Hiranyapura, City of the Danavas

Verse 1 (5.100.1)

हिरण्यपुरमित्येतत्ख्यातं पुरवरं महत् । दैत्यानां दानवानां च मायाशतविचारिणाम् ॥

hiraṇyapuramityetatkhyātaṃ puravaraṃ mahat | daityānāṃ dānavānāṃ ca māyāśatavicāriṇām

This is the great and splendid city famed as Hiranyapura, belonging to the Daityas and Danavas, who move among a hundred arts of illusion.

Verse 2 (5.100.2)

अनल्पेन प्रयत्नेन निर्मितं विश्वकर्मणा । मयेन मनसा सृष्टं पातालतलमाश्रितम् ॥

analpena prayatnena nirmitaṃ viśvakarmaṇā | mayena manasā sṛṣṭaṃ pātālatalamāśritam

It was built with no small effort by Vishvakarman and conceived in mind by Maya; it lies in the depths of Patala.

Verse 3 (5.100.3)

अत्र मायासहस्राणि विकुर्वाणा महौजसः । दानवा निवसन्ति स्म शूरा दत्तवराः पुरा ॥

atra māyāsahasrāṇi vikurvāṇā mahaujasaḥ | dānavā nivasanti sma śūrā dattavarāḥ purā

Here dwelt Danavas of great might, working thousands of illusions — heroes who were granted boons long ago.

Note on the text: Corrected वविकुर्वाणा → विकुर्वाणा (misprint in Wikisource; doubled akshara, critical edition vikurvāṇā).

Verse 4 (5.100.4)

नैते शक्रेण नान्येन यमेन वरुणेन वा । शक्यन्ते वशमानेतुं तथैव धनदेन च ॥

naite śakreṇa nānyena yamena varuṇena vā | śakyante vaśamānetuṃ tathaiva dhanadena ca

Neither Shakra nor anyone else, neither Yama nor Varuna, nor Kubera the giver of wealth, can bring them under control.

Verse 5 (5.100.5)

असुराः कालखञ्जाश्च तथा विष्णुपदोद्भवाः । नैर्ऋता यातुधानाश्च ब्रह्मपादोद्भवाश्च ये ॥

asurāḥ kālakhañjāśca tathā viṣṇupadodbhavāḥ | nairṛtā yātudhānāśca brahmapādodbhavāśca ye

Asuras and Kalakhanjas, and those born of Vishnu's foot, Nairritas and Yatudhanas, and those born of Brahma's foot —

Note on the text: Corrected वुष्णुपदोद्भवाः → विष्णुपदोद्भवाः (misprint in Wikisource; ु for ि, critical edition viṣṇupadodbhavāḥ). Wikisource's ब्रह्मपादोद्भवाः (CE brahmavedodbhavāḥ) is kept.

Verse 6 (5.100.6)

दंष्ट्रिणो भीमवेगाश्च वातवेगपराक्रमाः । मायावीर्योपसंपन्ना निवसन्त्यत्र मातले ॥

daṃṣṭriṇo bhīmavegāśca vātavegaparākramāḥ | māyāvīryopasaṃpannā nivasantyatra mātale

fanged, terrible in their speed, with the swiftness and prowess of the wind, endowed with the power of illusion — these live here, Matali.

Note on the text: A variant of the critical edition's 5.98.6 (daṃṣṭriṇo bhīmarūpāś ca nivasanty ātmarakṣiṇaḥ / māyāvīryopasaṃpannā nivasanty ātmarakṣiṇaḥ), which the alignment left unmatched; Wikisource's reading is kept.

Verse 7 (5.100.7)

निवातकवचा नाम दानवा युद्धदुर्मदाः । जानासि च यथा शक्रो नैताञ्शक्रोति बाधितुं ॥

nivātakavacā nāma dānavā yuddhadurmadāḥ | jānāsi ca yathā śakro naitāñśakroti bādhituṃ

Here are the Danavas called Nivatakavachas, mad for battle; you know how even Shakra cannot get the better of them.

Verse 8 (5.100.8)

बहुशो मातले त्वं च तव पुत्रश्च गोमुखः । निर्भग्नो देवराजश्च सहपुत्रः शचीपतिः ॥

bahuśo mātale tvaṃ ca tava putraśca gomukhaḥ | nirbhagno devarājaśca sahaputraḥ śacīpatiḥ

Many times, Matali, you and your son Gomukha, and the king of the gods himself, Shachi's lord, together with his son, have been routed by them.

Verse 9 (5.100.9)

पश्य वेश्मानि रौक्माणि मातले राजतानि च । कर्मणा विधियुक्तेन युक्तान्युपगतानि च ॥

paśya veśmāni raukmāṇi mātale rājatāni ca | karmaṇā vidhiyuktena yuktānyupagatāni ca

See the houses of gold and of silver, Matali, built with craft according to rule, well made and fully furnished.

Verse 10 (5.100.10)

वैदूर्यमणिचित्राणि प्रवालरुचिराणि च । अर्कस्फटिकशुभ्राणि वज्रसारोज्ज्वलानि च ॥

vaidūryamaṇicitrāṇi pravālarucirāṇi ca | arkasphaṭikaśubhrāṇi vajrasārojjvalāni ca

Bright with beryl and jewels, lovely with coral, white as sun-crystal, blazing like the essence of diamond.

