The Slaying of Vritra and Indra's Disgrace

Verse 1 (5.10.1)

सर्वं व्याप्तमिदं देवा वृत्रेण जगदव्ययम् । न ह्यस्य सदृशं किञ्चित्प्रतिघाताय यद्भवेत् ॥

sarvaṃ vyāptamidaṃ devā vṛtreṇa jagadavyayam | na hyasya sadṛśaṃ kiñcitpratighātāya yadbhavet

O gods, this whole imperishable world is pervaded by Vritra. There is nothing equal to him that could serve to strike him down.

Verse 2 (5.10.2)

समर्थो ह्यभवं पूर्वमसमर्थोऽस्मि सांप्रतम् । कथं नु कार्यं भद्रं वो दुर्धर्षः स हि मे मतः ॥

samartho hyabhavaṃ pūrvamasamartho'smi sāṃpratam | kathaṃ nu kāryaṃ bhadraṃ vo durdharṣaḥ sa hi me mataḥ

Once I was able, but now I am powerless. What is to be done? Good fortune be with you; to my mind he is invincible.

Verse 3 (5.10.3)

तेजस्वी च महात्मा च युद्धे चामितविक्रमः । ग्रसेत्त्रिभुवनं सर्वं सदेवासुरमानुषम् ॥

tejasvī ca mahātmā ca yuddhe cāmitavikramaḥ | grasettribhuvanaṃ sarvaṃ sadevāsuramānuṣam

He is full of energy, great-souled, and of boundless prowess in battle. He could swallow all three worlds, with their gods, asuras and men.

Note on the text: Corrected ग्रसेत्रिभुवनं → ग्रसेत्त्रिभुवनं (misprint in Wikisource; a त dropped in the sandhi ग्रसेत् + त्रिभुवनम्; the critical edition reads graset tribhuvanaṃ).

Verse 4 (5.10.4)

तस्माद्विनिश्चयमिमं शृणुध्वं त्रिदिवौकसः । विष्णोः क्षयमुपागम्य समेत्य च महात्मना ॥

tasmādviniścayamimaṃ śṛṇudhvaṃ tridivaukasaḥ | viṣṇoḥ kṣayamupāgamya sametya ca mahātmanā

So hear this resolve of mine, dwellers in heaven: let us go to Vishnu's abode and meet with that great-souled one.

Note on the text: CE 5.10.4abcd (reading me divaukasaḥ for त्रिदिवौकसः).

Verse 5 (5.10.5)

तेन संमन्त्र्य वेत्स्यामो वधोपायं दुरात्मनः ॥

tena saṃmantrya vetsyāmo vadhopāyaṃ durātmanaḥ

Taking counsel with him, we shall learn the means of killing that evil one.

Note on the text: Wikisource verse 5 is split here: its first line (row 5-10-5a) ends Indra's speech (CE 5.10.4ef), and the heading शल्य उवाच is printed before its second and third lines.

Verse 6 (5.10.6)

एवमुक्ते मघवता देवाः सर्षिगणास्तदा । शरण्यं शरणं देवं जग्मुर्विष्णुं महाबलम् ॥

evamukte maghavatā devāḥ sarṣigaṇāstadā | śaraṇyaṃ śaraṇaṃ devaṃ jagmurviṣṇuṃ mahābalam

When Maghavan had spoken thus, the gods, together with the hosts of sages, went for refuge to Vishnu, the mighty god who shelters all.

Note on the text: Second and third lines of Wikisource verse 5, after the heading शल्य उवाच. Corrected शर्षिगणास्तदा → सर्षिगणास्तदा (misprint in Wikisource; श for स, "with the hosts of sages"; the critical edition reads sarṣigaṇās) and शरमं → शरणं (misprint in Wikisource; म for ण; the critical edition reads śaraṇaṃ).

Verse 7 (5.10.7)

ऊचुश्च सर्वे देवेशं विष्णुं वृत्रभयार्दिताः । त्रयो लोकास्त्वया क्रान्तास्त्रिभिर्विक्रमणैः पुरा ॥

ūcuśca sarve deveśaṃ viṣṇuṃ vṛtrabhayārditāḥ | trayo lokāstvayā krāntāstribhirvikramaṇaiḥ purā

Tormented by fear of Vritra, they all said to Vishnu, the lord of the gods: "Of old you strode across the three worlds in three steps."

