero Yupadhvaja, giver of many thousands, performer of many sacrifices, lying slain.

Verse 6 (11.24.6)

दिष्ट्या स्नुषाणामाक्रन्दे घोरं विलपितं बहु । न शृणोषि महाराज सारसीनामिवार्णवे ॥

diṣṭyā snuṣāṇāmākrande ghoraṃ vilapitaṃ bahu | na śṛṇoṣi mahārāja sārasīnāmivārṇave

It is by good fortune, great king, that you do not hear the many dreadful laments of your daughters-in-law, like the cries of female cranes over the sea.

Verse 7 (11.24.7)

एकवस्त्रास्तु पञ्चैताः प्रकीर्णासितमूर्धजाः । स्नुषास्ते परिधावन्ति हतापत्या हतेश्वराः ॥

ekavastrāstu pañcaitāḥ prakīrṇāsitamūrdhajāḥ | snuṣāste paridhāvanti hatāpatyā hateśvarāḥ

These five daughters-in-law of yours, each in a single garment, their dark hair loose, run about, bereft of children and of their lords.

Verse 8 (11.24.8)

श्वापदैर्भक्ष्यमाणं त्वमहो दिष्ट्या न पश्यसि । छिन्नबाहुं नरव्याघ्रमर्जुनेन निपातितम् ॥

śvāpadairbhakṣyamāṇaṃ tvamaho diṣṭyā na paśyasi | chinnabāhuṃ naravyāghramarjunena nipātitam

By good fortune you do not see him being eaten by beasts, the tiger among men, his arm cut off, felled by Arjuna.

Verse 9 (11.24.9)

शलं विनिहतं सङ्ख्ये भूरिश्रवसमेव च । स्नुषाश्च विविधाः सर्वा दिष्ट्या नाद्येह पश्यसि ॥

śalaṃ vinihataṃ saṅkhye bhūriśravasameva ca | snuṣāśca vividhāḥ sarvā diṣṭyā nādyeha paśyasi

By good fortune you do not see Shala slain in battle, and Bhurishravas as well, or all your daughters-in-law here today in their several plights.

Verse 10 (11.24.10)

दिष्ट्या तत्काञ्चनं छत्रं यूपकेतोर्महात्मनः । विनिकीर्णं रथोपस्थे सौमदत्तेर्न पश्यसि ॥

diṣṭyā tatkāñcanaṃ chatraṃ yūpaketormahātmanaḥ | vinikīrṇaṃ rathopasthe saumadatterna paśyasi

By good fortune you do not see the golden parasol of the great-souled Yupaketu scattered on the chariot-seat of Somadatta's son.

Note on the text: Corrected विनीकीर्णं → विनिकीर्णं (misprint in Wikisource; long ī for short i in the prefix नि; CE vinikīrṇaṃ).

Verse 11 (11.24.11)

अमूस्तु भूरिश्रवसो भार्याः सात्यकिना हतम् । परिवार्यानुशोचन्ति भर्तारमसितेक्षणाः ॥

amūstu bhūriśravaso bhāryāḥ sātyakinā hatam | parivāryānuśocanti bhartāramasitekṣaṇāḥ

And these dark-eyed wives of Bhurishravas surround their husband, slain by Satyaki, and mourn him.

Verse 12 (11.24.12)

एता विलप्य करुणं भर्तृशोकेन कर्शिताः । पतन्त्यभिमुखा भूमौ कृपणं बत केशव ॥

etā vilapya karuṇaṃ bhartṛśokena karśitāḥ | patantyabhimukhā bhūmau kṛpaṇaṃ bata keśava

Having lamented piteously, wasted with grief for their husband, they fall to the ground facing him, wretchedly, alas, Keshava.

Verse 13 (11.24.13)

बीभत्सुरतिबीभत्सं कर्मेदमकरोत्कथम् । प्रमत्तस्य यदच्छैत्सीद्बाहुं शूरस्य यज्वनः ॥

bībhatsuratibībhatsaṃ karmedamakarotkatham | pramattasya yadacchaitsīdbāhuṃ śūrasya yajvanaḥ

How could Bibhatsu do this most loathsome deed, that he cut off the arm of that hero and sacrificer while he was off his guard?

Verse 14 (11.24.14)

ततः पापतरं कर्म कृतवानपि सात्यकिः । यस्मात्प्रायोपविष्टस्य प्राहार्षीत्संशितात्मनः ॥

tataḥ pāpataraṃ karma kṛtavānapi sātyakiḥ | yasmātprāyopaviṣṭasya prāhārṣītsaṃśitātmanaḥ

And Satyaki did a still worse deed, in that he struck a man of firm vows who was sitting fasting unto death.