Note on the text: Corrected वज्रसारोञ्ज्वलानि → वज्रसारोज्ज्वलानि (misprint in Wikisource; ञ्ज for ज्ज in उज्ज्वल, critical edition vajrasārojjvalāni).

Verse 11 (5.100.11)

पार्थिवानीव चाभान्ति पद्मरागमयानि च । शैलानीव च दृश्यन्ते दारवाणीव चाप्युत ॥

pārthivānīva cābhānti padmarāgamayāni ca | śailānīva ca dṛśyante dāravāṇīva cāpyuta

Some shine as if made of earth, others of rubies; some look as if made of stone, and others as if of wood.

Note on the text: Corrected चाभास्ति → चाभान्ति (misprint in Wikisource; स्ति for न्ति, critical edition cābhānti; compare the next verse). Wikisource's पद्मरागमयानि and दारवाणीव (CE punar nagamayāni, tārakāṇīva) are kept.

Verse 12 (5.100.12)

सूर्यरूपाणि चाभान्ति दीप्ताग्निसदृशानि च । मणिजालविचित्राणि प्रांशूनि निबिडानि च ॥

sūryarūpāṇi cābhānti dīptāgnisadṛśāni ca | maṇijālavicitrāṇi prāṃśūni nibiḍāni ca

They shine like the sun and are like blazing fire; they are adorned with lattices of gems, lofty and close-set.

Verse 13 (5.100.13)

नैतानि शक्यं निर्देष्टुं रूपतो द्रव्यतस्तथा । गुणतश्चैव सिद्धानि प्रमाणगुणवन्ति च ॥

naitāni śakyaṃ nirdeṣṭuṃ rūpato dravyatastathā | guṇataścaiva siddhāni pramāṇaguṇavanti ca

They cannot be described by form or by material; they are perfect in quality and rich in proportion and every merit.

Note on the text: Corrected निर्देष्टु → निर्देष्टुं (misprint in Wikisource; dropped anusvara of the infinitive, critical edition nirdeṣṭuṃ).

Verse 14 (5.100.14)

आक्रीडान्पश्य दैत्यानां तथैव शयनान्युत । रत्नवन्ति महार्हाणि भाजनान्यासनानि च ॥

ākrīḍānpaśya daityānāṃ tathaiva śayanānyuta | ratnavanti mahārhāṇi bhājanānyāsanāni ca

See the pleasure-grounds of the Daityas, and their beds too, their costly jewelled vessels and their seats.

Verse 15 (5.100.15)

जलदाभांस्तथा शैलांस्तोयप्रस्रवणानि च । कामपुष्पफलांश्चापि पादपान्कामचारिणः ॥

jaladābhāṃstathā śailāṃstoyaprasravaṇāni ca | kāmapuṣpaphalāṃścāpi pādapānkāmacāriṇaḥ

And the mountains like clouds, the springs of water, and the trees that bear flowers and fruit at will and move about as they please.

Note on the text: Corrected कापचारिणः → कामचारिणः (misprint in Wikisource; प for म, critical edition kāmacāriṇaḥ).

Verse 16 (5.100.16)

मातले कश्चिदत्रापि रुचिरस्ते वरो भवेत् । अथवाऽन्यां दिशं भूमेर्गच्छाव यदि मन्यसे ॥

mātale kaścidatrāpi ruciraste varo bhavet | athavā'nyāṃ diśaṃ bhūmergacchāva yadi manyase

Matali, might some groom here be to your liking? Or else let us go to another quarter of the earth, if you think fit.

Verse 17 (5.100.17)

मातलिस्त्वब्रवीदेनं भाषमाणं तथाविधम् । देवर्षे नैव मे कार्यं विप्रियं त्रिदिवौकसाम् ॥

mātalistvabravīdenaṃ bhāṣamāṇaṃ tathāvidham | devarṣe naiva me kāryaṃ vipriyaṃ tridivaukasām

As he spoke in this way, Matali said to him: 'Divine seer, I must do nothing displeasing to the dwellers of heaven.'

Note on the text: Kanva resumes the narrative here (the critical edition heads 5.98.17 kaṇva uvāca); the input had carried Narada's heading on.

Verse 18 (5.100.18)

नित्यानुषक्तवैरा हि भ्रातरो देवदानवाः । परपक्षेण संबन्धं रोचयिष्याम्यहं कथम् ॥

nityānuṣaktavairā hi bhrātaro devadānavāḥ | parapakṣeṇa saṃbandhaṃ rocayiṣyāmyahaṃ katham

Gods and Danavas are brothers, yet ever locked in enmity. How could I welcome a marriage alliance with the other side?

Note on the text: Matali's speech; Wikisource prints no heading.

Verse 19 (5.100.19)

अन्यत्र साधु गच्छाव द्रष्टुं नार्हामि दानवान् । जानामि तव चात्मानं हिंसात्मकमनं तथा ॥

anyatra sādhu gacchāva draṣṭuṃ nārhāmi dānavān | jānāmi tava cātmānaṃ hiṃsātmakamanaṃ tathā

Better that we go elsewhere; it is not for me to look among the Danavas. And I know your nature too — how you relish strife.