Verse 8 (5.10.8)

अमृतं चाहृतं विष्णो दैत्याश्च निहता रणे । बलिं बद्ध्वा महादैत्यं शक्रो देवाधिपः कृतः ॥

amṛtaṃ cāhṛtaṃ viṣṇo daityāśca nihatā raṇe | baliṃ baddhvā mahādaityaṃ śakro devādhipaḥ kṛtaḥ

You brought away the nectar of immortality, Vishnu, and slew the Daityas in battle. You bound the great Daitya Bali and made Shakra sovereign of the gods.

Note on the text: Speaker set to the gods: verses 7–9 are wholly their appeal to Vishnu, announced in verse 6; Wikisource prints no heading and the input carried शल्य.

Verse 9 (5.10.9)

त्वं प्रभुः सर्वदेवानां त्वया सर्वमिदं ततम् । त्वं हि देवो महादेव सर्वलोकनमस्कृतः ॥

tvaṃ prabhuḥ sarvadevānāṃ tvayā sarvamidaṃ tatam | tvaṃ hi devo mahādeva sarvalokanamaskṛtaḥ

You are the lord of all the gods; by you all this is pervaded. You are God, O great god, honoured by all the worlds.

Verse 10 (5.10.10)

गतिर्भव त्वं देवानां सेन्द्राणाममरोत्तम । जगद्व्याप्तमिदं सर्वं वृत्रेणासुरसूदन ॥

gatirbhava tvaṃ devānāṃ sendrāṇāmamarottama | jagadvyāptamidaṃ sarvaṃ vṛtreṇāsurasūdana

Be the refuge of the gods and of Indra, O best of immortals. This whole world is overrun by Vritra, O slayer of asuras.

Verse 11 (5.10.11)

अवश्यं करणीयं मे भवतां हितमुत्तमम् । तस्मादुपायं वक्ष्यामि यथाऽसौ न भविष्यति ॥

avaśyaṃ karaṇīyaṃ me bhavatāṃ hitamuttamam | tasmādupāyaṃ vakṣyāmi yathā'sau na bhaviṣyati

I must certainly do what is best for you. So I shall tell you a way by which he will cease to be.

Note on the text: Separated नभविष्यति → न भविष्यति (word division).

Verse 12 (5.10.12)

गच्छध्वं सर्षिगन्धर्वा यत्रासौ विश्वरूपधृक् । साम तस्य प्रयुञ्जध्वं तत एनं विजेष्यथ ॥

gacchadhvaṃ sarṣigandharvā yatrāsau viśvarūpadhṛk | sāma tasya prayuñjadhvaṃ tata enaṃ vijeṣyatha

Go, with the sages and Gandharvas, to where that bearer of every form is, and use conciliation with him; then you will overcome him.

Verse 13 (5.10.13)

भविष्यति जयो देवाः शक्रस्य मम तेजसा । अदृश्यश्च प्रवेक्ष्यामि वज्रे ह्यस्यायुधोत्तमे ॥

bhaviṣyati jayo devāḥ śakrasya mama tejasā | adṛśyaśca pravekṣyāmi vajre hyasyāyudhottame

Victory will be Shakra's, O gods, through my power. Unseen, I shall enter his thunderbolt, that finest of weapons.

Verse 14 (5.10.14)

गच्छध्वमृषिभिः सार्धं गन्धर्वैश्च सुरोत्तमाः । वृत्रस्य सह शक्रेण सन्धिं कुरुत माचिरम् ॥

gacchadhvamṛṣibhiḥ sārdhaṃ gandharvaiśca surottamāḥ | vṛtrasya saha śakreṇa sandhiṃ kuruta māciram

Go, best of the gods, with the sages and the Gandharvas, and make peace between Vritra and Shakra without delay.