Verse 15 (11.24.15)

एको द्वाभ्यां हतः शेते क्षत्रधर्मेण धार्मिकः । किन्नु वक्ष्यति वै सत्सु गोष्ठीषु च सभासु च ॥

eko dvābhyāṃ hataḥ śete kṣatradharmeṇa dhārmikaḥ | kinnu vakṣyati vai satsu goṣṭhīṣu ca sabhāsu ca

Though righteous by the Kshatriya law, he lies slain, one man by two. What indeed will he say among the good, in gatherings and in assemblies?

Note on the text: Line 1 is a variant of CE 11.24.15a (CE eko dvābhyāṃ hataḥ śeṣe tvam adharmeṇa dhārmikaḥ); the page's commentary gives the CE-like reading as the झ-manuscript variant. Line 2 is the CE star passage 11.24.15b*0060_01 (kiṃ nu vakṣyati vai satsu goṣṭhīṣu ca sabhāsu ca). The alignment found no match; the CE's unmatched verse 11.24.15 is split across this verse and the next.

Verse 16 (11.24.16)

अपुण्यमयशस्यं च कर्मेदं सात्यकिः स्वयम् । इति यूपध्वजस्यैताः स्त्रियः क्रोशन्ति माधव ॥

apuṇyamayaśasyaṃ ca karmedaṃ sātyakiḥ svayam | iti yūpadhvajasyaitāḥ striyaḥ krośanti mādhava

"This deed, unmeritorious and inglorious, was Satyaki's own," so cry out these women of Yupadhvaja, Madhava.

Note on the text: Line 1 is the CE star passage 11.24.15b*0060_02 (apuṇyam ayaśasyaṃ ca karmedaṃ sātyakiḥ svayam); line 2 is CE 11.24.15c (iti yūpadhvajasyaitāḥ striyaḥ krośanti mādhava). The alignment found no match; the CE's verse 11.24.15 is split across the preceding verse and this one.

Verse 17 (11.24.17)

भार्या यूपध्वजस्यैषा करसम्मितमध्यमा । कृत्वोत्सङ्गे भुजं भर्तुः कृपणं परिदेवति ॥

bhāryā yūpadhvajasyaiṣā karasammitamadhyamā | kṛtvotsaṅge bhujaṃ bhartuḥ kṛpaṇaṃ paridevati

This is the wife of Yupadhvaja, her waist small enough for a hand to span, who, laying her husband's arm in her lap, laments piteously.

Verse 18 (11.24.18)

अयं स हन्ता शूराणां मित्राणामभयप्रदः । प्रदाता गोसहस्राणां क्षत्रियान्तकरः करः ॥

ayaṃ sa hantā śūrāṇāṃ mitrāṇāmabhayapradaḥ | pradātā gosahasrāṇāṃ kṣatriyāntakaraḥ karaḥ

This is the hand that slew heroes, that gave fearlessness to friends, that gave away thousands of cows, that ended Kshatriyas.

Note on the text: Not in the critical edition's constituted text; the CE has it as the star passage 11.24.17d*0061_01-02 (ayaṃ sa hantā śatrūṇāṃ mitrāṇām abhayapradaḥ / pradātā gosahasrāṇāṃ kṣatriyāntakaraḥ karaḥ), with śatrūṇām for शूराणाम्, a recension variant, kept.

Verse 19 (11.24.19)

अयं स रशनोत्कर्षी पीनस्तनविमर्दनः । नाभ्यूरुजघनस्पर्शी नीवीविस्रंसनः करः ॥

ayaṃ sa raśanotkarṣī pīnastanavimardanaḥ | nābhyūrujaghanasparśī nīvīvisraṃsanaḥ karaḥ

This is the hand that tugged at the girdle, pressed the full breasts, touched the navel, thighs and hips, and loosened the knot of the garment.

Verse 20 (11.24.20)

वासुदेवस्य सान्निध्ये पार्थेनाक्लिष्टकर्मणा । युध्यतः समरेऽन्येन प्रमत्तस्य निपातितः ॥

vāsudevasya sānnidhye pārthenākliṣṭakarmaṇā | yudhyataḥ samare'nyena pramattasya nipātitaḥ

It was cut off by Partha of untiring deeds, in the presence of Vasudeva, while the king was fighting another and off his guard.

Verse 21 (11.24.21)

किन्नु वक्ष्यसि संसत्सु कथासु च जनार्दन । अर्जुनस्य महत्कर्म स्वयं वा स किरीटभृत् ॥

kinnu vakṣyasi saṃsatsu kathāsu ca janārdana | arjunasya mahatkarma svayaṃ vā sa kirīṭabhṛt

What will you say, Janardana, in assemblies and in tales about Arjuna's great deed, or will the diademed one himself tell it?