Verse 15 (5.10.15)

एवमुक्ते तु देवेन ऋषयस्त्रिदशास्तथा । ययुः समेत्य सहिताः शक्रं कृत्वा पुरःसरम् ॥

evamukte tu devena ṛṣayastridaśāstathā | yayuḥ sametya sahitāḥ śakraṃ kṛtvā puraḥsaram

When the god had spoken thus, the sages and the thirty gods went forth together in a body, with Shakra at their head.

Verse 16 (5.10.16)

समीपमेत्य च यदा सर्व एव महौजसः । तं तेजसा प्रज्वलितं प्रतपन्तं दिशो दश ॥

samīpametya ca yadā sarva eva mahaujasaḥ | taṃ tejasā prajvalitaṃ pratapantaṃ diśo daśa

When all those mighty ones drew near, they saw him blazing with energy, scorching the ten directions,

Verse 17 (5.10.17)

ग्रसन्तमिव लोकांस्त्रीन्सूर्याचन्द्रमसौ यथा । ददृशुस्ते ततो वृत्रं शक्रेण सह देवताः ॥

grasantamiva lokāṃstrīnsūryācandramasau yathā | dadṛśuste tato vṛtraṃ śakreṇa saha devatāḥ

as though swallowing the three worlds, like the sun and the moon. There the gods, together with Shakra, beheld Vritra.

Verse 18 (5.10.18)

ऋषयोऽथ ततोऽभ्येत्य वृत्रमूचुः प्रियं वचः । व्याप्तं जगदिदं सर्वं तेजसा तव दुर्जय ॥

ṛṣayo'tha tato'bhyetya vṛtramūcuḥ priyaṃ vacaḥ | vyāptaṃ jagadidaṃ sarvaṃ tejasā tava durjaya

Then the sages approached Vritra and spoke kindly to him: "This whole world is pervaded by your energy, invincible one."

Verse 19 (5.10.19)

न च शक्नोषि निर्जेतुं वासवं बलिनां वर । युध्यतोश्चापि वां कालो व्यतीतः सुमहानिह ॥

na ca śaknoṣi nirjetuṃ vāsavaṃ balināṃ vara | yudhyatoścāpi vāṃ kālo vyatītaḥ sumahāniha

Yet you cannot conquer Vasava, O best of the strong, and a very long time has passed here while the two of you have been fighting.

Note on the text: Corrected निर्जेषुं → निर्जेतुं (misprint in Wikisource; ष for त in the infinitive; the critical edition reads nirjetuṃ). Speaker set to the sages: verses 18–19 are wholly their words to Vritra, begun in verse 17; Wikisource prints no heading and the input carried शल्य.

Verse 20 (5.10.20)

पीड्यन्ते च प्रजाः सर्वाः सदेवासुरमानुषाः । सख्यं भवतु ते वृत्र शक्रेण सह नित्यदा ॥

pīḍyante ca prajāḥ sarvāḥ sadevāsuramānuṣāḥ | sakhyaṃ bhavatu te vṛtra śakreṇa saha nityadā

All creatures suffer, gods, asuras and men alike. Let there be friendship forever between you and Shakra, Vritra.

Note on the text: CE 5.10.19abcd.

Verse 21 (5.10.21)

अवाप्स्यसि सुखं त्वं च शक्रलोकांश्च शाश्वतान् । ऋषिवाक्यं निशम्याथ वृत्रः स तु महाबलः ॥

avāpsyasi sukhaṃ tvaṃ ca śakralokāṃśca śāśvatān | ṛṣivākyaṃ niśamyātha vṛtraḥ sa tu mahābalaḥ

"You will win happiness, and Shakra's everlasting worlds." Hearing the words of the sages, the mighty Vritra

Note on the text: Separated वृत्रःस → वृत्रः स (word division). The first line is CE 5.10.19ef and the second CE 5.10.20ab.

Verse 22 (5.10.22)

उवाच तानृषीन्सर्वान्प्रणम्य शिरसाऽसुरः । सर्वे यूयं महाभागा गन्धर्वाश्चैव सर्वशः ॥

uvāca tānṛṣīnsarvānpraṇamya śirasā'suraḥ | sarve yūyaṃ mahābhāgā gandharvāścaiva sarvaśaḥ

bowed his head to all the sages, and the asura said: "Fortunate ones, all of you, and all you Gandharvas as well,"

Note on the text: The first line is CE 5.10.20cd and the second CE 5.10.21ab.

Verse 23 (5.10.23)

यद्ब्रूथ तच्छ्रुतं सर्वं ममापि शृणुतानघाः । सन्धिः कथं वै भविता मम शक्रस्य चोभयोः । तेजसोर्हि द्वयोर्देवाः सख्यं वै भविता कथम् ॥

yadbrūtha tacchrutaṃ sarvaṃ mamāpi śṛṇutānaghāḥ | sandhiḥ kathaṃ vai bhavitā mama śakrasya cobhayoḥ | tejasorhi dvayordevāḥ sakhyaṃ vai bhavitā katham

I have heard all that you say; now hear me too, sinless ones. How can there be peace between Shakra and me? How, O gods, can there be friendship between two such mighty powers?

Note on the text: Corrected श्रृणुतानघाः → शृणुतानघाः (misprint in Wikisource; श्रृ for शृ; the critical edition reads śṛṇutānaghāḥ). Speaker set to Vritra: the verse is wholly his reply, begun in verse 21; Wikisource prints no heading and the input carried शल्य. The first line is CE 5.10.21cd and the rest CE 5.10.22.

Verse 24 (5.10.24)

सकृत्सतां सङ्गतमीप्सितव्यं । ततः परं भविता भव्यमेव । नातिक्रामेत्सत्पुरुषेण सङ्गतं । तस्मात्सतां संगतमीप्सितव्यम् ॥

sakṛtsatāṃ saṅgatamīpsitavyaṃ | tataḥ paraṃ bhavitā bhavyameva | nātikrāmetsatpuruṣeṇa saṅgataṃ | tasmātsatāṃ saṃgatamīpsitavyam

Friendship with the good is worth seeking even once; good will surely come of it afterwards. One should not betray a friendship made with a good man; therefore friendship with the good is worth seeking.

Verse 25 (5.10.25)

दृढं सतां सङ्गतं चापि नित्यं । ब्रूयाच्चार्थं ह्यर्थकृच्छ्रेषु धीरः । महार्थवत्सत्पुरुषेण सङ्गतं । तस्मात्सन्तं न जिघांसेत धीरः ॥

dṛḍhaṃ satāṃ saṅgataṃ cāpi nityaṃ | brūyāccārthaṃ hyarthakṛcchreṣu dhīraḥ | mahārthavatsatpuruṣeṇa saṅgataṃ | tasmātsantaṃ na jighāṃseta dhīraḥ

Friendship with the good is firm and lasting, and in times of trouble a steadfast man will counsel what is truly useful. Friendship with a good man is of great worth; therefore a wise man should not seek to kill a good man.

Note on the text: Corrected धीराः → धीरः (misprint in Wikisource; the plural cannot be the subject of the singular ब्रूयात्; the critical edition reads dhīraḥ, as does this verse's last line).

Verse 26 (5.10.26)

इन्द्रः सतां संमतश्च निवासश्च महात्मनाम् । सत्यवादी ह्यनिन्द्यश्च धर्मवित्सूक्ष्मनिश्चयः ॥

indraḥ satāṃ saṃmataśca nivāsaśca mahātmanām | satyavādī hyanindyaśca dharmavitsūkṣmaniścayaḥ

Indra is esteemed by the good and is the refuge of the great-souled. He speaks the truth, is blameless, knows dharma and judges its subtleties.

Verse 27 (5.10.27)

तेन ते सह शक्रेण सन्धिर्भवतु नित्यदा । एवं विश्वासमागच्छ मा ते भूद्बुद्धिरन्यथा ॥

tena te saha śakreṇa sandhirbhavatu nityadā | evaṃ viśvāsamāgaccha mā te bhūdbuddhiranyathā

Let there be lasting peace between you and Shakra. Put your trust in this, and let your mind not turn otherwise.