Verse 22 (11.24.22)

इत्येवं गर्हयित्वैषा तूष्णीमास्ते वराङ्गना । तामेतामनुशोचन्ति सपत्न्यः स्वामिव स्नुषाम् ॥

ityevaṃ garhayitvaiṣā tūṣṇīmāste varāṅganā | tāmetāmanuśocanti sapatnyaḥ svāmiva snuṣām

Having reproached them so, this lovely woman falls silent; her co-wives grieve for her as if she were their own daughter-in-law.

Verse 23 (11.24.23)

गान्धारराजः शकुनिर्बलवान्सत्यविक्रमः । निहतः सहदेवेन भागिनेयेन मातुलः ॥

gāndhārarājaḥ śakunirbalavānsatyavikramaḥ | nihataḥ sahadevena bhāgineyena mātulaḥ

Shakuni, king of Gandhara, strong and truly valiant, lies slain by Sahadeva, his sister's son, though he was Sahadeva's maternal uncle.

Note on the text: Corrected भागिनेमेन → भागिनेयेन (misprint in Wikisource; म for य; CE bhāgineyena).

Verse 24 (11.24.24)

यः पुरा हेमदण्डाभ्यां व्यजनाभ्यां स्म वीज्यते । स एष पक्षिभिः पक्षैः शयान उपवीज्यते ॥

yaḥ purā hemadaṇḍābhyāṃ vyajanābhyāṃ sma vījyate | sa eṣa pakṣibhiḥ pakṣaiḥ śayāna upavījyate

He who was once fanned with two golden-handled fans now lies fanned by the wings of birds.

Verse 25 (11.24.25)

यः स्वरूपाणि कुरुते शतशोऽथ सहस्रशः । तस्य मायाविनो माया दग्धाः पाण्डवतेजसा ॥

yaḥ svarūpāṇi kurute śataśo'tha sahasraśaḥ | tasya māyāvino māyā dagdhāḥ pāṇḍavatejasā

He who took on hundreds and thousands of forms, that master of illusions, has had his illusions burned by the might of the Pandavas.

Verse 26 (11.24.26)

मायया निकृतिप्रज्ञो जितवान्यो युधिष्ठिरम् । सभायां विपुलं राज्यं स जहौ जीवितं कथम् ॥

māyayā nikṛtiprajño jitavānyo yudhiṣṭhiram | sabhāyāṃ vipulaṃ rājyaṃ sa jahau jīvitaṃ katham

He who by trickery and cunning defeated Yudhishthira and won a vast kingdom in the assembly hall, how did he give up his life?

Note on the text: Line 2 ends स जहौ जीवितं कथम् against CE sa punar jīvitaṃ jitaḥ; the page's commentary records the CE-like reading as the झ-manuscript variant. Recension variant, kept.

Verse 27 (11.24.27)

शकुन्ताः शकुनिं कृष्ण समन्तात्पर्युपासते । कितवं मम पुत्राणां विनाशायोपशिक्षितम् ॥

śakuntāḥ śakuniṃ kṛṣṇa samantātparyupāsate | kitavaṃ mama putrāṇāṃ vināśāyopaśikṣitam

Birds gather all round Shakuni, Krishna, that gambler trained to bring my sons to ruin.

Verse 28 (11.24.28)

एतेनैतन्महद्वैरं प्रसक्तं पाण्डवैः सह । वधाय मम पुत्राणामात्मनः सगणस्य च ॥

etenaitanmahadvairaṃ prasaktaṃ pāṇḍavaiḥ saha | vadhāya mama putrāṇāmātmanaḥ sagaṇasya ca

Through him this great enmity with the Pandavas was fastened on, for the destruction of my sons and of himself with his whole company.

Verse 29 (11.24.29)

यथैव मम पुत्राणां लोकाः शस्त्रजिताः प्रभो । एवमस्यापि दुर्बुद्धेर्लोकाः शस्त्रेण वै जिताः ॥

yathaiva mama putrāṇāṃ lokāḥ śastrajitāḥ prabho | evamasyāpi durbuddherlokāḥ śastreṇa vai jitāḥ

Just as my sons' worlds were won by weapons, my lord, so too the worlds of this evil-minded man were won by the sword.

Verse 30 (11.24.30)

कथं च नायं तत्रापि पुत्रान्मे भ्रातृभिः सह । विरोधयेदृजुप्रज्ञाननृजुर्मधुसूदन ॥

kathaṃ ca nāyaṃ tatrāpi putrānme bhrātṛbhiḥ saha | virodhayedṛjuprajñānanṛjurmadhusūdana

And how, Madhusudana, will this crooked man not set my straightforward sons against their brothers even there?