Verse 28 (5.10.28)

महर्षिवचनं श्रुत्वा तानुवाच महाद्युतिः । अवश्यं भगवन्तो मे माननीयास्तपस्विनः ॥

maharṣivacanaṃ śrutvā tānuvāca mahādyutiḥ | avaśyaṃ bhagavanto me mānanīyāstapasvinaḥ

Hearing the words of the great seers, the radiant Vritra said to them: "The blessed ascetics must certainly be honoured by me."

Verse 29 (5.10.29)

ब्रवीमि यदहं देवास्तत्सर्वं क्रियते यदि । ततः सर्वं करिष्यामि यदूचुर्मां दिवौकसः ॥

bravīmi yadahaṃ devāstatsarvaṃ kriyate yadi | tataḥ sarvaṃ kariṣyāmi yadūcurmāṃ divaukasaḥ

If all that I now say is done, O gods, then I shall do everything that the dwellers in heaven have asked of me.

Note on the text: Speaker set to Vritra: verses 28–30 are wholly his terms, begun in verse 27; Wikisource prints no heading and the input carried शल्य.

Verse 30 (5.10.30)

न शुष्केण न चार्द्रेण नाश्मना न च दारुणा । न शस्त्रेण न चास्त्रेण न दिवा न तथा निशि ॥

na śuṣkeṇa na cārdreṇa nāśmanā na ca dāruṇā | na śastreṇa na cāstreṇa na divā na tathā niśi

Neither with anything dry nor with anything wet, neither with stone nor with wood, neither with a weapon nor with a missile, neither by day nor by night

Note on the text: Corrected चाद्रेण → चार्द्रेण (misprint in Wikisource; a dropped र् in आर्द्र "wet"; the critical edition reads cārdreṇa). The critical edition reads na vajreṇa for न चास्त्रेण.

Verse 31 (5.10.31)

वध्यो भवेयं विप्रेन्द्राः शक्रस्य सह दैवतैः । एवं मे रोचते सन्धिः शक्रेण सह नित्यदा ॥

vadhyo bhaveyaṃ viprendrāḥ śakrasya saha daivataiḥ | evaṃ me rocate sandhiḥ śakreṇa saha nityadā

shall I be slain by Shakra and the gods, O best of brahmins. On these terms a lasting peace with Shakra is to my liking.

Verse 32 (5.10.32)

बाढमित्येव ऋषयस्तमूचुर्भरतर्षभ । एवं वृत्ते तु सन्धाने वृत्रः प्रमुदितोऽभवत् ॥

bāḍhamityeva ṛṣayastamūcurbharatarṣabha | evaṃ vṛtte tu sandhāne vṛtraḥ pramudito'bhavat

"So be it," the sages told him, O bull of the Bharatas. When the pact had been made in this way, Vritra was overjoyed.

Verse 33 (5.10.33)

ततः सन्धिं मिथः कृत्वा ऋषयो दीप्ततेजसः । शक्रस्य सह वृत्रेण पुनर्जग्मुर्यथागतम् ॥

tataḥ sandhiṃ mithaḥ kṛtvā ṛṣayo dīptatejasaḥ | śakrasya saha vṛtreṇa punarjagmuryathāgatam

Having made a pact of peace between Shakra and Vritra, the radiant sages went back the way they had come.

Note on the text: Removed the stray wiki marks (` and ') around this verse. Not in the critical edition (found in the vulgate recension); the critical edition records it in its apparatus as 5.10.31d*0085.

Verse 34 (5.10.34)

युक्तः सदाऽभवच्चापि शक्रो हर्षसमन्वितः । वृत्रस्य वधसंयुक्तानुपायानन्वचिन्तयत् ॥

yuktaḥ sadā'bhavaccāpi śakro harṣasamanvitaḥ | vṛtrasya vadhasaṃyuktānupāyānanvacintayat

Shakra, though outwardly glad, remained ever on his guard, and kept pondering ways to bring about Vritra's death.

Note on the text: CE 5.10.32abcd, a variant reading (yattaḥ for युक्तः, 'marṣasamanvitaḥ for हर्षसमन्वितः, anucintayan for अन्वचिन्तयत्).

Verse 35 (5.10.35)

अभिसन्धिर्महेन्द्रस्य सन्धिकर्मणि यः कृतः । ऋषिभिस्त्वीरितं यच्च महेन्द्रस्तदनुस्मरन् ॥

abhisandhirmahendrasya sandhikarmaṇi yaḥ kṛtaḥ | ṛṣibhistvīritaṃ yacca mahendrastadanusmaran

Mahendra kept in mind the hidden intent with which he had entered into the pact, and what the sages had said.

Note on the text: Removed the stray wiki marks (`, ' and a doubled ।।) around this verse. Not in the critical edition (found in the vulgate recension); the critical edition records it in its apparatus as 5.10.32f*0087.

Verse 36 (5.10.36)

छिद्रान्वेषी समुद्विग्नः सदा वसति देवराट् । स कदाचित्समुद्रान्ते समपश्यन्महासुरम् ॥

chidrānveṣī samudvignaḥ sadā vasati devarāṭ | sa kadācitsamudrānte samapaśyanmahāsuram

The king of the gods lived in constant anxiety, watching for a weak spot. Once, on the seashore, he caught sight of the great asura

Note on the text: Corrected कदाचिन्समुद्रान्ते → कदाचित्समुद्रान्ते (misprint in Wikisource; final त् does not become न् before स; the critical edition reads kadā cit samudrānte). The first line is a variant of CE 5.10.32ef and the second CE 5.10.33ab.

Verse 37 (5.10.37)

सन्ध्याकाल उपावृत्ते मुहूर्ते चातिदारुणे । ततः संचिन्त्य भगवान्वरदानं महात्मनः ॥

sandhyākāla upāvṛtte muhūrte cātidāruṇe | tataḥ saṃcintya bhagavānvaradānaṃ mahātmanaḥ

at the hour of twilight, a moment most dreadful. Then the blessed lord, thinking of the boon granted to that great being, reflected:

Note on the text: The first line is CE 5.10.33cd (reading ramyadāruṇe for चातिदारुणे) and the second CE 5.10.34ab.

Verse 38 (5.10.38)

सन्ध्येयं वर्तते रौद्रा न रात्रिर्दिवसं न च । वृत्रश्चावश्यवध्योऽयं मम सर्वहरो रिपुः ॥

sandhyeyaṃ vartate raudrā na rātrirdivasaṃ na ca | vṛtraścāvaśyavadhyo'yaṃ mama sarvaharo ripuḥ

"This is the dread twilight; it is neither night nor day. And this Vritra, my enemy who has robbed me of everything, must surely be killed.

Note on the text: CE 5.10.34cdef.

Verse 39 (5.10.39)

यदि वृत्रं न हन्म्यद्य वञ्चयित्वा महासुरम् । महाबलं महाकायं न मे श्रेयो भविष्यति ॥

yadi vṛtraṃ na hanmyadya vañcayitvā mahāsuram | mahābalaṃ mahākāyaṃ na me śreyo bhaviṣyati

If I do not kill Vritra today by outwitting that mighty, huge-bodied asura, no good will come to me."

Verse 40 (5.10.40)

एवं संचिन्तयन्नेव शक्रो विष्णुमनुस्मरन् । अथ फेनं तदाऽपश्यत् समुद्रे पर्वतोपमम् ॥

evaṃ saṃcintayanneva śakro viṣṇumanusmaran | atha phenaṃ tadā'paśyat samudre parvatopamam

As Shakra was pondering thus, keeping Vishnu in mind, he saw on the sea a mass of foam as large as a mountain.

Note on the text: Corrected पर्वतोपमप् → पर्वतोपमम् (misprint in Wikisource; प् for म्; the critical edition reads parvatopamam).

Verse 41 (5.10.41)

नायं शुष्को न चार्द्रोऽयं न च शस्त्रमिदं तथा । एनं क्षेप्स्यामि वृत्रस्य क्षणादेव नशिष्यति ॥

nāyaṃ śuṣko na cārdro'yaṃ na ca śastramidaṃ tathā | enaṃ kṣepsyāmi vṛtrasya kṣaṇādeva naśiṣyati

"This is neither dry nor wet, nor is it a weapon. I shall hurl it at Vritra, and he will perish in an instant."

Note on the text: Corrected युष्को → शुष्को (misprint in Wikisource; य for श, "dry") and चाद्रोऽयं → चार्द्रोऽयं (misprint in Wikisource; a dropped र् in आर्द्र "wet"); the critical edition reads śuṣko na cārdro 'yaṃ.

Verse 42 (5.10.42)

सवज्रमथ फेनं तं क्षिप्रं वृत्रे निसृष्टवान् । प्रविश्य फेनं तं विष्णुरथ वृत्रं व्यनाशयत् ॥

savajramatha phenaṃ taṃ kṣipraṃ vṛtre nisṛṣṭavān | praviśya phenaṃ taṃ viṣṇuratha vṛtraṃ vyanāśayat

Then he swiftly hurled that foam, together with the thunderbolt, at Vritra. Vishnu entered the foam and destroyed Vritra.

Verse 43 (5.10.43)

निहते तु ततो वृत्रे दिशो वितिमिराऽभवन् । प्रववौ च शिवो वायुः प्रजाश्च जहृषुस्तथा ॥

nihate tu tato vṛtre diśo vitimirā'bhavan | pravavau ca śivo vāyuḥ prajāśca jahṛṣustathā

When Vritra had been slain, the directions were freed of darkness, a gentle breeze blew, and all creatures rejoiced.

Verse 44 (5.10.44)

ततो देवाः सगन्धर्वा यक्षरक्षोमहोरगाः । ऋषयश्च महेन्द्रं तमस्तुवन्विविधैः स्तवैः ॥

tato devāḥ sagandharvā yakṣarakṣomahoragāḥ | ṛṣayaśca mahendraṃ tamastuvanvividhaiḥ stavaiḥ

Then the gods with the Gandharvas, Yakshas, Rakshasas and great serpents, and the sages too, praised great Indra with hymns of many kinds.

Verse 45 (5.10.45)

नमस्कृतः सर्वभूतैः सर्वभूतान्यसान्त्वयत् । हत्वा शत्रुं प्रहृष्टात्मा वासवः सह दैवतैः ॥

namaskṛtaḥ sarvabhūtaiḥ sarvabhūtānyasāntvayat | hatvā śatruṃ prahṛṣṭātmā vāsavaḥ saha daivataiḥ

Honoured by all beings, he comforted all beings. His enemy slain, Vasava, glad at heart, together with the gods

Note on the text: CE 5.10.41abcd.

Verse 46 (5.10.46)

विष्णुं त्रिभुवनश्रेष्ठं पूजयामास धर्मवित् । ततो हते महावीर्ये वृत्रे देवभयङ्करे ॥

viṣṇuṃ tribhuvanaśreṣṭhaṃ pūjayāmāsa dharmavit | tato hate mahāvīrye vṛtre devabhayaṅkare

worshipped Vishnu, the foremost in the three worlds, for he knew what dharma required. But once mighty Vritra, the terror of the gods, was dead,

Note on the text: The first line is CE 5.10.41ef and the second CE 5.10.42ab.

Verse 47 (5.10.47)

अनृतेनाभिभूतोऽभूच्छक्रः परमदुर्मनाः । त्रैशीर्षयाऽभिभूतश्च स पूर्वं ब्रह्महत्यया ॥

anṛtenābhibhūto'bhūcchakraḥ paramadurmanāḥ | traiśīrṣayā'bhibhūtaśca sa pūrvaṃ brahmahatyayā

Shakra was overcome by his falsehood and fell into deep dejection; and he was already overcome by the earlier sin of brahmin-slaying, for killing the three-headed one.

Note on the text: CE 5.10.42cdef.

Verse 48 (5.10.48)

महादेवस्य भूतैश्च स पुनर्ब्रह्महा इति । आक्रुष्टो निर्भयैर्भूयो व्रीडितो बलवृत्रहा ॥

mahādevasya bhūtaiśca sa punarbrahmahā iti | ākruṣṭo nirbhayairbhūyo vrīḍito balavṛtrahā

And the beings of Mahadeva fearlessly cried out at him again, "Brahmin-slayer!", so that the slayer of Bala and Vritra was put to shame.

Note on the text: Removed the stray wiki marks (` and ') around this verse. Not in the critical edition (found in the vulgate recension); the critical edition records it in its apparatus as 5.10.42f*0090.

Verse 49 (5.10.49)

सोऽन्तमाश्रित्य लोकानां नष्टसंज्ञो विचेतनः । न प्राज्ञायत देवेन्द्रस्त्वभिभूतः स्वकर्मभिः ॥

so'ntamāśritya lokānāṃ naṣṭasaṃjño vicetanaḥ | na prājñāyata devendrastvabhibhūtaḥ svakarmabhiḥ

Withdrawing to the edge of the worlds, senseless and bewildered, overwhelmed by his own deeds, the lord of the gods could no longer be found.

Note on the text: CE 5.10.43abcd (reading svakalmaṣaiḥ for स्वकर्मभिः).

Verse 50 (5.10.50)

प्रतिच्छन्नोऽवसच्चाप्सु चेष्टमान इवोरगः । ततः प्रनष्टे देवेन्द्रे ब्रह्महत्याभयार्दिते ॥

praticchanno'vasaccāpsu ceṣṭamāna ivoragaḥ | tataḥ pranaṣṭe devendre brahmahatyābhayārdite

He lived hidden in the waters, writhing like a serpent. And when the lord of the gods, tormented by fear of the sin of brahmin-slaying, had vanished,

Note on the text: Corrected ब्रह्महत्या भयार्दिते → ब्रह्महत्याभयार्दिते (misprint in Wikisource; a stray space splits the compound "tormented by fear of brahmin-slaying"; the critical edition reads brahmahatyābhayārdite). The first line is CE 5.10.43ef and the second CE 5.10.44ab.

Verse 51 (5.10.51)

भूमिः प्रध्वस्तसंकाशा निर्वृक्षा शुष्ककानना । विच्छिन्नस्रोतसो नद्यः सरांस्यनुदकानि च ॥

bhūmiḥ pradhvastasaṃkāśā nirvṛkṣā śuṣkakānanā | vicchinnasrotaso nadyaḥ sarāṃsyanudakāni ca

the earth looked ravaged, treeless, its forests withered; the rivers ceased to flow and the lakes were left without water.

Note on the text: CE 5.10.44cdef (the automatic alignment missed it).

Verse 52 (5.10.52)

संक्षोभश्चापि सत्त्वानामनावृष्टिकृतोऽभवत् । देवाश्चापि भृशं त्रस्तास्तथा सर्वे महर्षयः ॥

saṃkṣobhaścāpi sattvānāmanāvṛṣṭikṛto'bhavat | devāścāpi bhṛśaṃ trastāstathā sarve maharṣayaḥ

Living creatures were thrown into turmoil by the drought. The gods too were sorely afraid, and so were all the great seers.

Note on the text: Corrected सत्वानाम् → सत्त्वानाम् (misprint in Wikisource; sattva is spelt with त्त्व; the critical edition reads sattvānām).

Verse 53 (5.10.53)

अराजकं जगत्सर्वमभिभूतमुपद्रवैः । ततो भीताऽभवन्देवाः को नो राजा भवेदिति ॥

arājakaṃ jagatsarvamabhibhūtamupadravaiḥ | tato bhītā'bhavandevāḥ ko no rājā bhavediti

The whole world, without a king, was beset by calamities. Then the gods grew afraid, wondering, "Who will be our king?"

Verse 54 (5.10.54)

दिवि देवर्षयश्चापि देवराजविनाकृताः । न स्म कश्चन देवानां राज्ये वै कुरुते मतिम् ॥

divi devarṣayaścāpi devarājavinākṛtāḥ | na sma kaścana devānāṃ rājye vai kurute matim

In heaven, too, the divine seers were left without the king of the gods, and none of the gods set his mind on taking the kingship.